Канон святому преподобному Нестору Летописцу, Печерскому

Припев: Преподо́бне о́тче на́ш Не́сторе, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 09 ноября (27 октября ст. ст.)

Глас 4.

Пе́снь 1.

Ирмо́с: Ли́цы изра́ильтестии, невла́жными стопа́ми по́нт Чермны́й и вла́жную глубину́ прогна́вше, вса́дники триста́ты враги́ ви́дяще в не́й погруже́ны, с весе́лием поя́ху: пои́м Бо́гу на́шему, я́ко просла́вися.

Ли́цы и́ночестии, в ле́тней па́мяти богоно́снаго отца́ стеци́теся усе́рдно к святе́й пеще́ре, и любо́вию кла́няющеся ра́це моще́й Не́стора любому́драго, воспо́йте Бо́гу, я́ко во святы́х Свои́х сла́вно просла́вися.

Лико́м и́ноческим сочета́ющуся и в дне́шний де́нь па́мять твою́ воспе́ти дерза́ющу, мне́, па́че все́х грубе́йшему, моли́твами твои́ми спосо́бствуй, Не́сторе свя́те, Бо́г бо в тебе́ ди́вно просла́вися.

Лико́м а́нгельским причте́н бы́ти хотя́й, лико́м равноа́нгельным во пло́ти причта́лся еси́, о́тче, от ни́хже а́нгельскому житию́ научи́вся, возше́л еси́ к у́мному жела́нию: те́мже тя́ чти́м, я́ко Бо́г в тебе́ ди́вно просла́вися.

Богоро́дичен: Ли́ки святы́х и преподо́бных оте́ц с ли́ки а́нгельскими предстоя́ще, сла́вите Ро́ждшую все́х святы́х Святе́йшее Сло́во; сла́вити же дне́сь Бо́жию Ма́терь, и на́м земны́м помози́те, Та́ бо от все́х ди́вно просла́вися.

Пе́снь 3.

Ирмо́с: Лу́к си́льных изнемо́же, и немощству́ющии препоя́сашася си́лою, сего́ ра́ди утверди́ся в Го́споде се́рдце мое́.

Предложе́ние твоего́ ума́ бе́, а́ки лу́к напряже́н, о́тче, живы́й бо во юдо́ле се́й плаче́вней, восхожде́ние име́л еси́ в се́рдце свое́м вы́ну к Бо́гу; и мне́ у́бо, жи́знь свою́ веду́щу вы́ну в печа́лех, Не́сторе, помози́, моля́ся о мне́, да возвесели́тся о Го́споде се́рдце мое́.

Седмьнадесятоле́тен сы́й, мы́сленне прия́л еси́ му́жа соверше́нна во́зраст: просия́л бо еси́, а́ки в ста́рческих седи́нах, де́лы благи́ми, сия́ и во мне́ испра́ви, блаже́нне, и возвесели́тся о Го́споде се́рдце мое́.

Чистоту́ и смире́ние глубо́ко к нищете́ прие́мь, возлете́л еси́, свя́те, а́ки крило́ма, на го́ру и́ноческих доброде́телей; отню́дуже, усмотри́в в мгнове́нии о́ка преходя́щ ми́ра сего́ о́браз, и па́че в любо́вь Бо́жию впери́л еси́ се́рдце твое́.

Богоро́дичен: Са́д чистоты́ Ро́ждшая, плодо́м сего́, ве́рующих Тя́ бы́ти Ма́терь Бо́жию, напита́ла еси́ оби́льно; и мне́ у́бо, ве́рою покланя́ющемуся Тебе́, Богоневе́стная Де́во, да́ждь от сего́ плода́ поне́ ма́ло вкуси́ти, да печа́льное возвесели́тся се́рдце мое́.

Седа́лен, гла́с 4:

От вели́ких оте́ц упра́влен в благи́я нра́вы и в ю́ности ве́сь Бо́гови присоедини́вся, плотски́я по́хоти умертви́л еси́ поще́нием кре́пким, ду́х оживи́л еси́ наде́ждою бла́г ве́чных; а́нгельски на земли́ пожи́в, со а́нгелы ны́не водворя́ешися, те́м тя́ почита́ем, Не́сторе блаже́нне.

Стра́шных чуде́с несказа́нный о́браз ви́жду в Тебе́, Пречи́стая Де́во, я́ко Бо́га зачала́ еси́ и Необыме́ннаго объя́ла еси́ утро́бою Твое́ю, но какова́ се́ бы́сть та́йна, не испыту́ю, па́че же ве́рую и со стра́хом ублажа́ю Тя́, пою́щи: ра́дуйся, Бо́га Невмести́маго простра́нное селе́ние.

Пе́снь 4.

Ирмо́с: Услы́шах сла́вное смотре́ние Твое́, Христе́ Бо́же, я́ко роди́лся еси́ от Де́вы, да от ле́сти изба́виши зову́щия: сла́ва си́ле Твое́й, Го́споди.

Услы́шав сла́вная и преди́вная на горе́ Пече́рской, прише́л еси́ та́мо, преподо́бне, и ви́дев с огне́м и росо́ю низходя́щую благода́ть Бо́жию в нача́ле основа́ния це́ркве, ю́н еще́ сы́й, со ста́рцы воспе́л еси́: сла́ва си́ле Твое́й, Го́споди.

Бо́льшую и соверше́ннейшую в души́ твое́й ски́нию творя́ Ду́ху Свято́му, любе́зным восприя́тием за́поведи от богоно́сных оте́ц позлати́л еси́ о́ну, Не́сторе свя́те: те́м, я́ко в кра́сный черто́г, прии́де и оби́тель в тебе́ сотвори́ Оте́ц с Сы́ном и Ду́хом.

А́ки сла́дкое млеко́, уче́ние оте́ц богоно́сных прие́мь, сло́во де́лом испо́лнил еси́, блаже́нне, и испо́лнен бы́л еси́ вы́шния Прему́дрости, ю́же и мы́ от писа́ний твои́х чту́ще, увеселя́ем ду́ши на́ша ве́дением на си́х гора́х бы́вшия Бо́жия благода́ти.

Богоро́дичен: Сла́дкое млеко́ покая́ния и некта́р небе́сный умиле́ния пе́сни любо́вию Тебе́ принося́щим, подае́ши, Чи́стая Отрокови́це, я́же и а́з, стра́хом одержи́мь, любо́вию же дви́жимь, приношу́ Ти́, Влады́чице, и молю́: услади́ се́рдце мое́, Сла́дкаго Иису́са Христа́ моего́ ро́ждшая.

Пе́снь 5.

Ирмо́с: От све́та пресеки́й перворо́дный све́т, я́ко во све́те дела́ пою́т Тя́, Христе́, Соде́теля, во све́те Твое́м пути́ на́ша напра́ви.

От любве́ ле́стнаго ми́ра удали́вся, жела́нием вожделе́л еси́, Не́сторе, вели́ких оте́ц стопа́м, нра́вом и уче́ниям после́довати: си́м да́ждь и на́м прилежа́ти, и во све́те дея́ний о́ных, моли́твами твои́ми, пути́ на́ша напра́ви.

Глубо́ким смире́нием огражде́н сы́й, преподо́бне, высото́ю тщесла́вия ходя́щаго врага́ низве́рг, нога́ми попра́л еси́; хода́тайством твои́м к Бо́гу, о́тче, да́ждь и на́м смире́ние и во о́ном стопы́ на́ша напра́ви.

А́нгельски жи́знь свою́ упра́вльша, вси́ тя́, а́ки а́нгела Бо́жия, име́яху; те́м и на диа́конский степе́нь взы́ти сподо́бился еси́, в не́мже до́бре ше́ствие свое́ упра́вив, и на́ша пути́ во святы́ни, Не́сторе, упра́ви.

Богоро́дичен: Пу́ть ро́ждшая Жи́зни, Всесвята́я Де́во, стезя́ми собла́зн ходя́щих, я́ко Милосе́рдая, наставля́еши на стези́ пра́вды; и мене́, заблужда́ющаго, Влады́чице, не пре́зри, но я́ко ро́ждшая Наста́вника заблу́ждшим, во све́те Его́ пути́ моя́ напра́ви.

Пе́снь 6.

Ирмо́с: Внегда́ скорбе́ти ми́, возопи́х ко Го́споду, и услы́ша мя́ Бо́г спасе́ния моего́.

В преподо́бии и пра́вде чи́н сво́й управля́я, хра́м Ду́ху Свято́му ве́сь сотвори́лся еси́, и вше́д в хра́м нерукотворе́нный, престо́лу Вы́шняго предстои́ши; и мне́, хотя́щему бы́ти та́мо, моли́твами твои́ми, о́тче, помози́, молю́ тя́, моли́твенника спасе́ния моего́.

Кра́снаго са́да Де́лателя Небе́снаго кра́сное бы́л еси́ прозябе́ние, кра́сными бо де́лы укра́шен, благи́я плоды́, и́хже ны́не благоуха́ние обоня́ем, возрасти́л еси́; молю́ у́бо тя́, блаже́нне, пода́ждь сия́ в да́р и мне́ от Бо́га Спа́са моего́.

От труда́ по́двигов твои́х, Не́сторе преподо́бне, мно́гия изли́в по́ты, напои́л еси́ ни́ву души́ твоея́, и израсти́в доброде́телей кла́сы, пожина́еши ны́не рукоя́ти, живы́й во ве́ки в небе́сных кро́вех, в ни́хже и мне́ бы́ти моли́ Христа́ Спа́са моего́.

Богоро́дичен: Насе́янная Ду́хом О́тчим земле́ свята́я, ра́дуйся, я́ко прозябла́ еси́ на́м Дре́во благосенноли́ственное; зно́ем мя́ страсте́й опале́нна под се́нь о́наго приведи́, Влады́чице, молю́ Тя́ я́ко Хода́таицу спасе́ния моего́.

Конда́к, гла́с 2:

Я́ко сы́й богоно́снаго Феодо́сия учени́к и и́стинный жития́ того́ подража́тель, пе́рвый честны́х его́ моще́й самови́дец бы́ти сподо́бился еси́, я́же с про́чиими святоле́пно прене́с, насле́дил еси́ с те́мижде Ца́рство небе́сное, е́же получи́ти и на́м, чту́щим тя́, Го́сподеви моли́ся.

Пе́снь 7.

Ирмо́с: Авраа́мстии иногда́ в Вавило́не о́троцы пе́щный пла́мень попра́ша, пе́сньми взыва́юще: оте́ц на́ших Бо́же, благослове́н еси́.

Авраа́мовым стопа́м после́дуя, свя́те, исполне́нием за́поведей прине́сл еси́, я́коже о́н Исаа́ка, чи́ст у́м Влады́це, сего́ ра́ди от жи́зни сея́ преше́л еси́ в зе́млю, точа́щую безконе́чную сла́дость, иде́же и мне́ моли́ бы́ти, Не́сторе, собесе́дниче богоно́сных оте́ц на́ших.

От стра́стнаго ми́ра сего́ преста́влься, преше́л еси́ в безстра́стный ми́р, иде́же в ми́ре с сына́ми ми́ра живы́й, и на́с, в ми́ре се́м су́щих, не отступа́й, моля́ Творца́ своего́, да соприча́стницы тебе́ бу́дем, пою́ще: Бо́же, благослове́н еси́.

Не уклони́л еси́ се́рдца своего́ в словеса́ лука́вствия в жи́зни се́й многомяте́жной, преподо́бне, те́м и возду́шных духо́в лука́вствия безмяте́жно проше́д, к небе́сным врато́м доспе́л еси́: я́же и на́м отве́рзти потщи́ся моли́твами твои́ми, я́ко благослове́н еси́.

Богоро́дичен: Уклони́хся от стези́ пра́вды и не хожда́х нога́ма мои́ма на пути́ пра́вы, но на стремни́нах страсте́й заблужда́ющи, уязви́х плесне́ мои́ те́рнием греха́, оба́че и храмля́я, притека́ю к Твое́й бла́гости и молю́ся: Влады́чице, исцели́ мя́, Ты́ бо еси́ души́ моея́ врачева́ние.

Пе́снь 8.

Ирмо́с: В Вавило́не о́троцы, боже́ственною распала́еми ре́вностию, мучи́теля и пла́мене преще́ние му́жески попра́ша, и посреде́ огня́ вве́ржени, ороша́еми, поя́ху: благослови́те, вся́ дела́ Госпо́дня, Го́спода.

Си́лою духо́вною укрепле́н, прелете́л еси́, богому́дре, крило́ма твои́х доброде́телей к го́рним, и по ле́тех си́х живе́ши ны́не, иде́же ле́та не оскудева́ют, к ни́мже и на́м доспе́ти моли́, пою́щим: благослови́те вся́ дела́ Госпо́дня Го́спода.

От до́му Бо́жия Ма́тере преше́л еси́, Не́сторе, в До́м Бо́жий, всесветя́щийся Иерусали́м, и а́нгелом в числе́ гра́ждан небе́сных сожи́тельствуя, хода́тайствуй и на́м те́мжде причте́нным бы́ти, в па́мяти твое́й пою́щим пе́сньми Го́спода.

Тро́ичен: Тро́ическое еди́но естество́: О́тче, и Сы́не, и Ду́ше Святы́й, еди́но ца́рство, си́лу и вла́сть иму́щее, на́с от вла́сти кня́зя тмы́ изба́ви, моли́твами богоно́сных оте́ц на́ших Пече́рских, с ни́миже и Не́стора приво́дим Ти́ в моли́тву дне́сь, благословя́ще Тя́ во ве́ки, Го́спода.

Богоро́дичен: Тро́ическому предстоя́щи престо́лу, Ма́ти Де́во, и сла́ву Триипоста́снаго Божества́ вы́ну зря́щи, моли́ся за ны́ гре́шныя, да и мы́ небе́сныя сла́вы не лиши́мся, пе́сньми Тя́ сла́вяще и из Тебе́ ро́ждшагося Го́спода.

Пе́снь 9.

Ирмо́с: Рождество́ Твое́ нетле́нно яви́ся: Бо́г из боку́ Твое́ю про́йде, я́ко плотоно́сец яви́ся на земли́ и с челове́ки поживе́. Тя́, Богоро́дице, те́м вси́ велича́ем.

Отше́л еси́ в селе́ния пра́ведных и ду́хом предстои́ши Присносу́щному Све́ту; при́зри у́бо на ны́, живу́щия в се́лех многомяте́жнаго ми́ра, и посо́бствуй су́щим во бра́нех, Не́сторе блаже́нне, я́ко пе́сньми тя́ ны́не велича́ем.

С ни́миже любо́вь стяжа́л еси́ живы́й те́лом, с си́ми, и ду́хом изше́д, сожи́тельствуеши не отлуче́н, я́коже показу́ют мо́щи твоя́, преподо́бне, со святы́ми в пеще́ре лежа́щия, с ни́миже предста́ни о на́с моля́щися Бо́гу, па́мять твою́ велича́ющих.

Лю́бит ми́лость и и́стину Госпо́дь, и ты́, преблаже́нне, подо́бяся Тому́, ми́лостивый бу́ди хода́тай о спасе́нии на́шем, да тебе́ ра́ди и мы́, обре́тше благода́ть, не отпаде́м ве́чныя сла́вы, я́ко успе́ние твое́ свято́е пе́сньми велича́ем.

Богоро́дичен: Лю́бит все́х Влады́ка хода́тайство Твое́, Пречи́стая Де́во, и моли́твы Твоя́ о челове́честем ро́де прие́млет; моли́ся у́бо и о на́с, рабе́х Твои́х, Всецари́це, да улучи́м ми́лость в де́нь Су́дный, вы́ну бо Тебе́ я́ко Хода́таицу, кла́няющеся, велича́ем.

Краткое житие преподобного Нестора Летописца, Печерского

Пре­по­доб­ный Нестор Ле­то­пи­сец ро­дил­ся в 50-х го­дах XI ве­ка в Ки­е­ве, 17-ти лет по­сту­пил в Ки­е­во-Пе­чер­скую оби­тель. Был по­слуш­ни­ком пре­по­доб­но­го Фе­о­до­сия. По­стриг при­нял от игу­ме­на Сте­фа­на, пре­ем­ни­ка Фе­о­до­сия. Чи­сто­тою жиз­ни, мо­лит­вою и по­слу­ша­ни­ем юный по­движ­ник ско­ро пре­взо­шел да­же из­вест­ных пе­чер­ских стар­цев. Был по­свя­щен во иеро­ди­а­ко­на. О его вы­со­кой ду­хов­ной жиз­ни го­во­рит то, что он в чис­ле дру­гих пре­по­доб­ных от­цов участ­во­вал в из­гна­нии бе­са из Ни­ки­ты За­твор­ни­ка, впо­след­ствии Нов­го­род­ско­го свя­ти­те­ля (па­мять 31 ян­ва­ря), пре­льщен­но­го в иудей­ское мудр­ство­ва­ние. Пре­по­доб­ный Нестор яв­ля­ет­ся со­ста­ви­те­лем пер­во­на­чаль­ной ис­то­рии на­ше­го Оте­че­ства, или ле­то­пи­си, где он из­ла­га­ет по го­дам ска­за­ние о на­ча­ле Рус­ской зем­ли и по­сле­ду­ю­щих со­бы­ти­ях ее ис­то­рии до 1100 го­да. Кро­ме то­го, им на­пи­са­но жи­тие свя­тых кня­зей Бо­ри­са и Гле­ба, «Ска­за­ние о пер­вых пе­чер­ских по­движ­ни­ках» и проч.

Нестор до­стиг глу­бо­кой ста­ро­сти и мир­но скон­чал­ся око­ло 1114 го­да.

Полное житие преподобного Нестора Летописца, Печерского

Вся­кое со­бы­тие, ес­ли бы не бы­ло за­креп­ле­но пи­са­ни­ем, за­бы­лось бы и утра­ти­лось для зна­ния. Так, ес­ли бы Мо­и­сей, на­учен­ный Бо­гом, не оста­вил нам в сво­их кни­гах из­ве­стий о са­мом на­ча­ле и пер­вом стро­е­нии ми­ра, а так­же о ро­до­на­чаль­ни­ке на­шем Ада­ме, то все сие про­дол­жи­тель­ность вре­ме­ни по­кры­ла бы, как тьмою, и при­ве­ла бы в за­бве­ние. Но Бог, со­хра­ня­ю­щий в лю­дях па­мять о сво­их чу­де­сах, в ка­кое за­хо­чет вре­мя, воз­дви­га­ет опи­са­те­лей, дабы по­сле­ду­ю­щие по­ко­ле­ния, про­чи­тав на­чер­тан­ное ими, мог­ли сим вос­поль­зо­вать­ся. По­доб­ным об­ра­зом Гос­подь явил и в на­шей, Рус­ской зем­ле, в свя­том Ки­е­во-Пе­чер­ском мо­на­сты­ре, прис­но­па­мят­но­го пи­са­те­ля, пре­по­доб­но­го от­ца на­ше­го Несто­ра, ко­то­рый про­све­тил очи на­ши, из­ло­жив по­лез­ное для нас, и тем вы­звал у нас бла­го­да­ре­ние Бо­гу[1]. Он на­пи­сал нам о на­ча­ле и пер­вом устро­е­нии на­ше­го рус­ско­го ми­ра, не толь­ко внеш­не­го, но и осо­бен­но внут­рен­не­го, ду­хов­но­го, – то есть об ос­но­ва­нии и бла­го­устрой­стве на Ру­си ино­че­ско­го жи­тия, на­саж­ден­но­го, как в раю, в свя­том Пе­чер­ском мо­на­сты­ре, а рав­но о ду­хов­ном ро­до­на­чаль­ни­ке на­шем, пре­по­доб­ном Ан­то­ние[2], и о дру­гих по­сле­до­вав­ших ему и по­рож­ден­ных его ду­хом пе­чер­ских свя­тых. Од­ним из них был до­сто­хваль­ный сей пи­са­тель, ко­то­рый со­вер­шен­ней­шие жи­тия их за­пи­сал не толь­ко тро­стию на хар­тии, но и по­доб­ны­ми же по­движ­ни­че­ски­ми де­я­ни­я­ми на непо­роч­ной ду­ше сво­ей. Этим тру­дом он и са­мо­го се­бя впи­сал в кни­ги жи­во­та веч­но­го, так что и сам он до­сто­ин слы­шать о се­бе: "ра­дуй­тесь то­му, что име­на ва­ши на­пи­са­ны на небе­сах" (Лк.10:20).

В то вре­мя, ко­гда пре­по­доб­ный Ан­то­ний по­свя­тил се­бя без­мол­вию в пе­ще­ре, а бла­жен­ный Фе­о­до­сий стро­ил мо­на­стырь, при­шел к ним, же­лая при­нять свя­той ино­че­ский об­раз, сей бла­жен­ный отец наш Нестор, имев­ший то­гда толь­ко сем­на­дцать лет от рож­де­ния. Еще не бу­дучи ино­ком, он об­на­ру­жил на­вык во всех ино­че­ских доб­ро­де­те­лях, как-то: в за­бот­ли­во­сти о чи­сто­те те­лес­ной и ду­шев­ной, в доб­ро­воль­ной ни­ще­те, глу­бо­ком сми­ре­нии, бес­пре­ко­слов­ном по­слу­ша­нии, стро­гом пост­ни­че­стве, непре­стан­ной мо­лит­ве, неусып­ном бодр­ство­ва­нии и в дру­гих рав­но­ан­гель­ских по­дви­гах, в ко­их он был усерд­ным под­ра­жа­те­лем жиз­ни пер­вых свя­тых Пе­чер­ских – Ан­то­ния и Фе­о­до­сия. От сей свя­той дво­и­цы он при­ни­мал в сво­ей цве­ту­щей кра­со­тою юно­сти вся­кую за­по­ведь с та­кою же лю­бо­вью, как мла­де­нец – мо­ло­ко от сос­цов и как жаж­ду­щий олень – во­ду из двух ис­точ­ни­ков, те­ку­щих сре­ди гор, в пе­ще­рах. И дей­стви­тель­но, сво­и­ми пи­са­ни­я­ми он об­на­ру­жи­ва­ет, ка­кую ве­ли­кую лю­бовь пи­тал он к сим пре­по­доб­ным ос­но­ва­те­лям мо­на­сты­ря – лю­бовь, яв­ля­е­мую "не сло­вом или язы­ком, но де­лом и ис­ти­ною" (1Ин.3:18). Ви­дя си­я­ю­щие доб­рые де­ла сих двух ве­ли­ких све­тил рос­сий­ско­го неба, он усерд­но про­слав­лял Бо­га "в те­ле сво­ем и в ду­ше сво­ей" (ср. 1Кор.6:20). По­сле чест­ной пред Гос­по­дом смер­ти пре­по­доб­ных от­цов, Ан­то­ния и Фе­о­до­сия, бла­жен­ный отец наш Нестор и сам умер для ми­ра не толь­ко мир­ски­ми де­ла­ми, – что он сде­лал еще рань­ше, не пре­бы­вая в ис­ку­се, – но и мир­ским об­ра­зом, при­няв свя­той Ан­гель­ский об­раз ино­ка от пре­по­доб­но­го Сте­фа­на, игу­ме­на Пе­чер­ско­го. По­том им же был он воз­ве­ден и в сан диа­ко­на. То­гда, ви­дя на се­бе дво­я­кий Ан­гель­ский сан, ино­че­ский и диа­кон­ский, он со дня на день уве­ли­чи­вал свои доб­ро­де­те­ли, умерщ­вляя все плот­ские стра­сти и со­блю­дая вся­кую ис­ти­ну, чтобы со­вер­шен­но осво­бо­дить­ся от вла­сти пло­ти и стать вполне ду­хов­ным, а рав­но ис­тин­ным ра­бом и по­клон­ни­ком Бо­га. Ибо он хо­ро­шо знал, что ска­зал Сам Гос­подь: "Бог есть дух, и по­кло­ня­ю­щи­е­ся Ему долж­ны по­кло­нять­ся в ду­хе и ис­тине" (Ин.4:24). И под­лин­но: чем по­беж­дал ду­ха лу­ка­во­го, чуж­до­го вся­кой ис­ти­ны, Нестор до­ста­точ­но яс­но по­ка­зы­ва­ет в сво­ем пи­са­нии: он об­на­ру­жи­ва­ет вез­де ве­ли­чай­шее сми­ре­ние и по­сто­ян­но уни­жа­ет се­бя, на­зы­вая се­бя "недо­стой­ным, гру­бым, невеж­дою и ис­пол­нен­ным мно­же­ства гре­хов".

Ко­гда же по вну­ше­нию Бо­жию бра­тия ре­ши­ли на со­ве­те – вы­ко­пать чест­ные мо­щи пре­по­доб­но­го Фе­о­до­сия и пе­ре­не­сти их из пе­ще­ры в свя­тую, Бо­гом со­здан­ную, Пе­чер­скую цер­ковь, пер­вый при­нял на се­бя сие по­слу­ша­ние бла­жен­ный Нестор. Ко­пая зем­лю с ве­ли­кою ве­рою и мо­лит­вою, он тру­дил­ся всю ночь и ис­ко­пал для свя­то­го Пе­чер­ско­го мо­на­сты­ря мно­го­цен­ный би­сер, – мо­щи пре­по­доб­но­го Фе­о­до­сия. Он вы­нес их из пе­ще­ры и был оче­вид­цем ве­ли­ких со­вер­шав­ших­ся при сем чу­дес, о чем сам сви­де­тель­ство­вал.

И про­жил он мно­го лет, тру­дясь над со­став­ле­ни­ем ле­то­пи­са­ния. Па­мя­туя о ле­тах веч­но­сти, он бла­го­уго­ждал Твор­цу лет, к Ко­е­му пе­ре­шел в веч­ность по­сле сво­ей вре­мен­ной жиз­ни. Он по­ло­жен в пе­ще­ре, где и до­ныне по­чи­ва­ет его нетлен­ное чест­ное те­ло, ис­то­чая чу­до­тво­ре­ния и тем сви­де­тель­ствуя, что пре­по­доб­ный сей со­ста­ви­тель жи­тий свя­тых и ле­то­пи­си при­об­рел для се­бя нетлен­ное жи­ли­ще на небе и удо­сто­ил­ся нетлен­но­го вен­ца в цар­стве Бо­жи­ем. По мо­лит­вам пре­по­доб­но­го се­го пи­са­те­ля да спо­до­бим­ся и мы быть впи­сан­ны­ми в кни­гах жи­во­та Агн­ца Бо­жия, ле­та Ко­е­го не оску­де­ют. Ему с Бо­гом От­цом и Жи­во­тво­ря­щим Ду­хом по­до­ба­ет от нас вся­кая сла­ва, честь и по­кло­не­ние, ныне и прис­но, и во ве­ки ве­ков. Аминь.


При­ме­ча­ния

[1] Пре­по­доб­ный Нестор в 17-ти­лет­нем воз­расте по­стриг­ся в Ки­е­во-Пе­чер­ском мо­на­сты­ре, в 1091 го­ду участ­во­вал при от­кры­тии мо­щей пре­по­доб­но­го Фе­о­до­сия Пе­чер­ско­го, тру­дил­ся в со­став­ле­нии Рус­ской ле­то­пи­си, жиз­не­опи­са­нии Ки­ев­ских и Пе­чер­ских угод­ни­ков. Из его тво­ре­ний, кро­ме ле­то­пи­си, до­шли до нас: жи­тие пре­по­доб­но­го Фе­о­до­сия Пе­чер­ско­го и жи­тие свя­тых Бо­ри­са и Гле­ба. Пре­ста­вил­ся око­ло 1114 г. 27 ок­тяб­ря.

[2] Па­мять преп. Ан­то­ния Пе­чер­ско­го празд­ну­ет­ся 10 июля.