Канон святому преподобному Иоанну Лествичнику

Припев: Преподо́бне о́тче на́ш Иоа́нне, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 26 марта (13 марта ст. ст.); 12 апреля (30 марта ст. ст.)

Глас 8.

Пе́снь 1.

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Во све́т невеще́ственный и у́мный от се́тования веще́ственных восте́к, Иоа́нне преподо́бне, моли́твами твои́ми, су́щими ко Го́споду, просвети́ мя.

Я́ко воздержа́ния сла́дость сса́в, отри́нул еси́ го́ресть страсте́й, те́мже па́че ме́да и со́та услажда́еши, о́тче, чу́вства на́ша.

Возше́д на высоту́ доброде́телей и долере́вностныя поплева́в сла́сти, сла́дость яви́лся еси́ спасе́ния, преподо́бне о́тче, па́стве твое́й.

Богоро́дичен: Прему́дрость и Сло́во О́тчее несказа́нно ро́ждшая, души́ моея́ лю́тую уврачу́й я́зву и се́рдца боле́знь укроти́.

Пе́снь 3.

Ирмо́с: Ты́ еси́ утвержде́ние притека́ющих к Тебе́, Го́споди, Ты́ еси́ Све́т омраче́нных, и пое́т Тя́ ду́х мо́й.

Попали́л еси́ у́глем поще́ния, преподо́бне, страсте́й те́рние и гре́еши мона́шествующих состоя́ния.

Ми́ро освяще́ния, от по́стнических, преподо́бне, арома́т ве́сь сложи́лся еси́ в воню́ благоуха́ния Бо́жия.

В зако́нех обуче́ния поуча́яся, стра́сти погрузи́л еси́, я́коже ины́я ны́не фараони́ты, тече́нием сле́з твои́х.

Богоро́дичен: Уста́ви мое́ нестоя́нное помысло́в, Чи́стая, смуще́ние, Ма́ти Бо́жия, к Сы́ну Твоему́ направля́ющи движе́ние.

Конда́к, гла́с 1.

Плоды́ присноцвету́щия, от твоея́ кни́ги принося́ уче́ния, прему́дре, услажда́еши сердца́, си́м с трезве́нием вне́млющих, блаже́нне: ле́ствица бо е́сть, ду́ши возводя́щая от земли́ к небе́сней и пребыва́ющей сла́ве ве́рою чту́щих тя́.

Седа́лен, гла́с 8.

Виде́нием и дея́нием преесте́ственне просия́в, облиста́еши уче́ньми, зако́ны на́м положи́л еси́ богому́дрыя, блаже́нне, доброде́телей добро́ты степе́ни поста́вль и зло́бы ле́сти показа́в и ловле́ния. Отону́дуже возво́диши твои́м после́дующия боже́ственным уче́нием от страсте́й к безстра́стию, Иоа́нне равноа́нгельне, моли́ Христа́ Бо́га прегреше́ний оставле́ние пода́ти чту́щим любо́вию святу́ю па́мять твою́.

Богоро́дичен: Я́ко Де́ву и еди́ну в жена́х, Тя́, без се́мене ро́ждшую Бо́га пло́тию, вси́ ублажа́ем, ро́ди челове́честии: о́гнь бо всели́ся в Тя́ Божества́, и, я́ко младе́нца, дои́ши Зижди́теля и Го́спода. Те́м, а́нгельский и челове́ческий ро́д, досто́йно сла́вим пресвято́е Рождество́ Твое́, и согла́сно вопие́м Ти́: моли́ Христа́ Бо́га согреше́ний оставле́ние дарова́ти, покланя́ющимся ве́рою пресвято́му Рождеству́ Твоему́.

Крестобогоро́дичен: А́гнца и Па́стыря и Изба́вителя, А́гница зря́щи на Кресте́, восклица́ше, пла́чущи, и го́рько рыда́ющи, вопия́ше: ми́р у́бо ра́дуется, прие́мляй Тобо́ю избавле́ние, утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости. Долготерпели́ве Го́споди, ми́лости бе́здно и исто́чниче неисчерпа́емый, умилосе́рдися и да́руй согреше́ний оставле́ние, ве́рою пою́щим Боже́ственныя Стра́сти Твоя́.

Пе́снь 4.

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Я́ко цве́тник благово́ннейший и доброде́телей ра́й одушевле́нный, воздержа́ние процве́л еси́, и́мже вся́ пита́еши, чту́щия тя́.

Законоположи́теля обуче́ния и мона́хов пра́вило кротча́йшее, я́ко Моисе́я тя́ и Дави́да, и́стинно стяжа́вше, о́тче, ублажа́ем.

Насажде́н на вода́х воздержа́ния, яви́лся еси́, блаже́нне, розга́, о́тче, благоцве́тнейшая, благоче́стия гро́зды произнося́щая.

Богоро́дичен: Под ле́том бы́вша, от Отца́ безле́тно возсия́вша, Богома́ти, на́м родила́ еси́, Его́же моли́ спасти́ пою́щия Тя́.

Пе́снь 5.

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.

Погаси́в вся́ стра́сти росо́ю подвиго́в твои́х, о́тче блаже́нне, оби́льно вже́г огне́м любве́ и ве́ры воздержа́ния свети́льник, и просвеще́ние безстра́стия, и дне́ сы́н бы́л еси́.

Ве́ры гро́зд боже́ственным земледе́ланием твои́м, о́тче, воспита́л еси́, и в точи́ла вложи́л еси́, и изгне́л еси́ труды́ обуче́ния, и, ча́шу испо́лнив духо́вную воздержа́ния, весели́ши сердца́ па́ствы твоея́.

Претерпе́в до́блественно прило́ги и я́звы неви́димых враго́в, яви́лся еси́ сто́лп терпе́ния, утвержда́я па́ству твою́ па́лицею боже́ственною на па́житех воздержа́ния и на воде́ воспитова́я, блаже́нне.

Богоро́дичен: Ре́чем Твои́х усте́н, Всечи́стая, после́дующе, Тя́ ублажа́ем: с Тобо́ю бо вои́стинну вели́чия сотвори́вый Госпо́дь возвели́чи Тя́, и и́стинную Бо́жию Ма́терь рожде́йся из чре́ва Твоего́ показа́.

Пе́снь 6.

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

Собра́л еси́ в души́ Боже́ственное бога́тство Ду́ха — непоро́чную моли́тву, чистоту́, че́стность, бде́ние всегда́шнее, воздержа́ния труды́, и́миже до́м позна́лся еси́ Бо́жий.

Вещества́ до́льняго, прему́дре, прете́кл еси́ ху́дость, невеще́ственною же моли́твою у́м впери́в, и вы́шняго упокое́ния яви́лся еси́ насле́дник соверше́нством жития́.

По́тами по́стническими у́глие стре́л вра́жиих угаси́л еси́ вои́стинну и, о́гнь ве́ры вже́г, попали́л еси́ неве́рия ересе́й шата́ния.

Богоро́дичен: Возсия́ от Сио́на вы́шняго благоле́пие предложе́нием пло́ти по соедине́нию неизрече́нному, из Тебе́, Неискусобра́чная, обложе́нное, и ми́р просвети́.

Конда́к, гла́с 4.

На высоте́ Госпо́дь воздержа́ния и́стинна тя́ положи́, я́коже звезду́ неле́стную, световодя́щую концы́, наста́вниче Иоа́нне, о́тче на́ш.

И́кос:

До́м Бо́жий я́ко вои́стинну тебе́ сама́го соде́лал еси́, о́тче, боже́ственными твои́ми доброде́тельми я́ве украси́в, я́ко зла́то све́тлое, ве́ру, наде́жду и любо́вь и́стинную, Боже́ственныя зако́ны излага́я, воздержа́нием обучи́вся, я́ко безпло́тен, ра́зум, му́жество, целому́дрие стяжа́в, смире́ние, и́мже возвы́сился еси́. Те́мже и, просвети́вся моли́твами непреста́нными, виде́нии та́йными впери́лся еси́ и небе́сныя прия́л еси́ селе́ния, наста́вниче Иоа́нне, о́тче на́ш.

Пе́снь 7.

Ирмо́с: От Иуде́и доше́дше, о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

На зла́це вы́шняго Ца́рствия ста́до, о́тче, воспита́л еси́ и, жезло́м догма́тов зве́ри отгна́в ересе́й, воспе́л еси́: оте́ц на́ших Бо́же, благослове́н еси́.

В го́рний вше́л еси́ неве́стнический черто́г Ца́рства Христо́ва, оде́ждею облече́н, досто́йною зва́вшаго, в не́мже и возле́гл еси́, вопия́: оте́ц на́ших Бо́же, благослове́н еси́.

Невла́жная грехми́ река́ яви́лся еси́ воздержа́ния, о́тче, по́мыслы потопля́я и скве́рну очища́я вопию́щих ве́рою: оте́ц на́ших Бо́же, благослове́н еси́.

Богоро́дичен: Из чре́ва Твоего́ про́йде воплоти́выйся, Де́во, все́х Госпо́дь. Те́мже Тя́, Богоро́дицу, му́дрствующе правосла́вно, Сы́ну Твоему́ зове́м: оте́ц на́ших Бо́же, благослове́н еси́.

Пе́снь 8.

Ирмо́с: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки.

Сто́лп тя́ одушевле́нный я́ко вои́стинну и о́браз воздержа́ния, о́тче, стяжа́вше, вси́ твою́ па́мять почита́ем, Иоа́нне.

Мно́жество ра́дуется мона́хов, и лику́ет преподо́бных собо́р и пра́ведных, вене́ц бо досто́йно с си́ми прия́л еси́.

Укра́шен доброде́тельми, в неве́стник неизрече́нныя сла́вы возше́л еси́, пе́снь воспева́я Христу́ во ве́ки.

Богоро́дичен: По́мощи я́же от Тебе́ тре́бующия не пре́зри, Де́во, пою́щия и превознося́щия Тя́ во ве́ки.

Пе́снь 9.

Ирмо́с: Чи́стую сла́вно почти́м, лю́дие, Богоро́дицу, о́гнь Божества́ прии́мшую во чре́ве неопа́льно, пе́сньми велича́ем.

Вра́ч боля́щих в прегреше́ниих от Бо́га, блаже́нне, губи́тель же яви́лся еси́ и прогони́тель лука́вых духо́в, те́мже тя́ ублажа́ем.

Зе́млю, я́коже тли́ жили́ще, оста́вил еси́, о́тче, и в земли́ всели́лся еси́ кро́тких, и с ни́ми весели́шися, боже́ственныя наслажда́яся сла́дости.

Дне́сь де́нь пра́зднственный вся́ бо созыва́ет мона́шествующих стада́ в ли́к духо́вный, трапе́зу и сне́дь нетле́нныя жи́зни.

Богоро́дичен: В Тебе́ всели́вся, Всенепоро́чная, пре́жде родонача́льники злонра́внаго прельсти́вшаго человекоуби́йцу низложи́вый роди́ся и вся́ ны́ спасе́.

Свети́лен.

Ми́ра пристра́стия, я́ко от скве́рны уклони́лся еси́ и, а́лчбою пло́ть увяди́в, обнови́л еси́ души́ кре́пость, преподо́бне, и сла́вою обогати́лся еси́ небе́сною, приснопа́мятне. Те́мже не преста́й моля́ся о на́с, Иоа́нне.

Богоро́дичен: Госпо́дственно Богоро́дицу Тя́ испове́дуем, Влады́чице, Тобо́ю спа́сшиися, и́бо Бо́га неизрече́нно родила́ еси́, разо́ршаго Кресто́м сме́рть, к Себе́ же привле́кшаго преподо́бных собо́ры, с ни́миже Тя́ восхваля́ем, Де́во.

Пѣ́снь а҃.

І҆рмо́съ: Во́дꙋ проше́дъ, ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ.

Во свѣ́тъ невеще́ственный и҆ ᲂу҆́мный, ѿ сѣ́тованїѧ веще́ственныхъ восте́къ, і҆ѡа́нне преподо́бне, моли́твами твои́ми, сꙋ́щими ко гдⷭ҇ꙋ, просвѣти́ мѧ.

Ꙗ҆́кѡ воздержа́нїѧ сла́дость сса́въ, ѿри́нꙋлъ є҆сѝ го́ресть страсте́й: тѣ́мже па́че ме́да и҆ со́та ᲂу҆слажда́еши ѻ҆́ч҃е, чꙋ̑вства на̑ша.

Возше́дъ на высотꙋ̀ добродѣ́телей, и҆ долѣре́внѡстныѧ поплева́въ сла́сти, сла́дость ꙗ҆ви́лсѧ є҆сѝ спасе́нїѧ, преподо́бне ѻ҆́ч҃е, па́ствѣ твое́й.

Бг҃оро́диченъ: Премꙋ́дрость и҆ сло́во ѻ҆́ч҃ее несказа́ннѡ ро́ждшаѧ, дꙋшѝ моеѧ̀ лю́тꙋю ᲂу҆врачꙋ́й ꙗ҆́звꙋ, и҆ се́рдца болѣ́знь ᲂу҆кротѝ.

Пѣ́снь г҃.

І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й.

Попали́лъ є҆сѝ ᲂу҆́глїемъ поще́нїѧ, преподо́бне, страсте́й те́рнїе, и҆ грѣ́еши мона́шествꙋющихъ состоѧ̑нїѧ.

Мѵ́ро ѡ҆свѧще́нїѧ, ѿ по́стническихъ, преподо́бне, а҆рѡма̑тъ ве́сь сложи́лсѧ є҆сѝ, въ воню̀ благоꙋха́нїѧ бж҃їѧ.

Въ зако́нѣхъ ѡ҆бꙋче́нїѧ поꙋча́ѧсѧ, стра̑сти погрꙋзи́лъ є҆сѝ, ꙗ҆́коже и҆ны̑ѧ ны́нѣ фараѡни́ты, тече́нїемъ сле́зъ твои́хъ. Бг҃оро́диченъ: Оу҆ста́ви моѐ нестоѧ́нное помыслѡ́въ, чⷭ҇таѧ, смꙋще́нїе, мт҃и бж҃їѧ, къ сн҃ꙋ твоемꙋ̀ направлѧ́ющи движе́нїе.

Конда́къ, гла́съ а҃.

Плоды̀ присноцвѣтꙋ́щыѧ, ѿ твоеѧ̀ кни́ги приносѧ̀ ᲂу҆че́нїѧ, премꙋ́дре, ᲂу҆слажда́еши сердца̀, си̑мъ съ трезвѣ́нїемъ вне́млющихъ, блаже́нне: лѣ́ствица бо є҆́сть, дꙋ́шы возводѧ́щаѧ ѿ землѝ къ нбⷭ҇нѣй и҆ пребыва́ющей сла́вѣ, вѣ́рою чтꙋ́щихъ тѧ̀.

Сѣда́ленъ, гла́съ и҃.

Видѣ́нїемъ и҆ дѣѧ́нїемъ преесте́ственнѣ просїѧ́въ, ѡ҆блиста́еши ᲂу҆че́ньми: зако́ны на́мъ положи́лъ є҆сѝ бг҃омꙋ̑дрыѧ, блаже́нне, добродѣ́телей добро́ты степє́ни поста́вль, и҆ ѕло́бы лє́сти показа́въ и҆ ловлє́нїѧ. Ѿѻнꙋ́дꙋже возво́диши, твои̑мъ послѣ́дꙋющыѧ бж҃е́ствєннымъ ᲂу҆че́нїємъ, ѿ страсте́й къ безстра́стїю, і҆ѡа́нне равноа́гг҃льне: молѝ хрⷭ҇та̀ бг҃а, прегрѣше́нїй ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть твою̀.

Бг҃оро́диченъ: Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ младе́нца дои́ши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ пресвѧто́е рождество̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ рождествꙋ̀ твоемꙋ̀.

Крⷭ҇тобг҃оро́диченъ: А҆́гнца и҆ па́стырѧ, и҆ и҆зба́вителѧ, а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧй тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе вѣ́рою пою́щымъ бжⷭ҇твєнныѧ стра̑сти твоѧ̑.

Пѣ́снь д҃.

І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀.

Ꙗ҆́кѡ цвѣ́тникъ благово́ннѣйшїй, и҆ добродѣ́телей ра́й ѡ҆дꙋшевле́нный, воздержа́нїе процвѣ́лъ є҆сѝ, и҆́мже всѧ̑ пита́еши чтꙋ́щыѧ тѧ̀.

Законоположи́телѧ ѡ҆бꙋче́нїѧ, и҆ мона́хѡвъ пра́вило кротча́йшее, ꙗ҆́кѡ мѡѷсе́а тѧ̀ и҆ дв҃да и҆́стиннѡ стѧжа́вше, ѻ҆́ч҃е, ᲂу҆блажа́емъ.

Насажде́нъ на вода́хъ воздержа́нїѧ, ꙗ҆ви́лсѧ є҆сѝ, блаже́нне, розга̀, ѻ҆́ч҃е, благоцвѣ́тнѣйшаѧ, благоче́стїѧ гро́зды произносѧ́щаѧ.

Бг҃оро́диченъ: Подъ лѣ́томъ бы́вша, ѿ ѻ҆ц҃а̀ безлѣ́тнѡ возсїѧ́вша, бг҃ома́ти, на́мъ родила̀ є҆сѝ, є҆го́же молѝ, спастѝ пою́щыѧ тѧ̀.

Пѣ́снь є҃.

І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ, пꙋти̑ моѧ̑ напра́ви, молю́сѧ.

Погаси́въ всѧ̑ стра̑сти росо́ю подвигѡ́въ твои́хъ, ѻ҆́ч҃е блаже́нне, ѻ҆би́льнѡ вже́гъ ѻ҆гне́мъ любвѐ и҆ вѣ́ры воздержа́нїѧ свѣти́льникъ, и҆ просвѣще́нїе безстра́стїѧ, и҆ днѐ сы́нъ бы́лъ є҆сѝ.

Вѣ́ры гро́здъ, бжⷭ҇твеннымъ земледѣ́ланїемъ твои́мъ, ѻ҆́ч҃е, воспита́лъ є҆сѝ, и҆ въ точи̑ла вложи́лъ є҆сѝ, и҆ и҆згне́лъ є҆сѝ трꙋды̑ ѡ҆бꙋче́нїѧ, и҆ ча́шꙋ и҆спо́лнивъ дх҃о́внꙋю воздержа́нїѧ, весели́ши сердца̀ па́ствы твоеѧ̀.

Претерпѣ́въ до́блественнѡ прило́ги и҆ ꙗ҆́звы неви́димыхъ врагѡ́въ, ꙗ҆ви́лсѧ є҆сѝ сто́лпъ терпѣ́нїѧ, ᲂу҆твержда́ѧ па́ствꙋ твою̀ па́лицею бжⷭ҇твенною, на па́житехъ воздержа́нїѧ, и҆ на водѣ̀ воспитова́ѧ, блаже́нне.

Бг҃оро́диченъ: Рѣ́чємъ твои́хъ ᲂу҆сте́нъ, всечⷭ҇таѧ, послѣ́дꙋюще, тѧ̀ ᲂу҆блажа́емъ: съ тобо́ю бо вои́стиннꙋ вели̑чїѧ сотвори́вый гдⷭ҇ь возвели́чи тѧ̀, и҆ и҆́стиннꙋю бж҃їю мт҃рь, рожде́йсѧ и҆зъ чре́ва твоегѡ̀ показа̀.

Пѣ́снь ѕ҃.

І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀.

Собра́лъ є҆сѝ въ дꙋшѝ бжⷭ҇твенное бога́тство дх҃а, непоро́чнꙋю моли́твꙋ, чистотꙋ̀, че́стность, бдѣ́нїе всегда́шнее, воздержа́нїѧ трꙋды̀, и҆́миже до́мъ позна́лсѧ є҆сѝ бж҃їй.

Вещества̀ до́льнѧгѡ, премꙋ́дре, прете́клъ є҆сѝ хꙋ́дость, невеще́ственною же моли́твою ᲂу҆́мъ впери́въ, и҆ вы́шнѧгѡ ᲂу҆покое́нїѧ ꙗ҆ви́лсѧ є҆сѝ наслѣ́дникъ соверше́нствомъ житїѧ̀.

По́тами по́стническими ᲂу҆́глїе стрѣ́лъ вра́жїихъ ᲂу҆гаси́лъ є҆сѝ вои́стиннꙋ, и҆ ѻ҆́гнь вѣ́ры вже́гъ, попали́лъ є҆сѝ невѣ́рїѧ є҆ресе́й шата̑нїѧ.

Бг҃оро́диченъ: Возсїѧ̀ ѿ сїѡ́на вы́шнѧгѡ бл҃голѣ́пїе, предложе́нїемъ пло́ти по соедине́нїю неизрече́нномꙋ, и҆зъ тебє̀, неискꙋсобра́чнаѧ, ѡ҆бложе́нное, и҆ мі́ръ просвѣтѝ.

Конда́къ, гла́съ д҃:

На высотѣ̀ гдⷭ҇ь воздержа́нїѧ и҆́стинна тѧ̀ положѝ, ꙗ҆́коже ѕвѣздꙋ̀ неле́стнꙋю, свѣтоводѧ́щꙋю концы̀, наста́вниче і҆ѡа́нне, ѻ҆́ч҃е на́шъ.

І҆́косъ:

До́мъ бж҃їй ꙗ҆́кѡ вои́стиннꙋ тебѐ сама́го содѣ́лалъ є҆сѝ, ѻ҆́ч҃е, бж҃е́ственными твои́ми добродѣ́тельми, ꙗ҆́вѣ ᲂу҆краси́въ, ꙗ҆́кѡ зла́то свѣ́тлое, вѣ́рꙋ, наде́ждꙋ и҆ любо́вь и҆́стиннꙋю, бж҃е́ствєнныѧ зако́ны и҆злага́ѧ, воздержа́нїемъ ѡ҆бꙋчи́всѧ ꙗ҆́кѡ безпло́тенъ, ра́зꙋмъ, мꙋ́жество, цѣломꙋ́дрїе стѧжа́въ, смире́нїе, и҆́мже возвы́силсѧ є҆сѝ. Тѣ́мже и҆ просвѣти́всѧ моли́твами непреста́нными, видѣ̑нїи та́йными впери́лсѧ є҆сѝ, и҆ нбⷭ҇ныѧ прїѧ́лъ є҆сѝ селє́нїѧ, наста́вниче і҆ѡа́нне, ѻ҆́ч҃е на́шъ.

Пѣ́снь з҃.

І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ.

На ѕла́цѣ вы́шнѧгѡ црⷭ҇твїѧ ста́до, ѻ҆́ч҃е, воспита́лъ є҆сѝ, и҆ жезло́мъ догма́тѡвъ ѕвѣ́ри ѿгна́въ є҆ресе́й, воспѣ́лъ є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ.

Въ го́рнїй вше́лъ є҆сѝ невѣ́стническїй черто́гъ црⷭ҇тва хрⷭ҇то́ва, ѻ҆де́ждею ѡ҆блече́нъ досто́йною зва́вшагѡ, въ не́мже и҆ возле́глъ є҆сѝ, вопїѧ̀: ѻ҆тє́цъ на́шихъ бж҃е, бл҃гослове́нъ є҆сѝ.

Невла́жнаѧ грѣхмѝ рѣка̀ ꙗ҆ви́лсѧ є҆сѝ воздержа́нїѧ, ѻ҆́ч҃е, по́мыслы потоплѧ́ѧ, и҆ скве́рнꙋ ѡ҆чища́ѧ вопїю́щихъ вѣ́рою: ѻ҆тє́цъ на́шихъ бж҃е, бл҃гослове́нъ є҆сѝ.

Бг҃оро́диченъ: И҆зъ чре́ва твоегѡ̀ про́йде воплоти́выйсѧ, дв҃о, всѣ́хъ гдⷭ҇ь. Тѣ́мже тѧ̀ бцⷣꙋ мꙋ́дрствꙋюще правосла́внѡ, сн҃ꙋ твоемꙋ̀ зове́мъ: ѻ҆тє́цъ на́шихъ бж҃е, бл҃гослове́нъ є҆сѝ.

Пѣ́снь и҃.

І҆рмо́съ: Цр҃ѧ̀ нб҃снаго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки.

Сто́лпъ тѧ̀ ѡ҆дꙋшевле́нный ꙗ҆́кѡ вои́стиннꙋ, и҆ ѻ҆́бразъ воздержа́нїѧ, ѻ҆́ч҃е, стѧжа́вше, всѝ твою̀ па́мѧть почита́емъ, і҆ѡа́нне.

Мно́жество ра́дꙋетсѧ мона́хѡвъ, и҆ ликꙋ́етъ преподо́бныхъ собо́ръ и҆ пра́ведныхъ: вѣне́цъ бо досто́йнѡ съ си́ми прїѧ́лъ є҆сѝ.

Оу҆кра́шенъ добродѣ́тельми, въ невѣ́стникъ неизрече́нныѧ сла́вы возше́лъ є҆сѝ, пѣ́снь воспѣва́ѧ хрⷭ҇тꙋ̀ во вѣ́ки.

Бг҃оро́диченъ: По́мощи, ꙗ҆́же ѿ тебє̀, тре́бꙋющыѧ не пре́зри, дв҃о, пою́щыѧ и҆ превозносѧ́щыѧ тѧ̀ во вѣ́ки.

Пѣ́снь ѳ҃.

І҆рмо́съ: Чи́стꙋю сла́внѡ почти́мъ, лю́дїе, бцⷣꙋ, ѻ҆́гнь бж҃ества̀ прїи́мшꙋю во чре́вѣ неѡпа́льнѡ, пѣ́сньми велича́емъ.

Вра́чь болѧ́щихъ въ прегрѣше́нїихъ, ѿ бг҃а, бл҃же́нне, гꙋби́тель же ꙗ҆ви́лсѧ є҆сѝ и҆ прогони́тель лꙋка́выхъ дꙋхѡ́въ: тѣ́мже тѧ̀ ᲂу҆блажа́емъ.

Зе́млю, ꙗ҆́коже тлѝ жили́ще, ѡ҆ста́вилъ є҆сѝ, ѻ҆́ч҃е, и҆ въ землѝ всели́лсѧ є҆сѝ кро́ткихъ, и҆ съ ни́ми весели́шисѧ, бжⷭ҇твенныѧ наслажда́ѧсѧ сла́дости.

Дне́сь де́нь пра́зднственный, всѧ̑ бо созыва́етъ мона́шествꙋющихъ стада̀ въ ли́къ дꙋхо́вный трапе́зꙋ и҆ снѣ́дь нетлѣ́нныѧ жи́зни.

Бг҃оро́диченъ: Въ тебѣ̀ всели́всѧ, всенепоро́чнаѧ, пре́жде родонача́льники ѕлонра́внаго прельсти́вшаго человѣкоꙋбі́йцꙋ низложи́вый, роди́сѧ, и҆ всѧ̑ ны̀ спасѐ.

Свѣти́ленъ.

Мі́ра пристра́стїѧ ꙗ҆́кѡ ѿ скве́рны ᲂу҆клони́лсѧ є҆сѝ, и҆ а҆́лчбою пло́ть ᲂу҆вѧди́въ, ѡ҆бнови́лъ є҆сѝ дꙋшѝ крѣ́пость, преподо́бне, и҆ сла́вою ѡ҆богати́лсѧ є҆сѝ нбⷭ҇ною, приснопа́мѧтне: тѣ́мже не преста́й молѧ́сѧ ѡ҆ на́съ, і҆ѡа́нне.

Бг҃оро́диченъ: Гдⷭ҇ьственнѡ бцⷣꙋ тѧ̀ и҆сповѣ́дꙋемъ, влⷣчце, тобо́ю спа́сшїисѧ: и҆́бо бг҃а неизрече́ннѡ родила̀ є҆сѝ, разо́ршаго кресто́мъ сме́рть, къ себѣ́ же привле́кшаго преподо́бныхъ собо́ры. съ ни́миже тѧ̀ восхвалѧ́емъ, дв҃о.

Житие преподобного Иоанна Лествичника, игумена Синайского

Пре­по­доб­ный Иоанн Ле­ствич­ник по­чи­та­ет­ся Свя­той Цер­ко­вью как ве­ли­кий по­движ­ник и ав­тор за­ме­ча­тель­но­го ду­хов­но­го тво­ре­ния, на­зы­ва­е­мо­го "Ле­стви­цей", по­это­му пре­по­доб­ный и по­лу­чил про­зва­ние Ле­ствич­ни­ка.

О про­ис­хож­де­нии пре­по­доб­но­го Иоан­на по­чти не со­хра­ни­лось све­де­ний. Су­ще­ству­ет пре­да­ние, что он ро­дил­ся око­ло 570 го­да и был сы­ном свя­тых Ксе­но­фон­та и Ма­рии, па­мять ко­то­рых празд­ну­ет­ся Цер­ко­вью 26 ян­ва­ря. Шест­на­дца­ти лет от­рок Иоанн при­шел в Си­най­ский мо­на­стырь. На­став­ни­ком и ру­ко­во­ди­те­лем пре­по­доб­но­го стал ав­ва Мар­ти­рий. По­сле че­ты­рех лет пре­бы­ва­ния на Си­нае свя­той Иоанн Ле­ствич­ник был по­стри­жен в ино­че­ство. Один из при­сут­ство­вав­ших при по­стри­ге, ав­ва Стра­ти­гий, пред­ска­зал, что он станет ве­ли­ким све­тиль­ни­ком Церк­ви Хри­сто­вой. В те­че­ние 19-ти лет пре­по­доб­ный Иоанн под­ви­зал­ся в по­слу­ша­нии сво­е­му ду­хов­но­му от­цу. По­сле смер­ти ав­вы Мар­ти­рия пре­по­доб­ный Иоанн из­брал от­шель­ни­че­скую жизнь, уда­лив­шись в пу­стын­ное ме­сто, на­зы­ва­е­мое Фо­ла, где про­вел 40 лет в по­дви­ге без­мол­вия, по­ста, мо­лит­вы и по­ка­ян­ных сле­зах. Не слу­чай­но в "Ле­стви­це" пре­по­доб­ный Иоанн так го­во­рит о сле­зах по­ка­я­ния: "Как огонь со­жи­га­ет и уни­что­жа­ет хво­рост, так чи­стая сле­за омы­ва­ет все нечи­сто­ты, на­руж­ные и внут­рен­ние". Силь­на и дей­ствен­на бы­ла его свя­тая мо­лит­ва, об этом сви­де­тель­ству­ет при­мер из жи­тия угод­ни­ка Бо­жия.

У пре­по­доб­но­го Иоан­на был уче­ник, инок Мо­и­сей. Од­на­жды на­став­ник при­ка­зал сво­е­му уче­ни­ку на­но­сить в сад зем­ли для гря­док. Ис­пол­няя по­слу­ша­ние, инок Мо­и­сей из-за силь­но­го лет­не­го зноя при­лег от­дох­нуть под те­нью боль­шо­го уте­са. Пре­по­доб­ный Иоанн Ле­ствич­ник на­хо­дил­ся в это вре­мя в сво­ей кел­лии и от­ды­хал по­сле мо­лит­вен­но­го тру­да. Вне­зап­но ему явил­ся муж по­чтен­но­го ви­да и, раз­бу­див свя­то­го по­движ­ни­ка, с упре­ком ска­зал: "По­че­му ты, Иоанн, спо­кой­но от­ды­ха­ешь здесь, а Мо­и­сей на­хо­дит­ся в опас­но­сти?" Пре­по­доб­ный Иоанн тот­час про­бу­дил­ся и стал мо­лить­ся за сво­е­го уче­ни­ка. Ко­гда его уче­ник воз­вра­тил­ся ве­че­ром, пре­по­доб­ный спро­сил, не слу­чи­лось ли с ним что-ли­бо пло­хое. Инок от­ве­тил: "Нет, но я под­верг­ся боль­шой опас­но­сти. Ме­ня ед­ва не раз­да­вил боль­шой об­ло­мок кам­ня, ото­рвав­ший­ся от уте­са, под ко­то­рым я в пол­день уснул. К сча­стью, мне пред­ста­ви­лось во сне, что ты зо­вешь ме­ня, я вско­чил и бро­сил­ся бе­жать, а в это вре­мя с шу­мом упал огром­ный ка­мень на то са­мое ме­сто, с ко­то­ро­го я убе­жал..."

Об об­ра­зе жиз­ни пре­по­доб­но­го Иоан­на из­вест­но, что пи­тал­ся он тем, что не за­пре­ща­лось уста­вом пост­ни­че­ской жиз­ни, но – уме­рен­но. Не про­во­дил но­чей без сна, хо­тя спал не бо­лее то­го, сколь­ко необ­хо­ди­мо для под­дер­жа­ния сил, чтобы непре­стан­ным бодр­ство­ва­ни­ем не по­гу­бить ума. "Я не по­стил­ся чрез­мер­но, – го­во­рит он сам о се­бе, – и не пре­да­вал­ся уси­лен­но­му ноч­но­му бде­нию, не ле­жал на зем­ле, но сми­рял­ся..., и Гос­подь ско­ро спас ме­ня". При­ме­ча­те­лен сле­ду­ю­щий при­мер сми­ре­ния пре­по­доб­но­го Иоан­на Ле­ствич­ни­ка. Ода­рен­ный вы­со­ким про­ни­ца­тель­ным умом, умуд­рен­ный глу­бо­ким ду­хов­ным опы­том, он с лю­бо­вью по­учал всех при­хо­див­ших к нему, ру­ко­во­дя их к спа­се­нию. Но ко­гда яви­лись неко­то­рые, по за­ви­сти упре­кав­шие его в мно­го­сло­вии, ко­то­рое они объ­яс­ня­ли тще­сла­ви­ем, то пре­по­доб­ный Иоанн на­ло­жил на се­бя мол­ча­ние, чтобы не по­да­вать по­во­да к осуж­де­нию, и без­молв­ство­вал в те­че­ние го­да. За­вист­ни­ки осо­зна­ли свое за­блуж­де­ние и са­ми об­ра­ти­лись к по­движ­ни­ку с прось­бой не ли­шать их ду­хов­ной поль­зы со­бе­се­до­ва­ния.

Скры­вая свои по­дви­ги от лю­дей, пре­по­доб­ный Иоанн ино­гда уеди­нял­ся в пе­ще­ре, но сла­ва о его свя­то­сти рас­про­стра­ни­лась да­ле­ко за пре­де­лы ме­ста по­дви­гов, и к нему непре­стан­но при­хо­ди­ли по­се­ти­те­ли всех зва­ний и со­сто­я­ний, жаж­дав­шие услы­шать сло­во на­зи­да­ния и спа­се­ния. В воз­расте 75-ти лет, по­сле со­ро­ка­лет­не­го по­движ­ни­че­ства в уеди­не­нии, пре­по­доб­ный был из­бран игу­ме­ном Си­най­ской оби­те­ли. Око­ло че­ты­рех лет управ­лял пре­по­доб­ный Иоанн Ле­ствич­ник свя­той оби­те­лью Си­ная. Гос­подь на­де­лил пре­по­доб­но­го к кон­цу его жиз­ни бла­го­дат­ны­ми да­ра­ми про­зор­ли­во­сти и чу­до­тво­ре­ний.

Во вре­мя управ­ле­ния мо­на­сты­рем по прось­бе свя­то­го Иоан­на, игу­ме­на Ра­иф­ско­го мо­на­сты­ря (па­мять в Сыр­ную суб­бо­ту), и бы­ла на­пи­са­на пре­по­доб­ны­ми зна­ме­ни­тая "Ле­стви­ца" – ру­ко­вод­ство для вос­хож­де­ния к ду­хов­но­му со­вер­шен­ству. Зная о муд­ро­сти и ду­хов­ных да­ро­ва­ни­ях пре­по­доб­но­го, Ра­иф­ский игу­мен от ли­ца всех ино­ков сво­ей оби­те­ли про­сил на­пи­сать для них "ис­тин­ное ру­ко­вод­ство для по­сле­ду­ю­щих неуклон­но, и как бы ле­стви­цу утвер­жде­ну, ко­то­рая же­ла­ю­щих воз­во­дит до Небес­ных врат..." Пре­по­доб­ный Иоанн, от­ли­чав­ший­ся скром­ным о се­бе мне­ни­ем, сна­ча­ла сму­тил­ся, но за­тем из по­слу­ша­ния при­сту­пил к ис­пол­не­нию прось­бы ра­иф­ских ино­ков. Свое тво­ре­ние пре­по­доб­ный так и на­звал – "Ле­стви­ца", объ­яс­няя на­зва­ние сле­ду­ю­щим об­ра­зом: "Со­ору­дил я ле­стви­цу вос­хож­де­ния... от зем­но­го во свя­тая... во об­раз трид­ца­ти лет Гос­под­ня со­вер­шен­но­ле­тия, зна­ме­на­тель­но со­ору­дил ле­стви­цу из 30 сте­пе­ней, по ко­то­рой, до­стиг­нув Гос­под­ня воз­рас­та, ока­жем­ся пра­вед­ны­ми и без­опас­ны­ми от па­де­ния". Цель это­го тво­ре­ния – на­учить, что до­сти­же­ние спа­се­ния тре­бу­ет от че­ло­ве­ка нелег­ко­го са­мо­от­вер­же­ния и уси­лен­ных по­дви­гов. "Ле­стви­ца" пред­по­ла­га­ет, во-пер­вых, очи­ще­ние гре­хов­ной нечи­сто­ты, ис­ко­ре­не­ние по­ро­ков и стра­стей в вет­хом че­ло­ве­ке; во-вто­рых, вос­ста­нов­ле­ние в че­ло­ве­ке об­ра­за Бо­жия. Хо­тя кни­га бы­ла на­пи­са­на для ино­ков, лю­бой хри­сти­а­нин, жи­ву­щий в ми­ру, по­лу­ча­ет в ней на­деж­но­го пу­те­во­ди­те­ля для вос­хож­де­ния к Бо­гу, и стол­пы ду­хов­ной жиз­ни – пре­по­доб­ный Фе­о­дор Сту­дит (па­мять 11 но­яб­ря и 26 ян­ва­ря), Сер­гий Ра­до­неж­ский (па­мять 25 сен­тяб­ря и 5 июля), Иосиф Во­ло­ко­лам­ский (па­мять 9 сен­тяб­ря и 18 ок­тяб­ря) и дру­гие – ссы­ла­лись в сво­их на­став­ле­ни­ях на "Ле­стви­цу" как на луч­шую кни­гу для спа­си­тель­но­го ру­ко­вод­ства.

Со­дер­жа­ние од­ной из сте­пе­ней "Ле­стви­цы" (22-я) рас­кры­ва­ет по­двиг ис­треб­ле­ния тще­сла­вия. Пре­по­доб­ный Иоанн пи­шет: "Тще­сла­вие вы­ска­зы­ва­ет­ся при каж­дой доб­ро­де­те­ли. Ко­гда, на­при­мер, хра­ню пост – тще­слав­люсь, и ко­гда, скры­вая пост от дру­гих, раз­ре­шаю на пи­щу, опять тще­слав­люсь – бла­го­ра­зу­ми­ем. Одев­шись в свет­лую одеж­ду, по­беж­да­юсь лю­бо­че­сти­ем и, пе­ре­одев­шись в ху­дую, тще­слав­люсь. Го­во­рить ли ста­ну – по­па­даю во власть тще­сла­вия. Мол­чать ли за­хо­чу, опять пре­да­юсь ему. Ку­да ни по­вер­ни это тер­ние, оно всё станет спи­ца­ми квер­ху. Тще­слав­ный... на взгляд чтит Бо­га, а на де­ле бо­лее ста­ра­ет­ся уго­дить лю­дям, чем Бо­гу... Лю­ди вы­со­ко­го ду­ха сно­сят оби­ду бла­го­душ­но и охот­но, а слу­шать по­хва­лы и не ощу­щать ни­ка­кой при­ят­но­сти мо­гут толь­ко свя­тые и непо­роч­ные... Ко­гда услы­шишь, что ближ­ний или друг твой в гла­за или за гла­за зло­сло­вит те­бя, по­хва­ли и по­лю­би его... Не тот по­ка­зы­ва­ет сми­ре­ние, кто сам се­бя бра­нит: как быть неснос­ным са­мо­му се­бе? Но кто, обес­че­щен­ный дру­гим, не умень­ша­ет сво­ей люб­ви к нему... Кто пре­воз­но­сит­ся при­род­ны­ми да­ро­ва­ни­я­ми — счаст­ли­вым умом, вы­со­кой об­ра­зо­ван­но­стью, чте­ни­ем, при­ят­ным про­из­но­ше­ни­ем и дру­ги­ми по­доб­ны­ми ка­че­ства­ми, ко­то­рые лег­ко при­об­ре­та­ют­ся, тот ни­ко­гда не при­об­ре­та­ет да­ров сверхъ­есте­ствен­ных. Ибо кто в ма­лом не ве­рен, тот и во мно­гом бу­дет не ве­рен и тще­сла­вен. Ча­сто слу­ча­ет­ся, что Сам Бог сми­ря­ет тще­слав­ных, на­сы­лая неожи­дан­ное бес­че­стие... Ес­ли мо­лит­ва не ис­тре­бит тще­слав­но­го по­мыс­ла, при­ве­дем на мысль ис­ход ду­ши из этой жиз­ни. Ес­ли и это не по­мо­жет, устра­шим его по­зо­ром Страш­но­го су­да. "Воз­но­сяй­ся сми­рит­ся" да­же здесь, преж­де бу­ду­ще­го ве­ка. Ко­гда хва­ли­те­ли, или луч­ше – льсте­цы, нач­нут хва­лить нас, тот­час при­ве­дем се­бе на па­мять все без­за­ко­ния свои и най­дем, что во­все не сто­им мы то­го, что нам при­пи­сы­ва­ют".

Этот и дру­гие при­ме­ры, на­хо­дя­щи­е­ся в "Ле­стви­це", слу­жат об­раз­цом той свя­той рев­но­сти о сво­ем спа­се­нии, ко­то­рая необ­хо­ди­ма каж­до­му че­ло­ве­ку, же­ла­ю­ще­му жить бла­го­че­сти­во, а пись­мен­ное из­ло­же­ние его мыс­лей, со­став­ля­ю­щих плод мно­гих и утон­чен­ных на­блю­де­ний его над сво­ей ду­шою и глу­бо­ко­го ду­хов­но­го опы­та, яв­ля­ет­ся ру­ко­вод­ством и ве­ли­ким по­со­би­ем на пу­ти к ис­тине и доб­ру.

Сте­пе­ни "Ле­стви­цы" – это пре­хож­де­ние из си­лы в си­лу на пу­ти стрем­ле­ния че­ло­ве­ка к со­вер­шен­ству, ко­то­рое не вдруг, но толь­ко по­сте­пен­но мо­жет быть до­сти­га­е­мо, ибо, по сло­ву Спа­си­те­ля, "Цар­ство Небес­ное си­лою бе­рет­ся, и упо­треб­ля­ю­щие уси­лие вос­хи­ща­ют его" (Мф.11:12).

См. так­же: "Жи­тие пре­по­доб­но­го от­ца на­ше­го Иоан­на Ле­ствич­ни­ка" в из­ло­же­нии свт. Ди­мит­рия Ро­стов­ско­го.