Акафист Пресвятой Богородице пред иконой «Казанская»

Составитель: статский советник Николай Васильевич Елагин.

Одобрен: решение Св. Синода 8 декабря 1867 года № 2860.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 21 июля (08 июля ст. ст.)

Утвержден для общецерковного использования.

Конда́к 1.

Избра́нной от все́х родо́в Засту́пнице ро́да христиа́нскаго, покро́вом Своея́ бла́гости покрыва́ющей страну́ на́шу правосла́вную, благода́рственная пе́ния прино́сим Ти́, Богоро́дице, о явле́нии чу́дныя Твоея́ ико́ны. Ты́ же, я́ко Всеми́лостивая, все́х притека́ющих к Тебе́ Помо́щнице, заступа́й на́с во все́х ско́рбех и ну́ждах, беда́х и напа́стех, да зове́м Ти́:

Ра́дуйся, Засту́пнице усе́рдная ро́да христиа́нскаго.

И́кос 1.

А́нгел предста́тель по́слан бы́сть рещи́ Богоро́дице «Ра́дуйся», егда́ Бо́г Сло́во воплоща́шеся во утро́бе Ея́: и мы́, гре́шнии, прославля́юще явле́ние чу́дныя Ея́ ико́ны и Боже́ственнаго Младе́нца Спа́са Христа́, со умиле́нием вопие́м Благода́тней:

Ра́дуйся, Богоизбра́нная Отрокови́це; ра́дуйся, Ма́ти Бо́жия.

Ра́дуйся, Цари́це Небесе́ и земли́; ра́дуйся, све́тлое Це́ркве Небе́сныя и земны́я украше́ние.

Ра́дуйся, А́нгелы чти́мая; ра́дуйся, пева́емая от Серафи́м.

Ра́дуйся, све́тлое проро́ческое сбытие́; ра́дуйся, апо́столов похвало́.

Ра́дуйся, му́ченическое испове́дание; ра́дуйся, преподо́бных ве́нче.

Ра́дуйся, пра́ведных весе́лие; ра́дуйся, гре́шных упова́ние.

Ра́дуйся, Засту́пнице усе́рдная ро́да христиа́нскаго.

Конда́к 2.

Ви́дящи, Всенепоро́чная, с высоты́ Небе́снаго жили́ща Своего́, иде́же с Сы́ном Твои́м в сла́ве пребыва́еши, ско́рбь рабо́в Твои́х в новопросвеще́ннем гра́де, я́ко гне́внаго ра́ди Бо́жия посеще́ния ве́ра Христо́ва поруга́ема быва́ет ага́рянским злове́рием, благоволи́ла еси́ яви́ти ико́ну Свою́, чудесы́ ю́ прославля́ющи, да утвержда́емии зна́меньми Твоея́ благода́ти, христолюби́вии лю́дие ве́рно вопию́т Бо́гу: Аллилу́иа.

И́кос 2.

Разуме́ние трикра́тнаго явле́ния Богома́тере му́драя отрокови́ца и́щущи, тече́ ко власте́м, пове́дающи и́м ди́вное явле́ние и гро́зное преще́ние: мы́ же дивя́щеся свы́ше да́нному отрокови́це вразумле́нию, благогове́йно вопие́м к Преблагослове́нней:

Ра́дуйся, устна́ми чи́стыми хвалу́ Бо́гови соверша́ющая; ра́дуйся, та́йны благода́ти Бо́жия ве́рным открыва́ющая.

Ра́дуйся, неве́рных сумни́тельное слы́шание; ра́дуйся, ве́рных изве́стная похвало́.

Ра́дуйся, мо́лние, неве́рных устраша́ющая; ра́дуйся, сла́вою чуде́с Твои́х ве́рных ра́зум озаря́ющая.

Ра́дуйся, ага́рянскаго злове́рия обличе́ние; ра́дуйся, горды́ни и́х низложе́ние.

Ра́дуйся, ве́ры христиа́нския утвержде́ние; ра́дуйся, почита́ния святы́х ико́н освяще́ние.

Ра́дуйся, ско́рбь на́шу в ра́дость претворя́ющая; ра́дуйся, несумне́нною наде́ждою на́с увеселя́ющая.

Ра́дуйся, Засту́пнице усе́рдная ро́да христиа́нскаго.

Конда́к 3.

Си́ла Вы́шняго благода́тию Богома́тере умудри́ и укрепи́ отрокови́цу к иска́нию многоце́ннаго Бо́жия да́ра, и та́, с ве́рою дерза́ющи о Го́споде, приступи́ к труду́ и, скры́тое в земли́ обре́тши сокро́вище святы́я ико́ны Богома́тери, ра́достно возопи́ к Бо́гу: Аллилу́иа.

И́кос 3.

Име́ющи благоутро́бное промышле́ние о новопросвеще́нных лю́дех гра́да Каза́ни, от пречестны́я Твоея́ ико́ны то́ки чуде́с источи́ла еси́, Влады́чице, слепы́м теле́сныма очи́ма зре́ние подава́ющи, омраче́нных же душе́вно све́том богопозна́ния и благоче́стия озаря́ющи, де́вствующим под осене́нием Твоея́ ико́ны приста́нище небу́рное да́рующи. Сего́ ра́ди зове́м Ти́:

Ра́дуйся, явле́нием ико́ны Твоея́ тьму́ лю́тых обстоя́ний отгоня́ющая; ра́дуйся, луча́ми чуде́с все́х просвеща́ющая.

Ра́дуйся, слепы́х прозре́ние; ра́дуйся, омраче́нных смы́слом просвеще́ние.

Ра́дуйся, сла́во Правосла́вия; ра́дуйся, ти́хое приста́нище и́щущих спасе́ния.

Ра́дуйся, Ма́ти целому́дрия; ра́дуйся, покро́ве и огражде́ние де́вства.

Ра́дуйся, Е́юже ликовству́ет все́ мно́жество ве́рных; ра́дуйся, Ея́же ра́ди рыда́ет де́монское по́лчище.

Ра́дуйся, все́х христиа́н вожделе́нная Помо́щнице; ра́дуйся, все́х скорбя́щих Ра́досте.

Ра́дуйся, Засту́пнице усе́рдная ро́да христиа́нскаго.

Конда́к 4.

Бу́рю смяте́ний и крамо́лы врага́ми воздви́гнутую в стране́ на́шей утоли́ти тща́щься блаже́нный Ермоге́н, списа́тель чуде́с Твоея́, Богома́ти, ико́ны, сле́зно пред не́ю моля́шеся и, ви́дев, я́ко во́инству правосла́вному в щи́т и побе́дное зна́мение Твоя́ ико́на дарова́ся, ве́рою укрепля́емый до конца́ живота́ своего́, вопия́ше Бо́гу: Аллилу́иа.

И́кос 4.

Слы́шавше правосла́внии во́ини открове́нную Преподо́бным Се́ргием святи́телю Арсе́нию та́йну, я́ко предста́тельством Богома́тере су́д об Оте́честве на́шем преложе́н на ми́лость, ико́ну Богома́терню, я́ко зна́мя побе́дное, прии́мше, исхити́ша ма́терь градо́в ру́сских из ру́к супоста́т и возопи́ша Засту́пнице христиа́н:

Ра́дуйся, Ма́ти Бо́га Вы́шняго; ра́дуйся, я́ко за все́х мо́лиши Сы́на Твоего́, Христа́ Бо́га на́шего.

Ра́дуйся, я́ко все́м твори́ши спасти́ся в держа́вный Тво́й покро́в прибега́ющим; ра́дуйся, Засту́пнице все́х су́щих в ско́рбех и боле́знех.

Ра́дуйся, все́м моля́щимся сокруше́нным се́рдцем пред пречи́стым Твои́м о́бразом поле́зная да́рующая; ра́дуйся, избавле́ние зо́л все́м, невозвра́тно наде́жду иму́щим на Тя́.

Ра́дуйся, ти́хое и до́брое приста́нище; ра́дуйся, ско́рая Помо́щнице.

Ра́дуйся, гото́вый и те́плый покро́ве спасе́ния; ра́дуйся, источа́ющая на́м неоску́дныя ми́лости.

Ра́дуйся, предваря́ющая на по́мощь; ра́дуйся, избавля́ющая от все́х бе́д.

Ра́дуйся, Засту́пнице усе́рдная ро́да христиа́нскаго.

Конда́к 5.

Боготе́чная звезда́ яви́ся Твоя́, Богома́ти, ико́на, всю́ страну́ Росси́йскую обтека́ющая, луча́ми чуде́с Твои́х осиява́ющая все́х блужда́ющих по мо́рю стра́стнаго жития́, мра́к печа́лей и мглу́ вся́ких неду́г и скорбе́й прогоня́ющая и наставля́ющая на пу́ть спасе́ния с ве́рою к Тебе́ притека́ющих и вопию́щих к Бо́гу: Аллилу́иа.

И́кос 5.

Ви́дев ца́рь Пе́тр, я́ко от святы́я ико́ны Богома́терни благода́тию Бо́жиею содева́ются мно́гия чудеса́, прие́млет ю́ в путеводи́тельницу во́инству своему́ и в де́нь бра́ни на све́ев в щи́т и покро́в, и победи́в до конца́ врага́ с по́мощию Богома́тере, те́м ка́мень соверше́нный во основа́ние но́ваго ца́рствующего гра́да положи́, ико́ну же Твою́ чу́дную, я́ко освяще́ние, я́ко щи́т и огражде́ние, в се́рдце гра́да поста́ви. Сего́ ра́ди вопие́м Пречи́стей:

Ра́дуйся, жили́ще и до́ме Христа́ Бо́га на́шего; ра́дуйся, вмести́лище неизрече́нныя Его́ сла́вы.

Ра́дуйся, гра́де одушевле́нный, при́сно ца́рствующий; ра́дуйся, пала́то преукраше́нная.

Ра́дуйся, Ра́досте градо́в и ве́сей; ра́дуйся, непобеди́мое христиа́н в беда́х храни́лище и предгра́дие.

Ра́дуйся, Це́ркве Правосла́вныя похвало́; ра́дуйся, Ру́сской земли́ утвержде́ние.

Ра́дуйся, христолюби́ваго во́инства Помо́щнице; ра́дуйся, враго́в одоле́ние.

Ра́дуйся, от бе́д избавле́ние; ра́дуйся, Ма́терними Твои́ми щедро́тами все́х посеща́ющая.

Ра́дуйся, Засту́пнице усе́рдная ро́да христиа́нскаго.

Конда́к 6.

Предстоя́ще пред пречи́стым Твои́м о́бразом архиере́ев сосло́вии и вси́ лю́дие, мона́си и мирсти́и, пропове́дуют, Госпоже́ Богороди́тельнице, вели́кия Твоя́ ми́лости, я́ко гра́ды огражда́еши, оби́тели покрыва́еши, ве́си защища́еши, и, ве́дуще Тя́ вои́стинну Помо́щницу си́льну и непобеди́му, со слеза́ми прино́сят Ти́ моли́твы, да простре́ши к Сы́ну Твоему́ Богоно́сныя ру́ки за лю́ди Твоя́, во е́же изба́вити на́с от все́х бе́д и напа́стей, да благода́рне вопие́м Бо́гу: Аллилу́иа.

И́кос 6.

Возсия́вши просвеще́ние и́стинное и отгна́вши дре́вле ле́сть ага́рянскую во новопросвеще́нней стране́ Каза́нской, ны́не во все́х гра́дех росси́йских све́тиши све́том чуде́с и ми́лостей: притека́ющий бо с ве́рою ко Твое́й ико́не цельбоно́сней скорбе́й избавле́ние, неду́гов исцеле́ние и ра́дости вся́кия исполне́ния прие́млют, вопию́ще Тебе́ усе́рдно:

Ра́дуйся, неистощи́мый исто́чниче святы́ни; ра́дуйся, многотеку́щая реко́ Боже́ственная благода́ти.

Ра́дуйся, гре́шных с Бо́гом примире́ние; ра́дуйся, грехо́в на́ших очище́ние.

Ра́дуйся, благоче́стия Наста́внице; ра́дуйся, в до́брых де́лех утвержде́ние и по́моще.

Ра́дуйся, до́брыя обе́ты прие́млющая; ра́дуйся, благи́м наме́рением спосо́бствующая.

Ра́дуйся, злы́я начина́ния разруша́ющая; ра́дуйся, вра́жия ко́зни расторга́ющая.

Ра́дуйся, ско́рая челове́ком Помо́щнице; ра́дуйся, ми́лость сугу́бо на́м подаю́щая.

Ра́дуйся, Засту́пнице усе́рдная ро́да христиа́нскаго.

Конда́к 7.

Хотя́щу наро́ду правосла́вному испове́дати ми́лости Преблагослове́нныя Цари́цы Не́ба и земли́ и по си́ле благода́рственная принести́ о избавле́нии его́ от наше́ствия иноплеме́нных, ди́вному хра́му, созда́нному в че́сть пречу́дныя ико́ны, побе́дная в да́р принесе́, да вси́ па́мятующе ми́лость Богома́тере, спа́сшия гра́д се́й и страну́, вы́ну воспева́ют Бо́гу благода́рными усты́: Аллилу́иа.

И́кос 7.

Сто́льному гра́ду Росси́и свята́я ико́на Твоя́, Богома́ти, вои́стинну яви́ся блага́я Одиги́трия, я́коже дре́вле Царегра́ду: к Тебе́ бо прибега́ют лю́дие, по́мощи Твоея́ на нача́ло пути́ и де́л свои́х прося́ще и благода́рственная принося́ще моле́ния пред пречи́стою ико́ною Твое́ю за избавле́ние от скорбе́й и напа́стей, Тебе́ Помо́щницу и Засту́пницу кре́пкую ве́дают. Те́мже благода́рственно вопие́м Ти́:

Ра́дуйся, Росси́йския страны́ покро́ве; ра́дуйся, Правосла́вия в не́й огражде́ние и утвержде́ние.

Ра́дуйся, несокруши́мый щи́те во́инов на́ших; ра́дуйся, броне́ и́х неуязви́мая.

Ра́дуйся, ко́зни враго́в облича́ющая; ра́дуйся, я́ко паучи́ну и́х растерза́ющая.

Ра́дуйся, нече́стия обличе́ние; ра́дуйся, крамо́лы разруше́ние.

Ра́дуйся, ю́ных от заблужде́ний исправле́ние; ра́дуйся, ста́рцев утеше́ние.

Ра́дуйся, душевре́дных уче́ний низложе́ние; ра́дуйся, душеполе́зных зна́ний дарова́ние.

Ра́дуйся, Засту́пнице усе́рдная ро́да христиа́нскаго.

Конда́к 8.

Стра́нно и сумни́тельно неве́рующим слу́шати, ка́ко от ико́ны Твоея́ то́ки благода́ти истека́ют, воня́ живо́тная благоуха́ет: мы́ же, ве́рующе сло́ву, рече́нному Тобо́й, Влады́чице, к первонапи́санней ико́не: «С тобо́й Моя́ благода́ть и си́ла», упова́ем, я́ко и с се́ю ико́ною благода́ть Твоя́ вы́ну: те́мже благогове́йно предстоя́ще лобыза́ем ю́, поклоня́емся е́й, я́ко Тебе́ Саме́й су́щей, че́сть бо ико́ны на первообра́зное восхо́дит, и Твоя́ благода́ть се́ю ико́ною зна́мения и чудеса́ содева́ет все́м с ве́рою притека́ющим к Тебе́ и вопию́щим Бо́гу: Аллилу́иа.

И́кос 8.

Вся́ бы́вши горе́, к Небе́сным взя́та, и земны́х не оставля́еши, Богома́ти, свяще́нным Твои́м предста́тельством: и́маши бо ма́тернее дерзнове́ние ко Христу́ Бо́гу на́шему. Те́мже утверди́ в ми́ре глубо́це правосла́вных житие́ и вся́ поле́зная всегда́ да́руй рабо́м Твои́м, да велича́юще воспева́ем Ти́:

Ра́дуйся, Невмести́маго вмести́лище; ра́дуйся, осене́нная си́лою Вы́шняго.

Ра́дуйся, прозя́бшая Кла́с Небе́сный; ра́дуйся, ми́р ве́сь душепа́губнаго гла́да изба́вльшая.

Ра́дуйся, вы́ну хода́тайствующая за ро́д на́ш; ра́дуйся, я́ко мно́го мо́жет моли́тва Твоя́ пред Сы́ном Твои́м и Бо́гом.

Ра́дуйся, все́х на́с при Кресте́ Сы́на Твоего́ усынови́вшая; ра́дуйся, всегда́ Ма́тернюю любо́вь к на́м явля́ющая.

Ра́дуйся, Хода́таице ве́чных бла́г; ра́дуйся, и во вре́менней жи́зни поле́зная на́м подаю́щая.

Ра́дуйся, изве́стное прибе́жище на́ше во все́х ско́рбных обстоя́ниих; ра́дуйся, несомне́нное утеше́ние в печа́лех.

Ра́дуйся, Засту́пнице усе́рдная ро́да христиа́нскаго.

Конда́к 9.

Вся́каго естества́ а́нгельскаго превы́шшая яви́лася еси́, Пресвята́я Де́во: Бо́га бо зачала́ еси́ пло́тию, Невмести́маго все́ми вмести́ла еси́ во утро́бе Твое́й, на рука́х носи́ла еси́ Нося́щаго ве́сь ми́р дла́нию: те́мже, я́ко Честне́йшую Херуви́м и Сла́внейшую без сравне́ния Серафи́м велича́юще Тя́, вопие́м о Тебе́ Бо́гу: Аллилу́иа.

И́кос 9.

Вити́я многовеща́нныя, я́ко ры́бы безгла́сныя, ви́дим о Тебе́, Богоро́дице: недоуме́ет бо вся́к язы́к благохвали́ти Тя́ по достоя́нию, изумева́ет у́м пе́ти Тя́, Богоро́дице; оба́че Блага́я су́щи, приими́ и от на́с арха́нгельский гла́с, Тебе́ вопию́щих:

Ра́дуйся, Благода́тная; ра́дуйся, я́ко Госпо́дь с Тобо́ю.

Ра́дуйся, Благослове́нная в жена́х; ра́дуйся, обре́тшая благода́ть у Бо́га.

Ра́дуйся, роди́вшая Спаси́теля ми́ру; ра́дуйся, Ма́ти Сы́на Бо́жия.

Ра́дуйся, Роди́тельнице Ве́чнаго Царя́; ра́дуйся, израсти́вшая на́м пло́д живота́.

Ра́дуйся, освяще́нная Ду́хом Святы́м; ра́дуйся, осене́нная си́лою Всевы́шняго.

Ра́дуйся, ве́рная Рабо́ Госпо́дня; ра́дуйся, я́ко Тя́ блажа́т вси́ ро́ди.

Ра́дуйся, Засту́пнице усе́рдная ро́да христиа́нскаго.

Конда́к 10.

Спасти́ хотя́щи мно́гия от находя́щих зо́л, скорбе́й и боле́зней, чу́дную ико́ну Твою́, Богома́ти, дарова́ла еси́, ея́же ра́ди слепи́и прозира́ют, хроми́и хо́дят, разсла́бленнии возстаю́т, бесну́ющиися исцеля́ются, земли́ плодоно́сие подае́тся, лю́дие от смертоно́сныя я́звы избавля́ются, гра́ды и до́мы от огня́ спаса́ются: те́мже прославля́юще Бо́га, даю́щаго на́м таковы́я ми́лости, вопие́м Ему́ усе́рдно: Аллилу́иа.

И́кос 10

Стена́ еси́, Богоро́дице, стране́ Росси́йстей, гра́дом огражде́ние и сла́ва, правосла́вному во́инству на враги́ укрепле́ние. Те́мже, благодаря́ще Тя́, вопие́м:

Ра́дуйся, прославля́ющих Тя́ прославля́ющая; ра́дуйся, не чту́щих Тя́ посрамля́ющая.

Ра́дуйся, враго́в устраше́ние; ра́дуйся, от наше́ствия иноплеме́нных избавле́ние.

Ра́дуйся, во́инов кре́посте; ра́дуйся, в дни́ бра́ни забра́ло и огражде́ние.

Ра́дуйся, в дни́ ми́ра живоно́сный са́де, увеселя́ющий сердца́ ве́рных; ра́дуйся, ору́жие, его́же трепе́щут де́мони.

Ра́дуйся, спаси́тельный еле́й, умаща́ющий грехо́вныя ра́ны ка́ющихся; ра́дуйся, те́плое на́ше упова́ние.

Ра́дуйся, несумне́нная на́ша Наде́ждо; ра́дуйся, ти́хое и до́брое приста́нище.

Ра́дуйся, Засту́пнице усе́рдная ро́да христиа́нскаго.

Конда́к 11.

Пе́ние хвале́бное и благода́рственное прино́сят Тебе́, Влады́чице, припа́дающе ко ико́не Твое́й и любе́зно лобыза́юще ю́, де́в ли́цы, под держа́вным покро́вом Твои́м ти́хое и ми́рное и́ноческое житие́ провожда́ющии, и возложи́вше на Тя́ все́ упова́ние, ра́достно вопию́т Бо́гу: Аллилу́иа.

И́кос 11.

Я́ко светоприе́мную свещу́, зри́м Твою́ честну́ю ико́ну, Пресвята́я Влады́чице: та́ бо невеще́ственный о́гнь благода́ти Твоея́ восприе́мши, и в подо́биих ея́ но́вы возжига́ет свети́льники, прича́стны тоя́жде си́лы благода́тныя, и озаря́ет чудесы́, наставля́ющи на пу́ть спасе́ния все́х вопию́щих Ти́ си́це:

Ра́дуйся, Неве́сто Неневе́стная; ра́дуйся, Богоизбра́нная Отрокови́це, Ма́ти Де́во.

Ра́дуйся, до́брая Наста́внице непоро́чнаго де́вства; ра́дуйся, Храни́тельнице ревну́ющих о чистоте́.

Ра́дуйся, же́н похвало́; ра́дуйся, де́в велича́ние.

Ра́дуйся, вдо́в заступле́ние; ра́дуйся, сиро́т призре́ние.

Ра́дуйся, ни́щих Пита́тельнице; ра́дуйся, наги́х одея́ние.

Ра́дуйся, печа́льных утеше́ние; ра́дуйся, скорбя́щих весе́лие.

Ра́дуйся, Засту́пнице усе́рдная ро́да христиа́нскаго.

Конда́к 12.

Благода́ть да́ти восхоте́вши почита́ющим Тя́ с любо́вию, Богороди́тельнице, прису́щего Ти́ си́лу благода́тную оста́вила еси́ во святы́х Твои́х ико́нах, и́бо Боже́ственная благода́ть, спребыва́ющи те́м (ико́нам), зна́мения и чудеса́ вы́ну содева́ет и душе́вных и теле́сных неду́г исцеле́ние все́м с ве́рою приходя́щим подае́т Твои́ми Богома́терними непреста́нными к Бо́гу моли́твами о вопию́щих Ему́: Аллилу́иа.

И́кос 12.

Пою́ще Твоя́ чудеса́, бы́вшая в дре́вняя и настоя́щая времена́, хва́лим Тя́, я́ко Живоно́сный Исто́чник благода́ти, я́ко неистощи́мую реку́ чуде́с, я́ко бе́здну ми́лости и щедро́т, и все́ упова́ние по Бо́зе возлага́юще на Тя́ и в се́й и в бу́дущей жи́зни, прославля́юще Тя́, вопие́м:

Ра́дуйся, христиа́н непосты́дное упова́ние; ра́дуйся, ве́рных спаси́тельное прибе́жище.

Ра́дуйся, ненаде́жных наде́яние; ра́дуйся, отча́янных спасе́ние.

Ра́дуйся, ба́не, омыва́ющая со́весть; ра́дуйся, росо́, оживля́ющая ду́ши.

Ра́дуйся, боле́зней врачевство́ ско́рое и безме́здное; ра́дуйся, от все́х бе́д бы́строе избавле́ние.

Ра́дуйся, Уте́шительнице во вся́кой ско́рби; ра́дуйся, из глубины́ поги́бели спаса́ющая.

Ра́дуйся, отра́до в де́нь сме́рти; ра́дуйся, еди́ная Наде́ждо и по сме́рти.

Ра́дуйся, Засту́пнице усе́рдная ро́да христиа́нскаго.

Конда́к 13.

О Всепе́тая Ма́ти, ро́ждшая все́х святы́х Святе́йшее Сло́во, приими́ ны́не ма́лое сие́ моле́ние и, вели́чия ра́ди бла́гости Твоея́ и бе́здны щедро́т Твои́х, не помяни́ мно́жества грехо́в на́ших, но испо́лни во благи́х проше́ния на́ша, подава́ющи те́лу здра́вие, ду́ши спасе́ние, избавля́ющи от вся́кия ну́жды и печа́ли и Ца́рствия Небе́снаго насле́дники сотворя́ющи все́х ве́рно вопию́щих Бо́гу: Аллилу́иа.

Этот конда́к читается трижды, затем икос 1-й и конда́к 1-й.

Моли́тва пе́рвая.

О Пресвята́я Госпоже́ Влады́чице Богоро́дице! Со стра́хом, ве́рою и любо́вию припа́дающе пред честно́ю ико́ною Твое́ю, мо́лим Тя́: не отврати́ лица́ Твоего́ от прибега́ющих к Тебе́, умоли́ милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь Свою́ Святу́ю да незы́блему соблюде́т от неве́рия, ересе́й и раско́ла. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты́ еси́ Всеси́льная христиа́н Помо́щница и Засту́пница. Изба́ви все́х с ве́рою Тебе́ моля́щихся от паде́ний грехо́вных, от наве́та злы́х челове́к, от вся́ких искуше́ний, скорбе́й, бе́д и от напра́сныя сме́рти: да́руй на́м ду́х сокруше́ния, смире́ние се́рдца, чистоту́ помышле́ний, исправле́ние грехо́вныя жи́зни и оставле́ние прегреше́ний, да вси́ благода́рне воспева́юще вели́чия Твоя́, сподо́бимся Небе́снаго Ца́рствия и та́мо со все́ми святы́ми просла́вим Пречестно́е и Великоле́пое И́мя Отца́ и Сы́на и Свята́го Ду́ха. Ами́нь.

Моли́тва втора́я.

О, Пресвята́я Влады́чице Богоро́дице, Цари́це Небеси́ и земли́, вы́шшая а́нгел и арха́нгел и всея́ тва́ри честне́йшая, чи́стая Де́во Мари́е, ми́ру блага́я Помо́щнице, и все́м лю́дем утвержде́ние, и во вся́ких ну́ждах избавле́ние! При́зри и ны́не, Госпоже́ Всеми́лостивая, на рабы́ Твоя́, Тебе́ умиле́нною душе́ю и сокруше́нным се́рдцем моля́щияся, со слеза́ми к Тебе́ припа́дающия и покланя́ющияся пречи́стому и цельбоно́сному о́бразу Твоему́, и по́мощи и заступле́ния Твоего́ прося́щия. О, Всеми́лостивая и Премилосе́рдая Де́во Богоро́дице Чи́стая! Воззри́, Госпоже́, на лю́ди Твоя́: мы́ бо гре́шнии не и́мамы ины́я по́мощи, ра́зве Тебе́ и от Тебе́ ро́ждшагося Христа́ Бо́га на́шего. Ты́ еси́ засту́пница и предста́тельница на́ша. Ты́ еси́ оби́димых защище́ние, скорбя́щим ра́дование, си́рым прибе́жище, вдо́вам храни́тельница, де́вам сла́ва, пла́чущим весе́лие, больны́м посеще́ние, немощны́м исцеле́ние, гре́шным спасе́ние, Сего́ ра́ди, о Богома́ти, к Тебе́ прибега́ем, и на Тво́й Пречи́стый о́браз с Предве́чным на руку́ Твое́ю держи́мым Младе́нцем, Го́сподем на́шим Иису́сом Христо́м взира́юще, умиле́нное пе́ние Тебе́ прино́сим и вопие́м: поми́луй на́с, Ма́ти Бо́жия, и проше́ние на́ше испо́лни, вся́ бо су́ть возмо́жна хода́тайству Твоему́: я́ко Тебе́ сла́ва подоба́ет ны́не и при́сно и во ве́ки веко́в. Ами́нь.

А҆ка́ѳїстъ прест҃ѣ́й бцⷣѣ, ꙗ҆вле́нїѧ ра́ди чꙋдотво́рныѧ є҆ѧ̀ і҆кѡ́ны каза́нскїѧ.

Конда́къ а҃.

И҆збра́ннѣй ѿ всѣ́хъ родѡ́въ застꙋ́пницѣ ро́да хрⷭ҇тїа́нскагѡ, покро́вомъ своеѧ̀ бл҃гости покрыва́ющей странꙋ̀ на́шꙋ правосла́внꙋю, благода́рствєннаѧ пѣ̑нїѧ прино́симъ тѝ, бцⷣе, ѡ҆ ꙗ҆вле́нїи чꙋ́дныѧ твоеѧ̀ і҆кѡ́ны. Ты́ же, ꙗ҆́кѡ всемлⷭ҇тиваѧ всѣ́хъ притека́ющихъ къ тебѣ̀ помо́щнице, застꙋпа́й на́съ во всѣ́хъ ско́рбехъ и҆ нꙋ́ждахъ, бѣда́хъ и҆ напа́стехъ, да зове́мъ тѝ:

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

І҆́косъ а҃.

А҆́гг҃лъ предста́тель по́сланъ бы́сть рещѝ бцⷣѣ: ра́дꙋйсѧ, є҆гда̀ бг҃ъ сло́во воплоща́шесѧ во ᲂу҆тро́бѣ є҆ѧ̀: и҆ мы̀ грѣ́шнїи, прославлѧ́юще ꙗ҆вле́нїе чꙋ́дныѧ є҆ѧ̀ і҆кѡ́ны и҆ бжⷭ҇твеннаго млⷣнца сп҃са хрⷭ҇та̀, со ᲂу҆миле́нїемъ вопїе́мъ бл҃года́тнѣй:

Ра́дꙋйсѧ, бг҃оизбра́ннаѧ ѻ҆трокови́це: ра́дꙋйсѧ, мт҃и бж҃їѧ.

Ра́дꙋйсѧ, цр҃и́це небесѐ и҆ землѝ: ра́дꙋйсѧ, свѣ́тлое цр҃кве нбⷭ҇ныѧ и҆ земны́ѧ ᲂу҆краше́нїе.

Ра́дꙋйсѧ, а҆́гг҃лы чти́маѧ: ра́дꙋйсѧ, пѣва́емаѧ ѿ серафі̑мъ.

Ра́дꙋйсѧ, свѣ́тлое прⷪ҇ро́ческое сбытїѐ: ра́дꙋйсѧ, а҆пⷭ҇лѡвъ похвало̀.

Ра́дꙋйсѧ, мч҃нческое и҆сповѣ́данїе: ра́дꙋйсѧ, прпⷣбныхъ вѣ́нче.

Ра́дꙋйсѧ, првⷣныхъ весе́лїе: ра́дꙋйсѧ, грѣ́шныхъ ᲂу҆пова́нїе.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ в҃.

Ви́дѧщи, всенепоро́чнаѧ, съ высоты̀ нбⷭ҇нагѡ жили́ща своегѡ̀, и҆дѣ́же съ сн҃омъ твои́мъ въ сла́вѣ пребыва́еши, ско́рбь рабѡ́въ твои́хъ въ новопросвѣще́ннѣмъ гра́дѣ, ꙗ҆́кѡ гнѣ́внагѡ ра́ди бж҃їѧ посѣще́нїѧ вѣ́ра хрⷭ҇то́ва порꙋга́ема быва́етъ а҆га́рѧнскимъ ѕловѣ́рїемъ, бл҃говоли́ла є҆сѝ ꙗ҆ви́ти і҆кѡ́нꙋ свою̀, чꙋдесы̀ ю҆̀ прославлѧ́ющи, да ᲂу҆твержда́емїи зна́менїѧми твоеѧ̀ блгⷣти, хрⷭ҇толюби́вїи лю́дїе вѣ́рнѡ вопїю́тъ бг҃ꙋ: А҆ллилꙋ́їа.

І҆́косъ в҃.

Ра́зꙋмъ трикра́тнагѡ ꙗ҆вле́нїѧ бг҃омт҃ре мꙋ́драѧ ѻ҆трокови́ца разꙋмѣ́ти и҆́щꙋщи, течѐ ко власте́мъ, повѣ́дающи и҆̀мъ ди́вное ꙗ҆вле́нїе и҆ гро́зное преще́нїе: мы́ же, дивѧ́щесѧ свы́ше да́нномꙋ ѻ҆трокови́цѣ вразꙋмле́нїю, бл҃гоговѣ́йнѡ вопїе́мъ къ преблгⷭ҇ве́ннѣй:

Ра́дꙋйсѧ, ᲂу҆стна́ми дѣте́й хвалꙋ̀ бг҃ови соверша́ющаѧ: ра́дꙋйсѧ, та̑йны блгⷣти бж҃їѧ ю҆́нымъ ѿкрыва́ющаѧ.

Ра́дꙋйсѧ, невѣ́рныхъ сꙋмни́телное слы́шанїе: ра́дꙋйсѧ, вѣ́рныхъ и҆звѣ́стнаѧ похвало̀.

Ра́дꙋйсѧ, мо́лнїе, невѣ́рныхъ ᲂу҆страша́ющаѧ: ра́дꙋйсѧ, сла́вою чꙋде́съ твои́хъ вѣ́рныхъ смы́слы ѡ҆зарѧ́ющаѧ.

Ра́дꙋйсѧ, а҆га́рѧнскагѡ ѕловѣ́рїѧ ѡ҆бличе́нїе: ра́дꙋйсѧ, горды́ни и҆́хъ низложе́нїе.

Ра́дꙋйсѧ, вѣ́ры хрⷭ҇тїа́нскїѧ ᲂу҆твержде́нїе: ра́дꙋйсѧ, почита́нїѧ ст҃ы́хъ і҆кѡ́нъ ѡ҆сщ҃е́нїе.

Ра́дꙋйсѧ, ско́рбь на́шꙋ въ ра́дость претворѧ́ющаѧ: ра́дꙋйсѧ, несꙋмнѣ́нною наде́ждою на́съ ᲂу҆веселѧ́ющаѧ.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ г҃.

Си́ла вы́шнѧгѡ блгⷣтїю бг҃омт҃ре ᲂу҆мꙋдрѝ и҆ ᲂу҆крѣпѝ ѻ҆трокови́цꙋ къ и҆ска́нїю многоцѣ́ннагѡ бж҃їѧ да́ра, и҆ та̀ съ вѣ́рою дерза́ющи ѡ҆ гдⷭ҇ѣ, пристꙋпѝ къ трꙋдꙋ̀, и҆ скры́тое въ землѝ ѡ҆брѣ́тши сокро́вище ст҃ы́ѧ і҆кѡ́ны бг҃омт҃рни, ра́достнѡ возопѝ къ бг҃ꙋ: А҆ллилꙋ́їа.

І҆́косъ г҃.

И҆мѣ́ющи бл҃гоꙋтро́бное промышле́нїе ѡ҆ новопросвѣще́нныхъ лю́дехъ гра́да каза́ни, ѿ пречⷭ҇тны́ѧ твоеѧ̀ і҆кѡ́ны то́ки чꙋде́съ и҆сточи́ла є҆сѝ, влⷣчце, слѣпы̑мъ тѣле́сныма ѻ҆чи́ма зрѣ́нїе подава́ющи, ѡ҆мраче́нныхъ же дꙋше́внѡ свѣ́томъ бг҃опозна́нїѧ и҆ бл҃гоче́стїѧ ѡ҆зарѧ́ющи, дѣ́вствꙋющымъ под̾ ѡ҆сѣне́нїемъ твоеѧ̀ і҆кѡ́ны приста́нище небꙋ́рное да́рꙋющи. Сегѡ̀ ра́ди зове́мъ тѝ:

Ра́дꙋйсѧ, ꙗ҆вле́нїемъ і҆кѡ́ны твоеѧ̀ тмꙋ̀ лю́тыхъ ѡ҆бстоѧ́нїй ѿгонѧ́ющаѧ: ра́дꙋйсѧ, лꙋча́ми чꙋде́съ всѣ́хъ просвѣща́ющаѧ.

Ра́дꙋйсѧ, слѣпы́хъ прозрѣ́нїе: ра́дꙋйсѧ, ѡ҆мраче́нныхъ смы́сломъ просвѣще́нїе.

Ра́дꙋйсѧ, сла́во правосла́вїѧ: ра́дꙋйсѧ, ти́хое приста́нище и҆́щꙋщихъ спⷭ҇нїѧ.

Ра́дꙋйсѧ, мт҃и цѣломⷣрїѧ: ра́дꙋйсѧ, покро́ве и҆ ѡ҆гражде́нїе дѣ́вства.

Ра́дꙋйсѧ, є҆́юже ликовствꙋ́етъ всѐ мно́жество вѣ́рныхъ: ра́дꙋйсѧ, є҆ѧ́же ра́ди рыда́етъ де́монское по́лчище.

Ра́дꙋйсѧ, всѣ́хъ хрⷭ҇тїа́нъ вожделѣ́ннаѧ помо́щнице: ра́дꙋйсѧ, всѣ́хъ скорбѧ́щихъ ра́досте.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ д҃.

Бꙋ́рю смѧте́нїй и҆ крамо́лы врага́ми воздви́гнꙋтꙋю въ странѣ̀ на́шей ᲂу҆толи́ти тща́щьсѧ бл҃же́нный гермоге́нъ, списа́тель чꙋде́съ твоеѧ̀, бг҃омт҃и, і҆кѡ́ны, сле́знѡ пред̾ не́ю молѧ́шесѧ, и҆ ви́дѣвъ, ꙗ҆́кѡ во́инствꙋ правосла́вномꙋ въ щи́тъ и҆ побѣ́дное зна́менїе твоѧ̀ і҆кѡ́на дарова́сѧ, вѣ́рою ᲂу҆крѣплѧ́емый до конца̀ живота̀ своегѡ̀ вопїѧ́ше бг҃ꙋ: А҆ллилꙋ́їа.

І҆́косъ д҃.

Слы́шавше правосла́внїи во́ини ѿкрове́ннꙋю прпⷣбнымъ се́ргїемъ ст҃и́телю а҆рсе́нїю та́йнꙋ, ꙗ҆́кѡ предста́телствомъ бг҃омт҃ре сꙋ́дъ ѡ҆б̾ ѻ҆те́чествѣ на́шемъ преложе́нъ на млⷭ҇ть, і҆кѡ́нꙋ бг҃омт҃рню, ꙗ҆́кѡ зна́мѧ побѣ́дное прїи́мше, и҆схи́тиша ма́терь градѡ́въ рꙋ́сскихъ и҆з̾ рꙋ́къ сꙋпоста̑тъ и҆ возопи́ша застꙋ́пницѣ хрⷭ҇тїа́нъ:

Ра́дꙋйсѧ, мт҃и бг҃а вы́шнѧгѡ: ра́дꙋйсѧ, ꙗ҆́кѡ за всѣ́хъ мо́лиши сн҃а твоего̀, хрⷭ҇та̀ бг҃а на́шего.

Ра́дꙋйсѧ, ꙗ҆́кѡ всѣ̑мъ твори́ши спⷭ҇ти́сѧ въ держа́вный тво́й покро́въ прибѣга́ющымъ: ра́дꙋйсѧ, застꙋ́пнице всѣ́хъ сꙋ́щихъ въ ско́рбехъ и҆ болѣ́знехъ.

Ра́дꙋйсѧ, всѣ̑мъ молѧ́щымсѧ сокрꙋше́ннымъ се́рдцемъ пред̾ пречⷭ҇тымъ твои́мъ ѡ҆́бразомъ полє́знаѧ да́рꙋющаѧ: ра́дꙋйсѧ, и҆збавле́нїе ѕѡ́лъ всѣ̑мъ, невозвра́тнѡ наде́ждꙋ и҆мꙋ́щымъ на тѧ̀.

Ра́дꙋйсѧ, ти́хое и҆ до́брое приста́нище: ра́дꙋйсѧ, ско́раѧ помо́щнице.

Ра́дꙋйсѧ, гото́вый и҆ те́плый покро́ве спⷭ҇нїѧ: ра́дꙋйсѧ, и҆сточа́ющаѧ на́мъ неѡскꙋ̑дныѧ млⷭ҇ти.

Ра́дꙋйсѧ, предварѧ́ющаѧ на по́мощь: ра́дꙋйсѧ, и҆збавлѧ́ющаѧ ѿ всѣ́хъ бѣ́дъ.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ є҃.

Бг҃оте́чнаѧ ѕвѣзда̀ ꙗ҆ви́сѧ твоѧ̀, бг҃омт҃и, і҆кѡ́на, всю̀ странꙋ̀ рѡссі́йскꙋю ѡ҆бтека́ющаѧ, лꙋча́ми чꙋде́съ твои́хъ ѡ҆сїѧва́ющаѧ всѣ́хъ блꙋжда́ющихъ по мо́рю стра́стнагѡ житїѧ̀, мра́къ печа́лей и҆ мглꙋ̀ всѧ́кихъ недꙋ̑гъ и҆ скорбе́й прогонѧ́ющаѧ и҆ наставлѧ́ющаѧ на пꙋ́ть спⷭ҇нїѧ съ вѣ́рою къ тебѣ̀ притека́ющихъ и҆ вопїю́щихъ къ бг҃ꙋ: А҆ллилꙋ́їа.

І҆́косъ є҃.

Ви́дѣвъ ца́рь пе́тръ, ꙗ҆́кѡ ѿ ст҃ы́ѧ і҆кѡ́ны бг҃омт҃ре блгⷣтїю бж҃їею содѣва́ютсѧ мнѡ́гаѧ чꙋдеса̀, прїе́млетъ ю҆̀ въ пꙋтеводи́телницꙋ во́инствꙋ своемꙋ̀ и҆ въ де́нь бра́ни на све́євъ въ щи́тъ и҆ покро́въ, и҆ побѣди́въ до конца̀ врага̀, по́мощїю бг҃омт҃ре, тѣ́мъ ка́мень соверше́нный во ѡ҆снова́нїе но́вагѡ ца́рствꙋющагѡ гра́да положѝ, і҆кѡ́нꙋ же твою̀ чꙋ́днꙋю, ꙗ҆́кѡ ѡ҆сщ҃е́нїе, ꙗ҆́кѡ щи́тъ и҆ ѡ҆гражде́нїе, въ се́рдце гра́да поста́ви. Сегѡ̀ ра́ди вопїе́мъ пречⷭ҇тѣй:

Ра́дꙋйсѧ, жили́ще и҆ до́ме хрⷭ҇та̀ бг҃а на́шегѡ: ра́дꙋйсѧ, вмѣсти́лище неизрѣче́нныѧ є҆гѡ̀ сла́вы.

Ра́дꙋйсѧ, гра́де ѡ҆дш҃евле́нный, при́снѡ црⷭ҇твꙋющїй: ра́дꙋйсѧ, пала́то преꙋкраше́ннаѧ.

Ра́дꙋйсѧ, ра́досте градѡ́въ и҆ ве́сей: ра́дꙋйсѧ, непобѣди́мое хрⷭ҇тїа́нъ въ бѣда́хъ храни́лище и҆ предгра́дїе.

Ра́дꙋйсѧ, цр҃кве правосла́вныѧ похвало̀: ра́дꙋйсѧ, ски́птра царе́й ᲂу҆твержде́нїе.

Ра́дꙋйсѧ, хрⷭ҇толюби́вагѡ во́инства помо́щнице: ра́дꙋйсѧ, врагѡ́въ ѡ҆долѣ́нїе.

Ра́дꙋйсѧ, ѿ бѣ́дъ и҆збавле́нїе: ра́дꙋйсѧ, мт҃рними твои́ми щедро́тами всѣ́хъ посѣща́ющаѧ.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ ѕ҃.

Предстоѧ́ще пред̾ пречⷭ҇тымъ твои́мъ ѡ҆́бразомъ а҆рхїере́євъ сосло́вїе, ца́рїе и҆ кнѧ́зи и҆ всѝ лю́дїе, мона́си и҆ мїрсті́и, проповѣ́дꙋютъ, гпⷭ҇жѐ бг҃ороди́телнице, вели̑кїѧ твоѧ̑ млⷭ҇ти, ꙗ҆́кѡ гра́ды ѡ҆гражда́еши, ѻ҆би́тєли покрыва́еши, вє́си защища́еши, и҆ вѣ́дꙋще тѧ̀ вои́стиннꙋ помо́щницꙋ си́льнꙋ и҆ непобѣди́мꙋ, со слеза́ми прино́сѧтъ тѝ моли̑твы, да простре́ши къ сн҃ꙋ твоемꙋ̀ бг҃онѡ́сныѧ рꙋ́ки за лю́ди твоѧ̑, є҆́же и҆зба́вити на́съ ѿ всѣ́хъ бѣ́дъ и҆ напа́стей, да благода́рнѣ вопїе́мъ бг҃ꙋ: А҆ллилꙋ́їа.

І҆́косъ ѕ҃.

Возсїѧ́вши просвѣще́нїе и҆́стинное и҆ ѿгна́вши ле́сть а҆га́рѧнскꙋю во новопросвѣще́ннѣй странѣ̀, и҆ въ но́вѣмъ ца́рствꙋющемъ гра́дѣ свѣ́тиши свѣ́томъ чꙋде́съ и҆ млⷭ҇тей: притека́ющїи бо съ вѣ́рою ко твое́й і҆кѡ́нѣ цѣльбоно́снѣй, и҆ скорбе́й и҆збавле́нїе и҆ недꙋ́гѡвъ и҆сцѣле́нїе и҆ ра́дости всѧ́кїѧ и҆сполне́нїе прїе́млютъ, вопїю́ще тебѣ̀ ᲂу҆се́рднѡ:

Ра́дꙋйсѧ, неистощи́мый и҆сто́чниче ст҃ы́ни: ра́дꙋйсѧ, многотекꙋ́щаѧ рѣко̀ бжⷭ҇твенныѧ блгⷣти.

Ра́дꙋйсѧ грѣ́шныхъ съ бг҃омъ примире́нїе: ра́дꙋйсѧ, грѣхѡ́въ на́шихъ ѡ҆чище́нїе.

Ра́дꙋйсѧ, бл҃гоче́стїѧ наста́внице: ра́дꙋйсѧ, въ до́брыхъ дѣ́лѣхъ ᲂу҆твержде́нїе и҆ по́моще.

Ра́дꙋйсѧ, дѡ́брыѧ ѻ҆бѣ́ты прїе́млющаѧ: ра́дꙋйсѧ, бл҃ги̑мъ намѣ́ренїємъ спосо́бствꙋющаѧ.

Ра́дꙋйсѧ, ѕлы̑ѧ начина̑нїѧ разрꙋша́ющаѧ: ра́дꙋйсѧ, вра̑жїѧ кѡ́зни расторга́ющаѧ.

Ра́дꙋйсѧ, ско́раѧ человѣ́кѡмъ помо́щнице: ра́дꙋйсѧ, млⷭ҇ть сꙋгꙋ́бѡ на́мъ подаю́щаѧ.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ з҃.

Хотѧ́щꙋ благослове́нномꙋ царю̀ и҆сповѣ́дати млⷭ҇ти преблгⷭ҇ве́нныѧ цр҃и́цы нб҃а и҆ землѝ и҆ по си́лѣ бл҃года́рствєннаѧ принестѝ ѡ҆ и҆збавле́нїи ца́рства є҆гѡ̀ ѿ наше́ствїѧ и҆ноплеме́нныхъ, ди́вномꙋ хра́мꙋ, созда́нномꙋ въ че́сть пречꙋ́дныѧ і҆кѡ́ны, побѣ̑днаѧ въ да́ръ принесѐ, да всѝ памѧтꙋ́юще млⷭ҇ть бг҃омт҃ре, спа́сшїѧ гра́дъ се́й и҆ ца́рство, вы́нꙋ воспѣва́ютъ бг҃ꙋ благода́рными ᲂу҆сты̀: А҆ллилꙋ́їа.

І҆́косъ з҃.

Но́вомꙋ ца́рствꙋющемꙋ гра́дꙋ ст҃а́ѧ і҆кѡ́на твоѧ̀, бг҃омт҃и, вои́стиннꙋ ꙗ҆ви́сѧ бл҃га́ѧ ѻ҆диги́трїѧ, ꙗ҆́коже дре́вле въ царегра́дѣ: къ тебѣ́ бо прибѣга́ютъ ца́рїе, по́мощи твоеѧ̀ на нача́ло пꙋтѝ и҆ дѣ́лъ свои́хъ просѧ́ще и҆ благода́рствєннаѧ приносѧ́ще молє́нїѧ пред̾ пречⷭ҇тою і҆кѡ́ною твое́ю за и҆збавле́нїе ѿ скорбе́й и҆ напа́стей, тебѐ помо́щницꙋ и҆ застꙋ́пницꙋ крѣ́пкꙋю вѣ́даютъ. Тѣ́мже благода́рственнѡ вопїе́мъ тѝ:

Ра́дꙋйсѧ, рѡссі́йскїѧ страны̀ покро́ве: ра́дꙋйсѧ, правосла́вїѧ въ не́й ѡ҆гражде́нїе и҆ ᲂу҆твержде́нїе.

Ра́дꙋйсѧ, несокрꙋши́мый щи́те царе́й на́шихъ: ра́дꙋйсѧ, бронѐ и҆́хъ неꙋѧзви́маѧ.

Ра́дꙋйсѧ, кѡ́зни врагѡ́въ ѡ҆блича́ющаѧ: ра́дꙋйсѧ, ꙗ҆́кѡ паꙋти́нꙋ и҆́хъ растерза́ющаѧ.

Ра́дꙋйсѧ, нече́стїѧ ѡ҆бличе́нїе: ра́дꙋйсѧ, крамо́лы разрꙋше́нїе.

Ра́дꙋйсѧ, ю҆́ныхъ ѿ заблꙋжде́нїй и҆справле́нїе: ра́дꙋйсѧ, ста́рцєвъ ᲂу҆тѣше́нїе.

Ра́дꙋйсѧ, дꙋшевре́дныхъ ᲂу҆че́нїй низложе́нїе: ра́дꙋйсѧ, дꙋшеполе́зныхъ зна́нїй дарова́нїе.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ и҃.

Стра́ннѡ и҆ сꙋмни́телнѡ невѣ́рꙋющымъ слы́шати, ка́кѡ ѿ і҆кѡ́ны твоеѧ̀ то́ки блгⷣти и҆стека́ютъ, вонѧ̀ живо́тнаѧ бл҃гоꙋха́етъ: мы́ же вѣ́рꙋюще сло́вꙋ рече́нномꙋ тобо́ю, влⷣчце, къ первонапи́саннѣй і҆кѡ́нѣ: съ тобо́ю моѧ̀ блгⷣть и҆ си́ла, ᲂу҆пова́емъ ꙗ҆́кѡ и҆ съ се́ю і҆кѡ́ною блгⷣть твоѧ̀ вы́нꙋ: тѣ́мже бл҃гоговѣ́йнѡ предстоѧ́ще лобыза́емъ ю҆̀, покланѧ́емсѧ є҆́й, ꙗ҆́кѡ тебѣ̀ само́й сꙋ́щей, че́сть бо і҆кѡ́ны на первоѡбра́зное восхо́дитъ, и҆ твоѧ̀ блгⷣть се́ю і҆кѡ́ною зна́мєнїѧ и҆ чꙋдеса̀ содѣва́етъ всѣ̑мъ съ вѣ́рою притека́ющымъ къ тебѣ̀ и҆ вопїю́щымъ бг҃ꙋ: А҆ллилꙋ́їа.

І҆́косъ и҃.

Всѧ̀ бы́вши горѣ̀, къ нбⷭ҇нымъ взѧ́та, и҆ земны́хъ не ѡ҆ставлѧ́еши, бг҃омт҃и, сщ҃е́ннымъ твои́мъ предста́телствомъ: и҆́маши бо мт҃рнее дерзнове́нїе ко хрⷭ҇тꙋ̀ бг҃ꙋ на́шемꙋ. Тѣ́мже ᲂу҆твердѝ въ ми́рѣ глꙋбо́цѣ правосла́вныхъ житїѐ: и҆ ѻ҆те́чество на́ше возвы́си, и҆ всѧ̑ полє́знаѧ всегда̀ да́рꙋй рабѡ́мъ твои̑мъ, да велича́юще воспѣва́емъ тѝ:

Ра́дꙋйсѧ, невмѣсти́магѡ вмѣсти́лище: ра́дꙋйсѧ, носи́ло всегѡ̀ бжⷭ҇тва̀.

Ра́дꙋйсѧ прозѧ́бшаѧ кла́съ нбⷭ҇ный: ра́дꙋйсѧ, мі́ръ ве́сь дꙋшепа́гꙋбнагѡ гла́да и҆зба́вльшаѧ.

Ра́дꙋйсѧ, вы́нꙋ хода́тайствꙋющаѧ за ро́дъ на́шъ: ра́дꙋйсѧ, ꙗ҆́кѡ мно́гѡ мо́жетъ мл҃тва твоѧ̀ пред̾ сн҃омъ твои́мъ и҆ бг҃омъ.

Ра́дꙋйсѧ, всѣ́хъ на́съ при крⷭ҇тѣ̀ сн҃а твоегѡ̀ ᲂу҆сынови́вшаѧ: ра́дꙋйсѧ, всегда̀ мт҃рнюю любо́вь къ на́мъ ꙗ҆влѧ́ющаѧ.

Ра́дꙋйсѧ, хода́таице вѣ́чныхъ бл҃гъ: ра́дꙋйсѧ, и҆ во вре́меннѣй жи́зни полє́знаѧ на́мъ подаю́щаѧ.

Ра́дꙋйсѧ, и҆звѣ́стное прибѣ́жище на́ше во всѣ́хъ ско́рбныхъ ѡ҆бстоѧ́нїихъ: ра́дꙋйсѧ, несꙋмнѣ́нное ᲂу҆тѣше́нїе въ печа́лехъ.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ ѳ҃.

Всѧ́кагѡ є҆стества̀ а҆́гг҃льскагѡ превы́сшаѧ ꙗ҆ви́ласѧ є҆сѝ, прест҃а́ѧ дв҃о: бг҃а бо зачала̀ є҆сѝ пло́тїю, невмѣсти́маго всѣ́ми вмѣсти́ла є҆сѝ во ᲂу҆тро́бѣ твое́й, на рꙋка́хъ носи́ла є҆сѝ носѧ́щаго ве́сь мі́ръ дла́нїю: тѣ́мже ꙗ҆́кѡ чⷭ҇тнѣ́йшꙋю херꙋві̑мъ и҆ сла́внѣйшꙋю без̾ сравне́нїѧ серафі̑мъ велича́юще тѧ̀, вопїе́мъ ѡ҆ тебѣ̀ бг҃ꙋ: А҆ллилꙋ́їа.

І҆́косъ ѳ҃.

Вѣті̑ѧ многовѣща̑нныѧ, ꙗ҆́кѡ ры̑бы безгла̑сныѧ ви́димъ ѡ҆ тебѣ̀, бцⷣе: недоꙋмѣ́етъ бо всѧ́къ ѧ҆зы̑къ благохвали́ти тѧ̀ по достоѧ́нїю, и҆зꙋмѣва́етъ же ᲂу҆́мъ и҆ премі́рный пѣ́ти тѧ̀, бцⷣе: ѻ҆ба́че бл҃га́ѧ сꙋ́щи, прїимѝ и҆ ѿ на́съ а҆рха́гг҃льскїй гла́съ тебѣ̀ вопїю́щихъ:

Ра́дꙋйсѧ, блгⷣтнаѧ: ра́дꙋйсѧ, ꙗ҆́кѡ гдⷭ҇ь съ тобо́ю.

Ра́дꙋйсѧ, блгⷭ҇ве́ннаѧ въ жена́хъ: ра́дꙋйсѧ, ѡ҆брѣ́тшаѧ блгⷣть ᲂу҆ бг҃а.

Ра́дꙋйсѧ, роди́вшаѧ спⷭ҇телѧ мі́рꙋ: ра́дꙋйсѧ, мт҃и сн҃а бж҃їѧ.

Ра́дꙋйсѧ, роди́телнице вѣ́чнагѡ цр҃ѧ̀: ра́дꙋйсѧ, и҆зрасти́вшаѧ на́мъ пло́дъ живота̀.

Ра́дꙋйсѧ, ѡ҆сщ҃е́ннаѧ дх҃омъ ст҃ы́мъ: ра́дꙋйсѧ, ѡ҆сѣне́ннаѧ си́лою всевы́шнѧгѡ.

Ра́дꙋйсѧ, вѣ́рнаѧ рабо̀ гдⷭ҇нѧ: ра́дꙋйсѧ, ꙗ҆́кѡ тѧ̀ бл҃жа́тъ всѝ ро́ди.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ і҃.

Спⷭ҇тѝ хотѧ́щи мнѡ́гїѧ ѿ находѧ́щихъ ѕѡ́лъ, скорбе́й и҆ болѣ́зней, чꙋ́днꙋю і҆кѡ́нꙋ твою̀, бг҃омт҃и, дарова́ла є҆сѝ, є҆ѧ́же ра́ди слѣпі́и прозира́ютъ, хромі́и хо́дѧтъ, разсла́бленнїи возстаю́тъ, бѣснꙋ́ющїисѧ и҆сцѣлѧ́ютсѧ, землѝ плодоно́сїе подае́тсѧ, лю́дїе ѿ смертоно́сныѧ ꙗ҆́звы и҆збавлѧ́ютсѧ, гра́ды и҆ до́мы ѿ ѻ҆гнѧ̀ спаса́ютсѧ: тѣ́мже прославлѧ́юще бг҃а, даю́щаго на́мъ такѡвы́ѧ млⷭ҇ти вопїе́мъ є҆мꙋ̀ ᲂу҆се́рднѡ: А҆ллилꙋ́їа.

І҆́косъ і҃.

Стѣна̀ є҆сѝ, бцⷣе, странѣ̀ рѡссі́йстѣй, градѡ́мъ ѡ҆гражде́нїе и҆ сла́ва, правосла́вномꙋ во́инствꙋ на врагѝ ᲂу҆крѣпле́нїе. Тѣ́мже благодарѧ́ще тѧ̀, вопїе́мъ:

Ра́дꙋйсѧ, прославлѧ́ющихъ тѧ̀ прославлѧ́ющаѧ: ра́дꙋйсѧ, нечтꙋ́щихъ тѧ̀ посрамлѧ́ющаѧ.

Ра́дꙋйсѧ, врагѡ́въ ᲂу҆страше́нїе: ра́дꙋйсѧ, ѿ наше́ствїѧ и҆ноплеме́нныхъ и҆збавле́нїе.

Ра́дꙋйсѧ, царе́й сла́во: ра́дꙋйсѧ, во́инѡвъ крѣ́посте.

Ра́дꙋйсѧ, въ дни̑ бра́ни забра́ло и҆ ѡ҆гражде́нїе: ра́дꙋйсѧ, (въ дни̑ ми́ра) живоно́сный са́де, ᲂу҆веселѧ́ющїй сердца̀ вѣ́рныхъ.

Ра́дꙋйсѧ, ѡ҆рꙋ́жїе, є҆гѡ́же трепе́щꙋтъ де́мони: ра́дꙋйсѧ, сп҃си́телный є҆ле́й, ᲂу҆маща́ющїй грѣхѡ́вныѧ ра̑ны ка́ющихсѧ.

Ра́дꙋйсѧ, те́плое на́ше ᲂу҆пова́нїе: ра́дꙋйсѧ, несꙋмнѣ́ннаѧ на́ша наде́ждо.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ а҃і.

Пѣ́нїе хвале́бное и҆ благода́рственное прино́сѧтъ тебѣ̀, влⷣчце: припа́дающе къ і҆кѡ́нѣ твое́й и҆ любе́знѡ лобыза́юще ю҆̀, дѣ́въ ли́цы, под̾ держа́внымъ покро́вомъ твои́мъ ти́хое и҆ ми́рное и҆́ноческое житїѐ провожда́ющїи, и҆ возложи́вше на тѧ̀ всѐ ᲂу҆пова́нїе, ра́достнѡ вопїю́тъ бг҃ꙋ: А҆ллилꙋ́їа.

І҆́косъ а҃і.

Ꙗ҆́кѡ свѣтопрїе́мнꙋю свѣщꙋ̀, зри́мъ твою̀ чⷭ҇тнꙋ́ю і҆кѡ́нꙋ, прест҃а́ѧ влⷣчце: та́ бо невеще́ственный ѻ҆́гнь блгⷣти твоеѧ̀ воспрїи́мши, и҆ въ подо́бїихъ є҆ѧ̀ нѡ́вы возжига́етъ свѣти́лники, прича́стны тоѧ́жде си́лы блгⷣтныѧ, и҆ ѡ҆зарѧ́етъ чꙋдесы̀, наставлѧ́ющи на пꙋ́ть спⷭ҇нїѧ всѣ́хъ вопїю́щихъ тѝ си́це:

Ра́дꙋйсѧ, невѣ́сто неневѣ́стнаѧ: ра́дꙋйсѧ, бг҃оизбра́ннаѧ ѻ҆трокови́це, мт҃и дв҃о.

Ра́дꙋйсѧ, до́браѧ наста́внице непоро́чнагѡ двⷭ҇тва: ра́дꙋйсѧ, храните́лнице ревнꙋ́ющихъ ѡ҆ чⷭ҇тотѣ̀.

Ра́дꙋйсѧ, же́нъ похвало̀: ра́дꙋйсѧ, дѣ́въ велича́нїе.

Ра́дꙋйсѧ, вдѡ́въ застꙋпле́нїе: ра́дꙋйсѧ, сиро́тъ призрѣ́нїе.

Ра́дꙋйсѧ, ни́щихъ пита́телнице: ра́дꙋйсѧ, наги́хъ ѡ҆дѣѧ́нїе.

Ра́дꙋйсѧ, печа́льныхъ ᲂу҆тѣше́нїе: ра́дꙋйсѧ, скорбѧ́щихъ весе́лїе.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ в҃і.

Блгⷣть да́ти восхотѣ́вши почита́ющымъ тѧ̀ съ любо́вїю, бг҃ороди́телнице, присꙋ́щꙋю тѝ си́лꙋ блгⷣтнꙋю ѡ҆ста́вила є҆сѝ во ст҃ы́хъ твои́хъ і҆кѡ́нахъ: и҆́бо бжⷭ҇твеннаѧ блгⷣть, спребыва́ющи тѣ̑мъ (і҆кѡ́намъ), зна́мєнїѧ и҆ чꙋдеса̀ вы́нꙋ содѣва́етъ и҆ дꙋше́вныхъ и҆ тѣле́сныхъ недꙋ̑гъ и҆сцѣле́нїе всѣ̑мъ съ вѣ́рою приходѧ́щымъ подае́тъ твои́ми бг҃омт҃рними непреста́нными къ бг҃ꙋ мл҃твами ѡ҆ вопїю́щихъ є҆мꙋ̀: А҆ллилꙋ́їа.

І҆́косъ в҃і.

Пою́ще твоѧ̑ чꙋдеса̀ бы̑вшаѧ въ дрє́внѧѧ и҆ настоѧ̑щаѧ времена̀, хва́лимъ тѧ̀, ꙗ҆́кѡ живоно́сный и҆сто́чникъ блгⷣти, ꙗ҆́кѡ неисто́щимꙋю рѣкꙋ̀ чꙋде́съ, ꙗ҆́кѡ бе́зднꙋ млⷭ҇ти и҆ щедро́тъ, и҆ всѐ ᲂу҆пова́нїе по бз҃ѣ возлага́юще на тѧ̀ и҆ въ се́й и҆ въ бꙋ́дꙋщей жи́зни, прославлѧ́юще тѧ̀ вопїе́мъ:

Ра́дꙋйсѧ, хрⷭ҇тїа́нъ непосты́дное ᲂу҆пова́нїе: ра́дꙋйсѧ, вѣ́рныхъ сп҃си́тельное прибѣ́жище.

Ра́дꙋйсѧ, ненаде́жныхъ надѣ́ѧнїе: ра́дꙋйсѧ, ѿча́ѧнныхъ спⷭ҇нїе.

Ра́дꙋйсѧ, ба́не, ѡ҆мыва́ющаѧ со́вѣсть: ра́дꙋйсѧ, росо̀, ѡ҆живлѧ́ющаѧ дꙋ́шы.

Ра́дꙋйсѧ, болѣ́зней враче́вство ско́рое и҆ безме́здное: ра́дꙋйсѧ, ѿ всѣ́хъ бѣ́дъ бы́строе и҆збавле́нїе.

Ра́дꙋйсѧ, ᲂу҆тѣ́шителнице во всѧ́кой ско́рби: ра́дꙋйсѧ, и҆з̾ глꙋбины̀ поги́бели сп҃са́ющаѧ.

Ра́дꙋйсѧ, ѿра́до въ де́нь сме́рти: ра́дꙋйсѧ, є҆ди́наѧ наде́ждо и҆ по сме́рти.

Ра́дꙋйсѧ, застꙋ́пнице ᲂу҆се́рднаѧ ро́да хрⷭ҇тїа́нскагѡ.

Конда́къ г҃і.

Ѽ всепѣ́таѧ мт҃и, ро́ждшаѧ всѣ́хъ ст҃ы́хъ ст҃ѣ́йшее сло́во, прїимѝ ны́нѣ ма́лое сїѐ моле́нїе, и҆ вели́чїѧ ра́ди бл҃гости твоеѧ̀ и҆ бе́здны щедро́тъ твои́хъ, не помѧнѝ мно́жества грѣхѡ́въ на́шихъ, но и҆спо́лни во бл҃ги́хъ прошє́нїѧ на̑ша, подава́ющи тѣ́лꙋ здра́вїе, дꙋшѝ спⷭ҇нїе, и҆збавлѧ́ющи ѿ всѧ́кїѧ нꙋ́жды и҆ печа́ли, и҆ црⷭ҇твїѧ нбⷭ҇нагѡ наслѣ́дники сотворѧ́ющи всѣ́хъ вѣ́рнѡ вопїю́щихъ бг҃ꙋ: А҆ллилꙋ́їа.

Се́й конда́къ глаго́ли три́жды, посе́мъ а҃-й і҆́косъ и҆ а҃-й конда́къ.

Моли́тва.

Ѽ прест҃а́ѧ гпⷭ҇жѐ влⷣчце бцⷣе! Со стра́хомъ, вѣ́рою и҆ любо́вїю припа́дающе пред̾ чⷭ҇тно́ю і҆кѡ́ною твое́ю, мо́лимъ тѧ̀: не ѿвратѝ лица̀ твоегѡ̀ ѿ прибѣга́ющихъ къ тебѣ̀, ᲂу҆молѝ, млⷭ҇рдаѧ мт҃и, сн҃а твоего̀ и҆ бг҃а на́шего, гдⷭ҇а і҆и҃са хрⷭ҇та̀, да сохрани́тъ ми́рнꙋ странꙋ̀ на́шꙋ, цр҃ковь свою̀ ст҃ꙋ́ю да непозы́блемꙋ соблюде́тъ ѿ невѣ́рїѧ, є҆ресе́й и҆ раско́ла. Не и҆́мамы бо и҆ны́ѧ по́мощи, не и҆́мамы и҆ны́ѧ наде́жды ра́звѣ тебє̀, пречⷭ҇таѧ дв҃о: ты̀ є҆сѝ всеси́льнаѧ хрⷭ҇тїа́нъ помо́щница и҆ застꙋ́пница. И҆зба́ви всѣ́хъ съ вѣ́рою тебѣ̀ молѧ́щихсѧ ѿ паде́нїй грѣхо́вныхъ, ѿ навѣ́та ѕлы́хъ человѣ̑къ, ѿ всѧ́кихъ и҆скꙋше́нїй, скорбе́й, бѣ́дъ и҆ ѿ напра́сныѧ сме́рти: да́рꙋй на́мъ дх҃ъ сокрꙋше́нїѧ, смире́нїе се́рдца, чистотꙋ̀ помышле́нїй, и҆справле́нїе грѣхо́вныѧ жи́зни и҆ ѡ҆ставле́нїе прегрѣше́нїй, да всѝ благода́рнѣ воспѣва́юще вели̑чїѧ твоѧ̑, сподо́бимсѧ нбⷭ҇нагѡ црⷭ҇твїѧ и҆ та́мѡ со всѣ́ми ст҃ы́ми просла́вимъ пречⷭ҇тно́е и҆ великолѣ́пое и҆́мѧ ѻ҆ц҃а̀, и҆ сн҃а, и҆ ст҃а́гѡ дх҃а. А҆ми́нь.

Явление иконы Пресвятой Богородицы во граде Казани (1579 г.)

1 ок­тяб­ря 1552 го­да, в празд­ник По­кро­ва Пре­свя­той Бо­го­ро­ди­цы, но­чью, Иоанн IV, пред­во­ди­тель рус­ских во­и­нов, го­то­вив­ших­ся к ре­ши­тель­но­му штур­му та­тар­ской Ка­за­ни, вдруг услы­шал бла­го­вест мос­ков­ских ко­ло­ко­лов. Царь по­нял, что это – зна­ме­ние ми­ло­сти Бо­жи­ей: по мо­лит­вам Взбран­ной Во­е­во­ды Гос­подь вос­хо­тел об­ра­тить к Се­бе на­род ка­зан­ский.

По­ко­ре­ни­ем Ка­за­ни под по­кро­вом Пре­свя­той Бо­го­ро­ди­цы бы­ло за­вер­ше­но де­ло, на­ча­тое в 1164 го­ду свя­тым кня­зем Ан­дре­ем Бо­го­люб­ским († 1174; па­мять 4 июля). Вол­га – глав­ный вод­ный путь стра­ны – ста­ла рус­ской ре­кой. Из та­тар­ско­го пле­на бы­ло осво­бож­де­но 60 000 рус­ских лю­дей. На­ча­лось про­све­ще­ние та­тар све­том Еван­гель­ской ис­ти­ны. Яви­лись пер­вые му­че­ни­ки – свя­тые Петр и Сте­фан (па­мять 24 мар­та). Но­во­учре­жден­ная Ка­зан­ская епар­хия во­шла в со­став Рус­ской Церк­ви и вско­ре про­си­я­ла сво­и­ми ар­хи­епи­ско­па­ми: свя­ти­те­лем Гу­ри­ем († 1563; па­мять 5 де­каб­ря) и свя­ти­те­лем Гер­ма­ном († 1567; па­мять 6 но­яб­ря).

Но осо­бен­но спо­соб­ство­ва­ло воз­вы­ше­нию Пра­во­сла­вия сре­ди волж­ских ма­го­ме­тан яв­ле­ние в го­ро­де Ка­за­ни 8 июля 1579 го­да чу­до­твор­ной ико­ны Бо­жи­ей Ма­те­ри.

Труд­но шло де­ло про­по­ве­ди Еван­ге­лия в по­ко­рен­ном цар­стве сре­ди за­ко­ре­не­лых му­суль­ман и языч­ни­ков. Пре­свя­тая Бо­го­ро­ди­ца, по­кро­ви­тель­ни­ца про­по­вед­ни­ков Сло­ва Бо­жия, еще в зем­ной Сво­ей жиз­ни раз­де­ляв­шая со свя­ты­ми Апо­сто­ла­ми бла­го­вест­ни­че­ские тру­ды, ви­дя ста­ра­ния рус­ских мис­си­о­не­ров, не за­мед­ли­ла по­слать им Небес­ную по­мощь, явив Свою чу­до­твор­ную ико­ну.

28 июня 1579 го­да страш­ный по­жар, на­чав­ший­ся око­ло церк­ви свя­ти­те­ля Ни­ко­лая Туль­ско­го, ис­тре­бил часть го­ро­да и об­ра­тил в пе­пел по­ло­ви­ну Ка­зан­ско­го Крем­ля. Зло­рад­ство­ва­ли по­клон­ни­ки Ма­го­ме­та, ду­мая, что Бог про­гне­вал­ся на хри­сти­ан. «Ве­ра Хри­сто­ва, – го­во­рит ле­то­пи­сец, – сде­ла­лась прит­чею и по­ру­га­ни­ем». Но по­жар в Ка­за­ни явил­ся пред­зна­ме­но­ва­ни­ем окон­ча­тель­но­го па­де­ния ис­ла­ма и утвер­жде­ния Пра­во­сла­вия на всей зла­то­ор­дын­ской зем­ле, бу­ду­щем Во­сто­ке Рус­ско­го го­су­дар­ства.

Го­род вско­ре на­чал вста­вать из ру­ин. Вме­сте с дру­ги­ми по­го­рель­ца­ми, неда­ле­ко от ме­ста на­ча­ла по­жа­ра стро­ил дом стре­лец Да­ни­ил Ону­чин. Его де­вя­ти­лет­ней до­че­ри Мат­роне яви­лась в сон­ном ви­де­нии Бо­жия Ма­терь и по­ве­ле­ла до­стать Ее ико­ну, за­ры­тую в зем­ле еще при гос­под­стве му­суль­ман тай­ны­ми ис­по­вед­ни­ка­ми Пра­во­сла­вия. На сло­ва де­воч­ки не об­ра­ти­ли вни­ма­ния. Три­жды яв­ля­лась Бо­го­ро­ди­ца и ука­зы­ва­ла ме­сто, где укры­та чу­до­твор­ная ико­на. На­ко­нец, Мат­ро­на со сво­ей ма­те­рью ста­ли рыть в ука­зан­ном ме­сте и об­ре­ли свя­тую ико­ну. На ме­сто чу­дес­но­го об­ре­те­ния при­был во гла­ве ду­хо­вен­ства ар­хи­епи­скоп Иере­мия и пе­ре­нес свя­той об­раз в близ­рас­по­ло­жен­ный храм во имя свя­ти­те­ля Ни­ко­лая, от­ку­да, по­сле мо­леб­на, пе­ре­нес­ли его с Крест­ным хо­дом в Бла­го­ве­щен­ский со­бор – пер­вый пра­во­слав­ный храм го­ро­да Ка­за­ни, воз­двиг­ну­тый Иоан­ном Гроз­ным. Во вре­мя ше­ствия по­лу­чи­ли ис­це­ле­ние два слеп­ца – Иосиф и Ни­ки­та.

Спи­сок с ико­ны, яв­лен­ной в Ка­за­ни, из­ло­же­ние об­сто­я­тельств ее об­ре­те­ния и опи­са­ние чу­дес бы­ли по­сла­ны в 1579 го­ду в Моск­ву. Царь Иоанн Гроз­ный по­ве­лел устро­ить на ме­сте яв­ле­ния храм в честь Ка­зан­ской ико­ны Бо­жи­ей Ма­те­ри, где и по­ме­сти­ли свя­тую ико­ну, и ос­но­вать жен­ский мо­на­стырь. Мат­ро­на и ее мать, по­слу­жив­шие об­ре­те­нию свя­ты­ни, при­ня­ли по­стриг в этой оби­те­ли.

В Ни­коль­ском хра­ме, где был со­вер­шен пер­вый мо­ле­бен пред Ка­зан­ской ико­ной, был в то вре­мя свя­щен­ни­ком бу­ду­щий Пат­ри­арх Ер­мо­ген, свя­ти­тель Мос­ков­ский († 1612; па­мять 17 фев­ра­ля). Через пят­на­дцать лет, в 1594 го­ду, уже бу­дучи мит­ро­по­ли­том Ка­зан­ским, он со­ста­вил ска­за­ние о свя­щен­ных со­бы­ти­ях, оче­вид­цем и участ­ни­ком ко­то­рых был: «По­весть и чу­де­са Пре­чи­стая Бо­го­ро­ди­цы чест­но­го, слав­но­го Ея яв­ле­ния об­ра­за, иже в Ка­за­ни». С боль­шой фак­ти­че­ской точ­но­стью опи­са­ны в по­ве­сти мно­гие слу­чаи ис­це­ле­ния, со­вер­шив­ши­е­ся от чу­до­твор­ной ико­ны по мо­лит­вам ве­ру­ю­щих. Ру­ко­пись «По­ве­сти» – ав­то­граф Свя­тей­ше­го Пат­ри­ар­ха Ер­мо­ге­на – це­ли­ком вос­про­из­ве­де­на в фак­си­миль­ном из­да­нии: Ска­за­ние о чу­до­твор­ной Ка­зан­ской иконе Пре­свя­тыя Бо­го­ро­ди­цы. С пре­ди­сло­ви­ем А. И. Со­болев­ско­го, М., 1912.

Неболь­шая ико­на, об­ре­тен­ная де­воч­кой Мат­ро­ной на недав­но при­со­еди­нен­ной ино­род­че­ской окра­ине Рос­сий­ско­го цар­ства, ста­ла вско­ре все­на­род­ной свя­ты­ней, зна­ме­ни­ем Небес­но­го по­кро­ва Бо­жи­ей Ма­те­ри, яв­лен­но­го всей Рус­ской Церк­ви, ибо ду­ша пра­во­слав­но­го на­ро­да чув­ство­ва­ла осо­бое уча­стие Пре­чи­стой Вла­ды­чи­цы в ис­то­ри­че­ских судь­бах Ро­ди­ны. Не слу­чай­но Ка­зан­ский об­раз яв­ля­ет­ся спис­ком с древ­ней Влахерн­ской ико­ны (празд­но­ва­ние 7 июля) и от­но­сит­ся по ико­но­гра­фи­че­ско­му ти­пу к ико­нам, име­ну­е­мым Оди­гит­рия-Пу­те­во­ди­тель­ни­ца. Мно­го раз «Ма­туш­ка Ка­зан­ская» ука­зы­ва­ла путь к по­бе­де рус­ским пра­во­слав­ным во­и­нам в ис­пол­не­нии их свя­щен­но­го дол­га пе­ред Бо­гом и Ро­ди­ной.

В год яв­ле­ния ее в Ка­за­ни (по дру­гим ис­точ­ни­кам дву­мя го­да­ми поз­же) на­чал­ся зна­ме­ни­тый по­ход «за Ка­зань» (за Ураль­ские го­ры) бла­жен­но­го Гер­ма­на, ка­за­чье­го ата­ма­на Ер­ма­ка Ти­мо­фе­е­ви­ча По­воль­ско­го († 1584), увен­чав­ший­ся при­со­еди­не­ни­ем Си­би­ри. Бла­го­дат­ной энер­гии, из­лу­чен­ной чу­до­твор­ным об­ра­зом, бы­ло до­ста­точ­но, чтобы за несколь­ко де­сят­ков лет рус­ские зем­ле­про­ход­цы-мис­си­о­не­ры про­шли на во­сток, «встречь солн­ца» мно­гие ты­ся­чи ки­ло­мет­ров и в празд­ник По­кро­ва в 1639 го­ду вы­шли в пер­вое пла­ва­ние по Ти­хо­му оке­а­ну, бла­го­вест­вуя спа­се­ние окрест­ным на­ро­дам.

В со­бо­ре Ка­зан­ско­го де­ви­чье­го мо­на­сты­ря ико­на на­хо­ди­лась до на­ча­ла ХХ в., а в 1904 г. Рос­сию по­тряс­ло из­ве­стие о по­хи­ще­нии свя­ты­ни. Свя­то­тат­ствен­ное со­бы­тие про­изо­шло в ночь с 28 на 29 июня 1904 г.

К яв­лен­ной иконе име­лось несколь­ко риз. Празд­нич­ная на­де­ва­лась на Рож­де­ство Хри­сто­во, Пас­ху и в дни празд­но­ва­ния Ка­зан­ской ико­ны, буд­нич­ная, или по­все­днев­ная, – в осталь­ные дни. Празд­нич­ная ри­за бы­ла зо­ло­тая. На нее на­де­ва­лась дру­гая ри­за, ни­зан­ная круп­ным жем­чу­гом, брил­ли­ан­та­ми, изу­мру­да­ми, яхон­та­ми и др. дра­го­цен­ны­ми кам­ня­ми. Буд­нич­ная, не ме­нее дра­го­цен­ная, мос­ков­ской ра­бо­ты, сплошь ни­зан­ная жем­чу­гом, име­ла зо­ло­тые вен­цы с брил­ли­ан­то­вы­ми ро­за­ми, мно­же­ством дру­гих укра­ше­ний и дра­го­цен­ных кам­ней. А в 1767 го­ду им­пе­ра­три­ца Ека­те­ри­на II при­ло­жи­ла к иконе еще и брил­ли­ан­то­вую ко­ро­ну. Ви­ди­мо имен­но из-за та­ко­го оби­лия дра­го­цен­но­стей яв­лен­ная Ка­зан­ская ико­на бы­ла по­хи­ще­на из Ка­зан­ско­го де­ви­чье­го мо­на­сты­ря шай­кой 28-лет­не­го Вар­фо­ло­мея Сто­я­на. Во­ры вско­ре бы­ли пой­ма­ны, и в но­яб­ре 1904 го­да в Ка­за­ни со­сто­ял­ся су­деб­ный про­цесс. Од­на­ко, что ста­ло с чу­до­твор­ной ико­ной, в хо­де след­ствия окон­ча­тель­но вы­яс­нить не уда­лось. На су­де бы­ло вы­ска­за­но мне­ние, что ико­на бы­ла со­жже­на, так как на квар­ти­ре Сто­я­на в пе­чи бы­ли най­де­ны об­го­рев­шие остат­ки икон. Мать со­жи­тель­ни­цы Сто­я­на Ку­че­ро­вой, по­ка­за­ла на су­де, что обе ико­ны бы­ли по­руб­ле­ны и со­жже­ны Сто­я­ном. Сам же Сто­ян от­ри­цал уча­стие и в кра­же, и в уни­что­же­нии ико­ны, со­зна­ва­ясь лишь в по­куп­ке кра­де­ных дра­го­цен­но­стей. Сто­ян и его по­дель­ник Ко­мов бы­ли при­го­во­ре­ны к ли­ше­нию всех прав, иму­ще­ства и к ссыл­ке на ка­торж­ные ра­бо­ты на 12 и 10 лет со­от­вет­ствен­но.

По­те­ря пер­во­на­чаль­но­го об­ра­за не ума­ля­ет бла­го­дат­ной си­лы все­го мно­же­ства спис­ков с Ка­зан­ской ико­ны, через ко­то­рые Пре­свя­тая Бо­го­ро­ди­ца по­мо­га­ет нам Сво­им хо­да­тай­ством пе­ред Сво­им Сы­ном по пло­ти, а по ипо­ста­си Сы­ном Бо­жи­им, Гос­по­дом на­шим Иису­сом Хри­стом.

Избавление Москвы и России от поляков в 1612 г.

Пра­во­слав­ные во­и­ны и мис­си­о­не­ры шли на во­сток, от­ступ­ни­ки бе­жа­ли на за­пад. Вол­ной са­мо­зван­цев и «во­ров­ских лю­дей» ста­ра­лись за­то­пить Русь в на­ча­ле ХVII сто­ле­тия иезу­и­ты. Про­мыс­лом Бо­жи­им в пе­ри­од поль­ско­го на­ше­ствия (1605–1612), ко­то­рый на­род на­звал «Смут­ным вре­ме­нем», Рус­скую Цер­ковь воз­глав­лял ве­ли­кий ис­по­вед­ник Пра­во­сла­вия – свя­щен­но­му­че­ник Ер­мо­ген, Пат­ри­арх Мос­ков­ский и всея Ру­си, по­чи­та­тель Ка­зан­ской ико­ны Пре­свя­той Бо­го­ро­ди­цы, ав­тор «Ска­за­ния» о ней и Служ­бы ей.

В труд­ные дни, ко­гда Москва бы­ла за­ня­та по­ля­ка­ми, а по стране ши­ри­лись усо­би­цы и нестро­е­ния, непре­клон­ный стра­да­лец за Свя­тую ве­ру и Оте­че­ство, на­хо­дясь под стра­жей, су­мел тай­но от­пра­вить в Ниж­ний Нов­го­род воз­зва­ние: «Пи­ши­те в Ка­зань мит­ро­по­ли­ту Еф­ре­му, пусть по­шлет в пол­ки к бо­ярам и к ка­зац­ко­му вой­ску учи­тель­ную гра­мо­ту, чтобы они креп­ко сто­я­ли за ве­ру, уни­ма­ли гра­беж, со­хра­ня­ли брат­ство, и как обе­ща­лись по­ло­жить ду­ши свои за дом Пре­чи­стой и за чу­до­твор­цев и за ве­ру, так бы и со­вер­ши­ли. Да и во все го­ро­да пи­ши­те... вез­де го­во­ри­те мо­им име­нем». Ни­же­го­род­цы от­клик­ну­лись на при­зыв пер­во­свя­ти­те­ля. Со­бран­ное опол­че­ние воз­гла­вил князь Ди­мит­рий Ми­хай­ло­вич По­жар­ский.

При­со­еди­нив­ши­е­ся к опол­че­нию ка­зан­ские дру­жи­ны при­нес­ли с со­бой спи­сок с Ка­зан­ской чу­до­твор­ной ико­ны, ко­то­рую в Яро­слав­ле пе­ре­да­ли кня­зю Ди­мит­рию. Пре­свя­тая Вла­ды­чи­ца взя­ла опол­че­ние под Свое по­кро­ви­тель­ство, и Ее за­ступ­ле­ни­ем бы­ла спа­се­на Рос­сия.

Огром­ные труд­но­сти ис­пы­ты­ва­ли рус­ские вой­ска: внут­рен­нюю враж­ду, недо­ста­ток ору­жия и про­до­воль­ствия. В осен­нюю непо­го­ду дви­ну­лось рус­ское во­ин­ство на штурм Моск­вы, на­хо­див­шей­ся в ру­ках по­ля­ков.

Трех­днев­ный пост и усерд­ная мо­лит­ва пред Ка­зан­ской ико­ной Бо­жи­ей Ма­те­ри при­к­ло­ни­ли Гос­по­да на ми­лость. В оса­жден­ном Крем­ле на­хо­дил­ся в то вре­мя в пле­ну при­быв­ший из Гре­ции, тя­же­ло боль­ной от по­тря­се­ний и пе­ре­жи­ва­ний, ар­хи­епи­скоп Элас­сон­ский Ар­се­ний (впо­след­ствии ар­хи­епи­скоп Суз­даль­ский; † 1626; 13 ап­ре­ля). Но­чью кел­лия свя­ти­те­ля Ар­се­ния вдруг оза­ри­лась Бо­же­ствен­ным све­том, он уви­дел Пре­по­доб­но­го Сер­гия Ра­до­неж­ско­го (па­мять 5 июля и 25 сен­тяб­ря), ко­то­рый ска­зал: «Ар­се­ний, на­ши мо­лит­вы услы­ша­ны; пред­ста­тель­ством Бо­го­ро­ди­цы суд Бо­жий об Оте­че­стве пре­ло­жен на ми­лость; за­ут­ра Москва бу­дет в ру­ках оса­жда­ю­щих и Рос­сия спа­се­на».

Как бы в под­твер­жде­ние ис­тин­но­сти про­ро­че­ства ар­хи­епи­скоп по­лу­чил ис­це­ле­ние от бо­лез­ни. Свя­ти­тель по­слал из­ве­стие об этом ра­дост­ном со­бы­тии рус­ским во­и­нам. На сле­ду­ю­щий день, 22 ок­тяб­ря 1612 го­да, рус­ские вой­ска, во­оду­шев­лен­ные ви­де­ни­ем, одер­жа­ли круп­ную по­бе­ду и взя­ли Ки­тай-го­род, а через 2 дня – Кремль.

В вос­кре­се­нье, 25 ок­тяб­ря, рус­ские дру­жи­ны тор­же­ствен­но, с Крест­ным хо­дом, по­шли в Кремль, неся Ка­зан­скую ико­ну. На Лоб­ном ме­сте Крест­ный ход был встре­чен вы­шед­шим из Крем­ля ар­хи­епи­ско­пом Ар­се­ни­ем, ко­то­рый нес Вла­ди­мир­скую ико­ну Бо­го­ро­ди­цы, со­хра­нен­ную им в пле­ну. По­тря­сен­ный свер­шив­шей­ся встре­чей двух чу­до­твор­ных икон Бо­го­ро­ди­цы, на­род со сле­за­ми мо­лил­ся Небес­ной За­ступ­ни­це.

По из­гна­нии по­ля­ков из Моск­вы князь Ди­мит­рий По­жар­ский, по дан­ным Ни­ко­нов­ской ле­то­пи­си, по­ста­вил свя­тую Ка­зан­скую ико­ну в сво­ей при­ход­ской церк­ви Вве­де­ния во храм Пре­свя­той Бо­го­ро­ди­цы, на Лу­бян­ке, в Москве. Поз­же ижди­ве­ни­ем кня­зя-пат­ри­о­та на Крас­ной пло­ща­ди был воз­двиг­нут Ка­зан­ский со­бор. Свя­тая ико­на, быв­шая в вой­сках По­жар­ско­го при осво­бож­де­нии Моск­вы, в 1636 го­ду пе­ре­не­се­на бы­ла в но­во­устро­ен­ный храм. Ныне этот свя­той об­раз на­хо­дит­ся в Бо­го­яв­лен­ском Пат­ри­ар­шем со­бо­ре Моск­вы.

В па­мять осво­бож­де­ния Моск­вы от по­ля­ков уста­нов­ле­но бы­ло со­вер­шать 22 ок­тяб­ря осо­бое празд­но­ва­ние в честь Ка­зан­ской ико­ны Бо­жи­ей Ма­те­ри. Сна­ча­ла это празд­но­ва­ние со­вер­ша­лось лишь в Москве, а с 1649 го­да бы­ло сде­ла­но все­рос­сий­ским.

В 1709 го­ду пе­ред Пол­тав­ской бит­вой Петр Ве­ли­кий со сво­им во­ин­ством мо­лил­ся пе­ред ико­ной Ка­зан­ской Бо­жи­ей Ма­те­ри (из се­ла Кап­лу­нов­ки). В 1721 го­ду Петр пе­ре­нес один из спис­ков с Ка­зан­ской ико­ны Бо­го­ро­ди­цы из Моск­вы в Пе­тер­бург, где ико­на вна­ча­ле бы­ла по­став­ле­на в ча­совне, по­том в Алек­сан­дро-Нев­ской Лав­ре, а с 1737 го­да в хра­ме в честь Рож­де­ства Бо­го­ро­ди­цы на Нев­ском про­спек­те. В 1811 го­ду пе­ред Оте­че­ствен­ной вой­ной свя­тая ико­на Небес­ной За­ступ­ни­цы пе­ре­не­се­на в но­во­со­здан­ный Ка­зан­ский со­бор.

В 1812 го­ду Ка­зан­ский об­раз Бо­жи­ей Ма­те­ри осе­нял рус­ских сол­дат, от­ра­зив­ших фран­цуз­ское на­ше­ствие. В празд­ник Ка­зан­ской ико­ны 22 ок­тяб­ря 1812 го­да рус­ские от­ря­ды под пред­во­ди­тель­ством Ми­ло­ра­до­ви­ча и Пла­то­ва раз­би­ли арьер­гард Да­ву. Это бы­ло пер­вое круп­ное по­ра­же­ние фран­цу­зов по­сле ухо­да из Моск­вы, враг по­те­рял 7 ты­сяч че­ло­век. В тот день вы­пал снег, на­ча­лись силь­ные мо­ро­зы, а ар­мия по­ко­ри­те­ля Ев­ро­пы на­ча­ла та­ять.

... Ка­зан­ский со­бор в Пе­тер­бур­ге стро­ил­ся с 1801 по 1811 год – как бы спе­ци­аль­но для то­го, чтобы стать хра­мом-па­мят­ни­ком рус­ской сла­вы в Оте­че­ствен­ной войне 1812 го­да. Ико­но­стас глав­но­го ал­та­ря тон­кой че­кан­ной ра­бо­ты, ис­пол­нен из ста пу­дов се­реб­ра: из них со­рок по­жерт­во­ва­ны хра­му дон­ски­ми ка­за­ка­ми, от­бив­ши­ми в 1812 го­ду это се­реб­ро у фран­цу­зов. Сте­ны со­бо­ра укра­ше­ны тро­фе­я­ми, взя­ты­ми у фран­цу­зов в 1812 го­ду. Вра­же­ские зна­ме­на скло­ни­лись у свя­щен­ной гроб­ни­цы по­гре­бен­но­го в со­бо­ре кня­зя Ми­ха­и­ла Ку­ту­зо­ва-Смо­лен­ско­го, спа­си­те­ля Оте­че­ства. Брон­зо­вые из­ва­я­ния Ку­ту­зо­ва и Барк­лая де Тол­ли сто­ят пе­ред хра­мом у кон­цов ко­лон­на­ды, по­лу­кру­гом об­няв­шей со­бор­ную пло­щадь...

В мно­го­чис­лен­ных чу­до­твор­ных спис­ках с Ка­зан­ской ико­ны про­слав­ля­ет­ся на Ру­си Пре­чи­стая Бо­го­ро­ди­ца, По­кро­ви­тель­ни­ца пра­во­слав­но­го рус­ско­го на­ро­да. Из мно­же­ства икон Бо­го­ро­ди­цы, по­чи­та­е­мых в Рус­ской Пра­во­слав­ной Церк­ви, ни од­на не рас­про­стра­не­на в та­ком чис­ле, как Ка­зан­ская. Всей Пра­во­слав­ной Русью она свя­то чтит­ся, к ней ча­ще все­го об­ра­ща­ют взо­ры в бе­дах и бо­лез­нях, взы­вая: «За­ступ­ни­це усерд­ная, Ма­ти Гос­по­да Выш­ня­го, за всех мо­ли­ши Сы­на Тво­е­го Хри­ста Бо­га на­ше­го... всем по­лез­ная да­руй и вся спа­си, Бо­го­ро­ди­це Де­во, Ты бо еси Бо­же­ствен­ный по­кров ра­бом Тво­им».

Бла­го­дат­ным осе­не­ни­ем рас­по­ло­жи­лись ико­ны Пре­чи­стой Бо­го­ро­ди­цы по ли­цу на­шей От­чиз­ны, во­ис­ти­ну об­ра­зуя Небес­ный по­кров. Ее неустан­ным хо­да­тай­ством нис­по­слан­ный Бо­же­ствен­ным Сы­ном, при­нес­шим Се­бя в жерт­ву для спа­се­ния че­ло­ве­че­ства. Древ­ний Вла­ди­мир­ский свя­той об­раз Бо­го­ро­ди­цы хра­нит и бла­го­слов­ля­ет на­ши се­вер­ные пре­де­лы, Смо­лен­ская и По­ча­ев­ская ико­ны ограж­да­ют за­пад, а на во­сток, до края зем­ли си­я­ет лу­ча­ми неиз­быв­ной бла­го­да­ти чу­до­твор­ный Ка­зан­ский об­раз Пре­чи­стой на­шей Ма­те­ри.

См. фильм «Свя­тое зна­ме­ние Рос­сии. Ка­зан­ская ико­на Бо­жи­ей Ма­те­ри».

Список храмов с престольным праздником Казанской иконы Божией Матери

Чтимые списки иконы находятся в Казанском соборе Санкт-Петербурга и в Казанском соборе Красной площади в Москве.



Сайт нуждается в средствах на оплату хостинга. С помощью кнопки выберите банковскую карту или Яндекс.деньги.