Канон святому преподобному Симеону Псково-Печерскому

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 18 января (05 января ст. ст.); 01 апреля (19 марта ст. ст.)

Глас 8.

Пе́снь 1

Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Дне́сь в до́ме Пречи́стыя соше́дшеся, ве́рнии, Ду́хом Боже́ственным веселя́щеся, преподо́бнаго Симео́на восхва́лим, то́й бо все́м житие́м свои́м непреста́нно пе́снь Бо́гови воспева́л еси́.

Я́ко се́мя на ни́ве ве́ры и́стинныя, в вертогра́де Пренепоро́чныя Жизнода́вцем насажде́н бы́в, пло́д до́брый стори́цею прине́сл еси́ и мно́жества ве́рных напита́л еси́, пе́снь Бо́гови воспева́яй.

Благи́ми нра́вы измла́да укра́шен, за́поведей Бо́жиих иску́сный де́латель бы́л еси́ и, о́ко серде́чное, взира́ющее к Бо́гу, име́я, о́тче Симео́не, Боже́ственных даро́в и чуде́с испо́лнился еси́, пе́снь Бо́гови воспева́яй.

Богоро́дичен: Богороди́тельнице всенепоро́чная, все́м ве́рою испове́дающим Тя́ на вся́ком ме́сте и покланя́ющимся Твоему́ свято́му о́бразу, моли́ Сы́на Твоего́, Христа́ Бо́га на́шего, избавле́ние дарова́ти от страсте́й и бе́д, пе́снь Ему́ воспева́ющим.

Пе́снь 3

Ирмо́с: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т па́че Тебе́, еди́не Человеколю́бче.

Ве́сь прилежа́ Вседержи́телю, преподо́бне о́тче Симео́не, Тому́ прилепи́лся еси́ от ю́ности, и на́с, ве́рных ча́д твои́х, научи́ похваля́ти Святу́ю Тро́ицу: не́сть свя́т па́че Тебе́, еди́не Человеколю́бче.

Любо́вию Боже́ственною укрепля́емь, о́тче на́ш Симео́не, чудотво́рцу Саро́вскому после́довал еси́, и ны́не вку́пе с ни́м и все́ми святы́ми воспева́еши: не́сть свя́т па́че Тебе́, еди́не Человеколю́бче.

Стра́сти плотски́я умерщвля́я, о́тче Симео́не, ду́шу обогати́л еси́ Боже́ственными дарова́ньми, и си́ми мно́жество к тебе́ притека́ющих уврачева́л еси́, науча́я те́х пе́ти: не́сть свя́т па́че Тебе́, еди́не Человеколю́бче.

Богоро́дичен: К Тебе́, Богоро́дице всепе́тая, приле́жно притеце́м, недосто́йная ча́да Твоя́, гре́шнии и смире́ннии, и припаде́м, в покая́нии зову́ще из глубины́ души́: Влады́чице, моли́твами уго́дника Твоего́ преподо́бнаго Симео́на сотвори́ спасти́ся на́м, вопию́щим: не́сть свя́т па́че Тебе́, еди́не Человеколю́бче.

Седа́лен, гла́с 4:

Страсте́й умерщвля́я волчцы́, о́тче Симео́не пресла́вне, ду́шу твою́, я́ко зе́млю добропло́дную, возде́лал еси́ и, по́том мно́гих боле́зней и трудо́в оби́льно ю́ ороша́я, дави́дски процве́л еси́, я́ко кри́н ра́йский, сего́ ра́ди тя́ велича́ем.

Молю́ Тя, Пречи́стая Ма́ти Бо́га вы́шняго, еди́но души́ моея́ утеше́ние, упова́ние, сла́досте, Боже́ственный покро́ве, све́те, заступле́ние и спасе́ние! Сподо́би мя́ Твои́ми моли́твами услы́шати гла́с, вну́трь черто́га Влады́ки ве́рных призыва́ющий.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.

Ду́шу твою́ очи́стив, преподо́бне о́тче Симео́не, хра́м Свята́го Ду́ха соде́лался еси́ и, в по́двизех до́бре подвиза́яся, го́рнее Ца́рство насле́довал еси́. Сего́ ра́ди Просла́вльшему тя́ вопие́м: си́ле Твое́й сла́ва, Человеколю́бче.

Бу́дущее твое́ прозре́в, о́тче Симео́не, блаже́нный Корни́лий Кры́пецкий ма́нной Боже́ственных слове́с тя́ напита́ и на па́жить духо́вную поста́ви. Ты́ же, позна́в сию́ сла́дость, ра́достно вопия́л еси́: си́ле Твое́й сла́ва, Человеколю́бче.

Многоболе́зненными страстьми́ одержи́мым, о́тче пречу́дне Симео́не, дарова́л еси́ исцеле́ния си́лою благода́ти Христо́выя, ю́же стяжа́л еси́ изря́дными дела́ми твои́ми. Те́мже с тобо́ю вопие́м: си́ле Твое́й сла́ва, Человеколю́бче.

Богоро́дичен: О, Пресвята́я Влады́чице, все́х пра́ведных удобре́ние и дво́ре слове́сных ове́ц, во уде́ле Пече́рстем боголюби́ваго Симео́на под честны́м Твои́м омофо́ром взрасти́вшая и воспита́вшая, не оста́ви на́с, рабо́в Твои́х, и моли́ Сы́на Твоего́ и Бо́га на́шего, да спасе́т ду́ши на́ша.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тьма́, окая́ннаго: но обрати́ мя и к све́ту за́поведей Твои́х пути́ моя́ напра́ви, молю́ся.

Све́том незаходи́мым осиява́емь, о́тче пресве́тле Симео́не, возсия́л еси́ на земли́, я́ко со́лнце, ча́да твоя́ к позна́нию и́стины провожда́я и к све́ту за́поведей Христо́вых пути́ те́х направля́я.

В ста́до ове́ц духо́вных преподобному́ченика Корни́лия прише́л еси́, о́тче на́ш Симео́не, и вся́ земна́я отве́ргнув, возше́л еси́ на не́бо, взыва́я к Бо́гу: к све́ту за́поведей Твои́х пути́ моя́ напра́ви.

Ны́не в вы́шних селе́ниих обита́я, ча́д твои́х назира́еши, преподо́бне о́тче Симео́не. Те́мже научи́ и на́с богоприя́тными твои́ми моли́твами взыва́ти Го́споду: к све́ту за́поведей Твои́х пути́ на́ша напра́ви.

Богоро́дичен: Ра́дуйся, Де́во Всечестна́я, мо́сте, к небесе́м преводя́й, и ле́ствице высо́кая, ко Христу́ на́с возводя́щая. Те́мже, Всепе́тая, я́ко Ма́тернее дерзнове́ние к Нему́ иму́щи, исцели́ ума́ моего́ омраче́ние и пути́ моя́ испра́ви, молю́ся.

Пе́снь 6.

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

Умо́м очище́нным от помышле́ний лука́вых, блаже́нне о́тче Симео́не, в моли́тве непреста́нней пребыва́я и, я́ко свети́льник горя́, взыва́л еси́ ко Го́споду: из глубины́ зо́л возведи́ мя, Бо́же спасе́ния моего́.

Обнови́в послуша́нием Христу́ ду́шу твою́, о́тче свяще́нне Симео́не, в вели́кий о́браз обле́клся еси́ и, в пеще́ру Ла́заря прозорли́вца всели́вся, тому́ подража́л еси́, взыва́я: услы́ши мя́, Бо́же спасе́ния моего́.

Кре́постию ду́ха, о́тче Симео́не, превозмога́я держа́ву вра́жию, подвиза́лся еси́ вни́ти сквозе́ те́сная врата́. Те́мже в оби́тели Отца́ Небе́снаго всели́лся еси́, со умиле́нием взыва́я: сла́ва Тебе́, Бо́же спасе́ния моего́.

Богоро́дичен: Не преста́й хода́тайствовати о на́с, рабе́х Твои́х, Пречи́стая, я́коже Госпо́дь с Тобо́ю бы́ти изво́ли и от бе́д и скорбе́й изба́ви ны́, моля́щихся Сы́ну Твоему́ и воспева́ющих Бо́га спасе́ния на́шего.

Конда́к, гла́с 6:

Я́ко Бо́жия любве́ зерца́ло, во оби́тели Пече́рстей благода́тно просвети́лся еси́, о́браз и́ноческаго жития́ показу́я, трудолю́бием и послуша́нием на высоту́ доброде́телей восте́кл еси́. Те́мже, да́ры Ду́ха Свята́го от Го́спода почте́нный, чудеса́ мно́га ще́дро источа́еши, преподо́бне о́тче на́ш Симео́не, моли́ спасти́ся душа́м на́шим.

И́кос:

Ду́ха Свята́го сия́нием просве́щся, вся́, я́же в ми́ре, необину́яся оста́вил еси́, блаже́нне, мно́гими труды́ пло́ть покори́вый ду́ху, к высоте́ дости́гл еси́ безстра́стия, си́це, благопло́дие души́ твоея́ доброде́телей дея́нием явля́яй, и́стинную любо́вь к лю́дем стяжа́л еси́ и благода́ть целе́ний от Бо́га прия́л еси́. Те́мже, и по преставле́нии твое́м да́ры чуде́с обогаще́нный, по́мощию твое́ю на́с не оставля́еши, преподо́бне о́тче на́ш Симео́не, моли́ спасти́ся душа́м на́шим.

Пе́снь 7.

Ирмо́с: Бо́жия снизхожде́ния о́гнь устыде́ся в Вавило́не иногда́, сего́ ра́ди о́троцы в пещи́ ра́дованною ного́ю, я́ко во цве́тнице лику́юще, поя́ху: благослове́н еси́, Бо́же оте́ц на́ших.

Водо́ю живо́ю, ю́же почерпа́л еси́ у Жизнода́вца Христа́, жа́ждущих напая́л еси́, о́тче на́ш Симео́не, и, я́ко и́стинный па́стырь слове́сных ове́ц, благода́рне взыва́л еси́: благослове́н Бо́г оте́ц на́ших.

Красне́йшее прозябе́ние, преподо́бне о́тче Симео́не, в дому́ Бо́жием прозя́бл еси́, и, в моли́твах боле́знуя о ча́дех твои́х, и́хже Пречи́стая тебе́ вручи́, с ве́рою Бо́гу вопия́л еси́: благослове́н еси́, Бо́же оте́ц на́ших.

С небе́сными ли́ки предстои́ши, богоблаже́нне о́тче Симео́не, Престо́лу Пресвяты́я Тро́ицы, с ни́ми ку́пно и со все́ми святы́ми непреста́нно воспева́я: благослове́н еси́, Бо́же оте́ц на́ших.

Богоро́дичен: К кому́ возопию́, Влады́чице, а́ще не к Тебе́, Засту́пнице усе́рдней ро́да христиа́нскаго? Ты́ бо Отроча́ ро́ждши, пребезнача́льное Сло́во, обветша́вшия грехо́м обнови́ла еси́ и пе́ти научи́ла еси́: оте́ц на́ших Бо́же, благослове́н еси́.

Пе́снь 8.

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Облецы́теся ны́не, лю́дие, чту́щии па́мять Симео́на достохва́льнаго, в милосе́рдие, бла́гость, смиренному́дрие, кро́тость, долготерпе́ние, снисхожде́ние, подража́юще Христу́, Его́же, о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Нището́ю духо́вною обогати́лся еси́, преподо́бне о́тче Симео́не, и́ноком и все́м, приходя́щим к тебе́, о́браз любве́ Христо́вы бы́в, Его́же, о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Тро́ичен: Тро́ицу Единосу́щную, Неразде́льную, Неслия́нную и Пребезнача́льную дне́сь, ве́рнии, почти́м, Ю́же, о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Богоро́дичен: Исто́чник неисчерпа́емый воды́ живо́тныя, от пото́па грехо́внаго ми́р спа́сшая, Де́во Пренепоро́чная, стра́сти души́ моея́ потопи́ и прохлади́ се́рдце мое́, острупле́нное грехми́, да воспою́ Сы́на Твоего́, Его́же о́троцы благословля́ют, свяще́нницы воспева́ют, лю́ди превозно́сят во вся́ ве́ки.

Пе́снь 9.

Ирмо́с: Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́ Богоро́дицу, А́нгелов и челове́к чинонача́лия велича́ют.

Преподо́бне о́тче Симео́не, я́ко и́стинный па́стырь ове́ц Христо́вых, ны́не дерзнове́ние име́я ко Го́споду, назира́еши ста́до твое́ с го́рних высо́т, помози́ и на́м вни́ти во огра́ду небе́сную.

Пресели́лся еси́, о́тче на́ш Симео́не, от привре́менныя жи́зни во оби́тели Небе́сныя, иде́же со отцы́ святы́ми пе́снь побе́дную воспева́еши, ра́дуяся, те́мже и на́с, с ве́рою и любо́вию тебе́ пою́щих, от вели́ких бе́д и скорбе́й изба́вити Христа́ умоли́.

О, богоблаже́нне о́тче на́ш Симео́не, в жи́зни вре́менней на земли́ не покори́вся страсте́м пло́ти, безстра́стием, я́ко ри́зою, обле́клся еси́ и сослужи́тель А́нгелов яви́лся еси́, те́мже умоли́ Христа́ Бо́га изба́вити на́с от искуше́ний.

Богоро́дичен: Христа́, Сы́на Твоего́, умоли́, Ма́ти Де́во, согреше́ний проще́ние дарова́ти рабо́м Твои́м, Тебе́ Богоро́дицу вои́стинну пропове́дающим, и све́тлости святы́х и весе́лия сподо́би на́с во Ца́рствии Небе́снем.

Свети́лен:

Дне́сь све́тло пра́зднует свята́я оби́тель твоя́, ю́же честны́м житие́м и по́двиги, я́ко звезда́ многосве́тлая, озари́л еси́, о́тче Симео́не, указу́я на́м пу́ть ко Христу́, И́же е́сть Све́т ми́ра.

Богоро́дичен: Пе́ти Тебе́ сподо́би, Де́во Всесвята́я, Све́т бо невече́рний от чре́ва Твоего́ возсия́, и прогони́ мглу́ страсте́й мои́х, еди́на Всепе́тая.

Пѣ́снь а҃.

І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ, и҆ раздѣли́въ мо́ре, і҆и҃лѧ же бѣглеца̀, пѣшехо́дца сп҃сѐ, пѣ́снь бг҃ови воспѣва́юща.

Дне́сь въ до́мѣ пречⷭ҇тыѧ соше́дшесѧ, вѣ́рнїи, дх҃омъ бжⷭ҇твеннымъ веселѧ́щесѧ, прпⷣбнаго сѷмеѡ́на восхва́лимъ, то́й бо всѣ́мъ житїе́мъ свои́мъ непреста́ннѡ пѣ́снь бг҃ови воспѣва́лъ є҆сѝ.

Ꙗ҆́кѡ сѣ́мѧ на ни́вѣ вѣ́ры и҆́стинныѧ, въ вертогра́дѣ пренепоро́чныѧ жизнода́вцемъ насажде́нъ бы́въ, пло́дъ до́брый стори́цею прине́слъ є҆сѝ, и҆ мно́жєства вѣ́рныхъ напита́лъ є҆сѝ, пѣ́снь бг҃ови воспѣва́ѧй.

Бл҃ги́ми нра̑вы и҆змла́да ᲂу҆кра́шенъ, за́повѣдей бж҃їихъ и҆скꙋ́сный дѣ́латель бы́лъ є҆сѝ, и҆ ѻ҆́ко серде́чное взира́ющее къ бг҃ꙋ и҆мѣ́ѧ, ѻ҆́тче сѷмеѡ́не, бжⷭ҇твенныхъ дарѡ́въ и҆ чꙋде́съ и҆спо́лнилсѧ є҆сѝ, пѣ́снь бг҃ови воспѣва́ѧй.

Бг҃оро́диченъ: Бг҃ороди́тельнице всенепоро́чнаѧ, всѣ̑мъ вѣ́рою и҆сповѣ́дающымъ тѧ̀ на всѧ́комъ мѣ́стѣ, и҆ покланѧ́ющымсѧ твоемꙋ̀ ст҃о́мꙋ ѻ҆́бразꙋ, молѝ сн҃а твоего̀, хрⷭ҇та̀ бг҃а на́шего, и҆збавле́нїе дарова́ти ѿ страсте́й и҆ бѣ́дъ, пѣ́снь є҆мꙋ̀ воспѣва́ющымъ.

Пѣ́снь г҃.

І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, ꙗ҆́кѡ нѣ́сть ст҃ъ па́че тебє̀, є҆ди́не чл҃вѣколю́бче.

Ве́сь прилѣжа̀ вседержи́телю, прпⷣбне ѻ҆́тче сѷмеѡ́не, томꙋ̀ прилѣпи́лсѧ є҆сѝ ѿ ю҆́ности, и҆ на́съ вѣ́рныхъ ча́дъ твои́хъ, наꙋчѝ похвалѧ́ти ст҃ꙋ́ю трⷪ҇цꙋ: нѣ́сть ст҃ъ па́че тебє̀, є҆ди́не чл҃вѣколю́бче.

Любо́вїю бжⷭ҇твенною ᲂу҆крѣплѧ́емь, ѻ҆́тче на́шъ сѷмеѡ́не, чꙋдотво́рцꙋ саро́вскомꙋ послѣ́довалъ є҆сѝ, и҆ ны́нѣ вкꙋ́пѣ съ ни́мъ и҆ всѣ́ми ст҃ы́ми воспѣва́еши: нѣ́сть ст҃ъ па́че тебє̀, є҆ди́не чл҃вѣколю́бче.

Стра̑сти плотскі̑ѧ ᲂу҆мерщвлѧ́ѧ, ѻ҆́тче сѷмеѡ́не, дꙋ́шꙋ ѡ҆богати́лъ є҆сѝ бжⷭ҇твенными дарова́ньми, и҆ си́ми мно́жество къ тебѣ̀ притека́ющихъ ᲂу҆врачева́лъ є҆сѝ, наꙋча́ѧ тѣ́хъ пѣ́ти: нѣ́сть ст҃ъ па́че тебє̀, є҆ди́не чл҃вѣколю́бче.

Бг҃оро́диченъ: Къ тебѣ̀, бцⷣе всепѣ́таѧ, прилѣ́жнѡ притеце́мъ, недостѡ́йнаѧ ча̑да твоѧ̑, грѣ́шнїи и҆ смире́ннїи, и҆ припаде́мъ, въ покаѧ́нїи зовꙋ́ще и҆з̾ глꙋбины̀ дꙋшѝ: влⷣчце, мл҃твами ᲂу҆го́дника твоегѡ̀ прпⷣбнагѡ сѷмеѡ́на, сотворѝ сп҃сти́сѧ на́мъ, вопїю́щымъ: нѣ́сть ст҃ъ па́че тебє̀, є҆ди́не чл҃вѣколю́бче.

Сѣда́ленъ, гла́съ д҃:

Страсте́й ᲂу҆мерщвлѧ́ѧ волчцы̀, ѻ҆́тче сѷмеѡ́не пресла́вне, дꙋ́шꙋ твою̀ ꙗ҆́кѡ зе́млю добропло́днꙋю воздѣ́лалъ є҆сѝ, и҆ по́томъ мно́гихъ болѣ́зней и҆ трꙋдѡ́въ ѻ҆би́льнѡ ю҆̀ ѡ҆роша́ѧ, дв҃дски процвѣ́лъ є҆сѝ ꙗ҆́кѡ крі́нъ ра́йскїй, сегѡ̀ ра́ди тѧ̀ велича́емъ.

Молю́ тѧ, пречⷭ҇таѧ мт҃и бг҃а вы́шнѧгѡ, є҆ди́но дꙋшѝ моеѧ̀ ᲂу҆тѣше́нїе, ᲂу҆пова́нїе, сла́досте, бжⷭ҇твенный покро́ве, свѣ́те, застꙋпле́нїе и҆ сп҃се́нїе! сподо́би мѧ̀ твои́ми мл҃твами ᲂу҆слы́шати гла́съ, внꙋ́трь черто́га влⷣки вѣ́рныхъ призыва́ющїй.

Пѣ́снь д҃.

І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче.

Дꙋ́шꙋ твою̀ ѡ҆чи́стивъ, прпⷣбне ѻ҆́тче сѷмеѡ́не, хра́мъ ст҃а́гѡ дх҃а содѣ́лалсѧ є҆сѝ, и҆ въ по́двизѣхъ до́брѣ подвиза́ѧсѧ, го́рнее црⷭ҇тво наслѣ́довалъ є҆сѝ. сегѡ̀ ра́ди просла́вльшемꙋ тѧ̀ вопїе́мъ: си́лѣ твое́й сла́ва, чл҃вѣколю́бче.

Бꙋ́дꙋщее твоѐ прозрѣ́въ, ѻ҆́тче сѷмеѡ́не, бл҃же́нный корни́лїй кры́пецкїй ма́нной бжⷭ҇твенныхъ слове́съ тѧ̀ напита̀, и҆ на па́жить дꙋхо́внꙋю поста́ви. ты́ же позна́въ сїю̀ сла́дость, ра́достнѡ вопїѧ́лъ є҆сѝ: си́лѣ твое́й сла́ва, чл҃вѣколю́бче.

Многоболѣ́зненными страстьмѝ ѡ҆держи̑мымъ, ѻ҆́тче пречꙋ́дне сѷмеѡ́не, дарова́лъ є҆сѝ и҆сцѣлє́нїѧ си́лою бл҃года́ти хрⷭ҇то́выѧ, ю҆́же стѧжа́лъ є҆сѝ и҆зрѧ́дными дѣла́ми твои́ми. тѣ́мже съ тобо́ю вопїе́мъ: си́лѣ твое́й сла́ва, чл҃вѣколю́бче.

Бг҃оро́диченъ: ѽ прест҃а́ѧ влⷣчце, всѣ́хъ првⷣныхъ ᲂу҆добре́нїе и҆ дво́ре слове́сныхъ ѻ҆ве́цъ, во ᲂу҆дѣ́лѣ пече́рстѣмъ бг҃олюби́ваго сѷмеѡ́на под̾ чⷭ҇тны́мъ твои́мъ ѡ҆мофо́ромъ взрасти́вшаѧ и҆ воспита́вшаѧ, не ѡ҆ста́ви на́съ рабѡ́въ твои́хъ, и҆ молѝ сн҃а твоего̀ и҆ бг҃а на́шего, да сп҃се́тъ дꙋ́шы на́шѧ.

Пѣ́снь є҃.

І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ.

Свѣ́томъ незаходи́мымъ ѡ҆сїѧва́емь, ѻ҆́тче пресвѣ́тле сѷмеѡ́не, возсїѧ́лъ є҆сѝ на землѝ ꙗ҆́кѡ со́лнце, ча̑да твоѧ̑ къ позна́нїю и҆́стины провожда́ѧ, и҆ къ свѣ́тꙋ за́повѣдей хрⷭ҇то́выхъ пꙋти̑ тѣ́хъ направлѧ́ѧ.

Въ ста́до ѻ҆ве́цъ дꙋхо́вныхъ прпⷣбномꙋ́ченика корни́лїа прише́лъ є҆сѝ, ѻ҆́тче на́шъ сѷмеѡ́не, и҆ всѧ̑ земна̑ѧ ѿве́ргнꙋвъ, возше́лъ є҆сѝ на нб҃о, взыва́ѧ къ бг҃ꙋ: къ свѣ́тꙋ за́повѣдей твои́хъ пꙋти̑ моѧ̑ напра́ви.

Ны́нѣ въ вы́шнихъ селе́нїихъ ѡ҆бита́ѧ, ча́дъ твои́хъ назира́еши, прпⷣбне ѻ҆́тче сѷмеѡ́не. тѣ́мже наꙋчѝ и҆ на́съ бг҃опрїѧ́тными твои́ми мл҃твами взыва́ти гдⷭ҇ꙋ: къ свѣ́тꙋ за́повѣдей твои́хъ пꙋти̑ на́шѧ напра́ви.

Бг҃оро́диченъ: Ра́дꙋйсѧ, дв҃о всечⷭ҇тна́ѧ, мо́сте, къ нб҃сє́мъ преводѧ́й, и҆ лѣ́ствице высо́каѧ, ко хрⷭ҇тꙋ̀ на́съ возводѧ́щаѧ. тѣ́мже, всепѣ́таѧ, ꙗ҆́кѡ мт҃рнее дерзнове́нїе къ немꙋ̀ и҆мꙋ́щи, и҆сцѣлѝ ᲂу҆ма̀ моего̀ ѡ҆мраче́нїе, и҆ пꙋти̑ моѧ̑ и҆спра́ви, молю́сѧ.

Пѣ́снь ѕ҃.

І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆з̾ глꙋбины̀ ѕѡ́лъ возведѝ, молю́сѧ, къ тебѣ́ бо возопи́хъ, и҆ ᲂу҆слы́ши мѧ̀, бж҃е сп҃се́нїѧ моегѡ̀.

Оу҆мо́мъ ѡ҆чище́ннымъ ѿ помышле́нїй лꙋка́выхъ, бл҃же́нне ѻ҆́тче сѷмеѡ́не, въ мл҃твѣ непреста́ннѣй пребыва́ѧ, и҆ ꙗ҆́кѡ свѣти́льникъ горѧ̀, взыва́лъ є҆сѝ ко гдⷭ҇ꙋ: и҆з̾ глꙋбины̀ ѕѡ́лъ возведи́ мѧ, бж҃е сп҃се́нїѧ моегѡ̀.

Ѡ҆бнови́въ послꙋша́нїемъ хрⷭ҇тꙋ̀ дꙋ́шꙋ твою̀, ѻ҆́тче сщ҃е́нне сѷмеѡ́не, въ вели́кїй ѻ҆́бразъ ѡ҆бле́клсѧ є҆сѝ, и҆ въ пеще́рꙋ ла́зарѧ прозорли́вца всели́всѧ, томꙋ̀ подража́лъ є҆сѝ, взыва́ѧ: ᲂу҆слы́ши мѧ̀, бж҃е сп҃се́нїѧ моегѡ̀.

Крѣ́постїю дꙋ́ха, ѻ҆́тче сѷмеѡ́не, превозмога́ѧ держа́вꙋ вра́жїю, подвиза́лсѧ є҆сѝ вни́ти сквозѣ̀ тѣ̑снаѧ врата̀. тѣ́мже въ ѻ҆би́тєли ѻ҆ц҃а̀ нбⷭ҇нагѡ всели́лсѧ є҆сѝ, со ᲂу҆миле́нїемъ взыва́ѧ: сла́ва тебѣ̀, бж҃е сп҃се́нїѧ моегѡ̀.

Бг҃оро́диченъ: Не преста́й хода́тайствовати ѡ҆ на́съ, рабѣ́хъ твои́хъ, пречⷭ҇таѧ, ꙗ҆́коже гдⷭ҇ь съ тобо́ю бы́ти

и҆зво́ли, и҆ ѿ бѣ́дъ и҆ скорбе́й и҆зба́ви ны̀, молѧ́щихсѧ сн҃ꙋ твоемꙋ̀ и҆ воспѣва́ющихъ бг҃а сп҃се́нїѧ на́шегѡ.

Конда́къ, гла́съ ѕ҃:

Ꙗ҆́кѡ бж҃їѧ любвѐ зерца́ло, во ѻ҆би́тели пече́рстѣй бл҃года́тнѡ просвѣти́лсѧ є҆сѝ, ѻ҆́бразъ и҆́ноческагѡ житїѧ̀ показꙋ́ѧ, трꙋдолю́бїемъ и҆ послꙋша́нїемъ на высотꙋ̀ добродѣ́телей восте́клъ є҆сѝ. тѣ́мже да̑ры дх҃а ст҃а́гѡ ѿ гдⷭ҇а почте́нный, чꙋдеса̀ мнѡ́га ще́дрѡ и҆сточа́еши, прпⷣбне ѻ҆́тче на́шъ сѷмеѡ́не, молѝ сп҃сти́сѧ дꙋша́мъ на́шымъ.

І҆́косъ:

Дх҃а ст҃а́гѡ сїѧ́нїемъ просвѣ́щсѧ, всѧ̑ ꙗ҆̀же въ мі́рѣ неѡбинꙋ́ѧсѧ ѡ҆ста́вилъ є҆сѝ, бл҃же́нне, мно́гими трꙋды̑ пло́ть покори́вый дꙋ́хꙋ, къ высотѣ̀ дости́глъ є҆сѝ безстра́стїѧ, си́цѣ бл҃гопло́дїе дꙋшѝ твоеѧ̀ добродѣ́телей дѣѧ́нїемъ ꙗ҆влѧ́ѧй, и҆́стиннꙋю любо́вь къ лю́демъ стѧжа́лъ є҆сѝ, и҆ бл҃года́ть цѣле́нїй ѿ бг҃а прїѧ́лъ є҆сѝ. тѣ́мже и҆ по преставле́нїи твое́мъ да̑ры чꙋде́съ ѡ҆богаще́нный, по́мощїю твое́ю на́съ не ѡ҆ставлѧ́еши, прпⷣбне ѻ҆́тче на́шъ сѷмеѡ́не, молѝ сп҃сти́сѧ дꙋша́мъ на́шымъ.

Пѣ́снь з҃.

І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ.

Водо́ю живо́ю, ю҆́же почерпа́лъ є҆сѝ ᲂу҆ жизнода́вца хрⷭ҇та̀, жа́ждꙋщихъ напаѧ́лъ є҆сѝ, ѻ҆́тче на́шъ сѷмеѡ́не, и҆ ꙗ҆́кѡ и҆́стинный па́стырь слове́сныхъ ѻ҆ве́цъ, бл҃года́рнѣ взыва́лъ є҆сѝ: бл҃гослове́нъ бг҃ъ ѻ҆тє́цъ на́шихъ.

Краснѣ́йшее прозѧбе́нїе, прпⷣбне ѻ҆́тче сѷмеѡ́не, въ домꙋ̀ бж҃їемъ прозѧ́блъ є҆сѝ, и҆ въ мл҃твахъ болѣ́знꙋѧ ѡ҆ ча́дѣхъ твои́хъ, и҆́хже пречⷭ҇таѧ тебѣ̀ врꙋчѝ, съ вѣ́рою бг҃ꙋ вопїѧ́лъ є҆сѝ: бл҃гослове́нъ є҆сѝ, бж҃е ѻ҆тє́цъ на́шихъ.

Съ нбⷭ҇ными ли̑ки предстои́ши, бг҃обл҃же́нне ѻ҆́тче сѷмеѡ́не, прⷭ҇то́лꙋ прест҃ы́ѧ трⷪ҇цы, съ ни́ми кꙋ́пнѡ и҆ со всѣ́ми ст҃ы́ми непреста́ннѡ воспѣва́ѧ: бл҃гослове́нъ є҆сѝ, бж҃е ѻ҆тє́цъ на́шихъ.

Бг҃оро́диченъ: Къ комꙋ̀ возопїю̀, влⷣчце, а҆́ще не къ тебѣ̀, застꙋ́пницѣ ᲂу҆се́рднѣй ро́да хрⷭ҇тїа́нскагѡ; ты́ бо ѻ҆троча̀ ро́ждши, пребезнача́льное сло́во, ѡ҆бветша́вшыѧ грѣхо́мъ ѡ҆бнови́ла є҆сѝ и҆ пѣ́ти наꙋчи́ла є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ.

Пѣ́снь и҃.

І҆рмо́съ: Седмери́цею пе́щь, халде́йскїй мꙋчи́тель, бг҃очести̑вымъ неи́стовнѡ разжжѐ, си́лою же лꙋ́чшею, сп҃сє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки.

Ѡ҆блецы́тесѧ ны́нѣ, лю́дїе, чтꙋ́щїи па́мѧть сѷмеѡ́на достохва́льнагѡ, въ млⷭ҇рдїе, бл҃гость, смиренномꙋ́дрїе, кро́тость, долготерпѣ́нїе, снисхожде́нїе, подража́юще хрⷭ҇тꙋ̀, є҆го́же, ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки.

Нището́ю дꙋхо́вною ѡ҆богати́лсѧ є҆сѝ, прпⷣбне ѻ҆́тче сѷмеѡ́не, и҆́нокѡмъ и҆ всѣ̑мъ приходѧ́щымъ къ тебѣ̀ ѻ҆́бразъ любвѐ хрⷭ҇то́вы бы́въ, є҆го́же, ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки.

Трⷪ҇ченъ: Трⷪ҇цꙋ є҆диносꙋ́щнꙋю, нераздѣ́льнꙋю, неслїѧ́ннꙋю и҆ пребезнача́льнꙋю дне́сь, вѣ́рнїи, почти́мъ, ю҆́же, ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки.

Бг҃оро́диченъ: И҆сто́чникъ неисчерпа́емый воды̀ живо́тныѧ, ѿ пото́па грѣхо́внагѡ мі́ръ сп҃сшаѧ, дв҃о пренепоро́чнаѧ, стра̑сти дꙋшѝ моеѧ̀ потопѝ и҆ прохладѝ се́рдце моѐ, ѡ҆стрꙋпле́нное грѣхмѝ, да воспою̀ сн҃а твоего̀, є҆го́же ѻ҆́троцы бл҃гословлѧ́ютъ, сщ҃е́нницы воспѣва́ютъ, лю́ди превозно́сѧтъ во всѧ̑ вѣ́ки.

Пѣ́снь ѳ҃.

І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ: тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ.

Прпⷣбне ѻ҆́тче сѷмеѡ́не, ꙗ҆́кѡ и҆́стинный па́стырь ѻ҆ве́цъ хрⷭ҇то́выхъ, ны́нѣ дерзнове́нїе и҆мѣ́ѧ ко гдⷭ҇ꙋ, назира́еши ста́до твоѐ съ го́рнихъ высо́тъ, помозѝ и҆ на́мъ вни́ти во ѡ҆гра́дꙋ нбⷭ҇нꙋю.

Пресели́лсѧ є҆сѝ, ѻ҆́тче на́шъ сѷмеѡ́не, ѿ привре́менныѧ жи́зни во ѻ҆би́тєли нбⷭ҇ныѧ, и҆дѣ́же со ѻ҆тцы̑ ст҃ы́ми пѣ́снь побѣ́днꙋю воспѣва́еши, ра́дꙋѧсѧ, тѣ́мже и҆ на́съ, съ вѣ́рою и҆ любо́вїю тебѣ̀ пою́щихъ, ѿ вели́кихъ бѣ́дъ и҆ скорбе́й и҆зба́вити хрⷭ҇та̀ ᲂу҆молѝ.

Ѽ бг҃обл҃же́нне ѻ҆́тче на́шъ сѷмеѡ́не, въ жи́зни вре́меннѣй на землѝ не покори́всѧ страсте́мъ пло́ти, безстра́стїемъ ꙗ҆́кѡ ри́зою ѡ҆бле́клсѧ є҆сѝ, и҆ сослꙋжи́тель а҆́гг҃лѡвъ ꙗ҆ви́лсѧ є҆сѝ, тѣ́мже ᲂу҆молѝ хрⷭ҇та̀ бг҃а и҆зба́вити на́съ ѿ и҆скꙋше́нїй.

Бг҃оро́диченъ: Хрⷭ҇та̀, сн҃а твоего̀, ᲂу҆молѝ, мт҃и дв҃о, согрѣше́нїй проще́нїе дарова́ти рабѡ́мъ твои̑мъ, тебѐ бцⷣꙋ вои́стиннꙋ проповѣ́дающымъ, и҆ свѣ́тлости ст҃ы́хъ и҆ весе́лїѧ сподо́би на́съ во црⷭ҇твїи нбⷭ҇нѣмъ.

Свѣти́ленъ:

Дне́сь свѣ́тлѡ пра́зднꙋетъ ст҃а́ѧ ѻ҆би́тель твоѧ̀, ю҆́же чⷭ҇тны́мъ житїе́мъ и҆ пѡ́двиги ꙗ҆́кѡ ѕвѣзда̀ многосвѣ́тлаѧ ѡ҆зари́лъ є҆сѝ, ѻ҆́тче сѷмеѡ́не, ᲂу҆казꙋ́ѧ на́мъ пꙋ́ть ко хрⷭ҇тꙋ̀, и҆́же є҆́сть свѣ́тъ мі́ра.

Бг҃оро́диченъ: Пѣ́ти тебѐ сподо́би, дв҃о всест҃а́ѧ, свѣ́тъ бо невече́рнїй ѿ чре́ва твоегѡ̀ возсїѧ̀, и҆ прогонѝ мглꙋ̀ страсте́й мои́хъ, є҆ди́на всепѣ́таѧ.

Пре­по­доб­ный Си­ме­он (в ми­ру Ва­си­лий Ива­но­вич Жел­нин) ро­дил­ся 1 мар­та 1869 го­да в де­ревне Яко­влев­ской Ост­ров­ско­го уез­да Псков­ской гу­бер­нии в кре­стьян­ской се­мье от ро­ди­те­лей Иоан­на и На­та­лии. Вско­ре он был кре­щен в по­го­сте Вех­но­во и во Свя­том Кре­ще­нии на­зван Ва­си­ли­ем.
Ро­ди­те­ли его бы­ли глу­бо­ко ве­ру­ю­щи­ми, бо­го­бо­яз­нен­ны­ми и бла­го­че­сти­вы­ми и вос­пи­ты­ва­ли Ва­си­лия в по­ви­но­ве­нии и по­слу­ша­нии ро­ди­тель­ской во­ле.
В сво­ей ду­хов­ной био­гра­фии, на­пи­сан­ной пре­по­доб­ным Си­мео­ном уже в зре­лые го­ды, он вспо­ми­на­ет, как в ро­ди­тель­ский дом не раз при­ез­жал Кор­ни­лий, мо­нах Кры­пец­ко­го мо­на­сты­ря (ныне при­чис­лен­ный к ли­ку мест­но­чти­мых свя­тых Псков­ских). Ино­гда тот оста­вал­ся но­че­вать в их до­ме и, все­гда ло­жась спать с от­ро­ком Ва­си­ли­ем, ча­сто го­во­рил ему: «Бу­дешь ты мо­на­хом, бу­дешь ста­рец ве­ли­кий». Ино­гда брал от­ро­ка с со­бою по сбо­ру для мо­на­сты­ря и при этом го­во­рил: «Ва­ся, вот здесь не да­дут, а вот здесь – по­да­дут нам». Так все­гда и бы­ва­ло.
В де­сять лет Ва­си­лий, по­мо­гая ро­ди­те­лям, пас сво­их ло­ша­дей. В этот же год он услы­шал от лю­дей рас­ска­зы о жиз­ни стар­ца Се­ра­фи­ма, Са­ров­ско­го чу­до­твор­ца, и, же­лая под­ра­жать ве­ли­ко­му по­движ­ни­ку, на­шел в по­ле боль­шой ка­мень и стал на нем мо­лить­ся. В 12 лет вме­сте с ро­ди­те­ля­ми хо­дил в Пско­во-Пе­чер­ский мо­на­стырь, чтобы по­кло­нить­ся древним свя­ты­ням и по­мо­лить­ся пе­ред чу­до­твор­ны­ми ико­на­ми оби­те­ли. В оби­те­ли от­ро­ку Ва­си­лию так по­нра­ви­лось, что он за­ду­мал остать­ся здесь на­все­гда, и эта мысль не остав­ля­ла его, по­ка не ис­пол­ни­лось его же­ла­ние.
В 20 лет Ва­си­лий стал про­сить от­ца, чтобы тот от­пу­стил его в мо­на­стырь, но отец и слу­шать об этом не хо­тел и за­явил юно­ше: «Же­нить те­бя на­до, а не в мо­на­хи». Но юно­ша сто­ял на сво­ем, твер­до за­явив от­цу, что не бу­дет же­нить­ся ни­ко­гда. Так про­дол­жа­лось несколь­ко лет, по­ка отец не убе­дил­ся в се­рьез­но­сти на­ме­ре­ния сы­на стать мо­на­хом. То­гда он раз­ре­шил Ва­си­лию вы­стро­ить в усадь­бе до­мик, где бу­ду­щий по­движ­ник жил и мо­лил­ся в уеди­не­нии до 25-лет­не­го воз­рас­та.
Но через пять лет Бог чу­дес­ным об­ра­зом из­во­дит Ва­си­лия из ро­ди­тель­ско­го до­ма. В то вре­мя в их се­ле жил некий ста­рец Си­ме­он, ко­то­ро­го де­ре­вен­ские жи­те­ли по­чи­та­ли за бла­жен­но­го. Этот ста­рец лю­бил при­хо­дить в дом к ро­ди­те­лям Ва­си­лия, а ино­гда оста­вал­ся но­че­вать. Ва­си­лий как-то спро­сил у бла­жен­но­го со­ве­та и бла­го­сло­ве­ния ид­ти в мо­на­стырь, но от­ве­та не по­лу­чил. Но од­на­жды бла­жен­ный явил­ся в их дом и за­явил от­цу, что «при­шел сю­да уми­рать». И то­гда Ва­си­лий при всех стал про­сить бла­жен­но­го: «Ба­тюш­ка, бла­го­сло­ви­те ме­ня в мо­на­стырь». А тот неожи­дан­но взял ве­рев­ку, свер­нул ее жгу­том и да­вай бить про­си­те­ля и гнать из до­ма во двор, со дво­ра на ули­цу,– и гнал вдоль ули­цы за де­рев­ню, а по­том вер­нул­ся в дом, лег на лав­ку – и умер. Все, ви­дев­шие это, по­ня­ли, что бла­жен­ный вы­го­нял Ва­си­лия из до­ма в мо­на­стырь. Но да­же и по­сле это­го слу­чая отец не хо­тел от­пус­кать сы­на, но по­том сми­рил­ся и с ми­ром от­пу­стил Ва­си­лия в Пе­чер­скую оби­тель.
В 1896 го­ду Ва­си­лий по­сту­пил по­слуш­ни­ком в Пско­во-Пе­чер­ский мо­на­стырь. Ар­хи­манд­рит Ме­фо­дий (Холм­ский, † 1906), быв­ший то­гда на­мест­ни­ком мо­на­сты­ря, взял его к се­бе ке­лей­ни­ком в на­сто­я­тель­ские по­кои. Кро­ме это­го, Ва­си­лий хо­дил и на об­щие по­слу­ша­ния с бра­ти­ей, осо­бен­но на по­строй­ку го­сти­ни­цы для бо­го­моль­цев. Ча­сто при­хо­ди­лось ра­бо­тать с 5 ча­сов утра и до позд­не­го ве­че­ра. В ред­кие сво­бод­ные ча­сы, ко­гда мо­ло­дые по­слуш­ни­ки и ино­ки со­би­ра­лись от­ды­хать на све­жем воз­ду­хе на Свя­той гор­ке, в са­ду, он все­гда от­го­ва­ри­вал­ся от та­ко­го празд­но­го об­ще­ния и под ви­дом по­слу­ша­ния, дан­но­го от на­мест­ни­ка, шел в сто­ляр­ку и, бу­дучи опыт­ным сто­ля­ром-крас­но­де­рев­щи­ком, вы­та­чи­вал там раз­ные по­лез­ные ве­щи.
В 1900 го­ду по­слуш­ник Ва­си­лий был по­стри­жен в мо­на­хи с име­нем Вас­си­ан, а в 1901 го­ду ру­ко­по­ло­жен во иеро­ди­а­ко­на и по­лу­чил от­дель­ную ке­ллию для жи­тель­ства.
В 1903 го­ду отец Вас­си­ан был по­свя­щен в сан иеро­мо­на­ха и вско­ре на­зна­чен в Сне­то­гор­ский мо­на­стырь во Псков эко­но­мом для вос­ста­нов­ле­ния мо­на­стыр­ско­го хо­зяй­ства, а через 4 го­да вер­нул­ся в Пе­чо­ры. Вско­ре его вновь на­прав­ля­ют из оби­те­ли для укреп­ле­ния мо­на­стыр­ско­го хо­зяй­ства, на сей раз в име­ние Му­сти­ще­во в 25 ки­ло­мет­рах от мо­на­сты­ря в сто­ро­ну Лат­вии.
– Бы­ло очень мно­го труд­но­стей, – вспо­ми­нал по­том ста­рец,– из лап­тей не вы­ле­зал. На­до бы­ло вос­ста­нав­ли­вать по­чти вновь все хо­зяй­ство, в первую оче­редь вы­стро­ить храм во имя Иоан­на Кре­сти­те­ля Гос­под­ня, цер­ков­ный дом, хо­зяй­ствен­ные по­строй­ки, са­раи, скот­ный двор и про­чее. На­ла­дить зем­ле­па­ше­ство, чтобы оно да­ва­ло поль­зу мо­на­сты­рю.
На это ушло мно­го лет, и, ко­гда де­ло пошло на лад, он воз­вра­тил­ся в род­ную оби­тель в воз­расте 46 лет.
На­ча­лась ре­во­лю­ция, и на­сто­я­тель оби­те­ли епи­скоп Иоанн (Бу­лин, † 1941) хо­тел по­ста­вить опыт­но­го по­движ­ни­ка от­ца Вас­си­а­на на­мест­ни­ком мо­на­сты­ря. Но тот по сми­ре­нию сво­е­му, ви­дя, что это по­слу­ша­ние ему не под си­лу, стал от­ка­зы­вать­ся и про­сил по­стричь его в схи­му, так как чув­ство­вал «внут­ренне вну­ше­ние при­нять схи­му». Так 3 фев­ра­ля 1927 го­да он был по­стри­жен с име­нем Си­ме­он и на­зна­чен ду­хов­ни­ком бра­тии и па­лом­ни­ков Пско­во-Пе­чер­ско­го мо­на­сты­ря. На­сто­я­тель оби­те­ли при­вел его в убо­гую, сы­рую, тем­ную ке­ллию, по су­ти де­ла, пе­ще­ру, ис­ко­пан­ную в го­ре ря­дом с Успен­ским хра­мом, и ска­зал: «Вот те­бе ке­ллия, здесь и умрешь». Так и вы­шло по­том.
Та­ким об­ра­зом на­чал­ся мо­лит­вен­ный и стар­че­ский по­двиг иерос­хи­мо­на­ха Си­мео­на, про­дол­жав­ший­ся 33 го­да. Те­перь глав­ным со­дер­жа­ни­ем жиз­ни бу­ду­ще­го стар­ца ста­ла мо­лит­ва. Он по­ло­жил се­бе за пра­ви­ло еже­днев­но мо­лить­ся за ран­ней ли­тур­ги­ей в пе­щер­ном Успен­ском хра­ме и там у жерт­вен­ни­ка Гос­под­ня усерд­но по­ми­нал всех сво­их ду­хов­ных чад. По но­чам ис­пол­нял ке­лей­ное пра­ви­ло схим­ни­ка, а днем при­ни­мал бра­тию и мно­го­чис­лен­ных па­лом­ни­ков в сво­ей ке­ллии. Не остав­лял ста­рец и те­лес­ные тру­ды – боль­шей ча­стью в сто­ляр­ной ма­стер­ской. Нема­ло ис­ку­ше­ний пре­тер­пел ста­рец в сво­ей ке­ллии от бе­сов. В первую же ночь, как он по­се­лил­ся в ней, яви­лись ему зри­мым об­ра­зом злые ду­хи и на­пол­ни­ли ке­ллию. Страш­ные, ка­ких ему рань­ше не при­хо­ди­лось и ви­деть. Ис­пу­гал­ся по­на­ча­лу ста­рец и не знал, что де­лать. А они на­ча­ли на него кри­чать, дер­гать и гнать: "За­чем ты при­шел? Ухо­ди от­сю­да, все рав­но мы не да­дим те­бе здесь жить", – и мно­гое дру­гое. «Ду­мал я, – рас­ска­зы­вал ста­рец, – что не пе­ре­жи­ву этой стра­сти, от ко­то­рой да­же не мог пе­ре­кре­стить­ся, а толь­ко го­во­рил: «Гос­по­ди, при­ми дух мой».
Та­кие стра­хи про­дол­жа­лись мно­го раз, но по­том не бы­ли уже так страш­ны, как впер­вые, и он на­учил­ся с по­мо­щью Бо­жи­ей от­ра­жать их си­лою кре­ста и мо­лит­вы.
За ве­ли­кую лю­бовь стар­ца Си­мео­на к Бо­гу и лю­дям и за ве­ли­кое сми­ре­ние его от­кры­лись в нем ред­кие да­ро­ва­ния Бо­жии: дар вра­че­ва­ния душ, про­зор­ли­во­сти и ис­це­ле­ния ду­шев­ных и те­лес­ных неду­гов. Об этом со­хра­ни­лись мно­гие пись­мен­ные сви­де­тель­ства лю­дей, по­лу­чив­ших чу­дес­ные ис­це­ле­ния по мо­лит­вам стар­ца.
По сво­е­му сми­ре­нию ста­рец Си­ме­он вся­че­ски ста­рал­ся скрыть дар сво­ей необык­но­вен­ной про­зор­ли­во­сти. «Да со­всем я не про­зор­ли­вец, – с лег­ким сму­ще­ни­ем и мяг­кой до­са­дой в го­ло­се го­во­рил он од­но­му из пыт­ли­вых по­се­ти­те­лей мо­на­сты­ря, – ве­ли­кий дар про­зре­ния да­ет Гос­подь из­бран­ным его, а тут про­сто дол­го­ле­тие мне по­мо­га­ет, – за­шел в дом рань­ше дру­гих, вот и по­ряд­ки его луч­ше знаю. При­хо­дят ко мне лю­ди с го­ре­стя­ми и со­мне­ни­я­ми, а взвол­но­ван­ный че­ло­век по­до­бен ре­бен­ку, он весь на ла­до­ни... Слу­чи­лось с че­ло­ве­ком несча­стье, вот он и точ­ность ду­шев­ных очей те­ря­ет, впа­да­ет ли­бо в уны­ние, ли­бо в дер­зость и оже­сто­че­ние. А я и мир­ской круг хо­ро­шо знаю, и жизнь про­жил дол­гую, и сам Гос­под­ней си­лой ограж­ден от бед и со­блаз­нов, и как же мне в ме­ру ма­лых сил мо­их не под­дер­жать бра­та мо­е­го, спут­ни­ка на зем­ной до­ро­ге, ко­гда он при­то­мил­ся рань­ше, чем я...»
«Тру­ден путь мо­на­ше­ский, – за­пи­сал ста­рец Си­ме­он в сво­ей био­гра­фии, – но труд­нее по­двиг схим­ни­че­ский, ес­ли ид­ти так, как ука­зал нам По­дви­го­по­лож­ник наш Гос­подь Иисус Хри­стос. При по­се­ще­нии Его Все­свя­та­го Ду­ха все воз­мож­но по­бе­дить, пе­ре­не­сти, пе­ре­тер­петь и до­стиг­нуть во­жде­лен­но­го, обе­то­ван­но­го нам Им неиз­гла­го­лан­но­го веч­но­го на­сле­дия в Его Цар­ствии Небес­ном».
Шесть­де­сят че­ты­ре го­да та­ко­го мо­на­ше­ско­го по­дви­га со­де­ла­ли иерос­хи­мо­на­ха Си­мео­на со­су­дом бла­го­да­ти Бо­жи­ей, ко­то­рой лу­чи­лись его гла­за и весь об­лик стар­ца.
«Вся­че­ской ма­ло­стью, су­е­той, неве­де­ни­ем, сле­по­тою лю­ди омра­ча­ют чу­до, – го­во­рил ста­рец од­но­му по­се­ти­те­лю. – Див­ный дар Гос­по­день – че­ло­ве­че­ская жизнь! Не ку­пишь ее, не за­ра­бо­та­ешь. На, че­ло­век, при­и­ми на­гра­ду бес­цен­ную!.. Ра­дость, ра­дость, ве­ли­кая ра­дость!..»
По­след­ние дни пе­ред сво­им пре­став­ле­ни­ем ста­рец очень осла­бел, но лю­дей про­дол­жал при­ни­мать. На во­прос ду­хов­ных чад сво­их, на ко­го он их по­ки­да­ет, от­ве­тил: «На Ма­терь Бо­жию». И на­став­лял всех лю­бить друг дру­га, про­щать все оби­ды, так как нена­висть хо­тя бы к од­но­му че­ло­ве­ку ве­дет к смерт­но­му гре­ху, и на­до так про­щать, чтобы че­ло­век знал, что ты ему про­стил.

Пре­став­ле­ние – 5/18 ян­ва­ря

По­след­ний урок сми­ре­ния и по­слу­ша­ния явил ста­рец да­же в сво­ем пре­став­ле­нии ко Гос­по­ду.
По от­кро­ве­нию от Гос­по­да он ждал смер­ти 15/2 ян­ва­ря 1960 го­да, в день па­мя­ти пре­по­доб­но­го Се­ра­фи­ма Са­ров­ско­го. Но на­мест­ник мо­на­сты­ря ар­хи­манд­рит Али­пий (Во­ро­нов, † 1975), на­ве­стив­ший боль­но­го стар­ца, за­бес­по­ко­ил­ся, что тот мо­жет уме­реть и сде­лать пе­ре­по­лох в са­мый день празд­ни­ка Кре­ще­ния Гос­под­ня, и по­это­му про­сил стар­ца по­мо­лить­ся Бо­гу об от­сроч­ке кон­чи­ны его. "Хо­ро­шо, – от­ве­тил ему сми­рен­ный ста­рец, – ты на­мест­ник, а я по­слуш­ник, пусть бу­дет по-тво­е­му". Так и вы­шло: по­чил ста­рец в Кре­щен­ский со­чель­ник, а хо­ро­ни­ли его уже по­сле празд­ни­ка Кре­ще­ния.
Ко дню его по­гре­бе­ния в мо­на­стырь с раз­ных мест при­бы­ло мно­го ду­хов­ных его чад. От­пе­ва­ли по­чив­ше­го на­мест­ник мо­на­сты­ря ар­хи­манд­рит Али­пий (Во­ро­нов) и 40 свя­щен­но­слу­жи­те­лей. А по­сле от­пе­ва­ния гроб с чест­ны­ми мо­ща­ми стар­ца был по­став­лен в пе­ще­рах мо­на­сты­ря на ме­сте, ука­зан­ным им ещё при жиз­ни.
Па­мять о стар­це иерос­хи­мо­на­хе Си­меоне свя­то чтят в Пско­во-Пе­чер­ской оби­те­ли, где он 64 го­да по­дви­гом доб­рым под­ви­зал­ся.
1 ап­ре­ля 2003 го­да со­сто­я­лось про­слав­ле­ние иерос­хи­мо­на­ха Си­мео­на в ли­ке свя­тых Пско­во-Пе­чер­ских. От­ныне его свя­тые мо­щи по­ко­ят­ся в Сре­тен­ском хра­ме мо­на­сты­ря.
Сво­им мо­лит­вен­ным пред­ста­тель­ством пред Гос­по­дом ста­рец Си­ме­он по­да­ёт и ныне свою чу­дес­ную по­мощь при­те­ка­ю­щим к нему с ве­рою, и мно­гие, как и при жиз­ни стар­ца, об­ре­та­ют ду­шев­ный по­кой и ис­це­ле­ние неду­гов.