Акафист святым мученикам Инне, Пинне и Римме

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 02 февраля (20 января ст. ст.); 03 июля (20 июня ст. ст.)

Не утвержден для общецерковного использования.

Кондак 1

Избраннии угодницы Божии, святии страстотерпцы Христовы Инно, Риммо и Пинно, память вашу чтуще песньми похвальными, воспеваем вас, яко Царствия Божия благовестителей и похвальная восписуем вам, заступником нашим и в скорбех помощником: вы бо, яко сосуди благодати суще, исцеляете душевныя и телесныя наша язвы, от всяких бед и напастей, и скорбей свобождаете нас, с верою и любовию зовущих :

Радуйтеся, святые мученики Инно, Пинно и Риммо, теплии о нас пред Богом заступницы.

Икос 1

Ангелов и человеков Творец и всея Вселенныя Зиждитель, во святей Троице Единый, благодатию Свою озари и наполни вы, преславные мученицы Инно, Пинно и Риммо, вы бо единомыслием просияли есте, во славу Господа усердно во благовестии потрудилися и Христу последовавше во крестнем пути вашем. Ныне же во славе купно со апостолы и мученицы предстоите престолу Троицы Всесвятыя и молитеся о нас, взывающих вам сице:

Радуйтеся, первыя сынове народа славянского, во славу святых восшедшии;

Радуйтеся, пути к богоугождению единоплеменником вашим отверзшие;

Радуйтеся, паче благ преходящих любити Христа научающие;

Радуйтеся, заповеди Спасовы ревностно соблюдати наставляющии;

Радуйтеся, от прельщений и заблуждений духовных ны свобождающие;

Радуйтеся, всем чтущим вас преславно на помощь ускоряющие;

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 2

Видев вас, досточудные Инно, Пинно и Риммо, святый апостол Андрей, мужей добрых и душею чистых, благовести вама о Спасителе; вы же словеса его богодухновенныя в сердце восприяша, и благима и усердными последователи Христа, явистеся, воспевая благодарственно Иисусу Сладчайшему, светом истины своея вас озарившему: Аллилуйя!

Икос 2

Разумныя очеса ваша вперивше в познание истинныя веры, вы, святии Инно, Пинно и Риммо, мужемудренно отвергостеся языческаго прельщения, и за исповедание единаго истиннаго Бога радостно лютую смерть прияша. За таковое ваше, еже за Христа, святое дерзновение взываем к вам сице:

Радуйтеся, сердцем своим Единому Христу служити вожделевшие;

Радуйтеся, сего ради наставлениям святаго Андрея внимавшие;

Радуйтеся, первозваннаго апостола с любовию почитавшие;

Радуйтеся, к Истинному Богу всею душею прилепистася;

Радуйтеся, дом Духу Святому себе сотворившие;

Радуйтеся, Безначальному Отцу всем житием преславно угодившие;

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 3

Силою Божественною подвизаеми, на умоление соотчичей ваших явльшеся, им есте покровители, защитницы и помощницы; страны бо их от нападений вражиих избавляете, страждущих от всяких недугов и болезней исцеляете и во всяком благом преспеянии помогаете всем вопиющим Богу: Аллилуиа.

Икос 3

Имуще воистинну воини Христовы, Инно, Пинно и Риммо, пламенныя и нехладныя сердца ко благохвалению дивнаго в чудесех Бога, молитеся непрестанно о спасении душ к вам усердно прибегающих. Сего ради мы от глубины сердец наших умиленно приносим к вам таковая пения:

Радуйтеся, вышним Богом из тьмы идолослужения изведенные;

Радуйтеся, в чудный свет истиннаго богопознания приведенные;

Радуйтеся, истиннии Евангелия Христова последователие;

Радуйтеся, Христовым Страстем подражателие;

Радуйтеся, благоугодившии Богови словом и житием;

Радуйтеся, всельшиися во обители Отца небеснаго;

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 4

Бурю страстей внутрь имея, помышлениями суетными обуреваеми, не возможем, величия мученичества вашего, богоносные Инно, Пинно и Риммо, проповедати, обаче вашима молитвами ко Господу в правоверии и благочестии укрепляемы, с радостию и надеждою воспеваем Ему: Аллилуйя.

Икос 4

Слышавше грозное повеление владыки нечестиваго, да отвергнетеся Христа, жертвы принесете идолом. Вы же, мученики Христовы достославнии, помыслисте день втораго пришествия на землю Владыки Христа и нестерпимый гнев суда Его, егда приидет во славе Своей с небес и вси святии Ангели с Ним; сего ради, воини Христовы, неодоленнии в терпении мнозе, прияли есте муки Царствия ради Небеснаго, приимите убо от нас хвалебныя песни сия:

Радуйтеся, Божественных писаний добрии ученицы.

Радуйтеся, одежды крещения непорочнии хранителие.

Радуйтеся, Христа вседушно возлюбившии;

Радуйтеся, яко сокровища небесная вас прияша, яко пшеницу зрелу.

Радуйтеся, ихже Христос ублажи и наследники земли живых показа.

Радуйтеся, трисветлыя свещы, невечерним Троическим светом сияющыя.

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 5

Боготечным воистинну путем шествовасте, ученицы Христовы, егда во узах суще, идолом не послужисте, Христови же единому поработасте, горькая испытания прияли есте, святии Инно, Пинно и Риммо; но вся претерпесте за возлюбльшаго вас Спасителя. Темже просим вы: научите ны великому терпению и крепцей любви вашей ко Господу, да возможем купно с вами во веки воспевати Ему: Аллилуиа.

Икос 5

Узреша Иисуса Распятаго взором духовным, прехвальные страстотерпцы, егда ведены быша на место мучения вашего, души бо предаша в руце Божии, телеса же предаша в руце мучителей. Таковую любовь ко Господу мы, благоговейно воспоминающе, похвалами ублажаем вас сими:

Радуйтеся, любовию ко Христу, аки многоценным бисером, душу ваши украсившие.

Радуйтеся, действенным проповеданием сия любве верный путь во святыя нам указавшие.

Радуйтеся, мужественным смирением врагов своих удивившие.

Радуйтеся, кротостию вашей мучителем ослепленных враждою умное прозрение даровавшие.

Радуйтеся, мужественно смерть притерпевшие.

Радуйтеся, небесную Иисусову сладость вкусившие.

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 6

Проповедником Богоносным апостолом поревновали есте, пред мучителями безбоязненно Христа Бога проповедали есте, не убоястася прещений зловернаго князя словенскаго, ниже козней невидимаго князя мира сего, но свидетельствовасте о Христе Иисусе, усты вашими исповедающе Того истиннаго быти Бога, Емуже взывасте: Аллилуиа.

Икос 6

Возсияли есте, яко звезды на тверди Церкви Христовой, Инно, Пинно и Риммо богохвальные, яко в мучениех ваших исповедали есте себе быти верными учениками распятаго Спасителя, Той бо даде вам уста и премудрость, имже не можаше что противу отвещати мучитель, но посрамляшеся, истиною побеждаемый, еще же и страданьми вашими свидетельствовасте все ваше к Иисусу Сладчайшему желание, и ужасахуся людие, видяще ваше доблественное терпение, и познаваху на вас силу и помощь всесильнаго Бога. Темже верою и любовию память вашу святую почитающе, вопием сице:

Радуйтеся, в кротости и смирении Христу Богу подражавшие;

Радуйтеся, яко со Христом пострадасте, да с Ним и прославитеся.

Радуйтеся, присно за нас Творца молящии.

Радуйтеся, в Царствие Небесное нам вход отворяющии.

Радуйтеся, своим предстательством нас от бед защищающии.

Радуйтеся, души наша и телеса безмездно врачующии.

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 7

Хотяще вечное спасение получити, всеблаженные первомученики славянские, Господу нашему во всем подражали есте, скорбным путем к Царствию Небесному шествуя: вземше иго Христово на себе и смирению и кротости научившиеся у Иисуса Сладчайшаго, обрели еси у Него наследие неистощаемое, воспевая Дивному во святых своих Господу: Аллилуйя!

Икос 7

Новую показа ярость безчеловечия злобный Вавадон, егда повеле вас, святые мученицы, ко столпу привязати и в студеные воды реки Дуная погрузити. Вы же горячею любовию ко Господу утешалися и возгревалися, ибо через муки сия востекли есте в чертози Отца Небеснаго. Мы же ныне кончину мученическую вашу воспоминающе, таковые величания приносим:

Радуйтеся, течение мученическаго пути добре скончавшие;

Радуйтеся, житием вашим равноапостольстим Господу послужившие.

Радуйтеся, яко вы не посрамите нас от чаяния нашего.

Радуйтеся, яко молитвами вашими мы уповаем получити отпущение грехов и жизнь вечную;

Радуйтеся, благословеннии Отца Небеснаго, наследовавшии уготованное вам Царствие от сложения мира.

Радуйтеся, яко и мы вашим заступлением чаем избежати участи стоящих ошуюю Престола Судии;

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 8

Странно бе неверным зрети, како вы святи Инно, Пинно и Риммо, сквозе мразную воду внидоша к небесному покою, идеже в теплоте любве вашея со ангели и архангели купно величаете Триипостаснаго Господа, и Владыку нашего, воспевая Ему: Аллилуйя!

Икос 8

Всем сердцем Иисуса Сладчайшаго возлюбили есте, святые Инно, Пинно и Риммо, ничтоже предпочитая паче любве Христовы. Сего ради молим вас: и нас в любви ко Господу и Его Святей Церкви утвердите, да вопием вам со благодарением таковая:

Радуйтеся, яко Предвечному Богу во славе вечной предстоите;

Радуйтеся, яко о всех чтущих память вашу, пред Ним ходатайствуете.

Радуйтеся, сугубую благодать от Него приявшие ищущим спасения помогати;

Радуйтеся, даром врачевания недуг душевных и телесных от Него прославленные.

Радуйтеся, сердца наши благодатью Божиею, вам данною, очищающие;

Радуйтеся, очи наши духовные к зрению Бога изощряющие;.

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 9

Всякия скорби, болезни и прилоги наша вы утоляете, святии мученицы, и темныя зраки лукавых бесов далече от нас отгоняете, да тако вашею помощию, благодатию же Божиею спасаеми, благодарным и радостным гласом воспеваем Богу: Аллилуиа.

Икос 9

Витии многовещаннии не возмогут достойно восхвалити ваши за Христа страдания и светлую кончину вашу, мученицы прехвальные Инно, Пинно и Риммо. Ныне же Света Податель, Господь и Творец, в Царствии Своем, яко други Своя, вас, мученицы славнии, трапезою небесною питает. Молитеся за ны, да и мы сподобимся со Христом Иисусом вкушати от щедрот Его, вы же приимите моления наша:

Радуйтеся, правду и истину безстрашно проповедавшие.

Радуйтеся, славнии ученицы святаго апостола Андрея Первозваннаго

Радуйтеся, стольный град Киев в дали необозримой таинственно в славе Божией предзревшие.

Радуйтеся, проповеди Слова Божия славно и радостно послужившие.

Радуйтеся, яко предсташе Престолу Господню, сподобилися есте поклонитися Ему и получити от Него вечную награду;

Радуйтеся, обитающии во светлостех святых, идеже несть болезнь, ни печаль, ни воздыхание.

Радуйтеся, утешители всех гонимых и терпящих за Христову веру

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 10

Спастися нам преискренне желая, молитеся за нас горе у престола Божия, верные Христовы последователие Инно, Пинно и Риммо, и вашима молитвы пособствуете нам в странствии многотрудном земнаго жития, еже в покаянии и благочестии скончати, да сподобимся с вами купно воспевати Христу и Богу нашему: Аллилуиа.

Икос 10

Царя Небеснаго умоляете присно за чтущих вас, мученики преславные и благопобедные, яко много может моление ваше ко благосердию Христа и Спаса Нашего. Темже, припадающе, молимся: услышите ныне и нас, скорбьми, болезньми и многими печальми обдержимых, и потщитеся на помощь нам, умилостивляющи благоутробнаго Господа о всех, к вам с надеждою и любовию вопиющим:

Радуйтеся, любовь нелицемерную в нас воспламеняющие;

Радуйтеся, кротость и смирение нам показующие;

Радуйтеся, терпением и мужеством души наши украшающие;

Радуйтеся, нас, алчущих и жаждущих правды, насыщающие;

Радуйтеся, неверныя ко Христу преславно обращающие;

Радуйтеся, светом истины нас озаряющии и теплотою веры согревающии.

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 11

Пение акафистное возносим вам, мученики святые Инно, Пинно и Риммо и молим вас: испросите благоприятными молитвами вашими вся благая душам и телесем нашим, паче же оставления согрешений наших, да со умилением сердца выну поем Господеви: Аллилуйя!

Икос 11

Светозарные светильницы, от Триипостаснаго Света озаряемии, сущим на земли являетеся, богоносные Инно, Пинно и Риммо, просвещаете бо сердца верных и к разуму Божественному вся наставляете, поучая и нас со умилением вам взывати сице:

Радуйтеся, от проказы греховныя нас избавляющие;

Радуйтеся, утешение благое в сердца ниспосылающие;

Радуйтеся, упование на милосердие Божие благодатно вселяющие;

Радуйтеся, духовно бодрствовати нам помогающие;

Радуйтеся, яко никто же прибегаяй к вам помощи ради отходит от вас тощ;

Радуйтеся, обрадованнии на небеси и нас на земли укрепляющии в радостной надежде вечнаго спасения;

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 12

Благодатное вспоможение выше зряще, святый Лука Крымский, настави чада духовные свои сугубо чтити вы, богоносные страстотерпцы Инно, Пинно и Риммо, и во всяческих обстояниях к заступничеству вашему пред Всемогущим Господем прибегати. Сие же убо воспоминающе, просим вас, купно со святителем Лукою и всеми новомученики и исповедники российстими сотворите моление за ны, вопиющия с надеждою Господеви: Аллилуйя!

Икос 12

Поюще преславное о вас смотрение Божие и чудеса ваши, преславные Инно, Пинно и Риммо, чтим святую память вашу, яко небесных предстателей и помощников; веруем, яко Господь молитвами вашими вся просимая нам дарует, и молим всеусердно, не забудите нас, но всегда пребывайте с нами, да вашим заступлением и помощию ограждаемии, спасаемии и избавляемии от всех зол видимых и невидимых, вопием вам сице:

Радуйтеся, святое Церкве утверждение.

Радуйтеся, бедным людем чудесное поможение.

Радуйтеся, память вашу чтити нас научающие.

Радуйтеся, подающие людем благочестивым благопотребное.

Радуйтеся, быстрое нищих слышание.

Радуйтеся, многия прошения предваряющие.

Радуйтеся, святые мученики Инно, Пинно и Риммо, теплии о нас пред Богом заступницы.

Кондак 13

О прехвальные страстотерпцы Христовы и возлюбленнии заступники и покровители наши, святые мученики Инно, Пинно и Риммо; приимите сие малое моление наше и богоугодными вашими молитвами избавите ны от козней вражиих и всякаго зла, да в мире и благочестии и покаянии прочее время живота нашего скончаем и достигнем блаженнаго упокоения в вечных обителех, идеже с вами купно Триединому и Всемилосердному Богу нашему воспоем: Аллилуйя!

Сей кондак глаголем трижды, затем 1-й икос и 1-й кондак.

Молитва святым мученикам Инне, Пинне и Римме

О Святии и добропобедные мученицы Инно Пинно и Риммо! Призрите с Небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменник и междоусобныя брани.

Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления. Да молитвами вашими даст нам Господь мир помыслов, от пагубных страстей воздержание и от всякия скверны удаление; и да укрепит во всем мире Свою Едину Святую Соборную и Апостольскую Церковь, юже стяжал есть честною Своею Кровию.

Молитеся прилежно, святии мученицы, да благословит Христос Бог всю нашу державу, да утвердит во Святей Своей Церкви живый дух правыя веры и благочестия; да вся чада ея, от суемудрия и суеверия свободившеся, духом и истиною покланяются Ему, и о соблюдении Его заповедей усердно потщатся; да мы вси в мире и благочестии поживем в настоящем веце, и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава, со Отцем и Святым Духом, ныне и присно и во веки веков. Аминь.

Инна Новодунский, Славянин

Мученики Инна, Пинна и Римма Новодунские

Свя­тые му­че­ни­ки Ин­на, Пин­на и Рим­ма – ро­дом сла­вяне, из се­вер­ной Ски­фии, уче­ни­ки свя­то­го апо­сто­ла Ан­дрея Пер­во­зван­но­го. Они учи­ли о име­ни Хри­сто­вом и кре­сти­ли мно­гих вар­ва­ров, об­ра­тив их к пра­вой ве­ре. За это бы­ли схва­че­ны мест­ным кня­зем, ко­то­рый хо­тел бы­ло обо­льстить их раз­лич­ны­ми со­блаз­на­ми и лест­ны­ми обе­ща­ни­я­ми, но они не скло­ни­лись на пред­ло­жен­ные им по­че­сти и за свою твер­дость ве­ры во Хри­ста бы­ли би­ты без по­ща­ды. В то вре­мя сто­я­ла су­ро­вая зи­ма и ре­ки за­мерз­ли на­столь­ко, что их мог­ли пе­ре­хо­дить по льду не толь­ко лю­ди, но и ко­ни с во­за­ми. Князь при­ка­зал по­ста­вить в лед боль­шие брев­на и при­вя­зать к ним свя­тых, по­сте­пен­но опус­кая их в сту­де­ную во­ду. Ко­гда лед до­шел до шеи свя­тых, они, из­му­чен­ные страш­ной сту­жей, пре­да­ли Гос­по­ду свои бла­жен­ные ду­ши.

В древ­нем сла­вян­ском ме­ся­це­сло­ве по­вест­ву­ет­ся, что неко­то­рые хри­сти­ане по­хо­ро­ни­ли то­гда те­ла их, но по­том епи­скоп Гед­ца вы­нул их из мо­ги­лы и, взяв на пле­чи свои, по­ло­жил в сво­ей церк­ви. Спу­стя семь лет по­сле кон­чи­ны сво­ей свя­тые му­че­ни­ки яви­лись том же епи­ско­пу и по­ве­ле­ли ему пе­ре­не­сти мо­щи их в ме­стеч­ко, на­зы­ва­е­мое Аликс, в су­хое при­ста­ни­ще. (Аликс есть ны­неш­няя Алуш­та, на­хо­дя­ща­я­ся на бе­ре­гу Чер­но­го мо­ря, на се­ве­ро-во­сток от Ял­ты. «Су­хое при­ста­ни­ще» озна­ча­ет мор­скую при­стань).

См. так­же: "Па­мять свя­тых му­че­ни­ков Ин­ны, Пин­ны и Рим­мы" в из­ло­же­нии свт. Ди­мит­рия Ро­стов­ско­го.

См. так­же: "Пе­ре­не­се­ние мо­щей свя­тых му­че­ни­ков Ин­ны, Пин­ны и Рим­мы" в из­ло­же­нии свт. Ди­мит­рия Ро­стов­ско­го.

Римма Новодунский, Славянин

Мученики Инна, Пинна и Римма Новодунские

Свя­тые му­че­ни­ки Ин­на, Пин­на и Рим­ма – ро­дом сла­вяне, из се­вер­ной Ски­фии, уче­ни­ки свя­то­го апо­сто­ла Ан­дрея Пер­во­зван­но­го. Они учи­ли о име­ни Хри­сто­вом и кре­сти­ли мно­гих вар­ва­ров, об­ра­тив их к пра­вой ве­ре. За это бы­ли схва­че­ны мест­ным кня­зем, ко­то­рый хо­тел бы­ло обо­льстить их раз­лич­ны­ми со­блаз­на­ми и лест­ны­ми обе­ща­ни­я­ми, но они не скло­ни­лись на пред­ло­жен­ные им по­че­сти и за свою твер­дость ве­ры во Хри­ста бы­ли би­ты без по­ща­ды. В то вре­мя сто­я­ла су­ро­вая зи­ма и ре­ки за­мерз­ли на­столь­ко, что их мог­ли пе­ре­хо­дить по льду не толь­ко лю­ди, но и ко­ни с во­за­ми. Князь при­ка­зал по­ста­вить в лед боль­шие брев­на и при­вя­зать к ним свя­тых, по­сте­пен­но опус­кая их в сту­де­ную во­ду. Ко­гда лед до­шел до шеи свя­тых, они, из­му­чен­ные страш­ной сту­жей, пре­да­ли Гос­по­ду свои бла­жен­ные ду­ши.

В древ­нем сла­вян­ском ме­ся­це­сло­ве по­вест­ву­ет­ся, что неко­то­рые хри­сти­ане по­хо­ро­ни­ли то­гда те­ла их, но по­том епи­скоп Гед­ца вы­нул их из мо­ги­лы и, взяв на пле­чи свои, по­ло­жил в сво­ей церк­ви. Спу­стя семь лет по­сле кон­чи­ны сво­ей свя­тые му­че­ни­ки яви­лись том же епи­ско­пу и по­ве­ле­ли ему пе­ре­не­сти мо­щи их в ме­стеч­ко, на­зы­ва­е­мое Аликс, в су­хое при­ста­ни­ще. (Аликс есть ны­неш­няя Алуш­та, на­хо­дя­ща­я­ся на бе­ре­гу Чер­но­го мо­ря, на се­ве­ро-во­сток от Ял­ты. «Су­хое при­ста­ни­ще» озна­ча­ет мор­скую при­стань.)

См. так­же: "Па­мять свя­тых му­че­ни­ков Ин­ны, Пин­ны и Рим­мы" в из­ло­же­нии свт. Ди­мит­рия Ро­стов­ско­го.

См. так­же: "Пе­ре­не­се­ние мо­щей свя­тых му­че­ни­ков Ин­ны, Пин­ны и Рим­мы" в из­ло­же­нии свт. Ди­мит­рия Ро­стов­ско­го.