Акафист священноисповеднику Сергию Касимовскому (Правдолюбову)

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 18 декабря (05 декабря ст. ст.)

Не утвержден для общецерковного использования.

Кондак 1

Избранный слуго Царя Небеснаго, Богом данный покровителю града твоего, преблаженне отче наш Сергие, Православия изрядный проповедниче, сонма исповедников Российских сопричастниче, приими от нас сие благодарение и, предстоя Престолу славы Божия, не престай моляся о чтущих память твою и зовущих ти:

Радуйся, Сергие Исповедниче, Троице Святей о нас молитвенниче.

Икос 1

Ангели и праведных дуси возрадовашася, сретив на небесех велий сонм новомучеников и исповедников Российских. И мы, немощнии и грешнии, обаче небесную радость улучити желающии, тебе, святе Сергие, яко единому от сонма их радостно глаголем:

Радуйся, добрая отрасле родителей благочестивых.

Радуйся, граду твоему радость и утверждение.

Радуйся, Богословию усердно учивыйся.

Радуйся, слово Божие до смертнаго часа проповедавый.

Радуйся, себе самаго всецело в волю Божию предавый.

Радуйся, и присных твоих Господу Богу поручивый.

Радуйся, безропотному терпению их учивый.

Радуйся, многажды темничное заключение со благодарением Господу терпевый.

Радуйся, Сергие Исповедниче, Троице Святей о нас молитвенниче.

Кондак 2

Видя веру и благочестие родителей и сродников твоих, святе Сергие, измлада потщался еси подражателем сих быти, правила жительства христианского ими внушаемыя ревностно соблюдая и с любовию взывая Богу: Аллилуия.

Икос 2

Разум богопросвещен имети желая, книжному учению, святе Сергие, усердно прилежал еси, и в триех градех: Касимове, Рязани и Киеве - Бога в Троице славимаго православно чтити поучался еси, и сие богатство, тобою собранное усердному служению Церкви Божией посвятил еси. Сего ради приими от нас похвальная сия:

Радуйся, книжному учению усердно прилежавый.

Радуйся, все утро жития твоего тому отдавый.

Радуйся, добрый и искусный Богослове.

Радуйся, святыя Троицы служителю верный.

Радуйся, противу неправо во Христа верующих труд свой написавый.

Радуйся, тем писанием ложнаго богослова обличивый.

Радуйся, внимающих доброму учению к усердию призываяй.

Радуйся, им молитвою твоею в трудах их помогаяй.

Радуйся, Сергие Исповедниче, Троице Святей о нас молитвенниче.

Кондак 3

Силою благодати Божия в таинстве священства облечен, послан был еси, святе, в малый град области Вятския, священническое служение совершати, слово Божие проповедати и сонмом священнослужителей руководити, с нимиже согласно воспевал еси Богу хвалебную песнь: Аллилуия.

Икос 3

Имеяй неусыпное попечение о служении твоем, отче Сергие, потщался еси о благолепии священнодействий, проповедании слова Божия и о добром воспитании юных душ, вверенных тебе. Ублажающе труды твоя, вопием ти сице:

Радуйся, усердный служителю олтаря Господня.

Радуйся торжественных богослужений совершителю.

Радуйся, ревностный проповедниче слова Божия.

Радуйся, учивый паству твою словом и житием твоим.

Радуйся, детей учащихся в законе Божием наставниче.

Радуйся, от соблазнов мира сего их усердный охранителю.

Радуйся, пастырскаго служения правило.

Радуйся, сослужителей твоих вдохновителю.

Радуйся, Сергие Исповедниче, Троице Святей о нас молитвенниче.

Кондак 4

Буря яростная безбожия на Руси наста и многих умертви. Тогда и ты, святе Сергие, трикраты ко вратам смертным приводим был еси, но страхом Божиим страх смертный победив, до конца дней твоих Бога в Троице славимаго мужественно исповедал еси, поя Ему, Аллилуия.

Икос 4

Слышавше благочестивии людие о твердом и победоносном твоем стоянии противу безбожных, понудивших тя на словопрение, возрадовашася и возблагодариша Бога. И мы, ликующе о сем, победная возглашаем ти:

Радуйся, послушание властем предержащим явивый.

Радуйся, по воле их на словопрение изшедый.

Радуйся, молитвою в силу Божию облёкшийся.

Радуйся, уста и премудрость от Господа приявый.

Радуйся, сими противящихся ти победивый.

Радуйся, многажды их к молчанию приводивый.

Радуйся, верных сердца словом твоим возвеселивый.

Радуйся, мужественному стоянию в вере их научивый.

Радуйся, Сергие Исповедниче / Троице Святей о нас молитвенниче.

Кондак 5

Божией воле всего себе предавый, родителю твоему послушание явил еси и во град Касимов ко храму Святыя Троицы преселился еси, да будеши помогаяй в трудах отцу твоему и купно с ним воспоеши Богу: Аллилуия.

Икос 5

Видеша священницы и людие града твоего тя, святе Сергие, образ добраго пастыря им являюща, в сладость послушаша мудрыя и кроткия словеса твоя и тако ти возгласиша:

Радуйся, пастыреначальника Христа подражателю.

Радуйся, учения Его усердный изъяснителю.

Радуйся, малаго стада Христова верный блюстителю.

Радуйся, оное от неверия и расколов охраняяй.

Радуйся, священноначалие от клевет защищаяй.

Радуйся, в послушании ему быти верныя люди научаяй.

Радуйся, единства церковнаго ревнителю.

Радуйся, ложных поборников чистоты церковныя обличителю.

Радуйся, Сергие Исповедниче, Троице Святей о нас молитвенниче.

Кондак 6

Проповедию твоею, святе Сергие, отступльшаго от веры сына отцу его, скорбящему старцу пресвитеру, в лоно Церкви Христовы возвратил еси, и общею молитвою пред иконой Божией Матери «Взыскание погибших» многия колеблющиися души в правоверии укрепил еси и научил еси их с несумнен-ною верою пети Богу, Аллилуия.

Икос 6

Возсия во мраце неверия и развращения тихий и кроткий свет веры и добродетели верных рабов Божиих. Егоже погасити желающе безбожнии властители жестокое и много хитростное гонение воздвигоша на Церковь Божию и многих души устрашиша и поколебаша. Обаче вернии, взирающе на твое, отче Сергие, мужество и терпение, благодарно воспеша ти:

Радуйся, безбоязненный исповедниче веры Христовы.

Радуйся, многия на исповедание веры подвигнувый.

Радуйся, расхищение имений со благодушием приявый.

Радуйся, не имевый, где главу подклонити.

Радуйся, яко ради Христа в темницу заключаем был еси.

Радуйся, яко тамо поношение и муки терпел еси.

Радуйся, вопрошения мучителей мудростию побеждавший.

Радуйся, козни их молчанием и терпением низлагавый.

Радуйся, Сергие Исповедниче, Троице Святей о нас молитвинниче.

Кондак 7

Хотя светильник веры угасити безбожнии властителие на лета многа изгнаша тя и брата и сына твоего на острова Соловецкия и послежде в дебри лесныя, и тамо под стражею содержимых хотяху гладом и тяжкими трудами уморити. Но ты, святе Сергие, изнемогая под тяжестию скорби сея не перестал еси укрепляти братию твою и Богу взывати: Аллилуя.

Икос 7

Новаго чудотворца яви в себе Всемилостивый Господь во утешение и ободрение страждущих с тобою. И мы, благодарение Богу приносяще о милостех Его велицых, умильно вопием ти:

Радуйся, терпением скорби побеждавший.

Радуйся, всецело на помощь Божию упование полагавый.

Радуйся, о спасении блуждающих во мраце бурнаго моря усердно моливыйся.

Радуйся, свет, указующий им спасительный путь, у Бога испросивый.

Радуйся, гордаго гадателя отвративыйся.

Радуйся, силою Божиею действия его прекративый

Радуйся, козни невидимаго духа злобы уведевый.

Радуйся, присных твоих от козней его оградивый.

Радуйся, Сергие Исповедниче, Троице Святей о нас молитвенниче.

Кондак 8

Странно и горестно бе видети храмы Божия без пения стоящия и разорению предаваемыя. Во время сие ты, отче Сергие, из изгнания возвращенный, в потаенных местех службу Божию совершал еси, скорбя о разорении храмов Божиих. Обаче святитель Николай укрепи рабу Божию Анастасию презрети прещения врагов Христовых и храм его от разорения избавити, да возгласится в нем во время благопотребно хвалебная песнь: Аллилуия.

Икос 8

Всего себе и присных твоих Христу Богу предал еси, преблаженне отче наш Сергие. По возвращении бо твоем из изгнания и нищету и паки темничное заключение претерпел еси. Последи же сподоби тя милостивый Господь прежде заключенный храм святителя и чудотворца Николая открыти и в нем первым священнослужителем быти. Сего ради приими от нас похвалы сия:

Радуйся, яко во всех житейских обстояниих воле Божией покорен был еси.

Радуйся яко и присных твоих вся скорби благодушно терпети призывал еси.

Радуйся, новое темничное заключение претерпевый.

Радуйся, и в последняя дни жития твоего сим не устрашивыйся.

Радуйся, радость предстояния престолу Божию от Господа приявый.

Радуйся, храм святителя Николая паки освятивый.

Радуйся, видяй, яко и по днесь в нем славословие Богу приносится.

Радуйся, о молящихся в нем пред Богом ходатаю.

Радуйся, Сергие Исповедниче, Троице Святей о нас молитвенниче.

Кондак 9

Всякия скорби и многоразличная страдания доблественне претерпел еси отче наш Сергие. Не могущии бо терпети твоего в храме святителя Николая служения безбожнии властителие тя, темничными трудами изморена, к воинскому званию причтоша, да трудами воинскими уморен будеши. Ты же, готовый за Христа и в темницу, и в смерть ити, благодарно воспел еси многами скорбьми спасающему тя Богу: Аллилуия.

Икос 9

Витийская ухищрения небрегл еси, егда у врат смертных предстоя, страхом о спасении чад твоих содержимь, написал еси им предсмертное назидание твое, еже последи, Богу ти содействующу и еще седмицу лет даровавшу ти, пространнее изложил еси. О немже благодарим тя сице:

Радуйся, учителю терпения.

Радуйся, в скорби пользу духовную искати внушаяй.

Радуйся, уставов Церкве Православныя ревнителю.

Радуйся, постнаго подвига наставниче.

Радуйся, посту телесному пост духовный прилагати научаяй.

Радуйся, приступати ко причастию Святых Христовых Таин побуждаяй.

Радуйся, Пасхою день причащения именуяй.

Радуйся, в слове Божием усердно поучатися наставляяй.

Радуйся, Сергие Исповедниче, Троице Святей о нас молитвенниче.

Кондак 10

Спасый тя, святе Сергие, от внезапныя смерти Господь, всели тя в место тихое и уединенное, идеже ты, пустынножителем подражая и в творениих тех поучаяйся, в тайне же Богослужения совершая, непрестанно пел еси Богу, Аллилуия.

Икос 10

Стена и забрало, святе Сергие, от Бога ти дадеся святитель и чудотворец Николай, близ бо его памяти ты от смерти спасен был еси, и четырем летом минувшим в память его приведе тя Бог в последнее место твоего служения, и еще трием летом прошедшим пред памятию святителя Николая святая твоя душа в райская преселися селения. Удивляющеся сему зовем ти:

Радуйся, друже святых.

Радуйся, святителя Николая послушниче.

Радуйся, священномучеников и мученика сыне и брате.

Радуйся, Аркадия, епископа и священномученика собеседниче и сотаинниче.

Радуйся, Матери Божией всегда служивый.

Радуйся, тую о взыскании многих погибших умоливый.

Радуйся, Царствия Небеснаго наследниче.

Радуйся, радости всех святых сопричастниче.

Радуйся, Сергие Исповедниче, Троице Святей о нас молитвенниче.

Кондак 11

Пение благодарственное принесл еси Богу всяческих, егда, святе Сергие, сына, с нимже прежде в изгнании купно страдал еси, сослужаща ти у престола Божия узрел еси, поюща с тобою: Аллилуия.

Икос 11

Светом Христовым просвещен, яко светильник возсиял еси в последнем месте земнаго служения твоего. И тамо сущии вернии раби Божии тако ти возгласиша:

Радуйся, распри и нестроения в причте церковном кротостию утишивый.

Радуйся, клеветы, досаждения, укорения за сие до конца дней твоих терпевый.

Радуйся, уставов церковных рачителю

Радуйся, небрегших о сем с пожданием и терпением увещавый.

Радуйся, посты соблюдати ревностно учивый.

Радуйся, оправдывающих нарушение поста кротко обличивый.

Радуйся, богослужений усердный совершителю.

Радуйся, сим люди к церковной молитве привлекий.

Радуйся, Сергие Исповедниче, Троице Святей о нас молитвенниче.

Кондак 12

Благодать ти дадеся, преблаженне отче Сергие, служителем быти Святыя Троицы. Якоже бо прежде во храмех Святыя Троицы служил еси, тако и на новом месте служения твоего в три последняя лета пред чудотворным, рекомым «яблоневым» образом Святыя Троицы воспевал еси Триипостасному Богу, Аллилуия.

Икос 12

Поюще святыя подвиги твоя, славяще многотрудное и многоскорбное житие твое, торжествуем сие, яко святыми твоими мощами во отечество твое, отонудуже прежде изгнан был еси, с честию возвратился еси. Предстоя ныне престолу Божию, молися о тако славящих тя:

Радуйся, от утра до вечера жития твоего верен Богу бывый.

Радуйся, Церкви Его усердно послуживый.

Радуйся, проповедниче и защитниче Православия.

Радуйся, делом слово твое исполнивый.

Радуйся, поношения имене ради Христова приявый.

Радуйся, многажды на смерть ради Христа готовый.

Радуйся, правды ради из града твоего изгнанный.

Радуйся, ныне во славе святых в него возвративыйся.

Радуйся, Сергие Исповедниче, Троице Святей о нас молитвенниче.

Кондак 13

О, Троице, Боже наш, Отче, Сыне и Душе Святый! Молитвами вернаго раба Твоего святаго исповедника Сергия сподоби нас подвигом добрым подвизатися и к свету славы Царствия Твоего дойти и купно с ним и со всеми святыми ангельское славословие Ти вознести, присно поя: Аллилуия, Аллилуия, Аллилуия.

(Сие глаголи трижды. По сем Икос 1 и Кондак 1.)

Молитва

О, Святый угодниче Божий и исповедниче Сергие! Подвигом добрым подвизався на земли, восприял еси на небесех венец правды, его же уготовал Господь всем любящим его. Сего ради и мы, духовная чада твоя, радуемся о преславном скончании жительства твоего и чтим святую память твою. Ты же, предстоя престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых своих славимаго Бога, Отца и Сына и Святаго Духа, ныне и во веки веков. Аминь.

Труды священноисповедника Сергия Правдолюбова

• Моим детям и внукам

Смотреть все труды в библиотеке →

Свя­щен­но­ис­по­вед­ник про­то­и­е­рей Сер­гий Прав­до­лю­бов ро­дил­ся в 1890 го­ду в се­ле Мак­ка­ве­е­во в Ря­зан­ской гу­бер­нии в се­мье учи­те­ля Ка­си­мов­ско­го ду­хов­но­го учи­ли­ща (впо­след­ствии про­то­и­е­рея Успен­ской церк­ви г. Ка­си­мо­ва) Ана­то­лия Прав­до­лю­бо­ва. Род Прав­до­лю­бо­вых был свя­щен­ни­че­ским с се­ре­ди­ны XVII ве­ка. Сер­гий Прав­до­лю­бов за­кон­чил Ря­зан­скую Ду­хов­ную се­ми­на­рию и Ки­ев­скую Ду­хов­ную ака­де­мию, же­нил­ся и в 1915 го­ду был ру­ко­по­ло­жен во свя­щен­ни­ка к Спас­ской церк­ви в сло­бо­де Ку­кар­ка в Вят­ской гу­бер­нии (впо­след­ствии го­род Со­ветск). В 1919 го­ду он был на­зна­чен на­сто­я­те­лем Тро­иц­ко­го со­бо­ра в Ку­кар­ке. Здесь ему сра­зу же вы­па­ло тя­же­лое ис­пы­та­ние. В го­род при­шел ка­ра­тель­ный от­ряд ла­тыш­ских стрел­ков, но­чью они про­шли с рей­дом по го­ро­ду, аре­сто­вы­вая и рас­стре­ли­вая на хо­ду са­мых вли­я­тель­ных лю­дей го­ро­да. По­до­шли к Тро­иц­ко­му со­бо­ру и, раз­бу­див сто­ро­жа, по­тре­бо­ва­ли ска­зать, в ка­ком до­ме жи­вет "глав­ный поп". Сто­рож по­ка­зал не на дом бла­го­чин­но­го и на­сто­я­те­ля со­бо­ра от­ца Сер­гия, а на дом преж­не­го на­сто­я­те­ля, ко­то­рый был в пре­клон­ных ле­тах и на­хо­дил­ся на по­кое, но для сто­ро­жа по мно­го­лет­ней при­выч­ке и был "глав­ным по­пом". Ста­ро­го свя­щен­ни­ка раз­бу­ди­ли, вы­ве­ли из до­ма и тут же рас­стре­ля­ли. Отец Сер­гий все­гда пом­нил этот слу­чай и все­гда мо­лил­ся о рас­стре­лян­ном вме­сто него ста­ром свя­щен­ни­ке.
Еще раз в том же го­ду отец Сер­гий из­бе­жал смер­ти. Всех свя­щен­ни­ков го­ро­да Ка­си­мо­ва, в том чис­ле и от­ца Сер­гия, аре­сто­ва­ли, свез­ли в лес и ве­ле­ли ко­пать боль­шой ров неда­ле­ко от же­лез­но­до­рож­ной вет­ки. Все ду­хо­вен­ство бы­ло уве­ре­но, что ко­па­ют мо­ги­лу для се­бя. Пла­ка­ли, мо­ли­лись. По­том подъ­е­хал то­вар­ный со­став, и на­чаль­ник про­кри­чал: «Вам, по­пам, не при­вы­кать к по­кой­ниц­кой во­ни! Вот мы и при­гна­ли вас сю­да раз­гру­зить и за­ко­пать 4 ва­го­на тух­лой ры­бы. По­сле это­го, по мо­ей ко­ман­де, мо­же­те быть сво­бод­ны». Во вре­мя то­го, как отец Сер­гий ко­пал ров, ду­мая, что ро­ет се­бе мо­ги­лу, умер его сын, мла­де­нец Вла­ди­мир.
В 1923 го­ду отец Сер­гий с се­мьей (же­ной и пя­тью детьми) пе­ре­ехал на ро­ди­ну, в Ка­си­мов, где был на­зна­чен на­сто­я­те­лем Тро­иц­кой церк­ви. В 1929 го­ду он был аре­сто­ван вме­сте со мно­ги­ми дру­ги­ми свя­щен­но­слу­жи­те­ля­ми го­ро­да и рай­о­на и при­го­во­рен к двум го­дам ли­ше­ния сво­бо­ды. При­хо­жане не оста­ви­ли его, по­сто­ян­но хло­по­та­ли об осво­бож­де­нии сво­е­го пас­ты­ря, и к Па­схе 1930 го­да отец Сер­гий был осво­бож­ден. Сле­ду­ю­щий арест по­сле­до­вал в 1935 го­ду, вме­сте с бра­том, иере­ем Ни­ко­ла­ем Прав­до­лю­бо­вым, и сы­ном Ана­то­ли­ем от­ца Сер­гия аре­сто­ва­ли по "Де­лу Мат­ро­ны Ане­мня­сев­ской". Его при­го­во­ри­ли к 5 го­дам за­клю­че­ния и вме­сте с сы­ном от­пра­ви­ли в Со­ло­вец­кий ла­герь осо­бо­го на­зна­че­ния, а через 2 го­да в Мед­ве­жье­гор­склаг в Ка­ре­лии.
Осво­бо­дил­ся отец Сер­гий в 1943 го­ду, он вер­нул­ся в Ка­си­мов, но Тро­иц­кая цер­ковь бы­ла за­кры­та, и дру­гих свя­щен­ни­че­ских мест не бы­ло. Отец Сер­гий со сво­ей се­мьей су­ще­ство­вал слу­чай­ны­ми тре­ба­ми и вре­мен­ным слу­же­ни­ем в том или ином хра­ме во вре­мя бо­лез­ни штат­ных свя­щен­ни­ков. Ма­туш­ка Ли­дия Дмит­ри­ев­на ра­бо­та­ла и по­мо­га­ла про­кор­мить се­мью. В де­каб­ре 1943 го­да про­то­и­е­рей Сер­гий Прав­до­лю­бов был мо­би­ли­зо­ван на тру­до­вой фронт в ка­ме­но­лом­ни в по­сел­ке Ма­ле­е­во в Ря­зан­ской об­ла­сти. В те­че­ние 3-х лет он ра­бо­тал там в ка­че­стве сто­ро­жа. Эти ка­ме­но­лом­ни по до­бы­че бе­ло­го кам­ня ра­нее яв­ля­лись ме­стом ра­бо­ты за­клю­чен­ных.
Здо­ро­вье от­ца Сер­гия бы­ло на­до­рва­но, он дол­го не ви­дел­ся с род­ны­ми, и в 1944 го­ду он на­пи­сал ду­хов­ное за­ве­ща­ние, ко­то­рое на­зы­ва­лось «Мо­им де­тям и вну­кам. О том, как про­во­дить по­сты и го­то­вить­ся к ис­по­ве­ди и при­об­ще­нию Свя­тых Хри­сто­вых Тайн».
В 1946 го­ду отец Сер­гий был на­зна­чен на­сто­я­те­лем Спас­ской церк­ви в го­ро­де Спас­ске в Ря­зан­ской об­ла­сти. В сле­ду­ю­щем го­ду его сын Ана­то­лий был ру­ко­по­ло­жен во диа­ко­на к этой церк­ви, а вско­ре стал свя­щен­ни­ком и ее но­вым на­сто­я­те­лем, а его отец уехал жить в се­ло Ле­бе­дянь, и до кон­ца дней слу­жил в мест­ном хра­ме. Скон­чал­ся про­то­и­е­рей Сер­гий Прав­до­лю­бов в 1950 го­ду в воз­расте 60 лет. Его по­хо­ро­ни­ли в Ка­си­мо­ве, в Тро­иц­кой церк­ви.

Ис­точ­ник: http://www.grad-petrov.ru