Канон святому преподобному Акакию Синайскому

Припев: Преподо́бне о́тче Акáкие, моли́ Бо́га о на́с

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 20 июля (07 июля ст. ст.); 12 декабря (29 ноября ст. ст.)

Глас 4.

Пе́снь 1.

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Незло́бным нра́вом обложи́вся, благообра́зную доброде́телей стяжа́л еси́ добро́ту, Христо́ву во́льному послуша́нию подо́бяся да́же до сме́рти, всеблаже́нне.

Зло́бы обрета́теля посрами́л еси́ беззло́бием твои́м, терпе́нием же, о́тче, искуше́ний того́ го́рдую и вознесе́нную вражду́ к земли́, всеблаже́нне, смири́л еси́.

Воздержа́нием терпели́вным, преподо́бне, предъобуча́яся и страсте́й отсека́я нача́ла, безстра́стия оде́ждею украси́лся еси́ по́слежде, благода́тию Боже́ственною покрыва́емь.

Укре́пль душе́вное устрое́ние терпе́нием тве́рдым и до́блим, всеблаже́нне, по́мыслом, по вся́ дни́ терпе́в му́ченический по́двиг, и вене́чник показа́лся еси́.

Богоро́дичен: Кре́пость твори́тельная и пе́ние, Бо́г и Госпо́дь, И́же на́с ра́ди из Тебе́ воплоще́йся и рожде́йся, проро́чески я́коже Иса́ия, Пречи́стая, благовести́.

Пе́снь 3.

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Всего́ тебе́ сама́го Творцу́ твоему́ и Бо́гу, преподо́бне, возложи́в, терпе́л еси́ томи́тельное уничиже́ние.

Зако́нно страда́льческое терпе́ние, возде́ржниче, показа́л еси́ на земли́, те́мже тебе́ небе́сное весе́лие даде́ся.

Смире́ние и́стинно, долготерпе́ние опа́сно держа́л еси́, терпе́ние, воздержа́ние с послуша́нием, преблаже́нне.

Богоро́дичен: Все́х Соде́тель зи́ждется, на́с ра́ди, Пречи́стая, пло́ть прие́м одушевле́ну из Тебе́, Пресвята́я Богоневе́сто.

Седа́лен, гла́с 4.

Све́тлостию ве́ры и де́тельным све́том яви́лся еси́ равноа́нгелен на земли́ вои́стинну, Ака́кие всему́дре, показа́л еси́ му́жески кре́пкое ума́ твоего́, сокруши́л еси́ напа́дания страсте́й посто́м. Те́мже и по кончи́не, я́ко жи́в, яви́лся еси́, непобеди́ме.

Богоро́дичен: Обнови́ла еси́, Чи́стая, Боже́ственным рождество́м Твои́м истле́вшее во страсте́х земноро́дных ме́ртвенное существо́ и воздви́гла еси́ вся́ от сме́рти к животу́ нетле́ния. Те́мже Тя́ по до́лгу блажи́м вси́, Де́во препросла́вленная, я́коже прорекла́ еси́.

Крестобогоро́дичен: На Кресте́ Тя возвы́шена я́ко узре́ Пречи́стая Ма́ти Твоя́, Сло́ве Бо́жий, ма́терски рыда́ющи, веща́ше: что́ но́вое и стра́нное сие́ чу́до, Сы́не Мо́й? Ка́ко, Жи́знь все́х, вкуша́еши сме́рти, оживи́ти ме́ртвыя хотя́, я́ко Милосе́рд?

Пе́снь 4.

Ирмо́с: Вознесе́на Тя́ ви́девши Це́рковь на Кресте́, Со́лнце Пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Умертви́в, о́тче, му́дрость пло́ти твоея́, твою́ ду́шу оживи́л еси́ и пра́вды вене́ц прия́л еси́, зовы́й, Ака́кие: сла́ва си́ле Твое́й, Го́споди.

По́двиги до́лги прие́мля, и́же по вся́ дни́ терпели́вное пока́зовал еси́ сопротивле́ние, о́тче. Те́мже по сме́рти, я́ко жи́в, возопи́л еси́: сла́ва си́ле Твое́й, Го́споди.

Тве́рдым умо́м томле́ния за Христа́ претерпе́л еси́, Ака́кие блаже́нне, Сего́ помышля́я, на Кресте́ пригвожде́на за спасе́ние ро́да на́шего.

Богоро́дичен: Чисте́йши еси́ небе́с и мы́сленных си́л, я́ко си́х Зижди́теля, Пречи́стая, ро́ждши. Те́мже Ти́ зове́м: ра́дуйся, Богоро́дице Всепе́тая.

Пе́снь 5.

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Ты́, преподо́бне, я́звами му́жески ураня́емь и бие́нии по вся́ дни́ терпя́ кре́пко, преподо́бно почи́л еси́.

Тече́ние до́брое сконча́в, Ака́кие незло́бный, трудо́в свобо́дный и боле́зней восприя́л еси́ поко́й.

У́м тво́й, чи́стым по́мыслом окормля́емь, Ака́кие богоно́се, к Вино́вному все́х благополу́чно устреми́ся.

Богоро́дичен: Ни а́нгельский у́м, ни челове́чь мо́жет рождества́ Твоего́ сказа́ти: превосхо́дит бо вся́ко постиже́ние ра́зума.

Пе́снь 6.

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Усну́л еси́ блаже́нным сно́м, блаже́нне, и по сме́рти яви́лся еси́, послу́шая, о́тче, вопроша́ющих, я́ко не умира́ет послуша́ние име́яй.

Сконча́в до́брыя по́двиги, тезоимени́те, нетле́ннаго, богому́дре, сподо́бился еси́ вои́стинну безсме́ртия, иде́же, ра́дуяся, венцы́ побе́ды восприя́л еси́.

Боже́ственное, и до́брое, и богоуго́дное воздержа́ние жития́ твоего́, блаже́нне, мно́гия утвержда́ет Боже́ственным стра́хом и жела́нием бла́г бу́дущих, Ака́кие.

Богоро́дичен: Вои́стинну Богоро́дицу, Тя́ ве́рою сла́вим, я́ко Бо́га заче́ншую и ро́ждшую Сего́ неискусобра́чно, соеди́ншася из Тебе́, прия́тныя святы́м хра́мом.

Конда́к, гла́с 2.

Ми́р оста́вль, Христу́ после́довал еси́ от младе́нства, прему́дре Ака́кие преподо́бне, Того́ подража́я во́льное смире́ние, низве́ргл еси́ го́рдостнаго мучи́теля, моли́ непреста́нно о все́х на́с.

Пе́снь 7.

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Все́м жела́нием ко Влады́це иды́й, доса́ды, и безче́стия, преподо́бне, и я́звы терпя́, взыва́л еси́: благослове́н еси́ в хра́ме сла́вы Твоея́, Го́споди.

По́мысл тво́й Влады́чния помышля́я стра́сти и распя́тие и сме́рти поуча́яся, ураня́емь, поя́ше: благослове́н еси́ в хра́ме сла́вы Твоея́, Го́споди.

Ме́ртв во гро́бе по зако́ну умира́ющих, лежа́ без дыха́ния, глаго́лющему веща́еши па́че естества́, я́ко не у́мерл е́смь, и взыва́еши: благослове́н еси́ в хра́ме сла́вы Твоея́, Го́споди.

Богоро́дичен: Уме́ршия, и́мже, Де́во, держи́ми бе́хом зако́ном, Жи́знь ро́ждши и́стинную, возста́вила еси́ зову́щия: благослове́на Ты́ в жена́х, Пренепоро́чная Влады́чице.

Пе́снь 8.

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Кре́пким воздержа́нием Бо́гу тебе́ бы́сть смеси́тися, преподо́бне, у́з те́ла разре́шшуся и пло́ть изнури́вшу, и виде́нием де́тельным, о́тче, зовы́й: благослови́те, вся́ дела́ Госпо́дня, Го́спода.

С му́ченики Христо́вы сочета́емь и вчиня́емь, непреста́нно, преподо́бне, поя́ Человеколю́бца и моля́ся о на́с, восхваля́ющих тя́ и вопию́щих: благослови́те, вся́ дела́ Госпо́дня, Го́спода.

Пострада́в зако́нно на земли́, небе́сный обре́л еси́ поко́й, ра́дуяся, преподо́бне, со святы́ми, и соприча́стник весе́лию и ра́дости и́х бы́в, и взыва́я: благослови́те, вся́ дела́ Госпо́дня, Го́спода.

Богоро́дичен: Воплоща́ется Безпло́тный пре́жде, Соде́тель зи́ждется из Тебе́, Всенепоро́чная, и́бо в пречи́стая ложесна́ Твоя́ заше́д непостижи́мый, описа́нием плотски́м хотя́ объя́тся. Те́мже вси́ Тя благослови́м, Мари́е Богоневе́сто.

Пе́снь 9.

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Ми́лостивно вмести́лся еси́, о́тче ко вся́ческих Благода́телю, незло́бия добро́тою украша́емь и красото́ю доброде́телей сия́я, те́мже тя́ вси́ ублажа́ем.

Зако́ну повину́яся Влады́чню, твою́ преклони́л еси́ вы́ю мона́шествующих боре́нию и, победоно́сец, о́тче, бы́в, к незло́бию дости́гл еси́ соверше́нному, всеблаже́нне.

Пе́ние Бо́гу возсыла́ти со безпло́тными сподо́бился еси́, я́ко соблю́д о́нех житие́ и чистоту́, терпе́нием же де́л му́ченик сла́ву прия́л еси́.

Приими́ от на́с, богоно́се, приноси́мое тебе́ пе́ние от чи́ста се́рдца и возда́ждь мольба́ми твои́ми согреше́ний оставле́ние и спасе́ние, всече́стне.

Богоро́дичен: Я́ко ко́рень су́щую вои́стинну нетле́ния, Тя́, Де́во, вси́ ве́рнии, и утвержде́ния, хвала́ми почита́ем: Ты́ бо Ипоста́сное Безсме́ртие на́м родила́ еси́.

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крⷭ҇тоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть.

Неѕло́бнымъ нра́вомъ ѡ҆бложи́всѧ, благоѻбра́знꙋю добродѣ́телей стѧжа́лъ є҆сѝ добро́тꙋ, хрⷭ҇то́вꙋ во́льномꙋ послꙋша́нїю подо́бѧсѧ да́же до сме́рти, всеблаже́нне.

Ѕло́бы ѡ҆брѣта́телѧ посрами́лъ є҆сѝ безѕло́бїемъ твои́мъ, терпѣ́нїемъ же, ѻ҆́тче, и҆скꙋше́нїй тогѡ̀ го́рдꙋю и҆ вознесе́ннꙋю враждꙋ̀ къ землѝ, всеблаже́нне, смири́лъ є҆сѝ.

Воздержа́нїемъ терпѣли́внымъ, прпⷣбне, пред̾ѡбꙋча́ѧсѧ, и҆ страсте́й ѿсѣка́ѧ нача̑ла, безстра́стїѧ ѻ҆де́ждею ᲂу҆краси́лсѧ є҆сѝ по́слѣжде, бл҃года́тїю бжⷭ҇твенною покрыва́емь.

Оу҆крѣ́пль дꙋше́вное ᲂу҆строе́нїе терпѣ́нїемъ тве́рдымъ, и҆ до́блимъ, всеблаже́нне, по́мысломъ по всѧ̑ дни̑ терпѣ́въ мꙋ́ченическїй по́двигъ, и҆ вѣне́чникъ показа́лсѧ є҆сѝ.

Бг҃оро́диченъ: Крѣ́пость твори́тельнаѧ и҆ пѣ́нїе, бг҃ъ и҆ гдⷭ҇ь, и҆́же на́съ ра́ди и҆з̾ тебє̀ воплоще́йсѧ и҆ рожде́йсѧ, прⷪ҇ро́чески ꙗ҆́коже и҆са́їа, пречⷭ҇таѧ, благовѣстѝ.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище и҆ ᲂу҆твержде́нїе.

Всего̀ тебѐ сама́го творцꙋ̀ твоемꙋ̀ и҆ бг҃ꙋ, прпⷣбне, возложи́въ, терпѣ́лъ є҆сѝ томи́тельное ᲂу҆ничиже́нїе.

Зако́ннѡ страда́льческое терпѣ́нїе, возде́ржниче, показа́лъ є҆сѝ на землѝ. тѣ́мже тебѣ̀ небе́сное весе́лїе даде́сѧ.

Смире́нїе и҆́стинно, долготерпѣ́нїе ѻ҆па́сно держа́лъ є҆сѝ, терпѣ́нїе, воздержа́нїе съ послꙋша́нїемъ, пребл҃же́нне.

Бг҃оро́диченъ: Всѣ́хъ содѣ́тель зи́ждетсѧ, на́съ ра́ди, пречⷭ҇таѧ, пло́ть прїе́мъ ѡ҆дꙋшевле́нꙋ, и҆зъ тебє̀, прест҃а́ѧ бг҃оневѣ́сто.

Сѣда́ленъ, гла́съ д҃.

Свѣ́тлостїю вѣ́ры, и҆ дѣ́тельнымъ свѣ́томъ, ꙗ҆ви́лсѧ є҆сѝ равноа́гг҃ленъ на землѝ вои́стиннꙋ, а҆ка́кїе всемꙋ́дре, показа́лъ є҆сѝ мꙋ́жески крѣ́пкое ᲂу҆ма̀ твоегѡ̀, сокрꙋши́лъ є҆сѝ напа̑данїѧ страсте́й посто́мъ. тѣ́мже и҆ по кончи́нѣ, ꙗ҆́кѡ жи́въ ꙗ҆ви́лсѧ є҆сѝ, непобѣди́ме.

Бг҃оро́диченъ: Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ, и҆стлѣ́вшее во страсте́хъ земноро́дныхъ ме́ртвенное сꙋщество̀: и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ.

Крⷭ҇тобг҃оро́диченъ: На крⷭ҇тѣ́ тѧ возвы́шена ꙗ҆́кѡ ᲂу҆зрѣ̀ пречⷭ҇таѧ мт҃и твоѧ̀, сло́ве бж҃їй, мт҃рски рыда́ющи вѣща́ше: что̀ но́вое и҆ стра́нное сїѐ чꙋ́до, сн҃е мо́й, ка́кѡ жи́знь всѣ́хъ вкꙋша́еши сме́рти, ѡ҆живи́ти мє́ртвыѧ хотѧ̀, ꙗ҆́кѡ милосе́рдъ;

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Оу҆мертви́въ, ѻ҆́тче, мꙋ́дрость пло́ти твоеѧ̀, твою̀ дꙋ́шꙋ ѡ҆живи́лъ є҆сѝ, и҆ пра́вды вѣне́цъ прїѧ́лъ є҆сѝ, зовы́й, а҆ка́кїе: сла́ва си́лѣ твое́й, гдⷭ҇и.

По́двиги дѡ́лги прїе́млѧ, и҆́же по всѧ̑ дни̑ терпѣли́вное пока́зовалъ є҆сѝ сопротивле́нїе, ѻ҆́тче. тѣ́мже по сме́рти ꙗ҆́кѡ жи́въ возопи́лъ є҆сѝ: сла́ва си́лѣ твое́й, гдⷭ҇и.

Тве́рдымъ ᲂу҆мо́мъ томлє́нїѧ за хрⷭ҇та̀ претерпѣ́лъ є҆сѝ, а҆ка́кїе блаже́нне, сего̀ помышлѧ́ѧ на крⷭ҇тѣ̀ пригвожде́на за спасе́нїе ро́да на́шегѡ.

Бг҃оро́диченъ: Чистѣ́йши є҆сѝ нб҃съ, и҆ мы́сленныхъ си́лъ, ꙗ҆́кѡ си́хъ зижди́телѧ, пречⷭ҇таѧ, ро́ждши. тѣ́мже тѝ зове́мъ: ра́дꙋйсѧ, бцⷣе всепѣ́таѧ.

Пѣ́снь є҃.

І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀.

Ты̀ прпⷣбне, ꙗ҆́звами мꙋ́жески ᲂу҆ранѧ́емь, и҆ бїє́нїи по всѧ̑ дни̑, терпѧ̀ крѣ́пкѡ, прпⷣбнѡ почи́лъ є҆сѝ.

Тече́нїе до́брое сконча́въ, а҆ка́кїе неѕло́бный, трꙋдѡ́въ свобо́дный и҆ болѣ́зней воспрїѧ́лъ є҆сѝ поко́й.

Оу҆́мъ тво́й чи́стымъ по́мысломъ ѡ҆кормлѧ́емь, а҆ка́кїе бг҃оно́се, къ вино́вномꙋ всѣ́хъ благополꙋ́чнѡ ᲂу҆стреми́сѧ.

Бг҃оро́диченъ: Ни а҆́гг҃льскїй ᲂу҆́мъ, ни человѣ́чь мо́жетъ ржⷭ҇тва̀ твоегѡ̀ сказа́ти: превосхо́дитъ бо всѧ́ко постиже́нїе ра́зꙋма.

Пѣ́снь ѕ҃.

І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости, ѿ ре́бръ твои́хъ и҆сте́кшею кро́вїю.

Оу҆снꙋ́лъ є҆сѝ бл҃же́ннымъ сно́мъ, блаже́нне, и҆ по сме́рти ꙗ҆ви́лсѧ є҆сѝ послꙋ́шаѧ, ѻ҆́тче, вопроша́ющихъ, ꙗ҆́кѡ не ᲂу҆мира́етъ послꙋша́нїе и҆мѣ́ѧй.

Сконча́въ дѡ́брыѧ по́двиги, тезоимени́те, нетлѣ́ннагѡ, бг҃омꙋ́дре, сподо́билсѧ є҆сѝ вои́стиннꙋ безсме́ртїѧ, и҆дѣ́же ра́дꙋѧсѧ вѣнцы̀ побѣ́ды воспрїѧ́лъ є҆сѝ.

Бжⷭ҇твенное и҆ до́брое и҆ бг҃оꙋго́дное воздержа́нїе житїѧ̀ твоегѡ̀, блаже́нне, мнѡ́гїѧ ᲂу҆твержда́етъ бжⷭ҇твеннымъ стра́хомъ, и҆ жела́нїемъ бл҃гъ бꙋ́дꙋщихъ, а҆ка́кїе.

Бг҃оро́диченъ: Вои́стиннꙋ бцⷣꙋ тѧ̀ вѣ́рою сла́вимъ, ꙗ҆́кѡ бг҃а заче́ншꙋю, и҆ ро́ждшꙋю сего̀ неискꙋсобра́чнѡ, соеди́ншасѧ и҆зъ тебє̀ прїѧ́тныѧ ст҃ы́мъ хра́момъ.

Конда́къ, гла́съ в҃.

Мі́ръ ѡ҆ста́вль, хрⷭ҇тꙋ̀ послѣ́довалъ є҆сѝ ѿ младе́нства, премꙋ́дре а҆ка́кїе прпⷣбне, тогѡ̀ подража́ѧ во́льное смире́нїе, низве́рглъ є҆сѝ го́рдостнаго мꙋчи́телѧ: молѝ непреста́ннѡ ѡ҆ всѣ́хъ на́съ.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Всѣ́мъ жела́нїемъ ко влⷣцѣ и҆ды́й, доса̑ды и҆ безчє́стїѧ, прпⷣбне, и҆ ꙗ҆́звы терпѧ̀, взыва́лъ є҆сѝ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

По́мыслъ тво́й влⷣчнїѧ помышлѧ́ѧ стрⷭ҇ти и҆ распѧ́тїе, и҆ сме́рти поꙋча́ѧсѧ, ᲂу҆ранѧ́емь поѧ́ше: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Ме́ртвъ во гро́бѣ по зако́нꙋ ᲂу҆мира́ющихъ лежѧ̀ безъ дыха́нїѧ, глаго́лющемꙋ вѣща́еши па́че є҆стества̀, ꙗ҆́кѡ не ᲂу҆́мерлъ є҆́смь, и҆ взыва́еши: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

Бг҃оро́диченъ: Оу҆ме́ршыѧ, и҆́мже, дв҃о, держи́ми бѣ́хомъ зако́номъ, жи́знь ро́ждши и҆́стиннꙋю, возста́вила є҆сѝ зовꙋ́щыѧ: бл҃гослове́на ты̀ въ жена́хъ, пренепоро́чнаѧ влⷣчце.

Пѣ́снь и҃.

І҆рмо́съ: Рꙋ́цѣ распросте́ръ, данїи́лъ львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а.

Крѣ́пкимъ воздержа́нїемъ бг҃ꙋ тебѣ̀ бы́сть смѣси́тисѧ, преподо́бне: ᲂу҆́зъ тѣ́ла разрѣ́шшꙋсѧ, и҆ пло́ть и҆знꙋри́вшꙋ, и҆ видѣ́нїемъ дѣ́тельнымъ, ѻ҆́тче, зовы́й: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Съ мꙋ́чєники хрⷭ҇тѡ́вы сочета́емь и҆ вчинѧ́емь, непреста́ннѡ, прпⷣбне, поѧ̀ чл҃вѣколю́бца, и҆ молѧ́сѧ ѡ҆ на́съ восхвалѧ́ющихъ тѧ̀ и҆ вопїю́щихъ: благослови́те, всѧ̑ дѣла̀ гдⷭ҇нѧ, гдⷭ҇а.

Пострада́въ зако́ннѡ на землѝ, небе́сный ѡ҆брѣ́лъ є҆сѝ поко́й, ра́дꙋѧсѧ, преподо́бне, со ст҃ы́ми, и҆ соприча́стникъ весе́лїю и҆ ра́дости и҆́хъ бы́въ, и҆ взыва́ѧ: благослови́те, всѧ̑ дѣла̀ гдⷭ҇нѧ, гдⷭ҇а.

Бг҃оро́диченъ: Воплоща́етсѧ безпло́тный пре́жде, содѣ́тель зи́ждетсѧ и҆зъ тебє̀, всенепоро́чнаѧ: и҆́бо въ пречⷭ҇таѧ ложесна̀ твоѧ̑ заше́дъ непостижи́мый, ѡ҆писа́нїемъ плотски́мъ хотѧ̀ ѡ҆б̾ѧ́тсѧ. тѣ́мже вси́ тѧ благослови́мъ, марі́е бг҃оневѣ́сто.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ веселѧ́щесѧ, тѧ̀, бцⷣе, велича́емъ.

Ми́лостивнѡ вмѣсти́лсѧ є҆сѝ, ѻ҆́тче, ко всѧ́ческихъ благода́телю, неѕло́бїѧ добро́тою ᲂу҆краша́емь, и҆ красото́ю добродѣ́телей сїѧ́ѧ: тѣ́мже тѧ̀ всѝ ᲂу҆блажа́емъ.

Зако́нꙋ повинꙋ́ѧсѧ влⷣчню, твою̀ преклони́лъ є҆сѝ вы́ю мона́шествꙋющихъ боре́нїю, и҆ побѣдоно́сецъ, ѻ҆́тче, бы́въ, къ неѕло́бїю дости́глъ є҆сѝ соверше́нномꙋ, всеблаже́нне.

Пѣ́нїе бг҃ꙋ возсыла́ти со безпло́тными сподо́билсѧ є҆сѝ ꙗ҆́кѡ соблю́дъ ѻ҆́нѣхъ житїѐ и҆ чистотꙋ̀: терпѣ́нїемъ же дѣ́лъ мꙋ́чєникъ сла́вꙋ прїѧ́лъ є҆сѝ.

Прїимѝ ѿ на́съ, бг҃оно́се, приноси́мое тебѣ̀ пѣ́нїе ѿ чи́ста се́рдца, и҆ возда́ждь мольба́ми твои́ми согрѣше́нїй ѡ҆ставле́нїе и҆ спасе́нїе, всече́стне.

Бг҃оро́диченъ: Ꙗ҆́кѡ ко́рень сꙋ́щꙋю вои́стиннꙋ нетлѣ́нїѧ, тѧ̀, дв҃о, всѝ вѣ́рнїи и҆ ᲂу҆твержде́нїѧ хвала́ми почита́емъ: ты́ бо ѵ҆поста́сное безсме́ртїе на́мъ родила̀ є҆сѝ.

Бла­жен­ный Иоанн Ле­ствич­ник[1] пи­шет в кни­ге сво­ей о пре­по­доб­ном Ака­кии так: Ве­ли­кий Иоанн Сав­ва­ит[2] рас­ска­зал мне про­ис­ше­ствие ис­тин­ное и по­вест­во­ва­ния до­стой­ное.

Был один ста­рец, очень ле­ни­вый и по ха­рак­те­ру злой; го­во­рю, не осуж­дая его, но с це­лью по­ка­зать тер­пе­ние свя­то­го, и вот что рас­ска­жу вам. Тот ста­рец имел мо­ло­до­го уче­ни­ка, по име­ни Ака­кия, про­сто­го нра­вом и це­ло­муд­рен­но­го умом, ко­то­рый так мно­го зла тер­пел от то­го стар­ца, что мно­гим да­же по­ка­жет­ся это неве­ро­ят­ным, ибо ста­рец не толь­ко уко­ра­ми и бес­че­сти­ем до­са­ждал ему, но и вся­кий день му­чил его те­лес­ны­ми ис­тя­за­ни­я­ми. Од­на­ко тер­пе­ние его бы­ло не на­прас­но: по­то­му что Ака­кий сво­ей без­ро­пот­ной вы­нос­ли­во­стью и незло­би­вым стра­да­ни­ем снис­кал се­бе бла­го­дать Бо­жию, осво­бож­да­ю­щую его от веч­но­го му­че­ния. Я же (го­во­рит Иоанн Сав­ва­ит к Иоан­ну Ле­ствич­ни­ку), ви­дя каж­дый день его та­ким, как буд­то он куп­лен­ный раб или плен­ник, и тер­пит край­нюю бе­ду, на­роч­но встре­чал его и спра­ши­вал:

– Что ты, брат Ака­кий? как про­во­дишь ны­неш­ний день?

Он же от­ве­чал:

– Как пе­ред Гос­по­дом Бо­гом, – так мне хо­ро­шо.

И по­ка­зы­вал мне ино­гда по­си­нев­шие гла­за, ино­гда шею, а то го­ло­ву в ра­нах. Зная, что он по­сту­па­ет доб­ро­де­тель­но, я го­во­рил ему:

– Хо­ро­шо, хо­ро­шо, тер­пи, брат, чтобы до­стиг­нуть спа­се­ния те­бе.

В та­ком по­ло­же­нии бла­жен­ный Ака­кий оста­вал­ся у то­го стро­го­го стар­ца де­вять лет и, про­болев немно­го пред кон­чи­ной, ото­шел ко Гос­по­ду[3]. Ко­гда он был по­гре­бен в се­мей­ном скле­пе, то спу­стя пять дней ста­рец от­пра­вил­ся к од­но­му жив­ше­му там ве­ли­ко­му от­цу и ска­зал ему:

– От­че, брат Ака­кий, уче­ник мой, умер.

Отец, услы­хав это, ска­зал:

– Не ве­рю те­бе, стар­че, по­то­му что Ака­кий не умер.

Ста­рец ска­зал:

– От­че, ес­ли не ве­ришь мне, то пой­ди сам и осмот­ри гроб его.

То­гда пре­по­доб­ный отец по­спеш­но встал, по­шел со стар­цем в гроб­ни­цу бла­жен­но­го стра­даль­ца и гром­ко вос­клик­нул над гро­бом Ака­кия, об­ра­ща­ясь к нему как к жи­во­му:

– Брат Ака­кий, умер ли ты?

Бла­го­ра­зум­ный по­слуш­ник, об­на­ру­жи­вая по­слу­ша­ние и по смер­ти, от­ве­тил:

– Не умер, от­че, ибо то­му, кто обя­зал­ся тво­рить по­слу­ша­ние, невоз­мож­но уме­реть.

Ко­гда ста­рец, у ко­е­го жил Ака­кий, услы­хал это, то ис­пу­гал­ся и упал со сле­за­ми на зем­лю; по­том по­про­сил у игу­ме­на кел­лию воз­ле его гро­ба и, за­тво­рив­шись в ней, про­жил еще бла­го­че­сти­во, за­бо­тясь о спа­се­нии ду­ши и, по­сле мно­гих по­дви­гов, ото­шел ко Гос­по­ду Бо­гу, Ко­то­ро­му сла­ва во ве­ки. Аминь.

Cказание, которое привел в "Лествице" преподобный Иоанн Лествичник как пример терпения, послушания и награды за них

«Не хо­чу непра­вед­но скры­вать и ли­хо­им­ство­вать бес­че­ло­веч­но, не хо­чу умол­чать пред ва­ми о том, о чем мол­чать не долж­но. Ве­ли­кий Иоанн Сав­ва­ит со­об­щил мне ве­щи, до­стой­ные слы­ша­ния; а ты сам, пре­по­доб­ный от­че, по опы­ту зна­ешь, что сей муж бес­стра­стен и чист от вся­кой лжи, от вся­ко­го лу­ка­во­го де­ла и сло­ва. Он рас­ска­зал мне сле­ду­ю­щее.
"В оби­те­ли мо­ей в Азии (ибо от­ту­да при­шел сей пре­по­доб­ный), в ко­то­рой я на­хо­дил­ся преж­де, неже­ли при­шел сю­да, был один ста­рец весь­ма нера­ди­вой жиз­ни и дерз­ко­го нра­ва; го­во­рю сие, не су­дя его, а дабы по­ка­зать, что я го­во­рю прав­ду. Не знаю, ка­ким об­ра­зом при­об­рел он се­бе уче­ни­ка, юно­шу по име­ни Ака­кий, про­сто­го нра­ва, но муд­ро­го смыс­лом, ко­то­рый столь­ко же­сто­ко­стей пе­ре­нес от се­го стар­ца, что для мно­гих это по­ка­жет­ся неве­ро­ят­ным. Ведь ста­рец му­чил его еже­днев­но не толь­ко уко­риз­на­ми и ру­га­тель­ства­ми но и по­бо­я­ми; тер­пе­ние же по­слуш­ни­ка бы­ло не без­рас­суд­ное. Ви­дя, что он, как куп­лен­ный раб, еже­днев­но крайне стра­да­ет, я ча­сто го­ва­ри­вал ему, при встре­че с ним: "Что, брат Ака­кий, ка­ко­во се­го­дня?" – В от­вет на это он тот­час по­ка­зы­вал мне ино­гда си­нее пят­но под гла­зом, ино­гда уязв­лен­ную шею или го­ло­ву; а как я знал, что он – де­ла­тель, то го­ва­ри­вал ему: "Хо­ро­шо, хо­ро­шо, по­тер­пи и по­лу­чишь поль­зу".
Про­жив у сво­е­го неми­ло­серд­но­го стар­ца де­вять лет, Ака­кий ото­шел ко Гос­по­ду и по­гре­бен в усы­паль­ни­це от­цов. Спу­стя пять дней по­сле это­го на­став­ник его по­шел к од­но­му пре­бы­вав­ше­му там ве­ли­ко­му стар­цу и го­во­рит ему: "От­че, брат Ака­кий умер". Но ста­рец, услы­шав это, ска­зал ему: "По­верь мне, стар­че, я со­мне­ва­юсь в этом". " По­ди и по­смот­ри", – от­ве­чал тот. Немед­лен­но встав, ста­рец при­хо­дит в усы­паль­ни­цу с на­став­ни­ком бла­жен­но­го оно­го по­движ­ни­ка, и взы­ва­ет к нему, как бы к жи­во­му (ибо по­ис­ти­не он был жив и по­сле смер­ти), и го­во­рит: "Брат Ака­кий, умер ли ты?" Сей же бла­го­ра­зум­ный по­слуш­ник, ока­зы­вая по­слу­ша­ние и по­сле смер­ти, от­ве­чал ве­ли­ко­му: "От­че, как мож­но уме­реть де­ла­те­лю по­слу­ша­ния?" – То­гда ста­рец, ко­то­рый был преж­де на­став­ни­ком Ака­кия, по­ра­жен­ный стра­хом, пал со сле­за­ми на зем­лю; и по­том, ис­про­сив у игу­ме­на Лав­ры 14-ю кел­лию близ гро­ба Ака­ки­е­ва, про­вел там оста­ток жиз­ни уже доб­ро­де­тель­но, го­во­ря все­гда про­чим от­цам: "Я сде­лал убий­ство". Мне ка­жет­ся, от­че Иоанне, что ве­ли­кий ста­рец, го­во­рив­ший с умер­шим, был сам сей Иоанн Сав­ва­ит; ибо он рас­ска­зы­вал мне еще од­ну по­весть, как бы о дру­гом по­движ­ни­ке; а я по­сле до­сто­вер­но узнал, что этот по­движ­ник был он сам.


При­ме­ча­ния

[1] Иоанн Ле­ствич­ник – про­ис­хож­де­ния неиз­вест­но­го, 20-ти лет при­нял ино­че­ство, по­след­ние че­ты­ре го­да сво­ей жиз­ни был игу­ме­ном Си­най­ской оби­те­ли; скон­чал­ся 80-ти­лет­ним стар­цем в кон­це VI ве­ка; па­мять его 30 мар­та.

[2] Св. Иоанн Сав­ва­ит (Мол­чаль­ник) ро­дил­ся в по­ло­вине V сто­ле­тия. За­ни­мал епи­скоп­скую ка­фед­ру в од­ной из ар­мян­ских церк­вей с 482–491 г., по­след­нюю часть жиз­ни про­вел в пе­ще­ре. Па­мять его 3 де­каб­ря.

[3] Скон­чал­ся в пер­вой по­ло­вине VI ве­ка.