Акафист Пресвятой Богородице пред иконой «Корсунская Прозренная» («Шпилевская»)

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 22 октября (09 октября ст. ст.)

Не утвержден для общецерковного использования.

Кондак 1

Избранной от Господа Пречистей Госпоже и Богородице принесем, вернии, малое сие похвальное пение пред пречистым и чудотворным образом Ея Корсунским. Имже слепоты душевныя избавляемии, верою покланяющеся, умильно глаголем:

Радуйся, Благодатная, души наша спасающая и любовию к Богу исполняющая.

Икос 1

Ангели Божии, якоже предстояще им крещению князя Владимира, иже во граде Корсуни бысть, со страхом взираху на Пречистый лик Богоматери, егоже святый апостол и евангелист Лука изобрази в воспоминание земныя жизни Ея. Егоже и прият Равноапостольный от рук Архиереев греческих, яко благословение Царицы Небесныя всей земле Русской, со трепетом вопия Пренепорочней таковая:

Радуйся, Дево, небесная земным соединившая,

Радуйся, Мати, горняя дольним преклоньшая,

Радуйся, Помазание Христово роду человеческому,

Радуйся, Иордане Истинный, в раю Божием текущий,

Радуйся, Венче Богосветлый Троицы Единосущныя,

Радуйся, Уста Апостольская, имиже вселенная просветися,

Радуйся, Начало Предвечнаго Совета Божия,

Радуйся, Пределе таинственных обетований,

Радуйся Благодатная, души наша спасающая и любовию к Богу исполняющая.

Кондак 2

Звезда Вифлеемская явися икона Корсунская в земле нашей, еяже свету отцы наша, аки волхвы последующе, обретоша Христа Бога нашего и поклонишася Ему, и вместо злата, ладана и смирны - веру, надежду и любовь в дар Спасу принесоша, вопия Богу: Аллилуиа.

Икос 2

Видеша людие киевстии велия чудеса, яже от иконы Корсунския, тогда же Евангельским благовестием утверждении, отвратиша сердца своя от лести идольския, слышаще же глагол Христов: "Да крестятся вси во имя Отца и Сына и Святаго Духа", возрадовашеся зело о спасении своем, вопия Матери Господа Своего таковая:

Радуйся, Звездо, к Богу пресветло водящая,

Радуйся, Лучу Веры, во тьме мира светящий,

Радуйся, Храме, в немже вернии освящаются,

Радуйся, Колеснице, Еюже Единородный Сын сниде,

Радуйся, Поточе, в горняя нас устремляющий,

Радуйся, Слова Божия Носительнице Чудная,

Радуйся, Рождение Чистое чистыя двоицы,

Радуйся, Дщере, врачевством матери Своея ставшая,

Радуйся, Благодатная, души наша спасающая и любовию к Богу исполняющая.

Кондак 3

Радуется днесь вся земля Словенская, имуще икону Твою, Богородице, щит и утверждение веры Православныя. Сего ради Церкви Божии изображении лика Ея покрываются, небеси подобящеся. Се, и страна Сумская, приемше, яко Богосветлый Венец, икону Корсунскую, вопиет Богу: Аллилуиа.

Икос 3

Веселится духовно земля Сумская о явлении милости Богоматери: явися бо Чудотворный список иконы Корсунския, светлостию Благодати Божией сияюще и исцеление дарующе. Сего ради, не умолчим никогда силы Твоя, Богородице, глаголати, яже нам бысть от Образа сего в земли нашей, да любовию и иныя привлечем вся пети Тебе таковая:

Радуйся, Ризо Предивная, в Нюже Христос оболкийся,

Радуйся, Лампадо Духовная, в небесех тепле светящая,

Радуйся, Купино, огнем Божества неприступно объятая,

Радуйся, Горнило, в Немже Спаситель от Духа искован бысть,

Радуйся, Порфиро, от Анны сотканная,

Радуйся, Розо, в чертозе небеснем цветущая,

Радуйся, Маслина, милость миру явившая,

Радуйся, яко Тобою Хлеб Жизни для всех испечеся,

Радуйся, Благодатная, души наша спасающая и любовию к Богу исполняющая.

Кондак 4

Видяще Владычица иногда отроковицу чистую, иже слепа бе от рождения своего в веси Романовстей, обаче с любовию, аще и невидяще лика Богоматери, лобызающую икону Корсунскую, умилосердися над нею и исцеление очей телесных скоро подаде ей, вопиющей Богу: Аллилуиа.

Икос 4

"Блаженни невидевшие, но верующие", - рече Господь своим учеником и апостолам, Фомино неверие уверяя. Темже блаженна есть и отроковица боголюбивая, внегда воззвати ей, невидяще, с любовию Богоматери: "Слепоту очес моих отстави от мене, Пречистая, да вижу лик Твой Пресветлый, можеши бо сие сотворити, яко Мати Света Присносущнаго и Всемилостивая". Исцеление же прият совершенное, возопи, обрадованная, из глубины сердечныя таковая:

Радуйся, мира непрестанная Ходатаице,

Радуйся, Покрове, имже девство воистину укрывается,

Радуйся, Купеле Христова, в ней же духовно прозреваемся,

Радуйся, Источниче, изливший Пресладкаго Иисуса,

Радуйся, Одушевленная новая скиние,

Радуйся, Врачевательнице от демонов горце уязвленным,

Радуйся, Херувиме Огненный, ко Древу Жизни приставленный,

Радуйся, Мироварнице Божественныя благости,

Радуйся, Благодатная, души наша спасающая и любовию к Богу исполняющая.

Кондак 5

Бурю внутрь помышлений сумнительных испыта отроковица боголюбивая, егда в видении соннем явися ей Пречистая, глаголющая: "Да пребудет икона моя, от неяже прозрели очи твои, в церкви веси Шпилевстей: благодать бо Моя не токмо тебе, обаче и всем людем бысть, во спасение поющих Богу: Аллилуиа".

Икос 5

"Да не станет светильник тай, но да светит всем человекам", - глаголет Господь. Сего ради и икона Корсунская, аще и принесена бысть в церковь Шпилевскую, обаче Божиим промыслом возсия на древе, светом благодати сияюще. Видяще же ю людие, Отца, Иже есть на небесех, славяще, возопиша Богородице таковая:

Радуйся, Зерцало Святости, образ Божий являющее,

Радуйся, Псалтире, достойно Христа ублажающая,

Радуйся, Заре Утренняя, вечер греху предвещающая,

Радуйся, Крыло Ветренное, Имже Спас - облак прииде,

Радуйся, Дуго, от земли к небесам восходящая,

Радуйся, яко Агница, во чреве Анны упасшаяся,

Радуйся, Ветве Красная, яже процвела Христа плотию,

Радуйся, Чаше Святая Пресвятых Даров Божиих,

Радуйся, Благодатная, души наша спасающая и любовию к Богу исполняющая.

Кондак 6

Ковчег устрои древле Ной велением Божиим потопа ради, на немже и спасен бысть сей и весь дом его. Обаче и ныне яви Господь милосердие Свое стране Сумстей иконою Корсунскою: еюже бо от потопа грехов избавляемся, в покаянии вопиюще Богу: Аллилуиа.

Икос 6

На древе возсия икона Богоматери людем Шпилевстим, исцеление верным обильно подающе, обаче и нас, душевно ослепленных, просвети, Пречистая, Светом Сына Твоего и Бога нашего, да зовем Ти таковая:

Радуйся, духовных очей Просвещение,

Радуйся, воплощения Божия Преславное Сокровение,

Радуйся, Земле Неоранная, Христа миру прозябшая,

Радуйся, Небо Умное, из Негоже всем верным спасение бысть,

Радуйся, Скиптре Пресветлый в руце Царя царствующих,

Радуйся, Рабо Смиренная Господа господствующих,

Радуйся, Гнездо Голубицы, от Духа Орла приявшее,

Радуйся, обновление рождеством Своим всем возвестившая,

Радуйся, Благодатная, души наша спасающая и любовию к Богу исполняющая.

Кондак 7

Мудрецы неверующия недоумевают о Тебе, Богородице: "Како может икона Твоя исцеление подавати верным?" Мы же, ведуще по Писанием, яко и тень апостола Петра исцеляше приходящих к нему, почитаем лик Твой, Пречистая, вопиюще Богу: Аллилуиа.

ИК0С 7

Образ Твой почитаем, Богородительнице Чистая, чести ради, якоже и святый Иоанн, иже из Дамаска града, глаголет: "Честь бо,. иконе воздаваемая, на ея Первообраз восходит". Сего ради лик Твой, Святая, видяще, зрим Тя, якоже яве на небесех Предстоящую, вопия о Тебе таковая:

Радуйся, Святый лик Свой изобразити изволившая,

Радуйся, яко зряще Тя, вернии радуются,

Радуйся, Ключу Веры, имже Двери Райския отверзаются,

Радуйся, Дне Покоя Блаженнаго, в немже Единородный почи,

Радуйся, яко Илиа от ангел на небеса Вознесенная,

Радуйся яко Мати Божия тамо от Бога Венчанная,

Радуйся, Точило, имже Вино Безсмертия источися,

Радуйся, Воеводо ангельскаго воинства,

Радуйся, Благодатная, души наша спасающая и любовию к Богу исполняющая.

Кондак 8

Егда услыша свободитель царь Александр, како прославися в земле Слободской образ Богоматери Корсунския, тогда повеле из града Петрова: Да творят вси людие перенесение ежелетно Честнаго Образа из церкви Шпилевской в Соборный храм града Сумы до третиего дне восстания Сына Божия, от Девы плотию Возсиявшаго, и да поют Ему, яко Победителю Смерти, песнь сугубую о Тебе, Богородице: Аллилуиа.

Икос 8

Ризою светлою от камений драгих одеяся икона Корсунская от людей благочестивых. Обаче, паче сих, благодатию Божиею украшается икона явленная, сего ради вопием Богородице таковая:

Радуйся, Благодатию Божиею преукрашенная,

Радуйся, яко икона Корсунская нам милости Твоея бысть явление,

Радуйся, Ходатаица у Престола Всевышняго,

Радуйся, Помощнице в жизни сей временней,

Радуйся, Многосветлая Свеча, от Света Мира возжженная,

Радуйся, Правило Веры и Благочестие Истинное,

Радуйся, Соцарствующая Сыну Своему и Богу нашему,

Радуйся, Плененная от Духа Свята Своею волею,

Радуйся, Благодатная, души наша спасающая и любовию к Богу исполняющая.

Кондак 9

Паде денница с высоты небесныя, егда завистию объят бе к славе Божией. Обаче внуши людем неверным замыслити на Господа и на Христа Его и Славу Богоматери умалити. Иже взяша икону Ея Корсунскую в пленение тесное и совлекше ризы с нея, на позор мирской выставляше, не ведающе пети Богу: Аллилуиа.

Икос 9

Се, паки оружие пройде сердце Твое, Богородице, егда от Престола Божественнаго, идеже ангельский Собор и Сонм новомученик Тя прославляют велелепно, узрела еси лик Свой во иконе Корсунской от соборища богоборнаго уничижаем, обаче, таковому о нас долготерпению дивящеся, покланяемся иконе Твоей, Непорочная, и вопием Ти таковая:

Радуйся, о чадех заблуждших горце Скорбящая,

Радуйся, поругание нечестивых кротко Приемшая,

Радуйся, смирению Сына Своего сим Поревновавшая,

Радуйся, страдания душевныя и слезы Испытавшая,

Радуйся, Рабо Молчаливая, пред мучители ликом Своим Предстоявшая,

Радуйся, яко оружие сердце Твое тем паки пройде,

Радуйся, за грешники Сыну Своему мольбу Приносящая,

Радуйся, Любове Всемирная, любовию нас не оставльшая,

Радуйся, Благодатная, души наша спасающая и любовию к Богу исполняющая.

Кондак 10

Уязвление лика Пречистыя Матери Своея не терпяще от безбожных видети, пролия Господь гнев Свой на дом позорищный, в нем же икона Корсунская в пленении бысть: огнем попали истуканы мирския и советы лукавых разори. Икона же Корсунская, аки Купина вторая, огнем опаляема, незгараше, неверныя сим устрашающе, верным же сиянием благодати блистающе, вопиющим о сем Богу: Аллилуиа.

Икос 10

Яко светоносный облак благодати явися паки икона Твоя, Владычице, во граде Сумстем, пленению скончавшуся: сия бо неверия мрак отгоняюще, сердца наша к Богу возводит, вопиющим же таковая:

Радуйся, христиан православных Верная Защитнице,

Радуйся, Разорение Скорое злоумышлений неверных,

Радуйся, Мрежо, еюже царствие нам уловляется,

Радуйся, Пажите Тучная, на нейже Христос возлеже,

Радуйся, Пристане Тихая в море житейских попечений,

Радуйся, Безплотное Слово во Плоти Явившая,

Радуйся, Безлетнаго Сына в вертепе Родившая,

Радуйся, служения идольскаго нас Свободившая,

Радуйся, Благодатная, души наша спасающая и любовию к Богу исполняющая.

Кондак 11

Огнь Божества прияла еси Дева, пребыв нетленна. Ныне же тернии души моея попали, Пречистая, огнем Благодати Твоея. Да стану и аз, якоже Моисей, в Земле Святей ногама моима, вопия чистым сердцем песнь Богу: Аллилуиа.

Икос 11

О Торжество Светлое! О празднество новое в стране Сумстей: перенесение в Соборную церковь Спаса Преображения иконы Богоматери Корсунския. Егоже, яко на Фавор Новый, архиереи и священницы, монаси и бельцы прияша, и с пении духовными и хоругви множества обстояху Святый Лик Твой, Пречистая, Божественную службу Безкровныя Жертвы Христовой совершающе, и вопиюще Ти таковая:

Радуйся, заповедей Божиих Исполнение,

Радуйся, православия истиннаго Истинное Исповедание,

Радуйся, надеждо ближайшая воскресения вечнаго,

Радуйся, Благословение Божие священству новому,

Радуйся, Фаворе мысленный, на немже Христос возсия,

Радуйся, яко Плод чрева Твоего благословен еси,

Радуйся, Подателя Закона в Себе Приявшая,

Радуйся, яко превыше небес возлетевшая,

Радуйся, Благодатная, души наша спасающая и любовию к Богу исполняющая.

Кондак 12

Всяк возраст и чин ублажает Тя, Пресвятая Дево: Мати бо Жизни истинныя явилась еси. Ты же, о Царице Небесная, приими моления раб твоих, поклоняющихся честно иконе Твоей Корсунской и любовию вопиющих Богу: Аллилуиа.

Икос 12

О, како достойно воспети Тя, Богородице? Кий дар принести от скудности духовныя: Еже бо прияла еси дар многоценнейший от Бога - Единородное Слово Отчее! Обаче, о Мати Безневестная, Сама подаждь нам с высоты силу воспети Ти паки песнь, вопия таковая:

Радуйся, Солнца Праведнаго Первое Сияние,

Радуйся, Начаток Истинный Христова делания,

Радуйся, Вместилище Пространное Бога Невместимаго,

Радуйся, Ложе Непорочное Божественнаго воплощения,

Радуйся, Престоле Божий, Емуже предстоит Собор Святых,

Радуйся, Эдеме Небесный, от Духа устроенный,

Радуйся, Ликование Вечное ангельскаго воинства,

Радуйся, Ублажение Присное рода христианского,

Радуйся, Благодатная, души наша спасающая и любовию к Богу исполняющая.

Кондак 13

Пресвятая Госпоже и Дево Богородице, Вышняго Господа и Бога нашего Мати! Ты аще и у Престола на небесех предстоиши, обаче глас отроковицы боголюбивыя, пред иконою Твоею Корсунскою моление теплое приносящую, услышала еси. Тако и наше малое моление услыши и скоро просвети светом благодати Твоея, да в радости духовней воспоем Творца всех Бога, вопия ему: Аллилуиа.

Этот кондак читается трижды, затем икос 1-й и кондак 1-й

Молитва ко Пресвятой Богородице

Царице моя Преблагая, надеждо моя, Богородице, прибежище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Глав­ной свя­ты­ней Спа­со-Пре­об­ра­жен­ско­го со­бо­ра яв­ля­ет­ся Чу­до­твор­ная Кор­сун­ская (Шпилев­ская) ико­на Бо­жи­ей Ма­те­ри, име­ну­е­мая «Про­зрен­ноя». Эта ико­на на­пи­са­на на ли­сто­вом бе­лом же­ле­зе — спи­сок с ико­ны Бо­го­ма­те­ри, при­не­сен­ной кня­зем Вла­ди­ми­ром из Кор­су­ни по­сле его кре­ще­ния в Ки­ев. В XVIII сто­ле­тии ико­на бы­ла соб­ствен­но­стью од­но­го кре­стьян­ско­го се­мей­ства в с. Ро­ма­нов­ка Сум­ско­го уез­да. По пре­да­нию, в се­мей­стве вла­дель­ца ико­ны бы­ла сле­пая от рож­де­ния ма­лень­кая дочь. Од­на­жды, ко­гда все чле­ны се­мьи бы­ли за­ня­ты убор­кой в до­ме, де­воч­ке по­ру­чи­ли про­те­реть ико­ны. За­ме­тив раз­ни­цу меж­ду ико­ной, пи­сан­ной на тон­ком же­лез­ном ли­сте и пи­сан­ны­ми на дос­ках, де­воч­ка усо­мни­лась в том, что это – ико­на. На во­прос, об­ра­щен­ный к ма­те­ри, — ико­на ли это – она по­лу­чи­ла утвер­ди­тель­ный от­вет. То­гда сле­пая с го­ре­чью ска­за­ла: «Мо­жет быть вы сме­е­тесь на­до мной – и, вздох­нув, вы­ска­за­ла дав­но та­ив­ше­е­ся в глу­бине серд­ца свое же­ла­ние — Ах, ес­ли бы я са­ма сво­и­ми гла­за­ми уви­де­ла, то­гда бы не со­мне­ва­лась». Лишь толь­ко она мол­ви­ла это, ее гла­за от­кры­лись и она в ра­до­сти вос­клик­ну­ла: «Ой, вер­но вы го­во­ри­те, са­ма те­перь ви­жу!» Вско­ро­сти ис­це­лен­ная де­воч­ка ви­дит во сне Бо­жию Ма­терь та­кой же, ка­кой Она изо­бра­же­на на иконе и слы­шит ее го­лос: «От­не­си­те ико­ну Мою в цер­ковь, что в се­ле Шпилев­ка». О сне де­воч­ка рас­ска­за­ла ро­ди­те­лям и те от­нес­ли ико­ну в храм. Од­на­ко ро­ди­те­ли не рас­ска­за­ли свя­щен­ни­ку о чу­дес­ном ис­це­ле­нии сво­ей до­че­ри. Ико­на два­жды необъ­яс­ни­мым об­ра­зом по­ки­да­ла цер­ковь и ее на­хо­ди­ли непо­да­ле­ку в са­ду, под ясе­нем. Хо­зя­ин са­да – по­ме­щик Кон­дра­тьев, свя­щен­ник и ста­ро­ста церк­ви ре­ши­ли пой­ти к быв­ше­му вла­дель­цу ико­ны. Услы­шав рас­сказ о про­ис­шед­ших со­бы­ти­ях, кре­стья­нин по­дроб­но рас­ска­зал при­шед­шим о чу­де про­зре­ния сво­ей до­че­ри. Слух об этом быст­ро рас­про­стра­нил­ся по окрест­но­стям. На том ме­сте, где под ясе­нем два­жды на­хо­ди­ли ико­ну, бы­ла по­став­ле­на цер­ковь в ко­то­рую и по­ме­сти­ли Свя­той Об­раз. До 1859 го­да Кор­сун­ская ико­на по­сто­ян­но на­хо­ди­лась в Шпилев­ском По­кров­ским хра­ме. Вот как пи­са­ли „Харь­ков­ские гу­берн­ские ве­до­мо­сти” №11 за 14 мар­та 1859 го­да: „Гос­по­дин На­чаль­ник гу­бер­нии в пред­ло­же­нии от 7 фев­ра­ля за № 1361, изъ­яс­нил: ГОСУДАРЬ ИМПЕРАТОР, по ВСЕПОДДАННЕЙШЕМУ ДОКЛАДУ Обер-Про­ку­ро­ра Свя­тей­ше­го Си­но­да в 10 день ми­нув­ше­го Ян­ва­ря Ви­со­чай­ше утвер­дить со­из­во­лил опре­де­ле­ние Свя­тей­ше­го Си­но­да о раз­ре­ше­нии на­хо­дя­щу­ю­ся в се­ле Шпилев­ке Сумсь­ко­го уз­да Чу­до­твор­ную ико­ну Бо­жий Ма­те­ри, име­ну­е­мую Кор­сун­скою, пе­ре­но­сить еже­год­но в день яв­ле­ния, 9 Ок­тяб­ря, в Пре­об­ра­жен­ский Со­бор в г. Су­мы, с тем, чтобы Ико­на сия бы­ла воз­вра­ще­на в с. Шпилев­ку на тре­тий день Пас­хи.” А 9 ок­тяб­ря 1859 го­да „Харь­ков­ские гу­берн­ские ве­до­мо­сти” в раз­де­ле — Из­ве­стия из уез­дов – уже пи­са­ли: „В 12 вер­стах от уезд­но­го го­ро­да Сум, в при­ход­ской церк­ви се­ле­ния Шпилев­ки есть Чу­до­твор­ная Ико­на Бо­жий Ма­те­ри Кор­сун­ской. Пе­ре­не­се­ние этой Ико­ны из Шпилев­ки в Су­мы на зим­нее вре­мя из­дав­на бы­ло за­вет­ным же­ла­ни­ем сум­ских жи­те­лей, ко­то­рое в на­сто­я­щее вре­мя осу­ще­стви­лось в след­ствие Вы­со­чай­ше­го в ны­неш­нем го­ду со­из­во­ле­ния на пе­ре­не­се­ние еже­год­но 9 ок­тяб­ря Чу­до­твор­ной Ико­ны из Шпилев­ки в сум­ской го­род­ской Пре­об­ра­жен­ский со­бор и об­рат­но в Шпилев­ку на тре­тий день Пас­хи. Та­ким об­ра­зом в ны­неш­нем го­ду в пер­вый раз со­вер­ше­но пе­ре­не­се­ние Чу­до­твор­ной Ико­ны 9 чис­ла те­ку­ще­го ме­ся­ца Прео­свя­щен­ным Ма­ка­ри­ем (Бул­га­ко­вым), епис­ко­пом Харь­ков­ским и Ах­тыр­ским, с про­чим ду­хо­вен­ством, в при­сут­ствии Гос­по­ди­на На­чаль­ни­ка гу­бер­нии и су­пру­ги Его Пре­вос­хо­ди­тель­ства, а так­же г. пред­во­ди­те­ля дво­рян­ства сумсь­ко­го уз­да, мно­гих знат­них особ обо­е­го по­ла, го­род­ско­го и уезд­но­го на­чаль­ства, при сте­че­нии мно­го­чис­лен­но­го на­ро­да… В тот же день ве­че­ром Прео­свя­щен­ный в со­бор­ной церк­ви со­вер­шал все­нош­ное бде­ние, а на дру­гой день Бо­же­ствен­ную ли­тур­гию, пе­ред окон­ча­ни­ем ко­то­рой про­из­нес при­лич­ное тор­же­ству сло­во”.

По­кров­ская цер­ковь се­ла Шпилев­ки по­стро­е­на в 1849 го­ду ста­ра­ни­я­ми при­хо­жан и по­ме­щи­цы Вар­ва­ры Рим­ской-Кор­са­ко­вой. По­сле ре­во­лю­ции Кор­сун­ская (Шпилев­ская) ико­на Бо­жи­ей Ма­те­ри бы­ла изъ­ята из хра­ма и по­ме­ще­на в ху­до­же­ствен­но-кра­е­вед­че­ский му­зей. Во вре­мя по­жа­ра, слу­чив­ше­го­ся в 30-х го­дах в му­зее, ико­на чу­дес­ным об­ра­зом не по­стра­да­ла. Этот слу­чай про­из­вел на со­труд­ни­ков му­зея неиз­гла­ди­мое впе­чат­ле­ние. Охва­чен­ные ду­шев­ным тре­пе­том, они ре­ши­ли воз­вра­тить Свя­той Об­раз в Бо­жий храм. По­сколь­ку По­кров­ская Шпилев­ская цер­ковь бы­ла к то­му вре­ме­ни уже раз­ру­ше­на, ико­ну пе­ре­нес­ли в Спа­со-Пре­об­ра­жен­ский со­бор г. Су­мы, где она пре­бы­ва­ет и по­ныне. Пре­рван­ная тра­ди­ция Крест­ных хо­дов с Чу­до­твор­ным Об­ра­зом бы­ла воз­об­нов­ле­на в 1995 го­ду. Ча­со­вой ко­ло­кол ко­ло­коль­ни Спа­со-Пре­об­ра­жен­ско­го со­бо­ра при­над­ле­жал ра­нее По­кров­ской церк­ви с. Шпилев­ка. По­сле уни­что­же­ния хра­ма он ока­зал­ся на се­ве­ре на­шей об­ла­сти и в на­ча­ле 90-х го­дов чу­дес­ным об­ра­зом по­пал в Сум­ской Ка­фед­раль­ный Спа­со-Пре­об­ра­жен­ский со­бор.

Н.Н.Шуль­жен­ко