Акафист трем святителям Василию Великому, Григорию Богослову и Иоанну Златоустому

Одобрен: 1910 год

 

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 12 февраля (30 января ст. ст.)

Утвержден для общецерковного использования.

Кондак 1

Избраннии светильницы Церкви Христовы, Василие, Григорие и Иоанне, ученьми вашими мир просветившии и вся шатания ересей и хульных смущения угасившии; яко ходатаи спасения нашего суще, молитвами вашими сохраните ны от всяких бед и вечных мук, да с радостию благодаряще вопием вам:

Радуйтеся, трие святителие, велицыи и вселенстии учителие.

Икос 1

Ангели земнии и человецы Небеснии, святителие Христовы и отцы треблаженнии, поборницы Живоначальныя Троицы, от Нея светом трисолнечным осияваемии и молящиися непрестанно у престола Триипостаснаго Божества о душах наших, услышите ны от сердца к вам взывающия:

Радуйтеся, имущии дерзновение вопити о нас ко Господу; радуйтеся, велицыи угодницы Святыя Троицы.

Радуйтеся, дарованьми единочестнии; радуйтеся, апостолом единонравнии.

Радуйтеся, яко вашими ученьми дивно просия благодать Христова; радуйтеся, разум свой в послушание веры пленившии.

Радуйтеся, блазии делателие винограда Христова; радуйтеся, от юности Богом благословеннии.

Радуйтеся, скорби жития сего добре претерпевшии и данный вам талант приумножившии; радуйтеся, волю Божию сильным мира сего со многим дерзновением благовестившии.

Радуйтеся, тьму нечестия отгнавшии; радуйтеся, всю подсолнечную зарями догматов просветившии.

Радуйтеся, трие святителие, велицыи и вселенстии учителие.

Кондак 2

Видя еретичествуюших лютая стремления, меч острейший противу сетей лжеучений и огнь, плевелы суемудрия поядаяй, святый Василии явися и, яко пастырь изряднейший, обличив лесть идольскую своим богодухновенным вещанием. Научи ны почитати Святую Троицу, разделену убо Ипостасьми, соединену же Существом, и вопити Ей: Аллилуиа.

Икос 2

Разум озарен благодатию Христовою имуще, яко апостолом единонравнии, православных догматов учения уяснисте и трие велицыи светильницы Триипостаснаго Божества явистеся; вашими бо вдохновенными писаньми озаряема, Церковь Христова светло красуется, и верная чада ея в меру возраста исполнения Христова восходят. Темже взирающе на богатство благодати Христовы, вам дарованныя, яко просветители наша восхваляем вы, вопиюще таковая:

Радуйтеся, богоноснии небеснии таинницы; радуйтеся, покаяния немолчнии проповедницы.

Радуйтеся, сосуди избраннии; радуйтеся, премудрии учителие вселенныя.

Радуйтеся, в Божественных учениих Христовых люди наставившии; радуйтеся, в повелениих Господних всегда усердно ходившии.

Радуйтеся, многоразличных добродетелей обряды в вашем житии явившии; радуйтеся, столпи непоколебимии, веру Христову Божественными догматы утвердившии.

Радуйтеся, словесное стадо Христово мудре упасшии; радуйтеся, православия изряднейшии богослови.

Радуйтеся, светила, вся концы земли просвещающая; радуйтеся, свирель и цевнице сладкозвучная.

Радуйтеся, трие святителие, велицыи и вселенстии учителие.

Кондак 3

Сила молений отчих понуди святаго Григория Понт оставити и в Назианз ко отцу своему, помощи ради ему, преселитися, идеже славу Божию ученьми и делы вещаше и ересь арианскую посрамляше. Темже и нас, великий святителю Григорие, Божественнаго рая нетленныя проходя пажити, поминай у престола Святыя Троицы, да со умилением взываем Ей: Аллилуиа.

Икос 3

Имуще в сердцах светоносную благодать Святыя, Единосущныя и Нераздельныя Троицы, трие богопроповедницы, разделеннии телесы и совокупленнии духом, благочестно яве проповедаша Троицу Едину непременную, Существо же и Божество, и сию проповедь страданьми запечатлеша. Темже и мы, подражающе вере их, вопием таковая:

Радуйтеся, сильнии и непреборимии Церкве Христовы споборницы; радуйтеся, истины Христовы усерднии ревнители.

Радуйтеся, ко Пресвятей Троице молитвенницы теплии; радуйтеся, Церкве Христовы пастырие добрии.

Радуйтеся, Ариа низложившии и православныя утвердившии; радуйтеся, Троицу Едину Непременную, Существо и Божество, деяньми и ученьми прославившии.

Радуйтеся, Отца, и Сына, и Святаго Духа, Троицы Ипостаси, дивно уяснившии; радуйтеся, Трисиятельнаго ради и Единаго Божества величайшия скорби и гонения претерпевшии.

Радуйтеся, тяготу дневную до скончания своего жития неослабно понесшии; радуйтеся, нощь мрачную злочестивых ересей лучами богомудрых догматов отгнавшии.

Радуйтеся, души верных благодатно напитавшии; радуйтеся, Царствия Вечнаго наследницы быти сподобившиися.

Радуйтеся, трие святителие, велицыи и вселенстии учителие.

Кондак 4

Бурю ярости и гнева воздвигоша, о Златоусте, безумнии людие, клевещуще на тя и изгнати от царствующего града повелевающе. Ты же, Златослове, на камени веры Христовы непоколебимо пребывая и благодатию Святаго Духа укрепляем, бурю гонений и мучений мужественно претерпел еси и страданьми венец нетленный на Небесех себе уготовал еси, научая всех в терпении нести Крест Христов и взывати Богу: Аллилуиа.

Икос 4

Слышаще богодухновенная словеса ваша, запечатленная многими подвиги и страданьми, жаждущии глаголов жизни вечныя издалеча к вам прихождаху, и нетленную пищу от вас приемше и Божественнаго пития почерпше, взываху вам сицевая:

Радуйтеся, глубины слова Божия добре испытавшии; радуйтеся, непрестанным рачением Бога взыскавшии.

Радуйтеся, алчущих правды питателие; радуйтеся, нищих духом утешителие.

Радуйтеся, облацы, источающии росу учений благочестивых и напаяющии вселенную; радуйтеся, приснотекущия реки духовныя, напаяющия верных чад Церкве Христовы.

Радуйтеся, Божественных Таин хранителие и словесные трубы Божия; радуйтеся, правыя веры и благочестия христианскаго насадителие.

Радуйтеся, чудесы многими верныя озаряющии; радуйтеся, реки врачеваний нам проливающии.

Радуйтеся, усердно притекающия к вам от искушений и напастей молитвами вашими охраняющии; радуйтеся, всего рода христианскаго похвало.

Радуйтеся, трие святителие, велицыи и вселенстии учителие.

Кондак 5

Боготечную звезду Христос миру показа тя, великий во иерарсех Василие; стяжав бо ведение Божественных Таин и озарение свыше от Престола благодати Божия, умы и сердца верных богодухновенными словесы дивно просветил еси, любовию же к Богу одушевляем, гонения и страдания за Христа добре претерпел еси и сего ради сподобился еси на Небесех молитвеннаго дерзновения у Престола Царя Славы, образ быв верным словом, житием, духом, любовию, верою и чистотою, да вси со умилением вопиют Пресвятей Троице: Аллилуиа.

Икос 5

Видяще вас, святителие Христовы, Небесным ликостоянием присно спребывающия и Престолу Божию всегда предстоящия, со умилением воспеваем возвеличившую вас Живоначальную Троицу, Юже словом и житием вашим прославили есте, вам же, молитвенником изряднейшим, от любве сердечныя вопием:

Радуйтеся, горним ликом совокуплении и святых ангел сожителие; радуйтеся, Престолу Царя славы предстоящии присно со всеми избранными.

Радуйтеся, славою небесною украшеннии; радуйтеся, плоть и мир возненавидевшии.

Радуйтеся, вся сокровища мира и житейския сласти Христа ради во уметы вменившии; радуйтеся, на светозарную добродетелей колесницу возшедшии и Небеснаго Царствия достигшии.

Радуйтеся, и нам, грешным, образ добродетелей словом и житием явившии; радуйтеся, многими скорбьми вшедшии в радость Господа своего.

Радуйтеся, теплии о нас пред Богом ходатаи; радуйтеся, православнаго богословия светила изряднейшая.

Радуйтеся, веры христианския похвало; радуйтеся, святителей славо и Церкве украшение.

Радуйтеся, трие святителие, велицыи и вселенстии учителие.

Кондак 6

Проповедуя истину боговещанными твоими глаголы, сокрушил еси, богослове Григорие, еллинская суемудрия и ересей соблазны, вселенней же всей немолчно проповедал еси в Троице славимаго Бога Единосущнаго, Отца и Сына и Духа Святаго, научая всех вопити Ему: Аллилуиа.

Икос 6

Возсиясте светом добродетельнаго жития и православныя веры исповеданием во всю вселенную и всем языком свет истиннаго богопознания уяснисте, якоже быти вам пастырем и учителем всея Церкве Христовы. Темже и по смерти не престаете призирати на ны, тепле вам молящияся и взывающия:

Радуйтеся, три светила великая, путеводящая нас ко спасению; радуйтеся, просветителие седящих во тьме неведения.

Радуйтеся, недомысленныя Тайны Триипостаснаго Божества нам уясняющии; радуйтеся, струями мудрых учений паству свою напаяющии.

Радуйтеся, пастырие изряднейшии, житие свое всякими добродетельми благоукрасившии; радуйтеся, стадо свое от волков хищных соблюдшии.

Радуйтеся, светильницы трисолнечнаго света, умы и сердца верных дивно озаряющии; радуйтеся, образы целомудрия, ревновати о стяжании сея добродетели нас научающии.

Радуйтеся, церковная кормила, путь православнаго боговедения ясно показующая; радуйтеся, дванадесяти апостолом единонравнии.

Радуйтеся, ангельских ликов сожителие; радуйтеся, купно со всеми святыми непрестанно молящиися о нас.

Радуйтеся, трие святителие, велицыи и вселенстии учителие.

Кондак 7

Хотя змий лукавый искусити тя, якоже Иова многострадальнаго, воздвиже бурю злобы нечестивых, изгнавших тя в заточение. Обаче благодатию Христовою укрепляем, всякая злострадания и болезни добре претерпел еси, отче Иоанне Златоусте, и блаженныя кончины сподобился еси. Ныне же пребывая в невечернем дни Царствия Христова, не престай молитися за ны у Престола Триипостаснаго Бога, да со умилением вопием: Аллилуиа.

Икос 7

Новии светильницы светозарнии и Церкве непоколебимии столпи явистеся, святителие велицыи: святостию бо жития вашего, еще во плоти суще на земли, бесте яко безплотни. Сего ради Церковь Христова, присно прославляющи вас, благодарственная пения восписует светодавцу Христу Богу, Егоже благодатию укрепляеми, велия болезни претерпесте и труды понесосте во благовестии Христове. Темже прославляюще Христа, непрестанно благодеющаго Церкви Своей Святей, восхваляем и вас, яко верных слуг Христовых и строителей Таин Божиих, вопиюще сицевая:

Радуйтеся, вернии Троицы поборницы; радуйтеся, Православия непобедимии исповедницы.

Радуйтеся, иерархов священноначальницы; радуйтеся, лучами богословия вашего ересей неистовство разрушившии.

Радуйтеся, пресветлии благочестия образи; радуйтеся, верныя в боговедении утвердившии.

Радуйтеся, слова Божия богодухновеннии изъяснителие; радуйтеся, Владыки Христа раби блазии и вернии.

Радуйтеся, кротость Моисееву и ревность Илиину в подвизех своих воплотившии; радуйтеся, терпением скорбей и гонений древнему Иову подражавшии.

Радуйтеся, Иосифа целомудрием и чистотою украшеннии; радуйтеся, Петрово исповедание и Иоанново богословие показавшии.

Радуйтеся, трие святителие, велицыи и вселенстии учителие.

Кондак 8

Странное чудо благодати дарованныя тебе, святителю Василие, уведе на себе Ефрем Сирианин, егда восхотевшу ему видети тя, отче, послал еси архидиакона своего привести его к тебе, и молитвою твоею Ефрем уразуме язык еллинский и, чудеси дивяся, прослави Бога, поя Ему: Аллилуиа.

Икос 8

Всю веру во Святую Троицу непорочну сохранисте и многи ко Христу приведосте, святителие Христовы, подвигом добрым подвизавшеся. Сего ради, взирающе на дивный подвиг ваш и на чистое житие ваше, со умилением вопием вам таковая:

Радуйтеся, Православия одеждою, свыше истканною, Церковь украсившии; радуйтеся, еретическая суесловия ясно обличившии.

Радуйтеся, писаньми и словесы вашими духовное сокровище Церкви Христове собравшии; радуйтеся, мудрость Божию и вся красная мира Христа ради отвергшии.

Радуйтеся, сокровищ Небесных паче всего взыскавшии; радуйтеся, Пастыреначальника Христа, яко служителие вернии, живоносным стопам последовавшии.

Радуйтеся, высокий образ добродетелей в житии вашем явившии; радуйтеся, душевныя страсти, вкупе же и телесныя, духовным мечем посекшии.

Радуйтеся, Живоначальней Троице в жертву живу, святу и благоугодну себе самих принесшии; радуйтеся, грешников предстателие.

Радуйтеся, нищих заступницы; радуйтеся, пастырей учителие и образы.

Радуйтеся, трие святителие, велицыи и вселенстии учителие.

Кондак 9

Всею душею твоею возлюбив Бога, отче Григорие, боговидную чистоту и целомудрие паче всех избрал еси и богослов великий и таинник явился еси. Ныне предстоя Престолу Святыя Троицы, испроси мирови мир, и спасение всем нам, восхваляющим тя и поющим Богу: Аллилуиа.

Икос 9

Витийством богодухновенным триех вселенских святителей еретичестии соблазны престаша, православная же вера паче и паче превозможе. Сего ради от усердия нашего со умилением и любовию взываем к ним таковая:

Радуйтеся, любовию Православия все житие ваше озарившии; радуйтеся, Единаго Бога в Триех Лицах чествовати научившии.

Радуйтеся, Ариево злочестие и хуления иных еретиков низложившии; радуйтеся, лжеучителей пребеззаконная уста светлостию словес ваших заградившии.

Радуйтеся, небесныя трубы, проповедавшия мирови Христово Евангелие; радуйтеся, во иерарсех светила три великая.

Радуйтеся, учителие кротости, воздержания, вкупе же и покаяния; радуйтеся, монашествующих добрии учителие и наставницы.

Радуйтеся, Церкве ограждение и Православия поборницы; радуйтеся, в труды Апостолов вшедшии и клас добраго исповедания пожавшии.

Радуйтеся, за веру и подвиги венцы нетленныя от Пастыреначальника Христа приемшии; радуйтеся, великия труды и подвиги во благоустроении Церкве Христовы подъемшии.

Радуйтеся, трие святителие, велицыи и вселенстии учителие.

Кондак 10

Спаса Христа умоляти не престай о чтущих память твою, всехвальне Иоанне Златоусте: тебе бо дадеся благодать молитися за ны. Темже и мы, яко ко благоуханнаго мира сосуду, точащему исцеления всем с верою притекающим, со умилением и любовию припадающе, вопием прославльшему тя Богу: Аллилуиа.

Икос 10

Стена есте необоримая празднующим святую память вашу и всем притекающим к молитвенному покрову вашему, непостыдная надежда и крепкое заступление. Темже и нам, святии трие святителие, со умилением припадающим к вам, испросите у Престола Святыя Троицы милость и благодать во благовременную помощь, да с радостию и благодарением взываем вам:

Радуйтеся, милость и утешение всем верным являющии; радуйтеся, кающияся грешники от сетей диавола избавляющии.

Радуйтеся, благодатных даров усерднии раздаятелие; радуйтеся, всех человек предстательство и покрове.

Радуйтеся, сирых отцы и вдов заступницы; радуйтеся, убогих богатство и болящих исцеление.

Радуйтеся, милосердия ко страждущим немолчнии проповедницы и юных наставницы; радуйтеся, старец питателие.

Радуйтеся, сущих в скорбех утешителие; радуйтеся, странных сопутницы.

Радуйтеся, изнемогающим поможение; радуйтеся, чтущим память вашу радость и спасение низпосылающии.

Радуйтеся, трие святителие, велицыи и вселенстии учителие.

Кондак 11

Пение Пресвятей Троице паче иных принесли есте, святителие Божии, умом, словом, делом и богословным витийством вашим сплетения риторская разрушили есте, наставляюще ны почитати Троицу во Единице и воспевати Ей: Аллилуиа.

Икос 11

Светозарную троицу святых иерархов, Василиа, царствия тезоименитаго, Григориа, Богослова наименованнаго, Иоанна, Златоустаго учителя вселенныя, глубины Божия испытавших, восхваляюще и светлую память их благоговейно торжествующе, похвальная пения приносим таковая:

Радуйтеся, благознаменитыя трубы Божественных глаголов; радуйтеся, цевницы богодухновенныя.

Радуйтеся, апостольских писаний богодухновеннии изъяснителие; радуйтеся, апостольских преданий ревнителие.

Радуйтеся, дивная величия Божия всем земнородным поведающии; радуйтеся, Славу Божию вашим житием и словом проповедавшии всей вселенней.

Радуйтеся, ко спасению добрии путеводителие и наставницы; радуйтеся, растленных обычаев искоренителие, благих же нравов насадителие.

Радуйтеся, отрицатися плотских похотей и страстей научающии; радуйтеся, врачеве премудрии недугов душевных и телесных.

Радуйтеся, церковная светила, от Трисолнечнаго Света возжженная; радуйтеся, цветы благовоннии райскаго прозябения.

Радуйтеся, трие святителие, велицыи и вселенстии учителие.

Кондак 12

Благодать Божия обильно излияся во устах ваших, треблаженнии: вера православная вами укрепися, и мгла еретических шатаний и лжеучений светом ваших богодухновенных писаний отгнася. Темже, святителие, молитеся ко Христу Богу, да дух ревности вашея о вере и благочестии почиет и на нас, да сподобимся купно с вами пети Святей Троице: Аллилуиа.

Икос 12

Поюще и светло празднующе священную память вашу, треблаженнии Василие Великий, Богослове Григорие и Златоустый Иоанне, смиренно молим вас, не престайте молитися Христу о всех, верою призывающих вас и с любовию вопиющих таковая:

Радуйтеся, православных догматов хранителие; радуйтеся, богословия живоноснии источницы.

Радуйтеся, верных сердца Божественне веселящии; радуйтеся, яко неослабными подвиги вашими Арий низложися.

Радуйтеся, яко огнем богодухновенных вещаний ваших Евномиева ересь попалися; радуйтеся, яко вашими богодухновенными глаголы Савеллиа ересь отгнася.

Радуйтеся, яко мудрование Нестора вами упразднися; радуйтеся, о мире молитвенницы изряднейшии.

Радуйтеся, к Царствию Небесному верныя возводящии; радуйтеся, Божии гласи, пречудно нам возгремевшии.

Радуйтеся, пастырей Церкве достоподражательнии образи; радуйтеся, по Апостолу всем вся бывшии.

Радуйтеся, трие святителие, велицыи и вселенстии учителие.

Кондак 13

О святителие Христовы и отцы треблаженнии, Василие Великий, церковное светило и столпе непоколебимый, Богослове Григорие, уме богопросвещенный, архиерею превеликий, вкупе же и Златоусте Иоанне, покаяния твердый проповедниче, небесным спребывающе ликом и ангельским совокупльшеся силам, нынешнее приемше малое моление наше, испросите нам у Всещедраго Бога вышняя мыслити и деяти, да вечныя муки избегше, небесную жизнь наследим с вами, вопиюще Богу: Аллилуиа.

Этот кондак читается трижды, затем 1-й икос «Ангели земнии...» и 1-й кондак «Избраннии светильницы...».

Молитва

О пресветлии светильницы Церкве Христовы, Василие, Григорие и Иоанне, светом православных догматов вся концы земли озарившии и мечем слова Божия хульных смущения и шатания ересей угасившии; припадающе к вашему милосердию, с верою и любовию из глубины души вопием: предстояще Престолу Пресвятыя, Единосущныя, Животворящия и Нераздельныя Троицы, за Нюже словом, писанием и житием добре подвизастеся и душы своя полагаете, всегда молитеся Ей, да укрепит и ны в Православии и единомыслии, и непоколебимем даже до смерти исповедании веры Христовы, и во вседушевнем послушании его Церкви Святей: да препояшет ны с высоты силою на вся невидимыя и видимыя враги наша: да соблюдет Церковь Свою незыблему от неверия, суеверия, ересей и раскола; да дарует архипастырем нашим здравие, долгоденствие и во всем благое поспешение; пастырем нашим да подаст духовное трезвение и ревность о спасении пасомых; правителем суд и правду, воином терпение, мужество и одоление на враги, сирым и вдовицам заступление, болящим исцеление, юным благое в вере возрастание, старцем утешение, обидимым заступление, и всем вся ко временней и вечней жизни потребная, яко да в мире и покаянии, желанием спасения горяще, Господеви работающе, добрым подвигом подвизающеся, течение наше скончаем и сподобимся в Небеснем Царствии купно с вами всегда пети и славити пресвятое и великолепое имя Отца, и Сына и Святаго Духа во веки веков. Аминь.

Тропарь, глас 4

Яко апостолов единонравнии и вселенныя учителие, Владыку всех молите мир вселенней даровати и душам нашим велию милость.

Кондак, глас 2

Священныя и Боговещанныя проповедники, верх учителей, Господи, приял еси в наслаждение благих Твоих и упокоение: труды бо онех и смерть приял еси паче всякаго всеплодия, Едине, прославляяй святыя Твоя.

Величание

Величаем вас, святителие Василие, Григорие и Иоанне, и чтим святую память вашу, вы бо молите за нас Христа Бога нашего.

Ґкafістъ трeмъ с™и1телємъ васjлію вели1кому, григ0рію бGосл0ву и3 їwaнну златоyсту

Кондaкъ №.

И#збрaнніи свэти6льницы цRкве хrт0вы, васjліе, григ0ріе и3 їwaнне, ўчeньми вaшими мjръ просвэти1вшіи и3 вс‰ шат†ніz є3ресeй и3 хyльныхъ смущє1ній ўгаси1вшіи: ћкw ходaтаи сп7сeніz нaшегw сyщэ, мlтвами вaшими сохрани1те ны2 t всsкихъ бёдъ и3 вёчныхъ мyкъ, да съ рaдостію бlгодарsще вопіeмъ вaмъ:

Рaдуйтесz, тріE с™и1теліе, вели1цыи и3 вселeнстіи ўчи1теліе.

Јкосъ №.

ҐгGли земнjи и3 человёцы нбcніи, с™и1теліе хrт0вы и3 nц7ы2 требlжeнніи, побHрницы живоначaльныz трbцы, t неS свётомъ трис0лнечнымъ њсіzвaеміи и3 молsщіисz непрестaннw ў пrт0ла тріmпостaснагw бжcтвA њ душaхъ нaшихъ, ўслhшите ны2 t сeрдца къ вaмъ взывaющыz:

Рaдуйтесz, и3мyщіи дерзновeніе вопи1ти њ нaсъ ко гDу: рaдуйтесz, вели1цыи ўг0дницы с™hz трbцы.

Рaдуйтесz, даровaньми є3диночeстніи: рaдуйтесz, ґпcлwмъ є3динонрaвніи.

Рaдуйтесz, ћкw вaшими ўчeньми ди1внw просіS блгdть хrт0ва: рaдуйтесz, рaзумъ св0й въ послушaніе вёры плэни1вшіи.

Рaдуйтесz, блазjи дёлателіе віногрaда хrт0ва: рaдуйтесz, t ю4ности бGомъ бlгословeнніи.

Рaдуйтесz, ск0рби житіS сегw2 д0брэ претерпёвшіи и3 дaнный вaмъ талaнтъ приумн0жившіи: рaдуйтесz, в0лю б9ію си1льнымъ мjра сегw2 со мн0гимъ дерзновeніемъ бlговэсти1вшіи.

Рaдуйтесz, тмY нечeстіz tгнaвшіи: рaдуйтесz, всю2 подс0лнечную зарsми догмaтwвъ просвэти1вшіи.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ в7.

Ви1дz є3ретjчествующихъ лю6таz стремлє1ніz, мeчь nстрёйшій проти1ву сэтeй лжеучeній и3 џгнь, плeвелы суемyдріz поzдaй, с™hй васjлій kви1сz и3, ћкw пaстырь и3зрsднэйшій, њбличи1въ лeсть јдwльскую свои1мъ бGодухновeннымъ вэщaніемъ, научи2 ны2 почитaти с™yю трbцу, раздэлeну ќбw v3постaсьми, соединeну же существ0мъ, и3 вопи1ти є4й: Ґллилyіа.

Јкосъ в7.

Рaзумъ њзарeнъ блгdтію хrт0вою и3мyще, ћкw ґпcлwмъ є3динонрaвніи, правослaвныхъ догмaтwвъ ўчє1ніz ўzсни1сте и3 тріE вели1цыи свэти1льницы тріmпостaснагw бжcтвA kви1стесz: вaшими бо вдохновeнными писaньми њзарsема, цRковь хrт0ва свётлw красyетсz, и3 вBрнаz ч†да є3S въ мёру в0зраста и3сполнeніz хrт0ва восх0дzтъ. тёмже взирaюще на богaтство блгdти хrт0вы, вaмъ даровaнныz, ћкw просвэти1тели нaшz восхвалsемъ вы2, вопію1ще такwвaz:

Рaдуйтесz, бGон0сніи нбcніи таи1нницы: рaдуйтесz, покаsніz нем0лчніи проповёдницы.

Рaдуйтесz, сосyди и3збрaнніи: рaдуйтесz, премyдріи ўчи1теліе вселeнныz.

Рaдуйтесz, въ бжcтвенныхъ ўчeніихъ хrт0вых лю1ди настaвившіи: рaдуйтесz, въ повелёніихъ гDнихъ всегдA ўсeрднw ходи1вшіи.

Рaдуйтесz, многоразли1чныхъ добродётелей nбрsды въ вaшемъ житіи2 kви1вшіи: рaдуйтесz, столпи2 непоколеби1міи, вёру хrт0ву бжcтвенными догмaты ўтверди1вшіи.

Рaдуйтесz, словeсное стaдо хrт0во мyдре ўпaсшіи: рaдуйтесz, правослaвіz и3зрsднэйшіи бGосл0ви.

Рaдуйтесz, свэти1ла, вс‰ концы2 земли2 просвэщ†ющаz: рaдуйтесz, свирёль и3 цэвни1це сладкозв{чнаz.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ G.

Си1ла молeній џтчихъ понyди с™aгw григ0ріz п0нтъ њстaвити и3 въ назіaнзъ ко nтцY своемY, п0мощи рaди є3мY, пресели1тисz, и3дёже слaву б9ію ўчeньми и3 дёлы вэщaше и3 є4ресь ґріaнскую посрамлsше. тёмже и3 нaсъ, вели1кій с™и1телю григ0ріе, бжcтвеннагw раS нетлённыz проходS п†жити, поминaй ў пrт0ла с™hz трbцы, да ўмилeніемъ взывaемъ є4й: Ґллилyіа.

Јкосъ G.

И#мyще въ сердцaхъ свэтон0сную блгdть с™hz, є3диносyщныz и3 нераздёльныz трbцы, тріE бGопроповёдницы, раздэлeнніи тэлесы2 и3 совокуплeнніи д¦омъ, бlгочeстнw ћвэ проповёдаша трbцу є3ди1ну непремённую, существо2 же и3 бжcтво, и3 сію2 пр0повэдь страдaньми запечатлёша. тёмже и3 мы2, подражaюще вёрэ и4хъ, вопіeмъ такwвaz:

Рaдуйтесz, си1льніи и3 непребори1міи цRкве хrт0вы спобHрницы: рaдуйтесz, и4стины хrт0вы ўсeрдніи ревни1тели.

Рaдуйтесz, ко прес™ёй трbцэ моли1твєнницы тeпліи: рaдуйтесz, цRкве хrт0вы пaстыріе д0бріи.

Рaдуйтесz, ѓріа низложи1вшіи и3 правосл†вныz ўтверди1вшіи: рaдуйтесz, трbцу є3ди1ну непремённую, существо2 и3 бжcтво, дэsньми ўчeньми прослaвившіи.

Рaдуйтесz, nц7A, и3 сн7а, и3 с™aгw д¦а, трbцы v3постaси, ди1внw ўzсни1вшіи: рaдуйтесz, трисіsтельнагw рaди и3 є3ди1нагw бжcтвA величaйшыz скHрби и3 гонє1ніz претерпёвшіи.

Рaдуйтесz, тzготY днэвнyю до скончaніz своегw2 житіS неoслaбнw понeсшіи: рaдуйтесz, н0щь мрaчную ѕлочести1выхъ є3ресeй лучaми бGомyдрыхъ догмaтwвъ tгнaвшіи.

Рaдуйтесz, дyшы вёрныхъ бlгодaтнw напитaвшіи: рaдуйтесz, цrтвіz вёчнагw наслBдницы бhти спод0бившіисz.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ д7.

Бyрю ћрwсти и3 гнёва воздвиг0ша, њ златоyсте, безyмніи лю1діе, клевeщуще на тS и3 и3згнaти t цaрствующагw грaда повелэвaюще. тh же, златосл0ве, на кaмени вёры хrт0вы непоколеби1мw пребывaz и3 блгdтію с™aгw д¦а ўкрэплsемь, бyрю гонeній и3 мучeній мyжественнw претерпёлъ є3си2 и3 страдaньми вэнeцъ нетлённый на нб7сёхъ себЁ ўгот0валъ є3си2, научaz всёхъ въ терпёніи нести2 кrтъ хrт0въ и3 взывaти бGу: Ґллилyіа.

Јкосъ д7.

Слhшаще бGодухновє1ннаz словесA в†ша, запечатлBннаz мн0гими п0двиги и3 страдaньми, жaждущіи глаг0лwвъ жи1зни вёчныz и3здалeча къ вaмъ прихождaху, и3 нетлeнную пи1щу t вaсъ пріeмше и3 бжcтвеннагw питіS почeрпше, взывaху вaмъ сицєвaz:

Рaдуйтесz, глубины2 сл0ва б9іz д0брэ и3спытaвшіи: рaдуйтесz, непрестaннымъ рачeніемъ бGа взыскaвшіи.

Рaдуйтесz, ѓлчущихъ прaвды питaтеліе: рaдуйтесz, ни1щихъ д¦омъ ўтёшителіе.

Рaдуйтесz, џблацы и3сточaющіи р0су ўчeній бlгочести1выхъ и3 напаsющіи вселeнную: рaдуйтесz, приснотекyщіz рёки духHвныz, напаsющыz вёрныхъ ч†дъ цRкве хrт0вы.

Рaдуйтесz, бжcтвенныхъ тaинъ храни1теліе и3 словє1сныz трyбы б9іz: рaдуйтесz, пр†выz вёры и3 бlгочeстіz хrтіaнскогw насади1теліе.

Рaдуйтесz, чудесы2 мн0гими вёрныz њзарsющіи: рaдуйтесz, рёки врачевaній нaмъ проливaющіи.

Рaдуйтесz, ўсeрднw притекaющыz къ вaмъ t и3скушeніи и3 напaстей мlтвами вaшими њхранsющіи: рaдуйтесz, всегw2 р0да хrтіaнскагw похвало2.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ є7.

БGотeчную ѕвэздY хrт0съ мjру показA тS, вели1кій во їерaрсэхъ васjліе: стzжaвъ бо вёдэніе бжcтвенныхъ тaинъ и3 њзарeніе свhше t пrт0ла блгdти б9іz, ўмы2 и3 сердцA вёрныхъ бGодухновeнными словесы2 ди1внw просвэти1лъ є3си2, люб0вію же къ бGу њдушевлsемь, гонє1ніz и3 страд†ніz за хrтA д0брэ претерпёлъ є3си2 и3 сегw2 рaди спод0билсz є3си2 на нб7сёхъ мlтвеннагw дерзновeніz ў пrт0ла цRS слaвы, џбразъ бhвъ вBрнымъ сл0вомъ, житіeмъ, дyхомъ, люб0вію, вёрою и3 чистот0ю, да вси2 со ўмилeніемъ вопію1тъ прес™ёй трbцэ: Ґллилyіа.

Јкосъ є7.

Ви1дzще вaсъ, с™и1теліе хrт0вы, нбcнымъ ликостоsніемъ при1снw спребывaющыz и3 пrт0лу б9ію всегдA предстоsщыz, со ўмилeніемъ воспэвaемъ возвели1чившую вaсъ живоначaльную трbцу, ю4же сл0вомъ и3 житіeмъ вaшымъ прослaвили є3стE, вaмъ же, мlтвенникwмъ и3зрsднэйшымъ, t любвE сердeчныz вопіeмъ:

Рaдуйтесz, г0рнимъ ли1кwмъ совокуплeнніи и3 с™hхъ ѓгGлъ сожи1теліе: рaдуйтесz, пrт0лу цRS слaвы предстоsщіи при1снw со всёми и3збрaнными.

Рaдуйтесz, слaвою нбcною ўкрашeнніи: рaдуйтесz, пл0ть и3 мjръ возненави1дэвшіи.

Рaдуйтесz, вс‰ сокрHвища мjра и3 житeйскіz сл†сти хrтA рaди во ўмє1ты вмэни1вшіи: рaдуйтесz, на свэтозaрную добродётелей колесни1цу возшeдшіи и3 нбcнагw цrтвіz дости1гшіи.

Рaдуйтесz, и3 нaмъ, грёшнымъ, џбразъ добродётелей сл0вомъ и3 житіeмъ kви1вшіи: рaдуйтесz, мн0гими скорбьми2 вшeдшіи въ рaдость гDа своегw2.

Рaдуйтесz, тeпліи њ нaсъ пред8 бGомъ ходaтаи: рaдуйтесz, правослaвнагw бGосл0віz свэти1ла и3зр‰днэйшаz.

Рaдуйтесz, вёры хrтіaнскіz похвало2: рaдуйтесz, с™и1телей слaво и3 цRкве ўкрашeніе.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ ѕ7.

Проповёдуz и4стину бGовэщaнными твои1ми глаг0лы, сокруши1лъ є3си2, бGосл0ве григ0ріе, є4ллинскаz суемyдріz и3 є3ресeй соблaзны, вселeннэй же всeй нем0лчнw проповёдалъ є3си2 въ трbцэ слaвимаго бGа є3диносyщнаго, nц7A и3 сн7а и3 д¦а с™aгw, научaz всёхъ вопи1ти є3мY: Ґллилyіа.

Јкосъ ѕ7.

Возсіsсте свётомъ добродётельнагw житіS и3 правослaвныz вёры и3сповёданіемъ во всю2 вселeнную и3 всBмъ kзhкwмъ свётъ и4стиннагw бGопознaніz ўzсни1сте, ћкwже бhти вaмъ пaстырємъ и3 ўчи1телємъ всёz цRкве хrт0вы. тёмже и3 по смeрти не престaйте призирaти на ны2, тeплэ вaмъ молsщыzсz и3 взывaющыz:

Рaдуйтесz, три2 свэти1ла вели6каz, путевод‰щаz нaсъ ко сп7сeнію: рaдуйтесz, просвэти1теліе сэдsщихъ во тмЁ невэдёніz.

Рaдуйтесz, недомhслєнныz т†йны тріmпостaснагw бжcтвA нaмъ ўzснsющіи: рaдуйтесz, струsми мyдрыхъ ўчeній пaству свою2 напаsющіи.

Рaдуйтесz, пaстыріе и3зрsднэйшіи, житіE своE всsкими добродётельми бlгоукрaсившіи: рaдуйтесz, стaдо своE t волкHвъ хи1щныхъ соблю1дшіи.

Рaдуйтесz, свэти6льницы трис0лнечнагw свёта, ўмы2 и3 сердцA вёрныхъ ди1внw њзарsющіи: рaдуйтесz, w4бразы цэломyдріz, ревновaти њ стzжaніи сеS добродётели нaсъ научaющіи.

Рaдуйтесz, цRкHвнаz корми6ла, пyть правослaвнагw бGовёдэніz ћснw показ{ющаz: рaдуйтесz, дванaдесzти ґпcлwмъ є3динонрaвніи.

Рaдуйтесz, ѓгGльскихъ ликHвъ сожи1теліе: рaдуйтесz, кyпнw со всёми с™hми непрестaннw молsщіисz њ нaсъ.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ з7.

ХотS ѕмjй лукaвый и3скуси1ти тS, ћкwже јwва многострадaльнагw, воздви1же бyрю ѕл0бы нечести1выхъ, и3згнaвшихъ тS въ заточeніе. nбaче блгdтію хrт0вою ўкрэплsемь, всsкаz ѕлострад†ніz и3 болBзни д0брэ претерпёлъ є3си2, џ§е їwaнне златоyсте, и3 бlжeнныz кончи1ны спод0билсz є3си2. нhнэ же пребывaz въ невечeрнэмъ дни2 цrтвіz хrт0ва, не престaй мlтисz за ны2 ў пrт0ла тріmпостaснагw бGа, да со ўмилeніемъ вопіeмъ: Ґллилyіа.

Јкосъ з7.

Н0віи свэти1льницы свэтозaрніи и3 цRкве непоколеби1міи столпы2 kви1стесz, с™и1теліе вели1цыи: с™остію бо житіS вaшегw, є3щE во пл0ти сyщэ на земли2, вёсте ћкw безпл0тни. сегw2 рaди цRковь хrт0ва, при1снw прославлsющи вaсъ, бlгодaрствєннаz пBніz восписyетъ свэтодaвцу хrтY бGу, є3г0же блгdтію ўкрэплsеми, вє1ліz болBзни претерпёсте и3 труды2 понес0сте во бlговёстіи хrт0вэ. тёмже прославлsюще хrтA, непрестaннw бlгодёющагw цRкви своeй с™ёй, восхвалsемъ и3 вaсъ, ћкw вёрныхъ слyгъ хrт0выхъ и3 строи1телей тaинъ б9іихъ, вопію1ще сицєвaz:

Рaдуйтесz, вёрніи трbцы побHрницы: рaдуйтесz, правослaвіz непобэди1міи и3сповBдницы.

Рaдуйтесz, їерaрхwвъ сщ7еннонач†льницы: рaдуйтесz, лучaми бGосл0віz вaшегw є3ресeй неи1стовство разруши1вшіи.

Рaдуйтесz, пресвётліи бlгочeстіz w4брази: рaдуйтесz, вёрныz въ бGовёденіи ўтверди1вшіи.

Рaдуйтесz, сл0ва б9іz бGодухновeнніи и3з8zсни1теліе: рaдуйтесz, владhки хrтA раби2 блазjи и3 вёрніи.

Рaдуйтесz, кр0тость мwmсeеву и3 рeвность и3ліинY въ п0двизэхъ свои1хъ воплоти1вшіи: рaдуйтесz, терпeніемъ скорбeй и3 гонeній дрeвнему јwву подражaвшіи.

Рaдуйтесz, їHсифа цэломyдріемъ и3 чистот0ю ўкрашeніи: рaдуйтесz, петр0во и3сповэдaніе и3 їwaнново бGосл0віе показaвшіи.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ }.

Станное чyдо бlгодaти даровaнныz тебЁ, с™и1телю васjліе, ўвёде на себЁ є3фрeмъ сmріани1нъ, є3гдA восхотёвшу є3мY ви1дэти тS, џ§е, послaлъ є3си2 ґрхідіaкона своегw2 привести2 є3гw2 къ тебЁ, и3 мlтвою твоeю є3фрeмъ ўразумЁ kзhкъ є4ллинскій и3 чудеси2 дивsсz, прослaви бGа, поS є3мY: Ґллилyіа.

Јкосъ }.

Всю2 вёру во с™ую трbцу непор0чну сохрани1сте и3 мнHги ко хrтY привед0сте, с™и1теліе хrт0вы, п0двигомъ д0брымъ подвизaвшесz. сегw2 рaди, взирaюще на ди1вный п0двигъ вaшъ и3 на чи1стое житіE вaше, со ўмилeніемъ вопіeмъ вaмъ такwвaz:

Рaдуйтесz, правослaвіz њдeждою свhше и3сткaнною цRковь ўкраси1вшіи: рaдуйтесz, є3ретjчєскаz суесл0віz ћснw њбличи1вшіи.

Рaдуйтесz, писaньми и3 словесы2 вaшими дух0вное сокр0вище цRкви хrт0вэ собрaвшіи: рaдуйтесz, мyдрость б9ію и3 вс‰ кр†снаz мjра хrтA рaди tвeргшіи.

Рaдуйтесz, сокр0вищъ нбcныхъ пaче всегw2 взыскaвшіи: рaдуйтесz, пастыреначaльника хrтA, ћкw служи1теліе вёрніи, живон0снымъ стопaмъ послёдовавшіи.

Рaдуйтесz, выс0кій w4бразъ добродётелей въ житіи2 вaшемъ kви1вшіи: рaдуйтесz, душє1вныz стр†сти, вкyпэ же и3 тэлє1сныz, дух0внымъ мечeмъ посёкшіи.

Рaдуйтесz, живоначaльнэй трbцэ въ жeртву живY, свsту и3 бlгоуг0дну себE сами1хъ принeсшіи: рaдуйтесz, грёшникwвъ предстaтеліе.

Рaдуйтесz, ни1щихъ застyпницы: рaдуйтесz, пaстырей ўчи1теліе и3 w4бразы.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ f7.

Всeю душeю твоeю возлюби1въ бGа, џ§е григ0ріе, бGовидную чистотY и3 цэломyдріе пaче всёхъ блaгъ и3збрaлъ є3си2 и3 бGосл0въ вели1кій и3 таи1нникъ kви1лсz є3си2. нhнэ предстоS пrт0лу с™hz трbцы, и3спроси2 мjрови ми1ръ, и3 сп7сeніе всBмъ нaмъ, восхвалsющымъ тS и3 пою1щымъ бGу: Ґллилyіа.

Јкосъ f7.

Витjйствомъ бGодухновeннымъ тріeхъ вселeнскихъ с™и1телей єретjчестіи соблaзны престaша, правослaвнаz же вёра пaче и3 пaче превозм0же. сегw2 рaди t ўсeрдіz нaшегw со ўмилeніемъ и3 люб0вію взывaемъ къ ни1мъ такwвaz:

Рaдуйтесz, люб0вію правослaвіz всE житіE вaше њзари1вшіи: рaдуйтесz, є3ди1наго бGа въ трeхъ ли1цахъ чeствовати научи1вшіи.

Рaдуйтесz, ѓріево ѕлочeстіе и3 хулeніz и4ныхъ є3ретікHвъ низложи1вшіи: рaдуйтесz, лжеучи1телей пребеззакHннаz ўстA свётлостію словeсъ вaшихъ загради1вшіи.

Рaдуйтесz, нбcныz трубы2, проповёдавшыz мjрови хrт0во є3vaнгеліе: рaдуйтесz, во їерaрсэхъ свэти1ла три2 вели6каz.

Рaдуйтесz, ўчи1теліе кр0тости, воздержaніz, вкyпэ же и3 покаsніz: рaдуйтесz, монaшествующихъ д0бріи ўчи1теліе и3 наст†вницы.

Рaдуйтесz, цRкве њграждeніе и3 правослaвіz побHрницы: рaдуйтесz, въ труды2 ґпcлwвъ вшeдшіи и3 клaсъ д0брагw и3сповёданіz пожaвшіи.

Рaдуйтесz, за вёру и3 п0двиги вэнцы2 нетлённымъ t пастыреначaльника хrтA пріeмшіи: рaдуйтесz, вели1кіz труды2 и3 п0двиги во бlгоустроeніи цRкве хrт0вы под8eмшіи.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ ‹.

Сп7са хrтA ўмолsти не престaй њ чтyщихъ пaмzть твою2, всехвaльне їwaнне златоyсте: тебЁ бо дадeсz бlгодaть моли1тисz за ны2. тёмже и3 мы2, ћкw ко бlгоухaннагw мЂра сосyду, точaщему и3сцэлє1ніz всBмъ съ вёрою притекающымъ, со ўмилeніемъ и3 люб0вію припaдающе, вопіeмъ прослaвльшему тS бGу: Ґллилyіа.

Јкосъ ‹.

СтэнA є3стE неwбори1маz прaзднующымъ с™yю пaмzть вaшу и3 всBмъ притекaющымъ къ мlтвенному покр0ву вaшему, непостhднаz надeжда и3 крёпкое заступлeніе. тёмже и3 нaмъ, с™jи тріE с™и1теліе, со ўмилeніемъ припaдающымъ къ вaмъ, и3спроси1те ў пrт0ла с™hz трbцы ми1лость и3 бlгодaть во бlговрeменную п0мощь, да съ рaдостію и3 бlгодарeніемъ взывaемъ вaмъ:

Рaдуйтесz, ми1лость и3 ўтэшeніе всBмъ вBрнымъ kвлsющіи: рaдуйтесz, кающыzсz грёшники t сэтeй діaвола и3збавлsющіи.

Рaдуйтесz, бlгодaтныхъ дарHвъ ўсeрдніи раздаsтеліе: рaдуйтесz, всёхъ человBкъ предстaтельство и3 покр0ве.

Рaдуйтесz, си1рыхъ nтцє1въ и3 вд0въ застyпницы: рaдуйтесz, ўб0гихъ богaтство и3 болsщихъ и3сцэлeніе.

Рaдуйтесz, милосeрдіz ко стрaждущымъ нем0лчніи проповBдницы и3 ю4ныхъ наст†вницы: рaдуйтесz, стaрєцъ питaтеліе.

Рaдуйтесz, сyщихъ въ ск0рбехъ ўтeшителіе: рaдуйтесz, стрaнныхъ сопyтницы.

Рaдуйтесz, и3знемогaющымъ поможeніе: рaдуйтесz, чтyщымъ пaмzть вaшу рaдость и3 сп7сeніе низпосылaющіи.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ №i.

Пёніе прес™ёй трbцэ пaче и4ныхъ принесли2 є3стE, с™и1теліе б9іи, ўм0мъ, сл0вомъ, дёломъ и3 бGосл0внымъ витjйствомъ вaшимъ сплетє1ніz ри1тwрскаz разрyшили є3стE, наставлsюще ны2 почитaти трbцу во є3ди1ницэ и3 воспэвaти є4й: Ґллилyіа.

Јкосъ №i.

Свэтозaрную трbцу с™hхъ їерaрхwвъ, васjліа цaрствіz тезоимени1тагw, григ0ріа бGосл0ва наимен0ваннагw, їwaнна златоyстагw ўчи1телz вселeнныz, глуби1ны б9іz и3спытaвшихъ, восхвалsюще и3 свётлую пaмzть и4хъ бlгоговёйнw торжествyюще, пwхвaльнаz пBніz прин0симъ такwвaz:

Рaдуйтесz, бlгознамени6тыz трубы2 бжcтвенныхъ глаг0лwвъ: рaдуйтесz, цэвни6цы бGодухновє1нныz.

Рaдуйтесz, ґпcльскихъ бGодухновeнній и3з8zсни1теліе: рaдуйтесz, ґпcльскихъ предaній ревни1теліе.

Рaдуйтесz, ди1внаz вели1чіz б9іz всBмъ земнорHднымъ повёдающіи: рaдуйтесz, слaву б9ію вaшимъ житіeмъ и3 сл0вомъ проповёдавшіи всeй вселeннэй.

Рaдуйтесz, ко сп7сeнію д0бріи путеводи1теліе и3 наст†вницы: рaдуйтесz, растлённыхъ nбhчаєвъ и3скорени1теліе, благи1хъ же нрaвwвъ насади1теліе.

Рaдуйтесz, tрицaтисz плотски1хъ похотeй и3 страстeй научaющіи: рaдуйтесz, врaчевє премyдріи недyгwвъ душeвныхъ и3 тэлeсныхъ.

Рaдуйтесz, цRкHвнаz свэти1ла, t трис0лнечнагw свёта возжжє1ннаz: рaдуйтесz, цвёты бlгов0нніи рaйскагw прозzбeніz.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ в7i.

Блгdть б9іz њби1льнw и3зліsсz во ўстAхъ вaшихъ, треблажeнніи: вёра правослaвнаz вaми ўкрэпи1сz, и3 мглA є3ретjческихъ шатaній и3 лжеучeній свётомъ бGодухновeнныхъ писaній tгнaсz. тёмже, с™и1теліе, м0литесz ко хrтY бGу, да дyхъ рeвности вaшеz њ вёрэ и3 бlгочeстіи почjетъ и3 на нaсъ, да спод0бимсz кyпнw съ вaми пёти с™ёй трbцэ: Ґллилyіа.

Јкосъ в7i.

Пою1ще и3 свётлw прaзднующе сщ7eнную вaшу, требlжeнніи васjліе, бGосл0ве григ0ріе и3 златоyстый їwaнне, смирeннw м0лимъ вaсъ, не престaйте моли1тисz хrтY њ всёхъ, вёрою призывaющихъ вaсъ и3 съ люб0вію вопію1щихъ такwвaz:

Рaдуйтесz, правослaвныхъ догмaтwвъ храни1теліе: рaдуйтесz, бGосл0віz живон0сніи и3ст0чницы.

Рaдуйтесz, вёрныхъ сердцA бжcтвеннэ веселsщіи: рaдуйтесz, ћкw неwслaбными п0двиги вaшими ѓрій низложи1сz.

Рaдуйтесz, ћкw nгнeмъ бGодухновeнныхъ вэщaній вaшихъ є3vн0мієва є4ресь попали1сz: рaдуйтесz, ћкw вaшими бGодуновeнными глагHлы савeлліа є4ресь tгнaсz.

Рaдуйтесz, ћкw мудровaніе нeстора вaми ўпраздни1сz: рaдуйтесz, њ мjрэ моли1твєнницы и3зрsднэйшіи.

Рaдуйтесz, къ цrтвію нбcному вBрныz возводsщіи: рaдуйтесz, б9іи глaси, пречyднw нaмъ возгремэвшіи.

Рaдуйтесz, пaстырей цRкве достоподражaтельніи џбрази: рaдуйтесz, по ґпcлу всBмъ вс‰ бhвшіи.

Рaдуйтесz, тріE с™и1теліе, вели1цыи и3 вселeнстіи ўчи1теліе.

Кондaкъ Gi.

Q с™и1теліе хrт0вы и3 nц7ы2 требlжeнніи, васjліе вели1кій, цRк0вное свэти1ло и3 ст0лпе непоколеби1мый, бGосл0ве григ0ріе, ќме бGопросвэщeнный, ґрхіерeю превели1кій, вкyпэ же и3 златоyсте їwaнне, покаsніz твeрдый проповёдниче, нбcнымъ спребывaюще ли1кwмъ и3 ѓгельскимъ совокyпльшесz си1ламъ, нhнэшнее пріeмше мaлое молeніе нaше, и3спроси1те нaмъ ў всещeдрагw бGа вhшнzz мhслити и3 дёzти, да вёчныz мyки и3збёгше, нбcную жи1знь наслёдимъ съ вaми, вопію1ще бGу: Ґллилyіа.

Конда1къ се1й глаго1лн G-жды, таже i4косъ №-й, и3 кондaкъ №-й.

Моли1тва.

Q пресвётліи свэти6льницы цRкве хrт0вы, васjліе, григ0ріе и3 їwaнне, свётомъ правослaвныхъ догмaтwвъ вс‰ концы2 земли2 њзари1вшіи и3 мечeмъ сл0ва б9іz хyльныхъ смущє1ніz и3 шат†ніz є3ресeй ўгаси1вшіи: припaдающе къ вaшему милосeрдію, съ вёрою и3 люб0вію и3з8 глубины2 души2 вопіeмъ: предстоsще пrт0лу прес™hz, є3диносyщныz, животворsщіz и3 нераздёльныz трbцы, за ню1же сл0вомъ, писaніемъ и3 житіeмъ д0брэ подвизaстесz и3 дyшы сво‰ полагaсте, всегдA м0литесz є4й, да ўкрэпи1тъ и3 ны2 въ правослaвіи и3 є3диномhсліи, и3 непоколеби1мэмъ дaже до смeрти и3сповёданіи вёры хrт0вы, и3 во вседушeвнэмъ послушaніи є3гw2 цRкви с™ёй: да препоsшетъ ны2 съ высоты2 си1лою на вс‰ неви6димыz и3 ви6димыz враги2 нaшz: да соблюдeтъ цRковь свою2 незhблему t невёріz, суевёріz, є3ресeй и3 раск0ла: да дaруетъ ґрхіпaстырємъ нaшымъ здрaвіе, долгодeнствіе и3 во всBмъ благ0е поспэшeніе: пaстырємъ нaшымъ да подaстъ дух0вное трезвёніе и3 рeвность њ сп7сeніи пас0мыхъ, прави1телємъ сyдъ и3 прaвду, в0инwмъ терпёніе, мyжество и3 њдолeніе на враги2, си1рымъ и3 вдови1цамъ заступлeніе, болsщымъ и3сцэлeніе, ю4нымъ благ0е въ вёрэ возрастaніе, стaрцамъ ўтэшeніе, њби1димымъ заступлeніе, и3 всBмъ вс‰ ко врeменнэй и3 вёчнэй жи1зни потрє1бнаz, ћкw да въ ми1рэ и3 покаsніи, желaніемъ сп7сeніz горsще, гDеви раб0тающе, д0брымъ п0двигомъ подвизaющесz, течeніе нaше скончaемъ и3 спод0бимсz въ нбcнэмъ цrтвіи кyпнw съ вaми всегдA пёти и3 слaвити прес™0е и3 великолёпое и4мz nц7A, и3 сн7а, и3 с™aгw д¦а во вёки вэкHвъ. Ґми1нь.

При им­пе­ра­то­ре Алек­сее Ком­нине, ко­то­рый пра­вил с 1081 по 1118 г., в Кон­стан­ти­но­по­ле раз­го­рел­ся спор, раз­де­лив­ший на три ла­ге­ря му­жей, про­све­щен­ных в во­про­сах ве­ры и усерд­ных в стя­жа­нии доб­ро­де­те­лей. Речь шла о трех свя­ти­те­лях и вы­да­ю­щих­ся от­цах Церк­ви: Ва­си­лии Ве­ли­ком, Гри­го­рии Бо­го­сло­ве и Иоанне Зла­то­усте. Од­ни вы­сту­па­ли за то, чтобы пред­по­честь св. Ва­си­лия двум дру­гим, по­сколь­ку он су­мел объ­яс­нить тай­ны при­ро­ды как ни­кто дру­гой и был воз­не­сен доб­ро­де­те­ля­ми на Ан­гель­скую вы­со­ту. В нем, го­во­ри­ли его сто­рон­ни­ки, не бы­ло ни­че­го низ­мен­но­го или зем­но­го, он был ор­га­ни­за­то­ром мо­на­ше­ства, гла­вой всей Церк­ви в борь­бе с ере­ся­ми, стро­гим и тре­бо­ва­тель­ным пас­ты­рем от­но­си­тель­но чи­сто­ты нра­вов. По­это­му, де­ла­ли вы­вод они, св. Ва­си­лий сто­ит вы­ше св. Иоан­на Зла­то­уста, ко­то­рый по ха­рак­те­ру был бо­лее скло­нен про­щать греш­ни­ков.

Дру­гая пар­тия, на­про­тив, за­щи­ща­ла Зла­то­уста, воз­ра­жая про­тив­ни­кам, что про­слав­лен­ный епи­скоп Кон­стан­ти­но­по­ля ни­чуть не в мень­шей сте­пе­ни, чем свт. Ва­си­лий, был устрем­лен бо­роть­ся с по­ро­ка­ми, при­зы­вать греш­ни­ков к по­ка­я­нию и по­буж­дать на­род к со­вер­шен­ство­ва­нию по еван­гель­ским за­по­ве­дям. Непре­взой­ден­ный в крас­но­ре­чии, зла­то­устый пас­тырь оро­сил Цер­ковь на­сто­я­щей пол­но­вод­ной ре­кой про­по­ве­дей. В них он тол­ко­вал Сло­во Бо­жие и по­ка­зы­вал, как его при­ме­нять в по­все­днев­ной жиз­ни, при­чем ему уда­лось это сде­лать луч­ше, чем двум дру­гим хри­сти­ан­ским учи­те­лям.

Тре­тья груп­па ра­то­ва­ла за то, чтобы при­знать глав­ным свт. Гри­го­рия Бо­го­сло­ва за ве­ли­чие, чи­сто­ту и глу­би­ну его язы­ка. Они го­во­ри­ли, что свт. Гри­го­рий, луч­ше всех осво­ив­ший муд­рость и крас­но­ре­чие гре­че­ско­го ми­ра, до­стиг вы­со­чай­шей сте­пе­ни в со­зер­ца­нии Бо­га, по­это­му ни­кто из лю­дей не смог столь ве­ли­ко­леп­но из­ло­жить уче­ние о Свя­той Тро­и­це.

Та­ким об­ра­зом, каж­дая пар­тия за­щи­ща­ла од­но­го от­ца пе­ред дву­мя дру­ги­ми, и это про­ти­во­сто­я­ние за­хва­ти­ло вско­ре всех жи­те­лей сто­ли­цы. Во­все уже не по­мыш­ляя о по­чти­тель­ном от­но­ше­нии к свя­ти­те­лям, лю­ди пус­ка­лись в бес­ко­неч­ные спо­ры и пе­ре­бран­ки. Раз­но­гла­си­ям меж­ду пар­ти­я­ми не бы­ло вид­но ни кон­ца ни края.

То­гда од­на­жды но­чью три свя­ти­те­ля яви­лись во сне св. Иоан­ну Мав­ро­по­ду, мит­ро­по­ли­ту Ев­ха­ит­ско­му (па­мять 5 ок­тяб­ря), сна­ча­ла по од­но­му, а за­тем втро­ем. В один го­лос они ему ска­за­ли: «Как ты ви­дишь, мы все вме­сте на­хо­дим­ся ря­дом с Бо­гом и ни­ка­кие раз­молв­ки или со­пер­ни­че­ство нас не раз­де­ля­ют. Каж­дый из нас в ту ме­ру об­сто­я­тельств и вдох­но­ве­ния, ка­кая бы­ла ему да­ро­ва­на Свя­тым Ду­хом, пи­сал и учил то­му, что необ­хо­ди­мо для спа­се­ния лю­дей. Сре­ди нас нет ни пер­во­го, ни вто­ро­го, ни тре­тье­го. Ес­ли ты при­зы­ва­ешь имя од­но­го из нас, двое дру­гих так­же при­сут­ству­ют ря­дом с ним. По­се­му по­ве­ли тем, кто ссо­рит­ся, не со­зда­вать из-за нас рас­ко­лов в Церк­ви, по­сколь­ку при жиз­ни все свои уси­лия мы по­свя­ща­ли уста­нов­ле­нию един­ства и со­гла­сия в ми­ре. За­тем объ­еди­ни на­ши па­мя­ти в один празд­ник и со­ставь для него служ­бу, вклю­чив ту­да пес­но­пе­ния, по­свя­щен­ные каж­до­му из нас, со­об­раз­но ис­кус­ству и на­у­ке, ко­то­рые Гос­подь те­бе дал. Пе­ре­дай эту служ­бу хри­сти­а­нам, чтобы они празд­но­ва­ли ее каж­дый год. Ес­ли они бу­дут по­чи­тать нас та­ким об­ра­зом – еди­ны­ми пе­ред Бо­гом и в Бо­ге, то мы обе­ща­ем, что бу­дем хо­да­тай­ство­вать в на­шей об­щей мо­лит­ве об их спа­се­нии». По­сле этих слов свя­ти­те­ли под­ня­лись на небо, объ­ятые неска­зан­ным све­том, об­ра­ща­ясь друг к дру­гу по име­ни.

То­гда свт. Иоанн Мав­ро­под со­брал без про­мед­ле­ния на­род и со­об­щил об от­кро­ве­нии. Так как все ува­жа­ли мит­ро­по­ли­та за доб­ро­де­тель и вос­хи­ща­лись си­лой его крас­но­ре­чия, спо­рив­шие пар­тии при­ми­ри­лись. Все ста­ли про­сить Иоан­на немед­лен­но при­нять­ся за со­став­ле­ние служ­бы об­ще­го празд­ни­ка трех свя­ти­те­лей. Тон­ко про­ду­мав во­прос, Иоанн ре­шил от­ве­сти это­му празд­но­ва­нию трид­ца­тый день ян­ва­ря, чтобы слов­но скре­пить пе­ча­тью этот ме­сяц, в те­че­ние ко­то­ро­го вспо­ми­на­ют­ся все три свя­ти­те­ля по от­дель­но­сти.

Как по­ет­ся в мно­го­чис­лен­ных тро­па­рях из этой ве­ли­ко­леп­ной служ­бы, три свя­ти­те­ля, «зем­ная тро­и­ца», раз­ные как лич­но­сти, но еди­ные по бла­го­да­ти Бо­жи­ей, за­по­ве­да­ли нам в сво­их пи­са­ни­ях и при­ме­ром сво­ей жиз­ни по­чи­тать и про­слав­лять Пре­свя­тую Тро­и­цу – Бо­га Еди­но­го в трех Ли­цах. Эти све­тиль­ни­ки Церк­ви рас­про­стра­ни­ли по всей зем­ле свет ис­тин­ной ве­ры во­пре­ки опас­но­стям и пре­сле­до­ва­ни­ям и оста­ви­ли нам, их по­том­кам, свя­тое на­сле­дие. Через их тво­ре­ния мы мо­жем так­же до­стичь выс­ше­го бла­жен­ства и веч­ной жиз­ни в при­сут­ствии Бо­га вме­сте со все­ми свя­ты­ми.

На про­тя­же­нии ян­ва­ря мы празд­ну­ем па­мять мно­гих слав­ных иерар­хов, ис­по­вед­ни­ков и по­движ­ни­ков и за­вер­ша­ем его со­бор­ным празд­ни­ком в честь трех ве­ли­ких свя­ти­те­лей. Та­ким об­ра­зом Цер­ковь вспо­ми­на­ет всех свя­тых, ко­то­рые про­по­ве­до­ва­ли пра­во­слав­ную ве­ру сво­ей жиз­нью или в сво­их со­чи­не­ни­ях. Этим празд­ни­ком мы от­да­ем дань по­чте­ния всей со­во­куп­но­сти зна­ний, про­све­щен­но­сти, ума и серд­ца ве­ру­ю­щих, ко­то­рые они по­лу­ча­ют через сло­во. В ито­ге празд­ник трех свя­ти­те­лей ока­зы­ва­ет­ся вос­по­ми­на­ни­ем всех от­цов Церк­ви и всех при­ме­ров еван­гель­ско­го со­вер­шен­ства, ко­то­рые Свя­той Дух по­рож­да­ет во все вре­ме­на и во всех ме­стах, чтобы по­яв­ля­лись но­вые про­ро­ки и но­вые апо­сто­лы, про­вод­ни­ки на­ших душ на Небе­са, уте­ши­те­ли на­ро­да и пла­мен­ные стол­пы мо­лит­вы, на ко­то­рых и по­ко­ит­ся Цер­ковь, укреп­ля­ясь в ис­тине.

Со­ста­ви­тель – иеро­мо­нах Ма­ка­рий (Си­мо­но­петр­ский),
адап­ти­ро­ван­ный рус­ский пе­ре­вод – из­д-во Сре­тен­ско­го мо­на­сты­ря

Ис­точ­ник: http://www.pravoslavie.ru

См. так­же: "Со­бор трех ве­ли­ких все­лен­ских учи­те­лей Ва­си­лия Ве­ли­ко­го, Гри­го­рия Бо­го­сло­ва и Иоан­на Зла­то­усто­го" в из­ло­же­нии свт. Ди­мит­рия Ро­стов­ско­го.