Канон Святителю Кириллу архиепископу Иерусалимскому

Припев: Святи́телю, о́тче Кирилле, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 31 марта (18 марта ст. ст.)

Глас 4.

Пе́снь 1.

Ирмо́с: Триста́ты кре́пкия, Рожде́йся от Де́вы, безстра́стия во глубине́, души́ трича́стное потопи́, молю́ся, да Тебе́, я́ко в тимпа́не, во умерщвле́нии телесе́ побе́дное воспою́ пе́ние.

Украси́в ду́шу доброде́телей ви́ды, благода́тей прия́тельну Ду́ха сию́ Свята́го соверши́л еси́, отню́дуже бе́здну прему́дрости отры́гнул еси́, ересе́й пучи́ны изсуша́ющу, Кири́лле.

Превы́шший у́м ве́щных соде́лал еси́, невеще́ственных служи́телей соо́бщник показа́вся, огне́м же слове́с твои́х всю́ попали́л еси́ ве́щь ересе́й, Кири́лле, церко́вное свети́ло неусыпа́ющее.

Глаго́л твои́х воня́ми сладкодыха́тельными неи́стовства тезоимени́тнаго, прему́дре, ересе́й все́х нестерпи́мый ка́л отгна́в, дале́че сотвори́л еси́, я́ко па́стырь и́стиннейший, я́ко Христо́во благово́ние бы́в.

Богоро́дичен: От тиме́ния страсте́й, помышле́ний треволне́ния, от стре́л лука́ваго, от вся́каго прило́га сопроти́внаго спаси́, Чи́стая Богороди́тельнице, ду́ши воспева́ющих Твое́ несказа́нное рождество́, Всенепоро́чная.

Пе́снь 3.

Ирмо́с: Я́ко непло́ды роди́ от язы́к Це́рковь, и мно́гое в ча́дех изнемо́же со́нмище, чу́дному Бо́гу на́шему возопии́м: Свя́т еси́, Го́споди.

Сия́я светлостьми́ духо́вныя прему́дрости, трисия́нное Божество́ Тро́ицы, о́тче, све́тло су́щим на земли́ уясни́л еси́, и́мже тмы́ пре́лести изба́вихомся.

Цевни́ца яви́лся еси́ Всесвята́го Ду́ха, богому́дре, возглаша́ющи пе́снь явле́ния Христо́ва, Его́же во дву́ естества́х пропове́дал еси́, услажда́я ду́ши на́ша.

До́м святы́ни твоя́ душа́ показа́ся, в него́же Оте́ц, и Сы́н, и Ду́х Живонача́льный преесте́ственно всели́ся, Ему́же пое́м: Свя́т еси́, Го́споди.

Богоро́дичен: Ниже́ у́м небе́сный па́че ума́ рождества́ Твоего́ мо́жет сказа́ти, Отрокови́це, Ума́ бо Пе́рваго во утро́бе Сло́во, Чи́стая, зачала́ еси́, вся́ческая сло́вом соста́вльшаго.

Седа́лен, гла́с 8.

Прему́дростию Сло́ва обогате́в, отры́гнул еси́ уче́ний ре́ки живо́тныя, и вся́ку напои́л еси́ благочести́вых мы́сль, и па́лицею боже́ственною упа́сл еси́ ста́до на зла́це, боже́ственнаго напита́л еси́ ра́зума. Те́мже я́ко па́стыря и учи́теля вели́ка и ве́рных засту́пника восхваля́ем тя́, Кири́лле святи́телю, зову́ще: моли́ Христа́ Бо́га грехо́в оставле́ние пода́ти честву́ющим любо́вию святу́ю па́мять твою́.

Богоро́дичен: Я́ко де́ву и еди́ну в жена́х, Тя́, без се́мене ро́ждшую Бо́га пло́тию, вси́ ублажа́ем, ро́ди челове́честии: о́гнь бо всели́ся в Тя́ Божества́, и я́ко Младе́нца дои́ши Зижди́теля и Го́спода. Те́м, а́нгельский и челове́ческий ро́д, досто́йно сла́вим пресвято́е Рождество́ Твое́ и согла́сно вопие́м Ти́: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́.

Крестобогоро́дичен: А́гнца, и Па́стыря, и Изба́вителя А́гница зря́щи на Кресте́, восклица́ше, пла́чущи, и, го́рько рыда́ющи, вопия́ше: ми́р у́бо ра́дуется, прие́мляй Тобо́ю избавле́ние, утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости. Долготерпели́ве Го́споди, ми́лости бе́здно и исто́чниче неисчерпа́емый, умилосе́рдися и да́руй согреше́ний оставле́ние ве́рою пою́щым Боже́ственныя стра́сти Твоя́.

Пе́снь 4.

Ирмо́с: Небеса́ доброде́тель Твоя́ покры́ла е́сть, и земля́ испо́лнися сла́вы Твоея́, Христе́. Те́мже ве́рно вопие́м: сла́ва си́ле Твое́й, Го́споди.

Преми́рныя му́дрости струю́, преподо́бне, твое́ се́рдце прие́мше, отры́гну уче́ния бе́здну, умы́ нече́ствующих погружа́ющую.

Еди́ну кре́пость, еди́но существо́, еди́ну во́лю Триипоста́снаго Божества́ пропове́дал еси́ и многобо́жия, Кири́лле, пре́лести пото́к изсуши́л еси́.

У́м ка́льный и пребезу́мный Ма́нентов, я́ко у́м имы́й и богонауче́н, блаже́нне, блиста́нии слове́с твои́х попали́в, я́ве обличи́л еси́.

Богоро́дичен: Я́ко вы́шши все́х тва́рей, Чи́стая, Творца́ тва́ри зачала́ еси́ и па́че естества́ ро́ждши, естество́ на́ше обно́вльшаго.

Пе́снь 5.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Жезло́м честны́я, святи́телю, прему́дрости твоея́ упа́сл еси́ на воде́ правосла́внаго служе́ния па́ству твою́, блаже́нне.

Сло́во твое́ све́том Боже́ственным облиста́емо, о Кири́лле! просвеще́нных во Иерусали́ме мглу́ неразу́мия разруши́л еси́.

Богоро́дичен: Но́щь, Пречи́стая, страсте́й и злы́х очерне́ния покрыва́ет ду́шу мою́, Светода́вца ро́ждшая, озари́ мя, молю́ся.

Пе́снь 6.

Ирмо́с: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли́ изба́ви мя́, Иису́се, Царю́ си́л.

Река́ ты́ я́ко, из ино́го Еде́ма изше́л еси́, жизното́чных испо́лнена во́д Ду́ха, и церко́вныя, святи́телю, напоя́еши бразды́.

Глаго́л твои́х луче́м, я́ко от бу́ри морски́я нече́стия спаса́еши лю́ди, освяще́ннейше, к ти́хому приста́нищу правосла́вия те́х призыва́я.

Богоро́дичен: Онебеси́ла еси́ озе́мльствованное естество́, Всенепоро́чная, челове́ческое и истле́вшее сие́ новосоде́лала еси́, сего́ ра́ди, Отрокови́це, вси́ немо́лчными гла́сы Тя́ сла́вим.

Конда́к, гла́с 4:

Язы́ком твои́м, му́дре, Боже́ственными вдохнове́ньми просвети́л еси́ твоя́ лю́ди еди́ну чести́ Тро́ицу, Естество́м неразде́льну, разделя́ему же Ли́цы. Те́мже, ра́дующеся, всесвяту́ю твою́ па́мять пра́зднуем, и́же к Бо́гу моли́твенника тя́ предлага́ющии.

Пе́снь 7.

Ирмо́с: Ю́ноши три́ в Вавило́не, веле́ние мучи́телево на бу́йство прело́жше, посреде́ пла́мене вопия́ху: благослове́н еси́, Го́споди, Бо́же оте́ц на́ших.

Име́я о́гнь во уме́, о́тче, стра́ха Бо́жия, ве́щь испепели́л еси́ сласте́й, воспева́я: благослове́н еси́, Го́споди, Бо́же оте́ц на́ших.

Слеза́ми страсте́й пла́мень погаси́в, блаже́нне, све́тлость сохрани́л еси́ неугаси́му твоея́ души́, взыва́я: благослове́н еси́, Го́споди, Бо́же оте́ц на́ших.

Струю́ живу́ю име́я лия́нием Ду́ха, в души́, богому́дре, источи́л еси́, о́тче, ре́ки уче́ний, Це́рковь напоя́ющия, благоче́стно тя́ честву́ющую.

Богоро́дичен: Всю́ Тя́ освяща́ет Святы́й, от Твоея́ пло́ти заи́мствовавый пло́ть Себе́, Богоро́дице, во святы́х Госпо́дь живы́й, Бо́г на́ш.

Пе́снь 8.

Ирмо́с: Изба́вителю все́х Всеси́льне, посреде́ пла́мене благоче́ствовавшия, снизше́д, ороси́л еси́ и научи́л еси́ пе́ти: вся́ дела́, благослови́те, по́йте Го́спода.

Дрема́ние небреже́ния, блаже́нне, от ве́ждей душе́вных отри́нув, пра́ведным прили́чным ны́не усну́л еси́ сно́м, и ко дню́ невече́рняго Све́та преше́л еси́.

Мо́лниями слове́с твои́х попали́л еси́ хвра́стную е́ресь, приснопа́мятне, и ве́рныя просвети́л еси́ еди́ну чести́ Тро́ицу начерта́ньми, во Еди́нице су́щую Естества́.

Освяти́в себе́ поще́ньми, ме́ртву тебе́ ра́ди Бы́вшу, ты́ безкро́вно же́ртвовал еси́, я́ко святи́тель Боже́ственный, я́ко та́ин неизрече́нных служи́тель, Кири́лле.

Богоро́дичен: Изба́вльшеся кля́твы прама́терния Тобо́ю, Чи́стая Богома́ти, Благослове́нная Влады́чице, благослови́м, Деви́це препросла́вленная, пресвято́е Рождество́ Твое́, Всечи́стая.

Пе́снь 9.

Ирмо́с: Е́ва у́бо неду́гом преслуша́ния кля́тву всели́ла е́сть, Ты́ же, Де́во Богоро́дице, прозябе́нием чревоноше́ния ми́рови благослове́ние процвела́ еси́. Те́м Тя́ вси́ велича́ем.

Ви́дети жела́я Христо́ву неизрече́нную, святи́телю, сла́ву, потща́лся еси́ стра́сти умертви́ти душетле́нныя, прия́телище се́рдце сотвори́ти прему́дрости бо́льшия и лу́чшия. Те́мже тя́ ве́рою ублажа́ем.

Звезду́ многосве́тлую, Христо́с Со́лнце, на церко́вней высоте́ положи́ тя, Кири́лле, луча́ми уче́ний свяще́нных озаря́юща сердца́ ве́рно соверша́ющих твою́ светоно́сную па́мять, преподо́бне.

Собесе́дник и сослужи́тель бы́л еси́ а́нгелом, я́ко бо безпло́тен, о́тче, на земли́ пожи́в, преподо́бным яви́лся еси́ соприча́стник и святи́телем равностоя́тель; с ни́миже лику́я, на́с помина́й.

Богоро́дичен: Непло́дствующее Боже́ственных доброде́телей, Пречи́стая Богоро́дице, се́рдце мое́ покажи́, Де́во, плодоно́сно, я́же от непло́дове ро́ждшаяся во́лею вся́ Претворя́ющаго манове́нием, да Тя́ пою́, Всепе́тую.

Пѣ́снь а҃.

І҆рмо́съ: Трїста́ты крѣ́пкїѧ, рожде́йсѧ ѿ дв҃ы, безстра́стїѧ во глꙋбинѣ̀ дꙋшѝ трича́стное потопѝ, молю́сѧ: да тебѣ̀, ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе.

Оу҆краси́въ дꙋ́шꙋ добродѣ́телей ви́ды, благода́тей прїѧ́тельнꙋ дх҃а сїю̀ ст҃а́гѡ соверши́лъ є҆сѝ: ѿню́дꙋже бе́зднꙋ премꙋ́дрости ѿры́гнꙋлъ є҆сѝ, є҆ресе́й пꙋчи̑ны и҆зсꙋша́ющꙋ, кѷрі́лле.

Превы́шшїй ᲂу҆́мъ ве́щныхъ содѣ́лалъ є҆сѝ, невеще́ственныхъ слꙋжи́телей соѻ́бщникъ показа́всѧ, ѻ҆гне́мъ же слове́съ твои́хъ всю̀ попали́лъ є҆сѝ ве́щь є҆ресе́й, кѷрі́лле, церко́вное свѣти́ло неꙋсыпа́ющее.

Глагѡ́лъ твои́хъ вонѧ́ми сладкодыха́тельными, неи́стовства тезоимени́тнагѡ, премꙋ́дре, є҆ресе́й всѣ́хъ нестерпи́мый ка́лъ ѿгна́въ, дале́че сотвори́лъ є҆сѝ, ꙗ҆́кѡ па́стырь и҆́стиннѣйшїй, ꙗ҆́кѡ хрⷭ҇то́во благово́нїе бы́въ.

Бг҃оро́диченъ: Ѿ тимѣ́нїѧ страсте́й, помышле́нїй треволне́нїѧ, ѿ стрѣ́лъ лꙋка́вагѡ, ѿ всѧ́кагѡ прило́га сопроти́внагѡ спасѝ, чⷭ҇таѧ бг҃ороди́тельнице, дꙋ́ши воспѣва́ющихъ твоѐ несказа́нное ржⷭ҇тво̀, всенепоро́чнаѧ.

Пѣ́снь г҃.

І҆рмо́съ: Ꙗ҆́кѡ непло́ды родѝ ѿ ꙗ҆зы̑къ цр҃ковь, и҆ мно́гое въ ча́дѣхъ и҆знемо́же со́нмище, чꙋ́дномꙋ бг҃ꙋ на́шемꙋ возопїи́мъ: ст҃ъ є҆сѝ, гдⷭ҇и.

Сїѧ́ѧ свѣтлостьмѝ дх҃о́вныѧ премꙋ́дрости, трисїѧ́нное бжⷭ҇тво̀ трⷪ҇цы, ѻ҆́ч҃е, свѣ́тлѡ сꙋ́щымъ на землѝ ᲂу҆ѧсни́лъ є҆сѝ, и҆́мже тмы̀ пре́лести и҆зба́вихомсѧ.

Цѣвни́ца ꙗ҆ви́лсѧ є҆сѝ всест҃а́гѡ дх҃а, бг҃омꙋ́дре, возглаша́ющи пѣ́снь ꙗ҆вле́нїѧ хрⷭ҇то́ва: є҆го́же во двꙋ̀ є҆стества́хъ проповѣ́далъ є҆сѝ, ᲂу҆слажда́ѧ дꙋ́шы на́шѧ.

До́мъ ст҃ы́ни твоѧ̀ дꙋша̀ показа́сѧ, въ него́же ѻ҆ц҃ъ, и҆ сн҃ъ, и҆ дх҃ъ живонача́льный преесте́ственнѡ всели́сѧ, є҆мꙋ́же пое́мъ: ст҃ъ є҆сѝ, гдⷭ҇и.

Бг҃оро́диченъ: Нижѐ ᲂу҆́мъ нбⷭ҇ный, па́че ᲂу҆ма̀ рождества̀ твоегѡ̀ мо́жетъ сказа́ти, ѻ҆трокови́це: ᲂу҆ма́ бо пе́рвагѡ во ᲂу҆тро́бѣ сло́во, чⷭ҇таѧ, зачала̀ є҆сѝ, всѧ́чєскаѧ сло́вомъ соста́вльшаго.

Сѣда́ленъ, гла́съ и҃.

Премꙋ́дростїю сло́ва ѡ҆богатѣ́въ, ѿры́гнꙋлъ є҆сѝ ᲂу҆че́нїй рѣ́ки живѡ́тныѧ, и҆ всѧ́кꙋ напои́лъ є҆сѝ благочести́выхъ мы́сль, и҆ па́лицею бжⷭ҇твенною ᲂу҆па́слъ є҆сѝ ста́до на ѕла́цѣ, бж҃е́ственнагѡ напита́лъ є҆сѝ ра́зꙋма. Тѣ́мже ꙗ҆́кѡ па́стырѧ и҆ ᲂу҆чи́телѧ вели́ка, и҆ вѣ́рныхъ застꙋ́пника, восхвалѧ́емъ тѧ̀, кѷрі́лле ст҃и́телю, зовꙋ́ще: молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти чествꙋ́ющымъ любо́вїю свѧтꙋ́ю па́мѧть твою̀.

Бг҃оро́диченъ: Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ младе́нца дои́ши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀.

Крⷭ҇тобг҃оро́диченъ: А҆́гнца и҆ па́стырѧ, и҆ и҆зба́вителѧ, а҆́гница зрѧ́щи на крⷭ҇тѣ̀, восклица́ше пла́чꙋщи и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧй тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе вѣ́рою пою́щымъ бж҃е́ствєнныѧ стра̑сти твоѧ̑.

Пѣ́снь д҃.

І҆рмо́съ: Нб҃са̀ добродѣ́тель твоѧ̀ покры́ла є҆́сть, и҆ землѧ̀ и҆спо́лнисѧ сла́вы твоеѧ̀, хрⷭ҇тѐ. Тѣ́мже вѣ́рнѡ вопїе́мъ: сла́ва си́лѣ твое́й, гдⷭ҇и.

Премі́рныѧ мꙋ́дрости стрꙋю̀, преподо́бне, твоѐ се́рдце прїе́мши, ѿры́гнꙋ ᲂу҆че́нїѧ бе́зднꙋ, ᲂу҆мы̀ нече́ствꙋющихъ погрꙋжа́ющꙋю.

Є҆ди́нꙋ крѣ́пость, є҆ди́но сꙋщество̀, є҆ди́нꙋ во́лю, трїѷпоста́снагѡ бжⷭ҇тва̀ проповѣ́далъ є҆сѝ: и҆ многобо́жїѧ, кѷрі́лле, пре́лести пото́къ и҆зсꙋши́лъ є҆сѝ.

Оу҆́мъ ка́льный и҆ пребезꙋ́мный ма́нентовъ, ꙗ҆́кѡ ᲂу҆́мъ и҆мы́й и҆ бг҃онаꙋче́нъ, бл҃же́нне, блиста̑нїи слове́съ твои́хъ попали́въ, ꙗ҆́вѣ ѡ҆бличи́лъ є҆сѝ.

Бг҃оро́диченъ: Ꙗ҆́кѡ вы́шши всѣ́хъ тва́рей, чⷭ҇таѧ, творца̀ тва́ри зачала̀ є҆сѝ, и҆ па́че є҆стества̀ ро́ждши, є҆стество̀ на́ше ѡ҆бно́вльшаго.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀. Жезло́мъ честны́ѧ, свѧти́телю, премꙋ́дрости твоеѧ̀ ᲂу҆па́слъ є҆сѝ на водѣ̀ правосла́внагѡ слꙋже́нїѧ па́ствꙋ твою̀, блаже́нне.

Сло́во твоѐ свѣ́томъ бжⷭ҇твеннымъ ѡ҆блиста́емо, ѽ кѷрі́лле! просвѣще́нныхъ во і҆ерꙋсали́мѣ, мглꙋ̀ неразꙋ́мїѧ разрꙋши́лъ є҆сѝ.

Бг҃оро́диченъ: Но́щь, пречⷭ҇таѧ, страсте́й, и҆ ѕлы́хъ ѡ҆черне́нїѧ покрыва́етъ дꙋ́шꙋ мою̀, свѣтода́вца ро́ждшаѧ, ѡ҆зари́ мѧ, молю́сѧ.

Пѣ́снь ѕ҃.

І҆рмо́съ: Возопѝ, проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ.

Рѣка̀ ты̀ ꙗ҆́кѡ и҆зъ и҆но́гѡ є҆де́ма и҆зше́лъ є҆сѝ, жизното́чныхъ и҆спо́лнена во́дъ дх҃а, и҆ цр҃кѡ́вныѧ, ст҃и́телю, напоѧ́еши бразды̑.

Глагѡ́лъ твои́хъ лꙋче́мъ, ꙗ҆́кѡ ѿ бꙋ́ри морскі́ѧ нече́стїѧ спаса́еши лю́ди, ѡ҆свѧще́ннѣйше, къ ти́хомꙋ приста́нищꙋ правосла́вїѧ тѣ́хъ призыва́ѧ.

Бг҃оро́диченъ: Ѡ҆небеси́ла є҆сѝ ѡ҆зе́мльствованное є҆стество̀, всенепоро́чнаѧ, человѣ́ческое, и҆ и҆стлѣ́вшее сїѐ новосодѣ́лала є҆сѝ: сегѡ̀ ра́ди, ѻ҆трокови́це, всѝ немо́лчными гла́сы тѧ̀ сла́вимъ.

Конда́къ, гла́съ а҃.

Ѧ҆зы́комъ твои́мъ, мꙋ́дре, бжⷭ҇твенными вдохнове́ньми, просвѣти́лъ є҆сѝ твоѧ̑ лю́ди, є҆ди́нꙋ честѝ трⷪ҇цꙋ, є҆стество́мъ нераздѣ́льнꙋ, раздѣлѧ́емꙋ же ли́цы. Тѣ́мже ра́дꙋющесѧ, всест҃ꙋ́ю твою̀ па́мѧть пра́зднꙋемъ, и҆̀же къ бг҃ꙋ моли́твенника тѧ̀ предлага́ющїи.

Пѣ́снь з҃.

І҆рмо́съ: Ю́ношы трѝ въ вавѷлѡ́нѣ, велѣ́нїе мꙋчи́телево на бꙋ́йство прело́жше, посредѣ̀ пла́мене вопїѧ́хꙋ: бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ.

И҆мѣ́ѧ ѻ҆́гнь во ᲂу҆мѣ̀, ѻ҆́ч҃е, стра́ха бж҃їѧ, ве́щь и҆спепели́лъ є҆сѝ сласте́й, воспѣва́ѧ: благослове́нъ є҆сѝ, гдⷭ҇и, бж҃е ѻ҆тє́цъ на́шихъ.

Слеза́ми страсте́й пла́мень погаси́въ, блаже́нне, свѣ́тлость сохрани́лъ є҆сѝ неꙋгаси́мꙋ твоеѧ̀ дꙋшѝ, взыва́ѧ: благослове́нъ є҆сѝ, гдⷭ҇и, бж҃е ѻ҆тє́цъ на́шихъ.

Стрꙋю̀ живꙋ́ю и҆мѣ́ѧ лїѧ́нїемъ дх҃а, въ дꙋшѝ, бг҃омꙋ́дре, и҆сточи́лъ є҆сѝ, ѻ҆́ч҃е, рѣ́ки ᲂу҆че́нїй, цр҃ковь напоѧ́ющыѧ, благоче́стнѡ тѧ̀ чествꙋ́ющꙋю.

Бг҃оро́диченъ: Всю́ тѧ̀ ѡ҆свѧща́етъ ст҃ы́й, ѿ твоеѧ̀ пло́ти заи́мствовавый пло́ть себѣ̀, бцⷣе, во ст҃ы́хъ гдⷭ҇ь живы́й бг҃ъ на́шъ.

Пѣ́снь и҃.

І҆рмо́съ: И҆зба́вителю всѣ́хъ всеси́льне, посредѣ̀ пла́мене бл҃гоче́ствовавшыѧ, снизше́дъ, ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀, бл҃гослови́те, по́йте гдⷭ҇а.

Дрема́нїе небреже́нїѧ, блаже́нне, ѿ вѣ́ждей дꙋше́вныхъ ѿри́нꙋвъ, пра́вєднымъ прили́чнымъ ны́нѣ ᲂу҆снꙋ́лъ є҆сѝ сно́мъ, и҆ ко дню̀ невече́рнѧгѡ свѣ́та преше́лъ є҆сѝ.

Мо́лнїѧми слове́съ твои́хъ попали́лъ є҆сѝ хвра́стнꙋю є҆́ресь, приснопа́мѧтне, и҆ вѣ̑рныѧ просвѣти́лъ є҆сѝ, є҆ди́нꙋ честѝ трⷪ҇цꙋ начерта́ньми, во є҆ди́ницѣ сꙋ́щꙋю є҆стества̀.

Ѡ҆свѧти́въ себѐ поще́ньми, ме́ртвꙋ тебє̀ ра́ди бы́вшꙋ, ты̀ безкро́внѡ же́ртвовалъ є҆сѝ, ꙗ҆́кѡ свѧти́тель бжⷭ҇твенный, ꙗ҆́кѡ та̑инъ неизрече́нныхъ слꙋжи́тель, кѷрі́лле.

Бг҃оро́диченъ: И҆зба́вльшесѧ клѧ́твы прама́тернїѧ тобо́ю, чⷭ҇таѧ бг҃омт҃и, благослове́ннаѧ влⷣчце, благослови́мъ, дв҃и́це препросла́вленнаѧ, прест҃о́е ржⷭ҇тво̀ твоѐ, всечⷭ҇таѧ.

Пѣ́снь ѳ҃.

І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови бл҃гослове́нїе процвѣла̀ є҆сѝ. тѣ́мъ тѧ̀ всѝ велича́емъ.

Ви́дѣти жела́ѧ хрⷭ҇то́вꙋ неизрече́ннꙋю, свѧти́телю, сла́вꙋ, потща́лсѧ є҆сѝ стра̑сти ᲂу҆мертви́ти дꙋшетлѣ̑нныѧ, прїѧ́телище се́рдце сотвори́ти премꙋ́дрости бо́льшїѧ и҆ лꙋ́чшїѧ. Тѣ́мже тѧ̀ вѣ́рою ᲂу҆блажа́емъ.

Ѕвѣздꙋ̀ многосвѣ́тлꙋю, хрⷭ҇то́съ сл҃нце, на цр҃ко́внѣй высотѣ̀ положи́ тѧ, кѷрі́лле, лꙋча́ми ᲂу҆че́нїй свѧще́нныхъ, ѡ҆зарѧ́юща сердца̀ вѣ́рнѡ соверша́ющихъ твою̀ свѣтоно́снꙋю па́мѧть, преподо́бне.

Собесѣ́дникъ и҆ сослꙋжи́тель бы́лъ є҆сѝ а҆́гг҃лѡмъ: ꙗ҆́кѡ бо безпло́тенъ, ѻ҆́ч҃е, на землѝ пожи́въ, прпⷣбнымъ ꙗ҆ви́лсѧ є҆сѝ соприча́стникъ, и҆ свѧти́телємъ равностоѧ́тель: съ ни́миже ликꙋ́ѧ, на́съ помина́й.

Бг҃оро́диченъ: Непло́дствꙋющее бжⷭ҇твенныхъ добродѣ́телей, пречⷭ҇таѧ бцⷣе, се́рдце моѐ покажѝ, дв҃о, плодоно́сно, ꙗ҆́же ѿ непло́дове ро́ждшаѧсѧ, во́лею всѧ̑ претворѧ́ющагѡ манове́нїемъ, да тѧ̀ пою̀ всепѣ́тꙋю.

Житие святителя Кирилла Иерусалимского

Свя­той Ки­рилл, ар­хи­епи­скоп Иеру­са­лим­ский, ро­дил­ся в Иеру­са­ли­ме в 315 го­ду и был вос­пи­тан в стро­гом хри­сти­ан­ском бла­го­че­стии. До­стиг­нув со­вер­шен­но­ле­тия, он при­нял мо­на­ше­ство, а в 346 го­ду стал пре­сви­те­ром. В 350 го­ду по­сле смер­ти ар­хи­епи­ско­па Мак­си­ма он стал его пре­ем­ни­ком на Иеру­са­лим­ской ка­фед­ре.

В сане Иеру­са­лим­ско­го пат­ри­ар­ха свя­ти­тель Ки­рилл рев­ност­но бо­рол­ся про­тив ере­сей Ария и Ма­ке­до­ния. Этим он воз­бу­дил про­тив се­бя нена­висть ари­ан­ству­ю­щих епи­ско­пов, ко­то­рые до­би­лись его низ­ло­же­ния и из­гна­ния из Иеру­са­ли­ма.

В 351 го­ду на празд­ник Пя­ти­де­сят­ни­цы в Иеру­са­ли­ме око­ло 3 ча­сов дня бы­ло чу­дес­ное зна­ме­ние: на небе явил­ся Чест­ный Крест, си­яв­ший осле­пи­тель­ным све­том. Он про­сти­рал­ся от Гол­го­фы до го­ры Еле­он­ской. Свя­ти­тель Ки­рилл со­об­щил об этом зна­ме­нии им­пе­ра­то­ру-ари­а­ни­ну Кон­стан­цию (351–363), на­де­ясь об­ра­тить его в пра­во­сла­вие.

Низ­ло­жен­ный Сар­ди­кий­ским Со­бо­ром ере­тик Ака­кий, быв­ший мит­ро­по­ли­том Ке­са­рий­ским, ре­шил из­гнать свя­ти­те­ля Ки­рил­ла, поль­зу­ясь со­дей­стви­ем им­пе­ра­то­ра. Ко­гда в Иеру­са­ли­ме на­сту­пил силь­ный го­лод, свя­ти­тель Ки­рилл на де­ла ми­ло­сер­дия ис­тра­тил все свое иму­ще­ство. Так как го­лод не пре­кра­щал­ся, свя­ти­тель на­чал про­да­вать цер­ков­ные ве­щи, по­ку­пая на вы­ру­чен­ные день­ги пше­ни­цу для го­ло­да­ю­щих. Вра­ги свя­ти­те­ля рас­пу­сти­ли слух, буд­то бы ви­де­ли в го­ро­де жен­щи­ну, пля­сав­шую в свя­щен­ном об­ла­че­нии. Вос­поль­зо­вав­шись этим слу­хом, ере­ти­ки си­лой из­гна­ли свя­ти­те­ля.

Свя­ти­тель на­шел при­ют у епи­ско­па Силь­ва­на в Тар­се. По­сле это­го в Селев­кии со­брал­ся По­мест­ный Со­бор, на ко­то­рый при­бы­ло око­ло 150 епи­ско­пов. Сре­ди них был и свя­ти­тель Ки­рилл, ко­то­ро­го мит­ро­по­лит Ака­кий хо­тел не до­пу­стить к за­се­да­ни­ям, но Со­бор не со­гла­сил­ся. То­гда Ака­кий по­ки­нул Со­бор и пе­ред им­пе­ра­то­ром и пат­ри­ар­хом-ари­а­ни­ном Ев­док­си­ем окле­ве­тал и Со­бор и свя­ти­те­ля Ки­рил­ла. Им­пе­ра­тор под­верг свя­ти­те­ля за­то­че­нию.

Ко­гда во­ца­рил­ся им­пе­ра­тор Юли­ан От­ступ­ник (361–363), он, яко­бы из бла­го­че­стия, от­ме­нил все по­ста­нов­ле­ния Кон­стан­ция, на­прав­лен­ные про­тив пра­во­слав­ных. Свя­ти­тель Ки­рилл вер­нул­ся к сво­ей пастве. Через неко­то­рое вре­мя, ко­гда Юли­ан утвер­дил­ся на пре­сто­ле, он от­кры­то от­рек­ся от Хри­ста. Он поз­во­лил ев­ре­ям вос­ста­но­вить раз­ру­шен­ный рим­ля­на­ми Иеру­са­лим­ский храм и да­же вы­де­лил им на по­строй­ку часть средств из го­судар­ствен­ных по­да­тей. Свя­ти­тель Ки­рилл пред­ска­зы­вал, что сло­ва Спа­си­те­ля о ра­зо­ре­нии са­мых кам­ней хра­ма (Лк. 21, 6) несо­мнен­но ис­пол­нят­ся, и бо­го­хуль­ный за­мы­сел Юли­а­на по­тер­пит крах. Од­на­жды но­чью слу­чи­лось та­кое силь­ное зем­ле­тря­се­ние, что да­же уцелев­шие ос­но­ва­ния древ­не­го Со­ло­мо­но­ва хра­ма сдви­ну­лись с ме­ста, а вновь воз­ве­ден­ные па­ли и рас­сы­па­лись в прах. Ко­гда иудеи все-та­ки сно­ва на­ча­ли по­строй­ку, с неба пал огонь и ис­тре­бил ра­бо­чие ору­дия. Ве­ли­кий ужас объ­ял всех. На сле­ду­ю­щую ночь на одеж­дах иуде­ев по­яви­лось зна­ме­ние кре­ста, ко­то­рое они ни­чем не мог­ли уни­что­жить.

По­сле это­го небес­но­го под­твер­жде­ния пред­ска­за­ния свя­ти­те­ля Ки­рил­ла его сно­ва из­гна­ли, а ка­фед­ру Иеру­са­лим­скую за­нял свя­той Ки­ри­ак. Но вско­ре свя­той Ки­ри­ак пре­тер­пел му­че­ни­че­скую кон­чи­ну († 363, па­мять 28 ок­тяб­ря).

По­сле ги­бе­ли им­пе­ра­то­ра Юли­а­на свя­ти­тель Ки­рилл вер­нул­ся на ка­фед­ру, но в прав­ле­ние им­пе­ра­то­ра Ва­лен­та (364–378) в тре­тий раз был от­прав­лен в ссыл­ку. Лишь при свя­том бла­го­вер­ном ца­ре Фе­о­до­сии Ве­ли­ком (379–395) он окон­ча­тель­но вер­нул­ся к сво­ей ар­хи­пас­тыр­ской де­я­тель­но­сти. В 381 го­ду свя­ти­тель Ки­рилл участ­во­вал во II Все­лен­ском Со­бо­ре, ко­то­рый осу­дил ересь Ма­ке­до­ния и утвер­дил Ни­кео-Ца­ре­град­ский Сим­вол ве­ры.

Из тво­ре­ний свя­ти­те­ля Ки­рил­ла осо­бен­но из­вест­ны 23 по­уче­ния (18 огла­си­тель­ных для го­то­вя­щих­ся при­нять Кре­ще­ние и 5 для но­во­кре­ще­ных) и две бе­се­ды на Еван­гель­ские те­мы: "О рас­слаб­лен­ном" и "О пре­тво­ре­нии во­ды в ви­но в Кане".

В ос­но­ве огла­си­тель­ных по­уче­ний ле­жит по­дроб­ное разъ­яс­не­ние Сим­во­ла ве­ры. Свя­ти­тель пред­ла­гал хри­сти­а­ни­ну за­пи­сать Сим­вол ве­ры "на скри­жа­ли серд­ца". "Чле­ны ве­ры, – учит свя­той Ки­рилл, – со­став­ле­ны не по че­ло­ве­че­ско­му из­мыш­ле­нию, но из все­го Пи­са­ния со­бра­но всё важ­ней­шее и та­ким об­ра­зом со­став­ле­но од­но ве­ро­уче­ние. Как гор­чич­ное се­мя в ма­лом зерне за­клю­ча­ет мно­же­ство вет­вей, так точ­но и ве­ра в несколь­ких из­ре­че­ни­ях сов­ме­ща­ет все уче­ние бла­го­че­стия Вет­хо­го и Но­во­го За­ве­та". Скон­чал­ся свя­ти­тель Ки­рилл в 386 го­ду.

См. так­же: "Па­мять иже во свя­тых от­ца на­ше­го Ки­рил­ла, ар­хи­епи­ско­па Иеру­са­лим­ско­го" в из­ло­же­нии свт. Ди­мит­рия Ро­стов­ско­го.