Канон святому пророку Осии

Припев: Святы́й прорóче Оси́е, моли́ Бо́га о на́с.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 30 октября (17 октября ст. ст.)

Глас 1.

Пе́снь 1.

Ирмо́с: Помо́гшему Бо́гу во Еги́пте Моисе́ови и те́м фарао́на со всево́инством погрузи́вшему, побе́дную пе́снь пои́м, я́ко просла́вися.

Я́ко богоглаго́льник вои́стинну, я́ко проро́к, Оси́е, Жизнода́телю предстоя́, приле́жно моли́ся изба́вити искуше́ний ве́рно восхваля́ющия тя́.

Твоея́ души́ ви́дительное очи́стив от скве́рн, сподо́бился еси́ прозира́ти све́тло бу́дущая и предглаго́лати нело́жно, сла́вне, сбыва́ющаяся.

Прозре́ния исто́чник му́дрость Бо́жия боговеща́ннаго Оси́ю проро́чества показа́ реку́ неоску́дну, кипя́щу боже́ственная уче́ния.

Богоро́дичен: Я́вльшагося Христа́ от Де́вы на́с ра́ди от Еги́пта явле́нно Оте́ц призва́, я́коже прорече́ Оси́я дре́вле богови́дительнейший.

Пе́снь 3.

Ирмо́с: Утверди́ мене́, Христе́, на недви́жимом ка́мени за́поведей Твои́х и просвети́ мя све́том лица́ Твоего́: не́сть бо свя́т па́че Тебе́, Человеколю́бче.

Уче́нием боголе́пным науче́н Бо́жия изъявле́ния, язы́ков зва́ние я́ве провозгласи́л еси́, проро́че, Ду́хом Святы́м вообража́емь.

Бу́дущая предзре́ти я́ко настоя́щая, богому́дре, сподо́бился еси́, иуде́йское я́сно отпаде́ние возвеща́я и зако́нных потребле́ние.

Изба́витися Изра́илю не бра́нию, ни лу́ком, ни всеору́жием, но в Го́споде Бо́зе Вседержи́тели проре́кл еси́, воплоще́ние Сло́ва зна́менуя на́м.

Богоро́дичен: Ра́дуйся, Де́во Честна́я, заче́ншая Сло́во Воплоще́нное, Свое́ю ны́ изба́вльшаго от ле́сти кро́вию свято́ю и те́лом.

Седа́лен, гла́с 8.

Чи́сто се́рдце от страсте́й, проро́че, стяжа́в, я́ко и́стинно орга́н бы́л еси́ сли́чный Ду́ха, от Него́ бога́тно, му́дре, просвеща́емь, и бу́дущих все́х зна́ние прии́м. Те́м, соше́дшеся, святу́ю твою́ па́мять ве́рно соверша́ем, Спа́са сла́вяще, Оси́е приснопа́мятне: моли́ Христа́ Бо́га грехо́в оставле́ние пода́ти чту́щим любо́вию святу́ю па́мять твою́.

Богоро́дичен: И́же на престо́ле херуви́мстем седя́й и в не́дрех О́тчих водворя́яся, я́ко на престо́ле святе́м седи́т Свое́м, Влады́чице, в не́дрех Твои́х; вопло́щся бо Бо́г вои́стинну, воцари́ся над все́ми язы́ки, и разу́мно ны́не пои́м Ему́, Его́же умоли́ спасти́ся рабо́м Твои́м.

Крестобогоро́дичен: Из Безнача́льнаго Отца́ рожде́ннаго, напосле́док Тя́ пло́тию Ро́ждшая, на Кресте́ ви́сяща, зря́щи, Христе́, — увы́ Мне́, любе́знейший Иису́се, — вопия́ше, — ка́ко сла́вимый я́ко Бо́г от а́нгел, от беззако́нных ны́не челове́к, Сы́не, хотя́ распина́ешися? Пою́ Тя, долготерпели́ве.

Пе́снь 4.

Ирмо́с: Разуме́х, Всеси́льне, Твое́ смотре́ние и со стра́хом просла́вих Тя́, Спа́се.

Оси́е, богови́днейшее о́ко церко́вное, бе́д изба́ви хва́лящия тя́.

Светле́йшее и тверде́йшее Ду́ха прия́телище, моли́ся спасти́ воспева́ющия тя́.

Судии́ ты́ все́х предстоя́, я́ко боже́ствен проро́к, страсте́й мя́ изба́ви моли́твами твои́ми.

Богоро́дичен: Превозшла́ еси́, Присноде́во, а́нгельския чи́ны, Творца́ си́х чревоноси́вши.

Пе́снь 5.

Ирмо́с: От но́щи у́тренююще, воспева́ем Тя́, Христе́ Бо́же, обнища́вшаго на́с ра́ди, и кре́ст и сме́рть пло́тию претерпе́вшаго.

Ми́лостивно дви́жимь, научи́л еси́ на́с Бо́жию долготерпе́нию, благоутро́бию же и бла́гости, е́юже вся́ щади́т, проро́че богоглаго́ливе.

Умертви́в сме́рть, воста́ Христо́с, я́коже му́дрое твое́ прорече́ние, богогла́се, провозвести́, и жи́знь су́щим во а́де душа́м дарова́.

От глубины́ мя́ грехо́вныя, проро́че Оси́е, твои́ми моли́твами исхи́ти, дерзнове́ние беззазо́рное ко Христу́ име́я, богому́дре пребога́те.

Богоро́дичен: Все́х Госпо́дь и все́х Ца́рь, Отцу́ Собезнача́льный, под ле́том из Тебе́ бы́сть, Богоро́дице Де́во, и пло́ть показа́ся.

Пе́снь 6.

Ирмо́с: Проро́ка спа́сл еси́ от ки́та, Человеколю́бче, и мене́ из глубины́ прегреше́ний возведи́, молю́ся.

Провозглаша́я бу́дущая, Оси́е всеблаже́нне, е́же к челове́ком Сло́ва возвести́л еси́ соше́ствие.

Умерщвле́нныя греха́ми, Жи́знь Безсме́ртная, от а́довых преде́л, я́коже проре́кл еси́, возведе́.

Зако́нных отъя́тие, иуде́ев отпаде́ние и язы́ков введе́ние, проро́че, яви́л еси́.

Богоро́дичен: Из чре́ва Твоего́ возсия́ Бо́г Сло́во, Всенепоро́чная, пло́тию на́с ра́ди неизрече́нно обло́жся я́ко Благоутро́бен.

Пе́снь 7.

Ирмо́с: Авраа́мстии о́троцы в пещи́ Тро́ицу прообрази́вше, о́гненный пла́мень на ро́су преложи́ша, и пою́ще, вопия́ху: благослове́н еси́, Бо́же оте́ц на́ших.

Па́че естества́ просвеще́нием, Оси́е, у́м просвети́в тво́й, бу́дущих, блаже́нне, зна́нием обогати́лся еси́, Влады́це зовы́й: благослове́н еси́, Бо́же оте́ц на́ших.

Ты́ в рука́х проро́ков уподо́бився, умно́жил еси́, Безсме́ртне, виде́ния, Спа́се, разли́чно образу́емь, Тебе́ ве́рно вопию́щим: благослове́н еси́, Бо́же оте́ц на́ших.

Изра́илев ты́ исто́чник, спасе́ния пролива́ющий во́ды, реку́ ми́рную — Христа́ пропове́дая, Оси́е, Ему́же вопие́м: благослове́н еси́, Бо́же оте́ц на́ших.

Богоро́дичен: Из Безнача́льнаго Отца́ возсия́в, из Тебе́ воплоти́ся, Богома́ти Отрокови́це, за ми́лость неизрече́нную, Ему́же пою́ще, вопие́м: благослове́н еси́, Бо́же оте́ц на́ших.

Пе́снь 8.

Ирмо́с: В пла́мени о́гненне горя́щия пе́щи сохра́ншаго де́ти, и во зра́це а́нгела снизше́дшаго к ни́м, по́йте Го́спода и превозноси́те Его́ во ве́ки.

Па́че постиже́ния проро́ком да́нная от Боже́ственнаго да́ра предзна́тельное де́йство и бу́дущих зна́ние, пе́ти Го́спода и превозноша́ти Его́ во ве́ки.

Уста́ богодохнове́нная стяжа́в и язы́к богоглаго́лив, Оси́е, богоче́стия све́т просвеща́ющь пое́ши: по́йте Го́спода и превозноси́те Его́ во ве́ки.

Словесы́ и дея́ньми проро́чествуя, облича́еши лю́ди блу́дствовавшия, обра́зно, пребога́те, науча́я пе́ти: по́йте Го́спода и превозноси́те Его́ во ве́ки.

Богоро́дичен: Соприсносу́щное Бо́жие Бо́г Сло́во, от Святы́я Де́вы вопло́щся, яви́ся ве́рою вопию́щим: по́йте Го́спода и превозноси́те Его́ во ве́ки.

Пе́снь 9.

Ирмо́с: Ра́дуйся, де́вственная похвало́, ра́дуйся, Ма́ти Пречи́стая, Ю́же вся́ тва́рь боже́ственными пе́сньми велича́ем.

Че́сть, я́ко проро́к, прия́л еси́, Оси́е, прие́м вене́ц благоле́пия от Бо́га, всеблаже́нне.

Все́м све́том озаря́емь Христо́вым всеизря́дне, да́ждь твои́ми моли́твами Сего́ ми́лостива пою́щим тя́.

Хвала́ми с чи́нми а́нгельскими, Оси́е, предстои́ши, Влады́ку хваля́, пожи́в житие́ равноа́нгельное.

Богоро́дичен: Спасти́ восхоте́в челове́ка Спа́с и Госпо́дь, от Пречи́стыя Де́вы в пло́ть на́шу оде́яся.

Пѣ́снь а҃.

І҆рмо́съ: Помо́гшемꙋ бг҃ꙋ во є҆гѵ́птѣ мѡѷсе́ови, и҆ тѣ́мъ фараѡ́на со всево́инствомъ погрꙋзи́вшемꙋ, побѣ́днꙋю пѣ́снь пои́мъ: ꙗ҆́кѡ просла́висѧ.

Ꙗ҆́кѡ бг҃оглаго́льникъ вои́стиннꙋ, ꙗ҆́кѡ прⷪ҇ро́къ, ѡ҆сі́е, жизнода́телю предстоѧ̀, прилѣ́жнѡ моли́сѧ, и҆зба́вити и҆скꙋше́нїй вѣ́рнѡ восхвалѧ́ющыѧ тѧ̀.

Твоеѧ̀ дꙋшѝ ви́дительное ѡ҆чи́стивъ ѿ скве́рнъ, сподо́билсѧ є҆сѝ прозира́ти свѣ́тлѡ бꙋ̑дꙋщаѧ: и҆ предглаго́лати нело́жнѡ, сла́вне, сбыва̑ющаѧсѧ.

Прозрѣ́нїѧ и҆сто́чникъ, мꙋ́дрость бж҃їѧ, бг҃овѣща́ннаго ѡ҆сі́ю, прⷪ҇ро́чества показа̀ рѣкꙋ̀ неѡскꙋ́днꙋ, кипѧ́щꙋ бжⷭ҇твєннаѧ ᲂу҆чє́нїѧ.

Бг҃оро́диченъ: Ꙗ҆́вльшагосѧ хрⷭ҇та̀ ѿ дв҃ы на́съ ра́ди, ѿ є҆гѵ́пта ꙗ҆вле́ннѡ ѻ҆ц҃ъ призва̀, ꙗ҆́коже проречѐ ѡ҆сі́а дре́вле бг҃ови́дительнѣйшїй.

Пѣ́снь г҃.

І҆рмо́съ: Оу҆твердѝ менѐ, хрⷭ҇тѐ, на недви́жимомъ ка́мени за́повѣдей твои́хъ, и҆ просвѣти́ мѧ свѣ́томъ лица̀ твоегѡ̀: нѣ́сть бо свѧ́тъ па́че тебє̀, чл҃вѣколю́бче.

Оу҆че́нїемъ бг҃олѣ́пнымъ наꙋче́нъ бж҃їѧ и҆з̾ѧвле́нїѧ, ꙗ҆зы́кѡвъ зва́нїе ꙗ҆́вѣ провозгласи́лъ є҆сѝ, прⷪ҇ро́че, дх҃омъ ст҃ы́мъ воѡбража́емь.

Бꙋ̑дꙋщаѧ предзрѣ́ти ꙗ҆́кѡ настоѧ̑щаѧ, бг҃омꙋ́дре, сподо́билсѧ є҆сѝ, і҆ꙋде́йское ꙗ҆́снѡ ѿпаде́нїе возвѣща́ѧ, и҆ зако́нныхъ потребле́нїе.

И҆зба́витисѧ і҆и҃лю, не бра́нїю, ни лꙋ́комъ, ни всеѻрꙋ́жїемъ, но въ гдⷭ҇ѣ бз҃ѣ вседержи́тели, проре́клъ є҆сѝ, воплоще́нїе сло́ва зна́менꙋѧ на́мъ.

Бг҃оро́диченъ: Ра́дꙋйсѧ, дв҃о чⷭ҇тна́ѧ, заче́ншаѧ сло́во воплоще́ное, свое́ю ны̀ и҆зба́вльшаго ѿ ле́сти кро́вїю ст҃о́ю и҆ тѣ́ломъ.

Сѣда́ленъ, гла́съ и҃.

Чи́сто се́рдце ѿ страсте́й, прⷪ҇ро́че, стѧжа́въ, ꙗ҆́кѡ и҆́стиннѡ ѻ҆рга́нъ бы́лъ є҆сѝ сли́чный дх҃а, ѿ негѡ̀ бога́тнѡ, мꙋ́дре, просвѣща́емь, и҆ бꙋ́дꙋщихъ всѣ́хъ зна́нїе прїи́мъ. тѣ́мъ соше́дшесѧ свѧтꙋ́ю твою̀ па́мѧть вѣ́рнѡ соверша́емъ. сп҃са сла́вѧще, ѡ҆сі́е приснопа́мѧтне: молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть твою̀.

Бг҃оро́диченъ: И҆́же на прⷭ҇то́лѣ херꙋві́мстѣмъ сѣдѧ́й, и҆ въ нѣ́дрѣхъ ѻ҆́ч҃ихъ водворѧ́ѧсѧ, ꙗ҆́кѡ на прⷭ҇то́лѣ ст҃ѣ́мъ сѣди́тъ свое́мъ, влⷣчце, въ нѣ́дрѣхъ твои́хъ: вопло́щсѧ бо бг҃ъ вои́стиннꙋ, воцр҃и́сѧ надъ всѣ́ми ꙗ҆зы́ки, и҆ разꙋ́мнѡ ны́нѣ пои́мъ є҆мꙋ̀: є҆го́же ᲂу҆молѝ спасти́сѧ рабѡ́мъ твои̑мъ.

Крⷭ҇тобг҃оро́диченъ: И҆зъ безнача́льнагѡ ѻ҆ц҃а̀ рожде́ннаго, напослѣ́докъ тѧ̀ пло́тїю ро́ждшаѧ, на крⷭ҇тѣ̀ ви́сѧща зрѧ́щи, хрⷭ҇тѐ, ᲂу҆вы̀ мнѣ̀, любе́знѣйшїй і҆и҃се, вопїѧ́ше: ка́кѡ сла́вимый ꙗ҆́кѡ бг҃ъ ѿ а҆́гг҃лъ, ѿ беззако́нныхъ ны́нѣ человѣ̑къ, сн҃е, хотѧ̀ распина́ешисѧ; пою́ тѧ, долготерпѣли́ве.

Пѣ́снь д҃.

І҆рмо́съ: Разꙋмѣ́хъ, всеси́льне, твоѐ смотре́нїе, и҆ со стра́хомъ просла́вихъ тѧ̀, сп҃се.

Ѡ҆сі́е, бг҃ови́днѣйшее ѻ҆́ко цр҃ко́вное, бѣ́дъ и҆зба́ви хва́лѧщыѧ тѧ̀.

Свѣтлѣ́йшее и҆ твердѣ́йшее дх҃а прїѧ́телище, моли́сѧ спастѝ воспѣва́ющыѧ тѧ̀.

Сꙋдїѝ ты̀ всѣ́хъ предстоѧ̀, ꙗ҆́кѡ бжⷭ҇твенъ прⷪ҇ро́къ, страсте́й мѧ̀ и҆зба́ви моли́твами твои́ми.

Бг҃оро́диченъ: Превозшла̀ є҆сѝ, приснодв҃о, а҆́гг҃льскїѧ чи́ны, творца̀ си́хъ чревоноси́вши.

Пѣ́снь є҃.

І҆рмо́съ: Ѿ но́щи ᲂу҆́тренююще, воспѣва́емъ тѧ̀, хрⷭ҇тѐ бж҃е, ѡ҆бнища́вшаго на́съ ра́ди, и҆ крⷭ҇тъ и҆ сме́рть пло́тїю претерпѣ́вшаго.

Ми́лостивнѡ дви́жимь, наꙋчи́лъ є҆сѝ на́съ бж҃їю долготерпѣ́нїю, благоꙋтро́бїю же и҆ бл҃гости, є҆́юже всѧ̑ щади́тъ, прⷪ҇ро́че бг҃оглаго́ливе.

Оу҆мертви́въ сме́рть воста̀ хрⷭ҇то́съ, ꙗ҆́коже мꙋ́дрое твоѐ прорече́нїе, бг҃огла́се, провозвѣстѝ, и҆ жи́знь сꙋ́щымъ во а҆́дѣ дꙋша́мъ дарова̀.

Ѿ глꙋбины̀ мѧ̀ грѣхо́вныѧ, прⷪ҇ро́че ѡ҆сі́е, твои́ми моли́твами и҆схи́ти, дерзнове́нїе беззазо́рное ко хрⷭ҇тꙋ̀ и҆мѣ́ѧ, бг҃омꙋ́дре пребога́те.

Бг҃оро́диченъ: Всѣ́хъ гдⷭ҇ь, и҆ всѣ́хъ цр҃ь, ѻ҆ц҃ꙋ̀ собезнача́льный, подъ лѣ́томъ и҆зъ тебє̀ бы́сть, бцⷣе дв҃о, и҆ пло́ть показа́сѧ.

Пѣ́снь ѕ҃.

І҆рмо́съ: Прⷪ҇ро́ка спа́слъ є҆сѝ ѿ ки́та, чл҃вѣколю́бче, и҆ менѐ и҆зъ глꙋбины̀ прегрѣше́нїй возведѝ, молю́сѧ.

Провозглаша́ѧ бꙋ̑дꙋщаѧ, ѡ҆сі́е всебл҃же́нне, є҆́же къ человѣ́кѡмъ сло́ва возвѣсти́лъ є҆сѝ соше́ствїе.

Оу҆мерщвлє́нныѧ грѣха́ми, жи́знь безсме́ртнаѧ, ѿ а҆́довыхъ предѣ̑лъ, ꙗ҆́коже проре́клъ є҆сѝ, возведѐ.

Зако́нныхъ ѿѧ́тїе, і҆ꙋде́євъ ѿпаде́нїе, и҆ ꙗ҆зы́кѡвъ введе́нїе, прⷪ҇ро́че, ꙗ҆ви́лъ є҆сѝ.

Бг҃оро́диченъ: И҆зъ чре́ва твоегѡ̀ возсїѧ̀ бг҃ъ сло́во, всенепоро́чнаѧ, пло́тїю на́съ ра́ди неизрече́ннѡ ѡ҆бло́жсѧ ꙗ҆́кѡ бл҃гоꙋтро́бенъ.

Пѣ́снь з҃.

І҆рмо́съ: А҆враа́мстїи ѻ҆́троцы въ пещѝ трⷪ҇цꙋ проѡбрази́вше, ѻ҆́гненный пла́мень на ро́сꙋ преложи́ша, и҆ пою́ще вопїѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ.

Па́че є҆стества̀ просвѣще́нїемъ, ѡ҆сі́е, ᲂу҆́мъ просвѣти́въ тво́й, бꙋ́дꙋщихъ, бл҃же́нне, зна́нїемъ ѡ҆богати́лсѧ є҆сѝ, влⷣцѣ зовы́й: бл҃гослове́нъ є҆сѝ бж҃е ѻ҆тє́цъ на́шихъ.

Ты̀ въ рꙋка́хъ прⷪ҇ро́кѡвъ ᲂу҆подо́бивсѧ, ᲂу҆мно́жилъ є҆сѝ, безсме́ртне, видѣ̑нїѧ, сп҃се, разли́чнѡ ѡ҆бразꙋ́емь тебѣ̀ вѣ́рнѡ вопїю́щымъ: бл҃гослове́нъ є҆сѝ бж҃е ѻ҆тє́цъ на́шихъ.

І҆и҃левъ ты̀ и҆сто́чникъ, спасе́нїѧ пролива́ющїй во́ды, рѣкꙋ̀ ми́рнꙋю хрⷭ҇та̀ проповѣ́даѧ, ѡ҆сі́е, є҆мꙋ́же вопїе́мъ: бл҃гослове́нъ є҆сѝ бж҃е ѻ҆тє́цъ на́шихъ.

Бг҃оро́диченъ: И҆зъ безнача́льнагѡ ѻ҆ц҃а̀ возсїѧ́въ, и҆зъ тебє̀ воплоти́сѧ, бг҃ома́ти ѻ҆трокови́це, за ми́лость неизрече́ннꙋю, є҆мꙋ́же пою́ще, вопїе́мъ: бл҃гослове́нъ є҆сѝ бж҃е ѻ҆тє́цъ на́шихъ.

Пѣ́снь и҃.

І҆рмо́съ: Въ пла́мени ѻ҆́гненнѣ горѧ́щїѧ пе́щи сохра́ншаго дѣ́ти, и҆ во зра́цѣ а҆́гг҃ла снизше́дшаго къ ни̑мъ, по́йте гдⷭ҇а, и҆ превозноси́те є҆го̀ во вѣ́ки.

Па́че постиже́нїѧ прⷪ҇ро́кѡмъ да́ннаѧ ѿ бжⷭ҇твеннагѡ да́ра предзна́тельное дѣ́йство, и҆ бꙋ́дꙋщихъ зна́нїе, пѣ́ти гдⷭ҇а, и҆ превозноша́ти є҆го̀ во вѣ́ки.

Оу҆ста̀ бг҃одохновє́ннаѧ стѧжа́въ, и҆ ѧ҆зы́къ бг҃оглаго́ливъ, ѡ҆сі́е, бг҃оче́стїѧ свѣ́тъ просвѣща́ющь пое́ши: по́йте гдⷭ҇а, и҆ превозноси́те є҆го̀ во вѣ́ки.

Словесы̀ и҆ дѣѧ́ньми прⷪ҇ро́чествꙋѧ, ѡ҆блича́еши лю́ди блꙋ́дствовавшыѧ, ѡ҆бра́знѡ, пребога́те, наꙋча́ѧ пѣ́ти: по́йте гдⷭ҇а, и҆ превозноси́те є҆го̀ во вѣ́ки.

Бг҃оро́диченъ: Соприсносꙋ́щное бж҃їе бг҃ъ сло́во ѿ ст҃ы́ѧ дв҃ы вопло́щсѧ ꙗ҆ви́сѧ, вѣ́рою вопїю́щымъ: по́йте гдⷭ҇а, и҆ превозноси́те є҆го̀ во вѣ́ки.

Пѣ́снь ѳ҃.

І҆рмо́съ: Ра́дꙋйсѧ, дѣ́вственнаѧ похвало̀, ра́дꙋйсѧ, мт҃и пречⷭ҇таѧ, ю҆́же всѧ̀ тва́рь бжⷭ҇твенными пѣ́сньми велича́емъ.

Че́сть ꙗ҆́кѡ прⷪ҇ро́къ, прїѧ́лъ є҆сѝ, ѡ҆сі́е, прїе́мъ вѣне́цъ благолѣ́пїѧ ѿ бг҃а, всеблаже́нне.

Всѣ́мъ свѣ́томъ ѡ҆зарѧ́емь хрⷭ҇то́вымъ всеизрѧ́дне, да́ждь твои́ми моли́твами, сего̀ ми́лостива пою́щымъ тѧ̀.

Хвала́ми съ чи́нми а҆́гг҃льскими, ѡ҆сі́е, предстои́ши влⷣкꙋ хвалѧ̀, пожи́въ житїѐ равноа́гг҃льное.

Бг҃оро́диченъ: Спастѝ восхотѣ́въ человѣ́ка сп҃съ и҆ гдⷭ҇ь, ѿ пречⷭ҇тыѧ дв҃ы въ пло́ть на́шꙋ ѡ҆дѣ́ѧсѧ.

Крат­кое жи­тие про­ро­ка Осии

Свя­той про­рок Осия про­ис­хо­дил из ко­ле­на Ис­са­ха­ро­ва. Он жил в VIII в. (не позднее 722 г.) до Рож­де­ства Хри­сто­ва в цар­стве Из­ра­иль­ском и был совре­мен­ни­ком свя­тых про­ро­ков Ис­а­ии, Ми­хея и Амо­са. В то вре­мя мно­гие его со­пле­мен­ни­ки, за­быв Ис­тин­но­го Бо­га, по­кло­ня­лись идо­лам. Свя­той про­рок Осия сво­и­ми муд­ры­ми на­став­ле­ни­я­ми вновь об­ра­щал их к древ­не­му бла­го­че­стию. Об­ли­чая без­за­ко­ния жи­те­лей Из­ра­и­ля, про­рок воз­ве­щал им ве­ли­кие бед­ствия от ино­пле­мен­ни­ков и пе­ре­се­ле­ние в плен ас­си­рий­ский. По­чти за ты­ся­чу лет до при­ше­ствия Спа­си­те­ля свя­той про­рок по на­и­тию Свя­то­го Ду­ха пред­ска­зал, что пре­кра­тит­ся вет­хо­за­вет­ное жерт­во­при­но­ше­ние и не бу­дет Ааро­но­ва свя­щен­ства (Ос.3:5) и что по всей зем­ле рас­про­стра­нит­ся ис­тин­ное Бо­го­по­зна­ние (Ос.2:20). Го­во­рил Осия и о Хри­сте, что Он воз­вра­тит­ся из Егип­та (Ос.11:1; срав­ни Мф.2:15), три­днев­но вос­креснет (Ос.6; срав­ни 1Кор.15:4) и по­бе­дит смерть (Ос.13:14; срав­ни 1Кор.15:54-55). Про­ро­че­ства свя­то­го Осии вклю­че­ны в чис­ло книг Свя­щен­но­го Пи­са­ния. Про­ро­че­ское слу­же­ние свя­то­го Осии про­дол­жа­лось бо­лее 60 лет. В глу­бо­кой ста­ро­сти скон­чал­ся Бо­го­дух­но­вен­ный про­рок, всю свою жизнь по­свя­тив­ший ис­пол­не­нию во­ли Бо­жи­ей.

Пол­ное жи­тие про­ро­ка Осии

Свя­той про­рок Осия, сын Бе­е­ри­ин, про­ис­хо­дил из ко­ле­на Ис­са­ха­ро­ва[1]. В то вре­мя мно­гие из лю­дей Из­ра­иле­вых от­сту­пи­ли от ис­тин­но­го Бо­га и, за­быв Его бла­го­де­я­ния и чу­де­са, по­кло­ня­лись идо­лам. Но Осия, бу­дучи че­ло­ве­ком Бо­го­бо­яз­нен­ным, слу­жил Еди­но­му ис­тин­но­му Бо­гу, со­тво­рив­ше­му небо и зем­лю и из­вед­ше­му ев­ре­ев из Егип­та ру­кою креп­кою. Осия на­став­лял лю­дей, от­пав­ших от ис­ти­ны, и сво­и­ми муд­ры­ми уве­ща­ни­я­ми сно­ва об­ра­щал их к оте­че­ско­му бла­го­че­стию.

По вдох­но­ве­нию от Свя­то­го Ду­ха Осия мно­го про­ро­че­ство­вал об Из­ра­иль­ском на­ро­де. Об­ли­чая без­за­кон­ных жи­те­лей Из­ра­иль­ско­го цар­ства, он пред­ска­зы­вал ему ве­ли­кие бед­ствия от вра­гов, пе­ре­се­ле­ние их в плен ас­си­рий­ский и за­тем об­ра­ще­ние их к Бо­гу[2]. Он пред­ска­зал о рас­про­стра­не­нии ис­тин­но­го Бо­го­по­зна­ния по всей зем­ле (Ос.2:20. Ср. Иер.31:34), пре­кра­ще­нии Ааро­но­ва свя­щен­ства и вет­хо­за­вет­ных жертв (Ос.3:5), а так­же о воз­вра­ще­нии из Егип­та Мла­ден­ца Иису­са[3] и о Его три­днев­ном Вос­кре­се­нии[4], и о по­бе­де над смер­тью[5]. Все эти про­ро­че­ства за­пи­са­ны Оси­ею в его кни­ге, со­сто­я­щей из 14 глав. Как из­ре­чен­ные чрез Свя­то­го Ду­ха, все про­ро­че­ства сии на­хо­дят­ся в чис­ле дру­гих Бо­го­дух­но­вен­ных книг Свя­щен­но­го Пи­са­ния.

Про­рок Осия про­жил мно­го лет[6] и скон­чал­ся в глу­бо­кой ста­ро­сти, за 820 лет до Рож­де­ства Хри­сто­ва, и по­гре­бен мир­но в сво­ей зем­ле.


При­ме­ча­ния

[1] Про­рок Осия жил в цар­стве Из­ра­иль­ском и про­ро­че­ство­вал во дни Осии, Иоафа­ма, Аха­за и Езе­кии, – ца­рей Иудей­ских, и во дни Иеро­воама II-го, ца­ря Из­ра­иль­ско­го (Ос.1:1). Из так на­зы­ва­е­мых ма­лых про­ро­ков его совре­мен­ни­ка­ми бы­ли Ми­хей и Амос; из боль­ших – Ис­а­ия. По ука­за­ни­ям у свв. Еф­ре­ма Си­ри­на, До­ро­фея и Епи­фа­ния, про­рок Осия был ро­дом из Ве­ель­мо­фа, го­ро­да в ко­лене Ис­са­ха­ро­вом.

[2] В про­ро­че­ствах Осии со­дер­жит­ся: 1) об­ли­че­ние совре­мен­но­го нече­стия, идо­ло­по­клон­ства и нрав­ствен­но­го раз­вра­ще­ния, так­же об­ли­че­ние со­ю­зов ев­ре­ев с язы­че­ски­ми на­ро­да­ми в на­деж­де на их си­лу и при­зыв к по­ка­я­нию и ис­прав­ле­нию; 2) угро­зы ас­си­рий­ским пле­ном; 3) уте­ше­ние чрез пред­ска­за­ние об осво­бож­де­нии из пле­на и о на­ступ­ле­нии Цар­ства Мес­сии, ко­то­рое, со­об­раз­но с мла­ден­че­ским со­сто­я­ни­ем на­ро­да, изо­бра­жа­ет­ся под об­ра­зом зем­но­го ве­ли­чия.

[3] Про­ро­че­ство о воз­вра­ще­нии Мес­сии из Егип­та на­хо­дит­ся в 11 гл. кни­ги про­ро­ка Осии. Пе­ре­чис­ляя ми­ло­сти Свои ев­ре­ям, Гос­подь го­во­рит: "Из Егип­та вы­звал Сы­на Мо­е­го" (Ос.11:1). На это имен­но ме­сто ука­зы­ва­ет еван­ге­лист Мат­фей, ко­гда го­во­рит: "да сбу­дет­ся ре­чен­ное Гос­по­дом через про­ро­ка, ко­то­рый го­во­рит: из Егип­та воз­звал Я Сы­на Мо­е­го" (Мф.2:16). Как во­об­ще ев­рей­ский на­род был про­об­ра­зом Мес­сии, так и част­ные со­бы­тия из жиз­ни на­ро­да име­ли про­об­ра­зо­ва­тель­ное мес­си­ан­ское зна­че­ние. Евреи по­се­ли­лись в Егип­те, спа­са­ясь от го­ло­да при Иа­ко­ве. Ко­гда же эта опас­ность ми­но­ва­ла, евреи вы­ве­де­ны бы­ли от­ту­да Бо­гом для осу­ществ­ле­ния сво­е­го на­зна­че­ния в Па­ле­стине. Так и Мес­сия-Хри­стос уда­лил­ся, по опре­де­ле­нию Бо­жию, в Еги­пет, спа­са­ясь от зло­бы Иро­да. Ко­гда же опас­ность ми­но­ва­ла, по смер­ти Иро­да, Мес­сия вы­зван был Бо­гом из Егип­та в Па­ле­сти­ну, для ис­пол­не­ния здесь Сво­е­го на­зна­че­ния.

[4] Про­ро­че­ство о три­днев­ном вос­кре­се­нии Мес­сии со­дер­жит­ся в 6-й гла­ве кн. прор. Осии. В 1-м по­сла­нии к Ко­рин­фя­нам апост. Па­вел от­но­сит сие про­ро­че­ство к вос­крес­ше­му Хри­сту, ко­гда го­во­рит, что Хри­стос "вос­крес в тре­тий день, по Пи­са­нию" (1Кор.15:4).

[5] В Ос.13:14 у про­ро­ка про­во­дит­ся мысль (в фор­ме во­про­са) о бес­си­лии ада пред Бо­гом: "От вла­сти ада Я ис­куп­лю их, от смер­ти из­бав­лю их. Смерть! где твое жа­ло? ад! где твоя по­бе­да?" Апо­стол Па­вел го­во­рит: "Ко­гда же тлен­ное сие об­ле­чет­ся в нетле­ние и смерт­ное сие об­ле­чет­ся в бес­смер­тие, то­гда сбу­дет­ся сло­во на­пи­сан­ное: по­гло­ще­на смерть по­бе­дою. Смерть! где твое жа­ло? ад! где твоя по­бе­да?" (1Кор.15:54-55). Та­ким об­ра­зом, ис­пол­не­ние про­ро­че­ства апо­стол от­но­сит к окон­ча­тель­но­му тор­же­ству над смер­тью в день все­об­ще­го вос­кре­се­ния мерт­вых.

[6] Про­ро­че­ское слу­же­ние Осии про­дол­жа­лось бо­лее 60 лет.