Канон священномученику Антипе, епископу Пергамскому

Припев: Священному́чениче Анти́по, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 24 апреля (11 апреля ст. ст.)

Глас 4.

Пе́снь 1.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Заре́ю трисо́лнечныя благода́ти осия́емь, све́тлый тво́й се́й пра́здник соверша́ющия озари́, страстна́го избавля́я, му́чениче Анти́по, омраче́ния.

Сло́во Бо́жие тя́, всему́дре, свиде́теля и́стинна свои́х показа́ страсте́й, злоче́стие потребля́ющаго и де́монов вся́кое лука́вство побежда́ющаго.

Умертви́в плотска́я мудрова́ния мно́гими поще́нии, свяще́нства боже́ственнаго свяще́нною украси́лся еси́ оде́ждею и безкро́вно поже́рл еси́ тебе́ ра́ди ме́ртва Бы́вшаго.

Богоро́дичен: Све́та Твоего́ блиста́ньми озари́, Отрокови́це Всенепоро́чная, в нощи́ страсте́й и искуше́ний одержи́мое се́рдце мое́, Пра́вды Со́лнце все́м неизрече́нно возсия́вшая.

Пе́снь 3.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Источи́л еси́ ре́ки уче́ния, ве́рных напоя́ющия, и му́тныя во́ды многобо́жия изсуши́л еси́.

Кре́постию, блаже́нне, Христо́вою, гоня́щих кре́пость ссе́кл еси́, и терпели́вно пострада́л еси́, и му́ченически венча́лся еси́.

Де́моном служа́щия чествова́ти Бо́га и́стиннаго уве́рил еси́, пло́ть ме́ртвенную, преподо́бне, бога́тством благоутро́бия поне́сшаго.

Богоро́дичен: Избавля́ющаго челове́ки плене́ния вра́жия, Чи́стая, Изба́вителя родила́ еси́, те́мже благоче́стно Тя́ сла́вим.

Седа́лен, гла́с 3.

Боже́ственными у́гльми боже́ственныя любве́ разжже́н, му́чениче Анти́по, безбо́жия пла́мень угаси́л еси́ и, в разжже́н вложе́н бы́в коно́б, к Невече́рнему Све́ту отше́л еси́. О́тче преподо́бне, Христа́ Бо́га моли́ грехо́в оставле́ние дарова́ти на́м.

Сла́ва, и ны́не, богоро́дичен: Боже́ственнаго естества́ не отлу́чься, пло́ть бы́в во чре́ве Твое́м, но Бо́г вочелове́чься и пребы́сть, И́же по рождестве́ Ма́терь Тя́ Де́ву, я́ко пре́жде рождества́, сохрани́в Всенепоро́чную, еди́н Госпо́дь: Того́ приле́жно моли́ дарова́ти на́м ве́лию ми́лость.

Крестобогоро́дичен: Нескве́рная А́гница Сло́ва, нетле́нная Де́ва Ма́ти, на Кресте́ зря́щи пове́шена из Нея́ без боле́зни прозя́бшаго, ма́терски подо́бно рыда́ющи, вопия́ше: увы́ Мне́, Ча́до Мое́! Ка́ко стра́ждеши во́лею, хотя́ изба́вити от страсте́й безче́стия челове́ка?

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце Пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Не поколеба́ столпа́ твоего́ се́рдца пребеззако́ннующих противле́ние, му́чениче страстоте́рпче; те́мже, распаля́емь ре́вностию ве́ры, яви́лся еси́ огня́ си́льнейши.

Дрема́нием нече́стия одержи́мыя возбужда́я, прехва́льне, уче́нии Свята́го Ду́ха, к ра́зуму воздви́гл еси́ и́стиннаго позна́ния.

Смири́л еси́ вы́сость де́монскую, к Бо́гу возвыше́ньми, Анти́по, прилежа́, и восхожде́ньми боже́ственными обожа́емь, и богови́ден познава́емь.

Богоро́дичен: По рождестве́, я́ко пре́жде рождества́, сохрани́лася еси́, Де́во Ма́ти нетле́нная, Зижди́теля бо все́х родила́ еси́, из Тебе́ челове́ческое те́ло во́лею поне́сшаго.

Пе́снь 5.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Возше́л еси́ на го́ру доброде́телей, блаже́нне, и в ра́зум вше́л еси́ кра́йнейшаго мра́ка, и Бо́гу бесе́довал еси́.

Глаго́л твои́х плени́цами из глубины́ безбо́жия улови́л еси́, святи́телю, заблу́ждшия челове́ки и благода́тию спа́сл еси́.

Те́ло огню́ на сне́дь преда́л еси́, свы́ше, святи́телю, от Бо́га боже́ственную ро́су бога́тно прие́мля.

Богоро́дичен: Сы́й в зра́це Бо́жии Пребоже́ственный всели́ся во чре́во Твое́, зра́к мо́й понесы́й Госпо́дь, Всенепоро́чная.

Пе́снь 6.

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Распе́н воздержа́нием удеса́, блаже́нне, в поще́нии подвиза́вся, му́ченическими венча́лся еси́ по́двиги, я́же подъя́л еси́ ума́, Анти́по, тве́рдостию.

Стоя́л еси́ пред суди́щем, пропове́дуя воплоще́ние тебе́ ра́ди Истощи́вшагося, и Пила́тову суди́щу Предста́вшаго, страстоте́рпче, и Кресто́м врага́ умори́вшаго.

Боля́щим врачевство́ е́сть це́рковь, в не́йже, блаже́нне му́чениче, терпели́вое твое́ лежи́т те́ло, боже́ственную зарю́ дарова́ний испуща́ет Ду́ха.

Богоро́дичен: Святы́й Иису́с, всели́выйся во утро́бу Твою́, И́же во святы́х, Де́во, почива́яй и прославля́яй ве́рою и́стинною Сего́, Отрокови́це, сла́вящия.

Конда́к, гла́с 4.

Апо́столов сопресто́льник и святи́телей украше́ние бы́л еси́, блаже́нне, му́ченически просла́вився, возсия́л еси́, я́коже со́лнце, все́х просвеща́я, Анти́по свяще́нне, разруши́л еси́ безбо́жия но́щь глубо́кую. Сего́ ра́ди тя́ почита́ем, я́ко боже́ственнаго су́ща священному́ченика и целе́б пода́теля.

Пе́снь 7.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Ю́ныя три́ о́троки изобразу́я, Анти́по му́дре, я́коже посреди́ пе́щи, ста́л еси́ лю́то разжже́ннаго ме́днаго сосу́да, взыва́я: благослове́н еси́ в хра́ме сла́вы Твоея́, Го́споди.

Да Све́та непристу́пнаго яви́шися прича́стник, тму́ лука́вых духо́в, Бо́гом просвеще́н, мимоте́кл еси́, — благослове́н еси́, Бо́же мо́й, — зовы́й, — Го́споди.

Стра́сти разли́чны рукоде́йством, Анти́по, ду́ха утоля́еши челове́ков, му́чениче, Христо́вым подо́бяся страсте́м, — благослове́н еси́, Бо́же мо́й, — зовы́й, — Го́споди.

Богоро́дичен: От крове́й, Отрокови́це, деви́ческих Твои́х вои́стинну вопло́щся Сло́во, Отцу́ Собезнача́льное, на́ше сокруше́ние исправля́я. Благослове́на Ты́ в жена́х еси́, Пренепоро́чная Влады́чице.

Пе́снь 8.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Ны́не не в зерца́лех зри́ши, ни в гада́ниих до́брых после́днее, лице́м же па́че к лицу́, преше́дшим се́нем, вопия́ ра́достно тя́ Просла́вльшему: благослови́те, вся́ дела́ Госпо́дня, Го́спода.

Тя́, Началопа́стыря Христа́ боже́ственное овча́ до́бре упа́сшаго Того́ ста́да, прему́дре, я́ко а́гнца, беззако́ннии всесожига́ют огне́м, Анти́по, пою́ща: благослови́те, вся́ дела́ Госпо́дня, Го́спода.

На ка́мени Боже́ственных за́поведей се́рдца твоего́ утверди́л еси́ стопы́, лю́тых му́к ве́тры, ласка́тельными же бу́рями не поколеба́лся еси́, песнопоя́, Анти́по прему́дре: благослови́те, вся́ дела́ Госпо́дня, Го́спода.

Богоро́дичен: Я́ко Ма́ти все́х Творца́, я́ко Боже́ственный хра́м Вседержи́теля, я́ко земля́ неора́нная, неде́ланный кла́с прозя́бшая, Де́во Ма́ти, ве́рны вопию́щия сохрани́: благослови́те, вся́ дела́ Госпо́дня, Го́спода.

Пе́снь 9.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Иера́ршески, святи́телю, свяще́нное сконча́л еси́ тече́ние, свяще́ннейшую жи́знь твою́ свяще́ннейше соверши́в, ра́дуяся, поте́кл еси́, к тебе́ Люби́мому, Анти́по му́чениче свяще́ннейше.

Я́ко доброде́тельными ви́ды удобре́н бы́в, сла́вою муче́ния, всеблаже́нне, освяти́ся и преше́л еси́ к кра́сному Го́споду, прича́стием обожа́емь, богоприя́тне.

Ты́ Госпо́днею любо́вию разжже́гся, му́чениче Анти́по, в разжже́н усе́рдно вше́л еси́ сосу́д, всесожига́емь, и Бо́гу прия́тна, о́тче, же́ртва прине́слся еси́.

Свяще́нных твои́х моще́й свяще́нная, блаже́нне, ра́ка ми́ро исцеле́ний то́чит, злосмра́дныя стра́сти отгоня́щи и твою́ сла́вящия па́мять я́ве благоуха́ющи.

Богоро́дичен: Нося́щая Христа́ на руку́, манове́нием нося́щаго вся́, Сего́, я́ко Бо́га и Влады́ку, Чи́стая, моли́ уще́дрити ны́, Богоро́дицу Чи́стую испове́дающия Тя́ всегда́, Непоро́чная.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крⷭ҇тоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть.

Заре́ю трисо́лнечныѧ бл҃года́ти ѡ҆сїѧ́емь, свѣ́тлый тво́й се́й пра́здникъ соверша́ющыѧ ѡ҆зарѝ, стра́стнагѡ и҆збавлѧ́ѧ, мч҃ниче а҆нтѵ́по, ѡ҆мраче́нїѧ.

Сло́во бж҃їе тѧ̀, всемꙋ́дре, свидѣ́телѧ и҆́стинна свои́хъ показа̀ страсте́й, ѕлоче́стїе потреблѧ́ющаго, и҆ де́мѡнѡвъ всѧ́кое лꙋка́вство побѣжда́ющаго.

Оу҆мертви́въ плотска̑ѧ мꙋдрова̑нїѧ мно́гими пощє́нїи, свѧще́нства бжⷭ҇твеннагѡ свѧще́нною ᲂу҆краси́лсѧ є҆сѝ ѻ҆де́ждею: и҆ безкро́внѡ поже́рлъ є҆сѝ тебє̀ ра́ди ме́ртва бы́вшаго.

Бг҃оро́диченъ: Свѣ́та твоегѡ̀ блиста́ньми ѡ҆зарѝ, ѻ҆трокови́це всенепоро́чнаѧ, въ нощѝ страсте́й и҆ и҆скꙋше́нїй ѡ҆держи́мое се́рдце моѐ, пра́вды сл҃нце всѣ̑мъ неизрече́ннѡ возсїѧ́вшаѧ.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе.

И҆сточи́лъ є҆сѝ рѣ́ки ᲂу҆че́нїѧ вѣ́рныхъ напоѧ́ющыѧ, и҆ мꙋ̑тныѧ во́ды многобо́жїѧ и҆зсꙋши́лъ є҆сѝ.

Крѣ́постїю, бл҃же́нне, хрⷭ҇то́вою гонѧ́щихъ крѣ́пость ссѣ́клъ є҆сѝ, и҆ терпѣли́внѡ пострада́лъ є҆сѝ, и҆ мч҃нически вѣнча́лсѧ є҆сѝ.

Де́мѡнѡмъ слꙋжа́щыѧ, чествова́ти бг҃а и҆́стиннаго ᲂу҆вѣ́рилъ є҆сѝ, пло́ть ме́ртвеннꙋю, прпⷣбне, бога́тствомъ бл҃гоꙋтро́бїѧ поне́сшаго.

Бг҃оро́диченъ: И҆збавлѧ́ющаго человѣ́ки плѣне́нїѧ вра́жїѧ, чⷭ҇таѧ, и҆зба́вителѧ родила̀ є҆сѝ. тѣ́мже бл҃гоче́стнѡ тѧ̀ сла́вимъ.

Сѣда́ленъ, гла́съ г҃.

Бжⷭ҇твенными ᲂу҆́гльми бжⷭ҇твенныѧ любвѐ разжже́нъ, мч҃ниче а҆нтѵ́по, безбо́жїѧ пла́мень ᲂу҆гаси́лъ є҆сѝ, и҆ въ разжже́нъ вложе́нъ бы́въ коно́бъ, къ невече́рнемꙋ свѣ́тꙋ ѿше́лъ є҆сѝ, ѻ҆́ч҃е прпⷣбне, хрⷭ҇та̀ бг҃а молѝ, грѣхѡ́въ ѡ҆ставле́нїе дарова́ти на́мъ.

Сла́ва, и҆ ны́нѣ, бг҃оро́диченъ: Бжⷭ҇твеннагѡ є҆стества̀ не ѿлꙋ́чсѧ, пло́ть бы́въ во чре́вѣ твое́мъ: но бг҃ъ вочл҃вѣ́чсѧ и҆ пребы́сть, и҆́же по ржⷭ҇твѣ̀ мт҃рь тѧ̀ дв҃ꙋ, ꙗ҆́кѡ пре́жде рождества̀ сохрани́въ всенепоро́чнꙋю, є҆ди́нъ гдⷭ҇ь: того̀ прилѣ́жнѡ молѝ, дарова́ти на́мъ ве́лїю ми́лость.

Крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена и҆зъ неѧ̀ безъ болѣ́зни прозѧ́бшаго, мт҃рски подо́бнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ! ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Не поколеба̀ столпа̀ твоегѡ̀ се́рдца пребеззако́ннꙋющихъ противле́нїе, мч҃ниче страстоте́рпче: тѣ́мже распалѧ́емь ре́вностїю вѣ́ры, ꙗ҆ви́лсѧ є҆сѝ ѻ҆гнѧ̀ си́льнѣйши.

Дрема́нїемъ нече́стїѧ ѡ҆держи̑мыѧ возбꙋжда́ѧ, прехва́льне, ᲂу҆чє́нїи ст҃а́гѡ дх҃а, къ ра́зꙋмꙋ воздви́глъ є҆сѝ и҆́стиннагѡ позна́нїѧ.

Смири́лъ є҆сѝ вы́сость де́мѡнскꙋю, къ бг҃ꙋ возвыше́ньми, а҆нтѵ́по, прилѣжѧ̀, и҆ восхожде́ньми бжⷭ҇твенными ѡ҆божа́емь, и҆ бг҃ови́денъ познава́емь.

Бг҃оро́диченъ: По ржⷭ҇твѣ̀ ꙗ҆́кѡ пре́жде ржⷭ҇тва̀ сохрани́ласѧ є҆сѝ, дв҃о мт҃и нетлѣ́ннаѧ: зижди́телѧ бо всѣ́хъ родила̀ є҆сѝ, и҆зъ тебє̀ человѣ́ческое тѣ́ло во́лею поне́сшаго.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀.

Возше́лъ є҆сѝ на го́рꙋ добродѣ́телей, бл҃же́нне, и҆ въ ра́зꙋмъ вше́лъ є҆сѝ кра́йнѣйшагѡ мра́ка, и҆ бг҃ꙋ бесѣ́довалъ є҆сѝ.

Глагѡ́лъ твои́хъ плени́цами и҆зъ глꙋбины̀ безбо́жїѧ ᲂу҆лови́лъ є҆сѝ, ст҃и́телю, заблꙋ́ждшыѧ человѣ́ки, и҆ бл҃года́тїю спа́слъ є҆сѝ.

Тѣ́ло ѻ҆гню̀ на снѣ́дь преда́лъ є҆сѝ, свы́ше, ст҃и́телю, ѿ бг҃а бжⷭ҇твеннꙋю ро́сꙋ бога́тнѡ прїе́млѧ.

Бг҃оро́диченъ: Сы́й въ зра́цѣ бж҃їи пребжⷭ҇твенный, всели́сѧ во чре́во твоѐ, зра́къ мо́й понесы́й гдⷭ҇ь, всенепоро́чнаѧ.

Пѣ́снь ѕ҃.

І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю.

Распе́нъ воздержа́нїемъ ᲂу҆деса̀, бл҃же́нне, въ поще́нїи подвиза́всѧ, мч҃ническими вѣнча́лсѧ є҆сѝ по́двиги, ꙗ҆̀же под̾ѧ́лъ є҆сѝ, ᲂу҆ма̀, а҆нтѵ́по, тве́рдостїю.

Стоѧ́лъ є҆сѝ предъ сꙋди́щемъ, проповѣ́дꙋѧ воплоще́нїе тебє̀ ра́ди и҆стощи́вшагѡсѧ, и҆ пїла́товꙋ сꙋди́щꙋ предста́вшагѡ, страстоте́рпче, и҆ крⷭ҇то́мъ врага̀ ᲂу҆мори́вшагѡ.

Болѧ́щымъ врачество̀ є҆́сть це́рковь, въ не́йже, бл҃же́нне мч҃ниче, терпѣли́вое твоѐ лежи́тъ тѣ́ло, бжⷭ҇твеннꙋю зарю̀ дарова́нїй и҆спꙋща́етъ дх҃а.

Бг҃оро́диченъ: Ст҃ы́й і҆и҃съ всели́выйсѧ во ᲂу҆тро́бꙋ твою̀, и҆́же во ст҃ы́хъ, дв҃о, почива́ѧй, и҆ прославлѧ́ѧй вѣ́рою и҆́стинною сего̀, ѻ҆трокови́це, сла́вѧщыѧ.

Конда́къ, гла́съ д҃.

А҆пⷭ҇лѡвъ сопресто́льникъ, и҆ ст҃и́телей ᲂу҆краше́нїе бы́лъ є҆сѝ, бл҃же́нне, мꙋ́ченически просла́вивсѧ, возсїѧ́лъ є҆сѝ ꙗ҆́коже со́лнце, всѣ́хъ просвѣща́ѧ, а҆нтѵ́по свѧще́нне, разрꙋши́лъ є҆сѝ безбо́жїѧ но́щь глꙋбо́кꙋю: сегѡ̀ ра́ди тѧ̀ почита́емъ, ꙗ҆́кѡ бжⷭ҇твеннаго сꙋ́ща сщ҃енномꙋ́ченика, и҆ цѣле́бъ пода́телѧ.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: благослове́нъ є҆сѝ въ хра́мѣ сла́вы твоеѧ̀, гдⷭ҇и.

Ю҆́ныѧ трѝ ѻ҆́троки и҆з̾ѡбразꙋ́ѧ, а҆нтѵ́по мꙋ́дре, ꙗ҆́коже посредѝ пе́щи ста́лъ є҆сѝ, лю́тѡ разжже́ннагѡ мѣ́днагѡ сосꙋ́да, взыва́ѧ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Да свѣ́та непристꙋ́пнагѡ ꙗ҆ви́шисѧ прича́стникъ, тмꙋ̀ лꙋка́выхъ дꙋхѡ́въ, бг҃омъ просвѣще́нъ, мимоте́клъ є҆сѝ, бл҃гослове́нъ є҆сѝ, бж҃е мо́й, зовы́й, гдⷭ҇и.

Стра̑сти разли̑чны рꙋкодѣ́йствомъ, а҆нтѵ́по, дх҃а ᲂу҆толѧ́еши человѣ́кѡвъ, мч҃ниче, хрⷭ҇тѡ́вымъ подо́бѧсѧ стрⷭ҇те́мъ, бл҃гослове́нъ є҆сѝ, бж҃е мо́й, зовы́й, гдⷭ҇и.

Бг҃оро́диченъ: Ѿ крове́й, ѻ҆трокови́це, дв҃и́ческихъ твои́хъ вои́стиннꙋ вопло́щсѧ сло́во ѻ҆ц҃ꙋ̀ собезнача́льное, на́ше сокрꙋше́нїе и҆справлѧ́ѧ: бл҃гослове́на ты̀ въ жена́хъ є҆сѝ, пренепоро́чнаѧ влⷣчце.

Пѣ́снь и҃.

І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а.

Ны́нѣ не въ зерца́лѣхъ зри́ши, ни въ гада́нїихъ, до́брыхъ послѣ́днее, лице́мъ же па́че къ лицꙋ̀, преше́дшымъ сѣ́немъ, вопїѧ̀ ра́достнѡ тѧ̀ просла́вльшемꙋ: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Тѧ̀ началопа́стырѧ хрⷭ҇та̀, бжⷭ҇твенное ѻ҆вча̀ до́брѣ ᲂу҆па́сшаго, тогѡ̀ ста́да, премꙋ́дре, ꙗ҆́кѡ а҆́гнца беззако́ннїи всесожига́ютъ ѻ҆гне́мъ, а҆нтѵ́по, пою́ща: бл҃гослови́те, всѧ̑ дѣла̀ гдⷭ҇нѧ, гдⷭ҇а.

На ка́мени бжⷭ҇твенныхъ за́повѣдей се́рдца твоегѡ̀ ᲂу҆тверди́лъ є҆сѝ стѡпы̀. лю́тыхъ мꙋ́къ вѣ́тры, ласка́тельными же бꙋ́рѧми непоколеба́лсѧ є҆сѝ, пѣснопоѧ̀, а҆нтѵ́по премꙋ́дре: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Бг҃оро́диченъ: Ꙗ҆́кѡ мт҃и всѣ́хъ творца̀, ꙗ҆́кѡ бжⷭ҇твенный хра́мъ вседержи́телѧ, ꙗ҆́кѡ землѧ̀ неѡра́ннаѧ, недѣ́ланный кла́съ прозѧ́бшаѧ, дв҃о мт҃и, вѣ̑рны вопїю́щыѧ сохранѝ: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ веселѧ́щесѧ, тѧ̀, бцⷣе, велича́емъ.

І҆ера́ршески, ст҃и́телю, свѧще́нное сконча́лъ є҆сѝ тече́нїе, свѧще́ннѣйшꙋю жи́знь твою̀ свѧще́ннѣйше соверши́въ, ра́дꙋѧсѧ поте́клъ є҆сѝ, къ тебѣ̀ люби́момꙋ, а҆нтѵ́по мꙋ́чениче свѧще́ннѣйше.

Ꙗ҆́кѡ добродѣ́тельными ви́ды ᲂу҆добре́нъ бы́въ, сла́вою мꙋче́нїѧ, всебл҃же́нне, ѡ҆свѧти́сѧ, и҆ преше́лъ є҆сѝ къ кра́сномꙋ гдⷭ҇ꙋ, прича́стїемъ ѡ҆божа́емь, бг҃опрїѧ́тне.

Ты̀ гдⷭ҇нею любо́вїю разжже́гсѧ, мч҃ниче а҆нтѵ́по, въ разжже́нъ ᲂу҆се́рднѡ вше́лъ є҆сѝ сосꙋ́дъ, всесожига́емь, и҆ бг҃ꙋ прїѧ́тна, ѻ҆́ч҃е, же́ртва прине́слсѧ є҆сѝ. Свѧще́нныхъ твои́хъ моще́й свѧще́ннаѧ, бл҃же́нне, ра́ка мѵ́ро и҆сцѣле́нїй то́читъ, ѕлосмра̑дныѧ стра̑сти ѿгонѧ́щи, и҆ твою̀ сла́вѧщыѧ па́мѧть ꙗ҆́вѣ благоꙋха́ющи.

Бг҃оро́диченъ: Носѧ́щаѧ хрⷭ҇та̀ на рꙋкꙋ̀, манове́нїемъ носѧ́щаго всѧ̑, сего̀ ꙗ҆́кѡ бг҃а и҆ влⷣкꙋ, чⷭ҇таѧ, молѝ, ᲂу҆ще́дрити ны̀, бцⷣꙋ чⷭ҇тꙋю и҆сповѣ́дающыѧ тѧ̀ всегда̀, непоро́чнаѧ.

Жизнь и тру­ды апо­сто­лов – Св. свя­щен­но­му­че­ник Ан­ти­па Пер­гам­ский

Краткое житие священномученика Антипы, епископа Пергамского

Свя­щен­но­му­че­ник Ан­ти­па – уче­ник свя­то­го апо­сто­ла Иоан­на Бо­го­сло­ва (па­мять 26 сен­тяб­ря), был епи­ско­пом Пер­гам­ской Церк­ви в цар­ство­ва­ние им­пе­ра­то­ра Неро­на (54–68).

В то вре­мя по по­ве­ле­нию им­пе­ра­то­ра всех, кто не при­но­сил жерт­вы идо­лам, под­вер­га­ли каз­ни или из­гна­нию. То­гда был за­то­чен на ост­ров Пат­мос в Эгей­ском мо­ре свя­той апо­стол Иоанн Бо­го­слов, ко­то­ро­му Гос­подь от­крыл бу­ду­щие судь­бы ми­ра и Свя­той Церк­ви.

"И Ан­ге­лу Пер­гам­ской Церк­ви на­пи­ши: так го­во­рит Име­ю­щий ост­рый с обе­их сто­рон меч: знаю твои де­ла, и что ты жи­вешь там, где пре­стол са­та­ны, и что со­дер­жишь Имя Мое, и не от­рек­ся от ве­ры Мо­ей да­же в те дни, в ко­то­рые у вас, где жи­вет са­та­на, умерщ­влен вер­ный сви­де­тель Мой Ан­ти­па" (Откр.2:12-13).

Свя­ти­тель Ан­ти­па сво­им при­ме­ром, твер­дой ве­рой и неустан­ной про­по­ве­дью о Хри­сте до­стиг то­го, что жи­те­ли Пер­га­ма на­ча­ли укло­нять­ся от жерт­во­при­но­ше­ний идо­лам. Язы­че­ские жре­цы упре­ка­ли епи­ско­па в том, что он от­вра­ща­ет на­род от по­кло­не­ния оте­че­ствен­ным бо­гам, и тре­бо­ва­ли пре­кра­тить про­по­ведь о Хри­сте и при­не­сти жерт­ву идо­лам.

Свя­ти­тель Ан­ти­па спо­кой­но от­ве­тил, что не станет слу­жить бо­гам-бе­сам, ко­то­рые бе­гут от него, смерт­но­го че­ло­ве­ка, что он по­кло­ня­ет­ся и бу­дет по­кло­нять­ся Гос­по­ду Все­дер­жи­те­лю, со­здав­ше­му все, и Его Еди­но­род­но­му и Еди­но­сущ­но­му Сы­ну и Свя­то­му Ду­ху. Жре­цы воз­ра­зи­ли, что их бо­ги су­ще­ству­ют из­дав­на, а Хри­стос по­явил­ся недав­но и был рас­пят при Пи­ла­те как зло­дей. Свя­ти­тель от­ве­тил, что язы­че­ские бо­ги со­зда­ны ру­ка­ми лю­дей и все ска­за­ния о них ис­пол­не­ны без­за­ко­ний и по­ро­ков. Он твер­до ис­по­ве­до­вал ве­ру в Сы­на Бо­жия, во­пло­тив­ше­го­ся от Пре­свя­той Де­вы.

Разъ­ярен­ные жре­цы по­влек­ли свя­щен­но­му­че­ни­ка Ан­ти­пу в храм Ар­те­ми­ды и бро­си­ли его в рас­ка­лен­но­го мед­но­го во­ла, ку­да обыч­но бро­са­ли жерт­вы идо­лам. Свя­щен­но­му­че­ник в рас­ка­лен­ной пе­чи гром­ко мо­лил­ся Бо­гу, про­ся при­нять его ду­шу и укре­пить ве­ру хри­сти­ан. Он ото­шел ко Гос­по­ду спо­кой­но, как бы уснув († ок. 68).

Но­чью хри­сти­ане взя­ли не тро­ну­тое ог­нем те­ло свя­щен­но­му­че­ни­ка Ан­ти­пы и с че­стью по­хо­ро­ни­ли в Пер­га­ме. Гроб­ни­ца свя­щен­но­му­че­ни­ка ста­ла ис­точ­ни­ком чу­дес и ис­це­ле­ний от раз­лич­ных бо­лез­ней. Осо­бен­но при­бе­га­ют к свя­щен­но­му­че­ни­ку Ан­ти­пе при зуб­ных бо­лях.

Полное житие священномученика Антипы, епископа Пергамского

Свя­щен­но­му­че­ник Ан­ти­па (I в. по Р.Х.) был од­ним из уче­ни­ков свя­то­го апо­сто­ла и еван­ге­ли­ста Иоан­на Бо­го­сло­ва, бли­жай­ше­го уче­ни­ка и на­перс­ни­ка Гос­по­да, и воз­глав­лял епи­скоп­скую ка­фед­ру в го­ро­де Пер­гам в Ма­лой Азии. Гос­подь по­ста­вил его на это слу­же­ние, ви­дя ве­ли­чие его ду­ха, и со­об­щил ему бла­го­дат­ные да­ры, име­ю­щие си­лу про­ти­во­сто­ять са­мо­му на­чаль­ни­ку ду­хов зло­бы под­не­бес­ной в од­ном из его зем­ных уде­лов.

Ко вре­ме­ни по­яв­ле­ния свя­то­го Ан­ти­пы в Пер­га­ме, этот го­род яв­лял­ся тре­тьим по ве­ли­чине по­сле та­ких го­ро­дов ан­тич­но­го ми­ра, как Рим и Алек­сан­дрия. Пер­гам сла­вил­ся сво­ей ве­ли­ко­леп­ной ар­хи­тек­ту­рой, биб­лио­те­кой, ко­то­рая со­пер­ни­ча­ла с алек­сан­дрий­ской, му­зе­ем скульп­ту­ры, на­уч­ны­ми шко­ла­ми и круп­ней­шим цен­тром те­ат­раль­но­го ис­кус­ства.

Пер­гам­ский ал­тарь – ал­тарь Зев­са – од­но из гран­ди­оз­ных со­ору­же­ний Древ­не­го ми­ра. В биб­лио­те­ке Пер­га­ма во мно­же­стве хра­ни­лись ру­ко­пи­си по ме­ди­цине, ведь го­род счи­тал­ся цен­тром ме­ди­цин­ской на­у­ки и вра­че­ва­ния. Го­ро­жане воз­ве­ли за сте­на­ми го­ро­да ле­чеб­ни­цу и укра­си­ли ее мно­го­зна­чи­тель­ной над­пи­сью: «Во имя бо­гов смер­ти вход за­пре­щен». Боль­ные при­ни­ма­ли ван­ны в от­де­лан­ных брон­зой бас­сей­нах, пи­ли це­леб­ные во­ды, а ру­ки ис­кус­ных мас­са­жи­стов и бла­го­вон­ные при­ти­ра­ния воз­вра­ща­ли си­лу осла­бев­шим му­ску­лам. В здрав­ни­це мож­но бы­ло от­дох­нуть в те­ни га­ле­рей, си­дя на ка­мен­ных ска­мьях или при­сло­нив­шись к ко­лонне. Под сво­да­ми здесь бы­ли скры­ты осо­бые ру­по­ры, и через них до­но­си­лись го­ло­са неви­ди­мых вра­чей-пси­хо­те­ра­пев­тов. Они убеж­да­ли боль­ных за­быть свои неду­ги, не ду­мать о го­ре­стях и физи­че­ских стра­да­ни­ях, по­дав­лять бо­лезнь си­лой соб­ствен­но­го ду­ха.

Двор­цы и хра­мы Пер­га­ма бы­ли по­стро­е­ны с изя­ще­ством и рос­ко­шью. Здесь был огром­ный те­атр, раз­ме­ра­ми и ар­хи­тек­ту­рой на­по­ми­на­ю­щий ста­ди­он, где в ду­хе вре­ме­ни про­во­ди­лись же­сто­кие иг­ри­ща – бои гла­ди­а­то­ров.

В цен­тре го­ро­да сто­ял язы­че­ский храм Ар­те­ми­ды – бо­ги­ни охо­ты, из­вест­ной сво­им ко­вар­ством, ко­то­рую бо­лее дру­гих бо­гов по­чи­та­ли мест­ные жи­те­ли.

С при­хо­дом в Пер­га­му епи­ско­па Ан­ти­пы бе­сы не смог­ли вы­дер­жать его ду­хов­ной си­лы и бе­жа­ли вон из гра­да. Мо­лит­ва стар­ца жгла их слов­но огонь и гна­ла прочь, а его пла­мен­ное сло­во и свя­тость жиз­ни об­ра­ща­ли ко Хри­сту мно­же­ство языч­ни­ков. Жи­те­ли Пер­га­ма пе­ре­ста­ли при­но­сить жерт­вы в язы­че­ские хра­мы. Не имея ни си­лы, ни вла­сти ис­ку­сить свя­то­го, бе­сы ста­ли яв­лять­ся сво­им зем­ным слу­гам – волх­вам и жре­цам, жа­лу­ясь, что уже не обо­ня­ют жерт­вен­но­го ку­ре­ния, не слы­шат вос­хва­ле­ний, так как их про­го­ня­ет на­чаль­ник хри­сти­ан.

Раз­гне­ван­ные языч­ни­ки схва­ти­ли свя­то­го и при­ве­ли на ка­пи­ще. «Не ты ли тот Ан­ти­па, ко­то­рый ни од­но­му из бо­гов не да­ет на­сы­тить­ся ту­ком жерт­вен­ным? Из-за те­бя бо­ги оста­ви­ли наш го­род и не хо­тят бо­лее охра­нять его! Под­чи­нись на­шим за­ко­нам, или под­верг­нешь­ся до­стой­но­му на­ка­за­нию», – по­тре­бо­вал пра­ви­тель. «Ес­ли ва­ши бо­ги не мо­гут са­ми на­ка­зать за при­чи­нен­ное им оскорб­ле­ние и, при­знав се­бя по­беж­ден­ны­ми от од­но­го ста­ри­ка, са­ми ищут ва­шей по­мо­щи, то как мо­гут охра­нять го­род?» – от­ве­тил Ан­ти­па.

В яро­сти язы­че­ские жре­цы по­влек­ли свя­то­го му­жа в храм Ар­те­ми­ды и бро­си­ли в рас­ка­лен­но­го мед­но­го во­ла, в ко­то­ром при­но­си­ли жерт­вы. Свя­той Ан­ти­па дол­го мо­лил­ся в рас­ка­лен­ном во­ле, а за­тем мир­но пре­дал дух в ру­це Бо­жии, как бы уснув. Хри­сти­ане взя­ли свя­тые мо­щи его и с че­стью по­греб­ли их в Пер­га­ме, и от них ис­тек­ло ми­ро, ис­це­ляв­шее все бо­лез­ни. С тех пор ве­ру­ю­щие, при­бе­гая к свя­щен­но­му­че­ни­ку Ан­ти­пе как ско­ро­му по­мощ­ни­ку в скор­бях и бо­лез­нях, неиз­мен­но по­лу­ча­ют уте­ше­ние и ис­це­ле­ние. Име­ет он и осо­бую бла­го­дать быть ско­рым по­мощ­ни­ком страж­ду­щим от зуб­ных бо­лез­ней.

Мо­лит­вен­ный по­кров свя­щен­но­му­че­ни­ка Ан­ти­пы осо­бен­но необ­хо­дим в на­ше апо­ста­сий­ное вре­мя. В пред­смерт­ной мо­лит­ве свя­той про­сил Гос­по­да, «дабы те, кто бу­дет жить по­сле ме­ня, со­де­ла­лись при­част­ни­ка­ми Ми­ло­сти Его». Се­го­дня он пред­ста­тель­ству­ет за хри­сти­ан, об­на­жая со­кро­вен­ные коз­ни лу­ка­во­го и на­став­ляя на путь спа­се­ния. Бу­дучи тай­но­зри­те­лем су­деб Бо­жи­их и по­бе­ди­те­лем бе­сов еще при жиз­ни, свя­той Ан­ти­па име­ет осо­бую бла­го­дать охра­нять от за­блуж­де­ний и по­кры­вать от бе­сов­ских ис­ку­ше­ний по­след­них вре­мен.

См. так­же: "Стра­да­ние свя­то­го свя­щен­но­му­че­ни­ка Ан­ти­пы, епи­ско­па Пер­гам­ско­го" в из­ло­же­нии свт. Ди­мит­рия Ро­стов­ско­го.