Канон святым новомученицам Евдокии, Дарии, Дарии, Марии Пузинским

Припе́в: Святи́и му́ченицы, моли́те Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 05 июня (23 мая ст. ст.); 18 августа (05 августа ст. ст.)

Глас 8.

Пе́снь 1.

Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Духо́вный ли́к соста́вльше, ве́рнии, сла́вныя страстоте́рпицы, я́ко свети́льники Це́ркве, озаря́ющия сердца́, пе́сньми почти́м, ве́рою и любо́вию па́мять и́х соверша́юще.

Восхва́лим дне́сь четвери́цу сла́вную: блаже́нную Евдоки́ю, Да́рию, ину́ю Да́рию и Мари́ю, подо́бниц дре́вним му́чеником по́двиги и страда́нии.

В ле́та, в ня́же о́гнь любве́ ко Христу́ уга́сл е́сть, яви́стеся, му́ченицы до́блия. Моли́теся, да о́гнь Боже́ственныя любве́ согре́ет охладева́ющая сердца́ на́ша.

Богоро́дичен: Пресвята́я Богоро́дице Де́во, Ты́ да́ры духо́вными от Пресвяты́я Тро́ицы па́че все́х челове́к преиспо́лнена еси́; те́мже, благода́тию Твое́ю укрепля́еми, умиле́нным се́рдцем ми́лости Твоя́ прославля́ем.

Пе́снь 3.

Ирмо́с: Небе́снаго кру́га, Верхотво́рче, Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, Еди́не Человеколю́бче.

Ди́вна е́сть, Христе́, держа́ва кре́пости Твоея́! Се́ бо ны́нешний немощству́яй ро́д Кресто́м Твои́м вооружи́ся и си́лою Твое́ю си́льнаго зло́бою дре́вняго врага́ победи́.

Воспои́м вси́ Евдоки́ю ве́рную, от младе́нства кре́ст взе́мшую, по́двиг юро́дства подъе́мшую, му́дрость же духо́вную стяжа́вшую и путе́м а́нгельскаго жития́ еди́ному Жениху́ Небе́сному уневе́стившуюся.

Кро́тки и незло́бивы бы́вша во все́м житии́ ва́шем, послуша́нию во́льно навы́кли есте́, му́ченицы Да́рие, ина́я Да́рие и Мари́е, сего́ ра́ди на Небесе́х обрели́ есте́ поко́й. Моли́те Бо́га о душа́х на́ших.

Богоро́дичен: Жи́знь ро́ждшая, Де́во Всенепоро́чная, се́рдца моего́ стру́пы исцели́, хода́тайствы Твои́ми, я́же к Сы́ну Твоему́, Богоблаже́нная.

Седа́лен, гла́с 8:

От трудо́в земны́х и страда́ний многови́дных крыла́ми ве́ры во оби́тели Небе́сныя возлете́ли есте́, ма́тери богоблаже́нныя, иде́же Престо́лу Вседержи́теля предстои́те. Того́ о на́с моли́те прегреше́ний оставле́ние дарова́ти и душа́м на́шим ве́лию ми́лость.

Богоро́дичен: Милосе́рдия су́щи исто́чник, не лиши́ на́с ми́лости Твоея́, Богоро́дице, но с му́ченицами, в земли́ на́шей просия́вшими, Го́спода моли́ свободи́ти на́с от рабо́ты вра́жия и утверди́ти во благоче́стии и чистоте́.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча и на́шу нищету́ посети́в. Те́м с проро́ком Авваку́мом зову́ Ти́: си́ле Твое́й сла́ва, Человеколю́бче.

Во дни́ и нощи́ моли́твы творя́ща, ни сна́ очи́ма, ни ве́ждома свои́ма дрема́ния не дава́ли есте́ отню́д, хла́д и гла́д во́льно претерпева́юща, му́ченицы сла́вныя. Научи́те на́с моли́тися приле́жно.

Ра́дующася, терпе́ли есте́ клеветы́ и поноше́ния от челове́к и разли́чная стреля́ния вра́жия Христа́ ра́ди, Жениха́ Своего́, да любы́ Бо́жия в ми́ре се́м гре́шнем возсия́ет.

Помы́сливши немощну́ю Евдоки́ю оста́вити, деви́ца ю́ная в со́нном виде́нии сподо́бися зре́ти преподо́бнаго Серафи́ма, и́же Евдоки́ю и служа́щих е́й нарече́ дще́рьми свои́ми.

Богоро́дичен: Ико́ною И́верскою не то́чию Афо́н просвеща́ется, но и ини́и гра́ди и ве́си освяща́ются и, чуде́сную по́мощь прие́млюще, исто́чник утеше́ния в не́й обрета́ют и вопию́т: ра́дуйся, Блага́я Врата́рнице, две́ри ра́йския ве́рным отверза́ющая.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тьма́, окая́ннаго, но обрати́ мя́ и к све́ту за́поведей Твои́х пути́ моя́ напра́ви, молю́ся.

Му́ченице Евдоки́е пресла́вная, доны́не просвеща́еши ду́ши челове́ческия Све́том благода́ти, тебе́ да́нныя, те́мже и на́с, любо́вию соверша́ющих всепра́зднственную па́мять твою́, от бе́д и напа́стей изба́ви.

Жениха́ вре́меннаго не восхоте́вши зре́ти, му́ченице Да́рие, избие́ние от сро́дник претерпе́ла еси́ и да́же до сме́рти еди́ному Го́споду ду́х горя́щий возноси́ла еси́.

В се́рдце свое́м хра́мину благоуха́нну сотво́рши, и ты́, му́ченице Да́рие, о́браз и́стиннаго смире́ния и соверше́ннаго терпе́ния на́м яви́ла еси́.

Святи́тель Никола́й трикра́ты яви́ся ти́, му́ченице Мари́е сла́вная, на по́двиг стра́нничества пе́рвее благословля́я, по́слежде блаже́нней Евдоки́и послужи́ти повелева́я.

Богоро́дичен: Ра́дуйся, Присноде́во, злата́я кади́льнице, в ню́же вложи́ся Небе́сный фимиа́м – Христо́с, облагоуха́яй притека́ющих к Тебе́, Богоро́дице.

Пе́снь 6.

Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися, и молю́ся, я́ко Ио́на: от тли́, Бо́же, возведи́ мя́.

Четверочи́сленный страстоте́рпиц ли́к на́м возсия́ от земли́ Нижегоро́дския, я́ко зве́зды на тве́рди церко́вней, ве́рныя просвеща́яй и пре́лести тьму́ разгоня́яй.

Боле́зней неисце́льных терпе́нием тве́рдым пе́рвее победи́ла еси́ страсте́й возста́ния, последи́, пострада́вши крепча́йше, низложи́ла еси́ злочести́вых держа́ву, Евдоки́е му́ченице.

Да восхва́лятся ны́не с Евдоки́ею Да́рия, ина́я Да́рия и Мари́я сла́вныя, послуша́нием и терпе́нием тве́рдым просия́вшия, Христо́ва виногра́да ро́зги добропло́дныя.

Богоро́дичен: Помо́щницу си́льну ве́дуще Тя́, Всеблага́я, моле́ние Тебе́ прино́сим от всея́ души́: вонми́ и услы́ши ны́, Влады́чице, и изба́ви вся́каго гне́ва и преще́ния Бо́жия рабы́ Твоя́.

Конда́к, гла́с 6:

Житие́м пра́ведным к досто́йному прия́тию му́ченичества себе́ угото́виша, тридне́вная избие́ния и сме́рть претерпе́ли есте́, неве́сты Христо́вы преди́вныя, блаже́нныя Евдоки́е, Да́рие, ина́я Да́рие и Мари́е. Ны́не, мно́гими чудесы́ и исцеле́нии просия́вша, моли́теся приле́жно, да спасе́т Госпо́дь ду́ши на́ша.

И́кос:

Прииди́те, мона́шествующих сосло́вие, прииди́те, ве́ры правосла́вныя рачи́телие, прииди́те, празднолю́бцы, вся́к во́зраст, пе́сньми духо́вными похва́лим моли́твенницы на́ша: по́стников похвалу́, печа́льных утеше́ние, неду́гующих посеще́ние и су́щим в беда́х ско́рое вспоможе́ние, точа́щих все́м исцеле́ния оби́льно и вся́кое проше́ние исполня́ющих. И́мже ве́рно возопие́м: моли́теся приле́жно, да спасе́т Госпо́дь ду́ши на́ша.

Пе́снь 7.

Ирмо́с: От Иуде́и доше́дше, о́троцы в Вавило́не иногда́ ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

Вои́стину побежде́н бы́сть ва́ми вра́г, зе́млю и мо́ре хваля́йся низпрове́ргнути, тверде́йшим адама́нта терпе́нием попра́сте того́, Христа́ в себе́ иму́ща, непобеди́мыя, Его́же воспева́ли есте́: отце́в Бо́же, благослове́н еси́.

Беззако́ния лю́тая творя́ще, подви́жниц Христо́вых безбо́жницы тща́хуся уби́ти, ико́ны же святы́я нога́ми попира́ху, оба́че от И́верския ико́ны Бо́жия Ма́тере све́т возсия́ неизрече́нный все́м ве́рным, пою́щим: отце́в Бо́же, благослове́н еси́.

Тридне́вная избие́ния, поруга́ния, и злохуле́ния претерпе́ли есте́ му́жественне, страстоте́рпицы, си́ми бо, я́ко зла́то, искуси́ ва́с Госпо́дь и, я́ко всесожже́ние ту́чно, прия́т. Ему́же и воспева́ли есте́: отце́в Бо́же, благослове́н еси́.

Богоро́дичен: Бо́га Отца́ Дщи́ яви́лася еси́, Мари́е, Сы́на же Ма́ти, Присноде́во, Неве́ста же Ду́ха Свята́го, Пречи́стая, селе́ние Светонача́льныя Тро́ицы, всего́ Божества́ хра́м одушевле́н.

Пе́снь 8.

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Согла́сно, ве́рнии, му́чениц Мари́ю, Да́рию, ину́ю Да́рию с блаже́нною Евдоки́ею воспои́м, я́ко низложи́тельниц врага́ и неве́ст Христо́вых, пою́щих: вся́ дела́ Госпо́дня, Го́спода по́йте и превозноси́те во вся́ ве́ки.

Святы́я Та́йны Христо́вы в де́нь кончи́ны сподо́билися есте́ прия́ти от руку́ иере́я Васи́лия и та́ко, от Го́спода укрепля́емы, му́жески на сме́рть потекли́ есте́, пою́ща: вся́ дела́ Госпо́дня, Го́спода по́йте и превозноси́те во вся́ ве́ки.

Свы́ше назира́юща на соверша́ющих па́мять ва́шу, венцено́сицы сла́вныя, хода́тайствуйте у Всевы́шняго Даропода́теля вре́менная и ве́чная блага́я на́м, зову́щим: вся́ дела́ Госпо́дня, Го́спода по́йте и превозноси́те во вся́ ве́ки.

Богоро́дичен: Я́же Еди́на Невмести́маго прие́мши и ро́ждши Бо́га Сло́ва воплоще́на, моли́ спасти́ся душа́м на́шим.

Пе́снь 9.

Ирмо́с: Ужасе́ся о се́м Не́бо, и земли́ удиви́шася концы́, я́ко Бо́г яви́ся челове́ком пло́тски и чре́во Твое́ бы́сть простра́ннейшее Небе́с. Те́м Тя́, Богоро́дицу, А́нгелов и челове́к чинонача́лия велича́ют.

Влеко́мы на заколе́ние, мучи́телей вопроша́ху страстоте́рпицы: Христа́ испове́дахом Бо́га и те́м лжу́ ва́шу обличи́хом, за ко́е беззако́ние без суда́ хо́щете на́с уби́ти? Оба́че ны́не сла́вныя му́ченицы во сла́ве Небе́сней сия́ют.

Дне́сь земля́ Нижегоро́дская ва́шу па́мять пра́зднует: вы́ бо яви́стеся столпи́ и боже́ственная забра́ла, и утвержде́ние, моли́твенницы и засту́пницы на́ша, богоблаже́нныя.

Триипоста́сный Бо́же на́ш, но́вых му́чениц Твои́х прие́мый по́двиги и пресла́вно увенча́вый и́х, те́х предста́тельством спаси́ рабы́ Твоя́ и сподо́би ны́ ве́чно Твою́ держа́ву сла́вити.

Богоро́дичен: Приведи́, Де́во, к Сы́ну Твоему́ но́вых му́чениц ли́к четверочи́сленный и с ни́ми помоли́ся, я́ко да, несвети́маго огня́ изба́вльшеся, сподо́бимся Ца́рствия Небе́снаго.

Свети́лен:

Приими́, Го́споди, но́выя му́ченицы, Евдоки́ю блаже́нную, Да́рию, ину́ю Да́рию и Мари́ю, я́ко же́ртву соверше́нную, я́ко благово́нный фимиа́м, я́ко ми́ро многоце́нное, освяща́ющее и просвеща́ющее ду́ши на́ша.

Сла́ва, и ны́не: Воспои́м дне́сь хвалы́ Пресвяте́й Мари́и Де́ве, пло́ть взаимода́вшей Еди́ному от Святы́я Тро́ицы, от Нея́ челове́ком ро́ждшемуся. Сего́ ра́ди велича́ем Ю́, я́ко Ма́терь Све́та и Богоро́дицу.

Пѣ́снь а҃.

І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ, и҆ раздѣли́въ мо́ре, і҆и҃лѧ же бѣглеца̀, пѣшехо́дца сп҃сѐ, пѣ́снь бг҃ови воспѣва́юща.

Дꙋхо́вный ли́къ соста́вльше, вѣ́рнїи, сла̑вныѧ стрⷭ҇тотє́рпицы, ꙗ҆́кѡ свѣти́льники цр҃кве, ѡ҆зарѧ́ющыѧ сердца̀, пѣ́сньми почти́мъ, вѣ́рою и҆ любо́вїю па́мѧть и҆́хъ соверша́юще.

Восхва́лимъ дне́сь четвери́цꙋ сла́внꙋю: бл҃же́ннꙋю є҆ѵдокі́ю, да́рїю, и҆нꙋ́ю да́рїю и҆ марі́ю, подо́бницъ дрє́внимъ мч҃нкѡмъ пѡ́двиги и҆ страда̑нїи.

Въ лѣ̑та, въ нѧ́же ѻ҆́гнь любвѐ ко хрⷭ҇тꙋ̀ ᲂу҆га́слъ є҆́сть, ꙗ҆ви́стесѧ, мч҃нцы дѡ́блїѧ. моли́тесѧ, да ѻ҆́гнь бжⷭ҇твенныѧ любвѐ согрѣ́етъ ѡ҆хладѣва̑ющаѧ сердца̀ на̑ша.

Бг҃оро́диченъ: Прест҃а́ѧ бцⷣе дв҃о, ты̀ да̑ры дꙋхо́вными ѿ прест҃ы́ѧ трⷪ҇цы па́че всѣ́хъ человѣ̑къ преиспо́лнена є҆сѝ. тѣ́мже, бл҃года́тїю твое́ю ᲂу҆крѣплѧ́еми, ᲂу҆миле́ннымъ се́рдцемъ млⷭ҇ти твоѧ̑ прославлѧ́емъ.

Пѣ́снь г҃.

І҆рмо́съ: Нбⷭ҇нагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче.

Ди́вна є҆́сть, хрⷭ҇тѐ, держа́ва крѣ́пости твоеѧ̀! сѐ бо ны́нѣшнїй немощствꙋ́ѧй ро́дъ крⷭ҇то́мъ твои́мъ воѡрꙋжи́сѧ и҆ си́лою твое́ю си́льнаго ѕло́бою дре́внѧго врага̀ побѣдѝ.

Воспои́мъ всѝ є҆ѵдокі́ю вѣ́рнꙋю, ѿ младе́нства крⷭ҇тъ взе́мшꙋю, по́двигъ ю҆ро́дства под̾е́мшꙋю, мꙋ́дрость же дꙋхо́внꙋю стѧжа́вшꙋю и҆ пꙋте́мъ а҆́гг҃льскагѡ житїѧ̀ є҆ди́номꙋ женихꙋ̀ нбⷭ҇номꙋ ᲂу҆невѣ́стившꙋюсѧ.

Крѡ́тки и҆ неѕлѡ́бивы бы́вшѧ во все́мъ житїѝ ва́шемъ, послꙋша́нїю во́льнѡ навы́кли є҆стѐ, мч҃нцы да́рїе, и҆на́ѧ да́рїе и҆ марі́е, сегѡ̀ ра́ди на нб҃сѣ́хъ ѡ҆брѣлѝ є҆стѐ поко́й. моли́те бг҃а ѡ҆ дꙋша́хъ на́шихъ.

Бг҃оро́диченъ: Жи́знь ро́ждшаѧ, дв҃о всенепоро́чнаѧ, се́рдца моегѡ̀ стрꙋ́пы и҆сцѣлѝ, хода́тайствы твои́ми, ꙗ҆̀же къ сн҃ꙋ твоемꙋ̀, бг҃обл҃же́ннаѧ.

Сѣда́ленъ, гла́съ и҃:

Ѿ трꙋдѡ́въ земны́хъ и҆ страда́нїй многови́дныхъ крыла́ми вѣ́ры во ѻ҆би́тєли нбⷭ҇ныѧ возлетѣ́ли є҆стѐ, ма́тєри бг҃обл҃жє́нныѧ, и҆дѣ́же прⷭ҇то́лꙋ вседержи́телѧ предстои́те. того̀ ѡ҆ на́съ моли́те прегрѣше́нїй ѡ҆ставле́нїе дарова́ти и҆ дꙋша́мъ на́шымъ ве́лїю млⷭ҇ть.

Бг҃оро́диченъ: Млⷭ҇рдїѧ сꙋ́щи и҆сто́чникъ, не лишѝ на́съ млⷭ҇ти твоеѧ̀, бцⷣе, но съ мч҃нцами, въ землѝ на́шей просїѧ́вшими, гдⷭ҇а молѝ свободи́ти на́съ ѿ рабо́ты вра́жїѧ и҆ ᲂу҆тверди́ти во бл҃гоче́стїи и҆ чтⷭ҇отѣ̀.

Пѣ́снь д҃.

І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. тѣ́мъ съ прⷪ҇ро́комъ а҆ввакꙋ́момъ зовꙋ̀ тѝ: си́лѣ твое́й сла́ва, чл҃вѣколю́бче.

Во днѝ и҆ нощѝ мл҃твы творѧ́щѧ, ни сна̀ ѻ҆чи́ма, ни вѣ́ждома свои́ма дрема́нїѧ не дава́ли є҆стѐ ѿню́дъ, хла́дъ и҆ гла́дъ во́льнѡ претерпѣва́ющѧ, мч҃нцы сла̑вныѧ. наꙋчи́те на́съ моли́тисѧ прилѣ́жнѡ.

Ра́дꙋющѧсѧ, терпѣ́ли є҆стѐ клевєты̀ и҆ поношє́нїѧ ѿ человѣ̑къ и҆ разли̑чнаѧ стрѣлѧ̑нїѧ вра̑жїѧ хрⷭ҇та̀ ра́ди, жениха̀ своегѡ̀, да любы̀ бж҃їѧ въ мі́рѣ се́мъ грѣ́шнѣмъ возсїѧ́етъ.

Помы́сливши немощнꙋ́ю є҆ѵдокі́ю ѡ҆ста́вити, дѣви́ца ю҆́наѧ въ со́нномъ видѣ́нїи сподо́бисѧ зрѣ́ти прпⷣбнаго серафі́ма, и҆́же є҆ѵдокі́ю и҆ слꙋжа́щихъ є҆́й наречѐ дще́рьми свои́ми.

Бг҃оро́диченъ: І҆кѡ́ною і҆́верскою не то́чїю а҆ѳѡ́нъ просвѣща́етсѧ, но и҆ и҆ні́и гра́ди и҆ вє́си ѡ҆сщ҃а́ютсѧ, и҆ чꙋде́снꙋю по́мощь прїе́млюще, и҆сто́чникъ ᲂу҆тѣше́нїѧ въ не́й ѡ҆брѣта́ютъ и҆ вопїю́тъ: ра́дꙋйсѧ, бл҃га́ѧ врата́рнице, двє́ри ра̑йскїѧ вѣ̑рнымъ ѿверза́ющаѧ.

Пѣ́снь є҃.

І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго: но ѡ҆братѝ мѧ̀, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ.

Мч҃нце є҆ѵдокі́е пресла́внаѧ, до ны́нѣ просвѣща́еши дꙋ́шы человѣ́чєскїѧ свѣ́томъ бл҃года́ти, тебѣ̀ да́нныѧ, тѣ́мже и҆ на́съ, любо́вїю соверша́ющихъ всепра́зднственнꙋю па́мѧть твою̀, ѿ бѣ́дъ и҆ напа́стей и҆зба́ви.

Жениха̀ вре́меннаго не восхотѣ́вши зрѣ́ти, мч҃нце да́рїе, и҆збїе́нїе ѿ срѡ́дникъ претерпѣ́ла є҆сѝ и҆ да́же до сме́рти є҆ди́номꙋ гдⷭ҇ꙋ дꙋ́хъ горѧ́щїй возноси́ла є҆сѝ.

Въ се́рдцѣ свое́мъ хра́минꙋ бл҃гоꙋха́ннꙋ сотво́рши, и҆ ты̀, мч҃нце да́рїе, ѻ҆́бразъ и҆́стиннагѡ смире́нїѧ и҆ соверше́ннагѡ терпѣ́нїѧ на́мъ ꙗ҆ви́ла є҆сѝ.

Ст҃и́тель нїкола́й трикра́ты ꙗ҆ви́сѧ тѝ, мч҃нце марі́е сла́внаѧ, на по́двигъ стра́нничества пе́рвѣе бл҃гословлѧ́ѧ, по́слѣжде бл҃же́ннѣй є҆ѵдокі́и послꙋжи́ти повелѣва́ѧ.

Бг҃оро́диченъ: Ра́дꙋйсѧ, приснодв҃о, злата́ѧ кади́льнице, въ ню́же вложи́сѧ нбⷭ҇ный ѳѷмїа́мъ хрⷭ҇то́съ, ѡ҆бл҃гоꙋха́ѧй притека́ющихъ къ тебѣ̀, бцⷣе.

Пѣ́снь ѕ҃.

І҆рмо́съ: Мл҃твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ ꙗ҆́кѡ і҆ѡ́на: ѿ тлѝ, бж҃е, возведѝ мѧ̀.

Четверочи́сленный стрⷭ҇тоте́рпицъ ли́къ на́мъ возсїѧ̀ ѿ землѝ нижегоро́дскїѧ, ꙗ҆́кѡ ѕвѣ́зды на тве́рди цр҃ко́внѣй, вѣ̑рныѧ просвѣща́ѧй и҆ пре́лести тьмꙋ̀ разгонѧ́ѧй.

Болѣ́зней неисцѣ́льныхъ терпѣ́нїемъ тве́рдымъ пе́рвѣе побѣди́ла є҆сѝ страсте́й возста̑нїѧ, послѣдѝ, пострада́вши крѣпча́йше, низложи́ла є҆сѝ ѕлочести́выхъ держа́вꙋ, є҆ѵдокі́е мч҃нце.

Да восхва́лѧтсѧ ны́нѣ съ є҆ѵдокі́ею да́рїа, и҆на́ѧ да́рїа и҆ марі́а сла̑вныѧ, послꙋша́нїемъ и҆ терпѣ́нїемъ тве́рдымъ просїѧ́вшыѧ, хрⷭ҇то́ва вїногра́да рѡ́зги доброплѡ́дныѧ.

Бг҃оро́диченъ: Помо́щницꙋ си́льнꙋ вѣ́дꙋще тѧ̀, всебл҃га́ѧ, моле́нїе тебѣ̀ прино́симъ ѿ всеѧ̀ дꙋшѝ: вонмѝ и҆ ᲂу҆слы́ши ны̀, влⷣчце, и҆ и҆зба́ви всѧ́кагѡ гнѣ́ва и҆ преще́нїѧ бж҃їѧ рабы̑ твоѧ̑.

Конда́къ, гла́съ ѕ҃:

Житїе́мъ првнⷣымъ къ досто́йномꙋ прїѧ́тїю мч҃нчества себѐ ᲂу҆гото́виша, триднє́внаѧ и҆збїє́нїѧ и҆ сме́рть претерпѣ́ли є҆стѐ, невѣ̑сты хрⷭ҇тѡ́вы преди̑вныѧ, бл҃жє́нныѧ є҆ѵдокі́е, да́рїе, и҆на́ѧ да́рїе и҆ марі́е. ны́нѣ, мно́гими чꙋдесы̀ и҆ и҆сцѣлє́нїи просїѧ́вшѧ, моли́тесѧ прилѣ́жнѡ, да сп҃се́тъ гдⷭ҇ь дꙋ́шы на́шѧ.

І҆́косъ:

Прїиди́те, мона́шествꙋющихъ сосло́вїе, прїиди́те, вѣ́ры правосла́вныѧ рачи́телїе, прїиди́те, празднолю́бцы, всѧ́къ во́зрастъ, пѣ́сньми дꙋхо́вными похва́лимъ мл҃твєнницы на́шѧ: по́стникѡвъ похвалꙋ̀, печа́льныхъ ᲂу҆тѣше́нїе, недꙋ́гꙋющихъ посѣще́нїе и҆ сꙋ́щымъ въ бѣда́хъ ско́рое вспоможе́нїе, точа́щихъ всѣ̑мъ и҆сцѣлє́нїѧ ѻ҆би́льнѡ и҆ всѧ́кое проше́нїе и҆сполнѧ́ющихъ. и҆̀мже вѣ́рнѡ возопїе́мъ: моли́тесѧ прилѣ́жнѡ, да сп҃се́тъ гдⷭ҇ь дꙋ́шы на́шѧ.

Пѣ́снь з҃.

І҆рмо́съ: Ѿ і҆ꙋде́и доше́дше ѻ҆́троцы, въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша пою́ще: ѻ҆тцє́въ бж҃е, бл҃гослове́нъ є҆сѝ.

Вои́стиннꙋ побѣжде́нъ бы́сть ва́ми вра́гъ, зе́млю и҆ мо́ре хвалѧ́йсѧ низпрове́ргнꙋти, твердѣ́йшимъ а҆дама́нта терпѣ́нїемъ попра́сте того̀, хрⷭ҇та̀ въ себѣ̀ и҆мꙋ́щѧ, непобѣди̑мыѧ, є҆го́же воспѣва́ли є҆стѐ: ѻ҆тцє́въ бж҃е, бл҃гослове́нъ є҆сѝ.

Беззакѡ́нїѧ лю̑таѧ творѧ́ще, подви́жницъ хрⷭ҇то́выхъ безбѡ́жницы тща́хꙋсѧ ᲂу҆би́ти, і҆кѡ̑ны же ст҃ы̑ѧ нога́ми попира́хꙋ, ѻ҆ба́че ѿ і҆́верскїѧ і҆кѡ́ны бж҃їѧ мт҃ре свѣ́тъ возсїѧ̀ неизрече́нный всѣ̑мъ вѣ̑рнымъ, пою́щымъ: ѻ҆тцє́въ бж҃е, бл҃гослове́нъ є҆сѝ.

Триднє́внаѧ и҆збїє́нїѧ, порꙋга̑нїѧ, и҆ ѕлохꙋлє́нїѧ претерпѣ́ли є҆стѐ мꙋ́жественнѣ, стрⷭ҇тотє́рпицы, си́ми бо, ꙗ҆́кѡ зла́то, и҆скꙋсѝ ва́съ гдⷭ҇ь, и҆ ꙗ҆́кѡ всесожже́нїе тꙋ́чно, прїѧ́тъ. є҆мꙋ́же и҆ воспѣва́ли є҆стѐ: ѻ҆тцє́въ бж҃е, бл҃гослове́нъ є҆сѝ.

Бг҃оро́диченъ: Бг҃а ѻ҆ц҃а̀ дщѝ ꙗ҆ви́ласѧ є҆сѝ, мр҃і́е, сн҃а же мт҃и, приснодв҃о, невѣ́ста же дх҃а ст҃а́гѡ, пречⷭ҇таѧ, селе́нїе свѣтонача́льныѧ трⷪ҇цы, всегѡ̀ бжⷭ҇тва̀ хра́мъ ѡ҆дꙋшевле́нъ.

Пѣ́снь и҃.

І҆рмо́съ: Седмери́цею пе́щь, халде́йскїй мꙋчи́тель, бг҃очести̑вымъ неи́стовнѡ разжжѐ, си́лою же лꙋ́чшею сп҃сє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки.

Согла́снѡ, вѣ́рнїи, мч҃нцъ марі́ю, да́рїю, и҆нꙋ́ю да́рїю съ бл҃же́нною є҆ѵдокі́ею воспои́мъ, ꙗ҆́кѡ низложи́тельницъ врага̀ и҆ невѣ́стъ хрⷭ҇то́выхъ, пою́щихъ: всѧ̑ дѣла̀ гдⷭ҇нѧ, гдⷭ҇а по́йте и҆ превозноси́те во всѧ̑ вѣ́ки.

Ст҃ы̑ѧ та̑йны хрⷭ҇тѡ́вы въ де́нь кончи́ны сподо́билисѧ є҆стѐ прїѧ́ти ѿ рꙋкꙋ̀ і҆ере́а васі́лїа и҆ та́кѡ, ѿ гдⷭ҇а ᲂу҆крѣплѧ́ємы, мꙋ́жески на сме́рть потеклѝ є҆стѐ, пою́щѧ: всѧ̑ дѣла̀ гдⷭ҇нѧ, гдⷭ҇а по́йте и҆ превозноси́те во всѧ̑ вѣ́ки.

Свы́ше назира́ющѧ на соверша́ющихъ па́мѧть ва́шꙋ, вѣнценѡ́сицы сла̑вныѧ, хода́тайствꙋйте ᲂу҆ всевы́шнѧгѡ даропода́телѧ вре́мєннаѧ и҆ вѣ̑чнаѧ бл҃га̑ѧ на́мъ, зовꙋ́щымъ: всѧ̑ дѣла̀ гдⷭ҇нѧ, гдⷭ҇а по́йте и҆ превозноси́те во всѧ̑ вѣ́ки.

Бг҃оро́диченъ: Ꙗ҆́же є҆ди́на невмѣсти́маго прїе́мши и҆ ро́ждши бг҃а сло́ва воплоще́на, молѝ сп҃сти́сѧ дꙋша́мъ на́шымъ.

Пѣ́снь ѳ҃.

І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ: тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ.

Влекѡ́мы на заколе́нїе, мꙋчи́телей вопроша́хꙋ стрⷭ҇тотє́рпицы: хрⷭ҇та̀ и҆сповѣ́дахомъ бг҃а и҆ тѣ́мъ лжꙋ̀ ва́шꙋ ѡ҆бличи́хомъ, за ко́е беззако́нїе без̾ сꙋда̀ хо́щете на́съ ᲂу҆би́ти; ѻ҆ба́че ны́нѣ сла̑вныѧ мч҃нцы во сла́вѣ нбⷭ҇нѣй сїѧ́ютъ.

Дне́сь землѧ̀ нижегоро́дскаѧ ва́шꙋ па́мѧть пра́зднꙋетъ: вы̀ бо ꙗ҆ви́стесѧ столпѝ и҆ бжⷭ҇твєннаѧ забра̑ла, и҆ ᲂу҆твержде́нїе, мл҃твєнницы и҆ застꙋ̑пницы на́шѧ, бг҃обл҃жє́нныѧ.

Трїѷпоста́сный бж҃е на́шъ, но́выхъ мч҃нцъ твои́хъ прїе́мый по́двиги и҆ пресла́внѡ ᲂу҆вѣнча́вый и҆̀хъ, тѣ́хъ предста́тельствомъ сп҃сѝ рабы̑ твоѧ̑ и҆ сподо́би ны̀ вѣ́чнѡ твою̀ держа́вꙋ сла́вити.

Бг҃оро́диченъ: Приведѝ, дв҃о, къ сн҃ꙋ твоемꙋ̀ но́выхъ мч҃нцъ ли́къ четверочи́сленный и҆ съ ни́ми помоли́сѧ, ꙗ҆́кѡ да несвѣти́магѡ ѻ҆гнѧ̀ и҆зба́вльшесѧ, сподо́бимсѧ црⷭ҇твїѧ нбⷭ҇нагѡ.

Свѣти́ленъ:

Прїимѝ, гдⷭ҇и, нѡ́выѧ мч҃нцы, є҆ѵдокі́ю бл҃же́ннꙋю, да́рїю, и҆нꙋ́ю да́рїю и҆ марі́ю, ꙗ҆́кѡ же́ртвꙋ соверше́ннꙋю, ꙗ҆́кѡ бл҃гово́нный ѳѷмїа́мъ, ꙗ҆́кѡ мѵ́ро многоцѣ́нное, ѡ҆сщ҃а́ющее и҆ просвѣща́ющее дꙋ́шы на́шѧ.

Сла́ва, и҆ ны́нѣ: Воспои́мъ дне́сь хвалы̑ прест҃ѣ́й мр҃і́и дв҃ѣ, пло́ть взаимода́вшей є҆ди́номꙋ ѿ ст҃ы́ѧ трⷪ҇цы, ѿ неѧ̀ человѣ́кѡмъ ро́ждшемꙋсѧ. сегѡ̀ ра́ди велича́емъ ю҆̀, ꙗ҆́кѡ мт҃рь свѣ́та и҆ бцⷣꙋ.

Евдоки́я Шейкова

Му­че­ни­ца Ев­до­кия Алек­сан­дров­на Шей­ко­ва ро­ди­лась 11 фев­ра­ля 1856 го­да в се­ле Пу­за Ар­да­тов­ско­го уез­да Ни­же­го­род­ской гу­бер­нии (ныне се­ло Су­во­ро­во Ди­ве­ев­ско­го рай­о­на) в кре­стьян­ской се­мье. По­сле смер­ти ро­ди­те­лей вос­пи­ты­ва­лась в се­мье дя­ди – цер­ков­но­го ста­ро­сты. В дет­стве по­се­ща­ла с па­лом­ни­ка­ми Са­ров­скую в честь Успе­ния Пре­свя­той Бо­го­ро­ди­цы муж­скую пу­стынь, Се­ра­фи­мов Ди­ве­ев­ский во имя Свя­той Тро­и­цы и Се­ра­фи­мо-По­не­та­ев­ский жен­ские мо­на­сты­ри. В 20 лет по­сле тя­же­лой бо­лез­ни оста­лась па­ра­ли­зо­ван­ной. Вме­сте с по­слуш­ни­ца­ми-ке­лей­ни­ца­ми со­зда­ла по­до­бие ино­че­ской об­щи­ны. Ве­ла стро­гую мо­лит­вен­ную жизнь, нес­ла по­двиг юрод­ства. Очень лю­би­ла цер­ков­ные пес­но­пе­ния. Ста­ла из­вест­на по­движ­ни­че­ством, да­ром це­ли­тель­ной си­лы и про­ви­де­ния. Пред­ви­де­ла свою му­че­ни­че­скую кон­чи­ну.

16 ав­гу­ста 1919 го­да в се­ло Пу­за при­был ка­ра­тель­ный от­ряд. По­сле до­но­са об укры­ва­тель­стве де­зер­ти­ра и аги­та­ции про­тив Крас­ной Ар­мии во­рвав­ши­е­ся в ке­лью Ев­до­кии сол­да­ты из­де­ва­лись над ней, из­би­ва­ли ее, вы­ки­ды­ва­ли и топ­та­ли но­га­ми ико­ны. На пло­щадь со­гна­ли на­род, и ко­ман­дир от­ря­да устро­ил су­ди­ли­ще, по­тре­бо­вав про­го­ло­со­вать за казнь. Утром 18 ав­гу­ста к Ев­до­кии раз­ре­ши­ли прий­ти свя­щен­ни­ку Ва­си­лию Ра­ду­ги­ну, ко­то­рый при­об­щил ее Свя­тых Та­ин вме­сте с ке­лей­ни­ца­ми Да­ри­ей Улы­би­ной, Да­ри­ей Ти­ма­ги­ной и Ма­ри­ей, ре­шив­ши­ми раз­де­лить участь на­став­ни­цы. Ко­гда Ев­до­кию Шей­ко­ву вез­ли на те­ле­ге к ме­сту рас­стре­ла на сель­ское клад­би­ще, ке­лей­ни­цы при­кры­ва­ли ее от уда­ров сво­и­ми те­ла­ми. Все каз­нен­ные бы­ли по­гре­бе­ны в об­щей мо­ги­ле. Сви­де­тель­ства о му­че­ни­че­ской кон­чине по­движ­ниц бы­ли со­бра­ны по бла­го­сло­ве­нию епи­ско­па Пе­чер­ско­го Вар­на­вы (Бе­ля­е­ва) его ке­лей­ни­цей Ва­лен­ти­ной Долга­но­вой. Мо­ги­ла му­че­ни­цы по­чи­та­лась мест­ны­ми жи­те­ля­ми все го­ды со­вет­ской вла­сти. Ев­до­кия Шей­ко­ва про­слав­ле­на вме­сте со сво­и­ми ке­лей­ни­ца­ми Ар­хи­ерей­ским юби­лей­ным Со­бо­ром РПЦ 2000 го­да. В 2001 го­ду мо­щи Ни­же­го­род­ских му­че­ниц бы­ли от­кры­ты и ныне по­чи­ва­ют в церк­ви Успе­ния Бо­го­ро­ди­цы се­ла Су­во­ро­ва.

Игу­мен Да­мас­кин (Ор­лов­ский)


Биб­лио­гра­фия

Иеро­мо­нах Да­мас­кин (Ор­лов­ский). «Му­че­ни­ки, ис­по­вед­ни­ки и по­движ­ни­ки бла­го­че­стия Рос­сий­ской Пра­во­слав­ной Церк­ви ХХ сто­ле­тия. Жиз­не­опи­са­ния и ма­те­ри­а­лы к ним. Кни­га 1». Тверь, «Бу­лат». 1992 год. С. 93-122.

Жи­тие, стра­да­ния, по­дви­ги, чу­де­са свя­тых му­че­ниц Ев­до­кии, Да­рии, Да­рии, Ма­рии в се­ле Су­во­ро­ве / Свя­то-Тро­иц­кий Се­ра­фи­мо-Ди­ве­ев­ский мо­на­стырь. [Са­ранск; Са­ров], 2001.

Ку­ря­ки­на Д. Ев­до­кия, Да­рия, Да­рия, Ма­рия // Го­род­ской ку­рьер: Га­зе­та. Са­ров, 2001. № 34, 23 ав­гу­ста.

Свя­тые му­че­ни­цы пу­зов­ские Ев­до­кия, Да­рия, Да­рия, Ма­рия. Мур­манск, 2002.

Ака­фист свя­тым пре­по­доб­но­му­че­ни­цам Ев­до­кии и свя­тым му­че­ни­цам Да­рии, Да­рии и Ма­рии. [Мур­манск, б.г.].

Долга­но­ва В. Жи­тие бла­жен­ной ста­ри­цы Ев­до­кии // Ми­ро­но­си­цы в эпо­ху ГУЛАГа / Со­ста­ви­тель: П.Г. Про­цен­ко. Ниж­ний Нов­го­род, 2004. С. 127-237.

Ис­точ­ник: www.fond.ru

Да́рия Тимагина

Му­че­ни­ца Да­рия Ти­ма­ги­на ро­ди­лась в кон­це 70-х го­дов XIX ве­ка. Ко­гда Да­рии ис­пол­ни­лось 15 лет, она ста­ла хо­дить к жив­шей в се­ле Пу­за Ар­да­тов­ско­го уез­да Ни­же­го­род­ской гу­бер­нии (ныне се­ло Су­во­ро­во Ди­ве­ев­ско­го рай­о­на) му­че­ни­це Ев­до­кии Шей­ко­вой, про­сла­вив­шей­ся по­движ­ни­че­ской жиз­нью и чу­де­са­ми. Один из мо­на­хов Са­ров­ской в честь Успе­ния Пре­свя­той Бо­го­ро­ди­цы муж­ской пу­сты­ни бла­го­сло­вил Да­рию ид­ти в ке­лей­ни­цы к Ев­до­кии, но ее неве­ру­ю­щие ро­ди­те­ли бы­ли про­тив это­го. Они про­сва­та­ли Да­рию за­муж, но она убе­жа­ла к Ев­до­кии. Ро­ди­те­ли, из­бив, уве­ли Да­рию до­мой и про­сва­та­ли 2-й раз, но она вновь ушла к по­движ­ни­це. Да­рия Ти­ма­ги­на про­жи­ла у Ев­до­кии 20 лет, ко­то­рые бы­ли го­да­ми непре­стан­но­го мо­лит­вен­но­го и пост­ни­че­ско­го тру­да под ру­ко­вод­ством по­движ­ни­цы.

18 ав­гу­ста 1919 го­да Ев­до­кия по до­но­су об укры­ва­тель­стве де­зер­ти­ра и аги­та­ции про­тив Крас­ной Ар­мии бы­ла при­го­во­ре­на ко­ман­до­ва­ни­ем ка­ра­тель­но­го от­ря­да к рас­стре­лу. Му­че­ни­ца Да­рия вме­сте с дру­ги­ми по­слуш­ни­ца­ми, му­че­ни­ца­ми Да­ри­ей Улы­би­ной и Ма­ри­ей, доб­ро­воль­но ре­ши­ла раз­де­лить участь на­став­ни­цы. За 2 ча­са до смер­ти свя­щен­ник церк­ви Успе­ния Бо­го­ро­ди­цы се­ла Пу­за отец Ва­си­лий Ра­ду­гин при­ча­стил их. По­слуш­ни­цы со­про­вож­да­ли Ев­до­кию к ме­сту каз­ни, за­кры­вая со­бой от уда­ров пле­тей, бы­ли вме­сте с ней рас­стре­ля­ны 18 ав­гу­ста на сель­ском клад­би­ще и по­гре­бе­ны в об­щей мо­ги­ле, по­чи­тав­шей­ся мест­ны­ми жи­те­ля­ми все го­ды со­вет­ской вла­сти.

Му­че­ни­ца Да­рия Ти­ма­ги­на про­слав­ле­на Ар­хи­ерей­ским юби­лей­ным Со­бо­ром РПЦ 2000 го­да. В 2001 го­ду мо­щи Ни­же­го­род­ских му­че­ниц бы­ли от­кры­ты и ныне по­чи­ва­ют в церк­ви Успе­ния Бо­го­ро­ди­цы се­ла Су­во­ро­ва.

Игу­мен Да­мас­кин (Ор­лов­ский)


Биб­лио­гра­фия

Иеро­мо­нах Да­мас­кин (Ор­лов­ский). «Му­че­ни­ки, ис­по­вед­ни­ки и по­движ­ни­ки бла­го­че­стия Рос­сий­ской Пра­во­слав­ной Церк­ви ХХ сто­ле­тия. Жиз­не­опи­са­ния и ма­те­ри­а­лы к ним. Кни­га 1». Тверь, «Бу­лат». 1992 год. С. 93-122.

Жи­тие, стра­да­ния, по­дви­ги, чу­де­са свя­тых му­че­ниц Ев­до­кии, Да­рии, Да­рии, Ма­рии в се­ле Су­во­ро­ве / Свя­то-Тро­иц­кий Се­ра­фи­мо-Ди­ве­ев­ский мо­на­стырь. [Са­ранск; Са­ров], 2001.

Ку­ря­ки­на Д. Ев­до­кия, Да­рия, Да­рия, Ма­рия // Го­род­ской ку­рьер: Га­зе­та. Са­ров, 2001. № 34, 23 ав­гу­ста.

Свя­тые му­че­ни­цы пу­зов­ские Ев­до­кия, Да­рия, Да­рия, Ма­рия. Мур­манск, 2002.

Ака­фист свя­тым пре­по­доб­но­му­че­ни­цам Ев­до­кии и свя­тым му­че­ни­цам Да­рии, Да­рии и Ма­рии. [Мур­манск, б.г.].

Про­цен­ко П.Г. Ми­ро­но­си­цы в эпо­ху ГУЛАГа. Ниж­ний Нов­го­род. 2004.

Ис­точ­ник: www.fond.ru

Да́рия Улыбина

Му­че­ни­ца Да­рия Улы­би­на ро­ди­лась в кон­це 70-х го­дов XIX ве­ка. От­ли­ча­лась сми­ре­ни­ем и бла­го­че­сти­ем. С 1916 го­да как по­слуш­ни­ца под­ви­за­лась у по­движ­ни­цы му­че­ни­цы Ев­до­кии Шей­ко­вой, жив­шей в се­ле Пу­за Ар­да­тов­ско­го уез­да Ни­же­го­род­ской гу­бер­нии (ныне се­ло Су­во­ро­во Ди­ве­ев­ско­го рай­о­на).

Вме­сте с дру­ги­ми по­слуш­ни­ца­ми, му­че­ни­ца­ми Да­ри­ей Ти­ма­ги­ной и Ма­ри­ей, доб­ро­воль­но раз­де­ли­ла участь сво­ей на­став­ни­цы Ев­до­кии, при­го­во­рен­ной 18 ав­гу­ста 1919 го­да и рас­стре­лян­ной в тот же день ко­ман­до­ва­ни­ем ка­ра­тель­но­го от­ря­да по до­но­су об укры­ва­тель­стве де­зер­ти­ра и аги­та­ции про­тив Крас­ной ар­мии. Пе­ред смер­тью при­ня­ла при­ча­стие вме­сте с дру­ги­ми му­че­ни­ца­ми от свя­щен­ни­ка Успен­ской церк­ви се­ла Пу­за, от­ца Ва­си­лия Ра­ду­ги­на.

Му­че­ни­ца Да­рия про­слав­ле­на Ар­хи­ерей­ским юби­лей­ным Со­бо­ром РПЦ 2000 го­да. В 2001 го­ду мо­щи Ни­же­го­род­ских му­че­ниц бы­ли от­кры­ты и ныне по­чи­ва­ют в церк­ви Успе­ния Бо­го­ро­ди­цы се­ла Су­во­ро­ва.

Игу­мен Да­мас­кин (Ор­лов­ский)


Биб­лио­гра­фия

Иеро­мо­нах Да­мас­кин (Ор­лов­ский). «Му­че­ни­ки, ис­по­вед­ни­ки и по­движ­ни­ки бла­го­че­стия Рос­сий­ской Пра­во­слав­ной Церк­ви ХХ сто­ле­тия. Жиз­не­опи­са­ния и ма­те­ри­а­лы к ним. Кни­га 1». Тверь, «Бу­лат». 1992 год. С. 93-122.

Жи­тие, стра­да­ния, по­дви­ги, чу­де­са свя­тых му­че­ниц Ев­до­кии, Да­рии, Да­рии, Ма­рии в се­ле Су­во­ро­ве / Свя­то-Тро­иц­кий Се­ра­фи­мо-Ди­ве­ев­ский мо­на­стырь. [Са­ранск; Са­ров], 2001.

Ку­ря­ки­на Д. Ев­до­кия, Да­рия, Да­рия, Ма­рия // Го­род­ской ку­рьер: Га­зе­та. Са­ров, 2001. № 34, 23 ав­гу­ста.

Свя­тые му­че­ни­цы пу­зов­ские Ев­до­кия, Да­рия, Да­рия, Ма­рия. Мур­манск, 2002.

Ака­фист свя­тым пре­по­доб­но­му­че­ни­цам Ев­до­кии и свя­тым му­че­ни­цам Да­рии, Да­рии и Ма­рии. [Мур­манск, б.г.].

Про­цен­ко П.Г. Ми­ро­но­си­цы в эпо­ху ГУЛАГа. Ниж­ний Нов­го­род. 2004.

Ис­точ­ник: www.fond.ru

Мария Неизвестная

Свя­тая му­че­ни­ца Ма­рия вме­сте с дру­ги­ми по­слуш­ни­ца­ми Да­ри­ей Улы­би­ной и Да­ри­ей Ти­ма­ги­ной доб­ро­воль­но ре­ши­ла раз­де­лить участь бла­жен­ной Ев­до­кии Шей­ко­вой. На смерть она при­шла за час и бы­ла спо­кой­на, хо­тя зна­ла, что их убьют.
Ар­хи­ерей­ский со­бор Рус­ской Пра­во­слав­ной Церк­ви, про­хо­див­ший 13–15 ав­гу­ста 2000 го­да, при­чис­лил пре­по­доб­ную му­че­ни­цу Ма­рию к сон­му свя­тых но­во­му­че­ни­ков Рос­сий­ских. День её па­мя­ти уста­нов­лен 5/18 ав­гу­ста. 5 июня 2001 го­да бы­ли об­ре­те­ны свя­тые мо­щи му­че­ни­цы Ма­рии. С тех пор они по­ко­ят­ся в ра­ках в церк­ви Успе­ния Бо­жи­ей Ма­те­ри се­ла Су­во­ро­ва.