Акафист святому преподобному Трифону, Печенгскому чудотворцу

Составитель: Александр Кононов

Одобрен: решение Св. Синода 26 июня 1895 года №1746

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 28 декабря (15 декабря ст. ст.)

Утвержден для общецерковного использования.

Кондак 1

Избравшу тя Пастыреначальнику Христу во апостола страны северныя, абие отринул еси, досточудне Трифоне, мира сего красная, претерпел же всяко озлобление, благовестил еси седящым во тме и сени смертней Бога явльшагося плотию: темже со апостолы срадуется дух твой в небесных обителех. Имея убо дерзновение ко Христу Богу нашему, от всяких бед избави нас зовущих:
Радуйся, Трифоне, страны северныя просветителю, Печенгский чудотворче.

Икос 1

Ангелы Своя странам и языком предстатели даровавый Бог, егда прииде времен исполнение, моления ради ангела страны, яже близ океана хладна, и народа лопска предстателя, призва тя во благовестие, всехвальный Трифоне, яко да спасени будут людие тии. Поминающе убо сия, вопием ти:
Радуйся, священнаго корене благое прозябение.
Радуйся, пустынным издетска житием сосуд избран себе Богови уготовавый.
Радуйся, зван быв свыше, к океану морю преселивыйся.
Радуйся, во Христе грядущее избавление тамо благовестивый.
Радуйся, поспешествующей ти благодати Божией, приведый ко Христу чад множество.
Радуйся, совершенною Христа любовию уязвився, образ по сем иноческий на себе приемый.
Радуйся, Троицы Живоначальныя обитель устроивый, и яже ко Христу монахов ликостояния.
Радуйся, велия ради смирения от начальства над обителию отрекийся, повелеваяй зверьми дивиими.
Радуйся, течение свое святолепне скончав, благочестне ко Христу отшедый.
Радуйся, яко обитель твоя, от враг разоренная, по словеси твоему паки возставится.
Радуйся, по преставлении твоем царя Феодора спасый и всем потребная скоро подаваяй.
Радуйся, Трифоне, страны северныя просветителю, Печенгский чудотворче.

Кондак 2

Видяща родителя твоя, досточудне Трифоне, издетска постническое твое житие, аще и стужастася о твоем терпении, обаче радовастася, проразумевающа, яко хощет Господь воздвигнути тебе нова миру светильника, и Тому воспеваста: Аллилуиа.

Икос 2

Разум свыше осени тя, преподобне, всего себе предати Христову изволению, имже в пустыню приведен был еси: тамо бо найде на тя Сила Божия, во еже благовестити Евангелие Хритово народу иному. Темже вопием ти:
Радуйся, иереа Божия радосте и матере твоея веселие.
Радуйся, родителей честных чадо, от Бога зело возлюбленное.
Радуйся, девство драгое и чистоту душевную соблюдый непорочны.
Радуйся, издетска в дому Божии, аки Христос отрок, приметатися изволивый.
Радуйся, услышавый тамо слово реченное: пустынным живот сокровен есть, божественным рачением воскриляющымся.
Радуйся, оным гласом, яко воин, на служение Царю призванный.
Радуйся, пустынным житием себе в добрем изволении утвердивый.
Радуйся, во юности плотския страсти умертвивый.
Радуйся, постом душу свою, во еже глас свыше слышати, предочистивый.
Радуйся, от Христа языку лопску избранный благовестниче.
Радуйся, еже о мире сем отложивый попечение и абие вослед Христу последовавый.
Радуйся, Трифоне, страны северныя просветителю, Печенгский чудотворче.

Кондак 3

Силою во еже благовестити, свыше Христос облече тя, досточудне Трифоне. В пустыни бо, аки Моисеови древле в купине, глас ти бысть: «Иди в землю необетованную и рцы, яко любы обручения Моего не разорится». Егда же рекл еси: «Кто еси Господи»; отвеща ти: «Иисус Есмь, Егоже ты ищеши». Сия же слышав, со умилением преклонься, возопил еси Тому: Аллилуиа.

Икос 3

Имущу ти, аки Моисей, смирение велие, во еже отрещися такова звания, рекл еси, преподобне: «Невежда есмь, Господи, и малокнижен». Обаче Той заповеда ти: «Ничесоже вопреки глаголи, яко на вся послю тя, и идеши. вся, яже заповедаю ти, глаголи, не убойся, с тобою бо Есмь». Сего ради вопием ти:
Радуйся, радости родителей твоих оправдание.
Радуйся, видевый славы Отчия сияние.
Радуйся, яко благодать Божия излияся на тя богатно.
Радуйся, яко разумение ти языков дадеся.
Радуйся, яко найде на тя дух премудрости и ведения.
Радуйся, Духа Святаго приятелище.
Радуйся, силою Божиею аки мечем препоясанный.
Радуйся, яко рыбарь ко океану на уловление душ человеческих во спасение призванный.
Радуйся, Андреа Первозваннаго, на горах Киевских благовестника ревнителю.
Радуйся, Мефодиа и Кирилла избранный последователю.
Радуйся, Гуриа и Варсонофиа, Стефана и Иннокентиа достойный преемниче.
Радуйся, Трифоне, страны северныя просветителю, Печенгский чудотворче.

Кондак 4

Бури океана хладна не убоявся, любовию Христовою согреваемь, во страну северную преселился еси, досточудне Трифоне, да предложиши тамо народу Лопску огнь любве Божия, хлад и мрак души разгоняющ, во еже чистым сердцем и усты воспевати: Аллилуиа.

Икос 4

Слышаще идолов посрамление от тебе, злочестивии людий сих учителие, кебуни нарицаеми, злобу велию воздвигоша на тя, преподобне, по ланитома биюще, по каменем влачаще, и ины пакости деюще. Мы же зряще тя, со смирением таковая приемлюща, умильно вопием:
Радуйся, яко купец многоценна ради бисера ко океану устремивыйся.
Радуйся, ввергий мрежу свою на уловление душ во спасение.
Радуйся, тщету идолов обличивый.
Радуйся, сего ради аки Павлово от иудей страдание приемый.
Радуйся, яко слово Божие светлостию лица твоего утверждашеся.
Радуйся, яко слово твое пройде в сердца окамененная.
Радуйся, от Бога создание всея твари из небытия народу лопарску возвестивый.
Радуйся, благовестивый сим людем во Адаме наше падение, во Христе же обновление.
Радуйся, отриновенныя Христовым обручением утешивый.
Радуйся, благовестием твоим небесныя лики возвеселивый.
Радуйся, ангела предстателя страны северныя себе явивый.
Радуйся, Трифоне, страны северныя просветителю, Печенгский чудотворче.

Кондак 5

Боготечней звезде уподобився, всю страну северную обтекл еси, досточудне Трифоне. Яко бо денница, солнцу преходящая, от языка лопска привел еси ко Христу чад множество, иже со умилением сердца приимше крещение, возопиша о тебе Богу: Аллилуиа.

Икос 5

Видение бе дивное, егда от мрачна неведения тобою приведеннии Христови сочеташася: земля бо и небо ликоваху, во струях Печенги, аки Иордана и Днепра, зряща множество крещаемых. Поминающе убо сия, восклицаем ти:
Радуйся, гласе вопиющаго, от народа лопска услышанный.
Радуйся, Крестителя Христова собеседниче.
Радуйся, яко тма идольская от тебе разорися.
Радуйся, яко крест, аки знамя победное, тобою зде водрузися.
Радуйся, яко трапеза бесовская ни во что же тамо вменися.
Радуйся, яко вместо тоя утвердися тамо трапеза Христова спасительная.
Радуйся, тобою бо Матерь Божия прославися.
Радуйся, яко святии просвященным тобою людем присни сташа.
Радуйся, яко Владимир святый, зря чад умножение, возвеселися.
Радуйся, в распутиях мира сего обретый на вечерю Христову избранныя.
Радуйся, Церкве от народа лопска создателю.
Радуйся, Трифоне, страны северныя просветителю, Печенгский чудотворче.

Кондак 6

Егда проповедано бысть Евангелие всей стране северней, ин подвиг приял еси на себе, досточудне Трифоне. Языку бо крещену бывшу, абие прием образ ангельский, создал еси обитель Живоначальныя Троицы, в нюже стечеся инок множество, во еже пети Богу: Аллилуиа.

Икос 6

Возсия во мраце Севера, яко светильник света невечерняго, обитель от тебе созданная, светом Троическим вся осиявающая. Темже радующеся вопием ти:
Радуйся, апостолом веселие, преподобным же удобрение.
Радуйся, кукулем, аки венцем незлобия, главу свою увязивый.
Радуйся, поясом чресла своя во умерщвление плоти препоясавый.
Радуйся, Иоанну Богом возлюбленну поревновавый.
Радуйся, нестяжания учителю.
Радуйся, смирения великаго носителю.
Радуйся, каменю, на немже создася жилище Пресвятыя Троицы.
Радуйся, в жилищих тмы селение света невечерняго соделавый.
Радуйся, яко возстена князь мира сего, зря воинства Христова водворение.
Радуйся, яко зде ста колесница, Иезекиилем созерцанная.
Радуйся, яко вознесеся седящему на ней песнь великая, в вышних песнословимая.
Радуйся, Трифоне, страны северныя просветителю, Печенгский чудотворче.

Кондак 7

Хотяй чада своя препитати и спасти, егда глад стране прилучися, блаженному Гурию предал еси, досточудне Трифоне, обитель от тебе созданную, сам же изшед во Отечествие, осмерицу лет по градом тамо прехождал еси, даяния блага приемля и поя Богу: Аллилуиа.

Икос 7

Новую купель Силоамскую яви тя Бог, преподобне, егда странен сый во Отечествии, приемля даяния, многоценна сокровища всем источал еси, тобою бо слепии прозираху, немии глаголаху, недужнии здравие улучаху. Чудящеся сему, ублажаем тя:
Радуйся, Моисеови уподобивыйся.
Радуйся, Товита праведна ревнителю.
Радуйся, яко Товиа в путех ангелом храненный.
Радуйся, святителя Николаа Мирликийскаго подражателю.
Радуйся, Сампсона страннолюбива и Филарета милостива увеселителю.
Радуйся, алчущих питателю.
Радуйся, сирых заступление.
Радуйся, вдовиц ограждение.
Радуйся, младенцев соблюдение.
Радуйся, милосердия учителю.
Радуйся, образе жития богоугоднаго.
Радуйся, Трифоне, страны северныя просветителю, Печенгский чудотворче.

Кондак 8

Странствие скончавая, к царствующему граду устремился еси, досточудне Трифоне, идеже новое о тебе чудо благоволи Бог сотворити: не сущу бо еще ти тамо, со единем от обители Соловецкия цареви предстал еси дивно. Темже последи той, приемль тя любовию, всякаго исполни даяния, поя Богу: Аллилуиа.

Икос 8

Весь благоговеинства исполнився, в тое же время царевич Феодор, изшед от церкве, посла ти, преподобне, одежды своя, яко да милостыня его предъидет царскому даянию, еже и бысть по сем велие. Темже вопием ти:
Радуйся, смирения ради вознесенный.
Радуйся, сильным мира сего явленный.
Радуйся, яко царь пришествию твоему удивися.
Радуйся, яко явлением двою той возвеселися.
Радуйся, от царя достойне почтенный.
Радуйся, от сына царева одаренный и возлюбленный.
Радуйся, от напастей сего выну соблюдавый.
Радуйся, яко милостынею его обитель твоя снабдеся.
Радуйся, яко благочестием его царство Российское увеселися.
Радуйся, яко царство наше цари благочестивыми украшается.
Радуйся, яко святыми мужи оное утверждается.
Радуйся, Трифоне, страны северныя просветителю, Печенгский чудотворче.

Кондак 9

Всяких дарований исполнен сый, паки во страну северную, аки солнце к захождению, притек, досточудне Трифоне, создал еси церковь благоверных князей Бориса и Глеба, и оставль обитель, в дольней пустыни водворився, остаток дний своих препроводил еси в терпении мнозе, поя Богу: Аллилуиа.

Икос 9

Витии от инок дивное еже ти тварей повиновение всюду возвестиша, преподобне: не сущу бо ти единожды в келлии, зверь дивий в ню вниде и начат бывшая ясти. Возвращшу же ти ся и наказавшу сего, николиже паки ко обители твоей от тацех приближатися смеяше. Сему же чудящеся, взываем ти:
Радуйся, ластовице пустыннолюбивая.
Радуйся, Успенския пустыни украшение.
Радуйся, молчания образе.
Радуйся, прилоги лукаваго уразумевый.
Радуйся, гордыни его не приложивыйся.
Радуйся, стрелы того безсильны явивый.
Радуйся, в конец сего посрамивый.
Радуйся, Адаму первозданну уподобивыйся.
Радуйся, яко тя зверие дивии царя себе познаша.
Радуйся, от земнородных прозябение дивное.
Радуйся, кораблю великий, ко пристанищу тихому приблизивыйся.
Радуйся, Трифоне, страны северныя просветителю, Печенгский чудотворче.

Кондак 10

Спасти хотя собранныя, прежде кончины твоея досточудне Трифоне, паки во обитель твою прешел еси, и Богови служение заповедал еси братии: юже грядущаго ради озлобления Христовым утешив милосердием, в небесныя кровы отшел еси, идеже со святыми поеши Богу: Аллилуиа.

Икос 10

Стена был еси чадом обители твоея, преподобне, иже со умилением поюще надгробная, положиша святое тело твое, якоже заповедал еси, в пустыне тобою возлюбленней Зряще же оное токи чудес источающее, радостно возопиша:
Радуйся, Пресвятыя Троицы изрядный почитателю.
Радуйся, Девы Преблагословенныя ублажателю.
Радуйся, святым Зосиме, Савватию и Герману единонравный.
Радуйся, добре Богови поживый.
Радуйся, в старости мастите ко Христу преселивыйся.
Радуйся, яко глава твоя, приклонена сущи, труды извествоваше.
Радуйся, седина бо твою мудрость обличаше.
Радуйся, таланты, от Бога ти вданныя, приумноживый.
Радуйся, благий рабе, вшедый в радость Господа твоего.
Радуйся, честных монахов похвало и украшение.
Радуйся, обители твоея присный Богови предстателю.
Радуйся, Трифоне, страны северныя просветителю, Печенгский чудотворче.

Кондак 11

Пение всеумиленное приносим ти, досточудне Трифоне! Обитель бо твоя, аще по словеси твоему от свеев разорися, обаче страданием братий прославльшися, паки возставися. Аще и вторицею опусте, силою же лучшею ныне обновися, в нюже иноцы текуще, о тебе радостно Богови поют песнь немолчную: Аллилуиа.

Икос 11

Светозарней звезде уподобися обитель твоя, преподобне, егда ю свее разоряху: чада бо, тобою собранная, терпением враги посрамиша, венцы мученическими украсишася, и купно с церковию огнем попалившася, яко жертва угодна Богови принесошася. Поминающе убо таковая, умильно вопием ти:
Радуйся, грядущая в Бозе созерцаяй.
Радуйся, обители разорение предъявивый.
Радуйся, до времене ю вои небесными соблюдавый.
Радуйся, яко ученик твой Иона, молитвами тя выну чтый, в пустыни твоей от меча скончася.
Радуйся, Гуриа, Германа и иных прославленных Богом подвижников веры и благочестия наставниче.
Радуйся, яко вся чада твоя от Христа прияшася.
Радуйся, яко обитель твоя паки возставися.
Радуйся, яко паки тем светильник благочестия страны даровася.
Радуйся, тою лжеучения сокрушаются.
Радуйся, святыя бо твоя мощи аки камень краеуголен являются.
Радуйся, яко вся коемуждо полезная молитвами твоими даруеши.
Радуйся, Трифоне, страны северныя просветителю, Печенгский чудотворче.

Кондак 12

Благодати Христовы носителю, досточудне Трифоне! С верою тя призывающым полезная подаеши, от напастей же, яко царя Феодора, скоро избавляеши. Сему бо нощию явився во стане, рекл еси: «Скоро изыди, да не найдет на тя смерть нечаянная». Сия же сотворшу ему, абие от стреляния вражеска скиния опровержеся и ложе разметася, людие же чудящеся пояху: Аллилуиа.

Икос 12

Поюще Богу песнь благодарения, радуемся о тебе, преподобне, яко вся нам полезная даруеши. Тобою бо пагуба отгоняется, здравие улучается, мир и благоустроение водворяется: понеже на небесех присно ходатайствуеши о нас, взывающих ти сице:
Радуйся, на небесех о нас теплый предстателю.
Радуйся, почитающих тя верный хранителю.
Радуйся, не чтущих тебе вразумителю.
Радуйся, духов злобы отгонителю.
Радуйся, помраченных умы просветителю.
Радуйся, недугов изрядный целителю.
Радуйся, от потопления морскаго спасателю.
Радуйся, яко тобою царю Феодору даровася избавление.
Радуйся, яко тобою небесное царей наших познася соблюдение.
Радуйся, яко тобою всяка печаль отгоняется.
Радуйся, яко тобою благочестие во обители твоей и по всей стране сей утверждается.
Радуйся, Трифоне, страны северныя просветителю, Печенгский чудотворче.

Кондак 13

О преподобне и досточудне отче наш Трифоне! Живоначальней предстоя Троице, в неприступнем свете и радости неизглаголанней, приими сие от умиленнаго ти сердца возносимое хваление, и не престай моляся о нас, да поживше благочестне, по успении нашем сретени от тебе обрящемся на небесех, и воспоем Богови со ангельскими лики: Аллилуиа.

(Этот кондак читается трижды, затем икос 1-й и кондак 1-й)

Молитва святому преподобному Трифону, Печенгскому чудотворцу

О Всесвятыя Троицы угодниче, о блаженнейший и равноапостольный пастырю, преподобне отче наш Трифоне! Не забуди твоея паствы, поминай во святых твоих и богоприятных молитвах, приносимых в Троице славимому Богу, стадо твое, еже сам, по благовестию от ангела, пришествием твоим собрал и упасл еси. Понеже в сродстве твоего мирскаго жилища, слышав во святей церкви на утрени поющих: «Пустынным живот сокровен есть, божественным рачением воскриляющымся»; и от того восперився божественною любовию, оставль дом и сродство, и пришед вскрай северныя страны, просветил еси святым крещением неведущий Творца, всех Бога, лопарский народ, за еже, во утверждении христианския веры, многа изгнания и злоключения подъял еси. И близ реки Печенги в пустыню вселився, братию из многих градов и весей собрав, велию обитель воздвигл еси, и при отшествии к небесным селением, о посещении твоея обители пророчествия дар от Бога восприял еси, и по смерти на мори и на суши многа чудеса и цельбы с верою просящым сотворил еси и ныне твориши. Темже молим тя, не забуди присещати чад твоих: моли за ны, преподобне отче, приходящыя к тебе с верою, и за вся христианы, яко имеяй дерзновение к Безсмертному Царю Христу всех Богу. Не премолчи за ны ко Господу, и не презри нас верою и любовию чтущих тя и поминающих святую память твою. Аще бо ты и преставился еси от нас телом, но и по смерти живый духом, всегда чудодействуеши. Молитвами твоими сохраняй нас от стрел и козней вражиих, и всякия прелести бесовския, и от враг видимых и невидимых. Пастырю наш добрый! Аще мощи твоя в раце незрими нам суть, обаче, понеже всегда в Троице славимому Богу, при Престоле Его непостижимаго величествия неотступно в молитвах предстоиши, усердно к тебе прибегаем и просим: умоли и испроси нам время к покаянию, да в час исхода души прейдем от земных к небесным, мытарств же воздушных и вечныя муки избавимся, и Небесному Царствию наследницы будем со всеми от века угодившими. О всеблаженне отче наш Трифоне! Не презри и ныне нас, притекающих к тебе, яко да молитвами твоими и помощию спасаеми, славу и благодарение, хвалу и поклонение за вся в Троице единому Богу, всех Создателю возсылаем, Отцу и Сыну, и Святому Духу, ныне и присно и во веки веков. Аминь.

Ґкafістъ с™0му прпdбному трЂфwну, печeнгскому чудотв0рцу.

Кондaкъ №.

И#збрaвшу тS пастыреначaльнику хrтY во ґп0стола страны2 сёверныz, ѓбіе tри1нулъ є3си2, досточyдне трЂфwне, мjра сегw2 кр†снаz: претерпёвъ же всsко њѕлоблeніе, бlговэсти1лъ є3си2 сэдsщымъ во тмЁ и3 сёни смeртнэй бGа ћвльшагосz пл0тію: тёмже со ґпcлы срaдуетсz дyхъ тв0й въ нбcныхъ њби1телехъ. и3мёz u5бо дерзновeніе ко хrтY бGу нaшему, t всsкихъ бёдъ и3збaви нaсъ зовyщихъ:

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Јкосъ №.

ЃгGлы сво‰ странaмъ и3 kзhкwмъ предстaтели даровaвый бGъ, є3гдA пріи1де времeнъ и3сполнeніе, молeніz рaди ѓгGла страны2, ћже близ8 nкеaна хлaдна, и3 нар0да л0пска предстaтелz, призвa тz во бlговёстіе, всехвaльный трЂфwне, ћкw да спасeни бyдутъ лю1діе тjи. поминaюще u5бо сі‰, вопіeмъ ти2:

Рaдуйсz, свzщeннагw к0рене бlг0е прозzбeніе: рaдуйсz, пустhннымъ и3з8дётска житіeмъ сосyдъ и3збрaнъ себE бGови ўгот0вавый.

Рaдуйсz, звaнъ бhвъ свhше, къ nкеaну м0рю пресели1выйсz: рaдуйсz, во хrтЁ грzдyщее и3збавлeніе тaмw бlговэсти1вый.

Рaдуйсz, поспёшествующей ти2 бlгодaти б9іей, приведhй ко хrтY чaдъ мн0жество: рaдуйсz, совершeнною хrтA люб0вію ўzзви1всz, w4бразъ по сeмъ и4ноческій на себE пріeмый.

Рaдуйсz, трbцы живоначaльныz њби1тель ўстр0ивый, и3 ±же ко хrтY монaхwвъ ликосто‰ніz: рaдуйсz, вeліz рaди смирeніz t начaльства над8 њби1телію tрекjйсz, повелэвazй ѕвэрьми2 ди1віими.

Рaдуйсz, течeніе своE с™олёпнэ скончaвъ, бlгочeстнэ ко хrтY tшeдый: рaдуйсz, ћкw њби1тель твоS, t вр†гъ разорeннаz, по словеси2 твоемY пaки возстaвисz.

Рaдуйсz, по преставлeніи твоeмъ царS fе0дwра спасhй и3 всBмъ потрє1бнаz ск0рw подавazй.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ в7.

Ви6дzща роди1тєлz тво‰, досточyдне трЂфwне, и3з8дётска п0стническое твоE житіE, ѓще и3 стужaстасz њ твоeмъ терпёніи, nбaче рaдовастасz, проразумэв†юща, ћкw х0щетъ гDь воздви1гнути тебE н0ва мjру свэти1льника, и3 томY воспэвaста: Ґллилyіа.

Јкосъ в7.

Рaзумъ свhше њсени1 тz, прпdбне, всего2 себE предaти хrт0ву и3зволeнію, и4мже въ пустhню приведeнъ бhлъ є3си2: тaмw бо нaйде на тS си1ла б9іz, во є4же бlговэсти1ти є3ђліе хrт0во нар0ду и3н0му. тёмже вопіeмъ ти2:

Рaдуйсz, їерeа б9іz рaдосте и3 мaтере твоеS весeліе: рaдуйсz, роди1телей честнhхъ чaдо, t бGа ѕэлw2 возлю1бленное.

Рaдуйсz, дёвство драг0е и3 чистотY душeвную соблюдhй непорHчны: рaдуйсz, и3з8дётска въ домY б9іи, ѓки хrт0съ џтрокъ, приметaтисz и3зв0ливый.

Рaдуйсz, ўслhшавый тaмw сл0во речeнное: пусты6ннымъ жив0тъ сокровeнъ є4сть, б9eственнымъ рачeніемъ воскрилsющымсz.

Рaдуйсz, џнымъ глaсомъ, ћкw в0инъ, на служeніе царю2 призвaнный: рaдуйсz, пустhннымъ житіeмъ себE въ д0брэмъ и3зволeніи ўтверди1вый.

Рaдуйсz, во ю4ности плwтскjz стр†сти ўмертви1вый: рaдуйсz, пост0мъ дyшу свою2, во є4же глaсъ свhше слhшати, пред8wчи1стивый.

Рaдуйсz, t хrтA kзhку л0пску и3збрaнный бlговёстниче: рaдуйсz, є4же њ мjрэ сeмъ tложи1вый попечeніе и3 ѓбіе вослёдъ хrтY послёдовавый.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ G.

Си1лою во є4же бlговэсти1ти, свhше хrт0съ њблечe тz, досточyдне трЂфwне. въ пустhни бо, ѓки мwmсeови дрeвле въ купинЁ, глaсъ ти2 бhсть: и3ди2 въ зeмлю неwбэтовaнную и3 рцы2, ћкw любы2 њбручeніz моегw2 не разори1тсz. є3гдa же рeклъ є3си2: кто2 є3си2 гDи; tвэщa ти: ї}съ є4смь, є3г0же ты2 и4щеши. сі‰ же слhшавъ, со ўмилeніемъ прекл0ньсz, возопи1лъ є3си2 томY: Ґллилyіа.

Јкосъ G.

И#мyщу ти2, ѓки мwmсeй, смирeніе вeліе, во є4же tрещи1сz таковA звaніz, рeклъ є3си2, прпdбне: невёжда є4смь, гDи, и3 малокни1женъ. nбaче т0й заповёда ти2: ничесHже вопреки2 глаг0ли, ћкw на вс‰ послю1 тz, и3 и4деши: вс‰, ћже заповёдаю ти2, глаг0ли, не ўб0йсz: съ тоб0ю бо є4смь. сегw2 рaди вопіeмъ ти2:

Рaдуйсz, рaдости роди1телей твои1хъ њправдaніе: рaдуйсz, ви1дэвый слaвы џ§іz сіsніе.

Рaдуйсz, ћкw бlгодaть б9іz и3зліsсz на тS богaтнw: рaдуйсz, ћкw разумёніе ти2 љзhковъ дадeсz.

Рaдуйсz, ћкw нaйде на тS дyхъ премyдрости и3 вёдэніz: рaдуйсz, д¦а с™aгw пріsтелище.

Рaдуйсz, си1лою б9іею ѓки мечeмъ препоsсанный: рaдуйсz, ћкw рыбaрь ко nкеaну на ўловлeніе дyшъ человёческихъ во сп7сeніе призвaнный.

Рaдуйсz, ґндрeа первозвaннагw, на горaхъ кjевскихъ бlговёстника, ревни1телю: рaдуйсz, меf0діа и3 кmрjлла и3збрaнный послёдователю.

Рaдуйсz, гyріа и3 варсон0фіа, стефaна же и3 їннокeнтіа дост0йный преeмниче.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ д7.

Бyри nкеaна хлaдна не ўбоsвсz, люб0вію хrт0вою согрэвaемь, во странY сёверную пресели1лсz є3си2, досточyдне трЂфwне, да предложи1ши тaмw нар0ду л0пску џгнь любвE б9іz, хлaдъ и3 мрaкъ души2 разгонsющъ, во є4же чи1стымъ сeрдцемъ и3 ўсты2 воспэвaти: Ґллилyіа.

Јкосъ д7.

Слhшаще јдwлwвъ посрамлeніе t тебE ѕлочести1віи, людjй си1хъ ўчи1теліе, кебyни нарицaеми, ѕл0бу вeлію воздвиг0ша на тS, прпdбне, по лани1тома бію1ще, по кaменіємъ влачaще, и3 и4ны пaкwсти дёюще. мh же, зрsще тS, со смирeніемъ таков†z пріeмлюща, ўми1льнw вопіeмъ:

Рaдуйсz, ћкw купeцъ многоцённа рaди би1сера ко nкеaну ўстреми1выйсz: рaдуйсz, ввeргій мрeжу свою2 на ўловлeніе дyшъ во сп7сeніе.

Рaдуйсz, тщетY јдwлwвъ њбличи1вый: рaдуйсz, сегw2 рaди ѓки пavлово t їудє1й страдaніе пріeмый.

Рaдуйсz, ћкw сл0во б9іе свётлостію лицA твоегw2 ўтверждaшесz: рaдуйсz, ћкw сл0во твоE пр0йде въ сердцA њкаменє1ннаz.

Рaдуйсz, t бGа создaніе всеS твaри и3з8 небытіS нар0ду лопaрску возвэсти1вый: рaдуйсz, бlговэсти1вый си6мъ лю1демъ во ґдaмэ нaше падeніе, во хrтё же њбновлeніе.

Рaдуйсz, tриновє1нныz хrт0вымъ њбручeніемъ ўтёшивый: рaдуйсz, бlговёстіемъ твои1мъ небє1сныz ли1ки возвесели1вый.

Рaдуйсz, ѓгGла предстaтелz страны2 сёверныz себE kви1вый.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ є7.

БGотeчнэй ѕвэздЁ ўпод0бивсz, всю2 странY сёверную њбтeклъ є3си2, досточyдне трЂфwне. ћкw бо денни1ца, с0лнцу предходsщаz, t kзhка л0пска привeлъ є3си2 ко хrтY чaдъ мн0жество, и5же со ўмилeніемъ сeрдца пріи1мше крещeніе, возопи1ша њ тебЁ бGу: Ґллилyіа.

Јкосъ є7.

Видёніе бЁ ди1вное, є3гдA t мрaчна невёдэніz тоб0ю приведeнніи хrт0ви сочетaшасz: землs бо и3 нб7о ликовaху, во струsхъ печeнги, ѓки їoрдaна и3 днэпрA, зрsщz мн0жество крещaемыхъ. поминaюще u5бо сі‰, восклицaемъ ти2:

Рaдуйсz, глaсе вопію1щагw, t нар0да л0пска ўслhшанный: рaдуйсz, крести1телz хrт0ва собесёдниче.

Рaдуйсz, ћкw тьмA јдwльскаz t тебE разори1сz: рaдуйсz, ћкw кrтъ, ѓки знaмz побёдное, тоб0ю здЁ водрузи1сz.

Рaдуйсz, ћкw трапeза бэс0вскаz ни во чт0 же тaмw вмэни1сz: рaдуйсz, ћкw вмёсто тоS ўтверди1сz тaмw трапeза хrт0ва сп7си1тельнаz.

Рaдуйсz, тоб0ю бо м™рь б9іz прослaвисz: рaдуйсz, ћкw свzтjи просвэщє1ннымъ тоб0ю лю1демъ при1сни стaша.

Рaдуйсz, ћкw влади1міръ с™hй, зрS чaдъ ўмножeніе, возвесели1сz: рaдуйсz, въ распyтіихъ мjра сегw2 њбрэтhй на вeчерю хrт0ву и3збр†нныz.

Рaдуйсz, цRкве t нар0да л0пска создaтелю.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ ѕ7.

Е#гдA проповёдано бhсть є3ђліе всeй странЁ сёвернэй, и4нъ п0двигъ пріsлъ є3си2 на себE, досточyдне трЂфwне. kзhку бо крещeну бhвшу, ѓбіе пріeмъ w4бразъ ѓгGльскій, создaлъ є3си2 њби1тель живоначaльныz трbцы, въ ню1же стечeсz и4нwкъ мн0жество, во є4же пёти бGу: Ґллилyіа.

Јкосъ ѕ7.

ВозсіS во мрaцэ сёвера, ћкw свэти1льникъ свёта невечeрнzгw, њби1тель t тебE создaннаz, свётомъ трbческимъ вс‰ њсіzвaющаz. тёмже рaдующесz вопіeмъ ти2:

Рaдуйсz, ґпcлwмъ весeліе, прпdбнымъ же ўдобрeніе: рaдуйсz, кукyлемъ, ѓки вэнцeмъ неѕл0біz, главY свою2 ўвzзи1вый.

Рaдуйсz, п0zсомъ чрє1сла сво‰ во ўмерщвлeніе пл0ти препоsсавый: рaдуйсz, їwaнну бGомъ возлю1бленну поревновaвый.

Рaдуйсz, нестzжaніz ўчи1телю: рaдуйсz, смирeніz вели1кагw носи1телю.

Рaдуйсz, кaменю, на нeмже создaсz жили1ще прес™hz трbцы: рaдуйсz, въ жили1щихъ тьмы2 селeніе свёта невечeрнzгw содёлавый.

Рaдуйсz, ћкw возстенA кнsзь мjра сегw2, зрS в0инства хrт0ва водворeніе: рaдуйсz, ћкw здЁ стA колесни1ца, їезекjилемъ созерцaннаz.

Рaдуйсz, ћкw вознесeсz сэдsщему на нeй пёснь вели1каz, въ вhшнихъ пэсносл0вимаz.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ з7.

Хотsй ч†да сво‰ препитaти и3 спасти2, є3гдA глaдъ странЁ прилучи1сz, бlжeнному гyрію прeдалъ є3си2, досточyдне трЂфwне, њби1тель t тебE создaнную, сaмъ же и3зшeдъ во nтeчествіе, nсмери1цу лётъ по градHмъ тaмw прехождaлъ є3си2, да‰ніz бл†га пріeмлz и3 поS бGу: Ґллилyіа.

Јкосъ з7.

Н0вую купёль сілwaмскую kви1 тz бGъ, прпdбне, є3гдA стрaненъ сhй во nтeчествіи, пріeмлz да‰ніz, многоцBнна сокрHвища всBмъ и3сточaлъ є3си2, тоб0ю бо слэпjи прозирaху, нэмjи глаг0лаху, недyжніи здрaвіе ўлучaху. чудsщесz семY, ўблажaемъ тS:

Рaдуйсz, мwmсeови ўпод0бивыйсz: рaдуйсz, тwвjта прaведна ревни1телю.

Рaдуйсz, ћкw тHвіа въ путeхъ ѓгGломъ хранeнный: рaдуйсz, с™и1телz мmрлmкjйскагw подражaтелю.

Рaдуйсz, самpHна страннолюби1ва и3 філарeта ми1лостива ўвесели1телю: рaдуйсz, ѓлчущихъ питaтелю.

Рaдуйсz, си1рыхъ заступлeніе: рaдуйсz, вдови1цъ њграждeніе.

Рaдуйсz, младeнцєвъ соблюдeніе: рaдуйсz, милосeрдіz ўчи1телю.

Рaдуйсz, w4бразе житіS бGоуг0днагw.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ }.

Стрaнствіе скончавaz, къ цaрствующему грaду ўстреми1лсz є3си2, досточyдне трЂфwне, и3дёже н0вое њ тебЁ чyдо бlговоли2 бGъ сотвори1ти: не сyщу бо є3щE ти2 тaмw, со є3ди1нэмъ t њби1тели соловeцкіz царeви предстaлъ є3си2 ди1внw. тёмже послэди2 т0й, пріeмль тS люб0вію, всsкагw и3сп0лни даsніz, поS бGу: Ґллилyіа.

Јкосъ }.

Вeсь бlгоговёинства и3сп0лнивсz, въ т0е же врeмz царeвичъ fе0дwръ, и3зшeдъ t цeркве, послa ти, прпdбне, њдє1жды сво‰, ћкw да ми1лостынz є3гw2 пред8и1детъ цaрскому даsнію, є4же и3 бhсть по сeмъ вeліе. тёмже вопіeмъ ти2:

Рaдуйсz, смирeніz рaди вознесeнный: рaдуйсz, си6льнымъ мjра сегw2 kвлeнный.

Рaдуйсz, ћкw цaрь пришeствію твоемY ўдиви1сz: рaдуйсz, ћкw kвлeніемъ двою2 т0й возвесели1сz.

Рaдуйсz, t царS дост0йнэ почтeнный: рaдуйсz, t сhна царeва њдарeнный и3 возлю1бленный.

Рaдуйсz, t напaстей сего2 вhну соблюдaвый: рaдуйсz, ћкw ми1лостынею є3гw2 њби1тель твоS снабдёсz.

Рaдуйсz, ћкw благочeстіемъ є3гw2 цaрство рwссjйское ўвесели1сz: рaдуйсz, ћкw цaрство нaше цари2 бlгочести1выми ўкрашaетсz.

Рaдуйсz, ћкw с™hми мyжы џное ўтверждaетсz.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ f7.

Всsкихъ даровaній и3сп0лненъ сhй, пaки во странY сёверную, ѓки с0лнце къ захождeнію, притeкъ, досточyдне трЂфwне, создaлъ є3си2 цeрковь благовёрныхъ кн7зей бори1са и3 глёба, и3 њстaвль њби1тель, въ д0льнэй пустhни водвори1всz, њстaтокъ днjй свои1хъ препроводи1лъ є3си2 въ терпёніи мн0зэ, поS бGу: Ґллилyіа.

Јкосъ f7.

Вит‡и t и4нwкъ ди1вное є4же ти2 твaрей повиновeніе всю1ду возвэсти1ша, прпdбне: не сyщу бо ти2 є3ди1ножды въ кeлліи, ѕвёрь ди1вій въ ню2 вни1де и3 начaтъ бы6вшаz ћсти: возврaщшу же ти1 сz и3 наказaвшу сего2, николи1же пaки ко њби1тели твоeй t тацёхъ приближaтисz смёzше. семy же чудsщесz, взывaемъ ти2:

Рaдуйсz, лaстовице пустыннолюби1ваz: рaдуйсz, ўспeнскіz пyстыни ўкрашeніе.

Рaдуйсz, молчaніz w4бразе: рaдуйсz, прил0ги лукaвагw ўразумёвый.

Рaдуйсz, гордhни є3гw2 не приложи1выйсz: рaдуйсz, стрёлы тогw2 безси6льны kви1вый.

Рaдуйсz, въ конeцъ сего2 посрами1вый: рaдуйсz, ґдaму первоздaнну ўпод0бивыйсz.

Рaдуйсz, ћкw тS ѕвёріе ди1віи царS себЁ познaша: рaдуйсz, t земнор0дныхъ прозzбeніе ди1вное.

Рaдуйсz, кораблю2 вели1кій, ко пристaнищу ти1хому прибли1зивыйсz.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ ‹.

Сп7сти2 хотS сHбранныz, прeжде кончи1ны твоеS досточyдне трЂфwне, пaки во њби1тель твою2 прешeлъ є3си2, и3 бGови служeніе заповёдалъ є3си2 брaтіи: ю4же грzдyщагw рaди њѕлоблeніz хrт0вымъ ўтёшивъ милосeрдіемъ, въ нбcныz кр0вы tшeлъ є3си2, и3дёже со с™hми поeши бGу: Ґллилyіа.

Јкосъ ‹.

СтэнA бhлъ є3си2 чaдwмъ њби1тели твоеS, прпdбне, и5же со ўмилeніемъ пою1ще надгрHбнаz, положи1ша с™0е тёло твоE, ћкоже заповёдалъ є3си2, въ пyстыни тоб0ю возлю1бленнэй. зрsще же џное т0ки чудeсъ и3сточaющее, рaдостнw возопи1ша:

Рaдуйсz, прес™hz трbцы и3зрsдный почитaтелю: рaдуйсz, дв7ы пребlгословeнныz ўблажaтелю.

Рaдуйсz, с™ы6мъ зwсjмэ, саввaтію и3 гeрману є3динонрaвный: рaдуйсz, д0брэ бGови пожи1вый.

Рaдуйсz, въ стaрости масти1тэ ко хrтY пресели1выйсz: рaдуйсz, ћкw главA твоS, приклонeна сyщи, труды2 и3звёствоваше.

Рaдуйсz, сэди1на бо твою2 мyдрость њбличaше: рaдуйсz, талaнты, t бGа ти2 вд†нныz, пріумн0живый.

Рaдуйсz, благjй рaбе, вшeдый въ рaдость гDа твоегw2: рaдуйсz, честнhхъ монaхwвъ похвало2 и3 ўкрашeніе.

Рaдуйсz, њби1тели твоеS при1сный бGови предстaтелю.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ №i.

Пёніе всеумилeнное прин0симъ ти2, досточyдне трЂфwне! њби1тель бо твоS, ѓще по словеси2 твоемY t свeєвъ разори1сz, nбaче страдaніемъ брaтій прослaвльшисz, пaки возстaвисz. ѓще и3 втори1цею њпустЁ, си1лою же лyчшею нhнэ њбнови1сz, въ ню1же и4ноцы текyще, њ тебЁ рaдостнw бGови пою1тъ пёснь нем0лчную: Ґллилyіа.

Јкосъ №i.

Свэтозaрнэй ѕвэздЁ ўпод0бисz њби1тель твоS, прпdбне, є3гдA ю5 свёє разорsху: ч†да бо, тоб0ю сHбраннаz, терпёніемъ враги2 посрами1ша, вэнцы2 м§ническими ўкраси1шасz, и3 кyпнw съ цeрковію nгнeмъ попали6вшасz, ћкw жeртва ўг0дна бGови принес0шасz. поминaюще u5бо такwвaz, ўми1льнw вопіeмъ ти2:

Рaдуйсz, грzд{щаz въ бз7э созерцazй: рaдуйсz, њби1тели разорeніе пред8zви1вый.

Рaдуйсz, до врeмене ю5 вHи нбcными соблюдaвый: рaдуйсz, ћкw ўчени1къ тв0й їHна, мlтвами тS вhну чтhй, въ пyстыни твоeй t мечA скончaсz.

Рaдуйсz, гyріа, гeрмана и3 и3нhхъ прослaвленныхъ бGомъ подви1жникwвъ вёры и3 бlгочeстіz настaвниче: рaдуйсz, ћкw вс‰ ч†да тво‰ t хrтA пріsшасz.

Рaдуйсz, ћкw њби1тель твоS пaки возстaвисz: рaдуйсz, ћкw пaки тёмъ свэти1льникъ бlгочeстіz страны2 даровaсz.

Рaдуйсz, т0ю лжеучє1ніz сокрушaютсz: рaдуйсz, свzты6z бо тво‰ м0щи ѓки кaмень краеуг0ленъ kвлsютсz.

Рaдуйсz, ћкw вс‰ коемyждо полє1знаz мlтвами твои1ми дaруеши.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ в7i.

Бlгодaти хrт0вы носи1телю, досточyдне трЂфwне! съ вёрою тS призывaющымъ полє1знаz подаeши, t напaстей же, ћкw царS fе0дwра, ск0рw и3збавлsеши. семy бо н0щію kви1всz во стaнэ, рeклъ є3си2: ск0рw и3зhди, да не нaйдетъ на тS смeрть нечazннаz. сіS же сотв0ршу є3мY, ѓбіе t стрэлsніz врaжеска ски1ніz њпровeржесz и3 л0же разметaсz, лю1діе же чудsщесz поsху: Ґллилyіа.

Јкосъ в7i.

Пою1ще бGу пёснь бlгодарeніz, рaдуемсz њ тебЁ, прпdбне, ћкw вс‰ нaмъ полє1знаz дaруеши. тоб0ю бо пaгуба tгонsетсz, здрaвіе ўлучaетсz, ми1ръ и3 благоустроeніе водворsетсz: понeже на нб7сёхъ при1снw ходaтайствуеши њ нaсъ, взывaющихъ ти2 си1це:

Рaдуйсz, на нб7сёхъ њ нaсъ тeплый предстaтелю: рaдуйсz, почитaющихъ тS вёрный храни1телю.

Рaдуйсz, не чтyщихъ тебE вразуми1телю: рaдуйсz, духHвъ ѕл0бы tгони1телю.

Рaдуйсz, помрачeнныхъ ўмы2 просвэти1телю: рaдуйсz, недyгwвъ и3зрsдный цэли1телю.

Рaдуйсz, t потоплeніz морскaгw спасaтелю: рaдуйсz, ћкw тоб0ю царю2 fе0дwру даровaсz и3збавлeніе.

Рaдуйсz, ћкw тоб0ю небeсное царeй нaшихъ познaсz соблюдeніе: рaдуйсz, ћкw тоб0ю всsка печaль tгонsетсz.

Рaдуйсz, ћкw тоб0ю бlгочeстіе во њби1тели твоeй и3 по всeй странЁ сeй ўтверждaетсz.

Рaдуйсz, трЂфwне, страны2 сёверныz просвэти1телю, печeнгскій чудотв0рче.

Кондaкъ Gi.

Q препод0бне и3 досточyдне џ§е нaшъ трЂфwне! живоначaльнэй предстоS трbцэ, въ непристyпнэмъ свётэ и3 рaдости неизглаг0ланнэй, пріими2 сіE t ўмилeннагw ти2 сeрдца возноси1мое хвалeніе, и3 не престaй молsсz њ нaсъ, да пожи1вше благочeстнэ, по ўспeніи нaшемъ срётени t тебE њбрsщемсz на нб7сёхъ, и3 воспоeмъ бGови со ѓгGльскими ли1ки: Ґллилyіа.

Кондaкъ сeй глаг0ли G-жды, тaже јкосъ №-й, и3 кондaкъ №-й.

Моли1тва.

q всес™hz трbцы ўг0дниче, Q бlжeннэйшій и3 равноапcльный пaстырю, прпdбне џ§е нaшъ трЂфwне! не забyди твоеS пaствы, поминaй во с™hхъ твои1хъ и3 бGопріsтныхъ мlтвахъ, приноси1мыхъ въ трbцэ слaвимому бGу, стaдо твоE, є4же сaмъ, по бlговёстію t ѓгGла, пришeствіемъ твои1мъ собрaлъ и3 ўпaслъ є3си2. понeже въ сродствЁ твоегw2 мірскaгw жили1ща, слhшавъ во с™ёй цRкви на ќтрени пою1щихъ: пусты6ннымъ жив0тъ сокровeнъ є4сть, б9eственнымъ рачeніемъ воскрилsющымсz: и3 t тогw2 воспери1всz б9eственною люб0вію, њстaвль д0мъ и3 сродство2, и3 пришeдъ вскрaй сёверныz страны2, просвэти1лъ є3си2 с™hмъ кRщeніемъ невёдущій творцA, всёхъ бGа, л0парскій нар0дъ, за є4же, во ўтверждeніи хrтіaнскіz вёры, мнHга и3згн†ніz и3 ѕлоключє1ніz под8sлъ є3си2: и3 бли1з8 рэки2 печeнги въ пустhню всели1всz, брaтію и3з8 мн0гихъ градHвъ и3 вeсей собрaвъ, вeлію њби1тель воздви1глъ є3си2, и3 при tшeствіи къ небє1снымъ селeніємъ, њ посэщeніи твоеS њби1тели прор0чествіz дaръ t бGа воспріsлъ є3си2, и3 по смeрти на м0ри и3 на сyши мнHга чудесA и3 цэльбы6 съ вёрою просsщымъ сотвори1лъ є3си2 и3 нhнэ твори1ши. тёмже м0лимъ тS, не забyди присэщaти чaдъ твои1хъ: моли2 за ны2, прпdбне џ§е, приходsщыz къ тебЁ съ вёрою, и3 за вс‰ хrтіaны, ћкw и3мёzй дерзновeніе къ безсмeртному цRю2 хrтY всёхъ бGу: не премолчи2 за ны2 ко гDу, и3 не прeзри нaсъ вёрою и3 люб0вію чтyщихъ тS и3 поминaющихъ с™yю пaмzть твою2. ѓще бо ты2 и3 престaвилсz є3си2 t нaсъ тёломъ, но и3 по смeрти живhй дyхомъ, всегдA чудодёйствуеши. мlтвами твои1ми сохранsй нaсъ t стрёлъ и3 к0зней врaжіихъ, и3 всsкіz прeлести бэс0вскіz, и3 t вр†гъ ви1димыхъ и3 неви1димыхъ. пaстырю нaшъ д0брый! ѓще м0щи тво‰ въ рaцэ незри1ми нaмъ сyть, nбaче, понeже всегдA въ трbцэ слaвимому бGу, при пrт0лэ є3гw2 непостижи1магw вели1чествіz неtстyпнw въ мlтвахъ предстои1ши, ўсeрднw къ тебЁ прибэгaемъ и3 пр0симъ: ўмоли2 и3 и3спроси2 нaмъ врeмz къ покаsнію, да въ чaсъ и3сх0да души2 прeйдемъ t земнhхъ къ небє1снымъ, мытaрствъ же воздyшныхъ и3 вёчныz мyки и3збaвимсz, и3 нбcному цrтвію наслёдницы бyдемъ со всёми t вёка ўгоди1вшими. q всебlжeнне џ§е нaшъ трЂфwне! не прeзри и3 нhнэ нaсъ, притекaющихъ къ тебЁ, ћкw да мlтвами твои1ми и3 п0мощію спасaеми, слaву и3 бlгодарeніе, хвалY и3 поклонeніе за вс‰ въ трbцэ є3ди1ному бGу, всёхъ создaтелю возсылaемъ, nц7Y и3 сн7у, и3 с™0му д¦у, нhнэ и3 при1снw и3 во вёки вэкHвъ. Ґми1нь.

Краткое житие преподобного Трифона Печенгского, Кольского

Пре­по­доб­ный Три­фон Пе­ченг­ский, Коль­ский, в ми­ру Мит­ро­фан, ро­дил­ся в Нов­го­род­ской гу­бер­нии в се­мье свя­щен­ни­ка. Бла­го­че­сти­вые ро­ди­те­ли вос­пи­ты­ва­ли сы­на в стра­хе Бо­жи­ем. С ран­них лет Три­фон ре­шил по­свя­тить свою жизнь апо­столь­ским по­дви­гам и ид­ти с про­по­ве­дью Хри­ста к языч­ни­кам-ло­па­рям, о жиз­ни ко­то­рых узнал из рас­ска­зов ры­бо­про­мыш­лен­ни­ков. Од­на­жды во вре­мя мо­лит­вы в ле­су он услы­шал го­лос: «Три­фон, те­бя ждет зем­ля необи­та­е­мая и жаж­ду­щая». По­ки­нув ро­ди­тель­ский дом, свя­той ушел на Коль­ский по­лу­ост­ров и оста­но­вил­ся на бе­ре­гу ре­ки Пе­чен­ги, где оби­та­ли ло­па­ри. Там он стал ве­сти с ни­ми тор­гов­лю. Сна­ча­ла свя­той озна­ко­мил­ся с язы­че­ски­ми ве­ро­ва­ни­я­ми або­ри­ге­нов и изу­чил их язык, за­тем стал про­по­ве­до­вать им о ве­ре Хри­сто­вой. Ло­па­ри встре­ча­ли сло­ва свя­то­го с на­сто­ро­жен­ным недо­ве­ри­ем. Свя­то­му про­по­вед­ни­ку при­шлось пре­одо­леть мно­го труд­но­стей, пе­ре­не­сти го­не­ния и да­же по­бои. Но по­сте­пен­но, муд­рым, лас­ко­вым сло­вом и кро­то­стью ему уда­лось мно­гих об­ра­тить ко Хри­сту. По бла­го­сло­ве­нию Нов­го­род­ско­го ар­хи­епи­ско­па Ма­ка­рия пре­по­доб­ный Три­фон вме­сте с бла­жен­ным Фе­о­до­ри­том и иеро­мо­на­хом Или­ей устро­ил для но­во­об­ра­щен­ных храм, а для рев­ни­те­лей ино­че­ско­го жи­тия ос­но­вал Тро­иц­кий Пе­ченг­ский мо­на­стырь «у хо­лод­но­го мо­ря, у Мур­ман­ской гра­ни­цы» в 1532 го­ду. Иоанн Гроз­ный по­мог ему и бо­га­то ода­рил мо­на­стырь пре­по­доб­но­го.

Про­све­ти­тель ло­па­рей скон­чал­ся в глу­бо­кой ста­ро­сти в 1583 го­ду, про­жив на Пе­чен­ге по­чти 60 лет. Мест­ное празд­но­ва­ние бы­ло уста­нов­ле­но вско­ре по­сле кон­чи­ны свя­то­го. В 1589 го­ду шве­ды уни­что­жи­ли Пе­ченг­ский мо­на­стырь. Поз­же по при­ка­за­нию ца­ря Фе­о­до­ра Иоан­но­ви­ча мо­на­стырь пе­ре­не­сен был на Ко­лу. На ме­сте раз­ру­шен­но­го мо­на­сты­ря бы­ла по­став­ле­на цер­ковь во имя пре­по­доб­но­го Три­фо­на, а над мо­ги­лой свя­то­го по­стро­е­на цер­ковь Сре­те­ния Гос­под­ня. Свя­той Три­фон не раз при­хо­дил на по­мощь по­ги­бав­шим мо­ре­пла­ва­те­лям, с ве­рой при­зы­вав­шим его имя.

Полное житие преподобного Трифона Печенгского, Кольского

В ми­ру его зва­ли Мит­ро­фан, ро­дил­ся в 1495 г. в Нов­го­род­ской гу­бер­нии. С ран­них лет пре­по­доб­ный Три­фон был «из­ря­ден пост­ник, кро­ток, ми­ло­стив». Услы­шав од­на­жды го­лос, по­веле­вав­ший ему ид­ти «в зем­лю пу­стын­ную, жаж­ду­щую, где ни­кто еще не хо­дил», Три­фон отрав­ля­ет­ся с про­по­ве­дью Хри­ста к языч­ни­кам-ло­па­рям, о жиз­ни ко­то­рых знал из рас­ска­зов ры­бо­про­мыш­лен­ни­ков.

При­дя на Коль­ский по­лу­ост­ров, на ре­ку Пе­чен­гу, к ло­па­рям, пре­по­доб­ный изу­чил их язык и обы­чаи и стал про­по­ве­до­вать им ве­ру Хри­сто­ву. Нема­ло лет рев­ност­но тру­дил­ся пре­по­доб­ный, тер­пя ли­ше­ния, го­не­ния и по­бои, но да­же под стра­хом смер­ти не от­сту­пил от апо­столь­ско­го слу­же­ния.

По­сте­пен­но муд­рым и крот­ким сло­вом его мно­гие языч­ни­ки об­ра­ти­лись ко Хри­сту. В 1532 г. свя­той по­стро­ил храм и ос­но­вал при нем мо­на­стырь во имя Свя­той Тро­и­цы. Мно­го труд­но­стей пе­ре­нес пре­по­доб­ный при устрой­стве оби­те­ли в ди­кой стране.

Од­на­жды пре­по­доб­ный, за­ме­сив те­сто, вы­шел из сво­ей кел­лии. В это вре­мя ту­да за­шел боль­шой мед­ведь и, опро­ки­нув кваш­ню, стал есть при­го­тов­лен­ное те­сто. Име­нем Бо­жи­им за­пре­тив зве­рю дви­гать­ся и на­ка­зав его, свя­той от­пу­стил зве­ря. С тех пор ни мед­ве­ди, ни вол­ки не на­па­да­ли на мо­на­стыр­ское ста­до оле­ней. Та­кую си­лу Гос­подь да­ет сво­им угод­ни­кам, что да­же и ди­кие зве­ри по­ви­ну­ют­ся им, как неко­гда по­ви­но­ва­лись пра­от­цу на­ше­му Ада­му.

В дру­гой раз пре­по­доб­ный ку­пил для мо­на­стыр­ских нужд в г. Ко­ле руч­ные жер­но­ва. Путь пред­сто­ял дол­гий и уто­ми­тель­ный: до Пе­ченг­ско­го мо­на­сты­ря бы­ло око­ло 150 верст. Всю до­ро­гу свя­той сам нес жер­но­ва, а на прось­бу уче­ни­ков пе­ре­дать им свою но­шу, от­ве­тил: «Луч­ше мне по­ве­сить се­бе на шею мель­нич­ный ка­мень, чем сму­щать бра­тию сво­ею празд­но­стью».

По­ка­зы­вая при­мер сми­ре­ния, пре­по­доб­ный укло­нил­ся от игу­мен­ства, по­ста­вив на­сто­я­те­лем сво­е­го уче­ни­ка.

В го­ды неуро­жая свя­той с несколь­ки­ми бра­ти­я­ми хо­дил в Нов­го­род­ские зем­ли, про­ся по­да­я­ния и от­прав­ляя со­бран­ное в мо­на­стырь. До­стиг­нув ста­ро­сти, пре­по­доб­ный мир­но по­чил о Гос­по­де 15 де­каб­ря 1583 г. в воз­расте 88 лет. Но и по­сле сво­е­го от­ше­ствия ко Гос­по­ду он не по­ки­да­ет всех мо­ля­щих­ся ему. Ча­сто див­ный за­ступ­ник и на су­ше, и на мо­ре ока­зы­ва­ет ско­рую по­мощь при­зы­ва­ю­щим его.