Акафист святой великомученице Злате Мегленской

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 26 октября (13 октября ст. ст.); 31 октября (18 октября ст. ст.)

Кондак 1

Избранная служительнице Бога воплощеннаго и чистая хранительнице девства нерастленнаго, родителей своих Христа ради отрекшуся и крове исповедницы порфирою облекшуся, в лик празднственный ныне тя вси чтущии сошедшеся любовию поем, о Злато, Церкве позлащение: но яко непорочная невеста Слова Божия и велие ко Господу имущи дерзновение, о нас, всеокаянных, молися неотступно, да мира многострастнаго океан преплывше, сподобимся в день судный благодати свыше, тебе с благодарением умильно вопиюще:

Радуйся, великомученице Злато, златая целомудрия палато.

Икос 1

Ангелов и всех святых небесных удивление, любовию Христа возлюбльшая презельною и девства чисте обручившися Тому хранением, Злата достохвальная пребысть неоскверненною; и вено златотканное — одежду обагренную Небесному Обручнику с веселием вручи. Молитвенницу теплую от Бога получивше, девице богомудренней умильно вопием:

Радуйся, источниче небесных утешений;

Pадуйся, прекрасное девства прославление.

Радуйся, Царя Христа обручнице нескверная;

Pадуйся, заступнице всем любящым тя верная.

Радуйся, кадильнице Святейшему лучистая;

Pадуйся, девице благонравная и чистая.

Радуйся, звездо, во мраце рабства просиявшая;

Pадуйся, луно златая, тьму греха разгнавшая.

Радуйся, великомученице Злато, златая целомудрия палато.

Кондак 2

Видящи святая сатанинство неверных, доблественно муки претерпети положи в сердце и молитвою укрепльшися, рече: «Верую во Христа, Тому Единому служу, Той бо есть Жених, Егоже аз не отрекуся даже аще тмы страданий ныне претерплю». Сицевое девы богомудрыя рачение хваляще, поем Христу умильно: Аллилуиа.

Икос 2

Разума небеснаго девицы невмещающе и хотяще сквернии грехом растлити Злату, отдаша ю женам своим, да, льстяще и вещающе, помутят сердце девы сластолюбием и златом. Обаче не смутися, ни подвижеся святая, но паче благодатию мужающися в любви пребысть на Веры камени, поганиц посрамляющи; темже и мы златую Злату сице воспеваем:

Радуйся, Христова избраннице венчанная;

Pадуйся, Болгарии печальнице всехвальная.

Радуйся, Божественныя Веры славословие;

Pадуйся, смирившая агарян пустословие.

Радуйся, смутившая поганцев, боголюбице;

Pадуйся, любезная другине Богородицы.

Радуйся, пресладостное мучеников пение;

Pадуйся, от ереси надежное хранение.

Радуйся, великомученице Злато, златая целомудрия палато.

Кондак 3

Силою прельщения сломити невозмогше Злату благонравную, зловернии призваша с сестрами ея, отца и матери — слезами да деву отвратят от Веры чистыя, хвалами, да никогда возможет Богу пети: Аллилуиа.

Икос 3

Имущи дева чистую к родителем любовь смутися обольщением и вмале не подвижеся, обаче не возможе ухищрение врагов, и Злата небомудренно родителей отвержеся: «Глаголющих ми истиннаго Бога отрещися, отныне вас не вем. Христос Отец есть мой, и Матерь ми отныне есть Владычица Пречистая, всех мучеников вои мне суть братия и сестры!» Мы убо небомудрию дивимся Златы чистыя и гласы непрестанными ей сице вопием:

Радуйся, соловей святыя Церкве богогласный;

Pадуйся, сосуде девства, светлый и прекрасный.

Радуйся, превечную весну достигший цвете;

Pадуйся, нас озаривый златозарный свете.

Радуйся, блаженство воспевающих тя вечное;

Pадуйся, всем чтущым тя радость безконечная.

Радуйся, сокровище благих и исцеления;

Pадуйся, свеще пречудна верным озарения.

Радуйся, великомученице Злато, златая целомудрия палато.

Кондак 4

Бурею к родителем не возмог пристрастия Злату на нечестие поганское прельстити, диавол возъярися и неверных распаляше зверское, во еже ю нещадно бити. Плоть девицы чистыя агаряне начаша резати и пред очима ея вешати ю, но паче прежде к Богу возгореся Злата пламенем любве, Христу в терпении поющи: Аллилуиа.

Икос 4

Отцу ея духовному иерею Тимофею прилучшуся страданий места близу, Злата к нему посла, просящи: да молитвою своею поможет ей течение страдальчества скончати. И, Златою посрамлены, злодеи озверевше, повесиша на древе непорочную девицу и резаху ю, дондеже от плоти разрешися. Она же ныне духом слышит поющия ю сице:

Радуйся, златая Македонии девице;

Pадуйся, крилома нас хранящая орлице.

Радуйся, супружества честнаго ограждение;

Pадуйся, монашества златое украшение.

Радуйся, всем верным благоверная княгине;

Pадуйся, всем девствующым верная другине.

Радуйся, святыя Веры лиро златогласная;

Pадуйся, деннице целомудрием прекрасная.

Радуйся, великомученице Злато, златая целомудрия палато.

Кондак 5

Боготечную звезду сию, нам верно озарившую тесный путь спасения в растленнем веце сем, Злату, чашу горькую до дна выпившую хваляще немолчно, Богу вопием: Аллилуиа.

Икос 5

Видев дщере лютыя духовныя страдания, Тимофей святому Никодиму вся поведа; Никодим же славный благочестным в назидание всезлатыя Златы написа победу. Мощи всечестныя девы вземше, благовернии со благоговением и пеньми погребоша, с чистым фимиамом к небесем каждением пение всечудней сицевое вознесоша:

Радуйся, садов небесных ластовице белая;

Pадуйся, поправшая врага девице смелая.

Радуйся, нам диавола безсилие явившая;

Pадуйся, всем силу целомудрия открывшая.

Радуйся, духовное млеко нам источающая;

Pадуйся, языков новых нравы обличающая.

Радуйся, всем любящым тя радосте спасения;

Pадуйся, от скверны мира верным сохранение.

Радуйся, великомученице Злато, златая целомудрия палато.

Кондак 6

Проповедь Евангелия в веце ересей присно ухищряется людей поработитель упразднити лжею в умножении страстей, яко да никтоже воспоет Спасителю: Аллилуиа.

Икос 6

Возсиявши в мраце долгих лет порабощения, Злата златолучное нам солнце показася, имже тьма разгнася агарянскаго прельщения, тепле озаряюще страждущий наш род. Днесь султан духовный вновь обаче воцарися, люди обольщая Православия предательми; проповедь Евангелия паки мрак объят, темже со слезами от нощи взываем Злате:

Радуйся, прельщенных к свету Истины воззвание;

Pадуйся, всех кающихся твердое возстание.

Радуйся, иконо всезлатая Православия;

Pадуйся, бесов нечистых славное прогнание.

Радуйся, родов славянских грозде чист и сладок;

Pадуйся, поточе златоструен и пресладок.

Радуйся, девице, голубицы чистшая;

Pадуйся, реко, струями Церковь позлатившая.

Радуйся, великомученице Злато, златая целомудрия палато.

Кондак 7

Хотящия от нынешняго века заблуждений и многих ересей ко свету Истины преити, девице чистонравная, избави от тимения, да вкупе водворимся в храм пресветлый чистоты, поюще Свободившаго навеки нас от тли: Аллилуиа.

Икос 7

Новую тя всех Царя невесту ублажаем, чтуще тя усердную молитвенницу Злато, яко в ниве рабства клас прозябший златостеблен, напоенней кровию неведомых страдальцев, с нимиже о нас молися, славная девице, поющих тебе сице:

Радуйся, воистинну рабо Господня верная;

Pадуйся, Христа невесто чистая, нескверная.

Радуйся, прекрасный крине нивы целомудрия;

Pадуйся, пресладкий соте луга богомудрия.

Радуйся, любве зерцало небоорошенное;

Pадуйся, Святаго Духа езеро блаженное.

Радуйся, златое добродетелей сияние;

Pадуйся, прекрасное Зиждителя ваяние.

Радуйся, великомученице Злато, златая целомудрия палато.

Кондак 8

Странное и дивное явила есть терпение Злата страстотерпица, Болгарии покров — та бо нам явися дний последних утешение, место сокровения от злобы всех врагов. Темже велегласное о ней возносим пение к Богу: Аллилуиа.

Икос 8

Вся Церковь Православная днесь светло торжествует, в превыспренних всех Ангелов славление звучит и вкупе земнороднии с небесными ликуют — вся Златы память светлую земная тварь творит. Вси в мраце утомленнии, грядите, почерпите прощение грехов от вод источника пречистаго, и вси обремененнии печальми приидите, да солнцу Православия лучистому поем:

Радуйся, Едема голубице белоснежная;

Pадуйся, любве Христовы высото безбрежная.

Радуйся, село, плодами щедрое и тучное;

Pадуйся, раздравый мрака кресте златолучный.

Радуйся, избраннице Царя веков прекрасная;

Pадуйся, Святыя Веры гусле доброгласная.

Радуйся, безблазнства изящний аметисте;

Pадуйся, кристале богорядия пречистый.

Радуйся, великомученице Злато, златая целомудрия палато.

Кондак 9

Всякое дыхание и Ангелов сословие зряще тя, дивляхуся, понеже юна сущи познала еси тайны несказанно Богословия, возмогши пред лицем врагов воспети Присносущному: Аллилуиа.

Икос 9

Витийскаго искусства невладеющи, святая агарян безсловесие премудро обличи, и девства сохранение на Бога возлагающи, блаженство несказанное навеки улучи, егоже и мы, грешнии, молитвами ея сподобитися чаем и Злату воспеваем:

Радуйся, покрове проповедником Евангелия;

Pадуйся, обителем святым пречудный Ангеле.

Радуйся, смиренным богословом поспешение;

Pадуйся, ветий лицеприятных обличение.

Радуйся, времен последних ясное светило;

Pадуйся, душ верных кораблей кормило.

Радуйся, Святыя Церкве луче небопарный;

Pадуйся, смирившая вся козни всековарных.

Радуйся, великомученице Злато, златая целомудрия палато.

Кондак 10

Спастися всем хотящым есть предстательница дивная молитвенница крепкая о всех смиренных Злата, в страданиих всем сущым утешение премирное, и на Суде — поющих ю покров и благодать, еяже ради Бога велегласно величаем: Аллилуиа.

Икос 10

Стена еси хранящымся от мира адотечнаго и любящым тя тепле от падений сохранение — молитвами твоими избавляй от муки вечныя вся лики православных тя, мученице, чтущыя, венцы тебе словесныя прославленней плетущия:

Радуйся, в океане бед нам остров неприступный;

Pадуйся, заступнице, в молитвах неотступная.

Радуйся, нам в мире любодейнем твердь пречистая;

Pадуйся, прощения грехов купель лучистая.

Радуйся, душам болящым былие целебное;

Pадуйся, сердечным язвам тишино врачебная.

Радуйся, монахом чистым аммо благосердая;

Pадуйся, живущым в мире помоще усердная.

Радуйся, великомученице Злато, златая целомудрия палато.

Кондак 11

Пением восхвалити Тя, всех Владыко, тщащимся словеса подаждь — к милостем Твоим сладостно спростретися, и Тебе молящимся даруй благодать, да благодарно воззовем: Аллилуиа.

Икос 11

Свещу златосияйну в мраце рабскаго страдания, зрим Злату, наставляющую к свету всех спасения: та образ нам явися добродетелей Писания любы от нихже Божия венец есть всех велений. Венчания сего и мы сподобитися чающе, грядите, поклонимся Злате, сице воспевающе:

Радуйся, любве неизглаголанныя море;

Pадуйся, церквей всех умирение раздора.

Радуйся, пещеро от напастей сокровенная;

Pадуйся, алкательнице правды насыщенная.

Радуйся, божественнаго алавастр ухания;

Pадуйся, златая ветве Богопочитания.

Радуйся, Болгарии святыя дщи нескверная;

Pадуйся, тя чтущым воеводо благоверная.

Радуйся, великомученице Злато, златая целомудрия палато.

Кондак 12

Благодати чудное яви нам во страдании Злата венцеславимая, да и мы имеем твердое на Бога еже в скорбех упование, зверства небоящеся имущаго явитися сына беззакония, всех в мире обольстити. Молитвами ея же нас избави от злодея Боже милосерде, да поем Ти присно: Аллилуиа.

Икос 12

Поюще тя девице и мученице славная, о всех в недузех сущих и во обстояниих сугубое приносим ти и слезное моление:

Радуйся, труждающимся помоще обильная;

Pадуйся, печальных утешение пресладкое.

Радуйся, обидимых защитнице всесильная;

Pадуйся, уязвленных целительнице кроткая.

Радуйся, всем плачущим заступнице благая;

Pадуйся, отчаянным советнице златая.

Радуйся, от мрака мира в светлость нам вселение;

Pадуйся, в чертог небесный верных водворение.

Радуйся, о нас всегрешных Бога умоление;

Pадуйся, страстьми растленных дивно удобрение.

Радуйся, девице всезлатая и прекрасная;

Радуйся, Церкве Православныя птице богогласная.

Радуйся, великомученице Злато, златая целомудрия палато.

Кондак 13

О, Злато досточудная, Болгарии хваление! Приимши благосердно ныне любящих тя пение, от всяких нас напастей и грехом порабощения молитвами твоими благосердными спаси, во еже нам сподобитися и на небеси с тобою непрестанно Христа Бога величати: Аллилуиа.

Этот кондак читается трижды, затем кондак 1-й и икос 1-й.

Молитва

О, преславное прозябение рода Болгарскаго, солнцезрачная девице, багряницею кровей своих украшенная, предобрая мати наша, великомученице Злато! Услыши чад твоих с любовию к тебе ныне прибегающих и малое сие моление наше приими, и Господу Богу нашему благоприятно сотвори. Согрешихом бо и беззаконновахом, и недостойны есмы зрети высоту небесную от множества неправд наших — связани есмы узами греховными и николиже воли Создателя нашего сотворихом, ниже сохранихом повелений Его; темже преклоняем колена сокрушенна и смиренна сердца нашего ко Творцу и Спасу своему и твоего матерняго заступления к Нему просим. Воздвигни руце твои, красная девомученице, любве Христовы сосуде всезлатый, и вкупе с Пречистою Богородицею и всеми святыми рода нашего Зиждителя всех умоли, да ниспослет милость Свою на многострадальную страну нашу, шатание людей да умирит, горькия соблазны церковныя да утолит, отступившия от Веры Православныя светом Истины Своея да просветит, старыя да умудрит, юныя да наставит, от растления нравов и от сетей еретических добре их сохраняя, младенцы млеком благочестия да воспитает, всех же нас банею покаяния да обновит. Умоли, о златонравная мати, красный цвете девства и мучеников удобрение, Господа и Спаса нашего, да подаст нам дух смирения и кротости, дух целомудрия и послушания, дух любве нелицемерныя, и да управит ум наш, и сердце наше в правой вере да укрепит, яко да Истиною наставляеми и любовию осияваеми, тихое и мирное зде поживем житие во всяком благочестии и чистоте. Молися, о великомученице славная, сладчайшая мати наша Злато, Троице Преблагословенней, да избавит ны от всякаго обстояния, и от всякаго навета вражия безбоязненны нас да сохранит, да ни ранами, ниже прещением устрашаеми, до конца верни Христу Жениху нашему пребудем, и тако со благою надеждею и истинным уверением к тамошнему миру пойдем, богоприятное твое заступление призывающе и Пребожественную Троицу: Отца и Сына и Святаго Духа, выну хваляще и благословяще, ныне и присно, и во веки веков, аминь.

Краткое житие великомученицы Златы (Хрисы, Хрисии) Могленской

Свя­тая ве­ли­ко­му­че­ни­ца Зла­та Мо­глен­ская ро­ди­лась и жи­ла в бол­гар­ском се­ле­нии Сла­ти­но, Мо­глен­ской епар­хии († 1795). Бол­га­рия в это вре­мя на­хо­ди­лась под игом ту­рок.

С юно­сти Зла­та от­ли­ча­лась необы­чай­ной си­лой ха­рак­те­ра, твер­дой ве­рой во Хри­ста, це­ло­муд­ри­ем и кра­со­той. Мест­ный ту­рок неод­но­крат­но пы­тал­ся пре­льстить де­вуш­ку и за­ста­вить ее при­нять ис­лам. Но ни уго­во­ры, ни угро­зы, ни чу­до­вищ­ные пыт­ки, про­дол­жав­ши­е­ся в те­че­ние мно­гих ме­ся­цев, не сло­ми­ли ду­ха слав­ной ис­по­вед­ни­цы Хри­сто­вой.

Полное житие великомученицы Златы (Хрисы, Хрисии) Могленской

Сия пре­по­доб­но­му­че­ни­ца и чи­стая неве­ста Небес­но­го Ца­ря Хри­ста Бо­га Зла­та (или по-гре­че­ски Хри­са) бы­ла из ме­стеч­ка Мег­лен. Бу­дучи бед­ной по про­ис­хож­де­нию как дочь без­вест­но­го и небо­га­то­го хри­сти­а­ни­на, имев­ше­го че­ты­рех до­че­рей, она бы­ла бо­га­та соб­ствен­ны­ми при­род­ны­ми до­сто­ин­ства­ми: го­ря­чей ве­рой в Бо­га, дев­ством, це­ло­муд­ри­ем и те­лес­ной кра­со­той, ра­ди ко­то­рых она и удо­сто­и­лась вен­ца му­че­ни­че­ско­го.

Один из мест­ных тур­ков, ви­дя ее необык­но­вен­ную кра­со­ту, раз­жег­ся в серд­це сво­ем са­та­нин­ской стра­стью и стал ис­кать слу­чая, чтобы со­вер­шить свой злой за­мы­сел. И од­на­жды, ко­гда свя­тая вы­шла с по­дру­га­ми из до­ма, он взял с со­бою зна­ко­мых тур­ков, схва­тил ее и при­вел к се­бе в дом. И в первую оче­редь он на­чал за­ис­ки­вать пе­ред свя­той мно­ги­ми обе­ща­ни­я­ми, пы­та­ясь по­ко­ле­бать ее мыс­ли и об­ра­тить в свою ве­ру. Ту­рок го­во­рил, что, ес­ли она при­мет ис­лам, он возь­мет ее в же­ны, ес­ли же она не под­чи­нит­ся, он при­чи­нит ей боль­шие му­че­ния. И Зла­та, зо­ло­тая и по ду­ше и по име­ни, услы­шав та­кие сло­ва, ни­сколь­ко не ис­пу­га­лась, но мыс­лен­но при­зы­вая имя Гос­по­да Иису­са Хри­ста се­бе на по­мощь, со мно­гим дерз­но­ве­ни­ем от­ве­ти­ла: «Я ве­рую и по­кло­ня­юсь Хри­сту мо­е­му и Его счи­таю Же­ни­хом сво­им, Ко­то­ро­го ни­ко­гда не от­верг­нусь, ес­ли и ты­ся­чи му­че­ний мне при­чи­ни­те и на мел­кие ку­соч­ки те­ло мое рас­тер­за­е­те».

Ага­ряне, слы­ша это и по­ни­мая, что они са­ми не смо­гут убе­дить свя­тую, ис­поль­зо­ва­ли и дру­гое сред­ство: зная, что по при­ро­де жен­щи­ны бо­лее ис­кус­ны в уго­во­рах, они пе­ре­да­ли свя­тую сво­им же­нам, за­по­ве­дав им лю­бым спо­со­бом убе­дить ее. Взяв му­че­ни­цу, ка­кие толь­ко сред­ства ни ис­поль­зо­ва­ли жен­щи­ны, пол­го­да по­сто­ян­но скло­няя свя­тую в свою ве­ру, но на­прас­но тру­ди­лись, по­сколь­ку бла­жен­ная Зла­та бы­ла утвер­жде­на на непо­движ­ном камне ве­ры Хри­сто­вой. То­гда, по­звав ро­ди­те­лей и се­стер свя­той, угро­зой за­ста­ви­ли их убеж­дать дочь при­нять ис­лам, ина­че и ее убьют, и их на­ка­жут.

Ро­ди­те­ли и сест­ры, нехо­тя при­шед­ши к му­че­ни­це, ибо страх за­ста­вил их это сде­лать, ста­ли го­во­рить все то, что мо­жет раз­мяг­чить и са­мую черст­вую ду­шу. Они, пла­ча, го­во­ри­ли: «Дочь воз­люб­лен­ная, по­жа­лей се­бя и нас, тво­их ро­ди­те­лей и се­стер, по­сколь­ку мы все в опас­но­сти по­гиб­нуть из-за те­бя, и от­ре­кись от Хри­ста толь­ко ви­ди­мо, чтобы по­мочь и се­бе, и нам, а Хри­стос Ми­ло­стив и про­стит те­бе этот грех как вы­нуж­ден­ный».

И здесь да пред­ста­вит се­бе каж­дый, ка­кую ве­ли­кую и же­сто­кую брань воз­двиг дья­вол, чтобы ис­ку­сить свя­тую, и к ка­ким чув­ствам и пе­ре­жи­ва­ни­ям мог­ли при­ве­сти мяг­кую де­вуш­ку сле­зы ма­те­ри и от­ца и еди­но­утроб­ных се­стер, про­ли­ва­е­мые пе­ред ней. Но му­жай­тесь, воз­люб­лен­ные, по­бе­ди­ла си­ла Хри­сто­ва и эту брань и улов­ку дья­во­ла, по­сколь­ку му­же­ум­ная и ве­ли­ко­душ­ная Зла­та, раз­жи­га­е­мая внут­рен­ним ог­нем люб­ви Хри­сто­вой, ни­сколь­ко не скло­ни­лась, как то­го ожи­да­ло есте­ство, на сло­ва и сле­зы ро­ди­те­лей и се­стер, но, став вы­ше пло­ти и кро­ви и вне за­ко­нов есте­ства, ска­за­ла ро­ди­те­лям и сест­рам эти до­стой­ные удив­ле­ния муд­рые сло­ва: «Вы, по­сколь­ку ме­ня скло­ня­е­те от­речь­ся от Хри­ста ис­тин­но­го Бо­га, не яв­ля­е­тесь бо­лее мо­и­ми ро­ди­те­ля­ми и сест­ра­ми, и я не хо­чу знать вас за та­ко­вых впредь, но вме­сто вас я имею От­цом Гос­по­да мо­е­го Иису­са Хри­ста, Ма­те­рью Гос­по­жу мою Бо­го­ро­ди­цу, бра­тья­ми же и сест­ра­ми всех свя­тых». И с та­ким от­ве­том она их оста­ви­ла.

О ве­ли­ко­душ­ное му­же­ство! О ис­тин­ная лю­бовь Бо­жия! О муд­рость, до­стой­ная небес­ной хва­лы! Во­ис­ти­ну, бра­тья, на этой свя­той ис­пол­ни­лось то, что го­во­рил свя­той Да­вид: Отец мой и ма­ти моя оста­ви­ста мя, Гос­подь же вос­при­ят мя (Пс.26,10). И то, что го­во­рил Гос­подь: Не ду­май­те, что Я при­шел при­не­сти мир на зем­лю, не мир при­шел я при­не­сти, но меч. Ибо Я при­шел раз­де­лить че­ло­ве­ка с от­цем его, и дочь с ма­те­рью ее, и невест­ку со све­кро­вью ее. И вра­ги че­ло­ве­ку до­маш­ние его (Мф.10,34-36).

Ви­дя же ино­вер­ные, а с ни­ми и тот злой влюб­лен­ный в де­ви­цу, что они ни­че­го не до­стиг­ли и не от­кло­ни­ли свя­той от ве­ры во Хри­ста да­же и те­ми сред­ства­ми, ка­кие ис­поль­зо­ва­ли, они оста­ви­ли уго­во­ры и сло­ва и на­ча­ли му­чить свя­тую. Це­лых три ме­ся­ца ее би­ли каж­дый день. По­том, со­драв с нее ко­жу и вы­ре­зав из ко­жи рем­ни, оста­ви­ли их раз­ве­шан­ны­ми во­круг му­че­ни­цы, чтобы она ис­пу­га­лась, ви­дя их. Кровь тек­ла ру­чья­ми из ее де­ви­че­ско­го те­ла, так что вся зем­ля во­круг ста­ла крас­ной. По­сле че­го, рас­ка­лив острие, они прон­зи­ли через уши на­сквозь го­ло­ву свя­той, так что дым вы­хо­дил из ее но­са и рта.

Хри­сто­ва же му­че­ни­ца, пре­тер­пе­вая та­кие страш­ные му­че­ния, ко­то­рые мог­ли бы сло­мить и са­мых храб­рых муж­чин, оста­ва­лась му­же­ствен­ной, укреп­ля­е­мая си­лой Кре­ста и сер­деч­ной лю­бо­вью ко Хри­сту. Узнав, что ря­дом в то вре­мя на­хо­дил­ся игу­мен свя­то­гор­ско­го Став­ро­ни­кит­ско­го мо­на­сты­ря отец Ти­мо­фей, ко­то­рый был ее ду­хов­ным от­цом (и ко­то­рый поз­же пе­ре­ска­зал ее стра­да­ния), она пе­ре­да­ла ему через од­но­го хри­сти­а­ни­на прось­бу мо­лить­ся о ней Бо­гу, чтобы она бо­го­угод­но за­кон­чи­ла по­двиг му­че­ни­че­ства.

В кон­це кон­цов же­сто­кие и зве­ро­нрав­ные, или, луч­ше ска­зать, и зве­рей пре­вос­хо­дя­щие в же­сто­ко­сти ага­ряне, не удо­вле­тво­рив­шись те­ми му­ка­ми, ка­кие при­чи­ни­ли свя­той, но ди­вясь, что она все еще жи­ва и не уми­ра­ет, на­столь­ко озло­би­лись, что не смог­ли по­бе­дить од­ну де­ви­цу, они по­ве­си­ли аг­ни­цу Хри­сто­ву на ди­кой гру­ше и, окру­жив со всех сто­рон кин­жа­ла­ми, рас­тер­за­ли по ча­стям те­ло свя­той. И, та­ким об­ра­зом, бла­гая Зла­та, по­стра­дав­шая и про­си­яв­шая, как зо­ло­то в пла­виль­ной пе­чи, пре­да­ла свою свя­тую ду­шу в ру­ки Бес­смерт­но­го сво­е­го Же­ни­ха, при­няв двой­ной ве­нец дев­ства и му­че­ни­че­ства. И ныне она ра­ду­ет­ся и ве­се­лит­ся в небес­ных чер­то­гах с муд­ры­ми де­ва­ми и му­че­ни­ка­ми, пред­стоя одес­ную Же­ни­ха сво­е­го Хри­ста и Ему во ве­ки ве­ков со­цар­ствуя. Му­че­ни­че­ские и дев­ствен­ные мо­щи свя­той тай­но взя­ли некие хри­сти­ане и по­хо­ро­ни­ли их с че­стью. Ее же мо­лит­ва­ми да удо­сто­им­ся и мы Цар­ствия Небес­но­го. Аминь.