Акафист святителю Митрофану Воронежскому

Одобрен в 1840 году.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 20 августа (07 августа ст. ст.); 17 сентября (04 сентября ст. ст.); 06 декабря (23 ноября ст. ст.)

Утвержден для общецерковного использования.

Конда́к 1.

Избра́нный чудотво́рче и изря́дный уго́дниче Христо́в, многоцеле́бный исто́чниче и моли́твенниче о душа́х на́ших, святи́телю о́тче Митрофа́не, я́ко име́яй дерзнове́ние ко Го́споду, от вся́ких на́с бе́д свободи́ зову́щих:

Ра́дуйся, Митрофа́не, вели́кий и пресла́вный чудотво́рче.

И́кос 1.

А́нгел земны́й и челове́к небе́сный бы́л еси́, святи́телю о́тче Митрофа́не: впери́в бо у́м в Боже́ственная, вре́менная и земна́я пренебре́гл еси́, те́мже и всели́ся в тя́ Пресвяты́й Ду́х, Его́же благода́тию све́тло укра́шен еси́. Сего́ ра́ди тебе́, на Небеси́ и на земли́ просла́вленному, вопие́м си́це:

Ра́дуйся, я́ко чистото́ю и святы́нею А́нгелом уподо́бился еси́; ра́дуйся, я́ко посто́м и бде́нием безстра́стия дости́гл еси́.

Ра́дуйся, свети́льниче Боже́ственнаго све́та; ра́дуйся, моли́тв благово́нное кади́ло.

Ра́дуйся, ве́рных непрело́жное утвержде́ние; ра́дуйся, неве́рных богому́дренное обличе́ние.

Ра́дуйся, христиа́н непосты́дное прибе́жище; ра́дуйся, благоче́стия стено́ необори́мая. Ра́дуйся, кре́пкое корми́ло Це́ркве Христо́вы; ра́дуйся, непоколеби́мый сто́лпе Правосла́вия.

Ра́дуйся, апо́стольских преда́ний ве́рный храни́телю; ра́дуйся, та́ин Бо́жиих и́стинный строи́телю. Ра́дуйся, Митрофа́не, вели́кий и пресла́вный чудотво́рче.

Конда́к 2.

Ви́дяще от святы́х моще́й твои́х приснотеку́щий исто́чник исцеле́ний, благогове́ния и ра́дости испо́лнени, благодари́м Бо́га, ди́вно прославля́ющаго святы́я Своя́, вопию́ще Ему́: Аллилу́иа.

И́кос 2.

Ра́зумом, просвеще́нным свы́ше, вразумля́я заблу́ждших, побо́рник бы́л еси́ и́стинныя Христо́вы Це́ркве, егда́ в ца́рствующем гра́де Москве́ суему́дреннии лжеучи́тели на собо́ре святи́тельском отверзо́ша нечести́вая уста́ своя́ на ея́ хуле́ние. Мы́ же от мы́сленных волко́в изба́вльшеся, ве́рно взыва́ем ти́:

Ра́дуйся, цевни́це Ду́ха Свята́го, бряца́ющая сла́ву Бо́жию во спасе́ние челове́ком; ра́дуйся, гро́ме, сокруша́яй ерети́ческое злоче́стие.

Ра́дуйся, мо́лние, попаля́ющая пле́велы неве́рия; ра́дуйся, я́сное зерца́ло апо́стольских преда́ний.

Ра́дуйся, немо́лчный благове́стниче веле́ний Христо́вых; ра́дуйся, ве́рный наста́вниче богому́дрия.

Ра́дуйся, мона́шествующих сла́во; ра́дуйся, архиере́ев боже́ственное удобре́ние.

Ра́дуйся, златоза́рное свети́ло, просвеща́ющее зе́млю Ру́сскую; ра́дуйся, наде́жный хода́таю на́м Ца́рствия Небе́снаго.

Ра́дуйся, я́ко твои́м к Бо́гу моле́нием от а́да свобожда́емся; ра́дуйся, я́ко твои́м предста́тельством ра́йския жи́зни сподобля́емся.

Ра́дуйся, Митрофа́не, вели́кий и пресла́вный чудотво́рче.

Конда́к 3.

Си́ле Вы́шняго чудоде́йствующей, никто́же притека́яй к тебе́, преблаже́нне о́тче, отхо́дит то́щь: неду́гующим бо яви́лся еси́ исцеле́ние, слепы́м прозре́ние, хромы́м утвержде́ние, и вси́ благове́рнии лю́дие, ско́раго тя́ помо́щника стяжа́вше, ра́достно Бо́гу воспева́ют: Аллилу́иа.

И́кос 3.

Име́яй в се́рдце свое́м о́гнь любве́ Боже́ственныя, спасе́ния ра́ди ду́ш челове́ческих па́стырски подвиза́лся еси́, богому́дре, проти́ву ко́зней диа́вольских и победи́тельным ору́жием креста́ разсека́л еси́ се́ти лука́ваго, я́ко паучи́ну. Те́мже приими́ от на́с пе́снь сию́:

Ра́дуйся, ра́бе Бо́жий, благи́й и ве́рный; ра́дуйся, досто́йный де́лателю вертогра́да Христо́ва.

Ра́дуйся, учи́телю смире́ния и целому́дрия; ра́дуйся, о́бразе кро́тости и послуша́ния.

Ра́дуйся, му́жу жела́ний; ра́дуйся, Пропове́дниче чуде́с Бо́жиих.

Ра́дуйся, наста́вниче де́л до́брых; ра́дуйся, тве́рдое огражде́ние Христо́вы Це́ркве.

Ра́дуйся, огневи́дный сто́лпе, наставля́яй на пу́ть спасе́ния; ра́дуйся, светоза́рный свети́льниче, ве́рныя просвеща́яй.

Ра́дуйся, неисчерпа́емый сосу́де благода́ти Христо́вы; ра́дуйся, чи́стое прия́телище Ду́ха Свята́го.

Ра́дуйся, Митрофа́не, вели́кий и пресла́вный чудотво́рче.

Конда́к 4.

Бу́рю мирска́го жития́ и тяжелоно́сныя страсте́й во́лны преше́д, обре́л еси́ ти́хое приста́нище и, в пусты́ню всели́вся, неле́ностно порабо́тал еси́ Христу́ во мно́зе долготерпе́нии. Отню́дуже руководи́л еси́ в Ца́рствие Бо́жие и духо́вная ча́да своя́, научи́в и́х еди́ными усты́ и еди́ным се́рдцем пе́ти Бо́гу: Аллилу́иа.

И́кос 4.

Слы́шаще ди́вныя о Бо́зе труды́ твоя́, святи́телю о́тче Митрофа́не, прихожда́ху к тебе́ издале́ча жа́ждущии глаго́лов живота́ ве́чнаго: поне́же ты́ учи́л и твори́л еси́, наставля́л сло́вом и житие́м свои́м. Сего́ ра́ди любо́вию вопие́м ти́:

Ра́дуйся, апо́столов прее́мниче; ра́дуйся, святи́телей сопресто́льниче.

Ра́дуйся, преподо́бных собесе́дниче; ра́дуйся, пра́ведных украше́ние.

Ра́дуйся, ве́нче воздержа́ния; ра́дуйся, благосенноли́ственное дре́во, пото́ками ра́йскими воспита́нное.

Ра́дуйся, безпомо́щных спаси́тельное призре́ние; ра́дуйся, цве́те нетле́ния.

Ра́дуйся, я́ко отчужде́нием вре́менных бла́г стяжа́л еси́ блаже́нство нищеты́ духо́вныя; ра́дуйся, я́ко самово́льным обнища́нием обре́л еси́ сокро́вище бла́г ве́чных.

Ра́дуйся, я́ко во глубину́ смире́ния прини́кл еси́; ра́дуйся, я́ко на высоту́ безстра́стия возше́л еси́. Ра́дуйся, Митрофа́не, вели́кий и пресла́вный чудотво́рче.

Конда́к 5.

Боготе́чней звезде́, путеводи́вшей дре́вле волхво́в к пра́ведному Со́лнцу, подо́бен бы́л еси́, всехва́льне о́тче, са́м восходя́ благода́тию Бо́жиею от си́лы в си́лу, и приводя́ с собо́ю ко Христу́ Бо́гу все́х и́щущих спасе́ния. Те́мже и мы́, немерца́ющим сия́нием сла́вы твоея́ озаря́еми, согла́сно вопие́м Ему́: Аллилу́иа.

И́кос 5.

Ви́девше в тебе́ воро́нежстии лю́дие пе́рваго архипа́стыря, я́ко А́нгела, зна́мение небе́сныя благода́ти нося́ща, возра́довашася ра́достию неизглаго́ланною: ты́ же, до́бре внима́я себе́ и всему́ ста́ду, в не́мже тя́ Ду́х Святы́й поста́ви епи́скопа, па́сл еси́ усе́рдно Це́рковь Го́спода и Бо́га, я́ко сло́во возда́ти хотя́. Сего́ ра́ди ублажа́ем тя́, о́тче Митрофа́не, зову́ще:

Ра́дуйся, челове́че Бо́жий, преподо́бием, а́ки по́ясом златы́м, препоя́санный; ра́дуйся, дру́же Христо́в, святи́тельством, а́ки би́сером драги́м, преукра́шенный.

Ра́дуйся, во́ине Христо́в непобеди́мый; ра́дуйся, стра́же до́ма Бо́жия неусы́пный.

Ра́дуйся, восхожде́ния в се́рдце свое́м к Небеси́ положи́вый; ра́дуйся, слове́сныя о́вцы Христо́вы на живоно́сных па́житях воспита́вый.

Ра́дуйся, я́ко не попусти́л еси́ душетле́нному зве́рю расхи́тити ста́до твое́; ра́дуйся, я́ко от Небе́снаго Пастыренача́льника пра́ведное воздая́ние прия́л еси́.

Ра́дуйся, возлюби́вый благоле́пие до́му Бо́жия; ра́дуйся, в само́м себе́ хра́м Триипоста́сному Божеству́ угото́вавый.

Ра́дуйся, я́ко во умерщвле́нном телеси́ ри́зою нетле́ния оде́ян еси́; ра́дуйся, я́ко из гро́ба заре́ю безсме́ртия на́с осиява́еши.

Ра́дуйся, Митрофа́не, вели́кий и пресла́вный чудотво́рче.

Конда́к 6.

Слове́с ева́нгельских, е́же не скрыва́ти себе́ сокро́вища на земли́, ве́рный блюсти́тель показа́лся еси́, всеблаже́нне Митрофа́не, егда́ достоя́ние свое́ му́дре расточи́л еси́, снабдева́я убо́гих и посо́бствуя благове́рному импера́тору Петру́ в сооруже́нии корабле́й на побежде́ние неве́рных ага́рян, не ве́дущих пе́ти: Аллилу́иа.

И́кос 6.

Возсия́ ца́рству правосла́вному благотво́рный све́т вели́ких доброде́телей твои́х, святи́телю о́тче Митрофа́не, о ни́хже благодаря́ще Отца́ Небе́снаго, к тебе́ я́ко к при́сному о на́с моли́твеннику, взыва́ем си́це:

Ра́дуйся, наста́вниче целому́дрия; ра́дуйся, смире́ния Христо́ва и́стинный подража́телю.

Ра́дуйся, олтаря́ Госпо́дня благогове́йный служи́телю; ра́дуйся, святи́телей украше́ние.

Ра́дуйся, и́ноческаго равноа́нгельнаго жития́ ревни́телю; ра́дуйся, безмо́лвия дре́вних богоно́сных оте́ц подража́телю.

Ра́дуйся, ми́лости струе́ неизсяка́емая; ра́дуйся, благоутро́бия храни́лище неоску́дное.

Ра́дуйся, си́рых благонаде́жное приста́нище; ра́дуйся, вдови́ц ско́рое заступле́ние.

Ра́дуйся, мно́жество ду́ш уневе́стивый Христу́; ра́дуйся, ку́пно с ни́ми пребыва́яй в ра́дости Го́спода твоего́.

Ра́дуйся, Митрофа́не, вели́кий и пресла́вный чудотво́рче.

Конда́к 7.

Хотя́щу не́когда благове́рному импера́тору Петру́ бесе́довати с тобо́ю, призва́н бы́л еси́ во дво́р ца́рский: егда́ же внеза́пу узре́л о́крест его́ извая́ния язы́ческая, а́бие возврати́лся еси́ вспя́ть, не убоя́вся преще́ния царе́ва, и гото́в бы́л еси́ ду́шу свою́ положи́ти па́че, не́же растли́ти мы́сленныя о́чи се́рдца своего́ неподо́бным виде́нием, науча́я ве́рных еди́ному живо́му Бо́гу пе́ти: Аллилу́иа.

И́кос 7.

Но́ваго тя́ по благоче́стии ревни́теля позна́в благове́рный ца́рь и ви́дя небоя́зненное твое́ на сме́рть изволе́ние, повеле́ су́етная извая́ния низри́нути. Мы́ же свято́му дерзнове́нию твоему́ чудя́щеся, вопие́м:

Ра́дуйся, непрекло́нный испове́дниче Правосла́вия; ра́дуйся, ре́вностный защи́тниче благоче́стия.

Ра́дуйся, священнотаи́нниче благода́ти; ра́дуйся, велегла́сный пропове́дниче покая́ния.

Ра́дуйся, апо́столов немо́лчная уста́; ра́дуйся, Це́ркве непоколеби́мый сто́лпе.

Ра́дуйся, па́стырю до́брый; ра́дуйся, я́ко неприча́стен яви́лся еси́ лицеприя́тию.

Ра́дуйся, я́ко и́стину не обину́яся свиде́тельствовал еси́; ра́дуйся, я́ко твои́м посо́бием сокруша́ются ко́зни вра́жия.

Ра́дуйся, я́ко все́м ве́рным воспомина́ние твое́ пресла́дко; ра́дуйся, я́ко все́й Це́ркви Христо́вой и́мя твое́ прече́стно.

Ра́дуйся, Митрофа́не, вели́кий и пресла́вный чудотво́рче.

Конда́к 8.

Стра́нное и пресла́вное чу́до благода́ти небе́сныя явля́ется ны́не во о́чию все́х ве́рных: долготерпели́вый и многоми́лостивый Госпо́дь не прогне́вался на ны́ до конца́ за беззако́ния на́ша, но, помяну́в щедро́ты Своя́, дарова́ на́м тебе́, досточу́дне о́тче, засту́пника изря́дна, та́ко вознесе́ ро́г спасе́ния на́шего, да вы́ну пое́м Ему́: Аллилу́иа.

И́кос 8.

Ве́сь еси́ в вы́шних, но и ни́жних не оставля́еши, святи́телю о́тче Митрофа́не, при́сно со Христо́м ца́рствуеши, и о на́с гре́шных моли́твы к Нему́ возсыла́еши: не то́чию бо припа́дающих к цельбоно́сным моща́м твои́м, но и дале́че отстоя́щих, призыва́ющих же всечестно́е и́мя твое́, предста́тельством твои́м соблюда́еши от вся́каго зла́. Те́мже во умиле́нии зове́м ти́:

Ра́дуйся, прибе́жище на́ше во все́х ско́рбех; ра́дуйся, ско́рый помо́щниче все́х в беда́х су́щих.

Ра́дуйся, цели́телю боле́зней душе́вных вку́пе и теле́сных; ра́дуйся, на неви́димыя враги́ на́ша си́льный побо́рниче.

Ра́дуйся, посети́телю в не́мощи лежа́щих; ра́дуйся, уте́шителю в беда́х су́щих.

Ра́дуйся, я́ко тобо́ю престае́т рыда́ние; ра́дуйся, я́ко тобо́ю подае́тся ра́дость.

Ра́дуйся, я́ко Христу́ до́блественно после́довал еси́; ра́дуйся, я́ко Сладча́йшему Иису́су до конца́ послужи́л еси́.

Ра́дуйся, я́ко наслажда́ешися лицезре́ния Бо́жия; ра́дуйся, я́ко сподо́бился еси́ зре́ти невече́рний де́нь Ца́рствия Его́.

Ра́дуйся, Митрофа́не, вели́кий и пресла́вный чудотво́рче.

Конда́к 9.

Вся́кия ско́рби и труды́ до́блественно претерпе́л еси́, ше́ствуя по пути́ спасе́ния до масти́тыя ста́рости, облече́н во всеору́жие Бо́жие, во пло́ти а́ки безпло́тен, умерщвля́я стра́сти и сокруша́я наве́ты миродержи́теля тьмы́ ве́ка сего́. Те́мже Небе́сным сопричи́слен си́лам, ку́пно с ни́ми воспева́еши Бо́гу: Аллилу́иа.

И́кос 9.

Вети́и многовеща́ннии недоуме́ют изобрази́ти оби́лия любве́ твоея́, е́юже, отходя́ ко Творцу́, преиспо́лнен бы́л еси́ к ча́дом твои́м о Го́споде: восхоте́в бо и по отше́ствии свое́м при́сно поуча́ти и́х, я́ко живы́й, завеща́л еси́ и́м вся́ потре́бная ко спасе́нию. Сего́ ра́ди из глубины́ серде́ц вопие́м ти́:

Ра́дуйся, благоче́стно тече́ние сконча́вый; ра́дуйся, ве́ру соблюды́й всеце́лу.

Ра́дуйся, ору́жием благоволе́ния Бо́жия венча́нный на земли́; ра́дуйся, венце́м нетле́ния укра́шенный на Небеси́.

Ра́дуйся, до́лу вели́чием чуде́с блиста́ющий; ра́дуйся, горе́ луча́ми Трисо́лнечнаго Све́та осиява́емый.

Ра́дуйся, я́ко в пресве́тлых ра́йских оби́телех вселя́ешися; ра́дуйся, я́ко лице́м к лицу́ Боже́ственнаго све́та причаща́ешися.

Ра́дуйся, я́ко с небе́сных высо́т на мольбы́ на́ша призира́еши; ра́дуйся, я́ко в со́ниях и виде́ниях во бла́го на́м явля́ешися.

Ра́дуйся, я́ко моли́твами твои́ми от ве́чныя сме́рти свобожда́емся; ра́дуйся, я́ко предста́тельством твои́м безконе́чныя жи́зни сподобля́емся.

Ра́дуйся, Митрофа́не, вели́кий и пресла́вный чудотво́рче.

Конда́к 10.

И́же все́м челове́ком хотя́й спасти́ся и в ра́зум и́стины приити́, Госпо́дь и Бо́г на́ш Иису́с Христо́с яви́л на́м нетле́нное те́ло твое́ на земли́, я́ко живоно́сную купе́ль, врачу́ющую вся́ку боле́знь и вся́ку я́зю в лю́дех. Те́мже благода́рственно вопие́м Ему́: Аллилу́иа.

И́кос 10.

Стена́ еси́ спасе́ния прибега́ющим к тебе́, святи́телю Митрофа́не, и в быва́емых от тебе́ зна́мениих, испове́дающих вели́чие Бо́жие. Сего́ ра́ди, уще́дрени твои́м чудоде́йственным о на́с ко Христу́ Бо́гу хода́тайством, вопие́м ти́:

Ра́дуйся, царе́й благочести́вых побо́рниче; ра́дуйся, архиере́ев правосла́вных укрепле́ние.

Ра́дуйся, ца́рства правосла́внаго защи́тниче; ра́дуйся, Це́ркви святе́й утвержде́ние.

Ра́дуйся, пре́жде сме́рти умертви́вый пло́ть свою́; ра́дуйся, предвкуси́вый жи́знь ве́чную, пре́жде вни́тия в селе́ния ра́йская.

Ра́дуйся, уме́рый ми́ру пре́жде кончи́ны твоея́; ра́дуйся, воскресы́й ду́хом во Христе́, пре́жде успе́ния твоего́.

Ра́дуйся, я́ко от оби́тели земны́я во Оби́тель Небе́сную пресели́лся еси́; ра́дуйся, я́ко от Оби́тели Небе́сныя во оби́тели земны́я благотворя́ нисхо́диши.

Ра́дуйся, я́ко и по отше́ствии твое́м с на́ми пребыва́еши; ра́дуйся, я́ко и по уме́ртвии твое́м умерщвле́нныя грехми́ ду́ши моли́твами твои́ми оживля́еши.

Ра́дуйся, Митрофа́не, вели́кий и пресла́вный чудотво́рче.

Конда́к 11.

Пе́ние, приноси́мое ны́не, а́ще бы и превы́ше челове́ческаго бы́ло, не довле́ло бы к Славосло́вию Бо́га, дарова́вшаго тебе́ благода́ть исцеле́ний. Сего́ ра́ди недоуме́юще благохвали́ти его́ по достоя́нию, смиренному́дренно вопие́м: Аллилу́иа.

И́кос 11.

Светопода́тельна свети́льника, просвеща́ющаго ду́ши на́ша ве́рою, ви́дим тебе́, преблаже́нне о́тче, пред Престо́лом Бо́жиим стоя́ща, и твои́м блиста́нием озаря́еми, зове́м ти́ такова́я:

Ра́дуйся, па́стырю преди́вный; ра́дуйся, учи́телю прему́дрый.

Ра́дуйся, сто́лпе ве́ры непоколеби́мый; ра́дуйся, насади́телю благи́х.

Ра́дуйся, чистоты́ селе́ние; ра́дуйся, печа́льных утеше́ние.

Ра́дуйся, си́рых пита́телю; ра́дуйся, оби́димых предста́телю.

Ра́дуйся, прему́дрости Бо́жия прия́телище; ра́дуйся, исто́чниче неизчерпа́емыя благода́ти исцеле́ний.

Ра́дуйся, провозве́стниче Боже́ственных веле́ний; ра́дуйся, сокро́вище милосе́рдия Бо́жия неистощи́мое.

Ра́дуйся, Митрофа́не, вели́кий и пресла́вный чудотво́рче.

Конда́к 12.

Благода́ть, свы́ше ти́ да́нную позна́вше, благогове́йно лобыза́ем святоле́пное изображе́ние всечестна́го лица́ твоего́, е́же благоволи́л еси́ ди́вно яви́ти на́м. Те́мже благода́рственно вопие́м Христу́ Бо́гу на́шему: Аллилу́иа.

И́кос 12.

Пою́ще твое́ к Бо́гу отше́ствие, святи́телю Митрофа́не, почита́ем свяще́нную па́мять твою́, велича́ем ре́вность по Бо́зе, хва́лим долготерпе́ние, сла́вим незло́бие, и ублажа́ем кончи́ну твою́: на сме́ртнем бо одре́ возлежа́, жела́нием возжела́л облещи́ся в вели́кий а́нгельский о́браз, нарече́н бы́л Мака́рием, блаже́нства тезоимени́тым, блаже́н бы́в вои́стинну, я́ко Ца́рствие Небе́сное насле́довал еси́. Те́мже моля́щеся усе́рдно, о е́же сподо́битися и на́м неосужде́нно предста́ти на Стра́шное суди́ще Христо́во, взыва́ем ти́:

Ра́дуйся, у Престо́ла Бо́жия те́плый о на́с предста́телю; ра́дуйся, му́жу жела́ний, просла́вивший Бо́га в телеси́ и в душе́ свое́й.

Ра́дуйся, добропобе́дный во́ине Царя́ Небе́снаго; ра́дуйся, вождю́ прему́дрый ра́тующим проти́ву си́л а́довых.

Ра́дуйся, я́ко с горя́щим свети́льником сре́тил еси́ Христа́; ра́дуйся, я́ко от Него́ благода́ть исцеле́ний прия́л еси́.

Ра́дуйся, я́ко благоволе́нием Пресвяты́я Богоро́дицы возвели́чен еси́; ра́дуйся, я́ко во све́тлостех святы́х пребыва́еши.

Ра́дуйся, я́ко со проро́ки и апо́столы ликовству́еши; ра́дуйся, я́ко со святи́тели и му́ченики просла́влен еси́.

Ра́дуйся, я́ко с преподо́бными и пра́ведными весели́шися; ра́дуйся, я́ко со все́ми избра́нными Бо́жиими при́сно торжеству́еши.

Ра́дуйся, Митрофа́не, вели́кий и пресла́вный чудотво́рче.

Конда́к 13.

О вели́кий и пречу́дный о́тче Митрофа́не, приими́ благоутро́бно сие́ ма́лое моле́ние на́ше, и твои́м благоприя́тным хода́тайством изба́ви на́с от все́х вра́г ви́димых и неви́димых, от вся́кия напа́сти и ско́рби, от напра́сныя сме́рти и бу́дущия му́ки, да сподо́бимся с тобо́ю и со все́ми святы́ми во ве́ки воспева́ти Бо́гу Спаси́телю на́шему: Аллилу́иа.

Этот конда́к чита́ется три́жды, зате́м и́кос 1-й и конда́к 1-й.

Моли́тва пе́рвая.

О святи́телю о́тче Митрофа́не, се́ мы́ гре́шнии, нетле́нием честны́х моще́й твои́х и мно́гими благодея́ньми, чуде́сно соде́янными и содева́емыми тобо́ю, уве́рившеся, испове́дуем, я́ко и́маши ве́лию благода́ть у Го́спода Бо́га на́шего, и всесмире́нно ко твоему́ благосе́рдию припа́дающе, тебе́ мо́лимся си́це: моли́ о на́с Христа́ Бо́га на́шего, да низпо́слет все́м чту́щим святу́ю па́мять твою́ и усе́рдно к тебе́ прибега́ющим бога́тыя ми́лости Своя́; да утверди́т во святе́й Свое́й Правосла́вной Це́ркви живы́й ду́х пра́выя ве́ры и благоче́стия, ду́х ве́дения и любве́, ду́х ми́ра и ра́дости о Ду́се Свя́те, да вся́ ча́да ея́, чи́ста су́ща от мирски́х искуше́ний и плотски́х по́хотей и зла́го де́йствия злы́х духо́в, ду́хом и и́стиною покланя́ются Ему́, и усе́рдно о соблюде́нии за́поведей Его́ ко спасе́нию ду́ш свои́х да потща́тся. Па́стырем ея́ да да́ст Госпо́дь святу́ю ре́вность попече́ния о спасе́нии люде́й, во е́же неве́рующия просвети́ти, неве́дущия наста́вити, сомня́щияся вразуми́ти, отпа́дшия от Правосла́вныя Це́ркве к не́й возврати́ти, ве́рующия в ве́ре соблюсти́, гре́шныя на покая́ние подви́гнути, ка́ющияся уте́шити и во исправле́нии жи́зни утверди́ти, и та́ко вся́ лю́ди ко угото́ванному ве́чному Ца́рству святы́х Его́ привести́. Умоли́ Го́спода, уго́дниче Христо́в: ве́рных рабо́в Его́, в ско́рби и печа́ли де́нь и но́щь вопию́щих к Нему́, многоболе́зный во́пль да услы́шит и да изведе́т от поги́бели живо́т на́ш. Все́м же в держа́ве лю́дем да да́рует благи́й Бо́г на́ш ми́р, тишину́, безмяте́жие и изоби́лие плодо́в земны́х, па́че же ко исполне́нию за́поведей Его́ тща́ние неле́ностное; и да изба́вит ца́рствующия гра́ды, гра́д се́й и вся́ ины́я гра́ды и ве́си, от гла́да, тру́са, пото́па, огня́, меча́, наше́ствия иноплеме́нных, междоусо́бныя бра́ни, смертоно́сныя я́звы и от вся́каго зла́. Е́й, святи́телю Бо́жий, да устро́иши моли́твами твои́ми вся́ блага́я душа́м и телесе́м на́шим; да и мы́ просла́вим в душа́х и телесе́х на́ших Го́спода и Бо́га на́шего, Иису́са Христа́, Ему́же со Отце́м и Святы́м Ду́хом сла́ва и держа́ва во ве́ки веко́в. Ами́нь.

Моли́тва втора́я.

О всехва́льный святи́телю Христо́в и чудотво́рче Митрофа́не! Приими́ сие́ ма́лое моле́ние от на́с, гре́шных к тебе́ прибега́ющих, и те́плым предста́тельством умоли́ Го́спода и Бо́га на́шего, Иису́са Христа́, я́ко да призре́в на ны́ ми́лостивно, пода́ст на́м согреше́ний на́ших во́льных и нево́льных проще́ние, и по вели́цей Свое́й ми́лости изба́вит на́с от бе́д, печа́лей, ско́рби и боле́зней душе́вных и теле́сных, обдержа́щих на́с; да пода́ст земли́ плодоно́сие, и вся́ на по́льзу настоя́щаго жития́ на́шего потре́бная; да да́рует на́м сконча́ти житие́ сие́ привре́менное в покая́нии и да сподо́бит на́с, гре́шных и недосто́йных, Небе́снаго Ца́рствия Своего́, во е́же со все́ми святы́ми сла́вити Его́ безконе́чное милосе́рдие, со Безнача́льным Его́ Отце́м и Святы́м и Животворя́щим Его́ Ду́хом, во ве́ки веко́в. Ами́нь.

А҆ка́ѳїстъ ст҃и́телю и҆ чꙋдотво́рцꙋ митрофа́нꙋ, пе́рвомꙋ є҆пі́скопꙋ воро́нежскомꙋ

Конда́къ а҃.

И҆збра́нный чꙋдотво́рче и҆ и҆зрѧ́дный ᲂу҆го́дниче хрⷭ҇то́въ, многоцѣле́бный и҆сто́чниче и҆ моли́твенниче ѡ҆ дꙋша́хъ на́шихъ, ст҃и́телю ѻ҆́тче митрофа́не, ꙗ҆́кѡ и҆мѣ́ѧй дерзнове́нїе ко гдⷭ҇ꙋ, ѿ всѧ́кихъ на́съ бѣ́дъ свободѝ зовꙋ́щихъ:

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

І҆́косъ а҃.

А҆́гг҃лъ земны́й и҆ человѣ́къ нбⷭ҇ный бы́лъ є҆сѝ, ст҃и́телю ѻ҆́тче митрофа́не: впери́въ бо ᲂу҆́мъ въ бжⷭ҇твєннаѧ, вре́мєннаѧ и҆ земна̑ѧ пренебре́глъ є҆сѝ: тѣ́мже и҆ всели́сѧ въ тѧ̀ прест҃ы́й дх҃ъ, є҆гѡ́же бл҃года́тїю свѣ́тлѡ ᲂу҆кра́шенъ є҆сѝ. Сегѡ̀ ра́ди тебѣ̀, на нб҃сѝ и҆ на землѝ просла́вленномꙋ, вопїе́мъ си́це:

Ра́дꙋйсѧ, ꙗ҆́кѡ чистото́ю и҆ ст҃ы́нею а҆́гг҃лѡмъ ᲂу҆подо́билсѧ є҆сѝ: ра́дꙋйсѧ, ꙗ҆́кѡ посто́мъ и҆ бдѣ́нїемъ безстра́стїѧ дости́глъ є҆сѝ.

Ра́дꙋйсѧ, свѣти́льниче бжⷭ҇твеннагѡ свѣ́та: ра́дꙋйсѧ, моли́твъ бл҃гово́нное кади́ло.

Ра́дꙋйсѧ, вѣ́рныхъ непрело́жное ᲂу҆твержде́нїе: ра́дꙋйсѧ, невѣ́рныхъ бг҃омꙋ́дренное ѡ҆бличе́нїе.

Ра́дꙋйсѧ, хрⷭ҇тїа́нъ непосты́дное прибѣ́жище: ра́дꙋйсѧ, благоче́стїѧ стѣно̀ неѡбори́маѧ.

Ра́дꙋйсѧ, крѣ́пкое корми́ло цр҃кве хрⷭ҇то́вы: ра́дꙋйсѧ, непоколеби́мый сто́лпе правосла́вїѧ.

Ра́дꙋйсѧ, а҆пⷭ҇льскихъ преда́нїй вѣ́рный храни́телю: ра́дꙋйсѧ, та̑инъ бж҃їихъ и҆́стинный строи́телю.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ в҃.

Ви́дѧще ѿ ст҃ы́хъ моще́й твои́хъ приснотекꙋ́щїй и҆сто́чникъ и҆сцѣле́нїй, благоговѣ́нїѧ и҆ ра́дости и҆спо́лнени, благодари́мъ бг҃а, ди́внѡ прославлѧ́ющаго ст҃ы̑ѧ своѧ̑, вопїю́ще є҆мꙋ̀: А҆ллилꙋ́їа.

І҆́косъ в҃.

Ра́зꙋмомъ просвѣще́ннымъ свы́ше, вразꙋмлѧ́ѧ заблꙋ́ждшихъ, побо́рникъ бы́лъ є҆сѝ и҆́стинныѧ хрⷭ҇то́вы цр҃кве, є҆гда̀ въ ца́рствꙋющемъ гра́дѣ москвѣ̀ сꙋемꙋ́дреннїи лжеꙋчи́тели на собо́рѣ ст҃и́тельскомъ ѿверзо́ша нечєсти́ваѧ ᲂу҆ста̀ своѧ̑ на є҆ѧ̀ хꙋле́нїе. Мы́ же, ѿ мы́сленныхъ волкѡ́въ и҆зба́вльшесѧ, вѣ́рнѡ взыва́емъ тѝ:

Ра́дꙋйсѧ, цѣвни́це дх҃а ст҃а́гѡ, брѧца́ющаѧ сла́вꙋ бж҃їю во спасе́нїе человѣ́кѡмъ: ра́дꙋйсѧ, гро́ме, сокрꙋша́ѧй є҆реті́ческое ѕлоче́стїе.

Ра́дꙋйсѧ, мо́лнїе, попалѧ́ющаѧ пле́велы невѣ́рїѧ: ра́дꙋйсѧ, ꙗ҆́сное зерца́ло а҆пⷭ҇льскихъ преда́нїй.

Ра́дꙋйсѧ, немо́лчный бл҃говѣ́стниче велѣ́нїй хрⷭ҇то́выхъ: ра́дꙋйсѧ, вѣ́рный наста́вниче бг҃омꙋ́дрїѧ.

Ра́дꙋйсѧ, мона́шествꙋющихъ сла́во: ра́дꙋйсѧ, а҆рхїере́ѡвъ бжⷭ҇твенное ᲂу҆добре́нїе.

Ра́дꙋйсѧ, златоза́рное свѣти́ло, просвѣща́ющее зе́млю рꙋ́сскꙋю: ра́дꙋйсѧ, наде́жный хода́таю на́мъ црⷭ҇твїѧ нбⷭ҇нагѡ.

Ра́дꙋйсѧ, ꙗ҆́кѡ твои́мъ къ бг҃ꙋ моле́нїемъ ѿ а҆́да свобожда́емсѧ: ра́дꙋйсѧ, ꙗ҆́кѡ твои́мъ предста́тельствомъ ра́йскїѧ жи́зни сподоблѧ́емсѧ.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ г҃.

Си́лѣ вы́шнѧгѡ чꙋдодѣ́йствꙋющей, никто́же притека́ѧй къ тебѣ̀, пребл҃же́нне ѻ҆́тче, ѿхо́дитъ то́щь: недꙋ́гꙋющымъ бо ꙗ҆ви́лсѧ є҆сѝ и҆сцѣле́нїе, слѣпы̑мъ прозрѣ́нїе, хромы̑мъ ᲂу҆твержде́нїе, и҆ всѝ благовѣ́рнїи лю́дїе ско́раго тѧ̀ помо́щника стѧжа́вше, ра́достнѡ бг҃ꙋ воспѣва́ютъ: А҆ллилꙋ́їа.

І҆́косъ г҃.

И҆мѣ́ѧй въ се́рдцѣ свое́мъ ѻ҆́гнь любвѐ бжⷭ҇твенныѧ, спасе́нїѧ ра́ди дꙋ́шъ человѣ́ческихъ па́стырски подвиза́лсѧ є҆сѝ, бг҃омꙋ́дре, проти́вꙋ ко́зней дїа́вольскихъ, и҆ побѣди́тельнымъ ѡ҆рꙋ́жїемъ крⷭ҇та̀ разсѣка́лъ є҆сѝ сѣ́ти лꙋка́вагѡ, ꙗ҆́кѡ паꙋчи́нꙋ. Тѣ́мже прїимѝ ѿ на́съ пѣ́снь сїю̀:

Ра́дꙋйсѧ, ра́бе бж҃їй, бл҃гі́й и҆ вѣ́рный: ра́дꙋйсѧ, досто́йный дѣ́лателю вертогра́да хрⷭ҇то́ва.

Ра́дꙋйсѧ, ᲂу҆чи́телю смире́нїѧ и҆ цѣломꙋ́дрїѧ: ра́дꙋйсѧ, ѡ҆́бразе кро́тости и҆ послꙋша́нїѧ.

Ра́дꙋйсѧ, мꙋ́жꙋ жела́нїй: ра́дꙋйсѧ, проповѣ́дниче чꙋде́съ бж҃їихъ.

Ра́дꙋйсѧ, наста́вниче дѣ́лъ до́брыхъ: ра́дꙋйсѧ, тве́рдое ѡ҆гражде́нїе хрⷭ҇то́вы цр҃кве.

Ра́дꙋйсѧ, ѻ҆гневи́дный сто́лпе, наставлѧ́ѧй на пꙋ́ть спасе́нїѧ: ра́дꙋйсѧ, свѣтоза́рный свѣти́льниче, вѣ́рныѧ просвѣща́ѧй.

Ра́дꙋйсѧ, неисчерпа́емый сосꙋ́де благода́ти хрⷭ҇то́вы: ра́дꙋйсѧ, чи́стое прїѧ́телище дх҃а ст҃а́гѡ.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ д҃.

Бꙋ́рю мїрска́гѡ житїѧ̀ и҆ тѧжелонѡ́сныѧ страсте́й вѡ́лны преше́дъ, ѡ҆брѣ́лъ є҆сѝ ти́хое приста́нище, и҆ въ пꙋсты́ню всели́всѧ, нелѣ́ностнѡ порабо́талъ є҆сѝ хрⷭ҇тꙋ̀ во мно́зѣ долготерпѣ́нїи. Ѿню́дꙋже рꙋководи́лъ є҆сѝ въ црⷭ҇твїе бж҃їе и҆ дꙋхѡ́внаѧ ча̑да своѧ̑, наꙋчи́въ и҆̀хъ є҆ди́ными ᲂу҆сты̑ и҆ є҆ди́нымъ се́рдцемъ пѣ́ти бг҃ꙋ: А҆ллилꙋ́їа.

І҆́косъ д҃.

Слы́шаще ди̑вныѧ ѡ҆ бз҃ѣ трꙋды̀ твоѧ̑, ст҃и́телю ѻ҆́тче митрофа́не, прихожда́хꙋ къ тебѣ̀ и҆здале́ча жа́ждꙋщїи глаго́лѡвъ живота̀ вѣ́чнагѡ: поне́же ты̀ ᲂу҆чи́лъ и҆ твори́лъ є҆сѝ, наставлѧ́лъ сло́вомъ и҆ житїе́мъ свои́мъ. Сегѡ̀ ра́ди любо́вїю вопїе́мъ тѝ:

Ра́дꙋйсѧ, а҆пⷭ҇лѡвъ прее́мниче: ра́дꙋйсѧ, ст҃и́телей сопресто́льниче.

Ра́дꙋйсѧ, прпⷣбныхъ собесѣ́дниче: ра́дꙋйсѧ, првⷣныхъ ᲂу҆краше́нїе.

Ра́дꙋйсѧ, вѣ́нче воздержа́нїѧ: ра́дꙋйсѧ, бл҃госѣнноли́ственное дре́во, пото́ками ра́йскими воспита́нное.

Ра́дꙋйсѧ, безпомо́щныхъ сп҃си́тельное призрѣ́нїе: ра́дꙋйсѧ, цвѣ́те нетлѣ́нїѧ.

Ра́дꙋйсѧ, ꙗ҆́кѡ ѿчꙋжде́нїемъ вре́менныхъ бла̑гъ, стѧжа́лъ є҆сѝ бл҃же́нство нищеты̀ дꙋхо́вныѧ: ра́дꙋйсѧ, ꙗ҆́кѡ самово́льнымъ ѡ҆бнища́нїемъ ѡ҆брѣ́лъ є҆сѝ сокро́вище бла̑гъ вѣ́чныхъ.

Ра́дꙋйсѧ, ꙗ҆́кѡ во глꙋбинꙋ̀ смире́нїѧ прини́клъ є҆сѝ: ра́дꙋйсѧ, ꙗ҆́кѡ на высотꙋ̀ безстра́стїѧ возше́лъ є҆сѝ.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ є҃.

Бг҃оте́чнѣй ѕвѣздѣ̀, пꙋтеводи́вшей дре́вле волхвѡ́въ къ првⷣномꙋ сл҃нцꙋ, подо́бенъ бы́лъ є҆сѝ, всехва́льне ѻ҆́тче, са́мъ восходѧ̀ бл҃года́тїю бж҃їею ѿ си́лы въ си́лꙋ, и҆ приводѧ̀ съ собо́ю ко хрⷭ҇тꙋ̀ бг҃ꙋ всѣ́хъ и҆́щꙋщихъ спасе́нїѧ. Тѣ́мже и҆ мы̀, немерца́ющимъ сїѧ́нїемъ сла́вы твоеѧ̀ ѡ҆зарѧ́еми, согла́снѡ вопїе́мъ є҆мꙋ̀: А҆ллилꙋ́їа.

І҆́косъ є҃.

Ви́дѣвше въ тебѣ̀ воро́нежстїи лю́дїе пе́рваго а҆рхїпа́стырѧ, ꙗ҆́кѡ а҆́гг҃ла, зна́менїе нбⷭ҇ныѧ бл҃года́ти носѧ́ща, возра́довашасѧ ра́достїю неизглаго́ланною: ты́ же, до́брѣ внима́ѧ себѣ̀ и҆ всемꙋ̀ ста́дꙋ, въ не́мже тѧ̀ дх҃ъ ст҃ы́й поста́ви є҆пⷭ҇копа, па́слъ є҆сѝ ᲂу҆се́рднѡ цр҃ковь гдⷭ҇а и҆ бг҃а, ꙗ҆́кѡ сло́во возда́ти хотѧ̀. Сегѡ̀ ра́ди ᲂу҆блажа́емъ тѧ̀, ѻ҆́тче митрофа́не, зовꙋ́ще:

Ра́дꙋйсѧ, человѣ́че бж҃їй, преподо́бїемъ а҆́ки по́ѧсомъ златы́мъ препоѧ́санный: ра́дꙋйсѧ, дрꙋ́же хрⷭ҇то́въ, ст҃и́тельствомъ а҆́ки би́серомъ драги́мъ преꙋкра́шенный.

Ра́дꙋйсѧ, во́ине хрⷭ҇то́въ непобѣди́мый: ра́дꙋйсѧ, стра́же до́ма бж҃їѧ неꙋсы́пный.

Ра́дꙋйсѧ, восхождє́нїѧ въ се́рдцѣ свое́мъ къ нб҃сѝ положи́вый: ра́дꙋйсѧ, словє́сныѧ ѻ҆́вцы хрⷭ҇то́вы на живоно́сныхъ па́житѧхъ воспита́вый.

Ра́дꙋйсѧ, ꙗ҆́кѡ не попꙋсти́лъ є҆сѝ дꙋшетлѣ́нномꙋ ѕвѣ́рю расхи́тити ста́до твоѐ: ра́дꙋйсѧ, ꙗ҆́кѡ ѿ нбⷭ҇нагѡ пастыренача́льника првⷣное воздаѧ́нїе прїѧ́лъ є҆сѝ.

Ра́дꙋйсѧ, возлюби́вый благолѣ́пїе до́мꙋ бж҃їѧ: ра́дꙋйсѧ, въ само́мъ себѣ̀ хра́мъ трїѷпоста́сномꙋ бжⷭ҇твꙋ̀ ᲂу҆гото́вавый.

Ра́дꙋйсѧ, ꙗ҆́кѡ во ᲂу҆мерщвле́нномъ тѣлесѝ ри́зою нетлѣ́нїѧ ѡ҆дѣ́ѧнъ є҆сѝ: ра́дꙋйсѧ, ꙗ҆́кѡ и҆з̾ гро́ба заре́ю безсме́ртїѧ на́съ ѡ҆сїѧва́еши.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ ѕ҃.

Слове́съ є҆ѵⷢ҇льскихъ, є҆́же не скрыва́ти себѣ̀ сокро́вища на землѝ, вѣ́рный блюсти́тель показа́лсѧ є҆сѝ, всебл҃же́нне митрофа́не, є҆гда̀ достоѧ́нїе своѐ мꙋ́дрѣ расточи́лъ є҆сѝ, снабдѣва́ѧ ᲂу҆бо́гихъ, и҆ посо́бствꙋѧ бл҃говѣ́рномꙋ і҆мпера́торꙋ петрꙋ̀, въ соѡрꙋже́нїи корабле́й на побѣжде́нїе невѣ́рныхъ а҆га́рѧнъ, не вѣ́дꙋщихъ пѣ́ти: А҆ллилꙋ́їа.

І҆́косъ ѕ҃.

Возсїѧ̀ ца́рствꙋ правосла́вномꙋ бл҃готво́рный свѣ́тъ вели́кихъ добродѣ́телей твои́хъ, ст҃и́телю ѻ҆́тче митрофа́не, ѡ҆ ни́хже бл҃годарѧ́ще ѻ҆ц҃а̀ нбⷭ҇наго, къ тебѣ̀, ꙗ҆́кѡ къ при́сномꙋ ѡ҆ на́съ моли́твенникꙋ, взыва́емъ си́це:

Ра́дꙋйсѧ, наста́вниче цѣломꙋ́дрїѧ: ра́дꙋйсѧ, смире́нїѧ хрⷭ҇то́ва и҆́стинный подража́телю.

Ра́дꙋйсѧ, ѻ҆лтарѧ̀ гдⷭ҇нѧ бл҃гоговѣ́йный слꙋжи́телю: ра́дꙋйсѧ, ст҃и́телей ᲂу҆краше́нїе.

Ра́дꙋйсѧ, и҆́ноческаго равноа́гг҃льнагѡ житїѧ̀ ревни́телю: ра́дꙋйсѧ, безмо́лвїѧ дре́внихъ бг҃оно́сныхъ ѻ҆ц҃ъ подража́телю.

Ра́дꙋйсѧ, млⷭ҇ти стрꙋѐ неизсѧка́емаѧ: ра́дꙋйсѧ, бл҃гоꙋтро́бїѧ храни́лище неѡскꙋ́дное.

Ра́дꙋйсѧ, си́рыхъ бл҃гонаде́жное приста́нище: ра́дꙋйсѧ, вдови́цъ ско́рое застꙋпле́нїе.

Ра́дꙋйсѧ, мно́жество дꙋ́шъ ᲂу҆невѣ́стивый хрⷭ҇тꙋ̀: ра́дꙋйсѧ, кꙋ́пнѡ съ ни́ми пребыва́ѧй въ ра́дости гдⷭ҇а твоегѡ̀.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ з҃.

Хотѧ́щꙋ нѣ́когда благовѣ́рномꙋ і҆мпера́торꙋ петрꙋ̀ бесѣ́довати съ тобо́ю, призва́нъ бы́лъ є҆сѝ во дво́ръ ца́рскїй: є҆гда́ же внеза́пꙋ ᲂу҆зрѣ́лъ ѡ҆́крестъ є҆гѡ̀ и҆зваѧ̑нїѧ ꙗ҆зы́чєскаѧ, а҆́бїе возврати́лсѧ є҆сѝ вспѧ́ть, не ᲂу҆боѧ́всѧ преще́нїѧ царе́ва, и҆ гото́въ бы́лъ є҆сѝ дꙋ́шꙋ свою̀ положи́ти па́че, не́же растли́ти мы́слєнныѧ ѻ҆́чи се́рдца своегѡ̀ неподо́бнымъ видѣ́нїемъ, наꙋча́ѧ вѣ́рныхъ є҆ди́номꙋ живо́мꙋ бг҃ꙋ пѣ́ти: А҆ллилꙋ́їа.

І҆́косъ з҃.

Но́ваго тѧ̀ по благоче́стїи ревни́телѧ позна́въ бл҃говѣ́рный ца́рь, и҆ ви́дѧ небоѧ́зненное твоѐ на сме́рть и҆зволе́нїе, повелѣ̀ сꙋ́єтнаѧ и҆зваѧ̑нїѧ низри́нꙋти. Мы́ же ст҃о́мꙋ дерзнове́нїю твоемꙋ̀ чꙋдѧ́щесѧ, вопїе́мъ:

Ра́дꙋйсѧ, непрекло́нный и҆сповѣ́дниче правосла́вїѧ: ра́дꙋйсѧ, ре́вностный защи́тниче благоче́стїѧ.

Ра́дꙋйсѧ, сщ҃еннотаи́нниче бл҃года́ти: ра́дꙋйсѧ, велегла́сный проповѣ́дниче покаѧ́нїѧ.

Ра́дꙋйсѧ, а҆пⷭ҇лѡвъ немѡ́лчнаѧ ᲂу҆ста̀: ра́дꙋйсѧ, цр҃кве непоколеби́мый сто́лпе.

Ра́дꙋйсѧ, па́стырю до́брый: ра́дꙋйсѧ, ꙗ҆́кѡ неприча́стенъ ꙗ҆ви́лсѧ є҆сѝ лицепрїѧ́тїю.

Ра́дꙋйсѧ, ꙗ҆́кѡ и҆́стинꙋ не ѡ҆бинꙋ́ѧсѧ свидѣ́тельствовалъ є҆сѝ: ра́дꙋйсѧ, ꙗ҆́кѡ твои́мъ посо́бїемъ сокрꙋша́ютсѧ кѡ́зни вра̑жїѧ.

Ра́дꙋйсѧ, ꙗ҆́кѡ всѣ́мъ вѣ́рнымъ воспомина́нїе твоѐ пресла́дко: ра́дꙋйсѧ, ꙗ҆́кѡ все́й цр҃кви хрⷭ҇то́вой и҆́мѧ твоѐ прече́стно.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ и҃.

Стра́нное и҆ пресла́вное чꙋ́до благода́ти нбⷭ҇ныѧ ꙗ҆влѧ́етсѧ ны́нѣ во ѻ҆́чїю всѣ́хъ вѣ́рныхъ: долготерпѣли́вый и҆ многомлⷭ҇тивый гдⷭ҇ь не прогнѣ́валсѧ на ны̀ до конца̀ за беззакѡ́нїѧ на̑ша, но помѧнꙋ́въ щедрѡ́ты своѧ̑, дарова̀ на́мъ тебѐ, досточꙋ́дне ѻ҆́тче, застꙋ́пника и҆зрѧ́дна, та́кѡ вознесѐ ро́гъ спасе́нїѧ на́шегѡ, да вы́нꙋ пое́мъ є҆мꙋ̀: А҆ллилꙋ́їа.

І҆́косъ и҃.

Ве́сь є҆сѝ въ вы́шнихъ, но и҆ ни́жнихъ не ѡ҆ставлѧ́еши, ст҃и́телю ѻ҆́тче митрофа́не, при́снѡ со хрⷭ҇то́мъ ца́рствꙋеши, и҆ ѡ҆ на́съ грѣ́шныхъ моли́твы къ немꙋ̀ возсыла́еши: не то́чїю бо припа́дающихъ къ цѣльбонѡ́снымъ моща́мъ твои̑мъ, но и҆ дале́че ѿстоѧ́щихъ, призыва́ющихъ же всечⷭ҇тно́е и҆́мѧ твоѐ, предста́тельствомъ твои́мъ соблюда́еши ѿ всѧ́кагѡ ѕла̀. Тѣ́мже во ᲂу҆миле́нїи зове́мъ тѝ:

Ра́дꙋйсѧ, прибѣ́жище на́ше во всѣ́хъ ско́рбехъ: ра́дꙋйсѧ, ско́рый помо́щниче всѣ́хъ въ бѣда́хъ сꙋ́щихъ.

Ра́дꙋйсѧ, цѣли́телю болѣ́зней дꙋше́вныхъ вкꙋ́пѣ и҆ тѣле́сныхъ: ра́дꙋйсѧ, на неви̑димыѧ врагѝ на́шѧ си́льный побо́рниче.

Ра́дꙋйсѧ, посѣти́телю въ не́мощи лежа́щихъ: ра́дꙋйсѧ, ᲂу҆тѣ́шителю въ бѣда́хъ сꙋ́щихъ.

Ра́дꙋйсѧ, ꙗ҆́кѡ тобо́ю престае́тъ рыда́нїе: ра́дꙋйсѧ, ꙗ҆́кѡ тобо́ю подае́тсѧ ра́дость.

Ра́дꙋйсѧ, ꙗ҆́кѡ хрⷭ҇тꙋ̀ до́блественнѡ послѣ́довалъ є҆сѝ: ра́дꙋйсѧ, ꙗ҆́кѡ сладча́йшемꙋ і҆и҃сꙋ до конца̀ послꙋжи́лъ є҆сѝ.

Ра́дꙋйсѧ, ꙗ҆́кѡ наслажда́ешисѧ лицезрѣ́нїѧ бж҃їѧ: ра́дꙋйсѧ, ꙗ҆́кѡ сподо́билсѧ є҆сѝ зрѣ́ти невече́рнїй де́нь црⷭ҇твїѧ є҆гѡ̀.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ ѳ҃.

Всѧ̑кїѧ скѡ́рби и҆ трꙋды̀ до́блественнѡ претерпѣ́лъ є҆сѝ, ше́ствꙋѧ по пꙋтѝ спасе́нїѧ до масти́тыѧ ста́рости, ѡ҆блече́нъ во всеѡрꙋ́жїе бж҃їе, во пло́ти а҆́ки безпло́тенъ, ᲂу҆мерщвлѧ́ѧ стра̑сти и҆ сокрꙋша́ѧ навѣ́ты мїродержи́телѧ тьмы̀ вѣ́ка сегѡ̀. Тѣ́мже небє́снымъ сопричи́сленъ си́ламъ, кꙋ́пнѡ съ ни́ми воспѣва́еши бг҃ꙋ: А҆ллилꙋ́їа.

І҆́косъ ѳ҃.

Вѣті̑ѧ многовѣща́нныѧ недоꙋмѣ́ютъ и҆з̾ѡбрази́ти ѡ҆би́лїѧ любвѐ твоеѧ̀, є҆́юже, ѿходѧ̀ ко творцꙋ̀, преиспо́лненъ бы́лъ є҆сѝ къ ча́дѡмъ твои̑мъ ѡ҆ гдⷭ҇ѣ: восхотѣ́въ бо, и҆ по ѿше́ствїи свое́мъ, при́снѡ поꙋча́ти и҆̀хъ ꙗ҆́кѡ живы́й, завѣща́лъ є҆сѝ и҆̀мъ всѧ̑ потрє́бнаѧ ко спасе́нїю. Сегѡ̀ ра́ди и҆з̾ глꙋбины̀ серде́цъ вопїе́мъ тѝ:

Ра́дꙋйсѧ, благоче́стнѡ тече́нїе сконча́вый: ра́дꙋйсѧ, вѣ́рꙋ соблюды́й всецѣ́лꙋ.

Ра́дꙋйсѧ, ѡ҆рꙋ́жїемъ бл҃говоле́нїѧ бж҃їѧ вѣнча́нный на землѝ: ра́дꙋйсѧ, вѣнце́мъ нетлѣ́нїѧ ᲂу҆кра́шенный на нб҃сѝ.

Ра́дꙋйсѧ, до́лꙋ вели́чїемъ чꙋде́съ блиста́ющїй: ра́дꙋйсѧ, горѣ̀ лꙋча́ми трисо́лнечнагѡ свѣ́та ѡ҆сїѧва́емый.

Ра́дꙋйсѧ, ꙗ҆́кѡ въ пресвѣ́тлыхъ ра́йскихъ ѡ҆би́телехъ вселѧ́ешисѧ: ра́дꙋйсѧ, ꙗ҆́кѡ лице́мъ къ лицꙋ̀ бжⷭ҇твеннагѡ свѣ́та причаща́ешисѧ.

Ра́дꙋйсѧ, ꙗ҆́кѡ съ нбⷭ҇ныхъ высо́тъ на мольбы̑ на́шѧ призира́еши: ра́дꙋйсѧ, ꙗ҆́кѡ въ со́нїѧхъ и҆ видѣ́нїѧхъ во бла́го на́мъ ꙗ҆влѧ́ешисѧ.

Ра́дꙋйсѧ, ꙗ҆́кѡ моли́твами твои́ми ѿ вѣ́чныѧ сме́рти свобожда́емсѧ: ра́дꙋйсѧ, ꙗ҆́кѡ предста́тельствомъ твои́мъ безконе́чныѧ жи́зни сподоблѧ́емсѧ.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ і҃.

И҆́же всѣ́мъ человѣ́кѡмъ хотѧ́й спасти́сѧ и҆ въ ра́зꙋмъ и҆́стины прїитѝ, гдⷭ҇ь и҆ бг҃ъ на́шъ і҆и҃съ хрⷭ҇то́съ ꙗ҆ви́лъ на́мъ нетлѣ́нное тѣ́ло твоѐ на землѝ, ꙗ҆́кѡ живоно́снꙋю кꙋпѣ́ль, врачꙋ́ющꙋю всѧ́кꙋ болѣ́знь и҆ всѧ́кꙋ ꙗ҆́зю въ лю́дехъ. Тѣ́мже благода́рственнѡ вопїе́мъ є҆мꙋ̀: А҆ллилꙋ́їа.

І҆́косъ і҃.

Стѣна̀ є҆сѝ спасе́нїѧ прибѣга́ющымъ къ тебѣ̀, ст҃и́телю митрофа́не, и҆ въ быва́емыхъ ѿ тебє̀ зна́менїихъ, и҆сповѣ́дающихъ вели́чїе бж҃їе. Сегѡ̀ ра́ди, ᲂу҆ще́дрени твои́мъ чꙋдодѣ́йственнымъ ѡ҆ на́съ ко хрⷭ҇тꙋ̀ бг҃ꙋ хода́тайствомъ, вопїе́мъ тѝ:

Ра́дꙋйсѧ, царе́й бл҃гочести́выхъ побо́рниче: ра́дꙋйсѧ, а҆рхїере́євъ правосла́вныхъ ᲂу҆крѣпле́нїе.

Ра́дꙋйсѧ, ца́рства правосла́внагѡ защи́тниче: ра́дꙋйсѧ, цр҃кви ст҃ѣ́й ᲂу҆твержде́нїе.

Ра́дꙋйсѧ, пре́жде сме́рти ᲂу҆мертви́вый пло́ть свою̀: ра́дꙋйсѧ, предвкꙋси́вый жи́знь вѣ́чнꙋю, пре́жде вни́тїѧ въ селє́нїѧ ра̑йскаѧ.

Ра́дꙋйсѧ, ᲂу҆ме́рый мі́рꙋ пре́жде кончи́ны твоеѧ̀: ра́дꙋйсѧ, воскресы́й дꙋ́хомъ во хрⷭ҇тѣ̀ пре́жде ᲂу҆спе́нїѧ твоегѡ̀.

Ра́дꙋйсѧ, ꙗ҆́кѡ ѿ ѡ҆би́тели земны́ѧ во ѡ҆би́тель нбⷭ҇нꙋю пресели́лсѧ є҆сѝ: ра́дꙋйсѧ, ꙗ҆́кѡ ѿ ѡ҆би́тели нбⷭ҇ныѧ во ѡ҆би́тєли земны̑ѧ благотворѧ̀ нисхо́диши.

Ра́дꙋйсѧ, ꙗ҆́кѡ и҆ по ѿше́ствїи твое́мъ съ на́ми пребыва́еши: ра́дꙋйсѧ, ꙗ҆́кѡ и҆ по ᲂу҆ме́ртвїи твое́мъ ᲂу҆мерщвлє́нныѧ грѣхмѝ дꙋ́шы моли́твами твои́ми ѡ҆живлѧ́еши.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ а҃і.

Пѣ́нїе приноси́мое ны́нѣ, а҆́ще бы и҆ превы́ше человѣ́ческагѡ бы́ло, не довлѣ́ло бы къ славосло́вїю бг҃а, дарова́вшагѡ тебѣ̀ бл҃года́ть и҆сцѣле́нїй. Сегѡ̀ ра́ди недоꙋмѣ́юще благохвали́ти є҆го̀ по достоѧ́нїю, смиренномꙋ́дреннѡ вопїе́мъ: А҆ллилꙋ́їа.

І҆́косъ а҃і.

Свѣтопода́тельна свѣти́льника, просвѣща́ющаго дꙋ́шы на́шѧ вѣ́рою, ви́димъ тебѐ, пребл҃же́нне ѻ҆́тче, пред̾ прⷭ҇то́ломъ бж҃їимъ стоѧ́ща, и҆ твои́мъ блиста́нїемъ ѡ҆зарѧ́еми, зове́мъ тѝ такѡва́ѧ:

Ра́дꙋйсѧ, па́стырю преди́вный: ра́дꙋйсѧ, ᲂу҆чи́телю премꙋ́дрый.

Ра́дꙋйсѧ, сто́лпе вѣ́ры непоколеби́мый: ра́дꙋйсѧ, насади́телю бл҃ги́хъ.

Ра́дꙋйсѧ, чистоты̀ селе́нїе: ра́дꙋйсѧ, печа́льныхъ ᲂу҆тѣше́нїе.

Ра́дꙋйсѧ, си́рыхъ пита́телю: ра́дꙋйсѧ, ѡ҆би́димыхъ предста́телю.

Ра́дꙋйсѧ, премⷣрости бж҃їѧ прїѧ́телище: ра́дꙋйсѧ, и҆сто́чниче неизчерпа́емыѧ бл҃года́ти и҆сцѣле́нїй.

Ра́дꙋйсѧ, провозвѣ́стниче бжⷭ҇твенныхъ велѣ́нїй: ра́дꙋйсѧ, сокро́вище млⷭ҇рдїѧ бж҃їѧ неистощи́мое.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ в҃і.

Бл҃года́ть, свы́ше тѝ да́ннꙋю, позна́вше, бл҃гоговѣ́йнѡ лобыза́емъ ст҃олѣ́пное и҆з̾ѡбраже́нїе всечестна́гѡ лица̀ твоегѡ̀, є҆́же бл҃говоли́лъ є҆сѝ ди́внѡ ꙗ҆ви́ти на́мъ. Тѣ́мже бл҃года́рственнѡ вопїе́мъ хрⷭ҇тꙋ̀ бг҃ꙋ на́шемꙋ: А҆ллилꙋ́їа.

І҆́косъ в҃і.

Пою́ще твоѐ къ бг҃ꙋ ѿше́ствїе, ст҃и́телю митрофа́не, почита́емъ сщ҃е́ннꙋю па́мѧть твою̀, велича́емъ ре́вность по бз҃ѣ, хва́лимъ долготерпѣ́нїе, сла́вимъ неѕло́бїе, и҆ ᲂу҆блажа́емъ кончи́нꙋ твою̀: на сме́ртнѣмъ бо ѻ҆дрѣ̀ возлежа̀, жела́нїемъ возжела́лъ ѡ҆блещи́сѧ въ вели́кїй а҆́гг҃льскїй ѡ҆́бразъ, нарече́нъ бы́лъ мака́рїемъ, бл҃же́нства тезоимени́тымъ, блаже́нъ бы́въ вои́стиннꙋ, ꙗ҆́кѡ црⷭ҇твїе нбⷭ҇ное наслѣ́довалъ є҆сѝ. Тѣ́мже молѧ́щесѧ ᲂу҆се́рднѡ, ѡ҆ є҆́же сподо́битисѧ и҆ на́мъ неѡсꙋжде́ннѡ предста́ти на стра́шное сꙋди́ще хрⷭ҇то́во, взыва́емъ тѝ:

Ра́дꙋйсѧ, ᲂу҆ прⷭ҇то́ла бж҃їѧ те́плый ѡ҆ на́съ предста́телю: ра́дꙋйсѧ, мꙋ́жꙋ жела́нїй, просла́вившїй бг҃а въ тѣлесѝ и҆ въ дꙋшѣ̀ свое́й.

Ра́дꙋйсѧ, добропобѣ́дный во́ине цр҃ѧ̀ нбⷭ҇нагѡ: ра́дꙋйсѧ, вождю̀ премꙋ́дрый ра́тꙋющымъ проти́вꙋ си́лъ а҆́довыхъ.

Ра́дꙋйсѧ, ꙗ҆́кѡ съ горѧ́щимъ свѣти́льникомъ срѣ́тилъ є҆сѝ хрⷭ҇та̀: ра́дꙋйсѧ, ꙗ҆́кѡ ѿ негѡ̀ бл҃года́ть и҆сцѣле́нїй прїѧ́лъ є҆сѝ.

Ра́дꙋйсѧ, ꙗ҆́кѡ бл҃говоле́нїемъ прест҃ы́ѧ бцⷣы возвели́ченъ є҆сѝ: ра́дꙋйсѧ, ꙗ҆́кѡ во свѣ́тлостехъ ст҃ы́хъ пребыва́еши.

Ра́дꙋйсѧ, ꙗ҆́кѡ со прⷪ҇рѡ́ки и҆ а҆пⷭ҇тѡлы ликовствꙋ́еши: ра́дꙋйсѧ, ꙗ҆́кѡ со ст҃и́тєли и҆ и҆ мч҃ники просла́вленъ є҆сѝ.

Ра́дꙋйсѧ, ꙗ҆́кѡ съ прпⷣбными и҆ првⷣными весели́шисѧ: ра́дꙋйсѧ, ꙗ҆́кѡ со всѣ́ми и҆збра́нными бж҃їими при́снѡ торжествꙋ́еши.

Ра́дꙋйсѧ, митрофа́не, вели́кїй и҆ пресла́вный чꙋдотво́рче.

Конда́къ г҃і.

Ѽ вели́кїй и҆ пречꙋ́дный ѻ҆́тче митрофа́не, прїимѝ бл҃гоꙋтро́бнѡ сїѐ ма́лое моле́нїе на́ше, и҆ твои́мъ бл҃гопрїѧ́тнымъ хода́тайствомъ и҆зба́ви на́съ ѿ всѣ́хъ вра̑гъ ви́димыхъ и҆ неви́димыхъ, ѿ всѧ́кїѧ напа́сти и҆ ско́рби, ѿ напра́сныѧ сме́рти и҆ бꙋ́дꙋщїѧ мꙋ́ки, да сподо́бимсѧ съ тобо́ю и҆ со всѣ́ми ст҃ы́ми во вѣ́ки воспѣва́ти бг҃ꙋ сп҃си́телю на́шемꙋ: А҆ллилꙋ́їа.

Се́й конда́къ глаго́ли три́жды, посе́мъ чте́тсѧ і҆́косъ а҃-й и҆ конда́къ а҃-й.

Моли́тва а҃.

Ѽ ст҃и́телю ѻ҆́тче митрофа́не! сѐ мы̀ грѣ́шнїи, нетлѣ́нїемъ чⷭ҇тны́хъ моще́й твои́хъ и҆ мно́гими бл҃годѣѧ́ньми, чꙋде́снѡ содѣ́ѧнными и҆ содѣва́емыми тобо́ю, ᲂу҆вѣ́рившесѧ, и҆сповѣ́дꙋемъ, ꙗ҆́кѡ и҆́маши ве́лїю бл҃года́ть ᲂу҆ гдⷭ҇а бг҃а на́шегѡ, и҆ всесмире́ннѡ ко твоемꙋ̀ бл҃госе́рдїю припа́дающе, тебѣ̀ мо́лимсѧ си́це: молѝ ѡ҆ на́съ хрⷭ҇та̀ бг҃а на́шего, да низпо́слетъ всѣ́мъ чтꙋ́щымъ ст҃ꙋ́ю па́мѧть твою̀ и҆ ᲂу҆се́рднѡ къ тебѣ̀ прибѣга́ющымъ бога̑тыѧ млⷭ҇ти своѧ̑: да ᲂу҆тверди́тъ во ст҃ѣ́й свое́й правосла́внѣй цр҃кви живы́й дх҃ъ пра́выѧ вѣ́ры и҆ бл҃гоче́стїѧ, дх҃ъ вѣ́дѣнїѧ и҆ любвѐ, дх҃ъ ми́ра и҆ ра́дости ѡ҆ дꙋ́сѣ ст҃е, да всѧ̑ ча̑да є҆ѧ̀, чи̑ста сꙋ́ща ѿ мїрски́хъ и҆скꙋше́нїй и҆ плотски́хъ по́хотей и҆ ѕла́гѡ дѣ́йствїѧ ѕлы́хъ дꙋхѡ́въ, дх҃омъ и҆ и҆́стиною покланѧ́ютсѧ є҆мꙋ̀, и҆ ᲂу҆се́рднѡ ѡ҆ соблюде́нїи за́повѣдей є҆гѡ̀ ко сп҃се́нїю дꙋ́шъ свои́хъ да потща́тсѧ. Па́стырємъ є҆ѧ̀ да да́стъ гдⷭ҇ь ст҃ꙋ́ю ре́вность попече́нїѧ ѡ҆ сп҃се́нїи люде́й, во є҆́же невѣ́рꙋющыѧ просвѣти́ти, невѣ́дꙋщыѧ наста́вити, сомнѧ́щыѧсѧ вразꙋми́ти, ѿпа́дшыѧ ѿ правосла́вныѧ цр҃кве къ не́й возврати́ти, вѣ́рꙋющыѧ въ вѣ́рѣ соблюстѝ, грѣ́шныѧ на покаѧ́нїе подви́гнꙋти, ка́ющыѧсѧ ᲂу҆тѣ́шити и҆ во и҆справле́нїи жи́зни ᲂу҆тверди́ти, и҆ та́кѡ всѧ̑ лю́ди ко ᲂу҆гото́ванномꙋ вѣ́чномꙋ црⷭ҇твꙋ ст҃ы́хъ є҆гѡ̀ привестѝ. Оу҆молѝ гдⷭ҇а, ᲂу҆го́дниче хрⷭ҇то́въ: вѣ́рныхъ рабѡ́въ є҆гѡ̀, въ ско́рби и҆ печа́ли де́нь и҆ но́щь вопїю́щихъ къ немꙋ̀, многоболѣ́зный во́пль да ᲂу҆слы́шитъ и҆ да и҆зведе́тъ ѿ поги́бели живо́тъ на́шъ. Всѣ́мъ же въ держа́вѣ лю́демъ да да́рꙋетъ бл҃гі́й бг҃ъ на́шъ ми́ръ, тишинꙋ̀, безмѧте́жїе и҆ и҆з̾ѡби́лїе плодѡ́въ земны́хъ, па́че же ко и҆сполне́нїю за́повѣдей є҆гѡ̀ тща́нїе нелѣ́ностное: и҆ да и҆зба́витъ ца́рствꙋющыѧ гра́ды, гра́дъ се́й и҆ всѧ̑ и҆ны̑ѧ гра́ды и҆ вє́си, ѿ гла́да, трꙋ́са, пото́па, ѻ҆гнѧ̀, меча̀, наше́ствїѧ и҆ноплеме́нныхъ, междоꙋсо́бныѧ бра́ни, смертоно́сныѧ ꙗ҆́звы и҆ ѿ всѧ́кагѡ ѕла̀. Є҆́й, ст҃и́телю бж҃їй, да ᲂу҆стро́иши мл҃твами твои́ми всѧ̑ бл҃га̑ѧ дꙋша́мъ и҆ тѣлесє́мъ на́шымъ: да и҆ мы̀ просла́вимъ въ дꙋша́хъ и҆ тѣлесѣ́хъ на́шихъ гдⷭ҇а и҆ бг҃а на́шего, і҆и҃са хрⷭ҇та̀, є҆мꙋ́же со ѻ҆ц҃е́мъ и҆ ст҃ы́мъ дх҃омъ сла́ва и҆ держа́ва во вѣ́ки вѣкѡ́въ. А҆ми́нь.

Моли́тва в҃.

Ѽ всехва́льный ст҃и́телю хрⷭ҇то́въ и҆ чꙋдотво́рче митрофа́не! прїимѝ сїѐ ма́лое моле́нїе ѿ на́съ грѣ́шныхъ къ тебѣ̀ прибѣга́ющихъ, и҆ те́плымъ предста́тельствомъ ᲂу҆молѝ гдⷭ҇а и҆ бг҃а на́шего, і҆и҃са хрⷭ҇та̀, ꙗ҆́кѡ да призрѣ́въ на ны̀ млⷭ҇тивнѡ, пода́стъ на́мъ согрѣше́нїй на́шихъ во́льныхъ и҆ нево́льныхъ проще́нїе, и҆ по вели́цѣй свое́й млⷭ҇ти и҆зба́витъ на́съ ѿ бѣ́дъ, печа́лей, ско́рби и҆ болѣ́зней дꙋше́вныхъ и҆ тѣле́сныхъ, ѡ҆бдержа́щихъ на́съ: да пода́стъ землѝ плодоно́сїе, и҆ всѧ̑ на по́льзꙋ настоѧ́щагѡ житїѧ̀ на́шегѡ потрє́бнаѧ: да да́рꙋетъ на́мъ сконча́ти житїѐ сїѐ привре́менное въ покаѧ́нїи, и҆ да сподо́битъ на́съ, грѣ́шныхъ и҆ недосто́йныхъ, нбⷭ҇нагѡ црⷭ҇твїѧ своегѡ̀, во є҆́же со всѣ́ми ст҃ы́ми сла́вити є҆гѡ̀ безконе́чное милосе́рдїе, со безнача́льнымъ є҆гѡ̀ ѻ҆ц҃е́мъ, и҆ ст҃ы́мъ и҆ животворѧ́щимъ є҆гѡ̀ дх҃омъ, во вѣ́ки вѣкѡ́въ. А҆ми́нь.

   Тру­ды свя­ти­те­ля Мит­ро­фа­на Во­ро­неж­ско­го

• Ду­хов­ное за­ве­ща­ние

Смот­реть все тру­ды в биб­лио­те­ке →

Статьи о святителе Митрофане Воронежском

• Ирина Сечина. Святитель Митрофан Воронежский: жизнь с царем

Краткое житие святителя Митрофана Воронежского

Свя­ти­тель Мит­ро­фан, епи­скоп Во­ро­неж­ский, в ми­ру Ми­ха­ил, ро­дил­ся 8 но­яб­ря 1623 го­да. В си­но­ди­ке, при­над­ле­жав­шем свя­ти­те­лю, пе­ре­чень имен на­чи­на­ет­ся с лиц, об­ле­чен­ных в свя­щен­ни­че­ский сан, и это да­ет ос­но­ва­ние по­ла­гать, что он ро­дил­ся в се­мье потом­ствен­ных свя­щен­ни­ков. Из ду­хов­но­го за­ве­ща­ния свя­ти­те­ля Мит­ро­фа­на из­вест­но, что он "ро­дил­ся от бла­го­че­сти­вых ро­ди­те­лей и вос­пи­тан ими в непо­роч­ном бла­го­че­стии Во­сточ­ной Церк­ви, в пра­во­слав­ной ве­ре". До со­ро­ка­лет­не­го воз­рас­та свя­ти­тель жил в ми­ру: был же­нат, имел сы­на Иоан­на и слу­жил при­ход­ским свя­щен­ни­ком. Ме­стом пас­тыр­ской де­я­тель­но­сти иерея Ми­ха­и­ла бы­ло се­ло Си­до­ров­ское, рас­по­ло­жен­ное у ре­ки Мо­лох­ты, при­то­ка Те­зы, впа­да­ю­щей в Клязь­му, неда­ле­ко от го­ро­да Шуи (ныне Вла­ди­мир­ская об­ласть).

Ли­шив­шись су­пру­ги, свя­щен­ник Ми­ха­ил при­нял по­стриг с име­нем Мит­ро­фан в Зо­лот­ни­ков­ской пу­сты­ни в 1663 го­ду. В си­но­ди­ке оби­те­ли за­пись ро­да свя­ти­те­ля Мит­ро­фа­на на­чи­на­ет­ся сло­ва­ми: "род чер­но­го свя­щен­ни­ка Мит­ро­фа­на Си­до­ров­ско­го". Через три го­да ино­че­ской жиз­ни иеро­мо­нах Мит­ро­фан из­бран во игу­ме­на Яхром­ской Кос­ми­ной оби­те­ли. Этим мо­на­сты­рем он управ­лял 10 лет, про­явив се­бя усерд­ным на­сто­я­те­лем. Его за­бо­та­ми здесь воз­двиг­нут храм в честь Неру­ко­твор­но­го Об­ра­за Все­ми­ло­сти­во­го Спа­са.

Пат­ри­арх Иоаким (1674–1690), узнав о вы­со­ком бла­го­че­стии свя­то­го Мит­ро­фа­на, воз­вел его в 1675 го­ду в сан ар­хи­манд­ри­та зна­ме­ни­то­го в то вре­мя Ма­ка­ри­е­во-Ун­жен­ско­го мо­на­сты­ря. Там по­пе­че­ни­ем свя­то­го был со­ору­жен храм в честь Бла­го­ве­ще­ния Пре­свя­той Бо­го­ро­ди­цы с тра­пез­ной и ко­ло­коль­ней. На Мос­ков­ском Со­бо­ре 1681–1682 го­дов в чис­ле мер для борь­бы со ста­ро­об­ряд­че­ским рас­ко­лом и в це­лях улуч­ше­ния хри­сти­ан­ско­го про­све­ще­ния сре­ди пра­во­слав­но­го на­се­ле­ния бы­ло ре­ше­но уве­ли­чить чис­ло епар­хий и от­крыть но­вые ка­фед­ры: Во­ро­неж­скую, Там­бов­скую, Хол­мо­гор­скую и Ве­ли­ко­устюж­скую. Свя­той Мит­ро­фан был вы­зван в сто­ли­цу и 2 ап­ре­ля 1682 го­да по­свя­щен во епи­ско­па Во­ро­неж­ско­го пат­ри­ар­хом Иоаки­мом и шест­на­дца­тью ар­хи­пас­ты­ря­ми.

На­ча­ло епи­скоп­ско­го слу­же­ния свя­ти­те­ля Мит­ро­фа­на сов­па­ло с тяж­ким для Ру­си вре­ме­нем смут и цер­ков­но­го рас­ко­ла. По при­бы­тии в Во­ро­неж свя­ти­тель преж­де все­го разо­слал пас­ты­рям сво­ей епар­хии окруж­ное по­сла­ние, в ко­то­ром при­зы­вал сво­их па­со­мых к нрав­ствен­но­му ис­прав­ле­нию. "Чест­ные иереи Бо­га Выш­ня­го! – пи­сал свя­ти­тель. – Во­жди ста­да Хри­сто­ва! Вы долж­ны иметь свет­лые ум­ные очи, про­све­щен­ные све­том ра­зу­ме­ния, чтобы ве­сти дру­гих по пра­во­му пу­ти. По сло­ву Гос­по­да, вы долж­ны быть са­мым све­том: "вы есте свет ми­ру" (Мф.5,14)... Хри­стос Спа­си­тель, вру­чая паст­ву апо­сто­лу Сво­е­му, три­жды ска­зал ему: па­си, как бы вну­шая тем, что три есть раз­лич­ные об­ра­за па­се­ния: сло­во уче­ния, мо­лит­ва при по­со­бии Свя­тых Та­ин и при­мер жиз­ни. Дей­ствуй­те и вы все­ми тре­мя спо­со­ба­ми: по­да­вай­те при­мер доб­рой жиз­ни, учи­те лю­дей сво­их и мо­ли­тесь о них, укреп­ляя их Свя­ты­ми Тай­на­ми; наи­па­че же невер­ных про­све­щай­те Свя­тым Кре­ще­ни­ем, а со­гре­шив­ших при­во­ди­те к по­ка­я­нию. Будь­те вни­ма­тель­ны к бо­ля­щим, чтобы не ото­шли от сей жиз­ни без При­ча­ще­ния Свя­тых Тайн и по­ма­за­ния свя­тым еле­ем".

Свя­ти­тель Мит­ро­фан на­чал ар­хи­пас­тыр­скую де­я­тель­ность с по­строй­ки но­во­го ка­фед­раль­но­го со­бо­ра в честь Бла­го­ве­ще­ния Пре­свя­той Бо­го­ро­ди­цы, вза­мен вет­хо­го де­ре­вян­но­го хра­ма. В 1692 го­ду со­бор с при­де­ла­ми во имя Ар­хи­стра­ти­га Ми­ха­и­ла и свя­ти­те­ля Ни­ко­лая был освя­щен. Во вре­мя 20-лет­не­го свя­ти­тель­ства свя­ти­те­ля Мит­ро­фа­на ко­ли­че­ство хра­мов в епар­хии воз­рос­ло с 182 до 239, бы­ло ос­но­ва­но 2 мо­на­сты­ря: Воз­не­сен­ский Ко­ро­то­як­ский и Тро­иц­кий Би­тюг­ский. В су­ще­ство­вав­ших мо­на­сты­рях он за­бо­тил­ся об ис­ко­ре­не­нии нестро­е­ний и бес­по­ряд­ков и утвер­жде­нии стро­гой жиз­ни по ино­че­ско­му уста­ву.

Пер­вый во­ро­неж­ский свя­ти­тель рев­ност­но за­бо­тил­ся о нуж­дах паст­вы. Он уте­шал бед­ных и бо­га­тых, был по­кро­ви­те­лем вдов и си­рот, за­ступ­ни­ком оби­жен­ных. Его дом слу­жил го­сти­ни­цей для стран­ни­ков и ле­чеб­ни­цей для боль­ных. Мо­лил­ся свя­ти­тель не толь­ко о жи­вых, но и об усоп­ших хри­сти­а­нах, и осо­бен­но о во­и­нах, пав­ших за Оте­че­ство, впи­сы­вая их име­на в си­но­дик. По­ми­ная их за про­ско­ми­ди­ей, свя­ти­тель Мит­ро­фан го­во­рил: "Аще пра­вед­на ду­ша, то боль­шей ча­сти спо­доб­ле­на бы­ва­ет, аще ли греш­на, то бу­дет при­част­ни­ца ми­ло­сти Бо­жи­ей".

Из­вест­но о боль­шой друж­бе свя­ти­те­ля Мит­ро­фа­на с свя­ти­те­лем Пи­ти­ри­мом, епи­ско­пом Там­бов­ским (па­мять 28 июля). Они не толь­ко под­дер­жи­ва­ли пе­ре­пис­ку, но и встре­ча­лись для ду­хов­ных бе­сед. Ис­то­рия ос­но­ва­ния близ Там­бо­ва Тре­гу­ля­ев­ско­го Иоан­но-Пред­те­чен­ско­го мо­на­сты­ря свя­за­на с друж­бой свя­ти­те­лей. 15 сен­тяб­ря 1688 го­да свя­ти­тель Мит­ро­фан по­се­тил свя­ти­те­ля Пи­ти­ри­ма. Втро­ем (с ни­ми был свя­щен­ник Ва­си­лий) они со­вер­ши­ли про­гул­ку в ме­ста уеди­нен­ных мо­литв Там­бов­ско­го ар­хи­пас­ты­ря и из­бра­ли ме­сто для бу­ду­щей оби­те­ли.

Свя­ти­тель Мит­ро­фан как че­ло­век вы­со­ко­го пат­ри­о­тиз­ма сво­им нрав­ствен­ным ав­то­ри­те­том, ми­ло­сер­ди­ем и мо­лит­ва­ми со­дей­ство­вал пре­об­ра­зо­ва­ни­ям Пет­ра I, необ­хо­ди­мость и цель ко­то­рых хо­ро­шо по­ни­мал. При по­строй­ке в Во­ро­не­же фло­та для по­хо­да на Азов свя­ти­тель Мит­ро­фан убеж­дал на­род все­мер­но по­мо­гать Пет­ру I. Это бы­ло осо­бен­но важ­но, ибо мно­гие счи­та­ли устрой­ство фло­та де­лом бес­по­лез­ным. Свя­ти­тель не огра­ни­чи­вал­ся толь­ко со­ве­та­ми ца­рю, но ока­зы­вал и ма­те­ри­аль­ную под­держ­ку го­судар­ствен­ной казне, нуж­дав­шей­ся в день­гах для стро­и­тель­ства фло­та, и от­да­вал все свои сред­ства, со­зна­вая, что они идут на бла­го Ро­ди­ны.

Пат­ри­о­ти­че­ские чув­ства свя­ти­те­ля со­еди­ня­лись в его ду­ше с непо­ко­ле­би­мой ве­рой и стро­го­стью пра­во­слав­ных убеж­де­ний, ра­ди ко­то­рых он не бо­ял­ся на­влечь на се­бя цар­ский гнев. Так, свя­ти­тель от­ка­зал­ся ид­ти во дво­рец к Пет­ру I, по­то­му что там сто­я­ли ста­туи язы­че­ских бо­гов, и хо­тя за ослу­ша­ние цар­ской во­ли свя­ти­те­лю гро­зи­ла опа­ла, он остал­ся непре­кло­нен. Петр при­ка­зал убрать ста­туи и с то­го вре­ме­ни про­ник­ся еще боль­шим ува­же­ни­ем к свя­ти­те­лю.

Скон­чал­ся свя­ти­тель Мит­ро­фан в 1703 го­ду в глу­бо­кой ста­ро­сти, при­няв пе­ред смер­тью схи­му с име­нем Ма­ка­рий. По­гре­бе­ние со­вер­ше­но бы­ло 4 де­каб­ря. Царь Петр I сам нес гроб свя­ти­те­ля от со­бо­ра до усы­паль­ни­цы. Про­ща­ясь, он ска­зал: "Не оста­лось у ме­ня боль­ше та­ко­го свя­то­го стар­ца. Ему же бу­ди веч­ная па­мять". Од­ним из за­ме­ча­тель­ных па­мят­ни­ков жиз­ни и де­я­тель­но­сти свя­ти­те­ля Мит­ро­фа­на яв­ля­ет­ся его ду­хов­ное за­ве­ща­ние. В нем го­во­рит­ся: "Судь­ба­ми Бо­жи­и­ми до­шел я до со­ста­ре­ния и ныне из­не­мо­гаю есте­ствен­ной мо­ею си­лою. Се­го ра­ди су­дил я на­пи­сать сие по­след­нее мое пи­са­ние... Ко­гда ду­ша моя греш­ная раз­ре­шит­ся от со­ю­за пло­ти, вру­чаю ее бла­го­у­тро­бию Пре­муд­ро­го Бо­га, ее со­здав­ше­го, да при­и­мет ее ми­ло­сти­во, как де­ло рук Сво­их, а ко­сти греш­ные пре­даю ма­те­ри всех, чая от­ту­да вос­кре­се­ния мерт­вых". Да­лее, об­ра­ща­ясь к пас­ты­рям и па­со­мым, свя­ти­тель го­во­рит: "Про­стец со­гре­шив­ший за од­ну толь­ко свою ду­шу даст от­вет Бо­гу, а иереи бу­дут ис­тя­за­ны за мно­гих, как нера­дев­шие о ов­цах, с ко­то­рых со­би­ра­ли мле­ко и вол­ну (шерсть)... Для вся­ко­го че­ло­ве­ка та­ко­во пра­ви­ло муд­рых му­жей: упо­тре­би труд, хра­ни мер­ность – бо­гат бу­де­ши; воз­держ­но пий, ма­ло яждь – здрав бу­де­ши; тво­ри бла­го, бе­гай зла­го – спа­сен бу­де­ши". Па­мять свя­ти­те­лю Мит­ро­фа­ну уста­нов­ле­на в 1832 го­ду.

Полное житие святителя Митрофана Воронежского

Свя­ти­тель Мит­ро­фан, пер­вый епи­скоп Во­ро­неж­ский, ро­дил­ся 6 но­яб­ря 1623 го­да во Вла­ди­мир­ской зем­ле, по пред­по­ло­же­нию, в се­мье свя­щен­ни­ка. Мир­ское имя бу­ду­ще­го свя­ти­те­ля бы­ло Ми­ха­ил. По­ло­ви­ну сво­ей жиз­ни свя­той про­жил в ми­ру, был же­нат и имел де­тей. Со­хра­ни­лись све­де­ния о за­бот­ли­во­сти свя­то­го Мит­ро­фа­на по вос­пи­та­нию сво­е­го сы­на Ива­на. Бу­ду­щий епи­скоп был неко­то­рое вре­мя свя­щен­ни­ком в се­ле Си­до­ров­ском Суз­даль­ской епар­хии. На 40-м го­ду жиз­ни он ов­до­вел и ре­шил по­свя­тить свою жизнь Бо­гу. Сво­им ме­сто­жи­тель­ством он из­брал Зо­лот­ни­ков­ский Успен­ский мо­на­стырь неда­ле­ко от Суз­да­ля, где и был по­стри­жен в ино­че­ство с име­нем Мит­ро­фан.

Здесь угод­ник Бо­жий на­чал ино­че­ское по­движ­ни­че­ство, от­ли­ча­ясь глу­бо­ким сми­ре­ни­ем. О его стро­гой ино­че­ской жиз­ни ста­ло из­вест­но в мо­на­ше­ской сре­де. Через три го­да по­сле вступ­ле­ния в Зо­лот­ни­ков­скую оби­тель бра­тия со­сед­не­го Яхром­ско­го Кос­ми­на мо­на­сты­ря, не имев­ше­го в ту по­ру на­сто­я­те­ля, ста­ли про­сить мест­ное ду­хов­ное на­чаль­ство о по­став­ле­нии им в игу­ме­ны Мит­ро­фа­на. Прось­ба бы­ла ис­пол­не­на. Вна­ча­ле по­движ­ник был ру­ко­по­ло­жен в иерей­ский сан, за­тем, несмот­ря на неже­ла­ние, был воз­ве­ден в игу­ме­ны Яхром­ской оби­те­ли.

Ко­гда о рев­но­сти по­движ­ни­ка узнал пат­ри­арх Мос­ков­ский и всея Ру­си Иоаким, он по­ру­чил ему бо­лее об­шир­ную Ун­жен­скую оби­тель, ос­но­ван­ную в XV в. пре­по­доб­ным Ма­ка­ри­ем Жел­то­вод­ским в Ко­стром­ской зем­ле. Здесь бу­ду­щий свя­ти­тель на­сто­я­тель­ство­вал око­ло се­ми лет, в те­че­ние ко­то­рых мо­на­стырь до­стиг про­цве­та­ния. Был по­стро­ен храм в честь Бла­го­ве­ще­ния Пре­свя­той Де­вы Ма­рии, на­пи­са­но нема­ло за­ме­ча­тель­ных икон.

Мо­на­стырь игу­ме­на Мит­ро­фа­на при­вле­кал вни­ма­ние не од­но­го пат­ри­ар­ха, но и ца­ря Фе­о­до­ра Алек­се­е­ви­ча, ко­то­рый по­се­щал оби­тель и неред­ко бе­се­до­вал с на­сто­я­те­лем. При дво­ре к свя­то­му от­но­си­лись с осо­бым по­чте­ни­ем. Ко­гда в 1682 го­ду по ре­ше­нию Мос­ков­ско­го Цер­ков­но­го Со­бо­ра 1681 го­да бы­ла об­ра­зо­ва­на но­вая Во­ро­неж­ская епар­хия, царь Фе­о­дор пер­вым ее епи­ско­пом пред­ло­жил на­зна­чить игу­ме­на Мит­ро­фа­на. Епи­скоп­скую хи­ро­то­нию 2 ап­ре­ля 1682 го­да воз­гла­вил пат­ри­арх Иоаким.

Свя­ти­те­лю Мит­ро­фа­ну при­шлось быть сви­де­те­лем бун­та рас­коль­ни­ков в июле то­го же го­да и при­сут­ство­вать на «пре­нии о ве­ре» меж­ду ста­ро­об­ряд­ца­ми и пра­во­слав­ны­ми в Гра­но­ви­той па­ла­те. Это со­бы­тие про­из­ве­ло на него силь­ное впе­чат­ле­ние и впо­след­ствии ска­за­лось на его ар­хи­ерей­ских де­лах. Свя­ти­тель Мит­ро­фан при­об­рел из­вест­ность как об­ли­чи­тель рас­ко­ла и спо­движ­ник пат­ри­о­ти­че­ских на­чи­на­ний ца­ря-ре­фор­ма­то­ра. Свя­ти­тель Мит­ро­фан рас­смат­ри­вал ду­хо­вен­ство как си­лу, спо­соб­ную воз­дей­ство­вать на на­се­ле­ние са­мым бла­го­твор­ным об­ра­зом. В са­мом на­ча­ле сво­ей де­я­тель­но­сти свя­ти­тель на­чал со­ору­жать в Во­ро­не­же но­вый ка­мен­ный храм в честь Бла­го­ве­ще­ния Пре­свя­той Бо­го­ро­ди­цы. Свя­ти­тель Мит­ро­фан лю­бил цер­ков­ное бла­го­ле­пие и вкла­ды­вал в стро­и­тель­ство со­бо­ра огром­ные сред­ства. Быт свя­ти­те­ля был бо­лее чем скро­мен.

Осо­бую стра­ни­цу в био­гра­фии свя­ти­те­ля Мит­ро­фа­на со­став­ля­ют его вза­и­мо­от­но­ше­ния с Пет­ром I. Свя­ти­тель глу­бо­ко и со­чув­ствен­но вхо­дил в судь­бу мо­ло­до­го ца­ря, ста­рал­ся со­дей­ство­вать воз­ни­кав­шим по­лез­ным для Оте­че­ства пре­об­ра­зо­ва­ни­ям. Он одоб­рял по­строй­ку фло­та, пред­при­ня­тую Пет­ром I в Во­ро­не­же, и под­дер­жал ее ма­те­ри­аль­но. Ко­гда в 1696 го­ду рус­ские вой­ска одер­жа­ли по­бе­ду над тур­ка­ми под Азо­вом, Петр I по­ве­лел свя­ти­те­лю Мит­ро­фа­ну как бы в на­гра­ду за уча­стие в этой по­бе­де име­но­вать­ся епи­ско­пом Во­ро­неж­ским и «Азов­ским». В то же вре­мя свя­ти­тель Мит­ро­фан не мог одоб­рить слиш­ком тес­но­го об­ще­ния ца­ря с ино­зем­ны­ми ино­вер­ца­ми и без­дум­но­го вос­при­я­тия их обы­ча­ев. Свя­ти­тель от­ка­зал­ся по­се­тить во­ро­неж­ский дво­рец ца­ря из–за на­хо­див­ших­ся в нем язы­че­ских ста­туй. Ко­гда раз­гне­ван­ный Петр стал гро­зить ему смер­тью, свя­ти­тель на­чал го­то­вить­ся к ней, пред­по­чи­тая уме­реть, неже­ли одоб­рить непри­ем­ле­мые для пра­во­слав­но­го че­ло­ве­ка язы­че­ские ри­ту­а­лы.

Ис­по­вед­ни­че­ство епи­ско­па усты­ди­ло Пет­ра, в знак со­гла­сия с ним он убрал ста­туи, и мир был вос­ста­нов­лен. На Во­ро­неж­ской ка­фед­ре угод­ник Бо­жий про­был 20 лет, до са­мой сво­ей кон­чи­ны.

Лю­би­мым раз­мыш­ле­ни­ем свя­то­го бы­ло па­мя­то­ва­ние о смер­ти, о за­гроб­ной жиз­ни, о мы­тар­ствах; лю­би­мой мо­лит­вой – мо­лит­ва об умер­ших.

Не бу­дучи зна­ком с рас­про­стра­нен­ной в XVII в. ла­тин­ской схо­ла­сти­кой, свя­ти­тель Мит­ро­фан пре­крас­но знал Свя­щен­ное Пи­са­ние и свя­то­оте­че­ские тру­ды. В сво­ем «Ду­хов­ном за­ве­ща­нии» свя­ти­тель Мит­ро­фан на­зи­дал: «Для вся­ко­го че­ло­ве­ка та­ко­во пра­ви­ло муд­рых му­жей: упо­тре­би труд, хра­ни уме­рен­ность – бо­гат бу­дешь; воз­держ­но пей, ма­ло ешь – здрав бу­дешь; тво­ри бла­го, бе­гай зло­го – спа­сен бу­дешь». Пре­ста­вил­ся к Бо­гу свя­ти­тель Мит­ро­фан в 1703 го­ду в глу­бо­кой ста­ро­сти. Неза­дол­го до кон­чи­ны свя­ти­тель при­нял схи­му с име­нем Ма­ка­рий. По­гре­бен он был в Бла­го­ве­щен­ском со­бо­ре в Во­ро­не­же с боль­ши­ми по­че­стя­ми: царь сво­и­ми ру­ка­ми по­мо­гал нести гроб свя­ти­те­ля, по­чи­та­е­мо­го им за «свя­то­го стар­ца».

С 1820 го­да чис­ло по­чи­та­те­лей мо­лит­вен­ной па­мя­ти свя­ти­те­ля Мит­ро­фа­на осо­бен­но воз­рос­ло, при со­бо­ре на­ча­ли по­яв­лять­ся за­пи­си о чу­де­сах на его гроб­ни­це. В 1831 го­ду по­сле­до­ва­ло офи­ци­аль­ное до­не­се­ние об этом Си­но­ду, по ре­ше­нию ко­то­ро­го 7 ав­гу­ста 1832 го­да со­сто­я­лось тор­же­ствен­ное от­кры­тие гро­ба, а за­тем по­сле­до­ва­ла ка­но­ни­за­ция свя­ти­те­ля. От его свя­тых мо­щей по ми­ло­сти Бо­жи­ей про­ис­хо­ди­ли мно­го­чис­лен­ные ис­це­ле­ния страж­ду­щих те­лес­ны­ми и ду­шев­ны­ми неду­га­ми, одер­жи­мых, рас­слаб­лен­ных. В 1836 го­ду при Бла­го­ве­щен­ском со­бо­ре в Во­ро­не­же был учре­жден Бла­го­ве­щен­ский Мит­ро­фа­нов мо­на­стырь.

Па­мять о глу­бо­ком бла­го­че­стии и пас­тыр­ских доб­ро­де­те­лях свя­ти­те­ля Мит­ро­фа­на (в схи­ме Ма­ка­рия) свя­то чти­ма бы­ла в Во­ро­не­же со вре­ме­ни его кон­чи­ны († 23 но­яб­ря 1703). Пре­ем­ни­ки его, во­ро­неж­ские прео­свя­щен­ные, счи­та­ли свя­щен­ным дол­гом еже­год­но тво­рить по­ми­но­ве­ние по пер­во­свя­ти­те­ле сво­ей паст­вы и его ро­ди­те­лях, иерее Ва­си­лии и Ма­рии. Жи­те­ли Во­ро­не­жа и окрест­но­стей при­хо­ди­ли в Бла­го­ве­щен­ский со­бор, где на ме­сте по­гре­бе­ния свя­ти­те­ля со­вер­ша­лись па­ни­хи­ды. По­буж­де­ни­ем к уси­лен­но­му по­ми­но­ве­нию свя­ти­те­ля Мит­ро­фа­на бы­ло и пред­смерт­ное за­ве­ща­ние его – со­вер­шать о нем мо­лит­вы. Для это­го еще при жиз­ни свя­ти­тель устро­ил в со­бо­ре при­дел в честь свя­то­го Ар­хи­стра­ти­га Ми­ха­и­ла (небес­но­го по­кро­ви­те­ля свя­ти­те­ля в ми­ру); и в нем осо­бый при­чт со­вер­шал ран­ние за­упо­кой­ные ли­тур­гии. Впо­след­ствии но­вое по­ко­ле­ние хо­тя и не зна­ло свя­ти­те­ля, но так­же бла­го­го­вей­но по­чи­та­ло его па­мять. Уве­рен­ность в свя­то­сти пер­во­свя­ти­те­ля Во­ро­неж­ской епар­хии утвер­жда­лась нетле­ни­ем его мо­щей, осви­де­тель­ство­ван­ных при неод­но­крат­ном пе­ре­не­се­нии их из од­но­го хра­ма в дру­гой. Так, в 1718 го­ду Во­ро­неж­ский мит­ро­по­лит Па­хо­мий, при­сту­пая к по­строй­ке но­во­го со­бо­ра, при­ка­зал разо­брать ста­рый Бла­го­ве­щен­ский со­бор, при этом те­ло свя­ти­те­ля Мит­ро­фа­на бы­ло на вре­мя пе­ре­не­се­но в цер­ковь Неопа­ли­мой Ку­пи­ны; в 1735 го­ду те­ло свя­ти­те­ля бы­ло пе­ре­не­се­но в но­вый со­бор, при этом бы­ло за­сви­де­тель­ство­ва­но нетле­ние его мо­щей. На ме­сте по­гре­бе­ния свя­ти­те­ля обык­но­вен­но со­вер­ша­лись па­ни­хи­ды о нем.

С 1820 го­да за­ме­че­но бы­ло, что чис­ло по­чи­та­те­лей па­мя­ти свя­ти­те­ля Мит­ро­фа­на, сте­кав­ших­ся в Во­ро­неж, чрез­вы­чай­но уве­ли­чи­лось. Уве­ли­чи­лись и бла­го­дат­ные зна­ме­ния. Ар­хи­епи­скоп Во­ро­неж­ский Ан­то­ний II неод­но­крат­но до­но­сил Свя­тей­ше­му Си­но­ду о чу­де­сах и ис­пра­ши­вал раз­ре­ше­ние на про­слав­ле­ние свя­ти­те­ля. Свя­тей­ший Си­нод пред­пи­сы­вал на­блю­дать за бла­го­дат­ны­ми да­ра­ми, по­лу­ча­е­мы­ми у гро­ба свя­ти­те­ля Мит­ро­фа­на. В 1831 г. по осви­де­тель­ство­ва­нии нетлен­но­го те­ла свя­ти­те­ля прео­свя­щен­ный Ан­то­ний вме­сте с чле­на­ми ко­мис­сии Свя­тей­ше­го Си­но­да ар­хи­епи­ско­пом Яро­слав­ским Ев­ге­ни­ем и ар­хи­манд­ри­том Спа­со-Ан­д­ро­ни­ев­ско­го Мос­ков­ско­го мо­на­сты­ря Гер­мо­ге­ном убе­ди­лись в чу­до­дей­ствен­ном хо­да­тай­стве свя­ти­те­ля Мит­ро­фа­на у Пре­сто­ла Бо­жия. Свя­тей­ший Си­нод вы­нес ре­ше­ние о при­чте­нии свя­ти­те­ля Мит­ро­фа­на к ли­ку свя­тых. С тех пор Рус­ская Цер­ковь со­вер­ша­ет па­мять свя­ти­те­ля два­жды в год: 23 но­яб­ря – в день пре­став­ле­ния, 7 ав­гу­ста (1832) – в день про­слав­ле­ния.

В Во­ро­неж­ской епар­хии ар­хи­епи­ско­пом Ан­то­ни­ем II (1827–1846 гг.) в честь свя­ти­те­ля Мит­ро­фа­на бы­ли уста­нов­ле­ны еще сле­ду­ю­щие празд­но­ва­ния: 4 июня, на па­мять свя­ти­те­ля Мит­ро­фа­на, пат­ри­ар­ха Ца­ре­град­ско­го, – день те­зо­име­нит­ства свя­ти­те­ля Мит­ро­фа­на, епи­ско­па Во­ро­неж­ско­го, 2 ап­ре­ля – день ар­хи­ерей­ской хи­ро­то­нии свя­ти­те­ля Мит­ро­фа­на (в 1682 г.) и 11 де­каб­ря – по слу­чаю яв­ле­ния мо­щей свя­ти­те­ля Мит­ро­фа­на (в 1831 г.).

Свя­ти­тель Мит­ро­фан оста­вил ду­хов­ное за­ве­ща­ние.

Под­лин­ник его хра­нит­ся в Го­судар­ствен­ном Ис­то­ри­че­ском Му­зее (N 820/Син. 669). На за­ве­ща­нии соб­ствен­но­руч­ная скре­па-ав­то­граф свя­ти­те­ля: "Сия изуст­ная ду­хов­ная пот­пи(сал) я... епи­скоп Мит­ро­фан Во­ро­неж­ский".

На ниж­ней дос­ке (внут­ри) на­хо­дит­ся за­пись ско­ро­пи­сью ХVIII ве­ка: "Сия кни­га те­ста­мент или за­вет Прео­свя­щен­но­го епи­ско­па Во­ро­неж­ско­го схи­мо­на­ха Ма­ка­рия, пи­сан в Бо­го­спа­са­е­мом гра­де Во­ро­не­же, в до­ме его Прео­свя­щен­ства, со­бор­ныя церк­ви диа­ко­ном Афа­на­си­ем Ев­фи­мо­вым. Пре­ста­ви­ся сей Прео­свя­щен­ный епи­скоп, схи­мо­нах Ма­ка­рий, но­ем­врия ме­ся­ца 23 дня 703–го го­да, а по­гре­бен де­каб­ря 4-го дня (Опи­са­ние ру­ко­пи­сей Си­но­даль­но­го со­бра­ния, не во­шед­ших в опи­са­ние А.В. Гор­ско­го и К.И. Невостру­е­ва. Со­ста­ви­ла Т.Н. Про­та­сье­ва. Часть II NN 820–1051, М., 1973, с. 6).

В день, пред­ше­ство­вав­ший от­кры­тию мо­щей свя­ти­те­ля Мит­ро­фа­на, ар­хи­епи­скоп Во­ро­неж­ский Ан­то­ний со­брал­ся ид­ти в цер­ковь, чтобы воз­ло­жить на них при­го­тов­лен­ное но­вое ар­хи­ерей­ское об­ла­че­ние. Вне­зап­но он ощу­тил в се­бе та­кое рас­слаб­ле­ние, что ед­ва мог прой­ти по кел­лии. Оза­бо­чен­ный этим, он сел в раз­мыш­ле­нии и услы­шал ти­хий го­лос: "Не на­ру­шай мо­е­го за­ве­ща­ния".

Не тот­час по­нял он это, но, ду­мая о сво­ем на­ме­ре­нии, со­брал­ся с си­ла­ми и от­крыл хра­ни­ли­ще, где бы­ло об­ла­че­ние, там он об­на­ру­жил схи­му, при­не­сен­ную неза­дол­го пе­ред тем неиз­вест­ной мо­на­хи­ней, вру­чив­шей ему со сло­ва­ми, что она ско­ро по­на­до­бит­ся.

Уви­дев эту схи­му, вла­ды­ка по­нял, что сло­ва "не на­ру­шай мо­е­го за­ве­ща­ния" есть во­ля свя­ти­те­ля Мит­ро­фа­на, чтобы не по­ла­гать на его мо­щи ар­хи­ерей­ско­го об­ла­че­ния, а остав­лять их в схи­ме, сви­де­тель­ствуя тем о глу­бо­кой ду­хов­ной свя­зи со сво­им по­кро­ви­те­лем пре­по­доб­ным Ма­ка­ри­ем Ун­жен­ским и сво­ем край­нем сми­ре­нии.

(О свя­ти­те­ле Мит­ро­фане Во­ро­неж­ском – "Жур­нал Мос­ков­ской Пат­ри­ар­хии", 1944, N 11; 1953, N 10; 1963, N 11).

Малая вечерня с акафистом святителю Митрофану Воронежскому



Сайт нуждается в средствах на оплату хостинга. С помощью кнопки выберите банковскую карту или Яндекс.деньги.