Канон святой преподобномученице Евдокии Илиопольской

Припев: Свята́я преподобному́ченице Евдоки́е, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 14 марта (01 марта ст. ст.)

Глас 2.

Пе́снь 1.

Ирмо́с: Гряди́те, лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися.

Душе́вное озлобле́ние услади́ти ми́, Благи́й, благоизво́ли страстоно́сицы Твоея́ Евдоки́и мольба́ми, и сию́ воспе́ти, Сло́ве, пода́ждь ми́.

Кто́ Твою́, Христе́, благосе́рдия пучи́ну я́ве испове́сть? я́ко спасе́ния соде́ла приста́нище, дре́вле прегреше́ний глубину́ су́щую.

Я́коже земля́ блага́я, твоя́ душа́, пресла́вная, до́ждь прия́т уче́ния Ге́рмана преподо́бнаго, и кла́с благоче́стия пло́д принесе́.

Мы́сленный у́гль в се́рдцы — Христа́ — прие́мши, всечестна́я, креще́нием, я́коже хвра́стие, ле́сть и плотски́я стра́сти вои́стинну попали́ла еси́.

Богоро́дичен: Богоподо́бное селе́ние вои́стинну Ты́ яви́лася еси́, небе́с простра́ннейши и честне́йши, Богоро́дице Де́во, и ны́не о Тебе́ ра́дуется а́нгельский ли́к.

Пе́снь 3.

Ирмо́с: Утверди́ на́с в Тебе́, Го́споди, дре́вом умерщвле́й гре́х, и стра́х Тво́й всади́ в сердца́ на́с, пою́щих Тя́.

Утвержде́ние, Христе́, и сте́ну необори́му в пе́рсех преподо́бная Твоя́ стяжа́вши, прило́ги не поколеба́ся врага́, но сего́ до конца́ потреби́.

Возжела́вши Христо́вы красоты́ и Сего́ любо́вию снеда́ема, страда́нием сочта́лася еси́ Ему́, Евдоки́е богому́драя и всесла́вная.

Креще́нием Христо́вым, и слеза́ми твои́ми, и по се́м кровьми́ муче́ния очи́стившися, хра́м была́ еси́ Тро́ице и ме́сто свяще́ния.

Богоро́дичен: От А́нны ра́дость ро́ду процвела́ еси́ и ражда́еши, Де́во, Царя́, и сра́дуются рождеству́ Твоему́ жены́, разре́шшеся Тобо́ю от кля́твы.

Седа́лен, гла́с 8.

Просве́щшися заре́ю Боже́ственною, преле́стную оста́вила еси́ тму́ и житие́ восприя́ла еси́ с пло́тию невеще́ственное, благода́тьми Боже́ственными испо́лнившися Ду́ха, ма́лым провеща́нием ме́ртвыя воскреси́ла еси́. Те́м при кончи́не муче́ния венце́м боже́ственне украси́лася еси́ и льсти́ваго посрами́ла еси́, Евдоки́е равноа́нгельная, моли́ Христа́ Бо́га прегреше́ний оставле́ние дарова́ти чту́щим любо́вию святу́ю па́мять твою́.

Сла́ва, и ны́не, богоро́дичен: Я́ко де́ву и еди́ну в жена́х, Тя́, без се́мене ро́ждшую Бо́га пло́тию, вси́ ублажа́ем, ро́ди челове́честии, о́гнь бо всели́ся в Тя́ Божества́, и я́ко младе́нца млеко́м пита́еши Зижди́теля и Го́спода. Те́м, а́нгельский и челове́ческий ро́д, досто́йно сла́вим пресвято́е рождество́ Твое́ и согла́сно вопие́м Ти́: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́.

Крестобогоро́дичен: А́гнца, и Па́стыря, и Изба́вителя А́гница зря́щи на Кресте́, восклица́ше, пла́чущи, и, го́рько рыда́ющи, вопия́ше: ми́р у́бо ра́дуется, прие́мляй Тобо́ю избавле́ние, утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости. Долготерпели́ве Го́споди, ми́лости бе́здно и исто́чниче неисчерпа́емый, умилосе́рдися и да́руй согреше́ний оставле́ние ве́рою пою́щим Боже́ственныя стра́сти Твоя́.

Пе́снь 4.

Ирмо́с: Услы́шах, Го́споди, слу́х Твоего́ смотре́ния, и просла́вих Тя́, Еди́не Человеколю́бче.

Безбо́жия пучи́ну реко́ю боже́ственных твои́х крове́й, Евдоки́е сла́вная, изсуши́ла еси́.

Я́же пе́рвее уловля́ющая блу́дными безу́мныя мре́жами, ны́не к Ца́рству Бо́жию уловля́ет ве́рныя.

Е́же без пра́вды со́браное тебе́ бога́тство тле́нное расточи́вши пра́ведно, нетле́ния бога́тство насле́довала еси́.

Богоро́дичен: Све́т возсия́л еси́, Го́споди, и́же в нощи́ и тме́ прегреше́ния, от Чи́стыя Де́вы воплоща́емь.

Пе́снь 5.

Ирмо́с: Све́та Пода́телю и веко́в Тво́рче, Го́споди, во све́те Твои́х повеле́ний наста́ви на́с: ра́зве бо Тебе́, ино́го Бо́га не зна́ем.

Све́т Невече́рний, озари́в вои́стинну сла́вную, от стра́стныя изъя́т мглы́ и, к безстра́стия пути́ наве́д, всесве́тлу показа́.

Царя́ Бо́га, я́коже вневе́стившися Сы́ну, возста́вила еси́ честны́м Его́ призыва́нием уме́ршаго лю́те царе́ва сы́на, пресла́вная.

Му́жеским по́мыслом на суди́щи Христа́, сла́вная, испове́дуеши, Бо́га воплоще́нна, и, мече́м во главу́ усе́чена, лику́еши с му́ченики.

Богоро́дичен: Я́коже наде́жду Твое́ предста́тельство ве́рнии иму́ще и беда́ми го́рьких боле́зней окруже́ни, к Тебе́ усе́рдно, Де́во, прибега́ем, Влады́чице.

Пе́снь 6.

Ирмо́с: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же, мя́ возведи́.

Я́ко тепла́ ре́вность ве́ры твоея́, му́ченице Евдоки́е, е́юже попра́ла еси́ неве́рных настоя́ние и побе́ду пожа́ла еси́ страда́ния.

Сле́зныя то́ки совоку́пльши муче́ния ка́плям кро́ве твоея́, еди́ну от обою́ ча́шу спасе́ния соверши́ла еси́.

Я́же пре́жде смра́да испо́лнена, мно́жеством нечистоты́ су́щи, ны́не благово́ния испо́лнися и с деви́ческими ли́ки весели́тся.

Богоро́дичен: Я́же ми́ра ра́дость, Богоро́дице Чи́стая, ра́дуйся, Тебе́ зову́щих со а́нгелом ве́рно Твоея́ ра́дости сподо́би и печа́ль на́шу разори́.

Конда́к, гла́с 4:

Во страда́нии твое́м до́бре подвиза́вшися, и по сме́рти на́с освяща́еши чуде́с излия́нии, всехва́льная, ве́рою прибега́ющия в Боже́ственную це́рковь твою́, и, торжеству́юще, мо́лим тя́, преподо́бная му́ченице Евдоки́е: да изба́вимся неду́г душе́вных и чуде́с благода́ть почерпе́м.

И́кос:

Страстоте́рпческая це́рковь поро́да яви́ся, среде́ стяжа́вши са́д безсме́ртия, те́ло сея́ честно́е, и́же сего́ объе́млющии плоды́ ве́твьми кре́пко освяща́ются, зря́ще же, удивля́ются, ка́ко вои́стинну ме́ртво те́ло источа́ет исцеле́ния, вразумля́я вся́? Те́м со тща́нием прииди́те, ны́не вси́ со мно́ю, смире́нным, и, очи́щше скве́рну, чуде́с благода́ть почерпе́м.

Пе́снь 7.

Ирмо́с: О́бразу злато́му на по́ле Деи́ре служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми, поя́ху: благослове́н еси́, Бо́же оте́ц на́ших.

И́же дре́вле уловля́яй, одожде́нии зло́бными всю́ объе́мь тя́, вра́г льсте́ц, попира́емь твои́ми нога́ми, вельми́ зва́ше: увы́ мне́, победи́хся, — глаго́ля, — Евдоки́е прехва́льная, твои́м непрело́жным к Бо́гу присвое́нием, чи́стая.

Воздержа́нием мно́гим мудрова́ния твоея́ пло́ти умертви́вши, ме́ртвым подава́еши воскресе́ние к Бо́гу дерзнове́нием твои́м и к Нему́ несомне́нною, Евдоки́е, мольбо́ю твое́ю: и́бо во́лю твори́т боя́щихся Его́.

Стра́сти Христо́вы, я́коже украше́ние боголе́пно, на вы́и твоея́ души́ нося́щи, сего́ привлекла́ еси́ нетле́ния жела́нием, отону́дуже тя́ обручи́ неве́сту, непоро́чно зову́щую: благослове́н Бо́г оте́ц на́ших.

Богоро́дичен: Пе́рвее Гедео́н, провозвеща́я Твое́, Чи́стая, Боже́ственное рождество́ я́ве, окри́н но́сит, по́лн воды́, ю́же от руна́ оцеди́: все́ бо в Тя́ Божество́ всели́ся, Пречи́стая, благослове́н Пло́д чре́ва Твоего́.

Пе́снь 8.

Ирмо́с: В пе́щь о́гненную ко отроко́м евре́йским снизше́дшаго и пла́мень в ро́су прело́жшаго Бо́га, по́йте дела́ я́ко Го́спода, и превозноси́те во вся́ ве́ки.

Я́коже прише́дши умо́м ко и́стинному Рачи́телю, удо́бь терпи́ши плотски́я я́звы и огня́ го́рькую боле́знь, му́ченице всесла́вная, благословя́щи Христа́ во ве́ки вся́.

Треволне́ния бе́д сокруши́ла еси́ кре́стным я́дрилом и душе́вное корми́ло в Ца́рствия Бо́жия приста́нища спасла́ еси́, сла́вная, благословя́щи Христа́ во ве́ки.

Безобра́зия страсте́й совлекла́ся еси́ и ду́шу обложи́ла еси́ кра́сною оде́ждею безстра́стия, те́мже Христо́с, тя́ неве́сту обручи́в, в небе́сныя всели́ хра́мы.

Богоро́дичен: Свобожда́ется Тобо́ю пра́баба, Богоро́дице, осужде́ния, и се́ ны́не жены́ стра́ждут за Христа́, и ра́дуется естество́ же́нское, я́коже первому́ченица вопие́т, де́ва Фе́кла.

Пе́снь 9.

Ирмо́с: От Бо́га Бо́га Сло́ва, неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося на́с ра́ди, ве́рнии, единому́дренно пе́сньми велича́ем.

Лица́ твоего́ зре́ние духо́вною заре́ю, я́коже со́лнце, возсия́вши, чи́стая, стра́нно показа́шеся виде́ние зря́щим неве́рным, и́бо, я́коже возлюби́вши Христа́, от Него́ просла́вилася еси́ досто́йно, всечестна́я.

Души́ твоея́ свещу́ вже́гши, му́ченице, еле́ем крове́й твои́х све́тло, ра́дующися, ны́не возшла́ еси́ в Боже́ственный неве́стник Христо́в с му́дрыми де́вами, с ни́миже помина́й все́х, ве́рою хва́лящих тя́.

От терно́вныя пре́лести, я́ко шипо́к, богому́драя, сладкоуха́нен, израсла́ еси́ кра́сно, и ве́рных облагово́нила еси́ ду́ши, Евдоки́е, неве́рных же отрази́ла еси́ тве́рдо смра́д преле́стный, те́мже тя́ блажи́м.

Соверша́ющих любо́вию моле́бную па́мять твою́, к Бо́гу и Изба́вителю, му́ченице чи́стая, моли́твами от вся́ких бе́д спаси́ и мою́ душе́вную скве́рну, и́же ху́до тя́ воспе́вшаго, отмы́й.

Богоро́дичен: О на́с моля́щи Сы́на Твоего́ не преста́й, Де́во, Человеколю́бца Бо́га, Тя́ бо наде́жду стяжа́хом и Твои́м предста́тельством избавля́емся бе́д, и страсте́й, и прегреше́ний, и боле́зней, ве́рою Тя́ сла́вящии.

Пѣ́снь а҃.

І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ, ꙗ҆́кѡ просла́висѧ.

Дꙋше́вное ѡ҆ѕлобле́нїе ᲂу҆слади́ти мѝ, благі́й, благоизво́ли, страстоно́сицы твоеѧ̀ є҆ѵдокі́и мольба́ми, и҆ сїю̀ воспѣ́ти, сло́ве, пода́ждь мѝ.

Кто̀ твою̀, хрⷭ҇тѐ, благосе́рдїѧ пꙋчи́нꙋ ꙗ҆́вѣ и҆сповѣ́сть; ꙗ҆́кѡ спасе́нїѧ содѣ́ла приста́нище, дре́вле прегрѣше́нїй глꙋбинꙋ̀ сꙋ́щꙋю.

Ꙗ҆́коже землѧ̀ блага́ѧ твоѧ̀ дꙋша̀ пресла́внаѧ, до́ждь прїѧ́тъ ᲂу҆че́нїѧ ге́рмана преподо́бнагѡ, и҆ кла́съ благоче́стїѧ пло́дъ принесѐ.

Мы́сленный ᲂу҆́гль въ се́рдцы хрⷭ҇та̀ прїе́мши, всечⷭ҇тна́ѧ, креще́нїемъ, ꙗ҆́коже хвра́стїе, ле́сть и҆ плотскі̑ѧ стра̑сти вои́стиннꙋ попали́ла є҆сѝ.

Бг҃оро́диченъ: Бг҃оподо́бное селе́нїе вои́стиннꙋ ты̀ ꙗ҆ви́ласѧ є҆сѝ, небе́съ простра́ннѣйши, и҆ честнѣ́йши, бцⷣе дв҃о, и҆ ны́нѣ ѡ҆ тебѣ̀ ра́дꙋетсѧ а҆́гг҃льскїй ли́къ.

Пѣ́снь г҃.

І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщвле́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀.

Оу҆твержде́нїе, хрⷭ҇тѐ, и҆ стѣ́нꙋ неѡбори́мꙋ, въ пе́рсѣхъ преподо́бнаѧ твоѧ̀ стѧжа́вши, прило́ги не поколеба́сѧ врага̀: но сего̀ до конца̀ потребѝ.

Возжела́вши хрⷭ҇то́вы красоты̀, и҆ сегѡ̀ любо́вїю снѣда́ема, страда́нїемъ сочта́ласѧ є҆сѝ є҆мꙋ̀, є҆ѵдокі́е бг҃омꙋ́драѧ и҆ всесла́внаѧ.

Креще́нїемъ хрⷭ҇то́вымъ, и҆ слеза́ми твои́ми, и҆ по се́мъ кровьмѝ мꙋче́нїѧ ѡ҆чи́стившисѧ, хра́мъ была̀ є҆сѝ трⷪ҇цѣ, и҆ мѣ́сто свѧще́нїѧ.

Бг҃оро́диченъ: Ѿ а҆́нны ра́дость ро́дꙋ процвѣла̀ є҆сѝ, и҆ ражда́еши, дв҃о, цр҃ѧ̀: и҆ сра́дꙋютсѧ ржⷭ҇твꙋ̀ твоемꙋ̀ жєны̀, разрѣ́шшесѧ тобо́ю ѿ клѧ́твы.

Сѣда́ленъ, гла́съ и҃.

Просвѣ́щшисѧ заре́ю бжⷭ҇твенною, преле́стнꙋю ѡ҆ста́вила є҆сѝ тмꙋ̀, и҆ житїѐ воспрїѧ́ла є҆сѝ съ пло́тїю невеще́ственное, благода́тьми бж҃е́ственными и҆спо́лнившисѧ дх҃а, ма́лымъ провѣща́нїемъ мє́ртвыѧ воскреси́ла є҆сѝ. тѣ́мъ при кончи́нѣ мꙋче́нїѧ вѣнце́мъ бж҃е́ственнѣ ᲂу҆краси́ласѧ є҆сѝ, и҆ льсти́ваго посрами́ла є҆сѝ, є҆ѵдокі́е равноа́гг҃льнаѧ: молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀.

Сла́ва, и҆ ны́нѣ, бг҃оро́диченъ: Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ младе́нца млеко́мъ пита́еши зижди́телѧ и҆ гдⷭ҇а. тѣ́мъ а҆́гг҃льскїй и҆ человѣ́ческїй ро́дъ досто́йнѡ сла́вимъ пресвѧто́е рождество̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою пресвѧто́мꙋ рождествꙋ̀ твоемꙋ̀.

Крⷭ҇тобг҃оро́диченъ: А҆́гнца и҆ па́стырѧ, и҆ и҆зба́вителѧ, а҆́гница зрѧ́щи на крестѣ̀, восклица́ше пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧй тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неизчерпа́емый, ᲂу҆милосе́рдисѧ и҆ да́рꙋй согрѣше́нїй ѡ҆ставле́нїе вѣ́рою пою́щымъ бжⷭ҇твєнныѧ стра̑сти твоѧ̑.

Пѣ́снь д҃.

І҆рмо́съ: Оу҆слы́шахъ, гдⷭ҇и, слꙋ́хъ твоегѡ̀ смотре́нїѧ, и҆ просла́вихъ тѧ̀, є҆ди́не чл҃вѣколю́бче.

Безбо́жїѧ пꙋчи́нꙋ, рѣко́ю бжⷭ҇твенныхъ твои́хъ крове́й, є҆ѵдокі́е сла́внаѧ, и҆зсꙋши́ла є҆сѝ.

Ꙗ҆́же пе́рвѣе ᲂу҆ловлѧ́ющаѧ блꙋ́дными безꙋ́мныѧ мре́жами, ны́нѣ къ црⷭ҇твꙋ бж҃їю ᲂу҆ловлѧ́етъ вѣ̑рныѧ.

Є҆́же безъ пра́вды со́браное тебѣ̀ бога́тство тлѣ́нное расточи́вши пра́веднѡ, нетлѣ́нїѧ бога́тство наслѣ́довала є҆сѝ.

Бг҃оро́диченъ: Свѣ́тъ возсїѧ́лъ є҆сѝ, гдⷭ҇и, и҆́же въ нощѝ и҆ тмѣ̀ прегрѣше́нїѧ, ѿ чⷭ҇тыѧ дв҃ы воплоща́емь.

Пѣ́снь є҃.

І҆рмо́съ: Свѣ́та пода́телю и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ.

Свѣ́тъ невече́рнїй ѡ҆зари́въ вои́стиннꙋ сла́внꙋю, ѿ стра́стныѧ и҆з̾ѧ́тъ мглы̀, и҆ къ безстра́стїѧ пꙋтѝ наве́дъ, всесвѣ́тлꙋ показа̀.

Цр҃ѧ̀ бг҃а, ꙗ҆́коже вневѣ́стившисѧ сн҃ꙋ, возста́вила є҆сѝ честны́мъ є҆гѡ̀ призыва́нїемъ ᲂу҆ме́ршаго лю́тѣ царе́ва сы́на, пресла́внаѧ.

Мꙋ́жескимъ по́мысломъ на сꙋди́щи хрⷭ҇та̀, сла́внаѧ, и҆сповѣ́дꙋеши бг҃а воплоще́нна: и҆ мече́мъ во главꙋ̀ ᲂу҆сѣ́чена, ликꙋ́еши съ мꙋ́ченики.

Бг҃оро́диченъ: Ꙗ҆́коже наде́ждꙋ твоѐ предста́тельство вѣ́рнїи и҆мꙋ́ще, и҆ бѣда́ми го́рькихъ болѣ́зней ѡ҆крꙋже́ни, къ тебѣ̀ ᲂу҆се́рднѡ, дв҃о, прибѣга́емъ, влⷣчце.

Пѣ́снь ѕ҃.

І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ.

Ꙗ҆́кѡ тепла̀ ре́вность вѣ́ры твоеѧ̀, мꙋ́ченице є҆ѵдокі́е, є҆́юже попра́ла є҆сѝ невѣ́рныхъ настоѧ́нїе, и҆ побѣ́дꙋ пожа́ла є҆сѝ страда́нїѧ.

Слє́зныѧ то́ки совокꙋ́пльши, мꙋче́нїѧ ка́плѧмъ кро́ве твоеѧ̀, є҆ди́нꙋ ѿ ѻ҆бою̀ ча́шꙋ спасе́нїѧ соверши́ла є҆сѝ.

Ꙗ҆́же пре́жде смра́да и҆спо́лнена, мно́жествомъ нечистоты̀ сꙋ́щи, ны́нѣ благово́нїѧ и҆спо́лнисѧ, и҆ съ дѣви́ческими ли́ки весели́тсѧ.

Бг҃оро́диченъ: Ꙗ҆́же мі́ра ра́дость, бцⷣе чⷭ҇таѧ, ра́дꙋйсѧ, тебѣ̀ зовꙋ́щихъ со а҆́гг҃ломъ вѣ́рнѡ, твоеѧ̀ ра́дости сподо́би, и҆ печа́ль на́шꙋ разорѝ.

Конда́къ, гла́съ д҃:

Во страда́нїи твое́мъ до́брѣ подвиза́вшисѧ, и҆ по сме́рти на́съ ѡ҆свѧща́еши чꙋде́съ и҆злїѧ̑нїи, всехва́льнаѧ, вѣ́рою прибѣга́ющыѧ въ бж҃е́ственнꙋю це́рковь твою̀, и҆ торжествꙋ́юще мо́лимъ тѧ̀, преподо́бнаѧ мꙋ́ченице є҆ѵдокі́е: да и҆зба́вимсѧ недꙋ̑гъ дꙋше́вныхъ, и҆ чꙋде́съ благода́ть почерпе́мъ.

І҆́косъ:

Страстоте́рпческаѧ це́рковь поро́да ꙗ҆ви́сѧ, средѣ̀ стѧжа́вши са́дъ безсме́ртїѧ, тѣ́ло сеѧ̀ честно́е, и҆́же сегѡ̀ ѡ҆б̾е́млющїи плоды̀, вѣ́твьми крѣ́пкѡ ѡ҆свѧща́ютсѧ: зрѧ́ще же ᲂу҆дивлѧ́ютсѧ, ка́кѡ вои́стиннꙋ ме́ртво тѣ́ло и҆сточа́етъ и҆сцѣлє́нїѧ, вразꙋмлѧ́ѧ всѧ̑; тѣ́мъ со тща́нїемъ прїиди́те ны́нѣ всѝ со мно́ю смире́ннымъ, и҆ ѡ҆чи́щше скве́рнꙋ, чꙋде́съ благода́ть почерпе́мъ.

Пѣ́снь з҃.

І҆рмо́съ: Ѻ҆́бразꙋ злато́мꙋ, на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ. посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: благослове́нъ є҆сѝ, бж҃е ѻ҆тє́цъ на́шихъ.

И҆́же дре́вле ᲂу҆ловлѧ́ѧй, ѡ҆дождє́нїи ѕло́бными всю̀ ѡ҆б̾е́мь тѧ̀, вра́гъ льсте́цъ попира́емь твои́ми нога́ми, вельмѝ зва́ше: ᲂу҆вы̀ мнѣ̀, побѣди́хсѧ, глаго́лѧ, є҆ѵдокі́е прехва́льнаѧ, твои́мъ непрело́жнымъ къ бг҃ꙋ присвое́нїемъ, чⷭ҇таѧ.

Воздержа́нїемъ мно́гимъ, мꙋдрова̑нїѧ твоеѧ̀ пло́ти ᲂу҆мертви́вши, мє́ртвымъ подава́еши воскресе́нїе, къ бг҃ꙋ дерзнове́нїемъ твои́мъ, и҆ къ немꙋ̀ несомнѣ́нною, є҆ѵдокі́е, мольбо́ю твое́ю: и҆́бо во́лю твори́тъ боѧ́щихсѧ є҆гѡ̀.

Стра̑сти хрⷭ҇тѡ́вы, ꙗ҆́коже ᲂу҆краше́нїе бг҃олѣ́пно, на вы́и твоеѧ̀ дꙋшѝ носѧ́щи, сего̀ привлекла̀ є҆сѝ нетлѣ́нїѧ жела́нїемъ, ѿѻнꙋ́дꙋже тѧ̀ ѡ҆брꙋчѝ невѣ́стꙋ, непоро́чнѡ зовꙋ́щꙋю: благослове́нъ бг҃ъ ѻ҆тє́цъ на́шихъ.

Бг҃оро́диченъ: Пе́рвѣе гедеѡ́нъ провозвѣща́ѧ твоѐ, чⷭ҇таѧ, бжⷭ҇твенное рождество̀ ꙗ҆́вѣ, ѻ҆крі́нъ но́ситъ по́лнъ воды̀, ю҆́же ѿ рꙋна̀ ѡ҆цѣдѝ: все́ бо въ тѧ̀ бж҃ество̀ всели́сѧ, пречⷭ҇таѧ, благослове́нъ пло́дъ чре́ва твоегѡ̀.

Пѣ́снь и҃.

І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте, дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки.

Ꙗ҆́коже прише́дши ᲂу҆мо́мъ ко и҆́стинномꙋ рачи́телю, ᲂу҆до́бь терпи́ши плотскі̑ѧ ꙗ҆́звы, и҆ ѻ҆гнѧ̀ го́рькꙋю болѣ́знь, мꙋ́ченице всесла́внаѧ, благословѧ́щи хрⷭ҇та̀ во вѣ́ки всѧ̑.

Треволнє́нїѧ бѣ́дъ сокрꙋши́ла є҆сѝ кре́стнымъ ꙗ҆́дриломъ, и҆ дꙋше́вное корми́ло, въ црⷭ҇твїѧ бж҃їѧ приста̑нища спасла̀ є҆сѝ, сла́внаѧ, благословѧ́щи хрⷭ҇та̀ во вѣ́ки.

Безѻбра́зїѧ страсте́й совлекла́сѧ є҆сѝ, и҆ дꙋ́шꙋ ѡ҆бложи́ла є҆сѝ кра́сною ѻ҆де́ждею безстра́стїѧ: тѣ́мже хрⷭ҇то́съ тѧ̀ невѣ́стꙋ ѡ҆брꙋчи́въ, въ небє́сныѧ вселѝ хра́мы.

Бг҃оро́диченъ: Свобожда́етсѧ тобо́ю пра́баба, бцⷣе, ѡ҆сꙋжде́нїѧ, и҆ сѐ ны́нѣ жєны̀ стра́ждꙋтъ за хрⷭ҇та̀, и҆ ра́дꙋетсѧ є҆стество̀ же́нское, ꙗ҆́коже первомꙋ́ченица вопїе́тъ дѣ́ва ѳе́кла.

Пѣ́снь ѳ҃.

І҆рмо́съ: Ѿ бг҃а, бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ: ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ.

Лица̀ твоегѡ̀ зрѣ́нїе дх҃о́вною заре́ю, ꙗ҆́коже со́лнце возсїѧ́вши, чⷭ҇таѧ, стра́нно показа́шесѧ видѣ́нїе зрѧ́щымъ невѣ̑рнымъ: и҆́бо ꙗ҆́коже возлюби́вши хрⷭ҇та̀, ѿ негѡ̀ просла́виласѧ є҆сѝ досто́йнѡ, всечестна́ѧ.

Дꙋшѝ твоеѧ̀ свѣщꙋ̀ вже́гши, мꙋ́ченице, є҆ле́емъ крове́й твои́хъ свѣ́тлѡ, ра́дꙋющисѧ, ны́нѣ возшла̀ є҆сѝ въ бж҃е́ственный невѣ́стникъ хрⷭ҇то́въ съ мꙋ́дрыми дѣ́вами: съ ни́миже помина́й всѣ́хъ вѣ́рою хва́лѧщихъ тѧ̀.

Ѿ терно́вныѧ пре́лести, ꙗ҆́кѡ шипо́къ, бг҃омꙋ́драѧ, сладкоꙋха́ненъ и҆зрасла̀ є҆сѝ кра́снѡ, и҆ вѣ́рныхъ ѡ҆благово́нила є҆сѝ дꙋ́шы, є҆ѵдокі́е, невѣ́рныхъ же ѿрази́ла є҆сѝ тве́рдѡ смра́дъ преле́стный: тѣ́мже тѧ̀ блажи́мъ.

Соверша́ющихъ любо́вїю моле́бнꙋю па́мѧть твою̀ къ бг҃ꙋ и҆ и҆зба́вителю, мꙋ́ченице чи́стаѧ, моли́твами ѿ всѧ́кихъ бѣ́дъ спасѝ: и҆ мою̀ дꙋше́внꙋю скве́рнꙋ, и҆́же хꙋ́дѡ тѧ̀ воспѣ́вшагѡ, ѿмы́й.

Бг҃оро́диченъ: Ѡ҆ на́съ молѧ́щи сн҃а твоего̀ не преста́й, дв҃о, чл҃вѣколю́бца бг҃а: тѧ́ бо наде́ждꙋ стѧжа́хомъ, и҆ твои́мъ предста́тельствомъ и҆збавлѧ́емсѧ бѣ́дъ и҆ страсте́й, и҆ прегрѣше́нїй, и҆ болѣ́зней, вѣ́рою тѧ̀ сла́вѧщїи.

Краткое житие преподобномученицы Евдокии Илиопольской

Свя­тая Ев­до­кия бы­ла са­ма­рян­кой по рож­де­нию. Жи­ла она в Илио­по­ле Фини­кий­ском во вре­ме­на Рим­ско­го им­пе­ра­то­ра Тра­я­на (98–117 гг.). От­ли­ча­ясь в мо­ло­до­сти ред­кой кра­со­той и строй­но­стью, Ев­до­кия ве­ла гре­хов­ную жизнь, тор­гуя сво­им те­лом. Бо­га­тые же­ни­хи и по­клон­ни­ки при­ез­жа­ли к Ев­до­кии из раз­ных стран, так что она со вре­ме­нем ста­ла очень со­сто­я­тель­ной и поль­зо­ва­лась по­че­том у мест­ных вла­стей.

Гос­подь, же­лая спа­сти ду­шу Ев­до­кии от веч­ной по­ги­бе­ли, устро­ил так, что один пре­ста­ре­лый инок по име­ни Гер­ман по­се­тил мест­ность, где жи­ла Ев­до­кия. Гер­ман имел обы­чай вслух чи­тать Свя­щен­ное Пи­са­ние, и Ев­до­кия слу­чай­но услы­ша­ла, ко­гда он чи­тал пред­ска­за­ния о Вто­ром при­ше­ствии Хри­ста и о Страш­ном су­де.

Это чте­ние про­из­ве­ло боль­шое впе­чат­ле­ние и сму­ти­ло Ев­до­кию, так как она по­ня­ла, что имен­но ее, греш­ни­цу, ожи­да­ют на­ка­за­ния, пред­ска­зан­ные в Биб­лии. По­зна­ко­мив­шись с мо­на­хом Гер­ма­ном, Ев­до­кия узна­ла от него о хри­сти­ан­ской ве­ре и о за­гроб­ной жиз­ни. Сло­ва мо­на­ха па­ли на доб­рую поч­ву. Уве­ро­вав во Хри­ста всем серд­цем, Ев­до­кия при­ня­ла Кре­ще­ние, все свои со­кро­ви­ща раз­да­ла бед­ным и при­ня­ла мо­на­ше­ский по­стриг в бли­жай­шем мо­на­сты­ре.

Жи­вя мно­го лет в этой оби­те­ли, Ев­до­кия все­це­ло по­свя­ти­ла се­бя по­дви­гам по­ста, мо­лит­вы и очи­ще­ния ду­ши. С го­да­ми она до­стиг­ла ду­хов­ной зре­ло­сти и бы­ла воз­ве­де­на в игу­ме­ньи сво­ей оби­те­ли. При­няв на­чаль­ствен­ную долж­ность, Ев­до­кия на­пра­ви­ла свои си­лы на доб­рые де­ла. Она кор­ми­ла и оде­ва­ла стран­ни­ков, по­се­щав­ших ее оби­тель, ис­це­ля­ла боль­ных сво­и­ми мо­лит­ва­ми.

Так Ев­до­кия 56 лет под­ви­за­лась в доб­рых де­лах и ино­че­ских по­дви­гах. В 152 го­ду, при им­пе­ра­то­ре Ан­то­нине, она му­че­ни­че­ски за­кон­чи­ла свою пра­вед­ную жизнь. За рас­про­стра­не­ние хри­сти­ан­ской ве­ры Ев­до­кию окле­ве­та­ли в кол­дов­стве и об­мане. Без су­деб­но­го раз­би­ра­тель­ства ее от­ве­ли на ме­сто каз­ни и обез­гла­ви­ли.

Так свя­тая Ев­до­кия за свои мо­на­ше­ские по­дви­ги, за доб­рые де­ла и за му­че­ни­че­скую смерть за­слу­жи­ла се­бе трой­ной ве­нец в Цар­ствии Небес­ном.

Иное жизнеописание преподобномученицы Евдокии Илиопольской

Свя­тая пре­по­доб­но­му­че­ни­ца Ев­до­кия бы­ла са­ма­рян­кой, ро­дом из го­ро­да Илио­по­ля Фини­кии Ли­ван­ской. Язы­че­ское нече­стие от­толк­ну­ло ее от доб­ро­го пу­ти, и она дол­го ве­ла гре­хов­ную жизнь. Ду­ша ее омерт­ве­ла, серд­це оже­сто­чи­лось.

Од­на­жды в пол­ночь Ев­до­кия просну­лась и услы­ша­ла за сте­ной, в дру­гой по­ло­вине до­ма, где жил хри­сти­а­нин, мо­леб­ное пе­ние и чте­ние Свя­щен­но­го Пи­са­ния, в ко­то­ром го­во­ри­лось и о веч­ном бла­жен­стве, уго­то­ван­ном пра­вед­ни­кам, и о воз­мез­дии, ожи­да­ю­щем греш­ни­ков. Бла­го­дать Бо­жия кос­ну­лась серд­ца Ев­до­кии, и она осо­зна­ла, что это со­вер­шен­ные ею гре­хи ле­жат тя­же­стью на ее ду­ше.

Утром Ев­до­кия по­спе­ши­ла при­звать к се­бе че­ло­ве­ка, мо­лит­вен­ное пра­ви­ло ко­то­ро­го слы­ша­ла но­чью. Это был ста­рец Гер­ман, воз­вра­щав­ший­ся с па­лом­ни­че­ства по свя­тым ме­стам в свою оби­тель. Ев­до­кия дол­го слу­ша­ла на­став­ле­ния стар­ца, и ду­ша ее слов­но ожи­ла и ис­пол­ни­лась ра­до­стью и лю­бо­вью ко Хри­сту. Она по­про­си­ла стар­ца Гер­ма­на прий­ти к ней через несколь­ко дней, а са­ма за­тво­ри­лась в до­ме и в по­ка­я­нии пре­да­лась по­сту и мо­лит­ве.

Ста­рец Гер­ман при­гла­сил пре­сви­те­ра, и по­сле ис­пы­та­ния и огла­ше­ния Ев­до­кия при­ня­ла Свя­тое Кре­ще­ние от епи­ско­па Илио­поль­ско­го Фе­о­до­та. Раз­дав все свое иму­ще­ство ни­щим, она уда­ли­лась в мо­на­стырь и при­ня­ла на се­бя са­мые стро­гие по­дви­ги по­ка­я­ния. Гос­подь про­стил по­ка­яв­шу­ю­ся греш­ни­цу и на­де­лил ее бла­го­дат­ны­ми ду­хов­ны­ми да­ра­ми.

Од­на­жды, ко­гда она бы­ла уже на­сто­я­тель­ни­цей мо­на­сты­ря, в оби­те­ли по­явил­ся мо­ло­дой языч­ник Фило­страт. Раз­жи­га­е­мый нечи­стой стра­стью, он под ви­дом ино­ка про­ник в мо­на­стырь и стал уго­ва­ри­вать пре­по­доб­ную Ев­до­кию воз­вра­тить­ся в Илио­поль, чтобы сно­ва на­чать преж­нюю жизнь. "Бог от­мще­ния да за­пре­тит те­бе", – с гне­вом от­ве­ти­ла Ев­до­кия, и лже­и­нок упал за­мерт­во. Опа­са­ясь, что слу­чив­ше­е­ся со­чтут за убий­ство, сест­ры уси­ли­ли мо­лит­ву и про­си­ли Гос­по­да от­крыть им Свою во­лю.

Свя­той Ев­до­кии в сон­ном ви­де­нии явил­ся Сам Гос­подь и ска­зал: "Вос­стань, Ев­до­кия, пре­кло­ни ко­ле­на, по­мо­лись, и вос­креснет ис­ку­си­тель твой". И по мо­лит­ве Ев­до­кии Фило­страт ожил. Воз­вра­щен­ный к жиз­ни языч­ник умо­лил пре­по­доб­ную про­стить его. При­няв Свя­тое Кре­ще­ние, он уда­лил­ся в Илио­поль. С тех пор он ни­ко­гда не за­бы­вал ми­ло­сти Бо­жи­ей, яв­лен­ной ему, и стал на путь по­ка­я­ния.

Про­шло немно­го вре­ме­ни, как по­сле­до­ва­ло дру­гое ис­пы­та­ние. Жи­те­ли Илио­по­ля до­нес­ли пра­ви­те­лю Авре­ли­а­ну, что, при­няв хри­сти­ан­ство, Ев­до­кия яко­бы скры­ла в мо­на­сты­ре свои бо­гат­ства. Авре­ли­ан по­слал от­ряд во­и­нов, чтобы изъ­ять эти мни­мые со­кро­ви­ща. Од­на­ко в те­че­ние трех дней во­и­ны тщет­но пы­та­лись при­бли­зить­ся к сте­нам оби­те­ли: неви­ди­мая си­ла Бо­жия охра­ня­ла ее. Авре­ли­ан сно­ва по­слал во­и­нов к мо­на­сты­рю, на этот раз под во­ди­тель­ством сво­е­го сы­на. Но в пер­вый же день пу­ти сын Авре­ли­а­на силь­но по­вре­дил се­бе но­гу и вско­ре умер. То­гда Фило­страт по­со­ве­то­вал Авре­ли­а­ну на­пи­сать пре­по­доб­ной Ев­до­кии, мо­ля ее ожи­вить юно­шу. И Гос­подь по Сво­ей бес­ко­неч­ной ми­ло­сти мо­лит­ва­ми свя­той Ев­до­кии вер­нул юно­шу к жиз­ни. Став сви­де­те­ля­ми ве­ли­ко­го чу­да, Авре­ли­ан и его ближ­ние уве­ро­ва­ли во Хри­ста и кре­сти­лись.

Ко­гда уси­ли­лись го­не­ния на хри­сти­ан, пре­по­доб­ную Ев­до­кию схва­ти­ли и при­ве­ли на му­че­ния к пра­ви­те­лю Дио­ге­ну. Ис­тя­зав­ший ее во­е­на­чаль­ник Ди­о­дор по­лу­чил из­ве­стие о вне­зап­ной смер­ти сво­ей же­ны Фир­ми­ны. В от­ча­я­нии он бро­сил­ся к свя­той Ев­до­кии с прось­бой по­мо­лить­ся об умер­шей. Пре­по­доб­но­му­че­ни­ца, ис­пол­нен­ная ве­ли­кой ве­ры, об­ра­ти­лась к Бо­гу с мо­лит­вой и ис­про­си­ла у Него воз­вра­ще­ние Фир­ми­ны к жиз­ни. Во­очию убе­див­шись в си­ле и бла­го­сти Гос­по­да, Ди­о­дор и Дио­ген уве­ро­ва­ли во Хри­ста и через неко­то­рое вре­мя кре­сти­лись со сво­и­ми се­мья­ми. Пре­по­доб­ная Ев­до­кия неко­то­рое вре­мя жи­ла в до­ме Ди­о­до­ра и про­све­ща­ла но­во­об­ра­щен­ных хри­сти­ан.

Од­на­жды един­ствен­ный сын неко­ей вдо­вы, ра­бо­тая в са­ду, был ужа­лен зме­ей и умер. Мать горь­ко опла­ки­ва­ла умер­ше­го сы­на. Узнав о ее го­ре, свя­тая Ев­до­кия ска­за­ла Ди­о­до­ру: "На­ста­ло и те­бе вре­мя по­ка­зать свою ве­ру во Все­мо­гу­ще­го Бо­га, Ко­то­рый слы­шит мо­лит­вы ка­ю­щих­ся греш­ни­ков и по Сво­е­му ми­ло­сер­дию ис­пол­ня­ет их про­ше­ния".

Дио­дор сму­тил­ся, не счи­тая се­бя до­стой­ным та­ко­го дерз­но­ве­ния пред Бо­гом, но, по­ви­ну­ясь свя­той Ев­до­кии, по­мо­лил­ся и Име­нем Хри­сто­вым по­ве­лел по­кой­ни­ку встать. На гла­зах у всех при­сут­ство­вав­ших юно­ша ожил.

Пре­по­доб­ная Ев­до­кия воз­вра­ти­лась в свой мо­на­стырь, в ко­то­ром под­ви­за­лась 56 лет.

По­сле смер­ти Дио­ге­на пра­ви­те­лем стал Ви­кен­тий, же­сто­кий го­ни­тель хри­сти­ан. Узнав о бес­страш­ной ис­по­вед­ни­це хри­сти­ан­ской ве­ры, он при­ка­зал каз­нить её. 1 мар­та (ок. 160–170) свя­тая пре­по­доб­но­му­че­ни­ца бы­ла обез­глав­ле­на.

См. так­же: "Жи­тие и стра­да­ние свя­той пре­по­доб­ной му­че­ни­цы Ев­до­кии" в из­ло­же­нии свт. Ди­мит­рия Ро­стов­ско­го.