Канон святителю Евстафию I, архиепископу Сербскому

Припев: Святи́телю, о́тче Евста́фие, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 17 января (04 января ст. ст.); 12 сентября (30 августа ст. ст.)

Глас 3.

Пе́снь 1.

Ирмо́с: Су́шу глубороди́тельную зе́млю со́лнце наше́ствова иногда́: я́ко стена́ бо, огусте́ обапо́лы вода́ лю́дем пешомореходя́щим и богоуго́дно пою́щим: пои́м Го́сподеви, сла́вно бо просла́вися.

Прему́дрость Бо́жия Всемо́щная, все́льшися в тя́, о́тче, от пеле́н назна́мена тя́ благода́тию духо́вною и наставля́я, те́мже все́х исправля́еши и науча́еши пе́ти си́це: пои́м Го́сподеви, сла́вно бо просла́вися.

Крепи́теся и мужа́йтеся проти́ву неви́димых бра́ней вра́жиих, Госпо́днею по́мощию утвержда́яся и глаго́ля: Го́сподеви пои́м, сла́вно бо просла́вися.

Ра́зум восприе́мше небе́сный, весели́теся, земноро́днии, процвете́ бо цве́т от земна́го ко́рене, светя́щу Богосия́нному све́ту, и, богоуго́дно взыва́юще, рце́м: пои́м Го́сподеви, сла́вно бо просла́вися.

Богоро́дичен: Из чре́ва пре́жде денни́цы рожде́нное от Отца́ Преве́чное Сло́во Бо́жие возсия́ на́м из Тебе́, Браконеиску́сная, и роди́ся, Богоро́дице, науча́я святы́я Своя́ воспева́ти: Го́спода по́йте, дела́, и превозноси́те во вся́ ве́ки.

Пе́снь 3.

Ирмо́с: Утвержде́ние на Тя́ наде́ющихся, утверди́, Го́споди, Це́рковь, Ю́же стяжа́л еси́ честно́ю Твое́ю кро́вию.

Пе́рвенца показа́ тя́ Госпо́дь ста́ду Своему́ пе́рвенствовати, преосвяще́нна архиере́я, е́же стяжа́ Свое́ю Кро́вию.

Малоу́мным па́ки возвраща́я зе́льныя по́мыслы, ко исправле́нию яви́ тя́ Госпо́дь, преосвяще́нне о́тче Евста́фие.

Земли́ ве́рных Свои́х яви́ тя́ Бо́г Сло́во ко исправле́нию благоче́стных дея́ний, святи́телю преблаже́нне.

Богоро́дичен: Из Деви́ческаго чре́ва яви́лся еси́, Со́лнце Пра́ведное, озаря́яй земны́х чу́вствия и наставля́яй вои́стинну к позна́нию Своего́ Божества́.

Седа́лен, гла́с 8:

Повеле́нное та́йне, Боже́ственная прие́мь в ра́зуме свое́м, покро́в возжеле́л еси́ небе́снаго жития́, ско́ро прии́де, взе́мый кре́ст на ра́мо, глаго́лал еси́ непреста́нно все́м: Преклони́вый схожде́нием небеса́ и пло́ть взе́мь от Де́вы, все́х велегла́сно зове́т спасти́ся, вопи́ти же и глаго́лати: сла́ва неизрече́нней Твое́й ми́лости, Еди́не Преми́лостиве.

Пе́снь 4.

Ирмо́с: Покры́ла е́сть небеса́ доброде́тель Твоя́, Христе́, из Киво́та бо проше́д святы́ни, Твоея́ Нетле́нныя Ма́тере, в хра́ме Сла́вы Твоея́ яви́лся еси́, я́ко Младе́нец руконоси́мь, и испо́лнишася вся́ Твоего́ хвале́ния.

Я́ко свяще́нный неизрече́нных бла́г спасе́ния служи́тель, ве́село во святе́й Це́ркви служи́л еси́, моли́твами и слеза́ми приле́жно просия́л еси́, все́м прося́ оставле́ние грехо́в, и духодви́жно ра́достию вопия́л еси́: Го́споди, испо́лнишася вся́ Твоего́ хвале́ния.

На Него́ же упова́л еси́, святи́телю, из мла́да бо во́зраста, ра́дуяся же, я́ко еле́нь, восте́кл еси́ на го́ру святу́ю, земна́я вся́ в ми́ре оста́вил еси́, прилепи́вся зако́ну Творца́ и Влады́ки исполне́нием за́поведи Боже́ственнаго хоте́ния, Ему́же, святи́телю, ра́достно вопие́ши: испо́лнишася вся́ Твоего́ хвале́ния.

Ви́дел еси́, святи́телю, Сло́во Безнача́льное, пло́тию к на́м прише́дшее и вся́ челове́ки спа́сшее, са́м бо вся́ мирска́я ни во что́же вмени́л еси́, усе́рдно вопия́ ко Го́споду: испо́лнишася вся́ Твоего́ хвале́ния.

Богоро́дичен: Ви́дети херуви́мом и серафи́мом невозмо́жно от Деви́ческия кро́ве пло́ть Заи́мствовавшаго и к на́м Прише́дшаго, научи́ все́х с любо́вию вопи́ти Ему́: Свя́т еси́, Го́споди.

Пе́снь 5.

Ирмо́с: Я́ко ви́де Иса́ия обра́зно на престо́ле превознесе́на Бо́га, от а́нгел сла́вы дориноси́ма, — о, окая́нный, — вопия́ше, — а́з! Прови́дех бо воплоща́ема Бо́га, Све́та невече́рня, и ми́ром влады́чествующа.

Свяще́нный смы́сл изуча́я, пло́ти уго́дия и похоте́ния удали́л еси́ непреста́нным ру́к твои́х воздея́нием и ча́стым коле́н преклоне́нием, о́тче богому́дре, с ра́достию воспева́еши си́це: Тебе́ люблю́, Иису́се Бо́же мо́й, Све́та Невече́рняго и ми́ром влады́чествующаго.

Прему́дрость Бо́жия, избра́вшая гони́теля Па́вла в сосу́да Себе́, изыма́ющая от земли́ убо́га и посажда́я на престо́ле бога́тем, прови́дя и тебе́, святы́й архиере́ю Бо́жий Евста́фие, избра́л[а] е́сть в па́стыря и наста́вника все́м лю́бящим Христа́, Све́та Невече́рняго и ми́ром влады́чествующа.

Очи́стив ду́шу и те́ло от скве́рны, преподо́бна, пра́ведна и незло́бива учи́теля себе́ показа́л еси́, о́тче блаже́нне, си́рых пита́тель, оби́димых помо́щник и странноприи́мец бы́л еси́, те́мже со дерзнове́нием вопие́ши: Тебе́ люблю́, Иису́се Бо́же мо́й, Све́та Невече́рняго и ми́ром влады́чествующа.

Богоро́дичен: Безле́тнаго в ле́то родила́ еси́, Браконеиску́сная, де́вство и рождество́ сопря́гши па́че ума́, да челове́ка обожи́ши, па́че естества́ и ра́зума, Све́та Невече́рняго и ми́ром влады́чествующа.

Пе́снь 6.

Ирмо́с: Возопи́ к Тебе́, ви́дев ста́рец очи́ма спасе́ние, е́же лю́дем прии́де от Бо́га: Христе́, Ты́ — Бо́г мо́й.

Сио́на доше́л еси́, блаже́нне, и, гро́б Госпо́день усе́рдною любо́вию облобыза́в, о ка́мень претыка́ния ника́коже потка́лся еси́, благода́тию Бо́жиею сохраня́емь.

Сы́ны челове́ческия сотворя́я сына́ми Бо́жиими, потща́лся еси́, блаже́нне, покланя́тися Святе́й Тро́ице во Еди́ном Существе́.

Бра́нь и бу́ря от вселука́ваго врага́ воздвиза́ется на ны́, ча́д твои́х, но я́ко име́я ко Христу́ дерзнове́ние, пода́ждь ста́ду твоему́ благостоя́ние, я́ко тезоимени́т.

Богоро́дичен: Безле́тнаго во чре́ве прие́мши, Богоро́дице, неизрече́нно Сы́на — Емману́ила, чу́дно воздои́ла еси́ от сосе́ц Твои́х во спасе́ние все́м ве́рным.

Конда́к, гла́с 6.

Свы́ше благода́ть прие́мь от Бо́га, во святи́тельское подо́бие обле́клся еси́ и от у́ст твои́х благоче́стно все́х научи́л еси́ покланя́тися Тро́ице Единосу́щней. Те́мже па́мять твою́ чту́ще, прославля́ем Бо́га, просла́вльшаго тя́.

И́кос:

На престо́ле сла́вы седя́щаго Бо́га возжеле́в всеусе́рдно, к Нему́ приве́л еси́ ве́рное ста́до твое́ и процве́л еси́ в дому́ Госпо́дни, я́ко фи́никс, умножа́я и возвыша́я, я́коже ке́др, ча́да твоя́, кро́тостию и смире́нием научи́в и́х воспева́ти и сла́вити Бо́га, просла́вльшаго тя́.

Пе́снь 7.

Ирмо́с: Тебе́ во огни́ ороси́вшаго о́троки богосло́вившия, и в Де́ву нетле́нну все́льшагося Бо́га Сло́ва пои́м, благоче́стно пою́ще: благослове́н Бо́г оте́ц на́ших.

Авраа́мли же́ртвы подража́в, о́тче Евста́фие, я́коже о́н Исаа́ка, та́ко ты́ твою́ ду́шу прине́сл еси́ Христу́ в же́ртву чи́сту и непоро́чну, благоче́стно воспева́я: благослове́н Бо́г оте́ц на́ших.

Ро́да зе́мна изба́вити, грехи́ сластолюби́вых очища́я воздея́нием ру́к, всено́щным бде́нием, слеза́ми мно́гими, церко́вною слу́жбою и ча́стым воздыха́нием прося́ о ни́х Го́спода, Ему́же благоче́стно воспева́еши: благослове́н Бо́г оте́ц на́ших.

Гро́б тво́й нетле́нна тя́ соблю́л е́сть Бо́жиим манове́нием, ра́ди утвержде́ния в ве́ре ста́да твоего́, те́мже, ра́ку твою́ целу́юще, зове́м: благослове́н Бо́г оте́ц на́ших.

Богоро́дичен: О́тчею во́лею, осене́нием Ду́ха Свята́го прия́ла еси́ Сы́на Бо́жия, Пречи́стая, неизрече́нно поне́сши Его́, родила́ еси́, Ему́же ве́рно вопие́м: благослове́н Бо́г оте́ц на́ших.

Пе́снь 8.

Ирмо́с: Нестерпи́мому огню́ соедини́вшеся, богоче́стия предстоя́ще, ю́ноши, пла́менем же неврежде́ни, Боже́ственную пе́снь поя́ху: благослови́те, вся́ дела́ Госпо́дня Го́спода, и превозноси́те во вся́ ве́ки.

Лю́дие твои́, предзря́ще тя́ свяще́нна, возлюби́ша твоего́ уста́ва смире́ние и кро́тость, испо́лненную Боже́ственнаго уче́ния, от медото́чных усте́н пе́сненно вопию́т: благослови́те, вся́ дела́ Госпо́дня, Го́спода.

Се́ Жи́знь и Све́т все́м Христо́с прибли́жися, воздая́ кому́ждо по дело́м: нечести́вым осужде́ние, благочести́вым благода́ть и сла́ву, велегла́сно вопию́щим Ему́: благослови́те, вся́ дела́ Госпо́дня, Го́спода.

По успе́нии твое́м, свяще́нне о́тче Евста́фие, пресели́лся еси́ в го́рний Иерусали́м, на́м же оста́вль мо́щи своя́, те́мже вопие́м: благослови́те, вся́ дела́ Госпо́дня, Го́спода.

Богоро́дичен: Се́ Де́ва, я́коже проро́к глаго́лаше, во чре́ве прия́ и роди́ Сы́на Емману́ила, е́же е́сть с на́ми Бо́г, на земли́ яви́ся и с челове́ки поживе́, Ему́же, ве́рнии, вопие́м: благослови́те, вся́ дела́ Госпо́дня, Го́спода.

Пе́снь 9.

Ирмо́с: В зако́не се́ни и писа́ний о́браз ви́дим, ве́рнии: вся́к му́жеский по́л, ложесна́ разверза́я, свя́т Бо́гу. Те́м перворожде́нное Сло́во Отца́ Безнача́льна, Сы́на, первородя́щася Ма́терию неискусому́жно, велича́ем.

Дре́вле разумева́емей Же́ртве, зако́ном принося́щейся, ю́же Бо́жий архиере́й прино́сит, Госпо́дня преда́ния па́мятствуя, возно́сит хле́б и вино́ во оставле́ние грехо́в, все́м я́сно сказу́ет испове́дание ве́ры во Христа́ Го́спода.

Возда́ждь ми́, — Бо́гу вопия́ше святи́тель, — прича́стия да́ра, е́же вопи́ти Тебе́ во Ца́рствии Твое́м и испо́лнитися ми́ Твоего́ весе́лия и в Тебе́ пребыва́ти; те́мже, хва́ляще, велича́ем Го́спода.

Свяще́ннаго пропове́дателя вои́стинну и Бо́жия рачи́теля, гряди́те, обстоя́ще честну́ю ра́ку на́шего учи́теля, усе́рдно воспои́м благода́ть Бо́жию, я́же в не́м пребыва́ет, велича́юще Го́спода.

Богоро́дичен: Превы́ше обы́чая, неизрече́нно, Де́во Богоро́дице, Христа́ родила́ еси́, Его́же ны́не умоли́ изба́витися на́м от нахожде́ния пога́ных ага́рян и от вся́каго вре́да и междоусо́бныя бра́ни, да Тя́ непреста́нно, и́стинную Богома́терь, велича́ем.

Свети́лен:

Свяще́нная и светоно́сная, па́че ума́ светле́йшая, о́тче Евста́фие, па́мять твоего́ успе́ния, ю́же све́тло пра́зднуем, возсия́ на́м дне́сь: сего́ ра́ди сла́вим просла́вльшаго тя́ Го́спода, да́вшаго ти́ благода́ть такову́ю, е́юже огражда́еши ста́до твое́.

Краткое житие святителя Евстафия, архиепископа Сербского

Свя­ти­тель Ев­ста­фий жил и под­ви­зал­ся во дни бла­го­че­сти­во­го серб­ско­го кра­ля Сте­фа­на Уро­ша II Ми­лу­ти­на, пра­вив­ше­го Сер­би­ей с 1262 по 1320 год. По­стри­же­ние и ино­че­ский чин он при­нял в мо­на­сты­ре Ар­хан­ге­ла Ми­ха­и­ла, ко­то­рый на­хо­дит­ся в об­ла­сти Зет­ской в Чер­но­го­рии. Вел стро­гую по­движ­ни­че­скую жизнь. От уроч­ной сво­ей мо­на­стыр­ской до­ли в пи­ще и одеж­де бла­го­тво­рил ни­щим. Со­вер­шив па­лом­ни­че­ство в Иеру­са­лим, по­се­лил­ся на Свя­том Афо­не в серб­ском мо­на­сты­ре Пре­свя­той Бо­го­ро­ди­цы Хи­лан­дар­ском, по­стро­ен­ном свя­тым Си­мео­ном, в ми­ре – ве­ли­ким Серб­ским жу­па­ном Сте­фа­ном Не­ма­ней, и сы­ном его свя­ти­те­лем Сав­вой. Здесь он мно­го лет с усер­ди­ем и сми­ре­ни­ем пре­да­вал­ся мо­на­ше­ским по­дви­гам, был воз­ве­ден в сан игу­ме­на мо­на­сты­ря. За­тем был из­бран и ру­ко­по­ло­жен в епи­ско­па Зет­ской епар­хии, а по кон­чи­не ар­хи­епи­ско­па Иоан­ни­кия со­бо­ром епи­ско­пов, игу­ме­нов и бо­яр был из­бран на ар­хи­епи­скоп­ский пре­стол свя­ти­те­ля Сав­вы. Умер и был по­гре­бен в Жи­че, в хра­ме Спа­си­те­ля. При его ра­ке со­вер­ша­лись мно­го­чис­лен­ные чу­де­са, зна­ме­ния и ис­це­ле­ния. Поз­же его не­тлен­ные и чу­до­твор­ные мо­щи бы­ли пе­ре­не­се­ны в Печ и по­став­ле­ны в ар­хи­епи­скоп­ском ка­фед­раль­ном хра­ме свя­тых апо­сто­лов Пет­ра и Пав­ла.

Полное житие святителя Евстафия, архиепископа Сербского

Свя­ти­тель Ев­ста­фий, ар­хи­епи­скоп Серб­ский, жил во вто­рой по­ло­ви­не XIII ве­ка, при ко­ро­ле Серб­ском Сте­фа­не Уро­ше (1262–1320).

Ро­дил­ся в Бу­ди­миль­ской об­ла­сти в бла­го­че­сти­вой хри­сти­ан­ской се­мье, где и по­лу­чил ду­хов­ное вос­пи­та­ние. От­ли­ча­ясь не­за­у­ряд­ны­ми спо­соб­но­стя­ми, юный Ев­ста­фий был от­дан ро­ди­те­ля­ми на обу­че­ние "книж­ной пре­муд­ро­сти". Осо­бен­но при­леж­но он изу­чал Свя­щен­ное Пи­са­ние, со­вер­шен­ству­ясь в бла­го­че­стии и доб­ро­де­те­ли. За­кон­чив об­ра­зо­ва­ние, юно­ша при­нял по­стри­же­ние в мо­на­сты­ре Ар­хан­ге­ла Ми­ха­и­ла в Зет­ской об­ла­сти (Чер­но­го­рия) и про­во­дил су­ро­вую ино­че­скую жизнь, так что ско­ро про­сла­вил­ся как ве­ли­кий по­движ­ник. От­ту­да он пред­при­нял пу­те­ше­ствие в Иеру­са­лим для по­кло­не­ния свя­то­му Гро­бу Гос­под­ню. На об­рат­ном пу­ти он по­се­тил Свя­тую Го­ру Афон и по­се­лил­ся там в серб­ском Хи­лен­дар­ском мо­на­сты­ре.

Пре­по­доб­ный Ев­ста­фий при­об­рел все­об­щую из­вест­ность и лю­бовь как стро­гий по­движ­ник и доб­рый учи­тель и был воз­ве­ден в сан игу­ме­на мо­на­сты­ря.

Че­рез не­сколь­ко лет его ру­ко­по­ло­жи­ли во епи­ско­па Зет­ской епар­хии. То­гда свя­ти­тель и вер­нул­ся на ро­ди­ну. Бо­га­тый ду­хов­ный опыт и ино­че­ская жизнь снис­ка­ли ему лю­бовь со­оте­че­ствен­ни­ков, и свя­ти­тель Ев­ста­фий был из­бран на пре­стол ар­хи­епи­ско­пов Серб­ских, пре­ем­ни­ков свя­то­го Сав­вы. Семь лет свя­ти­тель Ев­ста­фий управ­лял Серб­ской Цер­ко­вью и мир­но скон­чал­ся око­ло 1285 го­да. Те­ло его бы­ло по­гре­бе­но в мо­на­сты­ре Жи­до­ча, позд­нее оно бы­ло пе­ре­не­се­но в Пе­ши (Печ) и по­ло­же­но в ка­фед­раль­ном со­бо­ре свя­тых апо­сто­лов Пет­ра и Пав­ла.


См. так­же: "Жи­тие свя­то­го Ев­ста­фия, ар­хи­епи­ско­па Серб­ско­го" в из­ло­же­нии свт. Ди­мит­рия Ро­стов­ско­го.