Канон святому мученику Иустину Философу, Великому, Римскому и другому мученику Иустину, и иже с ними

Припев: Святы́й му́чениче Иусти́не, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 14 июня (01 июня ст. ст.)

Глас 2.

Пе́снь 1.

Ирмо́с: Гряди́те, лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися.

Му́ченическими укра́шени светлостьми́, чи́стому предстоите́, му́ченицы, престо́лу Влады́ки все́х, на́ших согреше́ний разреше́ние подаю́ще.

Благочести́вии и́стины побо́рницы, пред мучи́тельским суди́щем подви́гшеся единому́дренно, низложи́ша пре́лесть диа́волю си́лою духо́вною.

Ра́нами, и я́звами, и скорбьми́ благозва́ннии искупи́ша великому́ченицы Христо́во Ца́рство, в не́мже венцено́сцы ны́не живу́т.

Богоро́дичен: Ущедря́я Твои́х ру́к созда́ние, в ми́лости Бога́тый, во утро́бу всели́лся еси́ Неискусому́жныя Де́вы и Сию́ Предста́тельницу на́м показа́л еси́.

Пе́снь 3.

Ирмо́с: Утверди́ на́с в Тебе́, Го́споди, дре́вом умерщвле́й гре́х, и стра́х Тво́й всади́ в сердца́ на́с, пою́щих Тя́.

Утвержде́ние Христа́ в се́рдцы твое́м нося́, му́жески сопроти́вился еси́, Иусти́не, истяза́ющему, беззако́нновати пребеззако́нно тебе́ веля́щему.

Ли́к богосия́нен, во́инство богоизбра́нное святы́х му́ченик, святы́й собо́р собра́вся ны́не, победи́ враги́ безпло́тныя с те́лом.

Те́ло ра́нам веледу́шнии преда́вше, ра́довахуся, прозря́ще ве́чное наслажде́ние, и бу́дущую сла́ву, и све́тлость.

Богоро́дичен: О́блаки души́ моея́ разори́, Со́лнца сла́вы ле́гкий о́блаче, и у́м мо́й све́том наста́ви, почерне́нием зло́бы омраче́нный.

Седа́лен, гла́с 5.

Иусти́н и Харито́н, Пео́н, Еве́лпист, Хари́та, и Иера́кс, и Валериа́н, свети́льницы све́тлии, озаря́ющии концы́ земны́я луча́ми подвиго́в свои́х, велегла́сно да восхва́лятся ве́рою, Христу́ моля́щеся спасти́ся на́м.

Богоро́дичен: Те́плая Предста́тельнице и непобеди́мая, упова́ние изве́стное и непосты́дное, стено́, и покро́ве, и приста́нище прибега́ющим к Тебе́, Присноде́во Чи́стая, Сы́на Твоего́ и Бо́га моли́ со а́нгелы умире́ние да́ти ми́рови, и спасе́ние, и ве́лию ми́лость.

Крестобогоро́дичен: На Кресте́ зря́щи Тя́, Христе́, Ма́ти Твоя́, во́лею посреде́ разбо́йнику ви́сяща, растерза́ющися утро́бою ма́терски, глаго́лаше: безгре́шный Сы́не, ка́ко непра́ведно на Кресте́, я́коже злоде́й, пригвожде́н еси́, челове́ческий ро́д хотя́ оживи́ти, я́ко Благоутро́бен?

Пе́снь 4.

Ирмо́с: Услы́шах, Го́споди, слу́х Твоего́ смотре́ния, и просла́вих Тя́, Еди́не Человеколю́бче.

Иусти́на, и Харито́на, и Хари́ты, и Пео́на страда́нием а́нгельстии чи́нове удиви́шася.

Сокруша́ема телеса́ ра́нами боже́ственное исхода́тайствоваша до́блим блаже́нство.

Я́коже мы́сленное у́глие, боже́ственным огне́м попали́сте ле́сть и свети́ла ми́ра, му́ченицы, яви́стеся.

Еве́лписта, Иера́кса, непрекло́нных му́ченик му́жеству тмы́ кня́зи убоя́шася.

Богоро́дичен: И́же о́гнь Божества́ во утро́бе, Де́во, прие́мшая, огня́ мя́ изба́ви и му́ки.

Пе́снь 5.

Ирмо́с: Све́та Пода́телю и веко́в Тво́рче, Го́споди, во све́те Твои́х повеле́ний наста́ви на́с: ра́зве бо Тебе́, ино́го Бо́га не зна́ем.

Ду́ха Боже́ственнаго испо́лнився, лука́вствия лю́тыя ду́хи тече́нии крове́й твои́х, му́чениче Иусти́не, удави́л еси́, блаже́нне, пострада́в кре́пко.

Благода́ти тезоимени́тая, благода́ти Бо́жия испо́лнена бы́сть, и, же́нскую забы́вши я́ве не́мощь, пострада́ зако́нно, и сла́ву получи́.

Облагода́тив ду́шу испове́дании свяще́нными, притупи́л еси́ ве́тхаго врага́ зло́бу, Харито́не страда́льне, боже́ственных страстоте́рпец честно́е удобре́ние.

Богоро́дичен: Я́же Спа́са Христа́, уподо́бльшася земны́м, ро́ждшая, премно́жеством бога́тства милосе́рдия, Того́, я́ко Бо́га, Чи́стая, моли́ спасти́ рабы́ Твоя́.

Пе́снь 6.

Ирмо́с: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же, мя́ возведи́.

Иусти́на и Харито́на, Пео́на и Валериа́на, Хари́ты же, и Иера́кса, и Еве́лписта вси́ пресве́тлую па́мять просла́вим.

Безво́лненно муче́ния пучи́ну боже́ственным правле́нием проидо́сте, му́ченицы, и ко приста́нищу благоути́шному Христо́ва Ца́рства доидо́сте.

Я́коже неле́стныя зве́зды, сия́юще Це́ркви честны́м утвержде́нием, вселе́нную всю́ светосия́нием страда́ния просвеща́ете.

Богоро́дичен: Безме́рнаго окамене́ния изба́ви мя́, одержи́маго мно́гими согреше́нии, Богороди́тельнице Влады́чице, и гее́нскому огню́ подлежа́щаго.

Конда́к, гла́с 2:

Прему́дростию боже́ственных твои́х слове́с, Иусти́не, Це́рковь Бо́жия вся́ украси́вшися, жития́ твоего́ све́тлостию ми́р освеща́ет, излия́ния же ра́ди кро́ве вене́ц прие́м и со а́нгелы предстоя́ Христу́, моли́ непреста́нно о все́х на́с.

Пе́снь 7.

Ирмо́с: Те́лу злато́му прему́дрыя де́ти не послужи́ша, и в пла́мень са́ми поидо́ша, и бо́ги и́х обруга́ша, среди́ пла́мене возопи́ша и ороси́ я́ а́нгел: услы́шася уже́ у́ст ва́ших моли́тва.

Пре́лести глубину́ крове́й реко́ю изсуши́сте, то́ки чуде́с источи́сте, угаша́юще у́глие, му́ченицы, лю́тых страсте́й вопию́щим всегда́: благослове́н Бо́г оте́ц на́ших.

Божества́ огне́м любве́, му́дрии, ве́щь зло́бы доблему́дренно попали́сте и, я́ко огнесия́нни, возсия́вше, все́х вопию́щих сердца́ благоче́стно просвети́сте: благослове́н Бо́г оте́ц на́ших.

Му́дростию Бо́жиею Иусти́н му́дрый укра́шен, е́ллинское обуи́ мудрова́ние благода́тию, уве́рив покланя́тися Тро́ице и правосла́вно зва́ти: благослове́н Бо́г оте́ц на́ших.

Богоро́дичен: Де́во Честна́я, Неискусобра́чная, Чи́стая, Благослове́нная, низпа́дающих исправле́ние, согреша́ющих проще́ние, спаси́ мя, блу́днаго, спаси́ Сы́ну Твоему́ зову́ща: благослове́н Бо́г оте́ц на́ших.

Пе́снь 8.

Ирмо́с: В пе́щь о́гненную ко отроко́м евре́йским снизше́дшаго и пла́мень в ро́су прело́жшаго Бо́га, по́йте дела́ я́ко Го́спода, и превозноси́те во вся́ ве́ки.

Я́коже в пещи́ о́гненней, в му́ках терпели́вно искуси́вшеся, страстоте́рпцы Госпо́дни, па́че зла́та вои́стинну боже́ственно, вопию́ще, облиста́сте: Христа́ превозно́сим во вся́ ве́ки.

Со Иусти́ном му́дрым да воспое́тся Хари́та, и Харито́н, и Пео́н, и Иера́кс вели́кий с Валериа́ном, страда́нием ле́сть отгна́вшии и а́нгельским лико́м совоку́пльшиися.

К ве́чней жи́зни ведо́ми, му́дрии, доблему́дренно вы́и мечу́ единомы́слием души́ вси́ преклони́сте, му́ченицы, я́ко же́ртвы, Бо́гу приве́дшеся.

Богоро́дичен: Живота́ су́щи исто́чник, я́ко во́ду жи́зни поро́ждши, ду́шу мою́, иста́явшую грехо́вным пла́менем, Де́во Богоро́дице, напо́й, да Тя́ сла́влю во вся́ ве́ки.

Пе́снь 9.

Ирмо́с: От Бо́га Бо́га Сло́ва, неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося на́с ра́ди, ве́рнии, единому́дренно пе́сньми велича́ем.

Боже́ственною сия́юще сла́вою, сту́день пре́лести разруши́сте, до́блии страда́льцы, и о́бщницы бы́сте свяще́нных страсте́й пло́ть прии́мшаго на́с ра́ди, с Ни́м ве́чно на небесе́х ра́дуетеся.

Иусти́нове му́дрости, и Хари́ты му́жеству, и Харито́нове де́рзости вои́стинну, Пео́ны же и Иера́кса до́блим подвиго́м и Валериа́на к лю́тым мно́гому терпе́нию и а́нгели чуди́шася.

Я́коже на колесни́цу боже́ственную все́дше сла́вно, кро́вию ва́шею к небеси́ ра́достно востеко́сте и руко́ю живоно́сною побе́дныя прия́сте, му́дрии, венцы́, непреста́нно о на́с моля́щеся.

Богоро́дичен: Неискусому́жно Сло́во па́че сло́ва ро́ждшая, Де́во Неискусобра́чная, Чи́стая, напа́стей изми́ на́с, и вся́ких бе́д, и вре́да душетле́нна, и страсте́й, и ве́чнующаго пла́мене, и осужде́ния.

Пѣ́снь а҃.

І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ.

Мꙋ́ченическими ᲂу҆кра́шени свѣтлостьмѝ, чи́стомꙋ предстоитѐ, мꙋ́чєницы, престо́лꙋ влⷣки всѣ́хъ, на́шихъ согрѣше́нїй разрѣше́нїе подаю́ще.

Благочести́вїи и҆́стины побѡ́рницы, предъ мꙋчи́тельскимъ сꙋди́щемъ подви́гшесѧ є҆диномꙋ́дреннѡ, низложи́ша пре́лесть дїа́волю си́лою дꙋхо́вною.

Ра́нами, и҆ ꙗ҆́звами, и҆ скорбьмѝ, благозва́ннїи и҆скꙋпи́ша великомꙋ́чєницы хрⷭ҇то́во црⷭ҇тво, въ не́мже вѣнцено́сцы ны́нѣ живꙋ́тъ.

Бг҃оро́диченъ: Оу҆щедрѧ́ѧ твои́хъ рꙋ́къ созда́нїе, въ ми́лости бога́тый, во ᲂу҆тро́бꙋ всели́лсѧ є҆сѝ неискꙋсомꙋ́жныѧ дв҃ы, и҆ сїю̀ предста́тельницꙋ на́мъ показа́лъ є҆сѝ.

Пѣ́снь г҃.

І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщвле́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀.

Оу҆твержде́нїе хрⷭ҇та̀ въ се́рдцы твое́мъ носѧ̀, мꙋ́жески сопроти́вилсѧ є҆сѝ, і҆ꙋсті́не, и҆стѧза́ющемꙋ, беззако́нновати пребеззако́ннѡ тебѣ̀ велѧ́щемꙋ.

Ли́къ бг҃осїѧ́ненъ, во́инство бг҃оизбра́нное ст҃ы́хъ мꙋ́чєникъ, ст҃ы́й собо́ръ собра́всѧ ны́нѣ, побѣдѝ врагѝ безплѡ́тныѧ съ тѣ́ломъ.

Тѣ́ло ра́намъ, веледꙋ́шнїи, преда́вше, ра́довахꙋсѧ, прозрѧ́ще вѣ́чное наслажде́нїе, и҆ бꙋ́дꙋщꙋю сла́вꙋ, и҆ свѣ́тлость.

Бг҃оро́диченъ: Ѻ҆́блаки дꙋшѝ моеѧ̀ разорѝ, со́лнца сла́вы ле́гкїй ѻ҆́блаче, и҆ ᲂу҆́мъ мо́й свѣ́томъ наста́ви, почерне́нїемъ ѕло́бы ѡ҆мраче́нный.

Сѣда́ленъ, гла́съ є҃.

І҆ꙋсті́нъ и҆ харїтѡ́нъ, пеѡ́нъ, є҆ѵе́лпїстъ, харі́та и҆ і҆ера́ѯъ, и҆ валерїа́нъ, свѣти́льницы свѣ́тлїи, ѡ҆зарѧ́ющїи концы̀ земны̑ѧ лꙋча́ми подвигѡ́въ свои́хъ, велегла́снѡ да восхва́лѧтсѧ вѣ́рою, хрⷭ҇тꙋ̀ молѧ́щесѧ, спасти́сѧ на́мъ.

Бг҃оро́диченъ: Те́плаѧ предста́тельнице и҆ непобѣди́маѧ, ᲂу҆пова́нїе и҆звѣ́стное и҆ непосты́дное, стѣно̀, и҆ покро́ве, и҆ приста́нище, прибѣга́ющымъ къ тебѣ̀, приснодв҃о чⷭ҇таѧ, сн҃а твоего̀ и҆ бг҃а молѝ со а҆́гг҃лы, ᲂу҆мире́нїе да́ти мі́рови и҆ спасе́нїе, и҆ ве́лїю ми́лость.

Крⷭ҇тобг҃оро́диченъ: На крⷭ҇тѣ̀ зрѧ́щи тѧ̀, хрⷭ҇тѐ, мт҃и твоѧ̀, во́лею посредѣ̀ разбѡ́йникꙋ ви́сѧща, растерза́ющисѧ ᲂу҆тро́бою ма́терски, глаго́лаше: безгрѣ́шный сн҃е, ка́кѡ непра́веднѡ на крⷭ҇тѣ̀, ꙗ҆́коже ѕлодѣ́й пригвожде́нъ є҆сѝ, человѣ́ческїй ро́дъ хотѧ̀ ѡ҆живи́ти, ꙗ҆́кѡ благоꙋтро́бенъ;

Пѣ́снь д҃.

І҆рмо́съ: Оу҆слы́шахъ, гдⷭ҇и, слꙋ́хъ твоегѡ̀ смотре́нїѧ, и҆ просла́вихъ тѧ̀, є҆ди́не чл҃вѣколю́бче.

І҆ꙋсті́на, и҆ харїтѡ́на, и҆ харі́ты, и҆ пеѡ́на, страда́нїємъ а҆́гг҃льстїи чи́нове ᲂу҆диви́шасѧ.

Сокрꙋша́ема тѣлеса̀ ра́нами, бжⷭ҇твенное и҆схода́тайствоваша до́блимъ блаже́нство.

Ꙗ҆́коже мы́сленное ᲂу҆́глїе, бжⷭ҇твеннымъ ѻ҆гне́мъ попали́сте ле́сть, и҆ свѣти̑ла мі́ра, мꙋ́чєницы ꙗ҆ви́стесѧ.

Є҆ѵе́лпїста, і҆ера́ѯа, непрекло́нныхъ мꙋ́чєникъ мꙋ́жествꙋ, тмы̀ кнѧ́зи ᲂу҆боѧ́шасѧ.

Бг҃оро́диченъ: И҆́же ѻ҆́гнь бжⷭ҇тва̀ во ᲂу҆тро́бѣ, дв҃о, прїе́мшаѧ, ѻ҆гнѧ̀ мѧ̀ и҆зба́ви и҆ мꙋ́ки.

Пѣ́снь є҃.

І҆рмо́съ: Свѣ́та пода́телю и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ.

Дх҃а бжⷭ҇твеннагѡ и҆спо́лнивсѧ, лꙋка́вствїѧ лю̑тыѧ дꙋ́хи течє́нїи крове́й твои́хъ, мꙋ́чениче і҆ꙋсті́не, ᲂу҆дави́лъ є҆сѝ, блаже́нне, пострада́въ крѣ́пкѡ.

Благода́ти тезоимени́таѧ, благода́ти бж҃їѧ и҆спо́лнена бы́сть: и҆ же́нскꙋю забы́вши ꙗ҆́вѣ не́мощь, пострада̀ зако́ннѡ, и҆ сла́вꙋ полꙋчѝ.

Ѡ҆благода́тивъ дꙋ́шꙋ и҆сповѣ̑данїи свѧще́нными, притꙋпи́лъ є҆сѝ ве́тхагѡ врага̀ ѕло́бꙋ, харїтѡ́не страда́льне, бжⷭ҇твенныхъ страстоте́рпєцъ честно́е ᲂу҆добре́нїе.

Бг҃оро́диченъ: Ꙗ҆́же сп҃са хрⷭ҇та̀ ᲂу҆подо́бльшасѧ земны̑мъ ро́ждшаѧ премно́жествомъ бога́тства милосе́рдїѧ: того̀ ꙗ҆́кѡ бг҃а, чⷭ҇таѧ, молѝ спастѝ рабы̑ твоѧ̑.

Пѣ́снь ѕ҃.

І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ.

І҆ꙋсті́на и҆ харїтѡ́на, пеѡ́на и҆ валерїа́на, харі́ты же и҆ і҆ера́ѯа, и҆ є҆ѵе́лпїста, всѝ пресвѣ́тлꙋю па́мѧть просла́вимъ.

Безво́лненнѡ мꙋче́нїѧ пꙋчи́нꙋ бжⷭ҇твеннымъ правле́нїемъ проидо́сте, мꙋ́чєницы, и҆ ко приста́нищꙋ благоꙋти́шномꙋ хрⷭ҇то́ва црⷭ҇тва доидо́сте.

Ꙗ҆́коже нелє́стныѧ ѕвѣ́зды сїѧ́юще, це́ркви честны́мъ ᲂу҆твержде́нїемъ, вселе́ннꙋю всю̀ свѣтосїѧ́нїемъ страда́нїѧ просвѣща́ете.

Бг҃оро́диченъ: Безмѣ́рнагѡ ѡ҆камене́нїѧ и҆зба́ви мѧ̀, ѡ҆держи́маго мно́гими согрѣшє́нїи, бг҃ороди́тельнице влⷣчце, и҆ гее́нскомꙋ ѻ҆гню̀ подлежа́щаго.

Конда́къ, гла́съ в҃:

Премꙋ́дростїю бжⷭ҇твенныхъ твои́хъ слове́съ, і҆ꙋсті́не, цр҃ковь бж҃їѧ всѧ̀ ᲂу҆краси́вшисѧ, житїѧ̀ твоегѡ̀ свѣ́тлостїю мі́ръ ѡ҆свѣща́етъ: и҆злїѧ́нїѧ же ра́ди кро́ве вѣне́цъ прїе́мъ, и҆ со а҆́гг҃лы предстоѧ̀ хрⷭ҇тꙋ̀, молѝ непреста́ннѡ ѡ҆ всѣ́хъ на́съ.

Пѣ́снь з҃.

І҆рмо́съ: Тѣ́лꙋ злато́мꙋ премꙋ̑дрыѧ дѣ́ти не послꙋжи́ша, и҆ въ пла́мень са́ми поидо́ша, и҆ бо́ги и҆́хъ ѡ҆брꙋга́ша, средѝ пла́мене возопи́ша, и҆ ѡ҆росѝ ѧ҆̀ а҆́гг҃лъ: ᲂу҆слы́шасѧ ᲂу҆жѐ ᲂу҆́стъ ва́шихъ моли́тва.

Пре́лести глꙋбинꙋ̀ крове́й рѣко́ю и҆зсꙋши́сте, то́ки чꙋде́съ и҆сточи́сте, ᲂу҆гаша́юще ᲂу҆́глїе, мꙋ́чєницы, лю́тыхъ страсте́й вопїю́щымъ всегда̀: благослове́нъ бг҃ъ ѻ҆тє́цъ на́шихъ.

Бжⷭ҇тва̀ ѻ҆гне́мъ любвѐ, мꙋ́дрїи, ве́щь ѕло́бы доблемꙋ́дреннѡ попали́сте, и҆ ꙗ҆́кѡ ѻ҆гнесїѧ́нни возсїѧ́вше, всѣ́хъ вопїю́щихъ сердца̀ благоче́стнѡ просвѣти́сте: благослове́нъ бг҃ъ ѻ҆тє́цъ на́шихъ.

Мꙋ́дростїю бж҃їею і҆ꙋсті́нъ мꙋ́дрый ᲂу҆кра́шенъ, є҆́ллинское ѡ҆бꙋѝ мꙋдрова́нїе благода́тїю, ᲂу҆вѣ́ривъ покланѧ́тисѧ трⷪ҇цѣ, и҆ правосла́внѡ зва́ти: благослове́нъ бг҃ъ ѻ҆тє́цъ на́шихъ.

Бг҃оро́диченъ: Дв҃о чⷭ҇тна́ѧ, неискꙋсобра́чнаѧ, чⷭ҇таѧ, благослове́ннаѧ, низпа́дающихъ и҆справле́нїе, согрѣша́ющихъ проще́нїе, спаси́ мѧ блꙋ́днаго, спасѝ сн҃ꙋ твоемꙋ̀ зовꙋ́ща: благослове́нъ бг҃ъ ѻ҆тє́цъ на́шихъ.

Пѣ́снь и҃.

І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте, дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки.

Ꙗ҆́коже въ пещѝ ѻ҆́гненнѣй, въ мꙋ́кахъ терпѣли́внѡ и҆скꙋси́вшесѧ, страстоте́рпцы гдⷭ҇ни, па́че зла́та вои́стиннꙋ бжⷭ҇твеннѡ, вопїю́ще, ѡ҆блиста́сте: хрⷭ҇та̀ превозно́симъ во всѧ̑ вѣ́ки.

Со і҆ꙋсті́номъ мꙋ́дрымъ да воспое́тсѧ харі́та, и҆ харїтѡ́нъ, и҆ пеѡ́нъ, и҆ і҆ера́ѯъ вели́кїй съ валерїа́номъ, страда́нїемъ ле́сть ѿгна́вшїи, и҆ а҆́гг҃льскимъ ликѡ́мъ совокꙋ́пльшїисѧ.

Къ вѣ́чнѣй жи́зни ведо́ми, мꙋ́дрїи, доблемꙋ́дреннѡ вы̑и мечꙋ̀, є҆диномы́слїемъ дꙋшѝ, всѝ преклони́сте, мꙋ́чєницы, ꙗ҆́кѡ жє́ртвы бг҃ꙋ приве́дшесѧ.

Бг҃оро́диченъ: Живота̀ сꙋ́щи и҆сто́чникъ, ꙗ҆́кѡ во́дꙋ жи́зни поро́ждши дꙋ́шꙋ мою̀ и҆ста́ѧвшꙋю грѣхо́внымъ пла́менемъ, дв҃о бцⷣе, напо́й, да тѧ̀ сла́влю во всѧ̑ вѣ́ки.

Пѣ́снь ѳ҃.

І҆рмо́съ: Ѿ бг҃а бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ.

Бжⷭ҇твенною сїѧ́юще сла́вою стꙋ́день пре́лести разрꙋши́сте, до́блїи страда́льцы, и҆ ѻ҆́бщницы бы́сте свѧще́нныхъ страсте́й пло́ть прїи́мшагѡ на́съ ра́ди, съ ни́мъ вѣ́чнѡ на нб҃сѣ́хъ ра́дꙋетесѧ.

І҆ꙋсті́новѣ мꙋ́дрости и҆ харі́ты мꙋ́жествꙋ, и҆ харїтѡ́новѣ де́рзости вои́стиннꙋ, пеѡ́ны же и҆ і҆ера́ѯа до́блимъ подвигѡ́мъ, и҆ валерїа́на къ лю̑тымъ мно́гомꙋ терпѣ́нїю, и҆ а҆́гг҃ли чꙋди́шасѧ.

Ꙗ҆́коже на колесни́цꙋ бжⷭ҇твеннꙋю всѣ́дше сла́внѡ, кро́вїю ва́шею къ нб҃сѝ ра́достнѡ востеко́сте, и҆ рꙋко́ю живоно́сною побѣ̑дныѧ прїѧ́сте, мꙋ́дрїи, вѣнцы̀, непреста́ннѡ ѡ҆ на́съ молѧ́щесѧ.

Бг҃оро́диченъ: Неискꙋсомꙋ́жнѡ сло́во па́че сло́ва ро́ждшаѧ, дв҃о неискꙋсобра́чнаѧ, чⷭ҇таѧ, напа́стей и҆змѝ на́съ и҆ всѧ́кихъ бѣ́дъ, и҆ вре́да дꙋшетлѣ́нна, и҆ страсте́й, и҆ вѣ́чнꙋющагѡ пла́мене, и҆ ѡ҆сꙋжде́нїѧ.

Свя­той му­че­ник Иустин Фило­соф ро­дил­ся в Си­хе­ме – древ­нем го­ро­де Са­ма­рии. Ро­ди­те­ли Иусти­на, гре­ки, бы­ли языч­ни­ка­ми. Свя­той с дет­ства от­ли­чал­ся глу­бо­ким умом, лю­бо­вью к на­у­кам и го­ря­чим стрем­ле­ни­ем к по­зна­нию Ис­ти­ны. Он в со­вер­шен­стве изу­чил раз­лич­ные на­прав­ле­ния гре­че­ской фило­со­фии: сто­и­ков, пе­ри­па­те­ти­ков, пи­фа­го­рей­цев, пла­то­ни­ков – и убе­дил­ся, что ни од­но из этих язы­че­ских уче­ний не от­кры­ва­ет пу­ти к по­зна­нию Ис­тин­но­го Бо­га.

Од­на­жды, про­гу­ли­ва­ясь в уеди­нен­ном ме­сте за го­ро­дом и раз­мыш­ляя о том, где ис­кать путь к по­зна­нию Ис­ти­ны, он встре­тил стар­ца, ко­то­рый в про­дол­жи­тель­ной бе­се­де рас­крыл Иусти­ну сущ­ность хри­сти­ан­ско­го уче­ния и по­со­ве­то­вал ис­кать раз­ре­ше­ния всех во­про­сов жиз­ни в кни­гах Свя­щен­но­го Пи­са­ния. "Но преж­де все­го, – ска­зал ста­рец, – мо­лись при­леж­но Бо­гу, чтобы Он от­крыл те­бе две­ри Све­та. Ис­ти­ну ни­кто не мо­жет по­стиг­нуть, ес­ли не даст ему ра­зу­ме­ния Сам Бог, Ко­то­рый от­кры­ва­ет ее каж­до­му, кто ищет Его с мо­лит­вою и лю­бо­вью".

На 30-м го­ду жиз­ни Иустин при­нял Свя­тое Кре­ще­ние (меж­ду 133 и 137 го­да­ми). С то­го вре­ме­ни свои да­ро­ва­ния и об­шир­ные фило­соф­ские по­зна­ния свя­той Иустин по­свя­тил про­по­ве­ди Еван­ге­лия сре­ди языч­ни­ков. Он на­чал стран­ство­вать по Рим­ской им­пе­рии, всю­ду сея се­ме­на спа­си­тель­ной ве­ры. "Кто мо­жет воз­ве­щать ис­ти­ну и не воз­ве­ща­ет, тот бу­дет осуж­ден Бо­гом", – пи­сал он.

Иустин от­крыл учи­ли­ще, где про­по­ве­до­вал хри­сти­ан­скую фило­со­фию. Свя­той Иустин по­сле­до­ва­тель­но от­ста­и­вал ис­тин­ность и спа­си­тель­ность хри­сти­ан­ско­го уче­ния, убе­ди­тель­но опро­вер­гая и язы­че­ские муд­ро­ва­ния (как, на­при­мер, в спо­ре с фило­со­фом-ки­ни­ком Кри­с­кен­том), и ере­ти­че­ские из­вра­ще­ния хри­сти­ан­ства (в част­но­сти, он вы­сту­пал про­тив уче­ния Мар­ки­о­на-гно­сти­ка).

Око­ло 155 го­да, ко­гда им­пе­ра­тор Ан­то­нин Пий (138–161) от­крыл го­не­ние на хри­сти­ан, свя­той Иустин лич­но по­дал ему "Апо­ло­гию" в за­щи­ту непо­вин­но осуж­ден­ных на казнь хри­сти­ан – Пто­ло­мея и Лу­кия, имя тре­тье­го оста­лось неиз­вест­ным. В "Апо­ло­гии" он до­ка­зы­вал лож­ность воз­во­ди­мых на хри­сти­ан об­ви­не­ний "от име­ни неспра­вед­ли­во нена­ви­ди­мых и го­ни­мых хри­сти­ан". "Апо­ло­гия" ока­за­ла столь бла­го­твор­ное воз­дей­ствие на им­пе­ра­то­ра, что он пре­кра­тил го­не­ние. С ре­ше­ни­ем им­пе­ра­то­ра свя­той Иустин от­пра­вил­ся в Азию, где осо­бен­но силь­но пре­сле­до­ва­ли хри­сти­ан, и сам рас­про­стра­нял ра­дост­ную весть об им­пе­ра­тор­ском ука­зе по окрест­ным го­ро­дам и стра­нам.

В Ефе­се со­сто­ял­ся дис­пут свя­то­го Иусти­на с рав­ви­ном Три­фо­ном. Пра­во­слав­ный фило­соф на ос­но­ве вет­хо­за­вет­ных про­ро­че­ских пи­са­ний до­ка­зы­вал ис­ти­ну хри­сти­ан­ско­го ве­ро­уче­ния. Этот спор из­ло­жен свя­тым Иусти­ном в со­чи­не­нии "Раз­го­вор с Три­фо­ном-иуде­я­ни­ном".

Вто­рая "Апо­ло­гия" свя­то­го Иусти­на бы­ла об­ра­ще­на к рим­ско­му се­на­ту. На­пи­са­на она бы­ла в 161 го­ду, вско­ре по­сле вступ­ле­ния на пре­стол Мар­ка Авре­лия (161–180).

Воз­вра­ща­ясь в Ита­лию, свя­той Иустин, по­доб­но апо­сто­лам, всю­ду про­по­ве­до­вал Еван­ге­лие и сво­им бо­го­дух­но­вен­ным сло­вом мно­гих об­ра­щал к хри­сти­ан­ской ве­ре. Ко­гда свя­той при­шел в Рим, за­ви­до­вав­ший ему Кри­с­кент, ко­то­ро­го Иустин все­гда по­беж­дал в пре­ни­ях, воз­вел на него мно­го лож­ных об­ви­не­ний пе­ред рим­ским су­дом. Свя­той Иустин был взят под стра­жу, под­верг­нут ис­тя­за­ни­ям и при­нял му­че­ни­че­скую смерть († 166).

Кро­ме упо­мя­ну­тых тво­ре­ний, свя­то­му му­че­ни­ку Иусти­ну Фило­со­фу при­над­ле­жит еще ряд со­чи­не­ний: "За­ме­ча­ния о ду­ше", "Об­ли­че­ния про­тив эл­ли­нов", "Речь про­тив эл­ли­нов". Свя­той Иоанн Да­мас­кин со­хра­нил зна­чи­тель­ную часть не до­шед­ше­го до нас со­чи­не­ния свя­то­го Иусти­на "О вос­кре­се­нии". Цер­ков­ный ис­то­рик Ев­се­вий сви­де­тель­ству­ет, что свя­тым Иусти­ном бы­ли на­пи­са­ны кни­ги "Пе­вец", "Об­ли­че­ние всех быв­ших ере­сей" и "Про­тив Мар­ки­о­на".

Мо­щи свя­то­го Иусти­на Фило­со­фа по­ко­ят­ся в Ри­ме. В Рус­ской Церк­ви па­мять му­че­ни­ка осо­бо про­слав­ля­ет­ся в хра­мах его име­ни.

См. так­же: "Жи­тие и стра­да­ние свя­то­го му­че­ни­ка Иусти­на Фило­со­фа" в из­ло­же­нии свт. Ди­мит­рия Ро­стов­ско­го.