Канон святителю Порфирию Газскому

Припев: Святи́телю, о́тче Порфи́рие, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 11 марта (26 февраля ст. ст.)

Глас 6.

Пе́снь 1.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Порфи́рою Це́рковь дне́сь я́коже ца́рскою укра́шена, уче́ньми твои́ми, святи́телю Порфи́рие, си́ми украша́ется и воспева́ет все́х Го́спода.

Житие́м просия́в, преподо́бне, и словесы́ боже́ственными твои́ми, свети́льник яви́лся еси́ все́м челове́ком, при́сно сия́я де́лы и уче́ньми, и озаря́я концы́.

Кропле́нием Пресвята́го Ду́ха, Порфи́рие, очи́щься и боже́ственных доброде́телей во оде́жду оде́явся, вше́л еси́ в незаходи́мая священноде́йствовати тебе́ Пома́завшему.

Богоро́дичен: Сказа́ти су́щим на земли́ неизрече́нное и па́че ума́ человеколю́бие хотя́, Сы́н Бо́жий, Богоневе́сто, из Тебе́ пло́тию роди́ся, ве́рным подая́ порожде́ние.

Пе́снь 3.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Покори́л еси́ под но́зе злочести́вых мудрова́ния, и́же на Самаго́ Бо́га вся́ческих веща́ющая.

Глаго́л твои́х огне́м хвра́стие Ма́нентово му́дре попали́л еси́ и ве́рным просвеще́ние уче́ния просте́рл еси́.

Водрузи́в на тве́рдем ка́мени но́ги ве́рных, поколеба́л еси́ от основа́ния самого́ основа́ние нече́ствующих, Порфи́рие.

Богоро́дичен: Испо́лнися вся́ земля́ Сы́на Твоего́ и Бо́га, Чи́стая, и́стиннаго ра́зума, и сла́вы неизрече́нныя, и благода́ти.

Седа́лен, гла́с 3.

Де́лы просия́л еси́, я́ко денни́ца, всю́ е́ресь отгна́л еси́ от Це́ркве, святи́телю Порфи́рие, и ве́рных сердца́ просвети́л еси́ воспева́ти и сла́вити Го́спода. Те́мже, дне́сь па́мять творя́ще, вопие́м ти́: моли́ Христа́ Бо́га спасти́ся душа́м на́шим.

Сла́ва, и ны́не, богоро́дичен: Боже́ственнаго естества́ не отлу́чься, пло́ть бы́в во чре́ве Твое́м, но Бо́г вочелове́чься и пребы́сть, И́же по рождестве́ Ма́терь Тя́ Де́ву, я́ко пре́жде рождества́, сохрани́в Всенепоро́чную, еди́н Госпо́дь. Того́ приле́жно моли́ дарова́ти на́м ве́лию ми́лость.

Крестобогоро́дичен: Нескве́рная А́гница Сло́ва, нетле́нная Де́ва Ма́ти, на Кресте́ зря́щи пове́шена из Нея́ без боле́зни прозя́бшаго, ма́терски подо́бно рыда́ющи, вопия́ше: увы́ Мне́, Ча́до Мое́! Ка́ко стра́ждеши во́лею, хотя́ изба́вити от страсте́й безче́стия челове́ка?

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Пресве́тлаго ве́ры сия́ния, в души́ Со́лнце пра́вды име́я, просвети́л еси́ словесы́, Порфи́рие, церко́вное все́ исполне́ние.

Утве́рждься в любви́ Бо́жия Сло́ва, ви́димых, Порфи́рие, пристра́стия вся́каго возгнуша́лся еси́, те́мже тя́ почита́ем, я́ко равноа́нгельна и святи́теля че́стна.

В прича́стии та́ин неизрече́нных я́коже бы́в, Порфи́рие, сия́ чи́стыми соблю́л еси́ дея́ньми чи́сто и неизрече́нно, я́ко таи́нник си́м досто́ин.

Богоро́дичен: Украша́ется сла́вно Твои́ми Це́рковь вели́чествии, Пречи́стая, Боже́ственными, и удобря́ется си́ми я́сно, и любо́вию сла́вит Тя́, песносло́вя Твое́ Рождество́.

Пе́снь 5.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Вети́ям плени́цы разоря́я, Порфи́рие, словесы́ и́стинными, ве́ры держа́ву утверди́л еси́ вся́чески.

Поче́рп на земли́ Уте́шителя, преподо́бне, уче́ний незави́стныя ре́ки благоче́стия источи́л еси́, Порфи́рие.

Изсуши́в огне́м слове́с твои́х, Порфи́рие, пото́ки нече́стия, благоче́стия веща́нием челове́ки просвети́л еси́.

Богоро́дичен: Укре́пльшеся Тобо́ю, си́лою духо́вною супоста́ты проти́вныя Христо́вы и́стины побежда́ем, Пречи́стая.

Пе́снь 6.

Ирмо́с: Пожру́ Ти́ со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Духо́вно тя́ одушевле́н доброде́телей о́браз, Порфи́рие, и при́сно сия́ющ иму́ще в дела́ боже́ственна вси́ вои́стинну, сего́ ра́ди тя́ почита́ем.

Си́лою Уте́шителя оде́явся, я́коже самови́дцы Сло́ва, враги́ непобеди́мь яви́лся еси́, отгоня́ и посека́я си́х нече́стия.

Водо́ю сыноположе́ния креще́ния обновля́я челове́ки, сы́ны творя́щаго, си́х приве́л еси́ и пре́дал еси́ чи́сты, непоро́чны, Порфи́рие.

Богоро́дичен: Разуме́вше Твоя́, я́же па́че сло́ва Боже́ственная та́инства и неизрече́нну сла́ву, и́же о Тебе́ хва́лящиися, Пречи́стая, вои́стинну Тя́, Богоро́дицу, непреста́нно сла́вим.

Конда́к.

Свяще́ннейшими твои́ми нра́вы украша́емь, свяще́нства оде́ждею озари́лся еси́, всеблаже́нне богому́дре Порфи́рие, и исцеле́ний удобря́еши возвыше́ньми, моля́ся непреста́нно о все́х на́с.

Пе́снь 7.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Коле́блемую проти́вными ве́тры и прило́ги, о́тче, Христо́ву водрузи́л еси́ держа́вно Це́рковь, Сему́ пою́щую: благослове́н еси́ в хра́ме сла́вы Твоея́, Го́споди.

Собо́ры до́блественне ерети́ческия победи́л еси́, о́тче му́дре, ору́жии слове́сными оде́явся, и Христу́ благода́рно взыва́л еси́: благослове́н еси́ в хра́ме сла́вы Твоея́, Го́споди.

В ра́й мы́сленных вше́л еси́ доброде́телей, от ни́хже цве́ты пожа́л еси́ и́стинныя и кра́сныя, о́тче Порфи́рие, и́миже в ми́ре благоуха́л еси́.

Богоро́дичен: Кре́пость и держа́ву Тя́ немощны́м все́м си́льное Сло́во Бо́жие, Де́во, из Тебе́ ро́ждшееся, дарова́ взыва́ющим: благослове́н еси́ в хра́ме сла́вы Твоея́, Го́споди.

Пе́снь 8.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Вооружи́л еси́ словесы́ твои́ми, му́дре, Це́рковь Христо́ву и утверди́л еси́, те́мже побежда́ет всегда́ наше́ствие ересе́й и победоно́сно Христу́ пое́т, взыва́ющи: благослови́те, вся́ дела́ Госпо́дня, Го́спода.

У́м на небеса́ вы́ну име́я, Порфи́рие, боже́ственнаго улучи́л еси́ премене́ния неизрече́нно, и чу́вством непости́жна ви́дя та́инства Христо́ва, и ве́рою взыва́л еси́ Ему́: благослови́те, вся́ дела́ Госпо́дня, Го́спода.

Уста́ льво́в мы́сленных, зле́ ху́лящих, загради́л еси́ моли́твами твои́ми, Порфи́рие, и че́люсти сокруши́л еси́ стрела́ми тве́рдыми боже́ственных слове́с твои́х, Сему́ взыва́я приле́жно, укрепля́ющему тя́: благослови́те, вся́ дела́ Госпо́дня, Го́спода.

Богоро́дичен: И́же на престо́ле сла́вы Отца́ седя́й Сы́н и Сло́во Его́, Тя́, Боже́ственно носи́ло, Чи́стая, и седа́лище пресла́вно, из Тебе́ рожде́йся пло́тию, еди́ну соде́ла, Ю́же вси́ земни́и воспева́ют, я́ко Влады́чицу.

Пе́снь 9.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Честны́я прине́сл еси́ да́ры, благоприя́тныя доброде́тели твоя́, великодарови́тому Влады́це, изба́вльшияся от ле́сти ересе́й тобо́ю, о́тче преподо́бне, Зижди́теля все́х велича́ющия.

Ту́чами сле́з твои́х страсте́й угаси́л еси́ пла́мень, и безстра́стием Зижди́телю послужи́л еси́, и сла́вы лу́чшия сподо́бился еси́, Порфи́рие, Сего́ поя́ и велича́я при́сно.

С вы́шними лику́я а́нгелы, и святы́ми, и преподо́бными, о и́же ве́рою чту́щих тя́ и восхваля́ющих, о́тче Порфи́рие, Благоде́теля Го́спода непреста́нно моли́.

Богоро́дичен: О на́шем спасе́нии вочелове́чився Влады́ка, Тя́, хода́таицу все́м, и покро́в, и врачева́ние, Чи́стая, дарова́, ве́рно Тя́ сла́вящим и Сего́ любо́вию велича́ющим.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть.

Порфѵ́рою цр҃ковь дне́сь ꙗ҆́коже ца́рскою ᲂу҆кра́шена, ᲂу҆че́ньми твои́ми, ст҃и́телю порфѵ́рїе, си́ми ᲂу҆краша́етсѧ и҆ воспѣва́етъ всѣ́хъ гдⷭ҇а.

Житїе́мъ просїѧ́въ, прпⷣбне, и҆ словесы̀ бжⷭ҇твенными твои́ми, свѣти́льникъ ꙗ҆ви́лсѧ є҆сѝ всѣ̑мъ человѣ́кѡмъ, при́снѡ сїѧ́ѧ дѣ́лы и҆ ᲂу҆че́ньми, и҆ ѡ҆зарѧ́ѧ концы̀.

Кропле́нїемъ прест҃а́гѡ дх҃а, порфѵ́рїе, ѡ҆чи́щсѧ, и҆ бж҃е́ственныхъ добродѣ́телей во ѻ҆де́ждꙋ ѡ҆дѣ́ѧвсѧ, вше́лъ є҆сѝ въ незаходи̑маѧ свѧщеннодѣ́йствовати тебѐ пома́завшемꙋ.

Бг҃оро́диченъ: Сказа́ти сꙋ́щымъ на землѝ неизрече́нное, и҆ па́че ᲂу҆ма̀ чл҃вѣколю́бїе, хотѧ̀ сн҃ъ бж҃їй, бг҃оневѣ́сто, и҆зъ тебє̀, пло́тїю роди́сѧ, вѣ̑рнымъ подаѧ̀ порожде́нїе.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе.

Покори́лъ є҆сѝ подъ но́зѣ ѕлочести́выхъ мꙋдрова̑нїѧ, и҆̀же на самаго̀ бг҃а всѧ́ческихъ вѣща̑ющаѧ.

Глагѡ́лъ твои́хъ ѻ҆гне́мъ хвра́стїе ма́нентово мꙋ́дрѣ попали́лъ є҆сѝ, и҆ вѣ̑рнымъ просвѣще́нїе ᲂу҆че́нїѧ просте́рлъ є҆сѝ.

Водрꙋзи́въ на тве́рдѣмъ ка́мени но́ги вѣ́рныхъ, поколеба́лъ є҆сѝ ѿ ѡ҆снова́нїѧ самогѡ̀ ѡ҆снова́нїе нече́ствꙋющихъ, порфѵ́рїе.

Бг҃оро́диченъ: И҆спо́лнисѧ всѧ̀ землѧ̀, сн҃а твоегѡ̀ и҆ бг҃а, чⷭ҇таѧ, и҆́стиннагѡ ра́зꙋма и҆ сла́вы неизрече́нныѧ, и҆ бл҃года́ти.

Сѣда́ленъ, гла́съ г҃.

Дѣ́лы просїѧ́лъ є҆сѝ ꙗ҆́кѡ денни́ца, всю̀ є҆́ресь ѿгна́лъ є҆сѝ ѿ цр҃кве, ст҃и́телю порфѵ́рїе: и҆ вѣ́рныхъ сердца̀ просвѣти́лъ є҆сѝ, воспѣва́ти и҆ сла́вити гдⷭ҇а. тѣ́мже дне́сь па́мѧть творѧ́ще вопїе́мъ тѝ: молѝ хрⷭ҇та̀ бг҃а, спасти́сѧ дꙋша́мъ на́шымъ.

Сла́ва, и҆ ны́нѣ, бг҃оро́диченъ: Бжⷭ҇твеннагѡ є҆стества̀ не ѿлꙋ́чсѧ, пло́ть бы́въ во чре́вѣ твое́мъ, но бг҃ъ вочл҃вѣ́чсѧ и҆ пребы́сть, и҆́же по ржⷭ҇твѣ̀ мт҃рь тѧ̀ дв҃ꙋ, ꙗ҆́кѡ пре́жде ржⷭ҇тва̀ сохрани́въ всенепоро́чнꙋ, є҆ди́нъ гдⷭ҇ь: того̀ прилѣ́жнѡ молѝ, дарова́ти на́мъ ве́лїю ми́лость.

Крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена, и҆зъ неѧ̀ безъ болѣ́зни прозѧ́бшаго, мт҃рски подо́бнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Пресвѣ́тлагѡ вѣ́ры сїѧ́нїѧ, въ дꙋшѝ сл҃нце пра́вды и҆мѣ́ѧ, просвѣти́лъ є҆сѝ словесы̀, порфѵ́рїе, цр҃ко́вное всѐ и҆сполне́нїе.

Оу҆тве́рждсѧ въ любвѝ бж҃їѧ сло́ва, ви́димыхъ, порфѵ́рїе, пристра́стїѧ всѧ́кагѡ возгнꙋша́лсѧ є҆сѝ: тѣ́мже тѧ̀ почита́емъ, ꙗ҆́кѡ равноа́гг҃льна и҆ ст҃и́телѧ че́стна.

Въ прича́стїи та̑инъ неизрече́нныхъ, ꙗ҆́коже бы́въ, порфѵ́рїе, сїѧ̑ чи́стыми соблю́лъ є҆сѝ дѣѧ́ньми, чи́стѡ и҆ неизрече́ннѡ, ꙗ҆́кѡ таи́нникъ си̑мъ досто́инъ.

Бг҃оро́диченъ: Оу҆краша́етсѧ сла́внѡ твои́ми цр҃ковь вели́чєствїи, пречⷭ҇таѧ, бжⷭ҇твенными: и҆ ᲂу҆добрѧ́етсѧ си́ми ꙗ҆́снѡ, и҆ любо́вїю сла́витъ тѧ̀, пѣсносло́вѧ твоѐ ржⷭ҇тво̀.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ вѣ́рою воспѣва́ющыѧ тѧ̀.

Вѣті́ѧмъ плени̑цы разорѧ́ѧ, порфѵ́рїе, словесы̀ и҆́стинными, вѣ́ры держа́вꙋ ᲂу҆тверди́лъ є҆сѝ всѧ́чески.

Поче́рпъ на землѝ ᲂу҆тѣ́шителѧ, прпⷣбне, ᲂу҆че́нїй незави̑стныѧ рѣ́ки бл҃гоче́стїѧ и҆сточи́лъ є҆сѝ, порфѵ́рїе.

И҆зсꙋши́въ ѻ҆гне́мъ слове́съ твои́хъ, порфѵ́рїе, пото́ки нече́стїѧ, бл҃гоче́стїѧ вѣща́нїемъ человѣ́ки просвѣти́лъ є҆сѝ.

Бг҃оро́диченъ: Оу҆крѣ́пльшесѧ тобо́ю, си́лою дꙋхо́вною сꙋпоста́ты проти̑вныѧ хрⷭ҇то́вы и҆́стины побѣжда́емъ, пречⷭ҇таѧ.

Пѣ́снь ѕ҃.

І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю.

Дꙋхо́внѡ тѧ̀, ѡ҆дꙋшевле́нъ добродѣ́телей ѻ҆́бразъ, порфѵ́рїе, и҆ при́снѡ сїѧ́ющъ и҆мꙋ́ще, въ дѣла̀ бжⷭ҇твєнна всѝ вои́стиннꙋ: сегѡ̀ ра́ди тѧ̀ почита́емъ.

Си́лою ᲂу҆тѣ́шителѧ ѡ҆дѣ́ѧвсѧ, ꙗ҆́коже самови́дцы сло́ва, врагѝ непобѣди́мь ꙗ҆ви́лсѧ є҆сѝ, ѿгонѧ̀ и҆ посѣка́ѧ си́хъ нечє́стїѧ.

Водо́ю сыноположе́нїѧ креще́нїѧ ѡ҆бновлѧ́ѧ человѣ́ки, сы́ны творѧ́щаго си́хъ приве́лъ є҆сѝ, и҆ пре́далъ є҆сѝ чи̑сты, непорѡ́чны, порфѵ́рїе.

Бг҃оро́диченъ: Разꙋмѣ́вше твоѧ̑, ꙗ҆̀же па́че сло́ва бжⷭ҇твєннаѧ та̑инства, и҆ неизрече́ннꙋ сла́вꙋ, и҆̀же ѡ҆ тебѣ̀ хва́лѧщїисѧ, пречⷭ҇таѧ, вои́стиннꙋ тѧ̀ бцⷣꙋ непреста́ннѡ сла́вимъ.

Конда́къ.

Свѧще́ннѣйшими твои́ми нра́вы ᲂу҆краша́емь, свѧще́нства ѻ҆де́ждею ѡ҆зари́лсѧ є҆сѝ, всебл҃же́нне бг҃омꙋ́дре порфѵ́рїе: и҆ и҆сцѣле́нїй ᲂу҆добрѧ́еши возвыше́ньми, молѧ́сѧ непреста́ннѡ ѡ҆ всѣ́хъ на́съ.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Коле́блемꙋю проти́вными вѣ́тры и҆ прило́ги, ѻ҆́ч҃е, хрⷭ҇то́вꙋ водрꙋзи́лъ є҆сѝ держа́внѡ цр҃ковь, семꙋ̀ пою́щꙋю: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Собо́ры до́блественнѣ є҆реті́чєскїѧ побѣди́лъ є҆сѝ, ѻ҆́ч҃е мꙋ́дре, ѻ҆рꙋ̑жїи слове́сными ѡ҆дѣ́ѧвсѧ, и҆ хрⷭ҇тꙋ̀ бл҃года́рнѡ взыва́лъ є҆сѝ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Въ ра́й мы́сленныхъ вше́лъ є҆сѝ добродѣ́телей, ѿ ни́хже цвѣ́ты пожа́лъ є҆сѝ и҆́стинныѧ и҆ кра̑сныѧ, ѻ҆́ч҃е порфѵ́рїе, и҆́миже въ мі́рѣ бл҃гоꙋха́лъ є҆сѝ.

Бг҃оро́диченъ: Крѣ́пость и҆ держа́вꙋ тѧ̀ немѡщны́мъ всѣ̑мъ, си́льное сло́во бж҃їе, дв҃о, и҆зъ тебє̀ ро́ждшеесѧ дарова̀ взыва́ющымъ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Пѣ́снь и҃.

І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а.

Воѡрꙋжи́лъ є҆сѝ словесы̀ твои́ми, мꙋ́дре, цр҃ковь хрⷭ҇то́вꙋ, и҆ ᲂу҆тверди́лъ є҆сѝ: тѣ́мже побѣжда́етъ всегда̀ наше́ствїе є҆ресе́й и҆ побѣдоно́снѡ хрⷭ҇тꙋ̀ пое́тъ взыва́ющи: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Оу҆́мъ на нб҃са̀ вы́нꙋ и҆мѣ́ѧ, порфѵ́рїе, бжⷭ҇твеннагѡ ᲂу҆лꙋчи́лъ є҆сѝ премѣне́нїѧ неизрече́ннѡ, и҆ чꙋ́вствомъ непости́жна, ви́дѧ та̑инства хрⷭ҇тѡ́ва, и҆ вѣ́рою взыва́лъ є҆сѝ є҆мꙋ̀: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Оу҆ста̀ львѡ́въ мы́сленныхъ, ѕлѣ̀ хꙋ́лѧщихъ, загради́лъ є҆сѝ моли́твами твои́ми, порфѵ́рїе, и҆ чє́люсти сокрꙋши́лъ є҆сѝ стрѣла́ми тве́рдыми бжⷭ҇твенныхъ слове́съ твои́хъ, семꙋ̀ взыва́ѧ прилѣ́жнѡ, ᲂу҆крѣплѧ́ющемꙋ тѧ̀: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Бг҃оро́диченъ: И҆́же на прⷭ҇то́лѣ сла́вы ѻ҆ц҃а̀ сѣдѧ́й, сн҃ъ и҆ сло́во є҆гѡ̀, тѧ̀ бжⷭ҇твенно носи́ло, чⷭ҇таѧ, и҆ сѣда́лище пресла́вно, и҆зъ тебє̀ рожде́йсѧ пло́тїю, є҆ди́нꙋ содѣ́ла, ю҆́же всѝ земні́и воспѣва́ютъ, ꙗ҆́кѡ влⷣчцꙋ.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ веселѧ́щесѧ, тѧ̀, бцⷣе, велича́емъ.

Честны̑ѧ прине́слъ є҆сѝ да́ры, бл҃гопрїѧ̑тныѧ добродѣ́тєли твоѧ̑, великодарови́томꙋ влⷣцѣ, и҆зба́вльшыѧсѧ ѿ ле́сти є҆ресе́й тобо́ю, ѻ҆́ч҃е прпⷣбне, зижди́телѧ всѣ́хъ велича́ющыѧ.

Тꙋ́чами сле́зъ твои́хъ страсте́й ᲂу҆гаси́лъ є҆сѝ пла́мень, и҆ безстра́стїемъ зижди́телю послꙋжи́лъ є҆сѝ, и҆ сла́вы лꙋ́чшїѧ сподо́билсѧ є҆сѝ, порфѵ́рїе, сего̀ поѧ̀ и҆ велича́ѧ при́снѡ.

Съ вы́шними ликꙋ́ѧ а҆́гг҃лы и҆ ст҃ы́ми, и҆ прпⷣбными, ѡ҆ и҆̀же вѣ́рою чтꙋ́щихъ тѧ̀, и҆ восхвалѧ́ющихъ, ѻ҆́ч҃е порфѵ́рїе, бл҃годѣ́телѧ гдⷭ҇а непреста́ннѡ молѝ.

Бг҃оро́диченъ: Ѡ҆ на́шемъ спасе́нїи вочл҃вѣ́чивсѧ влⷣка, тѧ̀ хода́таицꙋ всѣ̑мъ и҆ покро́въ, и҆ врачева́нїе, чⷭ҇таѧ, дарова̀ вѣ́рнѡ тѧ̀ сла́вѧщымъ, и҆ сего̀ любо́вїю велича́ющымъ.

Житие святителя Порфирия, архиепископа Газского

Свя­ти­тель Пор­фи­рий, ар­хи­епи­скоп Газ­ский, ро­дил­ся око­ло 346 го­да в Фес­са­ло­ни­ках, в Ма­ке­до­нии. Ро­ди­те­ли его бы­ли людь­ми со­сто­я­тель­ны­ми, и это поз­во­ли­ло свя­ти­те­лю Пор­фи­рию по­лу­чить хо­ро­шее об­ра­зо­ва­ние. Имея склон­ность к ино­че­ской жиз­ни, в два­дцать пять лет он оста­вил ро­ди­ну и от­пра­вил­ся в Еги­пет, где под­ви­зал­ся на го­ре Нит­рий­ской под ру­ко­вод­ством пре­по­доб­но­го Ма­ка­рия Ве­ли­ко­го (па­мять 19 ян­ва­ря). Там он встре­тил­ся с бла­жен­ным Иеро­ни­мом, по­се­щав­шим в то вре­мя еги­пет­ские мо­на­сты­ри, и вме­сте с ним от­пра­вил­ся в Иеру­са­лим на по­кло­не­ние свя­тым ме­стам и Жи­во­тво­ря­ще­му Кре­сту Гос­под­ню (па­мять 14 сен­тяб­ря), по­сле че­го по­се­лил­ся в пу­стыне Иор­дан­ской для мо­лит­вен­но­го и пост­ни­че­ско­го по­дви­га. Там свя­той Пор­фи­рий впал в тяж­кий недуг. Для ис­це­ле­ния он ре­шил ид­ти к свя­тым ме­стам Иеру­са­ли­ма. Од­на­жды, ко­гда он в пол­ном рас­слаб­ле­нии и за­бы­тьи ле­жал у под­но­жия Гол­го­фы, Гос­подь по­се­тил Сво­е­го ра­ба в спа­си­тель­ном сно­ви­де­нии. Свя­той Пор­фи­рий уви­дел Иису­са Хри­ста, со­шед­ше­го с Кре­ста и об­ра­тив­ше­го­ся к нему со сло­ва­ми: "При­и­ми это Дре­во и хра­ни его". Проснув­шись, он по­чув­ство­вал се­бя здо­ро­вым. Сло­ва Спа­си­те­ля вско­ре ис­пол­ни­лись: пат­ри­арх Иеру­са­лим­ский по­свя­тил свя­то­го Пор­фи­рия в пре­сви­тер­ский сан и по­ста­вил хра­ни­те­лем Чест­но­го Дре­ва Кре­ста Гос­под­ня. В то вре­мя свя­той Пор­фи­рий по­лу­чил свою часть ро­ди­тель­ско­го на­след­ства – 4 ты­ся­чи зо­ло­тых монет. Все их он роз­дал нуж­да­ю­щим­ся и на укра­ше­ние хра­мов Бо­жи­их.

В 395 го­ду скон­чал­ся епи­скоп го­ро­да Га­зы (в Па­ле­стине). Мест­ные хри­сти­ане от­пра­ви­лись в Ке­са­рию к мит­ро­по­ли­ту Иоан­ну с прось­бой по­ста­вить им но­во­го епи­ско­па, ко­то­рый мог бы про­ти­во­дей­ство­вать языч­ни­кам, пре­об­ла­дав­шим в их го­ро­де и при­тес­няв­шим хри­сти­ан. Гос­подь вну­шил мит­ро­по­ли­ту при­звать иеру­са­лим­ско­го пре­сви­те­ра Пор­фи­рия. Со стра­хом и тре­пе­том при­нял по­движ­ник свя­ти­тель­ский сан, со сле­за­ми по­кло­нил­ся Жи­во­тво­ря­ще­му Дре­ву и от­пра­вил­ся для ис­пол­не­ния но­во­го по­слу­ша­ния.

В Га­зе он об­на­ру­жил все­го три хри­сти­ан­ские церк­ви, а язы­че­ских ка­пищ и идо­лов – ве­ли­кое мно­же­ство. В то вре­мя слу­чи­лось без­до­ж­дие и ве­ли­кая за­су­ха. Жре­цы при­но­си­ли жерт­вы идо­лам, но бед­ствие не пре­кра­ща­лось. Свя­ти­тель Пор­фи­рий на­зна­чил для всех хри­сти­ан пост, со­вер­шил все­нощ­ное бде­ние и обо­шел с крест­ным хо­дом весь го­род. Сра­зу же небо по­кры­лось ту­ча­ми, за­гре­мел гром и про­лил­ся обиль­ный дождь. Ви­дя та­кое чу­до, мно­гие языч­ни­ки вос­кли­ца­ли: "Один Хри­стос есть Бог Ис­тин­ный!" По­сле это­го со­бы­тия к Церк­ви при­со­еди­ни­лись, при­няв Свя­тое Кре­ще­ние, 127 муж­чин, 35 жен­щин и 14 де­тей, а вско­ре и еще 110 че­ло­век.

Од­на­ко языч­ни­ки по-преж­не­му при­тес­ня­ли хри­сти­ан, устра­ня­ли их от об­ще­ствен­ных долж­но­стей, обре­ме­ня­ли на­ло­га­ми. Свя­ти­тель Пор­фи­рий и мит­ро­по­лит Ке­са­рии Иоанн от­пра­ви­лись в Кон­стан­ти­но­поль, чтобы про­сить за­щи­ты у им­пе­ра­то­ра. Их при­нял свя­ти­тель Иоанн Зла­то­уст (па­мять 14 сен­тяб­ря, 27, 30 ян­ва­ря) и ока­зал дей­ствен­ную по­мощь.

Свя­ти­те­ли Иоанн и Пор­фи­рий бы­ли пред­став­ле­ны им­пе­ра­три­це Ев­док­сии, ко­то­рая в то вре­мя жда­ла ре­бен­ка. "По­тру­дись за нас, – ска­за­ли епи­ско­пы им­пе­ра­три­це, – и Гос­подь по­шлет те­бе сы­на, ко­то­рый во­ца­рит­ся при тво­ей жиз­ни". Ев­док­сия очень же­ла­ла иметь сы­на, ибо преж­де у нее рож­да­лись до­че­ри. И дей­стви­тель­но, в им­пе­ра­тор­ском се­мей­стве по мо­лит­ве свя­ти­те­лей ро­дил­ся на­след­ник. В 401 го­ду по­сле­до­вал указ им­пе­ра­то­ра о раз­ру­ше­нии в Га­зе идоль­ских ка­пищ и предо­став­ле­нии хри­сти­а­нам при­ви­ле­гий. Кро­ме то­го, им­пе­ра­три­ца да­ла свя­ти­те­лям сред­ства на по­стро­е­ние но­во­го хра­ма, ко­то­рый был по­стро­ен в Га­зе на ме­сте са­мо­го глав­но­го ка­пи­ща.

Свя­ти­тель Пор­фи­рий к кон­цу жиз­ни пол­но­стью утвер­дил хри­сти­ан­ство в Га­зе и со­вер­шен­но огра­дил свою паст­ву от при­тес­не­ний языч­ни­ков. По мо­лит­вам свя­ти­те­ля со­вер­ша­лись мно­го­чис­лен­ные чу­де­са и ис­це­ле­ния. В те­че­ние 25 лет на­став­лял ар­хи­пас­тырь сло­вес­ное ста­до и пре­ста­вил­ся в пре­клон­ном воз­расте, в 420 го­ду.

См. так­же: "Жи­тие свя­то­го от­ца на­ше­го Пор­фи­рия, епи­ско­па Газ­ско­го" в из­ло­же­нии свт. Ди­мит­рия Ро­стов­ско­го.