Акафист святителю Василию Великому

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 14 января (01 января ст. ст.)

Кондак 1

Взбранный Царя Небеснаго служителю и великий Церкве Христовы святителю, правыя веры исповеданием во всем мире просиявый, велие имеяй дерзновение ко Святей Троице, от всяких нас бед ограждай, со умилением тебе вопиющих:

Радуйся, Василие, великий иерарше, Православия всемирный светильниче.

Икос 1

Ангелов Творец, от века предызбравый тя, преблаженне отче Василие, быти великаго светильника Церкве Своея, ангелоподобна житием яви тя: вельми бо богомыслием и пощеньми в пустыни подвизався, на высоту добродетели восшел еси. Темже, велию на небесех славу стяжавый, приими от нас смиренных, восхваляти тя дерзающих, сия хвалебныя глаголы:

Радуйся, Василие, царствия тезоименитый; радуйся, иерарше Христов великий.

Радуйся, Церкве непоколебимый столпе; радуйся, рода святаго пречестная отрасле.

Радуйся, от юности Царю Небесному всеусердно служивый; радуйся, всею земною, наипаче же небесною, премудростию ум свой обогативый.

Радуйся, купно со другом твоим Григорием Богословом в любомудрии преуспевавый; радуйся, учителя твоего Еввула премудрыми словесы ко Христу обративый.

Радуйся, чистоты и целомудрия предивный хранителю; радуйся, ко спасению верный путеводителю.

Радуйся, душепагубных ересей разорителю; радуйся, богомудрый вселенныя учителю.

Радуйся, Василие, великий иерарше, Православия всемирный светильниче.

Кондак 2

Видя Церковь Христову арианским зловерием обуреваему, и Божию призванию повинуяся, изшел еси, преподобне отче, из пустыни, юже возлюбил еси, во град Кесарию, идеже благодать священства восприял еси и во архиепископа поставлен был еси, слово спасения велегласно всем концем земли благовествуя, верныя же по вся дни поучая Богу, Создателю всех, достойно воспевати: Аллилуиа.

Икос 2

Разум верных боговедением просвещая, святителю Христов Василие, естество сущих изъяснил еси, и Бога невидимаго в творениих руку Его познавати научил еси. Темже и мы, твоими богомудрыми ученьми просвещаемии, взываем сице:

Радуйся, познанием Бога, в шесть дний вся сотворша, верныя озаривый; радуйся, дивныя дела Его достойно восхваляти научивый.

Радуйся, палато мудрости преукрашенная; радуйся, сокровищница богословия преизобильная.

Радуйся, яко тайны премудрости Божия во всем мире видети научал еси; радуйся, яко и в малых вещех величие Божие зрети наставлял еси.

Радуйся, света первозданнаго красоту живописавый; радуйся, твердую силу перваго глагола Божия во вселенней показавый.

Радуйся, былием травным скорую гибель славы земныя изобразивый; радуйся, во благолепии светил небесных Солнце Правды Христа зрети указавый.

Радуйся, трудолюбием малой твари от лености людей отвращавый; радуйся, человеку, царю тварей, над страстьми царствовати повелевавый.

Радуйся, Василие, великий иерарше, Православия всемирный светильниче.

Кондак 3

Силою Всевышняго укрепляемь, отче святый Василие, противоборствовал еси богоотступнику Иулиану, и злое его на христианы умышление разрушити умолил еси Господа и Пречистую Его Матерь, да вси Единому Богу благодарно поют: Аллилуиа.

Икос 3

Имеяй ревность велию по Бозе Вседержителе и меч слова Его в руце восприим, плевелы языческаго Иулианова нечестия скоро посекл еси, верныя же во благочестии утвердил еси; научи и нас, преподобне отче, единому точию Богу чистым житием служити, зовущих ти сице:

Радуйся, гордаго Иулиана в богоотступстве мужественно обличивый; радуйся, христоненавистныя его начинания разрушивый.

Радуйся, молитвою слезною, яко копьем, того поразивый; радуйся, скорую его погибель предвозвестивый.

Радуйся, люди Божия, якоже Моисей древле Израиля, от идолослужения свободивый; радуйся, плевелы нечестия истребивый.

Радуйся, пищею словес Божиих верныя изобильно насытивый; радуйся, струями благодати сердца напоивый.

Радуйся, скрижали велений Христовых твердо содержати увещевавый; радуйся, учение уст твоих житием утвердивый.

Радуйся, рабе благий и верный; радуйся, делателю вертограда Христова усердный.

Радуйся, Василие, великий иерарше, Православия всемирный светильниче.

Кондак 4

Бурю ярости царя Уалента, арианским зловерием одержима, ты, святче Божий, силою Духа в тебе живуща, утишил еси, и мир Церкви Святей даровал еси, святыми трудами твоими и теплыми к Богу молитвами Емуже радуяся воспел еси: Аллилуиа.

Икос 4

Слышав злочестивый Уалент, яко ты, иерарше Божий, во истине стоиши, и вси вернии гласу твоему повинуются, восхоте от правыя веры тя отвратити; сего ради посла к тебе епарха своего Модеста, послежде же и сам прииде в Кесарию. Но ты, богоносе отче, ни гнева царева, ни прещений грознаго его воеводы не устрашился еси; мы же, прославляюще сицевое твое твердое исповедание, вопием ти:

Радуйся, поборниче правыя веры непоколебимый; радуйся, пастырю, душу за верныя положити готовый.

Радуйся, твердое исповедание Петрово показавый; радуйся, Илиину ревность о славе Святыя Троицы явивый.

Радуйся, гнев царя нечестиваго боголепием священнослужения утишивый; радуйся, богомудрыми словесы уста зловернаго воеводы заградивый.

Радуйся, яко прещения изгнанием и муками не убоялся еси; радуйся, яко и смерть за Христа восприяти желал еси.

Радуйся, гонение за веру претерпевый; радуйся, скорбьми многими в радость Господа вшедый.

Радуйся, истину Христову пред цари и владыки небоязненно вещавый; радуйся, вернаго служителя Царя Небеснаго твердым исповеданием себе показавый.

Радуйся, Василие, великий иерарше, Православия всемирный светильниче.

Кондак 5

Боготечная звезда явился еси, святителю Христов Василие, пресветлыми милосердия лучами нощь скорбей мрачную осиявающая, мглу бед отгоняющая, и всем, в море жития бурном плывущим, путь верный к Царству Небесному показующая, да вси спасающему Богу радующеся поют: Аллилуиа.

Икос 5

Видевше вси тя, святителю Божий, яко отца чадолюбива, в напастех и скорбех от тебе помощи усердно искаху; ты же о всех милосердовал еси, образ веры истинныя в себе сим показуя. Буди, преблагий отче, скорый помощник и нам, грехми и скорбьми обуреваемым, с любовию ти вопиющим:

Радуйся, светильниче любве, от Христа возсиявый; радуйся, Отцу Небесному в милосердии подражавый.

Радуйся, неимущих богатое сокровище; радуйся, в нуждах верное прибежище.

Радуйся, гладныя, якоже Иосиф древле, препитавый; радуйся, многи обители бездомным и убогим в Кесарии основавый.

Радуйся, прокаженных раны своима рукама, яко самарянин добрый, врачевавый; радуйся, гонителя твоего Модеста недугующа исцеливый и от народныя казни того избавивый.

Радуйся, вдовицу убогую от обиды епарха защитивый; радуйся, жене грешнице прощение грехов у Бога испросивый.

Радуйся, сирот отче и страждущих утешение; радуйся, во гресех погибающих вразумление и исправление.

Радуйся, Василие, великий иерарше, Православия всемирный светильниче.

Кондак 6

Проповедник всему миру истины Христовы явился еси, святителю отче Василие, силою благодатною слова твоего, яко острием меча, греховная сердца проницаяй и к покаянию возбуждаяй, да вси чистым сердцем Троице Святей поют: Аллилуиа.

Икос 6

Возсиял еси на тверди церковней, яко великое светозарное светило, отче Василие, всю поднебесную разумением веры истинныя просвещающее, мрак же страстей греховных отгоняющее, от нихже и нас свободи, зовущих ти сице:

Радуйся, Троицы Святыя верный служителю; радуйся, таин веры богоозаренный изъяснителю.

Радуйся, яко Отцу Сына Единосущна и Духа сопрестольна велегласно проповедал еси; радуйся, яко истину о Свете Превечном, от Света Превечна просиявшем, верным изъяснил еси.

Радуйся, Господа Спасителя, яко Бога воплощенна и Творца всех век исповедавый; радуйся, таинство двух естеств и единой Ипостаси во Христе Бозе показавый.

Радуйся, силою царственнаго слова твоего богатым житницы открыти повелевый; радуйся, от корысти неправедныя многи учением отвративый.

Радуйся, душепагубное пиянство словом, яко громом, поражавый; радуйся, жестокосердие и зависть из сердец истреблявый.

Радуйся, воздержания ревнительный наставниче; радуйся, покаяния неумолчный проповедниче.

Радуйся, Василие, великий иерарше, Православия всемирный светильниче.

Кондак 7

Хотя верныя от соборищ арианских оградити, ты, святче Божий Василие, вся в церкви благоукрасил еси, и чин умилительный Божественныя Литургии мудре сложил еси, многи же молитвы, яко миро благовонное, от уст твоих огнедохновенных излияшася, имиже во гресех прощения себе и усопшим братиям просим, Троицу же Пресвятую славим, поюще: Аллилуиа.

Икос 7

Новаго Аарона вернии зряху в тебе, отче святый Василие, егда боголепно Жертву Безкровну священнодействовал еси, даровании Святаго Духа, яко многоценными каменьми светящеюся одеждою, украшен. Ныне же в вышнем жертвеннице о Церкви предстательствуяй, поминай выну и нас, тебе умиленно зовущих:

Радуйся, архиерею Божий, преизобильную, якоже и Аарон, благодать священства восприявый; радуйся, велие дерзновение в молитве за люди стяжавый.

Радуйся, таин Божиих мудрый строителю; радуйся, чина церковнаго благоукрасителю.

Радуйся, служению Литургии от Самаго Христа, якоже и Иаков апостол, наученный; радуйся, молитвенниче, Духом Божиим озаренный.

Радуйся, небесным светом, якоже нецыи видеша, в служении осияваемый; радуйся, Ангелы, яко некиими пресветлыми мужами, окружаемый.

Радуйся, яко твоею первее молитвою к восприятию Таин Христовых себе уготовляем; радуйся, яко твоими словесы в вечер Пятидесятницы коленопоклонная прошения возсылаем.

Радуйся, Кесарийскаго святительскаго престола славо и украшение; радуйся, яко иереом всея Церкве подаеши от Бога благодатное в служении укрепление.

Радуйся, Василие, великий иерарше, Православия всемирный светильниче.

Кондак 8

Странное и преславиое видение открыся о тебе, святителю Василие, преподобному Ефрему Сирианину: единожды бо показа ему тя Бог, яко столпа огненна, высоты небесныя досязающа, послежде же, пришед в Кесарию, преподобный узре тя огненным языком люди поучающа и умиленно возопи Богу: Аллилуиа.

Икос 8

Весь светом небесным серафимския любве пламенел еси, богоносе Василие; словеса бо твоя беша, яко молния, ереси попаляющая, души же верных пламенем веры и любве просвещающая; даждь убо и нам, отче, молитвою твоею, искру хотя малую твоея любве имети, зовущим сицевая:

Радуйся, пламеновидный столпе, ереси попаляяй; радуйся, огнь веры истинныя и любве нелицемерныя возгреваяй.

Радуйся, лжи Ариевы ереси твердый обличителю; радуйся, истины Христовы пламенный ревнителю.

Радуйся, яко гордаго Евномиа, Сына Божия хуливша, посрамил еси; радуйся, яко Македониево хуление Духа Святаго препрел еси.

Радуйся, суемудрия Несториева разорителю; радуйся, чести Пресвятыя Богоматере усердный защитителю.

Радуйся, пастырю, небесным блистанием любве осияваемый; радуйся, учителю веры, словеса молниеносная вещавый.

Радуйся, богонасажденная маслино, многих святых Церкви произведшая; радуйся, лозо, богомудрых Православия поборников израстившая.

Радуйся, Василие, великий иерарше, Православия всемирный светильниче.

Кондак 9

Все еретическое соборище не возможе противостояти благодатней, яже в тебе, святый отче, обиташе, силе; юношу бо некоего, во власть сатаны впадша, силою молитвы твоея от сетей вражиих отъял еси, покаявшася же ко Христу возвратил еси, благодарно поя Спасителю Богу: Аллилуиа.

Икос 9

Витийством богодухновенным твоим, святителю Василие, побеждаемии и видевше преславное на юноше бывшее чудо, мнози от еретик ко единей присоединишася Церкви, еяже верными и послушными чадами и нас быти сподоби, зовущих ти сице:

Радуйся, вся концы земли небесным учением осиявый; радуйся, благодатию Христовою темныя силы ада побеждавый.

Радуйся, юношу от сетей сатаны свободивый; радуйся, Телом и Кровию Христовою того насытивый.

Радуйся, яко душе, Кровию Христовою искупленней, погибнути не дал еси; радуйся, яко, в погибельный грех впадша, юношу простити, Христа умолил еси.

Радуйся, яко преславным чудом люди удивил еси; радуйся, яко обращением заблуждша Ангелы возрадовал еси.

Радуйся, просити у Господа Ангелов ограждения нас научаяй; радуйся, Ангела Хранителя молитвою твоею к нам приближаяй.

Радуйся, от наветов вражиих свободителю; радуйся, во искушениих скорый защитителю.

Радуйся, Василие, великий иерарше, Православия всемирный светильниче.

Кондак 10

Спасти хотя Творец Свое словесное создание, показа тя твердаго верных защитителя, отче Василие, и Церкве Своея хранителя, да свет Православия тобою всему миру явлен будет, и вси вернии благодарне Троице Святей воспевают: Аллилуиа.

Икос 10

Стена еси Церкве, и твердое верных ограждение явился еси, о великий в иерарсех Василие, егда во граде Никейстем врата церковная силою молитвы твоея отверзл еси и истину правыя веры сим явил еси, уста же хулящих имя Христово заградил еси. Нам же, Господа Спасителя православно исповедающим, отверзи, отче, милосердия Божия двери, заступлением твоим, да зовем ти сице:

Радуйся, Ангеле земный, Церкве Христовы хранителю; радуйся, Богом предъизбранный верных защитителю.

Радуйся, врата церковная, якоже Илиа древле небо, молитвою открывый; радуйся, храм святый, еретиками восхищенный, паки верным возвративый.

Радуйся, верных от ересей оградивый; радуйся, Церковь Христову неврежденну от лжеучений сохранивый.

Радуйся, превеликое на небеси имя Христово и на земли чудесы возвеличивый; радуйся, Православие во вселенней утвердивый.

Радуйся, яко тобою гордость нечестивых низложися; радуйся, яко тобою смирение верных вознесеся.

Радуйся, яко тобою вера святая прославляется; радуйся, яко тобою Церковь Христова дивно красуется.

Радуйся, Василие, великий иерарше, Православия всемирный светильниче.

Кондак 11

Пение подобаше возносимо быти тебе с небеси, а не от земли, о пречудный Василие, небес бо явление на земли был еси, к небеси богомудрыми ученьми твоими умы верных возводил еси, и ныне с небес на ны милостиво призираеши и преизобильную всем нам благодать подаеши от Щедродателя Христа Бога, Емуже со Ангелы в небесех выну поеши: Аллилуиа.

Икос 11

Светоносный светильниче, весь многими дарами Божиими и добродетельми сияющ, был еси, святче Божий Василие, имиже и ны просвети, в добродетели настави и ко Царствию Небесному направи, зовущих тебе сице:

Радуйся, Церкве Христовы незаходимое сияние и пресветлое украшение; радуйся, яко подаеши христианом во вся веки в вере правей утверждение.

Радуйся, таланты, Богом врученныя тебе, усовершивый; радуйся, от земныя мудрости вся ко спасению полезная собравый.

Радуйся, сыну цареву во славу правоверия чудесное исцеление даровавый; радуйся, целомудренное житие Анастасиа пресвитера и супружницы его прозревый.

Радуйся, кротко обидящим тя прощавый; радуйся, смирением и терпением клеветы на тя побеждавый.

Радуйся, устав совершеннаго жития иноком учредивый; радуйся, многи иноки в обителех собравый.

Радуйся, правила и каноны и спасительная учения в наследие Церкви оставивый; радуйся, богомудрыми списаньми твоими многоценное сокровище к назиданию христианом даровавый.

Радуйся, Василие, великий иерарше, Православия всемирный светильниче.

Кондак 12

Благодать великую дарова тебе Христос Бог, святителю отче Василие, не точию заблуждшия к покаянию приводити, но и многи неверныя ко Христу обращати; егда бо уже смертно болезновал еси, ко блаженней кончине приближаяся, евреанина врача, с женою и чады, Святым Крещением просветил еси и Троице Святей купно с ними благодарственную воспел еси песнь: Аллилуиа.

Икос 12

Поют ти велия похвалы вси вернии, о великий иерарше Василие, вельми бо на земли до конца жития твоего во славу правоверия потрудився, в Небесная Святая Святых вшел еси, и яко верный Божий служитель, Троице Святей предстал еси, идеже и о нас выну молися, о преблагий отче, верою чадех твоих, с любовию зовущих ти сице:

Радуйся, царское священие, прехвальне Василие; радуйся, Троицы Святыя преукрашенное селение.

Радуйся, чудесными деяньми Царя Небеснаго прославивый; радуйся, ревности своея о славе веры и в болезни смертней не оставивый.

Радуйся, ради обращения неверна чудесное продление себе жития у Бога испросивый; радуйся, своима рукама, возстав с одра смертнаго, Крещением того просветивый.

Радуйся, трудами и мудростию силу зловерия победивый; радуйся, благоверным царем победы па враги испросивый.

Радуйся, апостолом в трудех единонравный; радуйся, со святители Григорием Богословом и Иоанном Златоустом, по повелению твоему, единочестно прославляемый.

Радуйся, нетлением мощей просиявый и славою на небесех увенчанный; радуйся, теплый и великий заступниче, от Бога нам дарованный.

Радуйся, Василие, великий иерарше, Православия всемирный светильниче.

Кондак 13

О пресвятый и великий иерарше Христов Василие, Православия светило и верных ограждение! Призри с небесе на сие, приносимое ти нами, хваление, и молитвами твоими от страстей и бед нас огради, в правей вере соблюди и Царствия Небеснаго сподоби, да купно с тобою и всеми святыми Троице Святей во веки веков поем: Аллилуиа.

Этот кондак читается трижды, затем 1-й икос «Ангелов Творец…» и 1-й кондак «Взбранный Царя Небеснаго…».

Молитва перая

О великий во иерарсех, вселенныя учителю богомудрый, преблаженне отче Василие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом Боговедения верныя озаряяй, ложная учения попаляяй и всему миру слово спасительныя истины возвещаяй. Ныне же, велие на Небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Умоли Господа, да возвысится страна наша, и да дарует всему народу нашему здравие, долгоденствие и во всем благое поспешение. Испроси, о милосердый святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумление и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития отцем и братиям нашим блаженное упокоение. Ей, святче Божий, призри милостиво от обителей Горних на нас, смиренных, многими соблазнами и напастьми обуреваемых, и к земли приверженных возведи к высоте Небесней. Преподаждь нам, преблагий отче, твое архипастырское и святое благословение, да, оным осеняемии, в сие новое лето и во все прочее время живота нашего в мире, покаянии и послушании Святей Православней Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную пети и славити во веки веков. Аминь.

Молитва вторая

О великий и пресвятый святителю отче Василие, преславный Вселенския Церкве учителю, славы Пресвятыя Троицы всеусердный поборниче, Матере Божия и Ея пренепорочнаго девства предызбранный исповедниче, пресветлый чистоты, смирения и терпения образе. Се аз многогрешный и недостойный на высоту небесную взирати, смиренно молю тя, о премудрый Церкве Христовы учителю, научи мя тако богобоязненно житие свое проводити, да никогда же на путь, Божиим повелением противен, уклонюся или совращен буду. Соблюди и избави мя твоим многомощным предстательством от соблазнов мира и козней диавольских, якоже избавил еси от них юношу, от Сладчайшаго Спасителя нашего отступивша и во власть сатаны впадша. Даруй мне силу душевную усердным быти подражателем добродетелей твоих высоких; соделай мя в вере правей тверда и непоколебима, укрепи мя малодушнаго в терпении и уповании на Господа, возгрей в сердце моем истинную Христову любовь, да небесных благ паче всех желаю и ими услаждаюся. Испроси мне у Господа искреннее о гресех сокрушение, да прочее время живота моего в мире, покаянии и исполнении заповедей Христовых провождати буду. Егда же час моего скончания приблизится, ты, о преблагий отче, с Преблагословенною Девою Мариею, тогда ускори на помощь, защити мя от злобных наветов вражиих, и сподоби мя наследника быти райских селений, да купно с тобою и со всеми святыми неприступнаго Божия величества Престолу предстану и Живоначальную, Единосущную же и Нераздельную Троицу прославляю и воспеваю, присно и в безконечныя веки. Аминь.

Молитва третья

О великий и преславный святителю Христов, всея вселенския Церкве учителю богомудрый, Православия твердый исповедниче и поборниче, всеблаженне отче Василие! Призри от высот небесных на нас, смиренно к тебе припадающих, и умоли Господа Вседержителя, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление, и во всех нуждах, скорбех и искушениих скорое поможение, терпение же и укрепление. Подаждь нам твое святое благословение, да оным осеняемии, сие новое лето и во вся дни богоугодно в мире и покаянии поживем и во Царствии Небеснем сподобимся купно с тобою и со всеми святыми Живоначальную Троицу воспевати и славити, Отца и Сына и Святаго Духа, во веки веков. Аминь.

А#кафістъ с™ителю васjлію вели1кому, ґрхіепcкпу кесаріи каппадакjйскіz

Конда1къ а7.

Взбра1нный цр7z2 нбcнагw служи1телю и3 вели1кій цр7кве хрcт0вы ст7и1телю, пра1выz вёры и3сповёданіемъ во всёмъ мjрэ просіz1вый, ве1ліе и3мёzй дерзнове1ніе ко ст7ёй трbцэ, t всz1кихъ на1съ бёдъ w3гражда1й, со ўмиле1ніемъ тебЁ вопію1щихъ:

Ра1дуйсz, васjліе, вели1кій їера1рше, правосла1віz всемjрный свэти1льниче.

Јкосъ а7.

А$гг7лwвъ творе1цъ, t вёка пред8избра1вый тz2, пребл7же1нне џч7е васjліе, бы1ти вели1кагw свэти1льника цр7кве своеz2, а4гг7лопод0бна житіе1мъ я3ви1 тz: вельми1 бо бг7омы1сліемъ и3 поще1ньми въ пусты1ни подвиза1всz, на высотY добродётели восше1лъ є3си2. Тёмже, вeлію на нб7сёхъ сла1ву стzжа1вый, пріими2 t на1съ, смире1нныхъ, восхвалz1ти тz2 дерза1ющихъ, сі‰ хвалє1бныz глаг0лы:

Ра1дуйсz, васjліе, ца1рствіz тезоимени1тый: ра1дуйсz, їера1рше хрcт0въ вели1кій.

Ра1дуйсz, цр7кве непоколеби1мый ст0лпе: ра1дуйсz, р0да ст7а1гw пречcтна1z џтрасле.

Ра1дуйсz, t ю4ности цр7ю2 нбcному всеусёрднw служи1вый: ра1дуйсz, все1ю земн0ю, наипа1че же нбcною, премyдростію ќмъ св0й w3богати1вый.

Ра1дуйсz, кyпнw со дрyгомъ твои1мъ григ0ріемъ бг7осл0вомъ въ любомyдріи преуспэва1вый: ра1дуйсz, ўчи1телz твоего2 є3vвyла премyдрыми словесы2 ко хрcтY њбрати1вый.

Ра1дуйсz, чистоты2 и3 цэломyдріz преди1вный храни1телю: ра1дуйсz, ко сп7се1нію вёрный путеводи1телю.

Ра1дуйсz, душепа1губныхъ є3ресе1й разори1телю: ра1дуйсz, бг7омyдрый вселе1нныz ўчи1телю.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ в7.

Ви1дz цр7квь хрcт0ву а3ріа1нскимъ ѕловёріемъ w3бурева1ему, и3 б9ію призва1нію повинyzсz, и3зше1лъ є3си2, прпdбне џч7е, и3з8 пусты1ни, ю4же возлюби1лъ є3си2, во гра1дъ кесарjю, и3дёже бл7года1ть сщ7е1нства воспріz1лъ є3си2 и3 во а3рхіепcкопа поста1вленъ бы1лъ є3си2, сл0во сп7се1ніz велегла1снw всBмъ концє1мъ земли2 бл7говэствyz, вёрныz же по вс‰ дни2 поуча1z бг7у, созда1телю всёхъ, дост0йнw воспэва1ти: Ґллилyіа.

Јкосъ в7.

Ра1зумъ вёрныхъ бг7овёденіемъ просвэща1z, ст7и1телю хрcт0въ васjліе, є3стество2 сyщихъ и3з8zсни1лъ є3си2, и3 бг7а неви1димаго въ творёніихъ рукY є3гw2 познава1ти научи1лъ є3си2. Те1мже и3 мы2, твои1ми бг7омyдрыми ўче1ньми просвэща1еміи, взыва1емъ си1це:

Ра1дуйсz, позна1ніемъ бг7а, въ ше1сть днjй вс‰ сотв0рша, вёрныz њзари1вый: ра1дуйсz, ди1вныz дела2 є3гw2 досто1йнw восхвалz1ти научи1вый.

Ра1дуйсz, пала1то мyдрости преукраше1ннаz: ра1дуйсz, сокр0вищница бг7осл0віz преизоби1льнаz.

Ра1дуйсz, я4кw та1йны премyдрости б9іz во все1мъ мjрэ ви1дэти науча1лъ є3си2: ра1дуйсz, я4кw и3 въ ма1лыхъ веще1хъ вели1чіе б9іе зрёти наставлz1лъ є3си2.

Ра1дуйсz, свёта первозда1ннагw красотY живописа1вый: ра1дуйсz, тве1рдую си1лу пе1рвагw гл7г0ла б9іz во вселе1нней показа1вый.

Ра1дуйсz, бы1ліемъ тра1внымъ ск0рую ги1бель сла1вы земны1z и3зoбрази1вый: ра1дуйсz, во бл7голёпіи свэти1лъ нбcныхъ сл7нце пра1вды хрcта2 зрёти ўказа1вый.

Ра1дуйсz, трудолю1біемъ ма1лой тва1ри t лёности люде1й tвраща1вый: ра1дуйсz, человёку, царю2 тва1рей, над8 страстьми2 ца1рствовати повелева1вый.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ г7.

Си1лою всевы1шнzгw ўкрэплz1емь, џ§е ст7ы1й васjліе, противоб0рствовалъ є3си2 бGоtстyпнику їуліа1ну, и3 ѕл0е є3гw2 на хрcтіа1ны ўмышле1ніе разруши1ти ўмоли1лъ є3си2 гд7а и3 пречcтую є3го2 мт7рь, да вси2 є3ди1ному бг7у бл7года1рнw пою1тъ: А#ллилyіа.

Јкосъ г7.

И#ме1zй ре1вность ве1лію по бз7э вседержи1теле и3 мёчъ сл0ва є3гw2 въ руцЁ воспріи1мъ, пле1велы я3зы1ческагw їуліа1нова нечёстіz ск0рw посёклъ є3си2, вёрныz же во бл7гоче1стіи ўтверди1лъ є3си2: научи2 и3 на1съ, прпdбне џч7е, є3ди1ному т0чію бг7у чи1стымъ житіе1мъ служи1ти, зовyщихъ ти2 си1це:

Ра1дуйсz, г0рдагw їуліа1на въ бг7оtстyпствэ мyжественнw њбличи1вый: ра1дуйсz, хрcтоненави1стныz є3гw2 начина1ніz разруши1вый.

Ра1дуйсz, мlтвою сле1зною, я4кw копіе1мъ, того2 порази1вый: ра1дуйсz, ск0рую є3гw2 поги1бель предвозвэсти1вый.

Ра1дуйсz, лю1ди б9іz, я4коже мwmсе1й дрeвлэ їи7лz, t їдwлослуже1ніz свободи1вый: ра1дуйсz, пле1велы нече1стіz и3стреби1вый.

Ра1дуйсz, пи1щею слове1съ б9іихъ вёрныz и3зоби1льнw насы1тивый: ра1дуйсz, струz1ми бл7года1ти сердца2 напои1вый.

Ра1дуйсz, скрижа1ли веле1ній хрcт0выхъ тве1рдw содэржа1ти ўвэщевaвый: ра1дуйсz, ўче1ніе ќстъ твои1хъ житіе1мъ ўтверди1вый.

Ра1дуйсz, ра1бе бл7гjй и3 вёрный: ра1дуйсz, дёлателю вертогра1да хрcт0ва ўсе1рдный.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ д7.

Бyрю я4рости царz2 ўа1лента, а3ріа1нскимъ ѕловёріемъ w3держи1ма, ты2, свz1тче б9ій, си1лою дх7а въ тебЁ живyща, ўтиши1лъ є3си2, и3 ми1ръ цр7кви ст7ёй дарова1лъ є3си2, ст7ы1ми труда1ми твои1ми и3 те1плыми къ бг7у мл7твами є3мyже ра1дуzсz воспёлъ є3си2: А#ллилyіа.

Јкосъ д7.

Слы1шавъ ѕлочести1вый ўа1лентъ, я4кw ты2, їера1рше б9ій, во и4стинэ стои1ши, и3 вси2 вёрніи гла1су твоемY повинyютсz, восхотЁ t пра1выz вёры тz2 tврати1ти: сегw2 ра1ди посла2 къ тебЁ є3па1рха своегw2 мwде1ста, по1слежде же и3 са1мъ пріи1де въ кесарjю. Но ты2, бг7оно1се џч7е, ни гнёва царе1ва, ни преще1ній гро1знагw є3гw2 воев0ды не ўстраши1лсz є3си2: мh же, прославлz1юще сицево1е твое2 тве1рдое и3сповёданіе, вопіе1мъ ти2:

Ра1дуйсz, побо1рниче пра1выz вёры непоколеби1мый: ра1дуйсz, па1стырю, дyшу за вBрныz положи1ти гот0вый.

Ра1дуйсz, тве1рдое и3сповёданіе петр0во показа1вый: ра1дуйсz, и3лjину ре1вность w3 сла1вэ ст7ы1z трbцы я3ви1вый.

Ра1дуйсz, гнёвъ царz2 нечести1вагw бг7олёпіемъ сщ7еннослуже1ніz ўтиши1вый: ра1дуйсz, бг7омyдрыми словесы2 ўста2 ѕловёрнагw воев0ды загради1вый.

Ра1дуйсz, я4кw преще1ніz и3згна1ніемъ и3 мyками не ўбоz1лсz є3си2: ра1дуйсz, я4кw и3 сме1рть за хрcта2 воспріz1ти жела1лъ є3си2.

Ра1дуйсz, гоне1ніе за вёру претэрпе1вый: ра1дуйсz, скорбьми2 мн0гими въ ра1дость гдcа вше1дый.

Ра1дуйсz, и4стину хрcт0ву пред8 цари2 и3 влады1ки небоz1зненнw вэща1вый: ра1дуйсz, вёрнагw служи1телz цр7z2 нбcнагw тве1рдымъ и3сповёданіемъ себе2 показа1вый.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1к є7.

Бг7отёчнаz ѕвезда2 я3ви1лсz є3си2, ст7и1телю хрcт0въ васjліе, пресвётлыми милосе1рдіz луча1ми н0щь скорбе1й мра1чную w3сіzва1ющаz, мглY бёдъ tгонz1ющаz, и3 всBмъ, въ м0ре житіz2 бyрномъ плывyщымъ, пyть вёрный къ цр7тву нбcному показyющаz, да вси2 сп7са1ющему бг7у ра1дующесz пою1тъ: А#ллилyіа.

Јкосъ є7.

Ви1девше вси1 тz, ст7и1телю б9ій, я4кw nц7а2 чадолюби1ва, въ напа1стехъ и3 ск0рбехъ t тебє2 п0мощи ўсёрднw и3ска1ху: ты2 же w3 всёхъ милосе1рдовалъ є3си2, w4бразъ вёры и4стинныz въ себЁ си1мъ показyz. Бyди, пребл7гjй џч7е, ск0рый пом0щникъ и3 на1мъ, грэхми2 и3 скорбми2 w3бурева1емымъ, съ люб0вію ти2 вопію1щимъ:

Ра1дуйсz, свэти1льниче любве2, t хрcта2 возсіz1вый: ра1дуйсz, nц7Y нбcному въ милосе1рдіи подража1вый.

Ра1дуйсz, неимyщихъ бога1тое сокр0вище: ра1дуйсz, въ нyждахъ вёрное прибёжище.

Ра1дуйсz, гла1дныz, я4коже їw1сифъ дрeвле, препита1вый: ра1дуйсz, мн0ги њби1тєли безд0мнымъ и3 ўбо1гимъ въ кесарjи w3снова1вый.

Ра1дуйсz, прокаже1нныхъ ра1ны свои1ма рука1ма, я4кw самарzни1нъ д0брый, врачева1вый: ра1дуйсz, гони1телz твоего2 мwде1ста недyгующа и3сцэли1вый и3 t нар0дныz ка1зни того2 и3зба1вивый.

Ра1дуйсz, вдови1цу ўб0гую t nби1ды є3па1рха защити1вый: ра1дуйсz, женЁ грёшницэ проще1ніе грэхw1въ ў бг7а и3спроси1вый.

Ра1дуйсz, сир0тъ џтче и3 стра1ждущихъ ўтеше1ніе: ра1дуйсz, во грэсёхъ погиба1ющихъ вразумле1ніе и3 и3справле1ніе.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ ѕ7.

Проповёдникъ всемY мjру и4стины хрcт0вы я3ви1лсz є3си2, ст7и1телю џч7е васjліе, си1лою бл7года1тною сл0ва твоегw2, я4кw nстріе1мъ меча2, грэх0вныz сердца2 проница1zй и3 къ покаz1нію возбужда1zй, да вси2 чи1стымъ се1рдцемъ трbцэ ст7ёй пою1тъ: А#ллилyіа.

Јкосъ ѕ7.

Возсіz1лъ є3си2 на тве1рди цр7квней, я4кw вели1кое свэтоза1рное свэти1ло, џч7е васjліе, всю2 поднебе1сную разуме1ніемъ вёры и4стинныz просвэща1ющее, мра1къ же страсте1й грэх0вныхъ tгонz1ющее, t ни1хже и3 на1съ свободи2, зовyщихъ ти2 си1це:

Ра1дуйсz, трbцы ст7ы1z вёрный служи1телю: ра1дуйсz, та1инъ вёры бг7оwзаре1нный и3з8zсни1телю.

Ра1дуйсz, я4кw nц7Y сн7а є3диносyщна и3 дх7а сопrт0льна велегла1снw проповёдалъ є3си2: ра1дуйсz, я4кw и4стину w3 свётэ превёчнэмъ, t свёта превёчна просіz1вшемъ, вёрнымъ и3з8zсни1лъ є3си2.

Ра1дуйсz, гдcа спcтелz, я4кw бг7а воплоще1нна и3 творца2 всBхъ вBкъ и3сповёдавый: ра1дуйсz, та1инство двyхъ є3сте1ствъ и3 є3ди1ной v3пwста1си во хрcтЁ бз7э показа1вый.

Ра1дуйсz, си1лою ца1рственнагw сл0ва твоегw2 бога1тымъ жи1тницы tкры1ти повелёвый: ра1дуйсz, t коры1сти непра1ведныz мн0ги ўче1ніемъ tврати1вый.

Ра1дуйсz, душепа1губное піz1нство сл0вомъ, я4кw гр0момъ, поража1вый: ра1дуйсz, жестокосе1рдіе и3 за1висть и3з8 серде1цъ и3стреблz1вый.

Ра1дуйсz, воздержа1ніz ревни1тельный наста1вниче: ра1дуйсz, покаz1ніz неум0лчный проповёдниче.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ з7.

Хотz2 вёрныz t соб0рищь а3ріа1нскихъ w3гради1ти, ты2, ст7че б9ій васjліе, всz6 въ цр7кви бл7гоукраси1лъ є3си2, и3 чи1нъ ўмили1тельный бжcтвенныz літургjи мyдрэ сложи1лъ є3си2, мн0ги же моли1твы, я4кw мv1ро бл7гов0нное, t ќстъ твои1хъ nгнедохнове1нныхъ и3зліz1шасz, и4миже во грэсёхъ проще1ніz себЁ и3 ўс0пшымъ бра1тіzмъ пр0симъ, трbцу же прест7yю сла1вимъ, пою1ще: А#ллилyіа.

Јкосъ з7.

Но1ваго а3арw1на вёрніи зрz1ху въ тебЁ, џч7е ст7ы1й васjліе, є3гда2 бг7олёпнw же1ртву безкр0вну сщ7еннодёйствовалъ є3си2, дарова1ніи ст7а1гw дх7а, я4кw многоце1нными ка1меньми свэтz1щеюсz nде1ждою, ўкра1шенъ. Ны1нэ же въ вы1шнэмъ же1ртвенницэ w3 цRкви предста1тельствуzй, помина1й вы1ну и3 на1съ, тебЁ ўмиле1ннw зовyщихъ:

Ра1дуйсz, а3рхіере1ю б9ій, преизwби1льную, я4коже и3 а3арw1нъ, бл7года1ть сщ7е1нства воспріz1вый: ра1дуйсz, ве1ліе дерзнове1ніе въ моли1твэ за лю1ди стzжа1вый.

Ра1дуйсz, та1инъ б9іихъ мyдрый строи1телю: ра1дуйсz, чи1на цRк0внагw бл7гоукраси1телю.

Ра1дуйсz, служе1нію літургjи t самагw2 хрcта2, я4коже и3 їа1кwвъ а3пcтолъ, науче1нный: ра1дуйсz, мlтвенниче, дх7омъ б9іимъ w3заре1нный.

Ра1дуйсz, нбcнымъ свётомъ, я4коже не1цыи ви1дэша, въ служе1ніи w3сіzва1емый: ра1дуйсz, а4гг7лы, я4кw нёкіими пресвётлыми мyжами, w3кружа1емый.

Ра1дуйсz, я4кw твое1ю пе1рвэе мл7твою къ воспріz1тію та1инъ хрcт0выхъ себE ўготовлz1емъ: ра1дуйсz, я4кw твои1ми словесы2 въ ве1черъ пzтидесz1тницы колэнопоклHннаz прошє1ніz возсыла1емъ.

Ра1дуйсz, кесарjйскагw ст7и1тельскагw прест0ла сла1во и3 ўкраше1ніе: ра1дуйсz, я4кw їере1wмъ всеS цRкве подае1ши t бг7а бл7года1тное въ служе1ніи ўкрэпле1ніе.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ и7.

Стра1нное и3 пресла1вное видёніе tкры1сz w3 тебЁ, ст7и1телю васjліе, прпdбному є3фре1му сmріа1нину: є3ди1ножды бо показа2 є3мy тS бг7ъ, я4кw столпа2 џгненна, высоты2 нбcныz досzза1юща, п0слеждэ же, прише1дъ въ кесарjю, прпdбный ўзрЁ тz џгненнымъ z3зы1комъ лю1ди поуча1юща и3 ўмиле1ннw возопи2 бг7у: А#ллилyіа.

Јкосъ и7.

Ве1сь свётомъ нбcнымъ серафjмскіz любве2 пламенёлъ є3си2, бг7он0се васjліе: словесa бо твоz6 бёша, я4кw м0лніz, є4реси попалz1ющаz, дyшы же вёрныхъ пла1менемъ вёры и3 любве2 просвэща1ющаz: да1ждь u5бо и3 на1мъ, џче, мlтвою твое1ю, и4скру хотz2 ма1лую твоеz2 любве2 и3мёти, зовyщымъ сицєва1z:

Ра1дуйсz, пламенови1дный ст0лпе, є4реси попалz1zй: ра1дуйсz, џгнь вёры и4стинныz и3 любве2 нелицемёрныz возгрева1zй.

Ра1дуйсz, лжи2 а4ріевы є4реси тве1рдый њбличи1телю: ра1дуйсz, и4стины хрcто1вы пла1менный ревни1телю.

Ра1дуйсz, я4кw г0рдаго є3vнw1міа, сн7а б9іz хули1вша, посрами1лъ є3си2: ра1дуйсz, я4кw македw1ніево хуле1ніе дх7а ст7а1гw препрёлъ є3си2.

Ра1дуйсz, суемyдріz нестHріева разори1телю: ра1дуйсz, че1сти прест7ы1z бг7омт7ре ўсёрдный защи1тителю.

Ра1дуйсz, па1стырю, нбcнымъ блиста1ніемъ любве2 w3сіzва1емый: ра1дуйсz, ўчи1телю вёры, словеса2 молніен0снаz вэща1вый.

Ра1дуйсz, бг7онасажде1ннаz масли1но, мн0гихъ ст7ы1хъ цр7кви произвёдшаz: ра1дуйсz, лозо2, бг7омyдрыхъ правосла1віz поб0рникwвъ и3зрасти1вшаz.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ f7.

Все2 є3рети1ческое соб0рище не возм0же противостоz1ти бл7года1тнэй, я5же въ тебЁ, ст7ы1й џч7е, w3бита1ше, си1лэ: ю4ношу бо нёкоего, во вла1сть сатаны2 впа1дша, си1лою мл7твы твоеz2 t сете1й вра1жіихъ t8z1лъ є3си2, пока1zвшасz же ко хрcтY возврати1лъ є3си2, бл7года1рнw поz2 сп7си1телю бг7у: А#ллилyіа.

Јкосъ f7.

Витjйствомъ бг7одухнове1ннымъ твои1мъ, ст7и1телю васjліе, побэжда1еміи и3 ви1девше пресла1вное на ю4ноше бы1вшее чyдо, мн0зи t є3рети1къ ко є3ди1нэй присоедини1шасz цр7кви, є3z1же вёрными и3 послyшными ча1дами и3 на1съ бы1ти спод0би, зовyщихъ ти2 си1це:

Ра1дуйсz, всz6 концы2 земли2 нбcнымъ ўче1ніемъ w3сіz1вый: ра1дуйсz, бл7года1тію хрcт0вою те1мныz си1лы а4да побэжда1вый.

Ра1дуйсz, ю4ношу t сэте1й сатаны2 свободи1вый: ра1дуйсz, тёломъ и3 кр0вію хрcт0вою того2 насы1тивый.

Ра1дуйсz, я4кw душе2, кр0вію хрcт0вою и3скyпленнэй, поги1бнути не да1лъ є3си2: ра1дуйсz, я4кw въ поги1бельный грёхъ впа1дша, ю4ношу прости1ти, хрcта2 ўмоли1лъ є3си2.

Ра1дуйсz, я4кw пресла1внымъ чyдомъ лю1ди ўдиви1лъ є3си2: ра1дуйсz, я4кw nбраще1ніемъ заблyждша а4гг7елы возра1довалъ є3си2.

Ра1дуйсz, проси1ти ў гдcа а4гг7елwвъ w3гражде1ніz на1съ науча1zй: ра1дуйсz, а4гг7ела храни1телz мл7твою твое1ю къ на1мъ приближа1zй.

Ра1дуйсz, t навётовъ вра1жіихъ свободи1телю: ра1дуйсz, во и3скуше1ніихъ ск0рый защити1телю.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ i7.

Сп7сти2 хотz2 творе1цъ свое2 слове1сное созда1ніе, показа1 тz тве1рдаго вёрныхъ защи1тителz, џч7е васjліе, и3 цр7кве своеz2 храни1телz, да свётъ правосла1віz тоб0ю всемY мjру я3вле1нъ бyдетъ, и3 вси2 вёрніи бл7года1рне трbцэ ст7ёй воспэва1ютъ: А#ллилyіа.

Јкосъ i7.

Стэна2 є3си2 цр7кве, и3 тве1рдое вёрныхъ w3гражде1ніе я3ви1лсz є3си2, q вели1кій въ їера1рсэхъ васjліе, є3гда2 во гра1дэ нmке1йстэмъ врата2 церк0внаz си1лою мл7твы твоеz2 tвёрзлъ є3си2 и3 и4стину пра1выz вёры си1мъ я3ви1лъ є3си2, ўуста2 же хyлzщихъ и4мz хрcт0во загради1лъ є3си2. На1мъ же, гдcа сп7си1телz правосла1внw и3сповёдающымъ, tве1рзи, џч7е, млcрдіz б9іz двёри, заступлёніемъ твои1мъ, да зове1мъ ти2 си1це:

Ра1дуйсz, а4гг7еле земны1й, цр7кве хрcт0вы храни1телю: ра1дуйсz, бг7омъ пред8избра1нный вёрныхъ защи1тителю.

Ра1дуйсz, врата2 цRк0внаz, я4коже и3ліа2 дрeвле нб7о, мл7твою tкры1вый: ра1дуйсz, хра1мъ ст7ы1й, є3ретика1ми восхище1нный, па1ки вёрнымъ возврати1вый.

Ра1дуйсz, вёрныхъ t є4ресей w3гради1вый: ра1дуйсz, цр7ковь хрcт0ву неврэжде1нну t лжеуче1ній сохрани1вый.

Ра1дуйсz, превели1кое на нб7си2 и4мz хрcт0во и3 на земли2 чудесы2 возвели1чивый: ра1дуйсz, правосла1віе во вселе1нней ўтверди1вый.

Ра1дуйсz, я4кw тоб0ю г0рдость нечести1выхъ низложи1сz: ра1дуйсz, я4кw тоб0ю смире1ніе вёрныхъ вознэсе1сz.

Ра1дуйсz, я4кw тоб0ю вёра ст7а1z прославлz1етсz: ра1дуйсz, я4кw тоб0ю цр7ковь хрcт0ва ди1внw красyетсz.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ а7i.

Пёніе подоба1ше возноси1мо бы1ти тебЁ съ нб7си2, а3 не t земли2, Q пречyдный васjліе, нб7съ бо я3вле1ніе на земли2 бы1лъ є3си2, къ нб7си2 бг7омyдрыми ўче1ньми твои1ми ўмы2 вёрныхъ возводи1лъ є3си2, и3 ны1нэ съ нб7съ на ны2 ми1лостивнw призира1еши и3 преизwби1льную всBмъ на1мъ блгdть подае1ши t щедрода1телz хрcта2 бг7а, є3мyже со а4гг7елы на нб7сёхъ вы1ну пое1ши: А#ллилyіа.

Јкосъ а7i.

Свэтон0сный свэти1льниче, ве1сь мн0гими дара1ми б9іими и3 добродётельми сіz1ющъ, бы1лъ є3си2, ст7че б9ій васjліе, и4миже и3 ны2 просвэти2, въ добродётели наста1ви и3 ко црcтвію нбcному напра1ви, зовyщихъ тебЁ си1це:

Ра1дуйсz, цр7кве хрcт0вы незаходи1мое сіz1ніе и3 пресвётлое ўкраше1ніе: ра1дуйсz, я4кw подае1ши хрcтіа1нwмъ во всz6 вёки въ вёрэ пра1вэй ўтвержде1ніе.

Ра1дуйсz, тала1нты, бг7омъ вруче1нныz тебЁ, ўсоверши1вый: ра1дуйсz, t земны1z мyдрости всz6 ко сп7се1нію полє1знаz собра1вый.

Ра1дуйсz, сы1ну царе1ву во сла1ву правовёріz чуде1сное и3сцэле1ніе дарова1вый: ра1дуйсz, цэломyдренное житіе2 а3наста1сіz пресвv1тера и3 супрyжницы є3гw2 прозрёвый.

Ра1дуйсz, кр0ткw nби1дzщымъ тz2 проща1вый: ра1дуйсz, смире1ніемъ и3 тэрпе1ніемъ клеветы2 на тz2 побэжда1вый.

Ра1дуйсz, ўста1въ совэрше1ннагw житіz2 и4нокwмъ ўчреди1вый: ра1дуйсz, мн0ги и4ноки въ wби1телехъ собра1вый.

Ра1дуйсz, пра1вила и3 кан0ны и3 сп7си1тєльнаz ўчє1ніz въ наслёдіе цр7кви w3ста1вивый: ра1дуйсz, бг7омyдрыми списа1ньми твои1ми многоцённое сокр0вище къ назида1нію хрcтіа1нwмъ дарова1вый.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ в7i.

Блгdть вели1кую дарова2 тебЁ хрcт0съ бг7ъ, ст7и1телю џч7е васjліе, не т0чію заблyждшыz къ покаz1нію приводи1ти, но и3 мнHги невёрныz ко хрcтY nбраща1ти: є3гда2 бо ўже2 сме1ртнw болёзновалъ є3си2, ко бл7же1нней кончи1нэ приближа1zсz, є3вре1анина врача2, съ жен0ю и3 ч†ды, ст7ы1мъ кр7ще1ніемъ просвэти1лъ є3си2 и3 трbцэ ст7ёй кyпнw съ ни1ми бл7года1рственную воспёлъ є3си2 пёснь: А#ллилyіа.

Јкосъ в7i.

Пою1тъ ти2 ве1ліz похвалы2 вси6 вёрніи, Q вели1кій їера1рше васjліе, вельми1 бо на земли2 до конца2 житіz2 твоегw2 во сла1ву правовёріz потруди1всz, въ нбcнаz ст7az ст7ы1хъ вше1лъ є3си2, и3 я4кw вёрный б9ій служи1тель, трbцэ ст7ёй предста1лъ є3си2, и3де1же и3 w3 на1съ вы1ну моли1сz, q пребл7гjй џч7е, вёрою ча1дэхъ твои1хъ, съ люб0вію зовyщихъ ти2 си1це:

Ра1дуйсz, ца1рское сщ7е1ніе, прехва1льне васjліе: ра1дуйсz, трbцы ст7ы1z преукраше1нное селе1ніе.

Ра1дуйсz, чуде1сными дэz1ньми цр7z2 нбcнаго просла1вивый: ра1дуйсz, рeвности своеz2 w3 сла1вэ вёры и3 въ боле1зни сме1ртнэй не w3ста1вивый.

Ра1дуйсz, ра1ди nбраще1ніz невёрна чуде1сное продле1ніе себЁ житіz2 ў бг7а и3спроси1вый: ра1дуйсz, свои1ма рука1ма, возста1въ съ nдра2 сме1ртнагw, кр7ще1ніемъ того2 просвэти1вый.

Ра1дуйсz, труда1ми и3 мyдростію си1лу ѕловёріz побэди1вый: ра1дуйсz, благовёрнымъ царє1мъ побёды на враги2 и3спроси1вый.

Ра1дуйсz, а3пcлwмъ въ трудёхъ є3динонра1вный: ра1дуйсz, со ст7и6тельми григ0ріемъ бг7осл0вомъ и3 їwа1нномъ златоyстомъ, по повеле1нію твоемY, є3диноче1стнw прославлz1емый.

Ра1дуйсz, нетлёніемъ моще1й просіz1вый и3 сла1вою на нб7сёхъ ўвэнча1нный: ра1дуйсz, те1плый и3 вели1кій застyпниче, t бг7а на1мъ дар0ванный.

Ра1дуйсz, васjліе, вели1кій їера1рше, правосла1віz всемjрный свэти1льниче.

Конда1къ г7i.

Q прест7ы1й и3 вели1кій їера1рше хрcт0въ васjліе, правосла1віz свэти1ло и3 вёрныхъ w3гражде1ніе! При1зри съ нб7се2 на сіе2, приноси1мое ти2 на1ми, хвале1ніе, и3 мл7твами твои1ми t страсте1й и3 бёдъ на1съ w3гради2, въ пра1вэй вёрэ соблюди2 и3 црcтвіz нбcнагw спод0би, да кyпнw съ тоб0ю и3 всёми ст7ы1ми трbцэ стё1й во вёки вэкw1въ пое1мъ: А#ллилyіа.

Сeй кондaкъ глаг0ли три1жды, посeмъ №-й јкосъ и3 №-й кондaкъ.

Моли1тва.

Q вели1кій во їера1рсэхъ, вселе1нныz ўчи1телю бг7омyдрый, пребл7же1нне o4§е васjліе! Вeліи п0двизи и3 труды2 тво‰, я5же во сла1ву ст7ы1z цр7кве соверши1лъ є3си2. Ты2 и3сповёдникъ тве1рдый и3 свэти1льникъ вёры хрcт0вы на земли2 бы1лъ є3си2, свётомъ бг7овёдэніz вBрныz w3зарszй, лw1жнаz ўчє1ніz попалszй и3 всемY мjру сл0во сп7си1тельныz и4стины возвэща1zй. Ны1нэ же, ве1ліе на нб7сёхъ и3мёz дерзнове1ніе ко ст7ёй трbцэ, помози2 на1мъ, со смире1ніемъ къ тебЁ припа1дающымъ, тве1рдw и3 неизмённw ст7yю правосла1вную вёру до конца2 житіS на1шегw сохрани1ти, t маловёріz же, сомнёній и3 колеба1ніz въ вёрэ соблюди2, да не прельще1ни бyдемъ бг7опроти1вныхъ и3 душепа1губныхъ ўче1ній словесы2. Дyхъ ре1вности ст7ы1z, є4юже ты2 пламенёлъ є3си2, Q пресла1вный цр7кве хрcт0вы па1стырю, возгрёй предста1тельствомъ твои1мъ и3 въ на1съ, и5хже хрcт0съ поста1ви бы1ти па1стыри, да всеусерднw просвэща1емъ и3 ўтвержда1емъ въ пра1вэй вёрэ слове1сное ста1до хрcт0во. Ўмоли2 гдcа, да возвы1ситсz страна2 на1ша, и3 да да1руетъ всемY нар0ду на1шему здра1віе, долгоде1нствіе и3 во всёмъ бл7г0е поспэше1ніе. И#спроси2, Q милосе1рдый ст7и1телю, t o3ц7а2 свётwвъ и3 всBмъ всsкій да1ръ, коемyждо бл7гопотре1бенъ: младе1нцємъ бл7г0е въ стра1сэ б9іи возраста1ніе, ю4нымъ цэломyдріе, ста6рымъ и3 немощны6мъ ўкрэпле1ніе, скорбsщымъ ўтэше1ніе, недyгующымъ и3сцэле1ніе, заблyждшымъ вразумле1ніе и3 и3справле1ніе, w3би6димымъ заступле1ніе, сирота1мъ и3 вдови1цамъ защищeніе, и3скуша1ємымъ бл7года1тное поможе1ніе, tше1дшымъ t сегw2 вре1меннагw житіS o3тцє1мъ и3 бра1тіzмъ на1шымъ бл7же1нное ўпокое1ніе. Е$й, с™че б9ій, при1зри ми1лостивнw t w3би1телей г0рнихъ на на1съ, смире1нныхъ, мн0гими собла6зны и3 напа1стьми w3бурева1емыхъ, и3 къ земли2 приве1рженныхъ возведи2 къ высотЁ нбcснэй. Препода1ждь на1мъ, пребл7гjй o4§е, твое2 а3рхіпа1стырское и3 ст70е бл7гослове1ніе, да o4нымъ w3сэнsеміи, въ сіе2 н0вое лёто и3 во все2 пр0чее вре1мz житіS на1шегw въ ми1рэ, покаsніи и3 послуша1ніи ст7ёй правосла1внэй цр7кви поживе1мъ, за1пwвэди хрcтw1вы ўсе1рднw творsще, п0двигомъ д0брымъ вёры подвиза1ющесz, и3 та1кw црcтвіz нбcнагw дости1гнемъ, и3дёже съ тоб0ю и3 всёми ст7ы1ми спод0би трbцу ст7yю, є3диносyщную и3 нераздёльную, пёти и3 сла1вити во вёки вэкw1въ. Ґми1нь.

Ва­си­лий Ве­ли­кий ро­дил­ся око­ло 330 г. в Ке­са­рии. В се­мье свт. Ва­си­лия к ли­ку свя­тых при­чис­ле­ны мать Эми­лия (па­мять 1 ян­ва­ря), сест­ра Мак­ри­на (па­мять 19 июля), брат Гри­го­рий (па­мять 10 ян­ва­ря). Отец был адво­кат, под его ру­ко­вод­ством Ва­си­лий по­лу­чил пер­во­на­чаль­ное об­ра­зо­ва­ние, за­тем он обу­чал­ся у луч­ших учи­те­лей Ке­са­рии Кап­па­до­кий­ской, где по­зна­ко­мил­ся со свя­тым Гри­го­ри­ем Бо­го­сло­вом (па­мять 25 ян­ва­ря), а поз­же пе­ре­шел в шко­лы Кон­стан­ти­но­по­ля. Для за­вер­ше­ния обу­че­ния св. Ва­си­лий от­пра­вил­ся в Афи­ны – центр клас­си­че­ско­го об­ра­зо­ва­ния.

В Афи­нах Ва­си­лий Ве­ли­кий при­об­рел все до­ступ­ные зна­ния. О нем го­во­ри­ли, что «он так изу­чил все, как дру­гой не изу­ча­ет од­но­го пред­ме­та, каж­дую на­у­ку он изу­чил до та­ко­го со­вер­шен­ства, как буд­то не учил­ся ни­че­му дру­го­му. Фило­соф, фило­лог, ора­тор, юрист, есте­ство­вед, имев­ший глу­бо­кие по­зна­ния в ме­ди­цине, – это был как ко­рабль, столь на­гру­жен­ный уче­но­стью, сколь сие вме­сти­тель­но для че­ло­ве­че­ской при­ро­ды».

В Афи­нах меж­ду Ва­си­ли­ем Ве­ли­ким и Гри­го­ри­ем Бо­го­сло­вом уста­но­ви­лась тес­ней­шая друж­ба, про­дол­жав­ша­я­ся всю жизнь. Око­ло 357 г. свя­той Ва­си­лий воз­вра­тил­ся в Ке­са­рию, где вско­ре всту­пил на путь ас­ке­ти­че­ской жиз­ни. Ва­си­лий, при­няв Кре­ще­ние от епи­ско­па Ке­са­рий­ско­го Ди­а­ния, был по­став­лен чте­цом. Же­лая най­ти ду­хов­но­го ру­ко­во­ди­те­ля, он по­се­тил Еги­пет, Си­рию, Па­ле­сти­ну. Под­ра­жая на­став­ни­кам, вер­нул­ся в Ке­са­рию и по­се­лил­ся на бе­ре­гу ре­ки Ирис. Во­круг него со­бра­лись ино­ки. Сю­да же Ва­си­лий при­влек сво­е­го дру­га Гри­го­рия Бо­го­сло­ва. Они под­ви­за­лись в стро­гом воз­дер­жа­нии; при тя­же­лых физи­че­ских тру­дах изу­ча­ли тво­ре­ния древ­ней­ших тол­ко­ва­те­лей Свя­щен­но­го Пи­са­ния. В цар­ство­ва­ние Кон­стан­ция (337–362) рас­про­стра­ни­лось лже­уче­ние Ария. Цер­ковь при­зва­ла к слу­же­нию Ва­си­лия и Гри­го­рия. Ва­си­лий вер­нул­ся в Ке­са­рию, где в 362 г. был ру­ко­по­ло­жен в сан диа­ко­на, в 364 г. – в сан пре­сви­те­ра. При им­пе­ра­то­ре Ва­лен­те (334–378), сто­рон­ни­ке ари­ан, в тя­же­лые вре­ме­на для пра­во­сла­вия к Ва­си­лию пе­ре­шло управ­ле­ние цер­ков­ны­ми де­ла­ми. В это вре­мя он со­ста­вил чин Ли­тур­гии, «Бе­се­ды на Ше­стод­нев», а так­же кни­ги про­тив ари­ан. В 370 г. Ва­си­лий был воз­ве­ден епи­ско­пом на Ке­са­рий­скую ка­фед­ру. Он про­сла­вил­ся сво­ей свя­то­стью, глу­бо­ким зна­ни­ем Свя­щен­но­го Пи­са­ния, ве­ли­кой уче­но­стью, тру­да­ми на бла­го цер­ков­но­го ми­ра и един­ства. Сре­ди по­сто­ян­ных опас­но­стей св. Ва­си­лий под­дер­жи­вал пра­во­слав­ных, утвер­ждая их ве­ру, при­зы­вая к му­же­ству и тер­пе­нию. Все это вы­зы­ва­ло нена­висть к нему ари­ан. Все свои лич­ные сред­ства он упо­треб­лял в поль­зу бед­ных: со­зда­вал бо­га­дель­ни, стран­но­при­им­ные до­ма, ле­чеб­ни­цы, устро­ил два мо­на­сты­ря – муж­ской и жен­ский.

Ари­ане всю­ду пре­сле­до­ва­ли его. Св. Ва­си­лию угро­жа­ли ра­зо­ре­ни­ем, из­гна­ни­ем, пыт­ка­ми и смер­тью. Он же ска­зал: «Смерть для ме­ня бла­го­де­я­ние. Она ско­рее при­ве­дет ме­ня к Бо­гу, для Ко­то­ро­го жи­ву и тру­жусь».

Бо­лез­ни от юно­сти, тру­ды уче­ния, по­дви­ги воз­дер­жа­ния, за­бо­ты и скор­би пас­тыр­ско­го слу­же­ния ис­то­щи­ли си­лы свя­ти­те­ля, и 1 ян­ва­ря 379 г. он пре­ста­вил­ся ко Гос­по­ду, бу­дучи 49 лет. Цер­ковь тот­час ста­ла празд­но­вать его па­мять. Совре­мен­ник Ва­си­лия Ве­ли­ко­го, епи­скоп Ам­фи­ло­хий (па­мять 23 но­яб­ря) так оце­нил его за­слу­ги: «Он при­над­ле­жит не од­ной Ке­са­рий­ской Церк­ви, и не в свое толь­ко вре­мя, не од­ним со­пле­мен­ни­кам сво­им был по­ле­зен, но по всем стра­нам и гра­дам все­лен­ной и всем лю­дям при­но­сил и при­но­сит поль­зу, и для хри­сти­ан все­гда был и бу­дет учи­те­лем спа­си­тель­ней­шим».

В Кон­стан­ти­но­по­ле дол­го про­ис­хо­ди­ли спо­ры о том, ко­му из трех свя­ти­те­лей сле­ду­ет от­да­вать пред­по­чте­ние. Од­на часть лю­дей пре­воз­но­си­ла свя­ти­те­ля Ва­си­лия (па­мять 1 ян­ва­ря), дру­гая сто­я­ла за Гри­го­рия Бо­го­сло­ва (па­мять 25 ян­ва­ря), тре­тья по­чи­та­ла свя­ти­те­ля Иоан­на Зла­то­уста (па­мять 13 но­яб­ря).

От это­го сре­ди хри­сти­ан про­изо­шли цер­ков­ные раз­до­ры: од­ни на­зы­ва­ли се­бя ва­си­ли­а­на­ми, дру­гие – гри­го­ри­а­на­ми, тре­тьи – иоан­ни­та­ми.

По во­ле Бо­жи­ей в 1084 го­ду мит­ро­по­ли­ту Ев­ха­ит­ско­му Иоан­ну яви­лись три свя­ти­те­ля и, объ­явив, что они рав­ны пред Бо­гом, по­ве­ле­ли пре­кра­тить спо­ры и уста­но­вить об­щий день празд­но­ва­ния их па­мя­ти.


См. также: "Жи­тие свя­то­го от­ца на­ше­го Ва­си­лия Ве­ли­ко­го, ар­хи­еп. Ке­са­рий­ско­го" в из­ло­же­нии свт. Ди­мит­рия Ро­стов­ско­го

См. так­же: "Со­бор трех ве­ли­ких все­лен­ских учи­те­лей Ва­си­лия Ве­ли­ко­го, Гри­го­рия Бо­го­сло­ва и Иоан­на Зла­то­усто­го" в из­ло­же­нии свт. Ди­мит­рия Ро­стов­ско­го.