Каноны святому преподобномученику Макарию Каневскому, Овручскому (на перенесение мощей)

Припев: Преподобному́чениче Макáрие, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 26 мая (13 мая ст. ст.); 20 сентября (07 сентября ст. ст.)

Глас 5.

Пе́снь 1.

Ирмо́с: Спаси́телю Бо́гу, в мо́ри лю́ди немо́крыми нога́ми наста́вльшему и фарао́на со всево́инством пото́пльшему, Тому́ Еди́ному пои́м, я́ко просла́вися.

Мака́рия честну́ю па́мять ка́ко воспою́, гре́шен сы́й и устне́ нечи́стыя имы́й? Но помози́ ми́ сие́ соверши́ти, Христе́, презира́я моя́ прегреше́ния и подава́я сло́во усто́м мои́м.

Ада́мова зла́го нра́ва, непослуша́нием кля́тву ми́рови наве́дшаго, бе́гая, Мака́рие о́тче святы́й, от мла́да во́зраста послуша́нию обучи́тися тща́лся еси́.

Ко хра́му Бо́жию, о́трок сы́й, приходя́, моли́твою же и благода́тию церко́вною освяща́яся, в жили́ще Го́споду себе́ очища́л еси́.

Богоро́дичен: Се́ вре́мя наста́ моего́ уны́ния, воста́ни, Пречи́стая Влады́чице, и пода́ждь ми́ ру́ку, Ты́ бо ми́р Боже́ственнаго весе́лия испо́лнила еси́.

И́н, гла́с 4.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма Амали́кову си́лу в пусты́ни победи́л е́сть.

Све́т от Све́та, Христе́ Бо́же, от Отца́ пре́жде ве́к рожде́йся и искони́ Сы́й со Отце́м и Ду́хом, мра́к души́ моея́ отгна́в, озари́ у́м мо́й, молю́ся, я́ко да возмогу́ пе́ти Твоего́ уго́дника, Мака́рия свяще́ннаго.

Бога́тыми сия́нии Ду́ха облия́й светоно́сный се́й и честны́й пра́здник тво́й чту́щия, страсте́й мглы́ изба́ви и напа́стей, преподобному́чениче Мака́рие.

Му́чеников све́тло обогати́л еси́ благосла́вие Боже́ственное, па́стырскими укра́шся добро́тами и обагри́в кро́вию свяще́ннаго страда́ния твоего́ одея́ние, Богоблаже́нне.

Разори́в вра́жия многоплете́нныя ко́зни у́зами страда́ний твои́х, неде́йственна сего́ пове́ргл еси́ на зе́млю, Мака́рие, и нога́ми твои́ми попра́л еси́.

Испо́лнен сы́й благода́ти, испо́лнен и ра́зума Бо́жия, име́л еси́ в тебе́ живу́щую Ду́ха Боже́ственную си́лу, Богому́дре, ея́же ра́ди, я́ко со́лнце, просия́л еси́, просвеща́я ве́рныя.

Богоро́дичен: Естество́м Соде́теля родила́ еси́, на́с обожи́вшаго па́че ума́ соедине́нием и́стинным, Богоро́дице Пресвята́я, Его́же приле́жно моли́ просвети́ти пою́щия Тя́.

Пе́снь 3.

Ирмо́с: Си́лою Креста́ Твоего́, Христе́, утверди́ мое́ помышле́ние, во е́же пе́ти и сла́вити спаси́тельное Твое́ Вознесе́ние.

А́ще не Госпо́дь сози́ждет до́м, всу́е труди́шася зи́ждущии. Си́м глаго́лом псалмопе́вца после́дуя, о́тче Мака́рие, ю́ностное самонаде́яние отлага́я, по́мощи Бо́жия в де́лех и по́двизех взыска́л еси́.

Ре́вность духо́вную от ю́ности показу́я, еди́ну от пе́рвейших доброде́телей исправля́ти понужда́л еси́ себе́, е́же язы́ка обузда́нием осужде́ния и праздносло́вия уклони́тися.

Иису́са, Бо́га, во пло́ти я́вльшагося и в до́ме Ио́сифа древоде́ла тружда́вшагося, воспомина́я, и са́м, о́тче Мака́рие, те́ло твое́ труды́ утомля́л еси́.

Я́ко ю́ностных по́хотей победи́тель бы́ти жела́я, собла́знов ми́ра прелюбоде́йнаго приле́жно уклоня́лся еси́, о́тче Мака́рие.

Богоро́дичен: От вся́каго искуше́ния соблюди́ к Тебе́ прибега́ющих, Богоро́дице, упова́ние на́ше.

И́н.

Ирмо́с: Не му́дростию, и си́лою, и бога́тством хва́лимся, но Тобо́ю, О́тчею Ипоста́сною Му́дростию, Христе́: не́сть бо свя́т, па́че Тебе́, Человеколю́бче.

Кре́пость ти́ дае́т Христо́с — Вели́кий Страстополо́жник, погуби́ти пре́лесть и посрами́ти врага́, хва́лящася безсту́дно и су́етно свире́пеющаго.

Просвеще́н измла́да ра́зум име́л еси́ и да́же до ста́рости и престаре́ния, Богоно́се, Бо́гу угожда́я, отту́ду сла́ву получи́л еси́.

Посе́кл еси́ пре́лести те́рние мече́м духо́вным, Христо́вы ве́ры пло́д неле́стно прине́сл еси́, всеблаже́нне, стори́чный — боле́зни твоя́ Влады́це твоему́.

Твоя́ кра́сныя я́вственно, преподо́бне, име́л еси́ но́ги, муче́ния к стезя́м ступа́ющия све́тло и главы́ вра́жия сокруша́ющия, Мака́рие многострада́льне.

Богоро́дичен: Изба́ви мя́ от вся́каго прило́га сопроти́внаго, Ма́ти Де́во Всечи́стая, и се́рдце мое́ просвети́, ве́рою Тя́ сла́вящаго, Всенепоро́чная.

Конда́к, гла́с 2:

По́стническое и равноа́нгельное житие́ твое́ страда́льческими уясни́л еси́ по́двиги и А́нгелом совсе́льник, Богоблаже́нне, яви́лся еси́, Мака́рие, с ни́миже Христу́ Бо́гу моля́ся не преста́й о все́х на́с.

И́кос:

По́стников све́тлую добро́ту, Це́ркве Христо́вы утвержде́ние, ны́не Мака́рия восхва́лим: но́вый бо сто́лп о́гнен яви́ся, попаля́я гла́вы ерети́чествующих, ве́рных же просвеща́я ду́ши, в ве́ре пра́вей в Боже́ственный гра́д Вы́шний Иерусали́м, я́коже друга́го Изра́иля, вводя́, к нему́же согла́сно вопие́м: всеблаже́нне о́тче, не забу́ди Христу́ моля́ся непреста́нно о все́х на́с.

Седа́лен, гла́с 4:

Мужа́тися и потерпе́ти Го́спода, я́коже учи́т псало́мник, подвиза́яся, терпе́нием и ве́рою ко́зни бесо́вския побежда́л еси́, о́тче Мака́рие, те́м и благода́ть от Христа́ прие́м, чуде́с дея́ния явля́еши пресла́вно. Сего́ ра́ди вопие́м ти́: моли́ Христа́ Бо́га прегреше́ний оставле́ние дарова́ти пою́щим свяще́нную па́мять твою́.

Сла́ва: По́стнически лука́ваго попра́в, страда́льчески, му́чениче Христо́в, просла́вился еси́, претерпе́в му́жески соверше́нным умо́м, те́мже причта́лся еси́ лико́м му́ченическим и ве́чнующее ца́рство стяжа́л еси́, помяни́ на́с, соверша́ющих ве́рою па́мять твою́.

И ны́не: Попече́ньми жите́йскими и молво́ю многомяте́жною побежда́еми и грехми́ отягча́еми, к Тебе́, Блага́я Влады́чице, прибега́ем, моля́щеся: страсте́й на́ших грехо́вных умири́ смуще́ние и Вы́шняго прича́стия сподо́би на́с, благоче́стно покланя́ющихся всесвято́му рождеству́ Твоему́.

Пе́снь 4.

Ирмо́с: Услы́шах слу́х си́лы Креста́, я́ко ра́й отве́рзеся и́м, и возопи́х: сла́ва си́ле Твое́й, Го́споди.

Умноже́ние печа́лей и молвы́ жите́йския, с жи́знию бра́чною соедине́нныя, зря́, о́тче Мака́рие, житие́ мона́шеское избра́л еси́.

Го́спода Еди́наго зна́ти и па́че Его́ ни ко еди́ному от челове́к любо́вию прилепля́тися, живо́т же сво́й в Бо́зе от люде́й сокры́ти иска́л еси́, о́тче, мона́шества и́го восприе́мый.

Отца́ Небе́снаго умоля́я о е́же насу́щных потре́бное дарова́ти тебе́, о земне́м бога́тстве и стяжа́нии, о́тче, небре́гл еси́.

Доброде́тельми де́вственныя чистоты́, поста́ же и бде́ния по́двиги теле́сныя испра́вил еси́, о́тче.

Богоро́дичен: От востаю́щих на мя́ напа́стей го́рько, спаси́ мя́, Ма́ти Го́спода моего́ Пренепоро́чная.

И́н.

Ирмо́с: Вознесе́на Тя́ ви́девши Це́рковь на Кресте́, Со́лнце Пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Превознесе́ннаго держа́вою нече́стия го́рдаго мучи́теля ко Влады́це Боже́ственными воззре́нии разрази́л еси́, взыва́я: сла́ва си́ле Твое́й, Го́споди.

Страда́лец зако́нен, боле́зньми по благоче́стии обложи́вся, яви́лся еси́, пребога́те, мучи́телей суровства́ не ужаса́яся.

Ше́ствия твоя́, Ду́хом Боже́ственным иду́ща, запя́ша ше́ствия лука́ваго и пу́ть пра́в мно́гим яви́шася.

Тве́рдым умо́м беззако́ннующему сопроти́влься, муче́ния вене́ц прия́л еси́, му́жески пострада́в, свяще́нне.

Богоро́дичен: Отягче́на сно́м уны́ния, к покая́ния у́тру мя́ Твое́ю неусы́пною моли́твою, Влады́чице, воздви́гни, моля́ Сы́на Твоего́, и спаси́ мя́, Еди́на Спа́са ро́ждшая.

Пе́снь 5.

Ирмо́с: У́тренююще, вопие́м Ти́: Го́споди, спаси́ ны́, Ты́ бо еси́ Бо́г на́ш, ра́зве бо Тебе́, ино́го не зна́ем.

Ничто́же от жития́ потре́бных веще́й иска́ти тща́лся еси́, но сия́ моли́твою со благодаре́нием от Бо́га испроша́ти навыка́л еси́, все́м живо́т, и дыха́ние, и вся́ подаю́щаго.

И бли́жних, научи́ти и́х моли́тве, проси́вших тя́, сию́ исполня́ти разсуди́тельно наставля́л еси́, в се́рдцы свое́м моли́тве Госпо́дней — О́тче на́ш — поуча́шеся.

Ко Го́споду, по псало́мнику, ру́це простира́л еси́, испове́даяся Ему́ о пра́ведных суде́х Его́.

А́ще в согреше́ние не́кое впа́сти тебе́ ви́дел еси́, покая́ние сла́дкое показу́я, не́мощь и вину́ твою́ Го́спода отпусти́ти тебе́ серде́чно умоля́л еси́.

Богоро́дичен: Иму́ще Тя́ сте́ну необори́му, искуше́ний же и печа́лей избавля́емся, Пречи́стая.

И́н.

Ирмо́с: Нечести́вии не у́зрят сла́вы Твоея́, Христе́, но мы́ Тя́, Единоро́дне, Оте́ческия сла́вы Сия́ние Божества́, от но́щи у́тренююще, воспева́ем Тя́, Человеколю́бче.

Му́ченическими венча́ по́честьми по́стническия твоя́ труды́ и́стинно, преподо́бне Мака́рие, Подвигополо́жник Еди́н Бо́г на́ш, на уби́йцы укрепи́вый тя́.

Нога́ твоя́ ста́ проро́чески, му́чениче, на правоте́, непреста́нным мудрова́нием подпина́ющи многоко́зненнаго, стезя́ми муче́ния удобря́емая.

Струя́ми страда́льческими крове́й твои́х потопи́л еси́ мо́ре безбо́жия, ре́ки же исцеле́ния, Мака́рие, источи́л еси́.

Преподо́бен в преподо́бных показа́лся еси́, сла́вне, и, в му́ченицех све́тло чу́дно пострада́в, бори́теля победи́л еси́, Мака́рие чу́дне.

Богоро́дичен: Заче́нши, родила́ еси́ Бо́га Емману́ила на обновле́ние челове́ком, Пресвята́я Чи́стая, пло́ть бы́вша, Его́же моли́ при́сно спасти́ ду́ши на́ша.

Пе́снь 6.

Ирмо́с: Обы́де мя́ бе́здна, гро́б мне́ ки́т бы́сть, а́з же возопи́х к Тебе́, Человеколю́бцу, и спасе́ мя́ десни́ца Твоя́, Го́споди.

Па́стырскаго служе́ния да́р от Ду́ха Свята́го прие́м, трудолю́бно возде́лывал еси́ моли́твою о па́стве твое́й и поуче́нии оте́ческими.

Апо́столу Па́влу подража́л еси́, па́ству твою́ покая́нию и ве́ре в Го́спода Иису́са науча́л еси́, о́тче Мака́рие.

Мы́сльми прельсти́тельными лука́ваго врага́ обольсти́ти пасо́мых твои́х и́щущаго, сего́ умышле́ния зло́бныя и́м раскрыва́л еси́.

Я́ко Па́вел апо́стол, не себе́ пропове́дал еси́, но Христа́ Иису́са Го́спода, себе́ же раба́ па́ствы твоея́ помышля́л еси́ Иису́са ра́ди.

Богоро́дичен: И́же нра́вом прельще́н е́смь, без отве́та сы́й, Богоро́дице зову́: вся́ческих мя́ изба́ви зо́л.

И́н.

Ирмо́с: Пожру́ Ти́ со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею Кро́вию.

Источа́я тво́й медото́чный язы́к уче́ния медото́чная, го́рести безбо́жия вои́стинну изба́ви благопоко́рно тебе́ притека́ющия, му́чениче Мака́рие.

Пото́цы крове́й твои́х, му́чениче, му́тных беззако́ния пото́ков и ре́к безбо́жия ле́стныя и лука́выя изсуши́ша струи́, исцеле́ний же ве́рных неизчерпа́емая пучи́на яви́шася.

Вы́шший страсте́й и му́к бы́в, пло́ти отсече́ния претерпе́л еси́, сла́вне, Христа́ бо Помо́щника и Соде́теля име́л еси́ Споспе́шника.

Све́том благода́ти озаря́емь, страстоте́рпче прему́дре, невозвра́тно ше́ствовал еси́ путе́м, вводя́щим к Вы́шнему Иерусали́му, Святы́й бо Ду́х наста́ви тя́, обита́яй в се́рдце твое́м, Мака́рие.

Богоро́дичен: Свята́го святы́х неизрече́нно родила́ еси́, Пресвята́я Де́во, ве́рныя при́сно освяща́ющаго и му́ченическия ли́ки со А́нгелы совокупи́вшаго.

Конда́к, гла́с 4:

Нетле́нною красото́ю смире́ннаго жития́ твоего́ Бо́га на земли́ просла́вил еси́ и Боже́ственныя ве́ры чистоту́ сохраня́ти лю́ди научи́л еси́, страда́льческими же по́двиги кончи́ну прие́м, от Бо́га просла́влен яви́лся еси́, преподобному́чениче Мака́рие, о́тче на́ш.

И́кос:

Сокрове́нную в Бо́зе чистоту́ жития́ твоего́ ка́ко пове́дати мо́щно е́сть, но на моли́твы пра́ведника, я́же су́ть моли́твы твоя́, наде́ющеся, те́ми ве́лию ми́лость от Го́спода низпосла́ти на́м про́сим, преподобному́чениче Мака́рие, о́тче на́ш.

Пе́снь 7.

Ирмо́с: В пещи́ о́гненней песносло́вцы спасы́й о́троки, благослове́н Бо́г оте́ц на́ших.

Терпе́нием и пожда́нием лю́ди удиви́л еси́ и бесо́вския злохи́трости потреби́л еси́, благода́тию Бо́жиею.

Ча́шу жития́ Твоего́, Го́споди, пи́ти подвиза́вшагося, Мака́рия преподобному́ченика нетле́нием и чудесы́ просла́вил еси́.

Ева́нгельски блаже́нства наслажда́ешися, благоче́стно, Мака́рие, пожи́в и напа́сти и изгна́ния от еретико́в поне́сл еси́.

Богоро́дичен: Без ума́ себе́ вся́ческими поработи́вша паде́ньми, Богоро́дице, вопию́: мольба́ми Твои́ми пода́ждь ми́ свобо́ду, Всепе́тая.

И́н.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

С Вы́шними ликостоя́нии, я́ко му́ченик, ра́дуяся, лику́еши, блаже́нне, на Небесе́х и воспева́еши, веселя́ся: благослове́н еси́ в хра́ме сла́вы Твоея́, Го́споди.

Преукра́шен Боже́ственною сла́вою и благода́тию, му́чениче страстоте́рпче, сия́еши светови́дно и просвеща́еши зову́щия: благослове́н еси́ в хра́ме сла́вы Твоея́, Го́споди.

Па́че естества́ просвеще́нием, Мака́рие, у́м просвети́в тво́й, бу́дущих, блаже́нне, зна́нием обогати́лся еси́, Влады́це зовы́й: благослове́н еси́, Бо́же оте́ц на́ших.

Благода́ть свы́ше исцеле́ния прие́м, неду́ги отъе́млеши, му́чениче, и лука́выя отгоня́еши ду́хи, вопия́: благослове́н еси́, Бо́же оте́ц на́ших.

Богоро́дичен: От Де́вы Нетле́нныя па́че естества́ рожда́ется Сло́во, И́же сло́вом вся́ содева́яй, безслове́сия хотя́ изба́вити во́льное славосло́вящия Того́ сни́тие.

Пе́снь 8.

Ирмо́с: Из Отца́ пре́жде ве́к рожде́ннаго Сы́на и Бо́га, и в после́дняя ле́та воплоще́ннаго от Де́вы Ма́тере, свяще́нницы, по́йте, лю́дие, превозноси́те во вся́ ве́ки.

Стра́сти Христо́вы, о́тче Мака́рие, воспомина́я, страда́льческими по́двиги по́стническое житие́ твое́ уясни́л еси́.

Теле́сныя му́ки от неве́рных ага́рян прия́ти угото́вавыйся, со кресто́м Боже́ственным к ни́м изше́л еси́.

Ничто́же предпочита́ти па́че любве́ Христо́вы ева́нгельски научи́вся и жи́знь свою́ за Христа́ положи́л еси́.

У́м тво́й Небе́снаго блаже́нства наде́ждою озари́в и благода́тию в по́двизе утверди́вся, муче́ния пу́ть сконча́л еси́.

Богоро́дичен: Я́ко ро́ждшая Творца́ и Царя́ вся́ческих, Богоро́дице Всенепоро́чная, Чи́стая, Ты́ мя́ изба́ви вся́каго скве́рнаго согреше́ния.

И́н.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Омрачи́л еси́ все́ вра́жие неи́стовство, сла́вне, и боре́ния, неотъе́млемою си́лою Христа́ облече́н, и, победоно́сец бы́в, му́чениче Мака́рие, вопия́л еси́: благослови́те, вся́ дела́ Госпо́дня, Го́спода.

Чуде́с твои́х мно́жество па́че ума́ дарова́ния, я́же тебе́ подаде́ Христо́с, все́м показу́ет сла́ву и благода́ть исцеле́ния, я́же па́че сло́ва я́ве твою́ благода́ть пропове́дует на́м, вопию́щим: благослови́те, вся́ дела́ Госпо́дня, Го́спода.

Неми́лостивно твою́ главу́ вра́г сокруши́, но Бо́г тя́ во высоча́йших венце́м венча́ победи́тельным, вене́чниче многострада́льне, сла́во му́чеников и все́х преподо́бных.

Ра́дуйся, страда́льцев и́стине; ра́дуйся, удобре́ние ве́ры и украше́ние; ра́дуйся, пресве́тлый му́чеников светоно́сче, и́же ле́сть разори́вый страда́нием твои́м и све́т просия́вый ми́рови, Мака́рие преподо́бне и прему́дре.

Богоро́дичен: Се́ вси́ ро́ди, Отрокови́це, я́коже прорекла́ еси́, Тя́ ублажа́ют, Бо́га Блаже́ннаго ро́ждшую, блаже́нныя содева́ющаго, и́же повеле́нием Его́ после́дующия ве́рою и вопию́щия: благослови́те, вся́ дела́ Госпо́дня, Го́спода.

Пе́снь 9.

Ирмо́с: Тя́, па́че ума́ и словесе́ Ма́терь Бо́жию, в ле́то Безле́тнаго неизрече́нно ро́ждшую, ве́рнии, единому́дренно велича́ем.

Юдо́ль земну́ю проше́д, Небе́снаго блаже́нства, о́тче, дости́гл еси́.

Пе́ние по́двиг твои́х от на́с, недосто́йных, приими́, Мака́рие, и грехо́вныя нищеты́ на́шея не возгнуша́йся.

О, ка́ко грехи́ мно́гими тя́жце обремени́хомся, о, ка́ко тала́нты, от Бо́га прия́тыя, окая́нне расточи́хом! Но не лиши́ и на́с, гре́шных, твоего́ заступле́ния, Мака́рие, о́тче на́ш.

Ю́жский преде́л страны́ Ру́сския, тебе́ при́сный, о́тче Мака́рие, от искуше́ний и бе́д сохрани́.

Богоро́дичен: Я́ко Ма́ти Бо́жия, моли́ из Тебе́ ро́ждшагося Го́спода Бо́га и Царя́, е́же изба́витися вся́каго преще́ния и лука́ваго обы́чая Твоему́ рабу́, Чи́стая, на Тя́ наде́ющемуся из чре́ва моея́ ма́тери, Влады́чице.

И́н.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Предстоя́ у Престо́ла все́х Влады́ки, Богови́дче Мака́рие, творя́щим честно́е твое́ пра́зднество здра́вие да́руй и гра́ду на́шему изба́витися от напа́стей и бе́д, побе́ду стране́ на́шей на проти́вныя враги́ испроси́ моли́твами твои́ми.

Моле́ний и пе́ний гла́сы услы́ши, Богоно́се о́тче Мака́рие, в ве́ре же и любви́ лю́ди утверди́ и оте́чества побори́ враги́, о́тче, вою́ющия на ны́, свы́ше благода́тию покрыва́я хва́лящия тя́.

Пою́ще, моли́м тя́ приле́жно: о Це́ркви помоли́ся, Кресто́м побе́ды дарова́ти, правосла́вной ве́ре кре́пость на е́реси враго́в да́руй моли́твами твои́ми, на́м же спасе́ние и ми́р ми́ру в твое́й па́мяти, Мака́рие.

Страну́ на́шу от вся́ких бе́д защити́, богозда́нный Правосла́вия щи́те, преподобному́чениче Мака́рие, во благоче́стии церкве́й Бо́жиих благострое́ние да́ждь и свы́ше Небе́сную по́мощь.

Богоро́дичен: О, Пресвята́я Влады́чице Богоро́дице, не и́мамы ины́я по́мощи, ра́зве Тебе́, моли́ся Сы́ну Твоему́ и Бо́гу на́шему с преподо́бным Мака́рием, да соблюде́т и сохрани́т страну́ на́шу неруши́му и да спасе́т ны́, Тя́ велича́ющия.

Свети́лен:

О́вруча благо́е воспита́ние, Мака́рия свята́го восхва́лим вси́, я́ко ве́ры непоро́чныя испове́дника, я́ко благоче́стия столпа́ и я́ко моли́твенника те́плаго о душа́х на́ших.

Сла́ва: Свети́ло, на́м просия́вшее в после́днее вре́мя, просвети́ ны́, твоя́ певцы́, святы́й преподо́бне Мака́рие, и моли́ Го́спода за ны́, чту́щия па́мять твою́. И ны́не.

Краткое житие преподобномученика Макария, архимандрита Каневского

Пре­по­доб­но­му­че­ник Ма­ка­рий ро­дил­ся в 1605 г. в го­ро­де Овру­че, на Во­лы­ни, в знат­ной се­мье То­ка­рев­ских, из­вест­ных рев­ни­те­лей пра­во­сла­вия. В 1614–1620 гг. свя­той обу­чал­ся при Успен­ском Овруч­ском мо­на­сты­ре и по смер­ти ро­ди­те­лей стал ино­ком это­го мо­на­сты­ря, на­чав свое слу­же­ние с мень­ше­го мо­на­стыр­ско­го чи­на – по­слуш­ни­ка. В 1625 г. инок Ма­ка­рий с бла­го­сло­ве­ния ар­хи­манд­ри­та пе­ре­хо­дит в Ку­пя­тич­ский Пин­ский мо­на­стырь. В 1630 г. свя­той был по­свя­щен в сан иеро­ди­а­ко­на, а в 1632 г. – в сан иеро­мо­на­ха. В 1637 г. на­сто­я­тель Ку­пя­тич­ско­го мо­на­сты­ря по­слал его к Ки­ев­ско­му мит­ро­по­ли­ту Пет­ру Мо­ги­ле, ко­то­рый за­ме­тил в иеро­мо­на­хе Ма­ка­рии пре­дан­но­го сы­на Церк­ви Бо­жи­ей и в 1638 г. на­зна­чил его на­сто­я­те­лем Ка­ме­нец­ко­го Вос­кре­сен­ско­го мо­на­сты­ря (Грод­нен­ская об­ласть). С 1642 г. пре­по­доб­ный Ма­ка­рий ру­ко­во­дил бра­ти­ей Ку­пя­тич­ско­го мо­на­сты­ря, в 1656–1659 гг. воз­глав­лял Пин­ский мо­на­стырь, а с 1660 г. ру­ко­во­дил бра­ти­ей род­но­го Успен­ско­го Овруч­ско­го мо­на­сты­ря.

Бо­лее де­ся­ти лет про­дол­жа­лась непре­рыв­ная борь­ба с ла­ти­но-по­ля­ка­ми в Овру­че. Толь­ко в 1671 г., по­сле опу­сто­ше­ния Овру­ча та­та­ра­ми, ар­хи­манд­рит Ма­ка­рий по­ки­нул мо­на­стырь и от­пра­вил­ся для ду­хов­ных по­дви­гов в Ки­е­во-Пе­чер­скую Лав­ру. Но за­щит­ни­ки пра­во­сла­вия нуж­ны бы­ли не толь­ко в Ки­е­ве, и пре­по­доб­ный Ма­ка­рий был на­зна­чен на­сто­я­те­лем Ка­нев­ско­го мо­на­сты­ря, где он сно­ва был впе­ре­ди нести­ха­ю­щей бит­вы за пра­во­сла­вие.

Скон­чал­ся пре­по­доб­ный Ма­ка­рий му­че­ни­че­ски от ту­рок, 4 сен­тяб­ря 1678 г. на­пав­ших на мо­на­стырь. Св. Ма­ка­рий встре­тил вра­гов с кре­стом в ру­ках на па­пер­ти хра­ма. Тур­ки по­ве­си­ли на­сто­я­те­ля за ру­ки и за но­ги меж­ду двух стол­бов. Через два дня пре­по­доб­но­му­че­ни­ку от­ру­би­ли го­ло­ву († 7 сен­тяб­ря 1678 г.). Сви­де­те­ли му­че­ни­че­ской кон­чи­ны пре­по­доб­но­го Ма­ка­рия внес­ли его те­ло в мо­на­стыр­ский храм, в ко­то­ром для без­опас­но­сти за­тво­ри­лись. Но вер­нув­ши­е­ся тур­ки об­ло­жи­ли цер­ковь дро­ва­ми и со­жгли всех скрыв­ших­ся в хра­ме. Ко­гда остав­ши­е­ся в жи­вых го­ро­жане Ка­не­ва ста­ли раз­би­рать те­ла по­гиб­ших, то толь­ко од­но те­ло бы­ло най­де­но в це­ло­сти и бы­ло как бы жи­вое – это те­ло свя­щен­но­му­че­ни­ка Ма­ка­рия, оде­тое во вла­ся­ни­цу, с кре­стом на гру­ди и с дру­гим кре­стом в ру­ке. Свя­тое те­ло бы­ло по­гре­бе­но в том же хра­ме под жерт­вен­ни­ком 8 сен­тяб­ря 1678 го­да.

Полное житие преподобномученика Макария, архимандрита Каневского

Пре­по­доб­но­му­че­ник Ма­ка­рий Ка­нев­ский жил в XVII ве­ке. Это бы­ло тя­же­лей­шее вре­мя для пра­во­слав­ных лю­дей За­пад­ной Ру­си. Жиз­нен­ный по­двиг, со­вер­шен­ный пре­по­доб­но­му­че­ни­ком, был по­дви­гом за­щи­ты пра­во­слав­ной ве­ры в усло­ви­ях не­рав­ной из­ну­ри­тель­ной борь­бы, ко­гда за­щи­щать мож­но бы­ло толь­ко бу­ду­щее Рус­ской Пра­во­слав­ной Церк­ви, по­сколь­ку то, что со­хра­ня­лось от про­но­ся­ще­го­ся ура­га­на унии, сно­си­лось та­тар­ски­ми на­бе­га­ми.

Свя­той Ма­ка­рий ро­дил­ся в 1605 го­ду в го­ро­де Овру­че, на Во­лы­ни, в знат­ной се­мье То­ка­рев­ских, из­вест­ных рев­ни­те­лей пра­во­сла­вия. Ро­ди­те­ли вос­пи­та­ли маль­чи­ка в стра­хе Бо­жи­ем, люб­ви к мо­лит­ве и хра­му. В 1614–1620 гг. свя­той обу­чал­ся при Успен­ском Овруч­ском мо­на­сты­ре и по смер­ти ро­ди­те­лей, «Спа­са Хри­ста измла­да воз­лю­бив­ши», стал ино­ком это­го мо­на­сты­ря, на­чав свое слу­же­ние с мень­ше­го мо­на­стыр­ско­го чи­на – по­слуш­ни­ка. Мо­лит­ва и чте­ние свя­то­оте­че­ских тво­ре­ний ста­ли лю­би­мым за­ня­ти­ем по­стри­жен­но­го мо­ло­до­го ино­ка.

В 1625 го­ду инок Ма­ка­рий, с бла­го­сло­ве­ния ар­хи­манд­ри­та, остав­ля­ет Успен­ский мо­на­стырь и на­прав­ля­ет­ся к епи­ско­пу Пин­ско­му Ав­ра­амию, ко­то­рый опре­де­ля­ет его в Ку­пя­тич­ский (Ку­пя­тиц­кий) Пин­ский мо­на­стырь. Там пре­по­доб­ный на­столь­ко про­сла­вил­ся по­движ­ни­че­ской, доб­ро­де­тель­ной жиз­нью, что вско­ре (в 1630 го­ду) был ру­ко­по­ло­жен епи­ско­пом Ла­за­рем (Ба­ра­но­ви­чем) в сан иеро­ди­а­ко­на, а через два го­да – в иеро­мо­на­ха.

Сла­ва об об­раз­цо­вом мо­на­ше­ском жи­тии иеро­мо­на­ха Ма­ка­рия рас­про­стра­ни­лась за пре­де­лы Ку­пя­тич­ско­го мо­на­сты­ря, и в 1637 го­ду бра­тия Си­мо­нов­ско­го Брест­ско­го мо­на­сты­ря об­ра­ти­лась с прось­бой к игу­ме­ну Ку­пя­тич­ско­го мо­на­сты­ря Ила­ри­о­ну (Де­ни­се­ви­чу) от­пу­стить к ним в на­сто­я­те­ли свя­то­го Ма­ка­рия. Но иеро­мо­нах Ма­ка­рий был необ­хо­дим и ку­пя­тич­ско­му игу­ме­ну, и в том же го­ду он по­слал его к Ки­ев­ско­му мит­ро­по­ли­ту Пет­ру Мо­ги­ле для вру­че­ния со­бран­ных бра­ти­ей де­нег на пе­ре­строй­ку Ки­ев­ско­го Со­фий­ско­го хра­ма и для ис­про­ше­ния по­мо­щи на по­строй­ку и об­нов­ле­ние раз­ру­шив­шей­ся мо­на­стыр­ской церк­ви. Уви­дя в иеро­мо­на­хе Ма­ка­рии пре­дан­но­го сы­на Церк­ви Бо­жи­ей, мит­ро­по­лит вы­дал ему уни­вер­саль­ный лист для сбо­ра по­жерт­во­ва­ний, а в 1638 го­ду на­зна­чил его на­сто­я­те­лем Ка­ме­нец­ко­го Воск­ре­сен­ско­го мо­на­сты­ря (Грод­нен­ская об­ласть). До ограб­ле­ния и за­хва­та мо­на­сты­ря уни­а­та­ми в 1642 го­ду пре­по­доб­ный Ма­ка­рий ру­ко­во­дил бра­ти­ей это­го мо­на­сты­ря. В су­ро­вое вре­мя бра­тия Ку­пя­тич­ско­го мо­на­сты­ря при­зва­ли в игу­ме­ны пре­по­доб­но­го Ма­ка­рия, ко­то­рый удер­жи­вал этот мо­на­стырь до 1656 го­да. С 1656 по 1659 гг. пре­по­доб­ный Ма­ка­рий воз­глав­лял Пин­ский мо­на­стырь. В 1660 го­ду в сане ар­хи­манд­ри­та, «ко спа­се­нию веч­но­му пра­во­слав­ные лю­ди при­во­дя», свя­той Ма­ка­рий ру­ко­во­дил бра­ти­ей род­но­го Овруч­ско­го Успен­ско­го мо­на­сты­ря.

Это бы­ло тя­же­лое вре­мя для пра­во­слав­ных хри­сти­ан За­пад­ной Ру­си. Ка­то­ли­че­ская Поль­ша ста­ра­лась на­вя­зать пра­во­слав­но­му на­ро­ду унию и ла­тин­ство. Бо­лее де­вя­ти лет про­дол­жа­лась непре­рыв­ная борь­ба с ла­ти­но-по­ля­ка­ми в Овру­че. Уни­а­ты и мо­на­хи-до­ми­ни­кан­цы неод­но­крат­но на­па­да­ли на оби­тель пре­по­доб­но­го, гра­би­ли цер­ков­ное иму­ще­ство, на­но­си­ли по­бои и оскорб­ле­ния бра­тии. Но угод­ник Бо­жий Ма­ка­рий не па­дал ду­хом и обод­рял бра­тию на­деж­дой на небес­ное за­ступ­ни­че­ство. «По­вто­ряй­те, по­вто­ряй­те ча­ще сло­ва про­ро­ка Да­ви­да, – го­во­рил он, – Гос­подь про­све­ще­ние мое и Спа­си­тель мой! Ко­го убо­ю­ся?.. Аще во­станет на мя брань, на Него аз упо­ваю» (Пс.26,1-3). И серд­ца ино­ков укреп­ля­лись твер­дой ве­рой и на­деж­дой на Все­силь­но­го Бо­га.

Во вре­мя на­па­де­ния на оби­тель в 1671 го­ду уни­а­ты при­зы­ва­ли свя­то­го Ма­ка­рия пе­рей­ти в унию, но «ве­ры пра­во­слав­ныя неустра­ши­мый за­щит­ни­че» му­же­ствен­но от­ве­чал: «Ка­кое об­ще­ние воз­мож­но для нас с ва­ми? Вы оста­ви­ли пра­ви­ла Все­лен­ских Со­бо­ров, при­ня­ли пре­да­ния лжи и вме­сто то­го, чтобы быть под Гла­вою Церк­ви Иису­сом Хри­стом, пре­кло­ни­лись пе­ред зем­ным вла­сти­те­лем – Рим­ским па­пой». Разъ­ярен­ные по­ля­ки, под­стре­ка­е­мые иезу­и­та­ми, ра­зо­ри­ли го­род и оби­тель и разо­гна­ли всех ино­ков. Пре­по­доб­ный Ма­ка­рий по­ки­нул мо­на­стырь, в ко­то­ром не оста­лось ни од­но­го мо­на­ха, и от­пра­вил­ся для ду­хов­ных по­дви­гов в Ки­е­во-Пе­чер­скую Лав­ру. Здесь он про­вел в по­дви­гах два го­да. Но та­кой рев­ност­ный за­щит­ник пра­во­сла­вия ну­жен был не толь­ко в Ки­е­ве. Мит­ро­по­лит Ки­ев­ский Иосиф (Нелю­бо­вич-Ту­каль­ский) на­зна­чил ар­хи­манд­ри­та Ма­ка­рия на­сто­я­те­лем Ка­нев­ско­го мо­на­сты­ря. Там угод­ник Бо­жий, муж вы­со­кой пра­вед­ной и ду­хов­ной жиз­ни, по­учая всех «ис­тин­ней ве­ре и жи­тию бо­го­угод­но­му», про­сла­вил­ся мно­ги­ми чу­де­са­ми и бла­го­дат­ным да­ром про­зре­ния. Мно­же­ство убо­гих, бед­ных, боль­ных и скор­бя­щих лю­дей при­хо­ди­ли к нему в оби­тель, где по­лу­ча­ли ду­хов­ный со­вет и ис­це­ле­ние.

Од­на­жды свя­той Ма­ка­рий ис­це­лил ослеп­ше­го жи­те­ля го­ро­да Ка­не­ва. «Ве­руй и мо­лись То­му, Кто дал зре­ние сле­по­му, – ска­зал он, – иди к на­ве­че­рию Бо­го­яв­ле­ния Гос­под­ня и мо­лись». Во вре­мя бо­го­слу­же­ния, ко­гда пре­по­доб­ный чи­тал сло­ва мо­лит­вы на освя­ще­ние во­ды: «Ве­лий еси Гос­по­ди и чуд­ны де­ла Твоя», сле­пой уви­дел мельк­нув­ший воз­ле глаз луч све­та и вне­зап­но про­зрел. В бла­го­дар­ность Бо­гу ис­це­лив­ший­ся по­стро­ил храм в честь свя­то­го Бо­го­яв­ле­ния. Из­ве­стен слу­чай, ко­гда пре­по­доб­ный Ма­ка­рий «ле­ни­во­го и небла­го­нрав­но­го сы­на же­ны бла­го­че­сти­выя» доб­рым со­ве­том и мо­лит­вой об­ра­тил к по­ка­я­нию. «Чи­тай од­ну мо­лит­ву “От­че наш”, – го­во­рил пре­по­доб­ный юно­ше, – и в ней най­дешь все – и свет бо­го­по­зна­ния, уро­ки для жиз­ни, и уте­ше­ние, и си­лу для ду­ха; про­честь эту мо­лит­ву со вни­ма­ни­ем, ду­маю, не тя­же­ло». Мо­лит­ва так по­нра­ви­лась юно­ше, что он стал ча­сто чи­тать ее и вско­ре стал чест­ным и доб­ро­де­тель­ным че­ло­ве­ком.

За два го­да до бла­жен­ной кон­чи­ны пре­по­доб­ный Ма­ка­рий пред­ска­зал о ра­зо­ре­нии Ка­не­ва и сво­ем стра­даль­че­ском за­вер­ше­нии жиз­ни. Он неустан­но при­зы­вал твер­до и без­бо­яз­нен­но ис­по­ве­до­вать свя­тое пра­во­сла­вие: «При­ять ве­нец нетлен­ный нель­зя ина­че, – го­во­рил свя­той, – как со­вер­шая за­кон­но по­двиг свой. Да не от­сту­пят пра­во­слав­ные от свя­той ве­ры, но да стре­мят­ся с тер­пе­ни­ем на пред­сто­я­щий по­двиг, па­мя­туя непре­стан­но Гос­по­да Иису­са».

В 1672 го­ду в Ка­нев­ском мо­на­сты­ре на­шел при­ют сын Бог­да­на Хмель­ниц­ко­го Юрий. Гет­ман До­ро­шен­ко, хо­да­тай­ство­вав­ший пе­ред мит­ро­по­ли­том Иоси­фом о на­зна­че­нии пре­по­доб­но­му­че­ни­ка Ма­ка­рия, неод­но­крат­но по­се­щал Ка­нев­ско­го на­сто­я­те­ля и в 1675 го­ду пе­ре­шел в рус­ское под­дан­ство, от­ка­зав­шись от под­дан­ства Тур­ции, по-ви­ди­мо­му, не без со­ве­та пре­по­доб­но­му­че­ни­ка Ма­ка­рия.

4 сен­тяб­ря 1678 го­да тур­ки и та­та­ры на­па­ли на Ка­нев и во­рва­лись в мо­на­стырь. С кре­стом в ру­ках пре­по­доб­ный бес­страш­но встре­тил вар­ва­ров на па­пер­ти хра­ма. Та­та­ры ста­ли же­сто­ко бить его, тре­бо­ва­ли ука­зать, где спря­та­но мо­на­стыр­ское зо­ло­то и иму­ще­ство. «Мое зо­ло­то на Небе, а не на зем­ле», – от­ве­чай свя­той ста­рец. Нече­сти­вые за­хват­чи­ки ста­ли из­би­вать его пал­ка­ми, ло­ма­ли ру­ки и но­ги же­лез­ны­ми ору­ди­я­ми и сди­ра­ли с него ко­жу. Но свя­той Ма­ка­рий, при­зы­вая Слад­чай­ше­го Иису­са, тер­пе­ли­во пе­ре­но­сил му­че­ния. «Сто­пы моя на­пра­ви на путь ми­рен, к Те­бе, Бо­же, – вос­кли­цал он, – ибо се­го же­ла­ет и в сем скон­ча­ва­ет­ся ду­ша моя».

Через два дня (7 сен­тяб­ря 1678 го­да) му­чи­те­ли от­сек­ли пре­по­доб­но­му Ма­ка­рию го­ло­ву и бро­си­ли те­ло на пло­ща­ди. Хри­сти­ане тай­но но­чью внес­ли свя­то­го в мо­на­стыр­скую цер­ковь. Но вра­ги по­до­жгли храм, и все скры­вав­ши­е­ся в нем по­гиб­ли от ог­ня и ды­ма. Ко­гда за­хват­чи­ки ушли из мо­на­сты­ря, то уцелев­шие жи­те­ли го­ро­да на­шли те­ло пре­по­доб­но­му­че­ни­ка нетлен­ным. Слов­но жи­вой, в од­ной вла­ся­ни­це, с кре­стом на гру­ди и с кре­стом в ру­ках ле­жал пре­по­доб­ный. 8 сен­тяб­ря 1678 го­да хри­сти­ане по­греб­ли его свя­тые мо­щи под жерт­вен­ни­ком хра­ма.

В 1688 го­ду при пе­ре­строй­ке мо­на­стыр­ской церк­ви был от­крыт гроб пре­по­доб­но­го и в нем об­на­ру­же­но его нетлен­ное бла­го­уха­ю­щее те­ло. В свя­зи с опас­но­стью на­па­де­ния на Ка­нев­скую оби­тель 13 мая 1688 го­да свя­тые мо­щи бы­ли пе­ре­не­се­ны в но­во­по­стро­ен­ный храм Ми­хай­лов­ско­го Пе­ре­я­с­лав­ско­го мо­на­сты­ря, а по­сле его за­кры­тия по­чи­ва­ли с 4 ав­гу­ста 1786 го­да в Пе­ре­я­с­лав­ском Воз­не­сен­ском мо­на­сты­ре Пол­тав­ской гу­бер­нии.

В 1942 го­ду мо­щи бы­ли пе­ре­не­се­ны в Тро­иц­кую цер­ковь го­ро­да Чер­кас­сы, а с 1965 го­да на­хо­дят­ся в хра­ме в честь Рож­де­ства Пре­свя­той Бо­го­ро­ди­цы то­го же го­ро­да.

Па­мять пре­по­доб­но­му­че­ни­ка Ма­ка­рия со­вер­ша­ет­ся два­жды: 7/20 сен­тяб­ря – в день пре­став­ле­ния и 13/26 мая – в день пе­ре­не­се­ния свя­тых мо­щей.