Акафист святому преподобному Афанасию, игумену Высоцкому, Серпуховскому чудотворцу

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 25 сентября (12 сентября ст. ст.)

Не утвержден для общецерковного использования.

Кондак 1

Избранному Богом во игумена обители Высоцкия и дивному в преподобных отцу нашему Афанасию составим похвалу! Той бо, яко отец чадолюбивый, молит за ны прославльшаго его Господа да сохранит обитель сию от нестроений и наветов злых человек и нас всех соблюдет в мире и единомыслии и любви; мы же любовию сыновней к нему преисполненнии, со умилением благодарственно зовем дивному угоднику Христову: Радуйся, преподобне отче наш Афанасие, Высоцкий чудотворче.

Икос 1

Ангелов Творец и всея твари Создатель, явивый Церкви Святей всесветлаго светильника, от града Ярославля призвавый тя, преподобне отче наш Афанасие, в пределы града Серпухова во обитель Пречистыя Девы иже на Высоком приведе тя. Мы же, видя совершение благия воли Господни на тебе, с любовию вопием ти сице: Радуйся, града Ярославля преславное прозябение. Радуйся, пророка древняго Амоса имя получивый при крещении. Радуйся, яко из детска ум и душу твою Господеви предавый. Радуйся, любве ради ко Господу дом отеческий оставивый. Радуйся, во обитель Высоцкую пришедый и тамо покой душе своей обретый: Радуйся, от юности твоея ярем Христов на ся восприявый. Радуйся, богомудрым учителем твоим Афанасием в монашестем делании умудренный. Радуйся, образ иноческаго доброделания чрез все житие твое пронесый. Радуйся, преподобне отче наш Афанасие, Высоцкий чудотворче.

Кондак 2

Видев преподобный Афанасий строгия уставы обители Высоцкия возрадовался духом: издетска бо желаху постное иноческое житие на себе восприяти и Богу пети: Аллилуиа.

Икос 2

Разуме преподобный учитель твой Афанасий велию ревность твою по Бозе и яко богоугодным житием твоим безсмертие улучиши духовное, Афанасием тя нарекает — безсмертию тезоименитым содевает. Восхваляюще дивное житие твое, преподобне, приносим ти сия похвальныя словеса: Радуйся, блаженнаго Афанасия, первого игумена Высоцкаго, любимый учениче. Радуйся, от руки его постриг монашеский приемый. Радуйся, Афанасием им нареченный. Радуйся, руководством его ко спасению вечному направленный. Радуйся, духовнаго отца своего Афанасия благая отрасль и духодвижная. Радуйся, яко во игумена обители Высоцкой им поставленный. Радуйся, вельми во временней сей жизни подвизавыйся и многих ко спасению приведый. Радуйся, яко и по ныне руководствуеши ны во Отечество Небесное молитвами твоими. Радуйся, преподобне отче наш Афанасие, Высоцкий чудотворче.

Кондак 3

Силою вышняго управляем учитель твой, преподобне отче, со святителем Киприаном Царяграда достиже и тамо престол Патриаршия славы наследова, отгуду бо утешаху тя, подвизая пети: Аллилуиа.

Икос 3

Имея в иночестем житии мудраго наставника блаженнаго Афанасия, преуспевал еси преподобне, в подвизех и трудех, восходя от силы в силу, да совершен инок явишися и отец братии чадолюбивый. Мы же, воспевая подвиги и труды твоя, взываем ти сице: Радуйся, всех любезно в доброе и спасительное пристанище наставляющий; Радуйся, в монашеское отишие, аки в некоем корабле безопасном, к тебе приходящих водителю. Радуйся, собранное тобою духовное стадо бодренным оком выну назирающий. Радуйся, твоих учеников и наследников непрестанно на путь Божиих заповедей наставляющий. Радуйся, не словом точию, но множае паче делом и усердною к Богу молитвою их поучающий. Радуйся, твоих купножителей монашескими правилы красно и боголепно украшающий. Радуйся, заповедей и велений Божиих усерднейший исполнителю. Радуйся, к чистому и непорочному житию благопоспешный предводителю. Радуйся, преподобне отче наш Афанасие, Высоцкий чудотворче.

Кондак 4

Бурю житейскаго моря воздвизаемую на люди Христовы человекоубийцею искони диаволом научал еси безбедно преходити, глаголя: «сохраняйтеся в малом, да не впадете в великая, блюдите помышления ваша немятежна и Богу пойте присно: Аллилуиа».

Икос 4

Слышаша ближнии и дальнии богоугодное житие твое, Афанасие отче наш, и к потоку богодухновенных словес твоих во множестве притекаху, с веселием зовуще тебе: Радуйся, отче наш преславный. Радуйся, пастырю наш предобрый. Радуйся, наставниче наш, Богом наученный. Радуйся, добродетели всякия правило. Радуйся, разсуждения даром почтенный. Радуйся, смирением на высоту вознесенный. Радуйся, благочестивым житием твоим многия приведый ко спасению. Радуйся, богоугодными словесы твоими к Небеси указывый вернейший путь восхождения. Радуйся, преподобне отче наш Афанасие, Высоцкий чудотворче.

Кондак 5

Боготечное светило, путь жизни твоея озаряющее, бысть тебе учитель твой святитель Цареградский Афанасий, из страны бо дальния со иеромонахом Виктором чудныя иконы и иныя потребныя вещи обители твоей дарствует, поюще всех благих Подателю Богу: Аллилуиа.

Икос 5

Видеша, преподобне отче наш Афанасие, дивный дар наставника твоего, разумеша скорбь его велию о отечествии своем. И моляху о нем Господа, да утешит его во стране чуждей суща. Молися и о нас, чадех твоих, во юдоли сей плачевней жительствующих и к твоему предстательству прибегающих и тако тебе вопиющих: Радуйся, непрестанными молитвами сердце твое освятивый. Радуйся, мысль твою в Бозе угвердивый. Радуйся, очеса твоя всегда на небо возводивый. Радуйся, молитвою твоею отца твоего духовнаго утешивший. Радуйся, яко от Горних высот и нас, многогрешных, милостиво назираеши. Радуйся, в бедах и обстояниих помощниче скорый. Радуйся, предстателю о нас пред Господем непостыдный. Радуйся, к Богородице молитвенниче наш неусыпный. Радуйся, преподобне отче наш Афанасие, Высоцкий чудотворче.

Кондак 6

Проповедник богоносный быв, отче наш Афанасие, истинному боговедению и благочестию научал еси братию твою присно, паче же образом жития своего наставляя на путь спасения, да вопиют вси Спасителю Богу: Аллилуиа.

Икос 6

Возсиял еси во обители Высоцкой в дому Пречистыя Девы Богородицы в славнем граде Серпухове, преподобне, дивным житием твоим, якоже светило многосветлое, тьму неведения и уныния от приходящих к тебе отгоняя и вся увещавая плоть духови покоряти и невозвратным помыслом Христу работати. Сего ради приими от нас похвалы сия: Радуйся, милосердием твоим на покаяние подвизаяй. Радуйся, никогоже приходящаго к тебе вон изгоняяй. Радуйся, горесть жития молитвою услаждати и научаяй. Радуйся, во Едином Бозе всю сладость жития полагати вразумляяй. Радуйся, приятное благоухание духовнаго умиления. Радуйся, обитель Высоцкую и град Серпухов молитвою твоею облагоухавый. Радуйся, делателю благий, в мале верный, над многим поставленный. Радуйся, в радость Господа твоего вшедый. Радуйся, преподобне отче наш Афанасие, Высоцкий чудотворче.

Кондак 7

Хотящу Всевышнему Мироправителю призвати праведника своего в Небесныя Скинии по немалых летех во игуменстве пребывша, на кончину изнеможение старческое и скорбь телесе приял еси, преподобне, якоже Иов оный не преставая благословляти Господа и пети Ему: Аллилуиа.

Икос 7

Ново и необычайно течение совершил еси жития твоего, святче Божий, в мире сем чуждо всякия скверны греховныя, сего бо ради аще и умерл еси на земли плотию, но душею в вышнем селении всегда жив сый, нам же, во святей обители твоей живущим, теплым твоим ходатайством пособствуеши, вопиющим к тебе таковая: Радуйся, Ангелов подобниче и человеков красото. Радуйся, святости и чистоты крине благоуханный. Радуйся, терпением твоим с многострадальным Иовом сравнивыйся. Радуйся, болезньми многими здравие души стяжавый. Радуйся, жителю Божественнаго селения. Радуйся, достигий вечнаго упокоения. Радуйся, всесветлаго Царствия Христова наследниче. Радуйся, Иерусалима Горняго граждане. Радуйся, преподобне отче наш Афанасие, Высоцкий чудотворче.

Кондак 8

Слышавши убо о блаженней кончине твоей, премилостивый, обители твоея братия и многия люди собрашася на успение твое; многотрудное тело твое достодолжно с чинопением честно провождающе, погребоша оное во гробе, надгробное рыдание творяще песнь: Аллилуиа.

Икос 8

Весь сладость и желание тебе, преблаженне, бысть Христос Иисус, егда в житии сем молитву Его не преставал еси повторяти; и в преселении твоем от земных в небесная истее причастился, отче, сладости и желания в невечернем дни Царствия Его. О сем ведуще и о таковом блаженном успении твоем радующеся, сия достойныя тебе приносим глаголы: Радуйся, святче Божий, свято и праведно жизнь земную совершивый. Радуйся, во благоухании святыни сном смертным опочивый. Радуйся, на лоно Авраама Ангелы несенный. Радуйся, пением неземным от святых небожителей встреченный. Радуйся, яко память твоя с похвалами и успение со святыми. Радуйся, яко отверзошася тебе врата райская, и вшел еси в радость Господа твоего. Радуйся, венец безсмертныя жизни от руки Вседержителя приемый. Радуйся, в Чертозе Небеснаго Домовладыки ликовствуяй. Радуйся, преподобне отче наш Афанасие, Высоцкий чудотворче.

Кондак 9

Вся братия удивляхуся зело, егда церковных вещей хранитель на тя, преподобне, гневался и не хоте и на погребение мощей твоих итти и сего ради от дручения демонскаго мучим быв, в ров могильный ввержеся и абие исцеление получи, поя его мучения вражия свободившему Богу: Аллилуиа.

Икос 9

Витийствовати язык не довлеет воспевая милость и кротость твою, егда брату гневавшемуся на тя, преблаженне, прощение ниспослаше: уже сый в гробе своем погребен из онаго руку свою протяже, приемше брата твоего рекл еси ему: «вскоре имаши оставити жизнь свою, близ кончина твоя». И в третий день по глаголу блаженнаго преставися монах той. Сему удивляющеся вопием ти сице: Радуйся, разрушителю вражды и насадителю братолюбия. Радуйся, яко по успении твоем руку мира брату твоему милостиво подавый. Радуйся, сим преславным видением всех удививый. Радуйся, яко и по смерти твоей отец чадолюбивый являешися. Радуйся, щедрот и милования струя неизсякаемая. Радуйся, любве и сострадания явление многочудесное. Радуйся, душевных недугов благосердный целебниче. Радуйся, телесных болезней предивный врачу. Радуйся, преподобне отче наш Афанасие, Высоцкий чудотворче.

Кондак 10

Спасение принесл еси, блаженне, обители твоей и граду Серпухову иногда, егда зловерцы агаряне и польския люди разорити сии устремишася и множество народа плениша и разориша и острием меча побиша. Дивно в видении всем явися, враги устрашая и прогоняя, и вся верныя подвизая пети избавителю Богу: Аллилуиа.

Икос 10

Царя Небеснаго Христа явился еси отче грозный воин, егда на коне белом из обители вышедший виден был еси и в церковь каменну во граде стоящу вшедый, яко дивитися агаряном зело. От церкви же тоя, в руках жезл велик имея един, внезапу зело скоро на врагов оных устремися, грозя жезлом тем. И бежаша вон вся орда, убоявшися видения сего; людие же свобожденнии с благодарностию воспеша тебе: Радуйся, грозный карателю обидящих. Радуйся, обители твоея страже неусыпный. Радуйся, жезлом игуменским вся видимыя и невидимыя враги устрашивый. Радуйся, жезл настоятельства во обители твоей до ныне содержаяй. Радуйся, православному воинству и по преставлении твоем видимым образом споборствуяй. Радуйся, пределы отечества нашего твердым щитом твоего покрова защищаяй. Радуйся, святыя обители твоея присное охранение. Радуйся, града Серпухова необоримое защищение. Радуйся, преподобне отче наш Афанасие, Высоцкий чудотворче.

Кондак 11

Пение трисвятое слышаху братия не единощи, сладким гласом на гробе твоем воспеваемо, овогда убо кадяща гробы, овогда со свещами горящими обитель обходяща тя видеша. Познаша убо присно обители их попечение возрадовашася и Богу воспеша: Аллилуиа.

Икос 11

Свещы горящия видевше священнослужители и монахи и ины люди на гробе твоем, преподобне, помышляху преславное чудо быти. Чрез Ангелы бо прославляет Господь святыя Своя: возжигают бо тыя свещи церковныя, вкруг престола их обнося и к гробу святаго несут и взывают к нему таковая: Радуйся, Небеснаго Сиона жителю. Радуйся, нерукотворенных Скиний райских обитателю. Радуйся, дивный Христов угодниче. Радуйся, Богу присный любимче. Радуйся, со Ангелы присно ликуяй. Радуйся, с Преподобными ублажаемый. Радуйся, яко тобою Вышний на небеси и на земли славится. Радуйся, яко со Ангелы горе трисвятую песнь Ему немолчно поеши. Радуйся, преподобне отче наш Афанасие, Высоцкий чудотворче.

Кондак 12

Благодать великих чудес от Господа приял еси, преподобне отче наш Афанасие, и по достоянию чудотворец наречен был еси: ибо не токмо при жизни, но и по смерти, величием твоих чудес всех удивляеши, и ко славословию Промысла Божия подвизаеши, во еже пети о тебе чудес Творцу Богу: Аллилуиа.

Икос 12

Поюще радостную песнь хвалы и благодарения Человеколюбцу Богу, прославльшему тя во граде Серпухове во обители Высоцкой чудотворца дивнаго и милостиваго, молим тя, отче наш Афанасие: буди ходатай к Нему и молитвенник присный о нас, чадех твоих во обители твоей жительствующих и зовущих ти таковая: Радуйся, Пресвятыя Троицы верный служителю Радуйся, Пресвятыя Богородицы достойный предстоятелю. Радуйся, несомненною надеждою на Бога обитель твою созидавый. Радуйся, слезами молитвенными основание ея оросивый. Радуйся, обитель твою и по скончании твоем сохранивый. Радуйся, чада твоя духовная и по смерти твоей не забывый. Радуйся, приходящих во обитель твою на поклонение благий предстателю. Радуйся, почитающих святую память твою небесный покровителю. Радуйся, преподобне отче наш Афанасие, Высоцкий чудотворче.

Кондак 13

О, предивный угодниче Христов, преподобне отче наш Афанасие! Малое сие моление приими от нас, недостойных чад твоих, от любве тебе нами приносимое; молися о нас ко Всетворцу Богу, да утвердит нас на тернистом пути монашескаго делания и сподобит с тобою вкупе во Обителех Небесных воспевати Ему: Аллилуиа, Аллилуиа, Аллилуиа.

Этот кондак читается трижды, затем икос 1 и кондак 1.

Ґкafістъ прпdбному ґfанaсію, и3гyмену выс0цкому, сeрпуховскому чудотв0рцу

Кондaкъ №

И#збрaнному бGомъ во и3гyмена nби1тели выс0цкіz и3 ди1вному въ прпdбныхъ nтцY нaшему ґfанaсію состaвимъ похвалY. Т0й бо, ћкw nтeцъ чадолюби1вый, м0литъ за ны2 прослaвльшагw є3гw2 гDа да сохрани1тъ nби1тель сію2 t нестроeній и3 навётwвъ ѕлhхъ чlвBкъ и3 нaсъ всёхъ соблюдeтъ въ ми1рэ и3 є3диномhсліи и3 любви2: мh же люб0вію сын0внэй къ немY преисполнeнніи, со ўмилeніемъ бlгодaрственнw зовeмъ ди1вному ўг0днику хrт0ву:

Рaдуйсz, прпdбне џтче нaшъ ґfанaсіе, выс0цкій чудотв0рче.

Јкосъ №

ЃгGлwвъ творeцъ и3 всеS твaри создaтель, kви1вый цRкви с™ёй всесвётлагw свэти1льника, t грaда kрослaвлz призвaвый тS, прпdбне џтче нaшъ ґfанaсіе, въ предёлы грaда сeрпухова во nби1тель пречcтыz дв7ы и4же на выс0комъ приведЁ тS. Мh же, ви1дz совершeніе бlгjz в0ли гDни на тебЁ, съ люб0вію вопіeмъ ти2 си1це:

Рaдуйсz, грaда kрослaвлz преслaвное прозzбeніе: рaдуйсz, прbр0ка дрeвнzгw ґмHса и4мz получи1вый при кRщeніи.

Рaдуйсz, ћкw и3з8 дётска ќмъ и3 дyшу твою2 гDеви предaвый: рaдуйсz, любвE ради2 ко гDу д0мъ nтeческій њстaвивый.

Рaдуйсz, во nби1тель выс0цкую пришeдый и3 тaмо пок0й душЁ своeй њбрэтhй: рaдуйсz, t ю4ности твоеS kрeмъ хrт0въ на сS воспріsвый.

Рaдуйсz, бGомyдрымъ ўчи1телемъ твои1мъ ґfанaсіемъ въ монaшестэмъ дёланіи ўмудрeнный: рaдуйсz, џбразъ и4ноческагw добродёланіz чрез8 всE житіE твоE пронесhй.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ в7

Ви1дэвъ прпdбный ґfанaсій стрHгіz ўстaвы nби1тели выс0цкіz возрaдовалсz дyхомъ: и3здётска бо желaху п0стное и4ноческое житіE на себЁ воспріsти и3 бGу пёти: Ґллилyіа.

Јкосъ в7

РазумЁ прпdбный ўчи1тель тв0й ґfанaсій вeлію рeвность твою2 по бз7э и3 ћкw бGоуг0днымъ житіeмъ твои1мъ безсмeртіе ўлучи1ши дух0вное, ґfанaсіемъ тS нарекaетъ безсмeртію тезоимени1тымъ содэвaетъ. Восхвалsюще ди1вное житіE твоE, прпdбне, прин0симъ ти сі‰ похв†льныz словесA:

Рaдуйсz, бlжeннагw ґfанaсіz, пeрвагw и3гyмена выс0цкагw, люби1мый ўчени1че: рaдуйсz, t руки2 є3гw2 постри1гъ монaшескій пріeмый.

Рaдуйсz, ґfанaсіемъ и4мъ наречeнный: рaдуйсz, руков0дствомъ є3гw2 ко сп7сeнію вёчному напрaвленный.

Рaдуйсz, дух0внагw nтцA своегw2 ґfанaсіz бlгaz tрaсль и3 духодви1жнаz: рaдуйсz, ћкw во и3гyмена nби1тели выс0цкой и4мъ постaвленный.

Рaдуйсz, вельми2 во врeменнэй сeй жи1зни подвизaвыйсz и3 мн0гихъ ко сп7сeнію приведhй: рaдуйсz, ћкw и3 по нhнэ руков0дствуеши ны2 во nтeчество нбcное моли1твами твои1ми.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ G

Си1лою вhшнzгw ўправлsемъ ўчи1тель тв0й, прпdбне џтче, со с™и1телемъ кmпріaномъ царS грaда дости1же и3 тaмо прест0лъ патріaршіz слaвы наслёдова, tтyду бо ўтэшaху тS, подвизaz пёти: Ґллилyіа.

Јкосъ G

И#мёz въ и4ночестэмъ житіи2 мyдрагw настaвника бlжeннагw ґfанaсіz, преуспэвaлъ є3си2 прпdбне, въ п0двизэхъ и3 трудёхъ, восходS t си1лы въ си1лу, да совершeнъ и4нокъ kви1шисz и3 nтeцъ брaтіи чадолюби1вый. Мh же, воспэвaz п0двиги и3 труды2 тво‰, взывaемъ ти2 си1це:

Рaдуйсz, всёхъ любeзнw въ д0брое и3 сп7си1тельное пристaнище наставлsющій: рaдуйсz, въ монaшеское њти1шіе, ѓки въ нёкоемъ кораблЁ безoпaсномъ, къ тебЁ приходsщихъ води1телю.

Рaдуйсz, собрaнное тоб0ю дух0вное стaдо б0дреннымъ џкомъ вhну назирaющій: рaдуйсz, твои1хъ ўченикHвъ и3 наслёдникwвъ непрестaннw на пyть б9іихъ зaповэдей наставлsющій.

Рaдуйсz, не сл0вомъ т0чію, но мн0жае пaче дёломъ и3 ўсeрдною къ бGу моли1твою и5хъ поучaющій: рaдуйсz, твои1хъ купножи1телей монaшескими прaвилы крaснw и3 бGолёпнw ўкрашaющій.

Рaдуйсz, зaповэдей и3 велёній б9іихъ ўсeрднэйшій и3сполни1телю: рaдуйсz, къ чи1стому и3 непор0чному житію2 бlгопоспёшный предводи1телю.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ д7

Бyрю житeйскагw м0рz воздвизaемую на лю1ди хrт0вы чlвэкоубjйцею и3скони2 діaволомъ научaлъ є3си2 безбёднw преходи1ти, глаг0лz: сохранsйтесz въ мaломъ, да не впадeте въ вели1каz, блюди1те помышлє1ніz вaша немzтє1жна и3 бGу п0йте при1снw: Ґллилyіа.

Јкосъ д7

Слhшаша бли1жніи и3 дaльніи бGоуг0дное житіE твоE, ґfанaсіе џтче нaшъ, и3 къ пот0ку бGодухновeнныхъ словeсъ твои1хъ во мн0жествэ притекaху, съ весeліемъ зовyще тебЁ:

Рaдуйсz, џтче нaшъ преслaвный: рaдуйсz, пaстырю нaшъ пред0брый.

Рaдуйсz, настaвниче нaшъ, бGомъ научeнный: рaдуйсz, добродётели всsкіz прaвило.

Рaдуйсz, разсуждeніz дaромъ почтeнный: рaдуйсz, смирeніемъ на высотY вознесeнный.

Рaдуйсz, бlгочести1вымъ житіeмъ твои1мъ мн0гіz приведhй ко сп7сeнію: рaдуйсz, бGоуг0дными словесы2 твои1ми къ нб7си2 ўкaзывый вэрнёйшій пyть восхождeніz.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ є7

БGотeчное свэти1ло, пyть жи1зни твоеS њзарsющее, бhсть тебЁ ўчи1тель тв0й с™и1тель царегрaдскій ґfанaсій, и3з8 страны2 бо дaльніz со їеромонaхомъ вjкторомъ чyдныz їкHны и3 и4ныz потрeбныz вє1щи nби1тели твоeй дaрствуетъ, пою1ще всёхъ бlги1хъ подaтелю бGу: Ґллилyіа.

Јкосъ є7

Ви1дэша, прпdбне џтче нaшъ ґfанaсіе, ди1вный дaръ настaвника твоегw2, разумёша ск0рбь є3гw2 вeлію њ nтeчествіи своeмъ. И# молsху њ нeмъ гDа, да ўтёшитъ є3гw2 во странЁ чуждёй сyща. Моли1сz и3 њ нaсъ, чaдэхъ твои1хъ, во ю3д0ли сeй плачeвнэй жи1тельствующихъ и3 къ твоемY предстaтельству прибэгaющихъ и3 тaкw тебЁ вопію1щихъ:

Рaдуйсz, непрестaнными моли1твами сeрдце твоE њс™и1вый: рaдуйсz, мhсль твою2 въ бз7э ўтверди1вый.

Рaдуйсz, nчесA тво‰ всегдA на нб7о возводи1вый: рaдуйсz, моли1твою твоeю nтцA твоегw2 дух0внагw ўтёшившій.

Рaдуйсz, ћкw t г0рнихъ высHтъ и3 нaсъ, многогрёшныхъ, млcтивw назирaеши: рaдуйсz, въ бёдахъ и3 њбстоsніихъ пом0щниче ск0рый.

Рaдуйсz, предстaтелю њ нaсъ пред8 гDэмъ непостhдный: рaдуйсz, къ бцdэ моли1твенниче нaшъ неусhпный.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ ѕ7

Проповёдникъ бGон0сный бhвъ, џтче нaшъ ґfанaсіе, и4стинному бGовёдэнію и3 бlгочeстію научaлъ є3си2 брaтію твою2 при1снw, пaче же џбразомъ житіS своегw2 наставлsz на пyть сп7сeніz, да вопію1тъ вси2 сп7си1телю бGу: Ґллилyіа.

Јкосъ ѕ7

Возсіsлъ є3си2 во nби1тели выс0цкой въ домY пречcтыz дв7ы бцdы въ слaвнэмъ грaдэ сeрпуховэ, прпdбне, ди1внымъ житіeмъ твои1мъ, ћкоже свэти1ло многосвётлое, тмY невёдэніz и3 ўнhніz t приходsщихъ къ тебЁ tгонsz и3 вс‰ ўвэщавaz пл0ть дyхови покорsти и3 невозврaтнымъ п0мысломъ хrтY раб0тати. Сегw2 ради2 пріими2 t нaсъ похвалы6 сі‰:

Рaдуйсz, милосeрдіемъ твои1мъ на покаsніе подвизazй: рaдуйсz, никог0же приходsщагw къ тебЁ в0нъ и3згонszй.

Рaдуйсz, г0ресть житіS моли1твою ўслаждaти научazй: рaдуйсz, во є3ди1номъ бз7э всю2 слaдость житіS полагaти вразумлszй.

Рaдуйсz, пріsтное бlгоухaніе дух0внагw ўмилeніz: рaдуйсz, nби1тель выс0цкую и3 грaдъ сeрпуховъ моли1твою твоeю њбlгоухaвый.

Рaдуйсz, дёлателю бlгjй, въ мaлэ вёрный, над8 мн0гимъ поставлeнный: рaдуйсz, въ рaдость гDа твоегw2 вшeдый.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ з7

Хотsщу всeвышнему міроправи1телю призвaти прaведника своегw2 въ нбcныz ски1ніи по немaлыхъ лётэхъ во и3гyменствэ пребhвша, на кончи1ну и3знеможeніе стaрческое и3 ск0рбь тэлесE пріsлъ є3си2, прпdбне, ћкоже јwвъ џный не преставaz бlгословлsти гDа и3 пёти є3мY: Ґллилyіа.

Јкосъ з7

Н0во и3 неwбычaйнw течeніе соверши1лъ є3си2 житіS твоегw2, с™че б9ій, въ мjрэ сeмъ чyждо всsкіz сквє1рны грэхHвныz, сегw2 бо ради2 ѓще и3 ќмерлъ є3си2 на земли2 пл0тію, но душeю въ вhшнэмъ селeніи всегдA жи1въ сhй, нaмъ же, во с™ёй nби1тели твоeй живyщимъ, тeплымъ твои1мъ ходaтайствомъ пос0бствуеши, вопію1щимъ къ тебЁ таков†z:

Рaдуйсz, ѓгGлwвъ под0бниче и3 чlвёкwвъ красото2: рaдуйсz, с™ости и3 чистоты2 крjне бlгоухaнный.

Рaдуйсz, терпёніемъ твои1мъ съ многострадaльнымъ јwвомъ сравни1выйсz: рaдуйсz, болёзньми мн0гими здрaвіе души2 стzжaвый.

Рaдуйсz, жи1телю бжcтвеннагw селeніz: рaдуйсz, дости1гій вёчнагw ўпокоeніz.

Рaдуйсz, всесвётлагw цrтвіz хrт0ва наслёдниче: рaдуйсz, їеrли1ма г0рнzгw грaждане.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ }

Слhшавши ќбw њ бlжeннэй кончи1нэ твоeй, премлcтивый, nби1тели твоеS брaтіz и3 мн0гіz лю1ди собрaшасz на ўспeніе твоE: многотрyдное тёло твоE достод0лжнw съ чинопёніемъ чтcнw провождaюще, погреб0ша џное во гр0бэ, надгр0бное рыдaніе творsще пёснь: Ґллилyіа.

Јкосъ }

Вeсь слaдость и3 желaніе тебЁ, пребlжeнне, бhсть хrт0съ ї}съ, є3гдA въ житіи2 сeмъ моли1тву є3гw2 не преставaлъ є3си2 повторsти: и3 въ преселeніи твоeмъ t земнhхъ въ нбcнаz и4стэе причасти1лсz, џтче, слaдости и3 жел†ніz въ невечeрнэмъ дни2 цrтвіz є3гw2. Њ сeмъ вёдуще и3 њ таков0мъ бlжeнномъ ўспeніи твоeмъ рaдующесz, сі‰ дост0йныz тебЁ прин0симъ глаг0лы:

Рaдуйсz, с™че б9ій, с™о и3 прaведнw жи1знь земнyю соверши1вый: рaдуйсz, во бlгоухaніи с™hни сн0мъ смeртнымъ њпочи1вый.

Рaдуйсz, на л0но ґвраaма ѓгGлы несeнный: рaдуйсz, пёніемъ неземнhмъ t с™hхъ небожи1телей встрeченный.

Рaдуйсz, ћкw пaмzть твоS съ похвалaми и3 ўспeніе со с™hми: рaдуйсz, ћкw tверз0шасz тебЁ вратA рaйскаz, и3 вшeлъ є3си2 въ рaдость гDа твоегw2.

Рaдуйсz, вэнeцъ безсмeртныz жи1зни t руки2 вседержи1телz пріeмый: рaдуйсz, въ черт0зэ нбcнагw домовладhки ликовствyzй.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ f7

Вс‰ брaтіz ўдивлsхусz ѕэлw2, є3гдA церк0вныхъ вещeй храни1тель на тS, прпdбне, гнёвалсz и3 не хотЁ и3 на погребeніе мощeй твои1хъ и3тти2 и3 сегw2 ради2 t дручeніz дeмонскагw мyчимъ бhвъ, въ р0въ моги1льный ввeржесz и3 ѓбіе и3сцэлeніе получи2, поS є3гw2 мучeніz врaжіz свободи1вшему бGу: Ґллилyіа.

Јкосъ f7

Вэтjйствовати љзhкъ не довлёетъ воспэвaz млcть и3 кр0тость твою2, є3гдA брaту гнёвавшемусz на тS, пребlжeнне, прощeніе ниспослaше: ўжE сhй въ гр0бэ своeмъ погребeнъ и3з8 џнагw рукY свою2 протsже, пріeмше брaта твоегw2 рeклъ є3си2 є3мY: вск0рэ и4маши њстaвити жи1знь свою2, близ8 кончи1на твоS. И# въ трeтій дeнь по глаг0лу бlжeннагw престaвисz монaхъ т0й. СемY ўдивлsющесz вопіeмъ ти си1це:

Рaдуйсz, разруши1телю вражды2 и3 насади1телю братолю1біz: рaдуйсz, ћкw по ўспeніи твоeмъ рукY ми1ра брaту твоемY млcтивw подaвый.

Рaдуйсz, си1мъ преслaвнымъ видёніемъ всёхъ ўдиви1вый: рaдуйсz, ћкw и3 по смeрти твоeй nтeцъ чадолюби1вый kвлsешисz.

Рaдуйсz, щедрHтъ и3 ми1лованіz струS неизсzкaемаz: рaдуйсz, любвE и3 сострадaніz kвлeніе многочудeсное.

Рaдуйсz, душeвныхъ недyгwвъ бlгосeрдный цэлeбниче: рaдуйсz, тэлeсныхъ болёзней преди1вный врачY.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ ‹

Сп7сeніе принeслъ є3си2, бlжeнне, nби1тели твоeй и3 грaду сeрпухову и3ногдA, є3гдA ѕловёрцы ґгaрzне и3 п0льскіz лю1ди разори1ти сіи2 ўстреми1шасz и3 мн0жество нар0да плэни1ша и3 разори1ша и3 nстріeмъ мечA поби1ша. Ди1внw въ видёніи всBмъ kви1сz, враги2 ўстрашaz и3 прогонsz, и3 вс‰ вёрныz подвизaz пёти и3збави1телю бGу: Ґллилyіа.

Јкосъ ‹

ЦRz нбcнагw хrтA kви1лсz є3си2 џтче гр0зный в0инъ, є3гдA на конЁ бёломъ и3з8 nби1тели вhшедшій ви1дэнъ бhлъ є3си2 и3 въ цeрковь кaменну во грaдэ стоsщу вшeдый, ћкw диви1тисz ґгaрzномъ ѕэлw2. T цeркви же тоS, въ рукaхъ жeзлъ вели1къ и3мёz є3ди1нъ, внезaпу ѕэлw2 ск0ро на врагHвъ џныхъ ўстреми1сz, грозS жeзломъ тёмъ. И# бэжaша в0нъ всS nрдA, ўбоsвшисz видёніz сегw2: лю1діе же свобождeнніи съ бlгодaрностію воспёша тебЁ:

Рaдуйсz, гр0зный карaтелю nби1дzщихъ. Рaдуйсz, nби1тели твоеS стрaже неусhпный: рaдуйсz, жeзломъ и3гyменскимъ вс‰ ви6димыz и3 неви6димыz враги2 ўстраши1вый.

Рaдуйсz, жeзлъ настоsтельства во nби1тели твоeй до нhнэ содержazй: рaдуйсz, правослaвному в0инству и3 по преставлeніи твоeмъ ви1димымъ џбразомъ споб0рствуzй.

Рaдуйсz, предёлы nтeчества нaшегw твeрдымъ щит0мъ твоегw2 покр0ва защищazй: рaдуйсz, с™hz nби1тели твоеS при1сное њхранeніе.

Рaдуйсz, грaда сeрпухова неwбори1мое защищeніе.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ №i

Пёніе трис™0е слhшаху брaтіz не є3ди1нощи, слaдкимъ глaсомъ на гр0бэ твоeмъ воспэвaемо, џвогда ќбw кадsща гр0бы, џвогда со свэщaми горsщими nби1тель њбходsща тS ви1дэша. Познaша ќбw при1снw nби1тели и5хъ попечeніе возрaдовашасz и3 бGу воспёша: Ґллилyіа.

Јкосъ №i

Свэщы2 горsщіz ви1дэвше сщ7еннослyжители и3 монaхи и3 и4ны лю1ди на гр0бэ твоeмъ, прпdбне, помышлsху преслaвное чyдо бhти. Чрез8 ѓгGлы бо прославлsетъ гDь с™ы6z сво‰: возжигaютъ бо тhz свBщи церкHвныz, вкрyгъ пrт0ла и5хъ њбносS и3 къ гр0бу с™aгw несyтъ и3 взывaютъ къ немY таков†z:

Рaдуйсz, нбcнагw сіHна жи1телю: рaдуйсz, нерукотворeнныхъ ски1ній рaйскихъ nбитaтелю.

Рaдуйсz, ди1вный хrт0въ ўг0дниче: рaдуйсz, бGу при1сный люби1мче.

Рaдуйсz, со ѓгGлы при1снw ликyzй: рaдуйсz, съ прпdбными ўбlжaемый.

Рaдуйсz, ћкw тоб0ю вhшній на нб7си2 и3 на земли2 слaвитсz: рaдуйсz, ћкw со ѓгGлы горЁ трис™yю пёснь є3мY нем0лчнw поeши.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ в7i

Бlгодaть вели1кихъ чудeсъ t гDа пріsлъ є3си2, прпdбне џтче нaшъ ґfанaсіе, и3 по достоsнію чудотв0рецъ наречeнъ бhлъ є3си2: и4бо не т0кмо при жи1зни, но и3 по смeрти, вели1чіемъ твои1хъ чудeсъ всёхъ ўдивлsеши, и3 ко славосл0вію пр0мысла б9іz подвизaеши, во є4же пёти њ тебЁ чудeсъ творцY бGу: Ґллилyіа.

Јкосъ в7i

Пою1ще рaдостную пёснь хвалы2 и3 бlгодарє1ніz чlвэколю1бцу бGу, прослaвльшему тS во грaдэ сeрпуховэ во nби1тели выс0цкой чудотв0рца ди1внагw и3 млcтивагw, м0лимъ тS, џтче нaшъ ґfанaсіе: бyди ходaтай къ немY и3 моли1твенникъ при1сный њ нaсъ, чaдэхъ твои1хъ во nби1тели твоeй жи1тельствующихъ и3 зовyщихъ ти2 таков†z:

Рaдуйсz, прес™hz трbцы вёрный служи1телю: рaдуйсz, прес™hz бцdы дост0йный предстоsтелю.

Рaдуйсz, несомнённою надeждою на бGа nби1тель твою2 созидaвый: рaдуйсz, слезaми моли1твенными nсновaніе є3S њроси1вый.

Рaдуйсz, nби1тель твою2 и3 по скончaніи твоeмъ сохрани1вый: рaдуйсz, ч†да тво‰ духHвнаz и3 по смeрти твоeй не забhвый.

Рaдуйсz, приходsщихъ во nби1тель твою2 на поклонeніе бlгjй предстaтелю: рaдуйсz, почитaющихъ с™yю пaмzть твою2 нбcный покрови1телю.

Рaдуйсz, прпdбне џтче нaшъ ґfанaсіе, выс0цкій чудотв0рче.

Кондaкъ Gi

Q преди1вный ўг0дниче хrт0въ, прпdбне џтче нaшъ ґfанaсіе. Мaлое сіE молeніе пріими2 t нaсъ, недост0йныхъ чaдъ твои1хъ, t любвE тебЁ нaми приноси1мое: моли1сz њ нaсъ ко всетворцY бGу, да ўтверди1тъ нaсъ на терни1стомъ пути2 монaшескагw дёланіz и3 спод0битъ съ тоб0ю вкyпэ во nби1телэхъ нбcныхъ воспэвaти є3мY: Ґллилyіа. Ґллилyіа. Ґллилyіа.

Сeй кондaкъ чтeтсz три1жды. И# пaки јкосъ №-й: ЃгGлwвъ творeцъ: И# кондaкъ №-й: И#збрaнному бGомъ.

Мlтва №

Q прпdбне и3 бGон0сне џтче нaшъ ґfанaсіе. Ты2, пораб0тати гDеви желaz, здЁ всели1лсz є3си2, и3 нелёностнw во трудёхъ, во бдёніихъ, въ м0литвахъ и3 постёхъ подвизaлсz є3си2, и3 бhлъ є3си2 настaвникъ монaшествующимъ, всBмъ же лю1дємъ ўчи1тель рeвностный. Нhнэ ќбw, по tшeствіи твоeмъ t земнhхъ, нбcному цRю2 предстоS, моли2 бlгость є3гw2, є4же ўщeдрити мёсто селeніz твоегw2, с™yю nби1тель сію2, и3дёже дyхомъ любвE твоеS неtстyпнw пребывaеши, и3 всBмъ лю1дємъ твои1мъ, съ вёрою къ рaцэ твоeй припaдающимъ, во бlг†z прошє1ніz и5хъ и3сп0лнити. И#спроси2 ў млcтивагw гDа нaшегw, да низпослeтъ нaмъ nби1ліе бlгъ земнhхъ, пaче же ћже на п0льзу дyшъ нaшихъ да дaруетъ нaмъ, и3 скончaти житіE сіE приврeменное въ покаsніи да спод0битъ, въ дeнь же сyдный деснaгw предстоsніz и3 наслаждeніz во цrтвіи своeмъ да ўдост0итъ во вёки вэкHвъ. Ґми1нь.

Мlтва в7

Q чудотв0рче преслaвный и3 застyпниче крёпкій бGомъ собрaннэй дружи1нэ сeй. Къ тебЁ, ћкw ск0рому и3 и3збрaнному сп7сeніz нaшегw ходaтаю, бGоизбрaнному дух0вныхъ в0инствъ воев0дэ, nрyжіемъ моли1твы твоеS побэди1телемъ над8 враги2 ћвльшусz, пред8 рaкой с™hхъ мощeй твои1хъ припaдающе, прпdбне џтче нaшъ ґfанaсіе, вседyшнw прибэгaемъ: не tврати1сz нaшеz нищеты2, молeнію нaшему внемли2, и3 t бёдъ нaсъ, с™ую nби1тель сію2, грaдъ сeй и3 предёлы є3гw2 сохрани2. Простри2 рукY твою2, ск0рую п0мощь подаю1щую. ўпрaви ќмъ нaшъ t пaгубоносныхъ разсёzній, и3 сердцA н†ша њсквернє1ннаz њчи1сти, њс™и и3 горЁ и3мёти ўтверди2. T вр†гъ ви1димыхъ и3 неви1димыхъ нaсъ сохрани2, да над8 страстьми2 побэди1тели ћвимсz, творsще с™hню во стрaсэ гDни, и3 всsкое ўнhніе попрaвше, рaдоватисz њ гDэ начнeмъ: и3 тaко твои1ми ходaтайствы, во смирeніи и3 простотЁ сeрдца спод0бимсz до послёднzгw и3здыхaніz бGолёпнw слaвити с™yю трbцу, nц7A, и3 сн7а, и3 с™aгw д¦а, нhнэ, и3 при1снw, и3 во вёки вэкHвъ. Ґми1нь.

Преподобный Афанасий Высоцкий Младший, второй игумен Серпуховского Высоцкого монастыря, родился в Ярославле около 1362 года в благочестивой и знатной семье. В крещении он получил имя Амоса. Отец его Илларион и мать Анна воспитывали сына, от природы обладавшего «острым умом», в строгих правилах благочестия.

2 декабря 1374 года преподобный Сергий Радонежский, склоняясь на просьбу благочестивого Серпуховского князя Владимира Андреевича посетил Серпухов, и, избрав красивое и весьма удобное место «на Высоком», основал здесь обитель во имя Пресвятой Богородицы, честнаго зачатия Ее праведной Анной. Игуменом новой обители он поставил своего любимого ученика, преподобного Афанасия Старшего. Слава об общежительной обители, подвигах и опытности ее игумена в духовном руководстве новоначальных быстро распространилась повсюду.

Желая «научиться пути Господню», юный Амос в 1378 году пришел к преподобному Афанасию, и тот, видя его усердие и любовь к Богу, принял его в обитель. Через пять лет, видев его послушание, чистоту и терпение в подвиге, преподобный Афанасий сподобил его монашеского пострижения, назвав собственным своим именем — Афанасий. В 1381 году, через 3 года по пострижении, при освящении нововыстроенного соборного храма, когда преподобный Афанасий Старший был возведен во игумена, святитель Московский Киприан в присутствии преподобного Сергия рукоположил его во иеродиакона, а еще через 2 года он был посвящен во иеромонаха.

Во время путешествия в Киев, преподобный Афанасий Старший, видя опытность преподобного Афанасия, поручил ему управление обителью, а в 1387 году, вместе со святителем Московским Киприаном навсегда уезжая в Константинополь, поставил его своим преемником по игуменству в Высоцком монастыре. При преподобном Афанасии Младшем Высоцкий монастырь продолжал процветать и число братии в нем умножалось. Игумен Афанасий был для братии примером в подвигах добродетельной иноческой жизни: «имел воздержание совершенное, в посте был крепок, в молитвах не леностен, в нищете терпелив». Любя Господа Бога, он умел внушать ту же любовь к Богу и к молитвенным подвигам и братии. Уме удерживать их от грехов и наставлять, как побеждать влечение страстей, направляя им, сердце и помыслы ко Господу.

Около 1395 года преподобный Афанасий встречал в своей обители посольство от преподобного Афанасия Старшего, приславшего из Константинополя семь прекрасных икон деисусного чина, другие церковные вещи и рукописи.

В 1395 году от великих подвигов и трудов преподобный Афанасий почувствовал «старческое изнеможение» и 12 сентября, в день отдания праздника Рождества Пресвятой Богородицы, преставился к Господу. Согласно своему завещанию, он был погребен против западных дверей соборного храма под лестницей. Его приемником по управлению обителью стал преподобный Никита, сродник и ученик преподобного Сергия.

С самого момента погребения преподобный Афанасий был прославлен чудесами. Один из братии, имея гнев на преподобного, не пошел на его погребение, и за это внезапно подвергся нападению нечистого духа. Со слезами поспешил он тогда в церковь и перед гробом испросил себе прощение у преподобного, после чего освобо-дился от лукавого духа. Когда опускали в землю тело преподобного Афанасия, этот инок упал в могилу и когда был из нее извлечен, то сообщил братии, что преподобный Афанасий из гроба протянул ему свою руку и сказал: «Тебе, брат суждено скоро оставить жизнь, близка кончин твоя». На третий день после этого инок скончался. Монахи обители и другие люди в разное время видели над местом погребения преподобного горящие свечи. Они шли позади Престола, по правой стороне, и, достигнув гроба преподобного, становились невидимыми. Не раз братия слышала над гробом его сладкогласное пение: «Святый Боже...», или видела преподобного Афанасия, ходящего кругом монастыря с кадильницею и возжженными свечами. Во время нашествия крымских татар на Серпухов, когда монахи бежали из монастыря, неприятели и некоторые жители города видели, как из обители на белом коне выехал инок с большим жезлом в руке. Он был смугл лицом и с густой черной бородой. Объехав стан врагов, он с угрожающим видом устремился на них, и они, немедленно сняв осаду города, обратились в бегство. Об этом начальники города донесли царю.

Вскоре после кончины лестница над гробом преподобного была разобрана и сооружена часовня. В 1697 году мать Петра I царица Наталья Кирилловна построила над гробом преподобного одноглавый каменный храм во имя преподобного Афанасия Афонского. В 1878 году этот пришедший в ветхость храм был разобран, и в память 500-летия обители был воздвигнут красивый и обширный храм во имя преподобных Сергия Радонежского и Афанасия Афонского. В 1967 году эта церковь была «снесена реставраторами как сооружение, не представляющее архитектурной и исторической ценности»... Над местом погребения преподобного была в первоначальном виде восстановлена лестница, и могила преподобного вновь оказалась под ней. По благословению Высокопреосвященнейшего Митрополита Кру-тицкого и Коломенского Ювеналия были проведены работы по определению места погребения и открытию святых останков преподобного Афанасия. 11-24 сентября 1994 г. совершилось обретение всечестных мощей Угодника Божия, и в самый день преставления преподобного сонмом духовенства во главе с Архиереем они с торжеством были перенесены в храм.

От святых мощей преподобного Афанасия, покоящихся в Покровском храме обители, уже в наше время продолжают совершаться знаменательные случаи исцелений страждущих.

Подлинные Житие и служба преподобному Афанасию были написаны в 1697 году справщиком Московского Патриаршего двора Чудовским иеромонахом Карионом Истоминым.

Преподобный Афанасий издревле почитался как чудотворец, наставник иноков и небесный покровитель Высоцкой обители, города Серпухова и его пределов.