Акафист собору святых преподобных Оптинских старцев

Предназначен для келейного чтения

Написан Иваном Беляевым, родным братом прписп. Никона (Беляева)

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 24 октября (11 октября ст. ст.)

Не утвержден для общецерковного использования.

Кондак 1

Избранным Богом от суетнаго мира, вам, о преподобнии отцы Оптинстии, крест свой благоговейно подъемши и Христу последовавшим верою, яко дерзновенным предстателем нашим пред Господем ныне усердное моление приносяще, с любовию взываем: Радуйтеся, преподобнии отцы Оптинстии, благодати старчества светильницы.

Икос 1

Ангельскаго иноческаго жития всем сердцем взыскавше, вся мирская пристрастия отвергосте, Богомудрии, и во объятия Отча с любовию в обитель Оптинy притекше, путем тесным и прискорбным до конца дней ваших шествовасте. Сего ради воспеваем сице: Радуйтеся, на зов Господень радостно притекшии; радуйтеся, всем желанием Христу последовавшии. Радуйтеся, крест свой на рамо восприимшии; радуйтеся, паче Господа ничесоже возлюбившии. Радуйтеся, Христа ради всеконечно себя отвергшиися; радуйтеся, Царствия Божия блаженнии наследницы. Радуйтеся, преподобнии отцы Оптинстии, благодати старчества светильницы.

Кондак 2

Видевше сети диаволъския, аки паучина в мире распростертая, и во глубине сердец ваших восчувствовавше, яко от них человецы токмо смирением спасаются, себе самех в теплой молитве пред Господем повергосте, со умилением взывающе: Аллилуиа.

Икос 2

Разумевше сердцем и умом, яко делы своими не оправдится пред Богом всяк живый, и присно содержаще пред очесы вашими согрешения своя, токи слезныя, единому Господу зримыя, источати не престасте, покаяние души Ему приносяще, Егоже образ показасте нам, взывающим: Радуйтеся, грехи своя неприкровенны прозревавшии; радуйтеся, дар умиления и слез от Господа приявшии. Радуйтеся, блаженство плача о гресех познавшии; радуйтеся, неусыпающую скорбь о них стяжавшии. Радуйтеся, на земли покаяния проповедницы; радуйтеся, на небеси ныне Господем утешаемии. Радуйтеся, преподобнии отцы Оптинстии, благодати старчества светильницы.

Кондак 3

Силу искупительных страданий Христовых положисте, святии, яко нерушимую надежду спасения, себе самех хуждшими всех человек и никоеяже милости достойных помышляюще, и сего ради со многим смирением и благодарением присно вопиясте Богу: Аллилуиа.

Икос 3

Имуще в сердцах своих Божественный смиренномудрия дар, истинные ученицы Христа, смирившаго Себе даже до смерти Крестныя, ни во чтоже вменисте вся подвиги и труды ваша. Возрастающим бо подвигом, сугубо возрасташе и смирение, емуже дивящеся, глаголем: Радуйтеся, послушанию и смирению Спасителем наученнии; радуйтеся, за смирение Господем Славы вознесеннии. Радуйтеся, безгневия и кротости смирением достигшии; радуйтеся, смирением и самоукорением покой душам обретшии. Радуйтеся, нищетою духовною обогатившиися избранницы; радуйтеся, ваше бо есть Царствие Небесное, нищим духом уготованное. Радуйтеся, преподобнии отцы Оптинстии, благодати старчества светильницы.

Кондак 4

Бурю страстей, плотию и диаволом воздвизаемую, утоляюще, ум владыку над страстьми пагубными постнически постависте, мужески бо естество понудивше, потщастеся благодатию Божиею хуждшее покорити лучшему и плоть поработити духу, Подвигоположнику Христу пети не престающе: Аллилуиа.

Икос 4

Слышавше глагол Господень, яко Царствие Небесное нудится и токмо нуждницы восхищают е, постом, бдением и молитвою непрестанно подвизастеся и плоть свою со страстьми и похотьми Христови распясте, уставы иноческия нерушимо соблюдше. Темже ублажаем вы: Радуйтеся, благое иго Христово люботрудно noнесшии; радуйтеся, трезвением сердечным духа не угасившии. Радуйтеся, крепкое хранение устом своим полагавшии; радуйтеся, телеса своя нещадно утеснявшии. Радуйтеся, с телесными подвиги умное делание сочетавшии; радуйтеся, в терпении вашем души ваша стяжавшии. Радуйтеся, преподобнии отцы Оптинстии, благодати старчества светильницы.

Кондак 5

Светоносное имя Иисусово, яко оружие непобедимое противу бесовския рати, непрестанно в сердце с верою носяще, приснотекущий источник благодати обретосте, восходяще от силы в силу и огнь ко огню прилагающе, очищенным смыслом воспеваете Богу: Аллилуиа.

Икос 5

Прозревающе всечасно немощь свою и спасительную, благодатную силу молитвы Иисусовой, николиже престасте творити ю, страстей прилоги тою посецающе и вся козни вражия попаляюще, в безмолвии сердца молитвенное собеседование с Господем таинственно обретше, нас научаете взывати вам: Радуйтеся, весь ум свой в молитву погрузившии; радуйтеся, всецело горе сердца своя имевшии. Радуйтеся, на молитве ни о чемже суетнем помышлявшии; радуйтеся, имя Иисусово неусыпно призывавшии. Радуйтеся, молитвы сердечныя изряднии подвижницы; радуйтеся, вся просимая во имя Господне получавшии молитвенницы. Радуйтеся, преподобнии отцы Оптинстии, благодати старчества светильницы.

Кондак 6

Предстояще сердцем в молитве пред Крестом за грехи людския страждущаго Господа, рыданием возрыдаете, преподобнии, скорбию о гресех своих снедаеми и неизглаголанною любовию к Искупителю нашему возгарающеся, до конца жития убо трепетно взывасте Ему: Аллилуиа.

Икос 6

Воссиявшу в сердцах ваших свету любве Божественныя, славу земную и похвалы возненавидесте и омерзисте, безчестие же от человеков и всякия скорби отверстым сердцем радостно приемлюще, поношению Христову усердно приобщистеся. Нам убо образ злострадания и терпения показасте, зовущим: Радуйтеся, язвы Господа Иисуса Христа на теле своем носившии; радуйтеся, поругания, яко врачевство чистительное, усердно пившии. Радуйтеся, от почестей земных всем сердцем отвратившиися; радуйтеся, за ненавидящих вас с любовию молившиися. Радуйтеся, обидящих вас, яко благодетелей, возлюбившии; радуйтеся, благодарити Милосердаго Господа николиже преставшии. Радуйтеся, преподобнии отцы Оптинстии, благодати старчества светильницы.

Кондак 7

Хотяй Господь всем человеком спастися и в разум истины приити, видя ваше благое произволение и труд непрестанный в исполнении заповедей Его, отверзе вам ум разумети пути Своя и оправданием Своим научи вас. Темже сердцем просвещенным выну воспевасте: Аллилуиа.

Икос 7

Дивна дела Твоя, Господи, яко паче книжник вразумляеши рабов Твоих, всем сердцем взыскующих Тя, и открываеши очи их, да уразумеют чудеса от закона Твоего. Блажим убо преподобных Твоих, отцев наших Оптинстих, присно поучавшихся в заповедех Твоих, яже возлюбиша зело, и поем им: Радуйтеся, словеса Божия, яко богатство много, в сердце сокрывшии; радуйтеся, путие заповедей Божиих всем сердцем возлюбившии. Радуйтеся, всяк путь неправды омерзившии; радуйтеся, от пути Господня николиже отступившии. Радуйтеся, в добрем подвизе уготовившиися и не смутившиися; радуйтеся, слово Божие вместивше, мир мног во Христе обретшии. Радуйтеся, преподобнии отцы Оптинстии, благодати старчества светильницы.

Кондак 8

Странников и пришельцев на земли себе помышляюще, ничесоже от тленных вещей мира сего стяжати себе не возжеласте, да не будут сердца ваша к земли влекома, обаче к единому Богу прилепистеся, чисте возносяще Ему песнь: Аллилуиа.

Икос 8

Всякое плотское пристрастие, от любве Господни отлучающее, вседушно отвергосте, единое на потребу взыскующе. Всегда убо при ногу Иисусову неотторженною приседесте любовию, ко благом житейским сердца не прилагающе и все упование свое на Господа возложивше. Темже похваляем вас, святии: Радуйтеся, без пристрастий к миру житие свое скончавшии; радуйтеся, от земных забот свобождшеся, сладость чистыя молитвы познавшии. Радуйтеся, твердою верою попечения житейская отложившии; радуйтеся, нестяжанием и послушанием пагубныя страсти умертвившии. Радуйтеся, иноческий обет нестяжания свято соблюдшии; радуйтеся, волю свою отсекшии Христовы послушницы. Радуйтеся, преподобнии отцы Оптинстии, благодати старчества светильницы.

Кондак 9

Вся молитвы ваша и вся силы ваша подвигосте, преподобнии, во еже стяжати чистоту душевную и телесную, без неяже, по словеси Христову, никтоже узрит Бога; темже убо чистым сердцем сподобистеся в раи Господни достойно воспети чудную праведных песнь, зовуще: Аллилуиа.

Икос 9

Воюющии на душу плотская вожделения постом и молитвою укрощающе, помыслом греховным возобладати вами не попускаете, от Господа Бога, единаго власть имущаго побеждати естества чин, дар чистоты и целомудрия приясте. Приимите убо и от нас хваления таковая: Радуйтеся, благодать Божию в борьбе с плотию смирением привлекшии; радуйтеся, труды и лишения возлюбивше, покой телесный отринувшии. Радуйтеся, постом и всенощными моленьми похоть плоти умертвившии; радуйтеся, естества уставы силою Христовою победившии. Радуйтеся, телеса и души ваша чисты Господеви принесшии; радуйтеся, чистии сердцем, Бога в вечнем блаженстве зрящии. Радуйтеся, преподобнии отцы Оптинстии, благодати старчества светильницы.

Кондак 10

Спасти хотяще души своя для жизни вечныя, вся помышления о земнем и привременнем отринусте и Спасителю нашему, заповедь велику о любви учеником Своим давшему, делом и истиною последовасте. Сего ради ближних ваших теплою любовию тогда возлюбисте, Небесному Отцу всех человеков зовуще: Аллилуиа.

Икос 10

Возлюбивше всею душею ближняго своего, Царствие Божие внутрь себе обретосте, темже сниде в сердца ваша огнь попаляяй любве Божия, еюже необыменно насыщающеся, всецело себе в жертву делом любве принесосте. Ныне же и от нас благоговейное пение сие слышите: Радуйтеся, всех человеков святою любовию возлюбившии; радуйтеся, во еже некия спасти, всем вся бывшии. Радуйтеся, о горестех людских слезно воздыхавшии; радуйтеся, всех притекающих в сердцах своих вмещавшии. Радуйтеся, тща от себе никогоже отпускавшии; радуйтеся, души ваша за ближних полагавшии. Радуйтеся, преподобнии отцы Оптинстии, благодати старчества светильницы.

Кондак 11

Пение молебное приносим вам, преподобнии отцы наши Оптинстии, вашею бо стезею воистину право ходити познахом. Блажени есте, Христу работавшии и вражию посрамившии силу, истинное правило добродетели показастеся всем, Господеви зовущим: Аллилуиа.

Икос 11

Светлыя подвиги ваша похваляюще, преподобнии отцы наши Оптинстии, ублажаем вас, яко славных наставников монахов и чудных собеседников Ангелов ныне на небеси Престолу Божию предстоящих и молящихся о нас, с любовию поющих вам: Радуйтеся, трезвения непрестаннаго усерднии ревнителе; радуйтеся, пламени сердечнаго неусыпнии хранителе. Радуйтеся, непоколебимии столпи послушания, вся претерпевшии; радуйтеся, многими скорбьми в Царствие Божие вшедшии. Радуйтеся, иноческаго жития равноангельнии подвижницы; радуйтеся, добрии раби Божии, блазии и вернии. Радуйтеся, преподобнии отцы Оптинстии, благодати старчества светильницы.

Кондак 12

Благодати дар испросите нам у Господа, вас, о блаженнии, верно хвалящим. Вонмите воздыханием нашим, слез наших не презрите. Умолите Господа утолити лютыя страсти наша, дати нам плач сокрушенный о гресех наших, да чистою душею и неоскверненными устнами купно с вами сподобимся в раи Господни воспевати: Аллилуиа.

Икос 12

Поюще ныне вас, о преподобнии, хвалебными гласы, вемы, яко не пения устен взыскуете, но подвигом вашим последования, смирения сердечнаго и жития исправления. Темже в покаянии помощи вашея просяще, любовию же подвизаеми, глаголем: Радуйтеся, добре жительствующих ограждающии; радуйтеся, немощных и сирых укрепляющии. Радуйтеся, падающим руку помощи простирающии; радуйтеся, кающимся слезы утешительныя низпосылающии. Радуйтеся, всем призывающим вас скории помощницы; радуйтеся, спасения нашего пред Богом теплии ходатаи. Радуйтеся, преподобнии отцы Оптинстии, благодати старчества светильницы.

Кондак 13

О преславнии угодницы Христовы, преподобнии отцы и старцы, Моисее, Антоние, Исаакие, Иларионе, Анатолие, Иосифе и Вторый Исаакие, Льве, Макарие, Амвросие, Варсонофие, Вторый Анатолие, Нектарие и Никоне, яко седмь столпов и седмь светильников в Оптинстей обители просиявшии! Нынешнее наше моление услышите и испросите нам у Господа смирение и память смертную, да избавит нас Господь от всякаго зла и сподобит христианския кончины всех вопиющих Ему: Аллилуиа.

(Этот кондак читается трижды, а затем икос 1 и кондак 1)

Молитва

О велицыи угодницы Божии, столпи и светильницы Земли Российстей, преподобнии и богоноснии отцы наши Оптинстии, Льве, Макарие, Моисее, Антоние, Иларионе, Амвросие, Анатолие, Исаакие и Иосифе, Варсонофие, Анатолие, Нектарие, Никоне и Исаакие, по закону Евангельскому Господа Бога всем сердцем и всею душею и всем разумением возлюбившии и всему народу Божию во спасение бывшии; сего ради под покров Пресвятыя Владычицы нашея Богородицы во обитель Оптину, покаявшимся разбойником основанную, притекшии, путем тесным и прискорбным смирения и самоукорения до конца дней ваших ходившии, темже убо благодатныя дары святаго Духа преизобильно стяжавшии; старых и младых, знатных и препростых, мудрых века сего и худоумных, никогоже от грядущих к вам ижденувшии, николиже тща и неутешна отпустившии, но светом истины Христовы всех просветившии и духовно воскресившии, ближних ваших, яко себе самех, возлюбившии и тех в сердце своем вместившии, по словеси Апостола, пророчествующе и назидающе, увещающе и утешающе. Умолите Милосердаго Господа, во обитель райскую разбойника благоразумнаго с собою вземшаго, даровати нам, недостойным, яко работником единонадесятаго часа, дух сокрушения, сердца очищение, уст хранение, правоту деяний, мудрование смиренное, слезы покаяния, веру непостыдную, любовь нелицемерную, мир душевный и здравие телесное, да предстательством вашим сподобит нас Господь добраго ответа на Страшнем Судищи Своем, вечных мук избавляя, и царствия Небеснаго купно с вами да удостоит во веки веков. Аминь.

Ґкafістъ соб0ру с™hхъ прпdбныхъ џптинскихъ стaрцєвъ.

Кондaкъ №.

И#збр†ннымъ бGомъ t сyетнагw мjра, вaмъ, q прпdбніи nц7ы2 џптинстіи, кrтъ св0й бlгоговёйнw под8eмше, и3 хrтY послёдовавшымъ вёрою, ћкw дерзновє1ннымъ предстaтелємъ нaшымъ пред8 гDемъ, нhнэ ўсeрдное молeніе приносsще, съ люб0вію взывaемъ: Рaдуйтесz, прпdбніи nц7ы2 џптинстіи, блгdти стaрчества свэти1льницы.

Јкосъ №.

ЃгGльскагw и4ноческагw житіS всёмъ сeрдцемъ взыскaвше, вс‰ мірск†z пристр†стіz tверг0сте, бGомyдріи, и3 во њб8‰тіz џ§а съ люб0вію въ њби1тель џптину притeкше, путeмъ тeснымъ и3 приск0рбнымъ до концA днeй вaшихъ шeствовасте. сегw2 рaди воспэвaемъ си1це: Рaдуйтесz, на з0въ гDень рaдостнw притeкшіи. Рaдуйтесz, всёмъ желaніемъ хrтY послёдовавшіи. Рaдуйтесz, кrтъ св0й на рaмо воспріи1мшіи. Рaдуйтесz, пaче гDа ничес0же возлюби1вшіи. Рaдуйтесz, хrтA рaди всеконeчнw себE tвeргшіисz. Рaдуйтесz, цrтвіz б9іz бlжeнніи наслёдницы. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ в7.

Ви1дэвше сBти діaвwльскіz, ѓки паучи1на въ мjрэ распростє1ртыz, и3 во глубинЁ сердeцъ вaшихъ восчyвствовавше, ћкw t ни1хъ человёцы т0кмw смирeніемъ сп7сaютсz, себE самёхъ въ тeплой мlтвэ пред8 гDемъ поверг0сте, со ўмилeніемъ взывaюще: Ґллилyіа.

Јкосъ в7.

Разумёвше сeрдцемъ и3 ўм0мъ, ћкw дёлы свои1ми не њправди1тсz пред8 бGомъ всsкъ живhй, и3 при1снw содержaще пред8 nчесы2 вaшими согрэшє1ніz сво‰, т0ки слє1зныz, є3ди1ному гDу зри6мыz, и3сточaти не престaсте, покаsніе души2 є3мY приносsще, є3г0же w4бразъ показaсте нaмъ взывaющымъ: Рaдуйтесz, грэхи2 сво‰ неприкровє1нны прозрэвaвшіи. Рaдуйтесz, дaръ ўмилeніz и3 слeзъ t гDа пріsвшіи. Рaдуйтесz, бlжeнство плaча њ грэсёхъ познaвшіи. Рaдуйтесz, неусыпaющую ск0рбь њ ни1хъ стzжaвшіи. Рaдуйтесz, на земли2 покаsніz проповёдницы. Рaдуйтесz, на нб7си2 нhнэ гDемъ ўтэшaеміи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ G.

Си1лу и3скупи1тельныхъ страдaній хrт0выхъ положи1сте, с™jи, ћкw неруши1мую надeжду сп7сeніz, себE самёхъ хyждшими всёхъ человBкъ и3 никоеsже ми1лости дост0йныхъ помышлsюще, и3 сегw2 рaди со мн0гимъ смирeніемъ и3 бlгодарeніемъ при1снw вопіsсте бGу: Ґллилyіа.

Јкосъ G.

И#мyще въ сердцaхъ свои1хъ б9eственный смиренномyдріz дaръ, и4стинніи ўченицы2 хrтA, смири1вшагw себE дaже до см7рти кrтныz, ни во чт0 же вмэни1сте вс‰ п0двиги и3 труды2 вaшz. возрастaющымъ бо п0двигwмъ, сугyбw возрастaше и3 смирeніе, є3мyже дивsщесz, глаг0лемъ: Рaдуйтесz, послушaнію и3 смирeнію сп7си1телемъ научeнніи. Рaдуйтесz, за смирeніе гDемъ слaвы вознесeніи. Рaдуйтесz, безгнёвіz и3 кр0тости смирeніемъ дости1гшіи. Рaдуйтесz, смирeніемъ и3 самоукорeніемъ пок0й душaмъ њбрётшіи. Рaдуйтесz, нищет0ю дух0вною њбогати1вшіисz и3збрaнницы. Рaдуйтесz, вaше бо є4сть цrтвіе нбcное, ни1щымъ д¦омъ ўгот0ванное. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ д7.

Бyрю страстeй, пл0тію и3 діaвwломъ воздвизaемую, ўтолsюще, ќмъ владhку над8 страстьми2 пaгубными п0стнически постaвисте, мyжески бо є3стество2 понyдивше, потщaстесz блгdтію б9іею хyждшее покори1ти лyчшему и3 пл0ть пораб0тити д¦у, подвигопол0жнику хrтY пёти не престаю1ще: Ґллилyіа.

Јкосъ д7.

Слhшавше глаг0лъ гDень, ћкw цrтвіе нбcное нyдитсz и3 т0кмw нyждницы восхищaютъ є5, пост0мъ, бдёніемъ и3 мlтвою непрестaннw подвизaстесz и3 пл0ть свою2 со страстьми2 и3 похотьми2 хrт0ви распsсте, ўстaвы и4ночєскіz неруши1мw соблю1дше. тёмже ўблажaемъ вы2: Рaдуйтесz, бlг0е и4го хrт0во люботрyднw понeсшіи. Рaдуйтесz, трезвeніемъ сердeчнымъ д¦а не ўгаси1вшіи. Рaдуйтесz, крёпкое хранeніе ўстHмъ свои6мъ полагaвшіи. Рaдуйтесz, тэлесA сво‰ нещaднw ўтэснsвшіи. Рaдуйтесz, съ тэлeсными п0двиги ќмное дёланіе сочетaвшіи. Рaдуйтесz, въ терпёніи вaшемъ дyшы вaшz стzжaвшіи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ є7.

Свэтон0сное и4мz ї}сово, ћкw њрyжіе непобэди1мое проти1ву бэс0вскіz рaти, непрестaннw въ с®цы съ вёрою носsще, приснотекyщій и3ст0чникъ блгdти њбрэт0сте, восходsще t си1лы въ си1лу и3 џгнь ко nгню2 прилагaюще, њчищeннымъ смhсломъ воспэвaсте бGу: Ґллилyіа.

Јкосъ є7.

Прозрэвaюще всечaснw нeмощь свою2 и3 сп7си1тельную, бlгодaтную си1лу мlтвы ї}совы, николи1же престaсте твори1ти ю5, страстeй прил0ги т0ю посэкaюще и3 вс‰ кHзни вр†жіz попалsюще. въ безм0лвіи сeрдца мlтвенное собесёдованіе съ гDемъ тaинственнw њбрётше, нaсъ научaете взывaти вaмъ: Рaдуйтесz, вeсь ќмъ св0й въ мlтву погрузи1вшіи. Рaдуйтесz, всецёлw горЁ сердцA сво‰ и3мёвшіи. Рaдуйтесz, на мlтвэ ни њ чeмже сyетнэмъ помышлsвшіи. Рaдуйтесz, и4мz ї}сово неусhпнw призывaвшіи. Рaдуйтесz, мlтвы сердeчныz и3зрsдніи подви1жницы. Рaдуйтесz, вс‰ проси6маz во и4мz гDне получaвшіи мlтвенницы. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ ѕ7.

Предстоsще с®цемъ въ мlтвэ пред8 кrт0мъ за грэхи2 людск‡z стрaждущагw гDа, рыдaніемъ возрыдaсте, прпdбніи, ск0рбію њ грэсёхъ свои1хъ снэдaеми и3 неизглаг0ланною люб0вію къ и3скупи1телю нaшему возгарaющесz, до концA житіS ќбw трeпетнw взывaсте є3мY: Ґллилyіа.

Јкосъ ѕ7.

Возсіsвшу въ с®цaхъ вaшихъ свёту любвE б9eственныz, слaву земнyю и3 похвалы6 возненави1дэсте и3 њмерзи1сте, безчeстіе же t человёкwвъ и3 вс‰кіz скHрби tвeрстымъ с®цемъ рaдостнw пріeмлюще, поношeнію хrт0ву ўсeрднw пріoбщи1стесz. нaмъ ќбw w4бразъ ѕлострадaніz и3 терпёніz показaсте, зовyщымъ: Рaдуйтесz, ћзвы гDа ї}са хrтA на тэлеси2 своeмъ носи1вшіи. Рaдуйтесz, поруг†ніz, ћкw врачевство2 чисти1тельное, ўсeрднw пи1вшіи. Рaдуйтесz, t п0честей земнhхъ всёмъ с®цемъ tврати1вшіисz. Рaдуйтесz, за ненави1дzщихъ вaсъ съ люб0вію моли1вшіисz. Рaдуйтесz, њби1дzщихъ вaсъ, ћкw бlгодётелей возлюби1вшіи. Рaдуйтесz, бlгодари1ти милосeрдаго гDа николи1же престaвшіи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ з7.

Хотsй гDь всёмъ человёкwмъ сп7сти1сz и3 въ рaзумъ и4стины пріити2, ви1дz вaше бlг0е произволeніе и3 трyдъ непрестaнный въ и3сполнeніи зaповэдей є3гw2, tвeрзе вaмъ ќмъ разумёти пути6 сво‰ и3 њправдaніемъ свои6мъ научи2 вaсъ. тёмже с®цемъ просвэщeннымъ вhну воспэвaсте: Ґллилyіа.

Јкосъ з7.

Ди6вна дэлA тво‰, гDи, ћкw пaче кни6жникъ вразумлsеши рабHвъ твои1хъ, всёмъ с®цемъ взыскyющихъ тS, и3 tкрывaеши џчи и4хъ, да ўразумёютъ чудесA t зак0на твоегw2. блажи1мъ бо прпdбныхъ твои1хъ, nц7є1въ нaшихъ џптинскихъ, при1снw поучaвшихсz въ зaповэдехъ твои1хъ, ±же возлюби1ша ѕэлw2, и3 поeмъ и5мъ: Рaдуйтесz, словесA б9іz, ћкw богaтство мн0го въ с®цы сокрhвшіи. Рaдуйтесz, путіE зaповэдей б9іихъ всёмъ с®цемъ возлюби1вшіи. Рaдуйтесz, всsкъ пyть непрaвды њмерзи1вшіи. Рaдуйтесz, въ д0брэмъ п0двизэ ўгот0вившіисz и3 не смути1вшіисz. Рaдуйтесz, сл0во б9іе вмэсти1вше, ми1ръ мн0гъ во хrтЁ њбрётшіи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ }.

Стрaнникwвъ и3 пришeльцєвъ на земли2 себE помышлsюще, ничес0же t тлённыхъ вещeй мjра сегw2 стzжaти себЁ не возжелaсте, да не бyдутъ с®цA в†ша къ земли2 влекHма, nбaче къ є3ди1ному бGу прилэпи1стесz, чи1стэ возносsще є3мY пёснь: Ґллилyіа.

Јкосъ }.

Всsкое плотск0е пристрaстіе, t любвE гDни tлучaющее, вседyшнw tверг0сте, є3ди1ное на потрeбу взыскyюще. всегдA ќбw при ногY ї}сову неtторжeнною присэдeсте люб0вію, ко блaгwмъ житє1йскимъ сердцA не прилагaюще и3 всE ўповaніе своE на гDа возложи1вше. тёмже похвалsемъ вaсъ с™jи: Рaдуйтесz, без8 пристрaстіz къ мjру житіE своE скончaвшіи Рaдуйтесz, t земнhхъ заб0тъ своб0ждшесz, слaдость чи1стыz мlтвы познaвшіи. Рaдуйтесz, твeрдою вёрою попечє1ніz житє1йскаz tложи1вшіи. Рaдуйтесz, нестzжaніемъ и3 послушaніемъ п†губныz стр†сти ўмертви1вшіи. Рaдуйтесz, и4ноческій њбётъ нестzжaніz свsтw соблю1дшіи. Рaдуйтесz, в0лю свою2 tсёкшіи хrт0ви послyшницы. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ f7.

Вс‰ мlтвы вaшz и3 вс‰ си6лы вaшz подвиг0сте, прпdбніи, во є4же стzжaти чистотY душeвную и3 тэлeсную, без8 неsже, никт0же ќзритъ бGа: тёмже ќбw чи1стымъ с®цемъ спод0бистесz въ раи2 гDни дост0йную воспэвaти чyдную прaведныхъ пёснь, зовyще: Ґллилyіа.

Јкосъ f7.

Вою6ющаz на дyшу плотск†z вождєлёніz пост0мъ и3 мlтвою ўкрощaюще, п0мыслwмъ грэхHвнымъ возwбладaти вaми не попускaсте, t гDа бGа, є3ди1нагw влaсть и3мyщагw побэждaти є3стествA чи1нъ, дaръ чистоты2 и3 цэломyдріz пріsсте. пріими1те ќбw и3 t нaсъ хвалє1ніz такwвaz: Рaдуйтесz, блгdть б9ію въ борьбЁ съ пл0тію смирeніемъ привлeкшіи. Рaдуйтесz, труды2 и3 лишє1ніz возлюби1вше, пок0й тэлeсный tри1нувшіи. Рaдуйтесz, пост0мъ и3 всен0щными молeньми п0хоть пл0ти ўмертви1вшіи. Рaдуйтесz, є3стествA ўстaвы си1лою хrт0вою побэди1вшіи. Рaдуйтесz, тэлесA и3 дyшы вaшz чи6сты гDеви принeсшіи. Рaдуйтесz, чи1стіи с®цемъ, бGа въ вёчнэмъ бlжeнствэ зрsщіи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ ‹.

Спасти2 хотS дyшы сво‰ длz жи1зни вёчныz, вс‰ помышлє1ніz њ земнёмъ и3 приврeменнэмъ tри1нусте, и3 сп7си1телю нaшему, зaповэдь вели1ку њ любви2 ўченикHмъ свои6мъ дaвшему, дёломъ и3 и4стиною послёдовасте. сегw2 рaди бли1жнихъ вaшихъ тeплою люб0вію тогдA возлюби1сте, нбcному nц7Y всёхъ человёкwвъ зовyще: Ґллилyіа.

Јкосъ ‹.

Возлюби1вше всeю душeю бли1жнzго своего2, цrтвіе б9іе внyтрь себE њбрэт0сте, тёмже сни1де въ с®цA в†шz џгнь попалzsй любвE б9іz, є4юже неwбымeннw насыщaющесz, всецёлw себE въ жeртву дэлHмъ любвE принес0сте. нhнэ же и3 t нaсъ бlгоговёйное пёніе сіE слhшите: Рaдуйтесz, всёхъ человёкwвъ с™0ю люб0вію возлюби1вшіи. Рaдуйтесz, во є4же нBкіz спасти2 всBмъ вс‰ бhвшіи. Рaдуйтесz, њ г0рестехъ людски1хъ слeзнw воздыхaвшіи. Рaдуйтесz, всёхъ притекaющихъ въ с®цaхъ свои1хъ вмэщaвшіи. Рaдуйтесz, тщA t себE никог0же tпускaвшіи. Рaдуйтесz, дyшы вaшz за бли1жнихъ полагaвшіи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ №i.

Пёніе молeбное прин0симъ вaмъ, прпdбніи nц7ы2 нaши џптинстіи, вaшею бо стезeю вои1стинну прaво ходи1ти познaхомъ. бlжeнни є3стE, хrтY раб0тавшіи и3 врaжію посрами1вшіи си1лу, и4стинное прaвило добродётели показaстесz всBмъ, гDеви зовyщымъ: Ґллилyіа.

Јкосъ №i.

СвBтлыz п0двиги вaшz похвалsюще, прпdбніи nц7ы2 нaши џптинстіи, ўблажaемъ вaсъ, ћкw слaвныхъ настaвникwвъ монaхwвъ и3 чyдныхъ собесёдникwвъ ѓгGлwвъ, нhнэ на нб7си2 пrт0лу б9ію предстоsщихъ и3 молsщихсz њ нaсъ, съ люб0вію пою1щихъ вaмъ: Рaдуйтесz, трезвeніz непрестaннагw ўсeрдніи ревни1тели. Рaдуйтесz, плaмене сердeчнагw неусhпніи храни1тели. Рaдуйтесz, непоколеби1міи столпи2 послушaніz, вс‰ претерпёвшіи. Рaдуйтесz, мн0гими скорбьми2 въ цrтвіе б9іе вшeдшіи. Рaдуйтесz, и4ноческагw житіS равноaгGльніи подви1жницы. Рaдуйтесz, д0бріи раби2 б9іи, блазjи и3 вёрніи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ в7i.

Блгdти дaръ и3спроси1ти нaмъ ў гDа, q бlжeнніи, вёрнw хвaлzщымъ вaсъ м0лимъ. вонми1те воздыхaніемъ нaшымъ, слeзъ нaшихъ не прeзрите. ўмоли1те гDа ўтоли1ти лю6тыz стр†сти нaшz, дaти нaмъ плaчъ сокрушeнный њ грэсёхъ нaшихъ, да чи1стою душeю и3 неwсквернeнными ўстнaми кyпнw съ вaми спод0бимсz въ раи2 гDни воспэвaти: Ґллилyіа.

Јкосъ в7i.

Пою1ще нhнэ вaсъ, q прпdбніи, хвалeбными глaсы, вёмы, ћкw не пёніz ўстeнъ взыскyете, но п0двигwмъ вaшымъ послёдованіz, смирeніz сердeчнагw и3 житіS и3справлeніz. тёмже въ покаsніи п0мощи вaшеz просsще, люб0вію же подвизaеми, глаг0лемъ: Рaдуйтесz, д0брэ жи1тельствующихъ њграждaющіи. Рaдуйтесz, немощнhхъ и3 си1рыхъ ўкрэплsющій. Рaдуйтесz, пaдающымъ рyку п0мощи простирaющіи. Рaдуйтесz, кaющымсz слeзы ўтёшительныz низпосылaющіи. Рaдуйтесz, всBмъ призывaющымъ вaсъ ск0ріи пом0щницы. Рaдуйтесz, сп7сeніz нaшегw пред8 бGомъ тeпліи ходaтаи. Рaдуйтесz, прпdбніи nц7ы2 џптинстіи, блгdти стaрчества свэти1льницы.

Кондaкъ Gi.

Q преслaвніи ўг0дницы хrт0ви, прпdбніи nц7ы2 и3 стaрцы мwmсeе, ґнтHніе, їсаaкіе, їларіHне, ґнат0ліе, їHсифе и3 вторhй їсаaкіе, львE, макaріе, ґмвр0сіе, варсон0фіе, вторhй ґнат0ліе, нектaріе и3 нjкwне, ћкw сeдмь столпHвъ и3 сeдмь свэти1льникwвъ въ џптинстэй њби1тели просіsвшіи. нhнешнее нaше молeніе ўслhшите и3 и3спроси1те нaмъ ў гDа смирeніе и3 пaмzть смeртную, да и3збaвитъ нaсъ гDь t всsкагw ѕлA и3 спод0битъ хrтіaнскіz кончи1ны всёхъ вопію1щихъ є3мY: Ґллилyіа.

Кондaкъ сeй глаг0ли G-жды, тaже јкосъ №-й, и3 кондaкъ №-й.

Мlтва.

Q б9eственный с0нме прпdбныхъ nтє1цъ, бGон0сніи стaрцы џптинстіи, ѓгGльскимъ житіeмъ на земли2 просіsвшіи и3 въ нбcнэмъ грaдэ прослaвленніи! вёмы, ћкw во дни6 земнaгw служeніz вaшегw никт0же т0щъ и3 неутёшенъ t вaсъ tи1де, но всBмъ вс‰ бhсте: болsщымъ цэли1теліе, сомнsщымсz ўтверждeніе, печ†льнымъ ўтёшители: ћкw бlгодaть и3сцэлeніz, прозрёніz, немощнhхъ дyшъ врачевaніz њби1льна въ вaсъ kви1сz. но и3 нhнэ всBмъ нaмъ є3стE предстaтеліе, и3 њ стрaждущемъ nтeчествэ нaшемъ при1сніи пред8 пrт0ломъ б9іимъ печaльницы, вaмъ бо дадeсz є4же за ны2 моли1тисz: призри1те ќбw t г0рніz слaвы и3 ви1дите стaдо вaше, є4же пасли2 є3стE на пaжити ўчeніz хrт0ва, ћкw смzтeно є4сть и3 повeржено, и3 t волкHвъ душетлённыхъ расхищaемо: посэти1те нaсъ немощнhхъ и3 безпом0щныхъ бlгосeрдіемъ вaшимъ, заблyждшыz взыщи1те, расточє1нныz собери1те, прельщє1нныz њбрати1те, и3 совокупи1те с™ёй, соб0рнэй и3 ґпcльстэй цRкве: ±же во и4ночестэмъ житіи2 њгради1те t всёхъ навBтъ врaжіихъ, ю4ность вразуми1те, стaрость поддержи1те, супрyжєства въ мjрэ и3 є3диномhсліи соблюди1те. ўслhшите нaсъ, дyшъ б9eственніи врaчеве, и3 настaвите нaсъ на пyть покаsніz, да послёдующе словесє1мъ вaшымъ, возл0жимъ себE и3 вeсь жив0тъ нaшъ въ рyцэ превели1кагw милосeрдіz б9іz, да руководи1тъ в0лz є3гw2 нaшими мhсльми и3 чyвствы во всёхъ дёлэхъ и3 словесёхъ нaшихъ. простри1те нaмъ рyку п0мощи, nц7ы2 всеблажeнніи и3 научи1те нaсъ моли1тисz, вёровати, ўповaти, терпёти, прощaти и3 люби1ти: да тaкw въ зaповэдехъ гDнихъ при1снw ходsще, спод0бимсz ходaтайствомъ вaшимъ вёчныz рaдости, цrтвіz нбcнагw, и3дёже вкyпэ съ вaми прослaвимъ бGа, ди1внаго во с™hхъ свои1хъ, nц7A и3 сн7а и3 с™aго д¦а во вёки. Ґми1нь.