Акафист святому мученику Фанурию Родосскому

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Не утвержден для общецерковного использования.

Конда́к 1.

Избра́нный во́ине Христо́в, сме́ртию страда́льческою от сме́рти ве́чныя изба́вивыйся и жи́зни ве́чныя приобщи́выйся, похва́льное пе́ние прино́сим ти́, добропобе́дне Фану́рие, всечестну́ю па́мять твою́ пра́зднующе. Ты́ же, те́плый моли́твенниче на́ш, услы́ши моле́ния на́ша и вознеси́ я́ ко Го́споду, да ми́лостив бу́дет к на́м и спасе́т на́с от поги́бели ве́чныя, вопию́щих ти́:

Ра́дуйся, му́чениче Фану́рие, пресла́вный чудотво́рче.

И́кос 1.

А́нгелов Творе́ц и Госпо́дь си́л яви́ тя́, сла́вне Фану́рие, Це́ркви Свое́й му́ченика тве́рда и ве́ры побо́рника. Мы́ же, по́двиги страда́ний твои́х восхваля́я, и́хже за ве́ру Христо́ву му́жественне претерпе́л еси́, воспева́ем ти́ си́це:

Ра́дуйся, Го́спода Иису́са все́м се́рдцем возлюби́вый.

Ра́дуйся, до конца́ Ему́ ве́рный пребы́вый.

Ра́дуйся, любве́ ра́ди ко Го́споду живота́ своего́ не пощади́вый.

Ра́дуйся, за и́мя Его́ ду́шу свою́ положи́вый.

Ра́дуйся, Христа́, и́стиннаго Бо́га, испове́дниче.

Ра́дуйся, неустраши́мый Христо́в во́ине и подви́жниче.

Ра́дуйся, му́чениче Фану́рие, пресла́вный чудотво́рче.

Конда́к 2.

Ви́дяще лю́дие ико́ну твою́, пресла́вне Фану́рие, ю́же по ле́тех мно́зех це́лу и невреди́му на ме́сте дре́вняго хра́ма обре́тше, чудеси́ сему́ удивля́хуся и Бо́гу, дарова́вшему и́м о́браз тво́й святы́й, во умиле́нии воспева́ху: Аллилу́иа.

И́кос 2.

Си́лу ве́ры твоея́ показу́я, му́чениче многострада́льне, дарова́ тебе́ Всемогу́щий Госпо́дь да́р чудотворе́ний, и́хже чрез о́браз тво́й святы́й бога́тно на ны́ излива́еши. Сего́ ра́ди восхваля́ем тя́, глаго́люще:

Ра́дуйся, муче́ния многови́дная за Христа́ до́блестне претерпе́вый.

Ра́дуйся, да́же до кро́ве во испове́дании Христо́ве послужи́вый.

Ра́дуйся, страда́нием Христо́вым подража́вый.

Ра́дуйся, му́ченический коне́ц жития́ своего́ прие́мый.

Ра́дуйся, огне́м всесожже́нный, во оби́телех ра́йских ны́не пребыва́яй.

Ра́дуйся, та́мо о на́с пред Престо́лом Бо́жиим хода́тайствуяй.

Ра́дуйся, му́чениче Фану́рие, пресла́вный чудотво́рче.

Конда́к 3.

Си́лою Бо́жиею укрепле́нный, христиа́нином бы́ти себе́ небоя́зненно испове́дал еси́, страда́льче Христо́в, и за Го́спода, Творца́ и Искупи́теля твоего́, вся́ страда́ния до конца́ претерпе́л еси́, вы́ну к Нему́ очеса́ своя́ возводя́, вопию́щи Ему́: Аллилу́иа.

И́кос 3.

Име́я ны́не ра́дость ве́чную в небе́сных селе́ниих, не преста́й и о на́с, земноро́дных, у Престо́ла Вседержи́телева моли́тися, да ниспо́слет на́м Ца́рь Сла́вы ми́лости Своя́ бога́тыя, и́миже облагоде́тельствовани бы́вше и Го́спода благодаря́ще, тебе́ воспое́м си́це:

Ра́дуйся, чуде́с сокро́вище неоскудева́емое.

Ра́дуйся, исцеле́ний исто́чниче неисчерпа́емый.

Ра́дуйся, му́чеников пречестны́х украше́ние.

Ра́дуйся, Це́ркви пресла́вный свети́льниче.

Ра́дуйся, сосу́де, благода́тию преиспо́лненный.

Ра́дуйся, кри́не благоуха́нный, в небе́сных оби́телех процве́тший.

Ра́дуйся, му́чениче Фану́рие, пресла́вный чудотво́рче.

Конда́к 4.

Бу́ри гоне́ний на Це́рковь Христо́ву не убоя́лся еси́, Фану́рие всече́стне, и до́блий во́ин царя́ земна́го бы́в, во́ин неустраши́мый Царя́ Небе́снаго яви́лся еси́, Того́ пред все́ми я́ко и́стиннаго Бо́га испове́дающе и вы́ну во сла́ве небе́сней вопию́ще: Аллилу́иа.

И́кос 4.

Слы́шавше ве́рнии лю́дие о по́двизе испове́дания твоего́, му́чениче пресла́вне, от все́х конце́в земли́ стека́хуся ко хра́му твоему́ с ве́рою, я́ко благода́тию Бо́жиею и по сла́вней му́ченичестей кончи́не твое́й мно́гая и пресла́вная чудеса́ и исцеле́ния содева́еши. Сего́ ра́ди и мы́, недосто́йнии, к по́мощи твое́й прибега́ем и воспева́ем ти́ си́це:

Ра́дуйся, удивле́ние А́нгелом бы́вый.

Ра́дуйся, святы́х ли́к возвесели́вый.

Ра́дуйся, те́плый на́ш моли́твенниче.

Ра́дуйся, пред Бо́гом на́ш засту́пниче.

Ра́дуйся, о́браз кре́пости духо́вныя на́м яви́вый.

Ра́дуйся, ага́рянское нече́стие посрами́вый.

Ра́дуйся, му́чениче Фану́рие, пресла́вный чудотво́рче.

Конда́к 5.

Боготе́чною звездо́ю в Це́ркви Правосла́вней сия́еши, испове́дниче Христо́в Фану́рие, све́том Боже́ственныя благода́ти пу́ть ко спасе́нию на́м указу́я, да Ца́рствия Бо́жия дости́гши, Отцу́ Небе́сному воспое́м: Аллилу́иа.

И́кос 5.

Ви́девше тя́ ве́рнии, по повеле́нию иге́монову разли́чными муче́нии истязу́ема: ка́мением и па́лицами побива́ема, желе́зными ору́диями терза́ема, свеща́ми опаля́ема и всего́ изра́нена в темни́цу вве́ржена, кре́пости и му́жеству твоему́ дивля́хуся. Ты́ же, вся́ страда́ния му́жественно претерпева́я, за мучи́телей твои́х моли́лся еси́. Сего́ ра́ди, вопие́м ти́ си́це:

Ра́дуйся, тяжча́йшими ра́нами по всему́ те́лу изъязвле́нный.

Ра́дуйся, во узи́лище мра́чное заключе́нный.

Ра́дуйся, за Христа́ па́лицами избие́ние претерпе́вый.

Ра́дуйся, ка́мением раздробле́нныя соста́вы име́вый.

Ра́дуйся, в темни́це све́том боже́ственным озаре́ный.

Ра́дуйся, мучи́телей терпе́нием свои́м посрами́вый.

Ра́дуйся, му́чениче Фану́рие, пресла́вный чудотво́рче.

Конда́к 6.

Пропове́дник сло́вом и де́лом и́стины Христо́вы яви́лся еси́, святы́й му́чениче, не преклоня́яйся пред и́долы богоме́рзкими, оба́че еди́ному Го́споду Вседержи́телю, в Тро́ице сла́вимому, поклоне́ние воздава́л еси́, из глубины́ се́рдца взыва́я: Аллилу́иа.

И́кос 6.

Возсия́ша мно́гая чудеса́ от святы́я ико́ны чудотво́рца Фану́рия, к не́йже ве́рнии с ве́рою и любо́вию припа́дающе, благодаре́ние засту́пнику своему́ и моли́твеннику воздаю́т и, святу́ю па́мять его́ воспомина́юще, вопию́т пе́сненно:

Ра́дуйся, победоно́сче, Бо́гом просла́вленный.

Ра́дуйся, во́ине Христо́в, враго́м неодоле́нный.

Ра́дуйся, все́м за и́стину терпя́щим утвержде́ние.

Ра́дуйся, во искуше́ниих пребыва́ющим укрепле́ние.

Ра́дуйся, я́ко ико́ну твою́ во утеше́ние ве́рным яви́л еси́.

Ра́дуйся, я́ко то́ки исцеле́ний от нея́ неду́жным излия́л еси́.

Ра́дуйся, му́чениче Фану́рие, пресла́вный чудотво́рче.

Конда́к 7.

Хотя́й нечести́вый иге́мон улови́ти се́рдце твое́ к пре́лести и́дольстей, повеле́ ти́ принести́ же́ртву бо́гом лжи́вым; ты́ же, веле́ние богопроти́вное отри́нув, у́глие горя́щее в руку́ свое́ю держа́, велегла́сно воспева́л еси́ Христу́: Аллилу́иа.

И́кос 7.

Но́вое чу́до яви́ Госпо́дь на тебе́, му́чениче всехва́льне: зве́рие бо ди́вии, на растерза́ние твое́ мучи́телями угото́ваннии, оба́че благода́тию Бо́жиею укроще́ннии, ве́лий ка́мень, под ни́мже те́ло твое́ страда́льчекое пребыва́ше, отвали́ти тща́шеся. Мы́ же, дивя́ся чудеси́ сему́, восхваля́ем тя́ си́це:

Ра́дуйся, упова́нием на Бо́га Жи́ва укрепле́нный.

Ра́дуйся, кро́вию свое́ю, ри́зу души́ своея́ убели́вый.

Ра́дуйся, же́ртва благоприя́тна Бо́гу яви́выйся.

Ра́дуйся, И́ову в терпе́нии уподо́бивыйся.

Ра́дуйся, му́ченическаго ли́ка восполне́ние.

Ра́дуйся, и́мене Христо́ва прославле́ние.

Ра́дуйся, му́чениче Фану́рие, пресла́вный чудотво́рче.

Конда́к 8.

Стра́нствие земно́е соверши́в и пу́ть му́ченический до́бльственне проше́д, свя́те Фану́рие, го́рних высо́т дости́гл еси́, Христу́ нело́жно послужи́в; сего́ ра́ди, при́зри на ны́, ве́рно тебе́ моля́щияся, и помози́ на́м: даде́ся бо тебе́ от Го́спода благода́ть оби́димым бы́ти засту́пником, немощны́м – цели́телем, скорбя́щим – уте́шителем, пою́щим благода́рно о тебе́ Бо́гу: Аллилу́иа.

И́кос 8.

Ве́сь ра́дости боже́ственныя испо́лненный, ду́шу свою́ в ру́це Го́споду преда́л еси́, богоблаже́нне Фану́рие. Мы́ же, ви́дяще тя́ на ико́не твое́й огне́м сожига́емаго и Го́спода сла́вящаго, восхваля́ем тя́ си́це:

Ра́дуйся, я́ко ве́ру и упова́ние на Бо́га до конца́ сохрани́л еси́.

Ра́дуйся, я́ко сего́ ра́ди венце́м му́ченическим увенча́лся еси́.

Ра́дуйся, испове́данием свои́м Бо́гу угоди́вый.

Ра́дуйся, оби́тели небе́сныя унасле́довавый.

Ра́дуйся, у Престо́ла Бо́жия о на́с моли́твы вознося́й.

Ра́дуйся, о призыва́ющих и́мя твое́ непреста́нно пеки́йся.

Ра́дуйся, му́чениче Фану́рие, пресла́вный чудотво́рче.

Конда́к 9.

Вся́кое естество́ А́нгельское удиви́ся му́жеству твоему́, преди́вне Фану́рие: не убоя́лся бо еси́ муче́ния ве́лия за Христа́ претерпе́ти; сего́ ра́ди науча́еши и на́с в злострада́ниих не малоду́шествовати, но за вся́ благодари́ти Бо́га, взыва́я: Аллилу́иа.

И́кос 9.

Вети́и многовеща́ннии не возмо́гут изрещи́ тебе́ досто́йныя похвалы́, му́чениче всесла́вне, и позна́ти си́лу Христо́ву, е́юже обле́клся еси́, я́ко броне́ю. Мы́ же, по́двиги твоя́ восхваля́я, воспева́ем ти́ си́це:

Ра́дуйся, во Христе́ утеше́ние име́вый.

Ра́дуйся, во́ине Христо́в, враги́ злоко́зненныя победи́вый.

Ра́дуйся, я́ко вся́ страда́ния му́жественне претерпе́л еси́.

Ра́дуйся, я́ко мучи́телей твои́х посрами́л еси́.

Ра́дуйся, кро́вь за Христа́ излия́вый.

Ра́дуйся, за Него́ те́ло свое́ на муче́ния преда́вый.

Ра́дуйся, му́чениче Фану́рие, пресла́вный чудотво́рче.

Конда́к 10.

Хотя́й Влады́ка Христо́с просла́вити тя́, му́чениче Фану́рие, внуши́ архипа́стырю Це́ркви Родо́сския возвести́ хра́м во и́мя твое́ на ме́сте, иде́же обре́тена бы́сть ико́на твоя́, да вси́ притека́ющии к многоцеле́бней по́мощи твое́й, воспева́ют в не́м а́нгельскую пе́снь: Аллилу́иа.

И́кос 10.

Стена́ и прибе́жище ты́ еси́, уго́дниче Бо́жий, с ве́рою и упова́нием тебе́ моля́щимся: непреста́нно бо хода́тайствуеши ко Го́споду о все́х почита́ющих па́мять твою́. Приими́ у́бо и от на́с похва́льная пе́ния сия́:

Ра́дуйся, я́ко жи́знь ве́чную чрез муче́ния насле́довал еси́.

Ра́дуйся, я́ко страда́нии твои́ми несконча́емую ра́дость обре́л еси́.

Ра́дуйся, го́рняго Сио́на досто́йный насле́дниче.

Ра́дуйся, с небожи́тели блаже́нный совсе́льниче.

Ра́дуйся, с небе́с на на́с призира́яй.

Ра́дуйся, неви́димо на́м помога́яй.

Ра́дуйся, му́чениче Фану́рие, пресла́вный чудотво́рче.

Конда́к 11.

Пе́ние похва́льное воспева́ем ти́, сла́вне Фану́рие, ты́ бо всего́ себе́ в же́ртву благоуха́нную Го́сподеви прине́сл еси́, поя́ Ему́ до после́дняго издыха́ния: Аллилу́иа.

И́кос 11.

Светоза́рная звезда́ яви́лся еси́ на не́бе церко́внем, благода́ти Боже́ственныя испо́лненная и вся́ собо́ю озаря́ющая, преблаже́нне Фану́рие; сего́ ра́ди помози́ на́м в Ца́рствие Небе́сное ше́ствовати путе́м спаси́тельным, вопию́щим ти́ похва́льная сия́:

Ра́дуйся, ду́ши на́ша све́том ве́ры Христо́вы просвеща́яй.

Ра́дуйся, то́ки чуде́с твои́х ве́рныя напая́яй.

Ра́дуйся, оби́димых засту́пниче.

Ра́дуйся, си́рых покрови́телю.

Ра́дуйся, Це́ркви тве́рдый адама́нте.

Ра́дуйся, ве́ры непоколеби́мый сто́лпе.

Ра́дуйся, му́чениче Фану́рие, пресла́вный чудотво́рче.

Конда́к 12.

Благода́ть свы́ше ти́ да́нную, позна́вше, и я́ко засту́пника своего́ тя́ иму́ще, трие́ иере́и Бо́жии моля́ху тя́ со слеза́ми, пресла́вне Фану́рие, да от пле́на ага́рянскаго и́х изба́виши, да возмо́гут во хра́ме Госпо́днем воспева́ти непреста́нно: Аллилу́иа.

И́кос 12.

Пою́ще Бо́га, ди́внаго во святы́х Свои́м, похва́льное пе́ние прино́сим ти́, блаже́нне Фану́рие: ты́ бо, в вы́шних пребыва́я, оба́че и ни́жних не оставля́еши и о на́с пред Престо́лом Его́ хода́тайствуеши. Сего́ ра́ди во умиле́нии серде́чнем взыва́ем ти́ си́це:

Ра́дуйся, Бо́гом на земли́ просла́вленный.

Ра́дуйся, ли́ку му́ченическому на небеси́ сопричте́нный.

Ра́дуйся, чудеса́ пресла́вная по сме́рти твое́й явля́яй.

Ра́дуйся, моли́твами твои́ми ве́рных укрепля́яй.

Ра́дуйся, му́жеством твои́м А́нгелы возвесели́вый.

Ра́дуйся, на небесе́х черто́г пресве́тлый унасле́довавый.

Ра́дуйся, му́чениче Фану́рие, пресла́вный чудотво́рче.

Конда́к 13.

О всехва́льный страстоте́рпче Христо́в, му́чениче Фану́рие, приими́ похвалы́ сия́ от на́с, недосто́йных, с любо́вию тебе́ приноси́мая, и предста́тельством твои́м у Престо́ла Бо́жия испроси́ на́м от вся́ких бе́д, скорбе́й и напа́стей сохрани́тися и от муче́ний в бу́дущем ве́це изба́витися, да со все́ми святы́ми воспое́м на небеси́ пе́снь: Аллилу́иа.

Этот кондак читается трижды, затем икос 1-й и кондак 1-й.

И́кос 1.

А́нгелов Творе́ц и Госпо́дь си́л яви́ тя́, сла́вне Фану́рие, Це́ркви Свое́й му́ченика тве́рда и ве́ры побо́рника. Мы́ же, по́двиги страда́ний твои́х восхваля́я, и́хже за ве́ру Христо́ву му́жественне претерпе́л еси́, воспева́ем ти́ си́це:

Ра́дуйся, Го́спода Иису́са все́м се́рдцем возлюби́вый.

Ра́дуйся, до конца́ Ему́ ве́рный пребы́вый.

Ра́дуйся, любве́ ра́ди ко Го́споду живота́ своего́ не пощади́вый.

Ра́дуйся, за и́мя Его́ ду́шу свою́ положи́вый.

Ра́дуйся, Христа́, и́стиннаго Бо́га, испове́дниче.

Ра́дуйся, неустраши́мый Христо́в во́ине и подви́жниче.

Ра́дуйся, му́чениче Фану́рие, пресла́вный чудотво́рче.

Конда́к 1.

Избра́нный во́ине Христо́в, сме́ртию страда́льческою от сме́рти ве́чныя изба́вивыйся и жи́зни ве́чныя приобщи́выйся, похва́льное пе́ние прино́сим ти́, добропобе́дне Фану́рие, всечестну́ю па́мять твою́ пра́зднующе. Ты́ же, те́плый моли́твенниче на́ш, услы́ши моле́ния на́ша и вознеси́ я́ ко Го́споду, да ми́лостив бу́дет к на́м и спасе́т на́с от поги́бели ве́чныя, вопию́щих ти́:

Ра́дуйся, му́чениче Фану́рие, пресла́вный чудотво́рче.

Моли́тва.

О святы́й уго́дниче Бо́жий, му́чениче Фану́рие! По́двигом до́брым подвиза́вся на земли́, восприя́л еси́ на Небесе́х вене́ц пра́вды, его́же угото́вал е́сть Госпо́дь все́м лю́бящим Его́. Те́мже взира́юще на святы́й тво́й о́браз, ра́дуемся о пресла́внем сконча́нии жи́тельства твоего́ и чти́м святу́ю па́мять твою́. Ты́ же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти на́м вся́кое прегреше́ние и по́мощи на́м ста́ти проти́ву ко́знем диа́вольским, да изба́вльшеся от скорбе́й, боле́зней, бе́д и напа́стей и вся́каго зла́, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.

Свя­той Фа­ну­рий[1], ве­ро­ят­но, жил в III ве­ке, хо­тя до­сто­вер­ной ин­фор­ма­ции о его про­ис­хож­де­нии и вре­ме­ни жиз­ни нет. Все что мы зна­ем об этом свя­том, из­вест­но из гре­че­ской тра­ди­ции.

Итак, в XVI сто­ле­тии му­суль­мане за­хва­ти­ли ост­ров Ро­дос. Но­вый пра­ви­тель ре­шил вос­ста­но­вить по­вре­жден­ные в вой­нах кре­пост­ные сте­ны. Ря­дом с кре­по­стью на­хо­ди­лись несколь­ко раз­ру­шен­ных зда­ний, ка­мень из ко­то­рых ис­поль­зо­вал­ся для ре­мон­та стен. Во вре­мя вос­ста­но­ви­тель­ных ра­бот му­суль­мане об­на­ру­жи­ли ру­и­ны неболь­шой церк­ви, как поз­же вы­яс­ни­лось очень кра­си­вой. На по­лу бы­ли об­на­ру­же­ны несколь­ко икон, боль­шин­ство из ко­то­рых бы­ли силь­но по­вре­жде­ны. Но од­на ико­на вы­гля­де­ла со­вер­шен­но но­вой, буд­то на­пи­са­на в тот же день. Мест­ный епи­скоп Нил, ко­то­ро­го по­зва­ли осви­де­тель­ство­вать ико­ну, ска­зал, что это об­раз свя­то­го Фа­ну­рия. Соб­ствен­но это изо­бра­же­ние и да­ло ин­фор­ма­цию о жиз­ни свя­то­го.

Фа­ну­рий был изо­бра­жен мо­ло­дым сол­да­том, дер­жа­щим в пра­вой ру­ке крест, над ко­то­рым го­ре­ла све­ча. Во­круг его об­ра­за на­пи­са­ны две­на­дцать клейм, рас­ска­зы­ва­ю­щих об от­дель­ных эпи­зо­дах его жиз­ни. Так мы узна­ем, что его до­пра­ши­вал су­дья, из­би­ва­ли сол­да­ты, за­тем сте­га­ли пле­тя­ми и рва­ли те­ло же­лез­ны­ми крю­ка­ми. По­сле то­го свя­то­го за­пер­ли в тюрь­ме и вновь при­ве­ли на суд к чи­нов­ни­ку, а по­сле жгли све­ча­ми, бро­са­ли к ди­ким зве­рям, кла­ли под огром­ный ка­мень. Сле­ду­ю­щие сце­ны изо­бра­жа­ют его сто­я­щим пе­ред идо­ла­ми, с го­ря­щи­ми уг­ля­ми в ру­ках. В тот мо­мент по­за­ди му­че­ни­ка сто­ит пла­чу­щий са­та­на, пре­тер­пев­ший по­ра­же­ние от свя­то­го. По­след­няя клей­ма по­ка­зы­ва­ет Фа­ну­рия на­хо­дя­ще­го­ся в ог­нен­ной пе­щи, с под­ня­ты­ми в мо­лит­ве ру­ка­ми. Из это­го вид­но, что свя­той пре­тер­пел ве­ли­кие му­че­ния за ве­ру во Хри­ста.

Епи­скоп Нил про­сил у му­суль­ман­ско­го пра­ви­те­ля ост­ро­ва раз­ре­ше­ния вос­ста­но­вить цер­ковь, но по­лу­чил от­каз. То­гда он от­пра­вил­ся в сто­ли­цу и по­лу­чил указ, поз­во­ля­ю­щий вос­ста­но­вить храм.

В то вре­мя на Кри­те не бы­ло пра­во­слав­но­го епи­ско­па. То­гда ост­ров на­хо­дил­ся под вла­стью Ве­не­ции, по­это­му там был толь­ко ла­тин­ский епи­скоп. По смер­ти гре­че­ско­го епи­ско­па ве­не­ци­ан­цы не раз­ре­ши­ли ру­ко­по­ла­гать ему пре­ем­ни­ка, в на­деж­де, что мест­ное на­се­ле­ние в ско­ром вре­ме­ни пе­рей­дет в ка­то­ли­че­скую ве­ру. Те же, кто хо­тел при­нять свя­щен­ный сан, долж­ны бы­ли от­прав­лять­ся на ост­ров Ки­те­ра.

Од­на­жды трое мо­ло­дых диа­ко­нов от­пра­ви­лись с Кри­та на Ки­те­ру для ру­ко­по­ло­же­ния в сан свя­щен­ни­ка. На об­рат­ном пу­ти их схва­ти­ли му­суль­мане и при­вез­ли на Ро­дос, для про­да­жи в нево­лю. Свя­щен­ни­ки трое су­ток скор­бе­ли о сво­ей судь­бе, по­ка не услы­ша­ли о чу­де­сах свя­то­го Фа­ну­рия. Они ста­ли мо­лить­ся ве­ли­ко­му­че­ни­ку об из­бав­ле­нии от раб­ства. Вско­ре каж­до­го из них про­да­ли раз­ным хо­зя­е­вам. Ми­ло­стью Бо­жьей им всем раз­ре­ши­ли мо­лить­ся в вос­ста­нов­лен­ной церк­ви свя­то­го Фа­ну­рия. Так слу­чи­лось, что все они при­бы­ли од­новре­мен­но в храм и мо­ли­лись пе­ред ико­ной свя­то­го об из­бав­ле­нии от му­суль­ман­ско­го пле­на. По­сле мо­лит­вы свя­щен­ни­ки воз­вра­ти­лись каж­дый к сво­им хо­зя­е­вам.

В бли­жай­шую ночь про­изо­шло чу­до – Фа­ну­рий явил­ся во сне каж­до­му из трех хо­зя­ев и по­ве­лел осво­бо­дить свя­щен­ни­ков, чтобы они мог­ли слу­жить Бо­гу. Ес­ли они от­ка­жут­ся, то свя­той по­обе­щал на­ка­зать их. Трое му­суль­ман не при­да­ли зна­че­ние сво­им снам, по­ла­гая, что ка­кое-то кол­дов­ство. Они ско­ва­ли свя­щен­ни­ков-неволь­ни­ков це­пя­ми и ста­ли от­но­сить­ся к ним еще ху­же, чем преж­де.

Сле­ду­ю­щей но­чью Фа­ну­рий вновь явил­ся в ви­де­нии трем хо­зя­е­вам, и пре­ду­пре­дил, что ес­ли они ослу­ша­ют­ся и на этот раз, то уви­дят Бо­жию си­лу. На­ут­ро все жиль­цы тех до­мов, где на­хо­ди­лись свя­щен­ни­ки, просну­лись сле­пы­ми и па­ра­ли­зо­ван­ны­ми, и при этом ис­пы­ты­ва­ли силь­ную боль. Они по­ня­ли, что им нуж­но де­лать, и по­сла­ли за свя­щен­ни­ка­ми. Их спро­си­ли, смо­гут ли они всех ис­це­лить. На это свя­щен­ни­ки от­ве­ти­ли, что по­мо­лят­ся Бо­гу и Он все упра­вит.

По­сле это­го Фа­ну­рий вновь явил­ся тем му­суль­ма­нам и ска­зал по­слать в цер­ковь до­ку­мен­ты, да­ю­щие свя­щен­ни­кам сво­бо­ду, а ес­ли не сде­ла­ют это­го, то не ис­це­лят­ся. Трое хо­зя­ев от­пра­ви­ли пись­ма в цер­ковь, где их по­ме­сти­ли пе­ред ико­ной свя­то­го Фа­ну­рия. В ито­ге все вне­зап­но по­ра­жен­ные ис­це­ли­лись, а свя­щен­ни­ки от­пра­ви­лись на Крит, взяв с со­бой спи­сок об­ра­за ве­ли­ко­му­че­ни­ка.

Ин­те­рес­но, что имя свя­то­го по­хо­же на гре­че­ское сло­во, обо­зна­ча­ю­щее «яв­ля­ю­щий, ука­зы­ва­ю­щий, по­ка­зы­ва­ю­щий». По этой при­чине сло­жи­лась мест­ная тра­ди­ция, что лю­ди мо­лят­ся свя­то­му Фа­ну­рию, чтобы он по­мог най­ти по­те­рян­ные ве­щи. Ко­гда пред­мет на­хо­дит­ся, то лю­ди вы­пе­ка­ют слад­кий хлеб и де­лят его с бед­ны­ми.

Свя­той Фа­ну­рий счи­та­ет­ся по­кро­ви­те­лем Ро­до­са, где его па­мять от­ме­ча­ет­ся осо­бен­но тор­же­ствен­но. На ост­ро­ве дей­ству­ет древ­ний храм в честь свя­то­го.


При­ме­ча­ние

[1] Па­мять 9 сен­тяб­ря (греч.). Не вклю­чён в совре­мен­ный Ме­ся­це­слов Рус­ской Пра­во­слав­ной Церк­ви.