Канон святой блаженной Ангелине Сербской (Бранкович), королеве

Припе́в: Свята́я блаже́нная ма́ти Ангели́но, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 14 июля (01 июля ст. ст.); 12 августа (30 июля ст. ст.); 23 декабря (10 декабря ст. ст.)

Глас 8.

Пе́снь 1.

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Во све́т невеще́ственный и мы́сленный от помраче́ния ве́чнаго восте́кши, преподо́бная, моли́твами твои́ми к Бо́гу просвети́ мя́.

От ю́ности возлюби́ла еси́ доброде́тель, воздержа́ния труды́, и стезе́ю по́стничества во гра́де обита́еши Го́рнем, духо́вно лику́ющи.

Ангели́ноСтрасте́й глубину́ преше́дши и потопле́ния бесо́в избе́гши, в приста́нище устреми́лася еси́ необурева́емое, Боже́ственная ма́ти преподо́бная.

Мо́ря грехо́внаго треволне́ния избе́гши, преподо́бная, к ти́хому приста́нищу душе́вный кора́бль окорми́ла еси́ и кро́тких зе́млю насле́довала еси́, я́коже дре́вле изра́ильтяне обетова́нную.

Богоро́дичен: Сло́во без ма́тере из Отца́, Сего́ напосле́док богому́жно родила́ еси́, еди́на Богома́ти, я́ко превы́шши всея́ тва́ри.

Пе́снь 3.

Ирмо́с: Ты́ еси́ утвержде́ние притека́ющих к Тебе́, Го́споди, Ты́ еси́ Све́т омраче́нных, и пое́т Тя́ ду́х мо́й.

Попали́ла еси́ у́глем по́стничества, преподо́бная, страсте́й те́рние и прохлажда́еши ве́рных мудрова́ния.

Стре́лами изощре́нными, доброде́тельми, преподо́бная, я́ко си́льная, уязви́ла еси́ се́рдце лю́таго ратобо́рца.

Ору́жием воздержа́ния и моли́тв мно́жеством, всехва́льная, вооружи́вшися, враги́ неви́димыя победи́ла еси́.

Яви́лася еси́ я́ко земля́ добропло́дная, возрасти́вшая кла́сы стори́чествующия, и си́х совокупи́ла еси́ в жи́тницах Небе́сных.

Богоро́дичен: Всего́ мя́ лежа́ща в сласте́х, Влады́чице Чи́стая, и в скве́рных де́лех, от нераде́ния моего́, Богоро́дице, исхити́вши, спаси́ мя́.

Седа́лен, гла́с 4.

Возше́дши на высоту́ доброде́телей, Ангели́но великоимени́тая, враго́в у́бо низложи́ла еси́ стремле́ния, на́м с Богоро́дицею проси́ смире́ние и ве́лию ми́лость.

Богоро́дичен: На Престо́ле херуви́мстем седя́й и в не́дрех О́тчих водворя́яся, я́ко на престо́ле святе́м седи́т Свое́м, Влады́чице, в не́дрех Твои́х. Вопло́щся бо Бо́г вои́стинну воцари́ся над все́ми язы́ки, и разу́мно ны́не пои́м Ему́. Его́же умоли́ спасти́ся рабо́м Твои́м.

Пе́снь 4.

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Наса́ждьшися при вода́х воздержа́ния, ма́ти блага́я, лоза́ яви́лася еси́ благоцвету́щая, благоче́стия гро́здие износя́щи.

Вся́ изумле́на бы́вши и духоно́сна вся́ изступи́вши к Бо́гу, Ангели́но преподо́бная и треблаже́нная, те́мже со А́нгелы ликовству́еши всегда́, вопию́щи: сла́ва си́ле Твое́й, Го́споди.

Возлете́ла еси́ на Небеса́, я́ко голуби́ца чадолюби́ва, кри́ла облегча́ющи воздержа́нием, и, со птенцы́ твои́ми возвы́сившися, дости́гла еси́, иде́же пти́цы Небе́сныя превита́ют.

Боже́ственным Ду́хом освяще́на бы́вши вся́, о Ангели́но, и в Боже́ственных дея́ниих нечести́вых де́йство и лю́тых бесо́в отгна́ла еси́.

Богоро́дичен: Херуви́мов превы́шшую Тя́ и Серафи́мов воспева́ем, Пречи́стая, Его́же бо трепе́щут о́нии, понесла́ еси́, Де́во Ма́ти, на руку́ Твое́ю.

Пе́снь 5.

Ирмо́с: У́тренююще, вопие́м Ти́: Го́споди, спаси́ ны́, Ты́ бо еси́ Бо́г на́ш, ра́зве Тебе́, ино́го не зна́ем.

О́чи серде́чнеи неусы́пнеи в Боже́ственных за́поведех соблюла́ еси́ незазо́рно, присноблаже́нная.

Боже́ственный тво́й ковче́г, всечестна́я, исцеле́ния все́м подава́я, кре́пость бесо́вскую отго́нит.

Го́рняго Сио́на зда́ния сматря́еши, земны́я гра́ды и бога́тство оста́вила еси́, багряни́цу твою́ ру́бы измени́вши и кре́ст взе́мши, Христу́ после́довала еси́ и, обогати́вшися чуде́с благода́тию, исцеле́ния подае́ши припа́дающим к тебе́ ве́рою.

Ми́лостыню расточи́ла еси́ ни́щим, от се́рдца все́х уте́шивши, Ангели́но присноблаже́нная.

Богоро́дичен: Сло́ва ковче́г Тя́ показа́, Богоро́дице, зако́на Госпо́дь, во́ньже несказа́нно всели́ся.

Пе́снь 6.

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

Бесо́вская стремле́ния и те́х полки́, Богодухнове́нная, безору́жным сплете́нием ве́рно попра́ла еси́ и, си́х низложи́вши, стра́шная ору́жия велехва́лящихся сокруши́ла еси́.

Духо́вная благода́ть в се́рдце твое́м всели́ся и светоза́рну тя́ показа́, и о́гнь Боже́ственныя любве́ в души́ твое́й распали́ла еси́, и́скры слове́сныя испуща́ющи, и́миже грехо́вное те́рние попали́.

О́бщим сою́зом любве́, ю́же и́мате ко Христу́, на́м, ны́не почита́ющим ва́с любо́вию и моле́бную соверша́ющим па́мять ва́шу, Ангели́но преподо́бная, с пожи́вшими по Бо́зе с тобо́ю и с ча́ды, моли́теся вку́пе Творцу́ и Соде́телю своему́ прича́стником бы́ти сла́вы Его́.

Ангели́но преблаже́нная и до́брая, вели́кая сла́во ве́ры и жи́зни на́шея, и́стинный вене́ц и пра́ведный прия́ла еси́ от руки́ Законополо́жника Христа́.

Богоро́дичен: Зачала́ еси́ вои́стинну Бо́жие Сло́во во утро́бе Твое́й и Сего́ па́че естества́, Всенепоро́чная, родила́ еси́. Его́же моли́твами умоли́ о и́же вои́стинну Богоро́дицу воспева́ющих Тя́.

Конда́к, гла́с 8.

Вы́шняго живота́ жела́ющи сподо́битися, ни́жнюю пи́щу тща́тельно оста́вила еси́, и бога́тство твое́ расточи́ла еси́ ни́щим, и Небе́сное бога́тство прия́ла еси́, и по сме́рти на́с освяща́еши, и чудеса́ твоя́, всехва́льная Ангели́но, источа́еши. Те́мже твое́ успе́ние свято́е почита́ем, взыва́юще: ра́дуйся, ма́ти прехва́льная.

И́кос:

Свята́я благода́ть и сла́ва с Небесе́ посла́ся тебе́, Ангели́но преподо́бная, и́бо Небесе́ и земли́ Творе́ц, прославля́яй все́х, и́же Того́ просла́вльших, наста́ви на́с на ра́зум, е́же взыва́ти сия́: ра́дуйся, покая́ния наста́внице; ра́дуйся, сла́во и́ночествующих. Ра́дуйся, преподо́бных единонра́вное стоя́ние; ра́дуйся, я́ко со А́нгелы лику́еши невеще́ственными. Ра́дуйся, я́ко наставля́еши су́щих во и́ночестве до́бре; ра́дуйся, я́ко ты́ отгна́ла еси́ ополче́ние враго́в. Ра́дуйся, я́ко храни́ши твою́ оби́тель; ра́дуйся, я́ко сла́виши почита́ющих тя́ ве́рою. Ра́дуйся, честны́х де́спот сла́во; ра́дуйся, я́ко ве́рных Го́сподеви приво́диши. Ра́дуйся, я́ко све́тло Го́сподеви предстои́ши, Созда́телю; ра́дуйся, я́ко про́сиши спасе́ние ми́ру. Ра́дуйся, ма́ти прехва́льная.

Пе́снь 7.

Ирмо́с: От Иуде́и доше́дше, о́троцы в Вавило́не иногда́ ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

В вы́шнем гра́де Небе́снаго Ца́рствия сподо́билася еси́, Ангели́но, жи́ти и бе́сы отго́ниши от челове́к, взыва́ющих всегда́: оте́ц на́ших Бо́же, благослове́н еси́.

Чуде́с лучи́ испуща́еши, и отъе́млеши неду́гующим боле́зни, и здра́вие о Бо́зе подава́еши, от ковче́га моще́й твои́х благода́ть источа́ющи вопию́щим: оте́ц на́ших Бо́же, благослове́н еси́.

Кре́пость тебе́ от Бо́га дарова́ся исцеле́ние неду́гующим от духо́в нечи́стых подава́ти и прогони́ти ду́хи лука́выя, Бо́жиим бо ополче́нием вооружи́вшися, побе́ду на ни́х воздви́гла еси́ и те́мнаго кня́зя попра́ла еси́, помога́ющи вопию́щим: оте́ц на́ших Бо́же, благослове́н еси́.

В Вы́шнее вошла́ еси́ черто́жное весе́лие Царя́ Христа́, во оде́жду оде́яна, досто́йную Зва́вшему о́наго бра́ка, в не́мже возлежи́ши, зову́щи: оте́ц на́ших Бо́же, благослове́н еси́.

Богоро́дичен: Па́че естества́ и сло́ва Влады́ку все́х понесла́ еси́ и пита́ла еси́ от сосе́ц Твои́х, И́же все́м благовре́менную гото́вяща трапе́зу, отце́в Бо́га препросла́вленнаго.

Пе́снь 8.

Ирмо́с: Седмери́цею пе́щь халде́йский мучи́тель Богочести́вым неи́стовно разжже́, си́лою же лу́чшею спасе́ны, сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Очи́стила еси́ пото́ком сле́з твои́х страстна́я стремле́ния, и неодержи́мыя по́мыслы затвори́ла еси́, и пучи́на была́ еси́ долготерпе́ния, Ангели́но преподо́бная, к покая́нию водя́щи боголе́пно взыва́ющия: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Воздержа́нием, преподо́бная Ангели́но, и удруче́нии теле́сныя стра́сти порабо́тила еси́ ду́ху, испо́лнивши душе́вное де́йство, и к безстра́стия стезя́м дости́гла еси́, зову́щи: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Я́ко от исто́чника неисчерпа́емаго и в чудесе́х вели́ка, твоя́ исцеле́ния благоприбы́тно почерпа́ем, и любо́вию мо́лим тя́, и от души́ взыва́ем: изба́ви от страсте́й приключа́ющихся, преподо́бная, на́с, взыва́ющих: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Зако́ну Боже́ственному повину́ющися, бога́тство твое́ расточи́, даде́ убо́гим, и пра́вда твоя́ пребыва́ет во ве́ки, зако́нным бо сно́м усну́ла еси́ и по сме́рти на́с освяща́еши и обстоя́щих ра́ку моще́й твои́х, я́коже дре́вле свяще́нницы Изра́илевы киво́т заве́та Госпо́дня.

Богоро́дичен: Под кро́в, Влады́чице, кри́л Твои́х, озло́бленнии, прибега́ем вси́, бе́д и озлобле́ний, скорбе́й и искуше́ний избавля́емся, Тебе́ бо Предста́тельницу стяжа́вше, Го́сподеви зове́м: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Пе́снь 9.

Ирмо́с: Ужасе́ся о се́м Не́бо, и земли́ удиви́шася концы́, я́ко Бо́г яви́ся челове́ком пло́тски и чре́во Твое́ бы́сть простра́ннейшее Небе́с Те́м Тя́, Богоро́дицу, А́нгелов и челове́к чинонача́лия велича́ют.

Исто́чник тя́ чуде́с я́ко вои́стинну Христо́с показа́, пресла́вная, страсте́й нечистоты́ и труды́ загражда́ющи и боле́зненныя скве́рны очища́ющи, прему́драя Ангели́но, те́мже тя́ ре́ку, душа́м очисти́тельну, нарица́ем вси́, преподо́бная.

Процвето́ша труди́ воздержа́ния твоего́, блаже́нная, я́ко фи́никс, духо́вне в дому́ Госпо́дни плодонося́ще, и я́коже сла́дости, в ни́хже ду́ши, преподо́бная, услажда́еши ста́да твоего́ слове́снаго, те́мже тя́ и венцы́ сла́вы о́ныя Христо́с укра́си.

Соверши́ла еси́ тече́ние, Ангели́но, и ве́ру соблюла́ еси́ ду́хом, сугу́би же ны́не венцы́ исплето́шася тебе́ вои́стинну; и́хже благочести́вно прия́ла еси́ с пожи́вшими по Бо́зе зако́нно и в Вы́шнем поко́и наслажда́ешися со а́нгельскими ли́ки.

Па́мять твою́, преподо́бная Ангели́но, соверша́юще, мо́лимся вся́каго треволне́ния изба́витися свяще́нному ва́шему ста́ду; моли́ся у́бо ку́пно со свяще́нными твои́ми ча́ды хода́тайством дерзнове́ния ва́шего, е́же прия́ли есте́ от Бо́га.

Богоро́дичен: Тя́ ору́жие в беда́х и искуше́ниих, и приста́нище и сте́ну в печа́лех и́мамы, смире́ннии, и вели́кое очище́ние в лю́тых согреше́ниих, находя́щих на ны́; те́мже Тя́, Богоро́дице, я́ко все́х спасе́ние, достодо́лжно велича́ем.

Свети́лен.

Вы́шняго Иерусали́ма жела́ющи, вся́ умо́м изступи́вши к Небе́сным, и бога́тство твое́ расточи́ла еси́ ни́щим, Христу́ после́дствующи. Те́мже Го́рняго Сио́на красоты́ наслажда́ешися, отону́дуже и на́с назира́еши при́сно.

Сла́ва: Ангели́ну святу́ю в пе́снех восхва́лим любо́вию, я́ко низложи́ по́стничеством злоде́йствия вра́жия и, сла́ву свы́ше прие́мши, спаса́ет, и́же ту́ю чту́щия ве́рно.

И ны́не: Светови́днейшая Отрокови́це и златоза́рный све́щниче, кади́льнице Боже́ственная, Благослове́нная Мари́е, изба́ви от бе́д, Деви́це, восхваля́ющих Тя́ ве́рно.

Краткое житие блаженной Ангелины Сербской (Бранкович)

Дочь кня­зя Ге­ор­гия Ал­бан­ско­го и су­пру­га Сте­фа­на, ко­ро­ля Сер­бии, свя­тая Ан­ге­ли­на пре­тер­пе­ла из­гна­ние вме­сте со сво­им му­жем и раз­де­ли­ла все труд­но­сти жиз­ни в Ал­ба­нии и Ита­лии. Двух сы­но­вей сво­их, свя­тых Мак­си­ма и Иоан­на, вос­пи­та­ла в ду­хе ис­тин­но хри­сти­ан­ском. По смер­ти су­пру­га, при­няв мо­на­ше­ский по­стриг, свя­тая Ан­ге­ли­на по­свя­ти­ла се­бя мо­лит­ве, бла­го­тво­ри­тель­но­сти и хра­мо­стро­и­тель­ству. Вер­ная же­на, доб­рая мать и со­вер­шен­ная хри­сти­ан­ка, она во­ис­ти­ну за­слу­жи­ла имя «ма­те­ри Ан­ге­ли­ны», ко­то­рым ее на­гра­дил на­род. Ее чу­до­твор­ные мо­щи со­хра­ня­ют­ся вме­сте с мо­ща­ми ее пра­вед­но­го су­пру­га – свя­то­го Сте­фа­на и их бла­го­че­сти­вых де­тей Мак­си­ма и Иоан­на в мо­на­сты­ре Кру­ше­дол. Свя­тая Ан­ге­ли­на об­ре­ла по­кой и веч­ную жизнь в на­ча­ле шест­на­дца­то­го сто­ле­тия.

Полное житие блаженной Ангелины Сербской (Бранкович)

По неко­то­рым све­де­ни­ям, Ан­ге­ли­на при­над­ле­жа­ла к ро­ду Чер­но­е­ви­чей – бы­ла до­че­рью Ан­дрея по про­зва­нию Ар­ва­нит Храб­рый и пле­мян­ни­цей во­е­во­ды Ива­на-бея, пра­ви­те­ля Чер­но­го­рии в 1465–1496 го­дах. Ко­гда ее бра­та уже, по-ви­ди­мо­му, уже не бы­ло в жи­вых, Иван вы­дал ее за­муж за серб­ско­го дес­по­та Сте­фа­на Сле­по­го Бран­ко­ви­ча[1]. Как боль­шин­ство бра­ков пра­вя­щих особ, ве­ро­ят­но и этот был за­клю­чен по по­ли­ти­че­ским при­чи­нам, что де­ла­ет еще бо­лее при­ме­ча­тель­ной свя­тость, про­си­яв­шую во всей се­мье.

Жизнь серб­ско­го дес­по­та Сте­фа­на Бран­ко­ви­ча и его се­мьи бы­ла пол­на пре­врат­но­стей и бед. Сте­фан и Ан­ге­ли­на жи­ли в люб­ви и со­гла­сии и име­ли дво­их сы­но­вей, Ге­ор­гия и Иоан­на, и двух до­че­рей, Ма­ру и Ми­ли­цу. Око­ло де­ся­ти лет, скры­ва­ясь от ту­рец­кой рас­пра­вы, се­мья про­ве­ла в ита­льян­ской об­ла­сти Фур­ла­нии. Здесь свя­той Сте­фан вме­сте со сво­ей сест­рой Ка­та­ри­ной ку­пил за­мок Бел­град, где и пре­ста­вил­ся.

Ов­до­вев в 1476 го­ду, Ан­ге­ли­на жи­ла и вос­пи­ты­ва­ла сво­их де­тей в труд­ных усло­ви­ях. Вен­гер­ский ко­роль Мат­вей Кор­вин вы­де­лил им для управ­ле­ния зем­ли в Сре­ме, при­над­ле­жав­шие неко­гда де­ду Сте­фа­на Ву­ку Бран­ко­ви­чу, и в 1486 го­ду они по­се­ли­лись в се­ле Ку­пи­но­во, ку­да пе­ре­нес­ли и мо­щи дес­по­та Сте­фа­на. Здесь бы­ла ос­но­ва­на цер­ковь свя­то­го апо­сто­ла Лу­ки, где пер­во­на­чаль­но и хра­ни­лись эти мо­щи, яв­ляв­шие мно­го­чис­лен­ные чу­де­са. Пра­ви­те­лем Сре­ма стал вна­ча­ле стар­ший сын Ан­ге­ли­ны Ге­ор­гий, со­шед­ший с тро­на в 1497 го­ду, при­няв­ший по­стриг с име­нем Мак­си­ма и до­стиг­ший свя­то­сти в сане свя­ти­те­ля († 1516), а за­тем ее млад­ший сын – свя­той дес­пот Иоанн († 1502).

Свя­тая Ан­ге­ли­на по­стриг­лась в мо­на­хи­ни око­ло 1509 го­да, а мо­жет быть, и ра­нее, по при­бы­тии в Срем. В 1512–1516 го­дах, по­сле воз­вра­ще­ния из Ва­ла­хии, она ос­но­ва­ла жен­ский мо­на­стырь око­ло вы­стро­ен­ной ею церк­ви Сре­те­ния.

Еще в 1509 го­ду она от­пра­ви­ла сво­е­го ду­хов­ни­ка Ев­ге­ния к рус­ско­му ве­ли­ко­му кня­зю Ва­си­лию III с тро­га­тель­ной прось­бой о по­мо­щи: "На­ша дер­жа­ва ныне упа­да­ет, а твоя дер­жа­ва воз­вы­ша­ет­ся. Возь­ми же на се­бя на­шу за­бо­ту и по­пе­че­ние о свя­тых хра­мах и оби­те­лях, ко­то­рые твои и мои бла­го­че­сти­вые пред­ки со­зда­ли". В сво­ем про­ше­нии она го­во­ри­ла о же­ла­нии вы­стро­ить цер­ковь, где на­ме­ре­ва­лась упо­ко­ить мо­щи сво­е­го су­пру­га Сте­фа­на и сы­на Иоан­на. Ме­сто для церк­ви к то­му вре­ме­ни бы­ло уже куп­ле­но за 100 ду­ка­тов. Рус­ский князь ото­звал­ся на ее прось­бу, кро­ме церк­ви, бы­ли по­стро­е­ны так­же келлии для мо­на­хинь, и по­явил­ся Кру­ше­доль­ский мо­на­стырь, в ко­то­ром св. Ан­ге­ли­на ста­ла на­сто­я­тель­ни­цей и где про­ве­ла свои по­след­ние дни в мо­лит­вах над мо­ща­ми су­пру­га и сы­но­вей.

Скон­ча­лась в 1520 го­ду.

В служ­бе пре­по­доб­ной Ан­ге­лине го­во­рит­ся о ее по­ис­ти­не муж­ской стой­ко­сти, без­гра­нич­ном ми­ло­сер­дии, тер­пе­нии и муд­ро­сти, су­пру­же­ской пре­дан­но­сти и ма­те­рин­ской жерт­вен­но­сти. Го­да­ми при­хо­ди­лось ей жить на чуж­бине, без близ­ких, на ее до­лю вы­па­ла тяж­кая участь пе­ре­жить не толь­ко му­жа, но и всех де­тей и несколь­ко раз бе­реж­но пе­ре­но­сить их свя­тые остан­ки.

Мо­щи и по­чи­та­ние

Мать Ан­ге­ли­на со вре­ме­нем ста­ла од­ной из наи­бо­лее по­чи­та­е­мых серб­ских свя­тых. Ее мо­щи, вме­сте с остан­ка­ми ее свя­то­го се­мей­ства, по­хо­ро­не­ны в Кру­ше­доль­ском мо­на­сты­ре и со­хра­ня­лись там вплоть до 1716 го­да, ко­гда мо­на­стырь был спа­лен тур­ка­ми при от­ступ­ле­нии от Ва­ра­ди­на. Сре­ди уцелев­ших до­ныне мо­щей со­хра­ни­лась кисть ру­ки ма­те­ри Ан­ге­ли­ны. Сла­ва мо­на­сты­ря Кру­ше­дол празд­ну­ет­ся в день па­мя­ти пре­по­доб­ной ма­те­ри Ан­ге­ли­ны.

Ча­сти­ца ее мо­щей так­же со­хра­ня­лась в мо­на­сты­ре се­ла Хо­по­во, где по­сле в пе­рой по­ло­вине XX ве­ка на­шли при­ют на­сель­ни­цы рус­ско­го Лес­нин­ско­го Свя­то-Бо­го­ро­диц­ко­го мо­на­сты­ря. По вы­ез­де из Юго­сла­вии во Фран­цию мо­на­хи­ни увез­ли эту ча­сти­цу с со­бой.

На иконе прп. Ан­ге­ли­на изо­бра­жа­ет­ся в мо­на­ше­ской ри­зе, дер­жа­щей в од­ной ру­ке кни­гу, а в дру­гой – чет­ки или крест. Ее лик пред­став­лен на всех ико­нах свя­той се­мьи Бран­ко­ви­чей, а так­же в чис­ле две­на­дца­ти наи­бо­лее по­чи­та­е­мых серб­ских на­цио­наль­ных свя­тых. Его мож­но уви­деть в со­бор­ной церк­ви ар­хан­ге­ла Ми­ха­и­ла в Бел­гра­де, в Печ­ской пат­ри­ар­хии в Ко­со­ве, в серб­ском мо­на­сты­ре Хи­лан­дар на Афоне и в дру­гих хра­мах.

В Во­е­во­дине, в се­ле Ку­пи­но­во, ря­дом с цер­ко­вью свя­то­го Лу­ки вплоть до 1930 го­да сто­я­ла цер­ковь, по­свя­щен­ная пре­по­доб­ной Ан­ге­лине.


При­ме­ча­ния

[1] Све­де­ния о про­ис­хож­де­нии свя­той Ан­ге­ли­ны со­дер­жат­ся в ис­то­рии Чер­но­го­рии, на­пи­сан­ной чер­но­гор­ски­ми вла­ды­ка­ми из ди­на­стии Пет­ро­ви­чей-Него­шей, Ва­си­ли­ем и свя­ти­те­лем Пет­ром I.