Акафист Живоносному Гробу и Воскресению Господню

Составитель: Иннокентий Херсонский

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 16 апреля (03 апреля ст. ст.)

Утвержден для общецерковного использования.

Конда́к 1.

Возбра́нному Воево́де, разруши́телю сме́рти и а́да, побе́дную пе́снь Тебе́, Всецарю́ Христе́, прино́сим, я́ко воста́л еси́, Всеси́льне, со сла́вою тридне́вен от гро́ба и вся́ уме́ршия от ве́ка совоскреси́л еси́; мы́ же, страда́нием Твои́м ве́чныя тли́ изба́вльшеся, к са́мому ме́сту погребе́ния Твоего́ с весе́лием и ра́достию зове́м:

Ра́дуйся, живоно́сный гро́бе, из него́же Христо́с воскре́се!

И́кос 1.

А́нгел предста́тель с небесе́ низше́д, ка́мень от гро́ба Твоего́ отвали́, Христе́ Бо́же, и мироно́сицам благовести́ воста́ние Твое́, глаго́ля: «ше́дше, рцы́те ученико́м Его́, я́ко воста́ от ме́ртвых»; они́ же, вразумле́нные чу́дным явле́нием, зря́ще ко гро́бу Твоему́, с ве́рою и любо́вию возглаша́ху:

Ра́дуйся, живоно́сный гро́бе, в не́мже Христо́с, я́ко челове́к, почи́, и я́ко Бо́г, воскре́се тридне́вен!

Ра́дуйся, я́ко из тебе́ Спа́с ми́ра, я́ко Жени́х из черто́га изше́д, сме́рть попра́ и а́да плени́л е́сть!

Ра́дуйся, я́ко воста́нием Того́, от ве́ка уме́ршии, в жи́знь нестаре́емую воста́ша!

Ра́дуйся, я́ко в тебе́ Христу́ возле́гшу, прокля́тая в де́лех челове́ка земля́ освяти́ся!

Ра́дуйся, я́ко тобо́ю первозда́нный Ада́м па́ки в ри́зу безсме́ртия облека́ется!

Ра́дуйся, я́ко в тебе́ о́браз всеми́рнаго воскресе́ния начертава́ется!

Ра́дуйся, живоно́сный гро́бе, из него́же Христо́с воскре́се!

Конда́к 2.

Я́ко прии́де на гро́б Мари́я Магдали́на и друга́я Мари́я пома́зати Те́ло Твое́, Христе́ Бо́же, обрето́ша а́нгела на ка́мени седя́ща, и глаго́люща к ни́м: «не бо́йтеся! ве́м бо, я́ко Иису́са распя́таго и́щете; не́сть зде́, но воста́, я́коже рече́ ва́м». Сия́ у́бо слы́шавше святы́я же́ны, те́кше вспя́ть, благовести́ша ученико́м о воста́нии Твое́м, да вси́, я́ко Творцу́ и воскре́сшему Влады́це а́нгельское пе́ние воспою́т, глаго́люще: Аллилу́ия!

И́кос 2.

Бу́рю вну́трь име́яху сумни́тельных помышле́ний ученицы́ Твои́, Христе́, в ча́с сме́рти Твоея́, не ве́дуще Писа́ния, я́ко подоба́ет Тебе́ из ме́ртвых воскре́снути; те́мже Пе́тр, ве́сть прие́м о воста́нии Твое́м, тече́ ко гро́бу, хотя́ ви́дети бы́вшее, прини́к же и ви́дев еди́ны ри́зы Твоя́ в не́м лежа́ща, с ве́рою возгласи́:

Ра́дуйся, живоно́сный гро́бе, я́ко в тебе́, посреде́ земли́, всеми́рное спасе́ние соде́яся!

Ра́дуйся, я́ко Царю́ царе́й о́др, и Влады́ке влады́к поко́ище бы́л еси́!

Ра́дуйся, я́ко тобо́ю беззако́нное со́нмище иуде́йское всеконе́чне посрами́ся!

Ра́дуйся, я́ко пред тобо́ю е́ресь саддуке́ев, глаго́лющих не бы́ти воскресе́нию, низложи́ся!

Ра́дуйся, гро́бе, па́че хра́ма Соломо́нова честне́йший!

Ра́дуйся, па́че ски́нии свиде́ния и ковче́га заве́та святе́йший!

Ра́дуйся, живоно́сный гро́бе, из него́же Христо́с воскре́се!

Конда́к 3.

Слы́шавше, и́же от кустоди́и, су́етнии стра́жи гро́ба Твоего́, Христе́, тру́с ве́лий бы́вший, и ка́мень отвале́н и гро́б пра́зден ви́дяще, от стра́ха бы́ша я́ко ме́ртвы, и те́кше во гра́д, возвеща́ху архиере́ем и ста́рцем вся́ бы́вшая; они́ же, пребеззако́ннии, а́ще и умы́слиша утаи́ти ве́лие чу́до, но не возмого́ша сокры́ти и́стины, ниже́ воспяти́ти ве́рующим пе́ти Тебе́: Аллилу́ия!

И́кос 3.

И́же иногда́ стра́ха ра́ди иуде́йска потае́н сы́й учени́к Тво́й, Христе́, Ио́сиф, и́же от Аримафе́я, испроси́ у Пила́та Боже́ственное Те́ло Твое́ и с Никоди́мом, смеше́нием сми́рны и ало́я пома́зав е́ и плащани́цею чи́стою обви́в, во гро́бе но́ве положи́, в не́мже никто́же от челове́к погребе́н бы́сть, то́кмо Ты́ еди́н, да освяти́ши земно́е естество́; уве́дев же по си́х Твое́ из ме́ртвых воскресе́ние, прише́д ко гро́бу Твоему́, со умиле́нием возгласи́:

Ра́дуйся, живоно́сный гро́бе, не кустоди́ею, па́че же арха́нгелами и а́нгелами стрего́мый!

Ра́дуйся, я́ко от тебе́ Христо́с со сла́вою изше́д, безу́мныя стра́жи Пила́товы недоуме́нием и у́жасом порази́!

Ра́дуйся, я́ко печа́тей гро́бных не вреди́в, богопроти́внаго Каиа́фу посрами́!

Ра́дуйся, я́ко из тебе́ воскре́сшу Христу́, све́тлый де́нь всеми́рнаго Богове́дения наста́!

Ра́дуйся, я́ко тобо́ю и́долы и куми́ры по все́м конце́м земли́ сокруша́тся!

Ра́дуйся, я́ко на тебе́ хра́мы Бо́га и́стиннаго по все́й вселе́нней утвердя́тся!

Ра́дуйся, живоно́сный гро́бе, из него́же Христо́с воскре́се!

Конда́к 4.

Воспомина́юще ученицы́ Твои́ пресла́дкое обетова́ние, е́же, гряды́й на во́льную стра́сть, провеща́л еси́ пред ни́ми, варя́ти и́х по воскресе́нии в Галиле́и, поспе́шшеся, идо́ша в Галиле́ю, в го́ру, а́може повеле́л еси́, и ви́девше Тя́ та́мо, Его́же пре́жде обыко́ша зре́ти, и́стинна Челове́ка, не привиде́нием, но са́мою ве́щию пло́ть на́шу нося́ща, с ве́рою и любо́вию, я́ко Бо́гу, поклони́шася, зову́ще: Аллилу́ия!

И́кос 4.

Ра́зум неуразуме́нный бы́л еси́ иуде́ом, неразуме́вшим проро́ческих о Тебе́ сказа́ний, ниже́ иска́вшим позна́ти и́стину воскресе́ния Твоего́, ка́ко печа́ти не руши́в, из гро́ба изше́л еси́? Те́мже безу́мне науща́ху кустоди́ю возвести́ти лю́дем, Пречи́стое Те́ло Твое́ укра́дено бы́ти. Мы́ же, пресла́вному Воскресе́нию Твоему́ дивя́щеся, похва́льная живоно́сному гро́бу Твоему́ воспису́ем, глаго́люще:

Ра́дуйся, всебога́тый гро́бе, я́ко име́л еси́ в тебе́ все́м жи́знь Подаю́щаго!

Ра́дуйся, я́ко оскверне́нная беззако́ниями челове́ческими земля́ пречи́стою Пло́тию Христо́вою, в тебе́ возлежа́вшею, освяща́ется!

Ра́дуйся, я́ко Воскре́сший из тебе́ прия́ вся́ку вла́сть на небеси́ и на земли́, да все́х и вся́ к Бо́гу Отцу́ приведе́т!

Ра́дуйся, я́ко ка́меню от тебе́ а́нгелом отвале́ну бы́вшу, святы́я же́ны мироно́сицы уразуме́ша Христо́во воскресе́ние!

Ра́дуйся, я́ко Спа́су ми́ра из тебе́ воста́вшу, во всю́ зе́млю изы́де апо́стольское веща́ние!

Ра́дуйся, в не́мже благода́ть воскре́сшаго Жизнода́вца до дне́сь неви́димо почи́ет!

Ра́дуйся, живоно́сный гро́бе, из него́же Христо́с воскре́се!

Конда́к 5.

По дне́х осми́х от воста́ния Твоего́, Го́споди, прише́л еси́ ко ученико́м Твои́м, две́рем заключе́нным, дарова́ние Свята́го Ду́ха подая́ и́м. Тогда́ у́бо и Фоме́ ре́кл еси́: «прииди́, осяжи́ я́звы Моя́, и не бу́ди неве́рен, но ве́ренъ». Те́мже позна́в Тебе́ и́стинно воскре́сша бы́ти, с про́чими ученики́ ра́достне возопи́: Аллилу́ия!

И́кос 5.

Вети́я суему́дренныя, кни́жники иуде́йстии, я́коже ры́бы безгла́сныя ви́дим, недоуме́ющия глаго́лати о пресла́вном воста́нии Твое́м, Христе́, и неразуме́ющия, я́ко подоба́ше Тебе́ пострада́ти за ро́д челове́чь и из ме́ртвых воскре́снути. Мы́ же, совоскре́сшие Тебе́ ве́рою и любо́вию, с весе́лием са́мому гро́бу Твоему́ зове́м:

Ра́дуйся, живоно́сный гро́бе, я́ко тобо́ю жи́знь ве́чная все́м конце́м земли́ позна́ся!

Ра́дуйся, я́ко в тебе́ сме́ртию Нача́льника жи́зни сме́рти жа́ло и держа́ва сокруши́ся!

Ра́дуйся, я́ко от се́вера и мо́ря к тебе́ приходя́ще, воскре́сшаго Жизнода́вца прославля́ют!

Ра́дуйся, я́ко от за́пада и восто́ка теку́ще, вси́ в тебе́ зало́г безсме́ртия обрета́ют!

Ра́дуйся, я́ко по о́бразу Твоему́ все́ гро́бы издаду́т свои́х мертвеце́в в де́нь после́дний!

Ра́дуйся, ве́ры христиа́нския утвержде́ние и проро́ческих сказа́ний печа́те!

Ра́дуйся, живоно́сный гро́бе, из него́же Христо́с воскре́се!

Конда́к 6.

Егда́ по воскресе́нии Твое́м, Христе́, яви́лся еси́ ученико́м Твои́м на мо́ри Тивериа́дстем, повелева́я воврещи́ мре́жу одесну́ю корабля́, тогда́ возлю́бленный учени́к Тво́й, позна́в Тя́ от лови́твы ры́б, Петро́ви глаго́лаше: «Госпо́дь е́сть!» Изше́дше у́бо на зе́млю, обрето́ша о́гнь и ры́бу лежа́щу и хле́б, от ни́хже вкуси́вше и позна́вше в Тебе́ своего́ Учи́теля и Го́спода, еди́неми усты́ и еди́нем се́рдцем возопи́ша: Аллилу́ия!

И́кос 6.

У́тру су́щу глубоку́, же́ны приидо́ша на гро́б Тво́й, Иису́се, но жела́емаго Те́ла Твоего́ не обре́тше, недоуме́нием и печа́лию одержи́ми бя́ху. Ты́ же, Уте́шителю скорбя́щих, я́влься и́м посреди́ вертогра́да, еди́ным гла́сом: «Мари́е!» пла́чь и́х на ра́дость преложи́л еси́, те́мже позна́вше воскресе́ние Твое́, с весе́лием восклица́ху:

Ра́дуйся, живоно́сный гро́бе, в не́мже Христу́ все́льшуся, а́дова оскуде́ша ца́рствия!

Ра́дуйся, я́ко тебе́ от первосвяще́нников запечатле́ну бы́вшу, влады́ка се́ни сме́ртныя с тре́петом издаде́ у́зники, я́же от ве́ка содержа́л е́сть!

Ра́дуйся, я́ко в тру́се, при воста́нии из тебе́ со сла́вою Искупи́теля челове́ков, вся́ тва́рь обре́те ве́чное успокое́ние!

Ра́дуйся, я́ко в тебе́ о́браз всеми́рнаго воскресе́ния Боголе́пно предызобрази́ся!

Ра́дуйся, я́ко тобо́ю ли́к апо́стольский в ве́ре и любви́ утверди́ся!

Ра́дуйся, и ты́, Ио́сифе, толи́кое сокро́вище в твое́м вертогра́де стяжа́вый!

Ра́дуйся, живоно́сный гро́бе, из него́же Христо́с воскре́се!

Конда́к 7.

В страда́нии Твое́м, Христе́, не терпя́ со́лнце беззако́нных неи́стовства, све́т сво́й скры́, и заве́са церко́вная раздра́ся; в живоно́сном же гро́бе Тебе́ положе́ну бы́вшу, земля́ потрясе́ся, а́ки хотя́ поглоти́ти законопресту́пных; но Ты́, я́ко Бо́г, воскре́с еси́ со сла́вою, и всеро́днаго Ада́ма воздви́гл еси́ с Тобо́ю, те́мже досто́йно и пра́ведно воскресе́нию Твоему́ зове́м: Аллилу́ия!

И́кос 7.

По пресла́вном воста́нии Твое́м, Христе́, Луце́ и Клео́пе яви́лся еси́, я́ко стра́нник, на пути́ в Еммау́с, и бесе́дующим и́м о приклю́чшихся в Иерусали́ме, зазира́ем бы́л еси́ от ни́х, я́ко еди́н неве́дый бы́вшаго. Ты́ же, я́ко Всеве́дущий, проро́чествия откры́в и неве́рствие и́х обличи́в, позна́лся еси́ и́ма в преломле́нии хле́ба; те́мже у́бо с ра́достию вели́кою возврати́вшеся во Иерусали́м, и узре́вше вертогра́д Ио́сифов, возгласи́ша:

Ра́дуйся, живоно́сный гро́бе, из него́же, я́ко Ио́на из чре́ва ки́това, Христо́с тридне́вен произы́де!

Ра́дуйся, я́ко после́днее вита́лище бы́л еси́ Тому́, И́же на земли́ не име́ где́ главу́ подклони́ти!

Ра́дуйся, я́ко тобо́ю положи́ся преде́л во́льному уничиже́нию на́с ра́ди Спаси́теля ми́ру!

Ра́дуйся, я́ко в тебе́ преднача́ся торжество́ Победи́теля а́да и сме́рти!

Ра́дуйся, я́ко не ктому́ мо́гут законопресту́пнии оклевета́ти лже́ю воста́ние из гро́ба Сы́на Челове́ческаго!

Ра́дуйся, я́ко тобо́ю не́бо и земля́ и преиспо́дняя обрето́ша ра́дость!

Ра́дуйся, живоно́сный гро́бе, из него́же Христо́с воскре́се!

Конда́к 8.

Все́ естество́ а́нгельское и челове́ческое удиви́ся вели́кому Твоему́, е́же о на́с, смотре́нию: непристу́пнаго бо, я́ко Бо́га, зря́ще все́м присту́пна Челове́ка, зра́к раба́ прии́мша, распя́та же и погребе́нна, но воскре́сша в тре́тий де́нь во сла́ве и возне́сшася с пло́тию на не́бо, те́м у́бо я́ко Спаси́телю и Влады́це воспева́ем: Аллилу́ия!

И́кос 8.

Но́вое и пресла́вное чу́до показа́л еси́ воскресе́нием Твои́м, Христе́ Бо́же на́ш, печа́ти гро́ба не вреди́в, я́коже и Де́вы в рождестве́ Твое́м, те́мже почита́ем во́льная страда́ния Твоя́, славосло́вим Кре́ст и погребе́ние, и пресла́вному Воскресе́нию Твоему́ покланя́ющеся, к живоно́сному гро́бу Твоему́ с весе́лием зове́м:

Ра́дуйся, всесвяты́й гро́бе, из него́же Христо́с, я́коже прорече́, воскре́се и Собо́ю ве́сь ми́р обнови́!

Ра́дуйся, от него́же всезло́бный вра́г ро́да челове́ческаго люте́йший уда́р во главу́ прия́!

Ра́дуйся, я́ко от тебе́ отвале́нный ка́мень а́дова врата́ сокруши́ и вереи́ желе́зныя сотре́!

Ра́дуйся, я́ко из тебе́ всеми́рное Со́лнце пра́вды возсия́ и мглу́ неве́рия разгна́!

Ра́дуйся, я́ко в тебе́ Христу́ возле́гшу, вся́ концы́ земли́ вони́ безсме́ртия испо́лнишася!

Ра́дуйся, я́ко тебе́ откры́вшуся, исто́чник на́шего тле́ния заключи́ся!

Ра́дуйся, живоно́сный гро́бе, из него́же Христо́с воскре́се!

Конда́к 9.

Пропове́дницы воста́ния Твоего́, богоно́снии апо́столи, по́слани бы́вше, от коне́ц до коне́ц земли́ пропове́даша Тебе́ и́стиннаго Бо́га, и́долы сокруши́ша, беззако́нные обы́чаи язы́ческие попра́ша, хра́мы и же́ртвенники Бо́гу и́стинну воздвиго́ша, и все́х ве́рных научи́ша воспева́ти Тебе́: Аллилу́ия!

И́кос 9.

По воста́нии Твое́м из гро́ба, две́рем заключе́нным, ко ученико́м Твои́м вше́л еси́, и вку́ш от хле́ба и со́та, Сла́дость церко́вная, не привиде́ние пред ни́ми, но и́стиннаго и́х Учи́теля и Го́спода бы́ти уве́рил еси́, те́мже, свобо́ждшеся от недоуме́ний и стра́ха, с ра́достию неизрече́нною посеща́ху ме́сто погребе́ния Твоего́, глаго́люще:

Ра́дуйся, живоно́сный гро́бе, в не́мже Бо́г Сло́во, пло́тию усну́в, священнота́йне тридне́внова!

Ра́дуйся, я́ко То́йже воста́нием Свои́м вся́ от ве́ка усну́вшия возбуди́л е́сть!

Ра́дуйся, я́ко в тебе́ Со́лнцу пра́вды, Христу́, заше́дшу, су́щим во а́де и се́ни сме́ртней Све́т жи́зни возсия́!

Ра́дуйся, я́ко из тебе́ Произше́дый, воскресе́ние и живо́т ве́чный все́м дарова́!

Ра́дуйся, я́ко а́нгелу о тебе́ благовеству́ющу, пла́чь и рыда́ние Ада́мово преста́!

Ра́дуйся, я́ко ка́меню от тебе́ отпа́дшу, каменносерде́чнии язы́цы навы́кнут ве́ровати в жи́знь ве́чную!

Ра́дуйся, живоно́сный гро́бе, из него́же Христо́с воскре́се!

Конда́к 10.

Земля́ убоя́ся и умолче́, Тебе́, Творца́ своего́, зря́щи во гро́бе ма́ле положе́на; а́д, вострепета́в от непристу́пныя сла́вы Воскресе́ния Твоего́, издая́ше ме́ртвыя, от ве́ка содержи́мыя; небеса́ же восхо́д ко Отцу́ гото́вяху, Его́же николи́же отлуча́лся еси́. Те́мже и мы́, иску́пленнии Кресто́м Твои́м, вси́ Тебе́ зове́м: Аллилу́ия!

И́кос 10.

Мари́я Магдали́на, я́ко тепле́йшая к Тебе́, Христу́ Бо́гу, ве́рою, зело́ ра́но прише́дши на гро́б Тво́й, сподо́бися узре́ти Тя́, Жизнода́вца, и жела́ше облобыза́ти пречи́стыя но́зе Твои́, но Ты́ у́бо, я́ко Влады́ка вся́ческих, — «не прикаса́йся Мне́», — ре́кл еси́, — «не у́бо взыдо́х ко Отцу́ Моему́, иди́ же к бра́тии Мое́й и рцы́ и́м о воста́нии Мое́м». Те́мже, я́ко благове́стие нося́щая, не́бо и зе́млю оглаша́ше, вопию́ще:

Ра́дуйся, живоно́сный гро́бе, в не́мже Христо́с Пречи́стою Пло́тию, усну́ и почи́ я́ко ле́в, ники́мже возбуди́мый!

Ра́дуйся, из него́же я́ко Бо́г, самовла́стне воста́, ничи́мже удержи́мый!

Ра́дуйся, я́ко о бы́вшем в тебе́ а́д нево́лею и́стинствует, глаго́ля: «у́не мне́ бя́ше, а́ще бы от Мари́и Ро́ждшагося не прия́л!»

Ра́дуйся, я́ко тобо́ю посра́млен, кня́зь тьмы́ рыда́ет!

Ра́дуйся, я́ко тобо́ю обра́дован, ли́к а́нгельский торжеству́ет!

Ра́дуйся, но́выя благода́ти храни́лище и непрестаю́щих чуде́с исто́чниче!

Ра́дуйся, живоно́сный гро́бе, из него́же Христо́с воскре́се!

Конда́к 11.

Предста́в, по воскресе́нии, ученико́м Твои́м, Христе́ Бо́же, ми́р Тво́й по́дал еси́ и́м и вла́сть отпуща́ти грехи́, да пропове́дуют воста́ние Твое́ от гро́ба, крестя́ще во и́мя Отца́ и Сы́на и Свята́го Ду́ха. Они́ же изше́дше, я́ко облече́нные си́лою свы́ше, научи́ша вся́ язы́ки воспева́ти Тебе́, я́ко Бо́гу: Аллилу́ия!

И́кос 11.

По воста́нии Твое́м из ме́ртвых, явля́я Себе́ ученико́м Твои́м, Христе́, — «Си́моне Ио́нин, лю́биши ли Мя́?» — ре́кл еси́ Петру́, и по трикра́тном любве́ его́ к Тебе́ извеще́нии, Це́ркви Твое́й па́ки того́ учи́теля и апо́стола дарова́л еси́; мы́ же, про́поведию его́ науче́ннии, покланя́ющеся живоно́сному гро́бу Твоему́, та́ко глаго́лем:

Ра́дуйся, всесвяты́й гро́бе, в не́мже, я́ко в ковче́зе Но́еве, от разлия́ния грехо́внаго и тли́ сме́ртныя ве́сь ро́д челове́ческий спасе́ся!

Ра́дуйся, из него́же, я́ко из свята́го святы́х, ми́р и благослове́ние все́м па́дшим сына́м Ада́ма изнесе́ся!

Ра́дуйся, любве́ Христо́вы к на́м, во дне́х пло́ти Его́, после́дний кра́ю и преде́ле!

Ра́дуйся, и на́с все́х бра́тию на́шу по пло́ти до сме́рти и гро́ба люби́ти научи́вый!

Ра́дуйся, мра́к и стра́хи се́ни сме́ртныя для ве́рующих разгна́вый!

Ра́дуйся, стра́нником земли́ пу́ть жи́зни ве́чныя в небе́сный Иерусали́м указа́вый!

Ра́дуйся, живоно́сный гро́бе, из него́же Христо́с воскре́се!

Конда́к 12.

Боже́ственное, е́же о на́с, смотре́ние Твое́ сла́вяще, стра́сти Твоя́ почита́ем, преди́вному воскресе́нию Твоему́ покланя́емся, и от земли́ к Небе́сному Роди́телю пресла́вное вознесе́ние воспева́ем и мо́лимся: Пресвята́го Твоего́ Ду́ха не отъими́ от на́с, да вси́ зове́м Тебе́ во ве́ки: Аллилу́ия!

И́кос 12.

На го́ру Елео́нскую егда́ возше́л еси́, О́тчее Сия́ние, тогда́ пресве́тлый о́блак подъя́т Тя́, зря́щим ученико́м Твои́м, и а́нгели апо́столом глаго́лаху: «му́жие Галиле́йстии, что́ стоите́ зря́ще на не́бо? се́ бо, Его́же ви́дите вознося́щася, То́й па́ки прии́дет с пло́тию». Они́ же с ра́достию возврати́вшеся во Иерусали́м, хва́ляху Тебе́, и́стиннаго Бо́га, и живоно́сному гро́бу Твоему́, в не́мже тридне́вно положе́н бы́л еси́, с весе́лием возглаша́ху:

Ра́дуйся, живоно́сный гро́бе, собы́вшимся в тебе́ все́х на́с в ве́ре во Христа́ утверди́вый!

Ра́дуйся, пред мучи́тели и враги́ и́стины, наде́ждою воскресе́ния непобеди́мы на́с сотвори́вый!

Ра́дуйся, в не́мже священнота́йне, в купе́ли креще́ния, вси́ ве́рующии Христу́ спогреба́ются!

Ра́дуйся, из него́же креще́ннии, уме́рши греху́, к но́вей жи́зни со Христо́м совостаю́т!

Ра́дуйся, я́ко пред тобо́ю от благода́ти воскресе́ния, в тебе́ почи́ющей, вся́ кре́пость а́да исчеза́ет!

Ра́дуйся, я́ко из тебе́, от полноты́ си́лы Бо́жией, на тебе́ я́вльшейся, заря́ жи́зни ве́чныя незаходи́мо сия́ет!

Ра́дуйся, живоно́сный гро́бе, из него́же Христо́с воскре́се!

Конда́к 13.

О, пресвяты́й и живоно́сный гро́бе Христо́в, утеше́ние ро́да челове́ческаго и всея́ земли́ украше́ние! Тебе́, я́ко черто́гу Царя́ сла́вы, мы́сленне с ве́рою предстоя́ще, мо́лимся к тридне́вно воскре́сшему из тебе́ Христу́ Бо́гу на́шему, во е́же изба́витися на́м от вра́г ви́димых и неви́димых, от бе́д вре́менных и ве́чных, па́че же от страсте́й и грехо́в на́ших, да, совоскре́сше Ему́ покая́нием, в обновле́нии пра́выя жи́зни ходи́ти на́чнем, благода́рне зову́ще: Аллилу́ия!

Этот конда́к читается трижды, затем 1-й и́кос и конда́к 1-й.

Моли́тва ко Го́споду Иису́су воскре́сшему.

Сла́ва Тебе́, Го́споди Иису́се Христе́, Бо́же мо́й, я́ко па́ки сподо́бил мя́ еси́ недосто́йнаго, преше́дши по́прище свята́го поста́, поклони́тися Боже́ственным Страсте́м Твои́м и ви́дети всера́достный де́нь пресла́внаго из гро́ба Воскресе́ния Твоего́, в о́ньже свободи́л еси́ су́щия во а́де от ве́к свя́занныя ду́ши пра́ведных. Тоя́ Боже́ственныя свобо́ды ду́ха и пло́ти, дража́йший Спаси́телю мо́й, и а́з жела́ю, да разреши́ши мя́, свя́зана су́ща мно́гими грехи́, и да сотвори́ши возсия́ти живоно́сному све́ту Воскресе́ния Твоего́ во мра́чней души́ мое́й. Ви́жду бо безчи́сленныя щедро́ты и неизрече́нное человеколю́бие Твое́, я́ко не то́чию от небытия́ в бытие́ мя́ приве́л еси́, и о́браза Твоего́ подо́бием украси́в, всея́ до́льней тва́ри влады́ку поста́вил мя́ еси́, но и посе́м па́дша с высоты́ и врагу́ порабо́тившася, не оста́вил еси́, но, искупи́в мя́ безце́нною Кро́вию Твое́ю, благода́тию креще́ния снабди́л мя́ еси́, да востеку́ на пе́рвое достоя́ние. А́з же, окая́нный, запя́т бы́в умо́м плотски́м, обрати́хся вспя́ть и па́ки ра́б сотвори́хся греха́ и страсте́й, доне́леже еди́н по еди́ному погуби́х все́ да́ры благода́ти Твоея́. И ны́не у́бо, что́ сотворю́, не ве́м; оба́че помяну́в глаго́лы пречи́стых у́ст Твои́х, я́ко не прише́л еси́ призва́ти пра́ведники, но гре́шники в покая́ние, и а́з, я́ко еди́н от си́х, с ве́рою и смире́нием прихожду́ к живоно́сному гро́бу Твоему́, не арома́ты и воню́ ми́ра нося́й, (на́г бо е́смь и пу́ст благи́х де́л,) но па́че наде́жду имы́й обрести́ в не́м проще́ние греха́м мои́м и обновле́ние нечи́стому житию́ моему́. При́зри у́бо на мя́, ка́ющася и служи́ти Тебе́ хотя́ща, и не отри́ни от благода́ти Воскресе́ния Твоего́! Живоно́сною сме́ртию Твое́ю и погребе́нием умертви́ моя́ лю́тыя стра́сти, да, я́ко ме́ртв и погребе́н, живу́ в ми́ре се́м. Пресла́вным воста́нием Твои́м воздви́гни мою́ ду́шу, умерщвле́нную грехми́, и оживи́ со́весть, ея́же ничто́же в ми́ре ну́жнейши е́сть. Вознесе́нием Твои́м отто́ргни мя́ от су́етных и душетле́нных бла́г земны́х, и сотвори́ мя́ го́рняя му́дрствовати, я́ко да не ктому́ себе́ живя́ и угожда́я, но Тебе́, Го́споду и Бо́гу моему́, служа́ и рабо́тая, я́коже сподо́бихся поклони́тися Воскресе́нию Твоему́ на земли́, та́ко сподо́блен бу́ду ви́дети Тебе́, дража́йшаго Искупи́теля моего́, и на небеси́, за прия́тие сме́рти кре́стныя сла́вою и че́стию венча́нна, и ста́в одесну́ю вели́чествия Твоего́, со арха́нгелы и а́нгелы, и со все́ми искупле́нными Тобо́ю бра́тиями мои́ми, во ве́ки веко́в пою́ Тебе́: Аллилу́ия! Ами́нь.

Ака́ѳистъ Живоно́сному Гро́бу и Воскресе́нію Госпо́дню.

Конда́къ 1.

Возбра́нному Воево́дѣ, разруши́телю сме́рти и а́да, побѣ́дную пѣ́снь Тебѣ́, Всецарю́ Христе́, прино́симъ, я́ко воста́лъ еси́, Всеси́льне, со сла́вою тридне́венъ отъ гро́ба и вся́ уме́ршія отъ вѣ́ка совоскреси́лъ еси́; мы́ же, страда́ніемъ Твои́мъ вѣ́чныя тли́ изба́вльшеся, къ са́мому мѣ́сту погребе́нія Твоего́ съ весе́ліемъ и ра́достію зове́мъ:

Ра́дуйся, живоно́сный гро́бе, изъ него́же Христо́съ воскре́се!

Икосъ 1.

Ангелъ предста́тель съ небесе́ низше́дъ, ка́мень отъ гро́ба Твоего́ отвали́, Христе́ Бо́же, и мѵроно́сицамъ благовѣсти́ воста́ніе Твое́, глаго́ля: «ше́дше, рцы́те ученико́мъ Его́, я́ко воста́ отъ ме́ртвыхъ»; они́ же, вразумле́нные чу́днымъ явле́ніемъ, зря́ще ко гро́бу Твоему́, съ вѣ́рою и любо́вію возглаша́ху:

Ра́дуйся, живоно́сный гро́бе, въ не́мже Христо́съ, я́ко человѣ́къ, почи́, и я́ко Бо́гъ, воскре́се тридне́венъ!

Ра́дуйся, я́ко изъ тебе́ Спа́съ мíра, я́ко Жени́хъ изъ черто́га изше́дъ, сме́рть попра́ и а́да плѣни́лъ е́сть!

Ра́дуйся, я́ко воста́ніемъ Того́, отъ вѣ́ка уме́ршіи, въ жи́знь нестарѣ́емую воста́ша!

Ра́дуйся, я́ко въ тебѣ́ Христу́ возле́гшу, прокля́тая въ дѣ́лѣхъ человѣ́ка земля́ освяти́ся!

Ра́дуйся, я́ко тобо́ю первозда́нный Ада́мъ па́ки въ ри́зу безсме́ртія облека́ется!

Ра́дуйся, я́ко въ тебѣ́ о́бразъ всемíрнаго воскресе́нія начертава́ется!

Ра́дуйся, живоно́сный гро́бе, изъ него́же Христо́съ воскре́се!

Конда́къ 2.

Яко пріи́де на гро́бъ Марíя Магдали́на и друга́я Марíя пома́зати Тѣ́ло Твое́, Христе́ Бо́же, обрѣто́ша а́нгела на ка́мени сѣдя́ща, и глаго́люща къ ни́мъ: «не бо́йтеся! вѣ́мъ бо, я́ко Іису́са распя́таго и́щете; нѣ́сть здѣ́, но воста́, я́коже рече́ ва́мъ». Сія́ у́бо слы́шавше святы́я же́ны, те́кше вспя́ть, благовѣсти́ша ученико́мъ о воста́ніи Твое́мъ, да вси́, я́ко Творцу́ и воскре́сшему Влады́цѣ а́нгельское пѣ́ніе воспою́тъ, глаго́люще: Аллилу́ія!

Икосъ 2.

Бу́рю вну́трь имѣ́яху сумни́тельныхъ помышле́ній ученицы́ Твои́, Христе́, въ ча́съ сме́рти Твоея́, не вѣ́дуще Писа́нія, я́ко подоба́етъ Тебѣ́ изъ ме́ртвыхъ воскре́снути; тѣ́мже Пе́тръ, вѣ́сть пріе́мъ о воста́ніи Твое́мъ, тече́ ко гро́бу, хотя́ ви́дѣти бы́вшее, прини́къ же и ви́дѣвъ еди́ны ри́зы Твоя́ въ не́мъ лежа́ща, съ вѣ́рою возгласи́:

Ра́дуйся, живоно́сный гро́бе, я́ко въ тебѣ́, посредѣ́ земли́, всемíрное спасе́ніе содѣ́яся!

Ра́дуйся, я́ко Царю́ царе́й о́дръ, и Влады́кѣ влады́къ поко́ище бы́лъ еси́!

Ра́дуйся, я́ко тобо́ю беззако́нное со́нмище іуде́йское всеконе́чнѣ посрами́ся!

Ра́дуйся, я́ко предъ тобо́ю е́ресь саддуке́евъ, глаго́лющихъ не бы́ти воскресе́нію, низложи́ся!

Ра́дуйся, гро́бе, па́че хра́ма Соломо́нова честнѣ́йшій!

Ра́дуйся, па́че ски́ніи свидѣ́нія и ковче́га завѣ́та святѣ́йшій!

Ра́дуйся, живоно́сный гро́бе, изъ него́же Христо́съ воскре́се!

Конда́къ 3.

Слы́шавше, и́же отъ кустодíи, су́етніи стра́жи гро́ба Твоего́, Христе́, тру́съ ве́лій бы́вшій, и ка́мень отвале́нъ и гро́бъ пра́зденъ ви́дяще, отъ стра́ха бы́ша я́ко ме́ртвы, и те́кше во гра́дъ, возвѣща́ху архіере́емъ и ста́рцемъ вся́ бы́вшая; они́ же, пребеззако́нніи, а́ще и умы́слиша утаи́ти ве́ліе чу́до, но не возмого́ша сокры́ти и́стины, ниже́ воспяти́ти вѣ́рующимъ пѣ́ти Тебѣ́: Аллилу́ія!

Икосъ 3.

Иже иногда́ стра́ха ра́ди іуде́йска потае́нъ сы́й учени́къ Тво́й, Христе́, Іо́сифъ, и́же отъ Аримаѳе́я, испроси́ у Пила́та Боже́ственное Тѣ́ло Твое́ и съ Никоди́момъ, смѣше́ніемъ смѵ́рны и ало́я пома́завъ е́ и плащани́цею чи́стою обви́въ, во гро́бѣ но́вѣ положи́, въ не́мже никто́же отъ человѣ́къ погребе́нъ бы́сть, то́кмо Ты́ еди́нъ, да освяти́ши земно́е естество́; увѣ́дѣвъ же по си́хъ Твое́ изъ ме́ртвыхъ воскресе́ніе, прише́дъ ко гро́бу Твоему́, со умиле́ніемъ возгласи́:

Ра́дуйся, живоно́сный гро́бе, не кустодíею, па́че же арха́нгелами и а́нгелами стрего́мый!

Ра́дуйся, я́ко отъ тебе́ Христо́съ со сла́вою изше́дъ, безу́мныя стра́жи Пила́товы недоумѣ́ніемъ и у́жасомъ порази́!

Ра́дуйся, я́ко печа́тей гро́бныхъ не вреди́въ, богопроти́внаго Каіа́фу посрами́!

Ра́дуйся, я́ко изъ тебе́ воскре́сшу Христу́, свѣ́тлый де́нь всемíрнаго Боговѣ́дѣнія наста́!

Ра́дуйся, я́ко тобо́ю и́долы и куми́ры по всѣ́мъ конце́мъ земли́ сокруша́тся!

Ра́дуйся, я́ко на тебѣ́ хра́мы Бо́га и́стиннаго по все́й вселе́ннѣй утвердя́тся!

Ра́дуйся, живоно́сный гро́бе, изъ него́же Христо́съ воскре́се!

Конда́къ 4.

Воспомина́юще ученицы́ Твои́ пресла́дкое обѣтова́ніе, е́же, гряды́й на во́льную стра́сть, провѣща́лъ еси́ предъ ни́ми, варя́ти и́хъ по воскресе́ніи въ Галиле́и, поспѣ́шшеся, идо́ша въ Галиле́ю, въ го́ру, а́може повелѣ́лъ еси́, и ви́дѣвше Тя́ та́мо, Его́же пре́жде обыко́ша зрѣ́ти, и́стинна Человѣ́ка, не привидѣ́ніемъ, но са́мою ве́щію пло́ть на́шу нося́ща, съ вѣ́рою и любо́вію, я́ко Бо́гу, поклони́шася, зову́ще: Аллилу́ія!

Икосъ 4.

Ра́зумъ неуразумѣ́нный бы́лъ еси́ іуде́омъ, неразумѣ́вшимъ проро́ческихъ о Тебѣ́ сказа́ній, ниже́ иска́вшимъ позна́ти и́стину воскресе́нія Твоего́, ка́ко печа́ти не ру́шивъ, изъ гро́ба изше́лъ еси́? Тѣ́мже безу́мнѣ науща́ху кустодíю возвѣсти́ти лю́демъ, Пречи́стое Тѣ́ло Твое́ укра́дено бы́ти. Мы́ же, пресла́вному Воскресе́нію Твоему́ дивя́щеся, похва́льная живоно́сному гро́бу Твоему́ воспису́емъ, глаго́люще:

Ра́дуйся, всебога́тый гро́бе, я́ко имѣ́лъ еси́ въ тебѣ́ всѣ́мъ жи́знь Подаю́щаго!

Ра́дуйся, я́ко оскверне́нная беззако́ніями человѣ́ческими земля́ пречи́стою Пло́тію Христо́вою, въ тебѣ́ возлежа́вшею, освяща́ется!

Ра́дуйся, я́ко Воскре́сшій изъ тебе́ прія́ вся́ку вла́сть на небеси́ и на земли́, да всѣ́хъ и вся́ къ Бо́гу Отцу́ приведе́тъ!

Ра́дуйся, я́ко ка́меню отъ тебе́ а́нгеломъ отвале́ну бы́вшу, святы́я же́ны мѵроно́сицы уразумѣ́ша Христо́во воскресе́ніе!

Ра́дуйся, я́ко Спа́су мíра изъ тебе́ воста́вшу, во всю́ зе́млю изы́де апо́стольское вѣща́ніе!

Ра́дуйся, въ не́мже благода́ть воскре́сшаго Жизнода́вца до дне́сь неви́димо почíетъ!

Ра́дуйся, живоно́сный гро́бе, изъ него́же Христо́съ воскре́се!

Конда́къ 5.

По дне́хъ осми́хъ отъ воста́нія Твоего́, Го́споди, прише́лъ еси́ ко ученико́мъ Твои́мъ, две́ремъ заключе́ннымъ, дарова́ніе Свята́го Ду́ха подая́ и́мъ. Тогда́ у́бо и Ѳомѣ́ ре́клъ еси́: «пріиди́, осяжи́ я́звы Моя́, и не бу́ди невѣ́ренъ, но вѣ́ренъ». Тѣ́мже позна́въ Тебе́ и́стинно воскре́сша бы́ти, съ про́чими ученики́ ра́достнѣ возопи́: Аллилу́ія!

Икосъ 5.

Вѣ́тія суему́дренныя, кни́жники іуде́йстіи, я́коже ры́бы безгла́сныя ви́димъ, недоумѣ́ющія глаго́лати о пресла́вномъ воста́ніи Твое́мъ, Христе́, и неразумѣ́ющія, я́ко подоба́ше Тебѣ́ пострада́ти за ро́дъ человѣ́чь и изъ ме́ртвыхъ воскре́снути. Мы́ же, совоскре́сшіе Тебѣ́ вѣ́рою и любо́вію, съ весе́ліемъ са́мому гро́бу Твоему́ зове́мъ:

Ра́дуйся, живоно́сный гро́бе, я́ко тобо́ю жи́знь вѣ́чная всѣ́мъ конце́мъ земли́ позна́ся!

Ра́дуйся, я́ко въ тебѣ́ сме́ртію Нача́льника жи́зни сме́рти жа́ло и держа́ва сокруши́ся!

Ра́дуйся, я́ко отъ сѣ́вера и мо́ря къ тебѣ́ приходя́ще, воскре́сшаго Жизнода́вца прославля́ютъ!

Ра́дуйся, я́ко отъ за́пада и восто́ка теку́ще, вси́ въ тебѣ́ зало́гъ безсме́ртія обрѣта́ютъ!

Ра́дуйся, я́ко по о́бразу Твоему́ всѣ́ гро́бы издаду́тъ свои́хъ мертвеце́въ въ де́нь послѣ́дній!

Ра́дуйся, вѣ́ры христіа́нскія утвержде́ніе и проро́ческихъ сказа́ній печа́те!

Ра́дуйся, живоно́сный гро́бе, изъ него́же Христо́съ воскре́се!

Конда́къ 6.

Егда́ по воскресе́ніи Твое́мъ, Христе́, яви́лся еси́ ученико́мъ Твои́мъ на мо́ри Тиверіа́дстѣмъ, повелѣва́я воврещи́ мре́жу одесну́ю корабля́, тогда́ возлю́бленный учени́къ Тво́й, позна́въ Тя́ отъ лови́твы ры́бъ, Петро́ви глаго́лаше: «Госпо́дь е́сть!» Изше́дше у́бо на зе́млю, обрѣто́ша о́гнь и ры́бу лежа́щу и хлѣ́бъ, отъ ни́хже вкуси́вше и позна́вше въ Тебѣ́ своего́ Учи́теля и Го́спода, еди́нѣми усты́ и еди́нѣмъ се́рдцемъ возопи́ша: Аллилу́ія!

Икосъ 6.

Утру су́щу глубоку́, же́ны пріидо́ша на гро́бъ Тво́й, Іису́се, но жела́емаго Тѣ́ла Твоего́ не обрѣ́тше, недоумѣ́ніемъ и печа́лію одержи́ми бя́ху. Ты́ же, Утѣ́шителю скорбя́щихъ, я́влься и́мъ посреди́ вертогра́да, еди́нымъ гла́сомъ: «Марíе!» пла́чь и́хъ на ра́дость преложи́лъ еси́, тѣ́мже позна́вше воскресе́ніе Твое́, съ весе́ліемъ восклица́ху:

Ра́дуйся, живоно́сный гро́бе, въ не́мже Христу́ все́льшуся, а́дова оскудѣ́ша ца́рствія!

Ра́дуйся, я́ко тебѣ́ отъ первосвяще́нниковъ запечатлѣ́ну бы́вшу, влады́ка сѣ́ни сме́ртныя съ тре́петомъ издаде́ у́зники, я́же отъ вѣ́ка содержа́лъ е́сть!

Ра́дуйся, я́ко въ тру́сѣ, при воста́ніи изъ тебе́ со сла́вою Искупи́теля человѣ́ковъ, вся́ тва́рь обрѣ́те вѣ́чное успокое́ніе!

Ра́дуйся, я́ко въ тебѣ́ о́бразъ всемíрнаго воскресе́нія Боголѣ́пно предъизобрази́ся!

Ра́дуйся, я́ко тобо́ю ли́къ апо́стольскій въ вѣ́рѣ и любви́ утверди́ся!

Ра́дуйся, и ты́, Іо́сифе, толи́кое сокро́вище въ твое́мъ вертогра́дѣ стяжа́вый!

Ра́дуйся, живоно́сный гро́бе, изъ него́же Христо́съ воскре́се!

Конда́къ 7.

Въ страда́ніи Твое́мъ, Христе́, не терпя́ со́лнце беззако́нныхъ неи́стовства, свѣ́тъ сво́й скры́, и завѣ́са церко́вная раздра́ся; въ живоно́сномъ же гро́бѣ Тебѣ́ положе́ну бы́вшу, земля́ потрясе́ся, а́ки хотя́ поглоти́ти законопресту́пныхъ; но Ты́, я́ко Бо́гъ, воскре́съ еси́ со сла́вою, и всеро́днаго Ада́ма воздви́глъ еси́ съ Тобо́ю, тѣ́мже досто́йно и пра́ведно воскресе́нію Твоему́ зове́мъ: Аллилу́ія!

Икосъ 7.

По пресла́вномъ воста́ніи Твое́мъ, Христе́, Луцѣ́ и Клео́пѣ яви́лся еси́, я́ко стра́нникъ, на пути́ въ Еммау́съ, и бесѣ́дующимъ и́мъ о приклю́чшихся въ Іерусали́мѣ, зазира́емъ бы́лъ еси́ отъ ни́хъ, я́ко еди́нъ невѣ́дый бы́вшаго. Ты́ же, я́ко Всевѣ́дущій, проро́чествія откры́въ и невѣ́рствіе и́хъ обличи́въ, позна́лся еси́ и́ма въ преломле́ніи хлѣ́ба; тѣ́мже у́бо съ ра́достію вели́кою возврати́вшеся во Іерусали́мъ, и узрѣ́вше вертогра́дъ Іо́сифовъ, возгласи́ша:

Ра́дуйся, живоно́сный гро́бе, изъ него́же, я́ко Іо́на изъ чре́ва ки́това, Христо́съ тридне́венъ произы́де!

Ра́дуйся, я́ко послѣ́днее вита́лище бы́лъ еси́ Тому́, Иже на земли́ не имѣ́ гдѣ́ главу́ подклони́ти!

Ра́дуйся, я́ко тобо́ю положи́ся предѣ́лъ во́льному уничиже́нію на́съ ра́ди Спаси́теля мíру!

Ра́дуйся, я́ко въ тебѣ́ преднача́ся торжество́ Побѣди́теля а́да и сме́рти!

Ра́дуйся, я́ко не ктому́ мо́гутъ законопресту́пніи оклевета́ти лже́ю воста́ніе изъ гро́ба Сы́на Человѣ́ческаго!

Ра́дуйся, я́ко тобо́ю не́бо и земля́ и преиспо́дняя обрѣто́ша ра́дость!

Ра́дуйся, живоно́сный гро́бе, изъ него́же Христо́съ воскре́се!

Конда́къ 8.

Все́ естество́ а́нгельское и человѣ́ческое удиви́ся вели́кому Твоему́, е́же о на́съ, смотре́нію: непристу́пнаго бо, я́ко Бо́га, зря́ще всѣ́мъ присту́пна Человѣ́ка, зра́къ раба́ пріи́мша, распя́та же и погребе́нна, но воскре́сша въ тре́тій де́нь во сла́вѣ и возне́сшася съ пло́тію на не́бо, тѣ́мъ у́бо я́ко Спаси́телю и Влады́цѣ воспѣва́емъ: Аллилу́ія!

Икосъ 8.

Но́вое и пресла́вное чу́до показа́лъ еси́ воскресе́ніемъ Твои́мъ, Христе́ Бо́же на́шъ, печа́ти гро́ба не вреди́въ, я́коже и Дѣ́вы въ рождествѣ́ Твое́мъ, тѣ́мже почита́емъ во́льная страда́нія Твоя́, славосло́вимъ Кре́стъ и погребе́ніе, и пресла́вному Воскресе́нію Твоему́ покланя́ющеся, къ живоно́сному гро́бу Твоему́ съ весе́ліемъ зове́мъ:

Ра́дуйся, всесвяты́й гро́бе, изъ него́же Христо́съ, я́коже прорече́, воскре́се и Собо́ю ве́сь мíръ обнови́!

Ра́дуйся, отъ него́же всезло́бный вра́гъ ро́да человѣ́ческаго лютѣ́йшій уда́ръ во главу́ прія́!

Ра́дуйся, я́ко отъ тебе́ отвале́нный ка́мень а́дова врата́ сокруши́ и ве́реи желѣ́зныя сотре́!

Ра́дуйся, я́ко изъ тебе́ всемíрное Со́лнце пра́вды возсія́ и мглу́ невѣ́рія разгна́!

Ра́дуйся, я́ко въ тебѣ́ Христу́ возле́гшу, вся́ концы́ земли́ вони́ безсме́ртія испо́лнишася!

Ра́дуйся, я́ко тебѣ́ откры́вшуся, исто́чникъ на́шего тлѣ́нія заключи́ся!

Ра́дуйся, живоно́сный гро́бе, изъ него́же Христо́съ воскре́се!

Конда́къ 9.

Проповѣ́дницы воста́нія Твоего́, богоно́сніи апо́столи, по́слани бы́вше, отъ коне́цъ до коне́цъ земли́ проповѣ́даша Тебе́ и́стиннаго Бо́га, и́долы сокруши́ша, беззако́нные обы́чаи язы́ческіе попра́ша, хра́мы и же́ртвенники Бо́гу и́стинну воздвиго́ша, и всѣ́хъ вѣ́рныхъ научи́ша воспѣва́ти Тебѣ́: Аллилу́ія!

Икосъ 9.

По воста́ніи Твое́мъ изъ гро́ба, две́ремъ заключе́ннымъ, ко ученико́мъ Твои́мъ вше́лъ еси́, и вку́шъ отъ хлѣ́ба и со́та, Сла́дость церко́вная, не привидѣ́ніе предъ ни́ми, но и́стиннаго и́хъ Учи́теля и Го́спода бы́ти увѣ́рилъ еси́, тѣ́мже, свобо́ждшеся отъ недоумѣ́ній и стра́ха, съ ра́достію неизрече́нною посѣща́ху мѣ́сто погребе́нія Твоего́, глаго́люще:

Ра́дуйся, живоно́сный гро́бе, въ не́мже Бо́гъ Сло́во, пло́тію усну́въ, священнота́йнѣ тридне́внова!

Ра́дуйся, я́ко То́йже воста́ніемъ Свои́мъ вся́ отъ вѣ́ка усну́вшія возбуди́лъ е́сть!

Ра́дуйся, я́ко въ тебѣ́ Со́лнцу пра́вды, Христу́, заше́дшу, су́щимъ во а́дѣ и сѣ́ни сме́ртнѣй Свѣ́тъ жи́зни возсія́!

Ра́дуйся, я́ко изъ тебе́ Произше́дый, воскресе́ніе и живо́тъ вѣ́чный всѣ́мъ дарова́!

Ра́дуйся, я́ко а́нгелу о тебѣ́ благовѣству́ющу, пла́чь и рыда́ніе Ада́мово преста́!

Ра́дуйся, я́ко ка́меню отъ тебе́ отпа́дшу, каменносерде́чніи язы́цы навы́кнутъ вѣ́ровати въ жи́знь вѣ́чную!

Ра́дуйся, живоно́сный гро́бе, изъ него́же Христо́съ воскре́се!

Конда́къ 10.

Земля́ убоя́ся и умолче́, Тебе́, Творца́ своего́, зря́щи во гро́бѣ ма́лѣ положе́на; а́дъ, вострепета́въ отъ непристу́пныя сла́вы Воскресе́нія Твоего́, издая́ше ме́ртвыя, отъ вѣ́ка содержи́мыя; небеса́ же восхо́дъ ко Отцу́ гото́вяху, Его́же николи́же отлуча́лся еси́. Тѣ́мже и мы́, иску́пленніи Кресто́мъ Твои́мъ, вси́ Тебѣ́ зове́мъ: Аллилу́ія!

Икосъ 10.

Марíя Магдали́на, я́ко теплѣ́йшая къ Тебѣ́, Христу́ Бо́гу, вѣ́рою, зѣло́ ра́но прише́дши на гро́бъ Тво́й, сподо́бися узрѣ́ти Тя́, Жизнода́вца, и жела́ше облобыза́ти пречи́стыя но́зѣ Твои́, но Ты́ у́бо, я́ко Влады́ка вся́ческихъ, — «не прикаса́йся Мнѣ́», — ре́клъ еси́, — «не у́бо взыдо́хъ ко Отцу́ Моему́, иди́ же къ бра́тіи Мое́й и рцы́ и́мъ о воста́ніи Мое́мъ». Тѣ́мже, я́ко благовѣ́стіе нося́щая, не́бо и зе́млю оглаша́ше, вопію́ще:

Ра́дуйся, живоно́сный гро́бе, въ не́мже Христо́съ Пречи́стою Пло́тію, усну́ и почи́ я́ко ле́въ, ники́мже возбуди́мый!

Ра́дуйся, изъ него́же я́ко Бо́гъ, самовла́стнѣ воста́, ничи́мже удержи́мый!

Ра́дуйся, я́ко о бы́вшемъ въ тебѣ́ а́дъ нево́лею и́стинствуетъ, глаго́ля: «у́не мнѣ́ бя́ше, а́ще бы отъ Марíи Ро́ждшагося не прія́лъ!»

Ра́дуйся, я́ко тобо́ю посра́мленъ, кня́зь тьмы́ рыда́етъ!

Ра́дуйся, я́ко тобо́ю обра́дованъ, ли́къ а́нгельскій торжеству́етъ!

Ра́дуйся, но́выя благода́ти храни́лище и непрестаю́щихъ чуде́съ исто́чниче!

Ра́дуйся, живоно́сный гро́бе, изъ него́же Христо́съ воскре́се!

Конда́къ 11.

Предста́въ, по воскресе́ніи, ученико́мъ Твои́мъ, Христе́ Бо́же, мíръ Тво́й по́далъ еси́ и́мъ и вла́сть отпуща́ти грѣхи́, да проповѣ́дуютъ воста́ніе Твое́ отъ гро́ба, крестя́ще во и́мя Отца́ и Сы́на и Свята́го Ду́ха. Они́ же изше́дше, я́ко облече́нные си́лою свы́ше, научи́ша вся́ язы́ки воспѣва́ти Тебѣ́, я́ко Бо́гу: Аллилу́ія!

Икосъ 11.

По воста́ніи Твое́мъ изъ ме́ртвыхъ, явля́я Себе́ ученико́мъ Твои́мъ, Христе́, — «Си́моне Іо́нинъ, лю́биши ли Мя́?» — ре́клъ еси́ Петру́, и по трикра́тномъ любве́ его́ къ Тебѣ́ извѣще́ніи, Це́ркви Твое́й па́ки того́ учи́теля и апо́стола дарова́лъ еси́; мы́ же, про́повѣдію его́ науче́нніи, покланя́ющеся живоно́сному гро́бу Твоему́, та́ко глаго́лемъ:

Ра́дуйся, всесвяты́й гро́бе, въ не́мже, я́ко въ ковче́зѣ Но́евѣ, отъ разлія́нія грѣхо́внаго и тли́ сме́ртныя ве́сь ро́дъ человѣ́ческій спасе́ся!

Ра́дуйся, изъ него́же, я́ко изъ свята́го святы́хъ, ми́ръ и благослове́ніе всѣ́мъ па́дшимъ сына́мъ Ада́ма изнесе́ся!

Ра́дуйся, любве́ Христо́вы къ на́мъ, во дне́хъ пло́ти Его́, послѣ́дній кра́ю и предѣ́ле!

Ра́дуйся, и на́съ всѣ́хъ бра́тію на́шу по пло́ти до сме́рти и гро́ба люби́ти научи́вый!

Ра́дуйся, мра́къ и стра́хи сѣ́ни сме́ртныя для вѣ́рующихъ разгна́вый!

Ра́дуйся, стра́нникомъ земли́ пу́ть жи́зни вѣ́чныя въ небе́сный Іерусали́мъ указа́вый!

Ра́дуйся, живоно́сный гро́бе, изъ него́же Христо́съ воскре́се!

Конда́къ 12.

Боже́ственное, е́же о на́съ, смотре́ніе Твое́ сла́вяще, стра́сти Твоя́ почита́емъ, преди́вному воскресе́нію Твоему́ покланя́емся, и отъ земли́ къ Небе́сному Роди́телю пресла́вное вознесе́ніе воспѣва́емъ и мо́лимся: Пресвята́го Твоего́ Ду́ха не отъими́ отъ на́съ, да вси́ зове́мъ Тебѣ́ во вѣ́ки: Аллилу́ія!

Икосъ 12.

На го́ру Елео́нскую егда́ возше́лъ еси́, Отчее Сія́ніе, тогда́ пресвѣ́тлый о́блакъ подъя́тъ Тя́, зря́щимъ ученико́мъ Твои́мъ, и а́нгели апо́столомъ глаго́лаху: «му́жіе Галиле́йстіи, что́ стоите́ зря́ще на не́бо? се́ бо, Его́же ви́дите вознося́щася, То́й па́ки пріи́детъ съ пло́тію». Они́ же съ ра́достію возврати́вшеся во Іерусали́мъ, хва́ляху Тебе́, и́стиннаго Бо́га, и живоно́сному гро́бу Твоему́, въ не́мже тридне́вно положе́нъ бы́лъ еси́, съ весе́ліемъ возглаша́ху:

Ра́дуйся, живоно́сный гро́бе, собы́вшимся въ тебѣ́ всѣ́хъ на́съ въ вѣ́рѣ во Христа́ утверди́вый!

Ра́дуйся, предъ мучи́тели и враги́ и́стины, наде́ждою воскресе́нія непобѣди́мы на́съ сотвори́вый!

Ра́дуйся, въ не́мже священнота́йнѣ, въ купе́ли креще́нія, вси́ вѣ́рующіи Христу́ спогреба́ются!

Ра́дуйся, изъ него́же креще́нніи, уме́рши грѣху́, къ но́вѣй жи́зни со Христо́мъ совостаю́тъ!

Ра́дуйся, я́ко предъ тобо́ю отъ благода́ти воскресе́нія, въ тебѣ́ почíющей, вся́ крѣ́пость а́да исчеза́етъ!

Ра́дуйся, я́ко изъ тебе́, отъ полноты́ си́лы Бо́жіей, на тебѣ́ я́вльшейся, заря́ жи́зни вѣ́чныя незаходи́мо сія́етъ!

Ра́дуйся, живоно́сный гро́бе, изъ него́же Христо́съ воскре́се!

Конда́къ 13.

О, пресвяты́й и живоно́сный гро́бе Христо́въ, утѣше́ніе ро́да человѣ́ческаго и всея́ земли́ украше́ніе! Тебѣ́, я́ко черто́гу Царя́ сла́вы, мы́сленнѣ съ вѣ́рою предстоя́ще, мо́лимся къ тридне́вно воскре́сшему изъ тебе́ Христу́ Бо́гу на́шему, во е́же изба́витися на́мъ отъ вра́гъ ви́димыхъ и неви́димыхъ, отъ бѣ́дъ вре́менныхъ и вѣ́чныхъ, па́че же отъ страсте́й и грѣхо́въ на́шихъ, да, совоскре́сше Ему́ покая́ніемъ, въ обновле́ніи пра́выя жи́зни ходи́ти на́чнемъ, благода́рнѣ зову́ще: Аллилу́ія!

[Се́й конда́къ глаго́лется три́жды. И па́ки чте́тся 1-й и́косъ: Ангелъ предста́тель... и конда́къ 1-й: Возбра́нному Воево́дѣ...]

Моли́тва ко Го́споду Іису́су воскре́сшему.

Сла́ва Тебѣ́, Го́споди Іису́се Христе́, Бо́же мо́й, я́ко па́ки сподо́билъ мя́ еси́ недосто́йного, преше́дши по́прище свята́го поста́, поклони́тися Боже́ственнымъ Страсте́мъ Твои́мъ и ви́дѣти всера́достный де́нь пресла́внаго изъ гро́ба Воскресе́нія Твоего́, въ о́ньже свободи́лъ еси́ су́щія во а́дѣ отъ вѣ́къ свя́занныя ду́ши пра́ведныхъ. Тоя́ Боже́ственныя свобо́ды ду́ха и пло́ти, дража́йшій Спаси́телю мо́й, и а́зъ жела́ю, да разрѣши́ши мя́, свя́зана су́ща мно́гими грѣхи́, и да сотвори́ши возсія́ти живоно́сному свѣ́ту Воскресе́нія Твоего́ во мра́чнѣй души́ мое́й. Ви́жду бо безчи́сленныя щедро́ты и неизрече́нное человѣколю́біе Твое́, я́ко не то́чію отъ небытíя въ бытіе́ мя́ приве́лъ еси́, и о́браза Твоего́ подо́біемъ украси́въ, всея́ до́льней тва́ри влады́ку поста́вилъ мя́ еси́, но и посе́мъ па́дша съ высоты́ и врагу́ порабо́тившася, не оста́вилъ еси́, но, искупи́въ мя́ безцѣ́нною Кро́вію Твое́ю, благода́тію креще́нія снабди́лъ мя́ еси́, да востеку́ на пе́рвое достоя́ніе. Азъ же, окая́нный, запя́тъ бы́въ умо́мъ плотски́мъ, обрати́хся вспя́ть и па́ки ра́бъ сотвори́хся грѣха́ и страсте́й, доне́лѣже еди́нъ по еди́ному погуби́хъ всѣ́ да́ры благода́ти Твоея́. И ны́нѣ у́бо, ч́то сотворю́, не вѣ́мъ; оба́че помяну́въ глаго́лы пречи́стыхъ у́стъ Твои́хъ, я́ко не прише́лъ еси́ призва́ти пра́ведники, но грѣ́шники въ покая́ніе, и а́зъ, я́ко еди́нъ отъ си́хъ, съ вѣ́рою и смире́ніемъ прихожду́ къ живоно́сному гро́бу Твоему́, не арома́ты и воню́ мѵ́ра нося́й, (на́гъ бо е́смь и пу́стъ благи́хъ дѣ́лъ,) но па́че наде́жду имы́й обрѣсти́ въ не́мъ проще́ніе грѣха́мъ мои́мъ и обновле́ніе нечи́стому житію́ моему́. При́зри у́бо на мя́, ка́ющася и служи́ти Тебѣ́ хотя́ща, и не отри́ни отъ благода́ти Воскресе́нія Твоего́! Живоно́сною сме́ртію Твое́ю и погребе́ніемъ умертви́ моя́ лю́тыя стра́сти, да, я́ко ме́ртвъ и погребе́нъ, живу́ въ мíрѣ се́мъ. Пресла́внымъ воста́ніемъ Твои́мъ воздви́гни мою́ ду́шу, умерщвле́нную грѣхми́, и оживи́ со́вѣсть, ея́же ничто́же въ мíрѣ ну́жнѣйши е́сть. Вознесе́ніемъ Твои́мъ отто́ргни мя́ отъ су́етныхъ и душетлѣ́нныхъ бла́гъ земны́хъ, и сотвори́ мя́ го́рняя му́дрствовати, я́ко да не ктому́ себѣ́ живя́ и угожда́я, но Тебѣ́, Го́споду и Бо́гу моему́, служа́ и рабо́тая, я́коже сподо́бихся поклони́тися Воскресе́нію Твоему́ на земли́, та́ко сподо́бленъ бу́ду ви́дѣти Тебе́, дража́йшаго Искупи́теля моего́, и на небеси́, за прія́тіе сме́рти кре́стныя сла́вою и че́стію вѣнча́нна, и ста́въ одесну́ю вели́чествія Твоего́, со арха́нгелы и а́нгелы, и со всѣ́ми иску́пленными Тобо́ю бра́тіями мои́ми, во вѣ́ки вѣко́въ пою́ Тебѣ́: Аллилу́ія! Ами́нь.

Ґкafістъ гр0бу гDню и3 воскrнію

Кондaкъ №.

Возбрaнному воев0дэ, разруши1телю смeрти и3 ѓда, побёдную пёснь тебЁ, всецRю хrтE, прин0симъ, ћкw востaлъ є3си2, всеси1льне, со слaвою триднeвенъ t гр0ба и3 вс‰ ўмeршыz t вёка совоскреси1лъ є3си2: мh же страдaніемъ твои1мъ вёчныz тли2 и3збaвльшесz, къ сaмому мёсту погребeніz твоегw2 съ весeліемъ и3 рaдостію зовeмъ:

Рaдуйсz, живон0сный гр0бе, и3з8 негHже хrт0съ воскрeсе!

Јкосъ №.

ҐгGлъ предстaтель съ нб7сE низшeдъ, кaмень t гр0ба твоегw2 tвали2, хrтE б9е, и3 мmрон0сицамъ бlговэсти2 востaніе твоE, гlг0лz: шeдше, рцhте ўченикHмъ є3гw2, ћкw востA t мeртвыхъ: nни1 же, вразумлeнные чyднымъ kвлeніемъ, зрsще ко гр0бу твоемY, съ вёрою и3 люб0вію возглашaху:

Рaдуйсz, живон0сный гр0бе, въ нeмже хrт0съ, ћкw чlвёкъ, почи2, и3 ћкw бGъ, воскрeсе триднeвенъ: рaдуйсz, ћкw и3з8 тебє2 сп7съ мjра, ћкw жени1хъ и3з8 черт0га и3зшeдъ, смeрть попрA и3 ѓда плэни1лъ є4сть.

Рaдуйсz, ћкw востaніемъ тогw2, t вёка ўмeршіи, въ жи1знь нестарeемую востaша: рaдуйсz, ћкw въ тебЁ хrтY возлeгшу, проклsтаz въ дёлэхъ человёка землS њс™и1сz.

Рaдуйсz, ћкw тоб0ю первоздaнный ґдaмъ пaки въ ри1зу безсмeртіz њблекaетсz: рaдуйсz, ћкw въ тебЁ џбразъ всемjрнагw воскrніz начертавaетсz!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ в7.

Ћкw пріи1де на гр0бъ марjа магдали1на и3 другaz марjа помaзати тёло твоE, хrтE б9е, њбрэт0ша ѓгGела на кaмени сэдsща, и3 гlг0люща къ ни1мъ: Не б0йтесz! Вёмъ бо, ћкw ї}са распsтаго и4щете: нёсть здЁ, но востA, ћкоже речE вaмъ. Сі‰ ќбw слhшавше с™hz жєны2, тeкше вспsть, бlговэсти1ша ўченикHмъ њ востaніи твоeмъ, да вси2, ћкw творцY и3 воскrшему вLцэ ѓгGльское пёніе воспою1тъ, глаг0люще: Ґллилyіа.

Јкосъ в7.

Бyрю внyтрь и3мёzху сумни1тельныхъ помышлeній ўченицы2 твои2, хrтE, въ чaсъ смeрти твоеS, не вёдуще писaніz, ћкw подобaетъ тебЁ и3з8 мeртвыхъ воскrнути: тёмже пeтръ, вёсть пріeмъ њ востaніи твоeмъ, течE ко гр0бу, хотS ви1дэти бhвшее: прини1къ же и3 ви1дэвъ є3ди6ны ри6зы тво‰ въ нeмъ лежaща, съ вёрою возгласи2: Рaдуйсz, живон0сный гр0бе, ћкw въ тебЁ, посредЁ земли2, всемjрное сп7сeніе содёzсz: рaдуйсz, ћкw цRю цReй џдръ, и3 вLкэ вLкъ пок0ище бhлъ є3си2.

Рaдуйсz, ћкw тоб0ю беззак0нное с0нмище їудeйское всеконeчнэ посрами1сz: рaдуйсz, ћкw пред8 тоб0ю є4ресь саддукeєвъ, глаг0лющихъ не бhти воскrнію, низложи1сz.

Рaдуйсz, гр0бе, пaче хрaма соломHнова чcтнёйшій: рaдуйсz, пaче ски1ніи свидёніz и3 ковчeга завёта с™ёйшій!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ G.

Слhшавше, и4же t кустwдjи, сyєтніи стрaжы гр0ба твоегw2, хrтE, трyсъ вeлій бhвшій, и3 кaмень tвалeнъ и3 гр0бъ прaзденъ ви1дzще, t стрaха бhша ћкw мeртви, и3 тeкше во грaдъ, возвэщaху ґрхіерeємъ и3 стaрцємъ вс‰ бы6вшаz: nни1 же, пребеззак0нніи, ѓще и3 ўмhслиша ўтаи1ти вeліе чyдо, но не возмог0ша сокрhти и4стины, нижE воспzти1ти вёрующымъ пeти тебЁ: Ґллилyіа.

Јкосъ G.

И$же и3ногдA стрaха рaди їудeйска потаeнъ сhй ў§ни1къ тв0й, хrтE, їHсифъ, и4же t ґрімаfeа, и3спроси2 ў пилaта бжcтвенное тёло твоE и3 съ нікоди1момъ, смэшeніемъ смЂрны и3 ґл0а помaзавъ є5 и3 плащани1цею чи1стою њбви1въ, во гр0бе н0вэ положи2, въ нeмже никт0же t человёкъ погребeнъ бhсть, т0кмw ты2 є3ди1нъ, да њс™и1ши земн0е є3стество2: ўви1дэвъ же по си1хъ твоE и3з8 мeртвыхъ воскrніе, пришeдъ ко гр0бу твоемY, со ўмилeніемъ возгласи2:

Рaдуйсz, живон0сный гр0бе, не кустwдjею, пaче же ґрхaгGлами и3 ѓгGлами стрег0мый: рaдуйсz, ћкw t тебє2 хrт0съ со слaвою и3зшeдъ, без{мныz стрaжы пилaтовы недоумёніемъ и3 ќжасомъ порази2.

Рaдуйсz, ћкw печaтей гр0бныхъ не вреди1въ, бGопроти1внаго каіaфу посрами2: рaдуйсz, ћкw и3з8 тебє2 воскрeсшу хrтY, свётлый дeнь всемjрнагw бGовёденіz настA.

Рaдуйсz, ћкw тоб0ю јдwлы и3 куми1ры по всBмъ концє1мъ земли2 сокрушaтсz: рaдуйсz, ћкw на тебЁ хрaмы бGа и4стиннагw по всeй вселeннэй ўтвердsтсz!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ д7.

Воспоминaюще ўченицы2 твои2 преслaдкое њбэтовaніе, є4же, грzдhй на в0льную стрaсть, провэщaлъ є3си2 пред8 ни1ми, варsти и4хъ по воскrніи въ галілeи, поспёшшесz и3д0ша въ галілeю, въ г0ру, ѓможе повелёлъ є3си2, и3 ви1дэвше тS тaмw, є3г0же прeжде њбык0ша зрёти, и4стинна чlвёка, не привидёніемъ, но сaмою вeщію пл0ть нaшу носsща, съ вёрою и люб0вію, ћкw бGу поклони1шасz, зовyще: Ґллилyіа.

Јкосъ д7.

Рaзумъ неуразумённый бhлъ є3си2 їудewмъ, неразумeвшымъ прbр0ческихъ њ тебЁ сказaній, нижE и3скaвшымъ познaти и4стину воскrніz твоегw2, кaкw печaти не руши1въ, и3з8 гр0ба и3зшeлъ є3си2: тёмже безyміе наущaху кустwдjю возвэсти1ти лю1демъ, пречи1стое тёло твоE ўкрaдено бhти: мh же преслaвному воскrнію твоемY дивsщесz, пwхвaльнаz живон0сному гр0бу твоемY восписyемъ, глаг0люще:

Рaдуйсz, всебогaтый гр0бе, ћкw и3мёлъ є3си2 въ тебЁ всBмъ жи1знь подаю1щаго: рaдуйсz, ћкw њсквернeннаz беззак0ніzми человёческими землS пречи1стою пл0тію хrт0вою, въ тебЁ, возлежaвшею, њсщ7aетсz.

Рaдуйсz, ћкw воскrшій и3з8 тебЁ пріS всsку влaсть на нб7си2 и3 на земли2, да всёхъ и3 вс‰ къ бGу nц7Y приведeтъ: рaдуйсz, ћкw кaменю t тебє2 ѓгGломъ отвалeну бhвшу, с™hz жєны2 мmрон0сицы ўразумёша хrт0во воскrніе.

Рaдуйсz, ћкw сп7сY мjра и3з8 тебЁ востaвшу, во всю2 зeмлю и3зhде ґпcльское вэщaніе: рaдуйсz, въ нeмже бlгодaть воскrшагw жизнодaвца до днeсь неви1димw почіeтъ!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ є7.

По днeхъ nсми1хъ t востaніz твоегw2, гDи, пришeлъ є3си2 ко ўченикHмъ твои6мъ, дверє1мъ заключє1ннымъ, даровaніе с™aгw д¦а подаS и5мъ: тогдA u5бо и3 fwмЁ рёклъ є3си2: пріиди2, њсzжи2 ћзвы мо‰, и3 не бyди невёренъ, но вёренъ: тёмже познaвъ тебE и4стиннw воскрeсша бhти, съ пр0чими ўченики2 рaдостнэ возопи2: Ґллилyіа.

Јкосъ є7.

Вэт‡z суемyдрєнныz, кни1жники їудeйстіи, ћкwже ры6бы безгл†сныz ви1димъ, недоумeющыz глаг0лати њ преслaвномъ востaніи твоeмъ, хrтE, и3 неразумeющыz, ћкw подобaше тебЁ пострадaти за р0дъ человёчь и3 и3з8 мeртвыхъ воскrнути: мh же, совоскресшіи тебЁ вёрою и3 люб0вію, съ весeліемъ сaмому гр0бу твоемY зовeмъ:

Рaдуйсz, живон0сный гр0бе, ћкw тоб0ю жи1знь вёчнаz всBмъ концє1мъ земли2 познaсz: рaдуйсz, ћкw въ тебЁ смeртію начaльника жи1зни смeрти жaло и3 держaва сокруши1сz.

Рaдуйсz, ћкw t сёвера и3 м0рz къ тебЁ приходsще, воскrшаго жизнодaвца прославлsютъ: рaдуйсz, ћкw t зaпада и3 вост0ка текyще, вси2 въ тебЁ зал0гъ безсмeртіz њбрэтaютъ.

Рaдуйсz, ћкw по w4бразу твоемY всE гробы2 и3здадyтъ свои1хъ мертвецє1въ въ дeнь послёдній: рaдуйсz, вёры хrтіaнскіz ўтверждeніе и3 прbр0ческихъ сказaній печaте!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ ѕ7.

Е#гдA по воскrніи твоeмъ, хrтE, kви1лсz є3си2 ўченикHмъ твои6мъ на м0ри тіверіaдстэмъ, повелэвaz воврещи2 мрeжу њдеснyю кораблS: тогдA возлю1бленный ўчени1къ тв0й, познaвъ тS t лови1твы рhбъ, петр0ви гlг0лаше: гDь є4сть! и3зшeдше ќбw на землю2, њбрэт0ша џгнь и3 ры6бу лежaщу и3 хлBбъ, t ни1хже вкуси1вше и3 познaвше въ тебЁ своего2 ўчи1телz и3 гDа, є3ди1нэми ўсты6 и3 є3ди1нэмъ сeрдцемъ возопи1ша: Ґллилyіа.

Јкосъ ѕ7.

Ќтру сyщу глубокY, жєны2 пріид0ша на гр0бъ тв0й, ї}се, но желaемагw тэлA твоегw2 не њбрётше, недоумёніемъ и3 печaлію њдержи1ми бsху: тh же, ўтёшителю скорбsщихъ, ћвлсz и5мъ посредЁ вертогрaда, є3ди1нымъ глас0мъ: марjе! Плaчъ и4хъ на рaдость преложи1лъ є3си2: тёмже познaвше воскrніе твоE, съ весeліемъ восклицaху:

Рaдуйсz, живон0сный гр0бе, въ нeмже хrтY всeльшусz, ѓдова њскудёша цaрствіz: рaдуйсz, ћкw тебЁ t первосвzщeнникwвъ запечатлёну бhвшу, вLко, сёни смє1ртныz съ трeпетомъ и3здадE ќзники, ћже t вёка содержaлъ є4сть.

Рaдуйсz, ћкw въ трyсэ, при востaніи и3з8 тебЁ со слaвою и3скупи1телz человёкwвъ, вс‰ твaрь њбрёте вёчное ўспокоeніе: рaдуйсz, ћкw въ тебЁ w4бразъ всемjрнагw воскrніz бGолeпнw пред8изwбрази1сz!

Рaдуйсz, ћкw тоб0ю ли1къ ґпcльскій въ вёрэ и3 любви2 ўтверди1сz: рaдуйсz, и3 ты2, їHсифе, толи1кое сокр0вище въ твоeмъ вертогрaдэ стzжaвый!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ з7.

Въ страдaніи твоeмъ, хrтE, не терпS с0лнце беззак0нныхъ неи1стовства, свётъ св0й скры2, и3 завёса цRк0внаz раздрaсz: въ живон0сномъ же гр0бэ тебЁ положeну бhвшу, землS потрzсeсz, ѓки хотS поглоти1ти законопрестyпныхъ: но ты2, ћкw бGъ, воскрeсъ є3си2 со слaвою, и3 всер0днаго ґдaма воздви1глъ є3си2 съ тоб0ю: тёмже дост0йнw и3 прaведнw воскrнію твоемY зовeмъ: Ґллилyіа.

Јкосъ з7.

По преслaвномъ востaніи твоeмъ, хrтE, луцЁ и3 клеHпэ kви1лсz є3си2, ћкw стрaнникъ, на пути2 въ є3ммаyсъ, и3 бесёдующымъ и5мъ њ приклю1чшихсz въ їеrли1мэ, зазирaемъ бhлъ є3си2 t ни1хъ, ћкw є3ди1нъ невёдый бhвшагw: ты2 же, ћкw всевёдущій, прbр0чєствіz tкрhвъ и3 невёрствіе и4хъ њбличи1въ, познaлсz є3си2 и5ма въ преломлeніи хлёба: тёмже ќбw съ рaдостію вели1кою возврати1вшесz во їеrли1мъ, и3 ўзрёвше вертогрaдъ їHсифовъ, возгласи1ша:

Рaдуйсz, живон0сный гр0бе, и3з8 негHже, ћкw їHна и3з8 чрeва ки1това, хrт0съ триднeвенъ произhде: рaдуйсz, ћкw послёднее витaлище бhлъ є3си2 томY, и4же на земли2 не и3мЁ гдЁ главY подклони1ти.

Рaдуйсz, ћкw тоб0ю положи1сz предёлъ в0льному ўничижeнію нaсъ рaди сп7си1телz мjра: рaдуйсz, ћкw въ тебЁ предначaсz торжество2 побэди1телz ѓда и3 смeрти.

Рaдуйсz, ћкw не ктомY м0гутъ законопрестyпніи њклеветaти лжeю востaніе и3з8 гр0ба сн7а чlвёческаго: рaдуйсz, ћкw тоб0ю нб7о и3 землS и3 преисп0днzz њбрет0ша рaдость.

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ }.

ВсE є3стество2 ѓгGльское и3 человёческое ўдиви1сz вели1кому твоемY, є4же њ нaсъ, смотрeнію: непристyпнаго бо, ћкw бGа, зрsще всBмъ приступна чlвёка, зрaкъ рабA пріи1мша, распsта же и3 погребeнна, но воскrша въ трeтій дeнь во слaвэ и3 вознeсшасz съ пл0тію на нб7о, тёмъ u5бо ћкw сп7си1телю и3 вLцэ воспэвaемъ: Ґллилyіа.

Јкосъ }.

Н0вое и3 преслaвное чyдо показaлъ є3си2 воскrніемъ твои1мъ, хrтE б9е нaшъ, печaти гр0ба не вреди1въ, ћкwже и3 дв7ы въ рождествЁ твоeмъ: тёмже почитaемъ вHльнаz страд†ніz тво‰, славосл0вимъ кrтъ и3 погребeніе, и3 преслaвному воскrнію твоемY покланsющесz, къ живон0сному гр0бу твоемY съ весeліемъ зовeмъ:

Рaдуйсz, всес™hй гр0бе, и3з8 негHже хrт0съ, ћкwже проречE, воскрeсе и3 соб0ю вeсь мjръ њбнови2: рaдуйсz, t негHже всеѕл0бный врaгъ р0да человёческагw лютёйшій ўдaръ во главY пріS.

Рaдуйсz, ћкw t тебє2 tвалeнный кaмень ѓдова вратA сокруши2 и3 верєи2 желBзныz сотрE: рaдуйсz, ћкw и3з8 тебє2 всемjрное сlнце прaвды возсіS и3 мглY невёріz разгнA!

Рaдуйсz, ћкw въ тебЁ хrтY возлeгшу, вс‰ концы2 земли2 в0ни безсмeртіz и3сп0лнишасz: рaдуйсz, ћкw тебЁ открhвшусz, и3ст0чникъ нaшегw тлёніz заключи1сz!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ f7.

Проповёдницы востaніz твоегw2, бGонHсніи ґпcли, п0слани бhвше, t конє1цъ до конє1цъ земли2 проповёдаша тебE и4стиннаго бGа, јдwлы сокруши1ша, беззак0нные nбhчаи язhческіz попрaша, хрaмы и3 жeртвенники бGу и4стинну воздвиг0ша, и3 всёхъ вёрныхъ научи1ша воспэвaти тебЁ: Ґллилyіа.

Јкосъ f7.

По востaніи твоeмъ и3з8 гр0ба, двeрємъ заключє1ннымъ, ко ўченикHмъ твои6мъ вшeлъ є3си2, и3 вкyшъ t хлёба и3 с0та, слaдость цRк0внаz, не привидёніе пред8 ни1ми, но и4стиннаго и4хъ ў§тлz и3 гDа бhти ўвёрилъ є3си2: тёмже своб0ждшесz t недоумёній и3 стрaха, съ рaдостію неизречeнною посещaху мёсто погребeніz твоегw2, глаг0люще:

Рaдуйсz, живон0сный гр0бе, въ нeмже бGъ сл0во, пл0тію ўснyвъ, сщ7еннотaйне триднeвнова: рaдуйсz, ћкw т0йже востaніемъ свои1мъ вс‰ t вёка ўсн{вшыz возбуди1лъ є4сть.

Рaдуйсz, ћкw въ тебЁ сlнцу прaвды, хrтY, зашeдшу, сyщымъ во ѓдэ и3 сёни смeртнэй свётъ жи1зни возсіS: рaдуйсz, ћкw и3з8 тебє2 произшeдый, воскrніе и3 жив0тъ вёчный всёмъ даровA!

Рaдуйсz, ћкw ѓгGлу њ тебЁ бlговэствyющу, плaчъ и3 рыдaніе ґдaмово престA: рaдуйсz, ћкw кaменю t тебє2 tпaдшу, каменносердeчніи язhцы навhкнутъ вёровати въ жи1знь вёчную!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ ‹.

ЗемлS ўбоsсz и3 ўмолчE, тебE, творцA своего2, зрsщи во гр0бэ мaлэ положeна: ѓдъ, вострепетaвъ t непристyпныz слaвы воскrніz твоегw2, и3здаsше мє1ртвыz, t вёка содержи1мыz, нб7сA же восх0дъ ко nц7Y гот0вzху, є3гHже николи1же tлучaлсz є3си2: тёмже и3 мы2, и3скуплeнніи кrт0мъ твои1мъ, вси2 тебЁ зовeмъ: Ґллилyіа.

Јкосъ ‹.

Марjа магдали1на, ћкw теплёйшаz къ тебЁ, хrтY бGу, вёрою, ѕэлw2 рaнw пришeдши на гр0бъ тв0й, спод0бисz ўзрёти тS, жизнодaвца, и3 желaше њблобызaти пречcтыz нHзэ твои2: но ты2 u5бо, ћкw вLка всsческихъ, не прикасaйсz мнЁ, рёклъ є3си2: не ќбw взыд0хъ ко nц7Y моемY, и3ди2 же къ брaтіи моeй и3 рцы2 и5мъ њ востaніи моeмъ: тёмже, ћкw бlговёстіе носsщаz, нб7о и3 землю2 њглашaше, вопію1ще:

Рaдуйсz, живон0сный гр0бе, въ нeмже хrт0съ пречcтою пл0тію, ўснY и3 почи2 ћкw лeвъ, ники1мже возбуди1мый: рaдуйсz, и3з8 негHже ћкw бGъ, самовлaстіе востA, ничи1мже ўдержи1мый.

Рaдуйсz, ћкw њ бhвшэмъ въ тебЁ ѓдъ нев0лею и4стинствуетъ глаг0лz: ќне мнЁ бsше, ѓще бы t марjи р0ждшагwсz не пріsлъ: рaдуйсz, ћкw тоб0ю посрамлeнъ, кнsзь тмы2 рыдaетъ.

Рaдуйсz, ћкw тоб0ю њбрaдованъ, ли1къ ѓгGельскій торжествyетъ: рaдуйсz, н0выz бlгодaти храни1лище и3 непрестаю1щихъ чудeсъ и3ст0чниче!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ №i.

Предстaвъ, по воскrніи, ўченикHмъ твои6мъ, хrтE б9е, мjръ тв0й п0далъ є3си2 и4мъ и3 влaсть tпущaти грэхи2, да проповёдуютъ востaніе твоE t гр0ба, кrтsще во и4мz nц7A, и3 сн7а, и3 с™aгw д¦а: nни1 же и3зшeдше, ћкw nблечeнные си1лою свhше, научи1ша вс‰ kзhки воспэвaти тебЁ, ћкw бGу: Ґллилyіа.

Јкосъ №i.

По востaніи твоeмъ и3з8 мeртвыхъ, kвлsz себE ўченикHмъ твои6мъ, хrтE, сjмwне їHнинъ, лю1биши ли мS: рёклъ є3си2 петрY, и3 по трикрaтномъ любвE є3гw2 къ тебЁ и3звэщeніи, цRкви твоeй пaки того2 ўчи1телz и3 ґпcла даровaлъ є3си2: мh же, пр0повэдію є3гw2 научeнніи, покланsющесz живон0сному гр0бу твоемY, тaкw глаг0лемъ:

Рaдуйсz, всес™hй гр0бе, въ нeмже, ћкw въ ковчeзэ нHевэ, t разліsніz грэх0внагw и3 тли2 смeртныz вeсь р0дъ человёческій сп7сeсz: рaдуйсz, и3з8 негHже, ћкw и3з8 с™aгw с™hхъ, ми1ръ и3 бlгословeніе всBмъ пaдшымъ сынaмъ ґдaма и3знесeсz.

Рaдуйсz, любвE хrт0вы къ нaмъ, во днeхъ пл0ти є3гw2, послёдній краю2 и3 предёле: рaдуйсz, и3 нaсъ всёхъ брaтію нaшу по пл0ти до смeрти и3 гр0ба люби1ти научи1вый.

Рaдуйсz, мрaкъ и3 стрaхи сёни смє1ртныz длz вёрующихъ разгнaвый: рaдуйсz, стрaнникwмъ земли2 пyть жи1зни вёчныz въ нб7сный їеrли1мъ ўказaвый!

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ в7i.

Бжcтвенное, є4же њ нaсъ, смотрeніе твоE слaвzще, стр†сти тво‰ почитaемъ, преди1вному воскrнію твоемY покланsемсz, и3 t земли2 къ нбcному роди1телю преслaвное вознесeніе воспэвaемъ и м0лимсz: прес™aгw твоегw2 д¦а не tими2 t нaсъ, да вси2 зовeмъ тебЁ во вёки: Ѓллилyіа.

јкосъ в7i.

На г0ру є3леHнскую є3гдA возшeлъ є3си2, џ§ее сіsніе, тогдA пресвётлый w4блакъ под8sтъ тS, зрsщымъ ўченикHмъ твои6мъ, и3 ѓгGли ґпcлwмъ гlг0лаху: мyжіе галілeйстіи, что2 стои1те зрsще на нб7о; сE бо, є3г0же ви1дите возносsщасz, т0й пaки пріи1детъ съ пл0тію: nни1 же съ рaдостію возврати1вшесz во їеrли1мъ, хвaлzху тебE, и4стиннаго бGа, и3 живон0сному гр0бу твоемY, въ нeмже триднeвнw положeнъ бhлъ є3си2, съ весeліемъ возглашaху:

Рaдуйсz, живон0сный гр0бе, собhвшимсz въ тебЁ всёхъ нaсъ въ вёрэ во хrтA ўтверди1вый: рaдуйсz, пред8 мучи1тели и3 враги2 и4стины, надeждою воскrніz непобэди1мы нaсъ сотвори1вый.

Рaдуйсz, въ нeмже сщ7еннотaйнэ, въ купёли кRщeніz, вси2 вёрующіе хrтY спогребаютсz: рaдуйсz, и3з8 негHже кRщeнніи, ўмeрши грэхY, къ н0вэй жи1зни со хrт0мъ совостаю1тъ.

Рaдуйсz, ћкw пред8 тоб0ю t бlгодaти воскrніz, въ тебЁ почію1щей, вс‰ крёпость ѓда и3счезaетъ: рaдуйсz, ћкw и3з8 тебє2, t полноты2 си1лы б9іей, на тебЁ ћвльшейсz, зарS жи1зни вёчныz незаходи1мw сіsетъ.

Рaдуйсz, живон0сный гр0бе, и3з8 негHже хrт0съ воскрeсе!

Кондaкъ Gi.

q прес™hй и3 живон0сный гр0бе хrт0въ, ўтэшeніе р0да человёческагw и3 всёz земли2 ўкрашeніе, тебЁ, ћкw черт0гу цRS сlвы, мhсленнэ съ вёрою предстоsще, м0лимсz къ триднeвнw воскrшему и3з8 тебє2 хrтY бGу нaшему, во є4же и3збaвитисz нaмъ t вр†гъ ви1димыхъ и3 невиди1мыхъ, t бёдъ врeменныхъ и3 вёчныхъ, пaче же t страстeй и3 грэхHвъ нaшихъ, да, совоскrше є3мY покаsніемъ, въ њбновлeніи прaвыz жи1зни ходи1ти начнeмъ, бlгодaрнэ зовyще: Ґллилyіа.

Сeй кондaкъ глаг0ли три1жды. И# пaки чтeтсz №-й јкосъ и3 кондaкъ №-й.1