Канон святому преподобному Ефрему Сирину, Едесскому

Припев: Преподо́бне о́тче Ефрéме, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 10 февраля (28 января ст. ст.)

Глас 6.

Пе́снь 1.

Ирмо́с: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Евфра́тским одожде́нием твои́х моли́тв ду́шу мою́ напо́й, изсо́хшую зно́ем страсте́й, и сло́во ми́ вдохни́, тво́й восхваля́ющу пра́здник, всеблаже́нне.

Све́т мы́сленный облиста́в, све́тлое яви́лся еси́ со́лнце светолу́чными доброде́тельми и уче́ний добро́тами, Ефре́ме, озаря́я ве́рных все́ исполне́ние.

Струя́ми сле́з пла́мень страсте́й погаси́в, бы́л еси́ сосу́д че́стен, Ефре́ме, Свята́го Ду́ха, исто́чники источа́я уче́ний, богоблаже́нне.

Богоро́дичен: Нетле́нно Сло́во во утро́бе прии́мши, родила́ еси́ избавля́ющаго от тли́, Тому́ служа́щия при́сно, Ма́ти Де́во Чи́стая, две́ре и́стинно Жи́зни.

Пе́снь 3.

Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.

Ти́ны вся́кия страстны́я себе́ очи́стив, яви́лся еси́ прия́телище доброде́телей я́ко и́стинно и сосу́д вмести́телен дарова́ний Свята́го Ду́ха.

Ника́коже сна́ очи́ма да́в, хра́м яви́лся еси́ Святы́я Тро́ицы, и прему́дрости сокро́вище, ми́р обогаща́я златоза́рными уче́нии, блаже́нне.

Познава́ет друга́го тя́ Христо́ва честна́я Це́рковь златото́чнаго Евфра́та, наводня́юща му́дрых уче́ний пото́ками и тва́рь всю́ напоя́юща.

Богоро́дичен: Во двою́ естеству́ Еди́ный от Святы́я Тро́ицы, из чи́стых Твои́х крове́й вопло́щся, боголе́пно про́йде, су́щия от Ада́ма спаса́я, Всечи́стая, благода́тию.

Седа́лен, гла́с 5

Сокро́вище прему́дрости, та́ин Христо́вых ча́шу боже́ственнаго умиле́ния, воспои́м, ве́рнии, в па́мяти его́: тезоиме́нно бо при́сно сердца́ ве́рных весели́т словесы́ боже́ственными Ефре́м, я́ко де́латель и таи́нник Госпо́дних открове́ний.

Богоро́дичен: Те́плая Предста́тельнице и непобеди́мая, упова́ние изве́стное и непосты́дное, стено́, и покро́ве, и приста́нище притека́ющих к Тебе́, Присноде́во Чи́стая, Сы́на Твоего́ и Бо́га моли́ со а́нгелы, ми́р да́ти ми́ру, и спасе́ние, и ве́лию ми́лость.

Крестобогоро́дичен: Кресто́м Сы́на Твоего́, Богоблагода́тная, и́дольская пре́лесть вся́ упраздни́ся и де́монская кре́пость попра́ся, сего́ ра́ди, ве́рнии, по до́лгу Тя́ при́сно пое́м, и благослови́м, и, Богоро́дицу вои́стинну испове́дающе, Тя́ велича́ем.

Пе́снь 4.

Ирмо́с: Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи, от смы́сла чи́ста, о Го́споде пра́зднующи.

Глаго́лов си́ла твои́х протече́ ве́сь ми́р, высокотво́рным сия́нием смире́ния слепоту́ ду́ш отгоня́щи, блаже́нне.

Непоро́чно соверши́л еси́ житие́, слеза́ми себе́ омыва́я и Судии́ все́м прише́ствие напису́я словесы́ му́дрыми, Богоявле́нне досточу́дне.

Ви́дев твоего́ Госпо́дь смире́ния пресла́вную высоту́, высокотво́рное сло́во тебе́ да́рует, и́мже ересе́й лю́тая смири́шася возноше́ния.

Укрепи́вся благода́тию Вседержи́теля, к нача́лом ополчи́лся еси́ де́монским, о́тче, и победи́л еси́, о на́с моля́ся те́пле, восхваля́ющих тя́.

Богоро́дичен: Я́ко Боже́ственный хра́м, я́ко го́ру святу́ю, я́ко исто́чник нетле́ния, я́ко избра́нну еди́ну бы́вшую Зижди́телю на́шему Бо́гу, Де́ву ублажи́м.

Пе́снь 5.

Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Сле́з пото́ками сласте́й до конца́, о́тче, изсуши́л еси́ пучи́ну и источе́нии твои́х уче́ний ересе́й пото́ки, блаже́нне, потопи́л еси́.

Ум тво́й манове́нием е́же к Бо́гу, о́тче, просвеща́емь, Ефре́ме, богови́ден ве́сь бы́сть, я́коже зерца́ло Боже́ственнаго Ду́ха, невеще́ственно явле́ния прие́мля.

Хра́м бы́л еси́ вмести́телен, о́тче, Тро́ицы вои́стинну и испещре́н благода́тию, и озаре́нием чи́стых доброде́телей, и уче́ний це́лостию.

Богоро́дичен: Ме́ртва мя́ показа́ во Еде́ме вкуше́ние дре́ва лука́вым наве́том зми́я, Ты́ же, Жизнода́теля Христа́ ро́ждши, оживи́ла мя́ еси́, Еди́на Богора́дованная.

Пе́снь 6.

Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли́ живо́т мо́й, Многоми́лостиве.

Не песо́к основа́ние, но ве́ру нерасте́рзну, богоно́се, положи́в, от вра́жиих вся́ческих наве́тов непрекло́нен пребы́л еси́, непобеди́мою дла́нию окормля́емь.

Язы́к тво́й, я́ко тро́сть пи́сменника скоропи́сца, вои́стинну бы́сть, повеству́ющ, ра́зум всеблагочести́в, на скрижа́лех начерта́ющь серде́чных, о́тче, зако́н Ду́ха.

Твою́ пла́вающии догма́тов тишину́, Ефре́ме богому́дре, пучи́ны треволне́ний избавля́ются душевре́дных и бу́ри ересе́й, возни́чуще, ве́рою спаса́ются.

Богоро́дичен: Вся́кия вы́шши разумева́емыя, я́ко Бо́г, и ви́димыя тва́ри, вопло́щся, про́йде из Твоего́ чре́ва, соблю́д Тя́ нетле́нну, я́коже бе́ пре́жде Рождества́, Ма́ти Де́во.

Конда́к, гла́с 2.

Ча́с при́сно прови́дя Суда́, рыда́л еси́ го́рько, Ефре́ме, я́ко любобезмо́лвный, де́лателен же бы́л еси́ в де́лех учи́тель, преподо́бне. Те́мже, о́тче всеми́рный, лени́выя воздвиза́еши к покая́нию.

И́кос:

От во́д благода́ти твоея́ иска́пи в ду́шу мою́, омыва́я ю́ от вся́кия скве́рны нечи́стыя, я́ко да от си́х очи́стится и, ревни́тельно житие́ по всему́ духо́вно про́чее ле́то сконча́вши, сла́дости боже́ственныя наслади́тся, ея́же наслади́лся еси́ и напои́л еси́ вся́, от страсте́й пали́мыя. Се́ бо словесы́ твои́ми лени́выя воздвиза́еши к покая́нию.

Пе́снь 7.

Ирмо́с: Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.

Законоположи́тель мона́шествующих изве́стнейший яви́лся еси́, прече́стне, изыма́тель же от вра́жиих вся́ческих сплете́ний. Те́мже твою́ почита́ют честну́ю и свяще́нную на земли́, блаже́нне, па́мять.

Изря́ден Ду́ха, приснопа́мятне, орга́н бы́л еси́, возглаша́ющий твои́ми всегда́ дохнове́ньми, и пе́снь спаси́тельную на́м покая́ния песнопоя́, воспева́ющим тя́.

Богоро́дичен: Па́че сло́ва Твое́ зача́тие, Богоневе́сто, Бо́га бо Сло́ва родила́ еси́, изба́вльшаго от безслове́сия вся́ челове́ки и сло́во подаю́ща вопи́ти: благослове́н еси́, Бо́же оте́ц на́ших.

Пе́снь 8.

Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя́ превозно́сим во вся́ ве́ки.

Светоно́сен я́ко ино́е показа́лся еси́ со́лнце, уче́ний лучи́ испуща́я конце́м, тму́ несве́тлую отгна́л еси́, блаже́нне, вся́каго греха́ све́том покая́ния.

Струя́ми боже́ственных догма́тов окружа́емь, я́коже ина́я река́, из Еде́ма теку́щи, лице́ земли́ напая́я, чу́дне, и нече́стия пле́велы подавля́я.

Богоро́дичен: И́стинную Богоро́дицу испове́дающе Тя́, а́нгельски, е́же ра́дуйся, ве́рою вопие́м Ти́: еди́на бо Ра́дость на земли́ родила́ еси́, Обра́дованная, при́сно Благослове́нная.

Пе́снь 9.

Ирмо́с: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́и, Тя́ ублажа́ем.

Уязви́вся любо́вию Вседержи́теля, все́ твое́ житие́, рыда́я, сконча́л еси́, вопия́ со у́жасом, преподо́бне: осла́би во́лны Твоея́, Спа́се, благода́ти, се́ю мя́ бога́тно соблюда́я в бу́дущей жи́зни.

Сла́дко сло́во твое́, умиле́ния пода́тельно, испо́лнено просвеще́ния притека́ющим, богоно́се Ефре́ме досточу́дне, непоро́чно же житие́, все́ми украша́емо богосия́нными доброде́тельми и просвеща́емо.

Хра́м Ду́ха бы́л еси́ и река́, во́д живото́чных исполня́ема, Це́ркве основа́ние незы́блемое, утвержде́ние мона́шествующих, струя́ приснотеку́щая боже́ственнаго умиле́ния, Ефре́ме досточу́дне.

Богоро́дичен: Разуме́ти не мо́жет у́м челове́ческий е́же па́че ума́ Рождества́ Твоего́, Де́во, та́инство: Бо́г бо, всели́вся во утро́бу Твою́, ключа́ де́вства не поколеба́, я́коже ве́сть Еди́н Са́м Непостижи́мый.

Свети́лен.

Ча́ша сокрове́нных Христо́вы му́дрости сокро́вищ, Ефре́ме, твои́м умиле́нием, преподо́бне о́тче, яви́лся еси́ и уче́нии твои́ми боже́ственными ду́ши ве́рных весели́ши.

Богоро́дичен: Держа́вным Твои́м кро́вом от враго́в наве́та ны́, Чи́стая, Твоя́ рабы́, сохрани́ вся́ невреди́мы: Тя́ бо еди́ну и́мамы прибе́жище в ну́ждах.

Пѣ́снь а҃.

І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше.

Є҆ѵфра́тскимъ ѡ҆дожде́нїемъ твои́хъ моли́твъ дꙋ́шꙋ мою̀ напо́й, и҆зсо́хшꙋю зно́емъ страсте́й, и҆ сло́во мѝ вдохнѝ, тво́й восхвалѧ́ющꙋ пра́здникъ, всебл҃же́нне.

Свѣ́тъ мы́сленный ѡ҆блиста́въ, свѣ́тлое ꙗ҆ви́лсѧ є҆сѝ со́лнце, свѣтолꙋ́чными добродѣ́тельми, и҆ ᲂу҆че́нїй добро́тами, є҆фре́ме, ѡ҆зарѧ́ѧ вѣ́рныхъ всѐ и҆сполне́нїе.

Стрꙋѧ́ми сле́зъ пла́мень страсте́й погаси́въ, бы́лъ є҆сѝ сосꙋ́дъ че́стенъ, є҆фре́ме, ст҃а́гѡ дх҃а, и҆сто́чники и҆сточа́ѧ ᲂу҆че́нїй, бг҃облаже́нне.

Бг҃оро́диченъ: Нетлѣ́нно сло́во во ᲂу҆тро́бѣ прїи́мши, родила̀ є҆сѝ и҆збавлѧ́ющаго ѿ тлѝ томꙋ̀ слꙋжа́щыѧ при́снѡ, мт҃и дв҃о чⷭ҇таѧ, две́ре и҆́стиннѡ жи́зни.

Пѣ́снь г҃.

І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀.

Ти́ны всѧ́кїѧ страстны́ѧ себѐ ѡ҆чи́стивъ, ꙗ҆ви́лсѧ є҆сѝ прїѧ́телище добродѣ́телей ꙗ҆́кѡ и҆́стиннѡ, и҆ сосꙋ́дъ вмѣсти́теленъ дарова́нїй ст҃а́гѡ дх҃а.

Ника́коже сна̀ ѻ҆чи́ма да́въ, хра́мъ ꙗ҆ви́лсѧ є҆сѝ ст҃ы́ѧ трⷪ҇цы, и҆ премꙋ́дрости сокро́вище, мі́ръ ѡ҆богаща́ѧ златоза́рными ᲂу҆чє́нїи, бл҃же́нне.

Познава́етъ дрꙋга́го тѧ̀ хрⷭ҇то́ва чⷭ҇тна́ѧ цр҃ковь златото́чнаго є҆ѵфра́та, наводнѧ́юща мꙋ́дрыхъ ᲂу҆че́нїй пото́ками, и҆ тва́рь всю̀ напоѧ́юща.

Бг҃оро́диченъ: Во двою̀ є҆стєствꙋ̀ є҆ди́ный ѿ ст҃ы́ѧ трⷪ҇цы, и҆зъ чⷭ҇тыхъ твои́хъ крове́й вопло́щсѧ бг҃олѣ́пнѡ про́йде, сꙋ́щыѧ ѿ а҆да́ма спаса́ѧ, всечⷭ҇таѧ, бл҃года́тїю.

Сѣда́ленъ, гла́съ є.

Сокро́вище премꙋ́дрости та̑инъ хрⷭ҇то́выхъ, ча́шꙋ бж҃е́ственнагѡ ᲂу҆миле́нїѧ, воспои́мъ, вѣ́рнїи, въ па́мѧти є҆гѡ̀, тезоиме́ннѡ бо при́снѡ сердца̀ вѣ́рныхъ весели́тъ, словесы̀ бжⷭ҇твенными є҆фре́мъ, ꙗ҆́кѡ дѣ́латель и҆ таи́нникъ гдⷭ҇нихъ ѿкрове́нїй.

Бг҃оро́диченъ: Те́плаѧ предста́тельнице и҆ непобѣди́маѧ, ᲂу҆пова́нїе и҆звѣ́стное и҆ непосты́дное, стѣно̀ и҆ покро́ве и҆ приста́нище притека́ющихъ къ тебѣ̀, приснодв҃о чⷭ҇таѧ, сн҃а твоего̀ и҆ бг҃а молѝ со а҆́гг҃лы, ми́ръ да́ти мі́рꙋ, и҆ спасе́нїе, и҆ ве́лїю ми́лость.

Крⷭ҇тобг҃оро́диченъ: Кресто́мъ сн҃а твоегѡ̀, бг҃облагода́тнаѧ, і҆́дѡльскаѧ пре́лесть всѧ̀ ᲂу҆праздни́сѧ, и҆ де́мѡнскаѧ крѣ́пость попра́сѧ: сегѡ̀ ра́ди вѣ́рнїи по до́лгꙋ тѧ̀ при́снѡ пое́мъ и҆ бл҃гослови́мъ, и҆ бцⷣꙋ вои́стиннꙋ и҆сповѣ́дающе тѧ̀ велича́емъ.

Пѣ́снь д҃.

І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи, ѿ смы́сла чи́ста, ѡ҆ гдⷭ҇ѣ пра́зднꙋющи.

Глаго́лѡвъ си́ла твои́хъ протечѐ ве́сь мі́ръ, высокотво́рнымъ сїѧ́нїемъ смире́нїѧ, слѣпотꙋ̀ дꙋ́шъ ѿгонѧ́щи, блаже́нне.

Непоро́чно соверши́лъ є҆сѝ житїѐ, слеза́ми себѐ ѡ҆мыва́ѧ, и҆ сꙋдїѝ всѣ̑мъ прише́ствїе написꙋ́ѧ словесы̀ мꙋ́дрыми, бг҃оѧвле́нне досточꙋ́дне.

Ви́дѣвъ твоегѡ̀ гдⷭ҇ь смире́нїѧ пресла́внꙋю высотꙋ̀, высокотво́рное сло́во тебѣ̀ да́рꙋетъ, и҆́мже є҆ресе́й лю̑таѧ смири́шасѧ возношє́нїѧ.

Оу҆крѣпи́всѧ благода́тїю вседержи́телѧ, къ нача́лѡмъ ѡ҆полчи́лсѧ є҆сѝ дє́мѡнскимъ, ѻ҆́тче, и҆ побѣди́лъ є҆сѝ, ѡ҆ на́съ молѧ́сѧ те́плѣ, восхвалѧ́ющихъ тѧ̀.

Бг҃оро́диченъ: Ꙗ҆́кѡ бж҃е́ственный хра́мъ, ꙗ҆́кѡ го́рꙋ ст҃ꙋ́ю, ꙗ҆́кѡ и҆сто́чникъ нетлѣ́нїѧ, ꙗ҆́кѡ и҆збра́ннꙋ є҆ди́нꙋ бы́вшꙋю зижди́телю на́шемꙋ бг҃ꙋ, дв҃ꙋ ᲂу҆блажи́мъ.

Пѣ́снь є҃.

І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща.

Сле́зъ пото́ками, сласте́й до конца̀, ѻ҆́тче, и҆зсꙋши́лъ є҆сѝ пꙋчи́нꙋ: и҆ и҆сточє́нїи твои́хъ ᲂу҆че́нїй, є҆ресе́й пото́ки, блаже́нне, потопи́лъ є҆сѝ.

Оу҆́мъ тво́й манове́нїемъ є҆́же къ бг҃ꙋ, ѻ҆́тче, просвѣща́емь, є҆фре́ме, бг҃ови́дѣнъ ве́сь бы́сть, ꙗ҆́коже зерца́ло бжⷭ҇твеннагѡ дх҃а, невеще́ственнѡ ꙗ҆влє́нїѧ прїе́млѧ.

Хра́мъ бы́лъ є҆сѝ вмѣсти́теленъ, ѻ҆́тче, трⷪ҇цы вои́стиннꙋ, и҆ и҆спещре́нъ, благода́тїю, и҆ ѡ҆заре́нїемъ чи́стыхъ добродѣ́телей, и҆ ᲂу҆че́нїй цѣ́лостїю.

Бг҃оро́диченъ: Ме́ртва мѧ̀ показа̀ во є҆де́мѣ вкꙋше́нїе дре́ва, лꙋка́вымъ навѣ́томъ ѕмі́ѧ: ты́ же жизнода́телѧ хрⷭ҇та̀ ро́ждши, ѡ҆живи́ла мѧ̀ є҆сѝ, є҆ди́на бг҃ора́дованнаѧ.

Пѣ́снь ѕ҃.

І҆рмо́съ: Жите́йское мо́ре, воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве.

Не песо́къ ѡ҆снова́нїе, но вѣ́рꙋ нерасте́рзнꙋ, бг҃оно́се, положи́въ, ѿ вра́жїихъ всѧ́ческихъ навѣ́тѡвъ непрекло́ненъ пребы́лъ є҆сѝ, непобѣди́мою дла́нїю ѡ҆кормлѧ́емь.

Ѧ҆зы́къ тво́й ꙗ҆́кѡ тро́сть пи́сменника скоропи́сца вои́стиннꙋ бы́сть, повѣствꙋ́ющъ ра́зꙋмъ всеблагочести́въ, на скрижа́лѣхъ начерта́ющь серде́чныхъ, ѻ҆́тче, зако́нъ дх҃а.

Твою̀ пла́вающїи догма́тѡвъ тишинꙋ̀, є҆фре́ме бг҃омꙋ́дре, пꙋчи́ны треволне́нїй и҆збавлѧ́ютсѧ дꙋшевре́дныхъ и҆ бꙋ́ри є҆ресе́й возни́чꙋще вѣ́рою спаса́ютсѧ.

Бг҃оро́диченъ: Всѧ́кїѧ вы́шши разꙋмѣва́емыѧ, ꙗ҆́кѡ бг҃ъ, и҆ ви́димыѧ тва́ри, вопло́щсѧ про́йде и҆зъ твоегѡ̀ чре́ва, соблю́дъ тѧ̀ нетлѣ́ннꙋ ꙗ҆́коже бѣ̀ пре́жде рождества̀, мт҃и дв҃о.

Конда́къ, гла́съ в҃.

Ча́съ при́снѡ прови́дѧ сꙋда̀, рыда́лъ є҆сѝ го́рькѡ, є҆фре́ме, ꙗ҆́кѡ любобезмо́лвный, дѣ́лателенъ же бы́лъ є҆сѝ въ дѣ́лѣхъ ᲂу҆чи́тель, преподо́бне. тѣ́мже, ѻ҆́тче всемі́рный, лѣни̑выѧ воздвиза́еши къ покаѧ́нїю.

І҆́косъ:

Ѿ во́дъ бл҃года́ти твоеѧ̀ и҆ска́пи въ дꙋ́шꙋ мою̀, ѡ҆мыва́ѧ ю҆̀ ѿ всѧ́кїѧ скве́рны нечи́стыѧ: ꙗ҆́кѡ да ѿ си́хъ ѡ҆чи́ститсѧ, и҆ ревни́тельно житїѐ по всемꙋ̀ дх҃о́внѡ, про́чее лѣ́то сконча́вши, сла́дости бжⷭ҇твенныѧ наслади́тсѧ, є҆ѧ́же наслади́лсѧ є҆сѝ, и҆ напои́лъ є҆сѝ всѧ̑ ѿ страсте́й пали̑мыѧ. се́ бо словесы̀ твои́ми лѣни̑выѧ воздвиза́еши къ покаѧ́нїю.

Пѣ́снь з҃.

І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: благослове́нъ є҆сѝ, бж҃е ѻ҆тє́цъ на́шихъ.

Законоположи́тель мона́шествꙋющихъ и҆звѣ́стнѣйшїй ꙗ҆ви́лсѧ є҆сѝ, прече́стне, и҆з̾има́тель же ѿ вра́жїихъ всѧ́ческихъ сплете́нїй. Тѣ́мже твою̀ почита́ютъ честнꙋ́ю и҆ свѧще́ннꙋю на землѝ, блаже́нне, па́мѧть.

И҆зрѧ́денъ дх҃а, приснопа́мѧтне, ѻ҆рга́нъ бы́лъ є҆сѝ, возглаша́ющїй твои́ми всегда̀ дохнове́ньми, и҆ пѣ́снь спаси́тельнꙋю на́мъ покаѧ́нїѧ пѣснопоѧ̀, воспѣва́ющымъ тѧ̀.

Бг҃оро́диченъ: Па́че сло́ва твоѐ зача́тїе, бг҃оневѣ́сто, бг҃а бо сло́ва родила̀ є҆сѝ и҆зба́вльшаго ѿ безслове́сїѧ всѧ̑ человѣ́ки, и҆ сло́во подаю́ща вопи́ти: бл҃гослове́нъ є҆сѝ, бж҃е ѻ҆ц҃ъ на́шихъ.

Пѣ́снь и҃.

І҆рмо́съ: И҆зъ пла́мене преподѡ́бнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. тѧ̀ превозно́симъ во всѧ̑ вѣ́ки.

Свѣтоно́сенъ ꙗ҆́кѡ и҆но́е показа́лсѧ є҆сѝ со́лнце, ᲂу҆че́нїй лꙋчѝ и҆спꙋща́ѧ концє́мъ, тмꙋ̀ несвѣ́тлꙋю ѿгна́лъ є҆сѝ, блаже́нне, всѧ́кагѡ грѣха̀, свѣ́томъ покаѧ́нїѧ.

Стрꙋѧ́ми бжⷭ҇твенныхъ догма́тѡвъ ѡ҆крꙋжа́емь, ꙗ҆́коже и҆на́ѧ рѣка̀ и҆з̾ є҆де́ма текꙋ́щи, лицѐ землѝ напаѧ́ѧ, чꙋ́дне, и҆ нече́стїѧ пле́велы подавлѧ́ѧ.

Бг҃оро́диченъ: И҆́стиннꙋю бцⷣꙋ и҆сповѣ́дающе тѧ̀, а҆́гг҃льски є҆́же ра́дꙋйсѧ, вѣ́рою вопїе́мъ тѝ: є҆ди́на бо ра́дость на землѝ родила̀ є҆сѝ, ѡ҆бра́дованнаѧ при́снѡ бл҃гослове́ннаѧ.

Пѣ́снь ѳ҃.

І҆рмо́съ: Бг҃а человѣ́кѡмъ невозмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и, тѧ̀ ᲂу҆блажа́емъ.

Оу҆ѧзви́всѧ любо́вїю вседержи́телѧ, всѐ твоѐ житїѐ рыда́ѧ сконча́лъ є҆сѝ, вопїѧ̀ со ᲂу҆́жасомъ, преподо́бне: ѡ҆сла́би во́лны твоеѧ̀, сп҃се, бл҃года́ти, се́ю мѧ̀ бога́тнѡ соблюда́ѧ въ бꙋ́дꙋщей жи́зни.

Сла́дко сло́во твоѐ, ᲂу҆миле́нїѧ пода́тельно, и҆спо́лнено просвѣще́нїѧ притека́ющымъ, бг҃оно́се є҆фре́ме досточꙋ́дне: непоро́чно же житїѐ, всѣ́ми ᲂу҆краша́емо бг҃осїѧ́нными добродѣ́тельми, и҆ просвѣща́емо.

Хра́мъ дх҃а бы́лъ є҆сѝ, и҆ рѣка̀ во́дъ живото́чныхъ и҆сполнѧ́ема, цр҃кве ѡ҆снова́нїе незы́блемое, ᲂу҆твержде́нїе мона́шествꙋющихъ, стрꙋѧ̀ приснотекꙋ́щаѧ бж҃е́ственнагѡ ᲂу҆миле́нїѧ, є҆фре́ме досточꙋ́дне.

Бг҃оро́диченъ: Разꙋмѣ́ти не мо́жетъ ᲂу҆́мъ человѣ́ческїй, є҆́же па́че ᲂу҆ма̀ ржⷭ҇тва̀ твоегѡ̀, дв҃о, та́инство: бг҃ъ бо всели́всѧ во ᲂу҆тро́бꙋ твою̀, ключа̀ дѣ́вства не поколеба̀, ꙗ҆́коже вѣ́сть є҆ди́нъ са́мъ непостижи́мый.

Свѣти́ленъ.

Ча́ша сокрове́нныхъ хрⷭ҇то́вы мꙋ́дрости сокро́вищъ, є҆фре́ме, твои́мъ ᲂу҆миле́нїемъ, прпⷣбнѣ ѻ҆́тче, ꙗ҆ви́лсѧ є҆сѝ, и҆ ᲂу҆чє́нїи твои́ми бжⷭ҇твенными дꙋ́шы вѣ́рныхъ весели́ши.

Бг҃оро́диченъ: Держа́внымъ твои́мъ кро́вомъ ѿ врагѡ́въ навѣ́та ны̀, чⷭ҇таѧ, твоѧ̑ рабы̑ сохранѝ всѧ̑ невреди̑мы: тѧ́ бо є҆ди́нꙋ и҆́мамы прибѣ́жище въ нꙋ́ждахъ.

Статьи о преподобном Ефреме Сирине

• «Во дни печальные Великого Поста...» (Ефрем Сирин и Александр Пушкин) Юрий Рубан

Пре­по­доб­ный Еф­рем Си­рин[1], учи­тель по­ка­я­ния, ро­дил­ся в на­ча­ле IV ве­ка (год его рож­де­ния точ­но неиз­ве­стен) в го­ро­де Ни­зи­бии (Ме­со­по­та­мии) в хри­сти­ан­ской се­мье бед­ных зем­ле­дель­цев. Ро­ди­те­ли вос­пи­та­ли сы­на в бла­го­че­стии. Но, от­ли­ча­ясь с дет­ства вспыль­чи­вым, раз­дра­жи­тель­ным ха­рак­те­ром, он в юно­сти ча­сто ссо­рил­ся, со­вер­шал необ­ду­ман­ные по­ступ­ки, да­же со­мне­вал­ся в Про­мыс­ле Бо­жи­ем, по­ка не по­лу­чил от Гос­по­да вра­зум­ле­ние, на­пра­вив­шее его на путь по­ка­я­ния и спа­се­ния. Од­на­жды его неспра­вед­ли­во об­ви­ни­ли в кра­же овец и по­са­ди­ли в тем­ни­цу. В ней он услы­шал во сне го­лос, при­зы­вав­ший его к по­ка­я­нию и ис­прав­ле­нию жиз­ни. Он был оправ­дан и осво­бож­ден.

В Еф­ре­ме про­бу­ди­лось глу­бо­кое по­ка­я­ние. Юно­ша уда­лил­ся в окрест­ные го­ры и стал от­шель­ни­ком. Та­кой род хри­сти­ан­ско­го по­движ­ни­че­ства был вве­ден в Ни­зи­бии уче­ни­ком пре­по­доб­но­го Ан­то­ния Ве­ли­ко­го еги­пет­ским пу­стын­ни­ком Ев­ге­ни­ем.

Сре­ди от­шель­ни­ков осо­бен­но вы­де­лял­ся зна­ме­ни­тый ас­кет, про­по­вед­ник хри­сти­ан­ства и об­ли­чи­тель ари­ан епи­скоп Ни­зи­бий­ской Церк­ви свя­той Иа­ков (па­мять 13 ян­ва­ря). Пре­по­доб­ный Еф­рем стал од­ним из его уче­ни­ков. Под бла­го­дат­ным ру­ко­вод­ством свя­ти­те­ля пре­по­доб­ный Еф­рем стя­жал хри­сти­ан­скую кро­тость, сми­ре­ние, по­кор­ность Про­мыс­лу Бо­жию, да­ю­щую си­лу без­ро­пот­но пе­ре­но­сить раз­лич­ные ис­ку­ше­ния. Свя­ти­тель Иа­ков знал вы­со­кие до­сто­ин­ства сво­е­го уче­ни­ка и ис­поль­зо­вал их на бла­го Церк­ви – по­ру­чал ему чи­тать про­по­ве­ди, обу­чать де­тей в учи­ли­ще, взял его с со­бой на I Все­лен­ский Со­бор в Ни­кее (325 г.). Пре­по­доб­ный Еф­рем 14 лет был в по­слу­ша­нии у свя­ти­те­ля Иа­ко­ва до его кон­чи­ны.

По­сле взя­тия Ни­зи­бии пер­са­ми в 363 го­ду пре­по­доб­ный Еф­рем по­ки­нул пу­сты­ню и по­се­лил­ся в мо­на­сты­ре близ го­ро­да Едес­сы. Здесь он уви­дел мно­го ве­ли­ких по­движ­ни­ков, про­во­див­ших жизнь в мо­лит­вах и псал­мо­пе­нии. Пе­ще­ры бы­ли их един­ствен­ным убе­жи­щем, пи­та­лись они од­ни­ми рас­те­ни­я­ми. Осо­бен­но он сбли­зил­ся с по­движ­ни­ком Иули­а­ном (па­мять 18 ок­тяб­ря), ко­то­рый был с ним од­но­го по­ка­ян­но­го ду­ха. Пре­по­доб­ный Еф­рем со­че­тал с по­движ­ни­че­ски­ми тру­да­ми непре­стан­ное изу­че­ние Сло­ва Бо­жия, по­чер­пая в нем для сво­ей ду­ши уми­ле­ние и муд­рость. Гос­подь дал ему дар учи­тель­ства, к нему на­ча­ли при­хо­дить лю­ди, ждав­шие услы­шать его на­став­ле­ния, ко­то­рые осо­бен­но дей­ство­ва­ли на ду­ши по­то­му, что он на­чи­нал их с об­ли­че­ний се­бя. Пре­по­доб­ный и уст­но, и пись­мен­но учил всех по­ка­я­нию, ве­ре и бла­го­че­стию, об­ли­чал ари­ан­скую ересь, вол­но­вав­шую то­гда хри­сти­ан­ское об­ще­ство. Языч­ни­ки, слу­шая про­по­ве­ди пре­по­доб­но­го, об­ра­ща­лись в хри­сти­ан­ство.

Нема­ло по­тру­дил­ся он и в ис­тол­ко­ва­нии Свя­щен­но­го Пи­са­ния – объ­яс­не­нии Пя­ти­кни­жия Мо­и­сея. Им на­пи­са­но мно­го мо­литв и пес­но­пе­ний, обо­га­тив­ших цер­ков­ное Бо­го­слу­же­ние. Из­вест­ны мо­лит­вы к Пре­свя­той Тро­и­це, Сы­ну Бо­жию, Пре­свя­той Бо­го­ро­ди­це. Он на­пи­сал для сво­ей Церк­ви пес­но­пе­ния на дни дву­на­де­ся­тых Гос­под­них празд­ни­ков (Рож­де­ство Хри­сто­во, Кре­ще­ние), Вос­кре­се­ние, по­гре­баль­ные пес­но­пе­ния. Его по­ка­ян­ная мо­лит­ва "Гос­по­ди и Вла­ды­ко жи­во­та мо­е­го..." чи­та­ет­ся Ве­ли­ким по­стом и при­зы­ва­ет хри­сти­ан к ду­хов­но­му об­нов­ле­нию. Цер­ковь с древ­них вре­мен вы­со­ко це­ни­ла тру­ды пре­по­доб­но­го Еф­ре­ма: его тво­ре­ния чи­та­лись в неко­то­рых церк­вах на со­бра­ни­ях вер­ных по­сле Свя­щен­но­го Пи­са­ния. И ныне по Уста­ву Церк­ви неко­то­рые его по­уче­ния по­ло­же­но чи­тать в дни по­ста. Меж­ду про­ро­ка­ми свя­той Да­вид, по пре­иму­ще­ству, псал­мо­пе­вец; меж­ду свя­ты­ми от­ца­ми Церк­ви пре­по­доб­ный Еф­рем Си­рин – по пре­иму­ще­ству мо­лит­вен­ник. Ду­хов­ная опыт­ность сде­ла­ла его на­став­ни­ком ино­ков и по­мощ­ни­ком едес­ских пас­ты­рей. Пре­по­доб­ный Еф­рем пи­сал по-си­рий­ски, но его тво­ре­ния очень ра­но бы­ли пе­ре­ве­де­ны на гре­че­ский и ар­мян­ский язы­ки, а с гре­че­ско­го – на ла­тин­ский и сла­вян­ский.

В мно­го­чис­лен­ных тво­ре­ни­ях пре­по­доб­но­го встре­ча­ют­ся цель­ные кар­ти­ны жиз­ни си­рий­ских по­движ­ни­ков, глав­ное ме­сто в ко­то­рой за­ни­ма­ла мо­лит­ва и за­тем труд на об­щую брат­скую поль­зу, по­слу­ша­ния. Воз­зре­ния на смысл жиз­ни у всех си­рий­ских ас­ке­тов бы­ли оди­на­ко­вы. Ко­неч­ной це­лью сво­их по­дви­гов ино­ки счи­та­ли Бо­го­об­ще­ние и все­ле­ние Бо­же­ствен­ной бла­го­да­ти в ду­шу по­движ­ни­ка, на­сто­я­щая жизнь бы­ла для них вре­ме­нем пла­ча, по­ста и тру­дов.

"Ес­ли Сын Бо­жий в те­бе, то и цар­ство Его в те­бе. Вот Цар­ство Бо­жие – внут­ри те­бя, греш­ник. Вой­ди в са­мо­го се­бя, ищи усерд­нее и без тру­да най­дешь его. Вне те­бя – смерть, и дверь к ней – грех. Вой­ди в се­бя, пре­бы­вай в серд­це сво­ем, ибо там – Бог". Непре­стан­ное ду­хов­ное трез­ве­ние, раз­ви­тие бла­га в ду­ше че­ло­ве­ка да­ет ему воз­мож­ность вос­при­нять труд как бла­жен­ство, и са­мо­при­нуж­де­ние как свя­тость. Воз­да­я­ние пред­на­чи­на­ет­ся в зем­ной жиз­ни че­ло­ве­ка, под­го­тав­ли­ва­ет­ся сте­пе­нью ее ду­хов­но­го усо­вер­ше­ния. Кто на зем­ле взрас­тил се­бе кры­лья, го­во­рит пре­по­доб­ный Еф­рем, тот там вос­па­ря­ет в гор­няя; кто здесь очи­стит ум свой – тот там узрит сла­ву Бо­жию; в ка­кой ме­ре каж­дый воз­лю­бит Бо­га – в той ме­ре на­сы­тит­ся лю­бо­вью Его. Че­ло­век, очи­стив­ший се­бя и стя­жав­ший бла­го­дать Ду­ха Свя­то­го еще здесь, на зем­ле, пред­вку­ша­ет Цар­ство Небес­ное. Стя­жать жизнь веч­ную, по уче­нию пре­по­доб­но­го Еф­ре­ма, не зна­чит пе­рей­ти из од­ной об­ла­сти бы­тия в дру­гую, а зна­чит об­ре­сти "небес­ное" ду­хов­ное со­сто­я­ние. Веч­ная жизнь не да­ру­ет­ся че­ло­ве­ку од­но­сто­рон­ним про­из­во­ле­ни­ем Бо­жи­им, но, как зер­но, по­сте­пен­но про­из­рас­та­ет в нем чрез по­двиг, тру­ды и бо­ре­ния.

За­лог обо­же­ния в нас – Кре­ще­ние Хри­сто­во, глав­ный дви­га­тель жиз­ни хри­сти­ан­ской – по­ка­я­ние. Пре­по­доб­ный Еф­рем Си­рин был ве­ли­кий учи­тель по­ка­я­ния. Про­ще­ние гре­хов в та­ин­стве По­ка­я­ния, по его уче­нию, это не внеш­нее оправ­да­ние, не за­бве­ние гре­хов, а пол­ное уни­что­же­ние их. Сле­зы по­ка­я­ния смы­ва­ют и сжи­га­ют грех. И еще – они жи­во­тво­рят, пре­об­ра­жа­ют гре­хов­ное есте­ство, да­ют си­лу "хо­дить пу­тем за­по­ве­дей Гос­под­них", укреп­ля­ясь упо­ва­ни­ем на Бо­га. В ог­нен­ной ку­пе­ли По­ка­я­ния, пи­сал пре­по­доб­ный, "сам се­бя пе­ре­плав­ля­ешь ты, греш­ник, сам се­бя вос­кре­ша­ешь из мерт­вых".

Пре­по­доб­ный Еф­рем, по сво­е­му сми­ре­нию счи­тая се­бя ни­же и ху­же всех, в кон­це сво­ей жиз­ни от­пра­вил­ся в Еги­пет, чтобы уви­деть по­дви­ги ве­ли­ких пу­стын­ни­ков. Он был при­нят там как же­лан­ный гость и сам по­лу­чил боль­шое уте­ше­ние от об­ще­ния с ни­ми. На воз­врат­ном пу­ти он по­се­тил в Ке­са­рии Кап­па­до­кий­ской свя­ти­те­ля Ва­си­лия Ве­ли­ко­го (па­мять 1 ян­ва­ря), ко­то­рый по­же­лал по­свя­тить его во пре­сви­те­ра, но пре­по­доб­ный счел се­бя недо­стой­ным иерей­ства и по на­сто­я­нию свя­ти­те­ля при­нял лишь сан диа­ко­на, в ко­то­ром пре­бы­вал до смер­ти. Впо­след­ствии свя­ти­тель Ва­си­лий Ве­ли­кий при­гла­шал пре­по­доб­но­го Еф­ре­ма на ка­фед­ру епи­ско­па, но свя­той пред­ста­вил­ся юро­ди­вым, чтобы от­кло­нить от се­бя эту честь, по сми­ре­нию счи­тая се­бя недо­стой­ным ее.

По воз­вра­ще­нии в свою Едес­скую пу­стынь пре­по­доб­ный Еф­рем хо­тел ко­нец жиз­ни про­ве­сти в уеди­не­нии. Но Про­мысл Бо­жий еще раз вы­звал его на слу­же­ние ближ­ним. Жи­те­ли Едес­сы стра­да­ли от сви­реп­ство­вав­ше­го го­ло­да. Силь­ным сло­вом пре­по­доб­ный по­бу­дил бо­га­тых ока­зы­вать по­мощь неиму­щим. На при­но­ше­ния ве­ру­ю­щих он по­стро­ил бо­га­дель­ню для ни­щих и боль­ных. За­тем пре­по­доб­ный уда­лил­ся в пе­ще­ру под Едес­сой, где и остал­ся до кон­ца сво­ей жиз­ни.

См. так­же: "Жи­тие пре­по­доб­но­го от­ца на­ше­го Еф­ре­ма Си­ри­на" в из­ло­же­нии свт. Ди­мит­рия Ро­стов­ско­го.


При­ме­ча­ния

[1] Пре­по­доб­ный Еф­рем на­зван Си­ри­ном, т. е. си­рий­цем, по­то­му что Ме­со­по­та­мия, в ко­то­рой он ро­дил­ся, в древ­но­сти при­чис­ля­лась к Си­рии.