Канон святому преподобному Иерониму блаженному, Стридонскому

Припев: Преподо́бне о́тче Иерони́ме, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 28 июня (15 июня ст. ст.)

Глас 8.

Пе́снь 1.

Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Тебе́, Богопропове́днику, приношу́ похвалу́ и молю́ся сло́ву да́тися ми́ твои́ми к Бо́гу моли́твами, я́ко да возглашу́ вели́чия, Богому́дре, честна́го жи́тельства твоего́.

От Далма́тския земли́ бога́тый благода́тию израсте́ и украси́ся доброде́тельми сла́вный Иерони́м, му́дростию же и разуме́нием веща́ний Ду́ха, я́ко преи́скренен Бо́гу бы́сть.

Глаго́лы Боже́ственнаго Григо́рия носи́л еси́ в храни́лищи свое́м, я́ко того́ таи́нник, богатносве́тле, и я́ко после́дователь Христа́ и апо́столов Его́, я́ко прича́стник Богосло́вия, блаже́нне.

Богоро́дичен: Неудержи́мыми на ны́ сме́рть устремле́нии напада́ше, но, Твоему́ рождеству́ прибли́жившися, поги́бе и, прирази́вшися, упраздни́ся, Богоро́дице Де́во: жи́знь бо, вои́стинну присносу́щную, воплоще́нну родила́ еси́.

Пе́снь 3.

Ирмо́с: Утвержде́й в нача́ле Небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́: я́ко не́сть Свя́т, па́че Тебе́, Еди́не Человеколю́бче.

Украша́яся добро́тою нра́ва, многолюбе́зен бы́л еси́ все́м, и уго́дник Бо́жий преподо́бен, и во отце́х сла́вен, преблаже́нне.

Умо́м чи́стым обогати́вся, е́ллинскую му́дрость, иуде́йскую и лати́нскую уве́дел еси́, халде́ев же и пе́рсов, но преда́л еси́ себе́ Самопрему́дрости Христу́, сла́вне.

За любо́вь Христо́ву посту́ прилежа́л еси́ и вся́ческим воздержа́ния трудо́м, и́хже ра́ди бы́л еси́ Богому́др, Бо́гови благоуха́ние и челове́ком утеше́ние.

Богоро́дичен: Поро́ка в Тебе́ и скве́рны не́сть отню́д, Де́во, пребыва́лище же па́че яви́лася еси́ Небе́сных доброде́телей: в Тебе́ бо всели́ся вся́кая святы́ня, Влады́чице.

Седа́лен, гла́с 5.

Иерони́ма пе́сньми, ве́рнии, почти́м, поче́тшаго де́лы Христа́ Го́спода и научи́вша на́с спаси́тельным стезя́м и е́же в Бо́га и́стиннаго ве́ровати благоче́стно: те́плый бо сы́й на́ш предста́тель мо́лится о ми́ре и спасе́нии ду́ш на́ших.

Богоро́дичен: Ра́дуйся, свята́я горо́ и Богопрохо́дная, ра́дуйся, одушевле́нная купино́ и неопали́мая, ра́дуйся, еди́на к Бо́гу ми́рови мо́сте, преводя́й ме́ртвыя к ве́чному животу́. Ра́дуйся, нетле́нная Отрокови́це, неискусому́жно ро́ждшая Спа́са ду́ш на́ших.

Пе́снь 4.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча и на́шу нищету́ посети́в. Те́м с проро́ком Авваку́мом зову́ Ти́: си́ле Твое́й сла́ва, Человеколю́бче.

В Вифлее́м прише́л еси́, Богоно́сне, и та́мо подвиза́лся еси́ до конца́ ева́нгельски, вселе́н бы́в с преподо́бными, я́ко преподо́бный, на Небеси́, иде́же и мо́лишися о ве́рою пою́щих тя́.

Я́ко избра́нник, я́ко святы́х оте́ц собесе́дник, в Святе́й Земли́ пожи́л еси́, в не́йже Христо́с я́ко челове́к поживе́ и я́ко Бо́г спасе́ на́с Те́м, достоблаже́нне, почита́ем па́мять твою́.

Бо́жия уго́дника пе́сньми ублажа́ю, Иерони́ма терпеливому́драго, у́зкий пу́ть возлю́бльша и изгна́ние прие́мша, его́же, Го́споди, моли́твами грехо́в разреше́ние, я́ко Бо́г ми́лостив, пода́ждь на́м.

Богоро́дичен: Неве́сту Бо́жию Тя́ и Ма́терь ве́мы, Богоро́дице, Тебе́ бо, я́ко мирово́нный шипо́к, обре́т Сло́во Бо́жие, цвету́щ во удо́лии смире́ннаго челове́чества, возжеле́ Твоея́ добро́ты, и, от Тебе́ Плотоно́сец произше́д, ве́рныя облагоуха́.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тьма́, окая́ннаго? Но обрати́ мя́ и к све́ту за́поведей Твои́х пути́ моя́ напра́ви, молю́ся.

Новосоставле́нна е́сть твоя́ всечестна́я па́мять, преподо́бне, а́ще и дре́вня сия́ ле́ты. Те́мже, прехва́льне, я́коже от дре́вних бы́л еси́, и от но́вых бу́ди достохва́лен.

Превосхо́диши мно́жайших, всеизря́дне, Богому́дрием, и исполня́еши весе́лия и сла́дости ве́рныя, и к высоте́ Боже́ственней возво́диши, я́ко благода́ти Бо́жией обита́лище.

Блаже́нства удосто́ился еси́, достоблаже́нне, сострада́телен и ми́лостив бы́в, стра́нныя и безпокро́вныя упокоева́я, ни́щим помога́я и наги́я одева́я.

Богоро́дичен: Украси́лася еси́, Де́во, я́ко красне́йшее Сло́во ро́ждшая, Его́же при́сно моли́ уще́дрити притека́ющия к Тебе́ и соблюсти́ от вся́каго де́монскаго вре́да на Тя́ упова́ющия.

Пе́снь 6.

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

На земли́ просла́ви тя́ Госпо́дь, свя́те, богому́дрыми бо писа́нии твои́ми све́тиши конце́м, я́ко со́лнце, Иерони́ме светоза́рне.

Умертви́в плотски́я стра́сти воздержа́нием, написа́л еси́, благоу́мне, кни́ги же и сви́тки, учи́тельныя и изъясня́юща сло́во Бо́жие.

Све́тлый в по́стниках и вели́кий в му́дрости бы́в, ти́тло наста́вника ве́рных прия́л еси́, ны́не благохвали́мый на́ми, Богоглаго́ливе.

Богоро́дичен: Зачала́ еси́ вои́стинну Бо́га Сло́ва во утро́бе Твое́й, и Сего́ па́че естества́, Пречи́стая, родила́ еси́, Его́же ми́лостива сотвори́ на́м в Де́нь Су́дный.

Конда́к, гла́с 8.

В преподо́бных преподо́бнейшаго и в блаже́нных блаже́ннейшаго учи́теля, пе́сньми восхва́лим Иерони́ма достохва́льнаго, ве́рных наста́вника и засту́пника, любо́вию тому́ зову́ще: ра́дуйся, о́тче Богому́дре.

И́кос:

Я́коже други́й А́нгел, Иерони́ме о́тче, ви́ден бы́л еси́, на земли́ живя́, и неве́рнии у́бо и злосла́внии лю́те вопия́ху на тя́, правосла́внии же, ра́дующеся, взыва́ху тебе́ такова́я: ра́дуйся, о́трасле Далмати́и Боже́ственная; ра́дуйся, благи́й пло́д ея́ и сы́н. Ра́дуйся, Земли́ Святы́я воспита́ние свято́е; ра́дуйся, благоче́ствующих похвало́. Ра́дуйся, я́ко списа́ния твоя́ све́тят, я́ко све́т; ра́дуйся, я́ко по́стничество твое́ похваля́ется, я́коже ле́по. Ра́дуйся, кра́йний дру́же му́драго Августи́на; ра́дуйся, проше́ния испо́лнивый сего́. Ра́дуйся, ве́рных учи́телю; ра́дуйся, враго́в неве́рных сопротивобо́рче. Ра́дуйся, узре́вый Небе́сный гра́д; ра́дуйся, воспева́яй в не́м Бо́гу Боже́ственную пе́снь. Ра́дуйся, о́тче Богому́дре.

Пе́снь 7.

Ирмо́с: Бо́жия снизхожде́ния о́гнь устыде́ся в Вавило́не иногда́, сего́ ра́ди о́троцы в пещи́, ра́дованною ного́ю, я́ко во цве́тнице, лику́юще, поя́ху: благослове́н еси́, Бо́же оте́ц на́ших.

Ума́ чистото́ю прия́л еси́ благода́ть бога́тную от Бо́га, твори́ти же и глаго́лати вся́ к по́льзе души́, Богопропове́дниче, благословля́я Бо́га оте́ц на́ших.

Пчеле́ трудолю́бней поревнова́в, пи́сьменныя собра́л еси́ цве́ты, я́коже в со́те, се́рдцем и умо́м сие́ состроя́я и те́м услажда́я ве́рных.

Испо́лненный благода́ти Госпо́дней, я́ко вои́стинну избра́нник, бу́ди хода́тай о на́с, вопию́щих и пою́щих: благослове́н еси́, Бо́же оте́ц на́ших.

Богоро́дичен: Неве́стник пречи́ст, е́же па́че сло́ва Сло́ва воплоще́ния, и черто́г, и престо́л, правому́дрствующе, Тя́ Богороди́тельнице, имену́ем, сла́вяще рождество́ Твое́.

Пе́снь 8.

Ирмо́с: Седмери́цею пе́щь халде́йский мучи́тель Богочести́вым неи́стовно разжже́, си́лою же лу́чшею спасе́ны, сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Свяще́нно плещи́ дне́сь, гра́де Дави́дов, пе́сньми Спа́су твоему́, и́бо со ины́ми твои́ми Иерони́ма Богому́драго и́маши в гра́жданех свои́х, вопия́: лю́дие, превозноси́те Го́спода во вся́ ве́ки.

В се́рдце положи́в восхожде́ние, Богому́дре, и Творцу́ вы́ну соединя́яся, возше́л еси́ от дея́ния в зре́ние духо́вне и, кра́ю жела́ний предстоя́, пое́ши: лю́дие, превозноси́те Го́спода во вся́ ве́ки.

Стра́нна, тобо́ю соверше́нная, преподо́бне, от за́пада бо устремля́ешися к восто́ку, подвиза́яся те́плейше в Вифлее́ме, иде́же дву́м оби́телем во́ждь быва́еши и по кончи́не сказу́еши Небе́сная.

Богоро́дичен: Све́т пе́рвый ро́ждшая, А́нгелы, вторы́я све́ты, составле́й и све́т первонача́льный и свети́ла два́ произведы́й, ко все́м же ду́шу, я́ко све́т, вдохну́вый, просвети́ ума́ моего́ мра́к, Богоро́дице.

Пе́снь 9.

Ирмо́с: Ужасе́ся о се́м Не́бо и земли́ удиви́шася концы́, я́ко Бо́г яви́ся челове́ком пло́тски и чре́во Твое́ бы́сть простра́ннейшее Небе́с. Те́м Тя́, Богоро́дицу, А́нгелов и челове́к чинонача́лия велича́ют.

Весели́тся А́нгелов Боже́ственный ли́к, прие́м тя́, всеизя́щне: а́нгельски бо ты́ пожи́л еси́ на земли́, блаже́нне, свяще́нных учи́телей добро́то и по́стников похвало́.

Прославля́ется па́мять твоя́ благоче́стно на земли́, и ны́не обита́еши со Августи́ном на Небеси́, о на́с моля́ся и о соиме́нных тебе́, почита́ющих тя́, Богоно́се, и о́браз тво́й лобыза́ющих.

Я́ко у́тро, возсия́л еси́ и, я́ко со́лнце, заше́л еси́ к Небе́сным, иде́же возжеле́л еси́ бы́ти, оста́вив писа́ния твоя́, чу́дне, я́ко сокро́вище, от ни́хже источа́ются благода́ть и весе́лие Небе́сное.

Богоро́дичен: Сохрани́в Тя́ Де́ву, от Твои́х возсия́вшее ложе́сн Невече́рнее Со́лнце ве́рнаго служи́теля Своего́ прича́стника Своего́ све́та и ра́дости неизрече́нныя сотвори́, с ни́мже моли́ся уще́дрити Тя́ велича́ющия.

Свети́лен:

Пло́ть покори́в ду́ху, подвиза́лся еси́ во пло́ти, а́ки безпло́тен, те́мже и вы́шший бы́в, сподо́бился еси́, Иерони́ме, хвали́ти все́х Влады́ку со А́нгелы.

Сла́ва: Труда́ми твои́ми и по́ты Вифлее́м умасти́вся, вопие́т ти́, Богоно́сному: о Иерони́ме Богому́дре, ты́ моя́ похвала́ и мона́шествующих удобре́ние.

Богоро́дичен: Сла́дость А́нгелов, скорбя́щих ра́дость, христиа́н Предста́тельница, Де́во Ма́ти Госпо́дня, заступи́ на́с и изба́ви ве́чных му́к моли́твами Твои́ми.

Житие блаженного Иеронима Стридонского

Бла­жен­ный Иеро­ним Стри­дон­ский ро­дил­ся в хри­сти­ан­ской се­мье в го­ро­де Стри­доне (Дал­ма­ция и Пан­но­ния). Для за­вер­ше­ния об­ра­зо­ва­ния ро­ди­те­ли по­сла­ли его в Рим, где он изу­чал свет­ские на­у­ки. В на­ча­ле сво­ей жиз­ни в сто­ли­це юно­ша увлек­ся мир­ской су­е­той, но вско­ре в нем со­зре­ло ре­ше­ние в корне из­ме­нить свою жизнь. Ко­гда юно­ше бы­ло око­ло 20 лет, он при­нял Свя­тое Кре­ще­ние. По­сле это­го он по­се­тил Гал­лию. Здесь у свя­то­го Иеро­ни­ма про­бу­ди­лось же­ла­ние все­це­ло по­свя­тить се­бя Бо­гу и при­нять мо­на­ше­ство.

Око­ло 372 го­да бла­жен­ный Иеро­ним вер­нул­ся в род­ной го­род, но ро­ди­те­лей в жи­вых уже не за­стал. На него лег­ли за­бо­ты о вос­пи­та­нии млад­ших сест­ры и бра­та Пав­ли­ни­а­на. По­стриг при­шлось на вре­мя от­ло­жить. Бла­жен­ный Иеро­ним стал рев­ност­но изу­чать Свя­щен­ное Пи­са­ние.

Устро­ив до­маш­ние де­ла, он по­ехал на Во­сток и око­ло 5 лет про­жил в од­ном си­рий­ском мо­на­сты­ре, со­еди­няя ра­бо­ту над Свя­щен­ным Пи­са­ни­ем с су­ро­вы­ми ас­ке­ти­че­ски­ми по­дви­га­ми. Кро­ме то­го, свя­той Иеро­ним в со­вер­шен­стве изу­чил ев­рей­ский и хал­дей­ский язы­ки. В этот пе­ри­од на­ча­лась его пе­ре­пис­ка с мно­го­чис­лен­ны­ми ли­ца­ми по са­мым раз­но­об­раз­ным во­про­сам. Со­хра­ни­лось до 120 пи­сем, бес­спор­но на­пи­сан­ных бла­жен­ным Иеро­ни­мом. В это вре­мя в Ан­тио­хии про­ис­хо­ди­ли раз­но­гла­сия меж­ду сто­рон­ни­ка­ми епи­ско­пов Ме­ле­тия, Пав­ли­на и Ви­та­лия. Спо­ры до­стиг­ли и оби­те­ли, где тру­дил­ся бла­жен­ный Иеро­ним. Вслед­ствие несо­гла­сий ему при­шлось по­ки­нуть оби­тель и уй­ти в Ан­тио­хию. Здесь епи­скоп Пав­лин по­свя­тил его в сан пре­сви­те­ра. За­тем бла­жен­ный Иеро­ним по­се­тил Кон­стан­ти­но­поль, бе­се­до­вал со свя­ти­те­ля­ми Гри­го­ри­ем Бо­го­сло­вом и Гри­го­ри­ем Нис­ским, а в 381 го­ду от­пра­вил­ся в Рим. В Ри­ме он про­дол­жал уче­ные тру­ды. Свя­той па­па Да­мас I (366–384), так­же за­ни­мав­ший­ся изу­че­ни­ем Свя­щен­но­го Пи­са­ния, при­бли­зил его к се­бе. Но из-за об­ли­че­ния бла­жен­ным нра­вов совре­мен­но­го ему рим­ско­го хри­сти­ан­ско­го об­ще­ства об­ра­зо­ва­лась це­лая пар­тия недоб­ро­же­ла­те­лей бла­жен­но­го. По­сле трех­лет­не­го пре­бы­ва­ния в Ри­ме бла­жен­ный Иеро­ним вы­нуж­ден был на­все­гда по­ки­нуть этот го­род. Вме­сте со сво­им бра­том Пав­ли­ни­а­ном и дру­зья­ми бла­жен­ный Иеро­ним по­се­тил Свя­тую Зем­лю, мо­на­хов Нит­рий­ской пу­сты­ни, а в 386 го­ду по­се­лил­ся в пе­ще­ре в Виф­ле­е­ме, по­бли­зо­сти от пе­ще­ры Рож­де­ства Хри­сто­ва, и на­чал пол­ную су­ро­вых по­дви­гов жизнь.

Это был пе­ри­од рас­цве­та его твор­че­ской де­я­тель­но­сти. Вы­да­ю­щий­ся уче­ный сво­е­го вре­ме­ни, бла­жен­ный Иеро­ним оста­вил Церк­ви бо­га­тое пись­мен­ное на­сле­дие: со­чи­не­ния дог­ма­ти­ко-по­ле­ми­че­ские, нрав­ствен­но-ас­ке­ти­че­ские, тру­ды по ис­тол­ко­ва­нию Свя­щен­но­го Пи­са­ния, тру­ды ис­то­ри­че­ские. Но глав­ным его по­дви­гом был сде­лан­ный за­но­во пе­ре­вод на ла­тин­ский язык книг Но­во­го и Вет­хо­го За­ве­та. Этот пе­ре­вод под на­зва­ни­ем Вуль­га­ты во­шел во все­об­щее упо­треб­ле­ние в За­пад­ной Церк­ви.

Бла­жен­ный Иеро­ним с глу­бо­кой скор­бью пе­ре­жил па­де­ние лю­би­мо­го им го­ро­да Ри­ма, за­во­е­ван­но­го го­та­ми в 410 го­ду. А в 411 го­ду бла­жен­но­го по­стиг­ло но­вое ис­пы­та­ние – на­бег ди­ких бе­ду­и­нов-ара­бов. Лишь ми­ло­стью Бо­жи­ей об­щи­на пре­ста­ре­ло­го по­движ­ни­ка бы­ла спа­се­на от пол­но­го ра­зо­ре­ния. Свою жизнь он окон­чил в той же Виф­ле­ем­ской пе­ще­ре. Да­той смер­ти бла­жен­но­го Иеро­ни­ма счи­та­ет­ся 420 год. Мо­щи его бы­ли пе­ре­не­се­ны из Виф­ле­е­ма в Рим.

См. так­же: "Жи­тие бла­жен­но­го Иеро­ни­ма" в из­ло­же­нии свт. Ди­мит­рия Ро­стов­ско­го.