Канон святому преподобному Макарию Великому Египетскому

Припев: Преподо́бне о́тче Мака́рие, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 01 февраля (19 января ст. ст.)

Глас 4.

Пе́снь 1.

Ирмо́с: Ли́цы изра́ильтестии, невла́жными стопа́ми по́нт Чермны́й и вла́жную глубину́ прогна́вше, вса́дники триста́ты враги́ ви́дяще в не́й погруже́ны, с весе́лием поя́ху: пои́м Бо́гу на́шему, я́ко просла́вися.

Боже́ственным све́том сия́я и со а́нгелы, о́тче, ны́не водворя́яся, моли́твами твои́ми спаса́й соверша́ющия всесвяще́нную твою́ па́мять и в ра́дости вопию́щия: пои́м Бо́гу на́шему, я́ко просла́вися.

Пу́ть, к жи́зни веду́щий, неукло́нно, преблаже́нне, ше́ствуяй, соверши́л еси́, избе́г мяте́жей, и бесо́вская смуще́ния разори́л еси́, ра́достно взыва́я: пои́м Бо́гу на́шему, я́ко просла́вися.

Умертви́в плотско́е мудрова́ние по́стническими твои́ми боре́нии, Боже́ственному Ду́ху покори́л еси́, о́тче, и, Сего́ управля́емь Боже́ственною си́лою, в ра́дости вопия́л еси́: пои́м Бо́гу на́шему, я́ко просла́вися.

Вся́ кра́сная оста́вил еси́, непреста́нную возлюби́в, о́тче, красоту́ в дому́ Госпо́дни, иде́же шу́м чи́сте пра́зднующих, в ра́дости вопию́щих: пои́м Бо́гу на́шему, я́ко просла́вися.

Богоро́дичен: Безле́тнаго Сы́на Безнача́льнаго Отца́, пло́ть на́с ра́ди, челове́ков, бы́вша, Чи́стая, во утро́бе заче́нши, под ле́том Сего́ родила́ еси́ несказа́нно. Ему́же и, ра́дующеся, вопие́м: пои́м Бо́гу на́шему, я́ко просла́вися.

Пе́снь 3.

Ирмо́с: Лу́к си́льных изнемо́же, и немощству́ющии препоя́сашася си́лою, сего́ ра́ди утверди́ся в Го́споде се́рдце мое́.

Зако́ну повину́лся еси́ Ду́ха, Его́же всеору́жием препоя́сався, преподо́бне, не зако́ну греха́ произволе́ние подклони́л еси́.

Горе́ к Бо́гу мудрова́ние име́я, богоно́се, я́же на земли́ оста́вил еси́, боле́зньми воздержа́ния непреста́нно облегча́емь.

Расто́рг у́зы естества́, преесте́ственным и чи́стым твои́м житие́м, богоно́се, су́щих па́че естества́ прия́л еси́ де́йство.

Да Бо́гу, блаже́нне, в безмяте́жии бесе́дуеши, в пусты́ни, о́тче, жи́ти изво́лил еси́, от мо́лв удаля́яся.

Богоро́дичен: Спасти́ хотя́ челове́ка на поле́зное, я́ко Благоде́тель Человеколю́бец, в Твою́ утро́бу неопи́санно, Богома́ти, всели́ся.

Конда́к, гла́с 4.

В дому́ Госпо́дь воздержа́ния вои́стинну тя́ положи́, я́коже звезду́ непреле́стную, световодя́щу концы́, о́тче отце́в, Мака́рие преподо́бне.

Седа́лен, гла́с 1.

Воздержа́ния огне́м, я́ко зла́то в пещи́, му́дре, искуси́вся, светле́йший яви́лся еси́, сего́ ра́ди к небе́сному преста́вился еси́ Ца́рствию. Те́мже, ве́рою восхваля́юще тя́, вопие́м: благода́ть, ми́лость и очище́ние прегреше́ний на́ших, о́тче, испроси́.

Богоро́дичен: Напра́ви ны́ на пу́ть покая́ния, укло́ньшияся при́сно к безпу́тием зо́л и Преблага́го прогне́вавшия Го́спода, Неискусобра́чная, Благослове́нная Мари́е, прибе́жище отча́янных челове́ков, Бо́жие жили́ще.

Крестобогоро́дичен: Нескве́рная А́гница А́гнца и Па́стыря, пове́шена на дре́ве, ме́ртва зря́щи, пла́чущи, веща́ше, ма́терски восклица́ющи: ка́ко претерплю́ Твое́, е́же па́че сло́ва, Сы́не Мо́й, сни́тие и во́льныя стра́сти, Бо́же Преблаги́й?

Пе́снь 4.

Ирмо́с: Седя́й в сла́ве на Престо́ле Божества́ во о́блаце ле́гце, прии́де Иису́с Пребоже́ственный, Нетле́нною Дла́нию и спасе́ зову́щия: сла́ва, Христе́, си́ле Твое́й.

Тле́емаго а́бие ве́тхаго челове́ка совле́клся еси́, о́тче, с грехо́вными страстьми́ воздержа́нием незави́стным, обле́клся же еси́ в но́ваго по Христе́, всече́стне.

Светле́йшее твое́ житие́ я́ко пра́вило изве́стнейшее вся́кия, о́тче, боже́ственныя доброде́тели показа́ся в моли́твах и посте́х, бде́ниих же и мольба́х ко Христу́ Человеколю́бцу.

Дрема́ния твои́м ве́ждом, богому́дре, не да́л еси́, до́ндеже, о́тче, до́м себе́ сотвори́л еси́ красне́йший Всеви́дцу Влады́це, к Нему́же взыва́л еси́: сла́ва, Христе́, си́ле Твое́й.

В ю́ности целому́дрие, в ста́рости ра́зум, во все́м же житии́ пожда́ние и долготерпе́ние и ко все́м любо́вь показа́л еси́, взыва́ющим: сла́ва, Христе́, си́ле Твое́й.

Богоро́дичен: Умерщвле́нныя, Всечи́стая, челове́ки оживи́ла еси́, па́дшия сия́ к тле́нию возста́вила еси́, Жизнода́вца ро́ждши, избавля́ющаго взыва́ющия: сла́ва, Христе́, си́ле Твое́й.

Пе́снь 5.

Ирмо́с: Просвеще́ние Твое́, Го́споди, низпосли́ на́м и от мглы́ прегреше́ний разреши́ ны, Бла́же, Тво́й ми́р да́руяй.

Просте́р, сла́вне, души́ у́мное и чу́вства, му́дре, упра́вив, бы́л еси́ хра́м освяще́н Бо́гу и всече́стен.

Стропти́вейшаго зми́я увяди́в кова́рства и того́ го́рькия ко́зни притупи́л еси́, при́сно в Боже́ственном зако́не ду́шу устроя́я.

Украси́л еси́, преподо́бне, души́ трича́стное и, влады́ку у́м поста́вив, име́л еси́ Христа́, наставля́ющаго к ше́ствию небе́сному.

Богоро́дичен: Де́ва роди́ Пречи́стаго Бо́га, законополага́юща все́м чистоту́ и святы́ню благоче́стия су́щим на земли́ возвеща́юща.

Пе́снь 6.

Ирмо́с: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли́ изба́ви мя́, Иису́се, Царю́ си́л.

В пусты́ни жи́ти усе́рдно возлюби́л еси́, богоно́се, в не́й Бо́га прие́мля, избавля́ющаго тя́ и соблюда́юща твоя́ стопы́.

Непрекло́нен в поще́нии, богому́дре, пребы́л еси́ да́же до конца́, храня́ сие́ опасе́ние, и́мже нетле́ннаго сподо́бился еси́ я́ве наслажде́ния.

Равноа́нгельно на земли́ житие́ пожи́л еси́, равноа́нгельную и че́сть досто́йно получи́л еси́, со а́нгелы все́х Бо́гу предстоя́.

Богоро́дичен: Зачала́ еси́ во утро́бе, Богома́ти, Безнача́льнаго Бо́га Сло́ва, на́с ра́ди, челове́ков, бы́вша непрело́жна по на́м, во двою́ зна́емаго естеству́.

Конда́к, гла́с 1.

Блаже́нную жи́знь сконча́в в житии́, с му́ченическими ли́ки в земли́ кро́тких досто́йно водворя́ешися, богоно́сне Мака́рие, и пусты́ню, я́коже гра́д, насели́в, благода́ть прия́л еси́ от Бо́га чуде́с, те́мже тя́ почита́ем.

И́кос:

Богоно́снаго бы́в у́бо Анто́ния учени́к, о́тче, и́скренний, я́коже во́ск, изобразу́емь, вся́кую изобрази́л еси́ того́ пои́стинне доброде́тель и страда́ния. Те́м и, я́ко Илия́ сугу́бо, я́коже ино́му Елиссе́ю, тебе́ чуде́с благода́ть даде́ся, и предве́дения осия́ние и́стины получи́вшему, ве́лие положи́ся во все́м ми́ре дея́ние жития́ твоего́, воздвиза́я спя́щия в поги́бельней про́пасти, те́мже тя́ почита́ем.

Пе́снь 7.

Ирмо́с: Спасы́й во огни́ авраа́мския Твоя́ о́троки и халде́и уби́в, я́же Пра́вда пра́ведно уловля́ше, препе́тый Го́споди, Бо́же оте́ц на́ших, благослове́н еси́.

Свы́ше манове́нием и Бо́жиею по́мощию враги́ низложи́в, победоно́сец, зовы́й, бы́л еси́: препе́тый Го́споди, Бо́же отце́в на́ших, благослове́н еси́.

Очи́стив мглу́, от страсте́й бы́вшую, безстра́стия просвеще́нием озари́лся еси́, зовы́й, блаже́нне: препе́тый Го́споди, Бо́же отце́в на́ших, благослове́н еси́.

Уясни́в ду́шу доброде́тельными благоле́потами, красе́н добро́тою Бо́гу бы́в, песнопе́л еси́, ра́дуяся: препе́тый Го́споди, Бо́же отце́в на́ших, благослове́н еси́.

Богоро́дичен: Призыва́я ны́, плене́нныя, Де́во, во е́же бе́хом в нача́лех, во чре́во Твое́ всели́вся, воплоти́ся Человеколю́бец Госпо́дь, Бо́г отце́в на́ших Благослове́нный.

Пе́снь 8.

Ирмо́с: О́троки благочести́выя в пещи́ Рождество́ Богоро́дичо спасло́ е́сть, тогда́ у́бо образу́емое, ны́не же де́йствуемое, вселе́нную всю́ воздвиза́ет пе́ти Тебе́: Го́спода по́йте, дела́, и превозноси́те Его́ во вся́ ве́ки.

Глаго́лы жи́зни ве́чныя, всеблаже́нне, в се́рдцы твое́м прие́м, пло́ть увяди́л еси́, ми́ру же умертви́лся еси́ и, в живоно́сную ме́ртвость оде́явся, — Го́спода по́йте, — взыва́еши, — и превозноси́те Его́ во вся́ ве́ки.

Ми́лостива бы́ти, богоно́сне, еди́наго Благода́теля моли́ твою́ всесвяще́нную па́мять пра́зднующим, согреше́ний оставле́ние си́м испроша́я: Го́спода по́йте, дела́, и превозноси́те Его́ во вся́ ве́ки.

Ма́нием к Бо́гу непреста́нным внима́я и отону́днаго осия́ния зарю́ прие́мля, све́т противосия́ющий проза́рный, я́ко зерца́ло, посыла́еши пою́щим: Го́спода по́йте, дела́, и превозноси́те Его́ во вся́ ве́ки.

На ле́ствицу, к небеси́ просте́ртую, на не́йже утвержде́н яви́ся Госпо́дь, о́тче, возше́л еси́, боже́ственными восхожде́ньми при́сно предуспева́я, преподо́бне, до́ндеже дости́гл еси́ пою́щих: Го́спода по́йте, дела́, и превозноси́те Его́ во вся́ ве́ки.

Богоро́дичен: Пое́м Тя́, Обра́дованная, Бо́га бо воплоще́нна на́м родила́ еси́. Те́мже Богоро́дицу Тя́ вси́ имену́ем, богоприя́тную трапе́зу, добро́ту Иа́ковлю, — Го́спода по́йте, дела́, — вопию́ще, — и превозноси́те Его́ во вся́ ве́ки.

Пе́снь 9.

Ирмо́с: Е́ва у́бо неду́гом преслуша́ния кля́тву всели́ла е́сть, Ты́ же, Де́во Богоро́дице, прозябе́нием чревоноше́ния ми́рови благослове́ние процвела́ еси́. Те́м Тя́ вси́ велича́ем.

Слеза́ми у́бо по́стническими ни́ву се́рдца твоего́ напои́л еси́, ра́дуяся же, о́тче богоно́се, ны́не в ра́дости рукоя́ти собира́еши подвиго́в по́чести, те́мже тя́ вси́ ублажа́ем.

Незаходи́мый возсия́ тебе́ све́т, и присносу́щное весе́лие восприя́, иде́же, лику́я со а́нгелы о́крест Царя́ и Го́спода, ве́рою соверша́ющия па́мять твою́ помина́й, о́тче всеблаже́нне.

Возмо́гл еси́ избежа́ти де́монов стреля́ния и кова́рствий лука́вых, спасе́ся, блаже́нне, душа́ твоя́, свята́, чиста́ и нескве́рна, насле́дия небе́снаго сподо́бися, помина́й у́бо пою́щия тя́.

Зако́ном, о́тче, страда́льческим подвиза́лся еси́ досто́йне и победи́л еси́. Те́мже тя́ сла́вы венце́м еди́н Благоде́тель почте́ и боже́ственнаго светоявле́ния сподо́би и блаже́нных наслажде́ний.

Богоро́дичен: Я́ко все́х тва́рей Творца́ ро́ждши, Богома́ти, превозшла́ еси́ всю́ тва́рь боже́ственною сла́вою, и святы́нею, и благода́тию, и вся́кими доброде́тели пе́рвшествы. Те́мже Тя́ вси́ велича́ем.

Свети́лен.

А́нгельскаго жития́ жела́я, удали́л еси́ тебе́ сама́го в пусты́нях и, стра́сти покори́в плотски́я, равноа́нгелен показа́лся еси́, о́тче на́ш богоно́сне.

Богоро́дичен: Держа́вным Твои́м покро́вом от враго́в наве́та Твоя́ рабы́, Чи́стая, соблюди́ вся́ ны́ невре́дны: Тя́ бо и́мамы Еди́ну прибе́жище в ну́ждах.

Пѣ́снь а҃.

І҆рмо́съ: Ли́цы і҆и҃льтестїи невла́жными стопа́ми по́нтъ чермны́й, и҆ вла́жнꙋю глꙋбинꙋ̀ прогна́вше, вса́дники трїста́ты врагѝ ви́дѧще въ не́й погрꙋжє́ны, съ весе́лїемъ поѧ́хꙋ: пои́мъ бг҃ꙋ на́шемꙋ, ꙗ҆́кѡ просла́висѧ.

Бж҃е́ственнымъ свѣ́томъ сїѧ́ѧ, и҆ со а҆́гг҃лы, ѻ҆́тче, ны́нѣ водворѧ́ѧсѧ, моли́твами твои́ми спаса́й соверша́ющыѧ всесвѧще́ннꙋю твою̀ па́мѧть, и҆ въ ра́дости вопїю́щыѧ: пои́мъ бг҃ꙋ на́шемꙋ, ꙗ҆́кѡ просла́висѧ.

Пꙋ́ть къ жи́зни ведꙋ́щїй, неꙋкло́ннѡ, пребл҃же́нне, ше́ствꙋѧй соверши́лъ є҆сѝ, и҆збѣ́гъ мѧте́жей, и҆ бѣсѡ́вскаѧ смꙋщє́нїѧ разори́лъ є҆сѝ, ра́достнѡ взыва́ѧ: пои́мъ бг҃ꙋ на́шемꙋ, ꙗ҆́кѡ просла́висѧ.

Оу҆мертви́въ плотско́е мꙋдрова́нїе, по́стническими твои́ми борє́нїи, бж҃е́ственномꙋ дх҃ꙋ покори́лъ є҆сѝ, ѻ҆́тче: и҆ сегѡ̀ ᲂу҆правлѧ́емь бж҃е́ственною си́лою, въ ра́дости вопїѧ́лъ є҆сѝ: пои́мъ бг҃ꙋ на́шемꙋ, ꙗ҆́кѡ просла́висѧ.

Всѧ̑ кра̑снаѧ ѡ҆ста́вилъ є҆сѝ, непреста́ннꙋю возлюби́въ, ѻ҆́тче, красотꙋ̀ въ домꙋ̀ гдⷭ҇ни, и҆дѣ́же шꙋ́мъ чи́стѣ пра́зднꙋющихъ, въ ра́дости вопїю́щихъ: пои́мъ бг҃ꙋ на́шемꙋ, ꙗ҆́кѡ просла́висѧ.

Бг҃оро́диченъ: Безлѣ́тнаго сн҃а безнача́льнагѡ ѻ҆ц҃а̀, пло́ть на́съ ра́ди человѣ́кѡвъ бы́вша, чⷭ҇таѧ, во ᲂу҆тро́бѣ заче́нши, подъ лѣ́томъ сего̀ родила̀ є҆сѝ несказа́ннѡ, є҆мꙋ́же и҆ ра́дꙋющесѧ вопїе́мъ: пои́мъ бг҃ꙋ на́шемꙋ, ꙗ҆́кѡ просла́висѧ.

Пѣ́снь г҃.

І҆рмо́съ: Лꙋ́къ си́льныхъ и҆знемо́же, и҆ немощствꙋ́ющїи препоѧ́сашасѧ си́лою: сегѡ̀ ра́ди ᲂу҆тверди́сѧ въ гдⷭ҇ѣ се́рдце моѐ.

Зако́нꙋ повинꙋ́лсѧ є҆сѝ дх҃а, є҆гѡ́же всеѻрꙋ́жїемъ препоѧ́савсѧ, преподо́бне, не зако́нꙋ грѣха̀ произволе́нїе подклони́лъ є҆сѝ.

Горѣ̀ къ бг҃ꙋ мꙋдрова́нїе и҆мѣ́ѧ, бг҃оно́се, ꙗ҆̀же на землѝ ѡ҆ста́вилъ є҆сѝ, болѣ́зньми воздержа́нїѧ непреста́ннѡ ѡ҆блегча́емь.

Расто́ргъ ᲂу҆́зы є҆стества̀ преесте́ственнымъ и҆ чи́стымъ твои́мъ житїе́мъ, бг҃оно́се, сꙋ́щихъ па́че є҆стества̀ прїѧ́лъ є҆сѝ дѣ́йство.

Да бг҃ꙋ, бл҃же́нне, въ безмѧте́жїи бесѣ́дꙋеши, въ пꙋсты́ни, ѻ҆́тче, жи́ти и҆зво́лилъ є҆сѝ, ѿ мо́лвъ ᲂу҆далѧ́ѧсѧ.

Бг҃оро́диченъ: Спастѝ хотѧ̀ человѣ́ка на поле́зное, ꙗ҆́кѡ бл҃годѣ́тель чл҃вѣколю́бецъ, въ твою̀ ᲂу҆тро́бꙋ неѡпи́саннѡ, бг҃ома́ти, всели́сѧ.

Конда́къ, гла́съ д҃.

Въ домꙋ̀ гдⷭ҇ь воздержа́нїѧ вои́стиннꙋ тѧ̀ положѝ, ꙗ҆́коже ѕвѣздꙋ̀ непреле́стнꙋю, свѣтоводѧ́щꙋ концы̀, ѻ҆́тче ѻ҆ц҃є́въ, мака́рїе преподо́бне.

Сѣда́ленъ, гла́съ а҃.

Воздержа́нїѧ ѻ҆гне́мъ, ꙗ҆́кѡ зла́то въ пещѝ, мꙋ́дре, и҆скꙋси́всѧ, свѣтлѣ́йшїй ꙗ҆ви́лсѧ є҆сѝ: сегѡ̀ ра́ди къ нбⷭ҇номꙋ преста́вилсѧ є҆сѝ црⷭ҇твїю. тѣ́мже вѣ́рою восхвалѧ́юще тѧ̀, вопїе́мъ: благода́ть, ми́лость и҆ ѡ҆чище́нїе прегрѣше́нїй на́шихъ, ѻ҆́тче, и҆спросѝ.

Бг҃оро́диченъ: Напра́ви ны̀ на пꙋ́ть покаѧ́нїѧ, ᲂу҆кло́ншыѧсѧ при́снѡ къ безпꙋ́тїємъ ѕѡ́лъ, и҆ пребл҃га́го прогнѣ́вавшыѧ гдⷭ҇а, неискꙋсобра́чнаѧ, бл҃гослове́ннаѧ мр҃і́е, прибѣ́жище ѿча́ѧнныхъ человѣ́кѡвъ, бж҃їе жили́ще.

Крⷭ҇тобг҃оро́диченъ: Нескве́рнаѧ а҆́гница а҆́гнца и҆ па́стырѧ повѣ́шена на дре́вѣ ме́ртва зрѧ́щи, пла́чꙋщи вѣща́ше, мт҃рски восклица́ющи: ка́кѡ претерплю̀ твоѐ, є҆́же па́че сло́ва, сн҃е мо́й, сни́тїе, и҆ вѡ́льныѧ стрⷭ҇ти, бж҃е пребл҃гі́й;

Пѣ́снь д҃.

І҆рмо́съ: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й.

Тлѣ́емагѡ а҆́бїе ве́тхагѡ человѣ́ка совле́клсѧ є҆сѝ, ѻ҆́тче, съ грѣхо́вными страстьмѝ, воздержа́нїемъ незави́стнымъ: ѡ҆бле́клсѧ же є҆сѝ въ но́ваго по хрⷭ҇тѣ̀, всече́стне.

Свѣтлѣ́йшее твоѐ житїѐ, ꙗ҆́кѡ пра́вило и҆звѣ́стнѣйшее всѧ́кїѧ, ѻ҆́тче, бж҃е́ственныѧ добродѣ́тели показа́сѧ въ моли́твахъ и҆ постѣ́хъ, бдѣ́нїихъ же и҆ мольба́хъ ко хрⷭ҇тꙋ̀ чл҃вѣколю́бцꙋ.

Дрема́нїѧ твои̑мъ вѣ́ждѡмъ, бг҃омꙋ́дре, не да́лъ є҆сѝ, до́ндеже, ѻ҆́тче, до́мъ себѐ сотвори́лъ є҆сѝ краснѣ́йшїи всеви́дцꙋ влⷣцѣ, къ немꙋ́же взыва́лъ є҆сѝ: сла́ва, хрⷭ҇тѐ, си́лѣ твое́й.

Въ ю҆́ности цѣломꙋ́дрїе, въ ста́рости ра́зꙋмъ, во все́мъ же житїѝ пожда́нїе и҆ долготерпѣ́нїе, и҆ ко всѣ̑мъ любо́вь показа́лъ є҆сѝ, взыва́ющымъ: сла́ва, хрⷭ҇тѐ, си́лѣ твое́й.

Бг҃оро́диченъ: Оу҆мерщвлє́нныѧ, всечⷭ҇таѧ, человѣ́ки ѡ҆живи́ла є҆сѝ, па́дшыѧ сїѧ̑ къ тлѣ́нїю возста́вила є҆сѝ, жизнода́вца ро́ждши, и҆збавлѧ́ющаго взыва́ющыѧ: сла́ва, хрⷭ҇тѐ, си́лѣ твое́й.

Пѣ́снь є҃.

І҆рмо́съ: Просвѣще́нїе твоѐ, гдⷭ҇и, низспослѝ на́мъ, и҆ ѿ мглы̀ прегрѣше́нїй разрѣши́ ны, бл҃же, тво́й ми́ръ да́рꙋѧй.

Просте́ръ, сла́вне, дꙋшѝ ᲂу҆́мное, и҆ чꙋ̑вства, мꙋ́дре, ᲂу҆пра́вивъ, бы́лъ є҆сѝ хра́мъ ѡ҆свѧще́нъ бг҃ꙋ и҆ всече́стенъ.

Стропти́вѣйшагѡ ѕмі́ѧ ᲂу҆вѧди́въ кова̑рства, и҆ тогѡ̀ гѡ́рькїѧ кѡ́зни притꙋпи́лъ є҆сѝ, при́снѡ въ бжⷭ҇твенномъ зако́нѣ дꙋ́шꙋ ᲂу҆строѧ́ѧ.

Оу҆краси́лъ є҆сѝ, прпⷣбне, дꙋшѝ трича́стное, и҆ влады́кꙋ ᲂу҆́мъ поста́вивъ, и҆мѣ́лъ є҆сѝ хрⷭ҇та̀, наставлѧ́ющаго къ ше́ствїю нбⷭ҇номꙋ.

Бг҃оро́диченъ: Дв҃а родѝ пречи́стаго бг҃а, законополага́юща всѣ̑мъ чистотꙋ̀, и҆ свѧты́ню благоче́стїѧ сꙋ́щымъ на землѝ возвѣща́юща.

Пѣ́снь ѕ҃.

І҆рмо́съ: Возопѝ проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ.

Въ пꙋсты́ни жи́ти ᲂу҆се́рднѡ возлюби́лъ є҆сѝ, бг҃оно́се, въ не́й бг҃а прїе́млѧ, и҆збавлѧ́ющаго тѧ̀ и҆ соблюда́юща твоѧ̑ стѡпы̀.

Непрекло́ненъ въ поще́нїи, бг҃омꙋ́дре, пребы́лъ є҆сѝ, да́же до конца̀ хранѧ̀ сїѐ ѡ҆пасе́нїе, и҆́мже нетлѣ́ннагѡ сподо́билсѧ є҆сѝ ꙗ҆́вѣ наслажде́нїѧ.

Равноа́гг҃льно на землѝ житїѐ пожи́лъ є҆сѝ, равноа́гг҃льнꙋю и҆ че́сть досто́йнѡ полꙋчи́лъ є҆сѝ, со а҆́гг҃лы всѣ́хъ бг҃ꙋ предстоѧ̀.

Бг҃оро́диченъ: Зачала̀ є҆сѝ во ᲂу҆тро́бѣ, бг҃ома́ти, безнача́льнаго бг҃а сло́ва, на́съ ра́ди человѣ́кѡвъ бы́вша непрело́жна по на́мъ, во двою̀ зна́емаго є҆стєствꙋ̀.

Конда́къ, гла́съ а҃.

Блаже́ннꙋю жи́знь сконча́въ въ житїѝ съ мꙋ́ченическими ли́ки, въ землѝ кро́ткихъ досто́йнѡ водворѧ́ешисѧ, бг҃оно́се мака́рїе: и҆ пꙋсты́ню, ꙗ҆́коже гра́дъ, насели́въ, благода́ть прїѧ́лъ є҆сѝ ѿ бг҃а чꙋде́съ. тѣ́мже тѧ̀ почита́емъ.

І҆́косъ:

Бг҃оно́снагѡ бы́въ ᲂу҆́бѡ а҆нтѡ́нїа ᲂу҆ч҃ни́къ, ѻ҆́тче, и҆́скреннїй, ꙗ҆́коже во́скъ и҆з̾ѡбразꙋ́емь, всѧ́кꙋю и҆з̾ѡбрази́лъ є҆сѝ тогѡ̀ пои́стиннѣ добродѣ́тель и҆ страда̑нїѧ. тѣ́мъ и҆ ꙗ҆́кѡ и҆лїа̀ сꙋгꙋ́бѡ, ꙗ҆́коже и҆но́мꙋ є҆лїссе́ю тебѣ̀ чꙋде́съ благода́ть даде́сѧ, и҆ предвѣ́дѣнїѧ ѡ҆сїѧ́нїе и҆́стины полꙋчи́вшемꙋ. Ве́лїе положи́сѧ во все́мъ мі́рѣ дѣѧ́нїе житїѧ̀ твоегѡ̀, воздвиза́ѧ спѧ́щыѧ въ поги́бельнѣй про́пасти: тѣ́мже тѧ̀ почита́емъ.

Пѣ́снь з҃.

І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше, препѣ́тый гдⷭ҇и, бж҃е ѻ҆тє́цъ на́шихъ, благослове́нъ є҆сѝ.

Свы́ше манове́нїемъ и҆ бж҃їею по́мощїю врагѝ низложи́въ, побѣдоно́сецъ зовы́й бы́лъ є҆сѝ: препѣ́тый гдⷭ҇и, бж҃е ѻ҆ц҃є́въ на́шихъ, благослове́нъ є҆сѝ.

Ѡ҆чи́стивъ мглꙋ̀, ѿ страсте́й бы́вшꙋю, безстра́стїѧ просвѣще́нїемъ ѡ҆зари́лсѧ є҆сѝ, зовы́й, блаже́нне: препѣ́тый гдⷭ҇и, бж҃е ѻ҆ц҃є́въ на́шихъ, благослове́нъ є҆сѝ.

Оу҆ѧсни́въ дꙋ́шꙋ добродѣ́тельными благолѣ́потами, красе́нъ добро́тою бг҃ꙋ бы́въ, пѣснопѣ́лъ є҆сѝ ра́дꙋѧсѧ: препѣ́тый гдⷭ҇и, бж҃е ѻ҆ц҃є́въ на́шихъ, благослове́нъ є҆сѝ.

Бг҃оро́диченъ: Призыва́ѧ ны̀ плѣнє́нныѧ, дв҃о, во є҆́же бѣ́хомъ въ нача́лѣхъ, во чре́во твоѐ всели́всѧ, воплоти́сѧ человѣколю́бецъ гдⷭ҇ь, бг҃ъ ѻ҆ц҃є́въ на́шихъ бл҃гослове́нный.

Пѣ́снь и҃.

І҆рмо́съ: Ѻ҆́троки бл҃гочести̑выѧ въ пещѝ рождество̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки.

Глаго́лы жи́зни вѣ́чныѧ, всебл҃же́нне, въ се́рдцы твое́мъ прїе́мъ, пло́ть ᲂу҆вѧди́лъ є҆сѝ: мі́рꙋ же ᲂу҆мертви́лсѧ є҆сѝ, и҆ въ живоно́снꙋю ме́ртвость ѡ҆дѣ́ѧвсѧ, гдⷭ҇а по́йте, взыва́еши, и҆ превозноси́те є҆го̀ во всѧ̑ вѣ́ки.

Ми́лостива бы́ти, бг҃оно́сне, є҆ди́наго бл҃года́телѧ молѝ, твою̀ всесвѧще́ннꙋю па́мѧть пра́зднꙋющымъ, согрѣше́нїй ѡ҆ставле́нїе си̑мъ и҆спроша́ѧ: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки.

Ма́нїємъ къ бг҃ꙋ непреста̑ннымъ внима́ѧ, и҆ ѿѻнꙋ́днагѡ ѡ҆сїѧ́нїѧ зарю̀ прїе́млѧ, свѣ́тъ противосїѧ́ющїй проза́рный, ꙗ҆́кѡ зерца́ло, посыла́еши пою́щымъ: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки.

На лѣ́ствицꙋ, къ небесѝ просте́ртꙋю, на не́йже ᲂу҆твержде́нъ ꙗ҆ви́сѧ гдⷭ҇ь, ѻ҆́тче, возше́лъ є҆сѝ, бж҃е́ственными восхожде́ньми при́снѡ пред̾ꙋспѣва́ѧ, преподо́бне, до́ндеже дости́глъ є҆сѝ пою́щихъ: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки.

Бг҃оро́диченъ: Пое́мъ тѧ̀, ѡ҆бра́дованнаѧ, бг҃а бо воплоще́нна на́мъ родила̀ є҆сѝ. тѣ́мже бцⷣꙋ тѧ̀ всѝ и҆менꙋ́емъ, бг҃опрїѧ́тнꙋю трапе́зꙋ, добро́тꙋ і҆а́кѡвлю: гдⷭ҇а по́йте, дѣла̀, вопїю́ще, и҆ превозноси́те є҆го̀ во всѧ̑ вѣ́ки.

Пѣ́снь ѳ҃.

І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть, ты́ же, дв҃о бцⷣе, прозѧбе́нїемъ чревоноше́нїѧ мі́рови бл҃гослове́нїе процвѣла̀ є҆сѝ: тѣ́мъ тѧ̀ всѝ велича́емъ.

Слеза́ми ᲂу҆́бѡ по́стническими ни́вꙋ се́рдца твоегѡ̀ напои́лъ є҆сѝ: ра́дꙋѧсѧ же, ѻ҆́тче бг҃оно́се, ны́нѣ въ ра́дости рꙋкоѧ̑ти собира́еши подвигѡ́въ по́чєсти: тѣ́мже тѧ̀ всѝ ᲂу҆блажа́емъ.

Незаходи́мый возсїѧ̀ тебѣ̀ свѣ́тъ, и҆ присносꙋ́щное весе́лїе воспрїѧ̀: и҆дѣ́же ликꙋ́ѧ со а҆́гг҃лы ѻ҆́крестъ цр҃ѧ̀ и҆ гдⷭ҇а, вѣ́рою соверша́ющыѧ па́мѧть твою̀ помина́й, ѻ҆́тче всеблаже́нне.

Возмо́глъ є҆сѝ и҆збѣжа́ти де́мѡнѡвъ стрѣлѧ́нїѧ и҆ кова́рствїй лꙋка́выхъ: спасе́сѧ, бл҃же́нне, дꙋша̀ твоѧ̀, ст҃а̀, чиста̀ и҆ нескве́рна, наслѣ́дїѧ нбⷭ҇нагѡ сподо́бисѧ: помина́й ᲂу҆̀бо пою́щыѧ тѧ̀.

Зако́номъ, ѻ҆́тче, страда́льческимъ подвиза́лсѧ є҆сѝ досто́йнѣ, и҆ побѣди́лъ є҆сѝ. тѣ́мже тѧ̀ сла́вы вѣнце́мъ є҆ди́нъ бл҃годѣ́тель почтѐ, и҆ бжⷭ҇твеннагѡ свѣтоѧвле́нїѧ сподо́би, и҆ блаже́нныхъ наслажде́нїй.

Бг҃оро́диченъ: Ꙗ҆́кѡ всѣ́хъ тва́рей творца̀ ро́ждши, бг҃ома́ти, превозшла̀ є҆сѝ всю̀ тва́рь бжⷭ҇твенною сла́вою, и҆ ст҃ы́нею, и҆ бл҃года́тїю, и҆ всѧ́кими добродѣ́тели пе́рвшествы. тѣ́мже тѧ̀ всѝ велича́емъ.

Свѣти́ленъ.

А҆́гг҃льскагѡ житїѧ̀ жела́ѧ, ᲂу҆дали́лъ є҆сѝ тебѐ сама́го въ пꙋсты́нѧхъ, и҆ стра̑сти покори́въ плотскі̑ѧ, равноа́гг҃ленъ показа́лсѧ є҆сѝ, ѻ҆́тче на́шъ бг҃оно́сне.

Бг҃оро́диченъ: Держа́внымъ твои́мъ покро́вомъ ѿ врагѡ́въ навѣ́та твоѧ̑ рабы̑, чⷭ҇таѧ, соблюдѝ всѧ̑ ны̀ неврє́дны: тѧ́ бо и҆́мамы є҆ди́нꙋ прибѣ́жище въ нꙋ́ждахъ.

Статьи о преподобном Макарии Великом

• Преподобный Макарий Египетский: «Тренер» иноков Андрей Зайцев

Ро­дил­ся в Егип­те око­ло 301 го­да. С лю­бо­вью и усер­ди­ем по­слу­жил он сво­им ро­ди­те­лям в ста­ро­сти, ис­пол­няя за­по­ведь о по­чи­та­нии ро­ди­те­лей, и по кон­чине их сде­лал­ся со­вер­шен­но сво­бод­ным от жи­тей­ских за­бот. Под ру­ко­вод­ством опыт­но­го стар­ца-ино­ка пре­по­доб­ный Ма­ка­рий стал про­хо­дить без­молв­ное ино­че­ское жи­тие и ру­ко­де­лие. Сна­ча­ла он по­се­лил­ся в пу­стын­ном ме­сте неда­ле­ко от се­ле­ния, где жил, по­том пре­по­доб­ный пе­ре­се­лил­ся на Нит­рий­скую го­ру в Фа­ран­ской пу­стыне.

Про­жив три го­да в пу­стыне, он по­шел к пре­по­доб­но­му Ан­то­нию Ве­ли­ко­му († 356), от­цу еги­пет­ско­го мо­на­ше­ства, о ко­то­ром слы­шал, еще жи­вя в ми­ру, и го­рел же­ла­ни­ем его ви­деть. Пре­по­доб­ный ав­ва Ан­то­ний с лю­бо­вью при­нял бла­жен­но­го Ма­ка­рия, ко­то­рый сде­лал­ся его пре­дан­ным уче­ни­ком и по­сле­до­ва­те­лем. С ним пре­по­доб­ный Ма­ка­рий жил дол­гое вре­мя, а за­тем, по со­ве­ту свя­то­го ав­вы, уда­лил­ся в Скит­скую пу­сты­ню (в се­ве­ро-за­пад­ной ча­сти Егип­та) и там столь про­си­ял сво­и­ми по­дви­га­ми, что его ста­ли на­зы­вать «юно­шей-стар­цем», так как, ед­ва до­стиг­нув трид­ца­ти­лет­не­го воз­рас­та, он про­явил се­бя опыт­ным, зре­лым ино­ком. Здесь пре­по­доб­но­му Ма­ка­рию при­хо­ди­лось бо­роть­ся с бе­са­ми день и ночь, и они во­пи­ли, что не мо­гут по­бе­дить его, по­то­му что он име­ет ве­ли­кое ору­жие – сми­ре­ние.

Ко­гда свя­то­му ис­пол­ни­лось 40 лет, он был по­свя­щен в сан свя­щен­ни­ка и по­став­лен на­сто­я­те­лем (ав­вой) ино­ков, жив­ших в Скит­ской пу­стыне. В эти го­ды пре­по­доб­ный Ма­ка­рий ча­сто по­се­щал ве­ли­ко­го Ан­то­ния, по­лу­чая от него на­став­ле­ния в ду­хов­ных бе­се­дах. Вме­сте с дву­мя дру­ги­ми уче­ни­ка­ми пре­по­доб­но­го Ан­то­ния пре­по­доб­ный Ма­ка­рий спо­до­бил­ся при­сут­ство­вать при бла­жен­ной кон­чине его, и как некое бо­га­тей­шее на­сле­дие по­лу­чил по­сох пре­по­доб­но­го Ан­то­ния, ко­то­рым тот под­дер­жи­вал в до­ро­ге свое немощ­ное те­ло, удру­чен­ное ста­ро­стью и пост­ни­че­ски­ми по­дви­га­ми. Вме­сте с этим по­со­хом пре­по­доб­ный Ма­ка­рий при­нял су­гу­бо и дух Ан­то­ния Ве­ли­ко­го, как неко­гда вос­при­нял та­ко­вой про­рок Ели­сей по­сле Илии про­ро­ка. Си­лой его ду­ха пре­по­доб­ный Ма­ка­рий со­тво­рил мно­гие див­ные чу­де­са. Од­на­жды пре­по­доб­ный Ма­ка­рий раз­го­ва­ри­вал с че­ре­пом глав­но­го язы­че­ско­го жре­ца, ко­то­рый рас­ска­зы­вал о сво­их му­че­ни­ях и о бо­лее тяж­ких и лю­тых, по­стиг­ших тех, кто по­знал имя Бо­жие, но от­верг Его и за­по­ве­ди Его не со­блю­дал.

По при­чине мно­же­ства при­хо­див­ше­го к нему на­ро­да, пре­по­доб­ный Ма­ка­рий имел ма­ло вре­ме­ни, чтобы в уда­ле­нии пре­да­вать­ся бо­го­мыс­лию. По­это­му пре­по­доб­ный вы­ко­пал под сво­ей кел­ли­ей глу­бо­кую пе­ще­ру, дли­ной око­ло пол­ста­дии, ку­да и скры­вал­ся от по­сто­ян­но при­хо­дя­щих к нему и на­ру­ша­ю­щих его бо­го­мыс­лие и мо­лит­ву. Пре­по­доб­ный Ма­ка­рий до­стиг та­ко­го дерз­но­ве­ния в хож­де­нии пе­ред Бо­гом, что по его мо­лит­ве Гос­подь вос­кре­шал умер­ших. Несмот­ря на та­кую вы­со­ту до­стиг­ну­то­го бо­го­по­до­бия, он про­дол­жал со­хра­нять необык­но­вен­ное сми­ре­ние.

В го­ды цар­ство­ва­ния им­пе­ра­то­ра Ва­лен­та ари­а­ни­на (364–378) пре­по­доб­ный Ма­ка­рий Ве­ли­кий вме­сте с пре­по­доб­ным Ма­ка­ри­ем Алек­сан­дрий­ским под­верг­ся пре­сле­до­ва­нию со сто­ро­ны ари­ан­ско­го епи­ско­па Лу­ки. Обо­их стар­цев схва­ти­ли и, по­са­див на ко­рабль, от­вез­ли на пу­стын­ный ост­ров, где жи­ли языч­ни­ки. Там, по мо­лит­вам свя­тых, по­лу­чи­ла ис­це­ле­ние дочь жре­ца, по­сле че­го сам жрец и все жи­те­ли ост­ро­ва при­ня­ли Свя­тое Кре­ще­ние. Узнав о слу­чив­шем­ся, ари­ан­ский епи­скоп усты­дил­ся и раз­ре­шил стар­цам воз­вра­тить­ся в свои пу­сты­ни. Кро­тость, сми­ре­ние и ми­ло­сер­дие пре­по­доб­но­го пре­об­ра­жа­ли ду­ши че­ло­ве­че­ские. 60 лет про­вел св. Ма­ка­рий в мерт­вой для ми­ра пу­стыне. Бо­лее все­го вре­ме­ни пре­по­доб­ный про­во­дил в бе­се­де с Бо­гом, ча­сто пре­бы­вая в со­сто­я­нии ду­хов­но­го вос­хи­ще­ния. Свой обиль­ный по­движ­ни­че­ский опыт ав­ва пре­тво­рил в глу­бо­кие бо­го­слов­ские тво­ре­ния. 50 бе­сед и 7 по­движ­ни­че­ских слов оста­лись дра­го­цен­ным на­сле­ди­ем ду­хов­ной муд­ро­сти пре­по­доб­но­го Ма­ка­рия Ве­ли­ко­го. Выс­шее бла­го и цель че­ло­ве­ка – со­еди­не­ние душ с Бо­гом, – ос­нов­ная мысль в тво­ре­ни­ях пре­по­доб­но­го Ма­ка­рия.

Пре­по­доб­ный до­жил до 97 лет, неза­дол­го до кон­чи­ны († ок. 390-391) ему яви­лись пре­по­доб­ные Ан­то­ний и Па­хо­мий, со­об­щив­шие ра­дост­ную весть о близ­ким пе­ре­хо­де его в бла­жен­ные небес­ные оби­те­ли. Пре­по­доб­ный на­чал при­го­тав­ли­вать­ся к сво­ей смер­ти. Через де­вять дней пре­по­доб­но­му Ма­ка­рию явил­ся Хе­ру­вим со мно­же­ством Ан­ге­лов. Ко­гда свя­тая ду­ша пре­по­доб­но­го Ма­ка­рия бы­ла взя­та Хе­ру­ви­мом и воз­нес­лась им на небо, неко­то­рые из от­цов мыс­лен­ны­ми оча­ми ви­де­ли, что воз­душ­ные бе­сы в от­да­ле­нии сто­я­ли и во­пи­ли, что из­бе­жал их св. Ма­ка­рий.

См. так­же: "Жи­тие пре­по­доб­но­го от­ца на­ше­го Ма­ка­рия Еги­пет­ско­го" в из­ло­же­нии свт. Ди­мит­рия Ро­стов­ско­го.