Каноны святому преподобному Варлааму Пенежскому

Припев: Преподо́бне о́тче Варлаа́ме, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 02 июля (19 июня ст. ст.)

Глас 1.

Пе́снь 1.

Ирмо́с: Твоя́ победи́тельная десни́ца боголе́пно в кре́пости просла́вися: та́ бо, Безсме́ртне, я́ко всемогу́щая проти́вныя сотре́, изра́ильтяном пу́ть глубины́ новосоде́лавшая.

Творя́й пресла́вная, Христе́, и ди́вная, очи́стив мно́гая моя́ согреше́ния, осия́й в души́ мое́й све́т ра́зума моли́твами уго́дника Твоего́ Варлаа́ма, да в па́мять его́ принесу́ духо́вную пе́снь.

Твои́х даро́в исправле́нии ве́сь ми́р обогати́ся, от присносу́щнаго исто́чника моще́й твои́х прие́млюще духо́вная от неду́г исцеле́ния, те́мже ра́достною душе́ю, блаже́нне, тя́ почита́ем.

Твоя́ моли́твы взыдо́ша, о́тче, на Не́бо, две́ри ра́йския отверзо́ша ти́, Престо́лу Госпо́дню предста́виша тя́, иде́же с ли́ки святы́х А́нгел сла́виши Тро́ицу Несозда́нную.

Богоро́дичен: Воспое́м, вси́ ве́рнии, Преди́вную Де́ву, Христа́, Присносу́щнаго Живота́, вселе́нней возсия́вшу и ра́дости вся́кия ми́р испо́лнившу.

И́н. гла́с 6-й.

Ирмо́с: Я́ко по су́ху, пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Сле́з твои́х и воздыха́ний я́ко испо́лнено житие́ твое́, о́тче, разсмотри́в земну́ю сла́ву и че́сть, я́ко не су́шу презре́л еси́, Христа́ еди́наго возлюби́л еси́ и Тому́ после́дова в преподо́бии и пра́вде.

Сло́во Бо́жие, ева́нгельски рече́нное, во у́м прие́м, бога́тство тле́нное оплева́в, нетле́нное блаже́нство насле́дова, иде́же святы́х ли́ки непреста́нно веселя́тся.

В сие́ песносло́вие вня́т, о́тче Варлаа́ме, моли́, о́тче, Изба́вителя, я́ко оте́ц чадолюби́в, оставле́ние грехо́в на́ших дарова́ти на́м, сла́вящим па́мять твою́.

Богоро́дичен: Преми́лостиваго Бо́га, Всемилосе́рдая Ма́ти Де́во Мари́е, умоли́, Влады́чице, я́ко Сы́на Своего́ и Бо́га, бу́дущих му́к изба́вится и́же ма́лое сие́ любо́вию прине́сшему.

Пе́снь 3.

Ирмо́с: Да утверди́тся се́рдце мое́ в во́ли Твое́й, Христе́ Бо́же, И́же над вода́ми Не́бо утвержде́й второ́е и основа́вый на вода́х зе́млю, Всеси́льне.

Да вкорени́тся в тя́ зача́ло прему́дрости – стра́х Госпо́день, хра́мы Бо́жия премно́ги созида́л еси́, к ни́щим ми́лование неща́дно име́л еси́ и сего́ ра́ди в нерукотворе́нных хра́мех при́сно ра́дуешися.

Непрело́жно рабо́тати Бо́гови возжела́л еси́, всю́ свою́ плотску́ю во́лю до конца́ умертви́л еси́ и, я́ко А́нгел бы́в, а́нгельскую жи́знь, блаже́нне, насле́дова.

Не восхоте́, блаже́нне, земны́я сла́вы, но со Христо́м бы́ти изво́лив, до́м и сро́дник свои́х оста́вил еси́, те́м ны́не со А́нгелы на Небесе́х ликовству́еши.

Богоро́дичен: Зна́юще, благоче́стно пропове́даем Тя́ вои́стинну Бо́жию Ма́терь, Тобо́ю на́м Созда́тель прибли́житися сподо́би.

И́н.

Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.

Жела́я, блаже́нне, Присносу́щный Све́т, сна́ свои́ма очи́ма не да́л еси́, ни поко́я телеси́, до́ндеже получи́л еси́ непрестае́мую о́ную блаже́нную ра́дость.

Сле́з твои́х тече́нием, мно́жеством воздыха́ний пучи́ну страсте́й преплы́л еси́, окормля́емь Святы́м Ду́хом, приста́нища Небе́снаго дости́гл еси́.

Мое́ неисправле́ние и сла́бость нра́ва, грехопа́дну ду́шу прови́дев, блаже́нне, наста́ви мя́ покая́ния путе́м, да, тобо́ю исправля́емь, воспою́ твою́ па́мять.

Богоро́дичен: Спасти́ восхоте́в челове́ка на поле́зное, я́ко Человеколю́бец, Госпо́дь в Твою́ всели́ся утро́бу, Богома́ти, неопи́санно.

Седа́лен, гла́с 8.

Скоромину́щее жития́ сего́ и тле́ющее бога́тство, я́ко пра́х, вмени́л еси́, на духо́вную жи́знь преложи́л себе́ и, на враги́ боре́ние поста́вив, взыгра́ния пло́ти умертви́л еси́, все́м я́ко Боже́ствен бы́в, от Бо́га обогати́ся пресла́вных чуде́с дарова́нием, Его́же моли́, Варлаа́ме, грехо́в оставле́ние дарова́ти на́м, чту́щим любо́вию святу́ю па́мять твою́.

Богоро́дичен: Предста́тельнице ве́рным, Богороди́тельнице, скорбя́щим ра́досте, пла́чущим Уте́шительнице, И́же от Тебе́ ро́ждшагося. Бо́га па́че естества́, Влады́чице, моли́ изба́вити настоя́щих зо́л и бу́дущих му́к и́же Тебе́, Богоро́дицу, и́стинно испове́дающих.

Пе́снь 4.

Ирмо́с: Ду́хом прови́дя, проро́че Авваку́ме, Словесе́ воплоще́ние, пропове́дал еси́, вопия́: внегда́ прибли́житися ле́том – позна́ешися, внегда́ приити́ вре́мени – пока́жешися, Сла́ва си́ле Твое́й, Го́споди.

Огне́м любве́ Бо́жия распали́вся, о́тче, я́ко до́бр купе́ц, вся́ своя́ оста́вив, в чужи́х страна́х прише́льствова, взыску́я Бо́га, Его́же обре́т, искупи́л еси́ Ца́рство Небе́сное.

Проразуме́в бу́дущая, я́ко настоя́щая, не пощаде́ пло́ти своея́ во умерщвле́ние по́мысла, но, вра́г бы́в телеси́ своему́, вмести́лище бы́сть Свято́му Ду́ху.

Воздержа́нием кра́йним пло́ть умертви́в, ду́шу свою́ оживи́л еси́. Те́м я́ко к жи́зни рачи́тель прия́т Небе́сное Ца́рство.

Богоро́дичен: Неизрече́нно зачала́ еси́, Богоневе́сто, Спа́са и Го́спода, избавля́ющаго на́с от лю́тых, и́же Тя́ вои́стинну призыва́ющих.

И́н.

Ирмо́с: Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи, от смы́сла чи́ста о Го́споде пра́зднующи.

Упова́нием, е́же на Бо́га, вооружи́ себе́, в броня́ пра́вды облече́ся, ору́жием моли́тв твои́х пресе́кл еси́ де́монская по́лчища, блаже́нне.

Влады́це все́х и Бо́гу на Небесе́х предстои́ши, те́мже твое́ свято́е те́ло, во гро́бе лежа́ще, ве́рно тя́ чту́щим да́рует исцеле́ние.

На умоле́ние ра́б твои́х приклони́ у́хо твое́, блаже́нне, и изба́ви от настоя́щих бе́д и скорбе́й ве́рныя лю́ди, во бране́х посо́бие те́м да́руя.

Богоро́дичен: Изба́ви настоя́щих бе́д, и напа́стей, и собла́зн, Влады́чице, рабо́в Свои́х, и тьмы́ грехо́вныя, я́коже Све́т ро́ждшая на́м Невече́рний.

Пе́снь 5.

Ирмо́с: Просвети́вый сия́нием прише́ствия Твоего́, Христе́, и освети́вый Кресто́м Твои́м ми́ра концы́, сердца́ просвети́ све́том Твоего́ Богоразу́мия правосла́вно пою́щих Тя́.

Провозсия́вшему на Кресте́ на́с ра́ди во́лею, блаже́нне, я́ко после́дова, со страстьми́ и похотьми́ распе́н себе́ ми́рови, те́м, я́ко вне́ ми́ра бы́в, све́т ми́ру бы́л еси́.

Я́ко Богопросвеще́нный рачи́тель святы́х, во и́мя Госпо́дня ученика́ прече́стен до́м воздви́гл еси́, в не́мже тобо́ю Бо́г при́сно сла́вим е́сть.

Невестоводи́тель благоприя́тен бы́сть, о́тче: и́ноков ду́ши, я́ко неве́сты чи́сты, Бо́гови приведе́, с ни́миже о на́с моли́ся непреста́нно.

Богоро́дичен: Поро́ждшая Све́т, И́же от Отца́ пре́жде ве́к возсия́вшаго, просвети́ ду́шу мою́, грехо́вным мра́ком омраче́нную, да при́сно сла́влю Твою́ бла́гость.

И́н.

Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Стезю́ Небе́сную ше́ствовав, те́сным путе́м и приско́рбным простра́нство Небе́сное дости́гл еси́, отону́дуже пресла́вными чудесы́ все́х удивля́еши.

В блаже́нство бу́дущее взира́я, слеза́ми лани́ты своя́ омочи́в, све́т безстра́стия бы́л еси́, те́мже тя́, блаже́нне, воспева́ем.

Богода́нная ти́ благода́ть прослу́та все́м сотвори́ тебе́, известву́я коне́ц достоприя́тия моли́тв твои́х, те́мже, о́тче, моли́ спасти́ пою́щих тя́.

Богоро́дичен: Ма́ти Бо́жия Де́во, души́ моея́ лю́тую я́зву исцели́, серде́чную боле́знь утоли́ и ра́дости испо́лни, да при́сно сла́влю Тя́, ра́б Тво́й, Богороди́тельнице.

Пе́снь 6.

Ирмо́с: Обы́де на́с после́дняя бе́здна, не́сть избавля́яй, вмени́хомся, я́ко о́вцы заколе́ния, спаси́ лю́ди Твоя́, Бо́же на́ш, Ты́ бо кре́пость немощству́ющих и исправле́ние.

В бе́здну щедро́т Бо́жиих пове́рг себе́, Богому́дре, жите́йских мо́лв пучи́ну препла́вая, духо́вными ве́тры обурева́ем, на о́н пу́ть бу́дущаго ве́ка, блаже́нне, всели́лся еси́.

Боже́ственною укрепля́емь си́лою, вся́ кова́рства лука́ваго победи́л еси́, те́м, я́ко окрила́тев умо́м, ду́хом на Не́бо возлете́л еси́, чу́дне.

Благонра́вие твое́ душе́вное и незло́бивое мудрова́ние и́ноков ду́ши к Бо́гу приведе́, и́хже, я́ко оте́ц чадолюби́вый, посеща́ти не оста́ви.

Богоро́дичен: Гла́с Арха́нгелов вопие́м Ти́, Влады́чице Богоро́дице: ра́дуйся, Две́ре Бо́жия непроходи́мая; ра́дуйся, О́блаче, е́же Пра́вды Со́лнце на́м возсия́.

И́н.

Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти́: возведи́ от тли́ живо́т мо́й, Многоми́лостиве.

Сла́ву, ю́же от челове́к, презре́в, Варлаа́ме, Бо́жию взыска́л еси́, те́м со А́нгелы пребыва́я, ра́дости наслажда́ешися непрестаю́щия.

Зако́ну Бо́жию поуча́яся, тяготу́ и ва́р дневны́й поне́сл еси́, те́м ра́вну мзду́ прия́т от Бо́га, и́же от нача́ла ве́ка до конца́ труди́вшихся.

Благода́рно вопие́т оби́тель твоя́, Богому́дре, сожи́теля и совсе́льника тя́ име́я, и, хва́лящися, созыва́ет все́х на испове́дание чуде́с твои́х.

Богоро́дичен: Отча́яния бе́здна глубины́ грехо́вныя в пучи́ну а́да низведе́ ду́шу мою́, от нея́же изми́, Влады́чице, ру́ку ми́ по́мощи подаю́щи, я́коже Петро́ви Бо́г и Сы́н Тво́й.

Конда́к, гла́с 8.

Я́ко звезда́ светоза́рная, от Вели́каго Новагра́да прише́д, в чужи́х, я́ко в за́падных страна́х, за́йде, от восто́к чуде́с, я́ко со́лнце, возсия́, те́мже, и́же во тьме́ и се́ни сме́ртней, в неду́зех лежа́щий, све́т исцеле́ния от тебе́ прие́млюще, с на́ми, ча́ды твои́ми, непреста́нно вопию́т ти́: ра́дуйся, Богому́дре Варлаа́ме, о́тче на́ш.

И́кос:

Христо́вых повеле́ний послу́шатель бы́в нело́жный, непоро́чным житие́м твои́м святы́х А́нгел удиви́л еси́, те́мже и мы́, зря́ще прему́дрых твои́х трудо́в исправле́ния, ра́достне вопие́м ти́: ра́дуйся, чи́стый сосу́де Свята́го Ду́ха; ра́дуйся, А́нгелов собесе́дниче и бесо́в прогони́телю; ра́дуйся, сто́лпе пресве́тлый и свети́ло целому́дрия; ра́дуйся, похвало́ оте́честву твоему́ и Вели́кому Новугра́ду; ра́дуйся, я́ко моли́твами твои́ми сопроти́вныя побежда́ются; ра́дуйся, ве́рным лю́дем похвало́ и утвержде́ние. Те́мже моли́твами твои́ми сохрани́ ны́ от вра́г ненаве́тны, да зове́м ти́: ра́дуйся, Богому́дре Варлаа́ме, о́тче на́ш.

Пе́снь 7.

Ирмо́с: Тебе́, у́мную, Богоро́дице, пе́щь, разсмотря́ем, ве́рнии, я́коже бо о́троки спасе́ три́ Превозноси́мый, ми́р обнови́, во чре́ве Твое́м всеце́л, хва́льный отце́в Бо́г и препросла́влен.

Тебе́, Го́сподеви моли́тву творя́щу и Пречи́стую Его́ Ма́терь со слеза́ми моля́щу, гла́с А́нгельский с Небе́с слы́шан бы́сть, показу́ющ ти́, блаже́нне, Бо́жие на ме́сте се́м благоволе́ние.

В поще́ниих непрекло́нное, во искуше́ниих неосла́бное, в терпе́ниих неотсту́пное име́л еси́ стяжа́ние, те́м нетле́нными венцы́ от Бо́га венча́лся еси́.

Непреста́нно моли́, Варлаа́ме о́тче на́ш, о ста́де свое́м, его́же трудолю́бно собра́л еси́, и спаси́ и́же тя́ на моли́тву призыва́ющих и плоды́ принося́щих любо́вию.

Богоро́дичен: Ка́пля благоче́стная, Я́же от Тебе́ Ро́ждшаяся, ми́р освяти́, Богоро́дице Де́во, ка́плю ми́ ми́лости источи́, освяща́ющи ду́ши и помышле́ния земны́х.

И́н.

Ирмо́с: Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же оте́ц на́ших.

Творцу́ все́х и Бо́гу благоуго́ден яви́ся, доброде́тельми, я́ко крила́ми, на Не́бо возлете́ и та́мо Трисо́лнечным Све́том просвеща́ешися, при́сно веселя́ся.

Преоби́дев тле́нная бога́тства, Небе́сная стяжа́л еси́, те́мже и́же ве́рою ко гро́бу твоему́ притека́ющим подае́ши ско́рое исцеле́ние.

И ниже́ жи́ти кроме́ Христа́ изво́лил еси́, но всю́ свою́ ду́шу в Того́ любо́вь простре́, у Него́же насле́дил еси́ жела́нное тебе́ блаже́нство.

Богоро́дичен: Раби́ Твои́, Влады́ко, на моли́тву Чи́стую Ма́терь Твою́ предлага́ем, от вся́каго обстоя́ния лю́ди Твоя́ изба́ви, пою́щия: оте́ц на́ших Бо́же, благослове́н еси́.

Пе́снь 8.

Ирмо́с: В пещи́ о́троцы Изра́илевы, я́коже в горни́ле, добро́тою благоче́стия чисте́е зла́та блеща́хуся, глаго́люще: благослови́те, вся́ дела́ Госпо́дня, Го́спода и превозноси́те во вся́ ве́ки.

В пещи́ искуше́ния, я́ко зла́то, искуси́вся, о́тче, чистоте́ храни́тель бы́сть, с не́ю же Бо́га узре́в, со А́нгелы ликовству́еши.

Со́весть твоя́, о́тче, зерца́ло бы́сть бу́дущих, те́м, земны́х возгнуша́вся, на Небе́сная потща́лся еси́, и́хже получи́в, помина́й пою́щих тя́.

Ни́щих ми́лованием и странноприя́тием неоску́дным Авраа́му в ло́но дости́гл еси́, от Боже́ственных же сокро́вищ исто́чник чуде́с, о́тче, излива́еши.

Богоро́дичен: Еди́на су́щи Блага́я, Преблаго́е Сло́во умоли́ приле́жно настоя́щаго гне́ва и паде́ния все́м изба́вится, Богоро́дице Чи́стая, мо́лимся.

И́н.

Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя́ превозно́сим во вся́ ве́ки.

От священнонача́льника Вели́кия Це́ркве я́ко благослове́н бы́в, обе́ты Бо́гови возда́л еси́, во ангелоле́пное подо́бие облече́ себе́, богоуго́дно поживе́, наста́вник бы́в и́ноком.

Виногра́да Христо́ва пресла́док гро́зд бы́л еси́, Богому́дре, изгнете́н боле́зньми и труды́, сла́дость от свята́го твоего́ гро́ба источа́еши ве́рно чту́щим тя́.

Сказа́ иногда́ настоя́телю оби́тели твоея́ не получи́ти ему́ Небе́снаго Ца́рствия, а́ще не сотвори́т ми́лости убо́гим, о́н же, сотвори́в тобо́ю повеле́нная, проще́ния получи́ о согреше́ниих его́.

Богоро́дичен: Хра́м Тя́, Влады́чице, Бо́жий ви́дяще, вопие́м: ви́ждь озлобле́ния на́ша и в хра́ме Твое́м руце́ нечи́стей, дви́жимей на мольбу́, пода́ждь по́мощь.

Пе́снь 9.

Ирмо́с: О́браз чи́стаго рождества́ Твоего́ огнепали́мая купина́ показа́ неопа́льная; и ны́не на на́с напа́стей свире́пеющую угаси́ти, мо́лимся, пе́щь, да Тя́, Богоро́дице, непреста́нно велича́ем.

У́м сво́й поста́вил еси́ влады́ку, облада́юща по́мыслы, те́м, я́ко царя́ страсте́м, Христо́с венча́л тя́ е́сть нетле́нным дарова́нием, пресели́вшуся от земны́х на Небе́сная.

Блаже́нство нетле́нно прия́т, я́ко а́нгельское поживе́ житие́, о земны́х небре́г, к Го́рним преста́вися, Варлаа́ме, предста́тель к Бо́гу бу́ди о на́с, тя́ блажа́щих.

И́же твою́ па́мять усе́рдно творя́щим, настоя́щих бе́д, о́тче, изба́ви и бу́дущих изми́ му́к, да тя́, я́ко те́пла засту́пника, ублажа́ем при́сно.

Богоро́дичен: Спа́са Изба́вителя, Бо́га все́х и Го́спода, ро́ждши, на́м пло́тию прибли́жившагося, спаси́, Пречи́стая, призыва́ющих Тя́ от бе́д, Влады́чице.

И́н.

Ирмо́с: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́же велича́юще, с Небе́сными во́и Тя́ ублажа́ем.

Ни в ины́х да́льних страна́х пребыва́ние, ни чужезе́мных озлобле́ния, устраши́ тебе́, о Богому́дре; на вся́ко показа́в потща́ние, блага́я она́ Небе́сная восприя́л еси́.

От многопреле́стнаго жития́ сего́ к ве́чным оби́телем преста́вися, в за́поведех бо Госпо́дних де́нь и но́щь поуча́яся, ре́ки чуде́с и по сме́рти пролива́еши ве́рно, блаже́нне, чту́щим тя́.

От гре́шнаго твоего́ раба́, от скве́рныя души́ приими́ сие́ моле́ние, Варлаа́ме о́тче, не возгнуша́йся, но отра́ду испроси́ на́м в Де́нь Су́дный.

Богоро́дичен: Взыва́ем вси́ Тебе́, и́стинней Ма́тери Бо́жией: прогне́вавшия рабы́ изба́ви належа́щих зо́л и ве́чных му́к, Еди́на Ты́ к Сы́ну Своему́ дерзнове́ние и́маши.

Свети́лен:

Све́том Христо́вым по вселе́нней просия́в, я́ко со́лнце, чудесы́ ве́сь ми́р просвеща́еши, те́м, я́ко Христо́в во́ин непобеди́м, безпло́тных враго́в ополче́ния до́блественне низложи́л еси́, на Небесе́х мзду́ прия́т трудо́в свои́х, Варлаа́ме о́тче на́ш, Христа́ моли́ спасти́ся душа́м пою́щих тя́.

Богоро́дичен: Прему́дрость соста́вную, и Сло́во Присносу́щное, и Врача́ все́м – Христа́ ро́ждши, Де́во, гное́ния и я́звы души́ моея́ исцели́ лю́тыя и многовре́дныя и се́рдца моего́ уста́ви стра́стныя помышле́ния.

Краткое житие преподобного Варлаама Пинежского, Важского

В ми­ру – Ва­си­лий. Он был од­ним из бо­га­тей­ших лю­дей Ве­ли­ко­го Нов­го­ро­да и, вла­дея За­во­ло­чьем, очень лю­бил этот край. Он за­вел здесь хле­бо­па­ше­ство, а до это­го чудь до­бы­ва­ла про­пи­та­ние толь­ко охо­той и лов­лею ры­бы и вы­ми­ра­ла от бо­лез­ней. Свя­той мно­го тра­тил средств для про­све­ще­ния на­ро­да, по­стро­ил «Пи­неж­ский го­ро­док», по­став­лен­ный над ре­кой Пи­неж­кой, ко­то­рая впа­да­ла в ре­ку Ва­гу в 16 вер­стах ни­же Шен­кур­ска.

По за­по­ве­ди Спа­си­те­ля на­чаль­ство­вал он чест­но и нена­ви­дел неправ­ду, пи­тал си­рот, оде­вал на­гих, ле­чил боль­ных и упо­ко­и­вал стран­ни­ков. На бе­ре­гу Ва­ги по­стро­ил мно­го хра­мов, а в 1444 г. ос­но­вал ино­че­скую оби­тель в честь еван­ге­ли­ста Иоан­на Бо­го­сло­ва и мно­го средств упо­тре­бил на ее бла­го­укра­ше­ние.

Лю­бя мо­лит­ву и ища спа­се­ния, он оста­вил и су­е­ту, и бо­гат­ство, и де­тей, и же­ну и по­сту­пил в со­здан­ную им Бо­го­слов­скую оби­тель. Мо­на­ше­ство при­нял с име­нем Вар­ла­ам. Все­це­ло пре­дал­ся ино­че­ским по­дви­гам мо­лит­вы и по­ста и в 1462 г. в глу­бо­кой ста­ро­сти ото­шел ко Гос­по­ду. По смер­ти он яв­лял­ся ино­кам сво­ей оби­те­ли и уве­ще­вал да­вать ще­д­рую ми­ло­сты­ню и все раз­да­вать бед­ным во вре­мя го­ло­да. При гро­бе пре­по­доб­но­го Вар­ла­а­ма мно­го боль­ных и сле­пых по­лу­чи­ли ис­це­ле­ние.

Полное житие преподобного Варлаама Пинежского, Важского

Пре­по­доб­ный Вар­ла­ам Важ­ский, Шен­кур­ский, в ми­ру Ва­си­лий Сте­па­но­вич Свое­зем­цев, нов­го­род­ский по­сад­ник – один их бо­га­тей­ших лю­дей Ве­ли­ко­го Нов­го­ро­да. Древ­ний по­вест­во­ва­тель пи­шет о нем: «По­сад­ник Ва­си­лий по на­след­ству (“из оте­че­ства”) вла­дел За­во­ло­чьем; р. Ва­га со все­ми ее окрест­но­стя­ми бы­ла в его вла­де­нии». По дру­гим све­де­ни­ям, дед Ва­си­лия Сте­па­но­ви­ча Ва­си­лий Мат­ве­е­вич Сво­е­зем­цев, нов­го­род­ский по­сад­ник, по куп­чей кре­по­сти 1315 г. при­об­рел у чуд­ских стар­шин зем­ли Шен­кур­ские до Ро­стов­ских гра­ниц. Ва­си­лий Сте­па­но­вич пер­вый за­вел на Ва­ге хле­бо­па­ше­ство; до то­го вре­ме­ни чудь пи­та­лась лов­лей зве­рей и ры­бы. Он скла­ды­вал огром­ные сред­ства свои для поль­зы ди­кой стра­ны и осо­бен­но уде­лял вни­ма­ние на нрав­ствен­ное об­ра­зо­ва­ние ее жи­те­лей. Сам жи­вя в Нов­го­ро­де, пи­шет по­вест­во­ва­тель жи­тия его, по­сы­лал он в За­во­ло­чье упра­ви­те­лей, а по вре­ме­нам и сам бы­вал на Ва­ге для лич­ных рас­по­ря­же­ний и над­зо­ра за управ­ле­ни­ем до­ве­рен­ных. Он лю­бил Ва­гу. По этой люб­ви по­стро­ил он в За­во­ло­чье, на го­ре над р. Ва­гой, го­ро­док и на­звал его «Пи­неж­ским го­род­ком», как по­став­лен­ный над ре­кой Пи­неж­кой. То­гда го­род­ки по­лу­ча­ли име­на по ре­кам и уро­чи­щам, за­ме­ча­ет древ­ний по­ве­ство­ва­тель. Пи­неж­ка впа­да­ет в р. Ва­гу в 16-ти вер­стах ни­же Шен­кур­ска. В Нов­го­ро­де Ва­си­лий, про­дол­жа­ет по­вест­во­ва­тель, на­чаль­ство­вал чест­но и нена­ви­дел все ху­дое. Ис­пол­няя за­по­ведь Спа­си­те­ля, он был пи­та­те­лем си­рот, одеж­дою на­гим, вра­чом боль­ных, в до­ме его на­хо­ди­ли се­бе по­кой все стран­ни­ки. Осо­бен­но же рас­то­чал он бла­го­тво­ре­ния свои на лю­би­мой Ва­ге. Он по­стро­ил здесь мно­го хра­мов. Им бы­ли по­стро­е­ны хра­мы Рож­де­ства Хри­сто­ва на Хи­ма­не­ве, храм Рож­де­ства Бо­го­ро­ди­цы на Усть-Пуе, храм Рож­де­ства Пред­те­чи на Ле­де.

По осо­бо­му Бо­жье­му вну­ше­нию, в 1444 го­ду ос­но­вал Ва­си­лий Сте­па­но­вич на Ва­ге ино­че­скую оби­тель в честь еван­ге­ли­ста Иоан­на. Оби­те­ли сво­ей он дал мно­го зе­мель, утвер­див свои по­жерт­во­ва­ния гра­мо­та­ми. Так, из­вест­ны гра­мо­ты, ко­то­ры­ми в 1452 го­ду на­зна­че­ны бы­ли три се­ла с зем­ля­ми в поль­зу Бо­го­слов­ской оби­те­ли, и в тех же гра­мо­тах ви­дим игу­ме­на оби­те­ли Се­ра­пи­о­на.

По ле­то­пи­сям ви­дим, что на Ва­ге при всей люб­ви сво­ей к лю­дям Ва­си­лий Сте­па­­но­вич вы­нуж­ден бы­вал брать­ся за ору­жие для усми­ре­ния ди­ка­рей – во­гу­лов и остя­ков, на­па­дав­ших на его по­се­ле­ния. Не раз по­сад­ник Ва­си­лий Сте­па­но­вич яв­лял­ся по­слом от Нов­го­ро­да к ве­ли­ким кня­зьям, и имя его встре­ча­ет­ся в важ­ней­ших для ис­то­рии Нов­го­ро­да до­ку­мен­тах 1446–1456 го­дах.

Ва­си­лий Сте­па­но­вич соб­ствен­ным опы­том уве­рил­ся, что де­ла ми­ра – толь­ко тре­во­ги и су­е­та, и со­всем уда­лил­ся из шум­но­го Нов­го­ро­да в лю­би­мый Важ­ский край. При­го­то­вив ду­шу к по­дви­гам са­мо­от­ре­че­ния де­ла­ми бла­го­тво­ри­тель­но­сти и глу­бо­ко чув­ствуя пу­сто­ту мир­ской жиз­ни, Ва­си­лий Сте­па­но­вич по­сту­пил в ос­но­ван­ную им Бо­го­слов­скую оби­тель. Ва­си­лий, пи­шет древ­ний по­вест­во­ва­тель, оста­вив же­ну и де­тей, сам по­се­ля­ет­ся в оби­те­ли еван­ге­ли­ста и при­ни­ма­ет мо­на­ше­ство с име­нем Вар­ла­а­ма. Ино­че­ская жизнь его бы­ла весь­ма стро­га: сми­ре­ни­ем и по­слу­ша­ни­ем он ста­вил се­бя ни­же всех, как буд­то не был ос­но­ва­те­лем оби­те­ли и вла­дель­цем бо­га­тых зе­мель. Сколь­ко зна­ме­нит был за огра­дой оби­те­ли, столь­ко в оби­те­ли в одеж­де ино­ка ста­рал­ся быть из­вест­ным од­ни­ми ино­чес­ки­ми по­дви­га­ми. Вер­ный Вла­ды­ке сво­е­му раб, он ра­бо­тал ему каж­дый день со всем усер­ди­ем, упраж­ня­ясь в по­сте и мо­лит­вах. До­стиг­ши глу­бо­кой ста­ро­сти, он мир­но скон­чал­ся 19 июня 1462 го­да. На­ка­нуне пре­став­ле­ния он за­ве­щал кор­мить в мо­на­сты­ре бед­ных и раз­да­вать хлеб.

В 1552 го­ду слу­чил­ся боль­шой раз­лив ре­ки Ва­ги. И в преж­ние го­ды во вре­мя ве­сен­не­го по­ло­во­дья раз­ли­вав­ша­я­ся во­да под­мы­ва­ла часть го­ры, на ко­то­рой на­хо­ди­лось мо­на­стыр­ское клад­би­ще. В этот же год, пе­ред днем па­мя­ти бла­жен­но­го Вар­ла­а­ма, ко­гда в оби­тель со­бра­лось мно­же­ство бо­го­моль­цев, ото­рва­лась часть го­ры с са­мой вер­ши­ны, так что ед­ва уце­лел храм. То­гда от­кры­лось мно­го гро­бов, в том чис­ле гроб пре­по­доб­но­го Вар­ла­а­ма. Мо­щи прп. Вар­ла­а­ма ока­за­лись со­вер­шен­но це­лы, да­же ино­че­ские одеж­ды его и гроб не ис­тле­ли, то­гда как в дру­гом гро­бе совре­мен­ном уви­де­ли прах. По­сле об­ре­те­ния мо­щи свя­то­го по­движ­ни­ка про­сла­ви­лись мно­ги­ми чу­де­са­ми. Впо­след­ствии свя­тые мо­щи бы­ли по­ло­же­ны в Бо­го­слов­ской церк­ви под спу­дом.

Празд­но­ва­ние ему уста­нов­ле­но в 1613 го­ду. Све­де­ния о жиз­ни пре­по­доб­но­го Вар­ла­а­ма хра­ни­лись в мо­на­сты­ре в ви­де от­дель­ных за­пи­сей, на ос­но­ва­нии ко­то­рых инок Ан­то­ни­е­ва Сий­ско­го мо­на­сты­ря Иона в 1589 го­ду на­пи­сал его жи­тие. В 1630 го­ду со­став­лен ка­нон пре­по­доб­но­му Вар­ла­а­му.