Акафист Пресвятой Богородице пред иконой «Владимирская» (иной)

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 03 июня (21 мая ст. ст.); 06 июля (23 июня ст. ст.); 08 сентября (26 августа ст. ст.)

Не утвержден для общецерковного использования.

Кондак 1

Взбранной Воеводе, Пресвятей Владычице нашей, хвалебную песнь воспеваем смиреннии раби Твои, взирающе на первописанный образ Твой, Богомати, с Предвечным Младенцем Иисусом, на руку Твоею седящим, поклоняемся Ти с любовию и молим Тя, Пресвятая Богородице. Ты же, яко имущая державу непобедимую, сохрани и спаси ны, умиленно Тебе вопиющия:

Радуйся, Пресвятая Владычице Богородице, благодать и милость иконою Твоею нам являющая.

Икос 1

Архангел и ангел лицы сопредсташа окрест святыя иконы Твоея, Небесная Царице, благодатно Тобою осененныя: егда бо святый евангелист Лука первее образ твой написа и принесе к Тебе, Пречистая, Ты же, о Госпоже Царице, возрадовалася еси спасения нашего ради и прорекла еси пречистыми усты Твоими: «с сим образом благодать Моя и сила да пребудут». Темже убо взирающе на икону Твою в Божественных храмех, благолепно преукрашенную, ублажаем честное и благодатное происхождение ея, преклоняем колена пред величеством Твоим, Владычице, и со слезами воспеваем сице:

Радуйся, Небесная Царице, Мати Бога и Господа небесе и земли;

радуйся, архангелов и ангелов Владычице.

Радуйся, Божественныя благости Подательнице;

радуйся, рода христианскаго Заступнице.

Радуйся, Всемилостивая, первописанный образ Твой от апостола приимшая;

радуйся, той дати на спасение рода человеческаго изволившая.

Радуйся, яко благоволила еси ему пребывати сохранно на земли;

радуйся, яко даровала еси тому благодать исцелений.

Радуйся, иконою Твоею от всякаго зла нас сохраняющая;

радуйся, тою источники чудес всюду источающая.

Радуйся, яко Твоим ходатайством всяких благ наслаждаемся;

радуйся, яко Тебе и Сыну Твоему пред честною иконою Твоею благоговейно поклоняемся.

Радуйся, Пресвятая Владычице Богородице, благодать и милость иконою Твоею нам являющая.

Кондак 2

Видя чудес множество, бываемое во храме от принесенныя в Вышград святыя Твоея, Пречистая, иконы, яже иногда возвышашеся и стояше на воздусе, иногда же ношашеся во храме сюду и сюду, благоверный князь Андрей, возгоревся духом пламеннаго усердия, паде на земли пред чудотворною иконою Твоею, и внезапу осенен бысть велиим светом от лика Твоего, Пресвятая Богородице, темже умоляше Тя, да явиши святую волю Твою, и да благословиши его отити в пределы своя. И мы убо под пречистый покров Твой прибегаем и тепле вопием: помози нам, Всеблагая Мати, достойно прейти земное поприще жизни, да обрящем страну светоносную и безпредельную, восхваляюще Тя и поюще Господеви: Аллилуия.

Икос 2

Разум не доразумевает достойно песньми духовными восхваляти Тя, небесная Царице, егда многое множество чудес от иконы Твоея, несенныя во град Ростов, явила еси: мнози бо болящии исцелишася; человек некий, утопаяй и уже во глубину погрузивыйся, от потопления дивно Тобою избавися; пресвитера некоего жена умершая оживе и здрава бысть. Благодать Твоя, Владычице, не престает и до ныне обильно чудодействовати, точащи, яко от источника, от пречистыя Твоея иконы всяких недугов исцеления. Темже убо прославляем Тя благочестным пред святым образом Твоим поклонением, умиленно поюще Ти:

Радуйся, Всемилостивая, славою дивнаго врачевания шествие иконы Твоея знаменовавшая;

радуйся, многия немощныя исцелившая.

Радуйся, Всеблагая, благою помощию уповающих на Тя не оставляющая;

радуйся, отчающимся надежду возвращающая.

Радуйся, Заступнице наша, упование нас, недостойных, не отвергающая;

радуйся, наша усердныя молитвы приемлющая.

Радуйся, Всеблаженная, безмерныя Твоя щедроты на нас изливающая;

радуйся, Твоею благостынею нам благодеющая.

Радуйся, всемощная Помощнице наша, во всякой нужде молящимся Ти скоро помогающая;

радуйся, от напрасныя смерти нас спасающая.

Радуйся, Богоблагодатная, страх Божий в сердца наша вселяющая;

радуйся, истинно нас молитися научающая.

Радуйся, Пресвятая Владычице Богородице, благодать и милость иконою Твоею нам являющая.

Кондак 3

Силою, данною от Тебе, Владычице, честная Твоя икона не на пути точию цельбоносно прославися, но и чудным проявлением святыя воли Твоея: егда бо благоверный князь нощию пред иконою Твоею пламенне моляшеся, Ты Сама, небесная Царице, Божественным светом сияющи, явилася еси ему, глаголющи, не отходити от предел Владимирских; он же со благоговением и радостию возблагодари Тя, яко сподобися узрети Матерь Божию, и тогожде дне повеле церковь заложити и, велелепно украсив ю, внесе в ню торжественне чудотворную Твою икону, нареченную «Владимирскою». Мы же вси, смиренно припадающе пред чудною Твоею иконою, восхваляем дивная дела Твоя, имиже от древних времен страна сия славно прославляется, и благодарне воспеваем Тя, яко устроила еси и зде, во храме сем, благодатное утверждение, из глубины души хваляще Тя и взывающе ко Господу: Аллилуия.

Икос 3

Имущи премногую милость к роду человеческому, Пресвятая Владычице, не оставила еси страну Российскую в день брани со враги, пришедшими от брегов Волжских, при князе Андрее, иже, исходя на брань, слезно умоляше Тя, такожде и вси воини вопияху Ти, да от рук вражиих избавиши я. Ты же, Пресвятая Богомати, не отринула еси их усердныя молитвы, и дивным от чудотворныя Твоея иконы явлением славную победу над враги предзнаменовала еси, озаривши велиим светом и огненными лучи все воинство христолюбивое. Темже и мы, преклоньше колена, молим Тя: охраняй и ныне отечество наше, спаси Благочестивейшаго Государя нашего Императора [имярек], огради и Его в годину брани, укрепи Его мышщу, и возвыси десницу, покори под нозе Его всякаго врага и супостата, да в мире и тишине воспеваем Ти сице:

Радуйся, Заступнице, Твоим всемощным заступлением от меча иноплеменных нас избавляющая;

радуйся, усердныя молитвы о нас ко Господу приносящая.

Радуйся, предстательством Твоим праведно движимый гнев Божий утоляющая;

радуйся, ходатайством Твоим пред Господем на милость к нам Его преклоняющая.

Радуйся, яко смиренным молением нашим внемлеши;

радуйся, яко скорое утешение нам подати поспешаеши.

Радуйся, яко иконою Твоею от всякаго бедствия нас покрываеши;

радуйся, яко Тою от всякаго злаго обстояния нас соблюдаеши.

Радуйся, в годину брани Твоею помощию уповающих на Тя не оставляющая;

радуйся, тихое и безмолвное житие нам дарующая.

Радуйся, скиптры благочестивых царей утверждающая;

радуйся, от всех вражиих сил и козней нас защищающая.

Радуйся, Пресвятая Владычице Богородице, благодать и милость иконою Твоею нам являющая.

Кондак 4

Бурею гордости одержим быв, и презрев страх Божий и святыню града Владимира, владыка Феодор неразумная словеса изрече на святую икону Твою, Пресвятая Богородице, церковь, идеже та пребываше, дерзну затворити, и тако Бога прогнева, и абие праведным судом Божиим на смерть осужден бысть. Мы же, таковое вразумление Твое непочитающим Тя видяще, и чудотворному образу Твоему покланяющеся, умиленное благоговение с верою и любовию приносим Ти, и уповающе на милость Твою, смиренно молим Тя: милостива к нам пребуди, Владычице, и избави ны от всякия беды и напасти, да выну славим и восхваляем Твое милосердие, взывающе Богу: Аллилуия.

Икос 4

Слышавше внезапу весть о убиении благовернаго князя Андрея, буйнии мятежницы от народа, движимии безначалием и убийцами, ринушася град Владимир опустошати и расхищати. Лик же священников и вси благочестивии людие притекоша к Тебе, Богомати, и носяще чудотворную Твою икону, слезныя мольбы на стогнах града вознесоша Ти, да прекратиши безумное умов движение, и мир во граде водвориши. Тогда убо дивное зрелище бысть, идеже бо святую икону Твою пронесоша, толпы народа смиряхуся и, падше на колена, со слезами и рыданием моляхуся. Мы же, видяще толико чудную силу сердца жестокия умягчати, смиренно молим Тя, Пресвятая Владычице, умилосердися на ны, грешныя и непотребныя, уврачуй души наша на стропотнем пути греха и страстей, обуревающих ны, и приими сию хвалебную песнь:

Радуйся, Путеводительнице, шествовати по пути благочестия христианом помогающая;

радуйся, в добрых делех преуспевающих укрепляющая.

Радуйся, отечество наше от междоусобныя брани охраняющая;

радуйся, злая начинания и козни вражия расторгающая.

Радуйся, от пагубнаго духа века сего нас отклоняющая;

радуйся, повиноватися властем нас научающая.

Радуйся, дерзновенно возстающих противу богопоставленныя власти обличающая;

радуйся крамолы нечестивых сынов погибельных разрушающая.

Радуйся, юныя умы от заблуждений на путь правый направляющая;

радуйся, душевредная учения низлагающая.

Радуйся, житие наше на земли добре устрояющая;

радуйся, к Царствию небесному путь нам показующая.

Радуйся, Пресвятая Владычице Богородице, благодать и милость иконою Твоею нам являющая.

Кондак 5

Боготечней звезде уподобившися, икона Твоя, Богомати, лучами чудес освещает страну нашу православную. Кто бо исчислит вся благодеяния, яже от нея подаеши всем требующим? Како явила еси чудо новое и преславное, охраняющи град Твой от великих бедствий, како невидимою всемогущею десницею изгнала еси безчисленная полчища вражия, и предстательством Твоим вручила еси державу благочестивому князю Михаилу, и тако благодеющи, всесильным Твоим заступлением не оставила еси погибнути уповающих на Тя. Сего ради с усердием поклоняемся пречестней иконе Твоей, и достойно славословим Тя, поюще Богу: Аллилуия.

Икос 5

Видевше людие града Владимира икону Твою, Владычице, и весь град свой на воздусе, с умилением уразумеша, яко в чудном видении проявися великое Твое, Богомати, благоволение к избранию на престол Владимирский благовернаго князя Всеволода, благочестия ради его. Дивна сила Твоя, Богородице, яко солнце светиши в явлении Твоем на облацех небесных и тем показуеши святую волю Твою. Благоволи убо, Пречистая, ниспослати нам с благодатию и силу молитвы, да, бодрствующе со благодарением, воспеваем хвалы сия:

Радуйся, Всеблагая, яко любовь ко благочестию в верных вселяеши;

радуйся, яко благочестие в земли нашей ограждаеши.

Радуйся, яко сохраняеши и защищаеши Православие;

радуйся, яко научаеши и соблюдаеши пастырей Церкви.

Радуйся, Всесвятая, яко святую спасительную веру на земли утверждаеши;

радуйся, яко ереси и расколы обличаеши.

Радуйся, Благодатная, живоносный источник благодати верующим источающая;

радуйся, слово премудрости просящим дарующая.

Радуйся, маловерныя и суеверныя вразумляющая;

радуйся, неверных смыслы Божественным светом озаряющая.

Радуйся, блага земная и суетная презирати научающая;

радуйся, к небесным и нетленным сокровищам умы и сердца наша направляющая.

Радуйся, Пресвятая Владычице Богородице, благодать и милость иконою Твоею нам являющая.

Кондак 6

Проповедует чудеса Твоя и великия Твоя милости вся земля православная, яко дивно оградила еси святым покровом чудотворную Твою икону от огненнаго пламене, объявшаго соборный храм, в немже святая икона пребываше. Темже и мы Тебе вопием: о, Пресвятая Владычице, призри всемилостивым оком Твоим и на ны, со слезами предстоящия пред чудотворным Твоим образом, и молитвами Твоими пред престолом Всевышняго избави ны от пламене огня вечнаго, да с веселием благодарственныя хвалы приносим Ти, воспевающе Господеви: Аллилуия.

Икос 6 Возсия паки светом чудес пречестная икона Твоя, Владычице, во время нашествия татарскаго, егда бо нечестивыя полчища Батыя, вшедше во святый храм, начаша вся разрушати, злато, сребро и другая украшения с прославленнаго образа Твоего похищати, и предавати вся мечу и огню. Тогда преславное чудо показася всем православным христианом: святая икона Твоя паки в пламени пребысть неврежденна. Тако уверившеся о Твоем покрове, Пречистая, сохраняющем и защищающем страну Российскую, благодарственне прославляем великая чудеса Твоя, и от глубины сердечныя вопием Ти:

Радуйся, святую икону Твою во спасение наше из пламене чудесно сохранившая;

радуйся, сию премногими чудесы по всей вселенней прославившая.

Радуйся, яко молящимся пред святою иконою Твоею душевное и телесное здравие подаеши;

радуйся, яко всем уповающим на Тя спасение даруеши.

Радуйся, яко Ты еси святых храмов первейшее украшение;

радуйся, яко Ты еси всех домов благословение.

Радуйся, яко Ты еси святых обителей покров и защищение;

радуйся, яко Ты еси подвижников дивное укрепление.

Радуйся, всех благочестивых всевеселящее радование;

радуйся, всего рода христианскаго заступление.

Радуйся, Путеводительнице наша, вводящая многих в чертог Царства небеснаго;

радуйся, Заступнице, престолу Сына Твоего и Бога предстоящая и о нас ходатайствующая.

Радуйся, Пресвятая Владычице Богородице, благодать и милость иконою Твоею нам являющая.

Кондак 7

Хотя великий князь Василий пренести святую икону Твою, Владычице, в Москву на защищение стольному граду, егда бысть великое нашествие агарянское, посла во Владимир от духовнаго чина люди за честною иконою Твоею, нарицаемою «Владимирскою», крепкое бо заступление от тоя позна. Приближающейся же святей иконе, в сретение ея изыдоша сам князь с бояры, и святитель Божий Киприан со всем священным собором и множеством народа, и поклонишася пред нею до земли, яко Самой Тебе, Пречистая Богородице, к ним приходящей. И вси, взирающе на образ Твой, многи слезы проливаху, святая же Церковь радостно взываше: «приидите, Российстии собори, приидите, верных совокупления, во сретение Царицы Богоотроковицы!» И ныне вси православнии людие, притекая к цельбоносней Твоей иконе, с любовию Тя славят, поюще Богу: Аллилуия.

Икос 7

Дивная чудеса быша от Тебе, Заступнице, в нашествие агарянское, тогожде бо дне, в оньже в Москву принесена бысть честная икона Твоя, явилася еси вождю агарянскому с ангелы небесными, обнаженныя мечи держащими, и сим видением устрашивши вражия полки, заставила еси я спешно бежати от предел Московских. Кто же возможет изрещи Твою к нам любовь, Богородице? Кто возглаголет силы Твоя, дарованныя иконе Твоей? Сего ради песнь хвалы и благодарения воспеваем Ти сице:

Радуйся, во граде Москве чудотворною Твоею иконою пребывати благоволившая;

радуйся, и град Владимир, по пренесении иконы, Твоим заступлением не оставившая.

Радуйся, иконою Твоею град Москву освятившая;

радуйся, тою уповающих на Тя возвеселившая.

Радуйся, яко мольбы народа, во сретение святыя иконы изшедшаго услышала еси;

радуйся, яко слезныя возгласы его: «о, Мати Божия, спаси землю Российскую», прияла еси.

Радуйся, яко явлением со святители московскими и множеством вооруженных ангелов врага устрашила еси;

радуйся, яко от предел Московских отъити грозно ему повелела еси.

Радуйся, славную победу над враги без брани подавшая;

радуйся, без пролития крове одоление православному воинству даровавшая.

Радуйся, град Москву от разорения избавльшая;

радуйся, страну нашу от порабощения спасшая.

Радуйся, Пресвятая Владычице Богородице, благодать и милость иконою Твоею нам являющая.

Кондак 8

Странней и предивней совершившейся помощию Твоею, Владычице, победе, вси концы земли удивишася и хвалу воспеша Ти; великий же князь узрев чудотворную Твою икону, во сретение его из града изнесенную, со слезами припаде к ней и возблагодари Тя сице: «о, Всепетая, непостыдная христиан Заступнице! Ты явила еси нам велие милосердие, паче упования избавльши ны от безбожных врагов». Темже и святая Церковь прославляет сию дивную память, священно совершающи ю. Мы же веруем и надеемся, яко не презриши и ныне глас моления рабов Твоих, имя Твое на помощь призывающих и воспевающих Богу: Аллилуия.

Икос 8

Вси православнии людие славят имя Твое, о Всепетая Мати, честным бо предстательством Твоим многое множество чудес явила еси, страну Российскую сохраняющи, и множество врагов, нападающих на ню, устрашающи и далече от нея отгоняющи. Несть числа милостем Твоим, Владычице: дивна суть дела Твоя, и дивна пречестная Твоя икона, пред неюже припадающе, с верою и упованием глаголем Ти сице:

Радуйся, Заступнице усердная, молитвы святителя Ионы о спасении града Москвы услышавшая;

радуйся и святыни его невредимо сохранившая.

Радуйся, моления угодника Божия инока Антония милостивно приявшая;

радуйся, чрез него победу над враги предвозвестившая.

Радуйся, во святый град нечестивое воинство не допустившая;

радуйся, святыя храмы от поругания избавившая.

Радуйся, яко Российскую державу и ныне защищаеши;

радуйся, христолюбивому воинству российскому силу и мужество дарующая.

Радуйся, Твоим заступлением враги наша устрашающая;

радуйся, полки чуждия в бегство обращающая.

Радуйся, грады и веси Российския от разрушения спасающая;

радуйся, земное наше житие добре устрояющая.

Радуйся, Пресвятая Владычице Богородице, благодать и милость иконою Твоею нам являющая.

Кондак 9

Всякое естество ангельское, видя Тя, Богородительнице, у престола Сына Твоего предстоящую, и за страну Российскую и за вся христианы молящуюся, восхваляет Тя. Людие же града Москвы, видевше, како великим князем Иоанном дивно побежден бысть хан орды татарския, и силою Твоего предстательства безчисленная полчища его бежаша, со слезами славу благодарения Ти принесоша, яко всемогущей Заступнице и всесильной Помощнице. И мы убо, в сем милость к нам Божию и молитв Твоих действо разумевающе, прославляем Всевышняго Господа, чудотворную силу иконе Твоей даровавшаго, и Ею нас от татарскаго рабства избавльшаго, воспевающе Ему: Аллилуия.

Икос 9

Витийство человеческое не возможет по достоянию благохвалити Тя, Пресвятая Богородице, и воспети неисчетная чудеса Твоя, от первописанныя Твоея иконы являемая, имиже Церковь святую благоукрашаеши, грады Российския от бед избавляеши, и вся христианы от всякаго зла невредимы соблюдаеши. Обаче, Благая сущи, приими от нас, за премногую любовь к нам и милость Твою, сие хвалебное пение, да сохраняеми Твоим всемощным заступлением, благодарственне вопием Ти:

Радуйся, Хранительнице наша, яко молитвы первосвятителей российских Петра, Алексия и Ионы прияла еси;

радуйся, яко сожещи град Москву врагу возбранила еси.

Радуйся, яко слезныя мольбы блаженнаго Василия услышала еси;

радуйся, яко тому чудесное видение явила еси.

Радуйся, яко молебное пение святых Сергия и Варлаама прияти благоволила еси;

радуйся, яко ходатайством Твоим правосудие Божие умилостивила еси.

Радуйся, яко Ты еси державы нашея преславная Защитнице;

радуйся, яко Ты еси призывающих Тя непостыдное упование.

Радуйся, яко Ты еси всех труждающихся помощь и укрепление;

радуйся, теплая пред Богом о кающихся грешницех Предстательнице.

Радуйся, Пресвятая Владычице Богородице, благодать и милость иконою Твоею нам являющая.

Кондак 10

Спасти хотя душу свою и сокрушение имый о своих прегрешениих, великий князь Василий с молитвою и слезами притекаше к Тебе, Пресвятая Владычице, наипаче же при конце жития своего умиленно пред чудотворною Владимирскою иконою Твоею моляшеся, слезныма очима взирая на ню, и тако тихую и непостыдную кончину прият. Темже и мы, преклоньше колена пред Твоим пречестным образом, молим Тя, небесная Царице, не тщу сотворити надежду нашу на помощь Твою, и ходатайством Твоим избавити ны от лютыя смерти, да во утешении зовем Спасителю Богу: Аллилуия.

Икос 10

Стена еси и заступление всем, с верою и любовию прибегающим к Тебе, Пречистая Владычице, яко чудесне избавила еси царство Российское от полчищ татар крымских и казанских, внемлющи молитвам венценоснаго отрока Иоанна, иже умиленно пред святою иконою Твоею взываше к Тебе: «о, Пресвятая Госпоже Богородице, покажи милость Твою на роде христианстем и избави ны от нашествия неверных». Сего ради, осеняеми Твоим, Богомати, заступлением, и к Твоему взирающе пречистому образу, благодарственне вопием Ти:

Радуйся, Мати Божия, матернею любовию нас, грешных, возлюбившая;

радуйся, святою иконою Твоею, яко облаком светлым, нас ограждающая.

Радуйся, Милосердая, милосердия двери нам отверзающая;

радуйся, к делом милосердия и благотворения нас возбуждающая.

Радуйся, Всесвятая, святыя заповеди исполняти нас научающая;

радуйся, еже любити друг друга по заповеди Господни нас наставляющая.

Радуйся, Пренепорочная, в непорочнем житии верных укрепляющая;

радуйся, нас, грешных, к покаянию призывающая.

Радуйся, Богоблагодатная, благодатию Сына Твоего и Бога мрак греха в нас разгоняющая;

радуйся, осенением святыя Твоея иконы злых духов от нас отгоняющая.

Радуйся, Присноблаженная, блаженныя обители нам уготовляющая;

радуйся, молитвами Твоими двери райския нам отверзающая.

Радуйся, Пресвятая Владычице Богородице, благодать и милость иконою Твоею нам являющая.

Кондак 11

Пение всякое не довлеет к прославлению величества Твоего, Владычице, яко избавила еси град Москву от огненнаго разрушения: егда бо пламень огненный град обнимаше и приближашеся ко храму, идеже чудная сия икона Твоя стояше, мнози благочестивии людие ко храму устремишася, во еже спасти ю от огненнаго пламене, но не возмогоша подъяти ю и изнести из храма; тою бо ты Сама, Заступнице, оградила еси святый храм и укротила еси бурю огненную во граде, явльшися верху храма во светозарнем одеянии, и ризами Твоими святый храм и град покрывающи. Темже, дивная дела Твоя поминающе, молим Тя, Пресвятая Богородице, и ныне воздвигни руце Твои к Сыну Твоему и Богу нашему, да милосердие Его неотступно будет от нас, вопиющих Ему: Аллилуия.

Икос 11

Светозарне сияет святая Твоя икона, Пречистая Владычице, явленными чудесы утешающи православныя люди российския, иже притекают к Тебе с молитвою в трудных обстояниих, уповающе на Твое заступление. Царь же Иоанн, исходя на брань ко граду Казани, все царство свое под покров Твой поручи; Ты же не отринула еси молитв его, и помощию Твоею славная победа над враги даровася. И мы убо, припадающе к Твоему святому образу, и все упование на Тя возложивше, воспеваем милость Твою сице:

Радуйся, усердная Заступнице, заступление во всех путех жизни нам подавающая;

радуйся, от всякия беды и напасти избавляющая.

Радуйся, Хранительнице наша, от нападения злых разбойников и тайных убийц нас охраняющая;

радуйся, от грабителей и татей жилища и достояния наша ограждающая.

Радуйся, Путеводительнице, путешествующим по морю тихое пристанище дарующая;

радуйся, страшныя бури и волны морския молитвами Твоими укрощающая.

Радуйся, Покровительнице, от огненнаго пламене нас покрывающая;

радуйся, от труса и потопления нас сохраняющая.

Радуйся, скорая Заступнице, от навета клеветников и поношения человеческаго нас защищающая;

радуйся, в сердцах наших злобы и вражды искореняющая.

Радуйся, теплая Молитвеннице, молитвами Твоими тлетворныя ветры и смертоносныя язвы прекращающая;

радуйся, от бездождия, града и глада нас спасающая.

Радуйся, Пресвятая Владычице Богородице, благодать и милость иконою Твоею нам являющая.

Кондак 12

Благодатию Твоею, Пресвятая Богородице, якоже древле, и днесь притекающия к цельбоносней Твоей иконе не оставляеши и призывающим Тя благопоспешне вспомоществуеши. И якоже услышала еси моления скорбнаго святителя Иова, слезне взывавшаго к Тебе, да спасеши в земли Российстей Православие, сице и от нас, грешных, приими умиленная моления, не остави милость Твою от нас, припадающих к пречестному образу Твоему, избави же нас от всякия беды и в печалех бедствующим скоро помози, да Твоим пречистым ходатайством спасаеми, благодарными усты поем Богови: Аллилуия.

Икос 12

Поюще дивная Твоя чудеса, умиленно припадаем пред пречистым образом Твоим, Владычице, и благоговейно лобызающе его, благодарственне воспоминаем заступление Твое царствующему граду в нашествие ляхов. Услышала бо еси скорбныя молитвы верных рабов Твоих и предвозвестила еси им скорое освобождение от врагов; и тако Тобою избавленнии, многия слезы благодарения пред святою иконою Твоею приношаху Ти. Приими и от нас похвальную песнь сию:

Радуйся, всемощная Владычице, благодатною Твоею силою от враг видимых и невидимых нас избавляющая;

радуйся, от смертоносных язв и тяжких недугов свобождающая.

Радуйся, Мати Света, слепым очеса отверзающая;

радуйся, истинным Светом сущих во тме и сени смертней озаряющая.

Радуйся, разслабленным утверждение и хромым хождение дарующая;

радуйся, падших благодатию Твоею возставляющая.

Радуйся, Мати Слова, немым и косноязычным словеса открывающая;

радуйся, неверующих, еже прославляти Бога и воспевати Тя, научающая.

Радуйся, Врача рождшая, оставленных врачами на руце Свои приемлющая;

радуйся, нераскаянных грешников к покаянию обращающая.

Радуйся, всех Помоще, скорбным вдовицам и сирым помогающая;

радуйся, алчущих и жаждущих правды к Богу приводящая.

Радуйся, Пресвятая Владычице Богородице, благодать и милость иконою Твоею нам являющая.

Кондак 13

О, Всепетая и Всемилостивая Мати, Пречистая Госпоже Богородице! Приими малое сие моление ныне Тебе приносимое от нас, грешных и недостойных рабов Твоих, к чудотворному образу Твоему припадающих; призри милостивно на веру и упование наше, избави ны от всяких бед и скорбей, подаждь нам в жизни сей руку помощи, испроси у Сына Твоего и Бога нашего премногим грехом нашим прощение, и в час смертный сподоби ны прияти кончину живота нашего мирну, непостыдну, и внити в Царствие небесное, да выну прославляем безмерное милосердие Божие и Твое дивное о нас заступление, воспевающе вечно Богу: Аллилуия.

Сей Кондак глаголи трижды. И паки чтется 1-й Икос: Архангел и ангел лицы... и Кондак 1-й: Взбранной Воеводе...

Молитва ко Пресвятей Богородице

О, всемилостивая Госпоже Богородице, небесная Царице, всемощная Заступнице, непостыдное наше Упование! Благодарим Тя о всех великих благодеяниих, российским людем от Тебе бывших, от древле и до днесь от чудотворныя иконы Твоея явленных. И ныне, преблагая Владычице, призри на ны, грешныя и недостойныя рабы Твоя, яви нам милость Твою и моли Сына Твоего, Христа и Бога нашего, о еже избавитися нам от всякаго зла и сохранитися царствующим градом, всякому граду и веси, и всей стране нашей от глада, губительства, труса, потопа, огня, меча, нашествия иноплеменник и междоусобныя брани. Испроси Благочестивейшему, Самодержавнейшему, Великому Государю нашему Императору [имярек] и всему Царствующему Дому благоденственное и мирное житие, здравие, долгоденствие, во всем благое поспешение и спасение. [или: страждущую же страну Российскую от лютых безбожник и власти их Господь да свободит, и да возставит престол православных царей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот нашъ.] Сохрани и умудри пастырей Церкви, еже достойно пасти стадо Христово и право правити слово истины; укрепи христолюбивое всероссийское воинство, подаждь дух совета и разума военачальником, градоначальником и всем, иже во власти суть; ниспосли святое Твое благословение и всем православным христианам, покланяющимся и молящимся Ти пред цельбоносною Твоею иконою. Буди нам Заступница и Ходатаица пред престолом Всевышняго, идеже предстоиши. K кому убо прибегнем, аще не к Тебе, Владычице? Кому принесем слезы и воздыхания, аще не к Тебе, Пресвятая Богородице? Не имамы бо иныя помощи, не имамы иныя надежды, разве Тебе, небесная Царице. Под Твой покров притекаем, молитвами Твоими ниспосли нам мир, здравие, земли плодоносие, воздуха благорастворение, избави ны от всяких бед и скорбей, от всяких недугов и болезней, от внезапныя смерти и от всех озлоблений врагов видимых и невидимых. Вразуми и научи ны, о Всемилостивая Заступнице, како безгрешно прейти путь земнаго сего жития: Ты веси немощи наша, веси и согрешения наша, но и веру веси, и упование видиши; даруй же нам исправление греховныя жизни и умягчи злая сердца наша. Укрепи в нас правую веру, вложи в сердца наша дух страха Божия, дух благочестия, дух смирения, терпения и любве, в добрых делех преуспеяние, избави же ны от искушений, от пагубных душевредных учений, от неверия, развращения и погибели вечныя. Тебе убо просим, Пречистая Владычице, и припадающе пред святою Твоею иконою, молимся, умилосердися на ны и помилуй ны, в страшный же день Суда ходатайством и заступлением Твоим сподоби ны стати одесную Сына Твоего, Христа Бога нашего, Емуже подобает всякая слава, честь и поклонение, со безначальным Его Отцем, и Пресвятым и Благим и Единосущным Его Духом, ныне и присно и во веки веков. Аминь.

Ґкafістъ пресвzтёй бGор0дицэ въ чeсть чудотв0рныz є3S їкHны, нарицaемыz влади1мірскіz.

Кондaкъ №.

Взбрaнной воев0дэ, прес™ёй вLчцэ нaшей, хвалeбную пёснь воспэвaемъ смирeнніи раби2 твои2, взирaюще на первопи1санный џбразъ тв0й, бGомaти, съ предвёчнымъ младeнцемъ ї}сомъ, на рукY твоeю сэдsщимъ, поклонsемсz ти2 съ люб0вію и3 м0лимъ тS, пресвzтaz бцdе: тh же, ћкw и3мyщаz держaву непобэди1мую, сохрани2 и3 спаси2 ны2, ўмилeннw тебЁ вопію1щыz:

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Јкосъ №.

АрхaгGелъ и3 ѓгGелъ ли1цы сопредстaша џкрестъ с™hz їкHны твоеS, нбcнаz цRи1це, благодaтнw тоб0ю њсэнeнныz: є3гдa бо с™hй є3ђлjстъ лукA пeрвэе џбразъ тв0й написA и3 принесE къ тебЁ, пречcтаz, тh же, q госпожE цRи1це, возрaдоваласz є3си2 сп7сeніz нaшегw рaди и3 прореклA є3си2 пречcтыми ўсты2 твои1ми: съ си1мъ џбразомъ благодaть моS и3 си1ла да пребyдутъ. Тёмже ќбw взирaюще на їкHну твою2 въ бжcтвенныхъ хрaмэхъ, благолёпнw преукрaшенную, ўблажaемъ честн0е и3 благодaтное происхождeніе є3S, преклонsемъ колBна пред8 вели1чествомъ твои1мъ, вLчце, и3 со слезaми воспэвaемъ си1це:

Рaдуйсz, нбcнаz цRи1це, м™и бGа и3 гDа нб7есE и3 земли2: рaдуйсz, ґрхaгGлwвъ и3 ѓгGлwвъ вLчце.

Рaдуйсz, бжcтвенныz блaгости подaтельнице: рaдуйсz, р0да хrтіaнскагw застyпнице.

Рaдуйсz, всеми1лостиваz, первопи1санный џбразъ тв0й t ґпcла пріи1мшаz: рaдуйсz, т0й дaти на сп7сeніе р0да человёческагw и3зв0лившаz.

Рaдуйсz, ћкw благоволи1ла є3си2 є3мY пребывaти сохрaннw на земли2: рaдуйсz, ћкw даровaла є3си2 томY бlгодaть и3сцэлeній.

Рaдуйсz, їкHною твоeю t всsкагw ѕлA нaсъ сохранsющаz: рaдуйсz, т0ю и3ст0чники чудeсъ всю1ду и3сточaющаz.

Рaдуйсz, ћкw твои1мъ ходaтайствомъ всsкихъ бл†гъ наслаждaемсz: рaдуйсz, ћкw тебЁ и3 сн7у твоемY пред8 честн0ю їкHною твоeю благоговёйнw поклонsемсz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ в7.

Ви1дz чудeсъ мн0жество, бывaемое во хрaмэ t принесeнныz въ вышгрaдъ с™hz твоеS, пречcтаz, їкHны, ћже и3ногдA возвышaшесz и3 стоsше на воздyсэ, и3ногдa же ношaшесz во хрaмэ сю1ду и3 сю1ду, благовёрный кнsзь ґндрeй, возгорёвсz дyхомъ плaменнагw ўсeрдіz, падE на земли2 пред8 чудотв0рною їкHною твоeю, и3 внезaпу њсэнeнъ бhсть вeліимъ свётомъ t ли1ка твоегw2, прес™az бцdе, тёмже ўмолsше тS, да kви1ши с™yю в0лю твою2, и3 да благослови1ши є3гw2 tи1ти въ предёлы своS. И# мы2 ќбw под8 пречи1стый покр0въ тв0й прибэгaемъ и3 тeплэ вопіeмъ: помози2 нaмъ, всеблагaz м™и, дост0йнw прейти2 земн0е п0прищэ жи1зни, да њбрsщемъ странY свэтон0сную и3 безпредёльную, восхвалsюще тS и3 пою1ще гDеви: Ґллилyіа.

Јкосъ в7.

Рaзумъ не доразумевaетъ дост0йнw пёснми дух0вными восхвалsти тS, нбcнаz цRи1це, є3гдA мн0гое мн0жество чудeсъ t їкHны твоеS, несeнныz во грaдъ рост0въ, kви1ла є3си2: мнHзи бо болsщіи и3сцэли1шасz: человёкъ нёкій, uтопazй и3 ўжE во глубинY погрузи1выйсz, t потоплeніz ди1внw тоб0ю и3збaвисz: пресвЂтера нёкоегw женA ўмeршаz њживE и3 здрaва бhсть: благодaть твоS, вLчце, не престаeтъ и3 до нhнэ њби1льнw чудодёйствовати, точaщи, ћкw t и3ст0чника, t пречестнhz твоеS їкHны всsкихъ недyгwвъ и3сцэлє1ніz. Тёмже ќбw прославлsемъ тS благочeстнымъ пред8 с™hмъ џбразомъ твои1мъ поклонeніемъ, ўмилeннw пою1ще ти2:

Рaдуйсz, всеми1лостиваz, слaвою ди1внагw врачевaніz шeствіе їкHны твоеS знаменовaвшаz: рaдуйсz, мнHгіz немощнhz и3сцэли1вшаz.

Рaдуйсz, всеблагaz, благ0ю п0мощію ўповaющихъ на тS не њставлsющаz: рaдуйсz, tчaющымсz надeжду возвращaющаz.

Рaдуйсz, застyпнице нaша, ўповaніе нaсъ недост0йныхъ не tвергaющаz: рaдуйсz, нaшz ўсeрдныz моли6твы пріeмлющаz.

Рaдуйсz, всеблажeннаz, безмёрныz тво‰ щедр0ты на нaсъ и3зливaющаz: рaдуйсz, твоeю благостhнею нaмъ благодёющаz.

Рaдуйсz, всем0щнаz пом0щнице нaша, во всsкой нyждэ молsщымсz ти2 ск0ро помогaющаz: рaдуйсz, t напрaсныz смeрти нaсъ спасaющаz.

Рaдуйсz, бGоблагодатнаz, стрaхъ б9ій въ сердцA н†ша вселsющаz: рaдуйсz, и4стиннw нaсъ моли1тисz научaющаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ G.

Си1лою, дaнною t тебє2, вLчце, честнaz твоS їкHна не на пути2 т0чію цельбон0снw прослaвисz, но и3 чyднымъ проzвлeніемъ с™hz в0ли твоеS: є3гдA бо благовёрный кнsзь н0щію пред8 їкHною твоeю плaменнэ молsшесz, ты2 самA, нбcнаz цRи1це, бжcтвеннымъ свётомъ сіsющи, kви1ласz є3си2 є3мY, гlг0лющи, нE tходи1ти t предёлъ влади1мірскихъ: џнъ же со благоговёніемъ и3 рaдостію возблагодари2 тS, ћкw спод0бисz ўзрёти м™рь б9ію, и3 тогHжде днE повелЁ цRковь заложи1ти, и3 велелёпнw ўкраси1въ ю5, внесE въ ню2 торжeственнэ чудотв0рную твою2 їкHну, наречeнную влади1мірскою. Мh же вси2, смирeннw припaдающе пред8 чyдною твоeю їкHною, восхвалsемъ ди6внаz дэлA тво‰, и4миже t дрeвнихъ времeнъ странA сіS слaвнw прославлsетсz, и3 благодaрнэ воспэвaемъ тS, ћкw ўстр0ила є3си2 и3 здЁ, во хрaмэ сeмъ, благодaтное ўтверждeніе, и3з8 глубины2 души2 хвaлzще тS и3 взывaюще ко гDу: Ґллилyіа.

Јкосъ G.

И#мyщи премн0гую ми1лость къ р0ду человёческому, прес™az вLчце, не њстaвила є3си2 странY рwссjйскую въ дeнь брaни со враги2, пришeдшыми t брегHвъ в0лжскихъ, при кнsзэ ґндрeэ, и3же, и3сходS на брaнь, слeзнw ўмолsше тS, тaкожде и3 вси2 в0ини вопіsху ти2, да t рyкъ врaжіихъ и3збaвиши |: тh же, прес™az бGом™и, не tри1нула є3си2 и4хъ ўсє1рдныz моли6твы, и3 ди1внымъ t чудотв0рныz твоеS їкHны kвлeніемъ слaвную побёду над8 враги6 пред8знаменовaла є3си2, њзари1вши вeліимъ свётомъ и3 џгненными лучи6 всE в0инство хrтолюби1вое. Тёмже и3 мы2, прекл0ньше колBна, м0лимъ тS: њхранsй и3 нhнэ nтeчество нaше, спаси2 всz правослaвные хrтіaны, њгради2 и3 ўкрэпи2 и3хъ, и3 возвhси десни1цу, покори2 под8 нHзэ и4хъ всsкагw врагA и3 супостaта, да въ ми1рэ и3 тишинЁ воспэвaемъ ти2 си1це:

Рaдуйсz, застyпнице, твои1мъ всем0щнымъ заступлeніемъ t мечA и3ноплемeнныхъ нaсъ и3збавлsющаz: рaдуйсz, ўсeрдныz моли1твы њ нaсъ ко гDу приносsщаz.

Рaдуйсz, предстaтельствомъ твои1мъ прaведнw дви1жимый на ны2 гнёвъ б9ій ўтолsющаz: рaдуйсz, ходaтайствомъ твои1мъ пред8 гDемъ на ми1лость къ нaмъ є3гw2 преклонsющаz.

Рaдуйсz, ћкw смирeннымъ молeніємъ нaшымъ внeмлеши: рaдуйсz, ћкw ск0рое ўтэшeніе нaмъ подaти поспешaеши.

Рaдуйсz, ћкw їкHною твоeю t всsкагw бёдствіz нaсъ покрывaеши: рaдуйсz, ћкw т0ю t всsкагw ѕлaгw њбстоsніz нaсъ соблюдaеши.

Рaдуйсz, въ годи1ну брaни твоeю п0мощію ўповaющихъ на тS не њставлsющаz: рaдуйсz, ти1хое и3 безм0лвное житіE нaмъ дaрующаz.

Рaдуйсz, t всёхъ врaжіихъ си1лъ и3 к0зней нaсъ защищaющаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ д7.

Бyрею г0рдости њдержи1мъ бhвъ, и3 презрёвъ стрaхъ б9ій и3 с™hню грaда влади1міра, владhка fе0дwръ нераз{мнаz словесA и3зречE на с™yю їкHну твою2, прес™az бцdе, цRковь, и3дёже тA пребывaше, дерзнY затвори1ти, и3 тaкw бGа прогнёва, и3 ѓбіе прaведнымъ суд0мъ б9іимъ на смeрть њсуждeнъ бhсть. Мh же, таков0е вразумлeніе твоE непочитaющымъ тS ви1дzще, и3 чудотв0рному џбразу твоемY покланsющесz, ўмилeнное благоговёніе съ вёрою и3 люб0вію прин0симъ ти2, и3 ўповaюще на ми1лость твою2, смирeннw м0лимъ тS: ми1лостива къ нaмъ пребyди, вLчце, и3 и3збaви ны2 t всsкіz бэды2 и3 напaсти, да вhну слaвимъ и3 восхвалsемъ твоE милосeрдіе, взывaюще бGу: Ґллилyіа.

Јкосъ д7.

Слhшавше внезaпу вёсть њ ўбіeніи благовёрнагw кнsзz ґндрeа, бyйніи мzтeжницы t нар0да, дви1жиміи безначaліемъ и3 ўбjйцами, ри1нушасz грaдъ влади1міръ њпустош1ати и3 расхищaти: ли1къ же сщ7eнникwвъ и3 вси2 благочести1віи лю1діе притек0ша къ тебЁ, бGом™и, и3 носsще чудотв0рную твою2 їкHну, слeзныz мольбы2 на ст0гнахъ грaда вознес0ша ти2, да прекрати1ши безyмное ўмHвъ движeніе, и3 ми1ръ во грaдэ водвори1ши. ТогдA ќбw ди1вное зрёлище бhсть, и3дёже бо с™yю їкHну твою2 пронес0ша, т0лпы нар0да смирsхусz и3, пaдше на колBна, со слезaми и3 рыдaніемъ молsхусz. Мh же, ви1дzще толи1ко чyдную си1лу сердцA жестHкіz ўмzгчaти, смирeннw м0лимъ тS, прес™az вLчце, ўмилосeрдисz на ны2, грёшныz и3 непотрeбныz, ўврачyй дyши нaшz на стр0потнэмъ пути2 грэхA и3 страстeй, њбуревaющихъ ны2, и3 пріими2 сію2 хвалeбную пёснь:

Рaдуйсz, путеводи1тельнице, шeствовати по пути2 благочeстіz хrтіaнwмъ помогaющаz: рaдуйсz, въ д0брыхъ дёлэхъ преуспэвaющихъ ўкреплsющаz.

Рaдуйсz, nтeчество нaше t междоус0бныz брaни њхранsющаz: рaдуйсz, ѕлaz начин†ніz и3 кHзни врaжіz расторгaющаz.

Рaдуйсz, t пaгубнагw дyха вёка сегw2 нaсъ tклонsющаz: рaдуйсz, повиновaтисz властє1мъ нaсъ научaющаz.

Рaдуйсz, дерзновeннw возстаю1щихъ проти1ву бGопостaвленныz влaсти њбличaющаz: рaдуйсz крамHлы нечести1выхъ сынHвъ поги1бельныхъ разрушaющаz.

Рaдуйсz, ю4ныz ўмы2 t заблуждeній на пyть прaвый направлsющаz: рaдуйсz, душеврє1днаz ўчє1ніz низлагaющаz.

Рaдуйсz, житіE нaше на земли2 д0брэ ўстроsющаz: рaдуйсz, къ цrтвію нбcному пyть нaмъ показyющаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ є7.

БGотечней ѕвэздЁ uпод0бившисz, їкHна твоS, бGомати, лучaми чудeсъ њсвэщaетъ странY нaшу правослaвную. кт0 бо и3счи1слитъ вс‰ благодэ‰ніz, ±же t неS подаeши всёмъ трeбующымъ: кaкw kви1ла є3си2 чyдо н0вое и3 преслaвное, њхранsющи грaдъ тв0й t вели1кихъ бёдствій, кaкw неви1димою всемогyщею десни1цею и3згналA є3си2 безчи1слєннаz пHлчища врaжіz, и3 предстaтельствомъ твои1мъ вручи1ла є3си2 держaву благочести1вому кнsзю міхаjлу, и3 тaкw благодёющи, всеси1льнымъ твои1мъ заступлeніемъ не њстaвила є3си2 поги1бнути ўповaющихъ на тS. Сегw2 рaди съ ўсeрдіемъ поклонsемсz пречестнёй їкHнэ твоeй, и3 дост0йнw славосл0вимъ тS, пою1ще бGу: Ґллилyіа.

Јкосъ є7.

Ви1дэвше лю1діе грaда влади1міра їкHну твою2, вLчце, и3 вeсь грaдъ св0й на воздyсэ, съ ўмилeніемъ ўразумёша, ћкw въ чyдномъ видёніи проzви1сz вели1кое твоE, бGомaти, благоволeніе къ и3збрaнію на прест0лъ владимірскій благовёрнаго кнsзz всeволода, благочeстіz рaди є3гw2: ди1вна си1ла твоS, бцdе, ћкw с0лнце свётиши въ kвлeніи твоeмъ на џблацэхъ небeсныхъ и3 тёмъ показyеши с™yю в0лю твою2. Благоволи2 u5бо, пречcтаz, ниспослaти нaмъ съ благодaтію и3 си1лу моли1твы, да б0дрствующе со благодарeніемъ, воспэвaемъ хвалы2 сіS:

Рaдуйсz, всеблагaz, ћкw люб0вь ко благочeстію въ вёрныхъ вселsеши: рaдуйсz, ћкw благочeстіе въ земли2 нaшей њграждaеши.

Рaдуйсz, ћкw сохранsеши и3 защищaеши правослaвіе: рaдуйсz, ћкw научaеши и3 соблюдaеши пaстырей цeркви.

Рaдуйсz, всес™az, ћкw с™yю сп7си1тельную вёру на земли2 ўтверждaеши: рaдуйсz, ћкw є4реси и3 раск0лы њбличaеши.

Рaдуйсz, благодaтнаz, живон0сный и3ст0чникъ благодaти вёрующымъ и3сточaющаz: рaдуйсz, сл0во премyдрости просsщымъ дaрующаz.

Рaдуйсz, маловBрныz и3 суевBрныz вразумлsющаz: рaдуйсz, невёрныхъ смhслы бжcтвеннымъ свётомъ њзарsющаz.

Рaдуйсz, бл†га земнaz и3 сyєтнаz презирaти научaющаz: рaдуйсz, къ нбcнымъ и3 нетлённымъ сокр0вищамъ ўмы2 и3 сердцA н†ша направлsющаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ ѕ7.

Проповёдуетъ чудесA тво‰ и3 вели6кіz тво‰ ми1лwсти всS землS правослaвнаz, ћкw ди1внw њгради1ла є3си2 с™hмъ покр0вомъ чудотв0рную твою2 їкHну t џгненнагw плaмене, об8sвшагw соб0рный хрaмъ, въ нeмже с™az їкHна пребывaше. Тёмже и3 мы2 тебЁ вопіeмъ: q, прес™az вLчце, при1зри всеми1лостивымъ џкомъ твои1мъ и3 на ны2, со слезaми предстоsщыz пред8 чудотв0рнымъ твои1мъ џбразомъ, и3 моли1твами твои1ми пред8 пrт0ломъ всевhшнzгw и3збaви ны2 t плaмени nгнS вёчнагw, да съ весeліемъ благодaрствєнныz хвалы2 прин0симъ ти2, воспэвaюще гDеви: Ґллилyіа.

Јкосъ ѕ7.

ВозсіS пaки свётомъ чудeсъ пречестнaz їкHна твоS, вLчце, во врeмz нашeствіz татарскагw, є3гдa бо нечєсти1выz пHлчища батhz, вшeдше во с™hй хрaмъ, начaша вс‰ разрушaти, злaто, сребро2 и3 друг†z ўкрашє1ніz съ прослaвленнагw џбраза твоегw2 похищати, и3 предавaти вс‰ мечY и3 nгню2. ТогдA преслaвное чyдо показaсz всBмъ правослaвнымъ хrтіaнwмъ: с™az їкHна твоS пaки въ плaмени пребhсть невреждeнна. Тaкw ўвёрившесz њ твоeмъ покр0ве, пречcтаz, сохранsющемъ и3 защищaющемъ странY рwссjйскую, благодaрственнэ прославлsемъ вели1каz чудесA тво‰, и3 t глубины2 сердeчныz вопіeмъ ти2:

Рaдуйсz, с™yю їкHну твою2 во спасeніе нaше и3з8 плaмене чудeснw сохранившаz: рaдуйсz, сію2 премн0гими чудесы2 по всeй вселeннэй прослaвившаz.

Рaдуйсz, ћкw молsщымсz пред8 с™0ю їкHною твоeю душeвное и3 тэлeсное здрaвіе подаeши: рaдуйсz, ћкw всBмъ uповaющымъ на тS сп7сeніе дaруеши.

Рaдуйсz, ћкw ты2 є3си2 с™hхъ хрaмwвъ пeрвэйшее ўкрашeніе: рaдуйсz, ћкw ты2 є3си2 всёхъ домHвъ благословeніе.

Рaдуйсz, ћкw ты2 є3си2 с™hхъ nби1телей покр0въ и3 защищeніе: рaдуйсz, ћкw ты2 є3си2 подви1жникwвъ ди1вное ўкрэплeніе.

Рaдуйсz, всёхъ благочести1выхъ всевеселsщее рaдованіе: рaдуйсz, всегw2 р0да хrтіaнскагw заступлeніе.

Рaдуйсz, путеводи1тельнице нaша, вводsщаz мн0гихъ въ черт0гъ цrтва нбcнагw: рaдуйсz, застyпнице, прест0лу сн7а твоегw2 и3 бGа предстоsщаz и3 њ нaсъ ходaтайствующаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ з7.

ХотS вели1кій кнsзь васи1лій пренести2 с™yю їкHну твою2, вLчце, въ москвY на защищeніе ст0льному грaду, є3гдA бhсть вели1кое нашeствіе ґгaрzнское, послA во влади1міръ t дух0внаго чи1на лю1ди за честн0ю їкHною твоeю, нарицaемою влади1мірскою, крёпкое бо заступлeніе t тоS познA. Приближaющейсz же с™ёй їкHнэ, въ срётеніе є3S и3зыд0ша сaмъ кнsзь съ болsры, и3 с™и1тель б9ій кmпріaнъ со всёмъ сщ7eннымъ соб0ромъ и3 мн0жествомъ нар0да, и3 поклони1шасz пред8 нeю до земли2, ћкw сам0й тебЁ, пречи1стаz бцdе, къ ни1мъ приходsщей, и3 вси2, взирaюще на џбразъ тв0й, мн0ги слeзы проливaху, с™az же цRковь рaдостнw взывaше: пріиди1те, рwссjйстіи соб0ри, пріиди1те вёрныхъ совокуплeніz, во срётеніе цRи1цы бGоoтрокови1цы! И# нhнэ вси2 правослaвніи лю1діе, притекaz къ цэльбон0снэй твоeй їкHнэ, съ люб0вію тS слaвzтъ, пою1ще бGу: Ґллилyіа.

Јкосъ з7.

Ди1внаz чудесA бhша t тебє2, застyпнице, въ нашeствіе ґгaрzнское, тогHжде бо днE, въ џньже въ москвY принесенA бhсть честнaz їкHна твоS, kви1ласz є3си2 вождю2 агaрzнскому съ ѓгGлы нбcными, њбнажeнныz мечи2 держaщими, и3 си1мъ видёніемъ ўстраши1вши вр†жіz полки2, заставила є3си2 | спёшнw бэжaти t предBлъ моск0вскихъ. Кт0 же возм0жетъ и3зрещи2 твою2 къ нaмъ люб0вь, бцdе: кто2 возглаг0летъ си6лы тво‰, даровaнныz їкHнэ твоeю: сегw2 рaди пёснь хвалы2 и3 благодарeніz воспэвaемъ ти2 си1це:

Рaдуйсz, во грaдэ москвЁ чудотв0рною твоeю їкHною пребывaти благоволи1вшаz: рaдуйсz, и3 грaдъ влади1міръ, по пренесeніи їкHны, твои1мъ заступлeніемъ не њстaвившаz.

Рaдуйсz, їкHною твоeю грaдъ москвY њс™и1вшаz: рaдуйсz, т0ю ўповaющихъ на тS возвесели1вшаz.

Рaдуйсz, ћкw мольбы2 нар0да, во срётеніе с™hz їкHны изшeдшагw ўслhшала є3си2: рaдуйсz, ћкw слeзныz возглaсы є3гw2: q, м™и б9іz, спаси2 землю2 рwссjйскую, пріsла є3си2.

Рaдуйсz, ћкw kвлeніемъ со с™и1тели моск0вскими и3 мн0жествомъ воwружeнныхъ ѓгGлwвъ врагA ўстраши1ла є3си2: рaдуйсz, ћкw t предBлъ моск0вскихъ tи1ти гр0знw є3мY повелёла є3си2.

Рaдуйсz, слaвную побёду над8 враги2 без8 брaни подaвшаz: рaдуйсz, без8 проли1тіz кр0ве њдолeніе правослaвному в0инству даровaвшаz.

Рaдуйсz, грaдъ москвY t разорeніz и3збaвльшаz: рaдуйсz, странY нaшу t порабощeніz спaсшаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ }.

Стрaннэй и3 преди1внэй соверши1вшейсz п0мощію твоeю, вLчце, побёдэ, вси2 концы2 земли2 ўдиви1шасz и3 хвалY воспёша ти2: вели1кій же кнsзь ўзрёвъ чудотв0рную твою2 їкHну, во срётеніе є3гw2 и3з8 грaда и3знесeнную, со слезaми припадE къ нeй и3 возблагодари2 тS си1це: q, всепётаz, непостhднаz хrтіaнъ застyпнице! ты2 kви1ла є3си2 нaмъ вeліе милосeрдіе, пaче ўповaніz и3збaвльши ны2 t безб0жныхъ врагHвъ. Тёмже и3 с™az цRковь прославлsетъ сію2 ди1вную пaмzть, свzщeннw совершaющи ю5: мh же вёруемъ и3 надёемсz, ћкw не прeзриши и3 нhнэ глaсъ молeніz рабHвъ твои1хъ, и4мz твоE на п0мощь призывaющихъ и3 воспэвaющихъ бGу: Ґллилyіа.

Јкосъ }.

Вси2 правослaвніи лю1діе слaвzтъ и4мz твоE, q всепётаz м™и, честнhмъ бо предстaтельствомъ твои1мъ мн0гое мн0жество чудeсъ kви1ла є3си2, странY рwссjйскую сохранsющи, и3 мн0жество врагHвъ, напaдающихъ на ню2, uстрашaющи и3 далeче t неS tгонsющи. Нёсть числA ми1лостемъ твои6мъ, вLчце: ди1вна сyть дэлA тво‰, и3 ди1вна пречестнaz твоS їкHна, пред8 нeюже припaдающе, съ вёрою и3 ўповaніемъ глаг0лемъ ти2 си1це:

Рaдуйсz, застyпнице ўсeрднаz, моли6твы с™и1телz їHны њ спасeніи грaда москвы2 uслhшавшаz: рaдуйсz и3 свzты6ни є3гw2 невреди1мw сохрани1вшаz.

Рaдуйсz, молeніz ўг0дника б9іz и4нока ґнтHніа ми1лостивнw пріsвшаz: рaдуйсz, чрeз8 негw2 побёду надъ враги2 предвозвести1вшаz.

Рaдуйсz, во с™hй грaдъ нечести1вое в0инство ґгaрzнское не допусти1вшаz: рaдуйсz, с™hz хрaмы t поругaніz и3збaвившаz.

Рaдуйсz, ћкw рwссjйскую держaву и3 нhнэ защищaеши: рaдуйсz, хrтолюби1вому в0инству рwссjйскому си1лу и3 мyжество дaрующаz.

Рaдуйсz, твои1мъ заступлeніемъ враги2 нaшz ўстрашaющаz: рaдуйсz, полки2 чуждjz въ бёгство њбращaющаz.

Рaдуйсz, грaды и3 вє1си рwссjйскіz t разрушeніz спасaющаz: рaдуйсz, земн0е нaше житіE д0брэ ўстроsющаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ f7.

Всsкое є3стество2 ѓгGльское, ви1дz тS, бGороди1тельнице, ў пrт0ла сн7а твоегw2 предстоsщую, и3 за странY рwссjйскую и3 за всS хrтіaны молsщуюсz, восхвалsетъ тS: лю1діе же грaда москвы2, ви1дэвше, кaкw вели1кимъ кнzзeмъ їwaнномъ ди1внw побэждeнъ бhсть хaнъ nрды2 татaрскіz, и3 си1лою твоегw2 предстaтельства безчи1слєннаz пHлчища є3гw2 бэжaша, со слезaми слaву благодарeніz ти2 принес0ша, ћкw всемогyщэй застyпницэ и3 всесильной пом0щницэ. И# мы2 ќбw, въ сeмъ ми1лость къ нaмъ б9ію и3 моли1твъ твои1хъ дёйство разумэвaюще, прославлsемъ всевhшнzгw гDа, чудотв0рную си1лу їкHнэ твоeй даровaвшаго, и3 є4ю нaсъ t татaрскагw рaбства и3збaвльшаго, воспэвaюще є3мY: Ґллилyіа.

Јкосъ f7.

Витjйство человёческое не возм0жетъ по достоsнію благохвaлити тS, прес™az бцdе, и3 воспёти неисчє1тнаz чудесA тво‰, t первопи1санныz твоеS їкHны kвлsємаz, и4миже цRковь с™yю благоукрашaеши, грaды рwссjйскіz t бёдъ и3збавлsеши, и3 всS хrтіaны t всsкагw ѕлA невреди1мы соблюдaеши: nбaче, благaz сyщи, пріими2 t нaсъ, за премн0гую люб0вь къ нaмъ и3 ми1лость твою2, сіE хвалeбное пёніе, да сохранsеми твои1мъ всем0щнымъ заступлeніемъ, благодaрственнэ вопіeмъ ти2:

Рaдуйсz, храни1тельнице нaша, ћкw моли1твы первос™ителей рwссjйскихъ петрA, ґлеxjz и3 їHны пріsла є3си2: рaдуйсz, ћкw сожещи2 грaдъ москвY врагY возбрани1ла є3си2.

Рaдуйсz, ћкw слeзныz мольбы2 блажeннагw васjліz ўслhшала є3си2: рaдуйсz, ћкw томY чудeсное видёніе kви1ла є3си2.

Рaдуйсz, ћкw молeбное пёніе с™hхъ сeргіа и3 варлаaма пріsти благоволи1ла є3си2: рaдуйсz, ћкw ходaтайствомъ твои1мъ правосyдіе б9іе uми1лостивила є3си2.

Рaдуйсz, ћкw ты2 є3си2 держaвы нaшеz преслaвнаz защи1тнице: рaдуйсz ћкw ты2 є3си2 всёхъ вёрующихъ благaz застyпнице.

Рaдуйсz, ћкw ты2 є3си2 призывaющихъ тS непостhдное ўповaніе: рaдуйсz, ћкw ты2 є3си2 всёхъ труждaющихсz п0мощь и3 ўкрэплeніе.

Рaдуйсz, тeплаz пред8 бGомъ њ кaющихсz грёшницэхъ предстaтельницэ.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ ‹.

Спасти2 хотS дyшу свою2 и3 сокрушeніе и3мhй њ свои1хъ прегрэшeніихъ, вели1кій кнsзь васjлій съ моли1твою и3 слезaми притекaше къ тебЁ, прес™az вLчце, наипaче же при концЁ житіS своегw2 ўмилeннw пред8 чудотв0рною влади1мірскою їкHною твоeю молsшесz, слeзныма nчи1ма взирaz на ню2, и3 тaкw ти1хую и3 непостhдную кончи1ну пріsтъ: тёмже и3 мы2, прекл0нше колBна пред8 твои1мъ пречестнhмъ џбразомъ, м0лимъ тS, нбcнаz цRи1це, не тщY сотвори1ти надeжду нaшу на п0мощь твою2, и3 ходaтайствомъ твои1мъ и3збaвити ны2 t лю1тыz смeрти, да во ўтэшeніи зовeмъ сп7си1телю бGу: Ґллилyіа.

Јкосъ ‹.

СтэнA є3си2 и3 заступлeніе всёмъ, съ вёрою и3 люб0вію прибэгaющымъ къ тебЁ, пречи1стаz вLчце, ћкw чудeснэ и3збaвила є3си2 цaрство рwссjйское t п0лчищъ татaръ крhмскихъ и3 казaнскихъ, внeмлющи моли1твамъ вэнцен0снагw џтрока їwaнна, и3же ўмилeннw пред8 с™0ю їкHною твоeю взывaше къ тебЁ: q, прес™az гпcжE бцdе, покажи2 ми1лость твою2 на р0дэ хrтіaнстэмъ и3 и3збaви ны2 t нашeствіz невёрныхъ. Сегw2 рaди, њсэнsеми твои1мъ, бGом™и, заступлeніемъ, и3 къ твоемY взирaюще пречи1стому џбразу, благодaрственнэ вопіeмъ ти2:

Рaдуйсz, м™и б9іz, мaтернею люб0вію нaсъ, грёшныхъ, возлюби1вшаz: рaдуйсz, с™0ю їкHною твоeю, ћкw џблакомъ свётлымъ, нaсъ њграждaющаz.

Рaдуйсz, милосeрдаz, милосeрдіz двeри нaмъ tверзaющаz: рaдуйсz, къ дэлHмъ милосeрдіz и3 благотворeніz нaсъ возбуждaющаz.

Рaдуйсz, всес™az, с™hz зaповэди и3сполнsти нaсъ научaющаz: рaдуйсz, є4же люби1ти дрyгъ другA по зaповэди гDни нaсъ наставлsющаz.

Рaдуйсz, пренепор0чнаz, въ непор0чнэмъ житіи2 вёрныхъ ўкреплsющаz: рaдуйсz, нaсъ, грёшныхъ, къ покаsнію призывaющаz.

Рaдуйсz, бGоблагодaтнаz, благодaтію сн7а твоегw2 и3 бGа мрaкъ грэхA въ нaсъ разгонsющаz: рaдуйсz, њсэнeніемъ с™hz твоеS їкHны ѕлhхъ духHвъ t нaсъ tгонsющаz.

Рaдуйсz, присноблажeннаz, блажє1нныz њби1тєли ходaтайствомъ твои1мъ нaмъ ўготовлsющаz: рaдуйсz, моли1твами твои1ми двeри рaйскіz нaмъ tверзaющаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ №i.

Пёніе всsкое не довлёетъ къ прославлeнію вели1чества твоегw2, вLчце, ћкw и3збaвила є3си2 грaдъ москвY t џгненнагw разрушeніz: є3гдa бо плaмень џгненный грaдъ њбнимaше и3 приближaшесz ко хрaму, и3дёже чyднаz сіS їкHна твоS стоsше, мн0зи бlгочести1віи лю1діе ко хрaму ўстреми1шасz, во є4же спасти2 ю5 t џгненнагw плaмене, но не возмог0ша под8sти ю5 и3 и3знести2 и3з8 хрaма: т0ю бо ты2 самA, застyпнице, wгради1ла є3си2 с™hй хрaмъ и3 ўкроти1ла є3си2 бyрю џгненную во грaдэ, ћвльшисz верхY хрaма во свэтозaрнэмъ њдэsніи, и3 ри1зами твои1ми с™hй хрaмъ и3 грaдъ покрывaющи. Тёмже, ди1внаz дэлA твоS поминaюще, м0лимъ тS, прес™az бцdе, и3 нhнэ воздви1гни руцЁ твои2 къ сн7у твоемY и3 бGу нaшему, да милосeрдіе є3гw2 неtстyпнw бyдетъ t нaсъ, вопію1щихъ є3мY: Ґллилyіа.

Јкосъ №i.

Свэтозaрнэ сіsетъ с™az твоS їкHна, пречcтаz вLчце, kвлeнными чудесы2 uтешaющи правослaвныz лю1ди рwссjйскіz, и5же притекaютъ къ тебЁ съ моли1твою въ трyдныхъ њбстоsніихъ, ўповaюще на твоE заступлeніе. Цaрь же їwaннъ, и3сходS на брaнь ко грaду казaни, всE цaрство своE под8 покр0въ тв0й поручи2: тh же не tри1нула є3си2 моли1твъ є3гw2, и3 п0мощію твоeю слaвнаz побёда над8 враги2 даровaсz. И# мы2 ќбw, припaдающе къ твоемY с™0му џбразу, и3 всE ўповaніе на тS возложи1вше, воспэвaемъ ми1лость твою2 си1це:

Рaдуйсz, ўсeрднаz застyпнице, заступлeніе во всёхъ путeхъ жи1зни нaмъ подавaющаz: рaдуйсz, t всsкіz бэды2 и3 напaсти и3збавлsющаz.

Рaдуйсz, храни1тельнице нaша, t нападeніz ѕлhхъ разб0йникwвъ и3 тaйныхъ ўб‡йцъ нaсъ њхранsющаz: рaдуйсz, t граби1телей и3 татє1й жили1ща и3 досто‰ніz н†ша њграждaющаz.

Рaдуйсz, путеводи1тельнице, путешeствующымъ по м0рю ти1хое пристaнище дарyющаz: рaдуйсz, стр†шныz бyри и3 в0лны морск‡z моли1твами твои1ми ўкрощaющаz.

Рaдуйсz, покрови1тельнице, t џгненнагw плaмене нaсъ покрывaющаz: рaдуйсz, t трyса и3 потоплeніz нaсъ сохранsющаz.

Рaдуйсz, ск0раz застyпнице, t навёта клеветникHвъ и3 поношeніz человёческагw нaсъ защищaющаz: рaдуйсz, въ сердцaхъ нaшихъ ѕлHбы и3 вражды6 и3скоренsющаz.

Рaдуйсz, тeплаz моли1твеннице, моли1твами твои1ми тлетвHрныz вBтры и3 смертонHсныz ћзвы прекращaющаz: рaдуйсz, t безд0ждіz, грaда и3 глaда нaсъ спасaющаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ в7i.

Благодaтію твоeю, прес™az бцdе, ћкwже дрeвле, и3 днeсь притекaющыz къ цэльбон0снэй твоeй їкHнэ не њставлsеши и3 призывaющымъ тS благопоспёшнэ вспомоществyеши: и3 ћкwже ўслhшала є3си2 молє1ніz ск0рбнагw с™и1телz јwва, слeзнэ взывавшагw къ тебЁ, да спасeши въ земли2 рwссjйстэй правослaвіе: си1це и3 t нaсъ, грёшныхъ, пріими2 ўмилє1ннаz молє1ніz, не њстaви ми1лость твою2 t нaсъ, припaдающихъ къ пречестн0му џбразу твоемY, и3збaви же нaсъ t всsкіz бэды2 и3 въ печaлехъ бeдствующымъ ск0ро помози2, да твои1мъ пречи1стымъ ходaтайствомъ спасaеми, благодaрными ўсты2 поeмъ бGови: Ґллилyіа.

Јкосъ в7i.

Пою1ще ди6внаz тво‰ чудесA, ўмилeннw припaдаемъ пред8 пречи1стымъ џбразомъ твои1мъ, вLчце, и3 бlгоговёйнw лобызaюще є3гw2, благодaрственнэ воспоминaемъ заступлeніе твоE цaрствующему грaду въ нашeствіе лsхwвъ: ўслhшала бо є3си2 скHрбныz моли6твы вёрныхъ рабHвъ твои1хъ и3 предвозвэсти1ла є3си2 и5мъ ск0рое њсвобождeніе t врагHвъ: и3 тaкw тоб0ю и3збaвленніи, мнHгіz слє1зы благодарeніz пред8 с™0ю їкHною твоeю приношaху ти2, пріими2 и3 t нaсъ похвaльную пёснь сію2:

Рaдуйсz, всем0щнаz вLчице, благодaтною твоeю си1лою t вр†гъ ви1димыхъ и3 невиди1мыхъ нaсъ и3збавлsющаz: рaдуйсz, t смертон0сныхъ ћзвъ и3 тsжкихъ недyгwвъ свобождaющаz.

Рaдуйсz, м™и свёта, слепы6мъ nчесA tверзaющаz: рaдуйсz, и4стиннымъ свётомъ сyщихъ во тмЁ и3 сёни смeртнэй њзарsющаz.

Рaдуйсz, разслaблєннымъ ўтверждeніе и3 хрwмhмъ хождeніе дaрующаz: рaдуйсz, пaдшыхъ благодaтію твоeю возсталsющаz.

Рaдуйсz, м™и сл0ва, нэмы6мъ и3 косноzзы6чнымъ словесA tкрывaющаz: рaдуйсz, невёрующыхъ, є4же прославлsти бGа и3 воспэвaти тS, научaющаz.

Рaдуйсz, врачA р0ждшаz, њстaвленныхъ врачaми на рyцэ свои2 пріeмлющаz: рaдуйсz, нераскazнныхъ грёшникwвъ къ покаsнію њбращaющаz.

Рaдуйсz, всёхъ п0моще, скHрбнымъ вдови1цамъ и3 си6рымъ помогaющаz: рaдуйсz, ѓлчущихъ и3 жaждущихъ прaвды къ бGу приводsщаz.

Рaдуйсz, прес™az вLчце бGородице, бlгодaть и3 ми1лость їкHною твоeю нaмъ kвлsющаz.

Кондaкъ Gi.

q, всепётаz и3 всеми1лостиваz м™и, пречи1стаz гпcже бцdе! пріими2 мaлое сіE молeніе нhнэ тебЁ приноси1мое t нaсъ, грёшныхъ и3 недост0йныхъ рабHвъ твои1хъ, къ чудотв0рному џбразу твоемY припaдающихъ: при1зри ми1лостивнw на вёру и3 ўповaніе нaше, и3збaви ны2 t всsкихъ бёдъ и3 скорбeй, подaждь нaмъ въ жи1зни сeй рyку п0мощи, и3спроси2 ў сн7а твоегw2 и3 бGа нaшегw премн0гимъ грэхHмъ нaшымъ прощeніе, и3 въ чaсъ смeртный спод0би ны2 пріsти кончи1ну животA нaшегw ми1рну, непостhдну, и3 вни1ти въ цRствіе нбcное, да вhну прославлsемъ безмёрное милосeрдіе б9іе и3 твоE ди1вное њ нaсъ заступлeніе, воспэвaюще вёчнw бGу: Ґллилyіа.

Сeй кондaкъ глаг0ли три1жды, посeмъ №-й јкосъ и3 №-й кондaкъ.

Моли1тва.

q, всеми1лостиваz гпcже бцdе, нбcнаz цRи1це, всем0щнаz застyпнице, непостhдное нaше ўповaніе! благодари1мъ тS њ всёхъ вели1кихъ благодэsніихъ, рwссjйскимъ лю1демъ t тебє2 бhвшихъ, t дрeвлэ и3 до днeсь t чудотв0рныz їкHны твоеS kвлeнныхъ. И# нhнэ, пребlгaz вLчце, при1зри на ны2, грBшныz и3 недостHйныz рабы6 тво‰, kви2 нaмъ ми1лость твою2 и3 моли2 сн7а твоего2, хrтA и3 бGа нaшего, њ є4же и3збaвитисz нaмъ t всsкагw ѕлA и3 сохрани1тисz цaрствующымъ градHмъ, всsкому грaду и3 вёси, и3 всeй странЁ нaшей t глaда, губи1тельства, трyса, пот0па, nгнS, мечA, нашeствіz и3ноплемeнникъ и3 междоус0бныz брaни. И#спроси2 всёмъ правослaвнымъ хrтіaнwмъ благодeнственное и3 ми1рное житіE, здрaвіе, долгодeнствіе, во всBмъ благ0е поспэшeніе и3 спасeніе. Сохрани2 и3 ўмудри2 пaстырей цRкви, є4же дост0йнw пасти2 стaдо хrт0во и3 прaво прaвити сл0во и4стины: ўкрэпи2 хrтолюбивое всерwссjйское в0инство, подaждь дyхъ совёта и3 рaзума военачaльникwмъ, градоначaльникwмъ и3 всBмъ, и3же во влaсти сyть: ниспосли2 с™0е твоE благословeніе и3 всBмъ правосл†внымъ хrтіанwмъ, покланsющымсz и3 молsщымсz ти2 пред8 цэльбон0сною твоeю їкHною. Бyди нaмъ застyпница и3 ходaтаица пред8 пrт0ломъ всевhшнzгw, и3дёже предстои1ши. Къ комY ќбw прибёгнемъ, ѓще не къ тебЁ, вLчце: комY принесeмъ слeзы и3 воздых†ніz, ѓще не къ тебЁ, прес™az бцdе: не и4мамы бо и3нhz п0мощи, не и4мамы и3нhz надeжды, рaзвэ тебЁ, нбcнаz цRи1це. Под8 тв0й покр0въ притекaемъ, моли1твами твои1ми ниспосли2 нaмъ ми1ръ, здрaвіе, земли2 плодон0сіе, воздyха бlгорастворeніе, и3збaви ны2 t всsкихъ бёдъ и3 скорбeй, t всsкихъ недyгwвъ и3 болёзней, t внезaпныz смeрти и3 t всёхъ њѕлоблeній врагHвъ ви1димыхъ и3 невиди1мыхъ. Вразуми2 и3 научи2 ны2, q всеми1лостиваz застyпнице, кaкw безгрёшнw прейти2 пyть земнaгw сегw2 житіS: ты2 вёси нeмwщи нaшz, вёси и3 согрэшє1ніz нaшz, но и3 вёру вёси, и3 ўповaніе ви1диши: дaруй же нaмъ и3справлeніе грэх0вныz жи1зни и3 ўмzгчи2 ѕл†z сердцA н†ша. Uкрэпи2 въ нaсъ прaвую вёру, вложи2 въ сердцA н†ша дyхъ стрaха б9іz, дyхъ благочeстіz, дyхъ смирeніz, терпёніz и3 любвE, въ д0брыхъ дёлэхъ преуспёzні: и3збaви же ны2 t и3скушeній, t пaгубныхъ душеврeдныхъ ўчeній, t невёріz, развращeніz и3 поги1бели вёчныz. ТебE ќбw пр0симъ, пречcтаz вLчце, и3 припaдающе пред8 с™0ю твоeю їкHною, м0лимсz, ўмилосeрдисz на ны2 и3 поми1луй ны2, въ стрaшный же дeнь судA ходaтайствомъ и3 заступлeніемъ твои1мъ спод0би ны2 стaти њдеснyю сн7а твоегw2, хrтA бGа нaшегw, є3мyже подобaетъ всsкаz слaва, чeсть и3 поклонeніе, со безначaльнымъ є3гw2 nц7eмъ, и3 прес™hмъ и3 бlги1мъ и3 є3диносyщнымъ є3гw2 д¦омъ, нhнэ и3 при1снw и3 во вёки вэкHвъ. ґми1нь.