Канон священномученику Василию, епископу Амасийскому

Припев: Священному́чениче Васи́лие, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 09 мая (26 апреля ст. ст.); 13 мая (30 апреля ст. ст.)

Глас 4.

Пе́снь 1.

Ирмо́с: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуяся, Тоя́ чудеса́.

Пе́ти тя́, сла́вне, усе́рдствующу, прему́дрость ми́ пода́ждь и ра́зума сло́во, моли́твами твои́ми, боже́ственныя по́двиги твоя́ восхвали́ти, Христо́вы ра́ди любве́, ю́же показа́л еси́ кре́пко.

Ми́ром благода́ти святи́тель яви́лся еси́, пома́зався, свяще́нне, Христу́ досто́йно са́м ся́, я́ко же́ртва, муче́нием чиста́, и безкро́вныя же́ртвы принося́.

Побе́дною укра́шен багряни́цею страда́ний твои́х и кро́ви венце́м удобре́н, ца́рь страсте́й показа́лся еси́, святи́телю, разгна́в же пре́лесть, ца́рствуеши со Христо́м.

Богоро́дичен: Созда́вый челове́ка пе́рвее от земли́, во чре́ве Твое́м воплоща́ется и Челове́к соверше́н быва́ет. Те́мже во двою́ существу́, Богоро́дице, соверше́нна зна́ем Его́, Пренепоро́чная.

Пе́снь 3.

Ирмо́с: Не му́дростию, и си́лою, и бога́тством хва́лимся, но Тобо́ю, О́тчею ипоста́сною Му́дростию, Христе́: не́сть бо свя́т, па́че Тебе́, Человеколю́бче.

Же́ртва ты́ Христу́ са́м приве́лся еси́ я́коже непоро́чна, огне́м твоея́, му́дре, со́вести страда́нием всесожже́н.

Прему́дрости сло́вом, основа́нием Христо́с утверди́ на ка́мени, непрекло́нно возведе́ тя, Васи́лие сла́вне, я́коже па́стыря му́дра.

Богоро́дичен: Ро́д земны́й рождество́м Твои́м, Пречи́стая, разреши́ся дре́вния вои́стинну кля́твы, те́мже Боже́ственнаго Твоего́ зра́ка подо́бие почита́ем, Влады́чице.

Седа́лен:

Боже́ственным Ду́хом просвеще́н, горды́ню мучи́теля со дерзнове́нием па́стырским велему́дренно посрами́л еси́ и, преше́д пре́лести пучи́ну, ко приста́нищу Боже́ственному дости́гл еси́. О́тче преподо́бне, Христа́ Бо́га моли́ дарова́ти на́м ве́лию ми́лость.

Богоро́дичен: Боже́ственная ски́ния была́ еси́ Сло́ва, еди́на Пречи́стая Ма́ти Де́во, чистото́ю а́нгелы превозше́дшая, па́че все́х мене́, пе́рсть бы́вша, оскверне́на плотски́ми прегреше́ньми, очи́сти моли́тв Твои́х боже́ственными вода́ми, подаю́щи, Чи́стая, ве́лию ми́лость.

Крестобогоро́дичен: Нескве́рная А́гница Сло́ва, нетле́нная Де́ва Ма́ти, на Кресте́ зря́щи пове́шена из Нея́ без боле́зни прозя́бшаго, ма́терски подо́бно рыда́ющи, вопия́ше: увы́ Мне́, Ча́до Мое́, ка́ко стра́ждеши во́лею, хотя́ изба́вити от страсте́й безче́стия челове́ка?

Пе́снь 4.

Ирмо́с: Неизсле́дный Бо́жий сове́т, е́же от Де́вы воплоще́ния Тебе́, Вы́шняго, проро́к Авваку́м усмотря́я, зовя́ше: сла́ва си́ле Твое́й, Го́споди.

На жи́зненней воде́ боже́ственных исто́чник, о́тче, на траве́ же ве́ры па́лицею уче́ний твои́х, му́дре, Христо́во наста́вил еси́ ста́до, Васи́лие преблаже́нне.

Глаго́лы богому́дрыми, му́чениче Христо́в, беззако́ннаго обличи́л еси́ и злоимени́таго Ликини́я благодерзнове́нне богоме́рзское безу́мие, побе́дою же по́чести венча́лся еси́.

Неразседа́емое основа́ние водрузи́л еси́, му́дре, ты́ на ка́мени ве́ры, треволне́ния, священному́чениче, кре́пко ле́сти и́дольския претерпе́л еси́, сию́ разоря́я си́лою Христо́вою.

Богоро́дичен: Исцели́ сокруше́ние, Ма́ти Бо́жия, естества́ челове́ческаго, Безнача́льное Сло́во во двою́ ро́ждши существу́ неразде́льно, Всенепоро́чная, пло́ти почита́ем подо́бие.

Пе́снь 5.

Ирмо́с: Ужасо́шася вся́ческая о Боже́ственней сла́ве Твое́й: Ты́ бо, неискусобра́чная Де́во, име́ла еси́ во утро́бе над все́ми Бо́га, и родила́ еси́ Безле́тнаго Сы́на, все́м, воспева́ющим Тя́, ми́р подава́ющая.

Укрепля́емь, сла́вне, от Христа́ обличи́л еси́ ле́сть и́дольскую, святи́телю, нача́льнику же сея́, я́коже худе́й пти́це, наруга́лся еси́, кре́пко, му́чениче, ве́ры тече́ние преше́д, му́дре.

Я́коже други́й Моисе́й, мо́ре нече́стия я́ве ве́ры жезло́м раздели́л еси́, но́ваго, преблаже́нне Васи́лие, Изра́иля, я́ко во обетова́нную зе́млю, прове́л еси́ к све́ту богоразу́мия.

Богоро́дичен: Боже́ственное подо́бие зра́ка Твоего́, Богоро́дице Чи́стая, вси́ обра́зно в поклоне́ние иму́ще, собо́р ерети́чествующих при́сно слове́сно отгоня́ем, и́же Твои́ми богатя́щиися мольба́ми и по́мощию, Пренепоро́чная.

Пе́снь 6.

Ирмо́с: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли́ изба́ви мя́, Иису́се, Царю́ си́л.

Не терпя́ше лю́тый и беззако́нный мучи́тель е́же в словесе́х дерзнове́ния твоего́, му́чениче, и диа́вол лю́то вооружа́ет на тя́ Ликини́я, сла́вне.

Мне́в твою́ тве́рдость и де́рзость, свя́те, умягчи́ти ласка́ньми, злоде́й томи́тель наде́жды, му́чениче, погреши́, нога́ми твои́ми сокруши́вся держа́вно.

Богоро́дичен: Твои́м рождество́м боле́зней Е́ва изба́вися, Богоро́дице, Изба́вителя бо ро́ду родила́ еси́ челове́ческому, еди́на удобре́ние, Пречи́стая Влады́чице.

Конда́к:

Царе́во повеле́ние преоби́дев, Ца́рство небе́сное получи́л еси́, Васи́лие, в не́мже лику́я, помина́й на́с, чту́щих па́мять твою́, священному́чениче.

Пе́снь 7.

Ирмо́с: Спасы́й во огни́ авраа́мския Твоя́ о́троки и халде́и уби́в, я́же Пра́вда пра́ведно уловля́ше, препе́тый Го́споди, Бо́же оте́ц на́ших, благослове́н еси́.

Го́рдый вра́г и вельми́ хваля́йся, я́ко птенца́, разори́ти зе́млю, сопротивле́нием твои́м победи́ся держа́вно и я́ве ни́зу паде́ся под но́зе твои́ свяще́ннеи, священному́чениче.

Све́том ве́ры я́ве и́дольское омраче́ние ты́ отгна́л еси́, му́дре, Христу́ хвала́ми, блаже́нне, поя́, я́коже о́троцы пе́рвее: Бо́же оте́ц на́ших, благослове́н еси́.

Ни ласка́нии тве́рдость, ни преще́нии, святи́телю, мучи́телей, Васи́лие, не осла́бил еси́ отню́д, сла́вне, душе́вную кре́пость, но не уя́звен, я́коже цве́ты, искуше́ния ты́ претерпе́л еси́.

Богоро́дичен: Зако́ны, Чи́стая, рождества́ превозшла́ еси́, Зижди́теля ро́ждши я́ве всея́ тва́ри. Те́мже и́стинную Тя́ Богоро́дицу, Всепе́тая, ве́рнии, преблагоче́стно ны́не испове́дуем.

Пе́снь 8.

Ирмо́с: О́троки благочести́выя в пещи́ Рождество́ Богоро́дичо спасло́ е́сть, тогда́ у́бо образу́емое, ны́не же де́йствуемое, вселе́нную всю́ воздвиза́ет пе́ти Тебе́: Го́спода по́йте, дела́, и превозноси́те Его́ во вся́ ве́ки.

Стрела́ми прему́дрости, святи́телю, низло́жь под но́зе ле́сть, преблаже́нне, венцы́ венча́лся еси́ побе́дными я́ко побо́рник пресла́вен ве́ры Боже́ственным Ду́хом, — Го́спода, — зовы́й, — воспева́йте, дела́, и превозноси́те Его́ во вся́ ве́ки.

Вы́ю пре́лести, святи́телю, мече́м ве́ры посе́кл еси́, усе́чен бы́в во главу́ твою́, сла́вне, и от Христа́ вене́ц побе́ды прия́л еси́, вопия́: благослови́те, вся́ дела́, Го́спода и превозноси́те Его́ во вся́ ве́ки.

Совокупи́ся телеси́ твоему́, блаже́нне, глава́ по отсече́нии, е́же пресла́вно и безме́рная пучи́на принесе́ окормле́нием, свя́те, Боже́ственнаго Ду́ха. И ны́не, со а́нгелы лику́я, со Отце́м сла́виши Сы́на и Боже́ственнаго Ду́ха.

Богоро́дичен: Яд змии́н, Де́во, Е́вин отсе́кла еси́ рождество́м Твои́м, Сло́во я́ко ро́ждши пло́тию Ипоста́сное, во утро́бе, Пречи́стая, Твое́й совоку́плена стра́шно, Отцу́ Ипоста́сное Сло́во, Его́же плотско́е подо́бие почита́ем.

Пе́снь 9.

Ирмо́с: Е́ва у́бо неду́гом преслуша́ния кля́тву всели́ла е́сть, Ты́ же, Де́во Богоро́дице, прозябе́нием чревоноше́ния ми́рови благослове́ние процвела́ еси́. Те́м Тя́ вси́ велича́ем.

В приста́нище я́ве устреми́вся, пресла́вне, треволне́ния бу́ри и́дольския преше́л еси́ Боже́ственным окормле́нием Ду́ха, с вы́шними лику́я си́лами. Помяни́, блаже́нне, чту́щия тя́.

Боже́ственне лику́я, Васи́лие сла́вне, со а́нгелы побе́дная у престо́ла все́х Бо́га же и Влады́ки, ра́дуяся, ми́лостивно назира́еши на́с я́ко па́стырь и святи́тель, пою́щия тя́.

Богоро́дичен: Безсе́менно Безнача́льнаго Сы́на ро́ждши, Бо́га Сло́ва, Ма́ти Де́во, все́ обнови́ла еси́ естество́ на́ше, обетша́вшее прегреше́нием преступле́ния. Те́мже Тя́, Влады́чице, непреста́нно велича́ем.

Пѣ́снь а҃.

І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀.

Пѣ́ти тѧ̀, сла́вне, ᲂу҆се́рдствꙋющꙋ, премꙋ́дрость мѝ пода́ждь, и҆ ра́зꙋма сло́во, моли́твами твои́ми, бжⷭ҇твєнныѧ по́двиги твоѧ̑ восхвали́ти, хрⷭ҇то́вы ра́ди любвѐ, ю҆́же показа́лъ є҆сѝ крѣ́пкѡ.

Мѵ́ромъ бл҃года́ти ст҃и́тель ꙗ҆ви́лсѧ є҆сѝ, пома́завсѧ, свѧще́нне, хрⷭ҇тꙋ̀ досто́йнѡ са́мъ сѧ̀ ꙗ҆́кѡ же́ртва мꙋче́нїемъ чиста̀, и҆ безкрѡ́вныѧ жє́ртвы приносѧ̀.

Побѣ́дною ᲂу҆кра́шенъ багрѧни́цею страда́нїй твои́хъ, и҆ кро́ви вѣнце́мъ ᲂу҆добре́нъ, ца́рь страсте́й показа́лсѧ є҆сѝ, ст҃и́телю: разгна́въ же пре́лесть, ца́рствꙋеши со хрⷭ҇то́мъ.

Бг҃оро́диченъ: Созда́вый человѣ́ка пе́рвѣе ѿ землѝ, во чре́вѣ твое́мъ воплоща́етсѧ, и҆ чл҃вѣ́къ соверше́нъ быва́етъ. тѣ́мже во двою̀ сꙋщєствꙋ̀, бцⷣе, соверше́нна зна́емъ є҆го̀, пренепоро́чнаѧ.

Пѣ́снь г҃.

І҆рмо́съ: Не мꙋ́дростїю и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ, нѣ́сть бо свѧ́тъ, па́че тебє̀, чл҃вѣколю́бче.

Же́ртва ты̀ хрⷭ҇тꙋ̀ са́мъ приве́лсѧ є҆сѝ, ꙗ҆́коже непоро́чна, ѻ҆гне́мъ твоеѧ̀, мꙋ́дре, со́вѣсти, страда́нїемъ всесожже́нъ.

Премꙋ́дрости сло́вомъ, ѡ҆снова́нїемъ хрⷭ҇то́съ ᲂу҆твердѝ на ка́мени, непрекло́ннѡ возведе́ тѧ, васі́лїе сла́вне, ꙗ҆́коже па́стырѧ мꙋ́дра.

Бг҃оро́диченъ: Ро́дъ земны́й ржⷭ҇тво́мъ твои́мъ, пречⷭ҇таѧ, разрѣши́сѧ дре́внїѧ вои́стиннꙋ клѧ́твы. тѣ́мже бжⷭ҇твеннагѡ твоегѡ̀ зра́ка подо́бїе почита́емъ, влⷣчце.

Сѣда́ленъ:

Бжⷭ҇твеннымъ дх҃омъ просвѣще́нъ, горды́ню мꙋчи́телѧ со дерзнове́нїемъ па́стырскимъ велемꙋ́дреннѡ посрами́лъ є҆сѝ, и҆ преше́дъ пре́лести пꙋчи́нꙋ, ко приста́нищꙋ бжⷭ҇твенномꙋ дости́глъ є҆сѝ. ѻ҆́ч҃е прпⷣбне, хрⷭ҇та̀ бг҃а молѝ, дарова́ти на́мъ ве́лїю ми́лость.

Бг҃оро́диченъ: Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чⷭ҇тото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость.

Крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена и҆зъ неѧ̀ безъ болѣ́зни прозѧ́бшаго, мт҃рски подо́бнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;

Пѣ́снь д҃.

І҆рмо́съ: Неизслѣ́дный бж҃їй совѣ́тъ, є҆́же ѿ дв҃ы воплоще́нїѧ тебѐ вы́шнѧгѡ, прⷪ҇ро́къ а҆ввакꙋ́мъ ᲂу҆смотрѧ́ѧ, зовѧ́ше: сла́ва си́лѣ твое́й, гдⷭ҇и.

На жи́зненнѣй водѣ̀ бжⷭ҇твенныхъ и҆стѡ́чникъ, ѻ҆́ч҃е, на травѣ́ же вѣ́ры, па́лицею ᲂу҆че́нїй твои́хъ, мꙋ́дре, хрⷭ҇то́во наста́вилъ є҆сѝ ста́до, васі́лїе преблаже́нне.

Глаго́лы бг҃омꙋ́дрыми, мч҃ниче хрⷭ҇то́въ, беззако́ннагѡ ѡ҆бличи́лъ є҆сѝ и҆ ѕлоимени́тагѡ лѷкїні́а благодерзнове́ннѣ бг҃оме́рзское безꙋ́мїе: побѣ́дою же по́чести вѣнча́лсѧ є҆сѝ.

Неразсѣда́емое ѡ҆снова́нїе водрꙋзи́лъ є҆сѝ, мꙋ́дре, ты̀ на ка́мени вѣ́ры, треволнє́нїѧ, свѧщенномч҃ниче, крѣ́пкѡ ле́сти і҆́дѡльскїѧ претерпѣ́лъ є҆сѝ, сїю̀ разорѧ́ѧ си́лою хрⷭ҇то́вою.

Бг҃оро́диченъ: И҆сцѣлѝ сокрꙋше́нїе, мт҃и бж҃їѧ, є҆стества̀ человѣ́ческагѡ, безнача́льное сло́во во двою̀ ро́ждши сꙋщєствꙋ̀ нераздѣ́льнѡ, всенепоро́чнаѧ: пло́ти почита́емъ подо́бїе.

Пѣ́снь є҃.

І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ.

Оу҆крѣплѧ́емь, сла́вне, ѿ хрⷭ҇та̀, ѡ҆бличи́лъ є҆сѝ ле́сть і҆́дѡльскꙋю, ст҃и́телю: нача́льникꙋ же сеѧ̀, ꙗ҆́коже хꙋдѣ́й пти́цѣ, нарꙋга́лсѧ є҆сѝ, крѣ́пкѡ, мч҃ниче, вѣ́ры тече́нїе преше́дъ, мꙋ́дре.

Ꙗ҆́коже дрꙋгі́й мѡѷсе́й, мо́ре нече́стїѧ ꙗ҆́вѣ, вѣ́ры жезло́мъ раздѣли́лъ є҆сѝ, но́ваго, преблаже́нне васі́лїе, і҆и҃лѧ, ꙗ҆́кѡ во ѡ҆бѣтова́ннꙋю зе́млю прове́лъ є҆сѝ, къ свѣ́тꙋ бг҃оразꙋ́мїѧ.

Бг҃оро́диченъ: Бжⷭ҇твенное подо́бїе зра́ка твоегѡ̀, бцⷣе чⷭ҇таѧ, всѝ ѻ҆бра́знѡ въ поклоне́нїе и҆мꙋ́ще, собо́ръ є҆реті́чествꙋющихъ при́снѡ слове́снѡ ѿгонѧ́емъ, и҆̀же твои́ми богатѧ́щїисѧ мольба́ми и҆ по́мощїю, пренепоро́чнаѧ.

Пѣ́снь ѕ҃.

І҆рмо́съ: Возопѝ, проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ.

Не терпѧ́ше лю́тый и҆ беззако́нный мꙋчи́тель, є҆́же въ словесѣ́хъ дерзнове́нїѧ твоегѡ̀, мч҃ниче: и҆ дїа́волъ лю́тѡ воѡрꙋжа́етъ на тѧ̀ лѷкїні́а, сла́вне.

Мнѣ́въ твою̀ тве́рдость и҆ де́рзость, свѧ́те, ᲂу҆мѧгчи́ти ласка́ньми, ѕлодѣ́й томи́тель, наде́жды, мꙋ́чениче, погрѣшѝ, нога́ми твои́ми сокрꙋши́всѧ держа́внѡ.

Бг҃оро́диченъ: Твои́мъ ржⷭ҇тво́мъ болѣ́зней є҆́ѵа и҆зба́висѧ, бцⷣе: и҆зба́вителѧ бо ро́дꙋ родила̀ є҆сѝ человѣ́ческомꙋ, є҆ди́на ᲂу҆добре́нїе, пречⷭ҇таѧ влⷣчце.

Конда́къ:

Царе́во повелѣ́нїе преѡби́дѣвъ, црⷭ҇тво нбⷭ҇ное полꙋчи́лъ є҆сѝ, васі́лїе: въ не́мже ликꙋ́ѧ, помина́й на́съ чтꙋ́щихъ па́мѧть твою̀, сщ҃енномч҃ниче:

Пѣ́снь з҃.

І҆рмо́съ: Спасы́й во ѻ҆гнѝ а҆враа́мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и, бж҃е ѻ҆тє́цъ на́шихъ, бл҃гослове́нъ є҆сѝ.

Го́рдый вра́гъ и҆ вельмѝ хвалѧ́йсѧ, ꙗ҆́кѡ птенца̀ разори́ти зе́млю, сопротивле́нїемъ твои́мъ побѣди́сѧ держа́внѡ, и҆ ꙗ҆́вѣ ни́зꙋ паде́сѧ подъ но́зѣ твоѝ свѧще́ннѣи, свѧщенномꙋ́чениче.

Свѣ́томъ вѣ́ры ꙗ҆́вѣ і҆́дѡльское ѡ҆мраче́нїе ты̀ ѿгна́лъ є҆сѝ, мꙋ́дре, хрⷭ҇тꙋ̀ хвала́ми, бл҃же́нне, поѧ̀, ꙗ҆́коже ѻ҆́троцы пе́рвѣе: бж҃е ѻ҆тє́цъ на́шихъ, бл҃гослове́нъ є҆сѝ.

Ни ласка̑нїи тве́рдость, ни прещє́нїи, ст҃и́телю, мꙋчи́телей, васі́лїе, не ѡ҆сла́билъ є҆сѝ ѿню́дъ, сла́вне, дꙋше́внꙋю крѣ́пость: но не ᲂу҆ѧ́звенъ, ꙗ҆́коже цвѣ́ты, и҆скꙋшє́нїѧ ты̀ претерпѣ́лъ є҆сѝ.

Бг҃оро́диченъ: Зако́ны, чⷭ҇таѧ, ржⷭ҇тва̀ превозшла̀ є҆сѝ, зижди́телѧ ро́ждши ꙗ҆́вѣ всеѧ̀ тва́ри. тѣ́мже и҆́стиннꙋю тѧ̀ бцⷣꙋ, всепѣ́таѧ, вѣ́рнїи преблагоче́стнѡ ны́нѣ и҆сповѣ́дꙋемъ.

Пѣ́снь и҃.

І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки.

Стрѣла́ми премꙋ́дрости, ст҃и́телю, низло́жь подъ но́зѣ ле́сть, пребл҃же́нне, вѣнцы̀ вѣнча́лсѧ є҆сѝ побѣ́дными, ꙗ҆́кѡ побо́рникъ пресла́венъ вѣ́ры, бжⷭ҇твеннымъ дх҃омъ: гдⷭ҇а, зовы́й, воспѣва́йте, дѣла̀, и҆ превозноси́те є҆го̀ во всѧ̑ вѣ́ки.

Вы́ю пре́лести, ст҃и́телю, мече́мъ вѣ́ры посѣ́клъ є҆сѝ, ᲂу҆сѣ́ченъ бы́въ во главꙋ̀ твою̀, сла́вне, и҆ ѿ хрⷭ҇та̀ вѣне́цъ побѣ́ды прїѧ́лъ є҆сѝ, вопїѧ̀: бл҃гослови́те, всѧ̑ дѣла̀, гдⷭ҇а, и҆ превозноси́те є҆го̀ во всѧ̑ вѣ́ки.

Совокꙋпи́сѧ тѣлесѝ твоемꙋ̀, бл҃же́нне, глава̀ по ѿсѣче́нїи, є҆́же и҆ пресла́внѡ, и҆ безмѣ́рнаѧ пꙋчи́на принесѐ ѡ҆кормле́нїемъ, свѧ́те, бжⷭ҇твеннагѡ дх҃а: и҆ ны́нѣ со а҆́гг҃лы ликꙋ́ѧ, со ѻ҆ц҃е́мъ сла́виши сн҃а и҆ бжⷭ҇твеннаго дх҃а.

Бг҃оро́диченъ: Ꙗ҆́дъ ѕмїи́нъ, дв҃о, є҆́ѵинъ ѿсѣ́кла є҆сѝ ржⷭ҇тво́мъ твои́мъ, сло́во ꙗ҆́кѡ ро́ждши пло́тїю ѵ҆поста́сное, во ᲂу҆тро́бѣ, пречⷭ҇таѧ, твое́й совокꙋ́плена стра́шнѡ, ѻ҆ц҃ꙋ̀ ѵ҆поста́сное сло́во: є҆гѡ́же плотско́е подо́бїе почита́емъ.

Пѣ́снь ѳ҃.

І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть, ты́ же, дв҃о бцⷣе, прозѧбе́нїемъ чревоноше́нїѧ мі́рови бл҃гослове́нїе процвѣла̀ є҆сѝ: тѣ́мъ тѧ̀ всѝ велича́емъ.

Въ приста́нище ꙗ҆́вѣ ᲂу҆стреми́всѧ, пресла́вне, треволнє́нїѧ бꙋ́ри і҆́дѡльскїѧ преше́лъ є҆сѝ, бжⷭ҇твеннымъ ѡ҆кормле́нїемъ дх҃а, съ вы́шними ликꙋ́ѧ си́лами: помѧнѝ, бл҃же́нне, чтꙋ́щыѧ тѧ̀.

Бжⷭ҇твеннѣ ликꙋ́ѧ, васі́лїе сла́вне, со а҆́гг҃лы, побѣ̑днаѧ ᲂу҆ престо́ла всѣ́хъ бг҃а же и҆ влⷣки, ра́дꙋѧсѧ ми́лостивнѡ назира́еши на́съ, ꙗ҆́кѡ па́стырь и҆ ст҃и́тель, пою́щыѧ тѧ̀.

Бг҃оро́диченъ: Безсѣ́меннѡ безнача́льнаго сн҃а ро́ждши бг҃а сло́ва, мт҃и дв҃о, всѐ ѡ҆бнови́ла є҆сѝ є҆стество̀ на́ше, ѡ҆бветша́вшее прегрѣше́нїемъ престꙋпле́нїѧ. тѣ́мже тѧ̀, влⷣчце, непреста́ннѡ велича́емъ.

Свя­щен­но­му­че­ник Ва­си­лий Ама­сий­ский и праведная дева Глафира

Свя­щен­но­му­че­ник Ва­си­лий, епи­скоп Ама­сий­ский, жил в на­ча­ле IV ве­ка в пон­тий­ском го­ро­де Ама­сии. Он под­дер­жи­вал и уте­шал хри­сти­ан, стра­дав­ших от го­не­ний языч­ни­ков. В то вре­мя Во­сточ­ной ча­стью Рим­ской им­пе­рии пра­вил Ли­ки­ний (312–324), зять свя­то­го рав­ноап­о­столь­но­го ца­ря Кон­стан­ти­на Ве­ли­ко­го (306–337; па­мять 21 мая). Ли­ки­ний ли­це­мер­но под­пи­сал его "Указ о ве­ро­тер­пи­мо­сти" (313), ко­то­рый раз­ре­шал сво­бод­ное ис­по­ве­да­ние хри­сти­ан­ства, но в ду­ше нена­ви­дел хри­сти­ан и про­дол­жал их пре­сле­до­вать, воз­вра­тив­шись к язы­че­ству.

Ли­ки­ний вос­пы­лал стра­стью к слу­жан­ке сво­ей же­ны Кон­стан­ции, пра­вед­ной де­ве Гла­фи­ре. Свя­тая де­ва рас­ска­за­ла об этом ца­ри­це и про­си­ла за­щи­ты. Пе­ре­одев пра­вед­ную Гла­фи­ру в муж­ское пла­тье и снаб­див день­га­ми, ца­ри­ца Кон­стан­ция уда­ли­ла ее из го­ро­да в со­про­вож­де­нии пре­дан­ных слуг. Им­пе­ра­то­ру ска­за­ли, что слу­жан­ка со­шла с ума и ле­жит при смер­ти. Пра­вед­ная Гла­фи­ра по пу­ти в Ар­ме­нию оста­но­ви­лась в го­ро­де Ама­сии, где мест­ный епи­скоп, свя­ти­тель Ва­си­лий, дал ей при­ют.

В то вре­мя свя­ти­тель стро­ил в го­ро­де храм. Пра­вед­ная Гла­фи­ра пе­ре­да­ла на его по­строй­ку все день­ги, по­лу­чен­ные от Кон­стан­ции, и в пись­ме к ней про­си­ла при­слать еще сред­ства на окон­ча­ние хра­ма. Ца­ри­ца ис­пол­ни­ла ее прось­бу. Но пись­мо пра­вед­ной Гла­фи­ры по­па­ло к им­пе­ра­то­ру. Раз­гне­ван­ный Ли­ки­ний по­тре­бо­вал от пра­ви­те­ля Ама­сии вы­слать к нему свя­ти­те­ля и слу­жан­ку. Пра­вед­ная Гла­фи­ра скон­ча­лась († 322), преж­де чем при­каз до­шел до Ама­сии. Свя­ти­те­ля Ва­си­лия на­пра­ви­ли к им­пе­ра­то­ру. За ним по­сле­до­ва­ли два диа­ко­на, Пар­фе­ний и Фе­стим, ко­то­рые по­се­ли­лись вбли­зи тем­ни­цы, ку­да за­клю­чи­ли свя­ти­те­ля.

Бла­го­че­сти­вый хри­сти­а­нин Ел­пи­ди­фор под­ку­пил тю­рем­щи­ков к каж­дую ночь вме­сте с Пар­фе­ни­ем и Фе­сти­мом по­се­щал свя­ти­те­ля. На­ка­нуне дня су­да свя­ти­тель, как обыч­но, пел псал­мы, и сло­ва "аще все­лю­ся в по­след­них мо­ря и та­мо ру­ка Твоя на­ста­вит мя и удер­жит мя дес­ни­ца Твоя" (Пс.138,9-10) – три­жды про­пел со сле­за­ми. Диа­ко­ны усо­мни­лись, не ис­пу­гал­ся ли свя­ти­тель бу­ду­щих мук, но он успо­ко­ил их.

На су­де свя­ти­тель Ва­си­лий ре­ши­тель­но от­верг пред­ло­же­ние им­пе­ра­то­ра стать вер­хов­ным жре­цом и был при­го­во­рен к смер­ти. Ел­пи­ди­фор день­га­ми за­доб­рил во­и­нов, и они поз­во­ли­ли свя­ти­те­лю по­мо­лить­ся и по­го­во­рить с дру­зья­ми пе­ред каз­нью. По­сле это­го свя­ти­тель ска­зал па­ла­чу: "Друг, де­лай, что те­бе при­ка­за­но", – и спо­кой­но встал под удар ме­ча.

Ко­гда му­че­ник был обез­глав­лен. Ел­пи­ди­фор пы­тал­ся вы­ку­пить у во­и­нов его остан­ки. Но во­и­ны опа­са­лись им­пе­ра­то­ра и бро­си­ли те­ло и гла­ву свя­ти­те­ля в мо­ре. По­сле это­го Ел­пи­ди­фо­ру три­жды во сне пред­стал Ан­гел Бо­жий со сло­ва­ми: "Епи­скоп Ва­си­лий в Си­но­пе и ждет вас". По­ви­ну­ясь это­му зо­ву, Ел­пи­ди­фор и диа­ко­ны от­плы­ли в Си­ноп и там по­про­си­ли ры­ба­ков за­ки­нуть се­ти. Ко­гда за­ки­ну­ли сеть "на сча­стье" диа­ко­нов Фе­сти­ма и Пар­фе­ния, ни­че­го не пой­ма­ли. То­гда Ел­пи­ди­фор объ­явил, что он про­сит за­ки­нуть сеть во Имя Бо­га, Ко­то­ро­му он по­кло­ня­ет­ся. На этот раз сеть вы­нес­ла те­ло свя­ти­те­ля Ва­си­лия. Го­ло­ва при­рос­ла к нему, и толь­ко шрам на шее ука­зы­вал на след ме­ча. Мо­щи свя­ти­те­ля Ва­си­лия бы­ли пе­ре­ве­зе­ны в Ама­сию и по­гре­бе­ны в по­стро­ен­ном им хра­ме.

См. так­же: "Стра­да­ние свя­то­го свя­щен­но­му­че­ни­ка Ва­си­лия, епи­ско­па Ама­сий­ско­го" в из­ло­же­нии свт. Ди­мит­рия Ро­стов­ско­го.