Акафист Воскресению Христову

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 16 апреля (03 апреля ст. ст.)

Кондак 1

Возбранный Воеводо, Господи Небесе и земли, победно благодарственное пение приносим Тебе, раби Твои, во ад ныне сшедшему и с Собою вся воскресившему, и наше избавление празднующе, светло вопием: Христос воскресе из мертвых, смертию смерть поправ и сущим во гробех живот даровав.

Икос 1

Ангел Господень, в вечер субботний в трусе велии сошед с Небесе, отвали камень от дверий гроба Иисусова и седяще на нем. От страха его сотрясошася стрегущии и быша яко мертви. Мы же Воскресшему Живому Богу с мироносицами покланяемся и Пасху тайную благовествуем, вопиюще: Христос воскресе, и князи адстии падоша. Христос воскресе, и устрашишася вратницы адовы. Христос воскресе, и сокрушишася врата медная. Христос воскресе, и твердыни адовы положишася в запустение. Христос воскресе, и смерть рыдает. Христос воскресе, и ад, стеня, вопиет: Христос воскресе из мертвых, смертию смерть поправ и сущим во гробех живот даровав.

Кондак 2

Видяще Мария Магдалина, и Мария Иаковля, и Саломия юношу во гробе Иисусове, одеяна во одежду белу и седяща в десных, ужасошася. Он же глагола к ним: «Иисуса Распятаго ищете? Несть зде, воста бо, якоже рече. Приидите, видите место, идеже лежа Господь, и скоро шедше рцыте учеником Его: Христос воскресе из мертвых, смертию смерть поправ и сущим во гробех живот даровав».

Икос 2

Разум неразумеваемый разумети ищуще, Петр и другий ученик течаста ко гробу и, вшедше в онь, видеша ризы едины лежаща и сударь, иже бе на главе Иисусове, не с ризами лежащъ, но особь свит на единем месте, веровавше же, возопиша с веселием: Христос воскресе, и вся тварь радуется. Христос воскресе, Небеса да веселятся. Христос воскресе, и сликовствуют нам Ангели. Христос воскресе, и просветишася преисподняя. Христос воскресе, воскликнем с веселием, от смерти спасеннии. Пойте же Господеви вся земля: Христос воскресе из мертвых, смертию смерть поправ и сущим во гробех живот даровав.

Кондак 3

Силою свыше облече Господь Своя ученики по Воскресении. Тии же идоша в Галилею, в гору, аможе повеле им Иисус, и пришедшим им глагола Иисус: «Дадеся Ми всяка власть на Небеси и на земли. Шедше убо, научите вся языки, крестяще их во имя Отца и Сына и Святаго Духа, учаще их блюсти вся, елика заповедах вам». Тии же поклонишася Ему, зовуще: Христос воскресе из мертвых, смертию смерть поправ и сущим во гробех живот даровав.

Икос 3

Имущи в сердце своем любовь к Учителю, Мария Магдалина стояще у гроба вне, плачущи, и Воставшаго из мертвых видящи, яко вертоградаря, вопрошаше: «Аще Ты еси взял Его, повеждь ми, где еси положил Его, и аз возьму Его». Обаче, паче чаяния, слышавши: «Марие, восхожду ко Отцу Моему и Отцу вашему и Богу Моему и Богу вашему», прииде ко учеником, глаголющи: Христос воскресе, и жало греховное притупися. Христос воскресе, и мир от потопа греховнаго спасеся. Христос воскресе, и мы от работы врагу свободихомся. Христос воскресе, и диаволе прельщение упразднися. Христос воскресе, и бывшее на нас рукописание загладися. Христос воскресе, и вся тварь обновися, зовущи: Христос воскресе из мертвых, смертию смерть поправ и сущим во гробех живот даровав.

Кондак 4

Бурю помышлении сумнительных внутрь имея, Фома учеником, глаголющим, яко видехом Господа, рече им: «Аще не увижу на руку Его язвы гвоздиныя и вложу перста моего в язвы гвоздиныя, и вложу руку в ребра Его, не иму веры», но, уверився, с веселием возопи: Христос воскресе из мертвых, смертию смерть поправ и сущим во гробех живот даровав.

Икос 4

Слышав Фома ученик, видевших Господа, и очима своима хотяй Того зрети, рече: «Не иму веры». По днех же осьмих прииде Иисус затворенным дверем, ста посреде ученик и глагола Фоме: «Принеси перст твой семо, и виждь руце Мои, и принеси руку твою, и вложи в ребра Моя: и не буди неверен, но верен». И отвеща Фома, и рече: Христос воскресе, Ты еси Господь мой. Христос воскресе, Ты еси Бог мой. Христос воскресе, и вси нетление и жизнь восприяхом. Христос воскресе, и мертвии восташа. Христос воскресе, и избавихомся осуждения и муки. Христос воскресе, и жизнь из гроба возсия мирови поющему: Христос воскресе из мертвых, смертию смерть поправ и сущим во гробех живот даровав.

Кондак 5

Божества огнем не опалися Фома, ребро Спасово дерзновенно осязав. Паче же просветися, Бога, на спасение наше воплотившася и паки с плотию воскресшаго, познав. Темже неверием своим блаженный близнец церковную веру утверждает, юже исповедующе согласно вопием: Христос воскресе из мертвых, смертию смерть поправ и сущим во гробех живот даровав.

Икос 5

Видевше Иисуса воскресша, ученицы убояхуся, мняще дух видети. Иисус же, хотя уверити их, показа им руце и нозе и ребра Своя, таже рыбы печены часть прием и от пчел сот пред ними яде. Тем уверившеся и страх свой и печаль свою отложивше, в радости пояху: Христос воскресе, хуждшая восприим, и подаде нам лучшая. Христос воскресе, и ад умертвися блистанием Божества Его. Христос воскресе, и тьма разрушися, и мрачнии демони отгнашася. Христос воскресе, и истлевшее страстьми человеческое естество обновися. Христос воскресе, и беззакония наша туне очистишася. Христос воскресе, и мы веи, в нетление облекшеся, песнь сию Ему приносим: Христос воскресе из мертвых, смертию смерть поправ и сущим во гробех живот даровав.

Кондак 6

Проповедники по Воскресении Твоем в мир посылая, богоносныя апостолы Твоя, Христе, рекл еси им, дунув: «Приимите Дух Свят. Имже отпустите грехи, отпустятся им; и имже держите, держатся». Темже даждь и до днесь во всем мире чада церковная, от грехов разрешаеми, славят непрестанно Твое милосердие и душами чистыми в радости поют: Христос воскресе из мертвых, смертию смерть поправ и сущим во гробех живот даровав.

Икос 6

Возсиял еси, Христе, и во мрачных удолиях ада свет Твоего Воскресения, прощение и ослабу, и избавление благовествуя, Много-милостиве, душам от века тамо содержимым. Темже от змия, человекоубийцы, исхищаеми, играюще, к свету Твоему устремишася, поюще: Христос воскресе, и узы наша разтерзашася. Христос воскресе, и сень смертная в вечную жизнь преложися. Христос воскресе, и держава смерти уже не возможет держати человека. Христос воскресе, и мучителева дерзость низложися. Христос воскресе, и рай вместо ада жити нам даровася. Христос воскресе, и мир воспевает присно: Христос воскресе из мертвых, смертию смерть поправ и сущим во гробех живот даровав.

Кондак 7

Хотяй падшему Адаму послужити, Спасе наш, на земли явился еси, и на земли того не обрет, даже до ада низшел еси ища, да, сретив Тя долу, в преисподних земли, со всеми спасемыми поет: Христос воскресе из мертвых, смертию смерть поправ и сущим во гробех живот даровав.

Икос 7

Новыя жизни начало положил еси мирови, Господи, Твоим славным Воскресением. Ветхая бо вся мимоидоша: и ад, и смерть, и власти-тельство диавола. Свободна убо вся тварь познавается, и прежде омраченнии, ныне яко сынове Божии, ликуют, поюще: Христос воскресе, бездну милости и щедрот излияв на род наш. Христос воскресе, в ров низпадших нас воздвигнувый с Собою. Христос воскресе, и мы от сетей демонских избавихомся. Христос воскресе, и горесть греха в сладость райския жизни преложися. Христос воскресе, и древом умерщвленнии ожихом. Христос воскресе, и нас возведе в прежнее достояние, да зовем: Христос воскресе из мертвых, смертию смерть поправ и сущим во гробех живот даровав.

Кондак 8

Странствуя с Клеопою и Лукою в весь, отстоящую стадий шесть-десят от Иерусалима, и не познан быв има, поносил еси, Спасе, неверствию их и жестосердию, глаголя: «Не сия ли подобаше пострадати Христу и внити в славу Свою?» И, начен от Моисея и от всех пророк, научил еси их пети: Христос воскресе из мертвых, смертию смерть поправ и сущим во гробех живот даровав.

Икос 8

Всего Себе, Бога суща и человека совершенна, преподал еси, Спасе, двема ученикома Твоима во Еммаусе, егда приимь хлеб, благословил еси и, преломив, дал еси има. Онема и отверзостеся очи, и познаста Тебе, Ты же невидимь бысть има, и рекоста к себе: Христос воскресе, и жизнь воцарися. Христос воскресе, и диаволя лесть обличися. Христос воскресе, и преста жертва идольская. Христос воскресе, и вся земля приносит Ему жертву хваления. Христос воскресе, и мы, вкусивше древле преслушаннаго брашна, ныне вкушаем пищи вечныя. Христос воскресе, и мы радости присносущныя причастницы бываем, поющии: Христос воскресе из мертвых, смертию смерть поправ и сущим во гробех живот даровав.

Кондак 9

Вси Ангели, Христе Спасе, твое Воскресение поют на небеси. Сподоби и нас на земли чистым сердцем в веселии воспевати: Христос воскресе из мертвых, смертию смерть поправ и сущим во гробех живот даровав.

Икос 9

Ветия всемирный и учитель языков Павел богоглаголивый, яко труба, вопиет: «Христос воскресе от мертвых, Начаток востания умерших бысть. Якоже во Адаме вси умирают, такожде и о Христе вси оживут». Темже Воскресение Христово видевше, в радости вопием: Христос воскресе, и князь мира низложися. Христос воскресе, и трепещет преисподняя. Христос воскресе, и смерть пожерта бысть победою. Христос воскресе, и ад пленен бысть Того державою. Христос воскресе, и свободихомся от адовых нерушимых уз. Христос воскресе, и мы, из нетления избавльшеся, сыны воскресения явихомся, и поем: Христос воскресе из мертвых, смертию смерть поправ и сущим во гробех живот даровав.

Кондак 10

Спасти хотя род человеческий от работы вражия, распятие и смерть претерпел еси, Господи, погребен же быв, в третий день от мертвых востал еси. Тем же Ангел, блистаяйся во гробе, благовествует женам, глаголя: Христос воскресе из мертвых, смертию смерть поправ и сущим во гробех живот даровав.

Икос 10

Третие по Воскресении явися Иисус на мори Тивериадстем рыбу ловящим Симону Петру, и Фоме, и Нафанаилу, и сыном Зеведеевым со инема от ученик Его двема и, яко Владыка всех, повелевает мрежу одесную страну корабля воврещи, и бысть слово дело вскоре, и многое рыб множество, и вечеря странна готова на земли. Ея же ныне мысленно насладитися и нас сподоби, Господи, поющих: Христос воскресе, и дадеся Ему власть на небеси и на земли. Христос воскресе, и Царство Божие наста. Христос воскресе, и Тело Его, яко Хлеб Жизни, вси приемлем. Христос воскресе, и Крови Его, яко Источника Безсмертнаго, вкушаем. Христос воскресе, и Адам, свобожден, с нами ликует. Христос воскресе, и Ева, от уз избавляема, радуется, зовущи: Христос воскресе из мертвых, смертию смерть поправ и сущим во гробех живот даровав.

Кондак 11

Пение всеумиленное приношаше Воскресшему Тебе, Петр, трищи бо отвержеся Тебе, трищи же и исповедуя: «Господи, Ты вся веси, Ты веси, яко люблю Тя». Трищи и слышит от Тебе сладчайшее на паству паки призвание: «Паси агнцы Моя, паси овцы Моя». Темже и зовет: Христос воскресе из мертвых, смертию смерть поправ и сущим во гробех живот даровав.

Икос 11

Света Подателю, якоже солнце, возсиял еси тридневно от гроба и вся просветил еси светом истиннаго богопознания. Темже седящии во тьме неверия и сомнения уверихомся со апостолы, яко Господь еси, и не истязуем уже: «Ты кто еси?» Но Воскресшаго Тя славяще; во умилении зовем: Христос воскресе, и всяческая просвети Воскресением Своим. Христос воскресе, и свет вечный возсия во тьме и сени смертней седящим. Христос воскресе, и верным подаде тайно осеняющее свыше Духа сияние. Христос воскресе, и духовная очеса прежде слепых отверзошася. Христос воскресе, и мы Отца светов познахом. Христос воскресе, да посрамятся вси отвергшиися Господа славы и с нами да воспоют: Христос воскресе из мертвых, смертию смерть поправ и сущим во гробех живот даровав.

Кондак 12

Благодатию Твоею всякому человеку удобнейший путь спасения указуя, Христе, глаголал еси Симону Петру: «Егда состареешися, воздежеши руце твои, и ин тя пояшет и ведет, аможе не хощеши», назнаменуя, коею смертию прославит Бога. Возлюбленному же ученику повелел еси пребывати, дондеже приидеши. Темже, аще и разлучившеся апостоли, обаче союзом любве связуеми, согласно воспеваху: Христос воскресе из мертвых, смертию смерть поправ и сущим во гробех живот даровав.

Икос 12

Поюще Твое тридневное Воскресение, Христе, радуемся Твоему непреложному обещанию. С нами бо до скончания века быти обещался еси, от всякаго зла нас избавляя и к жизни вечней руководствуя. Сего ради, славяще Тя, вопием: Христос воскресе, и мы вреда всякаго избавляемся ныне. Христос воскресе, и нас одесную Отца с Собою посадил есть. Христос воскресе, и нас причастники вечныя славы Своея содела. Христос воскресе, и древле сокрушивый праотца сильный враг сокрушися. Христос воскресе, и со Ангелы мы, прежде отриновеннии, водворяемся. Христос воскресе, и с Собою вся воскресит, зовущия: Христос воскресе из мертвых, смертию смерть поправ и сущим во гробех живот даровав.

Кондак 13

О Пасха велия и священнейшая, Христе Иисусе, Спасителю наш, благодарно исповедуем спасительную великую милость Твою, яко и паки сподобил еси нас, недостойных, ныне вкусити радости Светлаго Воскресения Твоего. Подавай нам в невечернем дни Царствия Твоего истее и совершеннее Тебе, Сладчайшаго, причащатися, да со Ангелы и всеми святыми во веки веков поем вси радостно: Христос воскресе из мертвых, смертию смерть поправ и сущим во гробех живот даровав.

(Этот кондак читается трижды, затем икос 1 и кондак 1)

Ґкafістъ воскrнію христ0ву

Кондaкъ №

Возбрaнный воев0до, гDи нб7сE и3 земли2, побёднw бlгодaрственное пёніе прин0симъ тебЁ, раби2 твои2, во ѓдъ нhнэ сшeдшему и3 съ соб0ю вс‰ воскреси1вшему, и3 нaше и3збавлeніе прaзднующе, свётлw вопіeмъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ №

ЃгGлъ гDень въ вeчеръ суббHтный въ трyсэ вeліи сшeдъ съ нб7сE, tвали2 кaмень t двeрій гр0ба ї}сова и3 сэдsше на нeмъ. T стрaха же є3гw2 сотрzс0шасz стрегyщіи и3 бhша ћкw мeртви. Мh же воскрeсшему жив0му бGу съ мmрон0сицами покланsемсz и3 пaсху тaйную бlговэствyемъ, вопію1ще:

Хrт0съ воскрeсе, и3 кнsзи ѓдстіи пад0ша. Хrт0съ воскрeсе, и3 ўстраши1шасz врaтницы ѓдовы. Хrт0съ воскрeсе, и3 сокруши1шасz вратA мBднаz. Хrт0съ воскрeсе, и3 твердhни ѓдовы положи1шасz въ запустeніе. Хrт0съ воскрeсе, и3 смeрть рыдaетъ. Хrт0съ воскрeсе, и3 ѓдъ стенS вопіeтъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ в7

Ви1дэша марjа магдали1на и3 марjа їaкwвлz, и3 салwмjа ю4ношу во гр0бэ ї}совэ, њдёzна во nдёжду бэлY и3 сэдsща въ деснhхъ, ўжас0шасz. Џнъ же глаг0ла и5мъ: ї}са распsтаго и4щете; нёсть здЁ, востa бо, ћкоже речE. Пріиди1те, ви1дите мёсто, и3дёже лежA гDь, и3 ск0ро шeдше, рцhте ў§никHмъ є3гw2:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ в7

Рaзумъ недоразумэвaемый разумёти и4щущи, пeтръ и3 другjй ў§ни1къ течaста ко гр0бу и3, вшeдше въ џнь, ви1дэ ри6зы є3ди6ны лежaща и3 судaрь, и4же бЁ на главЁ ї}сове, не съ ри1зами лежaщь, но nс0бь сви1тъ на є3ди1номъ мёстэ, вёровавше же, возопи1ша съ весeліемъ:

Хrт0съ воскрeсе, и3 всS твaрь рaдуетсz. Хrт0съ воскрeсе, нб7сA да веселsтсz. Хrт0съ воскрeсе, и3 сликовствyютъ нaмъ ѓгGли. Хrт0съ воскрeсе, и3 просвэти1шасz преисп0днzz. Хrт0съ воскрeсе, восп0йте првdныхъ дyши, и3з8 ѓда своб0ждшесz. Хrт0съ воскрeсе, воскли1кнемъ съ весeліемъ, t смeрти сп7сeнніи. П0йте же гDеви всS зeмлz:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ G

Си1лою свhше њблечE гDь сво‰ ў§ники2 по воскrніи. Тjи же и3д0ша въ галілeю, въ г0ру, ѓможе повелЁ и5мъ ї}съ, и3 пришeдшымъ и5мъ гlг0ла ї}съ: дадeсz ми2 всsка влaсть на нб7си2 и3 на земли2. Шeдше ќбw, научи1те вс‰ kзhки, кrтsще и5хъ во и4мz nц7A и3 сн7а и3 с™aгw д¦а, ўчaще и5хъ блюсти2 вс‰, є3ли1ка заповёдахъ вaмъ. Тjи же поклони1шасz є3мY, зовyще:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ G

И#мyщи въ сeрдцэ своeмъ люб0вь къ ў§телю, марjа магдали1на стоsше ў гр0ба внЁ, плaчущи, и3 востaвшаго и3з8 мeртвыхъ ви1дzщи, ћкw вертогрaдарz, вопрошaше: ѓще ты2 є3си2 взsлъ є3го2, повёждь ми2, гдЁ є3си2 положи1лъ є3го2, и3 ѓзъ возмY є3го2. Nбaче пaче чazніz, слhшавши: марjе, восхождY ко nц7Y моемY и3 nц7Y вaшему, и3 бGу моемY и3 бGу вaшему. Пріи1де ко ў§никHмъ, глаг0лющи:

Хrт0съ воскрeсе, и3 жaло грэх0вное притупи1сz. Хrт0съ воскрeсе, и3 мjръ t пот0па грэх0внагw сп7сeсz. Хrт0съ воскрeсе, и3 мы2 t раб0ты врагY свободи1хомсz. Хrт0съ воскрeсе, и3 діaволе прельщeніе ўпраздни1сz. Хrт0съ воскрeсе, и3 бhвшее на нaсъ рукописaніе заглaдисz. Хrт0съ воскрeсе, и3 всS твaрь њбнови1сz, зовyщи:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ д7

Бyрю помышлeній сумни1тельныхъ внyтрь и3мёz, fwмA, ў§никHмъ глаг0лющимъ, ћкw ви1дэхомъ гDа, речe и5мъ: ѓще не ви1жу на рукY є3гw2 ћзвы гвозди6ныz, и3 вложY пeрста моегw2 въ ћзвы гвозди6ныz, и3 вложY рyку мою2 въ рє1бра є3гw2, не и3мY вёры. Но, ўвёривсz, съ весeліемъ возопи2:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ д7

Слhшавъ fwмA ў§ни1къ ви1дэвшихъ гDа, и3 nчи1ма свои1ма хотsй тогw2 зрёти, речE: не и3мY вёры. По днeхъ же nсми1хъ пріи1де ї}съ затворє1ннымъ двeремъ, стA посредЁ ў§ни6къ и3 гlг0ла fwмЁ: принеси2 пeрстъ тв0й сёмw, и3 ви1ждь рyцэ мои2: и3 принеси2 рyку твою2, и3 вложи2 въ рє1бра мо‰: и3 не бyди невёренъ, но вёренъ. И# tвэщA fwмA, и3 речE:

Хrт0съ воскрeсе, ты2 є3си2 гDь м0й. Хrт0съ воскрeсе, ты2 є3си2 бGъ м0й. Хrт0съ воскрeсе, и3 вси2 нетлёніе и3 жи1знь воспріsхомъ. Хrт0съ воскрeсе, и3 мeртвіи востaша. Хrт0съ воскрeсе, и3 и3збaвихомсz њсуждeніz и3 мyки. Хrт0съ воскрeсе, и3 жи1знь и3з8 гр0ба возсіS мjрови пою1щему:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ є7

Б9ествA nгнeмъ не њпали1сz fwмA, ребро2 сп7сово дерзновeннw њсzзaвъ. Пaче же просвэти1сz, бGа, на сп7сeніе нaше воплоти1вшасz и3 пaки съ пл0тію воскрeсшагw, познaвъ. Тёмже невёріемъ свои1мъ бlжeнный близнeцъ цRк0вную вёру ўтверждaетъ, ю4же и3сповёдующе соглaснw вопіемъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ є7

Ви1девше ї}са воскрeсша, ў§ницы2 ўбоsхусz, мнsще дyхъ ви1дэти. Ї}съ же, хотS ўвёрити и5хъ, показA и5мъ рyцэ и3 н0зэ и3 рє1бра сво‰, тaже рhбы печены2 чaсть пріeмъ, и3 t пчeлъ с0тъ пред8 ни1ми kдE. Тёмъ ўвёрившесz и3 стрaхъ св0й и3 печaль свою2 tложи1вше, въ рaдости поsху:

Хrт0съ воскрeсе, х{ждшаz воспріи1мъ, и3 подaде нaмъ л{чшаz. Хrт0съ воскрeсе, и3 ѓдъ ўмертви1сz блистaніемъ б9ествA є3гw2. Хrт0съ воскрeсе, и3 тьмA разруши1сz, и3 мрaчніи дeмони tгнaшасz. Хrт0съ воскрeсе, и3 и3стлёвшее страстьми2 чlвёческое є3стество2 њбнови1сz. Хrт0съ воскрeсе, и3 беззакHніz н†ша тyнэ њчи1стишасz. Хrт0съ воскрeсе, и3 мы2 вси2, въ нетлёніе њблёкшесz, пёснь сію2 є3мY прин0симъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ ѕ7

Проповёдники по воскrніи твоeмъ въ мjръ посылaz, бGонHсныz ґпcлы тво‰, хrтE, рeклъ є3си2 и5мъ, дyнувъ: пріими1те д¦ъ с™ъ, и4мже tпуститE грэхи2, tпyстzтсz и5мъ, и3 и4мже держитE, держaтсz. Тёмже дaже и3 до днeсь во всeмъ мjрэ ч†да цRкHвнаz, t грэхHвъ разрэшaеми, слaвzтъ непрестaннw твоE млcрдіе и3 душaми чcтыми въ рaдости пою1тъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ ѕ7

Возсіsлъ є3си2, хrтE, и3 во мрaчныхъ ўд0ліzхъ ѓда свётъ твоегw2 воскrніz, прощeніе и3 њслaбу, и3 и3збавлeніе бlговэствyz, многомлcтиве, душaмъ t вёка тaмw содержи1мымъ. Тёмже t ѕмjz чlвэкоубjйцы и3схищaеми, и3грaюще, къ свёту твоемY ўстреми1шасz, пою1ще:

Хrт0съ воскрeсе, и3 ќзы нaшz растерзaшасz. Хrт0съ воскрeсе, и3 сёнь смeртнаz въ вёчную жи1знь преложи1сz. Хrт0съ воскрeсе, и3 держaва смeрти ўжE не возм0жетъ держaти чlвёка. Хrт0съ воскрeсе, и3 мучи1телева дeрзость низложи1сz. Хrт0съ воскрeсе, и3 рaй вмёстw ѓда жи1ти нaмъ даровaсz. Хrт0съ воскрeсе, и3 мjръ воспэвaетъ при1снw:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ з7

Хотsй пaдшему ґдaму послужи1ти, сп7се нaшъ, на земли2 kви1лсz є3си2, и3 на земли2 тогw2 не њбрётъ, дaже до ѓда низшeлъ є3си2 и3щA, да срётивъ тS д0лу, въ преисп0днихъ земли2, со всёми спасaемыми поeтъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ з7

Н0выz жи1зни начaло положи1лъ є3си2 мjрови гDи, твои1мъ слaвнымъ воскrніемъ. ВBтхаz бо вс‰ мимоид0ша: и3 ѓдъ, и3 смeрть, и3 власти1тельство діaвола. Своб0дна ќбw всS твaрь познавaетсz, и3 прeжде њмрачeнніи, нhнэ ћкw сhнове б9іи, ликyютъ, пою1ще:

Хrт0съ воскрeсе, бeздну млcти и3 щедр0тъ и3зліsвъ на р0дъ нaшъ. Хrт0съ воскрeсе, въ р0въ низпaдшихъ нaсъ воздви1гнувый съ соб0ю. Хrт0съ воскрeсе, и3 мы2 t сётей дeмонскихъ и3збaвихомсz. Хrт0съ воскрeсе, и3 г0ресть грэхA въ слaдость рaйскіz жи1зни преложи1сz. Хrт0съ воскрeсе, и3 дрeвомъ ўмерщвлeнніи њжи1хомъ. Хrт0съ воскрeсе, и3 нaсъ возведE въ прeжнее достоsніе, да зовeмъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ }

Стрaнствуz съ кле0пою и3 лук0ю въ вeсь, tстоsщу стaдій шестьдесsтъ t їеrли1ма, и3 не познaнъ бhвъ и4ма, поноси1лъ є3си2 сп7се невёрствію и4хъ и3 жестосeрдію, глаг0лz: не сі‰ ли подобaше пострадaти хrту и3 вни1ти въ слaву свою2; и3 начeнъ t мwmсeа и3 t всёхъ прbрHкъ, научи1лъ є3си2 и5хъ пёти:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ }

Всего2 себE, бGа сyща и3 чlвёка совершeнна, преп0далъ є3си2 сп7се, двэмA ў§ник0ма твои1ма во є3ммаyсэ, є3гдA пріи1мъ хлёбъ, бlгослови1лъ є3си2 и4, преломи1въ, дaлъ є3си2 и4ма. Џнэма же tверз0стесz џчи, и3 познaста тебE, тh же неви1димь бhсть и4ма, и3 рек0ста къ себЁ:

Хrт0съ воскрeсе, и3 жи1знь воцари1сz. Хrт0съ воскрeсе, и3 діaволz лeсть њбличи1сz. Хrт0съ воскрeсе, и3 престA жeртва јдwльскаz. Хrт0съ воскрeсе, и3 всS землS прин0ситъ є3мY жeртву хвалeніz. Хrт0съ воскрeсе, и3 мы2, вкуси1вше дрeвле преслушaннаго брaшна, нhнэ вкушaемъ пи1щи вёчныz. Хrт0съ воскрeсе, и3 мы2 рaдости присносyщныz причaстницы бывaемъ пою1щіи:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ f7

Вси2 ѓгGли, хrтE сп7се, твоE воскrніе пою1тъ на нб7си2. Спод0би и3 нaсъ на земли2 чcтымъ сeрдцемъ въ весeліи воспэвaти:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ f7

Вэтjz всемjрный и3 ў§тель kзhкwвъ пavелъ бGоглаг0ливый, ћкw трубA, вопіeтъ: Хrт0съ воскрeсе t мeртвыхъ, начaтокъ востaніz ўмeршихъ бhсть. Ћкоже бо во ґдaмэ вси2 ўмирaютъ, тaкожде и3 њ хrтЁ вси2 њживyтъ. Тёмже воскrніе хrт0во ви1дэвше, въ рaдости вопіeмъ:

Хrт0съ воскрeсе, и3 кнsзь мjра низложи1сz. Хrт0съ воскрeсе, и3 трепeщетъ преисп0днzz. Хrт0съ воскрeсе, и3 смeрть пожeрта бhсть побёдою. Хrт0съ воскрeсе, и3 ѓдъ плэнeнъ бhсть тогw2 держaвою. Хrт0съ воскрeсе, и3 свободи1хомсz t ѓдовыхъ неруши1мыхъ ќзъ. Хrт0съ воскрeсе, и3 мы2, и3з8 и3стлёніz и3збaвльшесz, сыны2 воскrніz kви1хомсz, и3 поeмъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ ‹

Сп7сти2 хотS р0дъ чlвёческій t раб0ты врaжіz, распsтіе и3 смeрть претерпёлъ є3си2 гDи, погребeнъ же бhвъ, въ трeтій дeнь t мeртвыхъ востaлъ є3си2. Т~ёмже ѓгGлъ, блистazйсz во гр0бэ, бlговэствyетъ женaмъ, глаг0лz:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ ‹

Трeтіе по воскrніи kви1сz ї}съ на м0ри тіверіaдстэмъ рhбу ловsщымъ сjмwну петрY, и3 fwмЁ, и3 наfанaилу, и3 сынHмъ зеведewвымъ со и3нёма t ў§ни6къ є3гw2 двэмA и3, ћкw вLка всёхъ, повэлевaетъ мрeжу њдеснyю странY кораблS воврещи2, и3 бhсть сл0во дёло вск0рэ, и3 мн0гое рhбъ мн0жество, и3 вeчерz стрaнна гот0ва на земли2. Е#sже нhнэ мhсленнw наслади1тисz и3 нaсъ спод0би, гDи, пою1щихъ:

Хrт0съ воскрeсе, и3 дадeсz є3мY влaсть на нб7си2 и3 на земли2. Хrт0съ воскрeсе, и3 цrтво б9іе настA. Хrт0съ воскрeсе, и3 тёло є3гw2, ћкw хлёбъ жи1зни, вси2 пріeмлемъ. Хrт0съ воскрeсе, и3 кр0ви є3гw2, ћкw и3ст0чника безсмeртнаго, вкушaемъ. Хrт0съ воскрeсе, и3 ґдaмъ, свобождeнъ, съ нaми ликyетъ. Хrт0съ воскрeсе, и3 є4vа, t ќзъ и3збавлsема, рaдуетсz, зовyщи:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ №i

Пёніе всеумилeнное приношaше воскрeсшему тебE пeтръ, три1щи бо tвeржесz тебє2, три1щи же и3 и3сповёдуz: гDи, ты2 вс‰ вёси, ты2 вёси, ћкw люблю1 тz. Три1щи и3 слhшитъ t тебє2 сладчaйшее на пaству пaки призвaніе: паси2 ѓгнцы мо‰, паси2 џвцы мо‰. Тёмже и3 зовeтъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ №i

Свёта подaтелю, ћкоже с0лнце, возсіsлъ є3си2 триднeвнw t гр0ба и3 вс‰ просвэти1лъ є3си2 свётомъ и4стиннагw бGопознaніz. Тёмже сэдsщіи во тьмЁ невёріz и3 сомнeніz ўвёрихомсz со ґпcлы, ћкw гDь є3си2, и3 не и3стzзyемъ ўжE: ты2 кто2 є3си2; но воскрeсшаго тS слaвzще, во ўмилeніи зовeмъ:

Хrт0съ воскрeсе, и3 всsчєскаz просвэти2 воскrніемъ свои1мъ. Хrт0съ воскрeсе, и3 свётъ вёчный возсіS во тьмЁ и3 сёни смeртнэй сэдsщымъ. Хrт0съ воскрeсе, и3 вBрнымъ подадE тaйнw њсэнsющее свhше д¦а сіsніе. Хrт0съ воскрeсе, и3 духHвнаz nчесA прeжде слэпhхъ tверз0шасz. Хrт0съ воскрeсе, и3 мы2 nц7A свётwвъ познaхомъ. Хrт0съ воскрeсе, да посрaмzтсz вси2 tвeргшіисz гDа слaвы и3 съ нaми да воспою1тъ:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ в7i

Бlгодaтію твоeю всsкому чlвёку ўд0бнэйшій пyть сп7сeніz ўказyz, хrтE, гlг0лалъ є3си2 сjмwну петрY: є3гдA состарёешисz, воздёжеши рyцэ твои2, и3 и4нъ тS поsшетъ и3 ведeтъ, ѓможе не х0щеши, назнaменуz, к0ею смeртію прослaвитъ бGа. Возлю1бленному же ў§никY повелёлъ є3си2 пребывaти, д0ндеже пріи1деши. Тёмже, ѓще и3 разлучи1вшесz ґпcли, nбaче сою1зомъ любвE свzзyеми, соглaснw воспэвaху:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Јкосъ в7i

Пою1ще твоE триднeвное воскrніе, хrтE, рaдуемсz твоемY непрел0жному њбэщaнію. Съ нaми бо до скончaніz вёка бhти њбэщaлсz є3си2, t всsкагw ѕлA нaсъ и3збавлsz и3 къ жи1зни вёчнэй руков0дствуz. Сегw2 рaди, слaвzще тS, вопіeмъ:

Хrт0съ воскрeсе, и3 мы2 врeда всsкагw и3збавлsемсz нhнэ. Хrт0съ воскрeсе, и3 нaсъ њдеснyю nц7A съ соб0ю посади1лъ є4сть. Хrт0съ воскрeсе, и3 нaсъ причaстники вёчныz слaвы своеS содёла. Хrт0съ воскрeсе, и3 дрeвле сокруши1вый прaoтца си1льный врaгъ сокруши1сz. Хrт0съ воскрeсе, и3 со ѓгGлы мы2, прeжде tриновeнніи, водворsемсz. Хrт0съ воскрeсе, и3 съ соб0ю вс‰ воскреси1тъ, зовyщыz:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Кондaкъ Gi

Q пaсха вeліz и3 сщ7eннэйшаz, хrтE ї}се, сп7си1телю нaшъ, бlгодaрнw и3сповёдуемъ спаси1тельную вели1кую млcть твою2, ћкw и3 пaки спод0билъ є3си2 нaсъ, недост0йныхъ, нhнэ вкуси1ти рaдости свётлаго воскrніz твоегw2. Подавaй нaмъ въ невечeрнэмъ дни2 цrтвіz твоегw2 и4стэе и3 совершeннэе тебє2, сладчaйшагw, причащaтисz, да со ѓгGлы и3 всёми с™hми во вёки вэкHвъ поeмъ вси2 рaдостнw:

Хrт0съ воскрeсе и3з8 мeртвыхъ, смeртію смeрть попрaвъ, и3 сyщымъ во гробёхъ жив0тъ даровaвъ.

Сeй кондaкъ глаг0ли три1жды. И# пaки чтeтсz №-й јкосъ и3 №-й кондaкъ.