Канон святому преподобному Иосифу Песнописцу

Припев: Преподо́бне о́тче Ио́сифе, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 17 апреля (04 апреля ст. ст.)

Глас 2.

Пе́снь 1.

Ирмо́с: Гряди́те лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися.

Пе́сненно песнопи́сца почти́м, и́же того́ медото́чныя пе́сни пою́ще, Ио́сифа, я́ко от пе́ний в пе́сни ве́чныя преста́вльшася.

Я́коже проро́к и апо́стол пропове́дание всю́ зе́млю освети́, та́ко и пе́ние твои́х усте́н, ми́р к сла́ве все́х Бо́га возставля́ет.

От младе́нства возложи́вся, Ио́сифе, Христу́, по́стнически пожи́л еси́, отону́дуже и дарова́ньми тя́ обогати́ боже́ственными, наде́ждею, и любо́вию, и ве́рою чи́стою.

Богоро́дичен: Тя́ проро́ческое дре́вле боже́ственное сло́во две́рь Бо́жию провозвести́ и го́ру святу́ю, Богоро́дице Де́во, боже́ственных страда́льцев удобре́ние.

Пе́снь 3.

Ирмо́с: Утверди́ на́с в Тебе́, Го́споди, дре́вом умерщвле́й гре́х, и стра́х Тво́й всади́ в сердца́ на́с, пою́щих Тя́.

Чистоты́ любле́нием Бо́га умоли́л еси́ пода́ти помо́щники и, прие́м неоску́дныя отцы́ твоя́, получи́л еси́, о́тче, наде́жду твою́.

Любве́ и́стинныя показу́я позна́ние, и до́м, и дея́ние, и му́дрость, от Бо́га дарова́нная тебе́, я́коже две́рь Иов, все́м отве́рзл еси́.

Ва́рварскими рука́ми я́т бы́в, пребога́те, я́коже дре́вле во Еги́пет до́блий Ио́сиф, с ве́рою и чистото́ю да́р соблю́л еси́.

Богоро́дичен: Ра́й кра́сный, посреде́ име́яй Дре́во, Де́во, нетле́ния, Иису́са Христа́ Го́спода, позна́лася еси́, те́мже Тя́ ублажа́ем.

Седа́лен, гла́с 4.

Яви́лся еси́ кро́ток и молчали́в, смиренному́др, трепе́ща боже́ственных слове́с, твоего́ Влады́ки сло́во исполня́я, И́же на тя́, о́тче, призре́ и в вы́шнюю оби́тель всели́.

Сла́ва, и ны́не, богоро́дичен: Я́ко невозде́ланная, Де́во, лоза́, красне́йший Гро́зд прозябла́ еси́, источа́ющ на́м вино́ спасе́ния, все́х веселя́щее ду́ши же и телеса́. Те́мже я́ко вину́ Тя́ до́брых блажа́ще при́сно, со а́нгелом вопие́м Ти́: ра́дуйся, Благода́тная.

Крестобогоро́дичен: Неискусобра́чная Чи́стая и Ма́ти Твоя́, Христе́, ви́дящи Тя́, ме́ртва ви́сяща на Кресте́, ма́терски пла́чущи, глаго́лаше: что́ Тебе́ воздаде́ евре́йский беззако́нный собо́р и неблагода́рный, и́же мно́гих и вели́ких Твои́х, Сы́не Мо́й, даро́в наслади́выйся? Пою́ Твое́ Боже́ственное снизхожде́ние.

Пе́снь 4.

Ирмо́с: Услы́шах, Го́споди, слу́х Твоего́ смотре́ния, и просла́вих Тя́, Еди́не Человеколю́бче.

Разсужде́ние разу́мно и мона́хов уме́ренное пра́вило Христо́с показа́ тя́, о́тче преподо́бне.

Смире́ния мо́ст твое́ показа́л еси́, богому́дре, житие́, преводя́щ ко и́стинней жи́зни.

Предвари́в, ублажи́ тя́ Влады́ка, о́тче, я́ко даю́ща во вре́мя сло́ва пшени́чное ме́рение.

Богоро́дичен: Све́т возсия́л еси́, Го́споди, су́щим в нощи́ и тме́ прегреше́ний, от Чи́стыя Де́вы во чре́ве носи́мь.

Пе́снь 5.

Ирмо́с: Све́та Пода́телю и веко́в Тво́рче, Го́споди, во све́те Твои́х повеле́ний наста́ви на́с: ра́зве бо Тебе́, ино́го Бо́га не зна́ем.

И́хже на земли́ сы́й, святы́х воспе́л еси́ ве́рно, преподо́бне, с ни́ми сы́й ны́не, слы́ша пе́ния, ра́дуешися, сла́вя непреста́нно Го́спода.

К покая́нию и испове́данию, му́дре, вся́ привлача́, себе́ написа́л еси́ вся́ку вину́, моли́твы Бо́гу принося́ улучи́ти проще́ние.

Все́ житие́ твое́, святы́ми упражня́яся дея́ньми, я́ко и́стинен купе́ц, бы́л еси́, я́ко ка́мение че́стно, и словеса́, и дея́ния себе́ собира́я.

Богоро́дичен: Изба́ви ны́ от искуше́ний и бу́ри помышле́ний, Чи́стая, вся́каго гне́ва, вся́каго греха́, гла́да же, и па́губы, и ве́чнаго, Де́во, муче́ния.

Пе́снь 6.

Ирмо́с: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же, мя́ возведи́.

Пестро́тным мно́жеством пе́сней твои́х, я́ко на тве́рди, Це́рковь Христо́ва, звездоявле́нно просия́вши, дрема́ние отгоня́ет душегу́бное.

Словесе́ твоего́ мольба́, преподо́бне, душе́ю скорбя́щим и те́лом, я́коже не́кая гу́ба, вся́кую очища́я печа́ль, яви́ся.

А́лчущим сло́ва спаси́тельнаго и теле́сными упита́вшимся озлобле́нии, сугу́бо, преподо́бне, исцеле́ние незави́стно пода́л еси́.

Богоро́дичен: На пути́ мя́ жития́ блудя́ща и в безпу́тия ча́сто впа́дающа грехми́, Влады́чице, на покая́ния стезю́ наста́ви.

Конда́к, гла́с 4.

Покая́ния исто́чник неисчерпа́емый, утеше́ния пода́тель неконча́емаго и умиле́ния пучи́на еси́, Ио́сифе, сле́зы на́м пода́ждь покая́ния боже́ственнаго, и́миже утеше́ние, зде́ пла́чущеся, обря́щем от Бо́га, твоея́ по́мощи прося́ще, свя́те.

Пе́снь 7.

Ирмо́с: Вети́и яви́шася о́троцы любому́дрейшии дре́вле, от богоприя́тныя бо души́, богосло́вяще устна́ми, поя́ху: Пребоже́ственный отце́в и на́ш Бо́же, благослове́н еси́.

Потща́лся еси́ и по сне́ сме́ртнем затворе́ны душе́вныя о́чи твоя́ не име́ти, пое́ши бо пе́сни с пою́щими: Пребоже́ственный оте́ц на́ших Бо́же, благослове́н еси́.

Вене́ц муче́ния прия́л еси́, я́ко ублажи́в приле́жно ли́ки му́ченик неисче́тных. И немо́лчно, о́тче, пое́ши с ни́ми: Пребоже́ственный оте́ц на́ших Бо́же, благослове́н еси́.

Исцеле́ние грехо́в вели́ких я́ко сы́й, е́же, прему́дре, испове́дание положи́ пою́щим, о́тче, пе́сни твоя́: Пребоже́ственный оте́ц на́ших Бо́же, благослове́н еси́.

Богоро́дичен: Све́та Твоего́, Богоро́дице Де́во, чи́стыми облиста́нии омрачи́вшуюся ду́шу мою́ лука́выми лю́те преступле́ньми све́том наста́ви, две́рь су́щи Све́та, я́ко да песносло́влю Тя́.

Пе́снь 8.

Ирмо́с: В пе́щь о́гненную ко отроко́м евре́йским снизше́дшаго, и пла́мень в ро́су прело́жшаго Бо́га, по́йте, дела́, я́ко Го́спода, и превозноси́те во вся́ ве́ки.

Я́коже мимотеку́щую се́нь, ны́нешнюю пои́стинне жи́знь ве́дый, нетле́нную прия́ти подвиза́лся еси́, му́дре; сего́ ра́ди честны́я монастыри́ мно́жества назда́л еси́ душа́м на спасе́ние.

Кро́тким правоту́ и ду́хом ни́щаго име́яй, му́жество показа́л еси́ вся́ко, я́коже не еди́наго себе́ утвержда́ти, рабо́тати Зижди́телю, о́тче, но все́х, тебе́ зря́щих.

Незло́бие твое́ и излия́ние любве́ твоея́, треблаже́нне, о́браз поста́ви Человеколю́бца Христа́, к Нему́же непреста́нно пе́л еси́: превозно́сим во вся́ ве́ки.

Богоро́дичен: О, та́инства стра́шна! О, слы́шания ужа́снаго! Ка́ко Де́ва несказа́нным соедине́нием уподо́бльшагося на́м Сло́ва ражда́ет, пребыва́ющи, я́коже пре́жде рождества́, Чиста́ во ве́ки.

Пе́снь 9.

Ирмо́с: От Бо́га Бо́га Сло́ва, неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося на́с ра́ди, ве́рнии, единому́дренно пе́сньми велича́ем.

Доброде́телей о́бразы, я́ко на скрижа́ли, написа́в чи́стей души́ твое́й, де́тельне все́м святы́м прине́сл еси́, сугу́бо ко́ейждо от доброде́телей пе́ния вне́с, достоприя́тно принося́ от де́л и похвале́ние.

А́нгельстии ли́цы, апо́стольский собо́р, Богоро́дица со Крести́телем, проро́ческое сосло́вие, свяще́нник чи́нове с по́стники, му́ченическая во́инства, Ио́сифе, противоме́рными похвала́ми тя́ ны́не венча́ют.

Слове́сное твое́ ста́до помина́ти не преста́й, но, я́коже жи́в, предста́тельствовал еси́, му́дре, си́це жи́знь нетле́нную подая́ бу́ди, теле́сных страсте́й и душе́вных изыма́я, о́тче, ко Христу́ моли́твами твои́ми.

Богоро́дичен: О на́с моля́щи Сы́на Твоего́ не преста́й, Де́во, Человеколю́бца Бо́га: Тя́ бо наде́жду стяжа́хом и Твои́м заступле́нием избавля́емся бе́д, и страсте́й, и прегреше́ний, и боле́зней, ве́рою Тя́ сла́вящии.

Пѣ́снь а҃.

І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ.

Пѣ́сненнѡ пѣснопи́сца почти́мъ, и҆̀же тогѡ̀ медотѡ́чныѧ пѣ̑сни пою́ще, і҆ѡ́сифа, ꙗ҆́кѡ ѿ пѣ́нїй въ пѣ̑сни вѣ̑чныѧ преста́вльшасѧ.

Ꙗ҆́коже прⷪ҇рѡ́къ и҆ а҆пⷭ҇лъ проповѣ́данїе всю̀ зе́млю ѡ҆свѣтѝ, та́кѡ и҆ пѣ́нїе твои́хъ ᲂу҆сте́нъ мі́ръ къ сла́вѣ всѣ́хъ бг҃а возставлѧ́етъ.

Ѿ младе́нства возложи́всѧ, і҆ѡ́сифе, хрⷭ҇тꙋ̀, по́стнически пожи́лъ є҆сѝ: ѿѻнꙋ́дꙋже и҆ дарова́ньми тѧ̀ ѡ҆богатѝ бж҃е́ственными, наде́ждею и҆ любо́вїю, и҆ вѣ́рою чи́стою.

Бг҃оро́диченъ: Тѧ̀ прⷪ҇ро́ческое дре́вле бжⷭ҇твенное сло́во две́рь бж҃їю провозвѣстѝ и҆ го́рꙋ ст҃ꙋ́ю, бцⷣе дв҃о, бжⷭ҇твенныхъ страда́льцєвъ ᲂу҆добре́нїе.

Пѣ́снь г҃.

І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщве́й грѣ́хъ, и҆ стра́хъ твоѝ всадѝ въ сердца̀ на́съ, пою́щихъ тѧ̀.

Чистоты̀ любле́нїемъ бг҃а ᲂу҆моли́лъ є҆сѝ пода́ти помо́щники: и҆ прїе́мъ неѡскꙋ̑дныѧ ѻ҆тцы̀ твоѧ̑, и҆ полꙋчи́лъ є҆сѝ, ѻ҆́ч҃е, наде́ждꙋ твою̀.

Любвѐ и҆́стинныѧ показꙋ́ѧ позна́нїе, и҆ до́мъ, и҆ дѣѧ́нїе, и҆ мꙋ́дрость, ѿ бг҃а дарова̑ннаѧ тебѣ̀, ꙗ҆́коже две́рь і҆́ѡвъ, всѣ̑мъ ѿве́рзлъ є҆сѝ.

Ва́рварскими рꙋка́ми ꙗ҆́тъ бы́въ, пребога́те, ꙗ҆́коже дре́вле во є҆гѵ́петъ до́блїй і҆ѡ́сифъ, съ вѣ́рою и҆ чистото́ю да́ръ соблю́лъ є҆сѝ.

Бг҃оро́диченъ: Ра́й кра́сный посредѣ̀ и҆мѣ́ѧй дре́во, дв҃о, нетлѣ́нїѧ, і҆и҃са хрⷭ҇та̀ гдⷭ҇а, позна́ласѧ є҆сѝ: тѣ́мже тѧ̀ ᲂу҆блажа́емъ.

Сѣда́ленъ, гла́съ д҃.

Ꙗ҆ви́лсѧ є҆сѝ кро́токъ и҆ молчали́въ, смиреномꙋ́дръ, трепе́щѧ бжⷭ҇твенныхъ слове́съ, твоегѡ̀ влⷣки и҆сполнѧ́ѧ, и҆́же на тѧ̀, ѻ҆́ч҃е, призрѣ̀, и҆ въ вы́шнюю ѻ҆би́тель вселѝ.

Сла́ва, и҆ ны́нѣ, бг҃оро́диченъ: Ꙗ҆́кѡ невоздѣ́ланнаѧ, дв҃о, лоза̀, краснѣ́йшїй гро́здъ прозѧбла̀ є҆сѝ, и҆сточа́ющь на́мъ вїно̀ спасе́нїѧ, всѣ́хъ веселѧ́щее дꙋ́шы же и҆ тѣлеса̀. тѣ́мже ꙗ҆́кѡ винꙋ́ тѧ до́брыхъ блажа́ще при́снѡ, со а҆́гг҃ломъ вопїе́мъ тѝ: ра́дꙋйсѧ, бл҃года́тнаѧ.

Крⷭ҇тобг҃оро́диченъ: Неискꙋсобра́чнаѧ чⷭ҇таѧ и҆ мт҃и твоѧ̀, хрⷭ҇тѐ, ви́дѧщи тѧ̀ ме́ртва ви́сѧща на крⷭ҇тѣ̀, мт҃рски пла́чꙋщи, гл҃го́лаше: что̀ тебѣ̀ воздадѐ є҆вре́йскїй беззако́нный собо́ръ и҆ неблагода́рный, и҆́же мно́гихъ и҆ вели́кихъ твои́хъ, сн҃е мо́й, дарѡ́въ наслади́выйсѧ; пою̀ твоѐ бжⷭ҇твенное снизхожде́нїе.

Пѣ́снь д҃.

І҆рмо́съ: Оу҆слы́шахъ, гдⷭ҇и, слꙋ́хъ твоегѡ̀ смотре́нїѧ, и҆ просла́вихъ тѧ̀, є҆ди́не чл҃вѣколю́бче.

Разсꙋжде́нїе разꙋ́мно и҆ мона́хѡвъ ᲂу҆мѣ́ренное пра́вило, хрⷭ҇то́съ показа̀ тѧ̀, ѻ҆́ч҃е преподо́бне.

Смире́нїѧ мо́стъ, твоѐ показа́лъ є҆сѝ, бг҃омꙋ́дре, житїѐ, преводѧ́щь ко и҆́стиннѣй жи́зни.

Предвари́въ, ᲂу҆блажи́ тѧ влⷣка, ѻ҆́ч҃е, ꙗ҆́кѡ даю́ща во вре́мѧ сло́ва пшени́чное мѣ́ренїе.

Бг҃оро́диченъ: Свѣ́тъ возсїѧ́лъ є҆сѝ, гдⷭ҇и, сꙋ́щымъ въ нощѝ и҆ тмѣ̀ прегрѣше́нїй, ѿ чⷭ҇тыѧ дв҃ы во чре́вѣ носи́мь.

Пѣ́снь є҃.

І҆рмо́съ: Свѣ́та пода́телю и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ.

И҆̀хже на землѝ сы́й, ст҃ы́хъ воспѣ́лъ є҆сѝ вѣ́рнѡ, прпⷣбне: съ ни́ми сы́й ны́нѣ слы́шѧ пѣ́нїѧ ра́дꙋешисѧ, сла́вѧ непреста́ннѡ гдⷭ҇а.

Къ покаѧ́нїю и҆ и҆сповѣ́данїю, мꙋ́дре, всѧ̑ привлачѧ̀, себѣ̀ написа́лъ є҆сѝ всѧ́кꙋ винꙋ̀, моли̑твы бг҃ꙋ приносѧ̀, ᲂу҆лꙋчи́ти проще́нїе.

Всѐ житїѐ твоѐ ст҃ы́ми ᲂу҆пражнѧ́ѧсѧ дѣѧ́ньми, ꙗ҆́кѡ и҆́стиненъ кꙋпе́цъ бы́лъ є҆сѝ, ꙗ҆́кѡ ка́менїе че́стно, и҆ словеса̀, и҆ дѣѧ̑нїѧ себѣ̀ собира́ѧ.

Бг҃оро́диченъ: И҆зба́ви ны̀ ѿ и҆скꙋше́нїй и҆ бꙋ́ри помышле́нїй, чⷭ҇таѧ, всѧ́кагѡ гнѣ́ва, всѧ́кагѡ грѣха̀, гла́да же и҆ па́гꙋбы, и҆ вѣ́чнагѡ, дв҃о, мꙋче́нїѧ.

Пѣ́снь ѕ҃.

І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ, ѿ тлѝ, бж҃е, мѧ̀ возведѝ.

Пестро́тнымъ мно́жествомъ пѣ́сней твои́хъ, ꙗ҆́кѡ на тве́рди цр҃ковь хрⷭ҇то́ва ѕвѣздоѧвле́ннѡ просїѧ́вши, дрема́нїе ѿгонѧ́етъ дꙋшегꙋ́бное.

Словесѐ твоегѡ̀ мольба̀, прпⷣбне, дꙋше́ю скорбѧ́щымъ и҆ тѣ́ломъ, ꙗ҆́коже нѣ́каѧ гꙋ́ба, всѧ́кꙋю ѡ҆чища́ѧ печа́ль ꙗ҆ви́сѧ.

А҆́лчꙋщымъ сло́ва спаси́тельнагѡ, и҆ тѣле́сными ᲂу҆пита́вшымсѧ ѡ҆ѕлоблє́нїи, сꙋгꙋ́бо, прпⷣбне, и҆сцѣле́нїе незави́стнѡ пода́лъ є҆сѝ.

Бг҃оро́диченъ: На пꙋти́ мѧ житїѧ̀ блꙋдѧ́ща, и҆ въ безпꙋ̑тїѧ ча́стѡ впа́дающа грѣхмѝ, влⷣчце, на покаѧ́нїѧ стезю̀ наста́ви.

Конда́къ, гла́съ д҃

Покаѧ́нїѧ и҆сто́чникъ неисчерпа́емый, ᲂу҆тѣше́нїѧ пода́тель несконча́емагѡ и҆ ᲂу҆миле́нїѧ пꙋчи́на є҆сѝ, і҆ѡ́сифе, сле́зы на́мъ пода́ждь покаѧ́нїѧ бжⷭ҇твеннагѡ: и҆́миже ᲂу҆тѣше́нїе здѣ̀ пла́чꙋщесѧ ѡ҆брѧ́щемъ ѿ бг҃а, твоеѧ̀ по́мощи просѧ́ще, свѧ́те.

Пѣ́снь з҃.

І҆рмо́съ: Вѣті̑и ꙗ҆ви́шасѧ ѻ҆́троцы любомꙋ́дрѣйшїи дре́вле, ѿ бг҃опрїѧ́тныѧ бо дꙋшѝ бг҃осло́вѧще, ᲂу҆стна́ми поѧ́хꙋ: пребжⷭ҇твенный ѻ҆тцє́въ и҆ на́шъ бж҃е, бл҃гослове́нъ є҆сѝ.

Потща́лсѧ є҆сѝ и҆ по снѣ̀ сме́ртнѣмъ затворє́ны дꙋшє́вныѧ ѻ҆́чи твоѧ̑ не и҆мѣ́ти. пое́ши бо пѣ̑сни съ пою́щими: пребжⷭ҇твенный ѻ҆тє́цъ на́шихъ бж҃е, бл҃гослове́нъ є҆сѝ.

Вѣне́цъ мꙋче́нїѧ прїѧ́лъ є҆сѝ, ꙗ҆́кѡ ᲂу҆блажи́въ прилѣ́жнѡ ли́ки мꙋ́чєникъ неисче́тныхъ. и҆ немо́лчнѡ, ѻ҆́ч҃е, пое́ши съ ни́ми: пребжⷭ҇твенный ѻ҆тє́цъ на́шихъ бж҃е, бл҃гослове́нъ є҆сѝ.

И҆сцѣле́нїе грѣхѡ́въ вели́кихъ ꙗ҆́кѡ сы́й, є҆́же премꙋ́дре, и҆сповѣ́данїе положѝ, пою́щымъ, ѻ҆́ч҃е, пѣ̑сни твоѧ̑: пребжⷭ҇твенный ѻ҆тє́цъ на́шихъ бж҃е, бл҃гослове́нъ є҆сѝ.

Бг҃оро́диченъ: Свѣ́та твоегѡ̀, бцⷣе дв҃о, чи́стыми ѡ҆блиста̑нїи, ѡ҆мрачи́вшꙋюсѧ дꙋ́шꙋ мою̀ лꙋка́выми лю́тѣ престꙋпле́ньми, свѣ́томъ наста́ви, две́рь сꙋ́щи свѣ́та, ꙗ҆́кѡ да пѣсносло́влю тѧ̀.

Пѣ́снь и҃.

І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте, дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки.

Ꙗ҆́коже мимотекꙋ́щꙋю сѣ́нь, ны́нѣшнюю пои́стиннѣ жи́знь вѣ́дый, нетлѣ́ннꙋю прїѧ́ти подвиза́лсѧ є҆сѝ, мꙋ́дре: сегѡ̀ ра́ди честны̑ѧ монастырѝ мно́жєства назда́лъ є҆сѝ, дꙋша́мъ на спасе́нїе.

Кро́ткимъ правотꙋ̀ и҆ дꙋ́хомъ ни́щаго и҆мѣ́ѧй, мꙋ́жество показа́лъ є҆сѝ всѧ́ко, ꙗ҆́коже не є҆ди́наго себѐ ᲂу҆твержда́ти, рабо́тати зижди́телю, ѻ҆́ч҃е, но всѣ́хъ тебѐ зрѧ́щихъ.

Неѕло́бїе твоѐ и҆ и҆злїѧ́нїе любвѐ твоеѧ̀, треблаже́нне, ѻ҆́бразъ поста́ви чл҃вѣколю́бца хрⷭ҇та̀, къ немꙋ́же непреста́ннѡ пѣ́лъ є҆сѝ: превозно́симъ во всѧ̑ вѣ́ки.

Бг҃оро́диченъ: Ѽ та́инства стра́шна! ѽ слы́шанїѧ ᲂу҆жа́снагѡ! ка́кѡ дв҃а несказа́ннымъ соедине́нїемъ ᲂу҆подо́бльшагосѧ на́мъ сло́ва ражда́етъ, пребыва́ющи, ꙗ҆́коже пре́жде ржⷭ҇тва̀, чиста̀ во вѣ́ки.

Пѣ́снь ѳ҃.

І҆рмо́съ: Ѿ бг҃а, бг҃а сло́ва, неизрече́нною мꙋ́дростїю прише́дшагѡ ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ.

Добродѣ́телей ѻ҆́бразы, ꙗ҆́кѡ на скрижа́ли написа́въ, чи́стѣй дꙋшѝ твое́й, дѣ́тельнѣ всѣ̑мъ ст҃ы̑мъ прине́слъ є҆сѝ, сꙋгꙋ́бѡ ко́ейждо ѿ добродѣ́телей пѣ̑нїѧ вне́съ, достопрїѧ́тно приносѧ̀ ѿ дѣ́лъ и҆ похвале́нїе.

А҆́гг҃льстїи ли́цы, а҆пⷭ҇льскїй собо́ръ, бцⷣа со крⷭ҇ти́телемъ, прⷪ҇ро́ческое сосло́вїе, свѧщє́нникъ чи́нове, съ по́стники мꙋ́ченичєскаѧ вѡ́инства, і҆ѡ́сифе, противомѣ́рными похвала́ми тѧ̀ ны́нѣ вѣнча́ютъ.

Слове́сное твоѐ ста́до помина́ти не преста́й, но ꙗ҆́коже жи́въ предста́тельствовалъ є҆сѝ, мꙋ́дре, си́це жи́знь нетлѣ́ннꙋю подаѧ̀ бꙋ́ди, тѣле́сныхъ страсте́й и҆ дꙋше́вныхъ и҆зима́ѧ, ѻ҆́ч҃е, ко хрⷭ҇тꙋ̀ моли́твами твои́ми.

Бг҃оро́диченъ: Ѡ҆ на́съ молѧ́щи сн҃а твоего̀ не преста́й, дв҃о, чл҃вѣколю́бца бг҃а: тѧ́ бо наде́ждꙋ стѧжа́хомъ и҆ твои́мъ застꙋпле́нїемъ и҆збавлѧ́емсѧ бѣ́дъ и҆ страсте́й, и҆ прегрѣше́нїй, и҆ болѣ́зней, вѣ́рою тѧ̀ сла́вѧщїи.

Пре­по­доб­ный Иосиф Пес­но­пи­сец ро­дил­ся в Си­ци­лии в бла­го­че­сти­вой хри­сти­ан­ской се­мье. Ро­ди­те­ли его, Пло­тин и Ага­фия, спа­са­ясь от вар­вар­ско­го на­ше­ствия, пе­ре­се­ли­лись в Пе­ло­пон­нес. В воз­расте 15 лет свя­той Иосиф ушел в Фес­са­ло­ни­ки и по­сту­пил в мо­на­стырь. Он от­ли­чал­ся бла­го­че­сти­ем, тру­до­лю­би­ем, кро­то­стью и поль­зо­вал­ся лю­бо­вью всей бра­тии оби­те­ли. Впо­след­ствии пре­по­доб­ный был по­свя­щен в сан пре­сви­те­ра.

Пре­по­доб­ный Гри­го­рий Де­ка­по­лит (па­мять 20 но­яб­ря) по­се­тил мо­на­стырь и за­ме­тил мо­ло­до­го ино­ка. Он взял его с со­бой в Кон­стан­ти­но­поль и по­се­лил­ся с ним вме­сте при церк­ви свя­тых му­че­ни­ков Сер­гия и Вак­ха. Это бы­ло в цар­ство­ва­ние им­пе­ра­то­ра Льва Ар­мя­ни­на (813–820) – вре­мя же­сто­ких ико­но­бор­че­ских го­не­ний. Пре­по­доб­ные Гри­го­рий и Иосиф без­бо­яз­нен­но от­ста­и­ва­ли по­чи­та­ние свя­тых икон. Они про­по­ве­до­ва­ли на пло­ща­дях го­ро­да, по­се­ща­ли до­ма пра­во­слав­ных, утвер­ждая их про­тив ере­ти­ков. По­ло­же­ние Кон­стан­ти­но­поль­ской Церк­ви бы­ло крайне тя­же­лое: не толь­ко им­пе­ра­тор, но и пат­ри­арх бы­ли ико­но­бор­ца­ми.

В то вре­мя рим­ские епи­ско­пы бы­ли в един­стве со Все­лен­ской Цер­ко­вью, и па­па Лев III, непод­власт­ный ви­зан­тий­ско­му им­пе­ра­то­ру, мог бы ока­зать боль­шую по­мощь пра­во­слав­ным. Пра­во­слав­ные ино­ки из­бра­ли по­слан­ни­ком к па­пе пре­по­доб­но­го Иоси­фа как наи­бо­лее стой­ко­го и крас­но­ре­чи­во­го. Пре­по­доб­ный Гри­го­рий бла­го­сло­вил его ехать в Рим и из­ве­стить о по­ло­же­нии Кон­стан­ти­но­поль­ской Церк­ви и опас­но­сти, гро­зя­щей Пра­во­сла­вию.

Во вре­мя пу­те­ше­ствия пре­по­доб­ный Иосиф был схва­чен раз­бой­ни­ка­ми-ара­ба­ми, под­куп­лен­ны­ми ико­но­бор­ца­ми, и от­прав­лен на ост­ров Крит. Там они пе­ре­да­ли его ико­но­бор­цам. Пре­по­доб­ный Иосиф был за­клю­чен в тем­ни­цу. Му­же­ствен­но пе­ре­но­ся все ли­ше­ния, он под­дер­жи­вал и дру­гих уз­ни­ков. По мо­лит­вам пре­по­доб­но­го один пра­во­слав­ный епи­скоп, на­чав­ший бы­ло ко­ле­бать­ся, на­столь­ко укре­пил­ся ду­хом, что му­же­ствен­но при­нял му­че­ни­че­скую кон­чи­ну.

Шесть лет про­вел пре­по­доб­ный Иосиф в тем­ни­це. В Рож­де­ствен­скую ночь 820 го­да он удо­сто­ил­ся ви­де­ния свя­ти­те­ля Ни­ко­лая Мир­ли­кий­ско­го, ко­то­рый из­ве­стил его о смер­ти го­ни­те­ля-ико­но­бор­ца Льва Ар­мя­ни­на и о пре­кра­ще­нии го­не­ний на свя­тые ико­ны. Свя­ти­тель дал пре­по­доб­но­му сви­ток и ска­зал: "При­ми этот сви­ток и съешь его". В свит­ке бы­ло на­пи­са­но: "Уско­ри, Щед­рый, и пот­щи­ся яко Ми­ло­стив на по­мощь на­шу, яко мо­же­ши, хо­тяй". Пре­по­доб­ный про­чи­тал сви­ток, съел его и ска­зал: "Коль слад­ка гор­та­ни мо­е­му сло­ве­са сия" (Пс.118:103). Свя­ти­тель Ни­ко­лай ве­лел ему про­петь эти сло­ва. По­сле это­го око­вы са­ми спа­ли с пре­по­доб­но­го, две­ри тем­ни­цы от­во­ри­лись, и он сво­бод­но вы­шел из нее и был вос­хи­щен на воз­дух и по­став­лен близ Кон­стан­ти­но­по­ля на боль­шой до­ро­ге, ве­ду­щей в го­род. В Кон­стан­ти­но­по­ле пре­по­доб­ный Иосиф уже не за­стал в жи­вых пре­по­доб­но­го Гри­го­рия Де­ка­по­ли­та, а встре­тил­ся лишь с его уче­ни­ком бла­жен­ным Иоан­ном (па­мять 18 ап­ре­ля), то­же вско­ре скон­чав­шим­ся. Пре­по­доб­ный Иосиф по­стро­ил цер­ковь во имя свя­ти­те­ля Ни­ко­лая и пе­ре­нес ту­да мо­щи пре­по­доб­ных Гри­го­рия и Иоан­на. При церк­ви был ос­но­ван мо­на­стырь.

Пре­по­доб­ный Иосиф по­лу­чил так­же от од­но­го доб­ро­де­тель­но­го му­жа часть мо­щей апо­сто­ла Вар­фо­ло­мея. Он по­стро­ил цер­ковь во имя свя­то­го апо­сто­ла и хо­тел тор­же­ствен­но по­чтить его па­мять, но со­кру­шал­ся, что не бы­ло хва­леб­ных пес­но­пе­ний, про­слав­ляв­ших па­мять свя­то­го апо­сто­ла, сам же он не дер­зал их со­ста­вить. Со­рок дней со сле­за­ми мо­лил­ся пре­по­доб­ный Иосиф, го­то­вясь к празд­ни­ку па­мя­ти апо­сто­ла. В на­ве­че­рие празд­ни­ка в ал­та­ре ему явил­ся апо­стол Вар­фо­ло­мей, воз­ло­жил ему на грудь свя­тое Еван­ге­лие и бла­го­сло­вил пи­сать цер­ков­ные пес­но­пе­ния со сло­ва­ми: "Да бла­го­сло­вит те­бя дес­ни­ца Все­силь­но­го Бо­га, и да изо­льют­ся на язык твой во­ды Небес­ной Пре­муд­ро­сти, серд­це твое да бу­дет хра­мом Ду­ха Свя­та­го и пес­но­пе­ния твои да усла­дят все­лен­ную". По­сле это­го чу­дес­но­го яв­ле­ния пре­по­доб­ный Иосиф на­пи­сал ка­нон апо­сто­лу Вар­фо­ло­мею и с тех пор стал сла­гать цер­ков­ные пес­но­пе­ния в честь Бо­жи­ей Ма­те­ри, свя­тых угод­ни­ков и в их сон­ме – в честь свя­ти­те­ля Ни­ко­лая, осво­бо­див­ше­го его из тем­ни­цы.

Во вре­мя воз­об­нов­ле­ния ико­но­бор­че­ской ере­си при им­пе­ра­то­ре Фе­о­фи­ле (829–842) пре­по­доб­ный Иосиф вто­рич­но по­стра­дал от ере­ти­ков. 11 лет он был в из­гна­нии в Хер­соне. В 842 го­ду при свя­той ца­ри­це Фе­о­до­ре (па­мять 11 фев­ра­ля), вос­ста­но­вив­шей пра­во­слав­ное по­чи­та­ние свя­тых икон, пре­по­доб­ный Иосиф был по­став­лен со­су­до­хра­ни­те­лем в Со­фий­ском со­бо­ре в Кон­стан­ти­но­по­ле. Но за сме­лое об­ли­че­ние бра­та ца­ри­цы Вар­ды в неза­кон­ном со­жи­тель­стве он сно­ва был от­прав­лен в из­гна­ние и воз­вра­щен лишь по­сле смер­ти Вар­ды, в 867 го­ду.

Пат­ри­арх Фо­тий (857–867, 877–886) вос­ста­но­вил его в преж­ней долж­но­сти и на­зна­чил ду­хов­ни­ком все­го кон­стан­ти­но­поль­ско­го кли­ра.

До­стиг­нув глу­бо­кой ста­ро­сти, пре­по­доб­ный Иосиф за­бо­лел. Пе­ред са­мой Пас­хой, в Ве­ли­кую пят­ни­цу, Гос­подь из­ве­стил его в сно­ви­де­нии о при­бли­же­нии кон­чи­ны. Пре­по­доб­ный сде­лал опись цер­ков­но­го иму­ще­ства Со­фий­ско­го со­бо­ра, ко­то­рое по долж­но­сти бы­ло на его по­пе­че­нии, и ото­слал ее пат­ри­ар­ху Фо­тию. Несколь­ко дней он го­ря­чо мо­лил­ся, го­то­вясь к смер­ти. В сво­их мо­лит­вах пре­по­доб­ный про­сил Церк­ви ми­ра, а сво­ей ду­ше – ми­ло­сер­дия Бо­жия. При­ча­стив­шись Свя­тых Хри­сто­вых Та­ин, пре­по­доб­ный Иосиф бла­го­сло­вил всех, быв­ших при нем, и с ра­до­стью пре­ста­вил­ся к Бо­гу († 883). Ли­ки Ан­ге­лов и свя­тых, ко­то­рых пре­по­доб­ный Иосиф про­сла­вил сво­и­ми пес­но­пе­ни­я­ми, с тор­же­ством про­во­ди­ли ду­шу его в Гор­ний мир.

О ду­хе и си­ле пес­но­пе­ний пре­по­доб­но­го его жиз­не­опи­са­тель, диа­кон Кон­стан­ти­но­поль­ской Церк­ви Иоанн, так пи­сал око­ло 890 го­да: "Ко­гда он стал пи­сать сти­хи, то и слух по­ра­жал чуд­ной при­ят­но­стью зву­ка, и по­ра­жал серд­це си­лой мыс­лей... Чуд­ное от­дох­но­ве­ние на­хо­дят здесь те, ко­то­рые стре­мят­ся к жиз­ни со­вер­шен­ной... Пи­са­те­ли, оста­вив дру­гие сти­хо­тво­ре­ния, из од­ной этой со­кро­вищ­ни­цы – из пи­са­ний свя­то­го Иоси­фа – ста­ли чер­пать со­кро­ви­ща для сво­их пес­ней, или луч­ше ска­зать, еже­днев­но их чер­па­ют. На­ко­нец, все на­ро­ды пе­ре­во­дят их на свой язык, чтобы про­све­щать пес­ня­ми тьму но­чи и, про­го­няя сон, про­дол­жать бде­ния до вос­хо­да сол­неч­ных лу­чей... Ес­ли кто про­чтет жизнь свя­то­го, празд­ну­е­мо­го в ка­кой-ли­бо день Цер­ко­вью, тот сам уви­дит до­сто­ин­ство пес­ней свя­то­го Иоси­фа и узна­ет жизнь про­слав­ля­е­мо­го. Под­лин­но, то­гда как жизнь и де­ла по­чти каж­до­го свя­то­го укра­ше­ны хва­ла­ми, не до­сто­ин ли бес­смерт­ной сла­вы тот, кто так до­стой­но и пре­крас­но умел про­сла­вить их! Пусть сла­вят иные свя­тые кро­тость его, дру­гие – муд­рость, тре­тьи – де­ла его, и все вме­сте да сла­вят бла­го­дать Свя­та­го Ду­ха, ко­то­рая так щед­ро и без­мер­но обо­га­ти­ла его сво­и­ми да­ра­ми".

См. так­же: "Па­мять пре­по­доб­но­го от­ца на­ше­го Иоси­фа, пес­но­пис­ца и твор­ца ка­но­нов" в из­ло­же­нии свт. Ди­мит­рия Ро­стов­ско­го.