Канон святой преподобномученице Февронии Сирской

Припев: Свята́я преподобному́ченице Феврóние, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 08 июля (25 июня ст. ст.)

Глас 8.

Пе́снь 1.

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Побо́рнице сла́вы Христо́вы, пода́ждь ми́ благода́ть, Февро́ние, и просвеще́ние твое́ восхвали́ти светоно́сное ра́достно, чи́стая, торжество́.

Поуче́нием сме́ртным вы́ну просвеща́ющи, му́ченице Февро́ние, твою́ ду́шу, возшла́ еси́ к высоте́ муче́ния, томле́ньми прине́сшися Христу́.

Обно́вльши боле́зньми воздержа́ния ни́ву, му́ченице, се́рдца твоего́ я́сно, муче́ний прия́ла еси́ венцы́, страда́льчески Бо́гу на́шему пою́щи.

Богоро́дичен: Ма́нием вся́ содева́яй из Тебе́, Богома́ти, воплоти́ся, Его́же благоче́стно жела́ющи, отрокови́ца Февро́ния му́ченически Тому́ приведе́ся.

Пе́снь 3.

Ирмо́с: Ты́ еси́ утвержде́ние притека́ющих к Тебе́, Го́споди, Ты́ еси́ Све́т омраче́нных, и пое́т Тя́ ду́х мо́й.

Укрепи́лася еси́ Ду́хом низложи́ти свире́пство, пресла́вная, мучи́тельское и многобо́жие, Февро́ние, безбо́жное.

Ты́ ны́не утверди́л еси́ держа́вною руко́ю, Влады́ко, му́ченически подвиза́вшуюся Февро́нию сла́вную.

Те́ло твое́, секо́мо за Христа́, чи́стая всему́драя, му́ченически, тебе́ рая́ соде́ла наслажде́ние.

Богоро́дичен: Обре́те Тя́ по́мощь, Бо́жию Ма́терь, Пречи́стая, сла́вная му́ченица Февро́ния, и мучи́теля посрами́ла е́сть.

Седа́лен, гла́с 8.

Ду́шу связа́вши любо́вию Христо́вою, тле́нная же и вре́менная, му́ченице му́драя, забве́нием премину́ла еси́, я́ко Словесе́ учени́ца: по́стнически пе́рвее стра́сти умертви́вши, страда́льчески второ́е льсти́ваго посрами́ла еси́. Те́мже и Зижди́теля сугу́бу дерзнове́нию сподо́билася еси́, сла́вная, я́ко Того́ послу́шавши, Февро́ние пребога́тая, моли́ Христа́ Бо́га, согреше́ний оставле́ние дарова́ти чту́щим любо́вию святу́ю па́мять твою́.

Богоро́дичен: Я́ко Всенепоро́чная Неве́ста Творцу́, я́ко Неискусому́жная Ма́ти Изба́вителю, прия́телище я́ко су́щи Уте́шителя, Препе́тая, беззако́нию мя́ су́ща скве́рное оби́телище и бесо́м игра́лище в ра́зуме бы́вша, потщи́ся от те́х злоде́йства мя́ изба́вити, и све́тлое жили́ще доброде́телей соверши́, Светоно́сная Нетле́нная, отжени́ о́блак страсте́й и Вы́шняго прича́стия сподо́би и Све́та невече́рняго моли́твами Твои́ми.

Крестобогоро́дичен: А́гнца, и Па́стыря, и Изба́вителя А́гница зря́щи на Кресте́, восклица́ше, пла́чущи, и, го́рько рыда́ющи, вопия́ше: ми́р у́бо ра́дуется, прие́мля Тобо́ю избавле́ние, утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости. Долготерпели́ве Го́споди, ми́лости бе́здно и исто́чниче неисчерпа́емый, умилосе́рдися и да́руй согреше́ний оставле́ние ве́рою пою́щим Боже́ственныя стра́сти Твоя́.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра о́тча и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.

Поро́ка в тебе́ отню́д не́сть, всехва́льная Февро́ние, ты́ бо по обоему́, Изба́вителю твоему́ и Рачи́телю вожделе́нному благоугоди́ти потща́лася еси́, воздержа́тельными боле́зньми, му́ченическими страда́ньми украше́нная, Богому́драя, пребога́тая.

От млады́х, му́ченице, ногте́й вожделе́ла еси́ любве́ Исто́чника приснотеку́щаго, вожделе́ннаго все́м слове́сным, Его́же насы́щшися, муче́ния боле́зни претерпе́ла еси́, огне́м опаля́ема и удо́в лише́на, Февро́ние, де́в похвало́.

Словесы́ Бо́жиими воспи́тана, Богому́драя, жела́ющим сло́во спаси́тельное свяще́нных кни́г свяще́нно вруча́ющи, Боже́ственне, му́ченице, просте́рла еси́ и уче́ния мзду́ прия́ла еси́, му́ченик сла́вою обогати́вшися.

Богоро́дичен: Две́рь Све́та все́м яви́лася еси́, Всенепоро́чная, су́щим во тьме́ Све́т неопи́санный, опи́сан пло́тию Христа́, пра́веднаго Со́лнца, возблиста́вши, Его́же ны́не луча́ми Февро́ния укрепи́вшися, му́ченик сла́ву притяжа́.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тьма́, окая́ннаго? Но обрати́ мя и к све́ту за́поведей Твои́х пути́ моя́ напра́ви, молю́ся.

Украси́ся порфи́рою, му́ченице, из крове́й твои́х истка́нною тебе́, обнажи́ся те́лом, и страсте́й оде́жду отве́ргла еси́, пред суди́щем ста́вши мучи́телей, о Февро́ние, Христо́ве подо́бящися наготе́.

Разже́гшися, му́ченице, любо́вию Жениха́ твоего́ мы́сленнаго и распа́льшися Сего́ добро́тами нетле́нными, претерпе́ла еси́ усече́ние ру́к и я́звенныя боле́зни, Февро́ние, му́чениц похвало́.

То́ки твои́х крове́й многобо́жия пла́мень угаси́ша, твои́ же зу́бы искорене́ннии всю́ исторго́ша и́дольскую ле́сть и пи́щу тебе́, Февро́ние, ве́чныя красоты́ соде́лаша.

Богоро́дичен: Твои́ но́зе, усе́кшеся, Боже́ственных му́ченик стезе́ю ше́ствоваша и к Ро́ждшемуся от Де́вы Святы́я преидо́ша, ходя́ще ра́достно в раи́, Февро́ние де́во, Богоневе́сто.

Пе́снь 6.

Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися, и молю́ся, я́ко Ио́на: от тли́, Бо́же, возведи́ мя.

Сели́на злочести́ваго безбо́жное и го́рдое низложи́ся суровство́ Бо́жиим е́же о все́х промышле́нием, взыска́вшим кро́вь твою́, сла́вная, и спасе́ся твои́м терпе́нием Боже́ственный Лисима́х.

Свети́льник Богосия́нен тя́ показа́, му́драя и Богоно́сная Врие́ни, уче́нии наста́вльши, отрокови́це, и наде́жды ника́коже погреши́: предста́ви бо тя́ Христу́, Февро́ние, неве́сту нескве́рную.

Богоро́дичен: Одушевле́нный Влады́ки черто́г, и́же све́тлыми де́вства заря́ми светови́дно, я́ко кри́н, сия́я посреди́ терно́внаго смеше́ния, Пречи́стая и Боголе́пная Богоро́дица Де́ва сла́вится.

Конда́к, гла́с 6.

Женише́ мо́й, сладча́йший Христе́, – взыва́ше Февро́ния,– не тру́дно ми́ тещи́ во сле́д Тебе́, и́бо сла́дость любве́ Твоея́ ду́шу мою́ наде́ждею впери́ и красота́ ми́лости Твоея́ се́рдце мое́ услади́ испи́ти ча́шу страда́ний по Тебе́, да досто́йну мя́ в черто́зе с му́дрыми де́вами ликовствова́ти о Тебе́ сопричте́ши. Те́мже, преподо́бная страстоте́рпице, почита́юще по́двиги трудо́в твои́х, мо́лим тя́: моли́ не затвори́тися и на́м черто́га две́рем.

Пе́снь 7.

Ирмо́с: О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.

Струи́ то́чиши исцеле́ний притека́ющим ве́рою к твоему́ гро́бу, Февро́ние, и Жениху́ твоему́ вопию́щим: благослове́н еси́, Го́споди Бо́же, во ве́ки.

О, до́брыя твоея́ ку́пли! Го́рстию кро́ве, Богому́драя, измени́ла еси́ Ца́рствие Бо́жие, всехва́льная, вопию́щи: благослове́н еси́, Го́споди Бо́же, во ве́ки.

Богоро́дичен: С ли́ки деви́ческими лику́еши, досточу́дная Февро́ние де́во, Де́ве Богома́тери вопию́щи: благослове́н, Пречи́стая, Пло́д Твоего́ чре́ва.

Пе́снь 8.

Ирмо́с: Седмери́цею пе́щь халде́йский мучи́тель Богочести́вым неи́стовно разжже́, си́лою же лу́чшею спасе́ны, сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Светоявле́нна па́мять твоя́, Февро́ние, соверша́ется ны́не, светови́дными мо́лниями блиста́ющи: Све́ту бо прибли́жися и светоно́сна бы́сть, Светотво́рцу и Светода́телю вопию́щи: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Удивле́на была́ еси́ пе́рвее воздержа́нии, прехва́льная, и му́ченически украси́лася еси́ по́слежде, во сле́д бо потекла́ еси́ Рачи́теля, отрокови́це све́тлая. О́ба сосца́ твоя́, бла́ги па́че вина́, уре́зани бы́ша, Февро́ние, за благоче́стие, воня́ же твои́х арома́т ве́рныя благоуха́ет.

Отягче́н прегреше́ньми, Февро́ние всехва́льная, и треволне́нии страсте́й преклоне́н, прибега́ю к покро́ву твоему́, обои́х разреше́ние ища́й. Но, я́ко чу́дная и избра́нная Влады́це, вопию́ща не пре́зри, но твои́ми мя́ моли́твами исхити́, де́во, от плени́ц душетле́нных.

Богоро́дичен: Вети́йствующии язы́цы Тя́ воспе́ти не мо́гут, о Богороди́тельнице, Мари́е Богоневе́сто: Бо́га бо родила́ еси́, над все́ми су́щаго, Отрокови́це Чи́стая, от деви́ческаго неискусобра́чнаго чре́ва. Ему́же ны́не Февро́ния, пою́щи, взыва́ет: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Пе́снь 9.

Ирмо́с: Ужасе́ся о се́м не́бо и земли́ удиви́шася концы́, я́ко Бо́г яви́ся челове́ком пло́тски и чре́во Твое́ бы́сть простра́ннейшее небе́с. Те́м Тя́, Богоро́дицу, А́нгелов и челове́к чинонача́лия велича́ют.

Боже́ственная Влады́ки голуби́це, позлаще́нна све́тлостию де́вства, те́ло просве́щши поще́нием, позлаще́нна крилы́ златови́дными блиста́нии твоего́ испове́дания и Боже́ственных твои́х крове́й, тя́ пою́щия просвети́.

Уму́ бесе́довавши наги́м умо́м, Февро́ние Богому́драя, попра́ла еси́ жела́ния до конца́, и кончи́ну блаже́нную получи́ти сподо́билася еси́, и ны́не ца́рствуеши со Христо́м, све́тло с твои́м Женихо́м в неизрече́нных черто́зех в весе́лии пребыва́ющи.

Исцеле́ния источа́еши, я́ко ре́ки, ве́рою притека́ющим твое́й честне́й ра́це, Февро́ние Богови́дная, де́вства сто́лп, цве́т естества́ красе́н, дщи́ Царе́ва, я́же вну́трь иму́щи Боже́ственныя сла́вы блаже́нство.

Богоро́дичен: Испра́вила еси́, Де́во, же́н поползе́ние, Сло́ва ро́ждши, горе́ воздви́жущаго низпа́дшия, я́ко Бла́га, и держа́внаго си́л, Его́же, Февро́ние сла́вная, вожделе́вши усе́рдно: в сле́д Тебе́ потеку́, ра́дующися,– возопи́ла е́сть.

Пѣ́снь а҃.

І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ.

Побо́рнице сла́вы хрⷭ҇то́вы, пода́ждь мѝ бл҃года́ть, феѵрѡ́нїе, и҆ просвѣще́нїе твоѐ восхвали́ти свѣтоно́сное ра́достнѡ, чⷭ҇таѧ, торжество̀.

Поꙋче́нїемъ сме́ртнымъ вы́нꙋ просвѣща́ющи, мꙋ́ченице феѵрѡ́нїе, твою̀ дꙋ́шꙋ, возшла̀ є҆сѝ къ высотѣ̀ мꙋче́нїѧ, томле́ньми прине́сшисѧ хрⷭ҇тꙋ̀.

Ѡ҆бно́вльши болѣ́зньми воздержа́нїѧ ни́вꙋ, мꙋ́ченице, се́рдца твоегѡ̀ ꙗ҆́снѡ, мꙋче́нїй прїѧ́ла є҆сѝ вѣнцы̀, страда́льчески бг҃ꙋ на́шемꙋ пою́щи.

Бг҃оро́диченъ: Ма́нїемъ всѧ̑ содѣва́ѧй, и҆зъ тебє̀, бг҃ома́ти, воплоти́сѧ: є҆го́же бл҃гоче́стнѡ жела́ющи ѻ҆трокови́ца феѵрѡ́нїа, мꙋ́ченически томꙋ̀ приведе́сѧ.

Пѣ́снь г҃.

І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й.

Оу҆крѣпи́ласѧ є҆сѝ дꙋ́хомъ, низложи́ти свирѣ́пство, пресла́внаѧ, мꙋчи́тельское, и҆ многобо́жїе, феѵрѡ́нїе, безбо́жное.

Ты̀ ны́нѣ ᲂу҆тверди́лъ є҆сѝ держа́вною рꙋко́ю, влⷣко, мꙋ́ченически подвиза́вшꙋюсѧ феѵрѡ́нїю сла́внꙋю.

Тѣ́ло твоѐ сѣко́мо за хрⷭ҇та̀, чⷭ҇таѧ всемꙋ́драѧ, мꙋ́ченически тебѐ раѧ̀ содѣ́ла наслажде́нїе.

Бг҃оро́диченъ: Ѡ҆брѣ́те тѧ̀ по́мощь, бж҃їю мт҃рь, пречⷭ҇таѧ, сла́внаѧ мꙋ́ченица феѵрѡ́нїа, и҆ мꙋчи́телѧ посрами́ла є҆́сть.

Сѣда́ленъ, гла́съ и҃.

Дꙋ́шꙋ свѧза́вши любо́вїю хрⷭ҇то́вою, тлѣ̑ннаѧ же и҆ вре́мєннаѧ, мꙋ́ченице мꙋ́драѧ, забве́нїемъ преминꙋ́ла є҆сѝ ꙗ҆́кѡ словесѐ ᲂу҆чени́ца: по́стнически пе́рвѣе стра̑сти ᲂу҆мертви́вши, страда́льчески второ́е льсти́ваго посрами́ла є҆сѝ. тѣ́мже и҆ зижди́телѧ сꙋгꙋ́бꙋ дерзнове́нїю сподо́биласѧ є҆сѝ, сла́внаѧ, ꙗ҆́кѡ того̀ послꙋ́шавши, феѵрѡ́нїе пребога́таѧ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀.

Бг҃оро́диченъ: Ꙗ҆́кѡ всенепоро́чнаѧ невѣ́ста творцꙋ̀, ꙗ҆́кѡ неискꙋсомꙋ́жнаѧ мт҃и и҆зба́вителю, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ бѣсѡ́мъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити, и҆ свѣ́тлое жили́ще добродѣ́телей совершѝ, свѣтоно́снаѧ, нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми.

Крⷭ҇тобг҃оро́диченъ: А҆́гнца и҆ па́стырѧ, и҆ и҆зба́вителѧ, а҆́гница зрѧ́щи на крⷭ҇тѣ̀, восклица́ше, пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧ тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ и҆ да́рꙋй согрѣше́нїй ѡ҆ставле́нїе вѣ́рою пою́щымъ бж҃е́ствєнныѧ стра̑сти твоѧ̑.

Пѣ́снь д҃.

І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче.

Поро́ка въ тебѣ̀ ѿню́дъ нѣ́сть, всехва́льнаѧ феѵрѡ́нїе: ты́ бо по ѻ҆боемꙋ̀, и҆зба́вителю твоемꙋ̀, и҆ рачи́телю вожделѣ́нномꙋ бл҃гоꙋгоди́ти потща́ласѧ є҆сѝ, воздержа́тельными болѣ́зньми и҆ мꙋ́ченическими страда́ньми ᲂу҆краше́ннаѧ, бг҃омꙋ́драѧ, пребога́таѧ.

Ѿ млады́хъ, мꙋ́ченице, ногте́й вожделѣ́ла є҆сѝ любвѐ и҆сто́чника приснотекꙋ́щагѡ, вожделѣ́ннагѡ всѣ̑мъ словє́снымъ: є҆гѡ́же насы́щшисѧ мꙋче́нїѧ бѡлѣ́зни претерпѣ́ла є҆сѝ, ѻ҆гне́мъ ѡ҆палѧ́ема, и҆ ᲂу҆дѡ́въ лише́на, феѵрѡ́нїе, дѣ́въ похвало̀.

Словесы̀ бж҃їими воспи́тана, бг҃омꙋ́драѧ, жела́ющымъ сло́во спаси́тельное свѧще́нныхъ кни́гъ свѧще́ннѡ врꙋча́ющи, бжⷭ҇твеннѣ, мꙋ́ченице, просте́рла є҆сѝ, и҆ ᲂу҆че́нїѧ мздꙋ̀ прїѧ́ла є҆сѝ, мꙋ́чєникъ сла́вою ѡ҆богати́вшисѧ.

Бг҃оро́диченъ: Две́рь свѣ́та всѣ̑мъ ꙗ҆ви́ласѧ є҆сѝ, всенепоро́чнаѧ, сꙋ́щымъ во тьмѣ̀ свѣ́тъ неѡпи́санный, ѡ҆пи́санъ пло́тїю, хрⷭ҇та̀ пра́веднаго сл҃нца возблиста́вши, є҆гѡ́же ны́нѣ лꙋча́ми феѵрѡ́нїа ᲂу҆крѣпи́вшисѧ, мꙋ́чєникъ сла́вꙋ притѧжа̀.

Пѣ́снь є҃.

І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннагѡ; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ.

Оу҆краси́сѧ порфѵ́рою, мꙋ́ченице, и҆зъ крове́й твои́хъ и҆стка́нною тебѣ̀, ѡ҆бнажи́сѧ тѣ́ломъ, и҆ страсте́й ѻ҆де́ждꙋ ѿве́ргла є҆сѝ, предъ сꙋди́щемъ ста́вши мꙋчи́телей, ѽ феѵрѡ́нїе! хрⷭ҇то́вѣ подо́бѧщисѧ наготѣ̀.

Разже́гшисѧ, мч҃нице, любо́вїю жениха̀ твоегѡ̀ мы́сленнагѡ, и҆ распа́льшисѧ сегѡ̀ добро́тами нетлѣ́нными, претерпѣ́ла є҆сѝ ᲂу҆сѣче́нїе рꙋ́къ, и҆ ꙗ҆́звєнныѧ болѣ̑зни, феѵрѡ́нїе, мꙋ́ченицъ похвало̀.

То́ки твои́хъ крове́й многобо́жїѧ пла́мень ᲂу҆гаси́ша: твои́ же зꙋ́бы и҆скорене́ннїи всю̀ и҆сторго́ша і҆́дѡльскꙋю ле́сть, и҆ пи́щꙋ тебѣ̀, феѵрѡ́нїе, вѣ́чныѧ красоты̀ содѣ́лаша.

Бг҃оро́диченъ: Твоѝ но́зѣ ᲂу҆сѣ́кшесѧ, бжⷭ҇твенныхъ мꙋ́чєникъ стезе́ю ше́ствоваша, и҆ къ ро́ждшемꙋсѧ ѿ дв҃ы ст҃ы́ѧ преидо́ша, ходѧ́ще ра́достнѡ въ раѝ, феѵрѡ́нїе дв҃о бг҃оневѣ́сто.

Пѣ́снь ѕ҃.

І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ.

Селі́на ѕлочести́вагѡ безбо́жное и҆ го́рдое низложи́сѧ сꙋровство̀, бж҃їимъ є҆́же ѡ҆ всѣ́хъ промышле́нїемъ, взыска́вшимъ кро́вь твою̀, сла́внаѧ, и҆ спасе́сѧ твои́мъ терпѣ́нїемъ бжⷭ҇твенный лїсїма́хъ.

Свѣти́льникъ бг҃осїѧ́ненъ тѧ̀ показа̀, мꙋ́драѧ и҆ бг҃оно́снаѧ врѷе́ни, ᲂу҆че́нїи наста́вльши, ѻ҆трокови́це, и҆ наде́жды ника́коже погрѣшѝ: предста́ви бо тѧ̀ хрⷭ҇тꙋ̀, феѵрѡ́нїе, невѣ́стꙋ нескве́рнꙋю.

Бг҃оро́диченъ: Ѡ҆дꙋшевле́нный влⷣки черто́гъ, и҆́же свѣ́тлыми дв҃ства зарѧ́ми, свѣтови́днѡ ꙗ҆́кѡ крі́нъ сїѧ́ѧ, посредѝ терно́внагѡ смѣше́нїѧ, пречⷭ҇таѧ и҆ бг҃олѣ́пнаѧ бцⷣа дв҃а сла́витсѧ.

Конда́къ, гла́съ ѕ҃.

Женишѐ мо́й, сладча́йшїй хрⷭ҇тѐ, взыва́ше феѵрѡ́нїа, не трꙋ́дно мѝ тещѝ во слѣ́дъ тебє̀: и҆́бо сла́дость любвѐ твоеѧ̀ дꙋ́шꙋ мою̀ наде́ждею вперѝ, и҆ красота̀ ми́лости твоеѧ̀ се́рдце моѐ ᲂу҆сладѝ, и҆спи́ти ча́шꙋ страда́нїй по тебѣ̀, да досто́йнꙋ мѧ̀ въ черто́зѣ съ мꙋ́дрыми дв҃ами ликовствова́ти ѡ҆ тебѣ̀ сопричте́ши. тѣ́мже, преподо́бнаѧ страстоте́рпице, почита́юще по́двиги трꙋдѡ́въ твои́хъ, мо́лимъ тѧ̀: молѝ, не затвори́тисѧ и҆ на́мъ черто́га две́ремъ.

Пѣ́снь з҃.

І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки.

Стрꙋи̑ то́чиши и҆сцѣле́нїй, притека́ющымъ вѣ́рою къ твоемꙋ̀ гро́бꙋ, феѵрѡ́нїе, и҆ женихꙋ̀ твоемꙋ̀ вопїю́щымъ: бл҃гослове́нъ є҆сѝ, гдⷭ҇и бж҃е, во вѣ́ки.

Ѽ до́брыѧ твоеѧ̀ кꙋ́пли! го́рстїю кро́ве, бг҃омꙋ́драѧ, и҆змѣни́ла є҆сѝ црⷭ҇твїе бж҃їе, всехва́льнаѧ, вопїю́щи: благослове́нъ є҆сѝ, гдⷭ҇и бж҃е, во вѣ́ки.

Бг҃оро́диченъ: Съ ли́ки дѣви́ческими ликꙋ́еши, досточꙋ́днаѧ феѵрѡ́нїе дв҃о, дв҃ѣ бг҃ома́тери вопїю́щи: бл҃гослове́нъ, пречⷭ҇таѧ, пло́дъ твоегѡ̀ чре́ва.

Пѣ́снь и҃.

І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки.

Свѣтоѧвле́нна па́мѧть твоѧ̀, феѵрѡ́нїе, соверша́етсѧ ны́нѣ, свѣтови́дными мо́лнїѧми блиста́ющи: свѣ́тꙋ бо прибли́жисѧ, и҆ свѣтоно́сна бы́сть, свѣтотво́рцꙋ и҆ свѣтода́телю вопїю́щи: ѻ҆́троцы благослови́те, сщ҃е́нницы воспо́йте, лю́дїе превозноси́те во всѧ̑ вѣ́ки.

Оу҆дивле́на была̀ є҆сѝ пе́рвѣе воздержа́нїи, прехва́льнаѧ, и҆ мꙋ́ченически ᲂу҆краси́ласѧ є҆сѝ по́слѣжде: во слѣ́дъ бо потекла̀ є҆сѝ рачи́телѧ, ѻ҆трокови́це свѣ́тлаѧ. ѻ҆́ба сосца̀ твоѧ̑, бла́ги па́че вїна̀, ᲂу҆рѣ́зани бы́вше, феѵрѡ́нїе, за бл҃гоче́стїе: вонѧ́ же твои́хъ а҆рѡма́тъ вѣ̑рныѧ бл҃гоꙋха́етъ.

Ѡ҆тѧгче́нъ прегрѣше́ньми, феѵрѡ́нїе всехва́льнаѧ, и҆ треволне́нїи страсте́й преклоне́нъ, прибѣга́ю къ покро́вꙋ твоемꙋ̀, ѻ҆бои́хъ разрѣше́нїе и҆ща́й. но ꙗ҆́кѡ чꙋ́днаѧ и҆ и҆збра́ннаѧ влⷣцѣ, вопїю́ща не пре́зри: но твои́ми мѧ̀ моли́твами и҆схитѝ, дв҃о, ѿ плени́цъ дꙋшетлѣ́нныхъ.

Бг҃оро́диченъ: Вѣті́йствꙋющїи ѧ҆зы́цы тѧ̀ воспѣ́ти не мо́гꙋтъ, ѽ бг҃ороди́тельнице мр҃і́е бг҃оневѣ́сто: бг҃а бо родила̀ є҆сѝ надъ всѣ́ми сꙋ́щаго, ѻ҆трокови́це чⷭ҇таѧ, ѿ дѣви́ческагѡ неискꙋсобра́чнагѡ чре́ва. є҆мꙋ́же ны́нѣ феѵрѡ́нїа пою́щи взыва́етъ: ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки.

Пѣ́снь ѳ҃.

І҆рмо́съ: Оу҆жасе́сѧ ѡ҆ се́мъ не́бо, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ.

Бж҃е́ственнаѧ влⷣки голꙋби́це, позлаще́нна свѣ́тлостїю двⷭ҇тва, тѣ́ло просвѣ́щши поще́нїемъ, позлаще́нна крилы̀ златови́дными блиста́нїи твоегѡ̀ и҆сповѣ́данїѧ, и҆ бж҃е́ственныхъ твои́хъ крове́й, тѧ̀ пою́щыѧ просвѣтѝ.

Оу҆мꙋ̀ бесѣ́довавши наги́мъ ᲂу҆мо́мъ, феѵрѡ́нїе бг҃омꙋ́драѧ, попра́ла є҆сѝ жела̑нїѧ до конца̀ и҆ кончи́нꙋ блаже́ннꙋю полꙋчи́ти сподо́биласѧ є҆сѝ, и҆ ны́нѣ црⷭ҇твꙋеши со хрⷭ҇то́мъ, свѣ́тлѡ съ твои́мъ женихо́мъ, въ неизрече́нныхъ черто́зѣхъ въ весе́лїи пребыва́ющи.

И҆сцѣлє́нїѧ и҆сточа́еши ꙗ҆́кѡ рѣ́ки, вѣ́рою притека́ющымъ ко твое́й честнѣ́й ра́цѣ, феѵрѡ́нїе бг҃ови́днаѧ, дѣ́вства сто́лпъ, цвѣ́тъ є҆стества̀ красе́нъ, дщѝ царе́ва, ꙗ҆́же внꙋ́трь и҆мꙋ́щи бжⷭ҇твенныѧ сла́вы бл҃же́нство.

Бг҃оро́диченъ: И҆спра́вила є҆сѝ, дв҃о, же́нъ поползе́нїе, сло́ва ро́ждши, горѣ̀ воздви́жꙋщаго низпа́дшыѧ, ꙗ҆́кѡ бл҃га, и҆ держа́внаго си́лъ: є҆гѡ́же феѵрѡ́нїе сла́внаѧ вожделѣ́вши ᲂу҆се́рднѡ, въ слѣ́дъ тебє̀ потекꙋ̀, ра́дꙋющисѧ возопи́ла є҆́сть.

Житие преподобномученицы Февронии Сирской

Пре­по­доб­но­му­че­ни­ца Фев­ро­ния де­ва по­стра­да­ла в цар­ство­ва­ние Дио­кли­ти­а­на (284–305). Она вос­пи­ты­ва­лась в мо­на­сты­ре в го­ро­де Си­ва­по­ле (Ас­си­рий­ская об­ласть). На­сто­я­тель­ни­цей оби­те­ли бы­ла игу­ме­ния Ври­ен­на, тет­ка свя­той Фев­ро­нии. Игу­ме­ния, за­бо­тясь о спа­се­нии свя­той Фев­ро­нии, на­зна­чи­ла ей бо­лее стро­гий об­раз жиз­ни, чем осталь­ным ино­ки­ням. По уста­ву оби­те­ли по пят­ни­цам сест­ры остав­ля­ли свои по­слу­ша­ния и весь день про­во­ди­ли в мо­лит­ве и чте­нии Свя­щен­но­го Пи­са­ния. Обыч­но игу­ме­ния по­ру­ча­ла чте­ние свя­той Фев­ро­нии.

Сла­ва о ее бла­го­че­сти­вой жиз­ни рас­про­стра­ни­лась по го­ро­ду. Знат­ная мо­ло­дая вдо­ва Иерия, языч­ни­ца, ста­ла по­се­щать свя­тую Фев­ро­нию. Под вли­я­ни­ем ее на­став­ле­ний и мо­литв она при­ня­ла Свя­тое Кре­ще­ние и при­ве­ла к Хри­сто­вой ве­ре сво­их ро­ди­те­лей и род­ствен­ни­ков.

Дио­кли­ти­ан на­пра­вил в Ас­си­рию для ис­треб­ле­ния хри­сти­ан от­ряд во­и­нов во гла­ве с Ли­си­ма­хом, Се­ли­ном и При­мом. Се­лин, дя­дя Ли­си­ма­ха, от­ли­чал­ся же­сто­ко­стью в от­но­ше­нии хри­сти­ан, а Ли­си­мах был рас­по­ло­жен к ним, так как его мать ста­ра­лась вну­шить сы­ну лю­бовь к хри­сти­ан­ской ве­ре и умер­ла хри­сти­ан­кой. Ли­си­мах до­го­во­рил­ся со сво­им род­ствен­ни­ком При­мом по ме­ре воз­мож­но­сти из­бав­лять хри­сти­ан от рук му­чи­те­лей. Ко­гда от­ряд во­и­нов при­бли­зил­ся к оби­те­ли, на­сель­ни­цы скры­лись. В мо­на­сты­ре оста­лись толь­ко игу­ме­ния Ври­ен­на, ее по­мощ­ни­ца Фо­ма­и­да и свя­тая Фев­ро­ния, ко­то­рая в то вре­мя тя­же­ло бо­ле­ла. Игу­ме­ния силь­но скор­бе­ла, что ее пле­мян­ни­ца по­па­дет в ру­ки му­чи­те­лей, ко­то­рые мог­ли над­ру­гать­ся над ней, и го­ря­чо мо­ли­лась, чтобы Гос­подь со­хра­нил ее и укре­пил в ис­по­ве­да­нии Хри­ста Спа­си­те­ля. Се­лин при­ка­зал при­ве­сти к нему всех ино­кинь оби­те­ли. Прим с от­ря­дом во­и­нов не на­шел ни­ко­го, кро­ме двух ста­риц и свя­той Фев­ро­нии. Он со­жа­лел, что и они не скры­лись, и пред­ло­жил ино­ки­ням уй­ти. Но ино­ки­ни ре­ши­ли не по­ки­дать ме­ста сво­их по­дви­гов и по­ло­жить­ся на во­лю Гос­под­ню.

Прим рас­ска­зал Ли­си­ма­ху о необык­но­вен­ной кра­со­те свя­той Фев­ро­нии и со­ве­то­вал взять ее се­бе в же­ны. Ли­си­мах от­ве­тил, что не же­ла­ет со­блаз­нять дев, по­свя­щен­ных Бо­гу, и про­сил При­ма укрыть где-ни­будь остав­ших­ся ино­кинь, чтобы они не по­па­ли в ру­ки Се­ли­на. Один из сол­дат под­слу­шал раз­го­вор и до­нес Се­ли­ну. Свя­тую Фев­ро­нию со свя­зан­ны­ми ру­ка­ми и це­пью на шее при­ве­ли к во­е­на­чаль­ни­ку. Се­лин пред­ло­жил ей от­ка­зать­ся от ве­ры во Хри­ста и при­не­сти жерт­ву язы­че­ским бо­гам, он обе­щал по­че­сти, на­гра­ды и брак с Ли­си­ма­хом. Свя­тая де­ва твер­до и неустра­ши­мо от­ве­ти­ла, что име­ет Бес­смерт­но­го Же­ни­ха и не про­ме­ня­ет Его ни на ка­кие зем­ные бла­га. Се­лин под­верг ее же­сто­ким му­кам. Свя­тая мо­ли­лись: "Спа­си­тель мой, не по­кинь ме­ня в этот страш­ный час!" Му­че­ни­цу дол­го би­ли, кровь ру­чья­ми тек­ла из ран. Чтобы уве­ли­чить стра­да­ния свя­той Фев­ро­нии, ее по­ве­си­ли на де­ре­ве и разо­жгли под ней огонь. Му­че­ния бы­ли так бес­че­ло­веч­ны, что на­род стал кри­ком тре­бо­вать пре­кра­ще­ния ис­тя­за­ния ни в чем не по­вин­ной де­вуш­ки. Но Се­лин про­дол­жал из­де­вать­ся и на­сме­хать­ся над му­че­ни­цей. Свя­тая Фев­ро­ния мол­ча­ла. От сла­бо­сти она не мог­ла го­во­рить ни сло­ва. В яро­сти Се­лин при­ка­зал вы­рвать ей язык, вы­бить зу­бы, от­ре­зать гру­ди и, на­ко­нец, от­сечь обе ру­ки и но­ги. Лю­ди не вы­но­си­ли ужас­но­го зре­ли­ща и ухо­ди­ли с ме­ста му­че­ния, про­кли­ная Дио­кли­ти­а­на и его бо­гов.

Сре­ди тол­пы при­сут­ство­ва­ла ино­ки­ня Фо­ма­и­да, ко­то­рая впо­след­ствии по­дроб­но опи­са­ла му­че­ни­че­ский по­двиг свя­той Фев­ро­нии, и уче­ни­ца свя­той де­вы Иерия. Она вы­шла из тол­пы и во все­услы­ша­ние уко­ря­ла Се­ди­на за без­мер­ную же­сто­кость. Он при­ка­зал схва­тить ее, но, узнав, что Иерию как знат­ную жен­щи­ну небез­опас­но под­вер­гать ис­тя­за­ни­ям, оста­вил ее, ска­зав: "Сво­и­ми ре­ча­ми ты на­вле­ка­ешь на Фев­ро­нию еще боль­шие му­ки". На­ко­нец, свя­той му­че­ни­це Фев­ро­нии от­сек­ли го­ло­ву.

Ухо­дя с ме­ста каз­ни, Ли­си­мах пла­кал и за­тво­рил­ся в сво­ем по­ме­ще­нии. Се­лин со­би­рал­ся обе­дать, но не мог при­нять пи­щи и хо­дил по по­ко­ям сво­е­го двор­ца. Вне­зап­но, по­смот­рев вверх, он вдруг ли­шил­ся язы­ка, за­мы­чал по­доб­но во­лу, упал и, уда­рив­шись о мра­мор­ную ко­лон­ну, раз­бил се­бе го­ло­ву и тут же умер. Ко­гда Ли­си­мах узнал о про­ис­шед­шем, то про­из­нес: "Ве­лик Бог хри­сти­ан­ский, Он до­сто­ин по­чи­та­ния, по­то­му что ото­мстил за непо­вин­ную кровь!" Он при­го­то­вил ков­чег, вло­жил в него рас­се­чен­ное те­ло му­че­ни­цы и от­нес в мо­на­стырь. Игу­ме­ния Ври­ен­на упа­ла без чувств, уви­дев изуро­до­ван­ные остан­ки свя­той Фев­ро­нии. К ве­че­ру она при­шла в чув­ство и по­ве­ле­ла от­крыть мо­на­стыр­ские во­ро­та, чтобы все мог­ли прий­ти по­кло­нить­ся свя­той му­че­ни­це и про­сла­вить Бо­га, да­ро­вав­ше­го ей та­кое тер­пе­ние в стра­да­ни­ях за Хри­ста Спа­си­те­ля. Ли­си­мах и Прим то­гда же от­рек­лись от идо­ло­по­клон­ства, при­ня­ли Кре­ще­ние и ино­че­ство. Иерия пе­ре­да­ла свое бо­гат­ство в мо­на­стырь и про­си­ла игу­ме­нию Ври­ен­ну при­нять ее в оби­тель вме­сто свя­той Фев­ро­нии.

Еже­год­но в день му­че­ни­че­ский кон­чи­ны свя­той Фев­ро­нии в оби­те­ли со­вер­ша­лось тор­же­ство. Во вре­мя все­нощ­но­го бде­ния сест­ры оби­те­ли все­гда ви­де­ли свя­тую Фев­ро­нию, ко­то­рая за­ни­ма­ла свое обыч­ное ме­сто в хра­ме. От мо­щей свя­той му­че­ни­цы со­вер­ша­лись мно­го­чис­лен­ные чу­де­са и ис­це­ле­ния. Жи­тие свя­той Фев­ро­нии бы­ло на­пи­са­но сви­де­тель­ни­цей ее по­дви­га ино­ки­ней Фо­ма­и­дой.

В 363 го­ду мо­щи свя­той Фев­ро­нии бы­ли пе­ре­не­се­ны в Кон­стан­ти­но­поль.

Вско­ре по­сле кон­чи­ны свя­той Фев­ро­нии свя­той Иа­ков, епи­скоп Ни­зи­бий­ский (па­мять 13 ян­ва­ря), со­здал цер­ковь и пе­ре­нес в нее ча­сти­цу мо­щей свя­той му­че­ни­цы.

См. так­же: "Жи­тие и стра­да­ние свя­той пре­по­доб­но­му­че­ни­цы Фев­ро­нии" в из­ло­же­нии свт. Ди­мит­рия Ро­стов­ско­го.