Акафист святому преподобному Петру Царевичу, Ростовскому чудотворцу

Составитель: иеромонах Павлин

Одобрен: решение Св. Синода 7 марта 1885 года №451

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 13 июля (30 июня ст. ст.)

Утвержден для общецерковного использования.

Кондак 1

Избранный Богом от агарянскаго рода царска, и вчиненный в недра Православныя Христовы Церкве, наученный святыми апостолы Петром и Павлом к созиданию во имя их святыя обители, приими от нас недостойных хвалебную песнь тебе приносимую:

Радуйся, преподобне царевиче Петре, Ростовский чудотворче.

Икос 1

Ангела тя земнаго видяще, о небесный гражданине, преподобне царевиче Петре, возревновахом мы недостойнии похвальная воспевати тебе сице:

Радуйся, терпением угодивый Господу.

Радуйся, яко Господь внят ти, и услыша молитву преподобнаго Своего.

Радуйся, яко удалился еси, бегая от дому и племене твоего.

Радуйся, яко жительствуя среди языка безбожнаго, желание возымел ко Христу обратитися.

Радуйся, яко бдел еси в молитве сердечней к Богу.

Радуйся, яко колена твоя изнемогоста от поста, но душа твоя бодрственна бысть в духовном делании.

Радуйся, яко плоть твоя изменися трудов и пощения ради, но дух твой возвысися в воздержании.

Радуйся, яко исповедятся Господеви о обращении твоем преподобнии Его.

Радуйся, яко с ними воспеваеши на небесех славу Божию.

Радуйся, яко с ними выну благословиши Его.

Радуйся, яко ублажаеши с ними величие Святыни Его.

Радуйся, преподобне царевиче Петре, Ростовский чудотворче.

Кондак 2

Видя святый Петр себе непорабощенна плотскому сладострастию, радовашеся духом, желая прилепитися Христу всем сердцем, и воспевати Богу: Аллилуия.

Икос 2

Разум недоразумеваемый о Триипостасном Божестве, и о безсеменном воплощении Бога Слова, разумети не искаху ослепленнии прелестию идолослужения древнии ханы Ордынстии: ты же, святый Петре, по благодати Божией озарившей тя, и в неверии еще ти сущу светильника Ростовския паствы епископа Кирилла в научение тя христианстей вере взыскал еси. Сего ради ублажаем тя сице:

Радуйся, подобне Корнилию сотнику, и в язычестве добродетельми сиявый.

Радуйся, подобне ему, вместо апостола Петра преемника апостольскаго, епископа Кирилла взыскавый.

Радуйся, яко на тебе сбыстся апостолькое слово: «Во всяком языце бояйся Бога и делаяй правду, приятен Ему есть».

Радуйся, яко всевидящее око Божие, узрев твое усердие, благодатию Святаго Духа озари тя.

Радуйся, яко неизреченный Божий Промысл потребы ради Церкве, тебе же во спасение епископа Кирилла во Орду приведе.

Радуйся, яко Ростовский иерарх царя Беркая, дядю твоего, беседою о чудесех в Церкви Христовой являемых услади.

Радуйся, яко ты, млад быв юноша, глаголами святителя Кирилла сердце свое умили.

Радуйся, яко размышлением о христианстей вере ум твой просвети.

Радуйся, яко в любовь Христову душею своею уловлен был еси.

Радуйся, яко от любве сердечныя к Богу слезы от очию источи.

Радуйся, яко мерзость идолослужения презре.

Радуйся, яко в христианстей вере утвердитися искренно вожделел еси.

Радуйся, преподобне царевиче Петре, Ростовский чудотворче.

Кондак 3

Сила Вышняго осени тя царевиче Петре, отвергши бесовское служение твари, прилепитися Христовой вере православней. Темже яко ревнитель святыя веры показался еси крепок всем тя воспевающым и радостно поющым Богу: Аллилуия.

Икос 3

Имый богоприятную мысль, святый Петре, познати истины христианския веры, при вторичном пришествии во Орду Ростовскаго святителя Кирилла, ради исцеления царева сына, и видев чудесное его оздравление благодатию Христовою и молитвами архиереа Божия совершившееся, ты крепчае прилепился еси ко Христу, и возжелал еси быти христианин. Темже радостно взываем ти таковая:

Радуйся, яко подобник был еси соименному ти верховному апостолу Петру.

Радуйся, подобно ему, оставившему мрежи и отца своего, и ты дом царский и сродство свое оставил еси.

Радуйся, яко славу наследия земнаго царства во Орде ты презрел еси.

Радуйся, яко вся красная мира сего во уметы Христа ради вменил еси.

Радуйся, яко во след Христа Бога радостно потекл еси.

Радуйся, яко женонеистовую страсть агарянскую отвергл еси.

Радуйся, яко теплою душею крещения святаго ты взыскал еси.

Радуйся, яко тем осияние Христово в сердце твоем приял еси.

Радуйся, яко Возлюбившаго нас прежде сложения мира приискренне возлюбил еси.

Радуйся, яко благое иго Христово прияти восхотел еси.

Радуйся, яко бремя Иисусово легкое понести потщался еси.

Радуйся, преподобне царевиче Петре, Ростовский чудотворче.

Кондак 4

Буря страстей юностнаго телесе и мирских прелестей и славы земныя не поколеба храма души твоея, преподобне Петре: основан бо бе на камени краеугольном исповедания Христа, Ему же яко Богу и Спасителю нашему воспеваем: Аллилуия.

Икос 4

Слыша князь и вси людие богоспасаемаго града Ростова, яко первосвятитель их Кирилл грядет из посольства с дары и честию от царя, имея при себе приобретенное его наставлении духовное сокровище, тебе блаженне Петре, хотящаго прияти православную веру во граде Ростове, возрадовашася радостию духовною. Темже и мы, аще и недостойнии, дерзаем в радости сердец взывати тебе сице:

Радуйся, от любве душевныя к Богу отечество твое оставивый.

Радуйся, желания ради ко христианстей вере обратитися, богатство и честь мирскую суету быти вменивый.

Радуйся, плотскую любовь матере твоея, царя дяди, и всех презревый.

Радуйся, единаго Христа возлюбивый.

Радуйся, с любовию сердечною наставление епископа Кирилла о вере христианской послушавый.

Радуйся, отшествия епископа Кирилла из Орды в Россию усердно назиравый.

Радуйся, в благочестивом твоем намерении, препятствия сродников не убоявыйся.

Радуйся, тайно из дому твоего удаливыйся.

Радуйся, епископа на пути достигнувый.

Радуйся, пояти тя с собою его умоливый.

Радуйся, от горящия веры слезами многими ланиты твоя оросивый.

Радуйся, яко незлобивое овча Христова стада со пастырем Церкве во ограду христоименитых людей вшедый.

Радуйся, преподобне царевиче Петре, Ростовский чудотворче.

Кондак 5

Боготечней звезде ты, преподобне царевиче Петре, подобен был еси, егда из нечестивыя Орды, к богоспасаемому граду Ростову путь шествия творил еси. Святитель же Божий Кирилл, радуяся душею о твоем благом произволении, с трепетом воспеваше Богу: Аллилуия.

Икос 5

Видеша людие Ростовстии, яко возсия в сердце твоем свет Христа Бога, и из неверия обрати тя в правоверие, возрадовашася сердцы своими, сего ради и мы удивившеся неизреченному смотрению Божию, вопием ти:

Радуйся, по пришествии в Ростов, благолепие храмов Божиих с любовию и благоговением созерцавый.

Радуйся, себе самаго во храм духовен устроивый.

Радуйся, и не быв еще просвещен святым крещением, в Церкви Божией пребывавый.

Радуйся, церковная чтения и пения сладце внимавый.

Радуйся, по умертвии царя Беркая во Орде возвратитися туда не восхотевый.

Радуйся, и взысканию о тебе бывшу, под кровом святителя себе укрывый.

Радуйся, мздовоздаяния в Царствии Небеснем возжелавый.

Радуйся, крещения святаго со усердием и верою испросивый.

Радуйся, таинство крещения рукою епископа приемый.

Радуйся, во имя апостола Петр нареченный.

Радуйся, грамоте и церковному чтению и пению прилежно научивыйся.

Радуйся, для утверждения в вере христианстей в доме архиерейстем вселивыйся.

Радуйся, преподобне царевиче Петре, Ростовский чудотворче.

Кондак 6

Проповедует созданная тобою во имя святых верховных апостол Петра и Павла святая обитель, яко ты, блаженне Петре, был еси всем благоприветлив и любезен, и якоже древний Иов, око слепым и нога хромым. Сего ради воспеваем Богу: Аллилуия.

Икос 6

Возсиявый во Египте просвещение истины, и отгнавый лжи тму, Христос Бог наш благоволи возсияти и во языческой Ордынской стране молитвами и крепкою верою святителя Кирилла, исцелившаго царева сына от болезни, и тебе святый Петре царевиче, светом познания веры христианския озарившаго. Того ради сице вопием ти:

Радуйся, от языческаго племене в веру Христову призванный.

Радуйся, от тины идолослужения, банею пакибытия обновленный.

Радуйся, от корене злорастленнаго благовонный цвет произрастший.

Радуйся, злостраднаго зловония страстей избегший.

Радуйся, яко пчела люботрудная сладкий сот добродетелей сотворивый.

Радуйся, сладкопитания плотская пренебрегший.

Радуйся, бдению и воздержанию себе с терпением изрядне научивый.

Радуйся, пост возлюбивый.

Радуйся, молитвы сердечныя к Богу возсылавый.

Радуйся, чистоту целомудрия опасно сохранивый.

Радуйся, всякими добродетельми себе украсивый.

Радуйся, преподобне царевиче Петре, Ростовский чудотворче.

Кондак 7

Егда приближися время епископу Кириллу отити ко Господу, он, яко наставник твой, царевиче Петре, в вере христианской не остави тя сира, но утверди на пребывании в доме архиерейстем до пришествия преемника своего. Святый же епископ Игнатий, по вступлении на престол Церкве града Ростова, зря тя преспевающа в возрасте духовном, зело возлюби тя и радуяся духом воспеваше Богу: Аллилуия.

Икос 7

Новое чудо и дивное, премудростию судеб Божиих, исполнися на тебе, блаженне царевиче Петре, егда помышляющу ти создати церковь и при ней монастырь устроити, довольнаго же на дело сие не имущу стяжания, и о сем болезнующу сердцем, случися ти уснути на брезе езера Неро, и видети во сне верховных апостол Петра и Павла грядущих и два мешца злата и сребра на созидание обители во имя их вдающих: возбнув же от сна во ужасе и яве оныя узрев, и в руцех твоих злато и сребро ощутив, возрадовался с трепетом. Того ради и мы воспевати тебе научихомся, глаголюще:

Радуйся, попечение о создании церкви от любве к Богу возъимевый.

Радуйся, об устроении обители неусыпно пекийся.

Радуйся, свое иноческое житие пророчески предзнаменовавый.

Радуйся, на создание оных довольно не имев сокровища, желания своего не оставивый.

Радуйся, несомненную на него надежду имевый.

Радуйся, в соннем видении и яве верховных апостол Петра и Павла узревый.

Радуйся, дарование их тебе злата и сребра в руце приемый.

Радуйся, заповедь их о приобретении триех икон на торжищи исполнивый.

Радуйся, иконы Богоматери с Предвечным Младенцем, святителя Николаа и великомученика Димитрия у иконописца, сребром и златом апостольским приобретый.

Радуйся, преподобне царевиче Петре, Ростовский чудотворче.

Кондак 8

Странное чудо является и дивное, яко в туюжде нощь, егда тебе, святый Петре, явишася верховнии апостоли, и святителю Игнатию они же повелеваху, да храм во имя их устроит, епископ же тому видению ужасеся, и пригласив князя, поведа бывшее, и вкупе оба совет о сем сотвориша, и воспеваху Богу: Аллилуия.

Икос 8

Весь быв, блаженне царевиче Петре, погружен в размышление о Бозе по видении апостол и о созидании обители, при молитвенных же и постных трудех, смирению и послушанию и терпению научился еси, якоже повесть жития твоего являет, сего ради вопием ти:

Радуйся, к созиданию обители ревность велию имевый.

Радуйся, заповедь апостольскую тщательно исполнивый.

Радуйся, яко на совет князя со епископом о тебе пришедый.

Радуйся, намерение князя о сочетании тя браком без ропота послушавый.

Радуйся, взысканию тебе князем невесты из честна рода не прекословивый.

Радуйся, тем послушание ко князю и епископу показавый.

Радуйся, "Воля Господня и ваша да будет", — отвещавый.

Радуйся, по желанию князя и епископа, законному супружеству приобщивыйся.

Радуйся, самим епископом святым Игнатием браковенчанный.

Радуйся, апостольская словеса: "Брак честен и ложе нескверно" верно сохранивый.

Радуйся, и в супружеской жизни в делании добродетелей искусна себе явивый.

Радуйся, преподобне царевиче Петре, Ростовский чудотворче.

Кондак 9

Всяк возраст и весь народ града Ростова, вкупе с князем и святым епископом Игнатием, удивившеся приобретенным тобою, блаженне Петре, святым иконам, дивный свет испущающым, внесше их во храм соборный, со усердием воспеваху Богу: Аллилуия.

Икос 9

Вития суемудреннии еллинскаго нечестия последи же магометовым зловерием исполненнии, не могуще истинных догмат православныя веры познати, умолкоша. Мы же слышаще предивное твое из язычества в христианскую веру обращение, похвальная, блаженне Петре, приносим ти вопиюще:

Радуйся, по видении апостолов, сладость духовную в сердце твоем ощутивый.

Радуйся, тогда ум твой Горе вперивый.

Радуйся, помышления твоя в тайны смотрения Божия углубивый.

Радуйся, яко о пременении себе из язычества в христианина веселивыйся.

Радуйся, яко любовию ко Христу и верховным апостолом разжженный.

Радуйся, из врученных тебе от верховных апостол, девятию сребренники и единою златицею, чудныя три иконы приобретый.

Радуйся, яко в радости духа к епископу с теми иконами поспешивый.

Радуйся, святаго епископа в недоумении бывша о видении верховных апостол зревый.

Радуйся, и князя ко епископу пришедша совет благий о устроении храма радостно слышавый.

Радуйся, яко от икон тобою принесенных палата архиерейская дивным светом озарися.

Радуйся, яко чудеса в Церкви совершающаяся духом веры благоразумно уразумевый.

Радуйся, преподобне царевиче Петре, Ростовский чудотворче.

Кондак 10

Спасти хотя душу свою, блаженне царевиче Петре, всякими добрыми нравы себе украшал еси, по словеси апостола Павла: "Елика истинна, елика честна, елика прелюбезна, елика доброхвальна"; сия помышляя, научился в умилении духовнем воспевати Богу: Аллилуия.

Икос 10

Стена был еси ограждения, блаженне царевиче Петре, всем к тебе усердно притекающым. Темже и мы, аще и недостойнии, прибегающе и с любовию тя хваляще, вопием:

Радуйся, благословение архипастыря на устроение храма и обители приявый.

Радуйся, у князя Ростовскаго землю на созидание обители испросивый.

Радуйся, князя искушающа тя, да сребром и златом апостолы вданным, место искупиши, незлобиво послушавый.

Радуйся, назначение цены за уреченное место по девяти сребренник и единой златице послушливо исполнивый.

Радуйся, пророчество святителя Игнатия о неоскудении сребра и злата из мешцев разумевый.

Радуйся, в видении верховных апостол назначенное для обители место, узревый.

Радуйся, сребро и злато, яко дарование от апостол, с верою приемый.

Радуйся, дарованным от них сребром и златом на обитель землю приобретый.

Радуйся, на тоежде сребро и злато монастырь честен устроивый.

Радуйся, яко останки того сребра и злата на удивление и благоговение до позднейших времен оставивый.

Радуйся, яко духовная ограда, мощи твоя святыя во обители обретошася.

Радуйся, преподобне царевиче Петре, Ростовский чудотворче.

Кондак 11

Пение церковное во святей новосозданней тобою обители, во имя святых верховных Апостол совершашеся, ты же, блаженне царевиче Петре, яко строитель храма и обители святыя, радовашеся душею и веселяся сердцем вопиял еси Богу: Аллилуия.

Икос 11

Яко светозарную звезду во обители, и светоносную свещу на свещнице Церкви Христовой, зрим тя, преподобне царевиче Петре, и во умилении душ и сердец наших поюще, взываем ти сице:

Радуйся, и в супружестве быв, обители тобою созданней помогавый.

Радуйся, по скончании супружницы твоея отвергийся мира.

Радуйся, в созданную тобою обитель преселивыйся.

Радуйся, монашеское в ней житие восприявый.

Радуйся, в ангельский образ облеченный.

Радуйся, паки и во иноцех Петром нареченный.

Радуйся, образ добродетельнаго жития всей братии бывый.

Радуйся, смирение глубочайшее стяжавый.

Радуйся, пощению внимавый.

Радуйся, молитвы твоя к Богу яко благовонный фимиам, возносивый.

Радуйся, по трудех многих во обители твоей ко Господу в невечерний свет отшедый.

Радуйся, яко Преблагий Господь, за премногия твоя добродетели, святыя твоя мощи нетлением прослави.

Радуйся, преподобне царевиче Петре, Ростовский чудотворче.

Кондак 12

Велия благодати сподобился еси от Бога, преподобне царевиче Петре, яко из языческия прелести в веру христианскую тя Бог обрати, и из тьмы поклонения твари в познание Евангельския благодати призва: последи же из мирскаго мятежа исхитив, ангелоподобному житию в тишине святыя обители сподоби, по кончине же мощи твоя святыя нетлением прослави. Темже толико тя прославившему Богу со страхом и радостию вопием: Аллилуия.

Икос 12

Поюще память верховных апостол Петра и Павла и совершающе празднество дванадесяти апостолов, воспоминаем твоя подвиги с любовию, угодниче Божий преподобне царевиче Петре, и всечестную память, и взываем сицевая:

Радуйся, по пути Господню ходивый.

Радуйся, веру Христову до конца соблюдый.

Радуйся, Петру, каменю веры, последовавый.

Радуйся, Павлу, сосуду избранному, елико мощно уподобивыйся.

Радуйся, всем святым апостолом во благочестии ревновавый.

Радуйся, древних преподобных отцев подражателю.

Радуйся, ангельских чинов сопричастниче.

Радуйся, царей православных поможение.

Радуйся, святителей веселие.

Радуйся, лика преподобных красото.

Радуйся, немощных целителю и злобных бесов прогонителю.

Радуйся, телес и болезней наших врачу.

Радуйся, о душах наших теплый к Богу молитвенниче.

Радуйся, преподобне царевиче Петре, Ростовский чудотворче.

Кондак 13

О препетый и прехвальный чудотворче отче наш преподобне царевиче Петре, видимо в созданней тобою святей обители мощами твоими пребываяй, невидимо же от небесных чертог нас грешных чад своих, назираяй! Приими сие малое приношение, от любве душевныя тебе возсылаемое, и от всякия избави напасти всех: дерзновенным же твоим ко Христу Богу ходатайством будущия нас изми муки, да с тобою в безконечныя веки воспеваем Богу: Аллилуия.

Этот кондак читается трижды, затем икос 1-й и кондак 1-й

Молитва

О преблаженне и преподобне Петре царевиче, Ростовский чудотворче! Якоже из мрака языческаго во свет Евангельскаго учения Господь тя призва: тако умоли Его, да и нас по неизреченней Своей благости и человеколюбию измет всесильною Своею Десницею из тмы греховныя, и осияет сердца наша к деланию Его божественных заповедей. Якоже ты избег мятежа мирских волнений, во ангелоподобное безпечальное житие сподобился еси достигнути, тако сподоби и нам грешным моря сего, влаемаго страстьми, пучину безмятежно преплыти, имея тя, отче, кормчаго о Господе нашем, и достигнути чистым покаянием ко пристанищу спасения вечнаго. И якоже имел еси споспешников тебе верховных апостолов Петра и Павла в созидании обители, тако подвигни их умилосердитися и о нас недостойных, и даровати нам от сугубыя апостольския благости дерзновение ко Христу Богу. Веруем бо, яко аще мощи твоя святыя и сокровенны в земли, но ты царствуеши со избранными Божиими на небеси: исходатайствуй убо, да и нам грешным молитвами твоими, да отверзется дверь Царствия Небеснаго в безконечныя веки. Аминь.

Ґкaфистъ с™0му прпdбному петру цReвичу, ростовскому чудотворцу

Кондaкъ №.

И#збрaнный бGомъ t ґгaрzнскагw р0да цaрска, и3 вчиненный въ нBдра правослaвныz хrт0вы цRкве, научeнный с™hми ґпcлы петр0мъ и3 пavломъ къ созидaнію во и4мz и4хъ с™hz њби1тели, пріими2 t нaсъ недост0йныхъ хвалeбную пёснь тебЁ приноси1мую:

Рaдуйсz, прпdбне цReвиче пeтре, рост0вскій чудотв0рче.

Јкосъ №.

ЃгGла тS земнaгw ви1дzще, q нбcный граждани1не, прпdбне царевиче пeтре, возревновaхомъ мы2 недост0йніи похв†льнаz воспэвaти тебЁ си1це:

Рaдуйсz, терпeніемъ ўгоди1вый гDу: рaдуйсz, ћкw гDь внsтъ ти2, и3 ўслhша мlтву прпdбнаго своегw2.

Рaдуйсz, ћкw ўдали1лсz є3си2, бёгаz t д0му и3 плeмене твоегw2: рaдуйсz, ћкw жи1тельствуz среди2 kзhка безб0жнагw, желaніе воз8имёлъ ко хrтY њбрати1тисz.

Рaдуйсz, ћкw бдёлъ є3си2 въ мlтвэ сердeчнэй къ бGу: рaдуйсz, ћкw колBна тво‰ и3знем0госта t постA, но душA твоS б0дрственна бhсть въ дух0вномъ дёланіи.

Рaдуйсz, ћкw пл0ть твоS и3змэни1сz трудHвъ и3 пощeніz рaди, но дyхъ тв0й возвhсисz въ воздержaніи: рaдуйсz, ћкw и3сповёдzтсz гDеви њ њбращeніи твоeмъ прпdбніи є3гw2.

Рaдуйсz, ћкw съ ни1ми воспэвaеши на нб7сёхъ слaву б9ію: рaдуйсz, ћкw съ ни1ми вhну благослови1ши є3гw2.

Рaдуйсz, ћкw ўблажaеши съ ни1ми вели1чіе с™hни є3гw2.

Рaдуйсz, прпdбне цReвиче пeтре, рост0вскій чудотв0рче.

Кондaкъ в7.

Ви1дz с™hй пeтръ себE непорабощeнна плотск0му сладострaстію, рaдовашесz дyхомъ, желaz прилэпи1тисz хrтY всёмъ сeрдцемъ, и3 воспэвaти бGу: Ґллилyіа.

Јкосъ в7.

Рaзумъ недоразумэвaемый њ Тріmпостaсном б9ествЁ, и3 њ безсёменномъ воплощeніи бGа сл0ва, разумёти не и3скaху њслэплeнніи прeлестію їдwлослужeніz дрeвніи хaны nрдhнстіи: тh же, с™hй пeтре, по блгdти б9іей њзари1вшей тS, и3 въ невёріи є3щE ти2 сyщу свэти1льника рост0вскіz пaствы є3пcкопа кmрjлла въ научeніе тS хrтіaнстэй вёрэ взыскaлъ є3си2. сегw2 рaди ўблажaемъ тS си1це:

Рaдуйсz, под0бнэ корни1лію с0тнику, и3 въ kзhчествэ добродётельми сіsвый: рaдуйсz, под0бнэ є3мY, вмёстw ґпcтола петрA преeмника ґпcтольскагw, є3пjскопа кmрjлла взыскaвый.

Рaдуйсz, ћкw на тебЁ сбhстсz апcлькое сл0во: во всsкомъ kзhцэ боsйсz бGа и3 дёлаzй прaвду, пріsтенъ є3мY є4сть: рaдуйсz, ћкw всеви1дzщее џко б9іе, ўзрёвъ твоE ўсeрдіе, блгdтію с™aгw д¦а њзари2 тS.

Рaдуйсz, ћкw неизречeнный б9ій пр0мыслъ потрeбы рaди цRкве, тебё же во сп7сeніе є3пcкопа кmрjлла во nрдY приведE: рaдуйсz, ћкw рост0вскій їерaрхъ царS беркaz, дsдю твоего2, бесёдою њ чудесёхъ въ цRкви хrт0вой kвлsемыхъ ўслади2.

Рaдуйсz, ћкw ты2, млaдъ бhвъ ю4ноша, глаголами с™и1телz кmрjлла сeрдце своE ўмили2: рaдуйсz, ћкw размышлeніемъ њ хrтіaнстэй вёрэ ќмъ тв0й просвэти2.

Рaдуйсz, ћкw въ люб0вь хrт0ву душeю своeю ўловлeнъ бhлъ є3си2: рaдуйсz, ћкw t любвE сердeчныz къ бGу слезы2 t џчію и3сточи2.

Рaдуйсz, ћкw мeрзость їдwлослужeніz презрЁ: рaдуйсz, ћкw въ хrтіaнстэй вёрэ ўтверди1тисz и4скреннw вожделёлъ є3си2.

Рaдуйсz, прпdбне цReвиче пeтре, рост0вскій чудотв0рче.

Кондaкъ G.

Си1ла вhшнzгw њсэни2 тS цReвиче пeтре, tвeргши бэс0вское служeніе твaри, прилэпи1тисz хrт0вой вёрэ правослaвнэй. тёмже ћкw ревни1тель с™hz вёры покaзалсz є3си2 крёпокъ всBмъ тS воспэвaющымъ и3 рaдостнw пою1щымъ бGу: Ґллилyіа.

Јкосъ G.

И#мhй бGопріsтную мhсль, с™hй пeтре, познaти и4стины хrтіaнскіz вёры, при втори1чномъ пришeствіи во nрдY рост0вскагw с™и1телz кmрjлла, рaди и3сцэлeніz царeва сhна, и3 ви1дэвъ чудeсное є3гw2 њздравлeніе блгdтію хrт0вою и3 мlтвами ґрхіерeа б9іz соверши1вшеесz, ты2 крэпчaе прилэпи1лсz є3си2 ко хrтY, и3 возжелaлъ є3си2 бhти хrтіани1нъ. тёмже рaдостнw взывaемъ ти2 такwвaz:

Рaдуйсz, ћкw под0бникъ бhлъ є3си2 соимeнному ти2 верх0вному ґпcлу петрY: рaдуйсz, под0бнw є3мY, њстaвившему мрє1жи и3 nтцA своегw2, и3 ты2 д0мъ цaрскій и3 ср0дство своE њстaвилъ є3си2.

Рaдуйсz, ћкw слaву наслёдіz земнaгw цaрства во nрдЁ ты2 презрёлъ є3си2: рaдуйсz, ћкw вс‰ кр†снаz мjра сегw2 во ўмє1ты хrтA рaди вмэни1лъ є3си2.

Рaдуйсz, ћкw во слёдъ хrтA бGа рaдостнw потeклъ є3си2: рaдуйсz, ћкw женонеи1стовую стрaсть ґгaрzнскую tвeрглъ є3си2.

Рaдуйсz, ћкw тeплою душeю крещeніz с™aгw ты2 взыскaлъ є3си2: рaдуйсz, ћкw тёмъ њсіsніе хrт0во въ сeрдцэ твоeмъ пріsлъ є3си2.

Рaдуйсz, ћкw возлюби1вшагw нaсъ прeжде сложeніz мjра пріи1скреннэ возлю1билъ є3си2: рaдуйсz, ћкw благ0е и4го хrт0во пріsти восхотёлъ є3си2.

Рaдуйсz, ћкw брeмz і}сово лeгкое понести2 потщaлсz є3си2.

Рaдуйсz, прпdбне цReвиче пeтре, рост0вскій чудотв0рче.

Кондaкъ д7.

Бyрz страстeй ю4ностнагw тэлесE и3 мірски1хъ прeлестей и3 слaвы земнhz не поколебA хрaма души2 твоеS, прпdбне пeтре: њсновaнъ бо бЁ на кaмени краеуг0льномъ и3сповёданіz хrтA, є3мY же ћкw бGу и3 сп7си1телю нaшему воспэвaемъ: Ґллилyіа.

Јкосъ д7.

Слhша кнsзь и3 вси2 лю1діе бGоспасаемагw грaда рост0ва, ћкw первос™итель и4хъ кmрjллъ грzдeтъ и3з8 пос0льства съ дaры и3 чeстію t царS, и3мёz при себЁ приwбрётенное є3гw2 наставлє1ніи дух0вное сокр0вище, тебE бlжeнне пeтре, хотsщагw пріsти правослaвную вёру во грaдэ рост0вэ, возрaдовашасz рaдостію дух0вною. тёмже и3 мы2, ѓще и3 недост0йніи, дерзaемъ въ рaдости сердeцъ взывaти тебЁ си1це:

Рaдуйсz, t любвE душeвныz къ бGу nтeчество твоE њстaвивый: рaдуйсz, желaніz рaди ко хrтіaнстэй вёрэ њбрати1тисz, богaтство и3 чeсть мірскyю, суетY бhти вмэни1вый.

Рaдуйсz, пл0тскyю люб0вь мaтере твоеS, царS дsди, и3 всёхъ презрёвый: рaдуйсz, є3ди1наго хrтA возлюби1вый.

Рaдуйсz, съ люб0вію сердeчною наставлeніе є3пcкопа кmрjлла њ вёрэ хrтіaнской послyшавый.

Рaдуйсz, tшeствіz є3пcкопа кmрjлла и3з8 nрды2 въ рwссjю ўсeрднw назирaвый: рaдуйсz, въ бlгочести1вомъ твоeмъ намёреніи, препsтствіz ср0дникwвъ нE ўбоsвыйсz.

Рaдуйсz, тaйнw и3з8 д0му твоегw2 ўдали1выйсz: рaдуйсz, є3пcкопа на пути2 дости1гнувый.

Рaдуйсz, поsти тS съ соб0ю є3гw2 ўмоли1вый: рaдуйсz, t горsщіz вёры слезaми мн0гими лани6ты тво‰ њроси1вый.

Рaдуйсz, ћкw неѕл0бивое nвчA хrт0ва стадA со пaстыремъ цRкве во њгрaду хrтоимени1тыхъ людeй вшeдый.

Рaдуйсz, прпdбне цReвиче пeтре, рост0вскій чудотв0рче.

Кондaкъ є7.

БGотeчнэй ѕвэздЁ ты2, прпdбне цReвиче пeтре, под0бенъ бhлъ є3си2, є3гдA и3з8 нечести1выz nрды2, къ бGоспасаемому грaду рост0ву пyть шeствіz твори1лъ є3си2. с™и1тель же б9ій кmрjллъ, рaдуzсz душeю њ твоeмъ блaгомъ произволeніи, съ трeпетомъ воспэвaше бGу: Ґллилyіа.

Јкосъ є7.

Ви1дэша лю1діе рост0встіи, ћкw возсіS въ сeрдцэ твоeмъ свётъ хrтA бGа, и3 и3з8 невёріz њбрати2 тS въ правовёріе, возрaдовашасz сердцы2 свои1ми, сегw2 рaди и3 мы2 ўдиви1вшесz неизречeнному смотрeнію б9ію, вопіeмъ ти2:

Рaдуйсz, по пришeствіи въ рост0въ, бlголёпіе хрaмwвъ б9іихъ съ люб0вію и3 бlгоговёніемъ созерцaвый: рaдуйсz, себE самaго во хрaмъ дух0венъ ўстр0ивый.

Рaдуйсz, и3 не бhвъ є3щE просвэщeнъ с™hмъ крещeніемъ, въ цRкви б9іей пребывaвый: рaдуйсz, церкHвнаz чтє1ніz и3 пBніz слaдцэ внимaвый.

Рaдуйсz, по ўмeртвіи царS беркAz во nрдэ возврати1тисz тудA не восхотёвый: рaдуйсz, и3 взыскaнію њ тебЁ бhвшу, под8 кр0вомъ с™и1телz себE ўкрhвый.

Рaдуйсz, мздовоздаsніz въ цrтвіи нбcнэмъ возжелaвый: рaдуйсz, крещeніz с™aгw со ўсeрдіемъ и3 вёрою и3спроси1вый.

Рaдуйсz, тaинство крещeніz рук0ю є3пcкопа пріeмый: рaдуйсz, во и4мz ґпcла пeтръ наречeнный.

Рaдуйсz, грaмотэ и3 цRк0вному чтeнію и3 пёнію прилёжнw научи1выйсz: рaдуйсz, длz ўтверждeніz въ вёрэ хrтіaнстэй въ д0мэ ґрхіерeйстэмъ всели1выйсz.

Рaдуйсz, прпdбне цReвиче пeтре, рост0вскій чудотв0рче.

Кондaкъ ѕ7.

Проповёдуетъ создaннаz тоб0ю во и4мz с™hхъ верх0вныхъ ґпcлъ петрA и3 пavла с™az њби1тель, ћкw ты2, бlжeнне пeтре, бhлъ є3си2 всBмъ бlгопривётливъ и3 любeзенъ, и3 ћкwже дрeвній јwвъ, џко слепы6мъ и3 ногA хрwмhмъ. сегw2 рaди воспэвaемъ бGу: Ґллилyіа.

Јкосъ ѕ7.

Возсіsвый во є3гЂптэ просвэщeніе и4стины, и3 tгнaвый лжи2 тмY, хrт0съ бGъ нaшъ бlговоли2 возсіsти и3 во kзhческой nрдhнской странЁ мlтвами и3 крёпкою вёрою с™и1телz кmрjлла, и3сцэли1вшагw царeва сhна t болёзни, и3 тебЁ с™hй пeтре цReвиче, свётомъ познaніz вёры хrтіaнскіz њзари1вшагw. тогw2 рaди си1це вопіeмъ ти2:

Рaдуйсz, t kзhческагw плeмене въ вёру хrт0ву призвaнный: рaдуйсz, t ти1ны їдwлослужeніz, бaнею пакибытіS њбновлeнный.

Рaдуйсz, t к0рене злорастлeннагw бlгов0нный цвётъ произрaстшій: рaдуйсz, ѕлострaднагw ѕлов0ніz страстeй и3збёгшій.

Рaдуйсz, ћкw пчелA люботрyднаz слaдкій с0тъ добродётелей сотвори1вый: рaдуйсz, сладкопит†ніz плотск†z пренебрёгшій.

Рaдуйсz, бдёнію и3 воздержaнію себE съ терпeніемъ и3зрsднэ научи1вый: рaдуйсz, п0стъ возлюби1вый.

Рaдуйсz, мlтвы сердeчныz къ бGу возсылaвый: рaдуйсz, чистотY цэломyдріz њпaснw сохрани1вый.

Рaдуйсz, всsкими добродётельми себE ўкраси1вый.

Рaдуйсz, прпdбне цReвиче пeтре, рост0вскій чудотв0рче.

Кондaкъ з7.

Е#гдA прибли1жисz врeмz є3пcкопу кmрjллу tити2 ко гDу, џнъ, ћкw наст†вникъ тв0й, цReвиче пeтре, въ вёрэ хrтіaнской не њстaви тS си1ра, но ўтверди2 на пребывaніи въ д0мэ ґрхіерeйстэмъ до пришeствіz преeмника своегw2. с™hй же є3пjскопъ їгнaтій, по вступлeніи на прест0лъ цRкве грaда рост0ва, зрS тS преспэвaюща въ в0зрастэ дух0вномъ, ѕэлw2 возлюби2 тS и3 рaдуzсz дyхомъ воспэвaше бGу: Ґллилyіа.

Јкосъ з7.

Н0вое чyдо и3 ди1вное, премyдростію судeбъ б9іихъ, и3сп0лнисz на тебЁ, бlжeнне цReвиче пeтре, є3гдA помышлsющу ти2 создaти цeрковь и3 при нeй монастhрь ўстр0ити, дов0льнагw же на дёло сіE не и3мyщу стzж†ніz, и3 њ сeмъ болёзнующу сeрдцемъ, случи1сz ти2 ўснyти на брeзэ є3зeра нeро, и3 ви1дэти во снЁ верх0вныхъ ґпcлъ петрA и3 пavла грzдyщихъ и3 двA мэшцA златA и3 сребрA на созидaніе њби1тели во и4мz и4хъ вдаю1щихъ: возбнyвъ же t снA во ќжасэ и3 ћвэ џныz ўзрёвъ, и3 въ рукaхъ твои1хъ злaто и3 сребро2 њщути1въ, возрaдовалсz съ трeпетомъ. тогw2 рaди и3 мы2 воспэвaти тебЁ научи1хомсz, глаг0люще:

Рaдуйсz, попечeніе њ создaніи цeркви t любвE къ бGу воз8имёвый: рaдуйсz, њбъ ўстр0еніи њби1тели неусhпнw пекjйсz.

Рaдуйсz, своE и4ноческое житіE прbр0чески предзнаменовaвый: рaдуйсz, на создaніе џныхъ дов0льнw не и3мёвъ сокр0вища, желaніz своегw2 не њстaвивый.

Рaдуйсz, несомнённую на него2 надeжду и3мёвый: рaдуйсz, въ с0ннэмъ видёніи и3 ћвэ верх0вныхъ ґпcтwлъ петрA и3 пavла ўзрёвый.

Рaдуйсz, даровaніе и4хъ тебЁ златA и3 сребрA въ рyцэ пріeмый: рaдуйсz, зaповэдь и4хъ њ пріwбрётеніи тріeхъ їкHнъ на т0ржищи и3сп0лнивый.

Рaдуйсz, їкHны бGомaтери съ предвёчнымъ младeнцемъ, с™и1телz ніколaа и3 великомyченика дими1тріz ў їкwнопи1сца, сребр0мъ и3 злaтомъ ґпcльскимъ пріwбрэтhй.

Рaдуйсz, прпdбне цReвиче пeтре, рост0вскій чудотв0рче.

Кондaкъ }.

Стрaнное чyдо kвлsетсz и3 ди1вное, ћкw въ тyюжде н0щь, є3гдA тебЁ, с™hй пeтре, kви1шасz верх0вніи ґпcтоли, и3 с™и1телю їгнaтію nни2 же повелэвaху, да хрaмъ во и4мz и4хъ ўстр0итъ, є3пcкопъ же томY видёнію ўжасeсz, и3 пригласи1въ кнsзz, повёда бhвшее, и3 вкyпэ џба совётъ њ сeмъ сотвори1ша, и3 воспэвaху бGу: Ґллилyіа.

Јкосъ }.

Вeсь бhвъ, блажeнне цReвиче пeтре, погружeнъ въ размышлeніе њ бз7э по видёніи ґпcлъ и3 њ созидaніи њби1тели, при мlтвенныхъ же и3 п0стныхъ трудёхъ, смирeнію и3 послушaнію и3 терпёнію научи1лсz є3си2, ћкwже п0вэсть житіS твоегw2 kвлsетъ, сегw2 рaди вопіeмъ ти2:

Рaдуйсz, къ созидaнію њби1тели рeвность вeлію и3мёвый: рaдуйсz, зaповэдь ґпcльскую тщaтельнw и3сп0лнивый.

Рaдуйсz, ћкw на совётъ кнsзz со є3пcкопомъ њ тебЁ пришeдый: рaдуйсz, намёреніе кнsзz њ сочетaніи тS брaкомъ без8 р0пота послyшавый.

Рaдуйсz, взыскaнію тебЁ кнsземъ невёсты и3з8 чeстна р0да не прекосл0вивый: рaдуйсz, тёмъ послушaніе ко кнsзю и3 є3пcкопу показaвый.

Рaдуйсz, в0лz гDнz и3 вaша да бyдетъ, tвэщaвый: рaдуйсz, по желaнію кнsзz и3 є3пcкопа, зак0нному супрyжеству пріwбщи1выйсz.

Рaдуйсz, сами1мъ є3пcкопомъ с™hмъ їгнaтіемъ браковэнчaнный: рaдуйсz, ґпcльскаz словесA: брaкъ чeстенъ и3 л0же несквeрно, вёрнw сохрани1вый.

Рaдуйсz, и3 въ супрyжеской жи1зни въ дёланіи добродётелей и3скyсна себE kви1вый.

Рaдуйсz, прпdбне цReвиче пeтре, рост0вскій чудотв0рче.

Кондaкъ f7.

Всsкъ в0зрастъ и3 вeсь нар0дъ грaда рост0ва, вкyпэ съ кнsземъ и3 с™ы6мъ є3пcкопомъ їгнaтіемъ, ўдиви1вшесz пріwбрэтeннымъ тоб0ю, блажeнне пeтре, с™ы6мъ їкHнамъ, ди1вный свётъ и3спущaющымъ, внeсше и4хъ во хрaмъ соб0рный, со ўсeрдіемъ воспэвaху бGу: Ґллилyіа.

Јкосъ f7.

Вэт‡z суемyдренніи є4ллинскагw нечeстіz послэди2 же магомeтовымъ ѕловёріемъ и3сп0лненніи, не могyще и4стинныхъ дwгмaтъ правослaвныz вёры познaти, ўмолк0ша. мh же слhшаще преди1вное твоE и3з8 kзhчества въ хrтіaнскую вёру њбращeніе, похвaльнаz, бlжeнне пeтре, прин0симъ ти2 вопію1ще:

Рaдуйсz, по видёніи ґпcлwвъ, слaдость дух0вную въ сeрдцэ твоeмъ њщути1вый: рaдуйсz, тогдA ќмъ тв0й горЁ впери1вый.

Рaдуйсz, помышлє1ніz тво‰ въ т†йны смотрёніz б9іz ўглуби1вый: рaдуйсz, ћкw њ премэнeніи себє2 и3з8 kзhчества въ хrтіани1на весели1выйсz.

Рaдуйсz, ћкw люб0вію ко хrтY и3 верхHвнымъ ґпcлwмъ разжжeнный: рaдуйсz, и3з8 вручeнныхъ тебЁ t верх0вныхъ ґпcлъ, девzтію2 срeбренники и3 є3ди1ною злати1цею, чyдныz три2 їкHны пріwбрэтhй.

Рaдуйсz, ћкw въ рaдости дyха къ є3пcкопу съ тёми їкHнами поспэши1вый: рaдуйсz, с™aгw є3пcкопа въ недоумёніи бhвша њ видёніи верх0вныхъ ґпcлъ зрёвый.

Рaдуйсz, и3 кнsзz ко є3пcкопу пришeдша совётъ благjй њ ўстр0еніи хрaма рaдостнw слhшавый: рaдуйсz, ћкw t їкHнъ тоб0ю принесeнныхъ палaта ґрхіерeйскаz ди1внымъ свётомъ њзари1сz.

Рaдуйсz, ћкw чудесA въ цRкви соверш†ющаzсz д¦омъ вёры бlгорaзумнw ўразумёвый.

Рaдуйсz, прпdбне цReвиче пeтре, рост0вскій чудотв0рче.

Кондaкъ ‹.

Сп7сти2 хотS дyшу свою2, бlжeнне цRевиче пeтре, всsкими д0брыми нрaвы себE ўкрашaлъ є3си2, по словеси2 ґпcла пavла: є3ли6ка и4стинна, є3ли6ка чeстна, є3ли6ка прелюбє1зна, є3ли6ка доброхв†льна: сі‰ помышлsz, научи1лсz въ ўмилeніи дух0внэмъ воспэвaти бGу: Ґллилyіа.

Јкосъ ‹.

СтэнA бhлъ є3си2 њграждeніz, блажeнне цRевиче пeтре, всBмъ къ тебЁ ўсeрднw притекaющымъ. тёмже и3 мы2, ѓще и3 недост0йніи, прибэгaюще и3 съ люб0вію тS хвaлzще, вопіeмъ:

Рaдуйсz, бlгословeніе ґрхіпaстырz на ўстроeніе хрaма и3 њби1тели пріsвый: рaдуйсz, ў кнsзz рост0вскагw землю2 на созидaніе њби1тели и3спроси1вый.

Рaдуйсz, кнsзz и3скушaюща тS, да сребр0мъ и3 злaтомъ ґпcлы вдaннымъ, мёсто и3скyпиши, неѕл0бивw послушавый.

Рaдуйсz, назначeніе цэны2 за ўречeнное мёсто по девzти2 срeбрєнникъ и3 є3ди1ной злати1цэ послушливw и3сп0лнивый.

Рaдуйсz, прbр0чество с™и1телz їгнaтіz њ неоскудёніи сребрA и3 златA и3з8 мэшцє1въ разумёвый: рaдуйсz, въ видёніи верх0вныхъ ґпcлъ назнaченное длz њби1тели мёсто, ўзрёвый.

Рaдуйсz, сребро2 и3 злaто, ћкw даровaніе t ґпcлъ, съ вёрою пріeмый: рaдуйсz, даровaннымъ t ни1хъ сребр0мъ и3 злaтомъ на њби1тель землю2 пріwбрэтhй.

Рaдуйсz, на т0ежде сребро2 и3 злaто монастhрь чeстенъ ўстр0ивый: рaдуйсz, ћкw њстaнки тогw2 сребрA и3 златA на ўдивлeніе и3 бlгоговёніе до позднёйших времeнъ њстaвивый.

Рaдуйсz, ћкw дух0внаz њгрaда, м0щи тво‰ с™ы6z во њби1тели њбрэт0шасz.

Рaдуйсz, прпdбне цReвиче пeтре, рост0вскій чудотв0рче.

Кондaкъ №i.

Пёніе церк0вное во с™ёй новосоздaннэй тоб0ю њби1тели, во и4мz с™hхъ верх0вныхъ ґпcлъ совершaшесz, тh же, блажeнне цReвиче пeтре, ћкw строи1тель хрaма и3 њби1тели с™hz, рaдовашесz душeю и3 веселsсz сeрдцемъ вопіsлъ є3си2 бGу: Ґллилyіа.

Јкосъ №i.

Ћкw свэтозaрную ѕвэздY во њби1тели, и3 свэтон0сную свэщY на свёщницэ цRкви хrт0вой, зри1мъ тS, прпdбне цRевиче пeтре, и3 во ўмилeніи дyшъ и3 сердeцъ нaшихъ пою1ще, взывaемъ ти2 си1це:

Рaдуйсz, и3 въ супрyжествэ бhвъ, њби1тели тоб0ю создaннэй помогaвый: рaдуйсz, по скончaніи супрyжницы твоеS tвергjйсz мjра.

Рaдуйсz, въ создaнную тоб0ю њби1тель пресели1выйсz: рaдуйсz, монaшеское въ нeй житіE воспріsвый.

Рaдуйсz, въ ѓгGльскій w4бразъ њблечeнный: рaдуйсz, пaки и3 во и4ноцэхъ петр0мъ наречeнный.

Рaдуйсz, w4бразъ добродётельнагw житіS всeй брaтіи бhвый: рaдуйсz, смирeніе глубочaйшее стzжaвый.

Рaдуйсz, пощeнію внимaвый: рaдуйсz, мlтвы тво‰ къ бGу ћкw бlгов0нный fmміaмъ, возноси1вый.

Рaдуйсz, по трудёхъ мн0гихъ во њби1тели твоeй ко гDу въ невечeрній свётъ tшeдый: рaдуйсz, ћкw преблагjй гDь, за премнHгіz тво‰ добродBтели, с™ы6z тво‰ м0щи нетлёніемъ прослaви.

Рaдуйсz, прпdбне цReвиче пeтре, рост0вскій чудотв0рче.

Кондaкъ в7i.

Вeліz благодaти спод0билсz є3си2 t бGа, прпdбне цReвиче пeтре, ћкw и3з8 kзhческіz прeлести въ вёру хrтіaнскую тS бGъ њбрати2, и3 и3з8 тьмы2 поклонeніz твaри въ познaніе є3ђльскіz бlгодaти призвA: послэди1 же и3з8 мірскaгw мzтeжа и3схити1въ, ѓгGлопод0бному житію2 въ тишинЁ с™hz њби1тели спод0би, по кончи1нэ же м0щи тво‰ с™ы6z нетлёніемъ прослaви. тёмже толи1кw тS прослaвившему бGу со стрaхомъ и3 рaдостію вопіeмъ: Ґллилyіа.

Јкосъ в7i.

Пою1ще пaмzть верх0вныхъ ґпcлъ петрA и3 пavла и3 совершaюще празднество2 дванaдесzти ґпcлwвъ, воспоминaемъ тво‰ п0двиги съ люб0вію, ўг0дниче б9ій прпdбне цReвиче пeтре, и3 всечестнyю пaмzть, и3 взывaемъ сицєвaz:

Рaдуйсz, по пути2 гDню ходи1вый: рaдуйсz, вёру хrт0ву до концA соблюдhй.

Рaдуйсz, петрY, кaменю вёры, послёдовавый: рaдуйсz, пavлу, сосyду и3збрaнному, є3ли1кw м0щно ўпод0бивыйсz.

Рaдуйсz, всBмъ с™ы6мъ ґпcлwмъ во благочeстіи ревновaвый: рaдуйсz, дрeвнихъ прпdбныхъ nц7є1въ подражaтелю.

Рaдуйсz, ѓгGльскихъ чинHвъ сопричaстниче: рaдуйсz, царeй правослaвныхъ поможeніе.

Рaдуйсz, с™и1телей весeліе: рaдуйсz, ли1ка прпdбныхъ красото2.

Рaдуйсz, немощнhхъ цэли1телю и3 ѕл0бныхъ бэсHвъ прогони1телю: рaдуйсz, тэлeсъ и3 болёзней нaшихъ врачY.

Рaдуйсz, њ душaхъ нaшихъ тeплый къ бGу мlтвенниче.

Рaдуйсz, прпdбне цReвиче пeтре, рост0вскій чудотв0рче.

Кондaкъ Gi.

Q препётый и3 прехвaльный чудотв0рче џ§е нaшъ прпdбне цReвиче пeтре, ви1димw въ создaннэй тоб0ю с™ёй њби1тели мощaми твои1ми пребывazй, неви1димw же t нбcныхъ чертHгъ нaсъ грёшныхъ чaдъ свои1хъ, назираzй! пріими2 сіE мaлое приношeніе, t любвE душeвныz тебЁ возсылaемое, и3 t всsкіz и3збaви напaсти всёхъ: дерзновeннымъ же твои1мъ ко хrтY бGу ходaтайствомъ бyдущіz нaсъ и3зми2 мyки, да съ тоб0ю въ безконeчныz вёки воспэвaемъ бGу: Ґллилyіа.

Конда1къ се1й глаго1лн G-жды, таже i4косъ №-й, и3 кондaкъ №-й.

Моли1тва.

Q пребlжeнне и3 прпdбне пeтре цReвиче, рост0вскій чудотв0рче! ћкwже и3з8 мрaка kзhческагw во свётъ єђльскагw ўчeніz гDь тS призвA: тaкw ўмоли2 є3гw2, да и3 нaсъ по неизречeннэй своeй блaгости и3 человэколю1бію и4зметъ всеси1льною своeю десни1цею и3з8 тмы2 грэх0вныz, и3 њсіsетъ сердцA н†ша къ дёланію є3гw2 бжcтвенныхъ зaповэдей. ћкwже ты2 и3збёгъ мzтeжа мірски1хъ волнeній, во ѓгGлопод0бное безпечaльное житіE спод0билсz є3си2 дости1гнути, тaкw спод0би и3 нaмъ грBшнымъ м0рz сегw2, влaемагw страстьми2, пучи1ну безмzтeжнw преплhти, и3мёz тS, џ§е, к0рмчагw њ гDэ нaшемъ, и3 дости1гнути чи1стымъ покаsніемъ ко пристaнищу сп7сeніz вёчнагw. и3 ћкwже и3мёлъ є3си2 споспёшникwвъ тебЁ верх0вныхъ ґпcлwвъ петрA и3 пavла въ созидaніи њби1тели, тaкw подви1гни и4хъ ўмилосeрдитисz и3 њ нaсъ недост0йныхъ, и3 даровaти нaмъ t сугyбыz ґпcльскіz блaгости дерзновeніе ко хrтY бGу. вёруемъ бо, ћкw ѓще м0щи тво‰ с™ы6z и3 сокровє1нны въ земли2, но ты2 цaрствуеши со и3збрaнными б9іими на нб7си2: и3сходaтайствуй u5бо, да и3 нaмъ грBшнымъ мlтвами твои1ми, да tвeрзетсz двeрь цrтвіz нбcнагw въ безконeчныz вёки. Ґми1нь.

Краткое житие преподобного Петра, царевича Ордынского

Пре­по­доб­ный Петр, ца­ре­вич Ор­дын­ский, был пле­мян­ни­ком ха­на Зо­ло­той Ор­ды Бер­гая. В 1253 го­ду свя­ти­тель Ки­рилл, епи­скоп Ро­стов­ский (па­мять 21 мая), хо­дил в Ор­ду для хо­да­тай­ства о цер­ков­ных нуж­дах сво­ей епар­хии и рас­ска­зы­вал ха­ну о чу­де­сах, со­вер­шав­ших­ся при мо­щах свя­ти­те­ля Леон­тия (па­мять 23 мая). В чис­ле слу­ша­те­лей был и юный пле­мян­ник ха­на, на ко­то­ро­го рас­сказ свя­ти­те­ля про­из­вел очень силь­ное впе­чат­ле­ние. Через неко­то­рое вре­мя у Бер­гая за­бо­лел сын. Вспом­нив рас­сказ рус­ско­го епи­ско­па об ис­це­ле­ни­ях, он вы­звал свя­ти­те­ля Ки­рил­ла, и по его мо­лит­вам боль­ной ис­це­лил­ся. Хан щед­ро ода­рил свя­ти­те­ля Ки­рил­ла и от­пу­стил в епар­хию. На пу­ти свя­ти­те­ля до­гнал от­рок, пле­мян­ник ха­на Бер­гая, и умо­лил взять его с со­бой в Ро­стов. В Ро­сто­ве от­рок был кре­щен с име­нем Петр и же­нил­ся. Свя­той Петр от­ли­чал­ся лю­бо­вью к мол­ча­нию, бо­го­мыс­лию и мо­лит­ве. По­сле чу­дес­но­го яв­ле­ния ему апо­сто­лов Пет­ра и Пав­ла он по­стро­ил при озе­ре Неро мо­на­стырь в их честь. По смер­ти сво­ей су­пру­ги, неза­дол­го до сво­ей кон­чи­ны, свя­той при­нял ино­че­ство в ос­но­ван­ной им оби­те­ли. Скон­чал­ся пре­по­доб­ный Петр в глу­бо­кой ста­ро­сти в 1290 го­ду.

По­чи­та­ние пре­по­доб­но­го ца­ре­ви­ча Пет­ра на­ча­лось с XIV ве­ка. По­все­мест­ное празд­но­ва­ние уста­нов­ле­но на Со­бо­ре 1547 го­да, при мит­ро­по­ли­те Все­рос­сий­ском Ма­ка­рии, и со­вер­ша­ет­ся 23 мая и 30 июня.

Полное житие преподобного Петра, царевича Ордынского 

Свя­той Петр ца­ре­вич – яс­ный при­мер то­му, что пре­бы­ва­ние пас­ты­рей Рус­ской Цер­кви в Ор­де, тя­же­лое для них, не оста­ва­лось без пло­дов для свя­той ве­ры. Ро­стов­ский епи­скоп Ки­рилл (па­мять 21 мая/3 июня) хо­дил в Ор­ду к ха­ну Бер­гаю по нуж­дам Церк­ви. При вос­ше­ствии но­во­го ха­на на пре­стол кня­зья и пас­ты­ри на­ши обык­но­вен­но хо­ди­ли на по­клон к нему. Так бы­ло и при Бер­гае, ко­гда он взо­шел на пре­стол по­сле бра­та сво­е­го в 1257 го­ду. Лас­ко­во при­ня­тый Бер­га­ем, бла­жен­ный Ки­рилл, по его же­ла­нию, рас­ска­зы­вал ему о свя­той ве­ре, как рас­про­стра­нял ее свя­той Леон­тий в Ро­сто­ве (па­мять 23 мая/5 июня), ка­кие чу­де­са со­вер­ша­ют­ся при мо­щах его во сла­ву име­ни Хри­сто­ва и си­лой Хрис­то­вой. В чис­ле слу­ша­те­лей бе­се­ды епи­ско­па с ха­ном был юный пле­мян­ник Бер­гая, сын его бра­та. Сло­во о ве­ре Хри­сто­вой па­ло на доб­рую поч­ву – на серд­це доб­ро­го юно­ши. Он был силь­но по­ра­жен тем, что слы­шал о свя­той ве­ре, и стал уве­рять­ся в пу­сто­те сво­ей язы­че­ской ре­ли­гии: по­кло­не­нии солн­цу, звез­дам, ог­ню. В том же го­ду у ха­на раз­бо­лел­ся един­ствен­ный сын, и хан, вспом­нив рас­ска­зы Ро­стов­ско­го епи­ско­па об ис­це­ле­ни­ях, со­вер­ша­ю­щих­ся при гро­бе свт. Леон­тия, вы­тре­бо­вал Ки­рил­ла к се­бе для ис­це­ле­ния сы­на. Свя­ти­тель по­сле теп­лой мо­лит­вы к Бо­гу и Пре­свя­той Бо­го­ма­те­ри мо­лил чу­до­твор­ца Леон­тия оправ­дать де­ло свя­той ве­ры пе­ред за­блуд­ши­ми. При­быв в Ор­ду, он ис­це­лил боль­но­го ца­ре­ви­ча мо­лит­вой и освя­щен­ной во­дой. Щед­ро ода­рен­ный ха­ном, Рос­тов­ский епи­скоп от­пра­вил­ся в оте­че­ство. Юный пле­мян­ник ха­на во вре­мя вто­рич­но­го пре­бы­ва­ния епи­ско­па у ха­на ре­шил­ся уда­лить­ся с ним в Ро­стов, чтобы там при­нять свя­тую ве­ру. Не смея от­крыть сво­их на­ме­ре­ний ма­те­ри, бо­ясь вла­сти дя­ди, он тай­но ушел из Ор­ды и, до­гнав на до­ро­ге епи­ско­па, со сле­за­ми про­сил взять его с со­бой. Свя­ти­тель со­гла­сил­ся.

В Ро­сто­ве ца­ре­вич жил в до­ме епи­ско­па, хо­дил смот­реть на чин бо­го­слу­же­ния, слу­шал чте­ние и пе­ние, и все его при­во­ди­ло в вос­торг. То­гда в ка­фед­раль­ном хра­ме епи­ско­па, го­во­рит древ­ний по­вест­во­ва­тель, на ле­вом кли­ро­се пе­ли по-гре­че­ски, а на пра­вом по-рус­ски. Ца­ре­вич про­сил кре­стить его. Но вла­ды­ка, за­бо­тив­ший­ся о сво­ей пастве, ве­лел ца­ре­ви­чу ожи­дать до вре­ме­ни, опа­са­ясь гне­ва хан­ско­го на зем­лю Рус­скую, ес­ли услы­шит о Кре­ще­нии сво­е­го пле­мян­ни­ка. Но про­шло до­воль­но вре­ме­ни, умер хан Бер­гай, пе­ре­ста­ло в Ор­де ис­ка­ние ца­ре­ви­ча, и свя­ти­тель с лю­бо­вью окре­стил его с име­нем Пет­ра. Но­вый хрис­ти­а­нин на­учил­ся рус­ско­му язы­ку, усерд­но чи­тал кни­ги, тру­до­лю­би­во мо­лил­ся, по­се­щал бо­го­слу­же­ние хра­ма, жил чи­сто и воз­держ­но, оста­ва­ясь в до­ме епи­ско­па.

Бла­жен­ный Ки­рилл скон­чал­ся, и 19 сен­тяб­ря 1261 го­да из Ав­ра­ами­е­вой оби­те­ли взо­шел на ка­фед­ру Ро­стов­скую свт. Иг­на­тий. Петр про­дол­жал жить при свт. Иг­на­тии в ка­фед­раль­ном до­ме. Про­дол­жая усерд­но по­се­щать храм Бо­жий и жить бла­го­го­вей­но, по вре­ме­нам за­бав­лял­ся он со­ко­ли­ной охо­той на бе­ре­гу озе­ра Неро. Раз, за­мед­лив до но­чи на этой охо­те, за­снул он у озе­ра. Ему яви­лись во сне, а по про­буж­де­нии и на­яву, свв. апо­сто­лы Петр и Па­вел. Ужас­нул­ся юно­ша, ви­дя пред со­бой свет­лых му­жей ро­стом, пре­вы­ша­ю­щим че­ло­ве­че­ский, и да­ле­ко оси­яв­ших окрест­ный мрак; три­жды хо­тел он вос­стать и три­жды по­вер­гал­ся до­лу пред ни­ми. И они, под­няв его, лас­ко­во ска­за­ли: «Не бой­ся, друг Петр, мы по­сла­ны к те­бе Бо­гом, в Ко­то­ро­го ты уве­ро­вал, и же­ла­ем, чтобы и здесь, где за­снул ты, со­зда­на бы­ла цер­ковь в на­ше имя; зав­тра ты вы­ме­ня­ешь три ико­ны, од­ну Бо­го­ро­ди­цы с Пред­веч­ным Мла­ден­цем и две свя­тых, от­не­сешь их к епи­ско­пу и ска­жешь, что апо­сто­лы Петр и Па­вел по­веле­ва­ют по­стро­ить в их имя цер­ковь на ука­зан­ном ими ме­сте». За­тем они да­ли ца­ре­ви­чу два меш­ка, один с зо­ло­том, дру­гой с се­реб­ром, и ста­ли неви­ди­мы. Бла­жен­ный Петр про­был в мо­лит­ве до утра на ме­сте, где яви­лись ему апо­сто­лы. По­том на­шел в го­ро­де у ико­но­пис­ца три ука­зан­ные ико­ны, вы­ме­нял и по­нес их епи­ско­пу. В ту же ночь свт. Иг­на­тию яви­лись апо­сто­лы и при­ка­за­ли по­стро­ить в их имя храм. Устра­шен­ный то­ном при­ка­за­ния и ви­дом их, Иг­на­тий утром при­гла­сил к се­бе кня­зя – то­гда был кня­зем сын му­че­ни­ка Ва­силь­ка Бо­рис – и, рас­ска­зав ему о ви­де­нии, го­во­рил: «Не знаю, что де­лать? Недо­уме­ваю, где стро­ить храм?» В это вре­мя они уви­де­ли Пет­ра с ико­на­ми на ру­ках; епи­скоп и князь бы­ли по­ра­же­ны изум­ле­ни­ем, от­ку­да мог взять Петр ино­стра­нец та­кие пре­крас­ные ико­ны, то­гда как в го­ро­де на то вре­мя не бы­ло ико­но­пис­ца? Вы­слу­шав рас­сказ Пет­ра, они бла­го­го­вей­но по­кло­ни­лись свя­тым ико­нам, от­слу­жи­ли в хра­ме мо­ле­бен пе­ред ни­ми, со­вер­ши­ли крест­ный ход на ме­сто яв­ле­ния свя­тых апо­сто­лов и здесь в пост­ро­ен­ной на­ско­ро ча­совне по­ста­ви­ли чуд­ные ико­ны. Бла­жен­ный Петр вы­брал об­шир­ную пло­щадь на бе­ре­гу озе­ра. На от­ве­ден­ном ме­сте был по­стро­ен храм свя­тых апо­сто­лов и при нем ос­но­вал­ся мо­на­стырь ино­ков.

По­чи­та­ние пре­по­доб­но­го ца­ре­ви­ча Пет­ра на­ча­лось с XIV ве­ка. По­мест­ное празд­­но­ва­ние уста­нов­ле­но на Со­бо­ре 1547 го­да, при мит­ро­по­ли­те Все­рос­сий­ском Ма­ка­рии.