Канон священномученику Артемону, епископу Лаодикийскому

Припев: Священному́чениче Арте́моне, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 26 апреля (13 апреля ст. ст.)

Глас 8.

Пе́снь 1.

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Отверза́я ра́зума сокро́вища, Пода́тель и си́х благода́ть подава́ет оби́льно слове́с ве́рою восхваля́ющим страда́льца Его́ Арте́мона.

Стрело́ю пресла́дкия любве́ Христо́вы уя́звена от ю́ности тя́, му́дре, теле́сное пристра́стие, Арте́моне, Сего́ любве́ не отсече́.

В писа́ния прини́к приле́жно боже́ственнаго во глубину́, Арте́моне, извле́кл еси́ му́дре ра́зума лу́чшаго бога́тство, и́мже вся́ ве́рныя обогати́л еси́.

Богоро́дичен: Земноро́днии рождество́м Твои́м от земли́ к высоте́ небе́сней вознесо́хомся вои́стинну, Чи́стая Богоро́дице, и а́нгельским ликостоя́нием причто́хомся.

Пе́снь 3.

Ирмо́с: Ты́ еси́ утвержде́ние притека́ющих к Тебе́, Го́споди, Ты́ еси́ Све́т омраче́нных, и пое́т Тя́ ду́х мо́й.

Си́лою Ду́ха оде́ян, победи́л еси́ ополче́ния, я́же на Зижди́теля, Арте́моне вседо́блий.

Угаси́л еси́ пе́щь безбо́жия, преподо́бне, страда́льческих крове́й твои́х одожде́нии, Арте́моне пресла́вне.

Кипя́ боже́ственным раче́нием и разжига́емь боже́ственною любо́вию, преподо́бне, за сию́ пострада́л еси́.

Богоро́дичен: Разреши́ рождество́ Твое́ грехо́в на́ших, Чи́стая, вины́ и пра́вдою вся́ ве́рныя связа́.

Седа́лен, гла́с 4.

Испове́дании свяще́нными подо́бствовав и му́ченически жи́знь соверши́в, к небеси́ восте́кл еси́, Арте́моне му́дре, вене́ц неувяда́емый от Бо́га прие́мь. Те́м святу́ю твою́ пра́зднуем па́мять, вопию́ще: помяни́ ны́, священному́чениче, Христу́ предстоя́.

Сла́ва, и ны́не, богоро́дичен: Обнови́ла еси́, Чи́стая, Боже́ственным рождество́м Твои́м истле́вшее во страсте́х земноро́дных ме́ртвенное существо́ и воздви́гла еси́ вся́ от сме́рти к животу́ нетле́ния. Те́мже Тя́ по до́лгу блажи́м вси́, Де́во препросла́вленная, я́коже прорекла́ еси́.

Крестобогоро́дичен: На Кресте́ Тя́ возвы́шена я́ко узре́ Пречи́стая Ма́ти Твоя́, Сло́ве Бо́жий, ма́терски рыда́ющи, веща́ше: что́ но́вое и стра́нное сие́ чу́до, Сы́не Мо́й? Ка́ко, Жи́знь все́х, вкуша́еши сме́рти, оживи́ти ме́ртвыя хотя́, я́ко Милосе́рд?

Пе́снь 4.

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Же́ртва твоя́, сла́вне, на же́ртвенник небе́сный вознесе́ся и благоприя́тна Влады́це все́х ны́не бы́сть.

В виде́ние лу́чшее возне́с у́м, Арте́моне преподо́бне, научи́лся еси́ та́ин Христо́вых, за ни́хже и пострада́л еси́.

Водрузи́вся на недви́жимем ка́мени Зижди́телевы, преподо́бне, любве́, прило́ги и треволне́нии враго́в не поколеба́лся еси́ весьма́ мы́слию.

Богоро́дичен: Я́ко неистоща́емое, Влады́чице, Тя́ дарова́ний сокро́вище иму́ще, незави́стныя да́ры чуде́с от Тебе́ вси́ прие́млем.

Пе́снь 5.

Ирмо́с: Просвети́ на́с повеле́нии Твои́ми, Го́споди, и мы́шцею Твое́ю высо́кою Тво́й ми́р пода́ждь на́м, Человеколю́бче.

Волна́м, му́дре, безбо́жия запрети́в, спа́сл еси́ лю́ди благопокорли́выя, наста́вль во приста́нище ве́ры.

Свети́льник све́тел, в нощи́ ле́сти, преподо́бне, возсия́в доброде́телей све́том богоразу́мия, на све́т челове́ки напра́вил еси́.

Таи́нник Христо́в бы́в, Арте́моне преподо́бне, неизрече́нных та́ин, себе́ прине́сл еси́ Тому́ прия́тну же́ртву страда́нием.

Богоро́дичен: От скве́рны мя́ страсте́й и окаля́ния очи́щши, ду́шу мою́, Богоневе́сто, Твои́ми моли́твами чи́сту Бо́гу предста́ви.

Пе́снь 6.

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

Зако́нно за Христа́ страда́в, Арте́моне, обличи́л еси́ беззако́ннующих вра́г злочести́вое веле́ние, те́мже зако́нен му́ченик показа́лся еси́, боже́ственными побе́дами венча́емь.

Изсуши́в му́тныя пото́ки безбо́жия слове́с твои́х огне́м, све́тлыя источи́л еси́ ре́ки ве́ры богоразу́мия ве́рным, Арте́моне преподо́бне.

Вооружи́в, сла́вне, по́мысл на бори́теля зми́я, до́блим соплете́нием, Арте́моне, низложи́в его́, ме́ртва показа́л еси́ и от Го́спода побе́ды вене́ц прия́л еси́.

Богоро́дичен: Бы́хом ме́ртвии, безсме́ртнии Боже́ственною благода́тию рождества́ Твоего́ и тле́ния пе́рваго изба́вихомся, Богоро́дице Чи́стая, и нетле́ния оде́ждею украси́хомся.

Пе́снь 7.

Ирмо́с: От Иуде́и доше́дше, о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

Огне́м распала́емь боже́ственною Влады́ки любо́вию, му́чениче сла́вне, в по́двиг трудо́в усе́рдно во́лею вте́кл еси́, зовы́й: оте́ц на́ших Бо́же, благослове́н еси́.

Си́лою Паракли́товою облече́н, му́чениче, я́ко апо́столи, пре́лести ополче́ния до́блим терпе́нием победи́в, пе́л еси́: оте́ц на́ших Бо́же, благослове́н еси́.

Целому́дрием житие́ украси́в и те́ло чистото́ю, чи́сто Христу́, Арте́моне, священноде́йствовал еси́, поя́ и воспева́я благода́рственная: оте́ц на́ших Бо́же, благослове́н еси́.

Богоро́дичен: Да вся́ привлече́т к небе́сней сла́ве Творе́ц всего́, из Тебе́, Богороди́тельнице, благоизво́ли роди́тися и с на́ми я́ко Человеколю́бец и Благоде́тель Бо́г пло́тию пожи́ти.

Пе́снь 8.

Ирмо́с: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки.

Царя́ Небе́снаго, я́коже предпоче́л еси́ по достоя́нию от все́х земны́х, с Си́м во ве́ки, Арте́моне, сра́дуешися.

Превознесе́на тя́ душе́ю к Зижди́телю, прило́зи мучи́телей, страстоно́сче, ника́коже Сего́ отвлеко́ша любве́.

Све́та боже́ственнаго блиста́ньми, страстоте́рпче, просве́щся, вше́д в незаходи́мый же́ртвенник та́ин, я́ко таи́нник неизрече́нных.

Богоро́дичен: И́же челове́ческое естество́ прие́мый, Богоро́дице, из Тебе́ па́че ума́ и сло́ва сы́ны челове́ческия соде́ла сво́йственны.

Пе́снь 9.

Ирмо́с: Вои́стинну Богоро́дицу, Тя́ испове́дуем, спасе́ннии Тобо́ю, Де́во Чи́стая, с безпло́тными ли́ки Тя́ велича́юще.

Зи́му безбо́жия, му́чениче, прете́к, во благоче́стия ве́сну дости́гл еси́ и со́лнца сла́вы све́та сподо́бился еси́.

Душе́вными и разу́мными очесы́ прови́дев одесну́ю тебе́ стоя́ща Го́спода, не поколеба́лся еси́ му́к, Арте́моне, волна́ми.

Я́ко боже́ственныя неизрече́нныя сла́вы, страстоте́рпче, сподо́блься со страстоте́рпцы и ученики́ Христо́вы, о на́с умоли́ Сего́, я́ко Благоутро́бнаго.

Богоро́дичен: Свы́ше, Богоро́дице, Твои́м благоутро́бием на́шу нищету́ посети́ и от тли́ и бе́д на́с изба́ви.

Пѣ́снь а҃.

І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ.

Ѿверза́ѧ ра́зꙋма сокрѡ́вища пода́тель, и҆ си́хъ бл҃года́ть подава́етъ ѻ҆би́льнѡ слове́съ, вѣ́рою восхвалѧ́ющымъ страда́льца є҆гѡ̀ а҆рте́мона.

Стрѣло́ю пресла́дкїѧ любвѐ хрⷭ҇то́вы ᲂу҆ѧ́звена, ѿ ю҆́ности тѧ̀, мꙋ́дре, тѣле́сное пристра́стїе, а҆рте́моне, сегѡ̀ любвѐ не ѿсѣчѐ.

Въ писа̑нїѧ прини́къ прилѣ́жнѡ, бжⷭ҇твеннагѡ во глꙋбинꙋ̀, а҆рте́моне, и҆звле́клъ є҆сѝ, мꙋ́дре, ра́зꙋма лꙋ́чшагѡ бога́тство, и҆́мже всѧ̑ вѣ̑рныѧ ѡ҆богати́лъ є҆сѝ.

Бг҃оро́диченъ: Земноро́днїи ржⷭ҇тво́мъ твои́мъ ѿ землѝ къ высотѣ̀ нбⷭ҇нѣй вознесо́хомсѧ вои́стиннꙋ, чⷭ҇таѧ бцⷣе, и҆ а҆́гг҃льскимъ ликостоѧ́нїємъ причто́хомсѧ.

Пѣ́снь г҃.

І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й.

Си́лою дх҃а ѡ҆дѣ́ѧнъ, побѣди́лъ є҆сѝ ѡ҆полчє́нїѧ, ꙗ҆̀же на зижди́телѧ, а҆рте́моне вседо́блїй.

Оу҆гаси́лъ є҆сѝ пе́щь безбо́жїѧ, прпⷣбне, страда́льческихъ крове́й твои́хъ ѡ҆дождє́нїи, а҆рте́моне пресла́вне.

Кипѧ̀ бжⷭ҇твеннымъ раче́нїемъ, и҆ разжига́емь бжⷭ҇твенною любо́вїю, прпⷣбне, за сїю̀ пострада́лъ є҆сѝ.

Бг҃оро́диченъ: Разрѣшѝ ржⷭ҇тво̀ твоѐ грѣхѡ́въ на́шихъ, чⷭ҇таѧ, вины̑, и҆ пра́вдою всѧ̑ вѣ̑рныѧ свѧза̀.

Сѣда́ленъ, гла́съ д҃.

И҆сповѣ̑данїи свѧще́нными подо́бствовавъ, и҆ мч҃нически жи́знь соверши́въ, къ нб҃сѝ восте́клъ є҆сѝ, а҆рте́моне мꙋ́дре, вѣне́цъ неꙋвѧда́емый ѿ бг҃а прїе́мь. тѣ́мъ свѧтꙋ́ю твою̀ пра́зднꙋемъ па́мѧть, вопїю́ще: помѧни́ ны, свѧщенномꙋ́чениче, хрⷭ҇тꙋ̀ предстоѧ̀.

Сла́ва, и҆ ны́нѣ, бг҃оро́диченъ: Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ, и҆стлѣ́вшее во страсте́хъ земноро́дныхъ ме́ртвенное сꙋщество̀ и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ.

Крⷭ҇тобг҃оро́диченъ: На крⷭ҇тѣ́ тѧ возвы́шена ꙗ҆́кѡ ᲂу҆зрѣ̀ пречⷭ҇таѧ мт҃и твоѧ̀, сло́ве бж҃їй, мт҃рски рыда́юще вѣща́ше: что̀ но́вое и҆ стра́нное сїѐ чꙋ́до, сн҃е мо́й; ка́кѡ, жи́знь всѣ́хъ, вкꙋша́еши сме́рти, ѡ҆живи́ти мє́ртвыѧ хотѧ̀, ꙗ҆́кѡ милосе́рдъ.

Пѣ́снь д҃.

І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀.

Же́ртва твоѧ̀, сла́вне, на же́ртвенникъ нбⷭ҇ный вознесе́сѧ, и҆ бл҃гопрїѧ́тна влⷣцѣ всѣ́хъ ны́нѣ бы́сть.

Въ видѣ́нїе лꙋ́чшее возне́съ ᲂу҆́мъ, а҆рте́моне прпⷣбне, наꙋчи́лсѧ є҆сѝ та̑инъ хрⷭ҇то́выхъ, за ни́хже и҆ пострада́лъ є҆сѝ.

Водрꙋзи́всѧ на недви́жимѣмъ ка́мени зижди́телевы, преподо́бне, любвѐ, прилѡ́ги и҆ треволнє́нїи врагѡ́въ не поколеба́лсѧ є҆сѝ весьма̀ мы́слїю.

Бг҃оро́диченъ: Ꙗ҆́кѡ неистоща́емое, влⷣчце, тѧ̀ дарова́нїй сокро́вище и҆мꙋ́ще, незави̑стныѧ да́ры чꙋде́съ ѿ тебє̀ всѝ прїе́млемъ.

Пѣ́снь є҃.

І҆рмо́съ: Просвѣтѝ на́съ повелѣ̑нїи твои́ми, гдⷭ҇и, и҆ мы́шцею твое́ю высо́кою, тво́й ми́ръ пода́ждь на́мъ, чл҃вѣколю́бче.

Волна́мъ, мꙋ́дре, безбо́жїѧ запрети́въ, спа́слъ є҆сѝ лю́ди благопокѡрли́выѧ, наста́вль во приста́нище вѣ́ры.

Свѣти́льникъ свѣ́телъ, въ нощѝ ле́сти, прпⷣбне, возсїѧ́въ добродѣ́телей свѣ́томъ бг҃оразꙋ́мїѧ, на свѣ́тъ человѣ́ки напра́вилъ є҆сѝ.

Таи́нникъ хрⷭ҇то́въ бы́въ, а҆рте́моне прпⷣбне, неизрече́нныхъ та̑инъ, себѐ прине́слъ є҆сѝ томꙋ̀ прїѧ́тнꙋ же́ртвꙋ страда́нїемъ.

Бг҃оро́диченъ: Ѿ скве́рны мѧ̀ страсте́й и҆ ѡ҆калѧ́нїѧ ѡ҆чи́щши, дꙋ́шꙋ мою̀, бг҃оневѣ́сто, твои́ми моли́твами, чи́стꙋ бг҃ꙋ предста́ви.

Пѣ́снь ѕ҃.

І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀.

Зако́ннѡ за хрⷭ҇та̀ страда́въ, а҆рте́моне, ѡ҆бличи́лъ є҆сѝ беззако́ннꙋющихъ вра̑гъ ѕлочести́вое велѣ́нїе: тѣ́мже зако́ненъ мч҃никъ показа́лсѧ є҆сѝ, бжⷭ҇твенными побѣ́дами вѣнча́емь.

И҆зсꙋши́въ мꙋ̑тныѧ пото́ки безбо́жїѧ слове́съ твои́хъ ѻ҆гне́мъ, свѣ̑тлыѧ и҆сточи́лъ є҆сѝ рѣ́ки вѣ́ры бг҃оразꙋ́мїѧ вѣ̑рнымъ, а҆рте́моне прпⷣбне.

Воѡрꙋжи́въ, сла́вне, по́мыслъ на бори́телѧ ѕмі́ѧ, до́блимъ соплете́нїемъ, а҆рте́моне, низложи́въ є҆го̀, ме́ртва показа́лъ є҆сѝ, и҆ ѿ гдⷭ҇а побѣ́ды вѣне́цъ прїѧ́лъ є҆сѝ.

Бг҃оро́диченъ: Бы́хомъ ме́ртвїи безсме́ртнїи, бжⷭ҇твенною бл҃года́тїю ржⷭ҇тва̀ твоегѡ̀, и҆ тлѣ́нїѧ пе́рвагѡ и҆зба́вихомсѧ, бцⷣе чⷭ҇таѧ, и҆ нетлѣ́нїѧ ѻ҆де́ждею ᲂу҆краси́хомсѧ.

Пѣ́снь з҃.

І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша, пою́ще: ѻ҆ц҃є́въ бж҃е, бл҃гослове́нъ є҆сѝ.

Ѻ҆гне́мъ распала́емь бжⷭ҇твенною влⷣки любо́вїю, мч҃ниче сла́вне, въ по́двигъ трꙋдѡ́въ ᲂу҆се́рднѡ во́лею вте́клъ є҆сѝ, зовы́й: ѻ҆тє́цъ на́шихъ бж҃е, бл҃гослове́нъ є҆сѝ.

Си́лою паракли́товою ѡ҆блече́нъ, мч҃ниче, ꙗ҆́кѡ а҆пⷭ҇ли, пре́лести ѡ҆полчє́нїѧ до́блимъ терпѣ́нїемъ побѣди́въ, пѣ́лъ є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ.

Цѣломꙋ́дрїемъ житїѐ ᲂу҆краси́въ, и҆ тѣ́ло чистото́ю, чи́стѡ хрⷭ҇тꙋ̀, а҆рте́моне, свѧщеннодѣ́йствовалъ є҆сѝ, поѧ̀ и҆ воспѣва́ѧ бл҃года́рствєннаѧ: ѻ҆тє́цъ на́шихъ бж҃е, бл҃гослове́нъ є҆сѝ.

Бг҃оро́диченъ: Да всѧ̑ привлече́тъ къ нбⷭ҇нѣй сла́вѣ творе́цъ всегѡ̀, и҆зъ тебє̀, бг҃ороди́тельнице, бл҃гоизво́ли роди́тисѧ, и҆ съ на́ми, ꙗ҆́кѡ чл҃вѣколю́бецъ и҆ бл҃годѣ́тель бг҃ъ, пло́тїю пожи́ти.

Пѣ́снь и҃.

І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки.

Цр҃ѧ̀ нбⷭ҇наго, ꙗ҆́коже предпоче́лъ є҆сѝ по достоѧ́нїю ѿ всѣ́хъ земны́хъ, съ си́мъ во вѣ́ки, а҆рте́моне, сра́дꙋешисѧ.

Превознесе́на тѧ̀ дꙋше́ю къ зижди́телю, прило́зи мꙋчи́телей, стрⷭ҇тоно́сче, ника́коже сегѡ̀ ѿвлеко́ша любвѐ.

Свѣ́та бжⷭ҇твеннагѡ блиста́ньми, страстоте́рпче, просвѣ́щсѧ, вше́дъ въ незаходи́мый же́ртвенникъ та̑инъ, ꙗ҆́кѡ таи́нникъ неизрече́нныхъ.

Бг҃оро́диченъ: И҆́же человѣ́ческое є҆стество̀ прїе́мый, бцⷣе, и҆зъ тебє̀ па́че ᲂу҆ма̀ и҆ сло́ва, сы́ны человѣ́чєскїѧ содѣ́ла свѡ́йственны.

Пѣ́снь ѳ҃.

І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, спасе́ннїи тобо́ю, дв҃о чⷭ҇таѧ, съ безпло́тными ли́ки тѧ̀ велича́юще.

Зи́мꙋ безбо́жїѧ, мч҃ниче, прете́къ, во благоче́стїѧ ве́снꙋ дости́глъ є҆сѝ, и҆ сл҃нца сла́вы свѣ́та сподо́билсѧ є҆сѝ.

Дꙋше́вными и҆ разꙋ́мными ѻ҆чесы̀ прови́дѣвъ ѡ҆деснꙋ́ю тебє̀ стоѧ́ща гдⷭ҇а, не поколеба́лсѧ є҆сѝ мꙋ́къ, а҆рте́моне, волна́ми.

Ꙗ҆́кѡ бжⷭ҇твенныѧ неизрече́нныѧ сла́вы, страстоте́рпче, сподо́бльсѧ со стрⷭ҇тоте́рпцы и҆ ᲂу҆ч҃никѝ хрⷭ҇тѡ́вы, ѡ҆ на́съ ᲂу҆молѝ сего̀, ꙗ҆́кѡ бл҃гоꙋтро́бнаго.

Бг҃оро́диченъ: Свы́ше, бцⷣе, твои́мъ бл҃гоꙋтро́бїемъ на́шꙋ нищетꙋ̀ посѣтѝ, и҆ ѿ тлѝ и҆ бѣ́дъ на́съ и҆зба́ви.

Свя­щен­но­му­че­ник Ар­те­мон ро­дил­ся в пер­вой по­ло­вине III-го ве­ка в Ла­оди­кии Си­рий­ской от хри­сти­ан­ских ро­ди­те­лей. С юных лет он по­свя­тил се­бя слу­же­нию Церк­ви. В 16-лет­нем воз­расте свя­той был по­став­лен чте­цом и в этом зва­нии тру­дил­ся в те­че­ние 12 лет. За усер­дие к бо­же­ствен­ным служ­бам свя­ти­тель Си­си­ний воз­вел его в сан диа­ко­на. С та­кой же рев­но­стью и ста­ра­ни­ем свя­той Ар­те­мон ис­пол­нял это слу­же­ние в те­че­ние 28 лет, по­сле че­го был ру­ко­по­ло­жен во пре­сви­те­ра. В этом сане свя­той Ар­те­мон слу­жил в Церк­ви Бо­жи­ей 33 го­да, про­по­ве­дуя хри­сти­ан­скую ве­ру сре­ди языч­ни­ков. Ко­гда им­пе­ра­тор Дио­кли­ти­ан (284–305) на­чал же­сто­кое го­не­ние на хри­сти­ан, свя­той Ар­те­мон был уже стар­цем. Им­пе­ра­тор из­дал указ, чтобы все хри­сти­ане при­нес­ли жерт­вы идо­лам. Свя­ти­тель Си­си­ний, узнав о ско­ром при­бы­тии в Ла­оди­кий­скую об­ласть во­е­на­чаль­ни­ка Пат­ри­кия, вме­сте со свя­щен­ни­ком Ар­те­мо­ном про­ник в ка­пи­ще бо­ги­ни Ар­те­ми­ды. Там они раз­би­ли и со­жгли идо­лов.

За­тем свя­ти­тель Си­си­ний и свя­той Ар­те­мон со­бра­ли паст­ву в церк­ви и го­ря­чо убеж­да­ли хри­сти­ан оста­вать­ся твер­ды­ми в ве­ре и не стра­шить­ся угроз му­чи­те­лей.

При­быв в Ла­оди­кию, Пат­ри­кий устро­ил пя­ти­днев­ные тор­же­ства в честь язы­че­ских бо­гов, а за­тем на­пра­вил­ся в ка­пи­ще Ар­те­ми­ды для при­не­се­ния жерт­вы. Он узнал, кто раз­ру­шил ка­пи­ще, и с от­ря­дом во­и­нов на­пра­вил­ся к церк­ви, где мо­ли­лись хри­сти­ане. Не дой­дя до церк­ви, Пат­ри­кий по­чув­ство­вал вне­зап­ный озноб, а за­тем жар, так что его при­шлось, еле жи­во­го, вне­сти в пер­вый на­хо­див­ший­ся на пу­ти дом. "Хри­сти­ане про­кля­ли ме­ня, и это их Бог му­чит ме­ня", – ска­зал он при­бли­жен­ным. Моль­бы Пат­ри­кия к идо­лам не об­лег­чи­ли его стра­да­ний. Он по­слал гон­ца к свя­ти­те­лю Си­си­нию и про­сил его по­мо­щи, обе­щая в бла­го­дар­ность сде­лать зо­ло­тую ста­тую епи­ско­па. Свя­ти­тель от­ве­тил: "Зо­ло­то твое да бу­дет с то­бою, а ес­ли хо­чешь ис­це­лить­ся, уве­руй во Хри­ста".

Пат­ри­кий ис­пу­гал­ся смер­ти и объ­явил, что ве­ру­ет во Хри­ста. По мо­лит­ве свя­ти­те­ля Си­си­ния бо­лезнь оста­ви­ла его. Но со­вер­шив­ше­е­ся чу­до не из­ме­ни­ло за­кос­не­лой ду­ши языч­ни­ка. Хо­тя он не тро­нул свя­ти­те­ля Си­син­ня, од­на­ко от­пра­вил­ся вы­пол­нять им­пе­ра­тор­ский указ к дру­гим хри­сти­а­нам в го­род Ке­са­рию. По пу­ти он встре­тил стар­ца, за ко­то­рым шли по­пар­но шесть ди­ких ослов и два оле­ня. Это был свя­щен­ник Ар­те­мон.

На во­прос Пат­ри­кия, как он смог по­ве­сти за со­бой ди­ких зве­рей, свя­той Ар­те­мон от­ве­тил, что Хри­сто­ву Име­ни по­ви­ну­ет­ся всё в ми­ре и для ис­тин­ной ве­ры во Хри­ста нет ни­че­го невоз­мож­но­го.

Пат­ри­кий узнал от языч­ни­ков, что встре­чен­ный на пу­ти ста­рец – тот са­мый Ар­те­мон, ко­то­рый раз­ру­шил ка­пи­ще Ар­те­ми­ды. Он при­ка­зал схва­тить его и от­ве­сти в го­род Ке­са­рию.

Свя­той Ар­те­мон без стра­ха по­сле­до­вал за во­и­на­ми, а жи­вот­ным при­ка­зал ид­ти к свя­ти­те­лю Си­си­нию.

Один из оле­ней по­лу­чил от Бо­га дар сло­ва и рас­ска­зал свя­ти­те­лю, что слу­чи­лось со свя­тым Ар­те­мо­ном. Свя­ти­тель по­слал ему в Ке­са­рию бла­го­сло­ве­ние и просфо­ру через диа­ко­на.

В Ке­са­рии Пат­ри­кий вы­звал свя­то­го Ар­те­мо­на на суд и стал при­нуж­дать его при­не­сти жерт­ву в ка­пи­ще Ас­кле­пия. В том ка­пи­ще жи­ло мно­же­ство ядо­ви­тых змей. Жре­цы ни­ко­гда не от­кры­ва­ли две­рей, не при­не­ся пред­ва­ри­тель­но жерт­ву идо­лу. Но свя­той Ар­те­мон, при­звав имя Иису­са Хри­ста, без вся­ко­го стра­ха во­шел в ка­пи­ще и вы­вел от­ту­да мно­же­ство змей. Языч­ни­ки об­ра­ти­лись в бег­ство, но свя­той оста­но­вил их и сво­им ду­но­ве­ни­ем умерт­вил змей. Один из жре­цов, Ви­та­лий, уве­ро­вал во Хри­ста и про­сил свя­то­го Ар­те­мо­на кре­стить его.

Пат­ри­кий ду­мал, что свя­той Ар­те­мон умерт­вил змей волх­во­ва­ни­ем, и сно­ва стал до­пра­ши­вать его и ис­тя­зать. В то вре­мя в Ке­са­рию при­бе­жал олень, го­во­рив­ший со свя­ти­те­лем Си­си­ни­ем. Олень стал ли­зать сто­пы му­че­ни­ка, а за­тем, сно­ва по­лу­чив от Бо­га дар сло­ва, об­ли­чил Пат­ри­кия, пред­ска­зав ему ско­рую смерть в ки­пя­щем кот­ле. Пат­ри­кий ис­пу­гал­ся, что чу­де­са, со­вер­ша­е­мые свя­тым Ар­те­мо­ном, при­вле­кут к нему еще боль­ше на­ро­да, и при­ка­зал каз­нить его.

Огром­ный ко­тел на­пол­ни­ли ки­пя­щей смо­лой. Во­и­ны долж­ны бы­ли бро­сить ту­да свя­то­го Ар­те­мо­на. Но ко­гда Пат­ри­кий подъ­е­хал на коне к кот­лу, же­лая про­ве­рить, ки­пит ли смо­ла, два Ан­ге­ла в ви­де ор­лов схва­ти­ли и бро­си­ли его в ко­тел, а му­че­ник Ар­те­мон остал­ся жив. По мо­лит­ве свя­то­го из зем­ли ис­шел род­ник, в ко­то­ром он кре­стил жре­ца Ви­та­лия и мно­гих языч­ни­ков, уве­ро­вав­ших во Хри­ста. На сле­ду­ю­щее утро свя­той Ар­те­мон при­ча­стил но­во­кре­щеных Свя­тых Тайн.

Епи­скоп Ке­са­рий­ский при­шел при­вет­ство­вать свя­то­го Ар­те­мо­на. Он от­ме­тил ме­сто, где стра­дал му­че­ник, и впо­след­ствии ос­но­вал здесь цер­ковь. Мно­гие кре­стив­ши­е­ся бы­ли по­свя­ще­ны во диа­ко­нов и свя­щен­ни­ков, а Ви­та­лий по­став­лен епи­ско­пом Па­ле­стин­ским. Свя­щен­но­му­че­ник Ар­те­мон по зо­ву Бо­же­ствен­но­го гла­са по­шел с про­по­ве­дью Еван­ге­лия в Асию, в се­ле­ние Ву­ли. По до­ро­ге его вос­хи­тил Ан­гел и пе­ре­нес в от­кры­тое ему в ви­де­нии се­ле­ние. Там он мно­гих об­ра­тил к ве­ре во Хри­ста. Языч­ни­ки схва­ти­ли свя­то­го и от­сек­ли ему го­ло­ву († 303).

См. так­же: "Стра­да­ние свя­то­го свя­щен­но­му­че­ни­ка Ар­те­мо­на" в из­ло­же­нии свт. Ди­мит­рия Ро­стов­ско­го.