Канон святым преподобномученицам Анне и Матроне Алексиевским

Припев: Святы́я преподобному́ченицы А́нно и Матро́но, моли́те Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 14 марта (01 марта ст. ст.)

Глас 8.

Пе́снь 1.

Ирмо́с: Пои́м Го́сподеви, прове́дшему лю́ди Своя́ сквозе́ Чермно́е мо́ре, я́ко Еди́н сла́вно просла́вися.

Приими́те пе́ние, А́нно и Матро́но благосла́вныя, от почита́ющих любо́вию по́стническия и му́ченическия по́двиги ва́ша.

От ю́ности ко Христу́ любо́вию пламене́вша, во оби́тель Алекси́евскую притекли́ есте́, да Еди́ному Бо́гу порабо́таете.

Преподо́бныя А́нно и Матро́но, иму́ща сердца́, моли́твою и слеза́ми очище́нная, по́двиг му́ченический смире́нно прия́сте.

Богоро́дичен: Тебе́ Предста́тельницу иму́ща, Пречи́стая, сла́вныя жены́, посто́м и страда́нием зми́еву держа́ву сокруши́вша, сла́ву Небе́сную обрето́ша.

Пе́снь 3.

Ирмо́с: Ты́ еси́ утвержде́ние притека́ющих к Тебе́, Го́споди, Ты́ еси́ Све́т омраче́нных, и пое́т Тя́ ду́х мо́й.

Во Оте́честве земне́м, безбо́жием помраче́ннем, чу́жды яви́стеся, преподобному́ченицы сла́вныя, оба́че к защи́тнику оби́тели ва́шея, Алекси́ю, челове́ку Бо́жию, те́пле моли́твы возноси́ли есте́, да сподо́бит Госпо́дь Небе́сных оби́телей дости́гнути.

До́блественне Бо́гови порабо́тавша, пло́ти ва́ша со страстьми́ и похотьми́ распя́ли есте́, преподобному́ченицы святы́я, и ду́ши ва́ша любве́ ра́ди Христо́вы не пощади́ли есте́.

Страда́ньми и испове́данием Христа́, святы́я преподобному́ченицы, в селе́ния Небе́сная внидо́сте, те́мже сохраня́йте Ру́сь Святу́ю, оте́чество ва́ше земно́е, в ми́ре и единомы́слии.

Богоро́дичен: Тебе́, Богороди́тельнице, предстоя́т честны́я жены́, поще́нием кре́пко подвиза́вшияся и му́жественне врага́ низложи́вшия.

Седа́лен, гла́с 2:

Но́выя страстоте́рпицы земли́ Ру́сския, му́ченически по́прище земно́е сконча́вшия и страда́ньми дерзнове́ние ко Го́споду стяжа́вшия, моли́теся Ему́, ва́с укре́пльшему, да и мы́, егда́ на́йдет на ны́ ча́с испыта́ния, му́жества да́р Бо́жий восприи́мем.

Богоро́дичен: Пресвята́я Де́во, огради́ и изба́ви на́с от вра́г ви́димых и неви́димых, и от вся́каго зла́, Ты́ бо еси́ на́ша Защи́тница.

Пе́снь 4.

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Алекси́ю, челове́ку Бо́жию, подража́вша, ми́ра и пло́ти мудрова́ния отверго́стеся и, в доброде́телех Христо́вых поуча́ющася, оби́тель ва́шу ди́вно украси́сте и, я́ко кри́ни благоуха́ннии, в не́й процвето́сте.

Препобеди́вша посто́м стра́сти плотски́я, муче́ния стезю́ му́жественне прошли́ есте́ и в Небе́сных селе́ниих водвори́лися есте́, богоблаже́нныя.

Боже́ственную благода́ть прии́мша, преподобному́ченицы А́нно и Матро́но, и стра́х сме́ртный препобеди́вша, любо́вь к Бо́гу да́же до сме́рти сохрани́ли есте́.

Богоро́дичен: Богома́ти Пречи́стая, Госпо́дь от Тебе́ неизрече́нно пло́ть прия́т, сего́ ра́ди же́н естество́, иногда́ под кля́твою бы́вшее, ны́не возвели́чися.

Пе́снь 5.

Ирмо́с: У́тренююще, вопие́м Ти́: Го́споди, спаси́ ны́, Ты́ бо еси́ Бо́г на́ш, ра́зве Тебе́ ино́го, не ве́мы.

От ю́ности Сладча́йшему Жениху́ Христу́ обручи́вшася, моли́твою к Нему́ го́речь страда́ния услажда́ли есте́, и на́с научи́те и́мя Христо́во умо́м и се́рдцем при́сно призыва́ти.

Егда́ вра́г ро́да челове́ча воздви́же во Оте́честве на́шем гоне́ние лю́тое от безбо́жник, тогда́ вы́, святы́я страстоте́рпицы, яви́вша му́жество необори́мое, ору́жием Креста́ Госпо́дня побе́ду восприя́ли есте́.

Всю́ наде́жду на Го́спода возложи́вша, си́лою Ду́ха Свята́го врага́ низложи́ли есте́, в не́мощи бо ва́шей си́ла Бо́жия соверши́ся. И ны́не моли́те за ны́, да не прико́снется на́с зло́ба грехо́вная.

Богоро́дичен: Тебе́, Богороди́тельнице, предстоя́т честны́я жены́, до́блественне Бо́гу порабо́тавшия и кресто́м муче́ния врага́ низложи́вшия.

Пе́снь 6.

Ирмо́с: Ри́зу мне́ пода́ждь све́тлу, одея́йся све́том, я́ко ри́зою, Многоми́лостиве, Христе́ Бо́же на́ш.

Оби́тели и слу́жбы церко́вныя лиши́вшася, сердца́ своя́ хра́мы Бо́га Жива́го соде́лали есте́ и, благода́тию Бо́жиею укрепля́емы, при́сно хвалу́ Го́споду воспева́ли есте́.

Ева́нгелия испове́дницы и Правосла́вия ревни́тельницы, неве́сты чи́стыя Христу́ Бо́гу и украше́ние земли́ на́шея яви́стеся, страстоте́рпицы сла́вныя.

Пучи́ну кро́вных страда́ний проше́дша, святы́я преподобному́ченицы А́нно и Матро́но, Го́спода не отверго́стеся, оба́че, изгна́ния и бе́дствия му́жественне претерпева́юща, непобежде́ны пребы́сте.

Богоро́дичен: Жены́, посто́м и страда́нием Го́споду угоди́вшия, егда́ благоче́стие поноше́нию предаде́ся в стране́ на́шей, ны́не непреста́нно мо́лятся Сы́ну Твоему́, Пречи́стая, да утверди́тся Це́рковь Ру́сская.

Конда́к, гла́с 4:

Я́ко кри́ни багрянови́днии, посреде́ те́рний безбо́жия в земне́м оте́честве ва́шем процвели́ есте́, преподобному́ченицы А́нно и Матро́но честны́я, по́двиги воздержа́ния страда́нием украси́вша, востекли́ есте́ к Небе́сному Жениху́ Христу́, И́же увенча́ вы́ красото́ю сла́вы нетле́нныя.

И́кос:

Ка́ко воспое́м вы́, Це́ркве Ру́сския и оби́тели Алекси́евския похвалу́, достоблаже́нныя преподобному́ченицы А́нно и Матро́но, от ю́ности жите́йская попече́ния отри́нувшия и благу́ю ча́сть и еди́ное на потре́бу избра́вшия, преподо́бие зако́нным муче́нием запечатле́вшия и сего́ ра́ди сподо́бльшияся храни́ти и испо́лнити сло́во Христа́ Бо́га на́шего, И́же увенча́ вы́ красото́ю сла́вы нетле́нныя.

Пе́снь 7.

Ирмо́с: О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.

Го́рькое изгна́ние в кра́й се́верный претерпе́ли есте́, преподо́бныя А́нно и Матро́но, на вся́ком ме́сте и на вся́кий ча́с хвалу́ Бо́гу возсыла́юща.

Ра́дуйся, кра́ю Архангелогоро́дский в после́дняя ле́та мно́гия му́ченики и испове́дники прие́мый, ти́и бо, изгна́ние претерпева́юще, по́двиги свои́ми, я́ко со́лнце, в тебе́ просия́ша, те́плыми моли́твами и слеза́ми покая́ния умягча́юще твое́ суровство́.

Все́ упова́ние на Го́спода возложи́ли есте́, святы́я преподобному́ченицы А́нно и Матро́но, всеце́ло в ру́це Его́ себе́ предаю́ща, и в страда́ниих сре́тивша Христа́, в истка́нную от вы́шния благода́ти оде́жду облеко́стеся.

Богоро́дичен: Я́ко Бо́га ро́ждшую пло́тию, Пречи́стая, нра́вом благоче́стным чти́м Тя́ непреста́нно, вку́пе с честны́ми жена́ми, посто́м просия́вшими и страда́ньми свои́ми врага́ низложи́вшими.

Пе́снь 8.

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Во дни́ гоне́ния безбо́жнаго, я́ко фимиа́м благово́нный, принесо́сте Го́споду моли́твы и по́двиги ва́ша, преподобному́ченицы сла́вныя, ны́не же на ме́сте страда́ний ва́ших Безкро́вная Же́ртва Бо́гу прино́сится и торжеству́ет Це́рковь земна́я и Небе́сная.

Во тьме́ грехо́вней, зе́млю на́шу пости́гшей, испове́данием Христа́ возсия́ли есте́, святы́я преподобному́ченицы А́нно и Матро́но, те́мже мо́лим ва́с, просвети́те на́с све́том благода́ти Бо́жия.

Егда́ благоче́стие во Оте́честве на́шем оскуде́, тогда́ попусти́ Госпо́дь гоне́ние лю́тое и потеко́ша ре́ки кро́ве христиа́нския. Моли́те у́бо о на́с, святы́я новому́ченицы, да пребу́дем ве́рни Христу́ Спаси́телю на́шему до сконча́ния ве́ка.

Богоро́дичен: С новому́ченики и испове́дники Це́ркве Ру́сския, Пречи́стая, и все́ми святы́ми жена́ми умоли́ Еди́наго во святы́х Почива́ющаго сохрани́ти зе́млю на́шу, славосло́вящую Тя́ во вся́ ве́ки.

Пе́снь 9.

Ирмо́с: Ужасе́ся о се́м Не́бо, и земли́ удиви́шася концы́, я́ко Бо́г яви́ся челове́ком пло́тски и чре́во Твое́ бы́сть простра́ннейшее Небе́с. Те́м Тя́, Богоро́дицу, А́нгелов и челове́к чинонача́лия велича́ют.

В послуша́ние обле́кшася, воня́ми доброде́телей оби́тель Алекси́евскую облагоуха́ли есте́, те́м воспева́ем святу́ю па́мять ва́шу, неве́сты Христо́вы прекра́сныя. Моли́те о на́с Христа́ Человеколю́бца, да омы́ет ми́ром благода́ти ду́ши на́ша и услади́т я́ росо́ю любве́.

У́зы Христо́вы восприе́мша, да́же до сме́рти за Го́сподем после́довали есте́, новому́ченицы сла́вныя, гони́телей лю́тых не убоя́вшася. Моли́те у́бо Влады́ку Христа́ о спасе́нии ду́ш на́ших.

Ча́шу страда́ний на земли́ испи́вша, ра́дость ве́лию на Небесе́х прия́ли есте́, иде́же ны́не ликовству́ете в невече́рнем дни́ Ца́рствия Бо́жия.

Богоро́дичен: Тебе́, Всепе́тую Влады́чицу, я́ко Всецари́цу, Христу́ Царю́ предстоя́щую, вку́пе с преподобному́ченицами А́нною и Матро́ною досто́йно велича́ем.

Свети́лен:

Светле́ется дне́сь Це́рковь Ру́сская по́двиги ва́шими, святы́я новому́ченицы, и сла́вит Христа́, Со́лнце Пра́вды, от Де́вы Возсия́вшаго. Мы́ же со умиле́нием вопие́м: моли́твами преподо́бному́чениц А́нны и Матро́ны просвети́ ны́, Го́споди, во тьме́ грехо́вней су́щия.

Сла́ва, и ны́не: Не преста́й, Де́во Богоро́дице, моли́ти о на́с Сы́на Твоего́, Человеколю́бца Бо́га на́шего, на Тя́ бо наде́жду возлага́ем и Твои́м предста́тельством избавля́емся от бе́д, и страсте́й, и прегреше́ний, и боле́зней.

Пѣ́снь а҃.

І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ.

Прїими́те пѣ́нїе, а҆́нно и҆ матрѡ́но бл҃госла̑вныѧ, ѿ почита́ющихъ любо́вїю по́стничєскїѧ и҆ мчн҃чєскїѧ по́двиги ва́шѧ.

Ѿ ю҆́ности ко хрⷭ҇тꙋ̀ любо́вїю пламенѣ́вшѧ, во ѻ҆би́тель а҆леѯі́евскꙋю притеклѝ є҆стѐ, да є҆ди́номꙋ бг҃ꙋ порабо́таете.

Прпⷣбныѧ а҆́нно и҆ матрѡ́но, и҆мꙋ́щѧ сердца̀, мл҃твою и҆ слеза́ми ѡ҆чищє́ннаѧ, по́двигъ мч҃нческїй смире́ннѡ прїѧ́сте.

Бг҃оро́диченъ: Тебѐ предста́тельницꙋ и҆мꙋ́щѧ, пречⷭ҇таѧ, сла̑вныѧ жєны̀, посто́мъ и҆ страда́нїемъ ѕмі́евꙋ держа́вꙋ сокрꙋши́вшѧ, сла́вꙋ нбⷭ҇нꙋю ѡ҆брѣто́ша.

Пѣ́снь г҃.

І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й.

Во ѻ҆те́чествѣ земнѣ́мъ, безбо́жїемъ помраче́ннѣмъ, чꙋ̑жды ꙗ҆ви́стѣсѧ, прпⷣбномч҃нцы сла̑вныѧ, ѻ҆ба́че къ защи́тникꙋ ѻ҆би́тели ва́шеѧ, а҆леѯі́ю, человѣ́кꙋ бж҃їю, те́плѣ мл҃твы возноси́ли є҆стѐ, да сподо́битъ гдⷭ҇ь нбⷭ҇ныхъ ѻ҆би́телей дости́гнꙋти.

До́блественнѣ бг҃ови порабо́тавшѧ, плѡ́ти ва́шѧ со страстьмѝ и҆ похотьмѝ распѧ́ли є҆стѐ, прпⷣбномч҃нцы ст҃ы̑ѧ, и҆ дꙋ́шы ва́шѧ любвѐ ра́ди хрⷭ҇то́вы не пощади́ли є҆стѐ.

Страда́ньми и҆ и҆сповѣ́данїемъ хрⷭ҇та̀, ст҃ы̑ѧ прпⷣбномч҃нцы, въ селє́нїѧ нбⷭ҇наѧ внидо́сте, тѣ́мже сохранѧ́йте рꙋ́сь ст҃ꙋ́ю, ѻ҆те́чество ва́ше земно́е, въ ми́рѣ и҆ є҆диномы́слїи.

Бг҃оро́диченъ: Тебѣ̀, бг҃ороди́тельнице, предстоѧ́тъ чтⷭ҇ны̑ѧ жєны̀, поще́нїемъ крѣ́пкѡ подвиза́вшыѧсѧ и҆ мꙋ́жественнѣ врага̀ низложи́вшыѧ.

Сѣда́ленъ, гла́съ в҃:

Нѡ́выѧ стрⷭ҇тотє́рпицы землѝ рꙋ́сскїѧ, мч҃нчески по́прище земно́е сконча́вшыѧ и҆ страда́ньми дерзнове́нїе ко гдⷭ҇ꙋ стѧжа́вшыѧ, моли́тесѧ є҆мꙋ̀, ва́съ ᲂу҆крѣ́пльшемꙋ, да и҆ мы̀, є҆гда̀ на́йдетъ на ны̀ ча́съ и҆спыта́нїѧ, мꙋ́жества да́ръ бж҃їй воспрїи́мемъ.

Бг҃оро́диченъ: Прест҃а́ѧ дв҃о, ѡ҆градѝ и҆ и҆зба́ви на́съ ѿ вра̑гъ ви́димыхъ и҆ неви́димыхъ, и҆ ѿ всѧ́кагѡ ѕла̀, ты́ бо є҆сѝ на́ша защи́тница.

Пѣ́снь д҃.

І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀.

А҆леѯі́ю, человѣ́кꙋ бж҃їю, подража́вшѧ, мі́ра и҆ пло́ти мꙋдрова́нїѧ ѿверго́стесѧ, и҆ въ добродѣ́телехъ хрⷭ҇то́выхъ поꙋча́ющѧсѧ, ѻ҆би́тель ва́шꙋ ди́внѡ ᲂу҆краси́сте, и҆ ꙗ҆́кѡ крі́ни бл҃гоꙋха́ннїи, въ не́й процвѣто́сте.

Препобѣди́вшѧ посто́мъ стра̑сти плотскі̑ѧ, мꙋче́нїѧ стезю̀ мꙋ́жественнѣ прошлѝ є҆стѐ и҆ въ нбⷭ҇ныхъ селе́нїихъ водвори́лисѧ є҆стѐ, бг҃обл҃жє́нныѧ.

Бжⷭ҇твеннꙋю бл҃года́ть прїи́мшѧ, прпⷣбномч҃нцы а҆́нно и҆ матрѡ́но, и҆ стра́хъ сме́ртный препобѣди́вшѧ, любо́вь къ бг҃ꙋ да́же до сме́рти сохрани́ли є҆стѐ.

Бг҃оро́диченъ: Бг҃омт҃и пречⷭ҇таѧ, гдⷭ҇ь ѿ тебє̀ неизрече́ннѡ пло́ть прїѧ́тъ, сегѡ̀ ра́ди же́нъ є҆стество̀, и҆ногда̀ под̾ клѧ́твою бы́вшее, ны́нѣ возвели́чисѧ.

Пѣ́снь є҃.

І҆рмо́съ: Оу҆́тренююще вопїе́мъ тѝ, гдⷭ҇и, сп҃сѝ ны̀: ты́ бо є҆сѝ бг҃ъ на́шъ, ра́звѣ тебє̀ и҆но́гѡ не вѣ́мы.

Ѿ ю҆́ности сладча́йшемꙋ женихꙋ̀ хрⷭ҇тꙋ̀ ѡ҆брꙋчи́вшѧсѧ, мл҃твою къ немꙋ̀ го́речь страда́нїѧ ᲂу҆слажда́ли є҆стѐ, и҆ на́съ наꙋчи́те и҆́мѧ хрⷭ҇то́во ᲂу҆мо́мъ и҆ се́рдцемъ при́снѡ призыва́ти.

Є҆гда̀ вра́гъ ро́да человѣ́ча воздви́же во ѻ҆те́чествѣ на́шемъ гоне́нїе лю́тое ѿ безбѡ́жникъ, тогда̀ вы̀, ст҃ы̑ѧ стрⷭ҇тотє́рпицы, ꙗ҆ви́вшѧ мꙋ́жество неѡбори́мое, ѻ҆рꙋ́жїемъ крⷭ҇та̀ гдⷭ҇нѧ побѣ́дꙋ воспрїѧ́ли є҆стѐ.

Всю̀ наде́ждꙋ на гдⷭ҇а возложи́вшѧ, си́лою дх҃а ст҃а́гѡ врага̀ низложи́ли є҆стѐ, въ не́мощи бо ва́шей си́ла бж҃їѧ соверши́сѧ. и҆ ны́нѣ моли́те за ны̀, да не прико́снетсѧ на́съ ѕло́ба грѣхо́внаѧ.

Бг҃оро́диченъ: Тебѣ̀, бг҃ороди́тельнице, предстоѧ́тъ чтⷭ҇ны̑ѧ жєны̀, до́блественнѣ бг҃ꙋ порабо́тавшыѧ и҆ крⷭ҇то́мъ мꙋче́нїѧ врага̀ низложи́вшыѧ.

Пѣ́снь ѕ҃.

І҆рмо́съ: Ри́зꙋ мнѣ̀ пода́ждь свѣ́тлꙋ, ѡ҆дѣѧ́йсѧ свѣ́томъ ꙗ҆́кѡ ри́зою, многомлⷭ҇тиве хрⷭ҇тѐ бж҃е на́шъ.

Ѻ҆би́тели и҆ слꙋ́жбы цр҃ко́вныѧ лиши́вшѧсѧ, сердца̀ своѧ̑ хра́мы бг҃а жива́гѡ содѣ́лали є҆стѐ, и҆ бл҃года́тїю бж҃їею ᲂу҆крѣплѧ́ємы, при́снѡ хвалꙋ̀ гдⷭ҇ꙋ воспѣва́ли є҆стѐ.

Е҆ѵⷢ҇лїа и҆сповѣ̑дницы и҆ правосла́вїѧ ревни́тєльницы, невѣ̑сты чи̑стыѧ хрⷭ҇тꙋ̀ бг҃ꙋ и҆ ᲂу҆краше́нїе землѝ на́шеѧ ꙗ҆ви́стѣсѧ, стрⷭ҇тотє́рпицы сла̑вныѧ.

Пꙋчи́нꙋ кро́вныхъ страда́нїй проше́дшѧ, ст҃ы̑ѧ прпⷣбномч҃нцы а҆́нно и҆ матрѡ́но, гдⷭ҇а не ѿверго́стесѧ, ѻ҆ба́че и҆згна̑нїѧ и҆ бѣ̑дствїѧ мꙋ́жественнѣ претерпѣва́ющѧ, непобѣждє́ны пребы́сте.

Бг҃оро́диченъ: Жєны̀, посто́мъ и҆ страда́нїемъ гдⷭ҇ꙋ ᲂу҆годи́вшыѧ, є҆гда̀ бл҃гоче́стїе поноше́нїю предаде́сѧ въ странѣ̀ на́шей, ны́нѣ непреста́ннѡ мо́лѧтсѧ сн҃ꙋ твоемꙋ̀, пречⷭ҇таѧ, да ᲂу҆тверди́тсѧ цр҃ковь рꙋ́сскаѧ.

Конда́къ, гла́съ д҃:

Ꙗ҆́кѡ крі́ни багрѧнови́днїи, посредѣ̀ те́рнїй безбо́жїѧ въ земнѣ́мъ ѻ҆те́чествѣ ва́шемъ процвѣлѝ є҆стѐ, прпⷣбномч҃нцы а҆́нно и҆ матрѡ́но чтⷭ҇ны̑ѧ, по́двиги воздержа́нїѧ страда́нїемъ ᲂу҆краси́вшѧ, востеклѝ є҆стѐ къ нбⷭ҇номꙋ женихꙋ̀ хрⷭ҇тꙋ̀, и҆́же ᲂу҆вѣнча̀ вы̀ красото́ю сла́вы нетлѣ́нныѧ.

І҆́косъ:

Ка́кѡ воспое́мъ вы̀, цр҃кве рꙋ́сскїѧ и҆ ѻ҆би́тели а҆леѯі́евскїѧ похвалꙋ̀, достобл҃жє́нныѧ прпⷣбномч҃нцы а҆́нно и҆ матрѡ́но, ѿ ю҆́ности житє́йскаѧ попечє́нїѧ ѿри́нꙋвшыѧ и҆ бл҃гꙋ́ю ча́сть и҆ є҆ди́ное на потре́бꙋ и҆збра́вшыѧ, преподо́бїе зако́ннымъ мꙋче́нїемъ запечатлѣ́вшыѧ и҆ сегѡ̀ ра́ди сподо́бльшыѧсѧ храни́ти и҆ и҆спо́лнити сло́во хрⷭ҇та̀ бг҃а на́шегѡ, и҆́же ᲂу҆вѣнча̀ вы̀ красото́ю сла́вы нетлѣ́нныѧ.

Пѣ́снь з҃.

І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки.

Го́рькое и҆згна́нїе въ кра́й сѣ́верный претерпѣ́ли є҆стѐ, прпⷣбныѧ а҆́нно и҆ матрѡ́но, на всѧ́комъ мѣ́стѣ и҆ на всѧ́кїй ча́съ хвалꙋ̀ бг҃ꙋ возсыла́ющѧ.

Ра́дꙋйсѧ, кра́ю а҆рхангелогоро́дскїй въ послѣ̑днѧѧ лѣ̑та мнѡ́гїѧ мч҃нки и҆ и҆сповѣ́дники прїе́мый, ті́и бо, и҆згна́нїе претерпѣва́юще, пѡ́двиги свои́ми, ꙗ҆́кѡ со́лнце, въ тебѣ̀ просїѧ́ша, те́плыми мл҃твами и҆ слеза́ми покаѧ́нїѧ ᲂу҆мѧгча́юще твоѐ сꙋровство̀.

Всѐ ᲂу҆пова́нїе на гдⷭ҇а возложи́ли є҆стѐ, ст҃ы̑ѧ прпⷣбномч҃нцы а҆́нно и҆ матрѡ́но, всецѣ́лѡ въ рꙋ́цѣ є҆гѡ̀ себѐ предаю́щѧ, и҆ въ страда́нїихъ срѣ́тившѧ хрⷭ҇та̀, въ и҆стка́ннꙋю ѿ вы́шнїѧ бл҃года́ти ѻ҆де́ждꙋ ѡ҆блеко́стесѧ.

Бг҃оро́диченъ: Ꙗ҆́кѡ бг҃а ро́ждшꙋю пло́тїю, пречⷭ҇таѧ, нра́вомъ бл҃гоче́стнымъ чти́мъ тѧ̀ непреста́ннѡ, вкꙋ́пѣ съ чтⷭ҇ны́ми жена́ми, посто́мъ просїѧ́вшими и҆ страда́ньми свои́ми врага̀ низложи́вшими.

Пѣ́снь и҃.

І҆рмо́съ: Седмери́цею пе́щь, халде́йскїй мꙋчи́тель, бг҃очести̑вымъ неи́стовнѡ разжжѐ, си́лою же лꙋ́чшею сп҃сє́ны сїⷤ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всⷤ вѣ́ки.

Во дни̑ гонє́нїѧ безбо́жнагѡ, ꙗ҆́кѡ ѳѷмїа́мъ бл҃гово́нный, принесо́сте гдⷭ҇ꙋ мл҃твы и҆ по́двиги ва́шѧ, прпⷣбномч҃нцы сла̑вныѧ, ны́нѣ же на мѣ́стѣ страда́нїй ва́шихъ безкро́внаѧ же́ртва бг҃ꙋ прино́ситсѧ и҆ торжествꙋ́етъ цр҃ковь земна́ѧ и҆ нбⷭ҇наѧ.

Во тьмѣ̀ грѣхо́внѣй, зе́млю на́шꙋ пости́гшей, и҆сповѣ́данїемъ хрⷭ҇та̀ возсїѧ́ли є҆стѐ, ст҃ы̑ѧ прпⷣбномч҃нцы а҆́нно и҆ матрѡ́но, тѣ́мже мо́лимъ ва́съ, просвѣти́те на́съ свѣ́томъ бл҃года́ти бж҃їѧ.

Є҆гда̀ бл҃гоче́стїе во ѻ҆те́чествѣ на́шемъ ѡ҆скꙋдѣ̀, тогда̀ попꙋстѝ гдⷭ҇ь гоне́нїе лю́тое и҆ потеко́ша рѣ́ки кро́ве хрⷭ҇тїа́нскїѧ. моли́те ᲂу҆́бѡ ѡ҆ на́съ, ст҃ы̑ѧ новомч҃нцы, да пребꙋ́демъ вѣ́рни хрⷭ҇тꙋ̀ сп҃си́телю на́шемꙋ до сконча́нїѧ вѣ́ка.

Бг҃оро́диченъ: Съ новомч҃нки и҆ и҆сповѣ̑дники цр҃кве рꙋ́сскїѧ, пречⷭ҇таѧ, и҆ всѣ́ми ст҃ы́ми жена́ми ᲂу҆молѝ є҆ди́наго во ст҃ы́хъ почива́ющаго сохрани́ти зе́млю на́шꙋ, славосло́вѧщꙋю тѧ̀ во всⷤ вѣ́ки.

Пѣ́снь ѳ҃.

І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ: тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ.

Въ послꙋша́нїе ѡ҆бле́кшѧсѧ, вонѧ́ми добродѣ́телей ѻ҆би́тель а҆леѯі́евскꙋю ѡ҆бл҃гоꙋха́ли є҆стѐ, тѣ́мъ воспѣва́емъ ст҃ꙋ́ю па́мѧть ва́шꙋ, невѣ̑сты хрⷭ҇тѡ́вы прекра̑сныѧ. моли́те ѡ҆ на́съ хрⷭ҇та̀ чл҃вѣколю́бца, да ѡ҆мы́етъ мѵ́ромъ бл҃года́ти дꙋ́шы на́шѧ и҆ ᲂу҆слади́тъ ѧ҆̀ росо́ю любвѐ.

Оу҆́зы хрⷭ҇тѡ́вы воспрїе́мшѧ, да́же до сме́рти за гдⷭ҇емъ послѣ́довали є҆стѐ, новомч҃нцы сла̑вныѧ, гони́телей лю́тыхъ не ᲂу҆боѧ́вшѧсѧ. моли́те ᲂу҆́бѡ влⷣкꙋ хрⷭ҇та̀ ѡ҆ сп҃се́нїи дꙋ́шъ на́шихъ.

Ча́шꙋ страда́нїй на землѝ и҆спи́вшѧ, ра́дость ве́лїю на нб҃сѣ́хъ прїѧ́ли є҆стѐ, и҆дѣ́же ны́нѣ ликовствꙋ́ете въ невече́рнемъ дни̑ црⷭ҇твїѧ бж҃їѧ.

Бг҃оро́диченъ: Тебѐ, всепѣ́тꙋю влⷣчцꙋ, ꙗ҆́кѡ всецр҃и́цꙋ, хрⷭ҇тꙋ̀ цр҃ю̀ предстоѧ́щꙋю, вкꙋ́пѣ съ прпⷣбномч҃нцами а҆́нною и҆ матрѡ́ною досто́йнѡ велича́емъ.

Свѣти́ленъ:

Свѣтлѣ́етсѧ дне́сь цр҃ковь рꙋ́сскаѧ пѡ́двиги ва́шими, ст҃ы̑ѧ новомч҃нцы, и҆ сла́витъ хрⷭ҇та̀, сл҃нце пра́вды, ѿ дв҃ы возсїѧ́вшаго. мы̀ же со ᲂу҆миле́нїемъ вопїе́мъ: мл҃твами прпⷣбномч҃нцъ а҆́нны и҆ матрѡ́ны просвѣтѝ ны̀, гдⷭ҇и, во тьмѣ̀ грѣхо́внѣй сꙋ́щыѧ.

Сла́ва, и҆ ны́нѣ: Не преста́й, дв҃о бцⷣе, моли́ти ѡ҆ на́съ сн҃а твоего̀, чл҃вѣколю́бца бг҃а на́шего, на тѧ̀ бо наде́ждꙋ возлага́емъ и҆ твои́мъ предста́тельствомъ и҆збавлѧ́емсѧ ѿ бѣ́дъ, и҆ страсте́й, и҆ прегрѣше́нїй, и҆ болѣ́зней.

А́нна Макандина

Пре­по­доб­но­му­че­ни­ца Ан­на ро­ди­лась 5 но­яб­ря 1892 го­да в се­ле Кон­стан­ти­но­во Алек­сан­дров­ско­го уез­да Вла­ди­мир­ской гу­бер­нии в се­мье кре­стья­ни­на Алек­сея Ма­кан­ди­на. Ан­на окон­чи­ла сель­скую шко­лу; в 1914 го­ду она по­сту­пи­ла по­слуш­ни­цей в Алек­се­ев­ский мо­на­стырь в Москве, рас­по­ла­гав­ший­ся на Верх­ней Крас­но­сель­ской ули­це. В оби­те­ли она ис­пол­ня­ла по­слу­ша­ние на кухне. В 1924 го­ду мо­на­стырь был без­бож­ной вла­стью за­крыт, и по­слуш­ни­ца Ан­на по­се­ли­лась вме­сте с мо­на­хи­ня­ми мо­на­сты­ря на квар­ти­ре, где они в сво­ей жиз­ни со­хра­ня­ли мо­на­ше­ские пра­ви­ла и устав, за­ра­ба­ты­вая на про­пи­та­ние ши­тьем оде­ял.
В 1930 го­ду вла­сти при­ня­ли ре­ше­ние об аре­сте всех на­сель­ни­ков и на­сель­ниц за­кры­тых мо­на­сты­рей, и 28 де­каб­ря 1930 го­да по­слуш­ни­ца Ан­на бы­ла аре­сто­ва­на. На во­про­сы сле­до­ва­те­ля о том, со­сто­я­ла ли она в по­ли­ти­че­ских пар­ти­ях, с кем жи­вет и чем за­ни­ма­ет­ся, по­слуш­ни­ца Ан­на от­ве­ти­ла, что в по­ли­ти­че­ских пар­ти­ях не со­сто­я­ла и не со­сто­ит. Пра­ва го­ло­са ли­ше­на как мо­на­стыр­ская. Вме­сте с ней жи­вет ее род­ная сест­ра и еще три мо­на­стыр­ских сест­ры. Все они за­ни­ма­ют­ся ши­тьем оде­ял. «За­ни­ма­е­мую на­ми квар­ти­ру ни­кто не по­се­щал, — ска­за­ла она. — Зна­ком­ства ни с кем не ве­ли. До­ба­вить к по­ка­за­ни­ям ни­че­го не мо­гу»[1].
По­сле окон­ча­ния до­про­са сле­до­ва­тель объ­явил Анне Алек­се­евне, что она при­вле­ка­ет­ся к от­вет­ствен­но­сти в ка­че­стве об­ви­ня­е­мой в ан­ти­со­вет­ской аги­та­ции.
11 ян­ва­ря 1931 го­да бы­ло со­став­ле­но об­ви­ни­тель­ное за­клю­че­ние по де­лу, в ко­то­ром со­труд­ник ОГПУ на­пи­сал: «При­вле­чен­ные по дан­но­му де­лу об­ви­ня­е­мые, быв­шие мо­на­хи лик­ви­ди­ро­ван­ных мо­на­сты­рей и под­во­рий... жи­вя ско­пи­ща­ми, за­ни­ма­лись ак­тив­ной ан­ти­со­вет­ской де­я­тель­но­стью, вы­ра­жа­ю­щей­ся в ор­га­ни­за­ции неле­галь­ных ан­ти­со­вет­ских “братств” и “сест­ри­честв”, ока­за­нии по­мо­щи ссыль­ным еди­но­мыш­лен­ни­кам... ан­ти­со­вет­ской аги­та­ции о ре­ли­ги­оз­ных го­не­ни­ях, чи­ни­мых со­вет­ской вла­стью, и рас­про­стра­не­нии все­воз­мож­ных про­во­ка­ци­он­ных слу­хов сре­ди на­се­ле­ния; квар­ти­ры их яв­ля­лись убе­жи­щем для вся­ко­го ро­да контр­ре­во­лю­ци­он­но­го эле­мен­та»[2].
Осо­бое Со­ве­ща­ние при Кол­ле­гии ОГПУ при­го­во­ри­ло по­слуш­ни­цу Ан­ну к трем го­дам ссыл­ки в Ар­хан­гель­скую об­ласть. В 1934 го­ду, по окон­ча­нии ссыл­ки, она вер­ну­лась на ро­ди­ну в се­ло Кон­стан­ти­но­во.
22 фев­ра­ля 1938 го­да Ан­на Алек­се­ев­на бы­ла аре­сто­ва­на по об­ви­не­нию «в рас­про­стра­не­нии про­во­ка­ци­он­ных слу­хов о ско­ром па­де­нии со­вет­ской вла­сти» и за­клю­че­на сна­ча­ла в тюрь­му в го­ро­де За­гор­ске, а по­том в Москве.
Лже­сви­де­те­ли по­ка­за­ли, буд­то она го­во­ри­ла, что это Гос­подь так на­ка­зы­ва­ет: ком­му­ни­сты ор­га­ни­зо­ва­ли кол­хо­зы, пра­во­слав­ных огра­би­ли и те­перь они ра­бо­та­ют день и ночь за­да­ром, все идет в поль­зу ком­му­ни­стов — из-за то­го, что лю­ди от­рек­лись от Бо­га и ве­ру­ют ан­ти­хри­сту. Пра­во­слав­ным луч­ше бро­сить ра­бо­тать и ид­ти в цер­ковь мо­лить­ся Бо­гу.
— Об­ви­ня­е­мая Ма­кан­ди­на, за что вы аги­ти­ро­ва­ли на­се­ле­ние в ок­тяб­ре 1937 го­да? — спро­сил сле­до­ва­тель.
— В ок­тяб­ре я ра­бо­та­ла на по­ден­ной ра­бо­те. Я вспо­ми­наю слу­чай, ко­гда мы, вме­сте несколь­ко че­ло­век, шли с ра­бо­ты до­мой. Раз­го­вор был о том, что в кол­хо­зах ста­ло жить луч­ше, что со­вет­ская власть да­ла кол­хоз­ни­кам счаст­ли­вую жизнь. Это бы­ла част­ная бе­се­да, но про­тив со­вет­ской вла­сти я ни­ко­гда не го­во­ри­ла.
— Об­ви­ня­е­мая Ма­кан­ди­на, вы при­зна­е­те се­бя ви­нов­ной в ан­ти­со­вет­ской аги­та­ции, ко­то­рую ве­ли в де­каб­ре 1937 го­да сре­ди кол­хоз­ни­ков?
— В де­каб­ре я ра­бо­та­ла вме­сте с дру­ги­ми. Мы ру­би­ли ка­пу­сту. Раз­го­вор был о войне. Я го­во­ри­ла, что на нас идет япо­нец, но так как со­вет­ская власть ста­ла силь­на, то вой­ны не до­пу­стят; но что ка­са­ет­ся раз­го­во­ров про­тив со­вет­ской вла­сти, то я их не ве­ла.
— Об­ви­ня­е­мая Ма­кан­ди­на, что вы го­во­ри­ли в но­яб­ре 1937 го­да кол­хоз­ни­кам, стоя у сво­е­го до­ма?
— Я точ­но не пом­ню в ка­ком ме­ся­це, но с кол­хоз­ни­ка­ми ве­че­ром у мо­е­го до­ма был раз­го­вор. Го­во­ри­ли, что те­перь, про­тив ца­риз­ма, ста­ло жить всем луч­ше, на­ло­ги ста­ли неболь­шие, все­го ста­ло боль­ше. А кро­ме это­го ни­че­го не го­во­ри­ли, а я боль­шую часть вре­ме­ни на­хо­жусь до­ма.
— Об­ви­ня­е­мая Ма­кан­ди­на, при­зна­е­те ли вы се­бя ви­нов­ной в том, что опош­ля­е­те во­ждей пар­тии и пра­ви­тель­ства?
— Я к со­вет­ской вла­сти враж­деб­но не на­стро­е­на, я до­воль­на со­вет­ской вла­стью... и ви­нов­ной се­бя в ан­ти­со­вет­ской аги­та­ции не при­знаю.
На этом до­про­сы бы­ли за­кон­че­ны. 8 мар­та 1938 го­да трой­ка НКВД при­го­во­ри­ла Ан­ну к рас­стре­лу. По­слуш­ни­ца Ан­на Ма­кан­ди­на бы­ла рас­стре­ля­на 14 мар­та 1938 го­да и по­гре­бе­на в об­щей без­вест­ной мо­ги­ле на по­ли­гоне Бу­то­во под Моск­вой.


Игу­мен Да­мас­кин (Ор­лов­ский)

«Жи­тия но­во­му­че­ни­ков и ис­по­вед­ни­ков Рос­сий­ских ХХ ве­ка. Март».
Тверь. 2006. С. 32-35


При­ме­ча­ния

[1] ЦА ФСБ Рос­сии. Д. Н-6656. Т. 3, л. 11.

[2] Там же. Т. 11, л. 326-327.

Ис­точ­ник: http://www.fond.ru/

Матро́на Макандина

Ро­ди­лась свя­тая пре­по­доб­но­му­че­ни­ца Мат­ро­на, в ми­ру Мат­ро­на Алек­се­ев­на Ма­кан­ди­на, в 1889 го­ду в се­ле Кон­стан­ти­но­во Алек­сан­дров­ско­го уез­да Вла­ди­мир­ской гу­бер­нии в се­мье кре­стья­ни­на. В 1910 го­ду по­сту­пи­ла по­слуш­ни­цей в мос­ков­ский Алек­се­ев­ский мо­на­стырь. По­сле за­кры­тия оби­те­ли она вме­сте с дру­ги­ми на­сель­ни­ца­ми за­кры­тых без­бож­ной вла­стью мо­на­сты­рей, жи­ла на квар­ти­ре, со­хра­няя мо­на­ше­ский устав. 28 де­каб­ря 1930 го­да по­слуш­ни­ца Мат­ро­на бы­ла аре­сто­ва­на и за­клю­че­на в Бу­тыр­скую тюрь­му. На до­про­сах го­во­ри­ла, что вна­ча­ле от­но­си­лась к со­вет­ской вла­сти без­раз­лич­но, но по­том ста­ла от­но­сить­ся от­ри­ца­тель­но, по­то­му что эта власть "за­кры­ва­ет мо­на­сты­ри и не да­ет слу­жить Бо­гу", а ста­рая власть бы­ла луч­ше. 8 фев­ра­ля 1931 го­да пре­по­доб­но­му­че­ни­ца Мат­ро­на бы­ла при­го­во­ре­на к трем го­дам ссыл­ки в Ар­хан­гель­скую об­ласть, от­бы­ва­ла ссыл­ку в го­ро­де Пи­не­га. По окон­ча­нии ссыл­ки, в 1934 го­ду вер­ну­лась на ро­ди­ну в се­ло Кон­стан­ти­но­во. 26 фев­ра­ля 1938 го­да по­слуш­ни­ца Мат­ро­на вновь бы­ла аре­сто­ва­на по об­ви­не­нию «си­сте­ма­ти­че­ской контр­ре­во­лю­ци­он­ной аги­та­ции и ак­тив­ной про­па­ган­де». Ви­нов­ной она се­бя не при­зна­ла. 8 мар­та 1938 го­да трой­ка НКВД по Мос­ков­ской об­ла­сти при­го­во­ри­ла её к рас­стре­лу за "рас­пус­ка­ние контр­ре­во­лю­ци­он­ных слу­хов о ско­ром па­де­нии Со­вет­ской вла­сти".

Му­че­ни­че­скую кон­чи­ну по­слуш­ни­ца Мат­ро­на при­ня­ла 14 мар­та 1938 го­да на Бу­тов­ском по­ли­гоне под Моск­вой вме­сте со сво­ей сест­рой ино­ки­ней Ан­ной.

На за­се­да­нии Свя­щен­но­го Си­но­да Рус­ской Пра­во­слав­ной Церк­ви от 21 ав­гу­ста 2007 г. при­ня­то ре­ше­ние при­чис­лить пре­по­доб­но­му­че­ни­цу Мат­ро­ну к ли­ку но­во­му­че­ни­ков и ис­по­вед­ни­ков Рос­сий­ских.

Ис­точ­ник: http://www.hram-ks.ru/