Канон священномученику Григорию Армянскому, просветителю Великой Армении

Припев: Священному́чениче Григо́рие, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 13 октября (30 сентября ст. ст.)

Глас 4.

Пе́снь 1.

Ирмо́с: Триста́ты кре́пкия, Рожде́йся от Де́вы, безстра́стия во глубине́, души́ трича́стное потопи́, молю́ся, да Тебе́, я́ко в тимпа́не, во умерщвле́нии телесе́ побе́дное воспою́ пе́ние.

Тро́ице честне́й предстоя́ венцено́сец, я́ко бо́др па́стырь, я́ко му́ченик свяще́нен, свяще́нными твои́ми моли́твами успи́ страсте́й мои́х мра́чная привиде́ния хва́лящему тя́, блаже́нне Григо́рие.

Незаходи́мый свети́льник, иера́рх вели́кий, многострада́льный па́стырь, подвиго́в искуше́ние, Арме́нии хвала́ дне́сь на пе́ние ве́рныя призва́: соше́дшеся, того́ ублажи́м.

Во́д живо́тных Ду́ха, блаже́нне, напо́лнился еси́, я́ко река́ Еде́ма у́мнаго исходя́щая, лице́ напая́я церко́вное и изсуша́я пучи́ну идолонеи́стовства, Григо́рие.

Богоро́дичен: Жены́, Кресто́м от Тебе́ Вопло́щшагося укрепля́емы, Чи́стая, пострада́ша кре́пко и Тому́ приведе́ны бы́ша во сле́д Тебе́, Де́вы, де́вства блиста́ньми и му́ченическими кровьми́ сия́юще.

Пе́снь 3.

Ирмо́с: Я́ко непло́ды роди́ от язы́к Це́рковь, и мно́гое в ча́дех изнемо́же со́нмище, чу́дному Бо́гу на́шему возопии́м: Свя́т еси́, Го́споди.

Ра́нами подвиго́в твои́х зу́бы сокруши́л еси́ льво́в, и излия́ньми крове́й де́монскую кро́вь погубля́я, и́дольская же из ко́рене низвраща́еши ка́пища, досточу́дне.

Ни лю́тых наляца́ния, ни го́рькия му́ки, ни мра́чнейшаго ро́ва затворе́ние долговре́менное тво́й адама́нтский преврати́ша по́мысл, му́чениче досточу́дне.

Дрема́ния твои́м очесе́м, му́чениче, не да́л еси́, до́ндеже дрема́нием злы́м одержи́мыя злочести́во сы́ны дне́ показа́л еси́, зову́щия: свя́т еси́, Го́споди.

Богоро́дичен: Девома́терь Тя́, Отрокови́це, Рипсими́я му́ченица ве́дущи еди́ну, восхоте́ Твои́м добро́там и Христу́ во сле́д приведе́ся, страстьми́ светя́щися.

Седа́лен, гла́с 4.

Пресве́тлыми сия́ньми, иера́рше, озари́в твою́ ду́шу светоно́сно, доброде́тельми просвети́л еси́ лице́ земли́, име́я в се́рдце твое́м Христа́; просвеща́еши же, я́ко со́лнце незаходи́мое, язы́ков собо́ры, му́ченическими добро́тами на́с удобря́я, Григо́рие всему́дре.

Богоро́дичен: Грехолюби́в сы́й, молю́ Тя́, Безгре́шнаго Бо́га ро́ждшую, взе́млющаго гре́х ми́ра, Пречи́стая, многогре́шную ду́шу мою́ уще́дрити и грехи́ моя́ мно́гия очи́стити, гре́шных бо Ты́ еси́ очище́ние и спасе́ние ве́рных и защище́ние.

Крестобогоро́дичен: Из Безнача́льнаго Отца́ рожде́ннаго, в после́дняя времена́ пло́тию Ро́ждшая, на Кресте́ Тя́ ви́сяща зря́щи, Христе́, — увы́ Мне́, любе́знейший Иису́се! — вопия́ше, — ка́ко сла́вимый, я́ко Бо́г, от а́нгел, от беззако́нных ны́не челове́к, Сы́не, хотя́ распина́ешися? Пою́ Тя́, Долготерпели́ве.

Пе́снь 4.

Ирмо́с: Седя́й в сла́ве на Престо́ле Божества́, во о́блаце ле́гце прии́де Иису́с Пребоже́ственный нетле́нною дла́нию и спасе́ зову́щия: сла́ва, Христе́, си́ле Твое́й.

На обзо́рную тя́ высоту́ муче́ния возведе́ высо́кий в сла́ве Госпо́дь вы́шний, сла́вне, Его́же Стра́сти, ра́дуяся, изобрази́л еси́, священному́чениче: сла́ва, — вопия́, — си́ле Твое́й.

Губя́щаго безбо́жнаго врага́ всю́ зе́млю Арме́нскую Боже́ственною си́лою низложи́л еси́ и, я́ко заря́ просия́в, просвети́л еси́ во тме́ лежа́щия, му́дре, су́етства.

Многосугу́бно Созда́телю тво́й тала́нт прине́сл еси́, спа́сшихся боже́ственными твои́ми уче́нии, Григо́рие, и от Него́ нестаре́ющийся жре́бий прия́л еси́, Ца́рство, е́же на небесе́х, и све́тлость.

Богоро́дичен: Я́ко добру́, я́ко избра́нну Тя́ и я́ко красну́ возлюби́ша отрокови́цы де́вы, с Рипсими́ею страда́вшия, Девома́ти Мари́е, и во сле́д Тебе́ приведо́шася Сы́ну Твоему́, ра́дующеся.

Пе́снь 5.

Ирмо́с: Просвеще́ние Твое́, Го́споди, низпосли́ на́м и от мглы́ прегреше́ний разреши́ ны́, Бла́же, Тво́й ми́р да́руяй.

Крестоявле́нно ви́дел еси́ зна́мение я́ве, све́том сия́ющее и разруша́ющее но́щь и́дольскую, све́та же ча́да ве́рныя соде́ловающее.

В до́льнейшем тя́ ро́ве спасе́ Христо́с Бо́г, со зверьми́ су́ща ле́тным измене́нием, хотя́ща све́том Боже́ственнаго Сло́ва просвеща́ти безу́мныя.

Му́ченически подвиза́вся, венча́лся еси́ я́ко победи́тель, пома́зався же ми́ром архиере́йства, пома́зал еси́ лю́ди, злосмра́дныя льсти́ изба́вив, Григо́рие.

Богоро́дичен: Воню́ ощути́вше ми́ра де́вы, из Тебе́, Чи́стая Де́во, возсия́вшаго Сло́ва, страда́льческими по́двиги Тому́ благоугоди́ша, ра́дующеся.

Пе́снь 6.

Ирмо́с: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли́ изба́ви мя́, Иису́се, Царю́ си́л.

Слове́с твои́х си́лою тре́бища разори́шася, и де́монстии низложи́шася нетве́рдии куми́ры, и ве́рных сердца́ боже́ственным утверди́шася раче́нием.

Тирида́та, я́коже ве́пря свя́заннаго, приве́л еси́ я́ко а́гня Го́споду, пре́жде бы́вша во́лка свире́паго, за вели́кое бога́тство благоутро́бия Бо́жия ны́не спаса́ема.

Показа́л еси́ заблу́ждшим стезю́ Боже́ственную, неле́стными поуче́нии, иера́рше, соверши́в я́ко па́стырь, Па́стыря и́стиннаго подража́я, Григо́рие.

Богоро́дичен: Распина́ема от Тебе́, Богоро́дице, Вопло́щшагося я́ко уве́де Рипсими́я, Тому́ сраспя́тся, я́ко а́гница Па́стырю, я́ко же́ртва Бо́гу непоро́чная.

Конда́к, гла́с 2.

Благосла́внаго и священнонача́льника вси́, я́ко страда́льца и́стины, дне́сь ве́рнии в пе́снех и песнопе́ниих восхва́лим, бо́драго па́стыря и учи́теля Григо́рия, всеми́рнаго свети́льника и побо́рника, Христу́ бо мо́лится, е́же спасти́ся на́м.

И́кос:

Сего́ вели́каго во страстоте́рпцех, свети́льника боже́ственнаго, Арме́нии ве́рна па́стыря и учи́теля в пе́снех восхва́лим и пе́нии боже́ственными главу́ его́ венча́ем, и́бо тму́ безбо́жия и́дольскаго погуби́, с ни́миже и де́монское де́йство все́ умертви́. Те́м труды́ претерпе́в кре́пким по́мыслом и благода́тию, Христу́ ны́не мо́лится, е́же спасти́ся на́м.

Пе́снь 7.

Ирмо́с: Авраа́мстии иногда́ в Вавило́не о́троцы пе́щный пла́мень попра́ша, пе́сньми взыва́юще: оте́ц на́ших Бо́же, благослове́н еси́.

Многови́дныя му́ки претерпе́в, му́чениче, мно́гия от му́к свободи́л еси́ и бу́дущия печа́ли, вопия́: оте́ц на́ших Бо́же, благослове́н еси́.

До́м себе́ Тро́ицы соверши́в, блаже́нне, хра́мы и́дольския разори́л еси́, хра́мы же воздви́гл еси́ Всеви́дцу Сло́ву, лю́дем на спасе́ние.

Священноде́латель яви́лся еси́, тебе́ сама́го же́ртву пре́жде те́пле прине́сл еси́ Влады́це твоему́, Ему́же жря́ пото́м, благочести́вым дае́ши душа́м во спасе́ние.

Богоро́дичен: Му́ченическими венцы́ укра́шены, отрокови́цы из Де́вы возсия́вшему Бо́гу приведо́шася, песнопе́сненно вопию́ще: Христе́, благослове́н еси́.

Пе́снь 8.

Ирмо́с: Изба́вителю все́х Всеси́льне, посреде́ пла́мене благоче́ствовавшия, снизше́д, ороси́л еси́ и научи́л еси́ пе́ти: вся́ дела́, благослови́те, по́йте Го́спода.

Пострада́в зако́нно, посрами́л еси́ беззако́нныя враги́ крепча́йше, священнослужи́телю Григо́рие, и Бо́гу приве́л еси́ мно́жество пою́щих: вся́кая дела́, благослови́те, Госпо́дня, Го́спода.

Возде́лав непло́дную ни́ву, насе́ял еси́ слове́сная се́мена, во сто́ пожа́в слове́сных кла́сов благопло́дие, Де́лателю ду́ш угобзи́вшее.

Блиста́ньми слове́с твои́х просвети́л еси́ и мно́гия тмы́ приве́л еси́, на́с ра́ди во́лею Претерпе́вшему Стра́сти, Ему́же песнопое́м: благослови́те, вся́ дела́ Госпо́дня, Го́спода.

Богоро́дичен: Ни мно́жества му́к убоя́вшися, ни плотски́м сласте́м повину́вшися, от Де́вы Го́спода су́ща испове́да, вопию́щи, Рипсими́я: благослови́те, вся́ дела́ Госпо́дня, Го́спода.

Пе́снь 9.

Ирмо́с: Е́ва у́бо неду́гом преслуша́ния кля́тву всели́ла е́сть, Ты́ же, Де́во Богоро́дице, прозябе́нием чревоноше́ния ми́рови благослове́ние процвела́ еси́. Те́м Тя́ вси́ велича́ем.

Си́лою вжиля́емь Христо́вою, претерпе́л еси́ му́к боле́зни, и ка́пища погуби́л еси́ де́монская, и хра́мы и́дольския раскопа́л еси́, лю́ди же, су́щия в неве́дении, просвети́л еси́, священному́чениче всече́стне.

Я́ко у́тро, возсия́ на́м па́мять твоя́, благода́тей зарю́ нося́щи, ты́ бо све́та яви́лся еси́ прия́телище Боже́ственнаго и к Све́ту возше́л еси́ невече́рнему, бога́тно озаря́емь светоли́тии Боже́ственными, преподо́бне.

Собесе́дник яви́лся еси́ проро́ков, му́чеников же и апо́столов купножи́тель, архиере́ев и преподо́бных, а́нгелов и арха́нгелов равноста́тен, с ни́миже о на́с, чту́щих тя́, о́тче, моли́ Человеколю́бца.

До́блествоваша жены́ честны́я, испаде́ние Е́вино исправля́юще, претерпе́ша боле́зней треволне́ние, вельми́ на высоту́ хва́лящагося нога́ми красне́йшими сокруши́ша, и́хже досто́йно ублажа́ем.

Богоро́дичен: Све́том лица́ из Тебе́ Возсия́вшаго озари́вшися, Присноде́во, любо́вию неудержа́нною, Рипсими́я Стра́сти Его́ и Сме́рть свое́ю пло́тию изобрази́, те́мже с Тобо́ю, Влады́чице, ны́не весели́тся.

Свети́лен.

В ро́ве вре́менно затворе́на со зверьми́ Григо́рия похва́лим сла́внаго, премени́вша ди́вия ве́пря мучи́теля Тирида́та и огласи́вша сло́во все́й земли́ просвеще́ния.

Богоро́дичен: Честне́йши еси́ все́х тва́рей, Богоро́дице, Христа́ поро́ждшая, Того́ у́бо моли́ сохрани́тися ма́лей се́й па́стве Твое́й невреди́мей от вся́каго наве́та проти́внаго.

Пѣ́снь а҃.

І҆рмо́съ: Трїста́ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀, дꙋшѝ трича́стное потопѝ, молю́сѧ, да тебѣ̀ ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ, побѣ́дное воспою̀ пѣ́нїе.

Трⷪ҇цѣ честнѣ́й предстоѧ̀ вѣнцено́сецъ, ꙗ҆́кѡ бо́дръ па́стырь, ꙗ҆́кѡ мч҃никъ свѧще́ненъ, свѧще́нными твои́ми моли́твами ᲂу҆спѝ страсте́й мои́хъ мра̑чнаѧ привидѣ̑нїѧ, хва́лѧщемꙋ тѧ̀, бл҃же́нне григо́рїе.

Незаходи́мый свѣти́льникъ, і҆ера́рхъ вели́кїй, многострада́льный па́стырь, подвигѡ́въ и҆скꙋше́нїе, а҆рме́нїи хвала̀, дне́сь на пѣ́нїе вѣ̑рныѧ призва̀, соше́дшесѧ того̀ ᲂу҆блажи́мъ.

Во́дъ живо́тныхъ дх҃а, бл҃же́нне, напо́лнилсѧ є҆сѝ, ꙗ҆́кѡ рѣка̀ є҆де́ма ᲂу҆́мнагѡ и҆сходѧ́щаѧ, лицѐ напаѧ́ѧ цр҃ко́вное, и҆ и҆зсꙋша́ѧ пꙋчи́нꙋ і҆дѡлонеи́стовства, григо́рїе.

Бг҃оро́диченъ: Жєны̀ крⷭ҇то́мъ ѿ тебє̀ вопло́щшагѡсѧ ᲂу҆крѣплѧ́емы, чⷭ҇таѧ, пострада́ша крѣ́пкѡ, и҆ томꙋ̀ приведе́ны бы́ша во слѣ́дъ тебє̀ дв҃ы, дѣ́вства блиста́ньми, и҆ мч҃ническими кровьмѝ сїѧ́юще.

Пѣ́снь г҃.

І҆рмо́съ: Ꙗ҆́кѡ непло́ды родѝ ѿ ꙗ҆зы̑къ цр҃ковь, и҆ мно́гое въ ча́дѣхъ и҆знемо́же со́нмище, чꙋ́дномꙋ бг҃ꙋ на́шемꙋ возопїи́мъ: ст҃ъ є҆сѝ, гдⷭ҇и.

Ра́нами подвигѡ́въ твои́хъ зꙋ́бы сокрꙋши́лъ є҆сѝ львѡ́въ, и҆ и҆злїѧ́ньми крове́й де́мѡнскꙋю кро́вь погꙋблѧ́ѧ, і҆́дѡльскаѧ же и҆зъ ко́рене низвраща́еши ка̑пища, досточꙋ́дне.

Ни лю́тыхъ налѧца̑нїѧ, ни гѡ́рькїѧ мꙋ̑ки, ни мра́чнѣйшагѡ ро́ва затворе́нїе долговре́менное, тво́й а҆дама́нтскїй преврати́ша по́мыслъ, мч҃ниче досточꙋ́дне.

Дрема́нїѧ твои̑мъ ѻ҆чесє́мъ, мч҃ниче, не да́лъ є҆сѝ, до́ндеже дрема́нїемъ ѕлы́мъ ѡ҆держи̑мыѧ ѕлочести́вѡ, сы́ны днѐ показа́лъ є҆сѝ, зовꙋ́щыѧ: ст҃ъ є҆сѝ, гдⷭ҇и.

Бг҃оро́диченъ: Дв҃ома́терь тѧ̀, ѻ҆трокови́це, рїѱїмі́а мꙋ́ченица вѣ́дꙋщи є҆ди́нꙋ, восхотѣ̀ твои̑мъ добро́тамъ, и҆ хрⷭ҇тꙋ̀ во слѣ́дъ приведе́сѧ, страстьмѝ свѣтѧ́щисѧ.

Сѣда́ленъ, гла́съ д҃.

Пресвѣ́тлыми сїѧ́ньми, і҆ера́рше, ѡ҆зари́въ твою̀ дꙋ́шꙋ свѣтоно́снѡ, добродѣ́тельми просвѣти́лъ є҆сѝ лицѐ землѝ, и҆мѣ́ѧ въ се́рдцѣ твое́мъ хрⷭ҇та̀: просвѣща́еши же ꙗ҆́кѡ со́лнце незаходи́мое ꙗ҆зы́кѡвъ собо́ры, мч҃ническими добро́тами, на́съ ᲂу҆добрѧ́ѧ, григо́рїе всемꙋ́дре.

Бг҃оро́диченъ: Грѣхолюби́въ сы́й, молю́ тѧ, безгрѣ́шнаго бг҃а ро́ждшꙋю, взе́млющаго грѣ́хъ мі́ра, пречⷭ҇таѧ, многогрѣ́шнꙋю дꙋ́шꙋ мою̀ ᲂу҆ще́дрити, и҆ грѣхѝ моѧ̑ мнѡ́гїѧ ѡ҆чи́стити: грѣ́шныхъ бо ты̀ є҆сѝ ѡ҆чище́нїе, и҆ спасе́нїе вѣ́рныхъ, и҆ защище́нїе.

Крⷭ҇тобг҃оро́диченъ: И҆зъ безнача́льнагѡ ѻ҆ц҃а̀ рожде́ннаго, въ послѣ́днѧѧ времена̀ пло́тїю ро́ждшаѧ, на крⷭ҇тѣ́ тѧ ви́сѧща зрѧ́щи, хрⷭ҇тѐ, ᲂу҆вы̀ мнѣ̀, любе́знѣйшїй і҆и҃се! вопїѧ́ше: ка́кѡ, сла́вимый ꙗ҆́кѡ бг҃ъ ѿ а҆́гг҃лъ, ѿ беззако́нныхъ ны́нѣ чл҃вѣ̑къ, сн҃е, хотѧ̀ распина́ешисѧ; пою́ тѧ, долготерпѣли́ве.

Пѣ́снь д҃.

І҆рмо́съ: Сѣдѧ́й въ сла́вѣ, на прⷭ҇то́лѣ бжⷭ҇тва̀, во ѻ҆́блацѣ ле́гцѣ, прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й.

На ѡ҆бзо́рнꙋю тѧ̀ высотꙋ̀ мꙋче́нїѧ возведѐ, высо́кїй въ сла́вѣ гдⷭ҇и вы́шнїй, сла́вне: є҆гѡ́же стрⷭ҇ти ра́дꙋѧсѧ и҆з̾ѡбрази́лъ є҆сѝ свѧщенномч҃ниче, сла́ва, вопїѧ̀, си́лѣ твое́й.

Гꙋбѧ́щаго безбо́жнаго врага̀ всю̀ зе́млю а҆рме́нскꙋю, бжⷭ҇твенною си́лою низложи́лъ є҆сѝ, и҆ ꙗ҆́кѡ зарѧ̀ просїѧ́въ, просвѣти́лъ є҆сѝ во тмѣ̀ лежа́щыѧ, мꙋ́дре, сꙋ́єтства.

Многосꙋгꙋ́бнѡ созда́телю тво́й тала́нтъ прине́слъ є҆сѝ, спа́сшихсѧ бжⷭ҇твенными твои́ми ᲂу҆че́нїи, григо́рїе, и҆ ѿ негѡ̀ нестарѣ́ющїйсѧ жре́бїй прїѧ́лъ є҆сѝ, црⷭ҇тво є҆́же на нб҃сѣ́хъ и҆ свѣ́тлость.

Бг҃оро́диченъ: Ꙗ҆́кѡ добрꙋ̀, ꙗ҆́кѡ и҆збра́ннꙋ тѧ̀, и҆ ꙗ҆́кѡ краснꙋ̀ возлюби́ша ѻ҆трокови̑цы дѣ̑вы, съ рїѱїмі́ею страда́вшїи, дв҃омт҃и марі́е, и҆ во слѣ́дъ тебє̀ приведо́шасѧ, сн҃ꙋ твоемꙋ̀ ра́дꙋющесѧ.

Пѣ́снь є҃.

І҆рмо́съ: Просвѣще́нїе твоѐ, гдⷭ҇и, низпослѝ на́мъ, и҆ ѿ мглы̀ прегрѣше́нїй разрѣши́ ны, бл҃же, тво́й ми́ръ да́рꙋѧй.

Крⷭ҇тоѧвле́ннѡ ви́дѣлъ є҆сѝ зна́менїе ꙗ҆́вѣ, свѣ́томъ сїѧ́ющее, и҆ разрꙋша́ющее но́щь і҆́дѡльскꙋю, свѣ́та же ча̑да вѣ̑рныѧ содѣ́ловающее.

Въ до́льнѣйшемъ тѧ̀ ро́вѣ спасѐ хрⷭ҇то́съ бг҃ъ, со ѕвѣрьмѝ сꙋ́ща лѣ́тнымъ и҆змѣне́нїемъ, хотѧ́ща свѣ́томъ бжⷭ҇твеннагѡ сло́ва просвѣща́ти безꙋ̑мныѧ.

Мч҃нически подвиза́всѧ, вѣнча́лсѧ є҆сѝ, ꙗ҆́кѡ побѣди́тель: пома́завсѧ же мѵ́ромъ а҆рхїере́йства, пома́залъ є҆сѝ лю́ди, ѕлосмра́дныѧ льстѝ и҆зба́вивъ, григо́рїе.

Бг҃оро́диченъ: Воню̀ ѡ҆щꙋти́вше мѵ́ра дѣ̑вы, и҆зъ тебє̀, чⷭ҇таѧ дв҃о, возсїѧ́вшагѡ сло́ва, страда́льческими пѡ́двиги томꙋ̀ благоꙋгоди́ша, ра́дꙋющесѧ.

Пѣ́снь ѕ҃.

І҆рмо́съ: Возопѝ проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ.

Слове́съ твои́хъ си́лою трє́бища разори́шасѧ: и҆ де́мѡнстїи низложи́шасѧ нетве́рдїи кꙋмі́ры, и҆ вѣ́рныхъ сердца̀ бжⷭ҇твеннымъ ᲂу҆тверди́шасѧ раче́нїемъ.

Тїрїда́та, ꙗ҆́коже ве́прѧ свѧ́заннаго, приве́лъ є҆сѝ ꙗ҆́кѡ а҆́гнѧ гдⷭ҇ꙋ, пре́жде бы́вша во́лка свирѣ́паго, за вели́кое бога́тство бл҃гоꙋтро́бїѧ бж҃їѧ ны́нѣ спаса́ема.

Показа́лъ є҆сѝ заблꙋ́ждшымъ стезю̀ бжⷭ҇твеннꙋю, неле́стными поꙋче́нїи, і҆ера́рше, соверши́въ ꙗ҆́кѡ па́стырь, па́стырѧ и҆́стиннаго подража́ѧ, григо́рїе.

Бг҃оро́диченъ: Распина́ема, ѿ тебє̀, бцⷣе, вопло́щшагосѧ, ꙗ҆́кѡ ᲂу҆вѣ́дѣ рїѱїмі́а, томꙋ̀ сраспѧ́тсѧ ꙗ҆́кѡ а҆́гница па́стырю, ꙗ҆́кѡ же́ртва бг҃ꙋ непоро́чнаѧ.

Конда́къ, гла́съ в҃.

Благосла́внаго и҆ свѧщеннонача́льника всѝ ꙗ҆́кѡ страда́льца и҆́стины, дне́сь вѣ́рнїи въ пѣ́снехъ и҆ пѣснопѣ́нїихъ восхва́лимъ, бо́драго па́стырѧ и҆ ᲂу҆чи́телѧ григо́рїа, всемі́рнаго свѣти́льника, и҆ побо́рника: хрⷭ҇тꙋ́ бо мо́литсѧ, є҆́же спасти́сѧ на́мъ.

І҆́косъ:

Сего̀ вели́каго во страстоте́рпцѣхъ, свѣти́льника бжⷭ҇твеннаго, а҆рме́нїи вѣ́рна па́стырѧ и҆ ᲂу҆чи́телѧ, въ пѣ́снехъ восхва́лимъ, и҆ пѣ̑нїи бжⷭ҇твенными главꙋ̀ є҆гѡ̀ вѣнча́емъ: и҆́бо тмꙋ̀ безбо́жїѧ і҆́дѡльскагѡ погꙋбѝ, съ ни́миже и҆ де́мѡнское дѣ́йство всѐ ᲂу҆мертвѝ. тѣ́мъ трꙋды̀ претерпѣ́въ крѣ́пкимъ по́мысломъ и҆ бл҃года́тїю, хрⷭ҇тꙋ̀ ны́нѣ мо́литсѧ, є҆́же спасти́сѧ на́мъ.

Пѣ́снь з҃.

І҆рмо́съ: А҆враа́мстїи и҆ногда̀ въ вавѷлѡ́нѣ ѻ҆́троцы пе́щный пла́мень попра́ша, пѣ́сньми взыва́юще: ѻ҆тє́цъ на́шихъ бж҃е, бл҃гослове́нъ є҆сѝ.

Многови̑дныѧ мꙋ̑ки претерпѣ́въ, мч҃ниче, мнѡ́гїѧ ѿ мꙋ́къ свободи́лъ є҆сѝ, и҆ бꙋ́дꙋщїѧ печа́ли, вопїѧ̀: ѻ҆тє́цъ на́шихъ бж҃е, бл҃гослове́нъ є҆сѝ.

До́мъ себѐ трⷪ҇цы соверши́въ, бл҃же́нне, хра́мы і҆́дѡльскїѧ разори́лъ є҆сѝ: хра́мы же воздви́глъ є҆сѝ всеви́дцꙋ сло́вꙋ, лю́демъ на спасе́нїе.

Свѧщеннодѣ́латель ꙗ҆ви́лсѧ є҆сѝ, тебѐ сама́го же́ртвꙋ пре́жде те́плѣ прине́слъ є҆сѝ влⷣцѣ твоемꙋ̀: є҆мꙋ́же жрѧ̀ пото́мъ, благочести̑вымъ дае́ши дꙋша́мъ во спасе́нїе.

Бг҃оро́диченъ: Мч҃ническими вѣнцы̑ ᲂу҆кра́шєны ѻ҆трокови̑цы, и҆зъ дв҃ы возсїѧ́вшемꙋ бг҃ꙋ приведо́шасѧ, пѣснопѣ́сненнѡ вопїю́ще: хрⷭ҇тѐ, бл҃гослове́нъ є҆сѝ.

Пѣ́снь и҃.

І҆рмо́съ: И҆зба́вителю, всѣ́хъ, всеси́льне, посредѣ̀ пла́мене благоче́ствовавшыѧ снизше́дъ ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀ благослови́те, по́йте гдⷭ҇а.

Пострада́въ зако́ннѡ, посрами́лъ є҆сѝ беззакѡ́нныѧ врагѝ крѣпча́йше, свѧщеннослꙋжи́телю григо́рїе, и҆ бг҃ꙋ приве́лъ є҆сѝ мно́жество пою́щихъ: всѧ̑каѧ дѣла̀, благослови́те, гдⷭ҇нѧ, гдⷭ҇а.

Воздѣ́лавъ непло́днꙋю ни́вꙋ, насѣ́ѧлъ є҆сѝ словє́снаѧ сѣ́мена, во сто̀ пожа́въ слове́сныхъ кла́сѡвъ благопло́дїе, дѣ́лателю дꙋ́шъ ᲂу҆гобзи́вшее.

Блиста́ньми слове́съ твои́хъ просвѣти́лъ є҆сѝ, и҆ мнѡ́гїѧ тмы̀ приве́лъ є҆сѝ, на́съ ра́ди во́лею претерпѣ́вшемꙋ стрⷭ҇ти. є҆мꙋ́же пѣснопое́мъ: благослови́те, всѧ̑ дѣла̀, гдⷭ҇нѧ, гдⷭ҇а.

Бг҃оро́диченъ: Ни мно́жества мꙋ́къ ᲂу҆боѧ́вшисѧ, ни плотски̑мъ сласте́мъ повинꙋ́вшисѧ, ѿ дв҃ы гдⷭ҇а сꙋ́ща и҆сповѣ́да, вопїю́щи рїѱїмі́а: благослови́те, всѧ̑ дѣла̀ гдⷭ҇нѧ, гдⷭ҇а.

Пѣ́снь ѳ҃.

І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови благослове́нїе процвѣла̀ є҆сѝ. тѣ́мъ тѧ̀ всѝ велича́емъ.

Си́лою вжилѧ́емь хрⷭ҇то́вою, претерпѣ́лъ є҆сѝ мꙋ́къ болѣ̑зни, и҆ ка̑пища погꙋби́лъ є҆сѝ де́мѡнскаѧ, и҆ хра́мы і҆́дѡльскїѧ раскопа́лъ є҆сѝ: лю́ди же сꙋ́щыѧ въ невѣ́дѣнїи просвѣти́лъ є҆сѝ, свѧщенномч҃ниче всече́стне.

Ꙗ҆́кѡ ᲂу҆́тро возсїѧ̀ на́мъ па́мѧть твоѧ̀, бл҃года́тей зарю̀ носѧ́щи: ты́ бо свѣ́та ꙗ҆ви́лсѧ є҆сѝ прїѧ́телище бж҃е́ственнагѡ, и҆ къ свѣ́тꙋ возше́лъ є҆сѝ невече́рнемꙋ, бога́тнѡ ѡ҆зарѧ́емь свѣтоли̑тїи бжⷭ҇твенными, прпⷣбне.

Собесѣ́дникъ ꙗ҆ви́лсѧ є҆сѝ прⷪ҇ро́кѡвъ, мч҃никѡвъ же и҆ а҆пⷭ҇лѡвъ кꙋпножи́тель, а҆рхїере́євъ и҆ преподо́бныхъ, а҆́гг҃лѡвъ и҆ а҆рха́гг҃лѡвъ равноста́тенъ: съ ни́миже ѡ҆ на́съ, чтꙋ́щихъ тѧ̀, ѻ҆́ч҃е, молѝ чл҃вѣколю́бца.

До́блествоваша жєны̀ честны̑ѧ, и҆спаде́нїе є҆́ѵино и҆справлѧ́юще, претерпѣ́ша болѣ́зней треволне́нїе. вельмѝ на высотꙋ̀ хва́лѧщагосѧ нога́ми краснѣ́йшими сокрꙋши́ша, и҆̀хже досто́йнѡ ᲂу҆блажа́емъ.

Бг҃оро́диченъ: Свѣ́томъ лица̀ и҆зъ тебє̀ возсїѧ́вшагѡ ѡ҆зари́вшисѧ, приснодв҃о, любо́вїю неꙋдержа́нною рїѱїмі́а, стрⷭ҇ти є҆гѡ̀ и҆ сме́рть, свое́ю пло́тїю и҆з̾ѡбразѝ. тѣ́мже съ тобо́ю, влⷣчце, ны́нѣ весели́тсѧ.

Свѣти́ленъ.

Въ ро́вѣ вре́меннѡ затворе́на со ѕвѣрьмѝ григо́рїа похва́лимъ сла́внаго, премѣни́вша ди́вїѧ ве́прѧ мꙋчи́телѧ тїрїда́та, и҆ ѡ҆гласи́вша сло́во все́й землѝ просвѣще́нїѧ.

Бг҃оро́диченъ: Честнѣ́йши є҆сѝ всѣ́хъ тва́рей, бцⷣе, хрⷭ҇та̀ поро́ждшаѧ, того̀ ᲂу҆̀бо молѝ, сохрани́тисѧ ма́лѣй се́й па́ствѣ твое́й невреди́мѣй ѿ всѧ́кагѡ навѣ́та проти́внагѡ.

Жизнь и труды апостолов – Св. священномученик Григорий, просветитель Армении

Свя­щен­но­му­че­ник Гри­го­рий, про­све­ти­тель Ве­ли­кой Ар­ме­нии, ро­дил­ся в 257 го­ду. Он про­ис­хо­дил из ро­да пар­фян­ских ца­рей Ар­са­ки­дов. Отец свя­ти­те­ля Гри­го­рия, Анак, до­мо­га­ясь ар­мян­ско­го пре­сто­ла, убил сво­е­го род­ствен­ни­ка, ца­ря Кур­са­ра, за что весь род Ана­ка под­верг­ся уни­что­же­нию. Гри­го­рия спас некий род­ствен­ник: он вы­вез мла­ден­ца из Ар­ме­нии в Ке­са­рию Кап­па­до­кий­скую и вос­пи­тал в хри­сти­ан­ской ве­ре. Воз­му­жав, Гри­го­рий же­нил­ся, имел двух сы­но­вей, но вско­ре ов­до­вел. Сы­но­вей Гри­го­рий вос­пи­тал в бла­го­че­стии. Один из них – Ор­фан, впо­след­ствии стал свя­щен­ни­ком, а вто­рой – Аро­стан, при­нял ино­че­ство и ушел в пу­сты­ню. Чтобы ис­ку­пить грех сво­е­го от­ца, убив­ше­го от­ца Ти­ри­да­та, Гри­го­рий всту­пил в сви­ту по­след­не­го и был ему вер­ным слу­гой. Ца­ре­вич Ти­ри­дат лю­бил Гри­го­рия как дру­га, но не тер­пел его хри­сти­ан­ско­го ве­ро­ис­по­ве­да­ния. По вос­ше­ствии на ар­мян­ский пре­стол он стал при­нуж­дать свя­то­го Гри­го­рия к от­ре­че­нию от Хри­ста. Непре­клон­ность свя­то­го оже­сто­чи­ла Ти­ри­да­та, и он пре­дал сво­е­го вер­но­го слу­жи­те­ля же­сто­ким му­кам: стра­даль­ца под­ве­си­ли вниз го­ло­вой с кам­нем на шее, несколь­ко дней об­ку­ри­ва­ли смрад­ным ды­мом, би­ли, из­де­ва­лись, при­нуж­да­ли хо­дить в же­лез­ных са­по­гах с гвоз­дя­ми. Во вре­мя этих стра­да­ний свя­той Гри­го­рий пел псал­мы. В тем­ни­це Гос­подь ис­це­лил все его ра­ны. Ко­гда Гри­го­рий вновь пред­стал пе­ред ца­рем невре­ди­мым и ра­дост­ным, тот изу­мил­ся и при­ка­зал по­вто­рить пыт­ки. Свя­той Гри­го­рий пре­тер­пел их, не ко­леб­лясь, с преж­ней ре­ши­мо­стью и до­сто­ин­ством. То­гда его об­ли­ли го­ря­чим оло­вом и бро­си­ли в ров, на­пол­нен­ный ядо­ви­ты­ми га­да­ми. Гос­подь же хра­нил Сво­е­го из­бран­ни­ка: ядо­ви­тые тва­ри не по­вре­ди­ли ему. Некая бла­го­че­сти­вая жен­щи­на пи­та­ла его хле­бом, тай­но опус­кая его в ров. Свя­той Ан­гел, нис­хо­дя к му­че­ни­ку, обод­рял его си­лы и укреп­лял дух. Так про­шло 14 лет. За это вре­мя царь Ти­ри­дат со­вер­шил еще од­но зло­де­я­ние: он за­му­чил свя­тую де­ву Рип­си­мию, ста­ри­цу игу­ме­нию Га­и­а­нию и с ни­ми еще 35 дев од­но­го из ма­ло­ази­ат­ских де­ви­чьих мо­на­сты­рей.

Свя­тая Рип­си­мия вме­сте со сво­ей игу­ме­ни­ей и сест­ра­ми бе­жа­ла в Ар­ме­нию, не же­лая всту­пать в брак с им­пе­ра­то­ром Дио­кли­ти­а­ном (284–305), пре­льстив­шим­ся ее кра­со­той. Об этом Дио­кли­ти­ан со­об­щил ар­мян­ско­му ца­рю Ти­ри­да­ту и пред­ло­жил ему или при­слать Рип­си­мию об­рат­но, или же са­мо­му взять ее в же­ны. Слу­ги ца­ря разыс­ка­ли бе­жав­ших и ста­ли уго­ва­ри­вать Рип­си­мию по­ко­рить­ся во­ле ца­ря. Свя­тая от­ве­ча­ла, что она, как и все сест­ры оби­те­ли, об­ру­че­на Небес­но­му Же­ни­ху и в брак всту­пать не мо­жет. То­гда с неба раз­дал­ся го­лос: "Дер­зай­те и не бой­тесь, ибо Я с ва­ми". По­слан­цы в стра­хе уда­ли­лись. Ти­ри­дат пре­дал де­ву на же­сто­чай­шие пыт­ки, во вре­мя ко­то­рых ее ли­ши­ли язы­ка, рас­сек­ли ей чре­во, осле­пи­ли и умерт­ви­ли, раз­ру­бив те­ло ее на ча­сти. Игу­ме­ния Га­и­а­ния за то, что во­оду­шев­ля­ла Рип­си­мию му­же­ствен­но тер­петь ис­тя­за­ния за Хри­ста, вме­сте с дву­мя сест­ра­ми-ино­ки­ня­ми бы­ла пре­да­на на та­кие же му­ки, по­сле че­го они бы­ли обез­глав­ле­ны. Осталь­ных 33-х се­стер из­ру­би­ли ме­ча­ми и бро­си­ли те­ла их на съе­де­ние зве­рям. Гнев Бо­жий по­ра­зил ца­ря Ти­ри­да­та, а так­же тех его при­бли­жен­ных и во­и­нов, кто участ­во­вал в ис­тя­за­ни­ях свя­тых дев. Одер­жи­мые бе­са­ми, они упо­до­би­лись ди­ким веп­рям (как неко­гда На­ву­хо­до­но­сор. Дан. 4, 30), но­си­лись по ле­сам, раз­ры­ва­ли на се­бе одеж­ду и грыз­ли соб­ствен­ное те­ло. По про­ше­ствии неко­то­ро­го вре­ме­ни сест­ре Ти­ри­да­та Ку­са­ро­дух­те бы­ло воз­ве­ще­но во сне: "Ес­ли не бу­дет из­ве­ден из рва Гри­го­рий, царь Ти­ри­дат не ис­це­лит­ся". То­гда при­бли­жен­ные ца­ря по­до­шли ко рву и спро­си­ли: "Гри­го­рий, жив ли ты?" Гри­го­рий от­ве­чал: "Бла­го­да­тию Бо­га мо­е­го я жив". За­тем они вы­ве­ли свя­то­го му­че­ни­ка об­рос­ше­го, по­чер­нев­ше­го и очень ис­сох­ше­го. Но, по-преж­не­му, он был тверд ду­хом.

Свя­той по­ве­лел со­брать остан­ки за­му­чен­ных дев; их с че­стью по­хо­ро­ни­ли, а на ме­сте по­гре­бе­ния по­стро­и­ли цер­ковь. В эту цер­ковь свя­той Гри­го­рий при­вел бес­но­ва­то­го ца­ря и ве­лел ему мо­лить­ся свя­тым му­че­ни­цам. Ти­ри­дат ис­це­лил­ся, рас­ка­яв­шись в сво­их пре­ступ­ле­ни­ях про­тив Бо­га, и при­нял со всем сво­им до­мом Свя­тое Кре­ще­ние. Сле­дуя при­ме­ру ца­ря, кре­стил­ся и весь ар­мян­ский на­род. За­бо­та­ми свя­то­го Гри­го­рия был воз­двиг­нут в 301 го­ду Эч­ми­ад­зин­ский со­бор в честь Со­ше­ствия Свя­то­го Ду­ха. В 305 го­ду свя­ти­тель Гри­го­рий на­пра­вил­ся в Ке­са­рию Кап­па­до­кий­скую и там был по­став­лен ар­хи­епи­ско­пом Леон­ти­ем во епи­ско­па Ар­ме­нии. За свои апо­столь­ские тру­ды он по­лу­чил на­име­но­ва­ние про­све­ти­те­ля Ар­ме­нии. Свя­ти­тель Гри­го­рий об­ра­тил ко Хри­сту так­же мно­гих лю­дей из со­сед­них стран – Пер­сии и Ас­си­рии. Устро­ив Ар­мян­скую Цер­ковь, свя­ти­тель Гри­го­рий при­звал к епи­скоп­ско­му слу­же­нию сво­е­го сы­на, Аро­ста­на-пу­стын­но­жи­те­ля, а сам уда­лил­ся в пу­сты­ню. Свя­ти­тель Аро­стан в 325 го­ду был участ­ни­ком I Все­лен­ско­го Со­бо­ра, осу­див­ше­го ересь Ария. Свя­ти­тель Гри­го­рий, уда­лив­шись в пу­сты­ню, пре­ста­вил­ся в 335 го­ду. Дес­ни­ца и часть его свя­тых мо­щей по­ко­ят­ся ныне в со­кро­вищ­ни­це Эч­ми­ад­зин­ско­го ка­фед­раль­но­го со­бо­ра в Ар­ме­нии. По тра­ди­ции Ар­мян­ской Апо­столь­ской Церк­ви, со­хра­ня­ю­щей­ся по­ныне, этой дес­ни­цей вер­хов­ный ка­то­ли­кос-пат­ри­арх всех ар­мян бла­го­слов­ля­ет свя­тое ми­ро во вре­мя ми­ро­ва­ре­ния.

См. так­же: "Жи­тие и стра­да­ние свя­то­го свя­щен­но­му­че­ни­ка Гри­го­рия, епи­ско­па ве­ли­кой Ар­ме­нии, и с ним трид­ца­ти се­ми дев" в из­ло­же­нии свт. Ди­мит­рия Ро­стов­ско­го.