Акафист святому преподобному Адриану, игумену Ондрусовскому, Олонецкому чудотворцу

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 08 сентября (26 августа ст. ст.)

Не утвержден для общецерковного использования.

Конда́к 1.

Избра́нниче Бо́жий, преподо́бне о́тче на́ш Адриа́не, прии́м кре́ст сво́й, после́довал еси́ Христу́ и дея́нием учи́л еси́ презира́ти пло́ть, прехо́дит бо, прилежа́ти же о души́ свое́й безсме́ртней. Те́мже со а́нгелы сра́дуется ду́х тво́й, и мы́, земни́и, тя́ по до́лгу ублажа́ем, пою́ще:

Ра́дуйся, Адриа́не, ско́рый на́ш помо́щниче и чудотво́рче.

И́кос 1.

А́нгел земны́й и челове́к бы́в небе́сный, все́м житие́м твои́м науча́еши на́с, преподо́бне: наде́ющийся на Го́спода я́ко гора́ Сио́н не подви́жится во ве́к. То́й бо покры́ет и в де́нь напа́сти, и спасе́т от неприя́зни. Я́же па́мятствующе, та́ко ти́ рце́м:

Ра́дуйся, изря́дный сосу́де благода́ти Боже́ственныя; ра́дуйся, Христа́ ра́ди оста́вивый вся́ ми́ра сего́ кра́сная.

Ра́дуйся, те́сным и го́рьким путе́м вше́дый в ве́чный живо́т; ра́дуйся, сего́ ра́ди зело́ от Го́спода возлю́бленный.

Ра́дуйся, ди́вный в чудесе́х о на́с моли́твенниче; ра́дуйся, ско́рый тя́ призыва́ющим споспе́шниче.

Ра́дуйся, Адриа́не, ско́рый на́ш помо́щниче и чудотво́рче.

Конда́к 2.

Виде́ние бе́ ра́достное, егда́ тя́, младе́нца су́ща, имени́тии роди́телие твои́ принесо́ша в хра́м Госпо́день. Та́мо бо иере́й в купе́ли креще́ния возроди́ тя́ во Христе́ и свяще́нным миропома́занием дарова́ ти́ вся́ си́лы, я́же к животу́ и благоче́стию, да вы́ну Бо́гови со искупле́нными честно́ю Его́ Кро́вию, вы́ну пое́ши: Аллилу́ия.

И́кос 2.

Разуме́вше твои́ роди́телие, преподо́бне, я́ко то́чию благоче́стие на вся́ поле́зно, име́яй обетова́ние ны́нешняго и гряду́щаго жития́, тща́шася тя́ воспита́ти в стра́се Бо́жием и Це́ркви святе́й в послуша́нии, в не́мже и пребы́л еси́ до сконча́ния жития́. Сего́ ра́ди тебе́ та́ко вопие́м:

Ра́дуйся, от ро́да боя́рскаго прозябе́ние ди́вное; ра́дуйся, я́ко в купе́ли креще́ния от дре́вния кля́твы омы́лся еси́.

Ра́дуйся, я́ко да́р прему́дрости и ра́зума прия́л еси́ в миропома́зании; ра́дуйся, я́ко утверди́лся в тебе́ ду́х сове́та и кре́пости.

Ра́дуйся, тебе́ же укрепи́шася вся́ си́лы естества́ во спасе́ние ве́чное; ра́дуйся, призва́нный к де́ланию духо́вному от служе́ния в дружи́не кня́жестей.

Ра́дуйся, Адриа́не, ско́рый на́ш помо́щниче и чудотво́рче.

Конда́к 3.

Си́лою благода́ти Бо́жия приведе́н бы́в ко преподо́бному пустынножи́телю Алекса́ндру Сви́рскому, терпе́нию того́ умили́лся еси́, преподо́бне, а́ще и мла́д бы́в боля́рин и от вели́каго кня́зя люби́мь, оба́че си́лу слове́с Христо́вых, — а́ще кто́ хо́щет по Мне́ ити́, да отве́ржется себе́ и во́змет кре́ст сво́й и по Мне́ да и́дет, — уразуме́л еси́, и Тому́ невозвра́тно после́довал еси́ с пе́снию: Аллилу́ия.

И́кос 3.

Име́ния мно́га бе́дным разда́л еси́, преподо́бне, и вся́ отложи́в, к преподо́бному Алекса́ндру прише́л еси́ и жесто́кому того́ житию́ поревнова́л еси́, слы́шай дне́сь от на́с по достоя́нию сицевы́я хвалы́:

Ра́дуйся, я́ко же дре́вле Евста́фий Плаки́да, еле́нем приведе́нный к спаси́тельному пути́ жи́зни твоея́; ра́дуйся, обреты́й пусты́ннаго му́жа, от него́же позна́л еси́ и́ноческое пусты́нное житие́.

Ра́дуйся, то́е возлюби́вый а́бие; ра́дуйся, ревни́телю и́ноческих по́двигов.

Ра́дуйся, его́же ду́х я́ко еле́нь возжада́ к Бо́гу Кре́пкому, Живо́му; ра́дуйся, учениче́ ди́внаго Алекса́ндра, Святы́я Тро́ицы собесе́дника.

Ра́дуйся, Адриа́не, ско́рый на́ш помо́щниче и чудотво́рче.

Конда́к 4.

Бу́ри е́зера Ла́дожскаго не убоя́лся еси́, преподо́бне, егда́ бу́ри и суеты́ жите́йския бежа́л еси́: с ра́достию бо устреми́лся еси́, отню́дуже я́ко свещи́, во тме́ мерца́ющия, светя́ху и зво́ном церко́вным окре́стная оглаша́юща, оби́тели Валаа́мская и Коне́вская украша́хуся ли́ки и́ноческими, и́же немо́лчно воспева́ху Бо́гови: Аллилу́ия.

И́кос 4.

Слы́ша боже́ственное пе́ние и зря́ мона́хов мно́жества, к стопа́м игу́мена Валаа́мскаго припа́л еси́, преподо́бне, и смире́нне моли́л еси́, да прии́мет тя́ я́ко еди́наго от нае́мник. Мы́ же, зря́ твое́ смире́ние, та́ко ти́ рце́м:

Ра́дуйся, прише́льче, зна́тность ро́да сокры́вый глубино́ю смире́ния; ра́дуйся, прия́тие обе́та нестяжа́ния упреди́вый раздая́нием име́ний ме́ньшей бра́тии.

Ра́дуйся, бра́ку честно́му предпочты́й обруче́ние ангелообра́зному житию́; ра́дуйся, вся́кое послуша́ние приима́вый со благодаре́нием.

Ра́дуйся, вся́ тяготы́ искуше́ния и́ноческаго пренесы́й до́бре; ра́дуйся, та́ко ся предугото́вавый ко прия́тию и́ноческаго вели́каго по́стрига.

Ра́дуйся, Адриа́не, ско́рый на́ш помо́щниче и чудотво́рче.

Конда́к 5.

Боготе́чный апо́стол Па́вел мно́ги страны́ обтеки́й благовеству́я Ева́нгелие, глаго́лаше ве́рным: глаго́лю безбра́чным и вдови́цам, добро́ и́м е́сть а́ще пребу́дут я́ко же и а́з, а́ще ли же ни́, да посяга́ют. Ожени́выйся бо пече́тся, ка́ко угоди́ти жене́, а не ожени́выйся пече́тся, ка́ко угоди́ти Го́сподеви. — Ты́ же, преподо́бне, де́вство па́че бра́ка че́стна избра́л еси́, я́ко ду́ху твоему́ сро́дное, и егда́ а́нгельскаго о́браза сподо́бился еси́, умиле́нне воспе́л еси́ Бо́гови: Аллилу́ия.

И́кос 5.

Врача́ Небе́снаго умоли́л еси́, преподо́бне, сего́ ра́ди ни па́мять пре́жняго твоего́ жития́, ни сла́вы и бога́тства отложе́ние, не возмого́ша смути́ти ду́х тво́й. Оба́че вся́ тяготы́ и ско́рби до́бре прене́сл еси́, науча́я на́с пе́ти ти́, я́ко и́ноков наста́внику:

Ра́дуйся, со отъя́тием вла́с во́ли своея́ отреши́выйся; ра́дуйся, смире́нное послуша́ние име́вый ко настоя́телю и бра́тии.

Ра́дуйся, в нищете́ сконча́вый дни́е своя́; ра́дуйся, посто́м истончи́вый пло́ти стра́стная.

Ра́дуйся, моли́твою просвети́вый ду́шу свою́; ра́дуйся, труды́ мно́гими пра́здности губи́тельныя бе́гавый.

Ра́дуйся, Адриа́не, ско́рый на́ш помо́щниче и чудотво́рче.

Конда́к 6.

Пропове́дниче смире́ния, преподо́бне о́тче на́ш Адриа́не, егда́ от настоя́теля и от бра́тии зело́ почита́ем бы́л еси́, сла́вы сея́ а́ки тя́жкаго бре́мене беги́й, та́йно отше́л еси́ в ме́сто бла́тно, отню́ду же наста́вника твоего́ Алекса́ндра по вре́мени посеща́л еси́ и с ни́м еди́неми усты́ и се́рдцем воспева́л еси́ Бо́гови: Аллилу́ия.

И́кос 6.

Возсия́ из пусты́ни доброде́тель твоя́, преподо́бне Адриа́не, и мно́ги привлече́ к тебе́ спорабо́тати хотя́щих, иму́ще тя́ искуше́нна наста́вника и му́дра. Сбы́стся о тебе́ сло́во Госпо́дне: не мо́жет гра́д укры́тися верху́ горы́ стоя́. Те́мже ти́ вопие́м:

Ра́дуйся, смире́нием возше́дый на го́ру доброде́телей благочести́вых; ра́дуйся, во убо́зей хи́жине возсыла́вый к Го́споду моли́твы те́плыя.

Ра́дуйся, зно́й и мра́к та́мо со благоду́шием преноси́вый; ра́дуйся, моли́твою прогоня́вый мра́чныя де́моны.

Ра́дуйся, препобеди́вый те́х многоразли́чная страхова́ния; ра́дуйся, пусты́ннаго жития́ рачи́телю.

Ра́дуйся, Адриа́не, ско́рый на́ш помо́щниче и чудотво́рче.

Конда́к 7.

Хотя́й спасе́ния на́шего Госпо́дь апо́столом Иа́ковом рече́: и́же а́ще обрати́т гре́шника от пути́ его́ нечести́ваго, спасе́т ду́шу и покры́ет мно́жество грехо́в. — Ты́ же, преподо́бне, сия́ памяту́юще, с любо́вию приима́л еси́ к тебе́ притека́ющих, и с ни́ми усе́рдная моле́ния возсыла́л еси́, науча́я и́х со и́скренним умиле́нием ду́ха пе́ти: Аллилу́ия.

И́кос 7.

Купе́ль Силоа́мская бы́сть оби́тель твоя́ гре́шником; два́ бо разбо́йника моли́твами твои́ми упра́вишася на пу́ть покая́ния и ве́чнаго спасе́ния: от ни́х же еди́н в оби́тели твое́й дни́е благоче́стно сконча́, други́й же Киприа́н имено́ван бы́в, оби́тель Стороже́вскую согради́ и мно́гия во спасе́ние упра́ви. Я́же помина́юще, та́ко ти́ рце́м:

Ра́дуйся, о ми́ре всего́ ми́ра неусы́пный моли́твенниче; ра́дуйся, умоли́вый слеза́ми разбо́йника Ондру́са не изгоня́ти тя́ со ученики́ из пусты́ни сея́ го́ркия.

Ра́дуйся, того́, от сопе́рника плене́нна и ко убие́нию свя́занна моли́твою разреши́вый от у́з и явле́нием; ра́дуйся, те́м и о́наго к позна́нию си́лы Бо́жия приведы́й а́бие.

Ра́дуйся, я́ко о́ба во оби́тели твое́й слеза́ми покая́ния омы́ша душе́вный сво́й позо́р; ра́дуйся, учениче́ Христо́в, приведы́й лю́тая разбо́йника ко подража́нию благоразу́мнаго разбо́йника.

Ра́дуйся, Адриа́не, ско́рый на́ш помо́щниче и чудотво́рче.

Конда́к 8.

Стра́нниче в земно́й юдо́ли, преподо́бне Адриа́не, покро́в стра́нником созда́л еси́, егда́ оби́тель Ондру́совскую согради́л еси́ ко утеше́нию и спасе́нию к тебе́ собра́вшихся, и хра́мом в че́сть Успе́ния Пречи́стыя Влады́чицы Богоро́дицы украси́л еси́, Ейже со умиле́нием вы́ну взыва́л еси́: к кому́ прибе́гну в го́рести мое́й, или́ к кому́ припаду́ в печа́ли мое́й, ра́зве не к Тебе́, Влады́чице? И сла́вил еси́ Тро́ицу Живонача́льную пе́снию: Аллилу́ия.

И́кос 8.

Вся́ во оби́тели твое́й устро́ив благообра́зно и по чи́ну, в ца́рствующий гра́д отше́л еси́, преподо́бне, да благодаре́ние возда́си царю́ благочести́вому за ми́лости, я́же оби́тели твое́й яви́. Сия́ помина́юще, та́ко тя́ хва́лим досто́йно:

Ра́дуйся, бра́тии ра́ди понесы́й труды́ мно́гия; ра́дуйся, показа́телю прия́тия дая́ний со благодаре́нием.

Ра́дуйся, убо́гим и́ноком дости́гий гра́да, в не́мже в бога́тстве и сла́ве пожи́л еси́ в ю́ности; ра́дуйся, любе́зне царе́м Иоа́нном прия́тый и цари́цею Анастаси́ею кро́ткою.

Ра́дуйся, со Генна́дием Костромски́м от купе́ли креще́ния дще́рь царе́ву прия́ти сподо́бивыйся; ра́дуйся, па́ки стра́нником в пусты́ню убо́гую пу́ть прие́мый.

Ра́дуйся, Адриа́не, ско́рый на́ш помо́щниче и чудотво́рче.

Конда́к 9.

Вседу́шне прилепи́вшеся к тле́нному стяжа́нию и непра́ведным прибы́тком, не́ции от о́крест оби́тели твоея́ живу́щих нападо́ша на тя́, из ца́рствующаго гра́да возвраща́ющагося, мня́ще да́ры ца́рския похи́тити. Посрами́шася же во зло́м свое́м упова́нии, то́чию суму́ стра́нническу обрето́ша при тебе́ проли́вшии кро́вь твою́. Ты́ же в коне́ц жития́ страда́льческою кончи́ною украси́лся еси́ и возше́л еси́ на небеса́ с побе́дною пе́снию: Аллилу́ия.

И́кос 9.

Вити́йствующая уста́ твоя́ умолко́ша, сокры́шася кро́тции о́чи твоя́ и безгла́сен бы́л еси́, ста́рче му́дрый и нестяжа́тельный, земля́ скры́ тво́й ли́к умиле́нный, но сла́ва твои́х исправле́ний не у́мре, и мы́, чту́ще па́мять твою́, та́ко ти́ вопие́м:

Ра́дуйся, ра́бе, вше́дый в ра́дость Го́спода твоего́; ра́дуйся, нището́ю духо́вною обреты́й бога́тство неиждива́емое.

Ра́дуйся, жа́ждавый пра́вды, дне́сь зря́й пра́вду ве́чную; ра́дуйся, кро́тостию стяжа́вый зе́млю святы́х.

Ра́дуйся, в ско́рби вре́меннаго жития́ зело́ дне́сь уте́шенный; ра́дуйся, при́сный собесе́дниче Алекса́ндра Сви́рскаго.

Ра́дуйся, Адриа́не, ско́рый на́ш помо́щниче и чудотво́рче.

Конда́к 10.

Спасе́ния ра́ди и утеше́ния бра́тии по не́коем вре́мени откры́л еси́ еди́ному от и́нок, иде́же губи́телие сокры́ша честны́я мо́щи твоя́. Я́коже бо предре́кл еси́, та́ко и бы́сть: ко́нь бо бе́л обре́теся побли́зости, ору́щу не́коему земледе́льцу ту́, и́же и приведе́ к ме́сту бла́тну, из него́же извлеко́ша твое́ многотру́дное те́ло. Обре́тше же о́ное, тле́нию неприча́стное, вси́ просла́виша Бо́га пе́снию: Аллилу́ия.

И́кос 10.

Стена́ спаси́тельная бы́сть в дре́вняя времена́ оби́тель твоя́, преподо́бне, от мра́ка грехо́внаго и суеве́рия язы́ческаго, уча́щи лю́ди боголюбе́зному житию́. И па́мять исправле́ний твои́х не забве́ся, оба́че науча́ет на́с пе́ти тебе́ такова́я хвалы́:

Ра́дуйся, при́сный во благоче́стии наста́вниче; ра́дуйся, неусы́пный зде́ обита́ющих охрани́телю.

Ра́дуйся, низводя́й Бо́жие на ны́ благослове́ние; ра́дуйся, тя́ призыва́ющих защи́тителю.

Ра́дуйся, я́ко никто́ прося́й с ве́рою, то́щ от тебе́ отхо́дит; ра́дуйся, я́ко вся́к прие́млет проси́мое с ве́рою те́плою.

Ра́дуйся, Адриа́не, ско́рый на́ш помо́щниче и чудотво́рче.

Конда́к 11.

Пе́ние и зво́н не умолче́ на ме́сте, иде́же потруди́лся еси́, преподо́бне: не то́чию бо мно́зи ве́рующии притека́ют ко гро́бу твоему́ и ту́ исцеле́ния подае́ши, но и на вода́х пла́вающим спосо́бствуеши. Валаа́мскаго бо игу́мена Инноке́нтия, со святи́телем Никола́ем я́влься, спа́сл еси́ от потопле́ния на е́зере Ла́дожстем в нощи́ те́мней, и ве́тру зело́ свирепе́ющу, и кора́блецу разруше́нну бы́вшу, е́же памяту́юще, вопие́м умиле́нне: Аллилу́ия.

И́кос 11.

Светоприе́мная свеща́ благода́ти Бо́жия яви́ся гро́б тво́й, преподо́бне, и́же многоразли́чая источа́ет чудеса́, врачу́я стра́сти неисце́льныя и науча́я на́с пе́ти тебе́:

Ра́дуйся, его́же па́мять с похвала́ми; ра́дуйся, я́ко гро́б тво́й исто́чник исцеле́ний яви́ся.

Ра́дуйся, я́ко ко́сти твоя́ а́ки Елиссе́овы чудотворя́т; ра́дуйся, я́ко житие́м святы́м очи́стил еси́ пло́ти стра́стная.

Ра́дуйся, благода́ти Бо́жия прия́телище; ра́дуйся, прише́ствия втора́го Христо́ва провозве́стниче.

Ра́дуйся, Адриа́не, ско́рый на́ш помо́щниче и чудотво́рче.

Конда́к 12.

Благода́тию Бо́жиею иму́щаго бы́ти о́бщаго все́х воскресе́ния увери́теля, яви́ тя́ Влады́ка Христо́с, преподо́бне: гро́б бо тво́й, чудеса́ источа́яй, я́ве веща́ет, я́ко гряде́т ча́с, в о́ньже вси́ ме́ртвии оживу́т и изы́дут: сотво́ршии зла́я в воскреше́ние суда́, а сотво́ршии блага́я в воскреше́ние живота́, пою́ще Бо́гови: Аллилу́ия.

И́кос 12.

Пое́м твоя́ ми́лости и чудеса́, преподо́бне о́тче на́ш Адриа́не: вы́ну бо и по отше́ствии свое́м на́с не оставля́еши, все́м бо потре́бная во спасе́ние ско́ро подае́ши, боле́зни и ско́рби на́ша незри́ме врачу́еши, да с ра́достию тебе́ вопие́м:

Ра́дуйся, незри́мый на́ш покрови́телю; ра́дуйся, нечи́стых духо́в прогони́телю.

Ра́дуйся, слепы́х прозре́ние; ра́дуйся, глухи́х слы́шание.

Ра́дуйся, разсла́бленных здра́вие; ра́дуйся, скорбя́щих утеше́ние.

Ра́дуйся, Адриа́не, ско́рый на́ш помо́щниче и чудотво́рче.

Конда́к 13.

О, преподо́бне и богоно́сне о́тче на́ш Адриа́не, приими́ сие́ ма́лое, от лю́бящих тя́ серде́ц приноси́мое хвале́ние. Я́ко име́яй ве́лие ко Го́сподеви дерзнове́ние, моли́ся за ны́, да изба́вит на́с от вся́ких бе́д и скорбе́й, вра́г ви́димых и неви́димых, напра́сныя сме́рти и бу́дущих му́к, и сподо́бит со избра́нными Его́ вы́ну пе́ти Ему́ со безпло́тными пе́снь вели́кую: Аллилу́ия.

Этот конда́к читается трижды, затем и́кос 1-й и конда́к 1-й.

Моли́тва преподо́бному Адриа́ну, игу́мену Ондру́совскому, Оло́нецкому чудотво́рцу.

О, преподо́бне о́тче Адриа́не, уго́дниче Бо́жий, пусты́нный жи́телю, послу́шниче Христо́в! Ты́ убие́ние от нечести́вых челове́к по науще́нию вра́жию претерпе́л еси́, но Госпо́дь Бо́г десна́го стоя́ния Своего́ со святы́ми тя́ сподо́би. Сего́ ра́ди к ра́це честны́х моще́й твои́х припа́даем и мо́лим тя́ усе́рдно: бу́ди моли́твенник ко Го́споду Бо́гу о на́с, гре́шных, святы́ми твои́ми моли́твами сохрани́ на́с от вся́каго зла́, огня́, гла́да, пото́па и вся́кия боле́зни и внеза́пныя сме́рти, и умоли́ Го́спода Бо́га дарова́ти на́м оставле́ние грехо́в, десна́го же стоя́ния и на́с сподо́бити, да непреста́нно прославля́ем Пресвяту́ю Тро́ицу, Отца́ и Сы́на и Свята́го Ду́ха, во ве́ки веко́в. Ами́нь.

Ґкafістъ с™0му прпdбному ґдріaну, и3гyмену nндрyсовскому, nл0нецкому чудотв0рцу

Кондaкъ №

И#збрaнниче б9ій, прпdбне џтче нaшъ ґдріaне, пріи1мъ крeстъ св0й, послёдовалъ є3си2 хrтY и3 дэsніемъ ўчи1лъ є3си2 презирaти пл0ть, прех0дитъ бо, прилежaти же њ души2 своeй безсмeртнэй. Тёмже со ѓгGлы срaдуетсz дyхъ тв0й, и3 мы2, земнjи, тS по д0лгу ўбlжaемъ, пою1ще:

Рaдуйсz, ґдріaне, ск0рый нaшъ пом0щниче и3 чудотв0рче.

Јкосъ №

ЃгGлъ земнhй и3 чlвёкъ бhвъ нбcный, всёмъ житіeмъ твои1мъ научаeши нaсъ, прпdбне: надёющійсz на гDа ћкw горA сіHнъ не подви1житсz во вёкъ. Т0й бо покрhетъ и3 въ дeнь напaсти, и3 сп7сeтъ t непріsзни. Ћже пaмzтствующе, тaкw ти2 рцeмъ:

Рaдуйсz, и3зрsдный сосyде блгdти бжcтвенныz: рaдуйсz, хrтA рaди њстaвивый вс‰ мjра сегw2 кр†снаz.

Рaдуйсz, тёснымъ и3 г0ркимъ путeмъ вшeдый въ вёчный жив0тъ: рaдуйсz, сегw2 рaди ѕэлw2 t гDа возлю1бленный.

Рaдуйсz, ди1вный въ чудесёхъ њ нaсъ моли1твенниче: рaдуйсz, ск0рый тS призывaющимъ споспёшниче.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ в7

Видёніе бЁ рaдостное, є3гдA тS, младeнца сyща, и3мени1тіи роди1теліе твои2 принес0ша въ хрaмъ гDень. Тaмо бо їерeй въ купёли крещeніz возроди2 тS во хrтЁ и3 сщ7eннымъ мmропомaзаніемъ даровA ти вс‰ си6лы, ћже къ животY и3 бlгочeстію, да вhну бGови со и3скуплeнными чтcн0ю є3гw2 кр0вію, вhну поeши: Ґллилyіа.

Јкосъ в7

Разумёвше твои2 роди1теліе, прпdбне, ћкw т0чію бlгочeстіе на вс‰ полє1знw, и3мёzй nбэтовaніе нhнэшнzгw и3 грzдyщагw житіS, тщaшасz тS воспитaти въ стрaсэ б9іемъ и3 цRкви с™ёй въ послушaніи, въ нeмже и3 пребhлъ є3си2 до скончaніz житіS. Сегw2 рaди тебЁ тaкw вопіeмъ:

Рaдуйсz, t р0да боsрскагw прозzбeніе ди1вное: рaдуйсz, ћкw въ купёли кRщeніz t дрeвніz клsтвы њмhлсz є3си2.

Рaдуйсz, ћкw дaръ премyдрости и3 рaзума пріsлъ є3си2 въ мmропомaзаніи: рaдуйсz, ћкw ўтверди1лсz въ тебЁ дyхъ совёта и3 крёпости.

Рaдуйсz, тебё же ўкрэпи1шасz вс‰ си6лы є3стествA во сп7сeніе вёчное: рaдуйсz, призвaнный къ дёланію дух0вному t служeніz въ дружи1нэ кнsжестэй.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ G

Си1лою блгdти б9іz приведeнъ бhвъ ко прпdбному пустынножи1телю ґлеxaндру сви1рскому, терпёнію тогw2 ўмили1лсz є3си2, прпdбне, ѓще и3 млaдъ бhвъ боsринъ и3 t вели1кагw кнsзz люби1мъ, nбaче си1лу словeсъ хrт0выхъ, ѓще кто2 х0щетъ по мнЁ и3ти2, да tвeржетсz себE и3 в0зметъ крeстъ св0й и3 по мнЁ да и4детъ, ўразумёлъ є3си2, и3 томY невозврaтнw послёдовалъ є3си2 съ пёснію: Ґллилyіа.

Јкосъ G

И#мёніz мн0га бёднымъ раздaлъ є3си2, прпdбне, и3 вс‰ tложи1въ, къ прпdбному ґлеxaндру пришeлъ є3си2 и3 жест0кому тогw2 житію2 поревновaлъ є3си2, слhшай днeсь t нaсъ по достоsнію сицєвhz хвалы6:

Рaдуйсz, ћкw же дрeвлэ є3vстafій плаки1да, є3лeнемъ приведeнный къ сп7си1тельному пути2 жи1зни твоеS: рaдуйсz, њбрётый пустhннагw мyжа, t нег0же познaлъ є3си2 и4ноческое пустhнное житіE.

Рaдуйсz, т0е возлюби1вый ѓбіе: рaдуйсz, ревни1телю и4ноческихъ п0двигwвъ.

Рaдуйсz, є3г0же дyхъ ћкw є3лeнь возжадA къ бGу крёпкому, жив0му: рaдуйсz, ўченичE ди1внагw ґлеxaндра, с™hz трbцы собесёдника.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ д7

Бyри є4зера лaдожскагw не ўбоsлсz є3си2, прпdбне, є3гдA бyри и3 суеты2 житeйскіz бэжaлъ є3си2: съ рaдостію бо ўстреми1лсz є3си2, tню1дуже ћкw свэщи6, во тмЁ мерц†ющіz, свэтsху и3 зв0номъ церк0внымъ њкрє1стнаz њглашaюща, nби1тєли валаaмскаz и3 конeвскаz ўкрашaхусz ли1ки и4ноческими, и4же нем0лчнw воспэвaху бGови: Ґллилyіа.

Јкосъ д7

Слhша бжcтвенное пёніе и3 зрS монaхwвъ мн0жества, къ стопaмъ и3гyмена валаaмскагw припaлъ є3си2, прпdбне, и3 смирeннэ моли1лъ є3си2, да пріи1метъ тS ћкw є3ди1нагw t наeмникъ. Мh же, зрS твоE смирeніе, тaко ти2 рцeмъ:

Рaдуйсz, пришeльче, знaтность р0да сокрhвый глубин0ю смирeніz: рaдуйсz, пріsтіе nбёта нестzжaніz ўпреди1вый раздаsніемъ и3мёній мeньшей брaтіи.

Рaдуйсz, брaку чтcн0му предпочтhй њбручeніе ґгGлоoбрaзному житію: рaдуйсz, всsкое послушaніе пріимaвый со бlгодарeніемъ.

Рaдуйсz, вс‰ тzготы6 и3скушeніz и4ноческагw пренесhй д0брэ: рaдуйсz, тaкw сz предугот0вавый ко пріsтію и4ноческагw вели1кагw п0стрига.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ є7

БGотeчный ґпcлъ пavелъ мн0ги стрaны њбтекjй бlговэствyz є3ђліе, глаг0лаше вёрнымъ: глаг0лю безбрaчнымъ и3 вдови1цамъ, добро2 и4мъ є4сть ѓще пребyдутъ ћкw же и3 ѓзъ, ѓще ли же ни2, да посzгaютъ. Њжени1выйсz бо печeтсz, кaкw ўгоди1ти женЁ, ґ не њжени1выйсz печeтсz, кaкw ўгоди1ти гDеви. Тh же, прпdбне, дёвство пaче брaка чтcнA и3збрaлъ є3си2, ћкw дyху твоемY ср0дное, и3 є3гдA ѓгGльскагw џбраза спод0билсz є3си2, ўмилeннэ воспёлъ є3си2 бGови: Ґллилyіа.

Јкосъ є7

ВрачA нбcнагw ўмоли1лъ є3си2, прпdбне, сегw2 рaди ни пaмzть прeжнzгw твоегw2 житіS, ни слaвы и3 богaтства tложeніе, не возмог0ша смути1ти дyхъ тв0й. Nбaче вс‰ тzготы6 и3 скHрби д0брэ пренeслъ є3си2, научaz нaсъ пёти ти2, ћкw и4нокwвъ настaвнику:

Рaдуйсz, со tsтіемъ влaсъ в0ли своеS tрэши1выйсz: рaдуйсz, смирeнное послушaніе и3мёвый ко настоsтелю и3 брaтіи.

Рaдуйсz, въ нищетЁ скончaвый днjе сво‰: рaдуйсz, пост0мъ и3стончи1вый пл0ти стрaстнаz.

Рaдуйсz, моли1твою просвэти1вый дyшу свою2: рaдуйсz, труды2 мн0гими прaздности губи1тельныz бёгавый.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ ѕ7

Проповёдниче смирeніz, прпdбне џтче нaшъ ґдріaне, є3гдA t настоsтелz и3 t брaтіи ѕэлw2 почитaемъ бhлъ є3си2, слaвы сеS ѓки тsжкагw брeмене бэгjй, тaйнw tшeлъ є3си2 въ мёсто блaтнw, tню1ду же настaвника твоегw2 ґлеxaндра по врeмени посэщaлъ є3си2 и3 съ ни1мъ є3ди1нэми ўсты2 и3 сeрдцемъ воспэвaлъ є3си2 бGови: Ґллилyіа.

Јкосъ ѕ7

ВозсіS и3з8 пустhни добродётель твоS, прпdбне ґдріaне, и3 мн0ги привлечE къ тебЁ спораб0тати хотsщихъ, и3мyще тS и3скушeнна настaвника и3 мyдра. Сбhстсz њ тебЁ сл0во гDне: не м0жетъ грaдъ ўкрhтисz верхY горы2 стоS. Тёмже ти2 вопіeмъ:

Рaдуйсz, смирeніемъ возшeдый на г0ру добродётелей бlгочести1выхъ: рaдуйсz, во ўб0зэй хи1жинэ возсылaвый къ гDу моли6твы тє1плыz.

Рaдуйсz, зн0й и3 мрaкъ тaмо со бlгодyшіемъ преноси1вый: рaдуйсz, моли1твою прогонsвый мрaчныz дeмоны.

Рaдуйсz, препобэди1вый тёхъ многоразли6чнаz страхов†ніz: рaдуйсz, пустhннагw житіS рачи1телю.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ з7

Хотsй сп7сeніz нaшегw гDь ґпcломъ їaкwвомъ речE: и4же ѓще њбрати1тъ грёшника t пути2 є3гw2 нечести1вагw, сп7сeтъ дyшу и3 покрhетъ мн0жество грэхHвъ. Тh же, прпdбне, сіS памzтyюще, съ люб0вію пріимaлъ є3си2 къ тебЁ притекaющихъ, и3 съ ни1ми ўсє1рднаz молє1ніz возсылaлъ є3си2, научaz и5хъ со и4скреннимъ ўмилeніемъ дyха пёти: Ґллилyіа.

Јкосъ з7

Купёль сілwaмскаz бhсть nби1тель твоS грёшникwмъ: двA бо разб0йника моли1твами твои1ми ўпрaвишасz на пyть покаsніz и3 вёчнагw сп7сeніz: t ни1хъ же є3ди1нъ въ nби1тели твоeй днjе бlгочeстнw скончA, другjй же кmпріaнъ и3меновaнъ бhвъ, nби1тель сторожeвскую согради2 и3 мнHгіz во сп7сeніе ўпрaви. Ћже поминaюще, тaкw ти2 рцeмъ:

Рaдуйсz, њ ми1рэ всегw2 мjра неусhпный моли1твенниче: рaдуйсz, ўмоли1вый слезaми разб0йника nндрyса не и3згонsти тS со ўченики2 и3з8 пустhни сеS г0ркіz.

Рaдуйсz, тогw2, t сопeрника плэнeнна и3 ко ўбіeнію свsзанна моли1твою разрэши1вый t ќзъ и3 kвлeніемъ: рaдуйсz, тёмъ и3 џнагw къ познaнію си1лы б9іz приведhй ѓбіе.

Рaдуйсz, ћкw џба во nби1тели твоeй слезaми покаsніz њмhша душeвный св0й поз0ръ: рaдуйсz, ўченичE хrт0въ, приведhй лю1таz разб0йника ко подражaнію бlгоразyмнагw разб0йника.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ }

Стрaнниче въ земн0й ю3д0ли, прпdбне ґдріaне, покр0въ стрaнникомъ создaлъ є3си2, є3гдA nби1тель nндрyсовскую согради1лъ є3си2 ко ўтэшeнію и3 сп7сeнію къ тебЁ собрaвшихсz, и3 хрaмомъ въ чeсть ўспeніz пречcтыz вLчицы бцdы ўкраси1лъ є3си2, є4йже со ўмилeніемъ вhну взывaлъ є3си2: къ комY прибёгну въ г0рести моeй, и3ли2 къ комY припадY въ въ печaли моeй, рaзвэ не къ тебЁ, вLчице; и3 слaвилъ є3си2 трbцу живоначaльную пёснію: Ґллилyіа.

Јкосъ }

Вс‰ во nби1тели твоeй ўстр0ивъ бlгоoбрaзнw и3 по чи1ну, въ цaрствующій грaдъ tшeлъ є3си2, прпdбне, да бlгодарeніе воздaси царю2 бlгочести1вому за ми1лости, ћже nби1тели твоeй kви2. СіS поминaюще, тaкw тS хвaлимъ дост0йнw:

Рaдуйсz, брaтіи рaди понесhй труды2 мнHгіz: рaдуйсz, показaтелю пріsтіz даsній со бlгодарeніемъ.

Рaдуйсz, ўб0гимъ и4нокомъ дости1гій грaда, въ нeмже въ богaтствэ и3 слaвэ пожи1лъ є3си2 въ ю4ности: рaдуйсz, любeзнэ царeмъ їwaнномъ пріsтый и3 цари1цею ґнастасjею кр0ткою.

Рaдуйсz, со геннaдіемъ костромски1мъ t купёли кRщeніz дщeрь царeву пріsти спод0бивыйсz: рaдуйсz, пaки стрaнникомъ въ пустhню ўб0гую пyть пріeмый.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ f7

Вседyшнэ прилэпи1вшесz къ тлённому стzжaнію и3 непрaведнымъ прибhткомъ, нёціи t w4крестъ nби1тели твоеS живyщихъ напад0ша на тS, и3з8 цaрствующагw грaда возвращaющагосz, мнsще дaры цaрскіz похи1тити. Посрами1шасz же во ѕл0мъ своeмъ ўповaніи, т0чію сумY стрaнническу њбрэт0ша при тебЁ проли1вшіи кр0вь твою2. Тh же въ конeцъ житіS страдaльческою кончи1ною ўкраси1лсz є3си2 и3 возшeлъ є3си2 на нб7сA съ побёдною пёснію: Ґллилyіа.

Јкосъ f7

Вэт‡йствующаz ўстA тво‰ ўмолк0ша, сокрhшасz кр0тціи џчи тво‰ и3 безглaсенъ бhлъ є3си2, стaрче мyдрый и3 нестzжaтельный, землS скры2 тв0й ли1къ ўмилeнный, но слaва твои1хъ и3справлeній не ќмре, и3 мы2, чтyще пaмzть твою2, тaкw ти2 вопіeмъ:

Рaдуйсz, рaбе, вшeдый въ рaдость гDа твоегw2: рaдуйсz, нищет0ю дух0вною њбрётый богaтство неиждивaемое.

Рaдуйсz, жaждавый прaвды, днeсь зрsй прaвду вёчную: рaдуйсz, кр0тостію стzжaвый зeмлю с™hхъ.

Рaдуйсz, въ ск0рби врeменнагw житіS ѕэлw2 днeсь ўтёшенный: рaдуйсz, при1сный собесёдниче ґлеxaндра сви1рскагw.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ ‹

Сп7сeніz рaди и3 ўтэшeніz брaтіи по нёкоемъ врeмени tкрhлъ є3си2 є3ди1ному t и4нwкъ, и3дёже губи1теліе сокрhша чтcнhz м0щи тво‰. Ћкw же бо предрeклъ є3си2, тaкw и3 бhсть: к0нь бо бёлъ њбрётесz побли1зости, њрyщу нёкоему земледёльцу тY, и4же и3 приведE къ мёсту блaтну, и3з8 нег0же и3звлек0ша твоE многотрyдное тёло. Њбрётше же џное, тлёнію непричaстное, вси2 прослaвиша бGа пёснію: Ґллилyіа.

Јкосъ ‹

СтэнA сп7си1тельнаz бhсть въ дрє1внzz временA nби1тель твоS, прпdбне, t мрaка грэх0внагw и3 суевёріz kзhческагw, ўчaщи лю1ди бGолюбeзному житію2. И# пaмzть и3справлeній твои1хъ не забвeсz, nбaче научaетъ нaсъ пёти тебЁ таков†z хвалы6:

Рaдуйсz, при1сный во бlгочeстіи настaвниче: рaдуйсz, неусhпный здЁ nбитaющихъ њхрани1телю.

Рaдуйсz, низводsй б9іе на ны2 бlгословeніе: рaдуйсz, тS призывaющихъ защи1тителю.

Рaдуйсz, ћкw никто2 просsй съ вёрою, т0щъ t тебє2 tх0дитъ: рaдуйсz, ћкw всsкъ пріeмлетъ проси1мое съ вёрою тeплою.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ №i

Пёніе и3 зв0нъ не ўмолчE на мёстэ, и3дёже потруди1лсz є3си2, прпdбне: не т0чію бо мн0зи вёрующіи притекaютъ ко гр0бу твоемY и3 тY и3сцэлє1ніz подаeши, но и3 на водaхъ плaвающимъ спос0бствуеши. Валаaмскагw бо и3гyмена їннокeнтіz, со с™и1телемъ ніколaемъ ћвльсz, спaслъ є3си2 t потоплeніz на є4зерэ лaдожстэмъ въ нощи2 тeмнэй, и3 вётру ѕэлw2 свирэпёющу, и3 корaблецу разрушeнну бhвшу, є4же памzтyюще, вопіeмъ ўмилeннэ: Ґллилyіа.

Јкосъ №i

Свэтопріeмнаz свэщA блгdти б9іz kви1сz гр0бъ тв0й, прпdбне, и4же многоразли1чаz и3сточaетъ чудесA, врачyz стрaсти неисцBльныz и3 научaz нaсъ пёти тебЁ:

Рaдуйсz, є3г0же пaмzть съ похвалaми: рaдуйсz, ћкw гр0бъ тв0й и3ст0чникъ и3сцэлeній kви1сz.

Рaдуйсz, ћкw кHсти тво‰ ѓки є3ліссeовы чудотворsтъ: рaдуйсz, ћкw житіeмъ с™hмъ њчи1стилъ є3си2 пл0ти стр†стнаz.

Рaдуйсz, блгdти б9іz пріsтелище: рaдуйсz, пришeствіz вторaгw хrт0ва провозвёстниче.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ в7i

Блгdтію б9іею и3мyщагw бhти џбщагw всёхъ воскресeніz ўвэри1телz, kви1 тz вLка хrт0съ, прпdбне: гр0бъ бо тв0й, чудесA и3сточazй, ћвэ вэщaетъ, ћкw грzдeтъ чaсъ, въ џньже вси2 мє1ртвіи њживyтъ и3 и3зhдутъ: сотв0ршіи ѕлaz въ воскрешeніе судA, ґ сотв0ршіи бlгaz въ воскрешeніе животA, пою1ще бGови: Ґллилyіа.

Јкосъ в7i

Поeмъ тво‰ ми6лости и3 чудесA, прпdбне џтче нaшъ ґдріaне: вhну бо и3 по tшeствіи своeмъ нaсъ не њставлsеши, всBмъ бо потрeбнаz во сп7сeніе ск0ро подаeши, болBзни и3 скHрби н†ша незри1мэ врачyеши, да съ рaдостію тебЁ вопіeмъ:

Рaдуйсz, незри1мый нaшъ покрови1телю: рaдуйсz, нечи1стыхъ духHвъ прогони1телю.

Рaдуйсz, слэпhхъ прозрёніе: рaдуйсz, глухи1хъ слhшаніе.

Рaдуйсz, разслaбленныхъ здрaвіе: рaдуйсz, скорбsщихъ ўтэшeніе.

Рaдуйсz, ґдріaне, ск0рый нaшъ пом0щниче и3 чудотв0рче.

Кондaкъ Gi

Q прпdбне и3 бGон0сне џтче нaшъ ґдріaне, пріими2 сіE мaлое, t лю1бzщихъ тz сердeцъ приноси1мое хвалeніе. Ћкw и3мёzй вeліе ко гDеви дерзновeніе, моли1сz за ны2, да и3збaвитъ нaсъ t всsкихъ бёдъ и3 ск0рбей, вр†гъ ви1димыхъ и3 неви1димыхъ, напрaсныz смeрти и3 бyдущихъ мyкъ, и3 спод0битъ со и3збрaнными є3гw2 вhну пёти є3мY со безпл0тными пёснь вели1кую: Ґллилyіа.

Сeй кондaкъ глаг0летсz три1жды. Тaже јкосъ №-й: ЃгGлъ земнhй: И# кондaкъ №-й: И#збрaнниче б9ій.

Мlтва прпdбному ґдріaну, и3гyмену nндрyсовскому, nл0нецкому чудотв0рцу

Q прпdбне џтче ґдріaне, ўг0дниче б9ій, пустhнный жи1телю, послyшниче хrт0въ! Ты2 ўбіeніе t нечести1выхъ чlвBкъ по наущeнію врaжію претерпёлъ є3си2, но гDь бGъ деснaгw стоsніz своегw2 со с™hми тz спод0би. Сегw2 рaди къ рaцэ чтcнhхъ мощeй твои1хъ припaдаемъ и3 м0лимъ тz ўсeрднw: бyди моли1твенникъ ко гDу бGу њ нaсъ, грёшныхъ, с™hми твои1ми моли1твами сохрани2 нaсъ t всsкагw ѕлA, nгнS, глaда, пот0па и3 вс‰кіz болBзни и3 внезaпныz смeрти, и3 ўмоли2 гDа бGа даровaти нaмъ њставлeніе грэхHвъ, деснaгw же стоsніz и3 нaсъ спод0бити, да непрестaннw прославлsемъ прес™yю трbцу, nц7A и3 сн7а и3 с™aгw д¦а, во вёки вэкHвъ. Ґми1нь.

Пре­по­доб­но­му­че­ник Адри­ан (в ми­ру дво­ря­нин Ан­дрей За­ва­ли­шин) – вла­де­лец бо­га­то­го име­ния (Ан­дре­ев­щи­ны) в 9 вер­стах от мо­на­сты­ря пре­по­доб­но­го Алек­сан­дра Свир­ско­го († 30 ав­гу­ста/12 сен­тяб­ря 1533 г.). Во вре­мя охо­ты на оле­ня в 1493 го­ду он слу­чай­но встре­тил пре­по­доб­но­го Алек­сандра Свир­ско­го и по­сле это­го ча­сто при­хо­дил к нему слу­шать на­став­ле­ния. Впо­след­ствии он до­став­лял хлеб его спо­движ­ни­кам. Оста­вив име­ние, он по­стриг­ся в Ва­ла­ам­ской оби­те­ли с име­нем Адри­ан. Через несколь­ко лет по бла­го­сло­ве­нию пре­по­доб­но­го Алек­сандра Свир­ско­го пре­по­доб­ный Адри­ан по­се­лил­ся в уеди­нен­ном ме­сте на по­лу­ост­ро­ве Ла­дож­ско­го озе­ра. Там был по­стро­ен храм в честь свя­ти­те­ля Ни­ко­лая Чу­до­твор­ца. На­про­тив по­се­ле­ния ино­ков, в дре­му­чем ле­су ост­ро­ва Са­ла (дебрь) укры­ва­лась шай­ка раз­бой­ни­ков под пред­во­ди­тель­ством Он­дру­са. Встре­тив­шись с пре­по­доб­ным, ата­ман по­тре­бо­вал, чтобы ино­ки по­ки­ну­ли свое ме­сто. Пре­по­доб­ный Адри­ан, не имея у се­бя де­нег, чтобы пред­ло­жить вы­куп за ме­сто, обе­щал ата­ма­ну хо­да­тай­ство­вать за него пе­ред Бо­гом. Раз­бой­ник сме­ял­ся над пре­по­доб­ным, но тот так дол­го и сми­рен­но умо­лял его, что ата­ман смяг­чил­ся и ска­зал: «Жи­ви­те».

Этот ата­ман вско­ре по­пал в плен к дру­гой шай­ке, пря­тав­шей­ся непо­да­ле­ку на ка­ме­ни­стом Сто­ро­жев­ском мысу. Несчаст­ный знал, что по­сле страш­ных ис­тя­за­ний его ожи­да­ет смерть, и горь­ко рас­ка­и­вал­ся в преж­ней жиз­ни. Вдруг он уви­дел пе­ред со­бой пре­по­доб­но­го Адри­а­на, ко­то­рый ска­зал: «По ми­ло­сер­дию Гос­по­да, для Ко­то­ро­го про­си­ли у те­бя по­ща­ды пу­стын­но­му брат­ству, ты сво­бо­ден», – и ис­чез. Ата­ман уви­дел се­бя без оков на бе­ре­гу и ни­ко­го во­круг. По­ра­жен­ный, он по­спе­шил в оби­тель пре­по­доб­но­го Адри­а­на и на­шел всех по­движ­ни­ков на псал­мо­пе­нии. Ока­за­лось, что пре­по­доб­ный не вы­хо­дил из оби­те­ли. Раз­бой­ник пал к но­гам на­сто­я­те­ля и про­сил при­нять его в бра­тию. Остав­лен­ный в оби­те­ли, он окон­чил жизнь в по­ка­я­нии. Так­же рас­ка­ял­ся и раз­бой­ник дру­гой шай­ки. По мо­лит­вам пре­по­доб­но­го Адри­а­на он при­нял по­стриг с име­нем Ки­при­ан. А впо­след­ствии ос­но­вал на ме­сте при­то­ка оби­тель и про­сла­вил­ся чу­де­са­ми.

По свя­то­сти жиз­ни пре­по­доб­ный Адри­ан был из­ве­стен са­мо­му ца­рю Иоан­ну Гроз­но­му, по­это­му оби­тель по­лу­ча­ла вкла­ды. Пре­по­доб­ный был при­гла­шен для вос­при­я­тия от ку­пе­ли Св. Кре­ще­ния до­че­ри Иоан­на Гроз­но­го Ан­ны в ав­гу­сте 1549 го­да. Ко­гда свя­той ста­рец воз­вра­щал­ся из Моск­вы в свою оби­тель и уже неда­ле­ко был от нее, близ се­ле­ния Об­жи злые лю­ди на­па­ли на него и уби­ли; зло­деи на­де­я­лись най­ти у него день­ги и не на­шли ни­че­го. Бра­тия дол­го и на­прас­но ожи­да­ли его воз­вра­ще­ния; спу­стя два го­да в од­ну ночь явил­ся пре­по­доб­ный Адри­ан несколь­ким стар­цам Он­дру­со­вой пу­сты­ни, рас­ска­зы­вая о стра­даль­че­ской сво­ей кон­чине, ука­зал ме­сто, где зло­деи скры­ли его те­ло и по­ве­лел пе­ре­не­сти оное в оби­тель. На дру­гой день, 17 мая, бра­тия об­ре­ли его нетлен­ное те­ло в бо­ло­те и пре­да­ли по­гре­бе­нию у сте­ны церк­ви в честь свя­ти­те­ля Ни­ко­лая. В ско­ром вре­ме­ни ста­ли чтить его па­мять как свя­то­го. В ак­те 1659 го­да ска­за­но: «Ми­ло­сти­во пре­по­доб­но­го от­ца на­ше­го на­чаль­ни­ка игу­ме­на Адри­а­на дан вклад в дом Пре­чи­стыя Бо­го­ро­ди­цы и чу­до­твор­цу Адри­а­ну» (Юрид. ак­ты, № 128). Им­пе­ра­тор Алек­сандр I, обо­зре­вая в 1819 го­ду Оло­нец­кую гу­бер­нию, по­же­лал по­кло­нить­ся пре­по­доб­но­му­че­ни­ку Адри­а­ну, взял в про­вод­ни­ки кре­стья­ни­на и без сви­ты от­пра­вил­ся ко гро­бу пре­по­доб­но­го. Здесь дол­го мо­лил­ся он со сле­за­ми, а по­том при­слал в оби­тель цер­ков­ные со­су­ды и бо­го­слу­жеб­ные кни­ги. В 1828 го­ду мо­щи пре­по­доб­но­го Адри­а­на пе­ре­не­се­ны в но­вый ка­мен­ный храм Вве­де­ния Бо­го­ма­те­ри. В ру­ко­пис­ном Оло­нец­ком треб­ни­ке под 17 чис­лом мая за­ме­че­но: «Сей день пе­ре­не­се­ния мо­щей пре­по­доб­но­го от­ца на­ше­го Адри­а­на, игу­ме­на Ни­ко­ла­ев­ско­го мо­на­сты­ря, на Ла­дож­ском озе­ре, на Он­дру­со­вом ост­ро­ве, в Оло­нец­ком уез­де, но­ва­го чу­до­твор­ца, а па­мять его празд­ну­ет­ся 26 ав­гу­ста».