Акафист Пресвятой Богородице пред иконой «Сурдегская»

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 28 августа (15 августа ст. ст.)

Кондак 1.

Взбранной Воеводе Владычице нашей Богородице, благодарственная пения поем о явлении чудныя иконы Твоея Сурдегския. Ты же, яко всемилостивая всех притекающих к Тебе Помощнице, заступай нас во всех скорбех и нуждах, и яко имущая державу непобедимую, от всяких нас бед и напастей защищай, да зовем ти:

Радуйся, Похвало Сурдегская, светлое Небесныя и земныя церкве Украшение.

Икос 1.

Ангел множества и вся Небесная воинства славят Тебе, Царицу всех Богородицу, о явлении в Сурдегах образа Твоего святаго, на земли явльшагося яко многоценен сосуд сокровищ неисчерпаемых, нам явленных для вечнаго спасения. Темже мы, аще и недостойнии по грехом нашым, все наше упование дерзающе возложити на чудотворный образ, первообразне к Тебе возводящий, во умилении молящеся взываем Ти:

Радуйся, Богоизбранная Отроковице.

Радуйся, Мати Божия.

Радуйся, ангелы чтимая.

Радуйся, от серафим певаемая.

Радуйся, пророчеств исполнение.

Радуйся, Апостолов похвало.

Радуйся, мучеников крепосте.

Радуйся, преподобных венче.

Радуйся, праведных веселие.

Радуйся, нас грешных упование.

Радуйся, кающихся скорое услышание.

Радуйся, подвизающымся помощь и прибежище.

Радуйся, Похвало Сурдегская, светлое Небесныя и земныя церкве Украшение.

Кондак 2.

Видящи Всенепорочная Мати с высоты Небесныя, идеже Ты с Сыном Твоим во славе пребываеши, скорбь людей Твоих иноверием соблазняемых, благоволила еси явити икону Свою чудесы многими от тоя являемыми, да утверждаемии знаменьми Твоея благодати, христолюбивии людие верно вопиют Богу: Аллилуиа.

Икос 2.

Разум неуразуменный дивнаго явления иконы Твоея разумети людие ищуще уведеша, яко сия пречестная икона Твоя в наследие прибалтийским христианом даровася, темже мы благодаряще за милость Твою вопием Ти:

Радуйся, явлением Своим на источнице люди удивившая.

Радуйся, пречестный образ Свой нам оставившая.

Радуйся, милости бездно.

Радуйся, любве неистощимое море.

Радуйся, люди узами любве Своея привлекающая.

Радуйся, всякую печаль от душ их отгоняющая.

Радуйся, верных присное дерзновение.

Радуйся, сумнящихся доброе наставление.

Радуйся, Похвало Сурдегская, светлое Небесныя и земныя церкве Украшение.

Кондак 3.

Сила Вышняго благодатию Богоматере умудри и укрепи люди ко исканию многоценнаго Божия дара, и тии обретше сокровище святыя иконы богоматерни радостно возопиша к Богу: Аллилуиа.

Икос 3.

От пречистыя Твоея иконы, Владычице, токи чудес источила еси: слепым телесныма очима зрение подавающи, душевно же омраченных светом богопознания и благочестия озаряющи. Сего ради зовем Ти:

Радуйся, явлением иконы Твоея тьму лютых обстояний отгнавшая.

Радуйся, лучами чудес ея всех просвещающая.

Радуйся, слепых прозрение.

Радуйся, омраченных смыслом просвещение.

Радуйся, славо Православия.

Радуйся, тихое пристанище ищущих спасения.

Радуйся, Еюже ликовствует все множество верных.

Радуйся, всех скорбящих Радосте.

Радуйся, Похвало Сурдегская, светлое Небесныя и земныя церкве Украшение.

Кондак 4.

Бурю земнаго скорбнаго жития нашего в немощех и болезнех видящи, Премилосердная Мати Божия благоизволи явити чудо явления образа своего, и мы с радостию несказанною припадаем к Тебе, Владычице, и из глубины души благодарим Тя, дивную Заступницу, воспевающе Богу: Аллилуиа.

Икос 4.

Имея яко боготечную звезду святый образ Твой, Владычице, благовернии именитии людие Алексий со Анною построиша храм на месте чуднаго явления, и вси видевшии сие воспеша Ти таковая:

Радуйся, похвало наша и залог вечнаго спасения.

Радуйся, покрове наш и утешение.

Радуйся, радосте наша и крепкая заступница.

Радуйся, охранительнице наша и упование.

Радуйся, отрадо наша и дивное о нас попечение.

Радуйся, всех христиан вожделенная помощнице.

Радуйся, Мати целомудрия.

Радуйся, покрове и ограждение девства.

Радуйся, Похвало Сурдегская, светлое Небесныя и земныя церкве Украшение.

Кондак 5.

Яко боготечною звездою, заступление Богоматере сила Вышняго осени святое место явления Ея чудотворныя иконы, и обитель, сотворенную зде, яко село пространное показа всем, во иночестей жизни хотящым жати спасение, и пети сице: Аллилуиа.

Икос 5.

Бурю внутрь имеюще помышлений сумнительных, зряще единаго от еретик, ко хулению святаго образа Твоего уста дерзнувшаго открыти, и той час самаго за сие помрачением разсудка явно наказанным быти, людие благочестивии увидевше, зовуще таковая:

Радуйся, и неведущих вразумление.

Радуйся, и малодушных укрепление.

Радуйся, кающихся скорое услышание.

Радуйся, подвизающымся помощь и прибежище.

Радуйся, землю литовскую явлением Твоим утешившая.

Радуйся, многих заблудших вразумившая.

Радуйся, истинныя веры утверждение.

Радуйся, зловерия явное обличение.

Радуйся, Похвало Сурдегская, светлое Небесныя и земныя церкве Украшение.

Кондак 6.

Силу десницы Всевышняго во исцелениих одержимых от бесов и лишенных разума являющи чрез образ Твой, научи и нас, пречистая Мати и Дево, достойно воспевати Богу: Аллилуиа.

Икос 6.

Велию ревность имуще о Бозе, духоноснии раби Твои исцеления получивше от чудотворнаго образа Твоего, песньми красными воспевают Ти сице:

Радуйся, душ и телес наших исцеление.

Радуйся, от всяких зол ограждение.

Радуйся немощей наших умаление.

Радуйся, страстей наших искоренение.

Радуйся, благочестивых христиан предобрая наставнице.

Радуйся, боголюбивых иноков пред Богом попечительнице.

Радуйся, ведущих брань противу мира, плоти и диавола добрая споспешнице.

Радуйся, ревнующым о целомудрии и чистоте изрядная пособнице.

Радуйся, Похвало Сурдегская, светлое Небесныя и земныя церкве Украшение.

Кондак 7.

Егда узревше икону Твою, и обильная исцеления, от тоя источаемая, радовахуся людие вси, и яко светильник держаху ю, вопиюще Богу: Аллилуиа.

Икос 7.

Слышавше о великих добродетелех святыни сея, верная чада церкве Христовы из Риги и иных градов, притекаху ко образу Твоему, и покланяхуся тому, взывающе таковая:

Радуйся, от востока до запада силу всемогущества Христова иконою Твоею возвещающая.

Радуйся, болезни душевныя и телесныя иконою Твоею скоро врачующая.

Радуйся, земли литовстей икону твою в залог благоволения даровавшая.

Радуйся, чудесы Твоими православие в ней крепко утвердившая.

Радуйся, яко чудеса Твоя зряще, к Небеси сердцы своими восхищаемся.

Радуйся, яко Тобою светом истинныя веры вси просвещаемся.

Радуйся, Еюже вера умножается.

Радуйся, Еюже уныние отгонится.

Радуйся, Похвало Сурдегская, светлое Небесныя и земныя церкве Украшение.

Кондак 8.

Боготочная звезда ищущым спасения явилася еси, Владычице, к Солнцу Правды сих приведшая: якоже бо в земнем житии Твоем о людех предстательница к Сыну Твоему в Кане Галлилейстей показалася еси, тако и по славнем Твоем отшествии на Небеса усердная заступница в образе сем нам явилася еси, о Тебе вопиющым Богу: Аллилуиа.

Икос 8.

Вся сущи в вышних, но и нижних не отступающи, разум подаждь нам, всеусердная предстательнице, наша Небесная Царице: из уст бо нас скверных како мощно пети Твоему имени? Яко благих еси нам ходатаица, сильна еси вспомоществовати во всякой нами требуемой помощи, да Тебе со умилением зовем сице:

Радуйся, Твоим заступлением праведный на нас гнев Божий утоляющая.

Радуйся, Твоим ходатайством грехи нашя прощающая.

Радуйся, Твоею помощию страсти ная искореняющая.

Радуйся, Твоим предстательством временныя нашя скорби разрушающая.

Радуйся, во всяких бедах и нуждах нам помогающая.

Радуйся, славящих Тя всегда прославляющая.

Радуйся, славу Божию истинно пети научающая.

Радуйся, сокровище богатное в Твоей святей иконе нам являющая.

Радуйся, Похвало Сурдегская, светлое Небесныя и земныя церкве Украшение.

Кондак 9.

Хотящи тщание живота вечнаго возгрети в сердцах христианских, Пресвятая Богородица болящия чудесы своими исцеляет, бесы изгоняет, душы нашя к бытию вечному воскрешает: да вси мы, силу Божию уразумевше, земная возненавидим, о душах же своих попечение приложим, непрестанно вопиюще Богу: Аллилуиа.

Икос 9.

Ветия многвещанныя, аки рыбы безгласныя видим о Тебе, Богородице, недоумеют бо, како боготечную икону Свою в Ярославль град от нашествия иноплеменников вдала еси, и вси вернии, благоговейно приявше ю во объятия своя яко сокровище непостижимое, поставиша во храме святем, воспевающе ти таковая:

Радуйся, литовския страны славо.

Радуйся, людей ея надеждо и держава.

Радуйся, святую икону Свою дати нам изволившая.

Радуйся, покров ея над нами простершая.

Радуйся, тем любовь свою к стране российстей показавшая.

Радуйся, о ней благое промышление явившая.

Радуйся, помоще наша в скорбных обстояниих.

Радуйся, зримая нами во многих благодеяниих.

Радуйся, слез наших избавление.

Радуйся, сирых защищение.

Радуйся, от враг видимых и невидимых ограждение.

Радуйся, неизглаголанных радостей явление.

Радуйся, Похвало Сурдегская, светлое Небесныя и земныя церкве Украшение.

Кондак 10.

Странное чудо зрим о Тебе, Богомати: се многажды недузи телеснии от святыя иконы Твоея с верою, и целованием, и святыя воды кроплением исцеляются, тако и душевныя страсти видением святыни Твоея отъемлются, вера же утверждается, и умиления сердца наша исполняются, поющих Богу: Аллилуиа.

Икос 10.

Возсия радость велия слышавшым Твое, Богомати, в страну литовскую возвращение, яко всякая отступства и еретическая заблуждения покаявшемуся народу земли тоя отпустила еси, Владычице, и паки источника исцелений от чудотворныя Твоея иконы людем открыла еси, радостно поющым тако:

Радуйся, страху Божию нас научающая.

Радуйся, на путь добродетели нас наставляющая.

Радуйся, хранительнице наша в настоящем веце.

Радуйся, предстательнице в будущем за вся человеки.

Радуйся, изимающая нас от сетей диавольских.

Радуйся, зрительнице ликов ангельских.

Радуйся, благоутробие Сына Своего к нам преклонившая.

Радуйся, благодать спасительную Рождеством нам возвестившая.

Радуйся, святую икону Твою яко залог милости к нам возвратившая.

Радуйся, дар чудодействия ея не оставившая.

Радуйся, прилоги всякаго зла от нас отражающая.

Радуйся, всему благому вход отверзающая.

Радуйся, Похвало Сурдегская, светлое Небесныя и земныя церкве Украшение.

Кондак 11.

Странно чудо явления образа Твоего, Владычице, и, несказанно удивляет премирная и ужасает земная, вкупе же и просвещает благодатию рождшагося от Тебе Христа Бога нашего, Емуже мы недостойнии дерзновенно вопием: Аллилуиа.

Икос 11.

Имеющи дерзновение к Сыну Твоему и Богу нашему, яко светоприемная свеща, сущым во тьме бед явльшаяся, Пресвятая Богородице, аки стеною и забралом честною иконою Твоею ковенския и иныя верныя люди Твоя защищаеши, темже избавленнии Тобою от козней диавольских все вопием Тебе:

Радуйся, Тебе же Гавриил благовести тайну Рождества Сына Божия.

Радуйся, взыгранием младенца Иоанна во чреве Елисаветы о том предуведенная.

Радуйся, яко Мати Творца и Господа Своего явленная.

Радуйся, смирением возвышенная и от всех родов ублажаемая.

Радуйся, Небесным радование и земным мир Рождеством Твоим даровавшая.

Радуйся, Ангелы славословимая и пастырьми величаемая.

Радуйся, от волхвов поклонение о Рождестве Твоем приимшая.

Радуйся, млеком питавшая горняя и дольняя благодатию Своею Питающаго.

Радуйся, пеленами повившая Одевающагося светом яко ризою.

Радуйся, носившая на руку Твоею Носящаго весь мир дланию.

Радуйся, в храм принесшая Священие храма.

Радуйся, Симеоном благословленная и Анною пророчицею возвеличенная.

Радуйся, Похвало Сурдегская, светлое Небесныя и земныя церкве Украшение.

Кондак 12.

Благодати Христовы носителие, проповедницы, богоноснии Апостоли, по Вознесении Господни при освящении храма Твоего обретше нерукотворный образ Твой, Владычице, дивляхуся: мы же недостойнии, обретши святыню сию, образ Твой всечестный, со страхом и трепетом о дивном явлении сем чудящеся, вопием, благодаряще Бога: Аллилуиа.

Икос 12.

Поюще Твоя чудеса, являемая нам в жизни сей, блажим Тя, Богородице, яко неисчерпаемый источник милости, и припадающе к Тебе пред чудотворною иконою Твоею, молим Тя смиренно: буди нам покров и защищение в день кончины нашея, и егда имамы предстати на суд страшному престолу Сына Твоего, да вопием:

Радуйся, во славе приседящая престолу Сына Твоего и тамо нас воспоминающая.

Радуйся, с Сыном Твоим и Богом вечно царствующая и о нас ходатайствующая.

Радуйся, печальных в жизни сей утешение.

Радуйся, больных исцеление.

Радуйся, обидимых прибежище.

Радуйся, уповающым на Тя конец жизни непостыден дающая.

Радуйся, безболезненную и мирную кончину устрояющая.

Радуйся, мытарств горьких ихбавление.

Радуйся, от власти князя воздушнаго свобождение.

Радуйся, благая Мати, всех чтущих Тя жити с собою вселяющая.

Радуйся, крепкую надежду вечнаго спасения всем христианом тя блажащым являющая.

Радуйся, святителей удобрение и пастырей окриление.

Радуйся, Похвало Сурдегская, светлое Небесныя и земныя церкве Украшение.

Кондак 13.

О всепетая Мати: рождая всех святых Святейшее Слово, нынешнее наше приемши приношение, от всякия избави напасти всех, и будущия изми муки, Тебе вопиющих: Аллилуиа, алиилуиа, аллилуиа.

Сей кондак глаголи трижды. Таже икос 1 и кондак 1.

Молитва ко Пресвятой Богородице святаго Ефрема Сирина

Дево Владычеце Богородице, паче естества и слова рождшая единородное Божие Слово, Творца и Владыку всей видимой и невидимой твари, Единаго из Троицы Бога, и Бога и Человека, соделавшаяся обителию Божества, вместилище всякия святыни и благодати, в немже, по благоволению Бога и Отца, при содействии Святаго Духа, телесно обитала есть полнота Божества: несравненно превознесенная царским боголепным достоинством, и преимуществующая пред всякою тварию, слава и утешение, и неизреченное веселие Ангелов, царственный венец Апостолов и Пророков, преестественное и чудное мужество мучеников, поборница в подвизех и подательница победы, уготовляющая подвижником венцы и воздаяния вечная и боголепная: превышшая всякия чести, честь и слава преподобных, непогрешительная путеуказательница и наставница безмолвия, дверь откровения и духовных таин, источник света, врата вечныя жизни, неистощимая река милосердия, неисчерпаемое море всех боголепных дарований и чудес: Тебе просим и Тебе умоляем, сострадательнейшую Матерь человеколюбиваго Владыки, буди милостива к нам смиренным и недостойным рабом Твоим, воззри благосердно на пленение и смирение наше, уврачуй сокрушения душ и телес наших, разсей видимыя и невидимыя враги, буди нам недостойным пред лицем врагов наших крепкий столп, бранное оружие, сильное ополчение, воевода и непреоборимая поборница: покажи ныне на нас древняя и чудныя милости Твоя, да познают беззаконнии врази наши, яко Сын Твой и Бог един есть Царь и Владыка: яко Ты воистину еси Богородица, родившая по плоти истиннаго Бога, яко вся Тебе возможна, и вся, аще восхощеши, Владычице, имееши силу вся сия совершити на Небеси и на земли, и на всякое прошение даровати коемуждо полезное: больным здравие, сущым на мори тишину и доброе кораблеплавание: путешествующым спутешествуй и охраняй их, плененных спасай от горькаго рабства, утешай печальных, облегчай нищету и всякое другое телесное злострадание: всех свобождай от душевных недугов и страстей, невидимыми Твоими предстательствами и внушениями, дабы добре и непреткновенно совершивше путь сея временныя жизни, улучили мы чрез Тебе и оная вечная блага в Царстве Небесном.

Спаси молитвами Твоими, Владычеце, храм сей Тебе преимущественно посвященный, и прихожан его, весь град и страну нашу: от глада, землетрясения, потопления, огня, меча, нашествия иноплеменников, междоусобныя брани, и всякий неправедно подвигшийся на ны гнев отврати, по благоволению и благодати единороднаго Сына и Бога Твоего, Емуже подобает всякая слава, честь и поклонение со безначальным Его Отцем, с совечным и животворящим Его Духом, ныне и присно, и во веки веков. Аминь.

Сур­дег­ская ико­на Бо­жи­ей Ма­те­ри на­хо­ди­лась в Свя­то-Ду­хо­вом муж­ском мо­на­сты­ре, так­же на­зы­ва­е­мом Сур­дег­ским, рас­по­ло­жен­ном в де­ревне Сур­де­ги неда­ле­ко от г. Па­не­ве­жи­са.

Са­мые ран­ние ис­то­ри­че­ские све­де­ния о Сур­дег­ском мо­на­сты­ре от­но­сят­ся к 1510 го­ду, ко­гда за­бо­та­ми знат­но­го пра­во­слав­но­го хри­сти­а­ни­на – по­ме­щи­ка Бог­да­на Шиш-Ста­виц­ко­го бы­ла по­стро­е­на в этом крае цер­ковь. В 1530 го­ду, над клю­чом, непо­да­ле­ку от этой об­вет­шав­шей уже церк­ви про­изо­шло чу­дес­ное яв­ле­ние ико­ны Пре­свя­той Бо­го­ро­ди­цы. Вско­ре по­сле это­го на ме­сте об­ре­те­ния свя­то­го об­ра­за мест­ный по­ме­щик Алек­сей Фе­о­до­ро­вич, по про­зва­нию Вла­ды­ка, вы­стро­ил де­ре­вян­ную цер­ковь во имя Свя­той Жи­во­на­чаль­ной Тро­и­цы.

Спу­стя 20 лет, в 1550 го­ду, воз­ле этой церк­ви бла­го­да­ря со­дей­ствию вла­де­ли­цы сур­дег­ско­го по­ме­стья Ан­ны Ши­шан­ка-Ста­виц­кой был ос­но­ван мо­на­стырь.

Сур­дег­ская оби­тель на про­тя­же­нии всей ис­то­рии сво­е­го су­ще­ство­ва­ния (с 1550 го­да до Пер­вой ми­ро­вой вой­ны) оста­ва­лась вме­сте с хра­ни­мой в ней свя­той ико­ной в лоне Пра­во­слав­ной Церк­ви, несмот­ря на неод­но­крат­ные по­пыт­ки вра­гов пра­во­сла­вия за­хва­тить мо­на­стыр­ские име­ния, разо­гнать мо­на­хов и за­вла­деть чу­до­твор­ной ико­ной. Пре­да­ние по­вест­ву­ет о том, что Сур­дег­ский об­раз Пре­свя­той Бо­го­ро­ди­цы од­на­жды был при­ве­зен в Траш­кун­ский ка­то­ли­че­ский мо­на­стырь. Од­на­ко изо­бра­же­ние ли­ка Бо­го­ма­те­ри на иконе ис­чез­ло, как толь­ко ее внес­ли в ко­стел, а у по­хи­ти­те­лей пе­ре­ко­си­ло че­лю­сти. Мест­ный на­сто­я­тель тот­час же воз­вра­тил чу­до­твор­ную ико­ну в Сур­дег­ский мо­на­стырь с крест­ным хо­дом, во вре­мя ко­то­ро­го один из ка­то­ли­ков по­те­рял рас­су­док, гром­ко про­из­не­ся бо­го­хуль­ные сло­ва.

В это же вре­мя од­на сле­пая ни­щая при­бли­зи­лась к свя­той иконе и по­лу­чи­ла ис­це­ле­ние, с го­ря­чей мо­лит­вой опу­стив­шись пе­ред ней на ко­ле­ни, чтобы по мест­но­му обы­чаю прой­ти под свя­ты­ней.

С тех пор в Сур­де­ги для по­кло­не­ния чу­до­твор­но­му об­ра­зу при­хо­ди­ли не толь­ко пра­во­слав­ные, но и ка­то­ли­ки, и ста­ро­об­ряд­цы. Сур­дег­ская ико­на Бо­го­ма­те­ри при­вле­ка­ла к се­бе бо­го­моль­цев из Кур­лян­дии и Бе­ло­рус­сии, но осо­бо по­чи­та­ли ее рус­ские куп­цы из Ри­ги. Еже­год­но, к 15 ав­гу­ста, празд­ни­ку Успе­ния Бо­жи­ей Ма­те­ри, они при­ез­жа­ли в мо­на­стырь и за­ка­зы­ва­ли от­слу­жить «круг», т. е. все­нощ­ную, во­до­свят­ный мо­ле­бен с ака­фи­стом Бо­го­ро­ди­це, ли­тур­гию и па­ни­хи­ду по умер­шим род­ствен­ни­кам. Кро­ме то­го, они при­слу­жи­ва­ли в хра­ме, пе­ли и чи­та­ли на кли­ро­се, про­да­ва­ли све­чи, за­ни­ма­лись чист­кой цер­ков­ной утва­ри.

В день празд­ни­ка Успе­ния об­раз Бо­го­ма­те­ри по­ла­га­ет­ся в осо­бо устро­ен­ный ки­от и об­но­сит­ся жен­щи­на­ми во­круг церк­ви. Путь не боль­шой, но ше­ствие длит­ся до­воль­но дол­го, ча­сто с оста­нов­ка­ми по по­лу­ча­су и бо­лее, чтобы дать воз­мож­ность при­сут­ству­ю­щим прой­ти под ико­ной.

При­ме­ча­те­лен был и дру­гой обы­чай сур­дег­ских па­лом­ни­ков – на дру­гой день по­сле празд­ни­ка об­хо­дить с крест­ным хо­дом и пе­ни­ем цер­ков­ных пес­но­пе­ний в честь Бо­жи­ей Ма­те­ри мо­ги­лы ино­ков и на­сто­я­те­лей оби­те­ли, мно­гие из ко­то­рых по­чи­ва­ли на брат­ском клад­би­ще уже не од­но сто­ле­тие.

В 1812 го­ду на по­жерт­во­ва­ния пра­во­слав­ных жи­те­лей г. Ри­ги бы­ла вы­стро­е­на но­вая ка­мен­ная цер­ковь, с ле­вой сто­ро­ны ко­то­рой на­хо­ди­лась уз­кая лест­ни­ца, ве­ду­щая под ал­тарь – на ме­сто яв­ле­ния чу­до­твор­ной ико­ны (там и по сей день бьет ключ).

Во вре­мя Пер­вой ми­ро­вой вой­ны, в 1915 го­ду, Сур­дег­ская ико­на Бо­жи­ей Ма­те­ри бы­ла эва­ку­и­ро­ва­на вглубь Рос­сии, в Яро­славль, где по­ме­ща­лась в ико­но­ста­се од­но­го из хра­мов. 24 мая 1921 го­да свя­той об­раз вер­нул­ся в Лит­ву и на­хо­дил­ся в Па­не­веж­ской церк­ви.

Со вре­ме­ни Вто­рой ми­ро­вой вой­ны и до­ныне Сур­дег­ская чу­до­твор­ная ико­на Бо­го­ма­те­ри на­хо­дит­ся в Ка­у­нас­ском Бла­го­ве­щен­ском со­бо­ре.

Древ­няя за­пись, сде­лан­ная в мо­на­стыр­ской ле­то­пи­си, по­вест­вуя о мно­го­чис­лен­ных чу­де­сах, яв­лен­ных свя­той ико­ной по го­ря­чим мо­лит­вам ве­ру­ю­щих, гла­сит: «Ес­ли бы на­чать опи­сы­вать все из­лив­ши­е­ся бла­го­де­я­ния че­ло­ве­че­ско­му ро­ду раз­на­го ис­по­ве­да­ния и раз­лич­на­го по­ла и сде­лать о том по­валь­ный обыск от древ­них вре­мен о чу­де­сах от Сур­дег­ской Бо­го­ма­те­ри про­ис­хо­див­ших, то со­ста­ви­лась бы боль­шая биб­лио­те­ка книг...».