Канон святителю Ионе, митрополиту Московскому и всея Руси

Припев: Святи́телю, о́тче Ио́но, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 13 апреля (31 марта ст. ст.); 09 июня (27 мая ст. ст.); 28 июня (15 июня ст. ст.); 18 октября (05 октября ст. ст.)

Глас 8.

Пе́снь 1.

Ирмо́с: Во́ду проше́д, я́ко су́шу, / и еги́петскаго зла́ избежа́в, / изра́ильтянин вопия́ше: / Изба́вителю, и Бо́гу на́шему пои́м.

И́же от Бо́га дарова́ния Боже́ственнаго наслажда́яся, / ко́еждо проше́ние посеща́я чудесы́, / отону́дуже, о́тче, и мне́ пода́ждь си́лу, / во е́же пе́ти твое́ свяще́нное торжество́.

Благода́ть Боже́ственная излия́ся во устна́х твои́х, святи́телю Ио́но, / и бы́л еси́ па́стырь Христо́вы Це́ркве: / украси́ бо тебе́ Бо́г, Его́же житие́м твои́м просла́вил еси́.

Благоуха́ет честна́я ра́ка моще́й твои́х и источа́ет здра́вие: / неду́зи же при́сно от ве́рных отгоня́ются, / тя́ благоче́стно чту́щих, святи́телю.

Сте́ну тве́рду Христо́ва Це́рковь стяжа́вши тя́, святи́телю, / при́сно пребыва́ет, хва́лящи своего́ Влады́ку, тебе́ просла́вльшаго.

Богоро́дичен: Це́рковь Бо́жия бы́сть нескве́рная Отрокови́ца / все́льшемуся па́че ума́ в Тя́, Богоро́дице, / и ле́сть от ду́ш челове́ческих отгна́вшему.

Пе́снь 3.

Ирмо́с: Небе́снаго кру́га Верхотво́рче, Го́споди, / и Це́ркве Зижди́телю, / Ты́ мене́ утверди́ в любви́ Твое́й, / жела́ний кра́ю, ве́рных утвержде́ние, / еди́не Человеколю́бче.

На высоту́ доброде́телей возше́л еси́, святи́телю / и, прии́м священнопома́зание высо́каго твоего́ жития́, / на седа́лищи высо́це послужи́л еси́ Бо́гу, я́ко архиере́й вели́кий.

Це́рковь Христо́ва, свети́льника тя́ стяжа́вши, святи́телю, / доброде́тельными твои́ми уче́нии, прему́дре, просвеща́ется, глаго́лющи: / Ты́ моя́, Го́споди, кре́пость и утвержде́ние.

Боже́ственным жела́нием все́ плотско́е жела́ние отри́нув, / соверше́нным житие́м просия́л еси́. / Те́мже отсю́ду преста́вился еси́ к невече́рнему сия́нию.

Я́ко архиере́ем прее́мник бы́л еси́, святи́телю, / потща́вся словесы́ и де́лы, и поуче́нием пра́вым подо́бник о́нем бы́ти. / Те́мже почита́ем тя́, я́ко Христо́ва святи́теля.

Богоро́дичен: У́гля Боже́ственнаго светоза́рная клеще́, / купина́, не опали́вшися Божества́, / сено́вныя моя́ попали́ стра́сти и огня́ исхи́ти ве́чнующаго.

Седа́лен, гла́с 4.

Све́тло житие́ твое́ все́м яви́ся, и всепра́зднственная па́мять твоя́, / чудесы́ облиста́ющи, удивля́ет ве́рныя. / Тебе́ у́бо ны́не ра́достию почита́ем, архиере́ев похвало́, / моли́ спасти́ся душа́м на́шим.

Богоро́дичен: Пое́м Тя́, Богоневе́сто, Ма́ти Христа́ Бо́га, / сла́вяще рождество́ Твое́ непостижи́мое, / и́мже изба́вихомся от ле́сти диа́воли / и вся́кия беды́, Богоро́дице Влады́чице, и ве́рно вопие́м: / поми́луй ста́до Твое́, еди́на Всепе́тая.

Пе́снь 4.

Ирмо́с: Услы́шах, Го́споди, / смотре́ния Твоего́ та́инство, / разуме́х дела́ Твоя́ / и просла́вих Твое́ Божество́.

Вели́кое свети́ло, сия́нии твои́х доброде́телей / и светлостьми́ чуде́с просвеща́еши ве́рныя, / и́скренно тебе́ пою́щия, святи́телю.

Я́ко прекра́сная ма́слина, о́тче, насажде́н бы́в, святи́телю, в дому́ Госпо́дни, / и во дво́рех до́му Бо́га на́шего процве́л еси́, / подава́я здра́вие душа́м и телесе́м.

Всечестно́е те́ло твое́, святи́телю Ио́но, до́м Пресвята́го Ду́ха бы́сть: / во гро́бе бо лежа́, ду́хи лука́выя от челове́к прогоня́ет / си́лою в тебе́ Живу́щаго.

Сло́вом и де́лы и простото́ю се́рдца просия́л еси́, Ио́но святи́телю, / помина́й на́с, чту́щих па́мять твою́, преподо́бне.

Богоро́дичен: И́же все́ми Невмести́мый, Пречи́стая, вмеща́ется во утро́бу Твою́, / спаса́я мя́ бла́гостию, погруже́ннаго грехи́.

Пе́снь 5.

Ирмо́с: Вску́ю мя́ отри́нул еси́ / от лица́ Твоего́, Све́те незаходи́мый, / и покры́ла мя́ е́сть чужда́я тьма́, окая́ннаго? / Но обрати́ мя и к све́ту за́поведей Твои́х / пути́ моя́ напра́ви, молю́ся.

Чи́ст у́м тво́й к Бо́гу име́я, святи́телю, всегда́, / до́бре упра́вил еси́ Христо́во ста́до, / те́мже у́бо и непреходя́щее селе́ние со А́нгелы и архиере́и насле́дил еси́, преподо́бне, / отону́дуже сия́еши чудесы́.

Умо́м чисте́йшим разсмотря́л еси́ Ума́ все́х вино́внаго, / сего́ ра́ди прие́мь дарова́ния чуде́с, святи́телю, / ве́рныя удивля́еши, любо́вию тебе́ почита́ющия, прему́дре.

От ю́наго во́зраста житие́ твое́ просия́, / доброде́тельми укра́шено, Ио́но святи́телю, / и чудесы́ высо́кими удо́брено, блаже́нне, / е́же и по преставле́нии просла́ви тя́ явле́нна.

Сла́ва святи́телей и ве́рных люде́й засту́пник вои́стинну, о́тче, бы́л еси́, / красота́ Це́ркве, и основа́ние доброде́телей, / и благоче́стия утвержде́ние, достохва́льне.

Богоро́дичен: Ви́деша Боже́ственнаго та́инства, Богора́дованная, / непостижи́мую глубину́ честни́и проро́цы / чи́стаго рождества́ Твоего́, Пречи́стая, / разли́чными о́бразы, я́коже вмести́ша.

Пе́снь 6.

Ирмо́с: Моли́тву пролию́ ко Го́споду / и Тому́ возвещу́ печа́ли моя́, / я́ко зо́л душа́ моя́ испо́лнися / и живо́т мо́й а́ду прибли́жися, / и молю́ся, я́ко Ио́на: / от тли́, Бо́же, возведи́ мя́.

Благоле́пия венце́м укра́шен, сия́еши ны́не, святи́телю, / я́ко и́стинный архиере́й, пра́вдою вои́стинну оде́явся, преда́ние Спа́сово соблю́л. / Те́мже и зва́нию Боже́ственному сподо́бился еси́, вопию́щу ти́: / вни́ди в ра́дость Го́спода твоего́.

Кро́ток и незло́бив, Влады́чним стопа́м возсле́дуя, преподо́бне, / и преходя́ от тле́нных к ве́чным, / отону́дуже и зе́млю кро́тких со святы́ми дости́гл еси́. / Сего́ ра́ди тя́ собо́ри благочести́вых воспева́ют.

Твоего́ ра́ди жития́ вели́каго и чистоты́ сы́на тя́ све́та и дне́ Христо́с показа́ / и архиере́я и па́стыря Це́ркве Своея́ соде́ла, / иде́же послужи́в я́ко па́стырь изря́ден, / ко оби́телем Небе́сным восхо́диши.

Разсужде́нием ума́ и жела́нием духо́вным распала́емь, / жи́знь твою́, святи́телю, проходи́л еси́ / и, не су́щая, я́ко преходя́щая, ми́мо теки́й, / к Боже́ственным селе́нием, о́тче Ио́но, преложи́лся еси́.

Богоро́дичен: Освяти́ ду́шу мою́, Де́во, Я́же Свято́е ро́ждши Сло́во, / вои́стинну во святы́х, я́ко пречи́сто, почива́ющаго, еди́наго Бо́га на́шего, / и да́руй ми́, я́ко Ми́лостива, умиле́ния ту́чу, Пренепоро́чная.

Конда́к, гла́с 8.

Я́ко от младе́нства Го́сподеви порабо́тив себе́, му́дре, / посто́м и бде́нием те́ло твое́ удруча́я, / те́мже сосу́д чи́ст и до́м Ду́ху Пресвято́му яви́лся еси́, / сего́ ра́ди и Це́ркви Свое́й тебе́ архиере́я и па́стыря устроя́ет, / ю́же до́бре упа́с, ко Го́споду отхо́диши, Его́же возлюби́л еси́. / Те́м мо́лим тя́: / помина́й на́с, ве́рою чту́щих святу́ю па́мять твою́, да вси́ зове́м ти́: / ра́дуйся, о́тче Ио́но, святи́телю всечестны́й.

И́кос:

Челове́к у́бо сы́й естество́м, о́тче, / но па́че челове́ка подвиза́лся еси́ в посте́х, и бде́ниих, и моли́твах, и труде́х, / я́ко о́браз бы́в доброде́тели мно́гим; / сего́ ра́ди тя́ Бо́г архиере́я и па́стыря Це́ркве Своея́ устроя́ет. / Отону́дуже тя́ мо́лим: / моли́ся Благода́телю все́х Бо́гу, / во е́же стране́ на́шей, чту́щей тя́, дарова́ти побе́ду на враги́ / и на́м обрести́ благода́ть и ми́лость в Де́нь Су́дный, да вси́ зове́м ти́: / ра́дуйся, о́тче Ио́но, святи́телю всечестны́й.

Пе́снь 7.

Ирмо́с: От Иуде́и доше́дше, о́троцы / в Вавило́не иногда́ / ве́рою Тро́йческою пла́мень пе́щный попра́ша, пою́ще: / отце́в Бо́же, благослове́н еси́.

Ви́дев твое́ благо́е произволе́ние Христо́с Бо́г, / я́ко не себе́ живе́ши, но де́йствующему в тебе́ Го́споду, / те́м украша́ет тя́ чуде́с исцеле́нием.

Чи́стыми де́лы и исправле́ньми твои́ми просия́в, я́ко свети́ло, / Богода́нную ти́ Це́рковь до́бре упа́сл еси́, поя́ Христу́: / оте́ц на́ших Бо́же, благослове́н еси́.

Я́ко в зако́не Госпо́дни поуча́яся де́нь и но́щь, святи́телю, / за́дняя забыва́я, на пре́дняя же простира́яся, Творцу́ и Влады́це вопия́л еси́: / благослове́н еси́, Го́споди, Бо́же оте́ц на́ших.

Изря́дно житие́ твое́, святи́телю, все́ми позна́но бы́сть, / сего́ ра́ди и по преставле́нии прославля́ет тя́ Христо́с, / Ему́же усе́рдно послужи́л еси́, Ио́но, о́тче на́ш, поя́: / оте́ц на́ших Бо́же, благослове́н еси́.

Богоро́дичен: О́гнь ника́коже Тя́ Божества́ опали́, Де́во: / Тя́ бо иногда́ купина́ прообразова́ше, / в горе́ опаля́ема, Пречи́стая, и ника́коже сгара́ема.

Пе́снь 8.

Ирмо́с: Царя́ Небе́снаго, / Его́же пою́т во́и А́нгельстии, / хвали́те и превозноси́те во вся́ ве́ки.

А́нгельское житие́ пожи́л еси́ на земли́, святи́телю, смире́н и кро́ток бы́в, / отону́дуже и в земли́ кро́тких со святы́ми водворя́ешися, Христу́ поя́: / хвали́те и превозноси́те Его́ во ве́ки.

Хра́м освяще́ния всечестна́я ра́ка моще́й твои́х, святи́телю, / из него́же исцеле́ний благода́ть почерпа́юще, Влады́ку все́х, Го́спода пое́м, / тебе́ целе́бника дарова́вшаго, и превозно́сим Его́ во ве́ки.

У́м тво́й, святи́телю, манове́нием Боже́ственным обожа́емь, / до конца́ плотски́х страсте́й удали́ся, Христу́ поя́: / хвали́те и превозноси́те Его́ во ве́ки.

По досто́инству почита́ем, ве́рнии, моще́й твои́х честну́ю ра́ку, Ио́но святи́телю, / я́ко ми́ро, почерпа́юще чуде́с благоуха́ние, Влады́це Христу́ вопию́ще: / вся́ дела́, хвали́те и превозноси́те Его́ во ве́ки.

Богоро́дичен: Исцели́ стра́сти се́рдца моего́, безстра́стия исто́чник ро́ждшая, / и к животу́ мя Боже́ственному наста́ви, / да Тя́ сла́влю во вся́ ве́ки.

Пе́снь 9.

Ирмо́с: Вои́стинну Богоро́дицу / Тя́ испове́дуем, / спасе́ннии Тобо́ю, Де́во Чи́стая, / с Безпло́тными ли́ки Тя́ велича́юще.

Чи́стым се́рдцем и Боже́ственными восхожде́нии у́м впери́л еси́, / еди́наго Бо́га зре́ти добро́ты жела́я, / и отту́ду светоли́тием просвеща́ешися, Богому́дре святи́телю.

Богопре́данную па́ству твою́, па́стыря тя́ иму́щую, / тя́жкия во́лки отгоня́юща от все́х ве́рных, / и ста́до, благода́тию Христо́вою соблюда́емо, сохрани́, Ио́но святи́телю.

Я́коже пе́рвее целому́дреннаго Ио́сифа те́ло Изра́иль прено́сит, / та́ко и ны́не ра́ку моще́й твои́х, Ио́но святи́телю, ве́рнии прие́млюще, / почита́ют любе́зне, Христа́ велича́юще.

Дне́сь све́тлая па́мять твоя́, святи́телю, возсия́вши, ве́рных сердца́ просвеща́ет; / те́мже и пе́ние сие́ произве́дшему / моли́ Христа́ Бо́га сохрани́тися от лука́ваго ловле́ния / и получи́ти ми́лость в Де́нь Су́дный.

Богоро́дичен: Све́том покая́ния помраче́ннаго мя́ ле́ностию, Всенепоро́чная, просвети́, / да пою́, и велича́ю, и сла́влю Тя́, Пренепоро́чную Влады́чицу.

Свети́лен.

Тезоимени́те целому́дрия, от ю́наго воспита́ния, святи́телю, бы́в, / потща́лся еси́ тле́нными нетле́нная стяжа́ти, / отону́дуже и архиере́йством почте́н бы́в, / при́сно о на́с Влады́ку моли́, любо́вию пою́щих тя́.

Богоро́дичен: Щедро́ты Твоя́, Бо́же, на лю́ди и ста́до Твое́ низпосли́ / моли́твами Пречи́стыя Твоея́ Ма́тере и все́х святы́х Твои́х / и на́м да́руй вели́кую Твою́ ми́лость.

Пѣ́снь а҃.

І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ.

И҆́же ѿ бг҃а дарова́нїѧ бжⷭ҇твеннагѡ наслажда́ѧсѧ, ко́еждо проше́нїе посѣща́ѧ чꙋдесы̀, ѿѻнꙋ́дꙋже, ѻ҆́тче, и҆ мнѣ̀ пода́ждь си́лꙋ, во є҆́же пѣ́ти твоѐ сщ҃е́нное торжество̀.

Бл҃года́ть бжⷭ҇твеннаѧ и҆злїѧ́сѧ во ᲂу҆стна́хъ твои́хъ, ст҃и́телю і҆ѡ́но, и҆ бы́лъ є҆сѝ па́стырь хрⷭ҇то́вы цр҃кве: ᲂу҆краси́ бо тебѐ, бг҃ъ, є҆гѡ́же житїе́мъ твои́мъ просла́вилъ є҆сѝ.

Бл҃гоꙋха́етъ честна́ѧ ра́ка моще́й твои́хъ, и҆ и҆сточа́етъ здра̑вїе, недꙋ́зи же при́снѡ ѿ вѣ́рныхъ ѿгонѧ́ютсѧ, тѧ̀ бл҃гоче́стнѡ чтꙋ́щихъ, ст҃и́телю.

Стѣ́нꙋ тве́рдꙋ хрⷭ҇то́ва цр҃ковь стѧжа́вши тѧ̀, ст҃и́телю, при́снѡ пребыва́етъ хва́лѧщи своего̀ влⷣкꙋ, тебѐ просла́вльшаго.

Бг҃оро́диченъ: Цр҃ковь бж҃їѧ бы́сть нескве́рнаѧ ѻ҆трокови́ца, все́льшемꙋсѧ па́че ᲂу҆ма̀ въ тѧ̀, бцⷣе, и҆ ле́сть ѿ дꙋ́шъ человѣ́ческихъ ѿгна́вшемꙋ.

Пѣ́снь г҃.

І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче.

На высотꙋ̀ добродѣ́телей возше́лъ є҆сѝ, ст҃и́телю, и҆ прїи́мъ сщ҃еннопома́занїе высо́кагѡ твоегѡ̀ житїѧ̀, на сѣда́лищи высо́цѣ послꙋжи́лъ є҆сѝ бг҃ꙋ ꙗ҆́кѡ а҆рхїере́й вели́кїй.

Цр҃ковь хрⷭ҇то́ва свѣти́льника тѧ̀ стѧжа́вши, свѧти́телю, добродѣ́тельными твои́ми ᲂу҆чє́нїи, премꙋ́дре, просвѣща́етсѧ, глаго́лющи: ты̀ моѧ̀, гдⷭ҇и, крѣ́пость и҆ ᲂу҆твержде́нїе.

Бжⷭ҇твеннымъ жела́нїемъ всѐ плотско́е жела́нїе ѿри́нꙋвъ, соверше́ннымъ житїе́мъ просїѧ́лъ є҆сѝ. тѣ́мже ѿсю́дꙋ преста́вилсѧ є҆сѝ къ невече́рнемꙋ сїѧ́нїю.

Ꙗ҆́кѡ а҆рхїере́ємъ прее́мникъ бы́лъ є҆сѝ, свѧти́телю, потща́всѧ словесы̀ и҆ дѣ́лы, и҆ поꙋче́нїемъ пра́вымъ подо́бникъ ѻ҆́нѣмъ бы́ти. тѣ́мже почита́емъ тѧ̀, ꙗ҆́кѡ хрⷭ҇то́ва свѧти́телѧ.

Бг҃оро́диченъ: Оу҆́глѧ бжⷭ҇твеннагѡ свѣтоза́рнаѧ клещѐ, кꙋпина̀ не ѡ҆пали́вшисѧ бжⷭ҇тва̀, сѣнѡ́вныѧ моѧ̑ попалѝ стра̑сти, и҆ ѻ҆гнѧ̀ и҆схи́ти вѣ́чнꙋющагѡ.

Сѣда́ленъ, гла́съ д҃.

Свѣ́тло житїѐ твоѐ всѣ̑мъ ꙗ҆ви́сѧ, и҆ всепра́зднственнаѧ па́мѧть твоѧ̀, чꙋдесы̀ ѡ҆блиста́ющи, ᲂу҆дивлѧ́етъ вѣ̑рныѧ. тебѐ ᲂу҆̀бо ны́нѣ ра́достїю почита́емъ, а҆рхїере́євъ похвало̀, молѝ, спасти́сѧ дꙋша́мъ на́шымъ.

Бг҃оро́диченъ: Пое́мъ тѧ̀, бг҃оневѣ́сто, мт҃и хрⷭ҇та̀ бг҃а, сла́вѧще рождество̀ твоѐ непостижи́мое, и҆́мже и҆зба́вихомсѧ ѿ ле́сти дїа́воли, и҆ всѧ́кїѧ бѣды̀, бцⷣе влⷣчце, и҆ вѣ́рнѡ вопїе́мъ: поми́лꙋй ста́до твоѐ, є҆ди́на всепѣ́таѧ.

Пѣ́снь д҃.

І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀.

Вели́кое свѣти́ло сїѧ̑нїи твои́хъ добродѣ́телей, и҆ свѣтлостьмѝ чꙋде́съ просвѣща́еши вѣ̑рныѧ, и҆́скреннѡ тебѐ пою́щыѧ, ст҃и́телю.

Ꙗ҆́кѡ прекра́снаѧ ма́слина, ѻ҆́тче, насажде́нъ бы́въ, ст҃и́телю, въ домꙋ̀ гдⷭ҇ни, и҆ во дво́рѣхъ до́мꙋ бг҃а на́шегѡ процвѣ́лъ є҆сѝ, подава́ѧ здра́вїе дꙋша́мъ и҆ тѣлесє́мъ.

Всечестно́е тѣ́ло твоѐ, свѧти́телю і҆ѡ́но, до́мъ прест҃а́гѡ дх҃а бы́сть: во гро́бѣ бо лежѧ̀, дꙋ́хи лꙋка̑выѧ ѿ человѣ̑къ прогонѧ́етъ си́лою въ тебѣ̀ живꙋ́щагѡ.

Сло́вомъ и҆ дѣ́лы, и҆ простото́ю се́рдца, просїѧ́лъ є҆сѝ, і҆ѡ́но свѧти́телю, помина́й на́съ, чтꙋ́щихъ па́мѧть твою̀, преподо́бне.

Бг҃оро́диченъ: И҆́же всѣ́ми невмѣсти́мый, пречⷭ҇таѧ, вмѣща́етсѧ во ᲂу҆тро́бꙋ твою̀, спаса́ѧ мѧ̀ бла́гостїю погрꙋже́ннаго грѣхи̑.

Пѣ́снь є҃.

І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннагѡ, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ.

Чи́стъ ᲂу҆́мъ тво́й къ бг҃ꙋ и҆мѣ́ѧ, свѧти́телю, всегда̀, до́брѣ ᲂу҆пра́вилъ є҆сѝ хрⷭ҇то́во ста́до: тѣ́мже ᲂу҆̀бо и҆ непреходѧ́щее селе́нїе со а҆́гг҃лы и҆ а҆рхїерє́и наслѣ́дилъ є҆сѝ, преподо́бне, ѿѻнꙋ́дꙋже сїѧ́еши чꙋдесы̀.

Оу҆мо́мъ чистѣ́йшимъ разсмотрѧ́лъ є҆сѝ ᲂу҆ма̀ всѣ́хъ вино́внаго: сегѡ̀ ра́ди прїе́мь дарова̑нїѧ чꙋде́съ, ст҃и́телю, вѣ̑рныѧ ᲂу҆дивлѧ́еши любо́вїю тебѐ почита́ющыѧ, премꙋ́дре.

Ѿ ю҆́нагѡ во́зраста житїѐ твоѐ просїѧ̀, добродѣ́тельми ᲂу҆кра́шено, і҆ѡ́но свѧти́телю, и҆ чꙋдесы̀ высо́кими ᲂу҆до́брено, блаже́нне, є҆́же и҆ по преставле́нїи просла́ви тѧ̀ ꙗ҆вле́нна.

Сла́ва ст҃и́телей, и҆ вѣ́рныхъ люде́й застꙋ́пникъ, вои́стиннꙋ, ѻ҆́тче, бы́лъ є҆сѝ красота̀ це́ркве, и҆ ѡ҆снова́нїе и҆ добродѣ́телей, благоче́стїѧ ᲂу҆твержде́нїе, достохва́льне.

Бг҃оро́диченъ: Ви́дѣша бжⷭ҇твеннагѡ та́инства, бг҃ора́дованнаѧ, непостижи́мꙋю глꙋбинꙋ̀ честні́и прⷪ҇ро́цы чи́стагѡ рождества̀ твоегѡ̀, пречⷭ҇таѧ, разли́чными ѻ҆́бразы, ꙗ҆́коже вмѣсти́ша.

Пѣ́снь ѕ҃.

І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ.

Благолѣ́пїѧ вѣнце́мъ ᲂу҆кра́шенъ, сїѧ́еши ны́нѣ, свѧти́телю, ꙗ҆́кѡ и҆́стинный а҆рхїере́й, пра́вдою вои́стиннꙋ ѡ҆дѣ́ѧвсѧ, преда́нїе сп҃сово соблю́лъ є҆сѝ. тѣ́мже и҆ зва́нїю бжⷭ҇твенномꙋ сподо́билсѧ є҆сѝ, вопїю́щꙋ тѝ: вни́ди въ ра́дость гдⷭ҇а твоегѡ̀.

Кро́токъ и҆ неѕло́бивъ, влⷣчнимъ стопа́мъ возслѣ́дꙋѧ, преподо́бне, и҆ преходѧ̀ ѿ тлѣ́нныхъ къ вѣ̑чнымъ: ѿѻнꙋ́дꙋже и҆ зе́млю кро́ткихъ со ст҃ы́ми дости́глъ є҆сѝ. сегѡ̀ ра́ди тѧ̀ собо́ри благочести́выхъ воспѣва́ютъ.

Твоегѡ̀ ра́ди житїѧ̀ вели́кагѡ и҆ чистоты̀, сн҃а тѧ̀ свѣ́та и҆ днѐ хрⷭ҇то́съ показа̀, и҆ а҆рхїере́а, и҆ па́стырѧ це́ркве своеѧ̀ содѣ́ла, и҆дѣ́же послꙋжи́въ ꙗ҆́кѡ па́стырь и҆зрѧ́денъ, ко ѻ҆би́телємъ нбⷭ҇нымъ восхо́диши.

Разсꙋжде́нїемъ ᲂу҆ма̀, и҆ жела́нїемъ дꙋхо́внымъ распала́емь, жи́знь твою̀, свѧти́телю, проходи́лъ є҆сѝ: и҆ не сꙋ̑щаѧ ꙗ҆́кѡ преходѧ̑щаѧ ми́мѡ текі́й, къ бжⷭ҇твєннымъ селе́нїємъ, ѻ҆́тче і҆ѡ́но, преложи́лсѧ є҆сѝ.

Бг҃оро́диченъ: Ѡ҆ст҃ѝ дꙋ́шꙋ мою̀, дв҃о, ꙗ҆́же ст҃о́е ро́ждши сло́во, вои́стиннꙋ во ст҃ы́хъ, ꙗ҆́кѡ пречи́сто почива́ющаго є҆ди́наго бг҃а на́шего, и҆ да́рꙋй мѝ, ꙗ҆́кѡ ми́лостива, ᲂу҆миле́нїѧ тꙋ́чꙋ, пренепоро́чнаѧ.

Конда́къ, гла́съ и҃.

Ꙗ҆́кѡ ѿ младе́нства гдⷭ҇еви порабо́тивъ себѐ, мꙋ́дре, посто́мъ и҆ бдѣ́нїемъ тѣ́ло твоѐ ᲂу҆дрꙋча́ѧ. тѣ́мже сосꙋ́дъ чи́стъ и҆ до́мъ дх҃ꙋ прест҃о́мꙋ ꙗ҆ви́лсѧ є҆сѝ: сегѡ̀ ра́ди и҆ це́ркви свое́й тебѐ а҆рхїере́а и҆ па́стырѧ ᲂу҆строѧ́етъ, ю҆́же до́брѣ ᲂу҆па́съ, ко гдⷭ҇ꙋ ѿхо́диши, є҆го́же возлюби́лъ є҆сѝ. тѣ́мъ мо́лимъ тѧ̀: помина́й на́съ вѣ́рою чтꙋ́щихъ ст҃ꙋ́ю па́мѧть твою̀, да всѝ зове́мъ тѝ: ра́дꙋйсѧ, ѻ҆́тче і҆ѡ́но, свѧти́телю всечестны́й.

І҆́косъ:

Человѣ́къ ᲂу҆́бѡ сы́й є҆стество́мъ, ѻ҆́тче, но па́че человѣ́ка подвиза́лсѧ є҆сѝ въ постѣ́хъ и҆ бдѣ́нїихъ, и҆ моли́твахъ, и҆ трꙋдѣ́хъ, ꙗ҆́кѡ ѻ҆́бразъ бы́въ добродѣ́тели мнѡ́гимъ: сегѡ̀ ра́ди тѧ̀ бг҃ъ а҆рхїере́а и҆ па́стырѧ це́ркве своеѧ̀ ᲂу҆строѧ́етъ. ѿѻнꙋ́дꙋже тѧ̀ мо́лимъ: моли́сѧ благода́телю всѣ́хъ бг҃ꙋ, во є҆́же странѣ̀ на́шей чтꙋ́щей тѧ̀, дарова́ти побѣ́дꙋ на врагѝ, и҆ на́мъ ѡ҆брѣстѝ благода́ть и҆ ми́лость въ де́нь сꙋ́дный, да всѝ зове́мъ тѝ: ра́дꙋйсѧ, ѻ҆́тче і҆ѡ́но, ст҃и́телю всечестны́й.

Пѣ́снь з҃.

І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆ц҃є́въ бж҃е, бл҃гослове́нъ є҆сѝ.

Ви́дѣвъ твоѐ благо́е произволе́нїе хрⷭ҇то́съ бг҃ъ, ꙗ҆́кѡ не себѣ̀ живе́ши, но дѣ́йствꙋющемꙋ въ тебѣ̀ гдⷭ҇ꙋ: тѣ́мъ ᲂу҆краша́етъ тѧ̀ чꙋде́съ и҆сцѣле́нїемъ.

Чи́стыми дѣ́лы и҆ и҆справле́ньми твои́ми просїѧ́въ, ꙗ҆́кѡ свѣти́ло, бг҃ода́ннꙋю тѝ це́рковь до́брѣ ᲂу҆па́слъ є҆сѝ, поѧ̀ хрⷭ҇тꙋ̀: ѻ҆тє́цъ на́шихъ бж҃е, благослове́нъ є҆сѝ.

Ꙗ҆́кѡ въ зако́нѣ гдⷭ҇ни поꙋча́ѧсѧ де́нь и҆ но́щь, свѧти́телю, за̑днѧѧ забыва́ѧ, на прє́днѧѧ же простира́ѧсѧ, творцꙋ̀ и҆ влⷣцѣ вопїѧ́лъ є҆сѝ, благослове́нъ є҆сѝ, гдⷭ҇и бж҃е ѻ҆тє́цъ на́шихъ.

И҆зрѧ́дно житїѐ твоѐ, свѧти́телю, всѣ́ми позна́но бы́сть, сегѡ̀ ра́ди и҆ по преставле́нїи прославлѧ́етъ тѧ̀ хрⷭ҇то́съ, є҆мꙋ́же ᲂу҆се́рднѡ послꙋжи́лъ є҆сѝ, і҆ѡ́но ѻ҆́тче на́шъ, поѧ̀: ѻ҆тє́цъ на́шихъ бж҃е, благослове́нъ є҆сѝ.

Бг҃оро́диченъ: Ѻ҆́гнь ника́коже тѧ̀ бжⷭ҇тва̀ ѡ҆палѝ, дв҃о: тѧ́ бо и҆ногда̀ кꙋпина̀ проѡбразова́ше въ горѣ̀ ѡ҆палѧ́ема, пречⷭ҇таѧ, и҆ ника́коже сгара́ема.

Пѣ́снь и҃.

І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки.

А҆́гг҃льское житїѐ пожи́лъ є҆сѝ на землѝ, свѧти́телю, смире́нъ и҆ кро́токъ бы́въ: ѿѻнꙋ́дꙋже и҆ въ землѝ кро́ткихъ со ст҃ы́ми водворѧ́ешисѧ, хрⷭ҇тꙋ̀ поѧ̀: хвали́те и҆ превозноси́те є҆го̀ во вѣ́ки.

Хра́мъ ѡ҆свѧще́нїѧ всечестна́ѧ ра́ка моще́й твои́хъ, свѧти́телю, и҆зъ негѡ́же и҆сцѣле́нїй благода́ть почерпа́юще, влⷣкꙋ всѣ́хъ гдⷭ҇а пое́мъ, тебѐ цѣле́бника дарова́вшаго, и҆ превозно́симъ є҆го̀ во вѣ́ки.

Оу҆́мъ тво́й, свѧти́телю, манове́нїемъ бжⷭ҇твеннымъ ѡ҆божа́емь, до конца̀ плотски́хъ страсте́й ᲂу҆дали́сѧ, хрⷭ҇тꙋ̀ поѧ̀: хвали́те и҆ превозноси́те є҆го̀ во вѣ́ки.

По досто́инствꙋ почита́емъ вѣ́рнїи моще́й твои́хъ честнꙋ́ю ра́кꙋ, і҆ѡ́но свѧти́телю, ꙗ҆́кѡ мѵ́ро почерпа́юще чꙋде́съ благоꙋха́нїе, влⷣцѣ хрⷭ҇тꙋ̀ вопїю́ще: всѧ̑ дѣла̀, хвали́те и҆ превозноси́те є҆го̀ во вѣ́ки.

Бг҃оро́диченъ: И҆сцѣлѝ стра̑сти се́рдца моегѡ̀, безстра́стїѧ и҆сто́чникъ ро́ждшаѧ, и҆ къ животꙋ́ мѧ бжⷭ҇твенномꙋ наста́ви, да тѧ̀ сла́влю во всѧ̑ вѣ́ки.

Пѣ́снь ѳ҃.

І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, спасе́ннїи тобо́ю, дв҃о чⷭ҇таѧ, съ безпло́тными ли̑ки тѧ̀ велича́юще.

Чи́стымъ се́рдцемъ и҆ бжⷭ҇твенными восхождє́нїи, ᲂу҆́мъ впери́лъ є҆сѝ, є҆ди́нагѡ бг҃а зрѣ́ти добрѡ́ты жела́ѧ: и҆ ѿтꙋ́дꙋ свѣтоли́тїемъ просвѣща́ешисѧ, бг҃омꙋ́дре ст҃и́телю.

Бг҃опре́даннꙋю па́ствꙋ твою̀, па́стырѧ тѧ̀ и҆мꙋ́щꙋю, тѧ́жкїѧ во́лки ѿгонѧ́юща ѿ всѣ́хъ вѣ́рныхъ, и҆ ста́до бл҃года́тїю хрⷭ҇то́вою соблюда́емо сохранѝ, і҆ѡ́но ст҃и́телю.

Ꙗ҆́коже пе́рвѣе цѣломꙋ́дреннагѡ і҆ѡ́сифа тѣ́ло і҆и҃ль прено́ситъ, та́кѡ и҆ ны́нѣ ра́кꙋ моще́й твои́хъ, і҆ѡ́но ст҃и́телю, вѣ́рнїи прїе́млюще, почита́ютъ любе́знѣ, хрⷭ҇та̀ велича́юще.

Дне́сь свѣ́тлаѧ па́мѧть твоѧ̀, ст҃и́телю, возсїѧ́вши, вѣ́рныхъ сердца̀ просвѣща́етъ: тѣ́мже и҆ пѣ́нїе сїѐ произве́дшемꙋ, молѝ хрⷭ҇та̀ бг҃а, сохрани́тисѧ ѿ лꙋка́вагѡ ловле́нїѧ, и҆ полꙋчи́ти ми́лость въ де́нь сꙋ́дный.

Бг҃оро́диченъ: Свѣ́томъ покаѧ́нїѧ помраче́ннаго мѧ̀ лѣ́ностїю, всенепоро́чнаѧ, просвѣтѝ, да пою̀ и҆ велича́ю, и҆ сла́влю тѧ̀ пренепоро́чнꙋю влⷣчцꙋ.

Свѣти́ленъ.

Тезоимени́те цѣломꙋ́дрїѧ, ѿ ю҆́нагѡ воспита́нїѧ, ст҃и́телю, бы́въ, потща́лсѧ є҆сѝ тлѣ́нными нетлѣ̑ннаѧ стѧжа́ти: ѿѻнꙋ́дꙋже и҆ а҆рхїере́йствомъ почте́нъ бы́въ, при́снѡ ѡ҆ на́съ влⷣкꙋ молѝ, любо́вїю пою́щихъ тѧ̀.

Бг҃оро́диченъ: Щедрѡ́ты твоѧ̑, бж҃е, на лю́ди и҆ ста́до твоѐ низпослѝ, моли́твами пречⷭ҇тыѧ твоеѧ̀ мт҃ре, и҆ всѣ́хъ ст҃ы́хъ твои́хъ, и҆ на́мъ да́рꙋй вели́кꙋю твою̀ ми́лость.

Краткое житие святителя Ионы, митрополита Московского и всея Руси

Свя­ти­тель Иона, мит­ро­по­лит Мос­ков­ский и всея Рос­сии чу­до­тво­рец, ро­дил­ся в го­ро­де Га­ли­че в бла­го­че­сти­вой хри­сти­ан­ской се­мье. От­ца бу­ду­ще­го свя­ти­те­ля зва­ли Фе­о­до­ром. В две­на­дца­ти­лет­нем воз­расте юно­ша при­нял по­стриг в од­ном из га­лич­ских мо­на­сты­рей, от­ку­да пе­ре­шел в мос­ков­ский Си­мо­нов мо­на­стырь, где мно­го лет ис­пол­нял раз­лич­ные по­слу­ша­ния. Од­на­жды свя­ти­тель Фо­тий, мит­ро­по­лит Мос­ков­ский (па­мять 27 мая и 2 июля), по­се­тил Си­мо­нов мо­на­стырь и по­сле мо­леб­на, пре­по­дав бла­го­сло­ве­ние ар­хи­манд­ри­ту и бра­тии, по­же­лал бла­го­сло­вить ино­ков, ис­пол­няв­ших по­слу­ша­ние на мо­на­стыр­ских ра­бо­тах. Ко­гда он при­шел в пе­кар­ню, то уви­дел уснув­ше­го от мно­гих тру­дов ино­ка Иону, пра­вая ру­ка утом­лен­но­го ино­ка бы­ла со­гну­та в бла­го­слов­ля­ю­щем же­сте. Свя­ти­тель Фо­тий про­сил не бу­дить его, бла­го­сло­вил спя­ще­го ино­ка и про­ро­че­ски пред­ска­зал при­сут­ство­вав­шим, что этот мо­нах бу­дет ве­ли­ким свя­ти­те­лем Рус­ской Церк­ви и мно­гих на­ста­вит на путь спа­се­ния.

Пред­ска­за­ние свя­ти­те­ля ис­пол­ни­лось. Через несколь­ко лет свя­ти­тель Иона был по­став­лен епи­ско­пом Ря­за­ни и Му­ро­ма.

В 1431 го­ду скон­чал­ся свя­ти­тель Фо­тий. Через пять лет по­сле его смер­ти за доб­ро­де­тель­ную и свя­тую жизнь мит­ро­по­ли­том Все­рос­сий­ским был из­бран свя­ти­тель Иона. Ко­гда но­во­из­бран­ный мит­ро­по­лит от­пра­вил­ся к пат­ри­ар­ху Иоси­фу II (1416–1439) в Кон­стан­ти­но­поль, чтобы при­нять по­став­ле­ние на мит­ро­по­лию, то ока­за­лось, что неза­дол­го до то­го зло­муд­рен­ный Ис­и­дор, по про­ис­хож­де­нию бол­га­рин, уже был по­свя­щен на рус­скую мит­ро­по­лию. Недол­го про­быв в Ки­е­ве и Москве, Ис­и­дор от­пра­вил­ся на Фло­рен­тий­ский со­бор (1438), где при­нял унию. Со­бор рус­ских ар­хи­ере­ев и ду­хо­вен­ства низ­ло­жил мит­ро­по­ли­та Ис­и­до­ра, и тот вы­нуж­ден был тай­но бе­жать в Рим (где умер в 1462 го­ду). На Все­рос­сий­скую мит­ро­по­лию еди­но­душ­но был из­бран свя­ти­тель Иона. По­свя­ще­ние его по бла­го­сло­ве­нию Кон­стан­ти­но­поль­ско­го пат­ри­ар­ха Гри­го­рия III (1445–1450) впер­вые со­вер­ше­но рус­ски­ми ар­хи­ере­я­ми в Москве. 15 де­каб­ря 1448 го­да свя­ти­тель Иона всту­пил на мит­ро­по­лию и с ар­хи­пас­тыр­ской рев­но­стью стал утвер­ждать бла­го­че­стие сре­ди па­со­мых, сло­вом и де­лом укреп­ляя пра­во­слав­ную ве­ру в стране. И при сво­ем вы­со­ком сане он по-преж­не­му не остав­лял лич­ных мо­на­ше­ских по­дви­гов. За тру­ды на бла­го Церк­ви Хри­сто­вой свя­ти­тель Иона удо­сто­ил­ся от Бо­га бла­го­дат­но­го да­ра чу­до­тво­ре­ний и про­зор­ли­во­сти. В 1451 го­ду та­та­ры неожи­дан­но под­сту­пи­ли к Москве, со­жгли окрест­но­сти и го­то­ви­лись к на­па­де­нию на го­род. Мит­ро­по­лит Иона с кли­ром со­вер­шал крест­ный ход по сте­нам го­ро­да, со сле­за­ми мо­ля Бо­га о спа­се­нии гра­да и лю­дей. Уви­дев пре­ста­ре­ло­го мо­на­ха Ан­то­ния, ино­ка Чу­до­ва мо­на­сты­ря, ко­то­рый от­ли­чал­ся доб­ро­де­тель­ной жиз­нью, свя­ти­тель Иона ска­зал: «Сын и брат мой Ан­то­ний! По­мо­лись ми­ло­сти­во­му Бо­гу и Пре­чи­стой Бо­го­ро­ди­це об из­бав­ле­нии го­ро­да и всех пра­во­слав­ных хри­сти­ан». Сми­рен­ный Ан­то­ний от­ве­тил: «Ве­ли­кий свя­ти­тель! Бла­го­да­рим Бо­га и Пре­чи­стую Его Ма­терь: услы­ша­ла Она мо­лит­вы твои и умо­ли­ла Сы­на Сво­е­го, го­род и все пра­во­слав­ные хри­сти­ане бу­дут спа­се­ны по тво­им мо­лит­вам. Вра­ги ско­ро бу­дут по­беж­де­ны. Толь­ко мне од­но­му суж­де­но от Гос­по­да быть уби­то­му вра­га­ми». Ед­ва ста­рец ска­зал это, как вра­же­ская стре­ла прон­зи­ла его.

Пред­ска­за­ние стар­ца Ан­то­ния сбы­лось: 2 июля, в празд­ник По­ло­же­ния Ри­зы Пре­свя­той Бо­го­ро­ди­цы, в ря­дах та­тар про­изо­шло смя­те­ние, и они в неве­до­мом стра­хе и ужа­се об­ра­ти­лись в бег­ство. Свя­ти­тель Иона вско­ре по­стро­ил на сво­ем дво­ре храм в честь По­ло­же­ния Ри­зы Пре­свя­той Бо­го­ро­ди­цы в па­мять из­бав­ле­ния Моск­вы от вра­гов.

Бла­жен­ная кон­чи­на свя­ти­те­ля Ио­ны по­сле­до­ва­ла в 1461 го­ду. При гро­бе свя­ти­те­ля ста­ли со­вер­шать­ся мно­го­чис­лен­ные ис­це­ле­ния.

В 1472 го­ду мо­щи свя­то­го мит­ро­по­ли­та Ио­ны бы­ли об­ре­те­ны нетлен­ны­ми и по­ло­же­ны в Успен­ском со­бо­ре Крем­ля (празд­но­ва­ние пе­ре­не­се­ния свя­тых мо­щей со­вер­ша­ет­ся 27 мая). Со­бор Рус­ской Церк­ви 1547 го­да уста­но­вил празд­но­вать свя­ти­те­лю Ионе, мит­ро­по­ли­ту Мос­ков­ско­му, осо­бую па­мять. В 1596 го­ду пат­ри­арх Иов уста­но­вил празд­но­ва­ние свя­ти­те­лю Ионе в со­бо­ре дру­гих Мос­ков­ских свя­ти­те­лей, 5 ок­тяб­ря.

Полное житие святителя Ионы, митрополита Московского и всея Руси

Свя­ти­тель Иона, мит­ро­по­лит Мос­ков­ский и всея Ру­си, ро­дил­ся в по­след­ней чет­вер­ти XIV ве­ка в се­ле Один­цо­ве близ го­ро­да Со­ли­га­ли­ча, в Ко­стром­ской зем­ле. С ран­них лет маль­чик стре­мил­ся к ино­че­ской жиз­ни. В две­на­дца­ти­лет­нем воз­расте он при­нял мо­на­ше­ство в од­ном из Га­лич­ских мо­на­сты­рей, а за­тем пе­ре­шел в Мос­ков­ский Си­мо­нов мо­на­стырь.

Юный инок сми­рен­но и усерд­но ис­пол­нял раз­лич­ные по­слу­ша­ния, неукос­ни­тель­но со­блю­дая за­ве­ты пер­вых игу­ме­нов оби­те­ли – свя­то­го Фе­о­до­ра, ос­но­ва­те­ля мо­на­сты­ря, впо­след­ствии ар­хи­епи­ско­па Ро­стов­ско­го († 1394; па­мять 28 но­яб­ря/11 де­каб­ря), и пре­по­доб­но­го Ки­рил­ла, впо­след­ствии игу­ме­на Бе­ло­зер­ско­го († 1427; па­мять 9/22 июня). Он под­ви­зал­ся в по­сте, мо­лит­ве, чте­нии сло­ва Бо­жия. Свя­ти­тель Фо­тий мит­ро­по­лит († 1431; па­мять 2/15 июля) од­на­жды по­се­тил Си­мо­нов мо­на­стырь. И ко­гда он при­шел в пе­кар­ню, то уви­дел уснув­ше­го от мно­гих тру­дов ино­ка Иону, пра­вая ру­ка утом­лен­но­го ино­ка бы­ла со­гну­та в бла­го­слов­ля­ю­щем же­сте. Свя­ти­тель Фо­тий про­сил не бу­дить его, бла­го­сло­вив спя­ще­го ино­ка, и про­ро­че­ски пред­ска­зал при­сут­ство­вав­шим, что он бу­дет ве­ли­ким свя­ти­те­лем Рус­ской Церк­ви и мно­гих об­ра­тит на путь спа­се­ния.

В 1431 го­ду свя­той Иона был по­став­лен епи­ско­пом на Ря­зан­скую и Му­ром­скую ка­фед­ру. Нема­ло тру­дов по­ло­жил он на то, чтобы об­ра­тить ко Хри­сту ино­вер­ных жи­те­лей сво­ей епар­хии. Вско­ре по­сле кон­чи­ны мит­ро­по­ли­та Фо­тия свя­ти­тель Иона воз­гла­вил Рус­скую Пра­во­слав­ную Цер­ковь. В 1432 го­ду он име­ну­ет­ся «на­ре­­чен­ным в свя­тей­шую мит­ро­по­лию Рус­скую». Од­на­ко меж­до­усоб­ная борь­ба за ве­ли­ко­кня­же­ский пре­стол ве­ли­ко­го кня­зя Ва­си­лия II Ва­си­лье­ви­ча и его дя­ди, Га­лиц­ко­го кня­зя Юрия Дмит­ри­е­ви­ча не поз­во­ли­ли свя­ти­те­лю вы­ехать в Кон­стан­ти­но­поль к пат­ри­ар­ху Иоси­фу II (1416–1439) для по­свя­ще­ния. В это вре­мя Ли­тов­ский князь Свид­ри­гай­ло по­слал в Кон­стан­ти­но­поль для по­свя­ще­ния в мит­ро­по­ли­та Ли­тов­ско­го Смо­лен­ско­го епи­ско­па Ге­ра­си­ма (в на­ча­ле XV ве­ка Смо­ленск был вре­мен­но при­со­еди­нен к Ли­тов­ско­му кня­же­ству).

Епи­скоп Ге­ра­сим был воз­ве­ден в Кон­стан­ти­но­по­ле в сан мит­ро­по­ли­та всея Ру­си; в 1435 го­ду, за­по­до­зрен­ный кня­зем Свид­ри­гай­ло в из­мене, он был схва­чен и со­жжен. По­сле кон­чи­ны мит­ро­по­ли­та Ге­ра­си­ма в Кон­стан­ти­но­поль от­пра­вил­ся епи­скоп Иона. Но, при­быв­ши в сто­ли­цу Ви­зан­тии, он узнал, что пат­ри­арх Иосиф уже по­ста­вил на Рус­скую мит­ро­по­лию неко­е­го Ис­и­до­ра. В 1439 го­ду Ис­и­дор при­нял унию на Фло­рен­тий­ском со­бо­ре и по воз­вра­ще­нии в Моск­ву в 1441 го­ду был за­то­чен в Чу­дов мо­на­стырь. Немед­лен­но был со­зван Со­бор рус­ских иерар­хов, ко­то­рый осу­дил «Ис­и­до­ро­во все де­ло». Ко­гда ста­ло окон­ча­тель­но яс­но, что Кон­стан­ти­но­поль­ский пат­ри­арх со­гла­сил­ся на унию, Рус­ская Цер­ковь ста­ла на за­щи­ту чи­сто­ты пра­во­сла­вия. В де­каб­ре 1448 го­да в Москве был со­зван цер­ков­ный Со­бор для из­бра­ния пред­сто­я­те­ля Рус­ской Церк­ви. Свя­ти­тель Иона был из­бран мит­ро­по­ли­том Все­рос­сий­ским с ти­ту­лом «Ки­ев­ский и всея Ру­си». Ме­стом пре­бы­ва­ния он из­брал Моск­ву, по­это­му име­ну­ет­ся так­же мит­ро­по­ли­том Мос­ков­ским. Так пре­кра­ти­лась за­ви­си­мость Рус­ской Церк­ви от Кон­стан­ти­но­по­ля и бы­ло по­ло­же­но на­ча­ло ав­то­ке­фа­лии.

Воз­глав­ляя Все­рос­сий­скую ка­фед­ру, свя­ти­тель Иона преж­де все­го по­за­бо­тил­ся об улуч­ше­нии от­но­ше­ний меж­ду Моск­вой и Ли­тов­ским кня­же­ством. Бла­го­да­ря это­му ему уда­лось при­со­еди­нить к Москве юго-за­пад­ные епар­хии. Свя­ти­тель Иона по­ло­жил боль­шие уси­лия на бла­го­устрой­ство воз­вра­щен­ных епар­хий и на ис­ко­ре­не­ние в них уни­ат­ства. Он при­зы­вал к ми­ру и пре­кра­ще­нию меж­до­усо­бия, объ­яс­нял вред яро­сти и гне­ва, учил по­ка­я­нию и по­слу­ша­нию.

Осо­бен­но за­бо­тил­ся свя­ти­тель Иона о ду­хов­но-нрав­ствен­ном со­вер­шенст­во­ва­ния сво­ей паст­вы. В учи­тель­ных гра­мо­тах он на­зи­дал пом­нить о спа­се­нии ду­ши, быть ми­ло­серд­ны­ми, доб­ро­со­вест­но от­но­сить­ся к сво­им граж­дан­ским обя­зан­но­стям. Свя­ти­тель Иона стро­го тре­бо­вал со­блю­де­ния хри­сти­ан­ских за­по­ве­дей от свя­щен­но­слу­жи­те­лей. Ука­зы­вая на ве­ли­чие свя­щен­ни­че­ско­го са­на, он при­зы­вал кли­ри­ков к до­стой­но­му про­хож­де­нию пас­тыр­ско­го слу­же­ния. Осо­бое ста­ра­ние про­яв­лял свя­ти­тель Иона в вы­бо­ре до­стой­ных кан­ди­да­тов на ар­хи­ерей­ские ка­фед­ры.

Боль­шое вни­ма­ние уде­лял он мо­на­ше­ским оби­те­лям, за­бо­тил­ся об их нуж­дах, о стро­гом со­блю­де­нии ино­че­ских пра­вил. И при сво­ем вы­со­ком сане он по-преж­не­му не остав­лял лич­ных мо­на­ше­ских по­дви­гов. Про­яв­ляя по­пе­че­ние о хра­мах Бо­жи­их, свя­ти­тель об­но­вил и бла­го­леп­но укра­сил пер­во­пре­столь­ный Успен­ский со­бор в Мос­ков­ском Крем­ле. Он при­дал осо­бую тор­же­ствен­ность бо­го­слу­же­ни­ям, уве­ли­чив чис­ло чте­цов и пев­цов. В 1450 го­ду по бла­го­сло­ве­нию свя­ти­те­ля Ио­ны, бы­ли воз­двиг­ну­ты ка­мен­ные мит­ро­по­ли­чьи па­ла­ты.

Жи­вя по за­по­ве­дям Бо­жи­им и стро­го со­блю­дая мо­на­ше­ские обе­ты, свя­ти­тель Иона по­лу­чил от Гос­по­да дар чу­до­тво­ре­ний и про­зор­ли­во­сти. По его мо­лит­вам ис­це­ля­лись бо­ля­щие раз­лич­ны­ми неду­га­ми.

В 1451 го­ду та­та­ры неожи­дан­но под­сту­пи­ли к Москве, со­жгли окрест­но­сти и го­то­ви­лись к на­па­де­нию на го­род. Мит­ро­по­лит Иона с кли­ром со­вер­шал крест­ный ход по сте­нам го­ро­да, со сле­за­ми мо­ля Бо­га о спа­се­нии гра­да и лю­дей. Уви­дев пре­ста­ре­ло­го мо­на­ха Ан­то­ния, ино­ка Чу­до­ва мо­на­сты­ря, ко­то­рый от­ли­чал­ся доб­ро­де­тель­ной жиз­нью, свя­ти­тель Иона ска­зал: «Сын и брат мой Ан­то­ний! По­мо­лись ми­ло­сти­во­му Бо­гу и Пре­чи­стой Бо­го­ро­ди­це об из­бав­ле­нии го­ро­да и всех пра­во­слав­ных хри­сти­ан». Сми­рен­ный Ан­то­ний от­ве­тил: «Ве­ли­кий свя­ти­тель! Бла­го­да­рим Бо­га и Пре­чи­стую Его Ма­терь: услы­ша­ла Она мо­лит­вы твои и умо­ли­ла Сы­на Сво­е­го, го­род и все пра­во­слав­ные хри­сти­ане бу­дут спа­се­ны по тво­им мо­лит­вам. Вра­ги бу­дут ско­ро по­беж­де­ны, толь­ко мне од­но­му суж­де­но от Гос­по­да быть уби­то­му вра­га­ми». Ед­ва ста­рец ска­зал это, как вра­же­ская стре­ла прон­зи­ла его.

Пред­ска­за­ние стар­ца Ан­то­ния сбы­лось: 2 июля, в празд­ник По­ло­же­ния Ри­зы Пре­свя­той Бо­го­ро­ди­цы, в ря­дах та­тар про­изо­шло смя­те­ние, и они в неве­до­мом стра­хе и ужа­се об­ра­ти­лись в бег­ство. В па­мять из­бав­ле­ния Моск­вы от на­ше­ствия но­гай­ско­го ха­на Ма­зов­ши свя­ти­тель Иона в том же го­ду со­ору­дил храм в честь празд­ни­ка По­ло­же­ния Ри­зы Пре­свя­той Бо­го­ро­ди­цы.

Свя­ти­тель Иона ото­шел ко Гос­по­ду в глу­бо­кой ста­ро­сти 31 мар­та 1461 го­да, в два ча­са дня во втор­ник Страст­ной сед­ми­цы. За несколь­ко дней до то­го он пре­дуз­нал от Гос­по­да вре­мя сво­ей бла­жен­ной кон­чи­ны. Свя­ти­тель был по­гре­бен в со­бор­ном хра­ме, за ле­вым кли­ро­сом.

27 мая 1472 го­да при пе­ре­строй­ке Успен­ско­го со­бо­ра со­вер­ши­лось об­ре­те­ние нетлен­ных мо­щей свя­ти­те­ля Ио­ны. По мо­лит­вам угод­ни­ка Бо­жия про­ис­хо­ди­ли ис­це­ле­ния. Жи­тие свя­ти­те­ля и два ка­но­на (один – на об­ре­те­ние мо­щей) на­пи­са­ны иеро­мо­на­хом Па­хо­ми­ем Сер­бом, Ло­го­фе­том († по­сле 1484 г.). Об­ще­цер­ков­ное празд­но­ва­ние па­мя­ти свя­ти­те­ля Ио­ны уста­нов­ле­но на Мос­ков­ском Со­бо­ре 1547 го­да, при мит­ро­по­ли­те Мос­ков­ском Ма­ка­рии (1542–1563). В 1596 го­ду пат­ри­арх Иов уста­но­вил празд­но­ва­ние свя­ти­те­лю Ионе в Со­бо­ре дру­гих Мос­ков­ских свя­ти­те­лей 5/18 ок­тяб­ря.

См. так­же: "Пре­став­ле­ние свя­то­го от­ца на­ше­го Ио­ны, мит­ро­по­ли­та Ки­ев­ско­го и всея Рос­сии" в из­ло­же­нии свт. Ди­мит­рия Ро­стов­ско­го.

См. так­же: "Пе­ре­не­се­ние чест­ных мо­щей свя­ти­те­лей Ки­при­а­на, Фо­тия и Ио­ны, Ки­ев­ских и всея Рос­сии чу­до­твор­цев" в из­ло­же­нии свт. Ди­мит­рия Ро­стов­ско­го.

См. так­же: "Празд­но­ва­ние свя­ти­те­лям мос­ков­ским Пет­ру, Алек­сию, Ионе и Филип­пу" в из­ло­же­нии свт. Ди­мит­рия Ро­стов­ско­го.