Канон святым преподобномученикам Александру Пересвету и Андрею Ослябе Радонежским

Припев: Святи́и преподобному́ченицы Алекса́ндре и Андре́е, моли́те Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 20 сентября (07 сентября ст. ст.)

Глас 4.

Пе́снь 1.

Ирмо́с: Мо́ря чермну́ю пучи́ну, невла́жными стопа́ми, дре́вний пешеше́ствовав Изра́иль, крестообра́зныма Моисе́овыма рука́ма, Амали́кову си́лу в пусты́ни победи́л е́сть.

Кре́пцыи столпи́ и забра́ла благоче́стия яви́стеся, сла́внии преподобному́ченицы Алекса́ндре и Андре́е. Те́х моли́твами, Христе́ Бо́же, уще́дри все́х на́с.

О всехва́льнии Госпо́дни преподобному́ченицы Алекса́ндре и Андре́е, ни беда́, ни ме́ч, ниже́ са́мая сме́рть возмого́ша разлучи́ти ва́с от Христа́, Его́же все́м се́рдцем возлюби́ли есте́.

Честна́ пред Го́сподем сме́рть ва́ша бы́сть, святи́и преподобному́ченицы Алекса́ндре и Андре́е, ю́же за дру́ги своя́ прия́ли есте́ и безче́стнаго врага́ посрами́ли есте́.

Богоро́дичен: Иму́щи, Ма́ти Чи́стая, дерзнове́ние ко Христу́ Бо́гу, моли́ при́сно от враго́в ви́димых и неви́димых и вся́каго вре́да изба́витися на́м и благода́рно сла́вити Его́, Пренепоро́чная, утверди́.

Пе́снь 3.

Ирмо́с: Не му́дростию и си́лою, и бога́тством хва́лимся, но Тобо́ю, О́тчею ипоста́сною му́дростию, Христе́, не́сть бо свя́т, па́че Тебе́, Человеколю́бче.

Сме́ртию вре́менною жи́знь ве́чную приобре́тше, преподобному́ченицы Алекса́ндре и Андре́е сла́внии, Ца́рствия Небе́снаго сподо́бистеся. Сего́ ра́ди прославля́ем ва́с и ублажа́ем.

Правосла́вия защи́тницы, неве́рных посрами́телие, благоче́стия столпи́, Госпо́дни преподобному́ченицы Алекса́ндре и Андре́е, мы́слию чи́стою пе́сненно ва́с ублажа́ем.

Христо́ви во́ини, схи́мницы Алекса́ндре и Андре́е, безпло́тных сожи́телие, вы́ Кресто́м, я́ко броне́ю, обо́лкшеся, на сопротивобо́рца ополчи́стеся и того́ му́жески попра́сте.

Богоро́дичен: Покро́ве и Избавле́ние на́ше, Стено́ и Держа́во благохва́лящих Тя́, Многопе́тая, изми́ на́с скорбе́й вся́ческих и обстоя́ний жите́йских, вы́ну соблюда́ющи, я́ко да сла́вим Тя́.

Седа́лен, гла́с 4:

В Небе́сныя оби́тели все́льшеся, преподобному́ченицы Алекса́ндре и Андре́е, сла́ву присносу́щную прия́ли есте́, и ны́не помина́йте на́с, чту́щих ве́рою свяще́нную и честну́ю ва́шу па́мять, схимона́си во́ини присносла́внии.

Богоро́дичен: Всесвята́я Де́во, Влады́чице, ту́не уще́дри ны́, не и́мамы бо ины́я наде́жды на спасе́ние, а́ще не Твое́ заступле́ние и покро́в Тво́й.

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце Пра́ведное, ста́ в чи́не Свое́м, досто́йно взыва́ющи: сла́ва си́ле Твое́й, Го́споди.

О святи́и преподобному́ченицы Алекса́ндре и Андре́е, вы́, ду́ши своя́ за дру́ги положи́ти восхоте́вше, кро́вь пролия́ли есте́ и ра́дость Небе́сную восприя́ли есте́.

Вои́стину добра́ ва́ша ку́пля, святи́и преподобному́ченицы Алекса́ндре и Андре́е, тле́нная бо презре́вше, нетле́нная восприя́сте, ны́не же, со А́нгелы ликовству́юще, воспева́ете Тро́ицу Единосу́щную.

Я́ко до́блии во́ини единому́дренно ве́ровавше, сме́рти не убоя́лися есте́, святи́и, и, сконча́вше тече́ние, с Небесе́ побе́ду прия́ли есте́.

Богоро́дичен: Души́ та́йная прегреше́ния лечбо́ю милосе́рдия исцели́, Пресвята́я Богоро́дице, и утиши́ плотско́е стремле́ние, враго́в ухищре́ния посрамля́ющи.

Пе́снь 5.

Ирмо́с: Ты́, Го́споди мо́й, Све́т в ми́р прише́л еси́, Све́т Святы́й, обраща́яй из мра́чна неве́дения, ве́рою воспева́ющия Тя́.

Щито́м ве́ры и благоче́стия вооружи́вшеся, боже́ственнии преподобному́ченицы, устреми́стеся ко бра́ни и су́етную си́лу врага́ погуби́сте, пе́снь побе́дную Христу́ пою́ще.

Пове́ржен бы́сть льсте́ц при нога́х нельсти́вых преподобному́ченик, во́инов Христо́вых, ти́и же ны́не со А́нгелы ликовству́ют, ра́дости неизрече́нныя исполня́ющеся.

Ору́жие крепча́йшее, святы́й Кре́ст, взе́мше, преподобному́ченицы Алекса́ндре и Андре́е, всю́ си́лу губи́теля врага́ до конца́ победи́ли есте́.

Богоро́дичен: Мно́гия щедро́ты Твоя́ спаса́ют на́с, Пречи́стая Де́во, от грехо́в и напа́стей разли́чных. Ты́ бо, ро́ждшая Бо́га, спаса́еши ми́р ве́сь.

Пе́снь 6.

Ирмо́с: Пожру́ Ти́ со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею Кро́вию.

Благослове́нием и моли́твою а́ввы Се́ргия огражде́ни, непобеди́мии ору́жницы, схимона́си во́ини, до́блественно на супоста́ты вооружи́стеся, ле́стная и лука́вая те́х разори́вше.

Си́лою боже́ственною немощно́е ва́ше укре́пльше, до́блии преподобному́ченицы Алекса́ндре и Андре́е, кре́пость борца́ всеконе́чней па́губе преда́сте.

Я́ко смире́ннии послу́шницы, добротво́рному и кра́сному по́двигу сочета́вшеся, дерзнове́ние пред Бо́гом улучи́сте о во́инстве правосла́внем при́сно хода́тайствовати.

Богоро́дичен: Ты́, Пречи́стая Де́во Богоро́дице, си́лою Креста́ Сы́на Твоего́ и моли́твами Твои́ми вооружа́еши рабы́ Твоя́. Те́мже воспева́ем сла́ву Твою́.

Конда́к, гла́с 7:

На по́ли Кулико́ве враги́ нечести́выя победи́сте и венцы́ сла́вы увенча́стеся, преподобному́ченицы Алекса́ндре и Андре́е, моли́те Христа́ Бо́га и на́м врага́ ро́да челове́ческаго побежда́ти, Правосла́вие храни́ти, душа́м же на́шим улучи́ти ве́лию ми́лость.

И́кос:

Преподобному́ченик Христо́вых Алекса́ндра и Андре́я, прииди́те, лю́дие вси́, почти́м пе́ньми и пе́сньми духо́вными, свети́льники ми́ра и ве́ры пропове́дники, исто́чники исцеле́ний приснотеку́щия, из ни́хже ве́рнии благода́тныя да́ры почерпа́ют. Те́х моли́твами, Христе́ Бо́же, ми́р да́руй Оте́честву на́шему и душа́м на́шим ве́лию ми́лость.

Пе́снь 7.

Ирмо́с: В пещи́ Авраа́мстии о́троцы Перси́дстей, любо́вию благоче́стия па́че, не́жели пла́менем опаля́еми, взыва́ху: благослове́н еси́ в хра́ме сла́вы Твоея́, Го́споди.

Моли́твами преподо́бнаго Се́ргия кре́пцыи во́ини на враги́ я́вльшеся, некре́постную и́х низложи́сте си́лу, преподобному́ченицы Христо́ви достохва́льнии.

Сла́сти ми́ра сего́ отри́нувше, послуша́нием на страда́ние до́блественне устреми́лися есте́ и, кро́вь свою́ за дру́ги пролия́вше, Христу́ усво́илися есте́.

Тве́рдыми ва́шими во́инскими по́двиги, я́ко жи́лами кре́пкими, свире́пство неве́рных ага́рян удави́сте, хотя́щих Оте́чество на́ше злокова́рно погуби́ти. Те́мже и ра́йския жи́зни яви́стеся насле́дницы.

Богоро́дичен: Умири́ ми́р, Христе́, мольба́ми Богоотрокови́цы Чи́стыя, бу́рю грехо́вную низлага́я, и тишину́ неизглаго́ланную в сердца́ на́ша низпосли́.

Пе́снь 8.

Ирмо́с: Ру́це распросте́р Дании́л, льво́в зия́ния в ро́ве затче́, о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: благослови́те, вся́ дела́ Госпо́дня, Го́спода.

Дру́зи Христо́ви, игу́мена Се́ргия послу́шницы, те́плии челове́ком засту́пницы и во́ином правосла́вным помо́щницы, преподобному́ченицы Алекса́ндр и Андре́й досто́йно ны́не ублажа́ются.

От крове́й свои́х преподобному́ченицы Алекса́ндр и Андре́й пресве́тлую очервлени́ша схи́му и, то́ю украси́вшеся, с Го́сподем при́сно ца́рствуют.

Ополчи́вшеся на сопроти́вных, святи́и преподобному́ченицы боже́ственными ору́жии си́х победи́ша и венцы́ побе́дныя от Бо́га прия́ша.

Богоро́дичен: Богороди́тельнице Пречи́стая, Засту́пнице Усе́рдная, святы́м о́бразом Твои́м укрепи́ла еси́ правосла́вныя в сме́ртней бра́ни на по́ли Кулико́ве, зе́млю на́шу от враго́в спаса́ющи.

Пе́снь 9.

Ирмо́с: Ка́мень Нерукосе́чный, от Несеко́мыя Горы́ Тебе́, Де́во, Краеуго́льный отсече́ся, Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

В ми́ре правосла́внем почита́ема имена́ ва́ша, страда́льцы до́блии, за дру́ги бо своя́ сме́рть прия́ли есте́. Те́мже свяще́нницы ва́м покланя́ются, во́ини восхваля́ют и вси́ лю́дие, ра́дующеся, согла́сно вопию́т: честна́ пред Го́сподем сме́рть преподо́бных Его́.

Кре́пцы на стра́сти, си́льни на враги́ яви́стеся, преподобному́ченицы, схимона́си во́ини прехва́льнии, зако́нно бо пострада́вше, венца́ми нетле́нными от Бо́га венча́стеся.

Кре́ст Христо́в, я́ко Ору́жие непобеди́мое, взе́мше, си́лу диа́волю упраздни́ли есте́ и, венцы́ Небе́сныя прие́мше, предста́телие кре́пцыи на́м яви́лися есте́.

Богоро́дичен: Погуби́ наве́ты вра́жия, я́же на ны́ воздвиза́емыя, и ра́дости испо́лни упова́ющих на Тя́, Ма́ти Бо́га Вы́шняго, да вси́ усе́рдно заступле́ние Твое́ сла́вим.

Свети́лен.

Вооружи́вшеся во всеору́жие доброде́телей Христо́вых, свети́льницы ми́ру яви́стеся и, ополче́ния вра́жия низложи́вше, венцы́ нетле́нныя прия́сте, преподобному́ченицы Христо́ви Алекса́ндре и Андре́е, терпеливоду́шнии.

Сла́ва, и ны́не: Низложи́ Влады́чице, враго́в на́ших шата́ния, Тя́ бо еди́ну и́мамы Предста́тельницу, и Наде́жду и По́мощь кре́пкую. Ты́ на́с соблюди́, Пречи́стая, вся́каго наве́та вра́жия на́с избавля́ющи.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми, дре́внїй пѣшеше́ствовавъ і҆и҃ль, крⷭ҇тоѻбра́зныма мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть.

Крѣ́пцыи столпѝ и҆ забра̑ла бл҃гоче́стїѧ ꙗ҆ви́стѣсѧ, сла́внїи прпⷣбномч҃нцы а҆леѯа́ндре и҆ а҆ндре́е. тѣ́хъ мл҃твами, хрⷭ҇тѐ бж҃е, ᲂу҆ще́дри всѣ́хъ на́съ.

Ѽ всехва́льнїи гдⷭ҇ни прпⷣбномч҃нцы а҆леѯа́ндре и҆ а҆ндре́е, ни бѣда̀, ни ме́чь, нижѐ са́маѧ сме́рть возмого́ша разлꙋчи́ти ва́съ ѿ хрⷭ҇та̀, є҆го́же всѣ́мъ се́рдцемъ возлюби́ли є҆стѐ.

Чтⷭ҇на̀ пред̾ гдⷭ҇емъ сме́рть ва́ша бы́сть, ст҃і́и прпⷣбномч҃нцы а҆леѯа́ндре и҆ а҆ндре́е, ю҆́же за дрꙋ́ги своѧ̑ прїѧ́ли є҆стѐ и҆ безче́стнаго врага̀ посрами́ли є҆стѐ.

Бг҃оро́диченъ: И҆мꙋ́щи, мт҃и чⷭ҇таѧ, дерзнове́нїе ко хрⷭ҇тꙋ̀ бг҃ꙋ, молѝ при́снѡ ѿ врагѡ́въ ви́димыхъ и҆ неви́димыхъ и҆ всѧ́кагѡ вре́да и҆зба́витисѧ на́мъ и҆ бл҃года́рнѡ сла́вити є҆го̀, пренепоро́чнаѧ, ᲂу҆твердѝ.

Пѣ́снь г҃.

І҆рмо́съ: Не мꙋ́дростїю, и҆ си́лою, и҆ бога́тствомъ хва́лимсѧ, но тобо́ю ѻ҆́ч҃ею ѵ҆поста́сною мꙋ́дростїю, хрⷭ҇тѐ: нѣ́сть бо ст҃ъ па́че тебє̀, чл҃вѣколю́бче.

Сме́ртїю вре́менною жи́знь вѣ́чнꙋю прїѡбрѣ́тше, прпⷣбномч҃нцы а҆леѯа́ндре и҆ а҆ндре́е сла́внїи, црⷭ҇твїѧ нбⷭ҇нагѡ сподо́бистесѧ. сегѡ̀ ра́ди прославлѧ́емъ ва́съ и҆ ᲂу҆бл҃жа́емъ.

Правосла́вїѧ защи̑тницы, невѣ́рныхъ посрами́телїе, бл҃гоче́стїѧ столпѝ, гдⷭ҇ни прпⷣбномч҃нцы а҆леѯа́ндре и҆ а҆ндре́е, мы́слїю чи́стою пѣ́сненнѡ ва́съ ᲂу҆бл҃жа́емъ.

Хрⷭ҇тѡ́ви во́ини, схи̑мницы а҆леѯа́ндре и҆ а҆ндре́е, безпло́тныхъ сожи́телїе, вы̀ крⷭ҇то́мъ, ꙗ҆́кѡ броне́ю, ѡ҆бо́лкшесѧ, на сопротивобо́рца ѡ҆полчи́стесѧ и҆ того̀ мꙋ́жески попра́сте.

Бг҃оро́диченъ: Покро́ве и҆ и҆збавле́нїе на́ше, стѣно̀ и҆ держа́во бл҃гохва́лѧщихъ тѧ̀, многопѣ́таѧ, и҆змѝ на́съ скорбе́й всѧ́ческихъ и҆ ѡ҆бстоѧ́нїй жите́йскихъ, вы́нꙋ соблюда́ющи, ꙗ҆́кѡ да сла́вимъ тѧ̀.

Сѣда́ленъ, гла́съ д҃:

Въ нбⷭ҇ныѧ ѻ҆би́тєли все́льшесѧ, прпⷣбномч҃нцы а҆леѯа́ндре и҆ а҆ндре́е, сла́вꙋ присносꙋ́щнꙋю прїѧ́ли є҆стѐ, и҆ ны́нѣ помина́йте на́съ, чтꙋ́щихъ вѣ́рою сщ҃е́ннꙋю и҆ чтⷭ҇нꙋ́ю ва́шꙋ па́мѧть, схимона́си во́ини присносла́внїи.

Бг҃оро́диченъ: Всест҃а́ѧ дв҃о, влⷣчце, тꙋ́не ᲂу҆ще́дри ны̀, не и҆́мамы бо и҆ны́ѧ наде́жды на сп҃се́нїе, а҆́ще не твоѐ застꙋпле́нїе и҆ покро́въ тво́й.

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце првⷣное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Ѽ ст҃і́и прпⷣбномч҃нцы а҆леѯа́ндре и҆ а҆ндре́е, вы̀ дꙋ́шы своѧ̑ за дрꙋ́ги положи́ти восхотѣ́вше, кро́вь пролїѧ́ли є҆стѐ и҆ ра́дость нбⷭ҇нꙋю воспрїѧ́ли є҆стѐ.

Вои́стиннꙋ добра̀ ва́ша кꙋ́плѧ, ст҃і́и прпⷣбномч҃нцы а҆леѯа́ндре и҆ а҆ндре́е, тлѣ̑ннаѧ бо презрѣ́вше, нетлѣ̑ннаѧ воспрїѧ́сте, ны́нѣ же со а҆́гг҃лы ликовствꙋ́юще, воспѣва́ете трⷪ҇цꙋ є҆диносꙋ́щнꙋю.

Ꙗ҆́кѡ до́блїи во́ини є҆диномꙋ́дреннѡ вѣ́ровавше, сме́рти не ᲂу҆боѧ́лисѧ є҆стѐ, ст҃і́и, и҆ сконча́вше тече́нїе, съ нб҃сѐ побѣ́дꙋ прїѧ́ли є҆стѐ.

Бг҃оро́диченъ: Дꙋшѝ та̑йнаѧ прегрѣшє́нїѧ лѣчбо́ю млⷭ҇рдїѧ и҆сцѣлѝ, прест҃а́ѧ бцⷣе, и҆ ᲂу҆тишѝ плотско́е стремле́нїе, врагѡ́въ ᲂу҆хищрє́нїѧ посрамлѧ́ющи.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀.

Щито́мъ вѣ́ры и҆ бл҃гоче́стїѧ воѡрꙋжи́вшесѧ, бжⷭ҇твеннїи прпⷣбномч҃нцы, ᲂу҆стреми́стесѧ ко бра́ни и҆ сꙋ́етнꙋю си́лꙋ врага̀ погꙋби́сте, пѣ́снь побѣ́днꙋю хрⷭ҇тꙋ̀ пою́ще.

Пове́рженъ бы́сть льсте́цъ при нога́хъ нельсти́выхъ прпⷣбномч҃нкъ, во́инѡвъ хрⷭ҇то́выхъ, ті́и же ны́нѣ со а҆́гг҃лы ликовствꙋ́ютъ, ра́дости неизрече́нныѧ и҆сполнѧ́ющесѧ.

Ѻ҆рꙋ́жїе крѣпча́йшее, ст҃ы́й крⷭ҇тъ, взе́мше, прпⷣбномч҃нцы а҆леѯа́ндре и҆ а҆ндре́е, всю̀ си́лꙋ гꙋби́телѧ врага̀ до конца̀ побѣди́ли є҆стѐ.

Бг҃оро́диченъ: Мнѡ́гїѧ щедрѡ́ты твоѧ̑ сп҃са́ютъ на́съ, пречⷭ҇таѧ дв҃о, ѿ грѣхѡ́въ и҆ напа́стей разли́чныхъ. ты́ бо, ро́ждшаѧ бг҃а, сп҃са́еши мі́ръ ве́сь.

Пѣ́снь ѕ҃.

І҆рмо́съ: Пожрꙋ̀ тѝ со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди млⷭ҇ти ѿ ре́бръ твои́хъ и҆сте́кшею кро́вїю.

Бл҃гослове́нїемъ и҆ мл҃твою а҆́ввы се́ргїа ѡ҆гражде́ни, непобѣди́мїи ѻ҆рꙋ̑жницы, схимона́си во́ини, до́блественнѡ на сꙋпоста́ты воѡрꙋжи́стесѧ, лє́стнаѧ и҆ лꙋка̑ваѧ тѣ́хъ разори́вше.

Си́лою бжⷭ҇твенною немощно́е ва́ше ᲂу҆крѣ́пльше, до́блїи прпⷣбномч҃нцы а҆леѯа́ндре и҆ а҆ндре́е, крѣ́пость борца̀ всеконе́чнѣй па́гꙋбѣ преда́сте.

Ꙗ҆́кѡ смире́ннїи послꙋ̑шницы, добротво́рномꙋ и҆ кра́сномꙋ по́двигꙋ сочета́вшесѧ, дерзнове́нїе пред̾ бг҃омъ ᲂу҆лꙋчи́сте ѡ҆ во́инствѣ правосла́внѣмъ при́снѡ хода́тайствовати.

Бг҃оро́диченъ: Ты̀, пречⷭ҇таѧ дв҃о бцⷣе, си́лою крⷭ҇та̀ сн҃а твоегѡ̀ и҆ мл҃твами твои́ми воѡрꙋжа́еши рабы̑ твоѧ̑. тѣ́мже воспѣва́емъ сла́вꙋ твою̀.

Конда́къ, гла́съ з҃:

На по́ли кꙋлико́вѣ врагѝ нечести̑выѧ побѣди́сте и҆ вѣнцы̑ сла́вы ᲂу҆вѣнча́стесѧ, прпⷣбномч҃нцы а҆леѯа́ндре и҆ а҆ндре́е, моли́те хрⷭ҇та̀ бг҃а и҆ на́мъ врага̀ ро́да человѣ́ческагѡ побѣжда́ти, правосла́вїе храни́ти, дꙋша́мъ же на́шымъ ᲂу҆лꙋчи́ти ве́лїю млⷭ҇ть.

І҆́косъ:

Прпⷣбномч҃нкъ хрⷭ҇то́выхъ а҆леѯа́ндра и҆ а҆ндре́а, прїиди́те, лю́дїе всѝ, почти́мъ пѣ́ньми и҆ пѣ́сньми дꙋхо́вными, свѣти́льники мі́ра и҆ вѣ́ры проповѣ́дники, и҆сто́чники и҆сцѣле́нїй приснотекꙋ́щыѧ, и҆з̾ ни́хже вѣ́рнїи бл҃года̑тныѧ да́ры почерпа́ютъ. тѣ́хъ мл҃твами, хрⷭ҇тѐ бж҃е, ми́ръ да́рꙋй ѻ҆те́чествꙋ на́шемꙋ и҆ дꙋша́мъ на́шымъ ве́лїю млⷭ҇ть.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю бл҃гоче́стїѧ па́че, не́жели пла́менемъ ѡ҆палѧ́еми взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Мл҃твами прпⷣбнагѡ се́ргїа крѣ́пцыи во́ини на врагѝ ꙗ҆́вльшесѧ, некрѣ́постнꙋю и҆́хъ низложи́сте си́лꙋ, прпⷣбномч҃нцы хрⷭ҇тѡ́ви достохва́льнїи.

Сла̑сти мі́ра сегѡ̀ ѿри́нꙋвше, послꙋша́нїемъ на страда́нїе до́блественнѣ ᲂу҆стреми́лисѧ є҆стѐ, и҆ кро́вь свою̀ за дрꙋ́ги пролїѧ́вше, хрⷭ҇тꙋ̀ ᲂу҆сво́илисѧ є҆стѐ.

Тве́рдыми ва́шими во́инскими пѡ́двиги, ꙗ҆́кѡ жи́лами крѣ́пкими, свирѣ́пство невѣ́рныхъ а҆га́рѧнъ ᲂу҆дави́сте, хотѧ́щихъ ѻ҆те́чество на́ше ѕлокова́рнѡ погꙋби́ти. тѣ́мже и҆ ра́йскїѧ жи́зни ꙗ҆ви́стѣсѧ наслѣ̑дницы.

Бг҃оро́диченъ: Оу҆мирѝ мі́ръ, хрⷭ҇тѐ, мольба́ми бг҃оѻтрокови́цы чⷭ҇тыѧ, бꙋ́рю грѣхо́внꙋю низлага́ѧ, и҆ тишинꙋ̀ неизглаго́ланнꙋю въ сердца̀ на̑ша низпослѝ.

Пѣ́снь и҃.

І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, бл҃гоче́стїѧ рачи́тєли ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Дрꙋ́зи хрⷭ҇тѡ́ви, и҆гꙋ́мена се́ргїа послꙋ̑шницы, те́плїи человѣ́кѡмъ застꙋ̑пницы и҆ во́инѡмъ правосла̑внымъ помѡ́щницы, прпⷣбномч҃нцы а҆леѯа́ндръ и҆ а҆ндре́й досто́йнѡ ны́нѣ ᲂу҆бл҃жа́ютсѧ.

Ѿ крове́й свои́хъ прпⷣбномч҃нцы а҆леѯа́ндръ и҆ а҆ндре́й пресвѣ́тлꙋю ѡ҆червлени́ша схи́мꙋ, и҆ то́ю ᲂу҆краси́вшесѧ, съ гдⷭ҇емъ при́снѡ црⷭ҇твꙋютъ.

Ѡ҆полчи́вшесѧ на сопроти́вныхъ, ст҃і́и прпⷣбномч҃нцы бжⷭ҇твенными ѻ҆рꙋ̑жїи си́хъ побѣди́ша и҆ вѣнцы̀ побѣ̑дныѧ ѿ бг҃а прїѧ́ша.

Бг҃оро́диченъ: Бг҃ороди́тельницѣ пречⷭ҇таѧ, застꙋ́пнице ᲂу҆се́рднаѧ, ст҃ы́мъ ѻ҆́бразомъ твои́мъ ᲂу҆крѣпи́ла є҆сѝ правосла̑вныѧ въ сме́ртнѣй бра́ни на по́ли кꙋлико́вѣ, зе́млю на́шꙋ ѿ врагѡ́въ спаса́ющи.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ веселѧ́щесѧ, тѧ̀, бцⷣе, велича́емъ.

Въ мі́рѣ правосла́внѣмъ почита́єма и҆мена̀ ва̑ша, страда́льцы до́блїи, за дрꙋ́ги бо своѧ̑ сме́рть прїѧ́ли є҆стѐ. тѣ́мже сщ҃е́нницы ва́мъ покланѧ́ютсѧ, во́ини восхвалѧ́ютъ и҆ всѝ лю́дїе, ра́дꙋющесѧ, согла́снѡ вопїю́тъ: чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀.

Крѣ́пцы на стра̑сти, си́льни на врагѝ ꙗ҆ви́стесѧ, прпⷣбномч҃нцы, схимона́си во́ини прехва́льнїи, зако́ннѡ бо пострада́вше, вѣнца́ми нетлѣ́нными ѿ бг҃а вѣнча́стесѧ.

Крⷭ҇тъ хрⷭ҇то́въ, ꙗ҆́кѡ ѻ҆рꙋ́жїе непобѣди́мое, взе́мше, си́лꙋ дїа́волю ᲂу҆праздни́ли є҆стѐ, и҆ вѣнцы̀ нбⷭ҇ныѧ прїе́мше, предста́телїе крѣ́пцыи на́мъ ꙗ҆ви́лисѧ є҆стѐ.

Бг҃оро́диченъ: Погꙋбѝ навѣ́ты вра̑жїѧ, ꙗ҆̀же на ны̀ воздвиза́ємыѧ, и҆ ра́дости и҆спо́лни ᲂу҆пова́ющихъ на тѧ̀, мт҃и бг҃а вы́шнѧгѡ, да всѝ ᲂу҆се́рднѡ застꙋпле́нїе твоѐ сла́вимъ.

Свѣти́ленъ.

Воѡрꙋжи́вшесѧ во всеѻрꙋ́жїе добродѣ́телей хрⷭ҇то́выхъ, свѣти́льницы мі́рꙋ ꙗ҆ви́стѣсѧ, и҆ ѡ҆полчє́нїѧ вра̑жїѧ низложи́вше, вѣнцы̀ нетлѣ̑нныѧ прїѧ́сте, прпⷣбномч҃нцы хрⷭ҇тѡ́ви а҆леѯа́ндре и҆ а҆ндре́е, терпѣливодꙋ́шнїи.

Сла́ва, и҆ ны́нѣ: Низложѝ влⷣчце, врагѡ́въ на́шихъ шата̑нїѧ, тѧ̀ бо є҆ди́нꙋ и҆́мамы предста́тельницꙋ, и҆ наде́ждꙋ и҆ по́мощь крѣ́пкꙋю. ты̀ на́съ соблюдѝ, пречⷭ҇таѧ, всѧ́кагѡ навѣ́та вра́жїѧ на́съ и҆збавлѧ́ющи.

Алекса́ндр Пересвет, воин

Алек­сандр Ра­до­неж­ский, в ми­ру Пе­ре­свет, был брян­ским бо­яри­ном, опыт­ным рат­ни­ком. Он при­нял мо­на­ше­ский по­стриг с име­нем Алек­сандр.

18 ав­гу­ста 1380 го­да бла­го­вер­ный князь Мос­ков­ский Ди­мит­рий ис­про­сил у пре­по­доб­но­го Сер­гия Ра­до­неж­ско­го бла­го­сло­ве­ние на Ку­ли­ков­скую бит­ву и про­сил так­же дать ему в под­креп­ле­ние двух во­и­нов – бра­тьев Алек­сандра-Пе­ре­све­та и Ан­дрея-Ос­ля­бю. При­зва­ние мо­на­хов-бой­цов име­ло в первую оче­редь ду­хов­ное зна­че­ние. Пре­по­доб­ный Сер­гий дал им "вме­сто тлен­но­го ору­жия нетлен­ное – крест Хри­стов, на­ши­тый на схи­мах, и ве­лел вме­сто зо­ло­че­ных шле­мов воз­ло­жить на се­бя". Пе­ре­дав во­и­нов-схим­ни­ков в рас­по­ря­же­ние кня­зя, пре­по­доб­ный Сер­гий ска­зал им: "Мир вам, бра­тья мои, креп­ко сра­жай­тесь с по­га­ны­ми та­та­ра­ми, как доб­рые во­и­ны, за ве­ру Хри­сто­ву и за все пра­во­слав­ное хри­сти­ан­ство".

По до­ро­ге на бит­ву Алек­сандр-Пе­ре­свет оста­но­вил­ся в ке­ллии от­шель­ни­ка, жив­ше­го на ме­сте бу­ду­ще­го Ди­мит­ри­ев­ско­го мо­на­сты­ря. Об­ла­чив­шись в во­ин­ские до­спе­хи, мо­нах-бо­га­тырь от­дал от­шель­ни­ку свой до­рож­ный по­сох, сде­лан­ный из цель­но­го яб­ло­не­во­го де­ре­ва. С тех пор по­сох сде­лал­ся мест­ной ре­лик­ви­ей.

В день Рож­де­ства Пре­свя­той Бо­го­ро­ди­цы пе­ред на­ча­лом Ку­ли­ков­ской бит­вы Алек­сандр Пе­ре­свет при­нял вы­зов бо­га­ты­ря из вой­ска Ма­мая и всту­пил с ним в еди­но­бор­ство. Во­и­ны уда­ри­лись ко­пья­ми, оба упа­ли с ко­ней и скон­ча­лись. Ни­чей­ный ис­ход по­един­ка явил ду­хов­ную си­лу бла­го­сло­ве­ния пре­по­доб­но­го Сер­гия, во­оду­ше­вил рус­ские вой­ска и стал за­ло­гом их ис­то­ри­че­ской по­бе­ды.

Те­ло пре­по­доб­но­го Алек­сандра-Пе­ре­све­та бы­ло по­гре­бе­но близ церк­ви в честь Рож­де­ства Бо­го­ро­ди­цы "на ста­ром Си­мо­но­ве". Здесь же по­ло­жи­ли те­ло пре­по­доб­но­го Ан­дрея-Ос­ля­би.

По­двиг свя­то­го Алек­сандра-Пе­ре­све­та ста­ли сра­зу ста­ли про­слав­лять в по­вест­во­ва­ни­ях о Ку­ли­ков­ской бит­ве – древ­ней­ший из­вест­ный рас­сказ "О по­бо­и­ще, иже на До­ну", а так­же ле­то­пис­ная "По­весть о Ку­ли­ков­ской бит­ве" со­об­ща­ют о его ги­бе­ли на Ку­ли­ко­вом по­ле. Так­же о ней по­вест­ву­ет и наи­бо­лее пол­ный рас­сказ о схим­ни­ках-во­и­нах Алек­сан­дре и Ан­дрее, из­ло­жен­ный в "Ска­за­нии о Ма­ма­е­вом по­бо­и­ще". Его имя во­шло в ле­то­пис­ные спис­ки уби­ен­ных на Ку­ли­ко­вом по­ле и в си­но­ди­ки.

Вре­мя мест­ной ка­но­ни­за­ции пре­по­доб­ных Алек­сандра и Ан­дрея неиз­вест­но. В XVII ве­ке их име­на бы­ли вне­се­ны в свят­цы. В Ме­ся­це­сло­ве Си­мо­на (Аза­рьи­на) се­ре­ди­ны 1650-х го­дов ска­за­но: "Пре­по­доб­нии стар­цы Алек­сандр и Ро­ди­он, на­ри­ца­е­мии Пе­ре­свет и Ос­ля­бя, иж на Ма­ма­е­ве по­бо­и­щи уби­е­ни бы­ша". В кон­це то­го же ве­ка их име­на как пре­по­доб­но­му­че­ни­ков Мос­ков­ских бы­ли вклю­че­ны в "Опи­са­ние о рос­сий­ских свя­тых". В 1896 го­ду их име­на бы­ли по­ме­ще­ны так­же в "Тро­иц­ком па­те­ри­ке" (в чис­ле "уче­ни­ков и спо­движ­ни­ков прп. Сер­гия, в ме­ся­це­сло­вах не озна­чен­ных").

Со вре­ме­нем над остан­ка­ми пре­по­доб­ных Алек­сандра и Ан­дрея бы­ли устро­е­ны над­гро­бия, ока­зав­ши­е­ся в "па­лат­ке ка­мен­ной под ко­ло­коль­ней". По­сле раз­бор­ки ко­ло­коль­ни над­гро­бия бы­ли уни­что­же­ны, в 1794 го­ду вновь со­ору­же­ны и в XIX ве­ке обу­стро­е­ны при­де­лом.

Хра­нив­ший­ся в ал­та­ре со­бо­ра Ско­пин­ско­го Ди­мит­ри­ев­ско­го мо­на­сты­ря по­сох свя­то­го был в XIX ве­ке уре­зан, а в XX ве­ке изъ­ят и пе­ре­дан ис­то­ри­че­ской экс­по­зи­ции Ря­зан­ско­го го­судар­ствен­но­го ис­то­ри­ко-ху­до­же­ствен­но­го му­зея-за­по­вед­ни­ка. На­тель­ный крест Пе­ре­све­та дол­гое вре­мя на­хо­дил­ся в со­бра­нии кня­зя Ол­суф­ье­ва.

В 1928 го­ду Бо­го­ро­ди­це-Рож­де­ствен­ский храм был за­крыт и ока­зал­ся на тер­ри­то­рии за­во­да «Ди­на­мо». Над­гро­бия бы­ли вновь уни­что­же­ны и сно­ва вос­ста­нов­ле­ны толь­ко по­сле воз­рож­де­ния хра­ма в 1989 го­ду по ини­ци­а­ти­ве из­вест­но­го ху­дож­ни­ка П.Д. Ко­ри­на. Сей­час в хра­ме устро­е­на сень над дву­мя над­гро­би­я­ми, но са­ми остан­ки во вре­мя вос­ста­но­ви­тель­ных ра­бот не на­шли, так как это ме­сто бы­ло на мно­го мет­ров за­бе­то­ни­ро­ва­но. В 2006 го­ду хра­му был пе­ре­дан по­сох Пе­ре­све­та из Ря­зан­ско­го ис­то­ри­ко-ар­хи­тек­тур­но­го му­зея.

В 1981 го­ду име­на свя­тых мо­на­хов-во­и­нов бы­ли вклю­че­ны в со­став Со­бо­ра Ра­до­неж­ских свя­тых. Их па­мять бы­ло опре­де­ле­но от­ме­чать на­ка­нуне празд­ни­ка Рож­де­ства Бо­го­ро­ди­цы (дня Ку­ли­ков­ской бит­вы) – 7 сен­тяб­ря. В 2000 го­ду в честь свя­то­го был на­зван го­род. 

Ис­точ­ник: http://drevo-info.ru

Андре́й Ослябя, воин

Ан­дрей Ра­до­неж­ский, в ми­ру Ос­ля­бя, был лю­бут­ским бо­яри­ном, опыт­ным рат­ни­ком. Он при­нял мо­на­ше­ский по­стриг с име­нем Ан­дрей.

18 ав­гу­ста 1380 го­да бла­го­вер­ный князь Мос­ков­ский Ди­мит­рий ис­про­сил у пре­по­доб­но­го Сер­гия Ра­до­неж­ско­го бла­го­сло­ве­ние на Ку­ли­ков­скую бит­ву и про­сил так­же дать ему в под­креп­ле­ние двух во­и­нов – бра­тьев Алек­сандра-Пе­ре­све­та и Ан­дрея-Ос­ля­бю. При­зва­ние мо­на­хов-бой­цов име­ло в первую оче­редь ду­хов­ное зна­че­ние. Пре­по­доб­ный Сер­гий дал им "вме­сто тлен­но­го ору­жия нетлен­ное – крест Хри­стов, на­ши­тый на схи­мах, и ве­лел вме­сто зо­ло­че­ных шле­мов воз­ло­жить на се­бя". Пе­ре­дав во­и­нов-схим­ни­ков в рас­по­ря­же­ние кня­зя, пре­по­доб­ный Сер­гий ска­зал им: "Мир вам, бра­тья мои, креп­ко сра­жай­тесь с по­га­ны­ми та­та­ра­ми, как доб­рые во­и­ны, за ве­ру Хри­сто­ву и за все пра­во­слав­ное хри­сти­ан­ство".

Во­ин-схим­ник Ан­дрей при­нял уча­стие в ис­то­ри­че­ской бит­ве в день Рож­де­ства Пре­свя­той Бо­го­ро­ди­цы. Воз­мож­но, что он пал в бою.

Од­на­ко по дру­гой вер­сии, он остал­ся в жи­вых и слу­жил Все­рос­сий­ским мит­ро­по­ли­там. В до­ку­мен­тах 1390–1393 го­дов встре­ча­ют­ся упо­ми­на­ния "чер­не­ца Ан­дрея Ос­ля­би" в чис­ле бо­яр мит­ро­по­ли­та всея Ру­си свя­ти­те­ля Ки­при­а­на, "чер­нец Ро­ди­он Ос­ля­бя" на­зван в чис­ле по­слов от ве­ли­ко­го кня­зя в Ца­рь­град в 1398 го­ду, а его сын Ак­инф – в чис­ле бо­яр у свя­ти­те­ля Ки­ев­ско­го Фо­тия в 1425 го­ду. Эти упо­ми­на­ния мо­гут от­но­сить­ся к нему, а мо­гут ука­зы­вать на его род­ствен­ни­ков, тра­ди­ци­он­но нёс­ших служ­бу у мит­ро­по­ли­тов.

Те­ло пре­по­доб­но­го Ан­дрея-Ос­ля­би бы­ло по­гре­бе­но близ церк­ви в честь Рож­де­ства Бо­го­ро­ди­цы "на ста­ром Си­мо­но­ве", ря­дом с те­лом пре­по­доб­но­го Алек­сандра-Пе­ре­све­та.

Ес­ли по­двиг Пе­ре­све­та ста­ли сра­зу ста­ли про­слав­лять в по­вест­во­ва­ни­ях о Ку­ли­ков­ской бит­ве, древ­ней­шие из­вест­ные рас­ска­зы о ней умал­чи­ва­ют об Ос­ля­бе. Его имя не во­шло и в боль­шин­ство ле­то­пис­ных спис­ков уби­ен­ных на Ку­ли­ко­вом по­ле, не на­хо­дит­ся оно и в си­но­ди­ках пав­ших. Лишь "За­дон­щи­на", изо­бра­жа­ю­щая ино­ков-во­и­нов как бы­лин­ных бо­га­ты­рей, го­во­рит о смер­ти в бит­ве не толь­ко Алек­сандра-Пе­ре­све­та, но и Ан­дрея-Ос­ля­би, а так­же его сы­на Иа­ко­ва. О смер­ти в бит­ве Пе­ре­све­та и Ос­ля­би так­же го­во­рит "По­весть о Ма­ма­е­вом по­бо­и­ще".

Вре­мя мест­ной ка­но­ни­за­ции пре­по­доб­ных Алек­сандра и Ан­дрея неиз­вест­но. В XVII ве­ке их име­на бы­ли вне­се­ны в свят­цы. В ме­ся­це­сло­ве Си­мо­на (Аза­рьи­на) се­ре­ди­ны 1650-х го­дов ска­за­но: "Пре­по­доб­нии стар­цы Алек­сандр и Ро­ди­он, на­ри­ца­е­мии Пе­ре­свет и Ос­ля­бя, иж на Ма­ма­е­ве по­бо­и­щи уби­е­ни бы­ша". В кон­це то­го же ве­ка их име­на как пре­по­доб­но­му­че­ни­ков Мос­ков­ских бы­ли вклю­че­ны в "Опи­са­ние о рос­сий­ских свя­тых". В 1896 го­ду их име­на бы­ли по­ме­ще­ны так­же в "Тро­иц­ком па­те­ри­ке" (в чис­ле "уче­ни­ков и спо­движ­ни­ков прп. Сер­гия, в ме­ся­це­сло­вах не озна­чен­ных").

Со вре­ме­нем над остан­ка­ми пре­по­доб­ных Алек­сандра и Ан­дрея бы­ли устро­е­ны над­гро­бия, ока­зав­ши­е­ся в "па­лат­ке ка­мен­ной под ко­ло­коль­ней". По­сле раз­бор­ки ко­ло­коль­ни над­гро­бия бы­ли уни­что­же­ны, в 1794 го­ду вновь со­ору­же­ны и в XIX ве­ке обу­стро­е­ны при­де­лом.

В 1928 го­ду Бо­го­ро­ди­це-Рож­де­ствен­ский храм был за­крыт и ока­зал­ся на тер­ри­то­рии за­во­да «Ди­на­мо». Над­гро­бия бы­ли вновь уни­что­же­ны и сно­ва вос­ста­нов­ле­ны толь­ко по­сле воз­рож­де­ния хра­ма в 1989 го­ду по ини­ци­а­ти­ве из­вест­но­го ху­дож­ни­ка П.Д. Ко­ри­на. Сей­час в хра­ме устро­е­на сень над дву­мя над­гро­би­я­ми, но са­ми остан­ки во вре­мя вос­ста­но­ви­тель­ных ра­бот не на­шли, так как это ме­сто бы­ло на мно­го мет­ров за­бе­то­ни­ро­ва­но.

В 1981 го­ду име­на свя­тых мо­на­хов-во­и­нов бы­ли вклю­че­ны в со­став Со­бо­ра Ра­до­неж­ских свя­тых. Их па­мять бы­ло опре­де­ле­но от­ме­чать на­ка­нуне празд­ни­ка Рож­де­ства Бо­го­ро­ди­цы (дня Ку­ли­ков­ской бит­вы) – 7 сен­тяб­ря. 

Ис­точ­ник: http://drevo-info.ru