Акафист святым праведным Марфе и Марии, сестрам праведного Лазаря

Одобрен: 1912 год

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 30 апреля (17 апреля ст. ст.)

Утвержден для общецерковного использования.

Кондак 1

Избранныя от Бога служительницы новыя благодати, праведнаго Лазаря боголюбивыя сестры, Марфо и Марие, вы деянием и разумением в вере и любви Христу последовали есте и ныне с лики святых жен пребываете, наслаждающеся райских красот и веселия. Темже, яко имущия дерзновение ко Господу, Того прилежно молите от бед и скорбей и падений греховных избавити нас, да вами научившеся угождати Христу Богу, не престанем со умилением взывати Ему: Аллилуиа.

Икос 1

Ангелов и человек Царь и Господь, доброту душ ваших провидев и до конца вас возлюбив, во дни земной жизни Своея благословенный дом ваш посещаше и брата вашего Лазаря от мертвых воскреси. Мы же грешнии, таковое человеколюбное снисхождение Его воспоминающе, во умилении сердец наших вопием вам тако:

Радуйтеся, всем сердцем, всею душею и всею мыслию вашею Бога возлюбившия; радуйтеся, любовь вашу не словом или языком, но делом и истиною явившия.

Радуйтеся, любовию веру во Христа Сына Божия от Отца Небеснаго снискавшия; радуйтеся, верою, послушанием, делами любве и милосердия Ему послужившия.

Радуйтеся, тем Царствие Небесное наследовавшия; радуйтеся, дев непорочных и жен целомудренных похвало и украшение.

Радуйтеся, Марфо и Марие, образ веры и любве нам показующия.

Кондак 2

Ведяще, праведныя жены, яко Господь, не имый где главы подклонити, приидет к вам, потщалися есте в дому вашем Его, яко Божественнаго Учителя, с верою и любовию послушати и со усердием многим послужити Ему. Темже научаете и нас Ему, яко Богу, нас ради воплотившемуся, неленостно служити и благоговейно воспевати: Аллилуиа.

Икос 2

Научая нас и страннолюбия не оставляти, и о слове Божием усердно прилежати, не о хлебе бо едином жив будет человек, но о всяком слове Божием, Господь и Учитель наш и службы Марфы трудолюбныя не отверже, и Мариино седение у ног Его попремногу ублажи. Темже и мы боголюбивей двоице оной воспоим:

Радуйся, Марфо, Христа, нас ради воплотившагося, в дому твоем приявшая; радуйся, в служении твоем на потребу плоти Его не отверженная.

Радуйся, и нас делами милосердия служити Ему научающая; радуйся, Марие, у ног Иисусовых словом уст Его насыщавшаяся.

Радуйся, единое на потребу, яко благую часть, избравшая; радуйся, ревности ради о слышании словес Господних со блаженными Им сопричтенная.

Радуйтеся, Марфо и Марие, образ веры и любве нам показующия.

Кондак 3

Силою Божественною укрепляеми, унынием не уязвилися есте, егда узрели брата вашего болезнию лютою истощаема, но к Целителю недугов, Господу Иисусу, со упованием послали есте, глаголюще: Господи, егоже любиши, болит. Сим последующе, и мы во всяком обстоянии унынию да не предадимся, со упованием Христу Богу вопиюще: Аллилуиа.

Икос 3

Любляше Иисус Марфу и сестру ея и Лазаря и, веру их в грядущее Царствие жизни вечныя испытуя и утверждая, рече: сия болезнь несть к смерти, но к славе Божией, да прославится Сын Божий ея ради. Вы же, о боголюбивыя сестры, и пред лицем смерти брата вашего верою и любовию ко Христу духом горяще, в Божественней силе Его не усомнилися есте. Сего ради приимите от нас похваления таковая:

Радуйтеся, во уныние безнадежное во обстоянии и скорби не впадшия; радуйтеся, обремененных скорбьми житейскими тем ободряющия.

Радуйтеся, в печали вашей ко Врачу душ и телес, Господу Иисусу, со смиренным упованием помыслы своя обратившия; радуйтеся, лица Его не видяще, во благой покорности Ему пребывшия.

Радуйтеся, во испытании сем веру крепку, яко Авраамову, явившия; радуйтеся, в злостраданиях терпение твердое, яко Иов, показавшия.

Радуйтеся, Марфо и Марие, образ веры и любве нам показующия.

Кондак 4

Ведая, яже хощет сотворити, Всемогущий Господь и Спас наш, рече учеником Своим: Лазарь, друг наш, успе, но иду, да возбужу его; научая всех во свете лица Божия ходити и Подателю жизни воспевати: Аллилуиа.

Икос 4

Многии от иудей приидоша к Марфе и Марии, да утешат их о Лазаре, брате их. Сестры же, отбегая их, яко не имущих о Христе Иисусе упования. Марфа к Единому Утешителю стопы своя с радостию направи, егда Той Вифании достиже. Таковую крепкую любовь сестер Лазаревых ко Христу и веру их зряще, радостными гласы воспоим им таковая:

Радуйтеся, добротою душ ваших неверных иудеев окамененныя сердца покорити возмогшия; радуйтеся, не суетному унынию, но Божию благоволению себя предавшия.

Радуйтеся, на единую благость Христову в печали вашей надежду возложившия; радуйтеся, в сретение Его со тщанием стопы ваша направившия.

Радуйтеся, во уповании вашем от Могущаго спасти оправданныя; радуйтеся, утешения в скорбех не от людей, но от Бога искати нас научающия.

Радуйтеся, Марфо и Марие, образ веры и любве нам показующия.

Кондак 5

Марфа блаженная, егда срете Господа, утешения от Него ищущи, рече: Господи, аще бы Ты зде был, не умерл бы брат мой. Но и ныне вем, яко елика аще попросиши от Бога, даст Тебе Бог. Емуже от всея души нашея и мы вопием: Аллилуиа.

Икос 5

Божественное Свое смотрение о нашем спасении показуя, Господь Иисус, яко жизни и смерти Владыка, благоволи рещи тебе, блаженная Марфо: воскреснет брат твой. И паки: веруяй в Мя, аще и умрет, оживет. Вериши ли сему? - вопроси тя. Ты же отвеща Ему: ей, Господи, верую, яко Ты Христос Сын Божий, грядущий в мир. Сего ради, вере во Христа Сына Божия тобою научаемии, восхваляем тя сице:

Радуйся, блаженная Марфо, обетование о воскресении брата твоего от Самаго Жизнодавца услышавшая; радуйся, яко вопрошенная от Него о вере твоей, не плоти и крови, но гласа Отца Небеснаго послушавшая.

Радуйся, яко от Него наученная, Христа Сына Божия твердо исповедала еси; радуйся, яко тем камень веры, на немже созда Господь Церковь Свою, явившая.

Радуйся, во исповедании твоем Петру, первоверховному апостолу, уподобившаяся; радуйся, равноапостольнаго ублажения воистину достойная.

Радуйтеся, Марфо и Марие, образ веры и любве нам показующия.

Кондак 6

Трости надломленныя не преломляяй, Человеколюбец Господь, егда виде Марию и пришедшия с ней иудеи плачущия, якоже любляше Лазаря, прослезися Сам. Да и мы немощнии, в скорбех суще, бестрепетно к Нему со слезами притекаем, вопиюще Ему: Аллилуиа.

Икос 6

Воистину благословен о брате твоем плач твой, Марие, егоже видя, прослезися Иисус. Сего ради со умилением ублажаем тя сице:

Радуйся, боголюбивая Марие, в серафимстей любви твоей ко Господу и к сродникам любве своея не угасившая; радуйся, плачем твоим о Лазаре нас, во окаменении сердечнем пребывающих, обличившая.

Радуйся, Христа Бога слезы о падшем создании Своем источити подвигшая; радуйся, в слезах Господа Иисуса, немощем нашим состраждуща, елей утешения всем плачущим и болезнующим показавшая.

Радуйся, и сама в скорбех наших сострадати нам могущая; радуйся, с сестрою твоею Марфою милосердия сестрам первоначальница богоугодная.

Радуйтеся, Марфо и Марие, образ веры и любве нам показующия.

Кондак 7

Всеведый по Божеству Своему, человеческое естество показующе, о Лазаре вопрошал еси, Господи Иисусе: где положисте его. И камень от гроба взяти повелел еси, да возсмердением смерти заградятся неверных уста. Мы же, вернии, со дерзновением Тебе, победити смерть пришедшему, вопием: Аллилуиа.

Икос 7

Немощь естества человеческаго являющи, сестра умершаго, Марфа, глагола Иисусу: Господи, уже смердит: четверодневен бо есть. Мария же, зряще камень отвален от гроба, в молчании пребываше. Сему Мариину молчанию со умилением внимающе, с Марфою же маловерие свое Господу дерзновенно исповедующе, воззовем к ним таковая:

Радуйся, Марие, яко ко гробу смердящаго в претрепетном молчании за Христом пришедшая; радуйся, яко сим всех нас в послушание веры разум покоряти научившая.

Радуйся, Марфо, яко немощь веры нашея превозмогати научающая; радуйся, яко всем нам: ей, Господи, верую, яко Ты Христос, Сын Божий, глаголати указавшая.

Радуйтеся, блаженныя сестры, в немощех душ и телес ваших от Христа не отступившия и Ему любовию последовавшия; радуйтеся, на высоту благодатнаго разумения Самим Всеведцем возведенныя.

Радуйтеся, Марфо и Марие, образ веры и любве нам показующия.

Кондак 8

Славу Свою, яко Единороднаго от Отца, всем верным являя, хвалу Отцу Своему воздав, Иисус гласом великим воззва: Лазаре, гряди вон. И бездыханный, Дающаго дыхание послушав, от смерти восста и от гроба изыде; да чудо сие зряще, купно и мы с ним Победителю смерти воспоим: Аллилуиа.

Икос 8

Чудо велие и страшное сотвори Христос Бог наш, Лазаря четверодневнаго от мертвых воздвигнув. Да и нас всех веру в Него, яко Сына Божия, утвердит, бессмертие души и общее всех воскресение уверяя. Мы же, божественное поклонение Сотворшему сие воздающе, ублажим сестры воскрешеннаго Им и воззовем к ним сицевая:

Радуйтеся, праведнаго Лазаря сестры, Христа нелицемерне возлюбившия; радуйтеся, Христом за верность вашу возлюбленныя.

Радуйтеся, общее воскресение прежде страстей Христовых в вере узревшия; радуйтеся, верою вашею и нашу веру укрепляющия.

Радуйтеся, ученицы Христовы достославныя; радуйтеся, лика апостольскаго истинныя причастницы.

Радуйтеся, Марфо и Марие, образ веры и любве нам показующия.

Кондак 9

Сыны тьмы, зря умершаго и гласом Божиим от тления восставшаго, в ожесточении сердец не вероваша Христу даже до сего дне, во ослеплении суще. Мы же, сих безумию не прилагающеся, но в общее воскресение по гласу Сына Божия верующе, Ему, яко Жизнодавцу, велегласно и вседушно возопиим: Аллилуиа.

Икос 9

Преславная и страшная в Вифании сотворив, Иисус, прежде шести дней Пасхи, паки прииде в весь сию. И сотвориша Ему вечерю, и бе Лазарь един от возлежащих с Ним. Вы же, присноблаженныя сестры, Подателю всяческих благодарни суще, Марфа служаше Ему всеусердне, Мария же миро на нозе Его возлия. Сего ради, в радость вашу внити желающе, и мы со умилением зовем вам:

Радуйтеся, богомудрыя жены, хвалы и благодарения благодеющему Господу преисполненныя; радуйся, Марфо трудолюбная, се уже другий раз на вечери Господу послужившая.

Радуйся, в благодарнем служении сем Господом милостивно приятая; радуйся, Марие, Сладчайшему Иисусу нозе миром многоценным помазавшая.

Радуйся, во обличение Иудиных злохулений похваления Иисусова сподобившаяся; радуйся, яко многоценнаго мира на нозе Христовы возлиянием и нас благолепие дому Божия любити и о том прилежати поучаеши.

Радуйтеся, Марфо и Марие, образ веры и любве нам показующия.

Кондак 10

Марфе и Марии, вернии, подражающе, кийждо во своем чину, ко Христу Спасу припадем и, просяще от Того исцеления немощей наших и от сна греховнаго воскрешения, благодарными усты воспоим Ему: Аллилуиа.

Икос 10

Вернии до конца во служении вашем Христу во днех плоти Его пребывшия и самовидцы страстей Его быти сподобившияся, к погребению Воскресителя Лазарева, славныя Марфо и Марие, посреде мироносиц явилися. С ними предстояще ныне престолу славы Божия, молитвами вашими к песнопенному тех лику совокупите и нас, ваши подвиги прославляющих:

Радуйся, Марфо, в твоем Христу многопопечительном служении, якоже и во исповедании, поревновавшая; радуйся, странноприимницам и милосердия сестрам подвигоположница.

Радуйся, Марие, возлюбленному ученику Христову Иоанну в пламенной любви к Тому уподобившаяся; радуйся, непорочных дев, Христу в житии своем уневестившихся, руководительница неложная.

Радуйтеся, боголюбивыя сестры, и деятельным житием, и вниманием сердечным последования Христу ревнительницы изрядныя; радуйтеся, на обоих сих путях угождения Господу жити братии вкупе мудре нас научающия.

Радуйтеся, Марфо и Марие, образ веры и любве нам показующия.

Кондак 11

Кий глагол довлеет по достоянию воспети Воскресения Христова радость всемирную, еяже вы, со прочими женами мироносицами, в сей велий и святый день причастилися есте; темже и мы, Воскресения Христова величие боголепное славяще, поим Христу: Аллилуиа.

Икос 11

Всякое искушение преити молящися и живот вечный улучити хотящи, яко верныя ученицы Христовы, каяждо во своем пути, обаче единым духом веры и любве Ему поработали есте, отонудуже и радостей во Царствии Его сподобилися есте. Сего ради, труды и подвиги ваша воспоминающе и славе вашей во Царствии Христовом радующеся, воспеваем вам таковая:

Радуйтеся, верныя ученицы Христовы, не человеком, но Богу в житии вашем угодившия; радуйтеся, нищетою духовною Царствие Небесное стяжавшия.

Радуйтеся, духом кротости землю обетования наследовавшия; радуйтеся, милосердия делами милостей от Господа во Царствии Его сподобившияся.

Радуйтеся, сердцем чистым Бога Слова зрящия; радуйтеся, исповедницы веры Христовы, мзду многу на небесех приявшия.

Радуйтеся, Марфо и Марие, образ веры и любве нам показующия.

Кондак 12

Благодатию Всемилостиваго Бога прияли дерзновение велие к Нему, о блаженныя сестры. Моления ваша и прошения о нас грешных к престолу славы Его вознесите, да спасаеми предстательством вашим, Воскресшему и вся с Собою воскресившему ангельскую песнь воспоим: Аллилуиа.

Икос 12

Поюще ныне со всеми небесными силами трисвятую песнь дивному во святых Своих Богу, о преблаженныя сестры Лазаревы, призрите с высоты небесныя на нас грешных, волнами моря житейскаго обуреваемых, тихаго пристанища жаждущих и вас сице любовию величающих:

Радуйтеся, на небеси во славе со ангелы и всеми святыми царствующия; радуйтеся, и на земли в Церкви Христовой песненно прославляемыя.

Радуйтеся, яко звезды небесныя во тьме века сего добродетельми вашими сияющия; радуйтеся, Богом данныя нам в житии нашем наставницы.

Радуйтеся, милосердия служением Христу первоначальницы; радуйтеся, теплыя о нас к Богу молитвенницы.

Радуйтеся, Марфо и Марие, образ веры и любве нам показующия.

Кондак 13

О предивная боголюбивая двоице, верныя ученицы Христовы, Марфо и Марие преславныя, огнь любве и веры в душах ваших возжегшия и сих ради в Царство славы силою Воскресшаго вшедшия, испросите нам у Христа Бога нашего помощи путьми вашими зде на земли жительствовати, да во обители Отца Небеснаго вселившеся, купно с вами и всеми святыми и мы на престоле славы Седящему воспоим ангельскую песнь: Аллилуиа.

Этот кондак читается трижды, затем читается икос 1-й «Ангелов и человек…» и кондак 1-й «Избранныя от Бога…».

Молитва

О святыя и всехвальныя ученицы Христовы, Боголюбивыя Марфо и Марие! Умолите возлюбленнаго вами и вас возлюбившаго Сладчайшаго Иисуса, Егоже вы исповедали есте, Христа, Сына Божия, да даст и нам грешным, грехов, оставление, в вере правой нелицемерное и твердое стояние. Вселите в сердца наша дух страха Божия, смиреннаго на Бога упования, терпения и к ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, с дерзновением веры и упования предстанем на оный Страшный Суд и, добрый ответ на нем воздавше, радости вечныя в Царствии Небеснем сподобимся. Аминь.

Молитва вторая

О блаженныя и святыя жены, верою и любовию Христу Богу последовавшия и во обители Отца Небеснаго вселившияся! К вам ныне аз, грешная, (имярек) прибегаю и смиренно молю: научите мя и помозите ми ходити пред Богом путьми вашими непреткновенно и вечную купно с вами жизнь наследовати.

О Марфо праведная, твердым исповеданием веры твоея Христу угодившая, укрепи слабую веру мою. О службе Господу и братиям нелицемерне и всеусердне прилежавшая, помози и мне служение мое безропотне и вседушевне проходити. Сестру твою иногда, в скорби сущу, ко Христу воззвала еси, отая рекши: Учитель пришел есть и глашает тя. Ныне убо предстани мне в трудный час испытания веры и любве моея и в глубине сердца возвести ми, яко Господь Иисус незримо грядет, да путем испытаний привлечет мя к Себе! Испроси мне, о мати святая, у Господа нашего силу и крепость, да воставши скоро, притеку к Нему, поклонюся Ему и в смиренней любви Его мир и спасение души моей обрящу.

И ты, о Боголюбивая Марие, у ногу Иисусову единое на потребу обретшая, помолися Ему благую часть спасаемых и мне, грешней, улучити. Миро благовонное в дар благодарения Христу Жизнодавцу принесшая, умоли ныне Его и души моей подати миро молитвы и покаяния слезы, чистоты и добрых дел благоухание, тако да во обновленное всеми сими сердце мое Господь приидет и обитель Себе сотворит.

К вам, о святыя праведныя жены, Марфо и Марие, припадаю и смиренно молю: не оставите мя в дни тяжких испытаний, да не соблазнюся тленными и красными мира сего, наипаче же в час горький разлучения души моея с телом, предстаните мне и общаго Владыку нашего умолите, да призрит на мя во оскудении сил моих милостивным оком и, простив вся прегрешения моя, возставит мя к жизни нескончаемей во блаженных обителех Отца Небеснаго. Аминь.

Тропарь, глас 3

Праведнаго Лазаря Боголюбивыя сестры, Марфо и Марие преславныя, чистым сердцем Христа в житии вашем возлюбили есте, мироносиц вземши чин, и Его, яко Сына Божия, безбоязненно исповедали есте, сего ради ныне во обителех Отца Небеснаго со Ангелы и всеми святыми славно царствуете. Умолите, Егоже возлюбили есте, и нам, грешным, в вере и любви Христовой утвердитися и Царствия Небеснаго сподобитися.

Ґкafістъ с™ы6мъ и3 прaведнымъ мaрfэ и3 марjи, сестрaмъ лaзарz

Кондaкъ №

И#збр†нныz t бGа служи6тельницы н0выz бlгодaти, прaведнагw лaзарz бGолюби1выz сєстры2, мaрfо и3 марjе, вы2 дэsніемъ и3 разумёніемъ въ вёрэ и3 любви2 хrтY послёдовали є3стE и3 нhнэ съ ли1ки свzтhхъ жeнъ пребывaете, наслаждaющесz рaйскихъ красHтъ и3 весeліz. Тёмже, ћкw и3мyщіz дерзновeніе ко гDу, того2 прилёжно моли1те t бёдъ и3 скорбeй и3 падeній грэхHвныхъ и3збaвити нaсъ, да и3 мы2, вaми научи1вшесz ўгождaти хrту бGу, не престaнемъ съ ўмилeніемъ взывaти вaмъ: Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Јкосъ №

ЃгGлwвъ и3 человёкwвъ цRь и3 гDь, добр0ту дyшъ вaшихъ прови1дэвъ и3 до концA вaсъ возлюби1въ, во днeхъ пл0ти своеS бlгословeнный д0мъ вaшъ посэщaше и3 брaта вaшегw лaзарz t мeртвыхъ воскреси2. Мh же грёшніи, таков0е человэколю1бное снисхождeніе є3гw2 воспоминaюще, во ўмилeніи сердeцъ нaшихъ вопіeмъ вaмъ: Рaдуйтесz, всёмъ сeрдцемъ, всeю душeю и3 всeю мhслію вaшею бGа возлюби1вшыz. Рaдуйтесz, люб0вь вaшу не сл0вомъ и3ли љзык0мъ, но дёломъ и3 и4стиною kви1вшыz. Рaдуйтесz, люб0вію вёру во хrтA сн7а б9іz t nц7A нбcнагw снискaвшыz. Рaдуйтесz, вёры, послушaніемъ, любвE и3 милосeрдіz є3мY послужи1вшыz. Рaдуйтесz, тёмъ цRствіе нбcное наслёдовавшыz. Рaдуйтесz, непор0чныхъ дёвъ и3 жeнъ цэломyдренныхъ похвало2 и3 ўкрашeніе. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ в7

Вёдzще, прaвєдныz жєны2, мaрfо и3 марjе, ћкw гDь, не и3мhй гдЁ главы2 подклони1ти, и4мать пріити2 къ вaмъ, потщaлисz є3стE, въ домY вaшемъ џва є3гw2, ћкw б9eственнагw ўчи1телz, съ вёрою и3 люб0вію послyшати, и3 со ўсeрдіемъ мн0гимъ послужи1ти є3мY. Тёмже научaете и3 нaсъ є3мY, ћкw бGу, нaсъ рaди воплоти1вшемусz, нелёностнw служи1ти и3 бlгоговeйно воспэвaти: Ґллилyіа.

Јкосъ в7

Научaz нaсъ и3 страннолю1біz не њставлsти, и3 њ сл0ве б9іемъ прилежaти, не њ хлёбэ бо є3ди1номъ жи1въ бyдетъ человёкъ, но њ всsкомъ глаг0лэ б9іи, гDь и3 ўчи1тель нaшъ и3 слyжбы мaрfы трудолю1бныz не tвeрже, и3 марjино присэдeніе при2 ногY є3гw2 попремн0гу ўблажи2. Тёмже и3 мы бGолюби1вэй дв0ице џной воспоeмъ: Рaдуйсz, мaрfо, хrтA, нaсъ рaди воплоти1вшегwсz, въ домY твоeмъ пріsвшаz. Рaдуйсz, въ служeніи твоeмъ на потрeбу пл0ти є3гw2 не tвeрженнаz. Рaдуйсz, и3 нaсъ дёлы милосeрдіz къ бли6жнимъ служи1ти є3мY научaющаz. Рaдуйсz, марjе, при2 ногY ї}сову сл0вомъ ќстъ є3гw2 насыщaвшаzсz. Рaдуйсz, є3ди1ное на потрeбу, ћкw бlгyю чaсть, и3збрaвшаz. Рaдуйсz, рeвности рaди њ слhшаніи словeсъ гDнихъ со блажeнными сами1мъ хrт0мъ сопричтeннаz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ G

Си1лою б9іею ўкрэплsеми, ўнhніемъ не ўzзви1стесz, є3гдA ўзрёсте брaта вaшегw болёзнію лю1тою и3стаевaюща, но къ цэли1телю недyговъ, гDу ї}су со ўповaніемъ послaстэ, глаг0люще: гDи, є3г0же лю1биши, боли1тъ. Си6мъ послёдующе, и3 мы2 во всsцэмъ њбстоsніи ўнhнію да не предади1мсz, со ўповaніемъ хrту бGу вопію1ще: Ґллилyіа.

Јкосъ G

Люблsше ї}съ мaрfу и3 сестрY є3S и3 лaзарz и3, вёру и4хъ въ грzдyщее цRствіе животA вёчныz и3спытyz и3 ўтверждaz, речE: сіS болёзнь нёсть къ смeрти, но њ слaвэ б9іи, да прослaвитсz сн7ъ б9ій є3S рaди. Вh же, q бGолюби6выz сєстры2, ѓще и3 немощнjи сосyди пл0тию бhвше, nбaче и3 пред8 лицeмъ смeрти брaта вaшегw вёрою и3 люб0вію ко хrту дyхомъ горsще, въ б9ес1твеннэй си1лэ є3гw2 не ўсомнBстасz. Сегw2 рaди пріими1те t нaсъ похвалє1ніz таков†z: Рaдуйтесz, во ўнhніе безнадeжное во њбстоsніи и3 ск0рби не впaдшыz. Рaдуйтесz, њбременeнныхъ тёмъ њбодрsющіz. Рaдуйтесz, въ печaли вaшей болёзни лaзарz ко врачY дyшъ и3 тэлeсъ, гDу ї}су, со смирeннымъ ўповaніемъ п0мыслы сво‰ њбрати1вшыz. Рaдуйтесz, лицA є3гw2 не ви1дzще, въ бlгопокорли1вой вёрности є3мY, неtстyпнw пребhвшыz. Рaдуйтесz, въ и3спытaніи сeмъ крёпость вэры ґвраaмовы kви1вшыz. Рaдуйтесz, въ ѕлострадaніzхъ терпёніе јwвле, показaвшыz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ д7

Вёдый, ћже х0щетъ сотвори1ти вс‰ могjй гDь спaсъ нaшъ, речE ўченикHмъ: лaзарь дрyгъ нaшъ ќспе: но и3дY, да возбужY є3го, научaz всёхъ во свётэ лицA б9іz ходи1ти и3 подaтелю жи1зни воспэвaти: Ґллилyіа.

Јкосъ д7

Мн0зи t їудє1й пріид0ша къ мaрfэ и3 марjи, да ўтёшатъ и5хъ њ брaтэ є3ю2. Џнэже же, tбёще и5хъ, ћкw не и3мyщихъ њ хrтЁ ї}се ўповaніz, къ семY є3ди1ному ўтёшителю всёхъ ѓбіе стопы2 сво‰ съ рaдостію направи1ста, є3гдA т0й бли1зъ виfaніи дости1же. Таковyю крёпкую люб0вь сестeръ лaзаревыхъ ко хrту и3 вёру и4хъ зрsще, рaдостными глaсы воспоeмъ и5мъ таков†z: Рaдуйтесz, добр0тою дyшъ вaшихъ самёхъ невёрныхъ їудє1й њкаменє1нныz сердцA покори1ти возм0гшыz. Рaдуйтесz, не сyетному прельщeнію, но б9ію непрел0жному во хrтЁ бlговолeнію себE самёхъ предaвшыz. Рaдуйтесz, на є3ди1ную блaгость хrт0ву въ печaли вaшей надeжду возложи1вшыz. Рaдуйтесz, въ срётеніе є3гw2, ўжE ко четвероднeвному грzдyщагw, со тщaніемъ стопы2 в†ша напрaвившыz. Рaдуйтесz, во ўповaніи вaшемъ t могyщагw спасти2 њправд†нныz. Рaдуйтесz, t бGа т0кмw, ґ не t человёкwвъ ўтэшeніz въ ск0рбэхъ и3скaти и3 нaсъ научaющыz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ є7

Мaрfа блажeннаz, є3гдA срёте гDа, ўтэшeніz t негw2 и4щущи, речE: гDи, ѓще бы є3си2 здЁ бhлъ, не бы2 брaтъ м0й ќмерлъ: но и3 нhнэ вёмъ, ћкw є3ли6ка ѓще пр0сиши t бGа, дaстъ тебЁ бGъ. Е#мYже t всеS души2 нaшеz и3 мы2 вопіeмъ: Ґллилyіа.

Јкосъ є7

Б9eственное своE њ нaшемъ спасeніи смотрeніе и3звэствyz, гDь ї}съ, ћкw животA и3 смeрти владhка, бlговоли2 рещи2 тебЁ, блажeннаz мaрfо: воскрeснетъ брaтъ тв0й. И# пaки: вёруzй въ мS, ѓще и3 ќмретъ, њживeтъ. Е$млеши ли вёру семY. Ты же къ немY: є4й, гDи: ѓзъ вёровахъ, ћкw ты2 є3си2 хrт0съ сн7ъ б9ій, и4же въ мjръ грzдhй. СегH рaди, вёрэ во хrтA сн7а б9іz тоб0ю научaеміи, восхвалsемъ т‰ си1це: Рaдуйсz, блажeннаz мaрfо, њбётованіе њ воскресeніи брaта твоегw2 t самагw2 жизнодaвца ўслhшавшаz. Рaдуйсz, ћкw вопрошeннаz t негw2 њ вёрэ твоeй, не пл0ти и3 кр0ви, но глaса nц7A нбcнагw послyшавшаz є3си2. Рaдуйсz, ћкw t негw2 научeннаz, ї}са ћкw хrта сн7а б9іz, безбоsзненw во ўслhшаніе ѕл0бныхъ їудє1й и3сповёдала є3си2. Рaдуйсz, ћкw тёмъ кaмень вёры, на нeмже создA гDь цRковь свою2, kви1ла є3си2. Рaдуйсz, во и3сповёданіи твоeмъ петрY первовэрх0вному ґпcтолу ўпод0бившаzсz. Рaдуйсz, равноапcтольнагw ўблажeніz вои1стину дост0йнаz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ ѕ7

Тр0сти сокрушeнныz не преломлszй, человэколю1бецъ гDь, человёческое показyz, є3гдA ви1дэ пришeдшую къ немY марjю плaчущусz и3 пришє1дшыz съ нeю їудє1и плaчущz, прослези1сz сaмъ, да и3 мы2 немощнjи, въ ск0рбэхъ сyще, безтрeпетно къ немY со слезaми нeмощи и3 дерзновeніемъ ўповaніz притекaемъ, вопію1ще є3мY: Ґллилyіа.

Јкосъ ѕ7

Вои1стину nгнeмъ любвE бжcтвенныz горsщаz марjе, бlгословeнъ њ брaтэ твоeмъ плaчъ тв0й, є3г0же ви1дz прослези1сz ї}съ. Сегw2 рaди, сицев0му спаси1телz нaшегw бжcтвенному и3стощaншю чудsщесz, со ўмилeніемъ ўблажaемъ тS си1це: Рaдуйсz, бGолюби1ваz марjе, въ серафjмстэй любви2 тв0ей ко гDу любвE къ ср0дникwмъ не ўгаси1вшаz. Рaдуйсz, плaчемъ твои1мъ њ лaзарэ глаг0лющихъ себЁ бGолю1бцевъ бhти, къ при6снымъ же въ њкаменeніи сердeчнемъ пребывaющихъ, њбличи1тельница несумнённаz. Рaдуйсz, хrта бGа слeзы и3сточи1ти њ пaдшемъ создaніи своeмъ подви1гшаz. Рaдуйсz, въ слезaхъ гDа ї}са, нeмощємъ нaшимъ сострaждуща, є3лeй ўтэшeніz всBмъ плaчущимъ и3 болёзнующимъ показaвшаz. Рaдуйсz, и3 самA въ ск0рбэхъ нaшихъ сострадaти нaмъ могyщаz. Рaдуйсz, съ сестр0ю твоeю мaрfою милосeрдіz сестрaмъ первоначaльница бGоуг0днаz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ з7

Сугyбъ є3стеств0мъ сhй, но не v3постaсію, њ лaзарэ вопрошaлъ є3си2, гDи ї}се: гдЁ положи1сте є3го2: не невёдый бо, ћкw бGъ, ўвёдэти вопрошaлъ є3си2, ћкw человёкъ, и3 кaмень t гр0ба взsти повелёлъ є3си2, да возсмердёніемъ смeрти заградsтсz невёрныхъ ўстA. Мh же вёрніи, съ дерзновeніемъ тебЁ, побэди1ти смeрть ко гр0бу четвероднeвнаго пришeдшему, вопіeмъ: Ґллилyіа.

Јкосъ з7

Нeмощь є3стествA человёческагw kвлsющи, сестрA ўмeршагw, мaрfа, глаг0ла ї}су: гDи, ўжE смерди1тъ: четвероднeвенъ бо є4сть. Марjz же, зрsще кaмень tвалeнъ t гр0ба, въ молчaніи пребывaше. Сeму марjину молчaнію со ўмилeніемъ внимaюще, съ мaрfою же маловёріе своE гDу дерзновeннw и3сповёдающе, воззовeмъ къ ни1мъ таков†z: Рaдуйсz, марjе, ћкw ко гр0бу смердsщагw въ претрeпетномъ молчaніи за хrт0мъ, вёру соблюдaющи, теклA є3си2. Рaдуйсz, ћкw си1мъ всёхъ нaсъ рaзумъ въ послушaніе вёры покорsти научи1ла є3си2. Рaдуйсz, мaрfо, нeмощь вёры твоеs самомY хrтY, ўкрэплeніz t негw2 и4щущи, kкwже и3 пeтръ, и3сповёдати не постыди1ласz є3си2. Рaдуйсz, ћкw си1мъ и3 всёмъ нaмъ: вёрую гDи, помози2 моемY невёрію, со смирeніемъ и3сповёдати є3мY ўказaла є3си2. Рaдуйтесz, блажє1нныz сестры2, въ нeмощехъ дyшъ и3 тэлeсъ вaшихъ t хrта не tступи1вшыz и3 є3мY съ люб0вію послёдовавшыz. Рaдуйтесz, на высотY бlгодaтнагw разумёніz сами1мъ всевёдцемъ возведє1нныz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ }

Слaву свою2, ћкw є3динор0днагw t nц7A, всёмъ вBрнымъ kвлsz, хвалY nц7Y своемY воздaвъ, ї}съ глaсомъ вeліимъ возгласи2: лaзаре, грzди2 в0нъ. И# бездыхaнный, дыхaніе даю1щагw послyшавъ, ѓбіе t смeрти востA и3 ўкр0емъ рукaма и3 ногaма њбsзанъ, и3зыде; да чyдо сіE зрsще, кyпнw съ ни1мъ и3 мы2 побэди1телю смeрти воспои1мъ: Ґллилyіа.

Јкосъ }

Чyдо вeліе и3 стрaшное сотвори2 хrт0съ бGъ нaшъ, лaзарz четвероднeвнаго t мeртвыхъ воздви1гнувъ. Да мaрfы и3 маріи, съ ни1ми же и3 нaсъ всёхъ вёру въ него2, ћкw сн7а б9іz, ўтверди1тъ, безсмeртіе души2 и3 џбщее всёхъ воскресeніе ўвэрsz. Мh же, бжcтвенное поклонeніе сіE сотв0ршему воздаю1ще, ўблажи1мъ сестры2 воскрешeннагw и4мъ и3 воззовeмъ къ ни1мъ сицєвaz: Рaдуйтесz, прaведнагw лaзарz сестры2, хrтA нелицемёрнэ возлю1бльшыz и3 и4мъ возлюблє1нныz. Рaдуйтесz, џбщее воскресeніе прeжде стрaстей хrт0вы въ вёрэ ўзрёвшыz. Рaдуйтесz, вёрою вaшею и3 нaшу вёру ўкрэплsющіz. Рaдуйтесz, ўчени1цы хrтHвы достосл†вныz. Рaдуйтесz, ли1ка ґпcтольскагw и4стинныz прич†стницы. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ f7

Сhнове тьмы2, зрsще ўмeршаго и3 глaсомъ б9іимъ t тлёніz востaвшагw, въ њжесточeніи сердeцъ не вёроваша хrтY дaже до сегw2 днE, въ њслэплeніи сyще. Мh же, си1хъ безyмію не прилагaющесz, но въ џбщее воскресeніе по глaсу сн7а б9іz вёрующе, є3мY, ћкw жизнодaвцу, велеглaснw и3 вседyшно возопіи1мъ: Ґллилyіа.

Јкосъ f7

Пресл†внаz и3 стр†шнаz въ виfaніи сотвори1въ, ї}съ, прeжде шести2 днeй пaсхи, пaки пріи1де въ вEсь сію2 и3 сотвори1ша є3мY вeчерю тY и3 бЁ лaзарь є3ди1нъ t возлежaщихъ съ ни1мъ. Вы2 же, мaрfо и3 марjе присноблажeнныz, подaтелю всsческихъ бlгодaрни сyще, џва служaше є3мY всеусeрднэ, џва же мЂро на н0зэ є3гw2 возліS. Сегw2 рaди, въ рaдость вaшу вни1ти желaюще, и3 мы2 со ўмилeніемъ зовeмъ вaмъ: Рaдуйтесz, бGом{дрыz жены6, хвалы2 и3 бlгодарє1ніz бlгодёющему гDу преисп0лнєнныz. Рaдуйсz, мaрfо трудолю1бнаz, на вeчери гDу се ўжE втор0е, послужи1вшаz. Рaдуйсz, въ бlгодaрномъ служeніи сeмъ гDомъ ми1лостивно пріsтаz. Рaдуйсz, марjе, сладчaйшему ї}су н0зэ мЂромъ многоцённымъ помaзавшаz. Рaдуйсz, во њбличeніе їyдиныхъ ѕлохулeній похвалeніz ї}сова за сиE спод0биласz є3си2. Рaдуйсz, ћкw многоцённагw мЂра на н0зэ хrт0вы возліsніемъ и3 нaсъ бlголёпіе д0му б9іz люби1ти и3 њ т0мъ прилежaти поучaеши. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ ‹

Мaрfэ и3 марjи вёрніи подражaюще, кjйждо во своeмъ чинY, ко хrту спaсу припадeмъ и3, просsще t тогw2 и3сцэлeніz нeмощей нaшихъ и3 t снA грэх0внагw воскрешeніz, бlгодaрными ўсты2 воспои1мъ є3мY: Ґллилyіа.

Јкосъ ‹

ВBрные до концA во служeніи вaшемъ хrтY во днeхъ пл0ти є3гw2 пребhвшыz, и3 самови1дцы страстeй є3гw2 бhти спод0бившыесz, къ погребeнію воскреси1телz лaзарева, сл†вныz мaрfо и3 марjе, посредЁ мmрон0сицъ kви1лисz є3стE. Съ ни1ми ќбw предстоsще нhнэ прест0лу слaвы б9іz, моли1твами вaшими къ пёсненному тёхъ ли1ку совокупи1те и3 нaсъ, вaши п0двиги прославлsющихъ звaніzми си1ми: Рaдуйсz, мaрfо, въ твоeмъ хrтY многопопечи1тельнэмъ служeніи, ћкwже и3 во и3сповёданіи петрY, поревновaвшаz. Рaдуйсz, страннопріи1мницамъ и3 милосeрдіz сестрaмъ подвигопол0жница достоподражaемаz. Рaдуйсz, марjе, возлю1бленному їwaнну, на пeрсэхъ хrтA возлежaвшему, въ плaменнэй любви2 къ томY ўпод0бившаzсz. Рaдуйсz, непор0чныхъ дёвъ, хrтY въ житіи2 своeмъ ўневёстившихсz, руководи1тельница нел0жнаz. Рaдуйтесz, бGолюби6выz сестры6, и3 дёzтельнымъ житіeмъ и3 чyвствіи сердeчнымъ послёдованіz хrту ревни1тєльницы и3зр‰дныz. Рaдуйтесz, неразлyчнымъ є3динeніемъ вaшимъ, кaкw на nбои1хъ си1хъ путє1хъ ўгождeніz гDу, жи1ти брaтіи вкyпэ, мyдрэ нaсъ научaющіz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ №i

Кjй глаг0лъ довлёетъ по достоsнію воспёти воскресeніz хrт0ва рaдость всемjрную, є3sже вы2, со пр0чими женaми мmрон0сицами, въ сeй нарочи1тый и3 свzтhй дeнь причасти1лисz є3стE; тёмже и3 мы2, воскресeніz хrт0ва вели1чіе бGолёпное слaвzще, поeмъ хrту: Ґллилyіа.

Јкосъ №i

Всsкое и3скушeніе преити2 молsщисz и3 жив0тъ вёчный ўлучи1ти хотsше, ћкw вBрныz ўчени1цы хrтHвы, кazждо во своeмъ пути2, nбaче є3ди1нымъ дyхомъ вёры и3 любвE є3мY пораб0тасте, tонyдуже и3 рaдостей во цRствіи є3гw2 спод0бистесz. Сегw2 рaди, труды2 и3 п0двиги вaша воспоминaюще и3 слaвэ вaшей во цRствіи хrт0вэ рaдующесz, воспэвaемъ вaмъ таков†z: Рaдуйтесz, вBрныz ўчени1цы хrтHвы, не человёкwмъ, но бGу въ житіи2 вaшемъ ўгоди1вшыz. Рaдуйтесz, нищет0ю дух0вною цRствіе нбcное стzжaвшыz. Рaдуйтесz, дyхомъ кр0тости зeмлю њбэтовaніz наслёдовавшыz. Рaдуйтесz, милосeрдіz дэлaми ми1лостей t гDа во цRствіи є3гw2 спод0бльшыzсz. Рaдуйтесz, сeрдцемъ чи1стымъ бGа зрёти начє1ншыz. Рaдуйтесz, и3сповBдницы вёры хrт0вы, мздY мн0гу на небесёхъ пріsвшыz. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ в7i

Бlгодaтію всеми1лостивагw бGа дерзновeніе вeліе къ немY, q блажє1нныz сєстры2 приsли є3стE. Молє1ніz ќбw н†ша, прошє1ніz же и3 бlгодарє1ніz къ прест0лу слaвы є3гw2 вознеси1те, да спасaеміи предстaтельствомъ вaшимъ, воскрeсшему и3 вс‰ съ соб0ю воскреси1вшему ѓгGльскую пёснь воспои1мъ: Ґллилyіа.

Јкосъ в7i

Пою1ще нhнэ со всёми нбcными си1лами трисвzтyю пёснь ди1вному во с™hхъ свои1хъ бGу, q преблажє1нныz сєстры2 лaзарєвы, при1зрите съ высоты2 нбcныz на нaсъ грёшныхъ, волнaми м0рz житeйскагw њбуревaемыхъ, ти1хагw пристaнища жaждущихъ и3 вaсъ си1це люб0вію величaющихъ: Рaдуйтесz, на нб7си во слaвэ со ѓгGлы и3 всёми с™hми цaрствующыz. Рaдуйтесz, и3 на земли2, въ цRкви хrт0вой пёсненнw прославлsємыz. Рaдуйтесz, ћкw ѕвёзды нбcныz во тьмё вёка сегw2 добродётельми вaшими сіsющыz. Рaдуйтесz, бGомъ дaнныz нaмъ въ житіи2 нaшемъ наст†вницы. Рaдуйтесz, служеніz нaшегw хrту бGу первоначaльницы. Рaдуйтесz, тє1плыz њ нaсъ къ бGу моли1твєнницы. Рaдуйтесz, мaрfо и3 марjе, w4бразъ вёры и3 любви1 нaмъ показyющыz.

Кондaкъ Gi

Q, преди6внаz бGолюби6ваz дв0ице, вBрные ўчєни1цы хrтHвы, мaрfо и3 марjе пресл†вныz, џгнь любвE и3 вёры въ душaхъ вaшихъ возжeгшыz и3 си1хъ рaди въ цRство слaвы си1лою воскрeсшагw вшeдшыz, и3спроси1те нaмъ ў хrта бGа нaшегw п0мощи путьми2 вaшими здЁ на земли2 жи1тельствовати, да во њби1тели nц7A нбcнагw всeльшесz, кyпнw съ вaми и3 всёми с™hми и3 мы2 на прест0лэ слaвы сэдsщему вhну воспоeмъ ѓгGльскую пёснь: Ґллилyіа.

Сeй кондaкъ глаг0летсz три1жды. Тaже и4косъ № и3 кондaкъ №.

Мlтва

Прaведгагw лaзарz бGолюби1выz сєстры2, мaрfо и3 марjе пресл†вныz, чи1стымъ сeрдцемъ хrтA въ житіи2 вaшемъ возлюби1ли є3стE, мmрон0сицъ взeмши чи1нъ и3 є3го2, ћкw сн7а б9іz, безбоsзненнw и3сповёдали є3стE: сегw2 рaди нhнэ во њби1телэхъ nц7A нбcнагw со ѓгGлы и3 всёми с™hми слaвнw цrтвуете. Ўмоли1те, є3г0же возлюби1ли є3стE, и3 нaмъ грBшнымъ въ вёрэ и3 любви2 хrт0вой ўтверди1тисz и3 цrтвіz нбcнагw спод0битисz. Ґми1нь.

Мария Вифанская, сестра Лазаря Четверодневного

Жизнь и тру­ды апо­сто­лов – Свя­тые Ла­зарь чет­ве­ро­днев­ный и сест­ры его Мар­фа и Ма­рия

Пра­вед­ные сест­ры Мар­фа и Ма­рия, уве­ро­вав­шие во Хри­ста еще до вос­кре­ше­ния Им их бра­та Ла­за­ря, по уби­е­нии свя­то­го ар­хи­ди­а­ко­на Сте­фа­на, на­ступ­ле­нии го­не­ния на Цер­ковь Иеру­са­лим­скую и из­гна­нии пра­вед­но­го Ла­за­ря из Иеру­са­ли­ма по­мо­га­ли сво­е­му свя­то­му бра­ту в бла­го­вест­во­ва­нии Еван­ге­лия в раз­ных стра­нах. О вре­ме­ни и ме­сте их мир­ной кон­чи­ны све­де­ний не со­хра­ни­лось.

Марфа Вифанская, сестра Лазаря Четверодневного

Жизнь и тру­ды апо­сто­лов – Свя­тые Ла­зарь чет­ве­ро­днев­ный и сест­ры его Мар­фа и Ма­рия

Пра­вед­ные сест­ры Мар­фа и Ма­рия, уве­ро­вав­шие во Хри­ста еще до вос­кре­ше­ния Им их бра­та Ла­за­ря, по уби­е­нии свя­то­го ар­хи­ди­а­ко­на Сте­фа­на, на­ступ­ле­нии го­не­ния на Цер­ковь Иеру­са­лим­скую и из­гна­нии пра­вед­но­го Ла­за­ря из Иеру­са­ли­ма по­мо­га­ли сво­е­му свя­то­му бра­ту в бла­го­вест­во­ва­нии Еван­ге­лия в раз­ных стра­нах. О вре­ме­ни и ме­сте их мир­ной кон­чи­ны све­де­ний не со­хра­ни­лось.