Канон в воспоминание на Небе явившегося знамения Креста

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 20 мая (07 мая ст. ст.)

Глас 4.

Пе́снь 1.

Ирмо́с: Колесни́цы фарао́новы и си́лу его́ вве́рже в мо́ре Кре́пкий во бране́х, воспое́м пе́снь но́вую, я́ко просла́вися.

Яви́л еси́ на земли́ зарю́ Креста́, и́мже диа́вола низложи́в, челове́ческий ро́д спа́сл еси́, Го́споди: те́мже пое́м сла́ву Твою́.

Ра́зума непоко́рство, Кресто́м Изба́витель разори́ вражду́, О́тчим благоволе́нием. Пое́м ему́ пе́снь но́ву, сла́вно бо просла́вися.

Я́ко во Еде́ме живо́тное дре́во всади́л еси́, Христе́, та́ко ски́петр победотво́рный Кре́ст Тво́й, светови́дно возсия́л еси́ на го́ру святу́ю.

Богоро́дичен: Ю́же проро́ческий прови́де ли́к, я́коже две́рь Небе́сную и неопали́мую купину́, Тя́, Де́во Ма́ти чи́стая, Бо́га ро́ждшую позна́хом.

Пе́снь 3.

Ирмо́с: Лу́к си́льных изнемо́же, и немощству́ющии препоя́сашася си́лою: сего́ ра́ди утверди́ся в Го́споде се́рдце мое́.

Я́ко щито́м защища́еми, непобеди́маго Креста́ зна́мением, Влады́ко, его́же не терпя́ ме́рзский, исчеза́ет с де́монским мно́жеством.

Вся́ Кре́ст Тво́й возвесели́, распя́таго Тя́ Бо́га испове́дающыя: и я́ко пресве́тлою и непристу́пною красото́ю осия́.

Богоро́дичен: Ра́дуйся, Ма́ти Неискусобра́чная, Бо́га Сло́ва во утро́бе Твое́й вмести́вшая, и ро́ждши воплоще́ннаго Бо́га, ку́пно и Челове́ка.

Седа́лен, гла́с 4.

Показа́вый Креста́ Боже́ственный о́браз на Небеси́, су́щыя на земли́ наста́вити к Твоему́ позна́нию, Христе́ Бо́же, дне́сь просия́ невече́рняя све́тлость, и све́т лица́ Твоего́ на на́с зна́менася. Того́ у́бо вси́ и́мамы ве́рнии, ору́жие ми́ра, непобеди́мую побе́ду.

Сла́ва, и ны́не, пра́здника.

Пе́снь 4.

Ирмо́с: Услы́шах слу́х Тво́й, Го́споди, я́ко яви́лся еси́ на земли́, и просла́вих Твою́ си́лу.

Та́йно у́бо пе́рвее, чу́вственно же дне́сь, просия́л еси́, Христе́, Пречи́стаго Креста́ Твоего́ о́браз.

Беззако́нных богоуби́йц де́рзость, Кре́стным о́бразом просвети́в, изъобличи́л еси́, Спа́се Ще́дре.

Утверди́л еси́ христиа́нскую ве́ру, невеще́ственным Твои́м све́том, Кре́ст на́м, Христе́, начерта́в.

Богоро́дичен: Ма́ти Чи́стая, Благослове́нная Влады́чице, Его́же родила́ еси́ Бо́га, моли́твами Твои́ми ми́лостива сотвори́ на́м.

Пе́снь 5.

Ирмо́с: Возсия́вый све́т и просвети́вый у́тро, и показа́вый де́нь, сла́ва Тебе́, сла́ва Тебе́, Иису́се, Сы́не Бо́жий.

Смертоно́сное дре́во во Еде́ме Ада́му, дре́вле преступи́вшему, сме́рть принесе́: Кре́ст же Живоно́сный, ны́не я́влься, ми́ра просвети́ концы́.

Соста́вивый сло́вом первозда́нное сия́ние, я́ко Сы́ну Оте́ц Кре́ст ны́не светоза́рен напису́ет, Распе́ншемуся свиде́тельствуя Божество́.

Во све́те незаходи́ме превы́спренний све́т, во Отце́ у́зрим ве́рою, Христе́, Тя́, Сы́на, и Тво́й Ду́х душа́м на́шым просия́н.

Богоро́дичен: Боле́зней ма́терних, Отрокови́це, не позна́ла еси́, преесте́ственно заче́нши Бо́га и ро́ждши пло́тию: те́мже Тя́ вси́ досто́йно сла́вим.

Пе́снь 6.

Ирмо́с: Внегда́ скорбе́ти ми́, возопи́х ко Го́споду, и услы́ша мя́ Бо́г спасе́ния моего́.

Да покры́ются у́бо о́чи беззако́нных, Кре́стныя бо добро́ты блиста́ющия не могу́ще зре́ти.

Да насладя́тся заре́ю Пречи́стаго Креста́, Бо́га ве́дящии, на дре́ве распе́ншагося пло́тию.

Богоро́дичен: Я́же Бо́га ро́ждшая, Де́во Неискусобра́чная, о на́с, не преста́й, Сы́на Твоего́ моля́щи.

Конда́к, гла́с 4.

Отве́рзый Небеса́ заключе́нная, на Небеси́ пресве́тлыя лучи́, на земли́ возсия́ Пречи́стый Кре́ст: те́мже сия́ние его́ де́йства прие́мше, к незаходи́мому наставля́емся Све́ту, и во бране́х и́мамы его́ ору́жие ми́ра, непобеди́мую побе́ду.

И́кос:

Зна́мение се́ стра́шное вели́каго Бо́га ви́де вели́кий Константи́н, и слы́шаше глаго́лющу в не́м Иису́су, пе́рвее глаго́лавшу царю́ христиа́н ве́рных самодержа́вному: да́же у́бо до втора́го прише́ствия, се́й твоему́ гра́ду достоя́ние сохраня́я, и пребу́дет да́же до сконча́ния, и градо́м все́м первоседа́ние. Стена́ же тому́ бу́дет Кре́ст, ору́жие ми́ра, непобеди́мая побе́да.

Пе́снь 7.

Ирмо́с: Спасы́й во огни́ авраа́мския Твоя́ о́троки, и халде́и уби́в, я́же пра́вда пра́веднаго уловля́ше: препе́тый Го́споди, Бо́же оте́ц на́ших, благослове́н еси́.

Возне́сшееся на Кре́ст Со́лнце в полу́дне, Его́же зря́щи чу́вственное со́лнце, лучи́ своя́ скры́: препе́тый Го́споди, Бо́же оте́ц на́ших, благослове́н еси́.

Богови́дцу во огни́ дре́вле бесе́дова и мра́це, крестоявле́нным же блиста́нием, я́ко Бо́г сла́вимь дне́сь: препе́тый Го́споди, Бо́же оте́ц на́ших, благослове́н еси́.

От Све́та и во све́те Све́т соприсносу́щный сия́я, и пречи́стым Твои́м све́том, Креста́ Твоего́ побе́ду показа́л еси́: препе́тый Го́споди, Бо́же оте́ц на́ших, благослове́н еси́.

Богоро́дичен: Несказа́нно во утро́бе, и преесте́ственно прие́мшую Непреме́ннаго Бо́га, за милосе́рдие к челове́ком прише́дшаго, благоче́стно воспое́м я́ко Ма́терь Бо́га на́шего во ве́ки.

Пе́снь 8.

Ирмо́с: Во о́бразе А́нгела я́вльшагося в пещи́ о́гненней песносло́вцем, Христа́ Бо́га по́йте, о́троцы, свяще́нницы, благослови́те, лю́дие, превозноси́те во вся́ ве́ки.

На престо́ле сла́вы ви́дена бы́вша, и на дре́ве Кре́стнем пригвожде́на существо́м пло́ти, по́йте, о́троцы, свяще́нницы, благослови́те, лю́дие, превозноси́те во вся́ ве́ки.

Све́том пречи́стым вообра́жшаго на кра́ниеве Кре́ст, на горе́ святе́й, по́йте, о́троцы, свяще́нницы, благослови́те, лю́дие, превозноси́те во вся́ ве́ки.

Славосло́вяще Еди́наго от Тро́ицы, заре́ю Кре́стною вселе́нную просвеща́юща, по́йте, о́троцы, свяще́нницы, благослови́те, лю́дие, превозноси́те во вся́ ве́ки.

Богоро́дичен: Неизрече́нно и без се́мене заче́ншую, и ро́ждшую ра́дость вселе́нныя, Христа́ Бо́га, по́йте, о́троцы, свяще́нницы, благослови́те, лю́дие, превозноси́те во вся́ ве́ки.

Пе́снь 9.

Ирмо́с: Ка́мень нерукосе́чный от несеко́мыя горы́ Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. Те́м веселя́щеся, Тя́, Богоро́дице, велича́ем.

Дре́вле во огни́ же и мра́це, непокори́вым узако́нивый: ны́не же ве́рным Твои́м лю́дем, Креста́ Твоего́ о́браз начерта́л еси́, па́че свети́л сия́ющ: его́же досто́йно велича́ем.

Пла́кася тмо́ю тва́рь распе́нших Тя́ де́рзости: ны́не же благоле́пнейшим све́том Живоно́сный просия́ Кре́ст Тво́й, Христе́, церко́вную показа́ сокрове́нную красоту́.

О тебе́ упова́ние возвы́сивше, бога́тии лю́дие Твои́, Тебе́ на мольбу́ Кре́ст, и стра́шную кро́вь Твою́ предлага́ют: по благопребы́тно пода́ждь на́м, Сло́ве Бо́жий, избавле́ние.

Богоро́дичен: Просвети́ на́с, ро́ждшая Све́т непристу́пный, Де́во, и испо́лни на́с весе́лия и ра́дости, и Боже́ственнаго ра́зума, чи́стым се́рдцем Тя́ благоразу́мно велича́ющыя.

Свети́лен.

Кре́ст – храни́тель всея́ вселе́нныя, Кре́ст – красота́ Це́ркве, Кре́ст – царе́й держа́ва, Кре́ст – ве́рных утвержде́ние, Кре́ст – А́нгелов сла́ва и де́монов я́зва.

По кончине первого христианского, благоверного и благочестивого царя Константина Великого, царский престол занял сын его Констанций[1], который уклонился в злочестивую ересь Ария, хулившего Сына Божия[2]. Тогда, в посрамление злочестивых еретиков, для уверения неверных и утверждения православных, во святом граде Иерусалиме явилось дивное знамение: во дни святой Пятидесятницы, 7 мая, в третьем часу[3] на небе явилось изображение честного Креста Господня, сиявшее неизреченным светом, сильнейшим солнечных лучей, что видел весь народ, пораженный великим ужасом и удивлением. Сие знамение Креста начинаясь над святою горою Голгофскою, на которой был распят Господь наш[4], достигало до самой горы Елеонской[5], отстоящей от Голгофы на расстоянии пятнадцати стадий, широта крестного знамения соответствовала его длине; красота же его, напоминавшая подобие разноцветной радуги, была столь велика, что привлекала к себе взоры всех. И все, имел ли кто в руках какое-либо дело, находился ли в жилищах, - оставив все свои дела и вышедши из домов, с вниманием и страхом созерцали пречудное знамение. Потом все многочисленные толпы иерусалимлян, исполнившись от этого божественного видения страха и радости, поспешили с глубоким умилением и сердечною теплотою в святую церковь, - все старцы и юноши, мужи и жены, притом и с грудными младенцами, также и безбрачные девицы, заключившиеся в безмолвии - и те, вышедши из своих жилищ, устремились туда же, и вообще всякого возраста и состояния жители Иерусалима, странники и чужеземцы, православные христиане и иноверные. И все они единодушно громко прославляли Иисуса Христа, Господа нашего, Сына Божия единородного, Бога истинного от Бога истинного, Промыслителя великих чудес.

Тогда неверующие еретики, враги и хулители Божества Христова, исполнились стыда, видя в явлении Креста таковую великую, божественную славу и силу Христа Господа, самою действительностью удостоверившись в то время в том, что христианская вера есть правая, истинная и благочестивая и предлагает верующему не от человеческой внешней мудрости изученные слова, но утверждается на откровении Духа Святого и благодати, и засвидетельствована небесными знамениями и чудесами. О повествуемом чудесном явлении знамения Креста святейший патриарх Иерусалимский Кирилл[6] известил посланием царя Констанция, увещевая его обратиться к православному учению. Ермий же Созомен[7] свидетельствует, что чрез сие явление на небе святого Креста[8], весьма многие из иудеев и эллинов пришли к истинной вере и, приступив с покаянием ко Христу Богу нашему, приняли святое крещение. И все благочестно прославляли Христа Бога нашего, Единосущного и Соприсносущного Отцу и Святому Духу. Мы же, исповедуя неисповедимую Его силу, явленную Крестом, превозносим нашими благодарными хвалами Господа Бога нашего и поклоняемся подножию ног Его, святому Кресту, умоляя милосердие Господне, дабы во второе страшное Свое пришествие Христос сподобил нас узреть имеющее тогда явиться "Знамение Сына человеческого" (Мф.24:30), Креста святой, в радости и надежде спасения и им, как бы ключом, отверз нам двери царства небесного, как некогда благоразумному разбойнику рай (Лк.23:40-43), и вчинил нас вместе с благословенными Своими овцами во веки (Мф.25:33-34). Аминь.


Примечания

[1] Констанций, сын Константина Великого, по смерти отца получил Восток, Азию и Египет, в 357 г. победив убийцу брата своего Констанса, Магненция, он соединил под своею властью всю Римскую империю. Он разрушал языческие храмы или отдавал их христианам для обращения в церкви; несколько раз им издавался закон, запрещающий отправления языческого культа. Но своим сочувствием ереси Ария Констанций сильно увеличил религиозные раздоры того времени: он преследовал православных епископов, низводил их с кафедр и даже подвергал заточению; при нем ариане занимали высшие места в государстве. Констанций умер в 361 г., во время похода против своего двоюродного брата Юлиана, провозглашенного войсками в Галлии императором, куда он сам назначил его главнокомандующим. Григорий Назианзин сообщает, что пред смертью Констанций раскаивался в своем преследовании православных.

[2] Родоначальником арианской ереси был пресвитер александрийский Арий. Он отрицал единосущие Сына Божия с Отцом, почитал Иисуса Христа творением и не признавал за Ним божественных совершенств, - всемогущества, всеведения и проч. Ересь Ария подверглась решительному осуждению на первом (325 г.) и втором (381 г.) Вселенских соборах, причем было установлено равенство Сына Божия с Отцом, что и исповедует каждый христианин во втором члене Символа Веры, который был составлен отцами I Всел. собора. В V в. арианство почти не имело последователей в Римской империи, но возродилось в Германии среди готов, бургундов, вандалов и логгобардов, где существовало до VII в.

[3] По нашему счету около 9 часов утра. - Самое событие следует отнести к 351 г. В этом году пасха была 31 марта, след. Пятидесятница 19 мая; 7 мая приходится на вторник последней недели пред Пятидесятницею.

[4] Голгофа находилась ранее вне Иерусалима (Мф.27:32-33, Ин.19:17,41; Евр.13:12); лежит на северо-западной стороне св. города. Свое название (Голгофа с еврейского - череп, лобное место (Лк.13:33), вероятно, получила по сходству с черепом. По преданно здесь был погребен Адам.

[5] Гора Елеонская и Масличная - горы иудейские, лежат к востоку от Иерусалима (Иез.11:23), Масличная получила свое название благодаря множеству росших на ней маслиничных деревьев. Господь Иисус Христос во время Своей земной жизни часто приходил на гору с учениками Своими (Ин.8:1, 18:2). На западном склоне горы Елеонской находится Гефсиманский сад, где Господь молился в ночь пред страданиями и где был предан Иудою (Мф.21:30-50; Лк.14:26-46, 22,39) На юго-восточном склоне горы находилось селение Вифания, откуда Господь предпринял торжественный вход в Иерусалим (Мф.21:21; Лк.14:29). По преданию, с горы Елеонской Господь вознесся на небо (Деян.1:12). B IV в. матерью Константина Великого на горе Елеонской был воздвигнут христианский храм, обращенный впоследствии турками в мечеть.

[6] Св. Кирилл, архиеп. Иерусалимский, патриаршествовал с 350 по 387 г. Известен своею борьбою с ересью ариан. Память его празднуется 18 марта.

[7] Созомен - церковный историк V в. Его "Церковная история" обнимает период времени с 323 по 439 г. (но до нашего времени сохранился рассказ лишь до 423 г.). Созомен написал также историю трех первых веков христианства, но до нас она, к сожалению, не дошла. - Об описываемом дивном, знамении Созомен упоминает в IV кн. своей "Церковной истории", в главе 5.

[8] Явление Креста на небе предвещало Церкви тяжелые времена - господство арианства. Ровно 10 лет (по 361 г.) арианство держалось на престоле в лице Констанция, затем сменилось богоотступничеством Юлиана (361–363 г.); после Юлиана 14 лет покровительствовал арианству император Валент (364–378 г.).