Канон святому апостолу Адронику Паннонийскому и иже с ним

Припев: Святы́й апо́столе Андрони́че, моли́ Бо́га о нас.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 30 мая (17 мая ст. ст.); 12 августа (30 июля ст. ст.)

Глас 8.

Пе́снь 1.

Ирмо́с: Пои́м Го́сподеви, прове́дшему лю́ди Своя́ сквозе́ Чермно́е мо́ре, я́ко Еди́н сла́вно просла́вися.

Хвалу́ Бо́гу прино́сит в пресвяте́й, блаже́нне, па́мяти твое́й честна́я Це́рковь, по́двиги твоя́ ве́рою сла́вящи.

Напра́вил еси́ ума́ твоего́ вся́ движе́ния, свяще́нне, к Бо́жиим хоте́нием исполне́нию, ра́дуяся, Андрони́че.

Неду́ги очища́ти, ду́хи отгоня́ти лука́выя, от Бо́га Боже́ственную благода́ть прия́л еси́, Богому́дре Андрони́че.

Богоро́дичен: Одожди́ ми́, Де́во, все́х согреше́ний избавле́ние и исправле́ние жития́ Твои́м хода́тайством и благода́тию.

Пе́снь 3.

Ирмо́с: Не́сть свя́т, я́ко Госпо́дь, и не́сть пра́веден, я́ко Бо́г на́ш, Его́же пое́т вся́ тва́рь: не́сть пра́веден па́че Тебе́, Го́споди.

Умертви́в у́ды твоя́ по́двиги, жи́знь сподо́бился еси́ живу́щих зре́ти на земли́ пло́ть нося́ща Христа́ Бо́га на́шего, Андрони́че апо́столе.

Огнедохнове́нен бы́л еси́, Боже́ственнаго Ду́ха чи́стою мы́слию твое́ю теплоту́, апо́столе, обнося́ и попаля́я пре́лести те́рние, Андрони́че всехва́льне.

Глаго́л твои́х веща́ние и си́ла чуде́с обтече́ ми́ра концы́, учениче́ Госпо́день, Боже́ственныя Ду́ха благода́ти ве́рныя науча́ющи.

Богоро́дичен: Не́сть пречи́сты, па́че Тебе́, Влады́чице, и не́сть непоро́чны, ра́зве Тебе́, Всенепоро́чная, Бо́га бо все́х вмести́лище простра́нное еди́на была́ еси́.

Конда́к, гла́с 2.

Звезду́ пресве́тлую, богоразу́мия све́том просве́щшаго язы́ки апо́стола Христо́ва Андрони́ка восхва́лим и с ни́м во благове́стии потруди́вшуюся Иуни́ю прему́друю, вопию́ще: моли́те Христа́ Бо́га непреста́нно о все́х на́с.

Седа́лен, гла́с 4.

Боже́ственный Андрони́к, светови́ден бы́в, сердца́ просвети́ богоразу́мия све́том ко Го́споду приходи́ти. Те́мже и по кончи́не источа́ет исцеле́ния ве́рою приступа́ющим честно́му его́ хра́му и все́м испроша́ет ве́рным ве́лию ми́лость.

Богоро́дичен: Обнови́ла еси́, Чи́стая, Боже́ственным рождество́м Твои́м истле́вшее во страсте́х земноро́дных ме́ртвенное существо́ и воздви́гла еси́ вся́ от сме́рти к животу́ нетле́ния. Те́мже Тя́ по до́лгу блажи́м вси́, Де́во Препросла́вленная, я́коже прорекла́ еси́.

Крестобогоро́дичен: На Кресте́ Тя́ возвы́шена я́ко узре́ Пречи́стая Ма́ти Твоя́, Сло́ве Бо́жий, ма́терски рыда́ющи, веща́ше: что́ но́вое и стра́нное сие́ чу́до, Сы́не Мо́й? Ка́ко, Жи́знь все́х, вкуша́еши сме́рти, оживи́ти ме́ртвыя хотя́, я́ко Милосе́рд?

Пе́снь 4.

Ирмо́с: Из горы́ приосене́нныя, Сло́ве, проро́к, еди́ныя Богоро́дицы, хотя́ща воплоти́тися богови́дно усмотри́ и со стра́хом славосло́вяше си́лу Твою́.

Тя́, я́ко сро́дника, целу́ет Па́вел, пред ве́рными боже́ственныя твоя́ похвалы́ пропове́дая, Андрони́че богоглаго́ливе, световоди́телю восхваля́ющим тя́.

До́м бы́в Тро́ицы Пресвяты́я, хра́мы и тре́бища разори́л еси́ бла́зненныя и созда́л еси́, прехва́льне, це́ркви во спасе́ние ду́ш на́ших.

Возмо́гл еси́, Бо́жиею мо́щию укрепи́вся, си́льнаго восхи́тити сосу́ды, блаже́нне, и соверши́ти Ду́ха Свята́го жили́ще, Андрони́че.

Богоро́дичен: Тя́ всегда́, Де́во Богоро́дице, вси́ ве́рнии, согла́сно воспева́ем, я́ко тве́рдое и побо́рное предста́тельство и спасе́ние ду́ш на́ших.

Пе́снь 5.

Ирмо́с: От но́щи неве́дения богове́дением просвети́вый концы́, просвети́ мя́ у́тром человеколю́бия Твоего́, Го́споди.

Я́ко сро́дника тя́ Па́влу и пре́жде его́ ученика́ бы́вша, с ни́мже тя́ почита́ем, ве́рою соше́дшеся, Андрони́че.

Светоза́рныя зве́зды, свяще́нныя апо́столы почти́м, Иуни́ю боже́ственную и богоно́снаго Андрони́ка.

Я́ко наро́читы су́ще во апо́столех, ва́с блаже́нный Па́вел пропове́дает в Це́ркви, блаже́ннии.

Богоро́дичен: Тя́, Пресвята́я Отрокови́це, проро́ческий ли́к проначерта́ свяще́нными о́бразы бы́ти Госпо́дню Роди́тельницу.

Пе́снь 6.

Ирмо́с: Ри́зу мне́ пода́ждь све́тлу, одея́йся све́том, я́ко ри́зою, многоми́лостиве Христе́ Бо́же на́ш.

До́м тво́й исцеле́ний исто́чники любо́вию притека́ющим источа́ет, апо́столе, омыва́я душе́вныя не́мощи.

Истле́вшее безбо́жием мно́жество язы́к обнови́л еси́ но́выми твои́ми уче́нии, нетле́ннаго Иису́са дру́же и́скренний.

Я́ко со́лнце, обте́кл еси́ зе́млю, Андрони́че прему́дре, трисо́лнечный и несозда́нный возвеща́я ве́рным све́т Божества́.

Богоро́дичен: Боже́ственная ше́ствия на Тебе́ Влады́ки позна́шася, пло́тию обнища́вшаго и обогати́вша ве́рныя, Неискусобра́чная.

Пе́снь 7.

Ирмо́с: В нача́ле зе́млю основа́вый и небеса́ сло́вом утверди́вый, благослове́н еси́ во ве́ки, Го́споди, Бо́же оте́ц на́ших.

Неду́ги лю́тыя и вся́ку боле́знь от ду́ш вку́пе же и теле́с отго́ниши притека́ющих в до́м тво́й, му́дре учениче́ Христо́в.

Де́монская наи́тия отгоня́еши и стра́сти лю́тыя очища́еши челове́ком, спострада́льчеством Христо́в самови́дче, сего́ ра́ди тя́ ве́рно ублажа́ем.

Ри́торское, му́дре, глумле́ние низложи́в простото́ю уче́ний, Бо́га пропове́дуеши в виде́нии пло́тсте пожи́вша со земны́ми бла́гости ра́ди.

Богоро́дичен: Во утро́бу Де́вы всели́выйся и в не́й Ада́ма назда́вый, благослове́н еси́, Го́споди, Бо́же оте́ц на́ших.

Пе́снь 8.

Ирмо́с: На горе́ святе́й просла́вльшася и в купине́ огне́м Присноде́вы Моисе́ови та́йну я́вльшаго, Го́спода по́йте и превозноси́те во вся́ ве́ки.

Объюроде́вшая злы́м гно́ем челове́ческая, Андрони́че, сердца́ со́лию боже́ственною стягну́в, уче́нии твои́ми, излия́вшемуся Сло́ву спаса́емы предста́вил еси́, треблаже́нне.

Свяще́нник же, и жре́ц, и же́ртва Поже́ршемуся за милосе́рдие позна́лся еси́ и к Нему́ восте́кл еси́, Андрони́че, вене́ц нетле́ния и пра́вды от Него́ прие́м.

Пропове́дник Боже́ственный и апо́стол Богови́дец, разори́тель истука́нных ги́бельных и богати́тель ни́щих яви́лся еси́, сла́вне, и Сио́на вы́шняго вели́кий жи́тель, Андрони́че Богому́дре.

Богоро́дичен: Я́ко клеща́ми, рука́ми у́гль но́сиши, ро́су боже́ственную источа́ющаго, Де́во, пла́менем ле́сти бе́дствующим, попаля́юща же стра́сти песносло́вящих Того́ ца́рствие.

Пе́снь 9.

Ирмо́с: Проявле́нное на горе́ законополо́жнику во огни́ и купине́, рождество́ Присноде́вы, в на́ше ве́рных спасе́ние, пе́сньми немо́лчными велича́ем.

Да о́ныя жи́зни яви́шися насле́дник, умерщвле́нныя пре́жде де́монскими прило́ги оживи́л еси́ живоно́сным твои́м сло́вом, достоблаже́нне Андрони́че.

Я́ко и́стиннаго бы́в виногра́да, преблаже́нне, лоза́ благора́сленна, вино́ безсме́ртия иска́пал еси́ и челове́ков сердца́ возвесели́л еси́, прехва́льне Андрони́че.

Ты́, я́ко мо́лния, попали́в ве́щь многобо́жия, я́ве показа́л еси́ све́т богоразу́мия су́щим во тме́ жития́, те́м тя́ прославля́ем вси́, Андрони́че.

Свяще́нная твоя́ па́мять, простира́ема в концы́, дне́сь просвеща́ет сердца́ в не́й тя́ свяще́нно восхваля́ющих, достоблаже́нне Андрони́че.

Богоро́дичен: Просвеще́ние на́м испроси́, Я́же Све́т ро́ждшая, и согреше́ний оставле́ние и душа́м спасе́ние, ве́дущим Тя́, и́стинную Богоро́дицу, Чи́стая Де́во Всенепоро́чная.

Пѣ́снь а҃.

І҆рмо́съ: Пои́мъ гдⷭ҇еви, прове́дшемꙋ лю́ди своѧ̑ сквозѣ̀ чермно́е мо́ре, ꙗ҆́кѡ є҆ди́нъ сла́внѡ просла́висѧ.

Хвалꙋ̀ бг҃ꙋ прино́ситъ, въ пресвѧтѣ́й, блаже́нне, па́мѧти твое́й, честна́ѧ це́рковь, по́двиги твоѧ̑ вѣ́рою сла́вѧщи.

Напра́вилъ є҆сѝ ᲂу҆ма̀ твоегѡ̀ всѧ̑ движє́нїѧ, свѧще́нне, къ бж҃їимъ хотѣ́нїємъ, и҆сполне́нїю ра́дꙋѧсѧ, а҆ндроні́че.

Недꙋ́ги ѡ҆чища́ти, дꙋ́хи ѿгонѧ́ти лꙋка̑выѧ, ѿ бг҃а бжⷭ҇твеннꙋю бл҃года́ть прїѧ́лъ є҆сѝ, бг҃омꙋ́дре а҆ндроні́че.

Бг҃оро́диченъ: Ѡ҆дождѝ мѝ, дв҃о, всѣ́хъ согрѣше́нїй и҆збавле́нїе, и҆ и҆справле́нїе житїѧ̀, твои́мъ хода́тайствомъ и҆ бл҃года́тїю.

Пѣ́снь г҃.

І҆рмо́съ: Нѣ́сть свѧ́тъ ꙗ҆́кѡ гдⷭ҇ь, и҆ нѣ́сть пра́веденъ ꙗ҆́кѡ бг҃ъ на́шъ, є҆го́же пое́тъ всѧ̀ тва́рь: нѣ́сть пра́веденъ па́че тебє̀, гдⷭ҇и.

Оу҆мертви́въ ᲂу҆́ды твоѧ̑ пѡ́двиги, жи́знь сподо́билсѧ є҆сѝ живꙋ́щихъ зрѣ́ти, на землѝ пло́ть носѧ́ща хрⷭ҇та̀ бг҃а на́шего, а҆ндроні́че а҆пⷭ҇ле.

Ѻ҆гнедохнове́ненъ бы́лъ є҆сѝ, бжⷭ҇твеннагѡ дх҃а, чи́стою мы́слїю твое́ю теплотꙋ̀, а҆пⷭ҇ле, ѡ҆бносѧ̀, и҆ попалѧ́ѧ пре́лести те́рнїе, а҆ндроні́че всехва́льне.

Глагѡ́лъ твои́хъ вѣща́нїе, и҆ си́ла чꙋде́съ ѡ҆бтечѐ мі́ра концы̀, ᲂу҆ченичѐ гдⷭ҇ень, бжⷭ҇твенныѧ дх҃а бл҃года́ти вѣ̑рныѧ наꙋча́ющи.

Бг҃оро́диченъ: Нѣ́сть пречи́сты, па́че тебє̀, влⷣчце, и҆ нѣ́сть непоро́чны ра́звѣ тебє̀, всенепоро́чнаѧ, бг҃а бо всѣ́хъ вмѣсти́лище простра́нное є҆ди́на была̀ є҆сѝ.

Конда́къ, гла́съ в҃.

Ѕвѣздꙋ̀ пресвѣ́тлꙋю, бг҃оразꙋ́мїѧ свѣ́томъ просвѣ́щшаго ꙗ҆зы́ки, а҆пⷭ҇ла хрⷭ҇то́ва а҆ндроні́ка восхва́лимъ, и҆ съ ни́мъ во благовѣ́стїи потрꙋди́вшꙋюсѧ і҆ꙋні́ю премꙋ́дрꙋю, вопїю́ще: моли́те хрⷭ҇та̀ бг҃а непреста́ннѡ ѡ҆ всѣ́хъ на́съ.

Сѣда́ленъ, гла́съ д҃.

Бжⷭ҇твенный а҆ндроні́къ свѣтови́денъ бы́въ, сердца̀ просвѣтѝ бг҃оразꙋ́мїѧ свѣ́томъ, ко гдⷭ҇ꙋ приходи́ти: тѣ́мже и҆ по кончи́нѣ и҆сточа́етъ и҆сцѣлє́нїѧ, вѣ́рою пристꙋпа́ющымъ честно́мꙋ є҆гѡ̀ хра́мꙋ, и҆ всѣ̑мъ и҆спроша́етъ вѣ̑рнымъ ве́лїю ми́лость.

Бг҃оро́диченъ: Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ и҆стлѣ́вшее во страсте́хъ земноро́дныхъ ме́ртвенное сꙋщество̀, и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ.

Крⷭ҇тобг҃оро́диченъ: На крⷭ҇тѣ̀ тѧ̀ возвы́шена ꙗ҆́кѡ ᲂу҆зрѣ̀ пречⷭ҇таѧ мт҃и твоѧ̀, сло́ве бж҃їй, мт҃рски рыда́ющи вѣща́ше, что̀ но́вое и҆ стра́нное сїѐ чꙋ́до, сн҃е мо́й; ка́кѡ жи́знь всѣ́хъ вкꙋша́еши сме́рти, ѡ҆живи́ти мє́ртвыѧ хотѧ̀, ꙗ҆́кѡ милосе́рдъ;

Пѣ́снь д҃.

І҆рмо́съ: И҆зъ горы̀ приѡсѣне́нныѧ, сло́ве, прⷪ҇ро́къ, є҆ди́ныѧ бцⷣы, хотѧ́ща воплоти́тисѧ бг҃ови́днѡ ᲂу҆смотрѝ, и҆ со стра́хомъ славосло́вѧше си́лꙋ твою̀.

Тѧ̀ ꙗ҆́кѡ сро́дника цѣлꙋ́етъ па́ѵелъ, предъ вѣ́рными бжⷭ҇твєнныѧ твоѧ̑ похвалы̑ проповѣ́даѧ, а҆ндроні́че бг҃оглаго́ливе, свѣтоводи́телю восхвалѧ́ющымъ тѧ̀.

До́мъ бы́въ трⷪ҇цы прест҃ы́ѧ, хра́мы и҆ трє́бища разори́лъ є҆сѝ бла́знєнныѧ: и҆ созда́лъ є҆сѝ, прехва́льне, цр҃кви во спасе́нїе дꙋ́шъ на́шихъ.

Возмо́глъ є҆сѝ бж҃їею мо́щїю ᲂу҆крѣпи́всѧ, си́льнагѡ восхи́тити сосꙋ́ды, блаже́нне, и҆ соверши́ти дх҃а ст҃а́гѡ жили́ще, а҆ндроні́че.

Бг҃оро́диченъ: Тѧ̀ всегда̀, дв҃о бцⷣе, всѝ вѣ́рнїи согла́снѡ воспѣва́емъ, ꙗ҆́кѡ тве́рдое и҆ побо́рное предста́тельство, и҆ спасе́нїе дꙋ́шъ на́шихъ.

Пѣ́снь є҃.

І҆рмо́съ: Ѿ но́щи невѣ́дѣнїѧ, бг҃овѣ́дѣнїемъ просвѣти́вый концы̀, просвѣтѝ мѧ̀ ᲂу҆́тромъ чл҃вѣколю́бїѧ твоегѡ̀, гдⷭ҇и.

Ꙗ҆́кѡ сро́дника тѧ̀ па́ѵлꙋ, и҆ пре́жде є҆гѡ̀ ᲂу҆ченика̀ бы́вша, съ ни́мже тѧ̀ почита́емъ, вѣ́рою соше́дшесѧ, а҆ндроні́че.

Свѣтоза̑рныѧ ѕвѣ́зды, свѧщє́нныѧ а҆пⷭ҇лы почти́мъ, і҆ꙋні́ю бжⷭ҇твеннꙋю и҆ бг҃оно́снаго а҆ндроні́ка.

Ꙗ҆́кѡ наро́читы сꙋ́ще во а҆пⷭ҇толѣхъ, ва́съ блаже́нный па́ѵелъ проповѣ́даетъ въ цр҃кви, блаже́ннїи.

Бг҃оро́диченъ: Тѧ̀, прест҃а́ѧ ѻ҆трокови́це, прⷪ҇ро́ческїй ли́къ проначерта̀, свѧще́нными ѻ҆́бразы, бы́ти гдⷭ҇ню роди́тельницꙋ.

Пѣ́снь ѕ҃.

І҆рмо́съ: Ри́зꙋ мнѣ̀ пода́ждь свѣ́тлꙋ, ѡ҆дѣѧ́йсѧ свѣ́томъ, ꙗ҆́кѡ ри́зою, многоми́лостиве хрⷭ҇тѐ бж҃е на́шъ.

До́мъ тво́й и҆сцѣле́нїй и҆сто́чники, любо́вїю притека́ющымъ и҆сточа́етъ, а҆пⷭ҇ле, ѡ҆мыва́ѧ дꙋшє́вныѧ не́мѡщи.

И҆стлѣ́вшее безбо́жїемъ мно́жество ꙗ҆зы̑къ ѡ҆бнови́лъ є҆сѝ но́выми твои́ми ᲂу҆чє́нїи, нетлѣ́ннагѡ і҆и҃са дрꙋ́же и҆́скреннїй.

Ꙗ҆́кѡ со́лнце ѡ҆бте́клъ є҆сѝ зе́млю, а҆ндроні́че премꙋ́дре, трисо́лнечный и҆ несозда́нный возвѣща́ѧ вѣ̑рнымъ свѣ́тъ бж҃ества̀.

Бг҃оро́диченъ: Бжⷭ҇твєннаѧ шє́ствїѧ на тебѣ̀ влⷣки позна́шасѧ, пло́тїю ѡ҆бнища́вшагѡ, и҆ ѡ҆богати́вша вѣ̑рныѧ, неискꙋсобра́чнаѧ.

Пѣ́снь з҃.

І҆рмо́съ: Въ нача́лѣ зе́млю ѡ҆снова́вый, и҆ нб҃са̀ сло́вомъ ᲂу҆тверди́вый, бл҃гослове́нъ є҆сѝ во вѣ́ки, гдⷭ҇и, бж҃е ѻ҆тє́цъ на́шихъ.

Недꙋ́ги лю̑тыѧ, и҆ всѧ́кꙋ болѣ́знь ѿ дꙋ́шъ вкꙋ́пѣ же и҆ тѣле́съ ѿго́ниши, притека́ющихъ въ до́мъ тво́й, мꙋ́дре ᲂу҆ч҃ничѐ хрⷭ҇то́въ.

Де́мѡнскаѧ наи̑тїѧ ѿгонѧ́еши, и҆ стра̑сти лю̑тыѧ ѡ҆чища́еши человѣ́кѡмъ, спострада́льчествомъ хрⷭ҇то́въ самови́дче: сегѡ̀ ра́ди тѧ̀ вѣ́рнѡ ᲂу҆блажа́емъ.

Ри́торское, мꙋ́дре, глꙋмле́нїе низложи́въ простото́ю ᲂу҆че́нїй, бг҃а проповѣ́дꙋеши въ видѣ́нїи пло́тстѣ, пожи́вша со земны́ми бла́гости ра́ди.

Бг҃оро́диченъ: Во ᲂу҆тро́бꙋ дв҃ы всели́выйсѧ, и҆ въ не́й а҆да́ма назда́вый, бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ.

Пѣ́снь и҃.

І҆рмо́съ: На горѣ̀ ст҃ѣ́й просла́вльшасѧ, и҆ въ кꙋпинѣ̀ ѻ҆гне́мъ приснодв҃ы мѡѷсе́ови та́йнꙋ ꙗ҆́вльшаго, гдⷭ҇а по́йте и҆ превозноси́те во всѧ̑ вѣ́ки.

Ѡ҆б̾юродѣ̑вшаѧ ѕлы́мъ гно́емъ человѣ́чєскаѧ, а҆ндроні́че, сердца̀, со́лїю бжⷭ҇твенною стѧгнꙋ́въ, ᲂу҆чє́нїи твои́ми, и҆злїѧ́вшемꙋсѧ сло́вꙋ, спаса́емы предста́вилъ є҆сѝ, требл҃же́нне.

Свѧще́нникъ же и҆ жре́цъ, и҆ же́ртва, поже́ршемꙋсѧ за милосе́рдїе позна́лсѧ є҆сѝ, и҆ къ немꙋ̀ восте́клъ є҆сѝ, а҆ндроні́че, вѣне́цъ нетлѣ́нїѧ и҆ пра́вды ѿ негѡ̀ прїе́мъ.

Проповѣ́дникъ бжⷭ҇твенный, и҆ а҆пⷭ҇лъ бг҃ови́децъ, разори́тель и҆стꙋка́нныхъ ги́бельныхъ, и҆ богати́тель ни́щихъ ꙗ҆ви́лсѧ є҆сѝ, сла́вне, и҆ сїѡ́на вы́шнѧгѡ вели́кїй жи́тель, а҆ндроні́че бг҃омꙋ́дре.

Бг҃оро́диченъ: Ꙗ҆́кѡ клеща́ми рꙋка́ми ᲂу҆́гль но́сиши, ро́сꙋ бжⷭ҇твеннꙋю и҆сточа́ющаго, дв҃о, пла́менемъ ле́сти бѣ́дствꙋющымъ, попалѧ́юща же стра̑сти, пѣсносло́вѧщихъ тогѡ̀ црⷭ҇твїе.

Пѣ́снь ѳ҃.

І҆рмо́съ: Проѧвле́нное на горѣ̀ законополо́жникꙋ во ѻ҆гнѝ и҆ кꙋпинѣ̀, ржⷭ҇тво̀ приснодв҃ы, въ на́ше вѣ́рныхъ спасе́нїе, пѣ́сньми немо́лчными велича́емъ.

Да ѻ҆́ныѧ жи́зни ꙗ҆ви́шисѧ наслѣ́дникъ, ᲂу҆мерщвлє́нныѧ пре́жде де́мѡнскими прилѡ́ги, ѡ҆живи́лъ є҆сѝ живоно́снымъ твои́мъ сло́вомъ, достоблаже́нне а҆ндроні́че.

Ꙗ҆́кѡ и҆́стиннагѡ бы́въ вїногра́да, преблаже́нне, лоза̀ бл҃гора́сленна, вїно̀ безсме́ртїѧ и҆ска́палъ є҆сѝ, и҆ человѣ́кѡвъ сердца̀ возвесели́лъ є҆сѝ, прехва́льне а҆ндроні́че.

Ты̀ ꙗ҆́кѡ мо́лнїѧ попали́въ ве́щь многобо́жїѧ, ꙗ҆́вѣ показа́лъ є҆сѝ свѣ́тъ бг҃оразꙋ́мїѧ, сꙋ́щымъ во тмѣ̀ житїѧ̀: тѣ́мъ тѧ̀ прославлѧ́емъ всѝ, а҆ндроні́че.

Свѧще́ннаѧ твоѧ̀ па́мѧть простира́ема въ концы̀ дне́сь, просвѣща́етъ сердца̀, въ не́й тѧ̀ свѧще́ннѡ восхвалѧ́ющихъ, достобл҃же́нне а҆ндроні́че.

Бг҃оро́диченъ: Просвѣще́нїе на́мъ и҆спросѝ, ꙗ҆́же свѣ́тъ ро́ждшаѧ, и҆ согрѣше́нїй ѡ҆ставле́нїе, и҆ дꙋша́мъ спасе́нїе, вѣ́дꙋщымъ тѧ̀ и҆́стиннꙋю бцⷣꙋ, чⷭ҇таѧ дв҃о всенепоро́чнаѧ.

Жизнь и тру­ды апо­сто­лов – Свя­той апо­стол Ан­д­ро­ник

Жития апостола от 70-ти Андроника и супруги его Юнии

Свя­той апо­стол от 70-ти Ан­д­ро­ник и его по­мощ­ни­ца в апо­столь­ских тру­дах свя­тая Юния бы­ли род­ствен­ни­ка­ми апо­сто­ла Пав­ла. Они мно­го по­тру­ди­лись, про­по­ве­дуя Еван­ге­лие языч­ни­кам, о чем упо­ми­на­ет апо­стол Па­вел в По­сла­нии к Рим­ля­нам: "При­вет­ствуй­те Ан­д­ро­ни­ка и Юнию, срод­ни­ков мо­их и уз­ни­ков со мною, про­сла­вив­ших­ся меж­ду Апо­сто­ла­ми и преж­де ме­ня еще уве­ро­вав­ших во Хри­ста" (Рим.16,7). Свя­той Ан­д­ро­ник был ру­ко­по­ло­жен во епи­ско­па Пан­но­нии, но про­по­ведь его и свя­той Юнии рас­про­стра­ни­лась и в дру­гие стра­ны, да­ле­ко за пре­де­лы его епар­хии. Тру­да­ми свя­тых Ан­д­ро­ни­ка и Юнии утвер­жда­лась Цер­ковь Хри­сто­ва, языч­ни­ки об­ра­ща­лись к бо­го­по­зна­нию, мно­гие язы­че­ские ка­пи­ща пре­кра­ти­ли свое су­ще­ство­ва­ние, вме­сто них воз­ни­ка­ли хри­сти­ан­ские хра­мы. Из служ­бы в честь этих свя­тых из­вест­но, что они му­че­ни­че­ски по­стра­да­ли за Имя Хри­сто­во.

В V ве­ке, при им­пе­ра­то­рах Ар­ка­дии и Го­но­рии, их свя­тые мо­щи бы­ли об­ре­те­ны в пред­ме­стье Кон­стан­ти­но­по­ля вме­сте с мо­ща­ми дру­гих му­че­ни­ков "иже во Ев­ге­ни­е­вых" (па­мять 22 фев­ра­ля).

Бла­го­че­сти­во­му кли­ри­ку Ни­ко­лаю Кал­ли­гра­ду бы­ло от­кро­ве­ние о том, что сре­ди этих 17 му­че­ни­ков на­хо­дят­ся так­же мо­щи свя­то­го апо­сто­ла Ан­д­ро­ни­ка. Впо­след­ствии на этом ме­сте был по­стро­ен ве­ли­че­ствен­ный храм.

 

Жития апостолов от 70-ти Силы, Силуана, Крискента, Епенета и Андроника

Апо­стол от 70-ти свя­той Си­ла был в пер­во­на­чаль­ной Иеру­са­лим­ской Церк­ви му­жем ува­жа­е­мым, "на­чаль­ству­ю­щим меж­ду бра­ти­я­ми" (Деян.15,22). По­сле со­сто­яв­ше­го­ся в Иеру­са­ли­ме в 51 го­ду Со­бо­ра апо­сто­лов по во­про­су о необ­хо­ди­мо­сти со­блю­де­ния Мо­и­се­е­ва за­ко­на хри­сти­а­на­ми из языч­ни­ков апо­сто­лы от­пра­ви­ли по­сла­ние ан­тио­хий­ским хри­сти­а­нам через апо­сто­лов Пав­ла и Вар­на­ву, в ко­то­ром со­об­ща­ли, что ре­ше­ни­ем Со­бо­ра хри­сти­ане из языч­ни­ков осво­бож­да­лись от со­блю­де­ния пред­пи­са­ний Мо­и­се­е­ва за­ко­на. Бы­ло по­ста­нов­ле­но для них воз­дер­жи­вать­ся от вку­ше­ния идо­ло­жерт­вен­но­го, от блу­да, от удав­ле­ни­ны и кро­ви и не де­лать дру­гим то­го, че­го се­бе не же­ла­ют (Деян.15,20-29). Вме­сте с апо­сто­ла­ми Пав­лом и Вар­на­вой в Ан­тио­хию бы­ли по­сла­ны Со­бо­ром чле­ны Иеру­са­лим­ской Церк­ви свя­тые Си­ла и Иуда для разъ­яс­не­ния по­сла­ния сло­вес­но, что они оба и ис­пол­ни­ли при со­дей­ствии бла­го­да­ти Свя­то­го Ду­ха. За­тем свя­той Иуда был от­пу­щен в Иеру­са­лим, а свя­той Си­ла остал­ся в Ан­тио­хии и рев­ност­но по­мо­гал апо­сто­лу язы­ков в его мис­си­о­нер­ских пу­те­ше­стви­ях с Еван­гель­ской про­по­ве­дью. Апо­сто­лы по­се­ти­ли Си­рию, Ки­ли­кию, Ма­ке­до­нию.

В го­ро­де Филип­пах их об­ви­ни­ли в том, что они воз­му­ща­ют на­род, за что свя­тых апо­сто­лов схва­ти­ли, би­ли пал­ка­ми, а за­тем бро­си­ли в тем­ни­цу. В пол­ночь, ко­гда свя­тые апо­сто­лы Па­вел и Си­ла мо­ли­лись, вне­зап­но про­изо­шло силь­ное зем­ле­тря­се­ние, око­вы спа­ли с них и две­ри тем­ни­цы рас­тво­ри­лись. Тем­нич­ный сто­рож, ис­пу­гав­шись, что уз­ни­ки бе­жа­ли, хо­тел по­кон­чить с со­бой, но был удер­жан апо­сто­лом Пав­лом. То­гда, с тре­пе­том при­пав к но­гам апо­сто­лов, он с ве­рой при­нял от них бла­го­ве­стие о Хри­сте, вы­вел их из тем­ни­цы, при­вел в свой дом, омыл их ра­ны и кре­стил­ся со все­ми сво­и­ми до­маш­ни­ми.

Из Филипп апо­сто­лы Па­вел и Си­ла по­шли в го­ро­да Ам­фи­поль, Апол­ло­нию и Со­лунь, при­об­ре­тая в каж­дом го­ро­де но­вых уче­ни­ков Хри­сто­вых и утвер­ждая Церк­ви.

В Ко­рин­фе свя­той апо­стол Си­ла был ру­ко­по­ло­жен во епи­ско­па, там он, со­вер­шив мно­гие зна­ме­ния и чу­де­са, кон­чил свою жизнь.

Свя­той апо­стол Си­лу­ан про­по­ве­до­вал Сло­во Бо­жие вме­сте с вер­хов­ны­ми апо­сто­ла­ми Пет­ром и Пав­лом. В 1-м Со­бор­ном По­сла­нии свя­той апо­стол Петр упо­ми­на­ет о нем: "Сие крат­ко на­пи­сал я вам через Си­лу­а­на, вер­но­го, как ду­маю, ва­ше­го бра­та" (1Пет.5,12). Свя­той Си­лу­ан был по­став­лен епи­ско­пом в Со­лунь и там му­че­ни­че­ски скон­чал­ся, пре­тер­пев мно­го скор­бей и на­па­стей ра­ди Гос­по­да.

О свя­том апо­сто­ле Кри­с­кен­те упо­ми­на­ет свя­той апо­стол Па­вел во 2-м По­сла­нии к Ти­мо­фею (2Тим.4,10), го­во­ря, что Кри­с­кент по­шел с про­по­ве­дью в Га­ла­тию. Там он был по­став­лен епи­ско­пом, а за­тем про­по­ве­до­вал Сло­во Бо­жие в Гал­лии. В го­ро­де Ви­енне апо­стол Кри­с­кент по­ста­вил епи­ско­пом сво­е­го уче­ни­ка За­ха­рию. Воз­вра­тив­шись в Га­ла­тию, он му­че­ни­че­ски скон­чал­ся при ца­ре Тра­яне (98–117).

Свя­той апо­стол Епенет был по­став­лен епи­ско­пом в Кар­фа­ген. В По­сла­нии к Рим­ля­нам (Рим.16,5) свя­той апо­стол Па­вел пи­шет: "При­вет­ствуй­те воз­люб­лен­но­го мо­е­го Епе­не­та, ко­то­рый есть на­ча­ток Аха­ии для Хри­ста". В том же По­сла­нии апо­стол Па­вел вспо­ми­на­ет и апо­сто­ла Ан­д­ро­ни­ка: "При­вет­ствуй­те Ан­д­ро­ни­ка и Юнию, срод­ни­ков мо­их и уз­ни­ков со мною, про­сла­вив­ших­ся меж­ду апо­сто­ла­ми и преж­де ме­ня еще уве­ро­вав­ших во Хри­ста" (Рим.16,7). Свя­той апо­стол Ан­д­ро­ник был епи­ско­пом в Па­нон­нии (па­мять свя­тых Ан­д­ро­ни­ка и Юнии 17 мая).

См. так­же: "Па­мять свя­то­го апо­сто­ла Ан­д­ро­ни­ка и Иунии, по­мощ­ни­цы его" в из­ло­же­нии свт. Ди­мит­рия Ро­стов­ско­го.

См. так­же: "Свя­тые апо­сто­лы Си­ла, Си­лу­ан, Кри­с­кент и дру­гие с ни­ми" в из­ло­же­нии свт. Ди­мит­рия Ро­стов­ско­го.