Акафист священномученику Клименту Римскому

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 08 декабря (25 ноября ст. ст.)

Кондак 1

Избраннаго от иерархов западныя страны христианския, достославнаго священномученика Климента приидите, вернии, песньми восхвалим, прославляя предивную его веру и любовь ко Христу; потщимся подражати угоднику Божию и нелицемерно воззовем ему: Радуйся, всеблаженне Клименте, священномучениче богоносне.

Икос 1

Уготовляя тя, яко сосуд избранный, Всевышний Господь положи, священномучениче Клименте, многи скорби от младых дний; честная матерь твоя Матфидия, сохраняя святость супружества и бегая нечистоты злаго человека, отыде в греческую страну со двема чады, оставльши тя, юнейшаго, на попечение отца твоего Фавста. Ублажая твоих родителей и вспоминая безматернее житие, глаголем ти: Радуйся, лозо божественнаго винограда; радуйся, яко финике процвел еси благоплодный; радуйся, маслина плодородна; радуйся, храме Божественнаго Духа; радуйся, на гору божественных добродетелей возшедый; радуйся, чаше мудрости, источающая душам нашим спасение; радуйся, божественными ученьми ко Христу многия приведый; радуйся, благовестниче веры Христовой. Радуйся, всеблаженне Клименте, священномучениче богоносне.

Кондак 2

Пловущей матери твоей дни некия по морю, воста буря зельна и волнение велие; и занесену бывшу кораблю волнами и ветром в неведомую страну, погибе корабль в полунощи и вся истопи, матерь же твоя Матфидия, от ветренныя волны приметаема, на камень возвержена бысть и обрете спасение у брега Асийския страны. Прославляя Всемилостиваго Бога, сохраньшаго ти матерь, святе, на утешение, взываем Ему: Аллилуиа.

Икос 2

Неведающь ничтоже о случившихся бедах Матфидии и чад, супруг ея уготовль корабль и взем мало имения, пойде сам на взыскание подружии своей и любезных чад; тя же, юнейшаго, остави в дому учащася книгам. Ублажая сиротство твое, священномучениче Христов, глаголем ти: Радуйся, светодательное солнце запада; радуйся, огнь воздержания, попаливый страстей стремление; радуйся, яко смирна и ливан благоухаеши во дворех Господних; радуйся, столпе благочестия; радуйся, избранный сосуд благодати Христовой; радуйся, храме Божественнаго Духа; радуйся, заре, светло блистающая миру христианскому; радуйся, чаше мудрости, источающая душам нашим спасение. Радуйся, всеблаженне Клименте, священномучениче богоносне.

Кондак 3

Пришед в совершенный возраст и вся философская учения добре уведев, видя, яко несть отца ни матери, ты печален бяше, угодниче Божий, и утешиться не хотяше. Ключися же ти беседовати с некиим мужем благоразумным, иже рече, яко Божий Сын прииде на землю, проповедуя всем живот вечный и всем, послушающим Его, обещая неизреченная блага в будущем веце. То слышав, распалился еси ты желанием неизреченным известнее о Христе уведети, да разумно поеши Богу: Аллилуиа.

Икос 3

Остави убо дом свой, святителю Божий, умыслил еси идти в Иудею, в нейже благочестие Христово расширяшися. Бывшу же в море волнению и занесену бывшу ветром в Александрию, обрел еси тамо святаго апостола Варнаву, имже наставлен, притекл еси в Кесарию Стратонийскую и обрел еси тамо святаго апостола Петра; и крещен быв от него, последовал еси ему с прочими ученики, в нихже бяху и два брата твоя. Сего ради зовем ти: Радуйся, отрясый языческое безбожие; радуйся, на гору божественных добродетелей возшедый; радуйся, верный учениче верховнаго апостола Петра; радуйся, яко от него навыкл еси Божественному знанию; радуйся, просвещенный ученьми великаго апостола; радуйся, возсиявый на камени сем всехвальнем; радуйся, явивый плоды учений Христовых; радуйся, просветивый твоими богомудрыми устами многия. Радуйся, всеблаженне Клименте, священномучениче богоносне.

Кондак 4

Преплавая море, апостол Петр вопрошаше тя, святе Клименте, о роде твоем, и послушая повести твоя, умиляшеся любви твоей к родителям. Бысть же, по Божию строению, приста корабль к некоему острову; изшедшу же святому апостолу на брег во град, обрете некую старицу, милостыню просящую, и, уразумев Духом, яко матерь есть учеником его, приведе ю к тебе; ты же, уведев родившую тя, прослезися, пад на ноги ея, лобызая и плача. Торжествуя сию твою радость велию, со умилением глаголем Богу: Аллилуиа.

Икос 4

Обрет матерь свою честную, добрый пастырь Христов и последователь Его, ты умолил еси святаго апостола Петра, да крестит ю; и, зело рано изшед к морю, в прикровенном месте крести апостол Матфидию во имя Отца и Сына и Святаго Духа; и отослав ю пред себе со чады в витальницу, сам иным путем идяше. Восхваляя любовь твою сыновнюю, зовем: Радуйся, потщивыйся просветити матерь твою именем Христа; радуйся, лозо божественнаго винограда; радуйся, розго красная, износящая грозды догматов; радуйся, явивый плоды учений Христовых; радуйся, просветителю верных зарею догматов; радуйся, каплющий вино спасительнаго божественнаго познания; радуйся, отрясый языческое безбожие; радуйся, приявый венец мучения за Триединаго Бога. Радуйся, всеблаженне Клименте, свящеиномучениче богоносне.

Кондак 5

Видев святое крещение матере твоея Матфидии, некий муж честен, приветствова любезно верховнаго апостола Петра, рече к нему: хочу убо мало побеседовати с тобою. Петр рече: глаголи, господине! И беседующу ему с тем человеком на долг час и прящуся о Бозе, позна же апостол, яко Фавст есть, и приводе ко Матфидии и чадам ея. Тогда бысть радость неизглаголанная всем и плач мног от радости. Сего ради благодаряще Бога, сохраняюща благочестивые родители и чада, зовем: Аллилуиа.

Икос 5

По нечаянном обретении подружии со чады, честный Фавст прослезися, благодаря Бога, и помале беседоваше с тобою, богоносне священномучениче, припаде ко апостолу, крещения прося, уверова бо несумненно во Единаго Бога. Мы же, радуяся, яко ты апостола рукама и отца своего привел еси ко Христу, умиленно глаголем: Радуйся, во апостольстем учении упражнявыйся; радуйся, преемниче апостольскаго престола; радуйся, новый Петре, сияяй апостольскими даровании; радуйся, священных учений описателю; радуйся, вторый Моисею, законы божественныя всем изложивый; радуйся, божественными ученьми ко Христу многия приведый; радуйся, яко законоположника и учителя тя имамы; радуйся, чаше мудрости, источающая душам нашим спасение. Радуйся, всеблаженне Клименте, священномучениче богоносне.

Кондак 6

Уведев Христа распята и прияв святое крещение, родители твои, блаженне, возвратистася в Рим, и живяста зело благочестно, многи милостыни творяща. Ты же нераздельный был еси ученик Петров и всех его путей и благовестия Христова проповедник явился еси; и того ради постави тя епископа прежде своего распятия от Нерона. Сего ради Всемогущу Богу, устрояющу таковая, глаголем: Аллилуиа.

Икос 6

Скончавшуся святому апостолу Петру и по нем епископу Лину и Клиту, священномучениче, был еси кормчий Римския Церкве, правя добре кораблем Церкве Христовой посреде волнения и бури, яже бе тогда от мучителей возмущаема. Того ради восхваляем тя, угодниче Божий, сице: Радуйся, великий постниче; радуйся, огнь воздержания, попаливый страстей стремление; радуйся, мученическим праведным венцем украшенный; радуйся, потам трудов твоих угасивый пещь прелести; радуйся, яко молитвами твоими бесы прогнаны быша; радуйся, яко от твоея раки струи исцелений источаются; радуйся, яко твоими молитвами Господь прозрение слепым дарует; радуйся, мучеников похвале. Радуйся, всеблаженне Клименте, священномучениче богоносне.

Кондак 7

Пасый Христово стадо со многими труды и терпением, окружаемь сый отвсюду, яко львы рыкающими и волки хищными, лютыми гонителями, ищущими поглотити тя и потреби™ веру Христову, ты, блаженне, пеклся еси непрестанно со многим тщанием о спасении душ человеческих и много неверных людей ко Христу обратил еси. Прославляя твоя труди и болезни, глаголем содействующу ти Богу: Аллилуиа.

Икос 7

Трудящуся ти на ниве Христове, ненавистнии врази наустиша некия от народа востати вражбою на тя, преемниче апостолов, и оклеветати тя, яко унижающа боги языческия. Ублажая ти, яко претерпевшаго беды и гонения за Церковь Христову, с любовию глаголем ти: Радуйся, божественными ученьми ко Христу многия приведый; радуйся, новый Петре, сияяй апостольскими даровании; радуйся, созидателю храмов во славу Святыя Троицы; радуйся, преемниче апостольскаго престола; радуйся, учением, труды, чудесы добродетельным житием умноживый Церковь Христову; радуйся, страдалъче за имя Христово; радуйся, явивый плоды учений Христовых; радуйся, описателю деяний святых мучеников, избиваемых за Христа. Радуйся, всеблаженне Клименте, священномучениче богоносне.

Кондак 8

Не терпя молвы и мятежа людскаго, повеле епарх градский привести тя к себе и нача глаголати: из корене благородна изошел еси, но прельстился еси, и неведомо коего Бога чтишь новаго, некоего, глаголемаго Христа, противнаго богом нашим. Ты же, достославне Клименте, отвеща ему: Единаго ; истиннаго Бога Отца ведаю и Ему с Единосущным Сыном и Святым Духом покланяюся и пою: Аллилуиа.

Икос 8

Множайшая о Бозе Вседержителе глаголюща, не обрете в тебе епарх вины и посла известие к царю Траяну, возвещающи о тебе, исповедниче Христов, яко воста на тя народ богов ради и не престает вопияти; обаче вернаго свидетельства не обретается. Радуяся посрамлению клеветников твоих, зовем ти: Радуйся, благовестниче веры Христовой; радуйся, умягчивый сердце грознаго епарха; радуйся, обличителю идольскаго нечестия; радуйся, посрамителю клеветников; радуйся, не убоявыйся грознаго суда римскаго царя; радуйся, повергнувый на осуждение противника Христова; радуйся, приявый венец мучения за Триединаго Бога; радуйся, созидателю храмов во славу Святыя Троицы. Радуйся, всеблаженне Клименте, священномучениче богоносне.

Кондак 9

Слышав царь Траян о тебе, яко о благовестнике неведомаго ему Бога, отписа епарху: или да богом идольским жертву принесет, или на заточение на место пусто близ Херсониса послан будет. Таков ответ уведев, епарх моляше тя, да не избираеши самовольнаго того изгнания, но да пожреши богом и свободен будеши. Ты же, святе Клименте, извествоваше епарху, яко изгнания того не боишися и на всяком месте будеши благовестити о Христе и пети Ему: Аллилуиа.

Икос 9

Словеса твоя, богоносне Клименте, умилиша епарха и плакаше той, глаголя ти сице: Бог, Емуже ты всем сердцем служиши, поможет ти во изгнании, на неже осужден еси. Восхваляя тя, яко Петра, камень веры, с веселием глаголем: Радуйся, непокоривыйся богопротивному велению цареву, радуйся, за Христа изгнание приявый; радуйся, предпочтивый заточение перетерпети, неже без Христова света на свободе жити; радуйся, мученическим праведным венцем украшенный; радуйся, изгнанниче за веру апостольскую; радуйся, умиливый врага Христовы Церкве; радуйся, страдальче за имя Христово; радуйся, сопутствуемь на заточение многими от благоверных. Радуйся, всеблаженне Клименте, священномучениче богоносне.

Кондак 10

Достигшу ти, святе, на то место, на неже в заточение осужден был еси, ныне нарицаемое Инкерман богохранимый, обрел еси тамо паче двух тысящ христиан, осужденныя на тесание камения в горах оных; и ты с ними к тому приставлен был еси. Тако неисповедимыми путьми Господь Бог посылает заточенным утешение благодатное, да и мы в печалех будем благонадежны, и да поем Ему чистым сердцем: Аллилуиа.

Икос 10

Видевше христиане инкерманстии новаго сожителя и ведяще тя иерарха, угодника Божия, вси единодушно со слезами и воздыхании приступиша к тебе, глаголюще: помолися о нас, святителю, да достойны явимся обетования Христова. Ты же рекл еси им: несмь достоин таковыя Владыки моего благодати, яко сподобился быти причастник венца вашего; и работа с ними, утешая и утверждая их полезными словесы. Сего ради глаголем ти, угодниче Божий Радуйся, учителю христианскаго смирения; радуйся, столпе благочестия; радуйся, просветивый твоими Богомудрыми устами многая; радуйся, утешителю в заточении сущих; радуйся, чудесно на утоление жажды заключенным воду открывый; радуйся, многих обращенных ко Христу в водах тех крестивый; радуйся, живыя воды новый источник с собою принесый; радуйся, яко тобою вся страна инкерманская приняла есть святую веру. Радуйся, всеблаженне Клименте, священномучениче богоносне.

Кондак 11

Уведев Траян кесарь, яко и в Инкермане множество людей тобою во Христа вероваша, посла некоего игемона в ту страну, иже пришед многих христиан изби; тебе же, угодника Божия преславнаго, повеле посадити в ладью и везти на средину моря, и тамо, привязав котву к вые твоей, воврещи во глубину и утопити, да не обрящут христиане тела твоего. Приемля сей венец мученичества, ты по обычаю умиленною душею воспел еси Богу: Аллилуиа.

Икос 11

Бывшу утоплению твоему, священномучениче Клименте, стояху вернии на брезе, рыдающе плачем велиим; посем ученицы твои Корнелий и Фив глаголаста народу: помолимся единодушно, да явит нам Господь честное тело мученика Своего. Молящуся же народу, уступи море недра своя и показа тело твое; хотящим же верным честное мученическое тело оттуда взята, бысть откровение учеником, да оставят быти тамо тело твое, яко всякое лето имать тако море отступа™, дающе путь хотящим приходити на поклонение. Того ради ублажаем тя сице: Радуйся, благовестниче веры Христовой; радуйся, идолы поправый; радуйся, единый за многих пострадавый; радуйся, приявый венец мучения за Триединаго Бога; радуйся, оплаканный велиим рыданием благочестивых; радуйся, прославленный Богом; радуйся, яко тобою несказанная чудеса совершаются; радуйся, заре, светло блистающая миру христианскому. Радуйся, всеблаженне Клименте, священномучениче богоносне.

Кондак 12

Царствующу Никифору царю греческому, приспевшей памяти твоей, святителю отче Клименте, не отступи море, якоже во вся прешедшая лета; и бяше тако до пятидесяти лет и вящше. Егда же наста в Херсонисе епископ Георгий блаженный, той печален бысть вельми о сем, яко море не отступает от мощей толикаго угодника Божия, аки под спудом водами покровенны суть. Сего ради воззва святитель люди к молитве, да усердно поют Богу: Аллилуиа.

Икос 12

Во дни блаженнаго Георгия, иже в Херсонисе епископствовал бе, приидоста в той град два учителя словенская, святии Кирилл и Мефодий; с ними купно собра святитель вся благоверныя люди, и идоша со псалмы и песньми на край моря, хотяще получити тело твое, священномучениче; но не разступися море. Зашедшу же солнцу, вседоша в корабль, и в полунощи свет возсия от моря, и явися первая глава, потом же вси мощи твои, угодниче Божий. Радуяся обретению мощей твоих, восхваляем тя, чудотворче святый, тако: Радуйся, яко тобою хромии шествуют; радуйся, яко тобою всяким недугом болящие здрави бывают, радуйся, яко молитвами твоими бесы прогнаны быша; радуйся, избранный сосуд благодати Господа нашего Иисуса Христа; Радуйся, всеблаженне Клименте, священномучениче богоносне.

Кондак 13

О всехвальне угодниче Божий, священномучениче Клименте, приими хвалы сии от нас, живущих в стране твоего заточения, ублажающих память твою и молящихся в обители имене твоего, и умоли Всевышняго Господа Бога умножити веру в нас, да всегда прославляем Его, дивнаго в мученицех Своих, псаломскими песньми: Аллилуиа.

Сей кондак глаголи трижды. Посем: икос 1, кондак 1.

Молитва

О всечестный учениче верховнаго апостола Петра, новый Петре веры Христовой, вторый Моисею, священномучениче Клименте, просвещенный учением великаго апостола, венчанный венцем мученичества! Испроси нам молитвами твоими благодать Святаго Духа сохраняти веру Христову и церковныя спасительныя обычаи, да расточится безбожие. Умоли, угодниче Божий, Милосердаго Творца, да излиется на нас благодать Святаго Духа, просвещающая наши души, да попалит Господь Бог страстей наших огнепальная стремления, да сохранит нас от всякия злобы, да спасет от напастей, бед и скорбей, и да пребудем верными христианами до конца жизни нашея, сохраняя в сердцах наших памятование печалей, болезней и трудов твоих, во славу Бога Отца и Сына и Святаго Духа. Аминь.

Жизнь и труды апостолов – Святой апостол сщмч. Климент, папа Римский

Свя­щен­но­му­че­ник Кли­мент – апо­стол от 70-ти, чет­вер­тый епи­скоп (па­па) Ри­ма ро­дил­ся в очень знат­ной се­мье, со­сто­яв­шей в род­стве с им­пе­ра­тор­ской фа­ми­ли­ей. Бу­дучи раз­лу­чен в мла­ден­че­стве с ро­ди­те­ля­ми и бра­тья­ми, он вы­рос сре­ди чу­жих лю­дей. Как и все знат­ные рим­ские юно­ши, Кли­мент по­лу­чил бле­стя­щее об­ра­зо­ва­ние, но свет­ские на­у­ки его не увле­ка­ли. Ед­ва став со­вер­шен­но­лет­ним, он по­ки­да­ет Рим. В Свя­тую Зем­лю, в Па­ле­сти­ну, где жил и стра­дал Хри­стос и про­по­ве­ду­ют его апо­сто­лы – вот ку­да вле­чет юно­го Кли­мен­та.

При­е­хав в Алек­сан­дрию, он слу­ша­ет про­по­ве­ди уче­но­го бла­го­вест­ни­ка Вар­на­вы и ста­но­вит­ся го­ря­чим при­вер­жен­цем но­во­го уче­ния. По про­ше­ствии неко­то­ро­го вре­ме­ни Кли­мент в сво­их стран­ство­ва­ни­ях встре­ча­ет апо­сто­ла Пет­ра, при­ни­ма­ет от него Свя­тое Кре­ще­ние, ста­но­вит­ся од­ним из его бли­жай­ших уче­ни­ков (Флп.IV:3). Еван­гель­ская про­по­ведь по­мог­ла Кли­мен­ту чу­дес­ным об­ра­зом об­ре­сти свою се­мью, ко­то­рую он счи­тал по­гиб­шей: сре­ди уче­ни­ков пер­во­вер­хов­но­го апо­сто­ла ока­зы­ва­ют­ся два его бра­та-близ­не­ца, чуть поз­же он на­хо­дит ро­ди­те­лей. На­до ли го­во­рить, что вся се­мья по­сле это­го при­ня­ла хри­сти­ан­ство и ста­ла про­по­ве­до­вать спа­си­тель­ное уче­ние.

Неза­дол­го до сво­ей му­че­ни­че­ской кон­чи­ны апо­стол Петр ру­ко­по­ла­га­ет Кли­мен­та во епи­ско­па. По­сле смер­ти св. Пет­ра, св. Ли­на и св. Ана­кле­та, с 92 по 101 год Рим­ским епи­ско­пом яв­ля­ет­ся апо­стол Кли­мент. Доб­ро­де­тель­ная жизнь и свя­ти­тель­ский по­двиг Кли­мен­та яв­ля­ли бла­го­твор­ный при­мер для гор­дых рим­ских граж­дан, мно­гие из ко­то­рых ста­ли по­сле­до­ва­те­ля­ми Хри­ста. Жи­тие сщ­мч. со­хра­ни­ло нам при­мер то­го, как од­на­жды на празд­ник Пас­хи по­сле про­по­ве­ди апо­сто­ла кре­сти­лось сра­зу 424 че­ло­ве­ка, сре­ди ко­то­рых бы­ли пред­ста­ви­те­ли всех рим­ских со­сло­вий – от ра­бов до чле­нов им­пе­ра­тор­ской се­мьи.

Обес­по­ко­ен­ные успе­ха­ми хри­сти­ан­ско­го иерар­ха, языч­ни­ки до­нес­ли о нем им­пе­ра­то­ру Тра­я­ну, об­ви­нив свя­ти­те­ля в неува­же­нии к рим­ским бо­гам. Раз­гне­ван­ный им­пе­ра­тор ве­лит из­гнать Кли­мен­та из сто­ли­цы, при­го­во­рив его к ссыл­ке. Мно­гие из уче­ни­ков апо­сто­ла по­сле­до­ва­ли за ним в Ин­кер­ман­ские ка­ме­но­лом­ни, на­хо­дя­щи­е­ся неда­ле­ко от Хер­со­не­са Та­ври­че­ско­го, пред­по­чи­тая доб­ро­воль­ную ссыл­ку раз­лу­ке с ду­хов­ным от­цом.

Ин­кер­ман­ские ка­ме­но­лом­ни бы­ли тра­ди­ци­он­ным ме­стом ссыл­ки хри­сти­ан. Нелег­кая жизнь по­движ­ни­ков бы­ла осо­бен­но тя­же­ла из-за от­сут­ствия пи­тье­вой во­ды. По мо­лит­ве свя­ти­те­ля Кли­мен­та Ан­гел Гос­по­день, явив­ший­ся в ви­де Агн­ца, ука­зы­ва­ет ме­сто ис­точ­ни­ка. Это чу­до при­влек­ло к свя­ти­те­лю Кли­мен­ту мно­же­ство лю­дей. Слу­шая рев­ност­но­го про­по­вед­ни­ка, сот­ни языч­ни­ков об­ра­ща­лись ко Хри­сту. Каж­дый день кре­сти­лось по пять­сот и бо­лее че­ло­век. Там же, в ка­ме­но­лом­нях, был вы­руб­лен храм, в ко­то­ром он про­по­ве­до­вал. В 101 го­ду свя­щен­но­му­че­ник Кли­мент был умерщ­влен по при­ка­зу им­пе­ра­то­ра; его уто­пи­ли, бро­сив в мо­ре с гру­зом на шее. Кли­мент про­сла­вил­ся мно­ги­ми чу­де­са­ми, че­ре­да ко­то­рых не пре­кра­ти­лась и по­сле его кон­чи­ны. По мо­лит­вам его вер­ных уче­ни­ков – Кор­ни­лия и Фивы и все­го хри­сти­ан­ско­го на­се­ле­ния Хер­со­не­са мо­ре ото­шло, и они на­шли на дне, в неру­ко­твор­ной "Ан­гель­ской" церк­ви нетлен­ное те­ло сво­е­го учи­те­ля. По­сле это­го каж­дый год в день му­че­ни­че­ской кон­чи­ны Кли­мен­та мо­ре от­сту­па­ло и в те­че­ние се­ми дней лю­ди мо­ли­лись у мо­щей пра­вед­ни­ка.

Так бы­ло до на­ча­ла IX ве­ка. В это вре­мя мо­щи ста­ли недо­ступ­ны, мо­ре не от­сту­па­ло. В на­ча­ле 60-х го­дов IX ве­ка мо­щи чу­дес­ным об­ра­зом по­яви­лись на по­верх­но­сти мо­ря, это­му пред­ше­ство­ва­ла со­бор­ная мо­лит­ва Хер­со­нес­ско­го ду­хо­вен­ства и при­шед­ших в го­род уче­ных про­по­вед­ни­ков – Кон­стан­ти­на-фило­со­фа и его бра­та Ме­фо­дия. Кон­стан­тин-фило­соф счи­тал, что сщ­мч. Кли­мент по­кро­ви­тель­ству­ет его мис­си­о­нер­ской де­я­тель­но­сти и де­лу про­све­ще­ния сла­вян­ских на­ро­дов. Как по­ка­за­ло вре­мя, это дей­стви­тель­но бы­ло так. Ко­гда через несколь­ко лет бра­тья при­нес­ли к пап­ско­му пре­сто­лу пе­ре­ве­ден­ные на сла­вян­ский язык и на­пи­сан­ные сла­вян­ски­ми пись­ме­на­ми бо­го­слу­жеб­ные кни­ги, на­встре­чу им вы­шел сам па­па Адри­ан, узнав о том, что они при­нес­ли в Рим мо­щи их свя­то­го со­оте­че­ствен­ни­ка – апо­сто­ла Кли­мен­та. Во мно­гом бла­го­да­ря при­не­сен­ным мо­щам мис­сия мо­рав­ских бра­тьев за­кон­чи­лась удач­но: сла­вян­ские кни­ги бы­ли освя­ще­ны па­пой, и в свя­том го­ро­де впер­вые на бо­го­слу­же­нии на­ря­ду с ла­ты­нью за­зву­ча­ла сла­вян­ская мо­лит­ва. Это бы­ло рав­но­силь­но чу­ду! В За­пад­ной церк­ви в ту по­ру бы­ла рас­про­стра­не­на так на­зы­ва­е­мая "трехъ­языч­ная" ересь, ко­гда толь­ко три язы­ка счи­та­лись бо­го­слу­жеб­ны­ми: древ­не­ев­рей­ский, гре­че­ский и ла­тынь. Кон­стан­тин, при­дя в Рим, по­стриг­ся в мо­на­хи, при­няв имя Ки­рилл, и вско­ре умер. Па­мя­туя о за­слу­гах про­све­ти­те­ля пе­ред пре­сто­лом св. Пет­ра, его по на­сто­я­нию па­пы Адри­а­на хо­ро­нят в церк­ви св. Кли­мен­та.

Кре­стив­шись в Хер­со­не­се, князь Вла­ди­мир Свя­той пе­ре­но­сит часть мо­щей сщ­мч. Кли­мен­та (го­ло­ву) и мо­щи св. Фивы, его уче­ни­ка, с со­бой в Ки­ев, по­ло­жив их в Де­ся­тин­ной церк­ви в при­де­ле во имя сщ­мч. Кли­мен­та. Та­ким об­ра­зом, мо­щи сщ­мч. Кли­мен­та бы­ли пер­вой хри­сти­ан­ской свя­ты­ней, по­явив­шей­ся на Ру­си. Этим-то и бы­ла вы­зва­на его ис­клю­чи­тель­ная по­пуляр­ность на рус­ской зем­ле.

С на­ча­лом про­цес­са ка­но­ни­за­ции соб­ствен­но рус­ских свя­тых си­ту­а­ция из­ме­ни­лась: наи­бо­лее по­чи­та­е­мы­ми ста­но­вят­ся рус­ские по­движ­ни­ки и му­че­ни­ки.

По­сле за­кры­тия в 1935 го­ду Кли­мен­тов­ско­го хра­ма там раз­ме­щен фили­ал Рос­сий­ской го­судар­ствен­ной биб­лио­те­ки, что, на­вер­ное, то­же мож­но счи­тать не слу­чай­ным сов­па­де­ни­ем. По­кро­ви­тель­ству­ю­щий сла­вян­ской книж­но­сти Кли­мент со­хра­нил под сво­да­ми сво­е­го хра­ма цер­ков­ные кни­ги из мо­на­стыр­ских и част­ных со­бра­ний. Го­ды ли­хо­ле­тья не на­нес­ли су­ще­ствен­но­го вре­да зда­нию хра­ма и ико­но­ста­сам, со­хра­нен­ным за­бо­та­ми со­труд­ни­ков биб­лио­те­ки.


См. так­же: "Жи­тие и стра­да­ние свя­то­го свя­щен­но­му­че­ни­ка Кли­мен­та, па­пы Рим­ско­го" в из­ло­же­нии свт. Ди­мит­рия Ро­стов­ско­го.