Канон святому преподобному Антонию Великому, Египетскому

Припев: Преподо́бне о́тче Анто́ние, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 30 января (17 января ст. ст.)

Глас 8.

Пе́снь 1.

Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Безсме́ртия и жи́зни е́мься ве́чныя я́ве и Трисия́нныя зари́, о́тче, насыща́яся, просвеще́нием благода́ти омраче́нную ду́шу мою́ озари́ти помоли́ся, я́ко да досто́йно воспою́ тя.

Мла́д сы́й во́зрастом телесе́, но́в пу́ть доброде́тели восприе́м, си́м безбе́дно ше́ствовал еси́, зако́ну но́вому повину́яся Спа́сову, треблаже́нне, и живоно́сным повеле́нием Ева́нгелия после́дуя.

Трисо́лнечным сия́нием, всему́дре, озаря́емь, злоу́мное, блаже́нне, де́монов свире́пство, и звере́й зия́ния, и ра́н боле́зни, я́коже паучи́ну, разори́л еси́, Боже́ственным разжиза́емь жела́нием.

Богоро́дичен: Я́ко Бо́жия Ма́ти, дерзнове́ние иму́щи к ро́ждшемуся из Тебе́ Единоро́дному Сло́ву, и Отцу́ Собезнача́льному, и Соесте́ственному Ду́ху, моля́щи не преста́й от бе́д спасти́, Всенепоро́чная, Тя́, Богоро́дицу, сла́вящия.

Пе́снь 3.

Ирмо́с: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т, па́че Тебе́, Еди́не Человеколю́бче.

Утвержде́нным по́мыслом и кре́пким терпе́нием страсте́й увяди́л еси́ пла́мень, в безстра́стия све́тлую оде́жду, Анто́ние, оде́ялся еси́, о́тче, и спасе́ния ри́зу.

Крепча́йшия прило́ги де́монов дерза́ющих и зве́рскими о́бразы подо́бящихся, пренебре́гл еси́ те́х немощну́ю си́лу, кре́пкаго бо име́л еси́ во бране́х Спомо́щника.

Богоно́сец, нача́ла тмы́ и вла́сти обличи́в воздержа́нием кре́пким, до́блественный победи́тель, Анто́ние, бы́л еси́, по́стников сла́ва, мона́шествующих похвала́.

Богоро́дичен: Умерщвле́нный мо́й у́м живо́тным де́йством, из Тебе́ я́вльшимся ми́ру, воздви́гни, Чи́стая, и к жи́зни наста́ви, я́же сме́рти две́ри разо́ршая еди́на Рождество́м Твои́м.

Седа́лен, гла́с 8.

Ду́шу твою́ связа́в любо́вию Христо́вою, земна́я возненави́дев вся́ му́дре, водвори́лся еси́, о́тче преподо́бне, в пусты́нях и гора́х, разу́мнаго бо дре́ва вкуси́в, сла́вне, я́ко от незаходи́мых, таи́нниче, а́нгельски просия́л еси́. Те́мже и, мра́к проше́д пло́ти твоея́, тму́ отгна́л еси́ де́монов, Анто́ние, и, мона́шествующих предызбра́нный, моли́ Христа́ Бо́га прегреше́ний оставле́ние пода́ти чту́щим любо́вию святу́ю па́мять твою́.

Богоро́дичен: Я́ко Всенепоро́чная Неве́сто Творца́, я́ко Неискусому́жная Ма́ти Изба́вителя, прия́телище я́ко су́щи Уте́шителя, Всепе́тая, беззако́ния мя́ су́ща скве́рное оби́телище и де́монов игра́лище в ра́зуме бы́вша, потщи́ся от те́х злоде́йства мя́ изба́вити и све́тлое жили́ще доброде́телей соверши́, Светоно́сная Нетле́нная. Отжени́ о́блак страсте́й, и вы́шняго прича́стия сподо́би, и Све́та Невече́рняго моли́твами Твои́ми.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.

Доброде́телей ле́ствицу Боже́ственную употреби́в, к высоте́, о́тче, возше́л еси́ и Бо́га ви́дел еси́, на не́й утвержде́на и да́ры раздава́юща руко́ю богате́йшею ве́рно пою́щим: си́ле Твое́й сла́ва, Человеколю́бче.

Ве́сь Бо́гу освяти́лся еси́, Анто́ние, еди́н Еди́ному, всему́дре, единя́яся доброде́телию и бесе́дами и богоявле́ния, я́ко чи́ст, сподобля́емь: земли́ бо и земны́х отступи́в, досто́йно небе́сное обре́л еси́ наслажде́ние.

Ум и ду́шу очи́стив, Анто́ние, пре́лесть, о́тче, душегу́бную, и кова́рствия, и ле́сти го́рькия, и мечта́ния враго́в обличи́л еси́, пострада́в бо, навы́кл еси́ и, научи́вся, учи́ши мона́шествующих мно́жества, всеблаже́нне.

Богоро́дичен: Бо́га, из Тебе́ воплоще́ннаго, моли́, непрело́жно, е́же бе́, пребы́вша и есте́ственно ра́вна Отцу́, и Тебе́, Ро́ждшей, бы́вша Единосу́щна, проще́ние прегреше́ний и ду́ш спасе́ние пою́щим Тя́ ве́рою дарова́ти.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.

Живу́ща в тебе́ име́я вся́ ви́дящаго Бо́га, блаже́нне, науча́юща тя́, и просвеща́юща, и умудря́юща, ду́ш, треблаже́нне, чи́стых и блаже́нных восхо́ды зре́ти сподо́бился еси́.

Исцеле́ний тебе́ благода́ть на неду́ги разли́чныя дарова́ и на ду́хи нечи́стыя Христо́с вла́сть, му́дре: естество́ бо, о́тче, победи́в, па́че естества́ даро́в причасти́лся еси́ Ду́ха.

Богоро́дичен: Тя́ сте́ну иму́ще и предста́тельством Твои́м соблюда́еми, Твое́ю боже́ственною сла́вою хва́лящеся, Тя́ блажи́м: Ты́ бо, Всечи́стая, душа́м на́шим источа́еши весе́лие и ра́дование.

Пе́снь 6.

Ирмо́с: Бе́здна грехо́в и прегреше́ний бу́ря мя́ смуща́ет и во глубину́ ну́жднаго ре́ет мя́, отча́яния, но Твою́ кре́пкую ру́ку мне́ простри́, я́ко Петро́ви, о Упра́вителю, и спаси́.

Зако́нное страда́льчески житие́ от мя́гких ногте́й восприи́м, богому́дре, да́же до конца́ соблю́л еси́ и, я́ко боже́ствен до́блественник, вене́ц прия́л еси́ побе́ды от все́х Ца́рствующаго.

Иму́ще тя́ к Бо́гу моли́твенника крепча́йша, блаже́нне, и о́бщника попече́ний, и предста́теля, и побо́рника, и хода́тая благоче́стна, от вся́ких спаса́емся бе́д, и напа́стей, и обстоя́ний.

Богоро́дичен: Вознесла́ еси́ всеи́стинно па́дшееся челове́ческое существо́, во зра́це Боже́ственнем и Отца́ в ра́венстве, ви́димаго Сы́на неизме́ннаго, Богома́ти, без се́мене во чре́ве поноси́вши.

Конда́к, гла́с 2.

Жите́йския молвы́ отри́нув, безмо́лвно житие́ сконча́л еси́, Крести́теля подража́яй вся́ким о́бразом, преподо́бнейший, с ни́м у́бо тя́ почита́ем, отце́в нача́льниче, Анто́ние.

И́кос:

Христо́в гла́с услы́шав, ше́ствовал еси́ в сле́д Того́ за́поведей, на́г жития́ бы́в, и отве́ргл еси́ попече́ния вся́ стяжа́ний, име́ний и рабо́в твои́х, и сестры́ любле́ние, богоно́се Анто́ние, и, еди́н в пусты́нях Бо́гу бесе́дуя чисте́йше, ра́зума благода́ть прия́л еси́, ю́же ми́ посли́, в пе́снех тя́ пою́щему, отце́в нача́льниче, Анто́ние.

Пе́снь 7.

Ирмо́с: Бо́жия снисхожде́ния о́гнь устыде́ся в Вавило́не иногда́, сего́ ра́ди о́троцы в пещи́, ра́дованною ного́ю, я́ко во цве́тнице, лику́юще поя́ху: благослове́н еси́, Бо́же оте́ц на́ших.

Ча́ши бы́ша арома́т лани́ты твоя́, доброде́телей благово́ние и спасе́ние благоуха́ющия, я́ко от цве́тника, ве́рою зову́щим: благослове́н Бо́г оте́ц на́ших.

Благода́ть Ду́ха Всесвята́го, в тя́ все́льшися, духо́в гони́теля лука́вствия, о́тче, соде́ла и мона́шествующих обучи́теля, зову́ща: благослове́н Бо́г оте́ц на́ших.

Богоро́дичен: Мари́ю Пречи́стую и Всесвяту́ю восхва́лим: То́ю бо благода́ть на́м источа́ется па́че ума́ даро́в, я́ко от пото́ка Боже́ственныя бла́гости, Ю́же благочести́вым по́мыслом ны́не ублажи́м.

Пе́снь 8.

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

В моли́твах бо́дрое, в поще́ниих благомо́щное, терпели́вное в напа́стех, Анто́ние, ума́ чистото́ю на земли́, я́ко а́нгел, показу́я, Бо́гу вопия́л еси́: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Моли́твами, преподо́бне, и мольба́ми приближа́яся ты́ непреста́нно к Бо́гу, восте́кл еси́ к высоте́ превзя́тей, де́монских сете́й избе́г, свободи́вся же те́х мучи́тельства, богому́дре, воспева́еши: свяще́нницы, по́йте, лю́дие, превозноси́те во вся́ ве́ки.

Но́вый Моисе́й бы́в, в пусты́ни побе́ду на враги́ и бори́тели поста́вил еси́, лю́ди предводя́, по́стников собо́р в весе́лии и но́вом жи́тельстве, вопию́щих Влады́це: свяще́нницы, благослови́те, лю́дие, превозноси́те во вся́ ве́ки.

Богоро́дичен: Богороди́тельнице Всечи́стая, души́ моея́ я́звы и грехо́вныя стру́пы очи́сти, исто́чниками омыва́ющи, су́щими из боку́ Рождества́ Твоего́ и су́щими из того́ очища́ющи струя́ми, к Тебе́ бо взыва́ю, и к Тебе́ прибега́ю, и Тя́ призыва́ю, Богоблагода́тную.

Пе́снь 9.

Ирмо́с: Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, а́нгелов и челове́к чинонача́лия велича́ют.

Наста́ светоно́сный тво́й пра́здник, всеблаже́нне о́тче Анто́ние, испо́лнь ра́дости, испо́лнь весе́лия духо́внаго, испо́лнь Свята́го Ду́ха, испо́лнь благоуха́ния и просвеще́ния, и ны́не, иму́ще тя́ поще́ния пра́вило и законополо́жника, ра́дуемся.

Не преста́й моля́ Изба́вителя, всечестны́й о́тче, дарова́ти благогове́йно па́мять твою́ соверша́ющим свяще́нную, прегреше́ний оставле́ние, дарова́ний раздая́ние, боже́ственное предста́тельство, ду́ш спасе́ние, ве́чное ра́дование.

Равноа́нгелен пожи́в на земли́, равноа́нгельну обре́л еси́ све́тлость, те́х бо богови́днейшим сия́нием в прича́стии бы́л еси́. С ни́миже и ра́дуешися всегда́, я́ко боже́ственный проро́к, я́ко му́ченик венцено́сец, я́ко мона́шествующих верхо́вник.

Богоро́дичен: Зачала́ еси́, Де́во, без се́мене вся́ческая созда́вшаго Сло́во Бо́жие, кроме́ хоте́ний плотски́х, и без истле́ния родила́ еси́, без боле́зней ма́терних. Те́м Тя́, Богоро́дицу, и язы́ком, и се́рдцем испове́дающе, велича́ем.

Свети́лен.

Све́т единонра́вных показа́лся еси́, све́та ходи́ти стезя́ми благочести́выя научи́в, Анто́ние, отце́в о́тче, и пла́мень мо́лнии па́ки о́гнь испуща́я и попаля́я де́монов полки́.

Богоро́дичен: Тя́ пе́сньми немо́лчными ублажа́ем, Де́во, я́ко от Тро́ицы Еди́наго родила́ еси́, Богоро́дице, и носи́ла еси́ на боже́ственных объя́тиих Пресу́щественное Сло́во, невра́щно и неизме́нно.

Пѣ́снь а҃.

І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ и҆ раздѣли́въ мо́ре, і҆и҃лѧ же бѣглеца̀, пѣшехо́дца спасѐ, пѣ́снь бг҃ови воспѣва́юща.

Безсме́ртїѧ и҆ жи́зни є҆́мьсѧ вѣ́чныѧ ꙗ҆́вѣ, и҆ трисїѧ́нныѧ зарѝ, ѻ҆́тче, насыща́ѧсѧ, просвѣще́нїемъ бл҃года́ти ѡ҆мраче́ннꙋю дꙋ́шꙋ мою̀ ѡ҆зари́ти помоли́сѧ, ꙗ҆́кѡ да досто́йнѡ воспою́ тѧ.

Мла́дъ сы́й во́зрастомъ тѣлесѐ, но́въ пꙋ́ть добродѣ́тели воспрїе́мъ, си́мъ безбѣ́днѡ ше́ствовалъ є҆сѝ, зако́нꙋ но́вомꙋ повинꙋ́ѧсѧ сп҃совꙋ, требл҃же́нне, и҆ живонѡ́снымъ повелѣ́нїємъ є҆ѵⷢ҇лїа послѣ́дꙋѧ.

Трисо́лнечнымъ сїѧ́нїемъ, всемꙋ́дре, ѡ҆зарѧ́емь, ѕлоꙋ́мное, бл҃же́нне, де́мѡнѡвъ свирѣ́пство, и҆ ѕвѣре́й зїѧ̑нїѧ, и҆ ра́нъ болѣ̑зни, ꙗ҆́коже паꙋчи́нꙋ, разори́лъ є҆сѝ, бж҃е́ственнымъ разжиза́емь жела́нїемъ.

Бг҃оро́диченъ: Ꙗ҆́кѡ бж҃їѧ мт҃и дерзнове́нїе и҆мꙋ́щи къ ро́ждшемꙋсѧ и҆зъ тебє̀, є҆диноро́дномꙋ сло́вꙋ, и҆ ѻ҆ц҃ꙋ̀ собезнача́льномꙋ, и҆ соесте́ственномꙋ дх҃ꙋ, молѧ́щи не преста́й ѿ бѣ́дъ спастѝ, всенепоро́чнаѧ, тѧ̀ бцⷣꙋ сла́вѧщыѧ.

Пѣ́снь г҃.

І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, ꙗ҆́кѡ нѣ́сть свѧ́тъ па́че тебє̀, є҆ди́не чл҃вѣколю́бче.

Оу҆твержде́ннымъ по́мысломъ и҆ крѣ́пкимъ терпѣ́нїемъ страсте́й ᲂу҆вѧди́лъ є҆сѝ пла́мень: въ безстра́стїѧ свѣ́тлꙋю ѻ҆де́ждꙋ, а҆нтѡ́нїе, ѡ҆дѣ́ѧлсѧ є҆сѝ, ѻ҆́тче, и҆ спасе́нїѧ ри́зꙋ.

Крѣпча́йшыѧ прило́ги де́мѡнѡвъ дерза́ющихъ, и҆ ѕвѣ́рскими ѻ҆́бразы подо́бѧщихсѧ, пренебре́глъ є҆сѝ тѣ́хъ немощнꙋ́ю си́лꙋ: крѣ́пкаго бо и҆мѣ́лъ є҆сѝ во бранѣ́хъ спомо́щника.

Бг҃оно́сецъ нача̑ла тмы̀ и҆ вла̑сти ѡ҆бличи́въ, воздержа́нїемъ крѣ́пкимъ, до́блественный побѣди́тель, а҆нтѡ́нїе, бы́лъ є҆сѝ, по́стникѡвъ сла́ва, мона́шествꙋющихъ похвала̀.

Бг҃оро́диченъ: Оу҆мерщвле́нный мо́й ᲂу҆́мъ, живо́тнымъ дѣ́йствомъ и҆зъ тебє̀ ꙗ҆́вльшимсѧ мі́рꙋ, воздви́гни, чи́стаѧ, и҆ къ жи́зни наста́ви, ꙗ҆́же сме́рти двє́ри разо́ршаѧ є҆ди́на рождество́мъ твои́мъ.

Сѣда́ленъ, гла́съ и҃.

Дꙋ́шꙋ твою̀ свѧза́въ любо́вїю хрⷭ҇то́вою, земна̑ѧ возненави́дѣвъ всѧ̑ мꙋ́дрѣ, водвори́лсѧ є҆сѝ, ѻ҆́тче прпⷣбне, въ пꙋсты́нѧхъ и҆ гора́хъ: разꙋ́мнагѡ бо дре́ва вкꙋси́въ, сла́вне, ꙗ҆́кѡ ѿ незаходи́мыхъ таи́нниче, а҆́гг҃льски просїѧ́лъ є҆сѝ. тѣ́мже и҆ мра́къ проше́дъ пло́ти твоеѧ̀, тмꙋ̀ ѿгна́лъ є҆сѝ де́мѡнѡвъ, а҆нтѡ́нїе, и҆ мона́шествꙋющихъ пред̾избра́нный: молѝ хрⷭ҇та̀ бг҃а, прегрѣше́нїй ѡ҆ставле́нїе пода́ти чтꙋ́щымъ любо́вїю ст҃ꙋ́ю па́мѧть твою̀.

Бг҃оро́диченъ: Ꙗ҆́кѡ всенепоро́чнаѧ невѣ́сто творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, всепѣ́таѧ, беззако́нїѧ мѧ̀ сꙋ́ща скве́рное ѻ҆би́телище, и҆ де́мѡнѡвъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити, и҆ свѣ́тлое жили́ще добродѣ́телей совершѝ, свѣтоно́снаѧ нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми.

Пѣ́снь д҃.

І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче.

Добродѣ́телей лѣ́ствицꙋ бжⷭ҇твеннꙋю ᲂу҆потреби́въ, къ высотѣ̀, ѻ҆́тче, возше́лъ є҆сѝ: и҆ бг҃а ви́дѣлъ є҆сѝ на не́й ᲂу҆твержде́на, и҆ да́ры раздава́юща рꙋко́ю богатѣ́йшею вѣ́рнѡ пою́щымъ: си́лѣ твое́й сла́ва, чл҃вѣколю́бче.

Ве́сь бг҃ꙋ ѡ҆свѧти́лсѧ є҆сѝ, а҆нтѡ́нїе, є҆ди́нъ є҆ди́номꙋ, всемꙋ́дре, є҆динѧ́ѧсѧ добродѣ́телїю и҆ бесѣ́дами, и҆ бг҃оѧвле́нїѧ, ꙗ҆́кѡ чи́стъ, сподоблѧ́емь: земли́ бо и҆ земны́хъ ѿстꙋпи́въ, досто́йнѡ нбⷭ҇ное ѡ҆брѣ́лъ є҆сѝ наслажде́нїе.

Оу҆́мъ и҆ дꙋ́шꙋ ѡ҆чи́стивъ, а҆нтѡ́нїе, пре́лесть, ѻ҆́тче, дꙋшегꙋ́бнꙋю, и҆ кова̑рствїѧ, и҆ лє́сти гѡ́рькїѧ, и҆ мечта̑нїѧ врагѡ́въ ѡ҆бличи́лъ є҆сѝ: пострада́въ бо навы́клъ є҆сѝ, и҆ наꙋчи́всѧ, ᲂу҆чи́ши мона́шествꙋющихъ мно́жєства, всеблаже́нне.

Бг҃оро́диченъ: Бг҃а и҆зъ тебє̀ воплоще́ннаго молѝ, непрело́жнѡ є҆́же бѣ̀ пребы́вша, и҆ є҆сте́ственнѡ ра́вна ѻ҆ц҃ꙋ̀, и҆ тебѣ̀ ро́ждшей бы́вша є҆диносꙋ́щна, проще́нїе прегрѣше́нїй и҆ дꙋ́шъ спасе́нїе пою́щымъ тѧ̀ вѣ́рою дарова́ти.

Пѣ́снь є҃.

І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ.

Живꙋ́ща въ тебѣ̀ и҆мѣ́ѧ всѧ̑ ви́дѧщаго бг҃а, бл҃же́нне, наꙋча́юща тѧ̀, и҆ просвѣща́юща и҆ ᲂу҆мꙋдрѧ́юща, дꙋ́шъ, требл҃же́нне, чи́стыхъ и҆ бл҃же́нныхъ восхо́ды зрѣ́ти сподо́билсѧ є҆сѝ.

И҆сцѣле́нїй тебѣ̀ бл҃года́ть на недꙋ́ги разли̑чныѧ дарова̀, и҆ на дꙋ́хи нечи̑стыѧ, хрⷭ҇то́съ, вла́сть, мꙋ́дре: є҆стество́ бо, ѻ҆́тче, побѣди́въ па́че є҆стества̀, дарѡ́въ причасти́лсѧ є҆сѝ дх҃а.

Бг҃оро́диченъ: Тѧ̀ стѣ́нꙋ и҆мꙋ́ще, и҆ предста́тельствомъ твои́мъ соблюда́еми, твое́ю бж҃е́ственною сла́вою хва́лѧщесѧ, тѧ̀ бл҃жи́мъ: ты́ бо, всечи́стаѧ, дꙋша́мъ на́шымъ и҆сточа́еши весе́лїе и҆ ра́дованїе.

Пѣ́снь ѕ҃.

І҆рмо́съ: Бе́здна грѣхѡ́въ и҆ прегрѣше́нїй бꙋ́рѧ мѧ̀ смꙋща́етъ, и҆ во глꙋбинꙋ̀ нꙋ́жднагѡ рѣ́етъ мѧ̀ ѿча́ѧнїѧ: но твою̀ крѣ́пкꙋю рꙋ́кꙋ мнѣ̀ прострѝ, ꙗ҆́кѡ петро́ви, ѽ ᲂу҆пра́вителю! и҆ спасѝ.

Зако́нное страда́льчески житїѐ ѿ мѧ́гкихъ ногте́й воспрїи́мъ, бг҃омꙋ́дре, да́же до конца̀ соблю́лъ є҆сѝ: и҆ ꙗ҆́кѡ бж҃е́ственъ до́блественникъ вѣне́цъ прїѧ́лъ є҆сѝ побѣ́ды ѿ всѣ́хъ црⷭ҇твꙋющагѡ.

И҆мꙋ́ще тѧ̀ къ бг҃ꙋ моли́твенника крѣпча́йша, бл҃же́нне, и҆ ѻ҆́бщника попече́нїй, и҆ предста́телѧ, и҆ побо́рника и҆ хода́таѧ бл҃гоче́стна, ѿ всѧ́кихъ спаса́емсѧ бѣ́дъ, и҆ напа́стей и҆ ѡ҆бстоѧ́нїй.

Бг҃оро́диченъ: Вознесла̀ є҆сѝ всеи́стиннѡ па́дшеесѧ человѣ́ческое сꙋщество̀, во зра́цѣ бж҃е́ственнѣмъ, и҆ ѻ҆ц҃а̀ въ ра́венствѣ, ви́димаго сн҃а неизмѣ́ннаго, бг҃ома́ти, безъ сѣ́мене во чре́вѣ поноси́вши.

Конда́къ, гла́съ в҃.

Житє́йскїѧ молвы̑ ѿри́нꙋвъ, безмо́лвно житїѐ сконча́лъ є҆сѝ, крⷭ҇ти́телѧ подража́ѧй всѧ́кимъ ѻ҆́бразомъ преподо́бнѣйшїй: съ ни́мъ ᲂу҆́бѡ тѧ̀ почита́емъ, ѻ҆ц҃є́въ нача́льниче а҆нтѡ́нїе.

І҆́косъ.

Хрⷭ҇то́въ гла́съ ᲂу҆слы́шавъ, ше́ствовалъ є҆сѝ въ слѣ́дъ тогѡ̀ за́повѣдей, на́гъ житїѧ̀ бы́въ, и҆ ѿве́рглъ є҆сѝ попечє́нїѧ всѧ̑ стѧжа́нїй, и҆мѣ́нїй, и҆ рабѡ́въ твои́хъ, и҆ сестры̀ любле́нїе, бг҃оно́се а҆нтѡ́нїе. и҆ є҆ди́нъ въ пꙋсты́нѧхъ бг҃ꙋ бесѣ́дꙋѧ чистѣ́йше, ра́зꙋма благода́ть прїѧ́лъ є҆сѝ, ю҆́же мѝ послѝ, въ пѣ́снехъ тѧ̀ пою́щемꙋ, ѻ҆ц҃є́въ нача́льниче а҆нтѡ́нїе.

Пѣ́снь з҃.

І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀: сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ.

Ча́шы бы́ша а҆рѡма́тъ лани̑ты твоѧ̑, добродѣ́телей благово́нїе и҆ спасе́нїе бл҃гоꙋха́ющыѧ, ꙗ҆́кѡ ѿ цвѣ́тника, вѣ́рою зовꙋ́щымъ: бл҃гослове́нъ бг҃ъ ѻ҆тє́цъ на́шихъ.

Бл҃года́ть дх҃а всест҃а́гѡ въ тѧ̀ все́льшисѧ, дꙋхѡ́въ гони́телѧ лꙋка́вствїѧ, ѻ҆́тче, содѣ́ла, и҆ мона́шествꙋющихъ ѡ҆бꙋчи́телѧ, зовꙋ́ща: бл҃гослове́нъ бг҃ъ ѻ҆тє́цъ на́шихъ.

Бг҃оро́диченъ: Мр҃і́ю пречⷭ҇тꙋю и҆ всест҃ꙋ́ю восхва́лимъ: то́ю бо бл҃года́ть на́мъ и҆сточа́етсѧ па́че ᲂу҆ма̀ дарѡ́въ, ꙗ҆́кѡ ѿ пото́ка бжⷭ҇твенныѧ бла́гости: ю҆́же благочести́вымъ по́мысломъ ны́нѣ ᲂу҆бл҃жи́мъ.

Пѣ́снь и҃.

І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки.

Въ моли́твахъ бо́дрое, въ поще́нїихъ благомо́щное, терпѣли́вное въ напа́стехъ, а҆нтѡ́нїе, ᲂу҆ма̀ чистото́ю, на землѝ ꙗ҆́кѡ а҆́гг҃лъ показꙋ́ѧ, бг҃ꙋ вопїѧ́лъ є҆сѝ: ѻ҆́троцы, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки.

Моли́твами, преподо́бне, и҆ мольба́ми приближа́ѧсѧ ты̀ непреста́ннѡ къ бг҃ꙋ, восте́клъ є҆сѝ къ высотѣ̀ превзѧ́тѣй, де́мѡнскихъ сѣте́й и҆збѣ́гъ, свободи́всѧ же тѣ́хъ мꙋчи́тельства, бг҃омꙋ́дре, воспѣва́еши: свѧще́нницы, по́йте, лю́дїе, превозноси́те во всѧ̑ вѣ́ки.

Но́вый мѡѷсе́й бы́въ, въ пꙋсты́ни побѣ́дꙋ на врагѝ и҆ бори́тели поста́вилъ є҆сѝ лю́ди предводѧ̀, по́стникѡвъ собо́ръ въ весе́лїи и҆ но́вомъ жи́тельствѣ, вопїю́щихъ влⷣцѣ: свѧще́нницы, бл҃гослови́те, лю́дїе, превозноси́те во всѧ̑ вѣ́ки.

Бг҃оро́диченъ: Бг҃ороди́тельнице всечⷭ҇таѧ, дꙋшѝ моеѧ̀ ꙗ҆́звы и҆ грѣхѡ́вныѧ стрꙋ́пы ѡ҆чи́сти, и҆сто́чниками ѡ҆мыва́ющи, сꙋ́щими и҆з̾ бокꙋ̀ ржⷭ҇тва̀ твоегѡ̀, и҆ сꙋ́щими и҆з̾ тогѡ̀ ѡ҆чища́ющи стрꙋѧ́ми: къ тебѣ́ бо взыва́ю, и҆ къ тебѣ̀ прибѣга́ю, и҆ тѧ̀ призыва́ю бг҃облагода́тнꙋю.

Пѣ́снь ѳ҃.

І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ: тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ.

Наста̀ свѣтоно́сный тво́й пра́здникъ, всеблаже́нне ѻ҆́тче а҆нтѡ́нїе, и҆спо́лнь ра́дости, и҆спо́лнь весе́лїѧ дꙋхо́внагѡ, и҆спо́лнь ст҃а́гѡ дх҃а, и҆спо́лнь бл҃гоꙋха́нїѧ и҆ просвѣще́нїѧ: и҆ ны́нѣ и҆мꙋ́ще тѧ̀ поще́нїѧ пра́вило и҆ законополо́жника, ра́дꙋемсѧ.

Не преста́й молѧ̀ и҆зба́вителѧ, всечестны́й ѻ҆́тче, дарова́ти благоговѣ́йнѡ па́мѧть твою̀ соверша́ющымъ свѧще́ннꙋю, прегрѣше́нїй ѡ҆ставле́нїе, дарова́нїй раздаѧ́нїе, бжⷭ҇твенное предста́тельство, дꙋ́шъ спасе́нїе, вѣ́чное ра́дованїе.

Равноа́гг҃ленъ пожи́въ на землѝ, равноа́гг҃льнꙋ ѡ҆брѣ́лъ є҆сѝ свѣ́тлость: тѣ́хъ бо бг҃ови́днѣйшимъ сїѧ́нїемъ въ прича́стїи бы́лъ є҆сѝ. съ ни́миже и҆ ра́дꙋешисѧ всегда̀ ꙗ҆́кѡ бжⷭ҇твенный прⷪ҇ро́къ, ꙗ҆́кѡ мꙋ́ченикъ вѣнцено́сецъ, ꙗ҆́кѡ мона́шествꙋющихъ верхо́вникъ.

Бг҃оро́диченъ: Зачала̀ є҆сѝ, дв҃о, без̾ сѣ́мене, всѧ́чєскаѧ созда́вшаго сло́во бж҃їе, кромѣ̀ хотѣ́нїй плотски́хъ: и҆ без̾ и҆стлѣ́нїѧ родила̀ є҆сѝ, без̾ болѣ́зней мт҃рнихъ. тѣ́мъ тѧ̀ бцⷣꙋ, и҆ ѧ҆зы́комъ и҆ се́рдцемъ и҆сповѣ́дающе велича́емъ.

Свѣти́ленъ.

Свѣ́тъ є҆динонра́вныхъ показа́лсѧ є҆сѝ, свѣ́та ходи́ти стезѧ́ми благочести̑выѧ наꙋчи́въ, а҆нтѡ́нїе, ѻ҆ц҃є́въ ѻ҆́тче, и҆ пла́мень мо́лнїи па́ки ѻ҆́гнь и҆спꙋща́ѧ, и҆ попалѧ́ѧ де́мѡнѡвъ полкѝ.

Бг҃оро́диченъ: Тѧ̀ пѣ́сньми немо́лчными ᲂу҆блажа́емъ, дв҃о, ꙗ҆́кѡ ѿ трⷪ҇цы є҆ди́наго родила̀ є҆сѝ, бцⷣе, и҆ носи́ла є҆сѝ на бж҃е́ственныхъ ѡ҆б̾ѧ́тїихъ пресꙋ́щественное сло́во, невра́щнѡ и҆ неизмѣ́ннѡ.

Статьи о преподобном Антонии Великом

• Отец христианского монашества Юрий Рубан

Ан­то­ний Ве­ли­кий ро­дил­ся в Егип­те око­ло 250 го­да от бла­го­род­ных и бо­га­тых ро­ди­те­лей, вос­пи­тав­ших его в хри­сти­ан­ской ве­ре. Во­сем­на­дца­ти лет он ли­шил­ся сво­их ро­ди­те­лей и остал­ся один с сест­рой, ко­то­рая бы­ла на его по­пе­че­нии. Од­на­жды он шел в цер­ковь и раз­мыш­лял о свя­тых апо­сто­лах, как они оста­ви­ли все, чтобы ид­ти за Гос­по­дом. Вхо­дит в храм и слы­шит еван­гель­ские сло­ва: «Ес­ли хо­чешь быть со­вер­шен­ным, иди, про­дай име­ние твое и раз­дай ни­щим, и бу­дешь иметь со­кро­ви­ще на Небе, и иди вслед за Мной» (Мф.19:21). Эти сло­ва по­ра­зи­ли Ан­то­ния, как бы ска­за­ны бы­ли Гос­по­дом лич­но ему. Вско­ре по­сле это­го Ан­то­ний от­ка­зал­ся от на­след­ства по­сле ро­ди­те­лей в поль­зу бед­ных жи­те­лей сво­е­го се­ле­ния, но недо­уме­вал, на ко­го он оста­вит сест­ру. Оза­бо­чен­ный этой мыс­лью, он в дру­гой раз вхо­дит в храм и слы­шит там опять как бы к нему об­ра­щен­ные сло­ва Спа­си­те­ля: «Не за­боть­ся о зав­траш­нем дне: зав­траш­ний день сам бу­дет за­бо­тить­ся о се­бе; до­воль­но для каж­до­го дня сво­ей за­бо­ты» (Мф.6:34). Ан­то­ний по­ру­чил сест­ру из­вест­ным ему хри­сти­ан­ским дев­ствен-ни­цам и оста­вил го­род и дом, чтобы жить уеди­нен­но и слу­жить од­но­му Гос­по­ду.

Уда­ле­ние пре­по­доб­но­го Ан­то­ния от ми­ра со­вер­ши­лось не вдруг, а по­сте­пен­но. Сна­ча­ла он пре­бы­вал близ го­ро­да у од­но­го бла­го­че­сти­во­го стар­ца, жив­ше­го уеди­нен­но и ста­рал­ся во всем под­ра­жать ему. По­се­щал и дру­гих от­шель­ни­ков, жив­ших в окрест­но­стях го­ро­да, и поль­зо­вал­ся их со­ве­та­ми. Уже в это вре­мя он так про­сла­вил­ся сво­и­ми по­дви­га­ми, что его зва­ли «дру­гом Бо­жи­им». За­тем он ре­ша­ет­ся уй­ти даль­ше. Зо­вет стар­ца с со­бой, и ко­гда тот от­ка­зал­ся, про­ща­ет­ся с ним и по­се­ля­ет­ся в од­ной из от­да­лен­ных пе­щер. Один из дру­зей его по вре­ме­нам при­но­сил ему пи­щу. На­ко­нец свя­той Ан­то­ний уда­ля­ет­ся со­всем из оби­та­е­мых мест, пе­ре­хо­дит ре­ку Нил и по­се­ля­ет­ся в раз­ва­ли­нах во­ин­ско­го укреп­ле­ния. Он при­нес с со­бой хле­ба на шесть ме­ся­цев, а по­сле по­лу­чал его от дру­зей сво­их толь­ко два ра­за в год через от­вер­стие в кров­ле.

Нель­зя изо­бра­зить, сколь­ко ис­ку­ше­ний и борь­бы вы­нес этот ве­ли­кий по­движ­ник. Он стра­дал от го­ло­да и жаж­ды, от хо­ло­да и зноя. Но са­мое страш­ное ис­ку­ше­ние пу­стын­ни­ка, по сло­ву са­мо­го Ан­то­ния, – в серд­це: это тос­ка по ми­ру и вол­не­ние по­мыс­лов. Ко все­му это­му при­со­еди­ни­лись пре­льще­ния и ужа­сы от де­мо­нов. Ино­гда свя­той по­движ­ник из­не­мо­гал, го­тов был впасть в уны­ние. То­гда или Сам Гос­подь яв­лял­ся, или по­сы­лал Ан­ге­ла для его обод­ре­ния. «Где ты был, бла­гий Иису­се? По­че­му вна­ча­ле не при­шел пре­кра­тить мои стра­да­ния?» – воз­звал Ан­то­ний, ко­гда Гос­подь по­сле од­но­го тяж­ко­го ис­ку­ше­ния явил­ся ему. «Я был здесь, – ска­зал ему Гос­подь, – и ждал, по­ка не уви­жу тво­е­го по­дви­га».

Од­на­жды сре­ди ужас­ной борь­бы с по­мыс­ла­ми Ан­то­ний воз­звал: «Гос­по­ди, я хо­чу спа­стись, а по­мыс­лы не да­ют мне». Вдруг он ви­дит: кто-то по­хо­жий на него си­дит и ра­бо­та­ет, по­том встал и на­чал мо­лить­ся, за­тем опять сел за ра­бо­ту. «Де­лай так и спа­сешь­ся», – ска­зал ему Ан­гел Гос­по­день.

Уже два­дцать лет жил Ан­то­ний в сво­ем уеди­не­нии, ко­гда неко­то­рые из дру­зей его, узнав об его ме­сто­пре­бы­ва­нии, при­шли, чтобы по­се­лить­ся во­круг него. Дол­го они сту­ча­ли к нему и про­си­ли его вый­ти к ним из сво­е­го доб­ро­воль­но­го за­клю­че­ния; на­ко­нец ре­ши­лись уже вы­ло­мать две­ри, как Ан­то­ний от­во­рил их и вы­шел. Они уди­ви­лись, не най­дя в нем сле­дов из­ну­ре­ния, хо­тя он под­вер­гал се­бя ве­ли­чай­шим ли­ше­ни­ям. Небес­ный мир цар­ство­вал в его ду­ше и от­ра­жал­ся на ли­це. Спо­кой­ный, сдер­жан­ный, ко всем оди­на­ко­во при­вет­ли­вый, ста­рец ско­ро сде­лал­ся от­цом и на­став­ни­ком мно­гих. Пу­сты­ня ожи­ви­лась: в го­рах кру­гом яви­лись оби­те­ли ино­ков; мно­же­ство лю­дей пе­ло, чи­та­ло, по­сти­лось, мо­ли­лось, тру­ди­лось, слу­жи­ло бед­ным. Свя­той Ан­то­ний не да­вал сво­им уче­ни­кам ка­ких-ли­бо опре­де­лен­ных пра­вил для мо­на­ше­ской жиз­ни. Он за­бо­тил­ся толь­ко о том, чтобы уко­ре­нить в них бла­го­че­сти­вое на­стро­е­ние, вну­шал им пре­дан­ность во­ле Бо­жи­ей, мо­лит­ву, от­ре­ше­ние от все­го зем­но­го, неусып­ный труд.

Но свя­той Ан­то­ний в са­мой пу­стыне тя­го­тил­ся мно­го­люд­ством и ис­кал но­во­го уеди­не­ния. «Ку­да ты хо­чешь бе­жать?» – был го­лос с неба, ко­гда он на бе­ре­гу Ни­ла до­жи­дал­ся лод­ки, чтобы уда­лить­ся от лю­дей. «В Верх­нюю Фива­и­ду», – от­ве­чал Ан­то­ний. Но тот же го­лос воз­ра­зил ему: «По­плы­вешь ли ты вверх – в Фива­и­ду, или вниз – в Бу­ко­лию, те­бе не бу­дет по­коя ни там, ни здесь. Иди во внут­рен­нюю пу­сты­ню». Так на­зы­ва­лась пу­сты­ня, ле­жав­шая близ бе­ре­гов Крас­но­го мо­ря. Ту­да и по­шел Ан­то­ний вслед за про­хо­див­ши­ми са­ра­ци­на­ми.

Через три дня пу­ти на­шел он ди­кую вы­со­кую го­ру с клю­чом во­ды и немно­ги­ми паль­ма­ми в до­лине. На этой го­ре он и по­се­лил­ся. Здесь он об­ра­бо­тал неболь­шое по­ле, так что те­перь ни­ко­му не нуж­но бы­ло при­хо­дить к нему и при­но­сить хле­ба. По вре­ме­нам он по­се­щал бра­тию. Вер­блюд нес на се­бе хлеб и во­ду для под­дер­жа­ния сил его во вре­мя этих тяж­ких пу­те­ше­ствий по пу­стыне. Впро­чем, по­чи­та­те­ли свя­то­го Ан­то­ния от­кры­ли и по­след­нее его уеди­не­ние. Во мно­же­стве ста­ли при­хо­дить к нему ис­кав­шие его мо­литв и на­став­ле­ний. При­во­ди­ли к нему бо­ля­щих; он мо­лил­ся о них и ис­це­лял их.

Свя­той Ан­то­ний уже око­ло се­ми­де­ся­ти лет жил в пу­стыне. Про­тив во­ли на­чал сму­щать его гор­де­ли­вый по­мы­сел, что здесь он стар­ше всех. Он про­сил Бо­га уда­лить от него этот по­мы­сел и по­лу­чил от­кро­ве­ние, что один от­шель­ник го­раз­до ра­нее его по­се­лил­ся в пу­стыне и бо­лее его слу­жит Гос­по­ду. Ан­то­ний встал ра­но утром и от­пра­вил­ся ис­кать это­го неиз­вест­но­го ми­ру по­движ­ни­ка. Про­хо­дил це­лый день и не встре­тил ни­ко­го, кро­ме пу­стын­ных зве­рей. Пе­ред ним рас­сти­ла­лось необо­зри­мое про­стран­ство, но он не те­рял сво­ей на­деж­ды. Ра­но утром он сно­ва по­шел. Пе­ред его гла­за­ми мельк­ну­ла вол­чи­ца, бе­жав­шая к ру­чью. Свя­той Ан­то­ний по­до­шел к это­му ру­чью и уви­дел близ него пе­ще­ру. При зву­ке его ша­гов дверь в пе­ще­ру креп­ко за­мкну­лась. Свя­той Ан­то­ний до по­лу­дня взы­вал через дверь к неиз­вест­но­му по­движ­ни­ку и про­сил по­ка­зать ему свое ли­цо. На­ко­нец, дверь от­во­ри­лась и на­встре­чу ему вы­шел глу­бо­кий ста­рец, со­вер­шен­но убе­лен­ный се­ди­на­ми. Это был свя­той Па­вел Фивей­ский. Он уже око­ло де­вя­но­ста лет жил в пу­стыне.

По­сле брат­ско­го лоб­за­ния Па­вел спро­сил Ан­то­ния: «В ка­ком по­ло­же­нии род че­ло­ве­че­ский? Ка­кое прав­ле­ние в ми­ре? Оста­ют­ся ли еще идо­ло­по­клон­ни­ки?» Пре­кра­ще­ние го­не­ний и тор­же­ство хри­сти­ан­ства в Рим­ской им­пе­рии бы­ло для него ра­дост­ной но­во­стью, а по­яв­ле­ние ари­ан­ства – горь­кой. По­ка стар­цы бе­се­до­ва­ли, спу­стил­ся к ним во­рон и по­ло­жил хлеб. «Щедр и ми­ло­стив Гос­подь, – вос­клик­нул Па­вел. – Вот сколь­ко лет каж­дый день я по­лу­чаю от Него пол­хле­ба, а ныне ра­ди тво­е­го при­ше­ствия по­слал Он це­лый хлеб».

На сле­ду­ю­щее утро Па­вел от­крыл о се­бе Ан­то­нию, что ско­ро отой­дет из ми­ра; по­это­му он про­сил Ан­то­ния при­не­сти к нему ман­тию епи­ско­па Афа­на­сия, чтобы при­крыть ею его остан­ки. Ан­то­ний по­спе­шил ис­пол­нить же­ла­ние свя­то­го стар­ца. Он воз­вра­тил­ся в свою пу­сты­ню в силь­ном вол­не­нии и на во­про­сы бра­тьев-мо­на­хов мог ска­зать толь­ко: «Греш­ный, я счи­тал се­бя еще мо­на­хом! Я ви­дел Илию, я ви­дел Иоан­на, я ви­дел Пав­ла в раю». На об­рат­ном пу­ти к свя­то­му Пав­лу он ви­дел его воз­но­ся­ще­го на небо сре­ди сон­ма Ан­ге­лов, про­ро­ков и апо­сто­лов.

«За­чем, Па­вел, не до­ждал­ся ты ме­ня? – вос­клик­нул Ан­то­ний. – Так позд­но я узнал те­бя и так ра­но ты ухо­дишь!» Од­на­ко, ко­гда во­шел в пе­ще­ру Пав­ла, он на­шел его без­молв­но и недви­жи­мо сто­я­щим на ко­ле­нях. Ан­то­ний так­же встал на ко­ле­ни и на­чал мо­лить­ся. Уже по­сле несколь­ких ча­сов мо­лит­вы убе­дил­ся он, что Па­вел по­то­му не дви­жет­ся, что мертв. Он бла­го­го­вей­но омыл его те­ло и за­вер­нул в ман­тию свя­ти­те­ля Афа­на­сия. Вдруг яви­лись два льва и сво­и­ми ког­тя­ми вы­ры­ли до­воль­но глу­бо­кую мо­ги­лу, где Ан­то­ний и по­хо­ро­нил свя­то­го по­движ­ни­ка.

Пре­по­доб­ный Ан­то­ний скон­чал­ся в глу­бо­кой ста­ро­сти (106 лет, в 356 г.) и за свои по­дви­ги за­слу­жил на­име­но­ва­ние Ве­ли­ко­го.

Пре­по­доб­ный Ан­то­ний ос­но­вал от­шель­ни­че­ское мо­на­ше­ство. Несколь­ко от­шель­ни­ков, на­хо­дясь под ру­ко­вод­ством од­но­го на­став­ни­ка – ав­вы, жи­ли от­дель­но друг от дру­га в хи­жи­нах или пе­ще­рах (ски­тах) и пре­да­ва­лись мо­лит­ве, по­сту и тру­дам. Несколь­ко ски­тов, со­еди­нен­ных под вла­стью од­но­го ав­вы, на­зы­ва­лись Лав­рой. Но еще при жиз­ни Ан­то­ния Ве­ли­ко­го по­явил­ся дру­гой род ино­че­ской жиз­ни. По­движ­ни­ки со­би­ра­лись в од­ну об­щи­ну, нес­ли сов­мест­ные тру­ды, каж­дый по сво­ей си­ле и спо­соб­но­стям, раз­де­ля­ли об­щую тра­пе­зу, под­чи­ня­лись од­ним пра­ви­лам. Та­кие об­щи­ны на­зы­ва­лись ки­но­ви­я­ми, или мо­на­сты­ря­ми. Ав­вы этих об­щин ста­ли на­зы­вать­ся ар­хи­манд­ри­та­ми. Ос­но­ва­те­лем об­ще­жи­тель­но­го мо­на­ше­ства по­чи­та­ет­ся пре­по­доб­ный Па­хо­мий Ве­ли­кий.


См. так­же: "Жи­тие пре­по­доб­но­го от­ца на­ше­го Ан­то­ния Ве­ли­ко­го" в из­ло­же­нии свт. Ди­мит­рия Ро­стов­ско­го.