Канон святому преподобному Иову Анзерскому

Припев: Преподо́бне о́тче И́ове, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 19 марта (06 марта ст. ст.); 11 июня (29 мая ст. ст.)

Глас 4.

Пе́снь 1.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма Амали́кову си́лу в пусты́ни победи́л е́сть.

И́ове преподо́бне, проле́й моли́тву твою́ ко Христу́ Бо́гу, да сподо́бит мя́, недосто́йнаго, пе́снь хвале́бную тебе́ воспе́ти и по́двиги твоя́ досто́йно просла́вити.

От ю́ности Бо́га возлюби́в, блаже́нне, до конца́ Тому́ порабо́тал еси́ и, благода́тию Того́ обогати́вся, мно́гия духо́вныя да́ры приходя́щим раздава́л еси́.

Ви́дя Госпо́дь от младе́нства ре́вность твою́, чи́на иере́йскаго удосто́и тя́, преподо́бне, и па́стве твое́й во спасе́ние дарова́, я́ко служи́теля благогове́йна и моли́твенника те́пла.

Богоро́дичен: Не и́мам словесе́ досто́йнаго просла́вити Тя́, Богоро́дице, ни ра́зума воспе́ти Тя́, Влады́чице, но то́кмо в ско́рбех усе́рдно вопию́ Ти́: изба́ви мя́ рабо́ты вра́жия и в не́мощи мое́й Помо́щница ми́ бу́ди.

Пе́снь 3.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Еще́ сы́й в ми́ре, по́стническому житию́, моли́тве и богомы́слию прилежа́л еси́, досточу́дне, целому́дрием же укра́шен, чистото́ю души́ твоея́ Бо́гови прибли́жился еси́. Моли́ Того́ усе́рдно, вся́кия скве́рны на́м изба́витися.

Благода́ть смире́нием и ве́рою стяжа́в, тишину́ и ра́дость души́ твое́й обре́л еси́ и, благодаре́ние вознося́ Царю́ Небе́сному, от си́лы в си́лу восходи́л еси́, преподо́бне.

Пе́нием благоле́пным Го́спода прославля́я, мно́гия лю́ди сла́дким гла́сом твои́м во умиле́ние приводи́л еси́, И́ове преблаже́нне, и, усе́рдне боже́ственную слу́жбу соверша́я, те́плыя моли́твы за па́ству твою́ возноси́л еси́.

Богоро́дичен: Ма́ти Бо́жия Пречи́стая, преподо́бным похвало́ и утвержде́ние, ду́ш святы́х Невестокраси́тельнице сла́вная, моли́ со преподо́бным И́овом Сы́на Твоего́, Христа́ Бо́га на́шего, вся́кия грехо́вныя скве́рны на́м совлещи́ся и слеза́ми покая́ния омы́тися.

Седа́лен, гла́с 2:

Земна́я оста́вль, Небе́сная обре́л еси́, пло́тию обложе́н, безпло́тным подо́бился еси́, свя́те И́ове, Боже́ственным же Ду́хом просвеще́н, сердца́ челове́ков прозрева́л еси́. Ны́не, я́ко звезда́, сия́еши на Небеси́ и зри́ши сла́ву Святы́я Тро́ицы, Ю́же моли́, преподо́бне, да исцели́т не́мощи на́ша и сподо́бит Ца́рствия Своего́.

Богоро́дичен: Истаява́ет се́рдце мое́, Пречи́стая, тща́щееся воспе́ти непости́жную та́йну Рождества́ Твоего́, Сло́во бо О́тчее несказа́нно во утро́бу Твою́ вмести́ла еси́, и Ма́ти спасе́ния яви́лася еси́ на́м.

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце Пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Моли́твенниче пла́менный, та́йный с Бо́гом собесе́дниче и Ду́ха Боже́ственнаго соприча́стниче, преподо́бне о́тче И́ове! Ты́, слеза́ми лице́ свое́ ороша́я, из глубины́ серде́чныя взыва́л еси́: Го́споди, поми́луй мя́! Испроси́ и на́м твое́ю моли́твою благода́ть Его́ и ми́лость.

Любве́ Христо́вы испо́лнено бе́ чи́стое се́рдце твое́, досточу́дне, бли́жния твоя́ па́че себе́ возлюби́вый, зло́бы чу́ждь бы́в и мще́ния, благодея́нии мно́гими лю́дем угожда́л еси́, ра́дуяся о вся́кой души́ христиа́нстей.

Не оскуде́ десни́ца твоя́, пита́вшая а́лчущих, ниже́ преста́ по́мощь твоя́ стра́ждущим и обремене́нным, сло́во твое́ благода́тное малоду́шным ве́ры утвержде́ние бы́сть, все́м бо подава́л еси́, о́тче, душеполе́зная.

Богоро́дичен: К Тебе́ простира́ю ру́це мои́, Предста́тельнице все́м христиа́ном, и из глубины́ взыва́ю: уте́ши мя́ в печа́ли мое́й, мучи́тельства страсте́й изба́ви, Све́том Боже́ственным мра́к души́ моея́ просвети́ и прегреше́ния моя́ прости́ ми́, Ма́ти Де́во.

Пе́снь 5.

Ирмо́с: Ты́, Го́споди мо́й, Све́т в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Уве́дев ца́рь земны́й добро́ту твою́ духо́вную, о́тче И́ове, избра́ тя́ наста́вника себе́, му́дростию твое́ю назида́яся, ты́ же со смире́нием ца́рское повеле́ние прие́м, си́рых и убо́гих попече́нием свои́м не оста́вил еси́, в простоте́ се́рдца служе́ние свое́ соверша́я.

Царю́ Небе́сному зело́ че́стен дру́г яви́лся еси́, преподо́бне, То́й бо, я́ко зла́то в горни́ле, очи́сти тя́ испыта́нии кре́пкими. За словеса́ Госпо́дня ве́рою тве́рдою сохрани́л еси́ пути́ же́стоки, о́тче, исполня́яся благи́х преизоби́льно.

За́вистию вра́жиею, уничиже́н бы́л еси́ клевето́ю челове́ческою, И́ове, изгна́н бо от оте́ческаго гра́да бы́в, во стране́ полу́нощней обре́л еси́ приста́нище во оби́тель и́ноческую пресели́вся.

Богоро́дичен: От ю́ности моея́ Го́спода грехопаде́нии прогне́вах, не и́мам дерзнове́ния к Тому́, де́л бо, досто́йных покая́ния, не сотвори́х, оба́че Еди́ну Тебе́ стяжа́х Спору́чницу спасе́ния моего́, Пренепоро́чная, Ты́ в тесноте́ и ско́рби помози́ ми́, да ско́рби вре́менныя прие́мля в житии́ мое́м, муче́ния ве́чнаго избе́гну.

Пе́снь 6.

Ирмо́с: Пожру́ Ти́ со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися ра́ди ми́лости от ре́бр Твои́х исте́кшею Кро́вию.

Егда́ всели́лся еси́ в кинови́ю, о́тче И́ове, по́стническим житие́м бра́тию удиви́л еси́, и́гу Христо́ву смире́нно подклоня́яся, те́мже Христо́с ри́зою ра́дования украси́ тя́, пу́ть преподо́бия и кончи́ну че́стну ти́ уготовля́я.

Словеси́ Госпо́дню неуста́нно поуча́шеся се́рдце твое́ чи́стое, Ду́хом бо Святы́м душа́ твоя́ при́сно жива́ бе́, благода́ть смире́нием стяжа́л еси́, прему́дре, Ца́рству Бо́жию, еще́ на земли́ сы́й, я́ко небожи́тель приобща́яся.

Безмо́лвия ча́яше душа́ твоя́, блаже́нне, и Бо́гу предстоя́ния несмуща́емаго. Сего́ ра́ди во ото́к А́нзерский всели́лся еси́, иде́же предте́ча тво́й, Елеаза́р богому́дрый, первонача́льник ски́тский, вдохнове́нныя Бо́гу моли́твы принося́, дара́ми боже́ственныя благода́ти пусты́ню освяти́л е́сть.

Богоро́дичен: Пучи́ну беззако́ний мои́х в пучи́не милосе́рдия Твоего́ потопи́, Пречи́стая, бу́рю страсте́й мои́х разгоня́ющи, и на стези́ покая́ния наста́ви мя́.

Конда́к, гла́с 8:

Боже́ственная восхожде́ния в се́рдце стяжа́в, и́хже ра́ди мно́ги ско́рби претерпе́л еси́, приста́нище обре́л еси́ в морсте́м ото́це, преподо́бнаго Елеаза́ра прее́мник заве́тов бы́в, Покро́вом Бо́жия Ма́тере осеня́емь, достоблаже́нне о́тче И́ове, помина́й на́с чту́щих святу́ю па́мять твою́.

И́кос:

От ю́ности избра́нник Бо́жий яви́лся еси́, и Того́ путе́м после́довал еси́ невозбра́нно, гоне́ния, поноше́ния и ско́рби не поколеба́ша тя́, преподо́бне, ве́рою Христо́вою окриля́ема. Те́мже от ца́рских черто́гов отве́ржен бы́в, во оби́тель Солове́цкую преселе́ние я́ко от Десни́цы Бо́жия восприя́л еси́, устреми́лся еси́ к пусты́нному ото́ку А́нзерскому, иде́же ду́х тво́й, безмо́лвия ча́я, жела́емое обре́те. та́можде и повеле́ние Бо́жия Ма́тере прие́м, оби́тель Распя́тию Сы́на Ея́, Христа́ Бо́га на́шего, воздви́гл еси́. Сего́ ра́ди по́двиг любве́ и милосе́рдия в подража́ние Го́споду до конца́ испо́лнивый, во оби́телех Боже́ственныя Любве́ ны́не пребыва́еши, достоблаже́нне о́тче И́ове, помина́й на́с чту́щих святу́ю па́мять твою́.

Пе́снь 7.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Ски́тскаго жития́ нача́льник яви́лся еси́, преподо́бне о́тче И́ове, в доброде́телех и́ноков наставля́я, наипа́че свято́е послуша́ние блюсти́ увещава́я: И та́ко оте́ческою любо́вию ча́д духо́вных окормля́л еси́, попече́нием о па́стве твое́й заве́т Христо́в исполня́яй.

Покая́ния пропове́дниче и Ца́рствия Небе́снаго насле́дниче! Ты́, на кончи́ну жития́ своего́ и на ча́с Стра́шнаго суда́ взира́я, сокруше́нныя моли́твы Распя́тому за ны́ возноси́л еси́, смире́нными слеза́ми ду́шу омыва́яй.

Служе́нию лю́дем па́че пре́жняго посвяти́л еси́ себе́, преподо́бне, попече́нию о боля́щих вельми́ прилежа́в, на ра́ны и́х еле́й возлива́я, любо́вию Христо́вою неду́ги цели́л еси́. Те́мже и мы́, грехо́вными я́звами ура́нени, во благовре́менную по́мощь тя́ призыва́ем.

Богоро́дичен: Напа́стьми лю́тыми бори́мь, и стрела́ми вра́жиими уязвля́емь, во гно́ищи грехо́в мои́х лежу́, стеня́й, но Ты́, Влады́чице, терпе́ние мое́ и упова́ние, от во́лн безме́рных искуше́ний изми́ мя́ и во страда́ниих пода́ждь ми́ утеше́ние.

Пе́снь 8.

Ирмо́с: Ру́це распросте́р, Дании́л льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: благослови́те, вся́ дела́ Госпо́дня, Го́спода.

Ду́хом приобща́яся Страда́нием Госпо́дним, посто́м и бде́нием моли́твенным пло́ть свою́ удруча́л еси́, преподо́бне, и се́рдце всено́щными моле́нии усоверша́л еси́, о́ком же приснобо́дренным та́йны Боже́ственныя созерца́я, Ду́ху Свято́му оби́тель непоро́чну себе́ сотвори́л еси́.

Вострепета́ душа́ твоя́ свята́я, и возра́довашася смире́нныя ко́сти твоя́, блаже́нне, егда́ Влады́чица Всепе́тая в виде́нии яви́ся ти́ вку́пе с Елеаза́ром чу́дным, повелева́ющи оби́тель Распя́тию Сы́на Ея́, Христа́ Бо́га на́шего, воздви́гнути и спаси́тельныя Стра́сти Его́ всече́стно просла́вити.

Друга́я Голго́фа гора́ нарече́ся, иде́же юдо́ль после́дняя земна́го по́прища твоего́ бы́сть, И́ове прему́дре, сия́ бо труды́ усе́рдными твои́ми и воздыха́нии сле́зными, попече́нием Пресвяты́я Богоро́дицы храни́ма, во вся́кой святы́ни и пра́вде процвела́ е́сть.

Богоро́дичен: Же́зл си́лы стяжа́вше, Кре́ст Сы́на Твоего́, Богоро́дице, те́м низлага́ем вра́жия шата́ния, любо́вию Тя́ непреста́нно велича́ющии.

Пе́снь 9.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Благоче́стнаго жития́ твоего́, о́тче, ра́ди, исто́чник воды́ преизоби́лен даде́ся на потре́бу оби́тели твое́й от Пресвяты́я Богоро́дицы, ку́пно же и да́р прозре́ния и неду́гов исцеле́ния тебе́ от Бо́га да́н бы́сть. Те́мже мо́лим тя́: исцели́ не́мощи на́ша душе́вныя вку́пе и теле́сныя.

Любо́вию Христо́вою испо́лнено бы́сть се́рдце твое́, преподо́бне И́ове, е́юже вы́ну му́дро врачева́л еси́ поро́ки людски́я. Егда́ бо та́тие приидо́ша восхи́тити плоды́ трудо́в бра́тских, и Бо́гом нака́зани бы́ша, Того́ умоли́в, разреше́ние и́м испроси́л еси́, и трудо́м покая́нным на пу́ть пра́веднаго жития́ наста́вил еси́ я́.

Во гла́се ра́дования а́нгельскаго прехожда́ше душа́ твоя́, блаже́нне, от оби́тели земны́я во оби́тели ве́чныя, вся́ бо испо́лнил еси́ от Го́спода ти́ повеле́нная, никогда́же во́ли Его́ преслу́шав. И ны́не предстоя́ Престо́лу Всесвяты́я Тро́ицы, вку́пе с новому́ченики Солове́цкими, возноси́ о на́с моле́ния усе́рдно.

Богоро́дичен: Я́ко испра́вила еси́ пре́жде разсла́бленнаго, та́ко и на́с, душе́ю и те́лом разсла́бленных, те́плым Твои́м предста́тельством испра́ви, да пое́м при́сно вели́чия Твоя́.

Свети́лен:

Свети́льниче, Ду́хом Святы́м возжже́нный, в по́двизех сла́вных пожи́л еси́, о́тче, ми́ру светя́, прича́стники Све́та Боже́ственнаго ученики́ твоя́ сотворя́я, моли́, преподо́бне, Светода́теля Го́спода тьмы́ греха́ и неве́дения на́м избежа́ти, и во све́тлостех повеле́ний Госпо́дних ходи́ти.

Сла́ва, и ны́не: Ма́ти Све́та Невече́рняго, Свети́ло светоза́рнаго сия́ния, Богове́дения све́том серде́чная очеса́ на́ша просвети́, да иму́ще свети́льники при́сно горя́щия, угото́вим себе́ в сре́тение Жениху́ Христу́, И́же мра́ка нощна́го на́с изба́вит, де́нь незаходи́мый на́м да́рует, и сы́ны Све́та Своего́ сотвори́т.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми, дре́внїй пѣшеше́ствовавъ і҆и҃ль, крⷭ҇тоѻбра́зныма мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть.

І҆́ѡве прпⷣбне, проле́й мл҃твꙋ твою̀ ко хрⷭ҇тꙋ̀ бг҃ꙋ, да сподо́битъ мѧ̀, недосто́йнаго, пѣ́снь хвале́бнꙋю тебѣ̀ воспѣ́ти и҆ по́двиги твоѧ̑ досто́йнѡ просла́вити.

Ѿ ю҆́ности бг҃а возлюби́въ, бл҃же́нне, до конца̀ томꙋ̀ порабо́талъ є҆сѝ, и҆ бл҃года́тїю тогѡ̀ ѡ҆богати́всѧ, мнѡ́гїѧ дꙋхѡ́вныѧ да́ры приходѧ́щымъ раздава́лъ є҆сѝ.

Ви́дѧ гдⷭ҇ь ѿ младе́нства ре́вность твою̀, чи́на і҆ере́йскагѡ ᲂу҆досто́и тѧ̀, прпⷣбне, и҆ па́ствѣ твое́й во сп҃се́нїе дарова̀, ꙗ҆́кѡ слꙋжи́телѧ бл҃гоговѣ́йна и҆ мл҃твенника те́пла.

Бг҃оро́диченъ: Не и҆́мамъ словесѐ досто́йнагѡ просла́вити тѧ̀, бцⷣе, ни ра́зꙋма воспѣ́ти тѧ̀, влⷣчце, но то́кмѡ въ ско́рбехъ ᲂу҆се́рднѡ вопїю̀ тѝ: и҆зба́ви мѧ̀ рабо́ты вра́жїѧ и҆ въ не́мощи мое́й помо́щница мѝ бꙋ́ди.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе.

Є҆щѐ сы́й въ мі́рѣ, по́стническомꙋ житїю̀, мл҃твѣ и҆ бг҃омы́слїю прилѣжа́лъ є҆сѝ, досточꙋ́дне, цѣломꙋ́дрїемъ же ᲂу҆кра́шенъ, чистото́ю дꙋшѝ твоеѧ̀ бг҃ови прибли́жилсѧ є҆сѝ. молѝ того̀ ᲂу҆се́рднѡ, всѧ́кїѧ скве́рны на́мъ и҆зба́витисѧ.

Бл҃года́ть смире́нїемъ и҆ вѣ́рою стѧжа́въ, тишинꙋ̀ и҆ ра́дость дꙋшѝ твое́й ѡ҆брѣ́лъ є҆сѝ, и҆ бл҃годаре́нїе возносѧ̀ цр҃ю̀ нбⷭ҇номꙋ, ѿ си́лы въ си́лꙋ восходи́лъ є҆сѝ, прпⷣбне.

Пѣ́нїемъ бл҃голѣ́пнымъ гдⷭ҇а прославлѧ́ѧ, мнѡ́гїѧ лю́ди сла́дкимъ гла́сомъ твои́мъ во ᲂу҆миле́нїе приводи́лъ є҆сѝ, і҆́ѡве пребл҃же́нне, и҆ ᲂу҆се́рднѣ бжⷭ҇твеннꙋю слꙋ́жбꙋ соверша́ѧ, тє́плыѧ мл҃твы за па́ствꙋ твою̀ возноси́лъ є҆сѝ.

Бг҃оро́диченъ: Мт҃и бж҃їѧ пречⷭ҇таѧ, прпⷣбнымъ похвало̀ и҆ ᲂу҆твержде́нїе, дꙋ́шъ ст҃ы́хъ невѣстокраси́тельнице сла́внаѧ, молѝ со прпⷣбнымъ і҆́ѡвомъ сн҃а твоего̀, хрⷭ҇та̀ бг҃а на́шего, всѧ́кїѧ грѣхо́вныѧ скве́рны на́мъ совлещи́сѧ и҆ слеза́ми покаѧ́нїѧ ѡ҆мы́тисѧ.

Сѣда́ленъ, гла́съ в҃:

Земна̑ѧ ѡ҆ста́вль, нбⷭ҇наѧ ѡ҆брѣ́лъ є҆сѝ, пло́тїю ѡ҆бложе́нъ, безплѡ́тнымъ подо́билсѧ є҆сѝ, ст҃е і҆́ѡве, бжⷭ҇твеннымъ же дх҃омъ просвѣще́нъ, сердца̀ человѣ́кѡвъ прозрѣва́лъ є҆сѝ. ны́нѣ ꙗ҆́кѡ ѕвѣзда̀, сїѧ́еши на нб҃сѝ и҆ зри́ши сла́вꙋ ст҃ы́ѧ трⷪ҇цы, ю҆́же молѝ, прпⷣбне, да и҆сцѣли́тъ не́мѡщи на́шѧ и҆ сподо́битъ црⷭ҇твїѧ своегѡ̀.

Бг҃оро́диченъ: И҆стаѧва́етъ се́рдце моѐ, пречⷭ҇таѧ, тща́щеесѧ воспѣ́ти непости́жнꙋю та́йнꙋ ржⷭ҇тва̀ твоегѡ̀, сло́во бо ѻ҆́ч҃ее несказа́ннѡ во ᲂу҆тро́бꙋ твою̀ вмѣсти́ла є҆сѝ, и҆ мт҃и сп҃се́нїѧ ꙗ҆ви́ласѧ є҆сѝ на́мъ.

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце првⷣное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Мл҃твенниче пла́менный, та́йный съ бг҃омъ собесѣ́дниче и҆ дх҃а бжⷭ҇твеннагѡ соприча́стниче, прпⷣбне ѻ҆́тче і҆́ѡве! ты̀ слеза́ми лицѐ своѐ ѡ҆роша́ѧ, и҆з̾ глꙋбины̀ серде́чныѧ взыва́лъ є҆сѝ: гдⷭ҇и, поми́лꙋй мѧ̀! и҆спросѝ и҆ на́мъ твое́ю мл҃твою бл҃года́ть є҆гѡ̀ и҆ млⷭ҇ть.

Любвѐ хрⷭ҇то́вы и҆спо́лнено бѣ̀ чи́стое се́рдце твоѐ, досточꙋ́дне, бли̑жнїѧ твоѧ̑ па́че себє̀ возлюби́вый, ѕло́бы чꙋ́ждь бы́въ и҆ мще́нїѧ, бл҃годѣѧ̑нїи мно́гими лю́демъ ᲂу҆гожда́лъ є҆сѝ, ра́дꙋѧсѧ ѡ҆ всѧ́кой дꙋшѝ хрⷭ҇тїа́нстѣй.

Не ѡ҆скꙋдѣ̀ десни́ца твоѧ̀, пита́вшаѧ а҆́лчꙋщихъ, нижѐ преста̀ по́мощь твоѧ̀ стра́ждꙋщымъ и҆ ѡ҆бременє́ннымъ, сло́во твоѐ бл҃года́тное малодꙋ̑шнымъ вѣ́ры ᲂу҆твержде́нїе бы́сть, всѣ̑мъ бо подава́лъ є҆сѝ, ѻ҆́тче, дꙋшеполє́знаѧ.

Бг҃оро́диченъ: Къ тебѣ̀ простира́ю рꙋ́цѣ моѝ, предста́тельнице всѣ̑мъ хрⷭ҇тїа́нѡмъ, и҆ и҆з̾ глꙋбины̀ взыва́ю: ᲂу҆тѣ́ши мѧ̀ въ печа́ли мое́й, мꙋчи́тельства страсте́й и҆зба́ви, свѣ́томъ бжⷭ҇твеннымъ мра́къ дꙋшѝ моеѧ̀ просвѣтѝ и҆ прегрѣшє́нїѧ моѧ̑ простѝ мѝ, мт҃и дв҃о.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀.

Оу҆вѣ́дѣвъ ца́рь земны́й добро́тꙋ твою̀ дꙋхо́внꙋю, ѻ҆́тче і҆́ѡве, и҆збра̀ тѧ̀ наста́вника себѣ̀, мꙋ́дростїю твое́ю назида́ѧсѧ, ты́ же со смире́нїемъ ца́рское повелѣ́нїе прїе́мъ, си́рыхъ и҆ ᲂу҆бо́гихъ попече́нїемъ свои́мъ не ѡ҆ста́вилъ є҆сѝ, въ простотѣ̀ се́рдца слꙋже́нїе своѐ соверша́ѧ.

Цр҃ю̀ нбⷭ҇номꙋ ѕѣлѡ̀ че́стенъ дрꙋ́гъ ꙗ҆ви́лсѧ є҆сѝ, прпⷣбне, то́й бо, ꙗ҆́кѡ зла́то въ горни́лѣ, ѡ҆чи́сти тѧ̀ и҆спыта̑нїи крѣ́пкими. за словеса̀ гдⷭ҇нѧ вѣ́рою тве́рдою сохрани́лъ є҆сѝ пꙋти̑ же́стѡки, ѻ҆́тче, и҆сполнѧ́ѧсѧ бл҃ги́хъ преиз̾ѻби́льнѡ.

За́вистїю вра́жїею, ᲂу҆ничиже́нъ бы́лъ є҆сѝ клевето́ю человѣ́ческою, і҆́ѡве, и҆згна́нъ бо ѿ ѻ҆те́ческагѡ гра́да бы́въ, во странѣ̀ полꙋ́нощнѣй ѡ҆брѣ́лъ є҆сѝ приста́нище во ѻ҆би́тель и҆́ноческꙋю пресели́всѧ.

Бг҃оро́диченъ: Ѿ ю҆́ности моеѧ̀ гдⷭ҇а грѣхопадє́нїи прогнѣ́вахъ, не и҆́мамъ дерзнове́нїѧ къ томꙋ̀, дѣ́лъ бо, досто́йныхъ покаѧ́нїѧ, не сотвори́хъ, ѻ҆ба́че є҆ди́нꙋ тебѐ стѧжа́хъ спорꙋ́чницꙋ сп҃се́нїѧ моегѡ̀, пренепоро́чнаѧ, ты̀ въ тѣснотѣ̀ и҆ ско́рби помозѝ мѝ, да скѡ́рби вре́мєнныѧ прїе́млѧ въ житїѝ мое́мъ, мꙋче́нїѧ вѣ́чнагѡ и҆збѣ́гнꙋ.

Пѣ́снь ѕ҃.

І҆рмо́съ: Пожрꙋ̀ тѝ со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди млⷭ҇ти ѿ ре́бръ твои́хъ и҆сте́кшею кро́вїю.

Є҆гда̀ всели́лсѧ є҆сѝ въ кїнові́ю, ѻ҆́тче і҆́ѡве, по́стническимъ житїе́мъ бра́тїю ᲂу҆диви́лъ є҆сѝ, и҆́гꙋ хрⷭ҇то́вꙋ смире́ннѡ подклонѧ́ѧсѧ, тѣ́мже хрⷭ҇то́съ ри́зою ра́дованїѧ ᲂу҆красѝ тѧ̀, пꙋ́ть преподо́бїѧ и҆ кончи́нꙋ чтⷭ҇нꙋ тѝ ᲂу҆готовлѧ́ѧ.

Словесѝ гдⷭ҇ню неꙋста́ннѡ поꙋча́шесѧ се́рдце твоѐ чи́стое, дх҃омъ бо ст҃ы́мъ дꙋша̀ твоѧ̀ при́снѡ жива̀ бѣ̀, бл҃года́ть смире́нїемъ стѧжа́лъ є҆сѝ, премꙋ́дре, црⷭ҇твꙋ бж҃їю, є҆щѐ на землѝ сы́й, ꙗ҆́кѡ нб҃ожи́тель прїѡбща́ѧсѧ.

Безмо́лвїѧ ча́ѧше дꙋша̀ твоѧ̀, бл҃же́нне, и҆ бг҃ꙋ предстоѧ́нїѧ несмꙋща́емагѡ. сегѡ̀ ра́ди во ѡ҆то́къ а҆́нзерскїй всели́лсѧ є҆сѝ, и҆дѣ́же предте́ча тво́й, є҆леаза́ръ бг҃омꙋ́дрый, первонача́льникъ ски́тскїй, вдохновє́нныѧ бг҃ꙋ мл҃твы приносѧ̀, дара́ми бжⷭ҇твенныѧ бл҃года́ти пꙋсты́ню ѡ҆ст҃и́лъ є҆́сть.

Бг҃оро́диченъ: Пꙋчи́нꙋ беззако́нїй мои́хъ въ пꙋчи́нѣ млⷭ҇рдїѧ твоегѡ̀ потопѝ, пречⷭ҇таѧ, бꙋ́рю страсте́й мои́хъ разгонѧ́ющи, и҆ на стєзѝ покаѧ́нїѧ наста́ви мѧ̀.

Конда́къ, гла́съ и҃:

Бжⷭ҇твєннаѧ восхождє́нїѧ въ се́рдцѣ стѧжа́въ, и҆́хже ра́ди мнѡ́ги скѡ́рби претерпѣ́лъ є҆сѝ, приста́нище ѡ҆брѣ́лъ є҆сѝ въ морстѣ́мъ ѡ҆то́цѣ, прпⷣбнагѡ є҆леаза́ра прее́мникъ завѣ́тѡвъ бы́въ, покро́вомъ бж҃їѧ мт҃ре ѡ҆сѣнѧ́емь, достобл҃же́нне ѻ҆́тче і҆́ѡве, помина́й на́съ, чтꙋ́щихъ ст҃ꙋ́ю па́мѧть твою̀.

І҆́косъ:

Ѿ ю҆́ности и҆збра́нникъ бж҃їй ꙗ҆ви́лсѧ є҆сѝ, и҆ тогѡ̀ пꙋте́мъ послѣ́довалъ є҆сѝ невозбра́ннѡ, гонє́нїѧ, поношє́нїѧ и҆ скѡ́рби не поколеба́ша тѧ̀, прпⷣбне, вѣ́рою хрⷭ҇то́вою ѡ҆крилѧ́ема. тѣ́мже ѿ ца́рскихъ черто́гѡвъ ѿве́рженъ бы́въ, во ѻ҆би́тель солове́цкꙋю преселе́нїе ꙗ҆́кѡ ѿ десни́цы бж҃їѧ воспрїѧ́лъ є҆сѝ, ᲂу҆стреми́лсѧ є҆сѝ къ пꙋсты́нномꙋ ѡ҆то́кꙋ а҆́нзерскомꙋ, и҆дѣ́же дꙋ́хъ тво́й, безмо́лвїѧ ча́ѧ, жела́емое ѡ҆брѣ́те. та́можде и҆ повелѣ́нїе бж҃їѧ мт҃ре прїе́мъ, ѻ҆би́тель распѧ́тїю сн҃а є҆ѧ̀, хрⷭ҇та̀ бг҃а на́шегѡ, воздви́глъ є҆сѝ. сегѡ̀ ра́ди по́двигъ любвѐ и҆ млⷭ҇рдїѧ въ подража́нїе гдⷭ҇ꙋ до конца̀ и҆спо́лнивый, во ѻ҆би́телехъ бжⷭ҇твенныѧ любвѐ ны́нѣ пребыва́еши, достобл҃же́нне ѻ҆́тче і҆́ѡве, помина́й на́съ, чтꙋ́щихъ ст҃ꙋ́ю па́мѧть твою̀.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю бл҃гоче́стїѧ па́че, не́жели пла́менемъ ѡ҆палѧ́еми взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Ски́тскагѡ житїѧ̀ нача́льникъ ꙗ҆ви́лсѧ є҆сѝ, прпⷣбне ѻ҆́тче і҆́ѡве, въ добродѣ́телехъ и҆́нокѡвъ наставлѧ́ѧ, наипа́че ст҃о́е послꙋша́нїе блюстѝ ᲂу҆вѣщава́ѧ: и҆ та́кѡ ѻ҆те́ческою любо́вїю ча̑дъ дꙋхо́вныхъ ѡ҆кормлѧ́лъ є҆сѝ, попече́нїемъ ѡ҆ па́ствѣ твое́й завѣ́тъ хрⷭ҇то́въ и҆сполнѧ́ѧй.

Покаѧ́нїѧ проповѣ́дниче и҆ црⷭ҇твїѧ нбⷭ҇нагѡ наслѣ́дниче! ты̀ на кончи́нꙋ житїѧ̀ своегѡ̀ и҆ на ча́съ стра́шнагѡ сꙋда̀ взира́ѧ, сокрꙋшє́нныѧ мл҃твы распѧ́томꙋ за ны̀ возноси́лъ є҆сѝ, смире́нными слеза́ми дꙋ́шꙋ ѡ҆мыва́ѧй.

Слꙋже́нїю лю́демъ па́че пре́жнѧгѡ посвѧти́лъ є҆сѝ себѐ, прпⷣбне, попече́нїю ѡ҆ болѧ́щихъ вельмѝ прилѣжа́въ, на ра̑ны и҆́хъ є҆ле́й возлива́ѧ, любо́вїю хрⷭ҇то́вою недꙋ́ги цѣли́лъ є҆сѝ. тѣ́мже и҆ мы̀, грѣхо́вными ꙗ҆́звами ᲂу҆ра́нени, во бл҃говре́меннꙋю по́мощь тѧ̀ призыва́емъ.

Бг҃оро́диченъ: Напа́стьми лю́тыми бори́мь, и҆ стрѣла́ми вра́жїими ᲂу҆ѧзвлѧ́емь, во гно́ищи грѣхѡ́въ мои́хъ лежꙋ̀, стенѧ́й, но ты̀, влⷣчце, терпѣ́нїе моѐ и҆ ᲂу҆пова́нїе, ѿ во́лнъ безмѣ́рныхъ и҆скꙋше́нїй и҆змѝ мѧ̀ и҆ во страда́нїихъ пода́ждь мѝ ᲂу҆тѣше́нїе.

Пѣ́снь и҃.

І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, бл҃гоче́стїѧ рачи́тєли ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Дꙋ́хомъ прїѡбща́ѧсѧ страда́нїємъ гдⷭ҇нимъ, посто́мъ и҆ бдѣ́нїемъ мл҃твеннымъ пло́ть свою̀ ᲂу҆дрꙋча́лъ є҆сѝ, прпⷣбне, и҆ се́рдце всено́щными молє́нїи ᲂу҆соверша́лъ є҆сѝ, ѻ҆́комъ же приснобо́дреннымъ та̑йны бжⷭ҇твєнныѧ созерца́ѧ, дх҃ꙋ ст҃о́мꙋ ѻ҆би́тель непоро́чнꙋ себѐ сотвори́лъ є҆сѝ.

Вострепета̀ дꙋша̀ твоѧ̀ ст҃а́ѧ, и҆ возра́довашасѧ смирє́нныѧ кѡ́сти твоѧ̑, бл҃же́нне, є҆гда̀ влⷣчца всепѣ́таѧ въ видѣ́нїи ꙗ҆ви́сѧ тѝ вкꙋ́пѣ съ є҆леаза́ромъ чꙋ́днымъ, повелѣва́ющи ѻ҆би́тель распѧ́тїю сн҃а є҆ѧ̀, хрⷭ҇та̀ бг҃а на́шегѡ, воздви́гнꙋти и҆ сп҃си́тєльныѧ стрⷭ҇ти є҆гѡ̀ всечтⷭ҇нѡ просла́вити.

Дрꙋга́ѧ голго́ѳа гора̀ нарече́сѧ, и҆дѣ́же ю҆до́ль послѣ́днѧѧ земна́гѡ по́прища твоегѡ̀ бы́сть, і҆́ѡве премꙋ́дре, сїѧ̑ бо трꙋды̑ ᲂу҆се́рдными твои́ми и҆ воздыха̑нїи сле́зными, попече́нїемъ прест҃ы́ѧ бцⷣы храни́ма, во всѧ́кой ст҃ы́ни и҆ пра́вдѣ процвѣла̀ є҆́сть.

Бг҃оро́диченъ: Же́злъ си́лы стѧжа́вше, крⷭ҇тъ сн҃а твоегѡ̀, бцⷣе, тѣ́мъ низлага́емъ вра̑жїѧ шата̑нїѧ, любо́вїю тѧ̀ непреста́ннѡ велича́ющїи.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ веселѧ́щесѧ, тѧ̀, бцⷣе, велича́емъ.

Бл҃гоче́стнагѡ житїѧ̀ твоегѡ̀, ѻ҆́тче, ра́ди, и҆сто́чникъ воды̀ преиз̾ѻби́ленъ даде́сѧ на потре́бꙋ ѻ҆би́тели твое́й ѿ прест҃ы́ѧ бцⷣы, кꙋ́пнѡ же и҆ да́ръ прозрѣ́нїѧ и҆ недꙋ́гѡвъ и҆сцѣле́нїѧ тебѣ̀ ѿ бг҃а да́нъ бы́сть. тѣ́мже мо́лимъ тѧ̀: и҆сцѣлѝ не́мѡщи на́шѧ дꙋшє́вныѧ вкꙋ́пѣ и҆ тѣлє́сныѧ.

Любо́вїю хрⷭ҇то́вою и҆спо́лнено бы́сть се́рдце твоѐ, прпⷣбне і҆́ѡве, є҆́юже вы́нꙋ мꙋ́дрѡ врачева́лъ є҆сѝ поро́ки людскі̑ѧ. є҆гда̀ бо та́тїе прїидо́ша восхи́тити плоды̀ трꙋдѡ́въ бра́тскихъ, и҆ бг҃омъ нака́зани бы́ша, того̀ ᲂу҆моли́въ, разрѣше́нїе и҆̀мъ и҆спроси́лъ є҆сѝ, и҆ трꙋдо́мъ покаѧ́ннымъ на пꙋ́ть пра́веднагѡ житїѧ̀ наста́вилъ є҆сѝ ѧ҆̀.

Во гла́сѣ ра́дованїѧ а҆́гг҃льскагѡ прехожда́ше дꙋша̀ твоѧ̀, бл҃же́нне, ѿ ѻ҆би́тели земны́ѧ во ѻ҆би́тєли вѣ̑чныѧ, всѧ̑ бо и҆спо́лнилъ є҆сѝ ѿ гдⷭ҇а тѝ повелѣ̑ннаѧ, никогда́же во́ли є҆гѡ̀ преслꙋ́шавъ. и҆ ны́нѣ предстоѧ̀ прⷭ҇то́лꙋ всест҃ы́ѧ трⷪ҇цы, вкꙋ́пѣ съ новомч҃нки солове́цкими, возносѝ ѡ҆ на́съ молє́нїѧ ᲂу҆се́рднѡ.

Бг҃оро́диченъ: Ꙗ҆́кѡ и҆спра́вила є҆сѝ пре́жде разсла́бленнаго, та́кѡ и҆ на́съ, дꙋше́ю и҆ тѣ́ломъ разсла́бленныхъ, те́плымъ твои́мъ предста́тельствомъ и҆спра́ви, да пое́мъ при́снѡ вели̑чїѧ твоѧ̑.

Свѣти́ленъ:

Свѣти́льниче, дх҃омъ ст҃ы́мъ возжже́нный, въ по́двизѣхъ сла́вныхъ пожи́лъ є҆сѝ, ѻ҆́тче, мі́рꙋ свѣтѧ̀, прича́стники свѣ́та бжⷭ҇твеннагѡ ᲂу҆ченикѝ твоѧ̑ сотворѧ́ѧ, молѝ, прпⷣбне, свѣтода́телѧ гдⷭ҇а тьмы̀ грѣха̀ и҆ невѣ́дѣнїѧ на́мъ и҆збѣжа́ти, и҆ во свѣ́тлостехъ повелѣ́нїй гдⷭ҇нихъ ходи́ти.

Сла́ва, и҆ ны́нѣ: Мт҃и свѣ́та невече́рнѧгѡ, свѣти́ло свѣтоза́рнагѡ сїѧ́нїѧ, бг҃овѣ́дѣнїѧ свѣ́томъ сердє́чнаѧ ѻ҆чеса̀ на̑ша просвѣтѝ, да и҆мꙋ́ще свѣти́льники при́снѡ горѧ́щыѧ, ᲂу҆гото́вимъ себѐ въ срѣ́тенїе женихꙋ̀ хрⷭ҇тꙋ̀, и҆́же мра́ка нощна́гѡ на́съ и҆зба́витъ, де́нь незаходи́мый на́мъ да́рꙋетъ, и҆ сы́ны свѣ́та своегѡ̀ сотвори́тъ.

Краткое житие преподобного Иова, в схиме Иисуса, Анзерского

Пре­по­доб­ный Иов, в схи­ме Иисус, Ан­зер­ский ро­дил­ся в Москве в 1635 го­ду и во Свя­том Кре­ще­нии был на­зван Иоан­ном. Ве­ро­ят­нее все­го, про­ис­хо­дил он из ду­хов­но­го зва­ния, был вос­пи­тан в доб­рых нра­вах и по­лу­чил хо­ро­шее вос­пи­та­ние. По до­сти­же­нии зре­ло­го воз­рас­та бла­го­че­сти­вый Иоанн был по­став­лен свя­щен­ни­ком од­ной из мос­ков­ских при­ход­ских церк­вей и про­хо­дил своё слу­же­ние с та­ким вни­ма­ни­ем и лю­бо­вью, что имя его ско­ро сде­ла­лось из­вест­ным по Москве. Ис­тин­ное уте­ше­ние он на­хо­дил в со­вер­ше­нии ли­тур­гии, ко­то­рую слу­жил с та­ким вни­ма­ни­ем, бла­го­го­ве­ни­ем и во­оду­шев­ле­ни­ем, что все неволь­но мо­ли­лись усерд­нее обык­но­вен­но­го.

По­сле мо­лит­вы лю­би­мым де­лом от­ца Иоан­на бы­ло тво­рить ми­ло­сты­ню. Он близ­ко вхо­дил в по­ло­же­ние сво­их при­хо­жан, для бед­ня­ков ча­сто устра­и­вал тра­пе­зу, а для об­лег­че­ния уча­сти несчаст­ных поль­зо­вал­ся сво­им ав­то­ри­те­том сре­ди вли­я­тель­ных зна­ко­мых. Во­ро­та его до­ма бы­ли все­гда от­кры­ты, и вся­кий мог сво­бод­но прий­ти к лю­би­мо­му пас­ты­рю. А он по­сле бе­се­ды при про­ща­нии ода­рял ещё каж­до­го, чем мог.

Весть о доб­ром пас­ты­ре до­шла вско­ре и до са­мо­го им­пе­ра­то­ра Пет­ра I. Им­пе­ра­тор сде­лал от­ца Иоан­на сна­ча­ла при­двор­ным свя­щен­ни­ком, а по­том и ду­хов­ни­ком все­го цар­ствен­но­го до­ма. Став ли­цом важ­ным, отец Иоанн ещё бо­ле и ши­ре, чем преж­де, стал бла­го­тво­рить ближ­ним, ни в чём осталь­ном не из­ме­няя преж­не­го скром­но­го об­ра­за жиз­ни.

Осо­бен­ной лю­бо­вью его с это­го вре­ме­ни ста­ли поль­зо­вать­ся бо­га­дель­ни и тюрь­мы, ко­то­рые он ча­сто на­ве­щал.

Через неко­то­рое вре­мя слу­чи­лась со стар­цем-иере­ем тяж­кая бо­лезнь (ма­ло­кро­вие и об­мо­ро­ки), од­на­ко через три ме­ся­ца он по­пра­вил­ся и, как бы пред­чув­ствуя при­бли­жав­шу­ю­ся бе­ду, стал опять всех при­ни­мать и со все­ми про­щать­ся. И пред­чув­ствие не об­ма­ну­ло свя­то­го стар­ца.

Ко­гда на­ча­лось «де­ло Гриш­ки Та­ли­цы­на», про­по­вед­ни­ка при­ше­ствия ан­ти­хри­ста, ко­им он счи­тал Пет­ра I, отец Иоанн был окле­ве­тан. Гриш­ка во вре­мя ис­по­ве­ди от­крыл ба­тюш­ке своё зло­умыш­ле­ние, а отец Иоанн, со­хра­няя тай­ну ис­по­ве­ди, не до­нёс о сем на­чаль­ству. Во вре­мя до­про­сов Гриш­ка объ­явил, что он ис­по­ве­дал­ся пред ду­хов­ни­ком. На от­ца Иоан­на до­нес­ли го­су­да­рю, ко­то­рый счёл об­ви­не­ния про­тив ду­хов­ни­ка обос­но­ван­ны­ми и при­ка­зал от­пра­вить от­ца Иоан­на к епи­ско­пу Хол­мо­гор­ско­му Афа­на­сию для по­стри­же­ния в мо­на­хи на Со­лов­ках.

Без­ро­пот­но от­пра­вил­ся ста­рец в 1701 го­ду в да­лё­кий Ар­хан­гельск. С лю­бо­вью при­ня­ли его и вла­ды­ка Афа­на­сий, и на­сто­я­тель Со­ло­вец­ко­го мо­на­сты­ря ар­хи­манд­рит Фирс. Вско­ре отец Иоанн был по­стри­жен в мо­на­ше­ство с име­нем Иов в глав­ном Пре­об­ра­жен­ском со­бо­ре оби­те­ли. По по­стри­же­нии он был от­дан под ру­ко­вод­ство стар­ца Ио­ны. Быв­ший при­двор­ный свя­щен­ник тру­дил­ся вме­сте с дру­ги­ми ино­ка­ми на са­мых су­ро­вых по­слу­ша­ни­ях. Сам он ни­че­го не вку­шал, кро­ме хле­ба и во­ды.

Бра­тия, уви­дев в стар­це Иове му­жа со­вер­шен­на, осво­бо­ди­ла его от по­слу­ша­ний, дабы он всё вре­мя по­свя­щал мо­лит­ве, по­сту и по­уче­нию в Сло­ве Бо­жи­ем. Сла­ва о стар­це сно­ва ста­ла рас­ти и до­шла до Ца­ря. Царь же, убе­див­шись в неви­нов­но­сти сво­е­го ду­хов­ни­ка, сно­ва звал его к се­бе, но из­ну­рён­ный ле­та­ми и по­дви­га­ми ста­рец от­ка­зал­ся от та­ко­го пред­ло­же­ния и про­сил у на­сто­я­те­ля раз­ре­ше­ния уда­лить­ся в Ан­зер­ский скит на без­мол­вие. Прось­ба его бы­ла ува­же­на, а вско­ре, по кон­чине преж­не­го стро­и­те­ля ски­та, отец Иов был на­зна­чен на долж­ность стро­и­те­ля, ко­то­рую ис­пол­нял во­семь лет. При нём чис­ло на­сель­ни­ков воз­рос­ло до 30-ти. Осо­бым по­дви­гом, ко­то­рый при­нял на се­бя отец Иов, был уход за боль­ны­ми. Ча­сто он лю­бил уда­лять­ся на без­мол­вие, ино­гда по­се­щал пу­стын­ни­ка Па­и­сия, од­но­го из млад­ших уче­ни­ков пре­по­доб­но­го Еле­аза­ра Ан­зер­ско­го, ко­то­рый жил на Се­кир­ной го­ре. В 1710 го­ду отец Иов, по его же­ла­нию, был по­стри­жен в схи­му с име­нем Иисус, в честь пра­вед­но­го Иису­са – сы­на На­ви­на.

Од­на­жды по­сле про­дол­жи­тель­но­го бо­го­мыс­лия ни Се­кир­ной го­ре пре­по­доб­но­му в тон­ком сне яви­лась Пре­свя­тая Де­ва с пре­по­доб­ным Еле­аза­ром. Вос­пря­нув, ста­рец в тре­пе­те пре­кло­нил­ся пред небес­ны­ми по­се­ти­те­ля­ми. «Эта го­ра от­ныне на­зо­вёт­ся вто­рою Гол­го­фою, на ней бу­дет по­стро­е­на ка­мен­ная цер­ковь во имя Сы­на Мо­е­го и Гос­по­да, и устро­ит­ся скит на все­ле­ние твое с уче­ни­ка­ми. Я Са­ма бу­ду по­се­щать го­ру и пре­бу­ду с ва­ми во ве­ки», – ска­за­ла Ца­ри­ца Небес­ная. И тот­час же с Неба раз­дал­ся: глас: «Освя­ти го­ру Гол­го­фу и по­ставь на ней крест».

В ду­хов­ной ра­до­сти пре­по­доб­ный Иисус с дру­гом сво­им Па­и­си­ем не за­мед­ли­ли ис­пол­нить небес­ное по­ве­ле­ние и освя­ти­ли го­ру.

Вско­ре в 1713 го­ду стро­и­тель­ство ски­та бы­ло бла­го­слов­ле­но прео­свя­щен­ным Вар­на­вою. Бы­ла вы­стро­е­на цер­ковь в честь Рас­пя­тия Гос­под­ня и освя­ще­на в 1715 го­ду. Устро­и­лись ке­лии и со­бра­лось бра­тий 20 че­ло­век. Цар­ству­ю­щий дом внёс нема­ло по­жерт­во­ва­ний в обу­строй­ство но­во­го ски­та.

В ос­но­ву брат­ской жиз­ни пре­по­доб­ный Иисус по­ло­жил те же на­ча­ла, кои бы­ли уста­нов­ле­ны пре­по­доб­ным Еле­аза­ром в Ан­зер­ском ски­ту. Ста­рец сам но­сил на вер­ши­ну го­ры во­ду, ру­бил дро­ва. По его мо­литве по­сле яв­ле­ния ему Пре­свя­той Бо­го­ро­ди­цы с пер­во­вер­хов­ны­ми апо­сто­ла­ми на вер­шине го­ры от­крыл­ся род­ник.

Пред­чув­ствуя свою кон­чи­ну, ста­рец сам вы­ко­пал се­бе мо­ги­лу и неред­ко близ неё про­во­дил вре­мя в мо­лит­ве. Пе­ред смер­тью он за­бо­лел го­ряч­кой и три дня ле­жал в бес­со­зна­тель­ном со­сто­я­нии, но по­том вдруг так по­пра­вил­ся, что смог от­слу­жи­ть ли­тур­гию. По­сле ли­тур­гии ста­рец сно­ва воз­лёг на од­ре, на­зна­чил пре­ем­ни­ком по управ­ле­нию ски­том уче­ни­ка Ма­ка­рия и в ночь на 6 мар­та 1720 го­да – в Неде­лю пра­во­сла­вия – свя­то по­чил о Гос­по­де. Пе­ред кон­чи­ной ли­цо его про­си­я­ло и он про­из­нёс: «Бла­го­сло­вен Бог отец на­ших! Ес­ли так есть, я уже не бо­юсь, но в ра­до­сти от­хо­жу от ми­ра се­го!» В ту же ми­ну­ту ке­ллию оси­ял небес­ный свет. Пре­по­доб­ный был по­гре­бён в уго­то­ван­ной им са­мим мо­ги­ле, над ко­то­рой был вы­стро­ен храм.

Полное житие преподобного Иова, в схиме Иисуса, Анзерского 

Пре­по­доб­ный Иов Ан­зер­ский, в ми­ру Иоанн, ро­дил­ся в Москве в 1635 го­ду. Свое пас­тыр­ское слу­же­ние на­чал свя­щен­ни­ком в од­ном из при­ход­ских хра­мов. Он жил стро­го, по-мо­на­ше­ски, в по­сте и по­сто­ян­ной мо­лит­ве: "По­ми­луй мя, Гос­по­ди! По­ща­ди мя, Гос­по­ди!" Лю­бовь к лю­дям бы­ла у него уди­ви­тель­ная: он все­гда ис­кал слу­чая сде­лать ближ­не­му доб­ро. С пол­ным уча­сти­ем отец Иоанн по­мо­гал всем нуж­да­ю­щим­ся, за­бо­тил­ся об оби­жен­ных и невин­но стра­да­ю­щих, ду­хов­но сла­бых под­креп­лял, за­блуд­ших – лас­ко­во и муд­ро вра­зум­лял, уте­шал и на­став­лял. Дом его все­гда был от­крыт для бед­ных – на­кор­мив, оте­че­ски по­бе­се­до­вав, он от­пус­кал уте­шен­ных, на­де­ляя их в до­ро­гу чем мог. Ес­ли сам неча­ян­но ко­го-ни­будь оби­жал, то тут же ка­ял­ся и немед­лен­но про­сил про­ще­ния.

Сла­ва о доб­ром пас­ты­ре до­шла до са­мо­го ца­ря Пет­ра I – пре­по­доб­ный был при­зван для свя­щен­но­слу­же­ния в при­двор­ной церк­ви и из­бран ду­хов­ни­ком ца­ря и цар­ству­ю­ще­го до­ма. Поль­зу­ясь сво­им вли­я­ни­ем при дво­ре, пре­по­доб­ный ста­рал­ся еще бо­лее быть по­лез­ным бед­ству­ю­щим. По­се­щая за­клю­чен­ных в тюрь­мах, он через Сло­во Бо­жие бла­го­твор­но вли­ял на пре­ступ­ни­ков, невин­но осуж­ден­ных укреп­лял в тер­пе­нии, то­му же, кто от­бы­вал срок за дол­ги, по­мо­гал рас­пла­чи­вать­ся.

С го­да­ми отец Иоанн, по­свя­тив се­бя бо­го­мыс­лию, вы­хо­дил из до­ма толь­ко на цер­ков­ные служ­бы, не пре­кра­щая бла­го­тво­ре­ний через до­ве­рен­ных лиц.

В 1701 го­ду по лож­но­му до­но­су ца­рю (яко­бы, узнав о зло­умыш­ле­нии, "он яко ду­хов­ник не от­крыл на­чаль­ству"), пре­по­доб­ный был со­слан в Со­ло­вец­кий мо­на­стырь и по­стри­жен в мо­на­ше­ство с име­нем Иов. По­сле мно­гих ис­пы­та­ний ста­рец Иов был осво­бож­ден от по­слу­ша­ний и уеди­нил­ся на без­мол­вие в сво­ей кел­лии. Узнав о свя­той жиз­ни по­движ­ни­ка и удо­сто­ве­рив­шись, что ста­рец был окле­ве­тан, царь Петр I хо­тел воз­вра­тить ду­хов­ни­ка к се­бе, но пре­по­доб­ный Иов от­ка­зал­ся. В 1702 го­ду для боль­ше­го без­мол­вия он пе­ре­шел в Ан­зер­ский скит Свя­той Тро­и­цы, где вско­ре по смер­ти Ан­зер­ско­го стро­и­те­ля Еле­аза­ра был на­зна­чен на­сто­я­те­лем.

Пом­ня сло­ва Гос­под­ни: "Ему же да­но бу­дет мно­го, мно­го и взы­щет­ся от него" (Лк.12:48), – на но­вом по­при­ще свя­щен­но­и­нок Иов по­ло­жил мно­го тру­да и за­бот. Муд­рый на­став­ник всех учил сми­рен­но­му по­слу­ша­нию Бо­гу и на­чаль­ни­кам как пер­вой доб­ро­де­те­ли, без ко­то­рой не мо­жет быть спа­се­ния; при­учал к по­сто­ян­но­му тру­ду и за­бо­те о ближ­них. Он сам по­се­щал боль­ных, омы­вал и пе­ре­вя­зы­вал им ра­ны, а неред­ко ис­це­лял их неду­ги сво­ей мо­лит­вой. При этом цер­ков­ных служб и ке­лей­но­го пра­ви­ла он ни­ко­гда не опус­кал.

В 1710 го­ду пре­по­доб­ный Иов при­нял ве­ли­кий Ан­гель­ский об­раз с име­нем Иисус. Вско­ре Са­ма Ма­терь Бо­жия опре­де­ли­ла даль­ней­ший путь иерос­хи­мо­на­ху Иису­су: Она яви­лась ему во сне вме­сте с пер­во­на­чаль­ни­ком и по­кро­ви­те­лем ски­та пре­по­доб­ным Еле­аза­ром Ан­зер­ским (па­мять 13 ян­ва­ря) и ска­за­ла, что на го­ре, от­ныне на­зы­ва­е­мой вто­рой Гол­го­фою, на Ан­зер­ском ост­ро­ве, бу­дет устро­е­на цер­ковь Рас­пя­тия Иису­са Хри­ста и учре­дит­ся скит. При­няв этот чу­дес­ный сон за бла­го­сло­ве­ние Бо­жие, ста­рец Иисус в 1714 го­ду пе­ре­се­лил­ся на жи­тель­ство на го­ру Гол­го­фу и с по­мо­щью уче­ни­ков, схи­мо­на­ха Мат­фея и мо­на­ха Ма­ка­рия, ос­но­вал Гол­го­фо-рас­пят­ный скит, где про­дол­жил свой мно­го­труд­ный по­двиг.

В 1715 го­ду бы­ла по­стро­е­на де­ре­вян­ная цер­ковь в честь Рас­пя­тия Гос­под­ня.

Сам пре­ста­ре­лый стро­и­тель, в при­мер бра­тии, неред­ко ру­бил дро­ва, но­сил на го­ру во­ду, в пе­карне за­тво­рял те­сто. В сво­ей кел­лии ста­рец по­сто­ян­но за­ни­мал­ся ру­ко­де­ли­ем, а день­ги, ко­то­рые за это вы­ру­чал, де­лил на три ча­сти: на нуж­ды цер­ков­ные, на нуж­ды бра­тии, на ми­ло­сты­ню ни­щим. Се­бе он не остав­лял ни­че­го, имея при се­бе лишь несколь­ко ду­хов­ных книг.

За бо­го­угод­ную жизнь пре­по­доб­ный был удо­сто­ен осо­бен­ных от­кро­ве­ний. По его го­ря­чим мо­лит­вам Са­ма Пре­свя­тая Бо­го­ро­ди­ца яви­лась ему в кел­лии и на­зва­ла ме­сто на го­ре, где мож­но рыть ко­ло­дец и по­лу­чить во­ду, столь необ­хо­ди­мую для нужд мо­на­сты­ря. Ко­гда был от­крыт чу­дес­ный ис­точ­ник, пре­по­доб­ный вра­зу­мил бра­тию: "Ни­ко­гда не скор­би­те, не ма­ло­ду­ше­ствуй­те, но все­гда упо­вай­те на Бо­га. Помни­те обе­ща­ние Его: "Мать ис­ча­дие свое ско­рее за­бу­дет, неже­ли Аз вас". Свя­той угод­ник с по­мо­щью Бо­жи­ей су­мел пред­ви­деть злые на­ме­ре­ния при­шед­ших од­на­жды к нему чу­жих лю­дей и сво­ей мо­лит­вой: "Гос­по­ди, по­шли сон ра­бам Тво­им, утру­див­шим­ся в су­ет­ном уго­жде­нии вра­гу", – усы­пил зло­умыш­лен­ни­ков на пять дней и но­чей и этим при­вел их к ис­крен­не­му рас­ка­я­нию). В дру­гой раз он на­ка­зал во­ров, за­ста­вив про­сто­ять их непо­движ­но под тя­же­стью на­граб­лен­но­го два дня, по­ка те не взмо­ли­лись о по­ща­де.

Свя­то­му Иису­су Бог от­крыл вре­мя при­бли­жав­шей­ся кон­чи­ны. Еще за­дол­го до смер­ти свя­той из­ве­стил бра­тию, что умрет он в вос­крес­ный день до вос­хо­да солн­ца. Всю жизнь по­свя­тив слу­же­нию Бо­гу и ближ­ним, сми­рен­ный по­движ­ник, го­то­вясь к на­зна­чен­но­му ча­су, со­кру­шен­но ка­ял­ся, что слиш­ком ма­ло уго­ждал Гос­по­ду.

Пре­ста­вил­ся пре­по­доб­ный, как и пред­ска­зы­вал, в вос­крес­ный день, – в Неде­лю пра­во­сла­вия, – утром, до вос­хо­да солн­ца, 6 мар­та 1720 го­да.

В пред­смерт­ные ми­ну­ты свя­то­го кел­лия его оза­ри­лась необык­но­вен­ным све­том, раз­ли­лось бла­го­уха­ние и слыш­на бы­ла пса­лом­ская песнь: "Яко прой­ду в ме­сто се­ле­ния див­на да­же до до­му Бо­жия, во гла­се ра­до­ва­ния и ис­по­ве­да­ния, шу­ма празд­ну­ю­щих" (Пс.41:5).

При­чис­лен к ли­ку пре­по­доб­ных Рус­ской Пра­во­слав­ной Церк­ви для об­ще­цер­ков­но­го по­чи­та­ния на Юби­лей­ном Ар­хи­ерей­ском Со­бо­ре в ав­гу­сте 2000 го­да.